تجمع حوامل العراق واتمنى اكو احد موجود

[توتايه]

ام تمار حبيبتي لتخافين اني لان سمينه صار عندي تمزق ومصار عندي توسع ومع العلم الخياط هوايه وكدرت اكوم واكعد بس على كيف حتى جنت اطوي رجلي جوايه واكعد بس اني اكولج العكده مال الخيط مكروهه لان تجك بس كلش عادي ولتخافين
وباعي من تطلعين تشترين روحي على اهل الاعشاب كوليلهم اريد شنان هذا تفوريه وتصفيه وتسويه دافي وتكعدين بيه يسرع بوكعة الخيوط وهم سبحي بيه لان يشد العظام اني سويت الشنان وخلال 8 ايام وكعن الخيوط

ميوسه عمري الله يكومج بالسلامه حبيبتي وهم اتبعي طريقة الشنان وربي يسهل عليكم وتجيبون كلكم طبيعي

زوجي وين هالغيبه حبحب يلا ميخالف حبيبتي والله يرهم بس لوماخذه وردي ونفانيف وطلع ولد جان خطيه راحت عليه احمدي الله واشكريه ولبسيها سمائي فدوه لايدها

والله امونه الحمدلله حبحب بس يوسف دمرني راح اوديه للدكتور باجر اشوف شبيه خبلني بس يبجي

يلا اروح اشوف الصفحات وارجعلكم

[توتايه]

ام تموره حبيبتي كبل كم يوم حطيت صوره يوسف ويه فراشه الي تقصدين عليه انتي هوه كلش زين واذا تجهزين كامل كلش يفيدج لان بعدين يصير ابو نفر

بس المشكله متكدرين تلزكيه بفراشج لان جبير ومتكدرين تكومين وتكعدين اذا تردين اخذيه واخذي كريوت مثل الي بصورة يوسف هسه اخذته ب50 الف وين ما اروح اخذه ويايه لان بيه جروخ

[توتايه]

وينكم بنات

حلاوي يمكن بالعسل بالي يمها

[أم أيهومي]

هلو بنات شلونكم اسفه طولت عليكم بس اعذروني
لانه جبت ايهووووووووووووووووووووووووووووووووووووووومي بعمليه ووضعي كلش صعب هسه كوه اكتب الكم
الحمد لله ايهم بخير واني تعبانه كلش
سويت العمليه الجمعه بالليل الساعه 12 منتصف الليل
ومن اصير زينه ارجع احجيلكم القصه..بوساتي وبوسات ايهومي الكم

[توتايه]

قربانه لايهومي والف الحمدلله على السلامه حياتي وانشاء الله تطيبين بسرعه وين جبتي بيا مستشفى والله بالنا يمج اكو احد يداريج لو لا؟

[kokee]

هلوووووووو بنات
نجوله حمد لله على سلامتج حبيبتي ويتربهبعزكم ان شاء الله
ايوته شخبارج حبي
لولي هم بس يبجي يمكن من سنونه البارحه يوم كامل منام تالي اطيته الرمين ونومته للصبح

[توتايه]

ولج اخاف موزين عليه؟ اني حروح اشوف شبيه مابيه اسويله تجييك واحتمال اشتريله المهدئ الي كالتي عليه الدكتوره من يبجي فدمره يصير انطيهياه

[kokee]

لا عادي اني عمي صيدلاني كال انطيه بس وكت الخاجه هم ينومه وهم ينشف خشمه من النشله

[kokee]

اووووووووووف والله يمللون الحيوان هالجهال

[kokee]

المهم شخبارج وشخبار رجلج خما بعدكم مشاحنات؟
صدك ايوته شكد جان وزنج كبل لا تزوجين يعني بعدين زاد وزنج بسبب الهرمونات؟

[kokee]

هذا لولي من رحت كبل شويه لمحل ابن عمتي اشتريت جم شغله وطكله صوره ههههههههههههه


http://forum.hwaml.com/imgcache2/hwaml.com_1323810940_500.jpg

[توتايه]

والله ياعمري طلع التكييس عندي من جنت بالثالث متوسط بس جنت اضعف روحي وارجع اسمن اني من انخطبت جان وزني 80
بس من اتزوجت جان خربان جسمي ووزني بال90
ومن حبلت وزني جان 116 وبأخر يوم بالتاسع جان 130
وراها هسه وزني 115
قصة عنتر ههههههههههههههههههههههههههههههههههههههههههه

[توتايه]

ههههههههههههههههههههههههههههه صدقه لهالحلك يمخ فديته بوسلياه عليج الله لا اني الزمال مالتي يعبس بالصور

[توتايه]

بربج ششتريتي ؟ مبين خوش شغلات بهالمحل

[kokee]

ههههههههههههههههههههه اني من جنت بلسادس طكيت طكه مو طبيعيه وزني 96 تالي سويت رجيم من نجحت من اول كليه بس شلون رجيم صار وزني 65 بحيث من داومت عبالهم صاير بيه سكر
بعدين رجعت للاكل سمنت بس مداريه روحي
من تزوجت وزني 74 ومن حبلت سمنت اخر شي صار 103 ووره ما جبت هسه 84 ومااااااااااااعندي اراده للرجيم ابد ولا واهس كلت بس اخلص الشته اشترك بنادري قريب علينه لان لعبانه نفسي من جسمي

[kokee]

ولج ليش تحجين على يوسف ها؟
يمعوده هاي صايبته عين اشتريله ام سبع عيون وعلكيهه بملابسه وطكطكيله حرمل واقري المعوذات عليه قابل هوه بيده ويبجي بس هوه ميحجي وكلشي ما تدرين شبي
سوده عليه لا تحجين عليه افتهمتييييييييييي؟
اشتريت شامبو وجواريب خفاف وسوار ذهب برازيلي يخبلن جايب
وجواريب شتويه مال بيت

[kokee]

الوادم تاكل ومتسمن واحنه اللحم الزايد علينه هههههههههههههههه

[kokee]

نعسسسسسسسسسسسسسسسسسست حيل هههههههههههههه
بيش الساعه تفزين الصبح ايوته
؟

[توتايه]

اووووووووووووووف والله حقج حبيبه والشته يسوي واهس للاكل وتره مرات حبوب المانع هم تنفخ

[kokee]

وينجججججججججججججججججججج؟

[توتايه]

والله حبيبتي بيش ما اكعد الغبشيه انزل يوسف لخالتي واني ارجع انام اكعد بال11 خطيه خالتي مبتليه بيه

[kokee]

لا اني بسع اسمن ومن اسوي رجيم بلكووووووووووووه اضعف الا رجيم قاسي يلا ينزل وزني

[توتايه]

الف عافيه عمري اي ولج يخبل الذهب البرازيلي موجوده بس هذا السرسري كعد

[kokee]

يلا نعم الله عليهه
لا اني اذا المره دوام بيش ما اكعد حتى لو ب 11
بس اذا دوامهه ظهري افز ب9 ونص لان تظل تدردم واني مالي خلكهه
ولولي وياي نايم مجلب بصدري بحيث يشلعهن تشلع بليل ههههههههههه

[kokee]

ههههههههههههه حبيبي بوسيلياه
اي يخببببببببل اريد اشتري سوارات بعد

[kokee]

كبد اني فقلت فد مره
راح انام
تصبحين على خير وبوسيلي سوفي

[توتايه]

حياتي ملحكت عليج الافندي سوالي حفله وهسه يلا نام
لا والله خره بجهرتها المره غايبه وملائكتها حاضره اعوفلهياه واني انام لان اتعب بالليل فدمره

اووووووووووي حبيبي فديته

اي يولي اشتري منها رخيصه ومتضوجين اذا تضيع لو يروح لونها اهم شي خليها بعيد عن المي والريحه

[حبيبي]

ام ايهم الحمد الله على سلالامتج والف الف مبررروك الولالاده وقومتج بسلالالامه
وهتمي بصحتج وباايهم ويتربى بعزكم ياارب بوسيه لياااااا




صارلي ساعه اكتب وسئل عنكم وحده وحده ونحذف اووووف ضجت اهئ اهئ



بختصااار اشلللونكم جميعااااااااا

[حبيبي]

ام تمااار الولاده زي العسل بجنن لا تخافين خخخخ
هي الولاده وكتها متعطيج مجال لتفكير والخوف فطمني وخليهاا على الله والجرحه العجان متخوف ومتحسي فيهااا ابدا ولخياط تخدير موضعي وخلصت الشغله والبنوته بحضنج ههههههه






امونه اشلونج وشلون كنتي وشنو اخر طبخه تعلمتهاااا هههههه



ايوته اشلونه يوسف افندي ابنج نفس عفريتي هما هيج نحسين وبس بجي لخذتهم لدكتور يكولي طبيعي ومابيهم شي وطفل يبجي يفضفض عن نفسه ههههه
اذا بجى الطفل يسبح لوالديه خلي ابنج يسبح براحته لربه ههههههه



مي كولي باااي لنوم وراحه بعد اليوممم ههههه واهلا وسهلا بسهررر لصبح انظمي الينا خخخخ
بوسيها وشلون صحتكم اثنينكم





زنوبه مو اكبيره المناظر على علاوي ماكله وجهه كلها هههههههه طالع قمررر بوسيه بشفايفه هههههه
الله يخليه لج وبلعافيه المشتريت
شفت بلمحل فيت خخخ اني استخدمها وتعجبني الزك مو لكريم




باغي البنات اشلونكم وحده وحده ومشتاقه الكم

يارب متنحذف تعبت واني اكتب اهئ اهئ

[روح ملائكيه]

هلووووووووو
شلونكم بنات

مبروووووووووووك نجوله ع الخير عمري وحمدالله ع السلامه ...المهم شوفة ايهومي الورد هههههههههههههه
ننتظر رجعتج حتى تسولفيلنه القصه هههههههههه

[روح ملائكيه]

تعالي ولج ايوته شو تكولين قربانه هههههههههههههههه بس لا طلعتي كرديه ههههههههههههه

هذي اختي وامي يكولوها 24 ساعه للاطفال ههههههههههههه

[روح ملائكيه]

يلا بنات اروح اجه الرجال وعذروني على قلة الدخول والله ماعندي وكت

[قمر بغداد]

هلووووووووو بنات اشتاقيتولي لولاااااا ماكدرت اكعد عالنت جنت ملتهية واللة تدرون ليش؟؟؟؟؟؟؟؟
رحت اول البارحة لدكتورة بشارع فلسطين علمود الحركة جان تسويلي سونار داخلي كالتلي عندج بداية تكيس عالايسر والايمن بويضاتة ناعمة
وضعف بالمبيض واني جان الي 14 يوم من الدورة وكالتلي ماعندج بيضة نازلة ومموجودة والتهابات ماكلكم ضلمتها بوجهي
ضليت ابجي والعالم بالشارع تتفرج عليه فد فضيحة وشكد انقهرت
عاد ثاني يوم وصفولي طبيب بالكرادة اسمة سيمون اوهانيس كلت حتة اتاكد
رحت وسوالي سونار جان يكول مابيج شي والبيضة موجودة وماكو اي تكيس فكلش فرحت
وهذيج الدكتورة سوت نفسها فاهمة براسي وخبلتني
من رجعت لكيت زوجي مسوي تحاليل وسونار
طلع عندة جراحة بالسائل ودوالي ولازم عملية فكلش هم انقهرت لان خطية هو رجال وصعبة يحجي فاادعولي اللة يسهلها علينه ويصير زين وبعدها اللة يرزقنا بطفل بعد هذي الامور الي صارت والهبطة الي اكاتها من هاي الدكتورة شسوت بيه خبلتني

[قمر بغداد]

كولو همزين مااخذت العلاج مالها جان ادمرت
اكلكم زين عملية زوجي خطرة وتأر بعدين عالانجاب لولا ؟؟؟؟؟؟؟

[ام تمار]

شلونكم بنات اخباركم.....
ام ايهومي الف الف مبروك يارب يتربه بعزكم ودلالكم وهاي هلهوله مني
كلللللللوش يارب شوفي عريس وتكومين بالسلامه تسولفينا الفلم الرعب هههههههه قصدي الولاده الف الف مبروك مره اخره فرحتلج ياورد

رضوانيه وينج اخبارج ليش ماكو احد يعرف اخبارها بالي يمها سوت

عيوني توتايه مشكوره الله يخليلج سيوفي يارب يطيج بنوته حلوه ويا سيوفي
اكلج صدك ليش هيجي وزنج اشتركي بنادي رياضي اساليني على النادي
همات تغير جو ونشاط وخسران وزن ترى وزنك هواي زياده زوجك مايشكي لان اني وصل وزني 69 وراه الزواج ودخلت نادي ورجعته لل60 مثل ماكان قبل الزواج هسه ويا الحمل وزني 95 لا ديري بالج
سكر وظغط وبعدك شابه يلا سويلج واهس دخلي نادي اني عندي قائمه للرجيم افيدج بيها اوكي عمري

قمر بغداد حبيبي الله يرزقك بالذريه الصالحه يارب ياكريم همزين مااخذتي دواء الدكتوره لو مابيج تكيس جان صار بيج انتي نفس الي صاربيه
اسمعيني اني همات راجعه للدكتورات هواي بالعراق لاكنت اتابع بالسونار يكلولي بيضه ضعيفه وكنت يطوني منشطات وبعدين سببتلي تكيس بدايه تكيس من سافرت الاهلي للاردن رحت يم طبيب مستشار مستشارين بالطب
هواي فاهم اسمه د. نائل اباظه وكلي بدايه تكيس سوالي تحاليل كامله
وكلي ضعفي نفسج سويت دايت اشتركت بنادي ضعفت 10 كيلوات
اذا كنتي سمينه ابدئي بالرجيم اذا رتي تحبلين واطاني دواء للتكيس
وبعدها حبلت يارب تحبلين قريب وتبشرينا ولاتخافين على زوجك العمليه سريعه والطب طور وعلاج موجود يارب يطيكم على كد تعبكم ونيتكم

mays86 اختي الغاليه يارب الولاده السهله وتكومين بالسلامه

حبيبه ماما حبيبتي مشكوره على الردك الجميل اكيد الولاده الطبيعيه اسهل
بس كل شي بيد ربنا الله كريم الله يحفظ اطفالك يارب

زوجي هو حياتي اختي اني سابقتك 10 ايام اني 30 و3 ايام الله يسهل

كوكي ابنج يخبل جنه كمر الله يحفظه وشوفي عريس يارب المناظر تخبل عليه وانتي ايضا وزنك زايد لازم سوين دايت مثل الاخت توتايه
ادخلي نادي شجعوا واني اساعدكم واشجعكم لان الصحه اهم شي

حبيبي اختي الغاليه مشكوره مثل ماكلتي الولاده زي العسل
دبس اسود هههههههههههههه هيه يوم وتخلص فلم رعب

خواتي اخاف نسيت احد منكم اعذروني لان وكعت ايديه من الكتابه

اني اليوم حاسه مغص بسيط وخايفه الله يستر

سلامي للجميع البنات بالمنتدى

[عذراء الجابري]

ألف ألف مبروك لام ايهم الولادة وان شاء الله يكون من الصالحين وباراً بوالديه

[عذراء الجابري]

http://forum.hwaml.com/imgcache2/hwaml.com_1323882014_287.gif (http://www.iraqup.com/)
هذه خطيبة أيهومي ههههههههههه

[zena]

ام ايهومي حبيتي اللللللللف الففففففففففف مبروك وحمدالله ع سلامتج وسلامت ايهومي وان شاءالله يتربئ بعزكم

[zena]

رحوبه تدللين بس مااعدنه بيتزا هوت بس يمنه مطعم مالت كباب عراقي بس الريحه مالته كافيه مخلصين فلوسنه عليه هههههه واني مشغوله بهلونه ع طول لان مدوختني وابوها صار رقم 2 هههه شخبار عفاريتك

[kokee]

هبه لاتخافين حبيبتي عملية الدوالي كلش بسيطه
اخويه سواها قبل لا يتزوج بفتره ومن تزوج وره 3 اشهر حبلت مرته شلها علاقه بلانجاب
وعلى الدكتورات هواي ميفتهمن اني هم كلتلي تكيس وبيضه زغيره ومدري شنو تالي بنفس الشهر حبلت بدون حتى علاج بفضل الله واهل البيت
الله يكتبلكم توم اطفال يااااااااارب

[zena]

ايه حبيبتي شلونج سلامته لسوفي وهلونه هم مخبلتني ع مود اسنانها وفاكاها بس اني وياها بالبيت وباليل اله يجي ابوها يعني تخيلي التعب

[zena]

اموووووووووونه وكوكي وحلا وام تماره وقموره وام ردونه وام شوق وعذوره شخباركم حبايب

[kokee]

شلوووووونج ام هلونه

[kokee]

حتى لولي هم يبجي كلهه هيج

[zena]

هلو كوكي حبيبتي شلونج لولي شخباره

[zena]

اي عفيه بس اطفالنه نحسين تعالي شوفي السويدين اطفالهم اذا نصعد باص بس اطفال العرب اصيحون وبجي وهذولاك ملائكه ههههههههه

[kokee]

هههههههههههههههههههههههه حتى من رحت للشمال الجهال ساكته عبالك طينه ومحطوطه وابني فاك حلكه ههههههههه

[kokee]

اليوم رحت يم جوارينه بتهه عمرهه 8 اشهر وحامل عليهه ست اشهر امهه ظليت ادك على راسي يمه اني واحد ومحاملته انوب اثنين ههههههههههههه

[توتايه]

والله يازوبه اعتبره خبال هوه واحد ومملحكين

هلو زينه حياتي اي والله دمرني راح استعين بالملهيه بس بالليل من ينام اخليها بحلكه لان مدا انام ابد ولا هوه دينام ديضل متنحس اليوم كله

[توتايه]

لا يولي مهاوي اني مو كرديه بس بينا من بعيد عرق كردي احبها لهالكلمه اموت عليها

ام تموره والله وزني خربطه مال هرمونات وتكيس راجع ودا اضعف روحي حاليا وزوجي ميقبل اشترك بنادي عندي جهاز رياضي بس بالشته ماكو واهس
تسلميلي عمري دخيلج خلي يكبر الافندي واجيب بنتوته الله كريم حبحب

رحوبه حياتي البارحه دا ارد عليج ويوسف كعد وماخلاني

اخبار البنوتات؟

[kokee]

هلو كبدبد ايوت شخبارك كَلب
ما وديته سوفي للطبيب؟

[kokee]

اي والله خبال شيكبرهم هذوله

[kokee]

شكو ماكووو؟

[توتايه]

لا والله حبحب موديته رجع الرجال ميت من التعب وايده تموته ما اعرف شنو سالفتها

[توتايه]

والله ماكو شي روحي طافره لان مدا اشوف ابد بعيوني ورجلي يكدر يدفع تكاليف العمليه ومغلس يريد يشتري سياره

[kokee]

ماعدج وصله ذهب تساهمين بيهه؟

[توتايه]

ميقبل يكولي اني انطيج وسوي العمليه مال عيونج ومن يبدي يجمع بفلوس السياره اكوله وعيوني يكولي ها نسيت اي نشاء الله اسويلجياها وهو يعرف كل تأخير موزين على عيوني
عندي فلوس يم اهلي تكفي العمليه وزايد هم بس قافل ميريد

[توتايه]

المشكله زوبه عمي هم يكولي عيونج اهم من السياره اذا عميتي قابل السياره اهم وكاله لرجلي انطيك مال العمليه ورجلي مقبل يكولي مامستعجلين عليها بعد شسوي متكوليلي؟

[kokee]

اشطلعت هاي متكليلي هسه فلس وما راح تاخذين منه شلون بالله تبقين هيج
والله هاي الزلم تدق الكَلب

[توتايه]

اوووووووووووف اسكتي وخليها لمن رحت سويت الفحوصات يم الدكتور كالي هاي شلون دتباوعين بعيونج خليتها على الله

[توتايه]

زنوبه والله مرات دا انقهر على سوفي لان دا اطلع حركة اعصابي بيه وهو ماله ذنب من انومه واطبله عبالك دا ابسطه واظل ادردم عليه ومن ينام اكوم ابجي واظل ابوس بيه

[توتايه]

وين رحتي زوبه

[توتايه]

وينكم بنات ليش خليتوني وحدي

[مجنونة بحبها]

هلووووووووووووووووووو انا اليوم مشغوله من افررررررررررغ اسولفلكم

بااااااااااااااااااي

[ام تمار]

هلو توتايه شلونج شبيها عيونج سلامات يمعوده هاي الزلم يرادلهم حرك بس موكلهم اكيد العيون هواي حساسه لازم تعالجيهم باقرب وقت
وبعدين ليش هاي العصبيه الي بيج ادري لعد شاطره على ابنج موخطيه بعدين من يكبر يظل بالها لا توتايه خاله عليج الله لاظربيه لا صيحين عليه هو شنو ذنبه
طلعيها بالرجال لو شاطره خخخخخخخخ
بنات شلونكم اليوم اني يومي مثل كل يوم بالبيت نايمه
واكل واحسب ايام الحمل يعني اكل ونوم شهاده دبلوم
ادري شسوي اذا مااعرف احد ولا اكو احد يدك بابي ظاله مثل الفاره بالبيت الله كريم خلي اخلص الحمل
واسفار واطير واسير هذا بس حجي ههههههههههه

بنات شلونكم سلامي ال(رضوانيه ام ايهومي وتوتايه وحبيبه ماما زوجي هو حياتي وحبيبي وكل البنات الموجودات بالتجمع الجميل يارب مانسيت احد اذا نسيت اعذروني )....

[ام تمار]

بنات اريد اخذ رئيكم بشي وهو مثل ماتعرفون اني مااعرف احد واهلي بعيدين خالاتي بغير محافظه
بس تعرفت على بنيه من خلال زوجي صديق زوجها
وصارت بيناتنا علاقه يعني ناكل ونشرب سوى ويسيرون علينا هي عدها بنيه وصار عدها اسقاط 3 مرات الله يستر وتريد تحبل ويعني هيه حساسه
وخاله بالها يم تصرفات رجلي شلون مدللني وشلون داراني وهيه زوجها يعني مامدريها من هاي السولف
مال نسوان تعرفوها بس هيه قبل كم يوم زارونه ومثل ماتعرفون هيه بنت ولايه تندل كل الاسواق والمحلات وعدها بنيه وتعرف بالتجهيزات فكالت اني اطلع وياج يعني اني زوجي هيه وزوجها وبنتها نروح ونشتري اني ماحابه اطلع وياها لان هيه شويه عدها مقارنه وحساسه وغياره طولتها عليكم
اني مطره اطلع وياها لان اني ماعندي خبره باي شي
لهذا متردده اكول اطلع اني وزوجي احسن مااورجها عليه شدكولون اني انتظر ردكم وراح اسمع مشورتكم
اني محتاجه مساعده هاي البنيه لان عدها خبره وتندل
بس محابه نفسيتها اخاف مااتهنه بيهن فهمتوني اكيد منتظره ردودكم سويتها فلم هندي عذروني .....

[قمر بغداد]

هلووووووو بنات
ام تمار وكوكي شلونكم
صدك ام ايهومي اهم شي صحتها شلونها ومبارك عليها وانشاء اللة يتربة بعزها ويحفظلها زوجها واللة كلش فرحتلج ام ايهم ديري بالج على صحتج لخاطر ايهومي واللة يحفظكم من كل شر
رضوانية وينج بالنة عليج وقلقين الكل شلونج طمنينا شلونج وشصار وياج
روح ملائكية شخبارج وباقي البنات
امونة الورد وايوتة وزينة وعذراء والكل انشاء اللة بخييييييييييييييييييييييير

[قمر بغداد]

ام تمار ديري بالج من عدها اذا مامرتاحة ولتحجين كدامها اي شي وزوجج ليبين اهتمامة بيج كدامها ترة الحسد مذكور بالقرءان واي شي تشترين لتشوفيها كوني قليلة الكلام معاها
تريدين نصيحتي لتطلعين وياها روحي بس وية زوجج احسن ريحي بالج بس اهم شي اتركيها ولتخلين بالج يمها ترة تتعب تفكيرج
بس مثل ماكتلج اذا ممرتاحة لتروحين وياها ديري بالج على بيتج وزوجج لتهتمين لكلام اي احد
اهم شي انتي ترتاحين

[قمر بغداد]

توتاية شبيها عينج ليش هيج بس اذا تحتاج العملية لازم تسويها شبي زوجج ليش هيج يسوي؟؟؟؟؟؟؟

[ام تمار]

مشكوره اختي قمر بغداد الله يريح بالج يارب

[عذراء الجابري]

http://forum.hwaml.com/imgcache2/hwaml.com_1323956934_219.jpg (http://www.iraqup.com/)

الله لا يحرم كل امرأة من الخلفة

[عذراء الجابري]

http://forum.hwaml.com/imgcache2/hwaml.com_1323957288_872.jpg (http://www.iraqup.com/)

اللهم اعطي كل محرومة الذرية ليملئو الارض بكلمة
(لا اله الا الله محمد رسول الله)

[عذراء الجابري]

سلام عليكم بنات وان شاء كلجن بخير
اليوم اريد انقل الكم قصة احدى السيدات مع قصة الحمل مالها
بسم الله الرحمن الرحيم


مساء الخير على احلا فراشات


بدون اي مقدمات بقولكم قصتي وياليت تعتبرون منها انا تزوجت وانا صغيره مره كان عمري 16 وبعدها حملت بعد شهرين زواج الحمد لله بس مثلي مثل اي بنت كنت رافضه احمل مره ثانيه رفض تام اقل شي خمس سنوات وهذا اكبر غلطه بعمري
واستخمدت حبوب منع الحمل بما اني صغيره وخبرتي قليله بها الاشياء كنت ارفض اي نصيحه من الاقارب يقولونها لي عن اضرار الحبوب زوجي بالبدايه متقبل الوضع بس بعد ماصار عمر بنتي سنتين ونص بدا يلح علي يبغى احمل مره ثانيه وانا ارفض تماما وهذا غلطه ثانيه
وزوجي يلح وانا ارفض بعدها اتخذ قرار بعدم احضار الحبوب وكنت اشتريها من وراى زوجي واستخدمتها ثلاث سنوات ونصف وبدا يشك زوجي تركت الحبوب خوفا منه وعدت السنه وانا ماحملت هنا بديت اقلق وبنفس الوقت فرحانه ماحملت 00 هنا زوجي اصر للزيارة الطبيب وفعلا تمت الزياره وبعد الفوحصات والتحليل والاشاعات انصدمت صدمت عمري اللي ما انساها

وقال الدكتور حملك صعب جدا وجلس يعدد علي وش الاشياء اللي مانعه الحمل عندي هنا انهرت انهيار الله لايوريكم وتذكرت كلام زوجي واقاربي يوم ينصحووني00

اهل زوجي بدوا يقلقون يسئلون ليه مافيه بيبي ثاني ليه زوجتك ماحملت للحين وهاتي همز ولمز وانا اتقطع من داخلي وزوجي يردد لسه ولاحقين خير 00
بس الناس ماتركونا بحالنا وربي عم زوجي يطلب من يتزوج مره ثانيه على حد قولة يبغى العائله تكثر على حسابي انا عم زوجي توفى ومابي اتكلم فيه واقولكم عن حركاته الله يرحمه

وام زوجي الله يهديها كل يوم والثاني تقص على زوجي قصص ازواج ماكتب لهم ذريه الا بعد ماتزوجوا وانجبت كل الزوجتين وانا هات ياتعب نفسي وربي يابنات ياحالتي تصعب على الكافر ما اذكر يوم نمت بدون ما اغرق مخدتي من الصياح واللي ذبحني زياده بنتي كل يوم تقولي ماما ليه انا مالي اخوان واخوات مثل بنات اعمامي وعماتي وربي من تقولها احس بخنجر بقلبي 00
ماتركت مستشفى او علاج شعبي الا واستخدمته انواع واشكال التحاليل والاشاعات والادويه وربي مرات اجلس بالايام بالسرير من الاشاعات اللي اسويها وتعبتني زياده على تعبي00
والطامه الكبرى الناس قامت تخاف على اطفالها مني اذا بوستهم يذكرون الله قدامي خايفين عليهم مني واللي تحمل تخفي عني الموضوع واذا عرفت بالصدفه يتغير لونها وتجلس تذكر الله كل ماشافتني وربي مأساة عشتها كرهت نفسي والناس وزوجي مع انه حرام اظلمه كان قمه بالذوق والتحمل معي00

الدكتور اللي اتابع معه قال خلاص انا هنا واكتفيت كل المحاولات جربتها ومانفعت بحولك على مركز للعقم وهنا انصدمت مره ثانيه قالها لي عندك عقم ثانوي00

رحت لهم وفحوصات من جديد تذبح وتحاليل ماتنتهي 00 هنا طلب الدكتور من زوجي فحوصات وجت الطامه الكبرى الثانيه قالوا للزوجي حتى انت مشترك معها صعبه تحمل منك عندك وعندك حدثوا ولاحرج 00

قالوا كل الطرق بتبعها معكم وحده بوحده ماراح نطول معكم حالتكم صعبه 00 والسنوات تمشي والناس هلكونا نظرات وهمز ولمز وربي يابنات اكثر شي يعذبني نظرات الشفقه في وجوههم 00

هنا قال الدكتور لازم حقن مجهري قالها حنا بالعاده نجربها سبع مرات للحاله بس حالتكم بنجربها مره وحده وبعدها ننتقل لااطفال الانابيب هنا زوجي تغيرت ملامحه وماتقبلها سوويت الحقن المجهري ومانفع 00
هنا اتخذ زوجي قرار قال المستشفيات انسيها خلاص مانروح يعني مانروح لهم هنا انا تضايقت مرررره وكانت مدة العلاجات ثمان سنوات بين المستشفيات00
قال زوجي اتركيهم واكبر غلط كنا نركض وراهم ونسينا ربي فوق كل شي هنا انا لازمت الدعاء في اخر الليل كنت احاول على قد ما اقدر اصلي وادعي واصوم الاثنين والخميس وقبل الفطور كنت ادعي مر رمضان وانا اصلي وادعي 00 مر رمضان الثاني وانا ادعي هنا سمعت شيخ يذكر بالصدقه يقول داوو مرضاكم بالصدقه تصدقت بشهر رمضان بنية الإنجاب وانا مازلت ادعي وزوجي يدعي وبعدها جاء فرج ربي بعد رمضان بشهر تاخرت الدوره انتظرتها ماجت قلبي يخفق خايفه هالمره ليه مادري طلبت من زوجي احلل حللت ورجعت للبيت قال زوجي انا اخذ النتيجه ماله داعي الانتظار كالعاده نظرات الشفقه حتى من الممرضات حفظوا شكلي من كثر ما اجيهم احلل 00

وقتها كان الصباح ونايمه 00 اتصل زوجي صوته مرره فرحان طاير قالي اخذت التحليل انتي حامل انا من كبر المفاجئه ماصدقت قلت حرام عليك تلعب باعصابي قال وربي حامل قفلت بوجهه الجوال وجلست ابكي 00 بعد عشر سنوات ربي عوضني ياربي يالله مو مصدقه حملت من فرحتي نفسي اصرخ بعالي صوتي واقول ياناس حاااااااااااااااااااامل 00
الحكايه صارت لي قبل سنتين جبت بنوووووته قمرررررررر الله يخليها هي واختها لي يارب

يابنات عظه لكم الازموا الاستغفار الصدقه الدعاء قراءة القران

والله يرزق كل محروم الذريه الصااااااااااالحه يااااااااااار ب

__________________

[روح ملائكيه]

السلام عليكم
كيفكم بنات؟

شلونج عذراء؟ وشنو اخبارج ويه الحمل؟

القصه كلش مؤثره وبالنسبه للاستغفار اني جربته من تأخرت ولادتي بأبني محمد صحيح اني دائما استغفر بس قبل كم يوم من ولادة محمد كثرت الاستغفار والحمدلله كانت ولادتي سهله ..ربي يسهل ولادة كل حامل ..وطبعا الصدقه تفتح الكثير من الابواب المسدوده...نحمده ونشكره على كل شئ

[مي &]

هلو بنات شلونكم اسفه طولت عليكم بس اعذروني
لانه جبت ايهووووووووووووووووووووووووووووووووووووووومي بعمليه ووضعي كلش صعب هسه كوه اكتب الكم
الحمد لله ايهم بخير واني تعبانه كلش
سويت العمليه الجمعه بالليل الساعه 12 منتصف الليل
ومن اصير زينه ارجع احجيلكم القصه..بوساتي وبوسات ايهومي الكم

الف الف مبروك حبي ام ايهم وانشالله اتكومين بسلامه يارب والحمدلله على سلامة ايهم وانشالله اترجعيلنه عن قريب

شفتو بله عليكم بتي ابرار وايهم بقو عاصين وماطلعو الا بعمليه اثنيناتهم ههههه
يله الحمدلله على سلامتهم اثنينهم والله من اشوف ابرار انسه كل الالم
الله يحفظهه

[روح ملائكيه]

توتايه عمري شبيها عينج؟؟
واذا محتاجه عمليه كوليله لزوجج من اعمه انته ترتاح؟ (لا سمح الله) وشنو قابل هي السياره اهم منج ؟؟ الفلوس تروح وتجي بس اهم شي صحة الانسان ماتتعوض... سلامات حبي وماتشوفين شر وشلونه سوفي؟ عليج الله دير بالج عليه ولا تعصبين ع الطفل خطيه ..


نجوله قلب منتظريج حتى تسولفين احداث فيلم الولاده خخخخخخخخخخخخخخ قبلاتي لايهومي الورد (حلو الاسم مو هههههه )انتبهي لنفسج ..والله اتمنى اني يمج واداريج بس شسوي اذا كل وحده بينا ابدوله ..


رحوبه شلونج عمري وشلونهم الجهال؟ وشلونه ابو عيالج ؟

قموره عمري العمليه عاديه جدا وماتأثر ع الانجاب ابن جيرانه سواها وجان متزوج ورب العالمين رزقه بطفلين(يوم الالج ) وهسه مرته حامل ..ان شاء الله مشافاة لزوجج وماتشوفون شر .


امونه شنو اخبارج؟ وبنونه شلونها؟

بنات هسه اجي واكمل

[روح ملائكيه]

هلو مي شلونج عمري ؟ وشلونه ابرار؟
هااااااااا بعد ماكو نوم موووووو؟ ههههههههههههههههههه

يمه الله يعينج وفوكاها انتي عمليه ونجوله هم ....
هسه حتى اني جبت محمد طبيعي وكلش تأذيت اسم الله عليكم الله لا يراويكم الي شفته هو بس الورم كافي عليه الله لا يعيدها هذيج الايام ...

[مجنونة بحبها]

هلووووووووووووو شلونكم بناااااااااااااات

اعذرووووووووني مشغولللللللللللله وماعندي مجال ابد

نجوله الف الف الف مبرررررررررررروك وان شاء الله من ابناء السلامه

لي عوده ان شاء الله

[روح ملائكيه]

امونه عمري شصار عليج بعد المراجعات؟؟ شكالولج آخر مره بعد الاشعه؟
ربي يكتبلج الحمل بسرعه وتخلصين من القيل والقال ربي يعينج عمري..


زيونه شلونج؟ وشلون هلونه الحلوه ؟؟ ها كبرت شويه هههههههههههههه

كوكي لولي طالع يخبل بالصوره ام المناظر خخخخخخخخخ ماااااشاء الله عليه فديته

حلا شلونج؟ اكيد ملتهيه ههههههههههههههههههههههههه

ام تمار شلونج ؟ وماآخر المستجدات بالحمل هههههههههههههههه

الحمدلله خلصت من مرحلة الحمل والولاده هههههههههههههه

تدرون قبل كم يوم نزل عليه دم متقطع كمت ارجف كلت بس لا حبلت ههههههههههههه بس الحمدلله طلعت دوره خخخخخخخخخ دوره بعد الاربعين مو تجيني وره الاربعين بأسبوعين او 10 ايام .....

[روح ملائكيه]

هلو امونه عمري

عيني منو الي شاغلج ؟ بس لا يكون ابو بنونه هههههههههههههههههه
براحتج قلبي وننتظر عودتج

[روح ملائكيه]

بنات اليوم سويت موفينات مالحه(يعني كب كيك) بس تخبببببببببببببببببببل خليت بيها بتيته مبروشه ونقانق وخضروات هههههههه
والله كل يوم دااسوي معجنات للرجال ياخذهن للشعل والباقي للاولاد كتلهم تره مايصير كل يوم تاكلون فطائر هسه تملوهن ..يكولولي لا انتي سوي ومعليج احنه ناكلهن ههههههههههههههه

وربي من ولدت حمودي لهالساعه طلعت حركة ال 9 اشهر مالت الحمل من جنت ممنوع عليه اشتغل هههههههههههههههههههههههههه ماخليت كيك ومعجنات واكلات خبلتهم هههههههههههههه

[روح ملائكيه]

صدك بنات عذروني خاف نسيت وحده ماسئلت عليها ...تعرفون كل فتره كمت ادخل وناسيه حتى اسمي وربي فأذا نسيت وحده بيكم فتعذرني كلكم حبيباتي وعزيزاتي..
واكو هواي غياب من البنات ان شاء الله يكون المانع خير

[zena]

هلو بنات شلونكم قمروه ان شاءالله سهله وينكتبلج الحمل عن قريب وتبشرينه

ام شوق تسلميلي حبيبتي والف عافيه ع الااكلات الطيبه الي اسويها هلونه اي كبرت بس ع كولت امي ميصير راس اله اشيب راس كله تعب بتعب وياها وخطيه هسه هيه فلاونزه

[kokee]

ايوته لا تعصبين على سوفه خطيه شيفتهم

[kokee]

علمينه مها حبابه

[بنت الخليج]

هلوووووووووو بنات اشلونكم عساكم بخير اني صار فترة ادخل على هذا المنتدى بس فرحت كلش اليوم من لكيت اكو تجمع للحوامل بالعراق بهذا المنتدى فمرحبا بكم واتمنى ان تقبلوني صديقة لكم وخفيفة الظل عليكم . تقبلوا تحياتي

[أم أيهومي]

السلام عليكم ورحمة الله وبركاته
شلونكم بنات والله مشتاقتلكم مووووووووووووووووووووت بس اعذروني لانه كلش تعبانه والكانوله بيدي اليمنى ومدااكدر اكتبلكم والكعده صعبه عليه,,
راح احجيلكم القصه من البدايه..
اخر مره رحت لدكتورة اختي ابغداد الجديده وكالتلي انجرب الجمعه ياما اصطناعي او قيصري بس نبدي بالاصطناعي..
وطبعا كان الاسبوع حافل بالشغل والطبخ علمود اهيأ نفسي لاي طاريء ومن الخميس اتعشيت ونمت..
كعدت الصبح سبحت وتوكلت على الله عز وجل ورحت وي زوجي وصديقتي الي هي جيرانه موظفه ومتزوجه وزوجها يداوم بالداخليه كل 3 ايام يجيي واول موصل خلت اطفالهة يمه وراحت وياي الله يجازيهة كل خير
وطبعا الدكتورة رفضت اجري العمليه بمستشفى اهلي لانه كالت ابنج صارله 16 يوم بالعاشر واحتمال اندخله خدج فوره او نسويله اسعافات واجراءات مموجوده بأي مستشفى خاص..
وسلمت امري لله وكلت ربي موجود وياي سواء بمستشفى خاص او عام
ورحنه لمستشفى العلويه للولاده..اول موصلت شفت دكتورتي ودزتني للاستشاريه وفحصوني كالو ضيق شديد بالحوض..نسيت اكوللكم وصلت لكيت صديقتي دكتورة اداوم بغير مستشفى تنتظرني بصالة الانتظار من الصبح وهي مشت وياي للفحوصات خطوة خطوة..بعد الفحص دزتني دكتورتي يسوولي اصطناعي يعني مغذي وابره وصديقتي الدكتورة رفضت الاصطناعي وحجت وي دكتورتي كالتلهة المشكله بالحوض مو هو توسيع رحم ويتوسع هذا حوض وميتوسع..اذا بيه ضيق
لذلك حولتني عمليه..
وطبينا انا وصديقتي الدكتورة وزوجي وصديقتي جيرانه بره مخلوهم يدخلون وخلولي كانوله بيدي وكالولي انتظري سراج للعمليه..وانتظر من الصبح الى الساعه 12 بالليل يالله طبيت عمليه واني كتلني العطش والجوع..
لبسوني ملابس العمليه طبعا اني بحياتي ممسويه عمليه وطبيت لصالة العمليات باااااااااااااااارده وبيهة بقايا دم وخفت واجيت انهزم واطلع بس اتذكرت كلماتكم وكلمات رحوبه خصوصا من كالتلي اتخيلي ابنج بعد ساعه ابحظنك وتلبسي ملابس ووووووووووووو
وصعدت للعمليات وهم يحجون انكليزي واني اترجملهم فكامو يضحكون كالو خلي نحجي عربي مدام طلعت انكليزيتهة قويه..
وره نص ساعه طلعوني من العمليه اني اتخيلتهة دقيقه من فكني البنج كمشت بطني ممصدكه كملوني ولازكين بطني بس الالم فظيع والبروده كاتلتني وبديت اصيح من الوجع وخصوصا اني جنت اتصور ايهومي راح يخلو يمي بس اجتي رئيسة الممرضات كالتلي ولج لتبجين ابنج راح يخطفو من جماله سموه ملك جمال الخدج يالله خلي انطلعج لحكي عليه ههههههههههههههه حبيبي
وطلعت وجابو الي ملاك ويباوع عليه طبعا ميشبهني ولايشبه ابوه يشبه خواله لانه ابيض باشكر بس عيونه سود واستلمته صديقتي الي هي جيرانه واعتنت بيه
وبعدين الصبح الحمد لله
طلعت لبيتنا من المستشفى لكيت زوجة اخويه ابيتي ولحد الان اداريني
وطبعا رضعته لايهومي من صدري بس متقبله شويه يرضع ويعوفه وهسه اني افلونزا من كثر مااعرك صارت بيه وصار يومين مشايلته لانه اخاف عليه
من بعيد اباوعله وزوجة اخويه اداري..
وهسه اروح لانه تعبت كلللللللللللللللللللللللللللللللللش اشوفكم على خير

[توتايه]

شلونكم بنات وشلون احوالكم اني عيوني ما اشوف بيها درجتها كلش هوايه واذا مسويتها للعمليه مراح اكدر اسويها بعد لان بعد متفيدني

والله شسوي مرات اكوم ابجي اكول خطيه ليش هيجي دا اسوي بالطفل والله حرام

صدوك مهاوي صايره عندج من حاطه اللولب وينزل عليج دم بعد الجماع لان صار 3 مرات تصير بية مع العلم اني الدوره خلصت قبل 5 ايام والله ظل بالي

[kokee]

الله يساعدج نجوله ان شاء الله جم يوم وتطيب عمليتج وتدارينه لايهومي
بس دفي نفسج والطفل البروده مو زينه عليكم
ونريد صووووووووووورته هههههههههههه
الله يخليه الكم وتشوفون احفاد احفاده ان شاء الله

[مجنونة بحبها]

امونه عمري شصار عليج بعد المراجعات؟؟ شكالولج آخر مره بعد الاشعه؟
ربي يكتبلج الحمل بسرعه وتخلصين من القيل والقال ربي يعينج عمري..



هلو حبيبتي مهاوي الاشعه طلعت نظيفه والسونار نظيف بس بطانه الرحم ثخينه والتحاليل طلعت هرموناتي مخربطه نازله وصاعده والحمدلله على كل حال ها والبيضه حجمها صغيرررررررررررر وحالتي النفسيه تعبااااااااااانه

انتي شلونج وشخبار الجهال والله يساعدج على التعب
ههههههه انتي فطاير وانا كبه يوميه يوم كبه حلب يوم برغل
ويوم برغل قلي وسلق وصايرررررررره عباررره عن كبه
وتعب اللف والحشو وزياده بنونه مشتركه وكماشه تكعد على راسي وتكول هذا غلط وهذا مو هيج ووووووووو تشلع كلبي
اتمنى اكلها سوي بمكاني وخلصيني بس ضاله ساكته وهيا تثرم براسي بصل ههههههههه وياريت هيا تعرف بناتها كلشي ميعرفون يجون يتعلمون مني ورغم هما كبااااار بالعمرررررررررررر

حجيتلج قصه حياتي

[مجنونة بحبها]

هلو نجوله حبيبتي ذكرتيني بالبرد انا هماتينه متت من البرد يوم الجمعه وبسبب الاشعه وليش انتي هلكت اخروج من الصبح لليل الله يساعدج وغرفه العمليات يمه تموت خوووووووووووف انا كمت ارجف من دخلت بيها بس انا صرت خبره 4 مرات دخلت غرفه عمليات ديري بالج حبي من البروده ويارب مشافايه وماتشوفين شررررررررررر
والف حمدلله على سلامتج وسلامه ايهم

[مجنونة بحبها]

نسيت اكول جمعه مبااااااركه



زنوبه شلونج وشلون لولي ياااارب يجنن الله يحفظه ويخليه

ايه حبي ديري بالج على عيونج ترى محد يفيد وداعتج لا زوج ولا احد
سوي العمليه وكتلج متطول غير ساعات وتطلعين من المستشفى حتى بدون بنج وزوجج اذا ميقبل احد ينطيج فلوس وتسويها خل يسويها الج وبسررررررررررررعه حبي انتي


ام تمار عيني اذا تحسين بيه تغار ليش تريدين تاخذيها وياج
ترى ملابس الطفل ميرادله خبره ملابس قطنيه وبيضه ترى عيون الناس مترحم انا كماشه اذا شافت اشترينه لبنونه شي تموت قهر وتظل بس تحجي وهيا حفيدتها شلون هاي بنيه وبعيده حتى لو صديقه الصداقه الها حدود وانتي لا تسولفين شلون زوجج مداريج ترى تنقهر وانا مجربه بس زوجي يصير زين وياي واسولف يم نسوان اخواني كبل ينكلب طنطل ان شاء الله افتهمتيني

قمررررررررررر عيني شنو هاي من البدايه طلعت كل السوالف يله العمليه سامعه عنها سهله وان شاء الله بسررررررررررعه تحملين


رحوبه ماكووووووووووووووووووو


صعب ويسرى ووئام وعذوره وغنى ودلوعه وزينه وكل البنات شلونكم اخباركم

بنت الخليج منورررررررررره التجمع حبي وتعالي سولفيلنه السيررررررره الذاتيه

[بنت الخليج]

شنو القصة بنات اشو ولا وحدة ردت علية شنو متحبون صديقات جديدات

[kokee]

منوره حبيبتي بنت الخليج كلنه هنا صديقاتج والبنات هنا كلهن ورود

[kokee]

امونه حبيبتي الله يخليج بعد كَلبي
بشري هالشهر بلكت تبشرينه وتفكين من الدرمه

[ام تمار]

هلو بنات شلونكم اخباركم
بنت الخليج منوره التجمع اهلا وسهلا بيج ورده
ام ايهومي قريت قصتج ونزلت ادموعي من كلتي متت من البرد وارجف من صاله العمليات حسيت بالخوف ادعيلي الله يسهلها عليه والله يحفظه طفلج من كل عين
حبيبه ماما توتايه مشكوره على الردود الجميله صح الحسد موجود قررت نطلع اني زوجي نشتري جهاز بنوتي وردي الله يسهل وكملها عليه بخير ادعولي
بقيه البنات الموجودات بلمه حبايب شلونجن كلجن
اذا نسيت احد اعذروني

[ام تمار]

بنات رايده اسألكم عن بطني اني بالاسبوع الاخير من السابع وبطني من جوه طالع بيها خطوط حمر على الجهتين وتحكني من الاسفل البطن يعني هاي عاديه
لو لان اخذ ابر هيبارين سببت عندي حساسيه
موعدي ويا الدكتوره بعد اسبوع اروح اسولفلها بس حابه اطمان لان لازمه المرايه خايفه بعني هاي شغله عاديه بالاشهر الاخيره اعراضها خطوط حمر وبيها حساسيه تحكني اخليلها بروده يله ارتاح انتظركم بنات
همات صار بيكم هيج ...

[ام تمار]

ها نسيت شي هههههههههههه
وصرتي لونها جوزي من جوه بالداخل وشويه طالعه للخارج يعني طبيعي .......

[ام تمار]

رضوانيه خيتي وينج شنو الي صار وياج بالي يمج والله احد يعرف اخبارها.....

[kokee]

ام تمار عاديه الخطوط اللي ابطنج كلنه هيج

[قمر بغداد]

هلووووووووووووووووو كيفكم
باجر العملية مال زوجي بمستشفى القديس روفائيل (الراهبات) وشايلة هم جبير بس الكل تكول سهلة وبعد اللة كريم
شخبار الكل شلونكم؟؟؟؟؟؟؟؟؟؟؟

[قمر بغداد]

توتاية شلون صرتي وعييونج شراح تسويلها؟؟؟؟؟؟؟؟؟
شديكول زوجج بعدة مغلس عليج؟؟
اكلج اخاف يريدج تعتمدين على اهلج؟؟؟؟؟
ديري بالج على نفسج حب

[قمر بغداد]

ام ايهم الحمد للة عالسلامة وياربي تكونين هسة مرتاحة بس ولو العملية تموت بس عدت على خير هاي اهم شي ديري بالج على صحتج لان هسة باردة والعملية تتأخر يلة تطيب بس انتي ادفي ودثري روحج

[توتايه]

بنت الخليج عمري حياج الله يالغلا الف هلا بيج ممكن سيرتج الذاتية ههههههههههههههههههه حامل لو لا وصارلج شكد متزوجه وابغداد لو بالعراق لو بالخارج ومتزوجه كرايب لو غريب هع هع
اني اية ام يوسف مواليد 90


قموره حبي الله يكومه بالسلامه انشاء الله سهله حياتي لتخافين كومه سامعه يسووها وراها درزن جهال

والله عيوني بعد ما اعرف متناقشت وياه بعد ولا خطيه ميريد يعتمد على اهلي لان اهلي كالوله اخذ الفلوس وخلي تسوي بيها بس هوه مقبل يكول قابل اني مو رجال وسواله زعله

باقي البنوتات شلونكم اسفه لان مسئلت عليكم كلكم بس والله تعبانه كلش من وره يوسف مدينام بالليل كالولي انطيه ملهيه واليوم اشتريتله ودا اشوف شراح يسوي عليها كالو بس من ينام بالليل انطيهياه حتى تثكل نومته

[توتايه]

ام تموره عادي الخطوط حاولي لتحكيها حتى لاتبقى اثرها خليلها بودره او لوشن والصره عادي حبحب اتوقع بحمل البنات هيج يصير تطلع كلش ليبره اتذكر عمتي ابناتها الاثنين صارت هيج

[حبيبي]

السلالالالالام عليكم وصباااح الخير للجميع
طبعا اني غيااب يومين لانه مسافره لبيت اهل زوجي كالعاااده خخخخ
اشلونكم جميعا ومشتاقه الكم ولاخباركم وتعبت واني اقراء آه آه اعيوني ادمرت خخخ
ام ايهم الحمد الله على السلالامه وقصتج صاارت سوالف
وهتمي بصحتج وبحبيبي ايهم وزين ذكرتيني بوكت العمليه ههههه ساهمت ولو بشي بسيط اني اريح نفسيتج وفتح شهيتج للولاده ههههههههه وكلامي طلع صدك
نجوله صح مجرد تفكيرج بطفل تستسلمين لدكاتره
الله يحفظه لج ويخليه ويحرسه من كل عين
بوسااتي للغالي
ام تماااار اشلونج وشلون الحمل ويااج الله يسهلج ياارب
وبنسبه لصديقتح نصيحتي اتسوكي وحدج انتي وزوجج
ماكو داعي اتروح معاكم وكلنا جهزنا وحدنا بدون لاخبره ولا اهل وجهازنا طلع كامل ومناقصه شي ويخبل
الله يكومج بسلالامه وتفرحين بشوفه البنوته
عذراء مشتاقه لج ولسوالفج والقصه تشبه قصتي ههههه
ومؤثره فعلالا وعشت الدوور ودمرت
اشلون جعفر طمنينا ؟

قمر بغداد اشلونج والحمد الله رحتي لدكتور ثاني مستعجلتي باخذ العلجات
وبنسبه لعمليه زوجج بسيطه وسهله وزوجي سوهااا
وجبت اربع اطفال وحملت بعد شهر من العمليه
وان شاء الله انتي اتبشرينا بعد شهرر من عمليته بلحمل
والله يكومه بسلالامه يارب وديرو بالكم عليه بعد العمليه

ام شووق مشتاقه لج مختفيه بلمعجنات ومتسئلين عنااا اهئ اهئ بلعافيه عليكم ياررب ونريد انذوووق اكلج
وشلون الجهال معااج وشغالتج لسه موجوده لووو راحت عنج ؟

زيونه اتفقنا على كباب عراقي هههههه اشلونج وشللون هلونه وملتهيه برجااال هااااااااا ههههه
وعفريتي الحمد الله بخيررر



امونه اشلونج وشلون بنونه وشنووو هالخبار ضعف بويضات ومعرف شنووو الله يسااعدج
شوفي دكتوره ثانيه شكول لج يمكن سليمه ؟

ايوته اشلونج وشللون العسل يوسف وشلون ببيتج
وسلامه اعيوونج
كوكي اشللون علاوي وشلونج مشتاقين الج ولسوولفج الحلوووه

وبنت الخليج اهلا وسهلا بيج فلمتنا العراقيه
ومنووره التجمع بطلتج الحلووه



رضوانيه يسرى صعوبه زوجي حياتي حلالاوه ملتهيه اوو ولدت الله يكومها بسلامه
باغي البنات وينكم نفتقدكم
زنوبه السعدي رجعت الامارات ونستنا اهئ
اشوفكم اليله ان شااء الله بااي

[مجنونة بحبها]

شنو القصة بنات اشو ولا وحدة ردت علية شنو متحبون صديقات جديدات

هلو حبي ليش الزعل مو انا رحبت بيج وروحي شوفي الردود
اهلا وسهلا بنت بغداد انا هماتينه من بغداد تعالي كولي من اي منطقه بلكت تطلعين جارتي هههههههههههههه

[مجنونة بحبها]

صباااااااااااااااح الخيرررررررررررررات

هلاووووووووو زنوبه حبي شلونج حبي مشكوره على الدعوه

ام تمار عيني عادي الخطوط بس لاتحكينها لان راح تتشوه بطنج هع هع وعن الصره تطلع كلها ليبره عااااااااااااااااااادي لاتخافين


ايه شلونج وشلون يوووووووووووسف

رحوبه حبي شسوي الدكتوره تكول ضعف تبويض بسبب
خربطه الهرمونات شي صاعد وشي نازل والله اليستر
واشوف غير دكتوره ههههههههه هياهاي وكو زوجي اخذني الها انوب اكله تعال اشوف غيرها اكيد يذبحني ههههههههه وعلى قبله الصبه

باااااقي البنااااااااااااااات شلونكم

[kokee]

شلونكم بنات مشتاقتلكم اني بخير والحمد لله

[روح ملائكيه]

هلو بنات شلووووووووووووووونكم

ياعمري نجوله حمدالله على سلامتج قلب ..يلا باجر تكومين على حيلج وتحضنين ايهومي براحتج وشوفي حتى لو انتي الله يوكفلج الناس الطيبه وياج الله يجازيهم ويحفظهم من كل شر انتي انتبهي لروحج واتدفي زين يلا ننتظر صور ايهومي هههههههههههههههه

ايوته عمري اي عادي تنزل مثل مسحه مالت دم بعد الجماع لا تخافين ... بس ديري بالج لا يصير عندج التهابات ..


امونه عمري شهيتيني كبه ههههههههههههههه والله ابو شوق يموت على كبة الحلب والله يجوز اسويها باجر اذا ظهري صار زين وكبة البرغل تسويها ساده لو تخبطين تمن وياها؟
ولا تهتمين لكماشه وبناتها المهم انتي مقتنعه بنفسج وشغلج والحمدلله على كل شئ
والله اني هم حمواتي من يجن قبل يمي يعجبهن اكلي ويكللي علمينه عليه وهم مثلج اكعد اعلمهن هههههههههههههههههههههههه

[روح ملائكيه]

هلوووووووووو بنات اشلونكم عساكم بخير اني صار فترة ادخل على هذا المنتدى بس فرحت كلش اليوم من لكيت اكو تجمع للحوامل بالعراق بهذا المنتدى فمرحبا بكم واتمنى ان تقبلوني صديقة لكم وخفيفة الظل عليكم . تقبلوا تحياتي




اهلا وسهلا ببنت الخليج نورتي المنتدى وطبعا نقبلج اخت وصديقه النه

اني ام شوق واسمي مها متزوجه صارلي 6 سنوات وعندي 3 اطفال بنتين وولد


زيونه هو الطفل مايكبر الا يشيب راسنه ههههههههههههههه

كوكي كلش سهله الفطائر المالحه
هذي المقادير وتدللين

كوب ونص طحين ابيض - 2ملعقه اكل زبد مذوب -2 كوب بتيته مبروشه -2 نقانق مقطعه حلقات -القليل من الكرفس المثروم واذا اكو شبنت يكون افضل -2 ملعقة شاي بيكنك باودر- كوب حليب - 3 بيض

العمل
تخلطين البيض وبعدين تضيفين عليه البتيته والخضروات والزبد المذوب والنقانق والكل ينخلطون معا

بكاسه ثانيه ..تحطين الطحين مع البيكنك باودر ثم تضيفين الخليط عليه ويمزجون سوية

تدهنين قوالب الكب كيك او قوالب كيك مستطيله وتحطين بيها الخليط بس للنص يعني ماتمليهم وتحطيه بفرن محمي من قبل وبدرجة حرارة 200 حتى ينضج والسلام عليكم ورحمة الله وبركاته هههههههههههههههههههههههه والف عافيه

[روح ملائكيه]

رحوبه شلونج؟
مو تدللين ع الفطائر هذي ابسط شي هههههههههههههه من عيوني انتي بس تعالي وأمري عليه هههههههههه

حلا يجوز هسه ولدت او ملتهيه ويه الرجال ههههههههههههه

ام تمار عمري شلونج؟ وشلونها البنوته؟؟ ربي يتممها عليج بخير وسلامه
ولا تخافين هالخطوط شي عادي تصير لأي حامل


اموووونه عمري ضعف المبايض يعني البيضه صغيره لو شنو؟
اذا البيضه صغيره لا تهتمين بالمنشطات وتكبر ومثل ماكتلج اني حجم بيضتي بملاك جانت 12 وحبلت بيها ..بس اذا كان الضعف غير شي مااعرف بعد
والهرمونات مخربطه هذي هم سهله ...اختي الصغيره هم جانت هرموناتها مخربطه كلش وحتى الدوره تجي شهر وتغيب شهرين او 3 وسوت تحليل هرمون واذكر ودوه لبغداد وكالتلها دكتورتها لازم تاخذين حبوب تنظيم هرمون حتى دورتج هم تستعدل وفعلا انتظمت ع العلاج وراها بكم شهر حبلت بأبنها محمد يوم الالج ان شاء الله

[روح ملائكيه]

عذراء شلونج؟
يسرى ماكو وصعوبه هم ان شاء الله المانع خير
بقية البنات شلووووونكم؟

اليوم سويت طرشانه مكانكم خالي ...

صدك واخيرا البارحه طلعني ابو شوق ههههههههههههه
طبعا العائله كلها طلعت افترينا بالسياره هوووواي وبعدين رحنه لكورنيش الممزر بدبي وبيه مكان خاص للمشي ارضيته مثل الاسفنج ويمه رمل وبحر كلش حلو
اني شلت محمد ومشينه هواي ورجعنه كتله بعد مااكدر تعبت ورجعنه واشترينه شاورما دجاج وفلافل للعشه ورجعنه للبيت بس والله تونست وشويه راحت مني الكآبه
وكالي المره الجايه نجيب كراسي وفراش للكعده والاكل ونجي هنا اني كيفت لأن الجو يخبببببببببل هسه عدنه مثل الربيع والبنات كلش تونسن ويركضن عالارض الاسفنج شيجيب الايام بسرعه قبل لا يغير الرجال رايه بسرعه هههههههههههههههههههه

[نعومه التميمي]

مرحبا بنات شلونكم مشتاقتلكم اهواااااااااااااااااااااااااااااااااااااااااااي
بس والله ماعندي فراغ
اركض وما الحك شغل وتنظيف شغل ديمه وحده ماخذ وقتي
المهم نجلاء حبيبتي مبروك على ايهومي يتربى عزكم
ايمان الله كريم لا ضوجين انشاءالله تحبلين هذا الشهر
مها عاشت ايدج على الفطائر
شلونه حمودي والبنات
ايه عمري شخبارج دير ي بالج على عيونج يمعوه محد يفيدج
يوسف شخباره
رحوبه شلونج شلونهم جهالج
يسرى شخبارج وشلونه رودينه باقي البنات كلكم شلونكم

[ام تمار]

هلو بنات شلونكم اخباركم....
ام شوق مبين عليك طباخه ماهره ماشاء الله
وعندك افكار حلوه ومبين نفسك بالاكل حلو همات
بس اجيب على خير رايده تعلميني كم اكله حلوه
مثل وجهك تعجب رجلي اشطر على الرجال ههههههه
لاصدك من اجيب رايده وصفاتك وطبخاتك الحلوه
اني همات اسوي فطائر تعجبك وزوجي يحبها ودائما يكلي شوكت جيبين وسويلي فطائر خطيه هههههههه
بالعافيه على الطرشانه اني هواي احبها خاصتن على لحم غنم هواي طيبه وبعدين بالعافيه على السفره
والله تغير جو مطلوب للراحه النفسيه حتى واحد يكدر يكفي يومه على كولت اخواننا اللبنانين
ام شوق انتي بالعراق عايشه للو بدبي
الله يحفظلك اولادك يارب
ام ايهومي شلون صرتي والنونو اكيد مطير النوم من عيونك الله يحفظه
رضوانيه وينج بالي يمج حبيبتي
حبيبه ماما مشكوره على الردود الجميله والله صح اني احك بطني من كتيلي كلت للزوجي البنات هيج يكولن كال انتي تمشين وتحكين بيهمن ظلينا نظحك هواي
خخخخخخ
توتايه حبحب حلوه حجايتج انتي بصراويه لان اهل بصره يكلوها حبحب لو حبوبه
ومشكوره عيني الله يخليلك يوسف يارب
بنت الخليج انتي من وين من العراق اهلا بيج
بعد ذكروني بالبنات اني انسه اخاف نسيت احد
زوجي هو حياتي شلونج ويا الحمل وانتي همات صار عندك خطوط بطنك مثلي اشو ماكو حبيبتي
صدك بنات اني من دخلت ماعرفت بنفسي خخخععع
اني اسمي نوره عمري 26 سنه مزوجه صالي 2سنه خريجه كليه العلوم بايلوجي هسه اني خريجه مطبخ
ماكو تعينات اي زوجت عن حب حبحب هههههههههه
كان زواجي احلى صدفه كنت ادرس ماجستير بيروت
وزوجي همات يدرس ماجستير بس هو خريج اداب
اي ونعجبنا بعض وحبينا وزوجنا وناتج زواجنا الحلوه منتظره بنوته الي راح تملى حياتي فرح وامل
بنتي زها الله يكمل فرحتي اشوفها يارب ادعولي
هاي كل قصتي اني بكربلاء المقدسه اي واحده تجي زور بيتي مفتوح الكم ويا كلبي
بقيه البنات شلونكم اخاف نسيت احد اعذروني

[مجنونة بحبها]

هلووووووووووو مهاوي حبيبتي انا زوجي هماتينه يحب الكبه بكل انواعها فسويت كبه حلب وكبه بتيته وكبه برغل مات السلق وكبه برغل مات تكلاه هاي الاقراص المدوره واسويها بس برغل وجريش بدون تمن حبي

وبلعافيه على النوسه ويارب دوم مو يوم ايامج كلها سعاده وونسه

حبي بيضتي حجمها صغير وهرموناتي مخربطه بس انا الدوره منتظمه عندي بس تجي قليله متطول بالكثيررررررر يومين وبعد بيدالله هو الرزاق


وئام هلو عيني شلونج والله يساعدج شغل البيت ميخلص

ام تمار نوره تشرفنا انا قبل سالتج بس مجاوبتيني فكلت يجوز متحب احد يعرف خصوصياتها

[عذراء الجابري]

سلام عليكم بنات
امونة شلونج حبيبتي مشتاقلج كلش بعدج بردانة من الاشعة
ام شوق عمري انشاء الله بخير
عيوني نعومة شلونج
رحوبة شنو الغيبة انشاء الله خير
باقي البنات حبايبي تسلمون عالسؤال

[ام تمار]

اهلا وسهلا اختي عذراء الجابري
حبيبه ماما لا عادي ماكو اي خصوصيه احنا اهنا لمت حبايب صح

[ام تمار]

صدك عذراء الصور الي تخليهن مال بنوتات كلش حلوات تسلم ايدج

[عذراء الجابري]

وايدج حياتي ام تمار تسلميلي عمري انشاء الله يرزقج احلا منهم

[عذراء الجابري]

صدك ام تمار انتي شنو اسمج

[ام تمار]

اني اسمي نوره وقريبا ام زها بأذن الله وتوفيقه .....
وانتي عذراء شنو اسمج وعندج اطفال ....

[مجنونة بحبها]

هلو عذوره حبي شلونج هههههههههه لا راحت البروده بوكتها
الله يخلصني منها ولا يعيدها علي بحق الحبيب محمد

عيني ام تمار صح لمه حبايب ان شاء الله

[مجنونة بحبها]

http://forum.hwaml.com/imgcache2/hwaml.com_1324139450_200.jpg

مثل هذي الكبه سويت اليوم والف عافيه

[مجنونة بحبها]

http://www.baddawi.com/forum/uploaded11/1_1291278000.jpghttp://

يله تفضلو لاتسحتون عليكم الله هههههههههههههههه

[مجنونة بحبها]

كبة برغل موصلية
كبة الموصل او ماتسمى بالكبة الكبيرة ....
تشتهر بعملها مدينة الموصل في العراق

المكونات
2 كوب برغل
1 كوب جريش
نص كيلو لحم بقرهبر
ملح , فلفل حسب الرغبة
القليل من الماء

الحشوة
كيلو لحم غنم مفروم
2 بصله حجم وسط
القليل من البقدونس المفروم
ملح + فلفل اسود بهار حسب الرغبة

طريقة العمل ...
يخلط الجريش والبرغل والملح ويرش بقليل من الماء
ويغطى ويترك جانبا ...

لعمل الحشوة ..
يوضع اللحم والبصل على النار مع قليل من الزيت
مع التقليب ويضاف الملح والفلفل والبهار
ثم يوضع البقدونس المفروم
...وتترك حتى تبرد ..

نعود الى الجريش ونقوم بعجنه ونضيف اليه لحم البقرالشرح
او الهبربعد فرمه بالماكنة حتى يصبح كالعجينة
بعدها نضع العجينة بالماكنة كي يسهل عجنه
..وان كانت العجينة قاسية نضيف قليل من الماء
نرفعه من الماكنة ونعجنه باليد مرة اخرى


http://forum.hwaml.com/imgcache2/hwaml.com_1324140157_304.jpg


نقوم بقطع العجينة
ونضع قطعة من العجينة بين طبقتين من النايلون


http://forum.hwaml.com/imgcache2/hwaml.com_1324140157_466.jpg



ونرق العجينة بالشوبك
ان استخدام النايلون لتسهيل ترقيق العجينة وسهولة التحكم بها .
وكي نحصل على دائرة متساوية نستعين بصحن او غطاء قدر بالحجم الذي نرغب به
ونعمل الطبقة الثانية من العجين بنفس الطريقة ,
ثم نضيف الحشوة فوق احدى الطبقتين


http://forum.hwaml.com/imgcache2/hwaml.com_1324140158_775.jpg


ونضع الطبقة الثانية فوقها
ونضغط باليدعلى اطراف القرصين لتحكيم سدها والتصاقها
وجعلها بشكل منتظم والافضل ان تطوى طرف النايلون على الحافة وتداس باليد


http://forum.hwaml.com/imgcache2/hwaml.com_1324140158_511.jpg




نقلبها بمساعدة انايلون ونضبط الحوافي مرة اخرى
خلال هذا العمل نكون قد وضعنا ماء وملح في اناء يسع للكبة .
هناك اواني خاصة لعمل مثل هذه الكبة

بعد ان يغلي الماء نسقط الكبة بداخله ونتركه حتى
تطفوا الكبة على السطح بهذا نعرف انها نضجت


http://forum.hwaml.com/imgcache2/hwaml.com_1324140159_459.jpg


وتقدم بطريقتين اما مسلوقة فقط


http://forum.hwaml.com/imgcache2/hwaml.com_1324140160_559.jpg


او تقلى بالزيت بعد سلقها



http://forum.hwaml.com/imgcache2/hwaml.com_1324140160_848.jpg

هذي نفس طريقتي بالضبط

بس انا اضيف لوز بالحشوه وتصير تخبل

[عذراء الجابري]

منوره نوره وانشاء الله زاهية الدنيا الج والى زها
هلو امونة هسة انتي مطكتينا بالكبه واحنا جواعة

[حبيبي]

مرحبا اشلونكم اتمنى اكو احد اسولف وياااه
اشلونج عذراء وشلون البيبي
امونه جوعتيني حرااام عليج اهئ اريد كبه بسرعه
اشلون لما اتسلقيها متنفتح فسلق ؟
اشوف مغليه اسهل خخخ وبلعافيه عليكم الكبه ورسليلي بلبريد المستعجل لا تصير وحمه فابني خخخخخ



نووره عاشت الاسامي اشلونج وشلون التعب معااج
لسه مقريت بصفحاات اشلونكم جميعا

[عذراء الجابري]

هلو رحوبة الحمد لله انت شلونج

[حبيبي]

اني الحمد الله بخيررر
لحظه وراجعه الج

[عذراء الجابري]

http://www.iraqup.com/up/20111217/Jj66u-1vQG_562492973.jpg (http://www.iraqup.com/)
النظر في وجه الاطفال يبعث الاطمئنان في القلب

[zena]

هلو بنات شخباركم اني راح اغيب عنكم لحد متروح الافلاونزه لان مدمره منها فد مره وهلونه فوكاها هم خطيه مشتااااااااااقه للكل

[حبيبي]

رجععععت
اشلون جعفر وشلونج وكيف الحمل
مشتاقين لسوالفج

[بنت الخليج]

حبيباتي اشلونكم شخباركم طبعا اشكركم جميعكم على ترحيبكم بية بالمنتدى واتمنى ان ياتي يوم وارحب بكم في بيتي جميعكم تشرفوني ساكتب لكم سيرتي الذاتية حتى نتعرف اكثر اسمي بيداء ام كرار اسكن بغداد منطقة الشعب مواليد 1980 متزوجة وعندي طفلين وبنت واللي اتريد اتشوف صورهم اتراجع موضوعي (صورة حبيبي) ومهنتي موظفة واعذروني جميعكم على تاخري بالرد لانني كنت في بيت اهلي وهسة رجعت ولكيت امسوين القاء قبض علية داخل المنتدى هههههههههههههه . وانا حاليا غير حامل كنت ابلع حبوب لكن لم تتلاام مع جسمي وحصلي لخبطة بالدورة واصبحت غزيرة فتركت الحبوب وهسة خارجي وعايشة والحمد لله . تحياتي لكم جميعكم وبوساتي الكم ولاطفالكم

[حبيبي]

اهلين زينه سلامتج انتي وهلونه خذيلج علالاج وكثري شرب عصير برتقال وليمون
وطمنينا عنج عذراء النظر لطفل يبعث الاطمنئن ورحه وهو بلفه ومن يكبر يبعث رفع ضغط وسكر ويموتج hwaml15hwaml15hwaml15
تعالي اسئليني بمووت من وراهم اهئ اهئ hwaml4hwaml17
بس ارجع وكول الحمد الله والله يخليهم لي ويكبرون ونسى تعبهم

hwaml7

[حبيبي]

بيداء عاشت الاسامي
والله يخليلج اطفالج
اني اسمي رحاب وعندي اربعه اطفال 2 بنات و2 اولاد
واخذ حاليا حبوب منع حمل والحمد الله ماشيه معايه
ومن السعوديه هههههه
وان شاء الله انورج ابيتج وتنورينا ابيتنا

شكد اعمارهم اطفالج

[عذراء الجابري]

هلو بيداء (ام كرار) منوره المنتدى واهلاً وسهلاً بك
رحاب عيني شسوي اصبر نفسي لما يجون وعلى كولت المثل البغدادي ....تالي الليل تسمع حس العياط.....

[عذراء الجابري]

والله اشارة النت موتتني
حبيتي رحاب اشلون اوضاعكم في الاحساء وكيف عدكم المراسم الحسينية

[بنت الخليج]

(حبيبي) عيني اتشرف بيك بس ترة بعدني ما اعرف اسمك حياتي اني عندي كرار بالخامس ابتدائي وعلاوي بالثاني ابتدائي واديان عمرهة ثلاث سنوات . حبيبتي عذراء النور نورك يا عمري واتشرف بيج وبكل خواتي الباقيات سلامي شلع للكل

[kokee]

شخباركم حبايبي مشتاقتلكم

[حبيبي]

المنتدى عندي ثقيل وميفتح ليشش
بس اني لو كلكم اهئ

[حبيبي]

(حبيبي) عيني اتشرف بيك بس ترة بعدني ما اعرف اسمك حياتي اني عندي كرار بالخامس ابتدائي وعلاوي بالثاني ابتدائي واديان عمرهة ثلاث سنوات . حبيبتي عذراء النور نورك يا عمري واتشرف بيج وبكل خواتي الباقيات سلامي شلع للكل





اسمي رحاااب وعندي علاوي بصف الخامس الابتدئي وحوراء الاول الابتدئي ومحمد سنتين وفطومه سنه ههههههههههههههههه هااي قبيلتي







عذراء الحمد الله ماشي حلنا فلاحساء وبصعووبه اتصير مجالسناااا

[عذراء الجابري]

هاي بالسعودية هيج لعد احنا شنكول

[عذراء الجابري]

والله ميدوم الظلم وآني عرفت من حجم الخط؟؟ هههههه

[حبيبي]

هلو بيداء (ام كرار) منوره المنتدى واهلاً وسهلاً بك
رحاب عيني شسوي اصبر نفسي لما يجون وعلى كولت المثل البغدادي ....تالي الليل تسمع حس العياط.....


ان شاء الله يجوون وبسرعه ونسمع اعياطهم واعياطج تالي اليل hwaml03


الايام بسررعه تمشي غمضي وفتحي وجعفر بين احضاانج hwaml13





كوكي منوره اشلونج وشللون علاوي

[عذراء الجابري]

ان شاء الله حبيتي الله يسمع من حلكج ويجي سيد جعفر

[حبيبي]

هههههه زين عرفتي بحجم الخط هههههههههه
وينج ام كرار تعالي سولفي شمسويه مع جهالج
شفت صورهم اقمااار الله يخليهم الج
البنوته اصوره طفله وهسه اكولين عمرها 3 سنوات يعني كبرت صاارت مره هههههه احملي يله عليهااا
جبيلها اخت حرمات اضوج وحدها بدون اخت
ههههههههه اشجعهااااااااااا

[حبيبي]

وشلونه السيد جعفر يتحرك ويرفس ويلعب ابطنج
وشلون اوضاع حملج زينه ومرتاحه

والله يتمم لج على خير وتفرحين فيه يااارب مثل مفرحت ام ايهم بابنها

[kokee]

هلا رحوبه مشتاقتلج عزيزتي
هههههههههههههه تشجعين البنيه تحبل خخخخخخخخخخخخخخخخ

[عذراء الجابري]

الحمد لله صار كم يوم احس بدفراتة والخمل متعبني

[عذراء الجابري]

هلو كوكي شلونج

[kokee]

العراق لهسه ولا ذرة مطر وجفاف
ياربي ارحمنا

[حبيبي]

هههههه كوكي اشجعها وممنوع حدى يشجعني اني استوووب



عذراء دوم يارب حركه ورفس هههه
شنو بيج خموول ؟
يمكن متتحركين او خمول من البرد

[kokee]

هلا عذوره شلونج وشلون السيد

[حبيبي]

كوكي نحنا نزل علينا فيومين كل مطر السنه
هههههههههه وبعدها مشفنا ولا نقطه

[عذراء الجابري]

لا من الخوف

[بنت الخليج]

بنات النت موتني مديفتح عندي بطئ . رحاب حياتي الله ايخليلج اطفالج وتفرحين بيهم كبار انشاء الله .يمعودة خليني اشوية ارتاح من اللحبالة اشوية الحك على الويق والواق . حبيبتي عذراء الله ايتمم حملك يا رب ويسعدك وايهنيج انتي وكل الاخوات

[kokee]

بلكت تنسيلج حبايه وتحبلين بتوم خخخخخخخخخخخخخخخخخخخخخ

[عذراء الجابري]

حبيتي كوكي الله يخليج كل الليجيبة الله زين اهم شي الامريكان ولو بلا رجعة

[حبيبي]

ليش اتخافين
ومن شنو خايفه
اذا من الولاده موهاااي الي نفسج فيه وتنتظريه من فتره وامنيتج اتحضنيه وتبوسيه ويكلج ماما
ليش اتخافين

[kokee]

اووووووووف من افكر بلحمل مره ثانيه انصاب بالكئابه هههههههههههههه

[حبيبي]

هههههه 3 سنوات كفايه ارتحتي لحكيهاا ابنوته خطيه اتركيها بين شباب ههههههههههههه
وتسلمي يارب ويخليلج اطفالج
ولاحكين للويق والوااق صااادكه فهااااي نفسي عشر سنوات مسمع ويق وواق ههههههههههه



كوكي ذكرتيني بلحبه اكوم ابلعها لاحمل ههههههههههههه

[عذراء الجابري]

بنات النت موتني مديفتح عندي بطئ . رحاب حياتي الله ايخليلج اطفالج وتفرحين بيهم كبار انشاء الله .يمعودة خليني اشوية ارتاح من اللحبالة اشوية الحك على الويق والواق . حبيبتي عذراء الله ايتمم حملك يا رب ويسعدك وايهنيج انتي وكل الاخوات

ممنونة منج ياوردة
بس اذا الحال ميسرة والمكان كبير كثريهم حتى نباهي بهم الامم

[بنت الخليج]

حبيبتي كوكي بطلت اخذ حب هسة خارجي ومسيطرين ووردة ههههههههههههههه

[حبيبي]

بلعتها الحمد الله هههههههههههههه
اي زنوبه لانه بعدج طازجه منسيتها انتظري سنتين يحن كلبج على طفل


اموووت بريحتهم اتخبل وخاصه البودره يمه منهااا هما يحلوها من اتصير بجسمهم ههههههههههههه

[kokee]

يمعوده شولو الامريكان الله يستر من يطلعون يصير الكتل بالشوارع جيشنه ما بي كل خير

[حبيبي]

حبيبتي كوكي بطلت اخذ حب هسة خارجي ومسيطرين ووردة ههههههههههههههه




انتبهي من هااي الطريقه اني وكعت فيهااا وحبلت بفطومه ههههههههههههههه
سقطه سهواء افهميهااااااااااااا هههههههههههههههههه

[حبيبي]

بس اذا الحال ميسرة والمكان كبير كثريهم حتى نباهي بهم الامم




عذراء مني اربعه ومنج اربعه ومن زنوبه اربعه ومن بيداء اربعه كثرنا الامم مو كلهن علياااااااااااا ههههههههههههه
النسوان اهوايه وجيرنا جايبين 13 طفل وفي هوايه نفسهم
هههههههه

[kokee]

والله بيداء اني مالي ثقه بالخارجي اخذ ياسمين

[بنت الخليج]

الستر من الله واذا رادت اتصير شسوي كله رزق من الله . بنات والله تجمعكم ايخبل وين جنتوا . قبل كنت صافنة وايدي على الخد هههههههههههههه

[kokee]

4 يبوووووووووووووووووو

[حبيبي]

كوكي الياسمين خطر وناس كثيره سبب الها ضعف ومضاعفات اكول لو تغيريه افضل

بيداء اي بنتج كبرت لو غلطتي وصارت ما بتبجين ولا بزعلين
اني كلبت البيت عزاء وبجي ونوح ولطم ههههه
بس من اتحركه ابطني وشفتها بسونار حبيتها وستسلمت
وجبتلي شغاله اتساعدني فترت حملي وولادتي والحمد الله اتسهلت

[kokee]

يووووو بيداء تجمعنه عتيج خخخخخخخخخ

[حبيبي]

بنات والله تجمعكم ايخبل وين جنتوا . قبل كنت صافنة وايدي على الخد هههههههههههههه



كنا ننتظرج تجين وتنورينا بطلتج ههههههههههه اخاف امضيعه العنون وهسه شفتينا

[بنت الخليج]

بنات اني اي وحدة اكللهة خارجي اتكول مو مضمونة بس اني الحمد لله زوجي كلش امسيطر وهاي صار ثلاث سنوات . وماكو ولا واحدة من اطفالي جاء بالغلط والحمدلله

[kokee]

دكتورتي وصفته الي وكلت افضل نوع يعني حتى سعره هم غالي بالنسبه لغيره
بصراحه كل شهر بكول اترك المانع وتالي ابو لولي يشتريلي هههههههههههههههه

[عذراء الجابري]

hwaml13hwaml13hwaml13hwaml13hwaml13hwaml13hwaml13h waml13اي حبيبات ترى الكلوب سواجي

[بنت الخليج]

هااااااااااا تجمعكم عتيج اشكد قديمة لعد اني ههههههههههههه . بس تردون الصدك احلى تجمع واحلى خوات الله ايديمهة علينة

[kokee]

رحوبه دخلي لولب هسه شكو حب وماعرف شنو
لولب ابو 8 سنوات خلي

[حبيبي]

ام كرار زين زوجج مسيطر ههههههههههه يكدر يمسك نفسه بس لتكولين تالي عين تصيبج وتحملين اسكتي ههههههه
اني ابنتي حوارء نفس طريقتج وضليت 5 سنوات
وبمحمد ما ضليت غير 8 اشهر اهئ اهئ انقهرت هههههههه



كوكي كل الدكاتره بكول مونع الحمل زينه ما منها خطر
ومعليج من سعره غالي لو ارخيص اقرئي النشره
ان شاء الله ماياثر عليج ومن جسم لجسم يختلف

[kokee]

بيداء البنات هنا كلهن ورود وعبالك خوات واكثر وظلي ويانه دائما شوفي سوالفنه ههههههههه


ايوته وين كبد شو ماكووو

[حبيبي]

اخاف من الولب ومايصلح للتشتغل كثير وتحمل اثقال ومعرف شنو واني انظف واشيل اثقال الثلاجه ازحفها وكلشي ازحفه ونظف مكانه وبيقلون يتغير موقعه مع التعب وشغل وتحملين فمجازف بلولب وغير الدم ونزيف وووووع مريد

[عذراء الجابري]

شنو هالحجي اللي يكزبر الجلد خارجي ومصيطر ورده هية اذا جتي ساعتها ؟؟؟؟؟؟؟؟؟؟ههههه

[بنت الخليج]

اذا الشغلة صار بيهة حسد اليوم راح اخلي زوجي ايصوم احسنلة هههههههههههههههه

[حبيبي]

هههههههههههههههههههههههههههههههههههههه متت عليج من الضحك
بيداء اقرئي عليه المعوذات قبل ليبلش ههههههههههههههههههههههه
يمكن يكول هاي اشبيها اتخبلت ههههههههههههههههههههههه وبخريه بحرمل هههههههههههههههههه

[kokee]

هههههههههههههههه لعذ اذا مرتاحه علحب خلص

[حبيبي]

عذراء لليوم صااايمه ؟

ههههههههههه

[بنت الخليج]

لاعيني هذا ميفيد ويا لاحرمل ولا معوذات راح اسوي نفسي مريضة والف راسي وانام احسنلي هههههههههههههه

[حبيبي]

مو مرتاحه هم بلحبوب هههههههههه مرات انسى حتى لو خليت منبه
وخايفه من مضاعفاتها مع طول المده مو خوفي اني ما احمل
خوفي من الى بنشره مكتوب اتسبب تجلط وتسكر شراين ومعرف شنووو
الله يستر منهاااااااااا بس للحجه استخدمهااا
ولالالالالالا ماكو احلى من الطبيعي

[عذراء الجابري]

لاحول ولاقوة الا بالله العلي العظيم
والعاقبة للمتقين

[حبيبي]

هههههههههههههههه زين لفي راسج اذا اتكدرين
يحلوووووووووو الدفئ وخاصه بشتاءhwaml02

فيس خجلان خخخخخخخ

[kokee]

اليوم تحبل بيداء خخخخخخخخخخخخخخخخخخخخخخخ

[حبيبي]

غريبه ايه اليله ماكو ؟؟؟؟

[kokee]

يلا بنات نعست جدا
تصبحون على الف خير واحلام سعيده ان شاء الله

[حبيبي]

زنوبه يسرى ليش متدخل من زماان ماشفتها
اصاير الهااا ؟





الله يرزق كل محرروم بلاطفال

[حبيبي]

يؤؤؤ بتنام اهئ
اتلاقين الخير وبوسه وعضه للولي ههههههه

[حبيبي]

الجميع يختفي وينكم ؟؟؟
عذراء
بيداء
زهراء خخخخ ماكو زهراء بس على الوزن

[بنت الخليج]

يمعودة ابيش متفاولتلي الله يستر اليوم اشلون راح ادبرهة ههههههههههه

[بنت الخليج]

وينكم بنات اشو ولا وحدة

[حبيبي]

اني هون بس المنتدى صاير ثكيل

[حبيبي]

بيداء انتي موظفه ؟
واذا اي اشلون مدبرتها مع جهالج وزوجج وبيتج ؟
وين ساكنه ابيت وحدج لو ابيت اعيالج ؟

[بنت الخليج]

حبيبتي اني معلمة مدرسة واطفالي وياية اخذهم وساكنة وية عيالي

[حبيبي]

زين الله يوفقج
وولادج بنفس مدرستج
نحنا مدرسه خاصه للاولاد ومدرسه للبنات ماكو اختلاط خخخخ

وشلون بيت اعيالج زينين معااج

[حبيبي]

اني جالسه بلبيت ما اشتغل وما دخلت جامعه فقط خلصت الثانويه hwaml5
ساكنه وحدي بشقه ومغتربه ببلدي اهلي واهله ابعاد عني مسافه 3 ساعات اروح الهم كل اسبوع يومين
او كل 15 يوم اروح الهم يومين ومغضيتها مشوير اهئ hwaml15
واذا رحت الهم اكون ابيت اهل زوجي عندي قسم خاص
غرفه وجلسه وحمام جناح فندقي خخخخخ hwaml14
وهاي قصتي طبعا مختصره وناقصه مع الايام اتعرفيني اكثررر hwaml7

[بنت الخليج]

حبيبتي اطفالي وياية بنفس المدرسة امدللين ولد المعلمة ومدرستنا بس بنات بيهة بس ولد المعلمات استثناء وحاصلين موافقة بيهم يمعودة شسوي وين اوديهم وبالنسبة الى عيالي الحمدلله زينين

[بنت الخليج]

افهم من كلامك انت موساكنة بالعراق مو صح

[حبيبي]

الحمدالله وزين يقبلوون بهشي المدرسه

وهم الحمد الله اعيالج معاج زينين نااااااااااادر حدى يرتاح معاهم خخخخخخخخخخخ

اني بعد مرتاحه معاهم

[حبيبي]

لالالا اني اسعوديه وتمني ازور العراااق هههههههههههه

[بنت الخليج]

الله ايوفقج وية عيالج ويسعدك وايهنيك انتي سعودية لو عراقية ووين ساكنة بالسعودية

[حبيبي]

اني اسعوديه بس داخله تجمع عراقي من زمان اني وياهم سعوديه بروح عراقيه ههههههههه


اني من الاحسااء hwaml5

[حبيبي]

الله ايوفقج وية عيالج ويسعدك وايهنيك


تسلمي يارب ويوفقج ويحفظلج احبابج

[بنت الخليج]

انتي اتشرفيني حبيبتي كلنا اخوات انشاء الله وربنا ايدوم المحبة بيننا

[حبيبي]

تسلمي وشررف ليا اكثرر بمعرفتكم صرتو بنسبه الي خوووات واعز
ونفسي نلتقي كلنااا بيووم ههههههههه
نجمع بلعراق

[بنت الخليج]

اذا جيتي للعراق يعتبر شرف للعراق والعراقيين وبصراحة روحنا وقلوبنا معكم يا اهل الاحساء والقطيف وربنا يوفقكم

[حبيبي]

اسفه تاخرت عليج فرد بسبب فطومه تبجي ويالله سكتت
ونحنا منريد غير الله ينصر العرراق والعراقين ويحفظهم من كل شررر ويستتب الامن ولامان فيهااا

جيتي انتي مره لسعوديه
للمدينه المنوره لو مكه المكرمه ؟
اتمنى كل اعضاء تجمع العراق يزورون المدينه المنوره
ويحجون بيت الله الحرام

بنتي ما مخليتني اكتب تمسك ايدي اهئ

[توتايه]

هلو بنات اني قبل ساعتين اجيت من المستشفى فرحانه محضره لوازم السهره والشموع لان اجلت عيد زواجنا كان الجمعه وسويته السبت عودينه مو كلتلكم راح اروح للصالون رحت حفيت وكصيت شعري وسويت الغرفه مال عشاق كله ورد احمر وابيض وشموع خليت حماتي تسويلياها ومن طلعت من باب الصالون وكعت وانكسرت رجلي وجبسولياها وكاعده تموتني هسه وهذا ديبجي وخبلني تخبل وراح عيد الزواج وراح البطيخ

[توتايه]

بيداء منوره حبي والله يحفظلج الجهال خوش طريقه ورجلج كادر
اني ميقبل كلتله وره الاربعين خلي خارجي الا ان احط اللولب مقبل يكول ما ارتاح
صدوك من وكعت وصلت للمستشفى لكيت روحي فيضان دم من جوه ما اعرف لويش هاي من ديصير جماع دينزل دم ووجع دوره ومخليت دكتوره تكشف علية اخاف تسوي بية شي كلت الاحد اروح لدكتورتي اصعدلها بالكعازات ولا اعرف امشي بيها

[حبيبي]

يؤؤؤؤؤؤؤؤؤؤ ايوته سلامتج
شلون صارت هيج ونكسر رجلج
متشوفي شر يارب والله زعلت عليج وعلى حضج
الله يعوضج بغيرر ليله ان شاء الله

[حبيبي]

يمكن هذا الولب مو مناسبج ايه شوفي له حل
يا تغيرنه يا مانع ثاني

وبشوف الخارجي زين لوضعج

ويوسف اليله كان نومتيه مع حماتج لانج تعبانه
وبو يسوف اشلون موقفه معااج غرفه مرتبتها وورد ونكسرتي ؟

خطيه كان احتفلتو حفله اصغيره

[توتايه]

دخيلج ميقبل بالخارجي وواني اصلا عندي سوابق وية خربطه الهرمونات فما اكدر اخذ الحبوب اضمن شي الي اللولب وبعد ما اعرف

شفتي شلون؟ وحظ اغبر

لا حبيبي ميقبل يروح عند احد المصيبه اليوم كله لاطش بية ويبجي كأنه يعرف اني تأذيت

وزوجي خطيه تفاجأ بالورود والهديه خطيه مجان محضر روحه حتى ناسي يشتري لي شي وعادي طنشت ونمت لان كنت تعبانه وهسه هو نايم واني كاعده خطيه حماتي راح تبات يمي بالغرفه اخاف احتاج شي

مشتاقتلكم هوايه واعذروني مسألت عليكم لان راسي يوجعني من بجي يوسف

[حبيبي]

الحمد الله على سلامتج وان شاء الله اتعوضونها بغير ليله
ووووووي يوسف حاس فيج وانتي بس معصبه عليه
شفتي اشلون حن عليج زين حماتج جنبج حتى اتساعدج
على يوسف ومن تحتاجين شي
وانتبهي على رجلج مدوسين عليها كثيررر
واكلي بيض وحليب واجبان اتقوي العظم وبسرعه الكسر يلتئم كثري منهم بهاي الفتره ولبن

[مجنونة بحبها]

صبااااااااااااااااح الخيررررررررررررررررررررر


بيداء اهلا وسهلا بيج حبي انا ايمان عمري 26 سنه وعندي بنوته
و3 اسقاطات متزوجه صارلي 5 سنين وساكنه بالبلديات
شغلي طبخ ونفخ ههههههههههههههه


رحوب حبي متنفخ ولا تنفتح بس ديري بالج من ترفعيها من المي
حتى لا تنفتح وطعمها يجنن انا سويت هوووووواي وخليتها بالمجمده
حتى كلما احتاج بس اطلعها واقليها وياريتج لو يمي جان شبعتج اكل عراااااااااااقي واليوم راح اسوي غدا كباب شوي عراقي 100%100 ههههههههه والف عافيه تعالوا اكلو وياي بس ديروا بالكم من كماشه خاف تغصصج هع هع

عذوره حبي تعالي واسويلج احلى كبه

ايه سلامتج حبي ماعندج حظ راح تعب الليله الرومانسيه
ان شاء الله تعوض بغير ليله


مهاوي ووئام وقمر وكوكي وغنى ودلوعه وام تمار وكل البنات شلونكم اخباااااااااااركم


نجوله شلونج وشلون ايهم

اروح افرم اللحم واحضر الكباب للغداء

[بنت الخليج]

صباح الخير على الكل اليوم دوامي الظهر وكلت بلكي اكو وحدة موجودة . هلو ايمان اتشرف بيج حبيبتي وانشاءالله اتحبلين وماكو اسقاط بعد . اية حبيبتي الحمد لله على سلامتج والله ايعوضج الليلة الرومانسية بس ديري بالج على نفسج واكلي مشتقات الحليب حتى يترمم العظم بسرعة . عذورة عمري اشلونج اخبارج وسلامي لجميع الاخوات الباقيات

[ام تمار]

صباح الورد والياسمين والعنبر صباح الحب
شلونكم بنات اخباركم مشتاقين مااعرف شوكت دخلون تكتبون لان ماشالله مالحك اقراه الصفحات فايتني هواي
اني تقريبا ب11 ليلا انام افرج اسناني وانام مؤدبه واسمع كلام ههههههههههه كلام بنتي ها مو زوجي
اي على العموم منورات اللمه ياهلا بكل العراقيات
رحاب حمدلله على السلامه وان شالله ماشوفين شر الله يحفظلج اطفالج ال4 الله يخليهم
ايمان الكبه طبيه مبينه شهتينا ادري على كيفج ويانه تدرين بينا حباله ومابينا حيل نشيل جسمنا بس نشوف بعينه ونشها لا حبيبتي الف عافيه ادري يوم كبه يوم كباب شنو السالفه اكلج من اجيب اريد منج تعلميني كل المهارات الي عندك لاني اني مثلك ماعندي شي بس طبخ ونفخ واحب اتفيك بالطبخ اسوي اكلات جديده
اني دولمتي تخبل هواي اسويها طيبه مشهوره بالدولمه ياربي تجون للكربلاء واسويلكم اطيب دولمه بالعراق
عذراء حبيبي روحج هواي مرحه الله يحفظلج اطفالج
zena حمدلله على السلامه ماشوفين شر اشربي سوائل دافيه واخذي دواء الافلاونزه ان شالله خير
بيداء ام كرار اهلا بيج مره اخره الله يحفظ اطفالج هواي حلوين ماشالله منوره لمتنه ياورد
كوكي مااعرف اسمج اخبارج
يرادلي فتره حتى احفظ اساميكم بنات
توتايه الورده شلونج شلون سيوفي لاظربي عليج الله
موكتلج طلعي حركتج برجلج لوشاطره خخخخخخخخخ
رضوانيه وينج عيني بالي يمج
زوجي هو حياتي شلونج ويا الحمل همات صار عندك تشققات وين وصلتي اني اليوم بالاسبوع 31 بأذن الله
ام ايهومي شلونج وشلون ايهومي منتظرين صورته القمر الله يحفظه تقر عينج بيه بجاه واحد احد
بقيه البنات اهلا وسهلا بيكم وبكل العراقيات

[ام تمار]

توتايه حبيبي ماشوفين شر هسه من راجعت الصفحات قريت الي صاربيج ليش هيج
يله ملحوكه بغير يوم ايامج كلها عيد ان شالله المهم ماكو هدايه يعني ماحصلتي هديه عيد زواج
خخخخخخخخخ ماشوفين شر

[روح ملائكيه]

هلو بنات شلونجن؟
صارلي ساعه فاتحه المنتدى ومااكدر اكتب كلمه معلك هههههههههههههههههههههههه

سلامي للجميع اريد اسوي موفينات حلوه

اشوووووووفكم على خير

[مجنونة بحبها]

هلووووووووو ام كرار عيني شلونج وشلون الجهال
وانتي معلمه شنو اختصاصج ومشكورررررره على الدعوه
الحلوووووووووه منج

ام تمار نوره حبي شلونج وشلون الحمل
حبي تعالي اتفضلي الف عافيه ان شاء الله تجيبين
وبعد ميصير عندج مجال من وره بنتج هع هع

زينه حبي ماتشوفين شرررررررررررر سلامتج حبي

مهاوي هاي انا وياج بس بالمطبخ خخخخخخخخخخخخخخ

[مجنونة بحبها]

http://forum.hwaml.com/imgcache2/hwaml.com_1324210431_927.jpg

هذا الكباب اتفضلوا الف عافيه

اليوم زارني ابوي وبقى عندي على الغداء

وانا مسويه كباب وتشريب عظام عجل

وزوجي كال هواي مسويه بالاخير اكلوه كله

وزوجي تعارك وياي يكلي ليش سويتي هواي

وخليتيني اكل هوااااااي هههههههههههههههههه

خرب الريجيم ماته هع هع هع

[روح ملائكيه]

هلو اني جيييييييييييييت

هسه سمعت خبر من العراق كلللللللش فرحني اختي حامل يوم لكل البنات الي يرغبن بالحمل وخصوصا بنات التجمع نريد درازن مو درزن ههههههههههههههههههههه

بس تدرون شلت هم لأختي ..هي عدها 3 اطفال اصغرهم بأول ابتدائي وخطيه اول حمل صار اسقاط وجان جبير عمره اكثر من 4 اشهر (الله يرحمه) بس هسه يعادوها اخوي ومرته لأن حبلت وهمه ماعدهم اطفال ..اني هسه مايحجون وياي والله شنو حبلت بولد هههههههههه عبالك اول طفل الي ماعندي 2 بنات بالبدايه ..لا حول الله يارب ماتصير مشاكل يااااااااااارب

[روح ملائكيه]

امونه حرام عليج شنو هالمشهيات ههههههههههههههه شمدريج اني مشتهيه كباب ؟؟

ياعمري الف عافيه ومعليج بحجي الرجال المهم سويتي اكل يرفع الراس كدام ابوج

اني والله اني ساكنه المطبخ كضيت عمري بالمطبخ هههههههههههههه هسه سويت موفينات(كب كيك) برقائق الشوكولاته تخبل مكانج خالي انتي والبنات شو اول مطلعتها من الفرن صفوها مابقت بس وحده خخخخخخخخخخخخخخخخ يلا زين لاحني ربع وحده تضواكه ههههههههههه
هسه جاي اطبخ تمن احمر وبعدين اعجن الفطائر هههههههههه الشغل مايخلص

صدك باجر اسوي كبة حلب هههههههههههههههه تعالي نلف سوه اني وياج

[روح ملائكيه]

هلو نعومه مشتاقيلج عمري عاش من شافج الحمدلله اني زينه وحمودي هم انتي شأخبارج؟


ام شوق مبين عليك طباخه ماهره ماشاء الله
وعندك افكار حلوه ومبين نفسك بالاكل حلو همات
بس اجيب على خير رايده تعلميني كم اكله حلوه
مثل وجهك تعجب رجلي اشطر على الرجال ههههههه
لاصدك من اجيب رايده وصفاتك وطبخاتك الحلوه
اني همات اسوي فطائر تعجبك وزوجي يحبها ودائما يكلي شوكت جيبين وسويلي فطائر خطيه هههههههه
بالعافيه على الطرشانه اني هواي احبها خاصتن على لحم غنم هواي طيبه وبعدين بالعافيه على السفره
والله تغير جو مطلوب للراحه النفسيه حتى واحد يكدر يكفي يومه على كولت اخواننا اللبنانين
ام شوق انتي بالعراق عايشه للو بدبي
الله يحفظلك اولادك يارب



الله يخليج عمري ام تمار هذا من ذوقج ..مو تدللين انتي بس ولدي بالسلامه وان شاء الله اعلمج اكلات تخببببببببل هههههههههههه وكتبيلي طريقتج بالفطائر خلي اجربها اني احب اغير دائما بالطبخ اكره الروتين ههههههههههه اني عايشه بالشارقه طريق دبي يعني دبي اقربلي تبعد 4 دقائق فقط

[روح ملائكيه]

امونه صحيح الدكتورات يكولن البيضه لازم جبير حجمها بس وداعتج بيضتي ممن حبلت بملاك جانت 14 وحتى جنت اتداوى بصدري جان حليب ونشفته 4 مرات ومافاد هو رزق بيد رب العالمين واذا عالهرمونات سهله اكو حبوب تنظمها بس انتي اهم شي لا تقلقين مو زين عليج

هلو عيوني عذراء اني بخير دامج انتي بخير غلاتي ..شلونه حملج ان شاء الله كلشي تمام؟؟

[عذراء الجابري]

مساء الخير بنات
امونةhwaml7
رحوبهhwaml7hwaml7
ايمانhwaml7
نورهhwaml7
بيداءhwaml7
ام شوقhwaml7
نعومهhwaml7
زنوبهhwaml7
وكل الباقين انشاء بالف خيرhwaml13hwaml13

[ام تمار]

ام شوق هلو عيوني اني طريقتي بالفطائر بسيطه
العجينه جاهزه من الفرن اشتري عجينه صمون
وبعدين افتحها بالشيبك واسويها على شكل اقراص
او دوائر واحشي كل قرص باللحشوه هي عباره
عن لحم مقطع ومفروم بصل اخضر وفلفل اخضر
وبعد ماتحمسين الحشوه ضيفيلها جوز وبهارات فلفل حار اي وتحشين كل قرص بعد ماتمسحين بالفرشه كل قرص بالكجب الاحمر وتحشيها وتلفيها وبعدين تمسحيها من فوق بالبيض وترشيلها سمسم مسهي وتشويها
والف عافيه .....

[ام تمار]

بنات ماكو احد ادري شوكت دخلون من انام ههههههههههههههههه

[بنت الخليج]

هلو بنات اشلونكم شخباركم كلكم عساكم بخير اني هسة رجعت من الدوام وحجيت وية المعلمات الوياية على المنتدى الليخبل وراح اجيبلكم عضوات جديدات وانسوي مدرسة داخل المنتدى ههههههههههههههه .سلامي للجميع

[ام تمار]

هلا بيج ام كرار وبكل المعلمات انتي اي صف درسين
انتي موجوده>>>

[روح ملائكيه]

ايوووته قلبي سلامتج هسه يله قريت هاي وين جانتلج ..مشافاة ان شاء الله وماتشوفين شر عمري اكلي اغذيه بيها كالسيوم حتى يلتئم العظم بسرعه ...ويله راحت عليج ليلة عيد زواجج ملحوكه ههههههههههههه لا تنقهرين اني هم راحت عليه خخخخخخخخخخخ جنت ابجي علمود اجازتي مالت الامومه ماتصير على اساس اخوه يسويها وماسواها كلها تالي ابوي سواها الي ..المهم حتى عيد زواجنا مااتذكره او يجوز مغلس وجنت مجمعه فلوس هواي ردت اجيبله هديه غاليه من شفته هالشكل صرفتهن عالبيت ههههههههههههه

[روح ملائكيه]

هلا بأم كرار منورتنا غلاتي

طبعا قريت كلامج بالصفحات السابقه ماشاء الله عليج روحج كلش حلوه للعلم اني هم معلمه بس هسه ربة بيت لأن مجازه امومه

اروح محمد يبجي

[روح ملائكيه]

عيوني ام تمار طريقة الفطائر الي تسويها حلوه اني اسوي مثلها خصوصا من اروح للعراق اهلي يحبوها خطيه بس العجينه اني اسويها هههههههه احب التعب الزايد ههههههههههههههههههه

تدرون قريت سوالفكم عن الاطفال وحبوب المانع واللولب وخفت هواي لأن بعدني ماحاطه لولب لازم اروح لدكتورتي واحط لولب لمدى الحياة خخخخخخخخخخخخخخخخ تعبت من الحمل والسهر ..
اللولب هنا غير الي موجود بالعراق وغالي سألت على نوع كلي ب1000 درهم يعني 300 دولار هههههههههههههههههه يارخصك ياعراق

والله لو يصير بمليون دينار هم احطه بس اخلص ميته من الخوف لا احبل ...

[روح ملائكيه]

ايوته عمري هسه شلون بعيونج؟؟ والدور رجلج هم انكسرت ..لا حول الله
الله يعينج ويسهلها عليج عمري ماتشووووفين شر يـ الغاليه


بنات اذا شفتوني موجوده بالمنتدى وماارد عليكم معناها لو ارضع محمد لو اسوي شغله تعذروني لأن النت يمي ضعيف وبالعافيه افتح جوجل فأخلي المنتدى مفتوح

[مجنونة بحبها]

هلا مهاوي حبي ياريتج لو يمي شلون كباب شويته على الفحم

وزوجي يحجي لان اكل هواي وهو ايريد يضعف هههههههههه

بس لان عجبه كام ياكل بدون ميحس

ومبروك والف مبروك على حمل اختج ويارب الحمل الثابت

اليفرح كلبها ويقر عينها

ويله انا راح اجي الف وياج كبه حلب امووووووووت عليها


ههههههههه انا اخلي بالحشوه كشمش ولوز تصير روعه

صحيح عن الحمل انا اعرف الله سبحانه وتعالى اذا رادني

احمل فراح احمل بسرررعه لاني ببنونه جان مرتفع هرمون الحليب

وهرموناتي مخربطه وعندي تكيس حتى الدكتوره كالت

متحملين بعد ونسيت اراده رب العالمين انا ثقتي بربي عاليه

بس اكول عندي ذنب يحجب دعائي وصارلي سنه ادعي

وبدون استجابه معناها ذنب جبيررررر الله يغفر ذنبي

بحق محمد وال محمد





ام كرار حبيبتي كل الهلا بيج وبكل المعلمات تشرفونه




ام تمار عيني شلونج وشلون الحمل


عذوره حبي شلونج ههههههههههههه ضحكت

شفتج كاتبه اسمي مرتين مره

امونه

ومره

ايمان يعني تحبيني ومرايحه من بالج خخخخخخخخخخ

رحوبه وزنوبه راح يجون بعد شويه من هسه اسلم عليكم

واكول شلونكم حبيبات كلبي


ايه ان شاء الله الشفاء العاجل

[kokee]

هلو بنات
ايه سلامتج حبيبه متت عليج من القهر هاي وين جانتلج من هم لهم الحمد لله على كل حال

مها اني احب شغل المطبخ بس شنو اخاف اسوي شي لا يفشل ههههههههههه
اموووونه مو ممتعشيه وهسه متت جوع من حجيج خخخخخخخخخخخ
ام تمار اني زينب ام ايليا من النجف مواليد 87 خخخخخخخخخخخخخ

عذوره منوره حبي شلونه سيد جعفوري
رحوبه اخذي الحبه لا تنسيهه خخخخخخخخخ
نورس الج وحشه حبي جبتي بعدج؟
ام كرار منوره انتي وصديقاتج
وئام ويسرى وزينه مشتاقتلكم يا حلوات

[kokee]

اهلا ام سما منوره عزيزتي عمرج 30 سنه يعني هههههههههههههههه

[kokee]

ايمان مبينه انتي مره حوك بالمطبخ
اني اعرف اطبخ بس اذا الحجيه متتواجد بالبيت اني اطبخ
وطبخي طيب خخخخخخخ

[توتايه]

تسلمولي بنات حبيباتي الشر مايجيكم انشاء الله والله هاي ارادة ربي شسوي بعد الحمدلله على كل حال

العقيله منوره عمري عادي كلب شكد مايكون عمرج العمر كله يارب صحه وسعاده وراحة بال والله يحفظلج العرايس
اني اية ام يوسف مواليد 90

[توتايه]

عذوره اني زعلانه لان اسمي مو وية باقي البنات

[kokee]

هاي شنو كلجن نايمات خخخخخخخخخخخخخخخخ

[kokee]

ايه شون صارت رجلج؟

[kokee]

ههههههههههههههههه يا شكد 32 خخخخخخخخخخخخ