تجمع حوامل العراق واتمنى اكو احد موجود

[حبيبي]

السلالالالالالالالالالام عليكم
اشلونكم هذا اذا حدى رد هههه
ايه شنو نسيبي بيصير اقرع ههههه يله هم خطيبته قرعه هههههه

غناوي الله يعينج ويساعدج على الابر ويله ان شا الله فقط فترت الحمل وبعدها كلشي يصير زين
حملات هلايام لا تطااااااااااااااق
بنات اول يله بسابع طفل اتصير عندها مضاعفات بلحمل
وبنات هلايام من اول حمل كلها مضاعفات نحنا بنات كراطيس هههه ومعلبات مننفع للحمل بس مناظر
مكياج ولبس نمشي زين
اما حمل وولاده نخترب ونموت ونعجز ههههههه

[حبيبي]

يسرى وينج افتقدناج
الي اتزوج حماج مو انتي يله تعالي سهري معنا هههههه
اعرف معندج نت ابيتكم بسرعه حطو النت منكدر على فركاج
مشتاقين لاخبارج انتي وردونه

[رودينة الراوي]

هلوووووو بنات منو موجودة

[رودينة الراوي]

شلونكم بنات أخباركم مششششششششششتاقتلكم كلش كلش
شدينة انترنت بالبيت وهسة دااحجي وياكم من بيتي ومن غرفة نومي هههههههههههه
لو تدرون شكد اشتاقيتلهة هههههههههههههههه
بنات شغل البيت مديخلص والجو حار كلش وفوكاها الخميس الجاي السبعة مال حماية والجمعة عدنة عزيمة اصدقاء زوجي واخوته كلهم رح يجون على غدة 17 رجال لاواحد ولا اثنين ومن هسة دنتسوك ونتحضر للعزيمة
أني ان شاء الله يوم الأحد 7/3 موعد عمليتي يعني بعد 6 ايام تقريباً وخااااااااااايفة كلشششششش حالتي النفسية صفر والأفكار تاخذني وتجيبني

[رودينة الراوي]

أية شلونج حبيبتي اخبارج واخبار يسوفي يلة خليلنة صورة جديد الة أكيد هسة تغير شكله
شلونة النفاس وياج وخوما دينزل دم عليج هواية

نعومة شلونج حب اخبارج يلة هانت مبقة شي الله يكومج بالسلامة حبي
ميوسة حلو اسم فاطمة عاشت الأسامي ربي يحفظها لج وتكومين بالسلامة انتي وياها
رحوب حبي هاي شنو رح تغيبين كل هالغيبة وليش انتي تروحين ببيت اهل زوجج اذا هوة مرح يجي وياج
كوكي شلونج اخبارج واخبار ايليا عساكم بخي يارب
غناوي حبيبتي يلة اتحملي الإنسولين وصدك اهم شي سلامة المولود وانتي
الله يكومج بالسلامة انتي وياه ويفرح قلبج بشوفته سليم ومتعافي
عسولة ووردة القلوب شلونكم اخباركم اتمنى لو اكدر احجي وياكم واتعرف عليكم اكثر

بنات عندي سؤال
السونار الدوبلر الملون يبين بيه أحشاء اللبن لو لا

[وَرْدَة الْقُلُوْب]

هلة ردوونه
شخبارج
اني موجودة

[فيونكه بلون الفراوله]

تسلمون بنات هذا من ذوقكم

الله يساعدج ام ردونه يعني خميس على جمعه خبصه والاحد العمليه يوه حتى ما عندج وقت ترتاحين ومبروك على النت قلب وبالنسبه للسؤال مفتهمت ؟؟؟

رحاب راح نشتاقلج كومه ياله روحي غيري جو احسن من ملل البيت

غناوي الله يساعدج على الانسولين ما بقه شي كلها 4 اشهر وتخلص

ايو وئام ورده وعسوله شلونكم بقيه البنات

بالنسبه لاخباري ان شاء الله راجعين بدايه الثامن لسوريا ومناكه راح اروح اشوف اهلي بالعراق وارجع لسوريا وشوف الله شوكت يسهلها علينا ونستقر والله كريم
بالنسبه للحمل الحمد لله الاربعاء راح اروح للطبيبه اسوي تحاليل ودتصير عندي دوووووووووخه قويه الى درجه الاغماء وترتفع درجه حرارتي مدري شنو القصه وبعدني عايشه على حبوب الوحام ههههههه والله كريم

[رودينة الراوي]

هلوووو بالحلوات

ميوسة الله يساعدج كل هالسفر وانتي حامل شلون رح تتحملين وديري بالج على نفسج حبي شنو هالاعراض الي دتصير عندج خابري دكتورتج حتى تشوفلج حل

وبالنسبة للسؤال يعني الدوبلر الملون اكدر اشوف بيه رئة الطفل اذا مكتملة او لا حتى اطمن اكثر لان هذا الموضوع كلش محيرني

[فيونكه بلون الفراوله]

هلوووووووووووو بنات

اي والله يسرى كل هالسفر واني حامل الله كريم ودكتورتي باجر لوعكبه اروحلها
وبالنسبه للسونار اتوقع اي تكدرين تشوفين لان همه يشوفون الكله والكلب والمعده اكيد يشوفون الرئه بس ممتاكده
بعدين انتي ليش خايفه انسب وقت هو نص التاسع اكيد الطفل كامل نموة
ليش مسالتي دكتورتج ؟؟؟

[غنى2011]

هلو حبايب شلونكم اخباركم شكراااااا لدعواتكم واهتمامكم
ميس شنو هذي الحراره ترى مو زين حاولي باسرع وقت ترحين للدكتوره

هلو رودينه طبعا اني هم اريد اطمئن على البيبي كلش خايفه عليه لان اني صحتي مو تمام اسم الله عليكم
هو الدوبلر الملون غير عن السونار الرباعي مووووووو
اي واحد احسن كلولي لان اني كلشي ما اعرف

[نعومه التميمي]

هلو بنات شلونكم شخباركم هاي شنو ميوسه حبيبتي خاف عندج فقردم حاد
روحي الدكتوره وطمنينه
يسرى الف مبروك على سحب الانترنيت
شخبار رودينه
تاكدي اخذي سونار احسن واحد يتاكد قبل كلشي انشاءالله تكومين بسلامه

[نعومه التميمي]

هلو غنى شخبارج وشخبار صحتج شلونه السكر

[فيونكه بلون الفراوله]

هلوو بنات

اي والله ما اعرف شنو القصه الى درجه ذاك اليوم طلعنه من البيت ماكو نزلت من العماره واغمى اعليه راسن رجعنه صعدنه المشكله هاي الحاله عندي من قبل شهر تروح وتجي ومرات تجين باليوم مرتين تلاثه المشكله هاي دكتورتي العبوة اكللها هيجي دكلي عادي هو هذا الحمل والله راح تخبلني

غناوي سلامتج حب خير ليش مريضه

وئام بشرينه ما ولدتي هههههههههه خلصنه من ايه اجه الدور عليج

[رودينة الراوي]

شخباركم بنات
والله دكتورتي كلتلي بهذا الوكت الطفل يكون مكتمل والرئة مالتة هم وحتى خابرت الدكتور الي سوالي العملية مال أطفال انابيب بعمان وحجالي نفس الحجي كلي اطمئني وبأذن الله كلشي مكتمل وهذا انسب وقت للعملية بس أني طبيعتي اخاف واوهوس فكلت قبل العملية بيوم اروح اسوي دوبلر حتى اطمن اكثر بس لازم اسأل حتى اعرف يبين بيه لو لا حتى مااسويه عالبلاش

غناوي حبيبتي ديري بالج على نفسج حبي
ميوسة شوفيلج غير دكتورة لازم تلكين حل لهالشغلة الدوخة القوية عادية بس مو الحرارة مرتفعة مااعتقد هذا الشي عادي لتعوفين نفسج حبي
نعومة ننتظر ولادتج كلنة يلة بلكت وياية تجيبين بنفس اليوم دنسوي سباق أني وياج هههههههههههههههههههه

[نعومه التميمي]

هلو بنات حبيبتي ميوسه سوي تحليل احسن لان بل تحليل كلشي يبين
واذا عليه هاي ديمه متقبل تطالع وزوجي راح يخبلني كلساع كال ماجبتي
يسرى يمكن انتي قبلي راح جيبين رودينه لان اني راح اكمل التاسع ويوم الاحد ادخل بل عاشر هم انطوني موعد 10\7 الولاده يعني بعدني اطول
انتي توكلي على الله وسوي العمليه ولا توهوسين انشاءالله تكومين بسلامه

[توتايه]

هلاو بنوات شلونكم والله سوفي متعبني كلش هوايه مديرضع كمت انطيه حليب صناعي

[نعومه التميمي]

هلو ام يوسف شلونج الله يساعدج هذا يوسف يحب يتعبج هو بطنج جان متعبج وهسه هم ليش ميعجبه حليب صدرج
ايه حبيبتي خاف ميشبع من عندج يمكن حليبج خفيف

[نعومه التميمي]

ايه عندي سؤال شكد بل تاسع وجبتي يوسف لان اني يوم الاحد راح ادخل العاشر وهنا المشكله كله عدهم عادي

[وَرْدَة الْقُلُوْب]

السلام عليكم
حبيت اسلم عليكم
اول ما ادخل الموقع
شلونكم شخباركم
بناااااااااااااااااااااااااات امااااااااااااااااااااااااااااتة عليكم
ادعولي بتوااااااااااااااان سليميين معاااااااااااافيين

[نعومه التميمي]

هلو حبيبتي هله بيج يارب يرزقج اطفال معافين امين

[توتايه]

يسوره اتوكلي على الله وسويها ولتوهوسين موزين حبحب

[توتايه]

هلو نعومه عمري والله اني قبل اسبوع بالضبط قبل ما اخلص التاسع جبت عادي عمري حتى لو تخلصيه احسن للنونو

اي والله متعبني كلش وخوب نوم بح بح ماكو نوم

الله يرزقج تؤام معافين من كل شر وكاملين الخلق والاخلاق

[نعومه التميمي]

الله يساعدج حبيبتي ايه لعد شسوين زين ياخذ حليب صطناعي لوهم بشلع الكلب

[نعومه التميمي]

يله بنات تصبحون على خير قبلاتي لكم جمعينا

[غنى2011]

سلااااااام اني اجيت

[توتايه]

لا والله حبيبتي بالكوه ياخذها البارحه اني ابجي وهو يبجي

هلو غناوي حبيبتي شلونج اليوم؟

[ام حسين الدار]

هلا كروشات اخباركم
اتفضلو فتحت موضوع جديد عن تجهيز شنطة المستشفى
http://forum.hwaml.com/t63807.html#post1223772 (http://forum.hwaml.com/t63807.html#post1223772)

[kokee]

هلو بنات شلونكم مشتاقتلكم
حطيت صوري لولي ابني بلتوقيع ههههههههه

[kokee]

http://www.iraqup.com/up/20110628/o7FQe-17Bg_987545248.JPG

[kokee]

حبيبي ستوه بده يناغي وابو ممصدك عبالك عجيبه ههههههههه

وينكم بنات

[kokee]

اشو محد اكو

[حبيبي]

يا الله يجنن علاوي فديته hwaml03
نايم وحاط ايده على خده ممممممممممممممممواه لخدوده hwaml02
اشلونج كوكي وشلون علاوي وهذا كلش اصغير مترضعيه اضعيف حيل حيل
اهتمي فيه وبرضاعتهhwaml4
وبوساتي له ولامه hwaml7وعقبال متحطي صورته وهو ببدلت العرس كولووووووو امين هههه

[حبيبي]

رودينه مبروك عودتج لغرفتح ومبيتج فيهاااااااااااااا ومبروك لنت ومبروك للعرسان كلش على بعضج مبروك هههههه وعقبال منكول مبروك الولاده ولا تخافين اتوكلي على الله وغمضي وخلي يشقون بطنج وكلها دقايق وردونه جنبج هههههههه اتشاقه وياج وكلي امرج الى الله وهي خلاص اكتملت وصار وقت خروجها لتخافين
وبنسبه لروحتي لبيت اهل زوجي لانه ام زوجي مسافره واني مكانها بلبيت اهئ خوش سفره لي
بس بعوضهاااااااااااااااااااا من زوجي يسفرني لرجعت امه خخخخ
وهو ميكدر يجي معاي بسبب شغله فهمتي يسوره ههههه
ميس ميس
شنوووووو هدوخه سلامتج يمكن هبوط سكر هو الي يسبب اغمى وتعرق وارتفاع بلحراره الجسم
ومراح يكتشفونه وانتى ماكله وشبعانه وتاخذين تحليل الدم ببين وانتى دايخه اول متحسين بدوخه اكلى شي حالي او عصير برتقال ولهدى جسمك معنهااااااااا هبوط سكر


ايه شلون يوسف ميرضع غصب رضعيه يدلع من هسه

ورده القلوب وغنى وعسوله مشتاقه الكم
والمفقودات من حبيبه ماما وصعوبه والله ناسيه مين بعد ؟ الله يرجعكم النا بسلامه

ومشتاقه للكل وهالفتره دوخلي راح يكون ناااااااااادر واذا بدخل باخر اليل مثل الحراميه ههههه

[نعومه التميمي]

هلو بنات شلونكم شخباركم مشتاقتلكم رحوبه شلونج يعني مراح نشوفج بل صدف
زنوبه فدوه حبيبي علوي يخبل الله يخلي الج يارب
شلونايم نوم العوافي
اليوم رحت الدكتوره تكول اذا مصارت عندج ولاده نطيج بعد عشر تيام فوك الموعد يعني الشغله طويله واني يوم الاحد اكمل التاسع

[غنى2011]

نعومه الله يكومج بالسلامه انشاء الله
بس انتي متاكده من حساب الحمل

[غنى2011]

اللهم صلي على محمد وال محمد
فدوه لله كوكي هاي شلون نومه نايم علاوي صدقه
الله يخلي ويحفظه انشاء الله

[kokee]

شكرا حبايب كلبي ربي يخليكم
بس لا تجاملوني اني اشوفه حلو بس الشاذي بعين امه غزال ههههههه

[kokee]

شنو هاي صايره السوالف فارغه خلاف ايوته بالضيم هههههههه

[kokee]

اي ضعيف وزغيرون ارضعه كومه بس هوه معصعص هههههه

[kokee]

يبوووووووووووو وينجن

[وَرْدَة الْقُلُوْب]

السلام عليكم
حبيت اسلم عليكم
لان اني كلما ادخل اجي اسجل حضوري
وياكم واسلم عليكم واقولكم شلونكم شخباركم يا طيباااااااااااااات

[نعومه التميمي]

صباح الخير بنات شلونكم
زنوبه ابنج يخبل مملوح وكلش شكله محبوب يارب عيني بارده عليه
غنواوي حبيبتي مشكوره والله حسابي مظبوط حتى نفس احساب السونار
بس هنا عدهم خلق يطولون البال يعني اني تكول اليوم 23\7 اخر احتمال اذا ماكو ولاده نسويلج ولاده اصطناعيه والله كريم بس هي بنوتي راسه نازل والله كريم ادعولي بتسهيل الولاده

[فيونكه بلون الفراوله]

هلووووو بنات

زونبه ربي يحفظلج ابنج محبوب ما شاء الله

رحوبه والله ما اعرف انخفاض ضغط لو سكر الله كريم

وئام عادي حبيبتي اني امي وزوجت خالي بكل ولاداتهم ياخذون من العاشر الله يسهل عليج

[غنى2011]

نعومه الله يسهل ولادتج انشاء الله ويسر امورج

ميوسه شلون صرتي مارحتي وجيكتي وضعج طمنينه عنج دلب

[غنى2011]

ايوته شلون صار يوسف اخذ صدرج لو بعده معاند هههههه فديته

[توتايه]

هلو بنوات شلونكم

غناوي حبيبتي والله واحد ياخذه واللاخ معاند وهم الحلمه مشككه وهم ميقبل ياخذه سويته بالملاطه وانطيتهياه ودا اشوف شلون كله صاير عكد عكد ومتنك

[توتايه]

فدوه زنوبه شكد حلو لولي فدووووووووه هم مثل الي عندي يحط ايده على خده شلون جيل راح يخبلنا

[فيونكه بلون الفراوله]

هههههههههه والله ايه ضحكتيني يعني شلون جيل اكيد اتعس من جيلنه ههههههههههههههههههههههه

غناوي حياتي تسلمين على السؤال لا والله مرحت لان زوجي وكع مريض اسم الله عليج بلاعيم وصخونه الله يشفي يارب

[توتايه]

اي والله الله يستر منهم ميوسه

[دلوعه زوجی]

هلو بنات شخبارکم مشتاقتلکم هوایه

[توتايه]

هلو دينا حبيبتي والله الحمدلله شلونه النونو؟ اكيد ماكو نوم مثلي ومثل كوكي

[kokee]

هوه وينه النوم يمعوده هههههههههه
بس عادي تعودنه ع السهر
شخباركم بنات

[توتايه]

اسكتي زنوبه بعدني متعودت على السهر انهاريت

[حبيبي]

مرحبااااااااااااااااااااا بنات اشلونكم اشكد مشتاقه الكم
ايه مشتاقه لج وليوسف اشلونكم
يسرى ولدت ولا وين ؟
نعومه وئام حتى اخر يوم بتاسع اتوقعي الولاده ولا تستعجلين لاحكه على التعب ههههه
كوكي يجنن ابنج بس يباله اكل هههههههه نفخيه
ورده مشتاقه لسوالفج وشلون ايه
غناوي اشلونج
ميس اشلون صحتج
باغي البنات اشلوووووووووووونكم
ابشركم بدئت معناتي وتعبي من اليوم خخخخ
وانى وجهالي بخيررررررر
اشوفكم بكره ان شاء الله

[يكفي يازمن]

هلا بنات شخباركم ان شاء الله ابخير

[رودينة الراوي]

هلووووووووووو بنات شلونكم اخباركم كلش كلش مشتاقتلكم
بنات عذروني لان مدااكدر ادخل التجمع لان ملتهية بتحضيرات العملية والسبعة مال حماية والبارحة عزيمة تعبت كلش والله بهالايام
اطمنكم أني وبنتي بخير الحمد لله دتنزل علية افرازات صفرة وثخينة كلششش مااعرف شنو بس أني مدايرتلها بال لان باجر ان شاء الله عمليتي ساعة 8 الصبح أني لازم بالمستشفى ووراها بشوية اشوف أحلى ردونة هههههههههههههههههه
متحمسة كلش وملهوفة على شوفتها وبنفس الوكت كلش خايفة من العملية وجرح العملية والتساهيل من الله ادعولي بنات خلي يعدي باجر على خير

[رودينة الراوي]

أية شلونج حبيبتي وشلونة يوسف هاي ليش مديرضع من صدرج جهال هالوكت كلهم عالمزاج يريدون أريح شي ههههههههههههههههههه

رحوب شلونج حبي مشتاقة لسوالفج الحلوة الله يكون بعونج عالتعب
ماكو احد يساعدج مرت حماج او اي احد
وعالاسم أبوها سماها هذا الاسم يكول اريد اسم غريب وماكو احد مسميه ههههههههههه

نعومة حبيبتي شلونج وشلونهة ديومة الحلوة الله يسهلها عليج وتكومين بالسلامة

ميوسة شلونة حملج وشلونة الوحام وياج بديتي تجهزين للبنوتة لو بعدج

كوكي ماشالله لولي كلش حلو بس شنو هاي هستوة عمرة شهر ينام علة ايدة حتى الطفل ديتطور بالنومة هههههههههههههههههههه أني من باجر رح انضم الكم ورح انحرم من النوم ههههههههههههههه

غناوي شلونج حبيبتي وحملج شلونة وكمية المي ن شاء الله زادت واخبار السكر طمنينا عنج حب

عسولة ووردة القلوب شلونكم حبيباتي اخباركم اتمنى لو ندخل بوقت واحد واتعرف عليكم اكثر لان أني بالفترة الاخيرة قليل كمت ادخل التجمع

امونة اشتاقينالها هواية وبنونة اكثر منعرف اخر فعاليات خالتي كماشة الله اليعلم شمسوية بامونة المسكينة ان شاء الله ترجع إلنا بالسلامة

باقي البنات شلونكم كلكم اخباركم

[رودينة الراوي]

يا حلوة موجودة تعالو اريد اسولف وياكم

[غنى2011]

هلووووووووووو بنات شلونكم اخباركم كلش كلش مشتاقتلكم
بنات عذروني لان مدااكدر ادخل التجمع لان ملتهية بتحضيرات العملية والسبعة مال حماية والبارحة عزيمة تعبت كلش والله بهالايام
اطمنكم أني وبنتي بخير الحمد لله دتنزل علية افرازات صفرة وثخينة كلششش مااعرف شنو بس أني مدايرتلها بال لان باجر ان شاء الله عمليتي ساعة 8 الصبح أني لازم بالمستشفى ووراها بشوية اشوف أحلى ردونة هههههههههههههههههه
متحمسة كلش وملهوفة على شوفتها وبنفس الوكت كلش خايفة من العملية وجرح العملية والتساهيل من الله ادعولي بنات خلي يعدي باجر على خير


ياعيني الله يكومج بالسلامه حبيبتي والله اني من يمي مدري شصار بيه لان سمعت عمليه الله كريم المهم تكومين انتي وبنتج بالسلامه

[غنى2011]

بقيه البنات شلونكم اخباركم

بعد ماسويت سونار على شغله المي بس اتصلت بالدكتوره الي سوتلي اطفال انابيب وكلتلي

زيدي جرعه الهيبارين يعني اسويهن ابرتين باليوم جامله للانسولين

يلله ميخالف بس تخلص على خير وسلامه

[رودينة الراوي]

الله يسلمج حبيبتي وان شاء الله يوم الالج وتكوميلنة بالسلامة حب

الله كريم ان شالله يطلع المي زايد عندج وترتاحين
أني هم ضليت اضرب ابر الهيبارين الى الشهر السابع يلة تركتها بس جنت اضرب إبرة وحدة أفخاذ رجلي تزرفت من وراها كامت تعبر مي ههههههههههههههههههههههه

[غنى2011]

اي والله ياعمري جسمي بعد ميتحمل ابر

هسه الهيبارين بايدي والانسولين بافخاذي

[غنى2011]

تدرين اني هم ناويه انشاء الله اولد بعمليه

متشوفين من خفت من انتي كلتي عمليه ههههههههههه

[رودينة الراوي]

لا والله حبيبتي أني كلها برجلي لان أني اضرب الإبرة لنفسي ومااسيطر زين اذا بأيدي وبنفس الوقت ايدي كلش رفيعة فالابر كلها برجلي

الله يكومج بالسلامة حبي والله أني وزوجي اختارينة العملية احسها أأمن على بنتي من الطبيعي والله الحافظ ان شالله

انتي هسة وين ببغداد؟

[غنى2011]

لا حبيبتي اني بالحله بس انشاء الله اولد ببغداد

اي احنه هم هيج فكرنا بالعمليه اامن من الطبيعي

يبووو ع الابر هسه اني الانسولين اضربها لنفسي بس الهيبارين زوجي يضربني الابره

[غنى2011]

اكلج ابره الهيبارين من تضربيها بشكل عمودي

[رودينة الراوي]

لا أني زوجي ميقبل يضربني الإبر يكلي مينطيني قلبي اضربج إبرة ينقهر علية كلش حتى من اضربها مااضربها كدامة حتى لينقهر

وين ببغداد ناوية تولدين يعني بيا مستشفى ؟
انتي عندج احد ببغداد تجين يمه لو لا؟*

[رودينة الراوي]

مو كلش عمودي لازم بيها ميلان وبنفس الوكت ميصير تفوت الابرة زايد يعني ميصير الجوة يعبر العضلة مال رجل او الايد

[غنى2011]

اي عندي هوايه من اقارب ببغداد بيت عمي وبيت عمتي

والولاده لو بالراهبات لو الهلال الاحمر

انتي شتكولين اي وحده احسن

[رودينة الراوي]

والله حبي مااعرف بالضبط ياهو الأحسن بس الهلال الاحمر هالايام شو مديمدحون بيها مااعرف ليش انتي هم سألي لتجيتين رأساً ههههههههههههههههه

[غنى2011]

اني عندي امي سوت عمليه بالراهبات وشفنى المستشفى زينه

طبعا اكيد اسال بعد مو راسا

واريد اسال على دكتوره زينه همين ببغداد

[رودينة الراوي]

عندج مستشفى الوزيرية الي توتاية ولدت بيها هم يمدحون بيها وبنظافتها
بس أني لان كلش بعيدة على منطقتي مااكدر أولد بيها بس الطريق ساعتين تقريباً

[غنى2011]

ومنو دكتورتج الي انشاء الله تسويلج العمليه

[رودينة الراوي]

أني دكتورتي فائزة الراشدي بمستشفى السلامة رح تسويلي العملية ان شاء الله

[ساهرة]

شلونكم بنات اني غبت هواي عنكم
حتى ماعرف منو الجديد الحوامل
ومنو الي ولد وفكس ههههههههه
المهم خبروني عنكم
توتايه + ردونه+ حبيبي + حبيبة ماما..؟
اشونكم اخباركم

[ام حسين الدار]

هلا ياحلوين اخباركم
من زمان مادخلت سوالفت معاكم
اتمنى الجميع فيكم ابخير وصحه والله ابارك الى الي ولدو وسهل على الحوامل ويرزق الي ماعندها ياررررررب
اني ابخير وحسوني الله اجيبه بسلامه ابخيروصلت الشهر الثامن وراح افكه اول اسبوع في رمضان اويمكن12رمضان ويارب اولد بعدها بسلامه والله اعوضني عن الي فقدتهم ياررررب
دعواتكم امانه كل مارحتو اتصلو وتدعو الى نفسكم
حبيبة ماما اخبارك؟؟؟

[يكفي يازمن]

هلا شخباركم بنات

[حبيبي]

يسرى الله يقومج بسلالامه يارب ودخلي طمنينا عنج وعقبال متحظني احلى بنوته
يكفي يازمن منوره حبي نحنا بخير انتى اشلونج وشلون الوحم معاج لانج بلبدايه من الشريط
اشلونكم بنات طمنوني عنكم

[غنى2011]

صباح الخير لان هنا عدنا صبح هههههههههه

[نعومه التميمي]

هلو بنات شلونكم شخباركم يسرى حبيبتي انشاءالله تكومين بسلامه وشوفين احلى رودينه
انشاءالله دخلين وطمنينه عن صحتج وصحة رودينه
رحوبه شلونج مشتاااقين
باقي البنات شخباركم
اني بعدني لسه ما جبت ؟؟؟؟؟؟؟؟؟
ادعولي

[غنى2011]

ياعيني يسرى هسه سوت العمليه بعدها بالي يمها

الله يكومج بالسلامه حبب انتي وردونه

[توتايه]

بنات ماكو خبر عن يسرى؟ ظل بالي

[luvr wife]

ههههههههه وين نختفي لانزال هناااااااااااا هلووووووز حبايب شخباركم مس يو اني عراقيه ولازلت بالعراق
مس يو كثير كثير

[نعومه التميمي]

هلو بنات شلونكم بشروني محد يعرف اخبار يسرى بالي يمه

[توتايه]

ههههههههه وين نختفي لانزال هناااااااااااا هلووووووز حبايب شخباركم مس يو اني عراقيه ولازلت بالعراق
مس يو كثير كثير

هلا حبيبتي نورتينا الف هلا راح نبدي وياج بالاسئله بس مو تنهزمين ترة نتشاقه وياج

شسمج؟وشكد عمرج؟وصارلج شكد متزوجه؟وكم طفل عندج؟وبيا شهر حامل:d

حبي اني اسمي الحقيقي اية ويصيحوني ام يوسف

[توتايه]

هلو وئام حبيبتي لاوالله معرفت شي

انتي شلونج

[فيونكه بلون الفراوله]

شلونكم بناااااااااااات

الله يكومج بالسلامه يسرى

[رودينة الراوي]

هلووووووو بنات شلونكم اخباركم شكراً لكل وحدة دعتلي مشتاقتلكم بنات كلش كلش
أني الحمد لله البارحة سويت العملية وكمت أني ودونة بالسلامة والحمد لله بخير ثنيناتنا بس شوية العملية دتاذيني وعايشة عالمسكنات
البارحة بال10 الا ربع دخلوني لصالة العمليات وبال10 وربع تقريباً جتي ردونة وظليت بالمستشفى الا ساعة 7 بالليل يلة طلعت من المستشفى والحمد لله عدت على خير

عذروني بنات مرح اكدر اخلي صورة ردونة حتى تشوفوها لان لازم افتح النت من حاسبة واني كلة دااستعمل الايباد من ارجع لبيتي وانزل صورها عالحاسبة عود اخليلكمياها حتى تشوفوها

[توتايه]

مو اله الصوره حبيبتي اهم شي كمتي بالسلامه حبيبتي والف الف مبررررررررررررررروك وتتربى بعزكم انشاء الله

[رودينة الراوي]

الله يسلمج حبي توتاية
شخبارج واخبار يسوفي ديرضع منج لو حولتي عالاصطناعي

[رودينة الراوي]

أكلج يسوفي هم يطول يلة يجوع
لان ردونة كل 4 او 5 ساعات يلة تجوع مااعرف ليش من تنام تجرها كم ساعة يلة تكعد

[نعومه التميمي]

الف الف الف حمدالله على السلامه وياربي تتربى بعزكم وشوفه احلى رودينه بل عالم والله فرحت من شفت الخبر
ام يوسف شلونج شخبارج
اني على حطت اديكم كلشي ماكو وراح اموت من الوجع واروح للمستشفى يكلون ماكوشي بعدج ماعندج ولاده ماعرف شسوي ادعولي على فكره الاوجاع من يوم الجمعه مستمره والحد هسه واليوم رحت المستشفى
من الساعه 12 الظهر والحد 5 العصر واخرشي تكول بعد وكت ماعندج ولاده

[غنى2011]

الحمد لله على السلامه يسرى

ومبروك البنيه تتربى بعزكم انشاء الله

[غنى2011]

أكلج يسوفي هم يطول يلة يجوع
لان ردونة كل 4 او 5 ساعات يلة تجوع مااعرف ليش من تنام تجرها كم ساعة يلة تكعد


اتصور عادي الطفل اول ايامه ينام هوايه

بس اكيد البنات يفيدوج اكثر مني لان بعدني ممجربه hwaml7hwaml7

[غنى2011]

نعومه الله يكومج بالسلامه انشاء الله

ويوم الالي واوصل للتاسع قبل شويه احجي ويه زوجي اكوله اتمنى انام واكعد الكه روحي بالتاسع

ادعولي

[غنى2011]

ايوو شلونج وشلونه يوسف

تدرين زوجي كلش عاجبه اسم يوسف يمكن احنه هم راح نسمي يوسف

بس يجي بالسلامه يار رررررررررب

[توتايه]

اي يسوره حبيبتي عادي وره 3 ايام او يومين تصير كل ساعتين رضاعتها اني هسه سوفي كل ساعتين ورضاعته مني تطول يعني مو 10 دقايق وتخلص لو ربع ساعه لا كلما يكبر كلما يزيد الوقت بشريني شكد وزنها طلع اني سوفي طلع 3 ونص


وئام حبيبتي ميخالف اني كالولي كلما يتاخر بالبطن وكلما صحته احسن


غناوي عمري الله يكومج بالسلامه يلا حتى نصير 3 ام يوسف هنا

[توتايه]

والله دا ارضعه هالي اكدر عليه ودا انطيه حليب سميلاك ادفانس احسن نوعيه هنا بس بيه حديد خطيه شويه مسويتله امساك

[رودينة الراوي]

هلووووو حبي توتاية شلونج
والله وزنها 3 كيلوات هية كلش ناعمة طالعة علية اطرافها رفيعة وطويلة
الحمد لله طمنتيني لان البارحة رضعت ونامت بال10 ولحد ساعة 2 هية مكاعدة
ظل بالي عليها كلش جان اكعها بس تورطت لان منامت الى ساعة 6 الفجر

نعومة وغناوي الله يسلمكم ويبارك بيكم يوم الالكم ان شاء الله

[توتايه]

لا حبيبتي خطيه هيه من تجوع تكعد لان النوم الها صحه ويسمنها ماشاء الله مثل سوفي تطلع طويله

اهم شي جرحج شلونه؟

وزنها الحمدلله زين
ولتكعديها بعد هههههههههههههههههههههههههه هيه لو جوعانه جان كعدت عابتلج شنو شعورج اول مره من شفتيها؟

[حبيبي]

هلووووووو بنات شلونكم اخباركم شكراً لكل وحدة دعتلي مشتاقتلكم بنات كلش كلش
أني الحمد لله البارحة سويت العملية وكمت أني ودونة بالسلامة والحمد لله بخير ثنيناتنا بس شوية العملية دتاذيني وعايشة عالمسكنات
البارحة بال10 الا ربع دخلوني لصالة العمليات وبال10 وربع تقريباً جتي ردونة وظليت بالمستشفى الا ساعة 7 بالليل يلة طلعت من المستشفى والحمد لله عدت على خير

عذروني بنات مرح اكدر اخلي صورة ردونة حتى تشوفوها لان لازم افتح النت من حاسبة واني كلة دااستعمل الايباد من ارجع لبيتي وانزل صورها عالحاسبة عود اخليلكمياها حتى تشوفوها
كللللللللللللللللللللللللللللللللوليش hwaml02

الف الف مبروك يسرررررررررى تتربي بعز ابوهاااااااااااااا hwaml03

والحمد الله على السلامه
وشلونها ردونه ومنو تشبه وشنو شعوركم hwaml03فرحت كلش لهلخبريه

وعاااااااااااااااااادي نومها ورضاعتها طبيعيه

وئااااااااااااااااااام عقبااااااااااااااالك يارب

ايه اشلونج وشلون يوسف طمنيني عنج وعن اخبارج
باغي البنات اشلونكم مشتاقه للكل

[فيونكه بلون الفراوله]

الف الف الف مبرووووووووووووووك يا قمر تتربى بعزج ان شاء الله يارب

يوم الي الج وئام ونفرح عادي حبيبتي اكيد هاي الالم طلق كاذب يعني بالطريق
ان شاء الله تولدين وترتاحين

غنى اني وياج بعد الطريق طوووووويل كدامنه ههههههههههههه الله كريم

ام يوسف شلونج اخبارج وشلونه سوفي
بقيه البنات كلكم شلونكم ان شاء الله زينين

[نعومه التميمي]

هلو بنات شلونكم شخباركم هلو رحوبه وميوسه شخباركم مشتاقتلكم اهواي
اني بعدني لسه ماجبت والله كلش تعبانه ادعولي لان مابقه على الموعد بس 5 ايام

[نعومه التميمي]

منو موجود؟؟؟؟؟؟؟؟؟؟؟؟؟؟؟؟؟؟؟؟؟؟

[توتايه]

اني اجيت هلو وئام حبيبتي ميخالف عمري راح الهوايه وبقه القليل حبيبتي

[توتايه]

رحوبه وميوسه حبيباتي اني الحمدلله زينه وسوفي زين بس عندي مشكله بالرضاعه لان حلماتي تطلع دم وجراحه وكلش متعبتني

[نعومه التميمي]

هلو ام يوسف شلونج شلونه يوسف هاي ليش هيج حلماتج مارحتي عليهن للدكتور شخبار يوسف

[نعومه التميمي]

بنات عندي سؤال
هاي من دخلت بل عاشر
كمت بس اتقيء وتلعب نفسي وراسي كلش يوجعني تكولن اتوحم من جديد
ماتعرفون ليش

[توتايه]

حبيبتي بعدج مدخلتي بالعاشر بس روحي للدكتوره لتهملين روحج والله ما اعرف شنو هالحاله


والله يسوفي زين بس مينام وميقبل ياخذ الممه الا يريد صدري وصدري فدمره صاير دا اخليله كريمات بس مديفيد وياه اي شي

[نعومه التميمي]

شوف لعد شلون ديرضع مو هاي موزين عليه
حبيبتي مو اني كل 3 بشهر ادخل شهر وهاي صار 3 تيام من دخلت بل عاشر
ورحت للمستشفى سولي تحليل تكول ماكو شي
وكالت بعد على الولاده لان ماجاي ينزل مني شي تكول اله ينزل مي والله كريم

[توتايه]

والله حبيبتي دا اغسلها بصابون ركي ومي دافي وانطيهياه وتوكلت على الله شسوي ماكو غير حل

حبيبتي اني صار عندي توسع وماكو اي شي نزل علية والوجع يروح ويجي يروح يوم ويرجع يوم وطلع عندي توسع بس ماعندي طلوكه وهمه طكولي مي الراس وخلولي طلوكه اصطناعية

[نعومه التميمي]

ها شوفي اني شنو كلولي
الموعد مال الولاده الي انطونيه يوم 10\7 كالت اذا ما جبتي بهذا اليوم نطيج بعد عشر تيام واذا ماكو هم نسويلج اصطناعي
بس اني عندي اوجاع وتروح وتجي وكلش اتاذه بس هنا ميقبلون يفحصون داخلي تكول اله يوكع عليج مي والله ماعرف شنو اسوي

[توتايه]

هذوله مخابيل لو شنو اني بأول فحص داخلي طلع عندي توسع اصبع ونص وماعندي طلوكه

[نعومه التميمي]

والله البارحه من الصبح عندي وجع ورحت للمستشفى اكلهم عندي وجع تكول ماطول ماينزل منج شي بعد زين سويلي فحص تكول لازم نكتب تقرير واذا وافق الدكتوره نسويلج فحص وبعدين تعبت خليت ورجعت

[توتايه]

يبوووووووووووووو خلكهم شكد طويل يبو

[نعومه التميمي]

اي والله تعبت كلش تعاي شوفي شكلي صايره صفره الي اخر درجه والله
حتى مابيه حيال احجي

[نعومه التميمي]

المهم انتي شنو مسويه وي يوسف بعدج بيت اهلج لو رجعتي
وشخبار ابو يوسف وي يوسف متونس عليه

[توتايه]

والله حبيبتي الاحد ارجع لان تعرفين صارلي شهرين ابيت اهلي واهلي تعبو بس مديبينون وابويه بلا شي مسوي عملية بالجديد وعاع ويع يم راسه هم يريد يرتاح

اي متونس وياه وابوه صار فلاونزا وعداني اني ويوسف

[نعومه التميمي]

والله الله يساعدهم بس هم مكيفين على يوسف
عنده العافيه ابوج
ليش هيج يعديكم ابو يوسف
ترى ضوج الطفل مال النفاس النشله يالله كريم عدكم العافيه
راح ترجعيم وياج يوسف يارب تفرحون بي شوفو معرس

[نعومه التميمي]

يله ام يوسف اني اروح انام بلكي الله يسهل عليه
بوسيلي يوسف
تصبحين على خير

[رودينة الراوي]

هلووووووو بنات شلونكم اخباركم
رحوب وميوسة الله يبارك بيكم ويسلمكم
أني بخير الحمد لله والجرح زين بس بعدة ياذيني ومكظيتها مسكنات الباجر أمي وزوجي رح ياخذون ردونة للتلقيح علمود لقاح ألبي سي جي

والله يابنات أني وزوجي كلش فرحانين بشوفة ردونة اول مفكني البنج كلتلهم شلونهة بنتي كلولي زينة جان كل همي اسأل على صحتها الحمد لله بخير
بنتي جسمها مثل جسمي رفيييييييييييعة كلش وأطرافها طوال شوية بس عدها خدود وملامح وجها تشبه أبوها وبشرتها حمرة طالعة على أهل أبوها كلهم حمر هههههههههههههه

نعومة الله يكومج بالسلامة حبي يلة مبقة شي هانت ان شاء الله
ايو سلامتج حبي وسلامة يسوفي وابوه أني هم حلماتي بدت تتشكك ودتاذيني ورة كل رضاعة دااخلي زيت الزيتون عليهة ومن اريد ارضعها اغسلها بمي وصابون وارضعها شسوي دااتحمل الوجع بس علمود ترضع مااريدها تتعلم عالممة *

[توتايه]

حبيبتي يسوره عفيه عليج ابد لتعوديها على الممه واكلي كل يوم خاشوكه اكل دبس حتى يزيد الحليب ويكولج هاي عادي هيجي تصير لان قنوات الحليب بعدها ممفتوحه ومن تنفتح تصير عادي السالفه

ماطول تشبه ابوها يعني انتي تحبيه اكثر منه

اني سوفي يشبهني يعني رجلي يحبني اكثر مما اني احبه

[غنى2011]

هلو شلونكم اخباركم

اشو اني اليوم ابني من يتحرك ضربته توجعني هاي عادي لو مو زين

[فيونكه بلون الفراوله]

غنى والله البنات يكولون عادي الضربه تاذي دكوم شهر عن شهر بعد ما اعرف

الله بنات حمستوووووووني ههههههههه يوم الالي وتجي فطومه

[غنى2011]

ههههههههه ميوسه اني هم كلش اتحمست اشوف ابني من حجي البنات

يلله الله كريم بقينه اني وياج

[رفقه]

هلو أني من العراق وبالتحديد من بعقوبه قبل فتره عرفت بوجود هذا الموقع واتعجبت مابي عراقيات والنت صار مكطوع يومين عنا بس هسه من دخلت شفت مسوين تجمع عراقي فهلا بيكم وبيه بهذا التجمع الجديد اني موليد1988وزوجي 1981صارلي 4شهر مزوجه اليوم حامل بشهر و11يوم وهسه اني بيت اهلي صارلي 8أيام بيت اهلي وعايفه زوجي خطيه وحده بس مو بيدي صايره مااتحمل ريحة بيتي بالرغم بيتي كلش نظيف وهسه شايلني هم شلون راح ارجع وخصوصا رمضان جاي شلون راح اطبخله ارجوكم ساعدوني انطوني حل والله تعبت من التفكيرhwaml5

[رفقه]

يارب اتمم حملي يااااااااااااااارب

[نعومه التميمي]

هلو بنات بنات شلونكم شخباركم ميوس شلونج
غنى شخبارج عادي حبيبتي هاي الحركه تبين صحت النونو كل ماتكون صحته زينه تكون حركته زينه
هلو رفيقه شلونج اني اسمي الحقيقي وئام وصار مزوجه سنه وشهرين
وهسه حامل بشهر العاشر لا ضحكين عليه
ولسه ما جبت وبيه بنوته ادعيلي ربي يسهل عليه
الله يساعدج على الوحيم

[رفقه]

وينكم بنات

[نعومه التميمي]

موجودين .............زززز

[رفقه]

مشكوره نعومه الله يسهل ولادتج يارب وجيبلنه احله بنوته وعود بشريني

[نعومه التميمي]

حبيبتي تسلمين يوم الي تكومين بسلامه
انتي طالبه لو ربة بيت

[غنى2011]

هلا بيج رفقه ابينه

الله يتمم حملج على خير

شسوين هاي الاشهر الاولى تكون صعبه تخلص انشاء الله

[نعومه التميمي]

هلو غنى شلونج شخبار حملج

[نعومه التميمي]

والله شتاقيت لحبيبة ماما امونه يارب تكون هسه هي متونسه بسفرته

[غنى2011]

هلو بيج وئام اني الحمد لله ماشيه انشاء الله

يوم الجمعه عندي روحه للدكتوره وشويه تحاليل اسويها ونشوف

انتي شلونج مافرجت هههههههههه هاي بنتج متقبل تطلع متمسكه بيج

[نعومه التميمي]

هلو حبيبتي
يارب تروحين كلشي طبيعي
اي والله ماتقبل تطالع يوم الاحد اخر موعد واذا ماكو اشوف شنو يسولي هنا خلكهم طويل كله عدهم عادي

[غنى2011]

الله كريم وئام كلشي بوكته حلو

[نعومه التميمي]

والله تعبت يا غنى
رجع عليه لعبان النفس والتقيء تكولين ستوني اتوحم ماعرف ليش

[فيونكه بلون الفراوله]

هلا رفقه منورة ويانا الله يتمم حملج ويسهلج عادي حبيبتي الوحام اني تعذبت عذاب مصاير وهسه بالخامس يادوب قل فترة وتعدي ان شاء الله

غناوي اي والله مبقينه بس اني وياج

هلووووو وئام شلونج والله يعينج ويعني ع برود الاستراليني هههههههههه

[فيونكه بلون الفراوله]

اكول بنات احس نفسيتي تعبانه مدري شنو القصه يمكن من الحمل وزوجي المسكين واكع بيها

[نعومه التميمي]

والله راح اشجعج تروحين جيبين بل عراق لان هنا اروح وعندي وجع يموت تكول عادي هذا الوجع الي عندج كل ربع ساعه احنه انريد كل 3 دقائق
هسه صار 4 ايام بل عاشر وعلى الموعد مال اسونار يوم 10 يعني الاحد ادعيلي
انتي شخبارج وشخبار فطومه

[فيونكه بلون الفراوله]

بناااااااااات وينكم

[نعومه التميمي]

عادي حبيبتي ميوسه هاي تغيرات بل هرمونات اني جنت بس يكول ها اكعد اتعارك يكوم هو يضحك عليه يكول انتي صاير تعبانه

[فيونكه بلون الفراوله]

والله يا وئام هذوله دمهم بارد مثل شكلهم هههههههههههههههههههه
والله اني فاطمه على حطت ايدج ماكو شي جديد عندي موعد قبل اسبوع ويه الدكتورة علمود نتائج السونار وما رحت ان شاء الله تكون سليمه
يمعوده اخلص من الوحام تجيني هاي الدوخه الله يسهل وتمر الاشهر على خير

[نعومه التميمي]

انشاءالله تمر وشوفين فطومه بحظنج امين هسه شكد الج

[فيونكه بلون الفراوله]

اي والله بس يكول حجايه اتعارك وياه وابجي المشكله زوجي من النوع الحساس تشوفيني اتعارك واحجي بدون ما احس على نفسي والمسكين يضل مقهور بس ميبينلي والله ذاك اليوم عيونه دمعت يكولي تعبت اني والله تعبت قهرني

[فيونكه بلون الفراوله]

كل يوم 16 بالشهر ادخل شهر جديد يعني هسه بالخامس وبعد 10 ايام ادخل السادس ان شاء الله

[نعومه التميمي]

لا خطيه انتي مو طلعين ظوجتج بي هو شنو ذنبه
بس هم شسوين محد يمج غير
خل يتحمل منا الحد ما تجي فطومه

[نعومه التميمي]

انشاءالله خلصتي مابقه شي
يارب يتمم عليج
يمته سافرون

[فيونكه بلون الفراوله]

والله شسوي على كولتج بس هو يمي خلي يتحمل هههههه

بالنسبه لسفرتنه على اساس نهايه السابع بس شكلها راح تصير على نص الثامن لان تكتات الطيارة ارخص

[نعومه التميمي]

ها الله كريم احنه حصلنه على شهر الواحد بس النفر 1400 على برونايت

[فيونكه بلون الفراوله]

والله غاليه بس هيه بالواحد تصعد علمود الكرسمس
احنه كالونه على نص الثامن تقريبا 1100 النفر بس نهايه السابع وبدايه الثامن 1300 النفر على الاتحاد

[احبك يا زوجي]

جان اجي
انا من شمال العراق
بس مزوجه بجنوب العراق
واتمنى اكون اخت وصديقه الكم

[فيونكه بلون الفراوله]

اكول بطنج هم استعملتي الها دهن مال تشققات اشو اني الطبيبه متقبل تكتبلي كاعد استعمل زيت زيتون والله اخاف تصير خريطه بعدين ههههههه

[فيونكه بلون الفراوله]

هلا احبك يا زوجي منوره معانا

[نعومه التميمي]

لا والله ما ستعملت اي كريمات و بعد وره الولاده ماعرف شنو راح صير
بس رخيصه هذا التكت احنه حجزنه بس بدون فلوس الفلوس للواحد بس راح اكول الزوجي على هذا التكتت بس مو احنه نريد نسافر بل واحد
منوره احبك يا زوجي

[فيونكه بلون الفراوله]

اي خلي يسال من هسه يحصل ارخص شوفوا الاتحاد لو الامارات تكتاتهم ارخص من بقيه الشركات

[نعومه التميمي]

والله اي اخلي يسئال لان هاي بس حده الدبي ولازم نحجز بعدين للعراق فكلش غالي

[فيونكه بلون الفراوله]

اي والله غاليه موتسوه منك هم تكت ثاني حييييييل يعني تطلع عليكم بال2000

[فيونكه بلون الفراوله]

والله مشتاقه للبنات وجمعتهم التجمع صاير بااااااااارد

صارلي سبوع اكله لزوجي خلي ارجع للتيف يكول لا والله ضجت

[فيونكه بلون الفراوله]

عن اذنك وئام اروح اني اسوي الغده مال باجر
اشوفكم على خير بنات

[رفقه]

هلو شلونكم

[رفقه]

هلو نعومه اني السنه اتخرجت هندسه اتصالات كاعده ماكو تعين ادعيلي اتعين واولد بالسلامه

[رفقه]

بنات صدك الحمل بتؤام شوكت يبين بالسونار اني ذاك اليوم سويت بس بين كيس اسود احنه عدنه وراثه بس اكثر من 3 اشخاص شافوا احلام طلع تفسيره احمل بتؤام

[نعومه التميمي]

حبيبتي ميوسه عللى راحتج
رفيقه حبيبتي انشاء الله تتعينين وتكومين بسلامه
انس سامعه التوم يبينون بشهر الرابع
انشاءالله ينطيج على نيتج

[نعومه التميمي]

يله بنات اروح انام تصبحون على خير واحلام سعيده
وسلامي للكل البنات

[توتايه]

اني اجيت رفقه منوره حبيبتي وربي ينطيج على كد نتيج يارب ويرزقج بتوم كاملين الخلق والاخلاق

وانشاء الله تلكين تعيين

منوره ميوسه ووئام

بنات ايمان مرجعت من العمره ؟ اشو طولت؟

[توتايه]

احبك يازوجي الف الف الف هلا نورتي وهلا بيج من الشمال للجنوب

[توتايه]

رفوقه حبيبتي منوره والعمر كله يارب ميخالف حبيبتي كولي للدكتوره لان اني بوكتها انطتني حبوب مال لعبان نفس وارتاحيت عليها حبيبتي


يمكن اني ويسرى اصغر 2 بالتجمع مواليد 90


غناوي حبيبتي عادي كلش عادي معناها صحته زينه حبيبتي وهسه تظل تزيد اني بالتاسع اذا يرفع اصبعه اكعدهههههههههههههههههههههههه

[توتايه]

بنات وينكم؟

[*عسولة*]

مساء الخير بنات شونكم كلكم مشتاقين
الحمد لله على سلامتج ام رودينة ويارب يحفظها الج ويجعلها من بنات السلامة واسمها كلش حلو وفيكة هههههه
والله يتمم على البقية الحوامل ويولدون بالسلامة
وهلة برفقة واحبك يا زوجي
وحبيبة ماما ترجعيلنا بالسلامة يارب

[نعومه التميمي]

هلو بنات شلونكم شخباركم
اشو زنوبه مختفيه يارب ماكوشي وتبين

[رفقه]

هلو حياتي عسوله شلونج ان شاء الله زينه

[غنى2011]

هلوووووووووووووو

[غنى2011]

شو ماتو احد يعني اروح

[رفقه]

هلوووووووووووووووووووووووووووووو غنى شلونجججججججججججججججججججججججججججججججج

[توتايه]

هلاو بالبنات مشتاقتلكم هوايه بنات نصيحه اشبعو نوم تره من تجيبون يروح النوم

[فيونكه بلون الفراوله]

هلووووووووووو بنات شلونكم
توتايه هههههههههههههههههههههه الله يسهل

اكلج وئام ردت اسالج المستشفى كل شكد تراجعين بيها وصحيح ينطوج دورات للبيبي
وشلون راح تخلصين النفاس بوحدج لان اني هم بوحدي الله يعين ويسهل

يعني بنات ردت اسالك الفتره وره الولاده صعبه لو نكدر انخلصها ابحدنه لان احتمال حتى زوجي يسافر واكون ابحدي هوايه شايله هم ادعولي

[نعومه التميمي]

هلو بنات شلونكم
هلو ميوسه حبيبتي شخبارج
على المستشفى كل شهر مراجعه بس من دخلت بل تاسع كمت اروح كل اسبوعين
وهسه بقه عندي اخر موعد يوم 13لان الشهر الاخير يتوقعون باي يوم تولدين
خلولي 3مرجعات
وعلى الدورات رفضته لان لازم عندي وقت ولازم زوجي وياي وزوجي مفارغ
لان اني مطالبه مترجم لان زوجي يترجملي
عليمن هاي الدورات تعرفين شنو شلون ترضعين يعني مو مهمه
واذا على نفاس اني راح ابقه وحدي زوجي وياي بس انتي غير راح تروحين يم اهل زوجج

[نعومه التميمي]

شخبارج رفقه انشاءالله اليوم احسن
غني شخبار النونو
ايه والله ضحكتيني لعد ابنج ابد مينام الله يساعدج
يسرى تعاي شخبار رودينه
رحوبه وينج اشو مختفيه شخبارج مشتاقتلج
امونه يارب تجين بسلامه
زنوبه شكوماكو لولي شلونه

[فيونكه بلون الفراوله]

والله على اهل زوجي العلاقه مو تمام مشاكل قديمه وسالفه طويله عريضه يعني مختصر مفيد راح ابقه لوحدي مرات اكول دام اني باقيه ابحدي خوب اجيب هنا وافضها اوووف والله الزواج تعب اكلج الوحده كم يوم تبقه بالمستشفى وره الولاده؟

[نعومه التميمي]

هاااااااااااااااا
زين هم اهل زوجج غير بيت خالتج
واذا هيج روحي للعراق او امج تجي يمج
اذا جيبين هنا يكلون البنات حسب حالتج وحالة الطفل يعني اذا اثنينكم زينين ثاني يوم طلعون
واذا تعبانه يبقوج حسب صحتج

[توتايه]

اي والله ماكو نوم

[نعومه التميمي]

هلو ام يوسف شلونج شخبار يوسف الله يساعدج زين نامي على نومة احسلج

[*عسولة*]

مســــــــاء الخير شلونكم بنات ان شالله زينين

[نعومه التميمي]

هلو عسوله شلونج انتي شخبارج وشخبار الحمل احنه الحمدالله بخير واني عن نفسي منتظره الله يسهل عليه

[*عسولة*]

هلووووو حبيبتي شلونج اني بخير اذا انتو بخير وترة اني بعدني مصرت حامل دعواتج حبي :) والله يكومج بالسلامه ياربي

[نعومه التميمي]

يارب يرزقج بحمل وجيبين احلى طفل
انشاءالله صارلج شكد مزوجه

[*عسولة*]

اشكرج حبي واني صارلي تقريبا 8 اشهر ... رحت للطبيبة قبل شهرين يمكن وكالت ماكو شي يمنع الحمل وصحتج اوكي ورحتلها مرة لخ قبل كم يوم وفحصتني وكالت عندج حجم البويضات صغير وكتبتلي فوليك اسد وكلوميد والله كريم بس اني شغل زوجي اغلب الوقت مسافر مو بالعراق فكالت لازم بالعشرة الوسطية يكون موجود فبعد ما اعرف شلون ترهم ... وتوتة توتة خلصت الحدوتة :)

[نعومه التميمي]

ها حبيبتي بعدج عروس
اني صار سنه 3شهور من زوجة بس بعد سبع شهور يله صرت حامل وبيه بنوته وهسه كملت التاسع ودخلت بل عاشر
الله كريم بس انتي لا تلعبين بروحج ماطول مابيج شي
وهذا تاخر الحمل لان زوجج يسافر انشاءالله الشهر الجاي انتي حامل

[نعومه التميمي]

يله اني اروح انام لان كلش تعبت تصبحون على خير
عسوله يارب تفرحين عن قريب بل حمل

[بنت المنصور]

شلونكم بنات و الله فرحت هوايه من شفت اكو تجمع للعراقيات
اني عراقيه بالعراق من منطقة المنصور ومن ازوجت رحت للبصرة لان زوجي شغله هناك
وانا البارحة عرفت اني حامل
ادعولي بالحمل السليم والله يتمم على خير للكل
تحياااااااااااااااتي يا احلى عراقيات

[*عسولة*]

حبيبتي الله يسهل ولادتج وتشوفين بنوتج بحضنج ان شالله وتصبحين على الف خير

[*عسولة*]

كل الهلة بيج بنت المنصور ومبروك حملج والله يتمملج على خير ان شالله

[غنى2011]

مرحبااااااااا
اجيت الصبح وما لكيت احد

بنت المنصور كل الهلا بيج بالتجمع والف مبروك الحمل

الله يتمم حملج على خير يارب

[فيونكه بلون الفراوله]

والله يا وئام امي متكدر تجي لان مينطوها اجازه بشغلها بعد شوف شلون تصفه
واهل زوجي اي بيت خالتي بس مو الح يعني ام زوجي تصير بت خال امي بس شكول الله كريم الله يسهل
نوم العوافي وان شاء الله باجر تبشرينا ودكولين جبت

بقيه البنات شلونكم؟؟؟

[غنى2011]

مبروك بنت المنصور الحمل الله يتمم عليج بالخير

وكل الهلا بيج بالتجمع

[بنت المنصور]

شكرا عسوله وغنى

واتشرفت بمعرفتكم

تحياااااااااااااااااااتي

[غنى2011]

عاااااا كتبت مرتين من وره النت الزفت عبالي راح

هلو وئام و ميوسه شلونكم

[غنى2011]

اكلكم صدك تدرون اني معلمه اني كلتلكم لو لا خخخخخخخخ

وزوجي مهندس مدني وساكنه الحله هذي للميعرفني

[غنى2011]

هاااااااااااا اشو الكل طفرت اذا حضرت الشياطين

[توتايه]

بنت المنصور منوره حبحب والله يتمم عليج بالخير حبيبتي

[*عسولة*]

هلووووو بنات
تشرفت بيج ست غنى ^_^

[بنت المنصور]

تسلمين حبيبتي توتايه النور نورج
اتشرفت بمعرفتج

[نعومه التميمي]

هلو بنات شلونكم اهلا وسهلا بت المنصوررر

[فيونكه بلون الفراوله]

هلا بيج بنت المنصور والف مبروك الحمل

هلوووووووو بنااااااات

غنى بعد وكت هههههههههههههه اشاقه وياج

[غنى2011]

عسوله اني هم اتشرف بمعرفتج قلبووووووووو

[غنى2011]

هههههههههه اي ميس صدك بعد وكت

تدرين ما اذكر اني كلتلكم لو لا؟؟؟؟؟ظ

[غنى2011]

اكلكم اليوم موعد وئام مووووووووو الله يسهل ولادتها يارب

اني اليوم على ساس اروح اسوي تحاليل مال ادرار زلال والتهاب المجاري وسكر على الريق

وتكسوبلازما كومه تحاليل وسونارررررررر

شوفو شكد شغلات تالي كعد زوجي الصبح كال لا خليها باجر مابيه حيل hwaml4hwaml4

[توتايه]

هلو غناوي ربي يكومها بالسلامه لوئام والله بالي يمها

ادري ليش هيج لتأجلون شي زين سوي العصر باقي التحاليل

[نعومه التميمي]

هلو بنات شلونكم والله اني بعدني لسه ماكو شي بس عندي الام بس تروح وتجي موقويه وهنا يردونه كون فول
ام يوسف شخبارج
غنى حبيبتي مشكوره على سؤالج بس ليش ماسويتي التحاليل
ميوس شلونج شخبار فطومه

[نعومه التميمي]

غنى حبيبتي موعدي يوم 10\7

[توتايه]

يلا حبيبتي ميخالف مبقه شي والله الحمدلله بس عندي من ارضع يوسف الموت اشوفه بعيوني من وره صدري

[نعومه التميمي]

حبيبتي ادعيلي الله يسهل عليه والله تعبت لان رجعت اتوحم من جديد وكلش
ضايجه بس اريد ابجي والله
خطيه الله يساعدج زين شنو لان مفطر خاف بي جروح خليله كريم
بس ديربالج على يوسف خاف موزين عليه اذا يذيج

[نعومه التميمي]

بنات محد يعرف اخبار ام رودينه اشو مختفيه

[توتايه]

ام ردينه اكيد ملتهيه وية بنتها ومتنام الليل هع هع


باعي حبيبتي حلمتي مفطره فطر بكد راسي وتطلع جراحه ومرات دم ودا اخليلها كريم كلش زين ديطلع الجراحه لان من تظل جوه تصير وية الحليب

[نعومه التميمي]

بس شلون ترضعين يوسف اخاف موزين عليه لان هاي كله فطريات
الله يساعده يسرى والله اريد اعرف اخباره واخبار رودينه

[توتايه]

لا حبيبتي كلش زين هذا الكريم لان يطلع الجراحه وقبل كل رضعه اغسله بصابون ركي ومي دافي وانطيهياه

[نعومه التميمي]

لعد خوش هي رضاعته شلونه احسن من قبل
وانتي صحتج شلونه
خياطاتج شلون صارن

[توتايه]

حبيبتي اني بيوم الي جبت ذبيت من راسي وما اعرف ليش الله يهون عليج حبيبتي

[غنى2011]

مرحبا بنات شلونكم

وئام عبالي اليوم موعدج يلله مبقه شي انشاء الله قربت

ام يوسف اشلونه يوسف فدوه لعمره انتي بفتره الحمل هم جنتي ادهنين صدرج بكريم او شي


اي والله شفتو اليوم على اساس اروح ماقبل يكول باجر يلله شسوي خليه باجر

[توتايه]

اي والله حبيبتي من الشهر الخامس من الحمل واني ادهن صدري بس كالولي عادي لان اول طفل عادي هيجي يصير وياخذ وقته يلا يروح


صدك بنات الاحد راح ارجع لبيتي

[نعومه التميمي]

هلو غناوي حبيبتي
ام يوسف والله صار اسبوع اني اذب من راسي

[توتايه]

بنات هوه الوجع كله عادي بس من يطكون مي الراس لو من ينزل مي الراس يبدي الوجع الصدك

[نعومه التميمي]

هاااااااااااااااا
خطيه شلون راح تبريه وي يوسف بله عمتج وياج
ترجعين بسلامه

[نعومه التميمي]

هههههههههههههههههههههه
هو الحمل كله عذاب والله ذني اطول ايام بحياتي اريدهن بس يخلصن

[نعومه التميمي]

يله بنات اروح انام لان نعست تصبحون على خير سلامي للجميع

[غنى2011]

اهاا ام يوسف يعني حتى لو وحده تدهن صدرها بعدين هم هيج يصير

اني هسه ادهن بزيت الزيتون لان امن ومابي شي

[توتايه]

اي صح حبيبتي كلها كلها بجفه واخر ايام الحمل بجفه


لا والله حبيبتي عمتي اجتي ذاك الاسبوع وسوفي زاع بحضنها جان تفز ناسية كلشي واعصابها تلف فأني وحماتي راح نتعاون على سوفي

[توتايه]

وانتي من اهل الخير حبيبتي انتي

وئام خلي رجلج يشتغل زين وياج هذا الشي يفتح الرحم ويسرع الولاده احسن من كل شي


اي والله غناوي هاي صار 5 حالات من كرايبنا تصير بيهم هالسالفه

[نعومه التميمي]

هههههههههههههههههههه حلوهاي من يوسف خوش ستقبله
يله تتعود عليه
همزين حماتج عده وهاس للطفال
اني اشو ما كلشي ما ستعملت الصدري لسه

[نعومه التميمي]

هههههههههههههههههههه
ام يوسف والله الرجال ديشتغل بس ماكو فايده هي متقبل تتطالع لعد شسوي بعد

[غنى2011]

ام يوسف اني هسه هم عند اهلي واتمنى ارجع لبيتي

بس انتي شلون ويه يوسف دبريها هههههههه

[توتايه]

والله خليتها على الله الله يقدرني وادبرها

لعد هاي بنتج عنوديه عابتلها مثل ابني

حبيبتي لتخلين لان وصلتي للاخير

[نعومه التميمي]

والله كلش عنيده هسه خل اشوف بعد بس يوم على الموعد واذا ما نزلت اني راح انزله بيدي ادعولي الله يسهل عليه يله اروح تصبحون على خير

[غنى2011]

خخخخخخخخخخ وئام حلوه هاي انزله بيدي

لا هو ربك ينزلها

[توتايه]

اي والله ربج من يكتبها يكتبها

[غنى2011]

بنات هم عدكم معلومه الي يستعمل انسولين ياكل عادي راحته لو هم يلتزم بحميه

[توتايه]

الافضل يتبع حميه انتي قللي الكاربوهيدرات يعني خبز معكرونه صمون وحلويات هاي الي تصعد السكر

[غنى2011]

قبل الانسولين جنت متبعه حميه بس من اخذت الانسولين والله اختج كامت تاكل براحتها

[luvr wife]

شخباركم ياحلوات ربي يسهل امركم امين
الله يساعدها للي عدها عيال خانكيها ريت الله بيضه ع عيالي بس سلفتي موتتني قهر صارلها 5 سنين محبلت ع زواجي بشهر حبلت ومن حبلت وراها صار الفرق 4 شهور اخرفت المرة وكامت تضوج مني وتسمعني حجي بالاخر كتلها انتي الي لحكتيني لان اني عروس طبعا جنت اساعدها بشغل بيتها اكول حامل خطية وتصدكون اولت البارحه رجعت من الدكتورة وبعد ماشفت الجنين وكع تكولي بكل برود وضحكه مسمومة انتي شسوين بالادوية انطينياها اني استفاد منها انتي راحت عليج مع العلم هي عدها طفلة بعمر 5 سنين ؟؟؟ماعرف ليش هيج تقهرني ؟؟والله مداريتها وفوكاها هي بنت عمتي يني مو غريبة بس دتاكل بقلبي اكل ورجلي مقهور علية بس شيسوي قابل يحط نفسه بحجي النسوان ؟؟؟اوووووووووووووووووووووووووووووووووه تعبتني والله

[غنى2011]

هلووو شلونكم الكل بدون اسماء

اليوم رحت الصبح وسويت التحاليل كلها زينه الحمد لله بس التهاب مجاري البوليه حيل حيل قوي

اسم الله عليكم دم جراحه والله خبلني شكد اخذت ادويه واشرب مي كوووووووووووووومه

وميروح كلولي شسوي والله تعبت وخفت من عندها العصر ارجع للدكتوره

[توتايه]

لوفر ميخالف حبيبتي ربي يكتبلج حمل ويتتممه عليج وحاولي تقرين المعوذات دائما والبسيها لتهتمين بيها خليها تحترك اكثر اوكيك حبيبتي


غناوي الف الحمدلله حبيبتي ميخالف عمري حاولي تبتعدين عن الجماع لان يزيد الالتهاب وحاولي كومه كومه تشربين مي حبيبتي والله يسهلج عمري

[رودينة الراوي]

هلووووووووووو بنات شلونكم كلكم اخباركم مشتاقتلكم كومايات أني وردونة بخير الحمد لله
والله يابنات مداادخل التجمع لان حالتي النفسية جانت تعبانة منا وجع العملية ومنا زوجي دااشوفة كلش قليل ومنا خطار رايح وخطار جاي الا حد البارحة جان انفجر بس ابجي وخليت زوجي يبات يمي ههههههههههههههههههههههههههه

بنت المنصور الف هلا ومبروك الحمل والله يتمملج على خير ان شاء الله *
وئام حبيبتي الله يكومج بالسلامة ويسهلها عليج ربج شوكت مكاتبلها تطلع رح تطلع
أية حبيبتي شخبارج واخبار يسوفي أني هم الحلمة عندي دتتشكشك والله كلش دااتاذة بالرضاعة اليوم زوجي رح يجيبلي دهن والله كريم
رحوب ماكو شلونها اخبارها
ميوسة شلونج حب اخبارج وشلونة الوحام وياج
غناوي ديري بالج على نفسج اشربي مي هواية واذا تحبين الباربيكان هم اشربيه كلش يفيد بس مااعرف اذا زين عالحامل او لا ههههههههههههههههههههههه
باقي البنات شلونكم كلكم اخباركم

[غنى2011]

عاااااااااااااا ام يوسف ياجماع اني يم اهلي وهو يم اهله وكلشي ماكو

هلو ام رودينه الله يساعدج على الم العمليه وفراك الرجال ابد مينحمل شفته اني دا اموت قهر على فراكه

[luvr wife]

الله يساعدج غناوي ع فراك رجلج والله صعبة وبالنسبة للكلة جانو يشربن كفشة الاذرة بس اتوقع موزينه للحامل انتبهي وطبعا اني هم عندي التهاب مجاري بولية ذبحني وكل الاوجاع من وراه بس عليج بالسوائل وامرنا ل الله ديري بالج ع روحج

[luvr wife]

تسلمين توتاية حياتوووووووووووووو شخباركم اليوم اني روحي بخشمي وفوكاها امي زعلت لان مجيتها البيت طامس لان جنت مريضة بس كومت روحي كوة لان مينظفوه عدل يدوب الفوك الفوك والله خبلوني
بقية البنات شخباركم اني مس يو وانتو مس مي ؟؟

[توتايه]

اي والله مس يو كومات

غناوي مع الاسف اني ماره بهالحاله الله يساعدنا

يسرى حبيبتي دا استعمل كريم يخبل اسمه بيبانثين اخليه وره الرضاعه وقبل الرضاعه اغسله بمي وصابون ركي واشتريت حلمه اصطناعيه ماركه جيكو كلش زينه لان رحت اليوم للدكتوره وكالتلي استعملي الحلمه الاصطناعيه الى ان تطيب الحلمه مالتج وكلش زينه اخذيها حجم سمول اوكي حبحب

[حبيبي]

هلووووووووووووو اشلونكم الكل فيه التهاب مجاري ههههههههه انى هم فيني والبارحه كضيتها بجي كل ما ادخل للحمام وميته الم وفوكهاااااااا شغل البيت والجهاااااال يعني حالتي كلش سيئه
اشلونكم مع البيبيااااااات لصغار يوسف ورودينه واليا وحسوني وما قريت بصفحات حتى اشوف شنو الجديد
مشتاقه لسوالفكم واخباركم وايمان ارجعت من السفر ولا لا ؟ اشتقناااا لها ولبنونه

مبرررروك عودت صعوبه للتجمع
وئااااااام الله يسهل عليج ونمع بولادتج عاااااااجلا