دردشة بنات فلسطين , دردشة حوامل فلسطين , تجمع بنات فلسطين

[ام عبدالله لولو]

حلا ههههههه انا بقصد هلا جبتيه ع بالي ههههه انا اصلا ما بحبو كثير
دموع انا كمان 5 ايام ع خير وسلامة بدخل بالسادس انتي امتا اخر موعد للولادة معك
دودو اليوم ما بينت خايقة عليه شكلها لهلا خايفة يلا تغي طمنينا عليكي

[جارة القمر]

بعمـــــــــل بكيكة البرتقال............ما بدي اطعميكم ممممممممممممم

[ام عبدالله لولو]

الله يسعد مساكي يا جارة انا الحمد لله بخير والبيبي بيسلم عليكي ههههه يلا اتوحمي معنا هههه الله يخليلك اولادك ع فكرة انتي اكبر مني بسنة
ام عمر الله يشفيه لابنك ويغافيه ويقر عينك بشوفته سليم معافاه ما اليك غير الدعاء والتمسك بحبل الله

[دموع الليل]

هلا جاره منوره

انا من غزه..... حامل بنص الخامس

ام عبدالله بينى وبينك تقريبا اسبوعين

5_8 بدخل شهرى

[حواء مثالية]

مساء الخير

كيفكم

هاي جيتي من عند الدكتور

الحمدلله عزوز بخير وكلشي تمام والوضع متحسن كثير

وزني زايد تنين كيلو الدكتور عمل حفلة ههههههههههههههههههه

وعزوز وزنو 520غرام ممتاز جدا حكالي الدكتوور يعني الحمدلله حملي هاد افضل من حملي في برلنت وحكالي اذا تم الوضع هيك عزوز راح يجي اكثر من 3 كيلووووووووو

والله كان هم وراح عن قلبي الف الحمدلله يا ربي

انا كمان يومبن بفوت السااااااادس باركولي

[حلا الماس]

ههههه جارة يا عسل طب عادي اتوحمي معنا

ام عبد الله ... معك حق دودو اليوم ما طلت ابدا يا رب تكون بخير


انا بدي كيكة وع وع حرام يا جارة

[ام عبدالله لولو]

حلا الله معك حبيبتي
جارة صحة وهنا ع الكيكة شكلك بتحبي الحلو هههههه وليه ما بدك تطعمينا خلص انا بخلي زيود يطعمني هههه ولا طالع بخيل ع امو
دموع الله يقومك بالسلامة وتفرحي بضمته يارب

[ام عبدالله لولو]

حواء مبروك حبيبتي الله يحفظلك اياه يارب انا قبل اسبوعين اما روحت حكتلي الدكمورة وزنو 360 كويس بالنسبة لدخوله الخامس

[حلا الماس]

حواااااء .... لولولولولولولولييييش مبروك حبيبتي
الله يفرحك بشوفتو بين احضانك يا رب

[دموع الليل]

حواء مبروك دخولك السادس

وعقبال قومتك بالسلامه انتى وعزوز....


جاره صحه وهنا ع الكيكه

[عيـ‘ـون المهـ‘ـا]

اهلا حلا كيفك؟ وكيف الحمل معك؟

عيون المها كيفك ؟وكيف اولادك؟ وين هالغيبه؟
دمـ ـ ـ ـ ـ ـوع

ســـوري حبيبــــتي ما انتبهـــت على تعقيبك
كنت عم بلبس و بحضر باّدم بدي أطلع على المول انا و صديقه الي
نتغـــدى و اشتري لمرت اخي فستان سهره وصتني اجبلها واحد
بس راح اكون كريمه و اجيبلها تنين [: , عاملين خصم مش طبيعي عليهم
يالله اذا ملانه تعي معنا بتتسلي
و تسلمي على سؤالك انا بخير طالما انتي بخير الله لا يحرمنا من وجودك حبيبتي
و الاولاد بخير الاسيوع الجاي الامتحانات النهائيه عندهم عئبال فرحتك
باولادك و بنجاحهم يارب
و الغيبه اكيد بتعرفي تحضيرات للسفر ما بئى كتير اقل من شهر ان شاء الله

يالله حبيبتي بستأزن منك و سهره سعيده الك و لكل الصبــايـااااا

[حواء مثالية]

تسلمولي يا رب الله يخليلي اياكم

وعقبال قومتكم بلاسلامة انتو كمان

ام عبدالله متى مراجعتك عند الدكتور انا وانتي بنفس الوقت بنولد

حلا ادي كان وزن البيبي عندك اخر مره رحتي

[عيـ‘ـون المهـ‘ـا]

.<> . حَــ‘‘‘ـوَّاء ْ . <>
حكيت لازم ابارك إلـــك ئبل ما اطلـــع
مبـــــروك الســادس عئبال التاســع ان شاء الله
وزن البيبي ما شاء الله ممتاز الطبيعي نص كيلو في اخر الخامس
خليكي على نفس نظامك الغذائي و بوساتي لبرلنت الاموره

[دموع الليل]

عيون المها الله يسهل عليكى حبيبتى

الله يكون بعونك التحضير للسفر متعب

موفقه بمشوارك

بوساتى للاولاد

[حواء مثالية]

عيون المها منورة يا قمر الله يسعدك يار

الحمدلله على كل حال

ما انا عملت حرب على حالي بفطر مرتين وبتغدى مرتين وبتعشى مرتين ههههههههه مستوحشة وهيو الحمدلله اجا بنتيجة

[جارة القمر]

حلا +وام عبدالله :

محرومين من الكيك اللي عملتووووو بس شاطرين تشهوناااااا على الكرز والمشمش وورء العنب وبعدين معكم .......

ولا احكليلكم حراااااااام عشان يوسف وعبدالله لكم مني احلى قطعتين كيك بس قطعتين .....هااااااا


حوااااااااء:

ممتاااااااااااااااااااااااز نظامك جاب نتيجه ههههههههه اضحكي علي بلشت معك بالنظام لاسمن حالي .......
ابدااااا ما جاب معي شي ...........لاني ما قدرت اكل اكتر من حدي ..........

استنووووو شوي بدي اعمل كاسة شاي وانزللكم الصور بعد قليل ............


ام عبدالله::

اناااااااا بموووووووووووت بلحلوووووو

[دموع الليل]

صحه وهنا ياجاره

وانا ماالى قطعه هههه

[جارة القمر]

ي ي ي دمووووووووووووووع الليل :

خلص بطلت طعميهم بس رح طعميك لك ..........انا اسفه ما انتبهت لردك واحلى كيكة لعيونك

[جارة القمر]

تفضلووووووووو

http://www.hwaml.com/up/uploads/1366223315561.jpg (http://www.hwaml.com/up/)

[جارة القمر]

تصبحوووو على خير ..........بجد بحبكم كلكم ...........متل خواتي ........

[حواء مثالية]

صحتين يا جارة شكلهم بشهي انا ما بدي وقت تعملي المره الجاي بتطعميني قطعتين وبرلنت وحدة اوك

[احساس أنثى]

دموعماشفت نتائج المسايقه هلا بشوفها

جاره حرام طعميهم اغلبهم حوامل هههههههه

حواء الحمد لله انك تطمنتي ع صحتك وع عزوزو ربي يقومك بالسلامه

حلا تتهني انتي وجوزك

ام عبد الله ودموع يسعد اوقاتكم وين ماكنتو

المشاغب زوزو صاحي وفايع بدي احاول انيمو :)

[حواء مثالية]

هلالالالالالالا احساس تسلمي يا عمري

[احساس أنثى]

نايمين بدري

احلامكم سعيده

[ام عبدالله لولو]

صباح الخير يا صبايا
حلا ولولو وفوفو يلا بلش الدوم يا حلوات
حيفا مالك اليك يومين ما فتي يلا نهالي بلش الدوم
دودو ياربي تكوني بخير ونيجي طمنينا عنك
عيون المها رحلة سعيدة ان شاء الله
جارة تسلمي يارب هههههه بعد ما بدك ننطعميني بطلتي هههههه
احساس ودموع وتور وباقي الصبايا يسعد اوقاتكم
مسك يسعد صباحك يا حلوة شو اخبارك هههههههه والله ضحكتيني ياريت تحكيلنا شو القصة هههههه

[حيفا]

صباحكم فل ونرجس :)

كيفكم شو اخباركم ، كيفك مس ام عبد الله هههههههه انا اول مبارح كان عنا خطبه ومبارح كنا معزومين ببيت عمي لهيك ما فتت تسلملي اللي ما بتنسى حدا :)

مسك يا بنتي خبرينا شو يلي صاير بلاش ندبحك هههههههههههههههه


صحيت بدري رتبت البيت ومسحتوووو ومسحت الغبرة وجليت الجليات وحطيت وجبه غسيييل وتحممت واجيت
شايفين النشاااااط يلا تعووووو وتنشطو متلي ههههههههههه

[لولو حمادة]

صباح الخير
ام عبدالله وحيفا ومسك يسعد صباحكم

[ام عبدالله لولو]

هلا حيفا يسعد النشيط ما احلاه هههههههه كل يوم اعملي هيك هههه يسعد صباحك يارب
لولو منورة حبيبتي شو اخبارك واخبار الاولاد الف حمد لله ع سلامتكم
مسك وين روحتي احكيلنا شو القصة هههههه نفسي اعرف شو فيه وغير هيك ما في تعليق من حد مكتوب الشيطان اعود بالله

[حيفا]

يا هلا يا لولو حمادة منورة ، كيفك وكيف اولادك ؟؟


ام عبد الله لازم والله كل يوم هيك الواحد بحس حاله انجز ههههههههههه
ومسك حابه تخوفنا ، شو شيطان وما شيطان ، اعوذ بالله من الشيطان الرجيم

[ام عبدالله لولو]

يعطيكي العافية يارب واظلك مشيطة كل يوم هيك هههههه شو بدك تطبخي اليوم يا حيفا انا مش عارفة بفكر اعمل معكرونة hwaml5

[حيفا]

بدي اعمل برجر منزلي ، وبطاطا وسلطة :)

[حلا الماس]

صباح الخيييييييييييييييير

يسعدهم النشيطات الحلوات ♥

ام عبد الله وحيفا ولولو حمادة .. حبيباتي يسعد صباحكم يا رب منورات :)

اعوذ بالله من الشيطان الرجيم .. مسك شو مالك على الصبح !!!! انا لسه هلأ صاحية والله تعليقكك بيخوف !!! ومش اول مرة بتكتبي تعليق غامض .. بس فهمينا شو القصة

جارة .. حبيبتي يعطيكي العافية منظر الكيكة بيشهي يسلمو اديكي ..

حواء .. ما بعرف اديه كان وزن البيبي اخر مرة .. لانو نسيت اسال دكتورتي وهي ما حكتلي

دودو ام عمر .. وينك غايبة الك يوميين تعي طمنينا عنك .. يا رب تكوني بخير

صبايا انا من شوي صحيت بدي اروح اشتغل ببيتي واطبخ .. بس رح اطل عليكم كل شوي ....

[حيفا]

وصحتين عالمعكرونة

[ام عبدالله لولو]

صحة وهنا يا حيفا
حلا صح النوووووووووووووم ههههههه يعطيكي لعافية سلف بجد مسك ليه بتحكي هيك وبتروحي وضحيلنا شو في مش حلو الغموض في شي احكيه

[حيفا]

صباح الورد حلووووووش كيفك وكيف اولادك يا عسوووولة وشو بدك تطبخي ؟

[حلا الماس]

ههههههه الله يعافيكي حبيبتي ويسعد صباحك يا ام عبد الله

حيفا .. صباحك فل وياسمين
انا منيحة وولادي بخير الحمد لله .. عم بعمل مقلوبة هاي الطبخة حبيبة خليل بيموت عليها

هيو صحي بدل ما بحكي صباح الخير بيسالني بدك تعملي مقلوبة ؟؟!!!!!

انتي كيفك وشوا اخبارك ؟؟

[حلا الماس]

وصحتين لالكم على طبخاتكم الزاكية يا معدلات :)

[حيفا]

ههههههههه حبيبي الله يسعده وصحه وهنا ع قلبه يارب وقلب اللي بده ياكل منها كمان : )


انا بخير الحمد لله هيني يوم في الطالع ويوم في النازل هههههههه الحمد لله ع كل حال

[حلا الماس]

تسلمي حبيبتي حيفا .. كلك زوء

الله يرزقك ذرية صالحة يا رب وتصيري تتغلبي شو بدك تطبخي منهم ههههه واحلى شي لما يكون كل واحد بدو طبخة .. وحياتك بتصير ومعي كتيييير

ان شاء الله كل يوم بتكوني بالطالع .. بيعين الله حالنا احسن من غيرنا بكتييير والحمد لله رب العالمين

[فوفو89]

صباحوووووو صبايا

كيفكم اليوم

حلا صحة ع المقلوبة

وحيفا صحة ع البرجر

ام عبدالله صحة ع المكرونة

وانا ما بدي اعمل غدا ولله الحمد .. جوزي رايح اليوم مشوار وما بدو ييجي وقت الغدا

بنتعشى مع دار حماي وخلص لانهم بيطبخو طبخة عشا مش غدا

[ام عبدالله لولو]

منورات صبايا حلا وحيفا وفوفو
شو اخباركم يا كروشات ههههه كل شوية باجي اشوف شو كاتبين ههههه نفسي اشوف مسك شو ردها علينا هههه كل مرة بطنشنا بس جد صار عندي فضول اعرف ع مين الحكي

[دموع الليل]

يسعد صباحكم

صحه وعافيه على الاكلات اللذيذه

اليوم مابدى اطبخ ... معزومه عند اهلى

[فوفو89]

هلا ام عبدالله

ههههههههههه يا فضولية

[ام عبدالله لولو]

هلا دموع شو اخبارك ان شاء الله بتنبسطي عند اهلك حبيبتي

[ام عبدالله لولو]

هههههه هلا انتي ما صار عندك فضول تعرفي ع مين الحكي خاصة انو مش اول مرة بتكتب بغموض هيك

[دموع الليل]

هلا ام عبدالله كيفك اليوم؟

فوفو منوره ..

دودو وين ما طليتى ان شاء الله يكون خير

[دموع الليل]

وانا متلك ام عبدالله فضوليه ههههههه

وحابه اعرف لمين هالحكى

[فوفو89]

لا عادي جدا .. ما في ولا نتفة فضول ههههههههههه

[حواء مثالية]

هايات كيفكم

مسك ما فيكي تطنشي كلامنا

هلا قد ما تغيبي اول شي راح تكتبي اول ما تكوني شو صاير وشو في


لانه بصراحة هاد شي باثر على التجمع

الي فهمته انك انتي بتعرفي وحده هون وهي ما بتحكي الحقيقة عن حالها

بس سوري منك هاد شي بخصها يعني كل وحدة فينا عالم وكل وحدة فينا عندها خصوصيتها

يعني لو في حدا ما بده يحكي عن حالو شي هاد الشي برجعلو


فلو سمحتي نحنا بدنا التجمع يضل صح ونضل مبسوطين مع بعض وما بدنا شي ينكد علينا


انا بحكي هالحكي لانه هاي المره التانية بتنزلي شي مو مفهوم

وهلا من حق كل وجدة فينا نعرف شو في


ما بعرف اذا البنات من رايي

بس بصراحة في بنات هون بفشوا قلبهم النا وعندهم مشاكل وقصص ما بدهم حد يعرفها ولا كان ما كتبوا هون صح ولا لا


لهيك يا مسك ما بدها لف ودوران

اذا ما وضحتي قريب انا راح ابعت لادارة المنتدى

وبنات الي بتعرف مسك عنشو بتحكي يا ريت تحكي ونحنا راح نكون متفهمااااااااااات

[فوفو89]

هلا دموع كيفك اليوم

[ام عبدالله لولو]

يسعد مساكي ام عزووو هههههه هيك فشيتي خلقي بجد شي بيزع يعني يا اما بتحكي بوضوح يا بلاش الحكي من الاصل
دموع يسعدو الفضولي هي انضمت النا ام عزو ههههه

[دموع الليل]

احنا مثلك حواء ما بنعرف مين الشخص

المقصود وياريت مسك تيجى توضح النا

احنا هون كلنا اخوات

[دموع الليل]

اهلين فوفو انا الحمدلله
كيفك وكيف بنوتك؟؟

[~{{ DoDo }}~]

مسا الخير صبايا
بما انه الساعة قربت عال 3 العصر
شو اخباركم ان شاء الله كلكم بخير
اشتقتلكم والله بس صارت كم شغلة اليومين اللي فاتوا
مدايقيتني شوي بس الحمدلله انا بخير وكل اموري منيحة
اليوم صايمة ومسطلة تسطيل مش طبيعي وما علي طبخ
لاني عملت مبارح معجنات سبانخ ولحم وعجين

البيبي صرله كم يوم حاسة كانه في شي مكور تحت صدري
وبصراحة متدايقة وخايفة يكون انقلب راسه فوق
لانه اخر مرة اول السابع كان تحت والدكتورةرقالتلي صعب يقلب تاني فوق خلص
والموضوع قالقتي بشكل كبير ، يعني اكيد الي رايدو ربنا بيصير بس ان شاء الله خير
لسا موعدي كمان اسبوع الله يطمن قلبي يارب
وتاني شي ماما وقعت على رجلها وجبسوها وانا كتير متدايقة عليها ونفسي اكون عندها
ونفسي تخف بسرعة ، هو الحمدلله مش كسر بس شعر وعشان تخف بسرعة جبستها
ادعولها تخف بسرعة واشوفها على خير ، بجد مخنوقة وحاسة مزاجي ابصر كيف

حلا وام عبد الله ودموع ولولو تسلمولي يارب ما تفقدوا غالي
وكل الصبايا يمكن حدا تاني سال وانا ما انتبهت سامحوني

نهاركم سعيد كلكم حيفا وحواء وفوفو ولولو وكل الصبايا الموجودين :)

[حواء مثالية]

بصراحة اشي بيزعج بعدين ادي النا مع بعض ما صار هيك شي

[حواء مثالية]

هلالالالالالالالا دودووو بالبال دايما يا قمر

سلامتها مامتك الله يرفع عنهااااااا

[~{{ DoDo }}~]

تسلميلي حواء
الله يسعدك يارب وتقومي سالمة ويسمع منك يارب :)

[ام عبدالله لولو]

الف سلامة عليكي يا دودو ما تشوفي شر وسلامته الوالدة الله يعافيه ويشافيه وتشوفيه ع خير وسلامة ما تزعلي حالك مو كويس ع شان البيبي اتوكلي ع الله وان شاء الله الامور بتكون تمام ازا كثير خايفة قدمي الموعد وروحي ريح بالك ان شاء الله انو بكون كل شي تمام
حواء ما تزعجي حالك هههههه بس منطقيا عيب احنا هون زي الاخوات يغني بنحكي لبعض بتتفضض لبعض وزي ما حكيتي كل وحدة حرة بحياته الشخصية زبرجع اله ازا كانت بتكزب او لا

[~{{ DoDo }}~]

ام عبد الله
تسلميلي حبيبتي الله يسعدك يارب
الحمدلله على كل حال ، بدي اشوف شو بيصير وشو ربنا بيسر
وان شاء الله خير
طمنيني عنك كيفك وكيف البيبي والضغط ان شاء الله تمام ؟

[ام عبدالله لولو]

الله يحبلك الخير يارب ويقيمك بالسلامة انا الحمد لله بخير والبيبي بخير بيسلم عليكي وبحكيلك ما تغيبي مرة تانية ههههه شو تغليقك ع الموضوع الغااامض

[~{{ DoDo }}~]

ههههه الله يسلم عينه الزاكي
بالنسبة للموضوع ما عندي تعليق صراحة
بس بما انه ما في شي مريب بالدردشة
وعمري ما شفت وحدة اختلفت مع وحدة او صار زعل
فمستغربة كتير من كلام مسك ، وطبعا احتراما لكل الصبايا الموجودين
المفروض تفوت توضح قصدها بالتفصيل الممل لو جد فيه اشي اصلا

[ام عبدالله لولو]

كلامك صح الصبايا الي علقو كمان كلامهم صح انا كثير مستغربة

[حلا الماس]

احم احم احم

مساكم متل السكر ..

ام عبد الله .. حاسستك المحقق كونان ههههههههههه عم بتحاولي تحل تفاصيل القصة
طبختي ولا لسه ؟؟

دودو .. يا مرحبا يا مرحبا نورتي يا عسل ... سلامتها مامتك وبيروح الشر الله .. الله يرفع عنها يا رب
بالنسبة لوضع البيبي ما تقلقي كتيير انا متلك كنت احس باشي مكور ببطني عالجهة اليسار وكنت مفكرتو الراس .. بس لما رحت عالدكتورة طلعوا رجليه وبيضغطوا لما يتحرك وهو صحيح كلام الدكتورة صعب بطلع لفوق بالسابع حجمو ما بيساعدو .. ههههههههه خليه محشور تحت ههههههههه الله يعيننا ويتمملنا على خير

حواء .. ما في ولا كلمة بعد كلامك .. وانا بضم صوتي لصوتك

فوفو + دموع .. منورات ويسعد مساكم حبيباتي

شو اخباركم واخبار البيبيات

فوفو .. شو قررتي بالنسبة لاسم البنوتة ؟؟

[فوفو89]

اهلا حلا

يسعد مساكي

احتمال كبير نسميها رزان ان شاء الله

حلو البكر يكون بنت بس انا كنت حابة يكون ولد عشان حماتي بدها ولد

بس لما عرت انها بنت انبسطت كتير وحكيت شو اعمللها المهم انا وزجوزي راضيين ههههههه

[ام عبدالله لولو]

هههههه خلص رح اعينك بصفتي المحقق يا حلا انتي مساعدي الشخصي استلمي تابعي الموضوع لانو هلا بيجي زوجي hwaml7

[~{{ DoDo }}~]

حلا
الله يطمن قلبك ياااارب
والله ريحتيني ، ماما بتقعد تقلي مش ضروري يكون راسه
يمكن مؤخرته هههههه عشان تطمني
المهم انا والله عادي مؤمنة بارادة ربنا بس بتعرفي حايصة بدي اطمن
ان شاء الله بطمن وبقلكم وبتضحكوا علي هههه
شو اخبارك طمنيني كيف البنات وخلول والبيبي يوسف


فوفو
حبيبتي مبروك البنوتة
فعلا احلى شي البكر بنوتة
بس طبعا كل خلقة الله حلوة المهم الخلقة التامة والصحة
اسم رزان حلو واسم روعة حلو ، انا بحب روعة اكتر من رزان
وطبعا حسب انتوا شو بتفضلوا
الله يقومك سالمة يارب انتي وانا وكل الصبايا

[~{{ DoDo }}~]

ام عبد الله
ههههه والله انك عسل
انا متلك فضولية بس بصراحة حاسة انه ما في قصة اصلا
عشان هيك مش سائلة

جوعاااااااااانة وعطشااااااااانة ولسا المغرب بدو 3 ساعات

[فوفو89]

ما في حد زيي انا مش سائلة عن قصة مسك ابدا

ولا حابة اعرف شو في هههههههههه

دانا تسلمي يا عسل الله يسعدك
وانا حابة اسم روعة كتير
بس لانه اسم زوجي سليمان اخترنا اسم رزان ع نفس الوزن .. يعني رزان سليمان
هههههه بنخطط للمستقبل احنا

[حلا الماس]

هلا فيكي فوفو ..

ربي يجيبها بالسلامة وتفرحي فيها يا رب .. انتي متى موعد ولادتك ؟؟
اصلا البنات احلى بكل اشي نعومة وحلاوة وهدوء .. ولبسهم احلا ه اهم اشي اللبس لما تكوني بالسوق بتحتاري شو تختاري للبنات من لبس


ام عبد الله .. الله يسعدك ويوفقك مع جوزك .. هههههههههههه حاضر يا كونان رح استلم مكانك

دودو .. لا حبيبتي اتطمني انا بولادي ال3 كان الراس ينزل لتحت من السابع وما يتغير وضعو للولادة .. بس بيكون ضاغط عالمثانة وبتزوري الحمام كتير كتير كتير
الله يجعل صيامك مقبول يا رب ازا ما عليكي اشي روحي نامي شوي بيمضى الوقت بسرعة .. او خليكي اتسلي معنا هون

[حلا الماس]

فوفو .. حلو كتير عجبني التخطيط تاعكم

انا وقت بنتي البكر كنت افكر باسم راما .. لانو اسم جوزي رامي
قلتلو بيكون راما رامي .. بس هو ما رضي لان الاسم تقيل وكان في كلام انو اسم صنم من اصنام بوذة الي بافغانستان

وبطلنا عن الاسم اصلا .. مش نصيبها ههههههه

[~{{ DoDo }}~]

فوفو
ههههه جبيت الفكرة
يا ستي رزان اسم مميز وما بيقدم
ان شاء الله يطلعلها من اسمها نصيب
وتكون رزينة وهادية وامورة ، بس قوليلي مين دانا انا دودو ههههههه

حلا
ان شاء الله الله يسمع منك يارب
هو عشان كبر اسم الله وصار يتكوم باماكن معينة من بطني
انا بضل اشيل هم كل شوي لما اشوف شي مكور ظاهر من منطقة
اممم هيني معكم بتسلى ما بدي انام بيني وبينك مش مريح التمديد والنوم بيدايقني
تقل وحركة وقصص خليني قاعدة

[فوفو89]

حلا ضحكتيني هههههههه

انا موعد ولادتي ان شاء الله ي 28-9-2013

انا الان في نص الرابع

انا لما رحت في اخر الشهر الثالث حكالي احتمال ولد .. ولما رحت في نص الشهر الرابع حكالي بنت

يمكن لما اروح بالشهر الخامس يرجع ولد ههههههههههه

يسعدها بنوتي ما احلاها :)

[~{{ DoDo }}~]

بنات بدي سلطة اعملها جنب المعجنات
غير السلطة الخضرا زهقتها

عندي درة وفاصوليا حمرا معلبة وجزر والقصص هاي يعني
مين عندها سلطة واهم شي الصوص تبعها زاكي

[حلا الماس]

دودو .. خليكي هون منورتينا وعم نتسلى مع بعض وندردش
يا ريت لو بقدر افيدك بنوع سلطة او هيك اشي .. بس انا مش خبيرة كتير بالسلطات :/

جربي اساليني باشي تاني يمكن بعرف ههههههه

فوفو .. الله يتمملك على خير يا رب وتقومي بالسلامة انتي تقريبا حامل متل اختي .. هي اخر موعد الها ب 8 / 10

هههههههههههههههه ضحكتيني لما تروحي المرة الجاية عاودي افحصي يمكن يرجع ولد ههههههههههه

[لولو حمادة]

مساء الخيرات
حيفا وام عبدالله الحمد الله اولادي بخير بس محمد عندو سخونة من الاسنان
صحتين على الطبايخ الزاكية
دودو سلامتها امك وصوما مقبولا

[~{{ DoDo }}~]

بسيطة ام خليل
بلكي الصبايا بيفيدوني
واذا ما فادوني بألف من دماغي
انا شاطرة بالسلطات ههههههه

[~{{ DoDo }}~]

لولو
تسلميلي يارب
وسلامتهم اولادك الف سلامة :)

[dalee]

مرحبا صبايا كيكفكم انا مشاركة جديدة واول مرا اشترك بلمنتدى انا متزوجة قبل 3 سنين وما عندي اطفال :) الله يرزقني ويرزق كل مشتهي يارب

[لولو حمادة]

الله يسلمك دودو

[~{{ DoDo }}~]

اهلا وسهلا فيكي dalee
نورتي وان شاء الله بتقضي وقت حلو هون
وربنا يرزقك بالذرية الصالحة عاجلا غير اجل حبيبتي
عرفينا عنك اكتر من وين وكم عمرك :)

[فوفو89]

دودو حبيبتي بالغلط كتبت دانا
رزان خربطلتي مخي ههههههههههه

[~{{ DoDo }}~]

ههههه ولا يهمك فوفو ولوووو

[حلا الماس]

مسا الورد يا لولو .. سلامتهم ولادك الله يشفيهم

انتي كيفك وشو اخبارك ؟؟


اهلا وسهلا فيكي dalee نورتي .. عرفينا عليكي كم عمرك ؟؟ شو دارسة ؟؟ ومن وين ؟؟
ربي يرزقك الذرية الصالحة يا رب عن قريب

فوفو .. حتى انا استغربت لما قرأت دانا !!! قلت معقول دودو اسمها دانا ؟؟
لسه رزونة ما اجت وطاروا عقلاتك .. كيف لما تجيبيها ؟؟ههههههههه

[لولو حمادة]

حلا انا بخير هيني مستمرة بالرجيم زهقت منو متعب

[~{{ DoDo }}~]

لولو
شو الريجيم اللي بتعمليه
واديه نزلتي عليه ؟ وبتعملي رياضة ولا بدون

[حلا الماس]

الله يعينك ويقويكي يا لولو

كم الك بادية بالروجيم .. وكم خسيتي ؟؟

كيف طريقتك رياضة وروجيم ؟؟ ولا بدون رياضة

[لولو حمادة]

دودو وحلا
عمل رجيم الدكتور نيوترشن اللي شهرين ونص ضعفت 10 كيلو بمعدل كيلو كل اسبوع
مع رياضة بس بعملها في البيت ساعة 3مرات بالاسبوع

[~{{ DoDo }}~]

مسك
ما حدا من الصبايا قصد يجرحك او يحكي اي شي بيمسك
بس الفكرة انه الواحد بينقهر لما يقرا تلميحات وهو مش فاهم اشي
من اول اذا مش ناوية تحكي ولا حابة تحكي ليش تكتبي تلميحات بالمنتدى
طالما حابة تحتفظي بسر وبينك وبين صبية ، ليش تلمحي من اول للسر هاد
هاد الشي هو اللي مش مفهوم ومش مستحب صح ولا لا ؟
ما حدا من اول طلب انك توضحي بس انتي كررتي التلميحات اكتر من مرة
يمكن انتي حرة بس حرة اذا حابة تحتفظي بالسر مش كل شوي يصير عليه تلميحات
يمكن انتي مش حابة تحكي او بتقولي انه ما بيعنينا نعرف عن مين بتحكي او اصلا شو السر وعن مين
وبينك وبين مين ، يبقى من اول بدون تلميحات وخلينا بالدردشة زي ما احنا

اما اذا الموضوع مدايقك ومزعلك وبتلمحي عنه وحابة تلمحي عنه ، المفروض تحكي الصراحة وخلص
مش بدك تلمحي وبنفس الوقت ما تحكي ،ومش حلو هاد الجو بيننا صح ؟

انتي اخت عزيزة وبيهمنا ما تزعلي او تتركي زعلانة والموضوع اصلا مش محرز بس التلميحات هي اللي كبرته وخلت الكل منقهر ومتدايق

[حلا الماس]

هلا مسك ..

احنا ما قلنا اشي غلط وما غلطنا عليكي باي كلمة

احنا بس كنا مستغربين من كلامك لانو مش اول مرة بتتركي تعليق غامض .. وكنا بنتمنى منك انك توضحيلنا حقيقة كلامك .. شغلة انك تتركي المنتدى او اتضلي فيه هاي شغلة بترجع الك .. وما حد بيقدر يقلك روحي او اطلعي .. احنا هون بالتجمع خوات واكتر ان شاء الله وانا عن نفسي عمري ما شفت منك اي اشي غلط عليي او على اي حد من الصبايا .. لهيك مستغغربة من كلامك !!! وجودك معنا بسعدنا ولو بتحبي تحكي اي شي كلنا هون خواتك اكيد رح نسمعلك ...

موفقة بحايتك وما بتمنالك الا كل خير

[~{{ DoDo }}~]

لولو
يعني رحتي على مركز دكتور نيوتريشن
واعطوكي ريجيم ورياضة وهيك ؟
والله حلو ، اديه كلفك الموضوع ؟

[لولو حمادة]

دودو هو رجيم مدتو اربع شهور كلف 700 درهم
والرياضة اي نوع رياضة انا بعمل في البيت

نفسي انزل كمان خمسة كيلو بس صعب وتعبت

[~{{ DoDo }}~]

والله برافو عليكي
بس اذا تعودتي وقادرة خليكي
بتخسي هال 5 وبترتاحي عالاخر
بس جد شطورة ، اذا ما قدرت اضعف بعد الولادة رح اعمل متلك
واحلى شي انه الرياضة مفتوحة بما انه عندي جهاز مشي ممكن يساعد
فضولي بيقلي اسالك اده كان وزنك واديه صرتي واديه طولك

[حلا الماس]

شطورة كتييييييير يا لولو

لا ما توقفي ازا نفسك تنزلي كمان 5كيلو خليكي مستمرة وهي انا ودودو بنشجعك كمان

انا كنت عاملة اكل صحي مع رياضة وخسيت 5 كيلو بشهر بس للاسف حملت بعدها .. وانا كمان كان هدفي انزل 15 كيلو

ان شاء الله رح اعيد كل اشي بعد الولادة ان شاء الله

[حلا الماس]

حبيبتي مسك ..

الصبية الي بتحكي عنها مين ما كانت الله يرزقها الذرية الصالحة يا رب .. بس انسانة ربنا سترها ما تفضحيها

لو متدايقة منها احكي عنها لادارة المنتدى .. خليكي ارقى من هيك ما تلمحي بكلام غامض

بصراحة انا انصدمت مش لاقية كلام اعبر فيه !!!!!!

[~{{ DoDo }}~]

مسك
اها هلا فهمنا القصة
احسنوما يزيد سوء التفاهم ويكبر
يا ستي الله اللي بيعلم اللي في القلب هاد اول شي
واذا هي لعبت علينا وكذبت الله يسامحها ومنها لربها تصطفل
ما بنعرف شو ظروفها وكيف بتفكر ، والله يرزقها بالذرية الصالحة يارب
بما انك مش حابة تحكي مين هي خلص ، هي اكيد عرفت حالها والله يسامحها عالافلام
والله يكون بعونها لانه اللي بيعمل هيك نفسيته بتكون مريضة ، وخلص اذا مش حابة تحكي اكتر من هيك
بدنا نسكر الموضوع عشان ما يصير بيننا سوء تفاهم وكل وحدة صادقة فهو لنفسها وكل وحدة كزابة كمان لنفسها
فيه ربنا وهو العالم بحال الكل ، الله يسامح الجميع ولا حدا يزعل بلييييييييييز احنا خوات

[لولو حمادة]

اكيد دودو بيساعد جهاز المشي كنت حابة اشتري واحد بس ماعندي وسع بالبيت

بتعرفي انو نزول الوزن بعد الولادة بيختلف من بطن لبطن
انا لمن تزوجت كنت 73 ولمن خلفت احمد صرت 83 مانزل وزني مابعرف ليش hwaml4 وحملت بعدها ونزلت خمس شهور وحملت بمحمد وصلت 93 بس بعد شهرين صرت 83 نزلت كل وزن الحمل مع اني كنت اكل وانام واكل حلاوة كثير
المهم طولي 167 وزني كان 86 ونزلت 6 كيلو لوحدي وهلا 10 كيلو والحين وصلت 70 تقريبا hwaml7 كمان شوي عندي مراجعة

[حلا الماس]

دودو كلامك بيعبر عني بس بصراحة من الصدمة مش عارفة اعبر

بجد بجد عمري ما تخليت انو في ناس ممكن تعيش حياة خيالية هيك .. والله في براسي كلام كتير بس مش قاردة اعبر عنو

[حواء مثالية]

مساء الخير

حبيبتي مسك انا ما قللت احترامك ولا حكيت بلهجة غلط

بس انتي موجهة الحكي النا نحنا البنات


بعدين حبيبتي بدك توصلي شي لحدا في اشي اسمه رسائل خاصة

انا المره الاولى ما عجبني وما علقت حكيت يمكن الك اسبابك ويمكن توضحي بعدين انا وحده لو ما بعرف البنات هون وادي احنا خوات مع بعض وقرات هالشي من برا ما بفوت بالتجمع بحكي انهم هدول البنات بنبشوا ورا بعض والي بتعرف التانية بتحكي عنها


انا مثلا بحكي هون كثير شغلات ما حدبعرفها الا انتو بصفي علاقتنا ببعض نحنا اخترنا كيف تكون وبكفي بنشارك بعض بكل اشي وبنفرح لفرح بعض وبنزعل لزعل بعض

وهاد في ناس قليل ليلاقوا بواقعهم يا مسك يعني بكونو كل الي حوليهم قاسيين عليهم


انا عمري ما تصادمت مع حد ولا عندي مشكله لا معك ولا مع غيرك بس انا بحسكم خواتي وبيتي التاني وما بدي البنات يبطلوا يفوتوا او يخافو ياخدوا راحتهم هون

بعدين نحنا ممو ييوم ويومين مع بعض انا صارلي سنتين بعرف البنات من قبل ما احمل ببرلنت وانتي وحده منهم بعز علي هالايام والصداقات تروح هيك


لو انتي حريصة ما كنتي ازعلتي من كلامي كان حكيتي شو في او قلتي انك ما بتقدري تفهمينا او الحل الامثل الرسائل الخاصة بينك وبين هالبنت


كل الاحترام الك حبيبتي وانا ما بدي تتركي هون لانك غالية علينا وبنحب طلتك ودايما بنسال عنك

انا كان كل قصدي انه التجمع ما يتاثر وهاد من حقي وحق البنات

وفي مقولة (((( تنتهي حريتك عندما تبدا حرية الاخرين ))))

[لولو حمادة]

مسك احكي عنها الادارة المندى ادا مدايقة منها
الله يسامحها طيب ليش بتعمل هيك ؟

[حلا الماس]

شطورة كتييير يالولو .. تقريبا وزنك هلأ مع طولك مناسب

بس ازا بتخسي كمان 3 - 5 كيلو بتصيري احلى .. استمري وعقبالي يا رب

يعني لو تصيري 67 او 65 كيلو رح تكوني بتجننيني .. استمري استمري يعني مش ضايل كتير

[حواء مثالية]

مسك كان فيكي تحكي من اول وهيك ونحنا بنتفهم

خلص وصلت الرسالة انتي ما تذايقي حالك

وهي الله يصلحهااااااااا ويرزقها


سكرو الموضوع يا بنات ولا كانه في شي

[~{{ DoDo }}~]

لولو
والله برافو عليكي جدعة بجد
انتي اوصلي بس لل 65 او حتى 67 وبيكون يعطيكي الف عافية
وزن مثالي بيصير وبترتاحي ، شطوووورة وانا بشجعك بحب اللي عندهم ارادة ينزل ويضعفوا
يارب يقدرني بعد الولادة انزل وزني وارجع متل قبل الحمل ؛)

حلا
في كتير ناس مرضى الله يعينهم على حالهم
وبيني وبينك ما بتعرفي شو الظروف اللي عايشينها بحياتهم
لحتى يهربوا من واقعهم ويبنوا قصص وحكايا الله يعين الناس
والله يسامحها وين ما كانت وشو ما كان قصدها من هالحركات

حواء
يسعد ربك حبيبتي كلامك ببرد عالقلب
واكيد مسك رح تتفهم وكل واحد هو المسئول عن شكل علاقته بالغير
وفعلا اذا حلبة تنبهي هالبنت يا مسك ابعتيلها رسالة خاصة قوليلها انه انكشفتي
ولو ضليتي تلعبي فينا رح نحكي مين انتي عشان البنات ياخدوا حذرهم منك

الله يجيب الي فيه الخير

[~{{ DoDo }}~]

حلا انا وانتي ردينا نفسالرد على لولو
ههههههه تحمست عالريجيم اكتر منها انا

[لولو حمادة]

دودووحلا ان شاء الله تضعفو بعد الولادة بس طولكم ووزنكم كام؟ ادا حابين احكوا

[حلا الماس]

حواء .. يعطيكي العافية ما قصرتي من مرة .. كلامك سليم 100 %

دودو .. يختي انا ما عمرو مر عليي هيك ناس .. يعني نفسيتها مريضة وهيكا وبتالف عالناس افلام وقصص
الله بيعد هالاشكال عنا وعن حبايبنا يا رب

شفتي عن جد نفس التعليق .. وانا اتشجعت اعمل روجيم رعد الولادة لانو كتير حابة ارجع متل ما كنت وانا عروس .. خلص بعد الوادة بنشجع بعض انا وانتي عشان نضعف .. وبتكون لولو ضعفانة وعم تتفرج علينا هههههههههههه
على فكرة ميوزك الرياضة والتمارين الي نزلتها من النت لهلأ عندي على الجهاز عشان اتشجع عليها كمان مرة بعد ما اولد

[~{{ DoDo }}~]

لولو
لا انا ما عندي مشكلة بحكي ههههه
انا طولي 165 ووزني اول ما تزوجت كان 65
وقبل الحمل كان 68 ، واخر مرة وزنت باول الشهر السابع كان 77.5
ان شاء الله اكون لسا بالسيف سايد واضل هيك ههههه الله يستر

[~{{ DoDo }}~]

حلا
والله وانا تشجعتركتير بعد الولادة اعمل. ريجيم
انا متعودة طول عمري بحب يعني اذا زدت انزل حالي لحالي
عندي ارادة شطووورة بس المهم الاستمرار
وانا كمان عندي فيديوهات رياضة متل الزومبا فيها رقص كتير حلوة
قعدت فترة اعملها راااااائعة ، رينا يقيمنا بالسلامة ونشجع بعض وننزل ان الله اراد

[حلا الماس]

لولو .. ما عندي مشكلة انا طولي 165 سم
انا لما اتزوجت كنت 60 كيلو .. وضليت اسمن واضعف ويكون شكلي مقبول

بس بالصيفية الماضية سمنت كتير وصار وزني 77.5 بديت بروجيم واشتركت بنادي رياضة لمدة شهر وخسيت 5 كيلو وصار وزني 72.5 وكنت ناوية اكمل واصير اقل اشي 65 بس ربنا راد اني احمل ووقفت كل شي كنت اعملو من رجيم ورياضة واعشاب

ومن بداية الحمل لهلأ زدت 7 كيلو .. وصار وزني 79.5 .. بس انا عندي امل اني اعاود اضعف بعد الولادة

خخخخخخخ حكيت كتير وقلتلك قصة حياتي ههههههههههههه

[حواء مثالية]

انا وزني ما زاد بعد زواجي بالعكس اضفت ولما احمل اللي بزيدهم بنزلهم عطووووول قبل ما اخلص الاربعين

[حلا الماس]

دودو .. هههههههه يا لمحاسن الصدف انا وانتي نفس الطول

بس انتي زايدة بالحمل اكر مني hwaml02 hwaml02 hwaml02 ههههههههه

حواء .. نيالك اوعي تحسدي حالك !! hwaml73hwaml73hwaml73hwaml73hwaml73

[~{{ DoDo }}~]

حواء
طبيعة جسمك بتكون هيك
بالعكس هيك احلى شي يا ريت انا ههههه
انا اذا نصحت لازم اعمل دايت لاضعفهم بعرف حالي
ولازم اقسى ع حالي شوي كمان فش فيها دلع
وبيني وبينك انا بحب الاكل الطيب كمان ولو تاركة حالي
اكل ما لذ وطاب وما احرم حالي كان فقدت السيطرة
بس الحمدلله عندي ارادة بسيطر هههه

[~{{ DoDo }}~]

حلا
ههههههه شايفة
نفس الطول
بس توصلي السابع قوليلي اديه بتكوني زايدة
وقتها بعرف اذا اكتر او اقل ههههههههه لئيمة انا
لا بس بجد بالنسبة لغيرنا حلو ، فيه بينصحوا اكتر من 10 كيلو اول 6 شهور
انا السادس كلو ما نصحت ولا جرام بس البيبي نصح
ان شاء الله المة الجاي ما اكون زايدة كمان المهم عموووورة

[لولو حمادة]

ان شاء الله بتضعفو وتصيروا مثل الماليكان
حواء شو بدك بالنصاحة بتبشع الحمد الله انك بتضعفيهم بعد الاربعين

عن ازنكم بدي اطلع اطش واتوزن عند الدكتور يارب اكون خسيت ادعولي

[حلا الماس]

هههههههههههههههه يا ريت كل الناس اللئيمة متلك

خلص بس ادخل السابع بقلك اديه وزني .. عنجد معك حق انا طول الحمل يادوب ازيد 9 او 10 كيلو لحد الولادة

سلفتي مسكينة بتزيد 15 -17 كيلو وكنة خالي بتزيد اكتر من 20 كيلو

[حواء مثالية]

الحمدلله انا كمان اي وقت بجوع بوكل وشو ما كان ما بحرم حالي ههههههههههههه

بس انا بتحرك كثير نوعي ما بعرف اقعد

[حلا الماس]

لولو .. على طول لما ترجعي من عند الدكتور تعي قوليلنا ازا ضعفانة او لا ..

وطشة سعيدة حبيبتي ♥

[~{{ DoDo }}~]

لولو
الله يسهل عليكي
وياااارب تكوني ضعفانة
تعالي طمنينا بس ترجعي

حلا
هههههه يا ستي انا راضية انصح لحد 12 او 14 كيلو
مقدووور عليهم لانه نصهم رح يروح بيبي ومشيمة ومية البيبي والذي منه
بيضل الباقي سهل ينزل اذا كانوا شي 6 او 7 كيلو
انا بعرف وحدة ولدت قبل سنتين ، كانت زايدة 25 كيلو بالحمل ولهلا بتعاني وبتنزل فيهم
الحمدلله طبعا

[إنبثاقة أمل]

مسا الخير

شو أخباركم حبيباتي

يارب الكل يكون بخير وعافيه

[~{{ DoDo }}~]

حواء
اوعك تنحسدي هههههه
احنا بموضوع الكسمات والريجيم بنحسد هههه ديري بالك مننا
لا بجد طبيعة جسمك حلوة واهم شي النشاط والحركة

[~{{ DoDo }}~]

انبثاااااقة
يسعد مساكي حبيبتي
شفت سألتي عني بالصفحات السابقة
الله يسلمك ويخليكي يااااارب
شو اخبارك وكيف زوجك وكيف عمك ؟
وان شاء الله نفسيتك احسن وامورك بخير ؟

[حواء مثالية]

طيب صلو على النبي اذا هيك هههههههههههههههههههههههه

حبيبتي دودو

هلا انبثاقة

[حلا الماس]

هههههههههههههههههههههههه الله يسعدك يا دودو ضحكتيني
الله يتمم عليها بصحتها وان شاء الله بتضل صحتها حلوة
انا عن نفسي للاربيعن بنزل كل الي زدتو بالحمل .. يعني متوقعة ارجع لوزني الاول الي هو 72.5 وبعد هيكا برجع اكمل روجيم لانو انا اصلا في زايدة كم من كيلو بوزني يا رب انزلهم

انبثاقة هلا حبيبتي .. يسعد هالمسا يا رب كيفك ؟؟ شو اخبارك ؟؟

[إنبثاقة أمل]

ربي يسعدك يادودو

الحمدلله عمي تحسن واموره ان شاء الله احسن من قبل

والله اني بحبكم وبشتاق لكم كتييير

ونفسي ارجع متل قبل

والله النفسيه عم بحسن فيها لان تعبت كتير الفتره الي راحت

الحمدلله ع كل حال


حواء اهلا ياقلبي

يسعد مساك

[إنبثاقة أمل]

اهلين حلا ياقلبي

الحمدلله انا بخير ومشتاااااااااقه

شو أخبارك واولادك


دودو سلامتها الوالده

ربي يشافيها ويعافيها يااااااااارب

وتتحسن وتوصلك وهي بخير ياقلبي

[~{{ DoDo }}~]

حواء
اللهم صلي وسلم وبارك على سيدنا محمددددددد
هههههه يسعدك حبيبتي

انبثاقة
الله بيعلم اديه بعزك
بعتبرك هادية ومتل النسمة
هيك ماخدة انطباع عنك
الله يعدل هالحال عالجميع يارب
ويسمع منك ويشفيلي ماما ياااارب

حلا
طب ممتاز
ياااارب انا كمان اكون متلك
وعالاربعين اكون نازلة عالقليلة اغلب اللي زدته ياااارب
هيني بجرب وبشوف وبقللك بس اقوم بالسلامة يارب

[~{{ DoDo }}~]

بنات اجا زوجي
وباقي للمغرب اقل من نص ساعة
بالاذن بدي احضر للفطور

سلااااام حبيباتي

[إنبثاقة أمل]

والله يادودو الشعور متبادل

وكل وحده هون معزتها غير شكل بقلبي

الله لا يحرمنا من بعض

ربي يتقبل منك صيامك

[حلا الماس]

اهلين فيكي حبيبتي .. الله يسعدك

والله وانا مشتاقتلك وكتير بفقدك .. يلا شدي حالك وارجعي طلي علينا كل يوم خلينا نزهئك ههههههههه

ولادي الحمد لله ومطلعيين الشيب براسي عقبال عندك ربي يرزقك ذرية صالحة يا رب

نزلت صورهم من فترة هون اظن يالصفحات 143 او 144 .. لو بتحبي تشوفيهم

[حلا الماس]

دودو .. يا رب تقومي بالسلامة ان شاء الله

صيامك مقبول يا رب الله يسهل عليكي حبيبتي

[إنبثاقة أمل]

اكيد طيران راح اشوفهم

ربي يحميهم ويحفظهم الك ويجعلهم قرة عين الك وبارييين فيك

راح ازهقكم مني عندي كوميات حكي هههههههه

[إنبثاقة أمل]

ماشاااااء الله تبارك الرحمن

الله يحفظهم ويحميهم ويجعلهم قرة عين الك ياقلبي

ربي يبارك فيهم ويفرحنا بقومتك بالسلامه يارب

وكل الصبايا

يارب يفرحنا بسلامتهم واطفالهم بين ايديهم

[حواء مثالية]

دودووووووووو صام قبووووووووووووووول


الله يتمملك عخير يا رب

[حلا الماس]

تسلمي حبيبتي كلك زوء


ربي يكرمك بالذرية الصالحة وتفرحينا بصورهم ان شاء الله

تعي ضلك احكي لبكرة الصبح صصدقيني مش رح نزهئ منك

[حواء مثالية]

جاي عبالي شي مو عارفه اش هوووووووووو

[جارة القمر]

يــــــــــســــــــعــــــــــد مــــــــســــــــــاكـــــــــمـ،

[حواء مثالية]

مساكي اسعد يا قمررررررررررررررررررررررررررر

[Snowwhite-90]

يسعد مساكم جمييييعا
كيفكم كتييير اشتقتلكم واشتقت لحكياتكم ،، بعتذر عن غيابي هالاسبوع
رجعتلكم من بعد الامتحانات :) :)
كتييير تعبت هالاسبوع من السهر للدراسة :( بس الحمدلله اجى كله بنتيجة رائعة
بتمنى الجميع يكونوا بخير ،،

[احساس أنثى]

مسا الخير

توي لفتح معي المنتدي مابعرف اذا عند الكل هيك ولا بس عندي

ام جودي ان شالله دائما في تفوق

[~{{ DoDo }}~]

يسعد مساااكم صبايا كيفكم
احساس وجارة وحواء وام جودي

ام جودي موفقة حبيبتي
وان شاء الله بالنجاح والتفوق ياااارب
كيفك وكيف حمود والحمل ان شاء الله مش مغلبك

[~{{ DoDo }}~]

احساس
كيفك
لا المنتدى كان يفتح عادي
يمكن النت بطيء او شي

[حلا الماس]

مرحبا .. مساكم سعيد

جارة .. حواء .. احساس .. ام جودي .. دودو .. تسلملي هاللمة الحلوة .. شايفتكم من الجوال داخلين وعم اتدردشوا ههههههه فحصت وما قدرت الا اني افتح اللاب توب وادردش معكم ♥

[~{{ DoDo }}~]

اهلا اهلا حلا مساااااااكي ورد

[Snowwhite-90]

مساء الانوار على عيونكم حبيباتي دودو وحسوسة

احساس حبيبتي تسلميلي ياااا رب ان شاء الله من تمك لابواب السما الحمدلله كتيييير مبسوطة وزوجي كمان مبسوط مني كتير على درجاتي ،، كيفك وكيفو زوزو حبيبي ؟؟ ان شاء الله مو مغلبك ؟؟

دودو يا قمر تسلميلي ياااا رب من كل شر ،، انا تمام الحمدلله وحمودي ببوسك والحمل ماشي تمااام الحمدلله بلست احس بالحركة بس على خفيف ،، عنجد شعور حلووو كتيير لما تلاقي تعبك جاب نتيجة ونتيجة حلوة ومرضية ،،
بالرغم من انه كل صديقاتي بيشكوا من الامتحانات وصعوبتها ،، بس انا ما لقيت شي صعب فيها الا شغلة انها كانت طويلة والوقت قصير يعني كنت اخلص حل الاسئلة وينتهي الوقت ما في وقت للمراجعة ههههه
كيفووو عمورة حبيبي ،، وانتي كيف صحتك مع الحمل

[جارة القمر]

بنااات متمنيه ادردش معكم بس اليوم تاخرت بالشغل وصلت البيت 5 وحاسه حالي ما في
حيل ............مع اني كتير مشتائلكم

[Snowwhite-90]

هلاااا ام خليل ،، كيفك حبيبتي ؟؟ وكيف اماميرك ؟؟ ما شاء الله شفتهم حبيباتي شو امامير وزاكيين :) الله يحميلك اياهم ويحفظهم من كل شر

[حلا الماس]

حبيبتي دودو .. الله يسعدك .. كيفك بعد الصيام اليوم ؟؟

جارة .. الله يعطيكي الف عافية يا رب ويكون بعونك ..

ام جودي .. شطورة كتير ربي يوفقك وينجحك واتضلي هيك درجاتك عالية .. انتي شو بدرسي ؟؟
وكم انتي صرتي حامل هلأ ؟؟ سوري بس ما في عقل

انا منيحة وولادي بخير .. الله يسلمك بدنا سلامتك حبيبتي

[Snowwhite-90]

حبيبة قلبي الله يسعدك يااا رب ويوفقك بحياتك
انا بدرس لغة عربية بسنة تانية :)
وانا هلا حامل باخر الرابع وباقي اسبوع وافوت بالخامس ان شاء الله
ربي يقومنا بالسلامة جميعا

[دموع الليل]

يسعد مساكم

منورين

[حلا الماس]

موفقة حبيبتي بدراستك .. ويتمملك حملك على خير يا رب

الحقوني حاسة بصداع فظييييييييييييييييع .. والله حاسة راسي رح يطير من محلو

وولادي كملوا الطابق عم بنطوا ويقالبوا .. وانا اصلا نفسيتي بعيد عنكم زفت والي من المغرب وانا بعيط

[Snowwhite-90]

يسعد مساكي دموع اهلا اهلا حبيبتي كيفك ؟؟

حواااء معلش حبيبتي انتي وجارة العتب ع النظر ،، يسعد مساااكم با رب

[حلا الماس]

هلا دموع .. ومساكي يا غالية

النور نورك ..
ان شاء الله تكوني انبسطتي اليوم عند اهلك ؟؟

[احساس أنثى]

حلا سلامتك نامي يمكن ارهاق بترتاحي شويه

[حلا الماس]

الله يسلمك يا احساس .. يا ريت اقدر انام بس ولادي اليوم ناموا بالنهار وقبل ال12 الليلة مش رح انام

هيهم لهلأ عم يلعبوا وينطوا مجددين الطاقة اسم الله عليهم وكانو الدنيا عندهم نهار .. وابوهم مش هون كان تركتهم عندو ورحت نمت :(

[دموع الليل]

هلا Snowwhite-90

كيفك؟ على فكره بينى وبينك اسبوع بالنسبه للحمل

الله يتمم النا على خير

حلا كيفك ؟ الحمدلله انبسطت كتير

احساس منوره

[حلا الماس]

حبيبتي دموع .. الله يخليك اهلك واتضلي تروحي عندهم وتنبسطي

صبايا تصبحوا على خييييييييييير .. سهرة سعيدة بتمناها الكم ♥

[دموع الليل]

سلامتك حلا روحى ارتاحى

وان شاءالله يروح الوجع .. ما تشوفى شر حبيبتى

[~{{ DoDo }}~]

ام جودي
الله يوفقك يارب وتتخرجي بعلامات حلوة كمان
جدعة وشطورة برافو عليكي
والله يقومك بالسلامة ان شاء الله حبيبتي
انا بخير وعمورة بخير التقل بيزيد وهيني عدي دخلت بالتامن
الله يعدي هالايام على خير يارب

حلا
انا الحمدلله وصيامي كان تمام
بس كمان مصدعة والله
سلاااامتك ، الله يعينك يارب بس مالك ليش نفسيتك مش ولابد
ولا مع الحمل ؟

جارة
الله يعطيكي العافية يارب
معلش ريحي حالك وبندردش بكرا ان شاء الله
بوساتي للاولاد

دموع
هلا حبيبتي
يسعد مساكي

[Snowwhite-90]

له له سلامتك الف سلامة يا حلا ما تشوفي شر حبيبتي ويكون بعونك ع الصداع يمكن ضغطك نازل اذا عندك جهاز الضغط قيسيه وشوفي

[~{{ DoDo }}~]

حلا
سلامااات الله يسهل عليكي ونوم الهنا
ان شاء الله بتفيقي الصبح ما فيكي اشي يارب :)

[دموع الليل]

هلا دودو سلامتها الوالده

الله يقيمها بالسلامه

[حيفا]

مساااا الخير صبايااااا كيفكم حبيبااااااتي ؟؟

معلش رجعت قرأت كل الردود اللي قبل مشان اشوف اذا مسك رجعت وكتبت توضيح لكلامها >> فضوووووووولية ههههههههه

المهم مسك حبيبتي ما تزعلي من الكلام اللي بدي اقوله ، بس مش من حقك ابدا تفتشي ورا اي بنت ، طالما هي ما أذتك ما حكت عليكي ، ما غلطت بحقك ، بغض النظر عن انها بتكذب ، او بتحكي الصدق شي بيرجعلها ، واكيد في اسباب عندها خلتها تعمل هيك ، يمكن بتعوض حرمانها من الخلفه هون معانا ، وبتعوض هالنقص بحياتها ،

صح انا ضد الكذب باي شكل ، بس كمان ضد اني احكم ع اي حدا من خلال تصرفاتو وكلامو من ورا شاشة كمبيوتر
يا ستي هالبنت خلينا نقول مريضه ، نفسيا ، ما بايدينا شي غير ندعليها ربنا يخفف عنها اللي هي فيه ، ويرزقها من واسع كرمه ، انا محرومة وحاسه باحساسها ، صح مستحيل اكذب واقول اني عندي اولاد ، وان شاء الله ما اوصل لهالمرحله ههههه ، بس اكيد هي واصله بحزنها واحساسها بالنقص لدرجه كبيرة :)
يعلم الله يا مسك اني بحبك ، لانك كتيير مرات واسيتيني ، ودليتيني ع اشياء اعملها ، كتير بحب كلامك ووجودك ، بس هالشغله ما حبيتها ابدا ، وبتمنى منك انك ما تبلغي لا ادارة ولا غيره واستري عليها وخليها مبسوطه بيناتنا ، يمكن لاقت بيناتنا اللي مش لاقيته بحياتها الواقعيه :)


يارب يارب يارب ما يحرم حدا من الذرية الصالحه يا الله ، يرزقها ويرزق كل متمنيه ياااااارب :)


حكيت وعكيت كتير بس والله تدايقت على هالبنت لابعد حد :(


المهم سهرة سعيده احلىى صبايا بالدنيا :)

[Snowwhite-90]

الله يسعدلي اياكي يا رب يا احلى دودو ،، تسلميلي عالدعوات الحلوة متلك ،، ان شاء الله ربي يقومنا بالسلامة كلنا ويرزق الصبايا بالي بيتمنوه ،، معلش حبيبتي كله بيهون لما تشوفيه بحضنك اذا ع التقل انا حاسة فيه من هلأ ههههه ربنا يعينا
وان شاء الله عقبال ما تفوتي التاسع وعمرتنا الحلو يشرفنا ،، الله يعينك عالصيام بهالايام النهار طويل ،، الله يتقبل ان شاء الله

[حيفا]

دودو ياااا عمري سلاااامتها مامتك والله فقدتك انا :)
الله يطمنك عليها يااااارب

[دموع الليل]

هلا
Snowwhite ان شاءالله دايما متفوقه

[حيفا]

ام جودي بيننا يا مرحبا يا مرحبااااااا عقباااااال العلامات المتفوقه ياااااااااارب :) كيفك وحموده ؟؟


دموع يا ولكم ولاكم هههه ازيك ؟

[دموع الليل]

هلا حيفا

كيفك؟؟ الله يررزقك بالذريه الصالحه يارب

شفت تعليقك على مسك

[~{{ DoDo }}~]

دموع
تسلميلي يااارب

حيفا
حبيبتي بعرف والله انك فقدتيني
الله يسعدلي اياكي يارب ويسمع منك تسلمي عالدعوة الحلوة
وكلامك عالعين والراس بخصوص موضوع اليوم كفيتي ووفيتي
والله يعين كل واحد على حياته الله اعلم كيف كل وحدة عايشة
ان شاء الله تكوني بخير حبيبتي وكل امورك تمام

ام جودي
اه والله الله يعيننا خصوصا انا هالكم يوم
حاسة بطني متيبسة ولا مرتاحة بقعدة ولا بنومة
بس معلش فدا البيبي اللي جاي
يسعدلي اياكي يارب يا قمر

[دموع الليل]

صبايا شوفو هالموضوع

http://forum.hwaml.com/t240089.html



http://forum.hwaml.com/t196266.html

[حيفا]

حبيبتي دموووع يسعد مساكي ياحلوة ربي يسمع منك
انا بخير الحمد لله ، كيفك انتي وكيف ابنك والبيبي ؟


دودو حبيبتي يسعدلي هالمسا شو بحبه انا ههههههه جد بحب وجودك والله :)

[~{{ DoDo }}~]

هههههه دموع قريته هالموضوع
عن جد نهفة

صبايا انا بدي استأذن
تصبحوا على خير وسعادة يااااارب :)

[~{{ DoDo }}~]

حيفا
القلوب عند بعضها وحياااااتك
حبيبة قلبي والله
نفسي اضل بس تعبانة شوي

بنحكي بكرا ان الله اراد
تصبحي على خير ورضا وراحة بال حبيبتي :)

[حيفا]

ههههههههه دموع حلوين المواضيع بس فيهم شوية مبالغه ههههههههه

دودو تصبحي على خير وانا كمان زوجي عن ينده :)

[دموع الليل]

الله معكم صبايا

وانا هى ابنى نام بدى اروح انام

[Snowwhite-90]

هلا
snowwhite ان شاءالله دايما متفوقه

تسلميلي حبيبتي كلك زوووق الله يسعدك ويقومك بالسلامة يا عسل

ام جودي بيننا يا مرحبا يا مرحبااااااا عقباااااال العلامات المتفوقه ياااااااااارب :) كيفك وحموده ؟؟


دموع يا ولكم ولاكم هههه ازيك ؟

ههههههه حبيبتي حيفاااا وحشتيني جدا جدا زمااان عنك يا عمري ،، انا تمااام الحمدلله وحمودي بسلم عليكي وببوسك ،، تسلميلي من كل شر يا رب ويسعدك ع طول

دموع
تسلميلي يااارب

حيفا
حبيبتي بعرف والله انك فقدتيني
الله يسعدلي اياكي يارب ويسمع منك تسلمي عالدعوة الحلوة
وكلامك عالعين والراس بخصوص موضوع اليوم كفيتي ووفيتي
والله يعين كل واحد على حياته الله اعلم كيف كل وحدة عايشة
ان شاء الله تكوني بخير حبيبتي وكل امورك تمام

ام جودي
اه والله الله يعيننا خصوصا انا هالكم يوم
حاسة بطني متيبسة ولا مرتاحة بقعدة ولا بنومة
بس معلش فدا البيبي اللي جاي
يسعدلي اياكي يارب يا قمر

اه والله الله يعينا ع هالفترة بس ايام الحمل ما شاء الله بتمشي بسرعة
معلش حبيبتي هما اصعب شهور الاخيرة تقل وارهاق وما في راحة لا بنوم ولا قعدة ولا بشي
بس الحمدلله على كل شي
سلامتها مامتك صحيح ما تشوف شر يا رب ،،

حبيباتي معلش هستأذن منكم لانه حمودي نعس هنيمه وانااااااااااااااااام :) :)
بشوفكم غدا ان شاء الله
تصبحوا على خير :)

[احساس أنثى]

صباااااح الخير شايفين النشاط :)

[لولو حمادة]

صباح النور احساس

انا صاحية من الفجر مش عارفة انام ومصدعة

[لولو حمادة]

مسك اشي بيقهر خلص الله يسامحها
بتعرفي كل بنات غزة ورجونا صور اطفالهم طيب كيف ؟

[احساس أنثى]

يسعد صباحك لولو ليش ياعسل كاسة لمون وبندول بتسيري متل الفل

بنات شو في انا ماانتبهت للزدود ؟؟

[حواء مثالية]

صباحكم فل شخباركم

جمعتكم مباركة يا حلواااااااااااات

وانا كمان اليوم كل الليل ما نمت زي البشر دقيقة نايمه وساعة صاحية عزوز سهرني


انا نشيطة اليووووووووم كمان الجووو بجنن اليوووووم

[احساس أنثى]

يسعد صباحك حواء شكلو عزوز بحب السهر :)

انا كاينه متل الاطرش بالزفه بالمنتدى عشان بفوت امسي مابتصفح
بستاهل :)

[احساس أنثى]

اسيبكم ياصبايا اروح لاشغالي اليوم عنا حنه عقبال اولادكم وحبايبكم
بدي اتغدا واروح ع الكوافير اعمل شعراتي :)

[جارة القمر]

صبااااااااااااااااااا ح الخيررررررر
ما لكم مش ناااااااااايمين ..........في مجال اضموني معكم لانه زيد الليله كماااااااااااااان ما نيمني
مرضااااااااااااااااااااان ............

الجووووو وضعو صعب اليوم بااااااااارد .............

[احساس أنثى]

فعلا الجو بارد ورغم هيك حممت زوزو

[جارة القمر]

كنت مفكره حمم زيد بس حراااااااام مريض غيرت رأيي.......
بدي روح على بيت اهلي .........اليوم

[حواء مثالية]

سلامته القمر يا جارة

احساس الف مبروووووك

انا لو بكون نسمة هوى خفيفة بالجو ما بحمم برلنت بخاف عليهاااااااا

شايفة يا احساس دايما تصفحي الا ما يكون شي

[لولو حمادة]

مساء الخير
وانا مثلك حواء لمن يكون الجو بارد مابحمم الاولاد
جارة يوم ممتع مع اهلك

[حيفا]

صبااااحو يا حلويييين

مسك حبيبتي احسن شي بتعمليه
هو انك تطنشيها الله يعينها عاللي هي فيه :)


بناااااااات بتابعو arab idol ؟؟؟؟؟؟؟؟

انا بصراحه كتيييير بحب صوت محمد عساف ، ولو بنفع اصوتله بصوووت، بتقولو هبل وسخافه ، ما بعرف بحس انه شي حلو يفوز فلسطيني بأي مجال حتى لو بالغنى هههههههه


شو طااابخييين ؟؟ انا عملت ملفوف ، لزيز بهالجوووو :)


نهاركم سعيد وجمعتكم مباركه :)

[لولو حمادة]

حيفا صحتين على الملفوف
صوت محمد عساف روعة كان يغني بحفلات الجامعة بس كان صغير واغاني وطنية
وانا بتمنا يفوز

[فوفو89]

يسعد مساكم

جمعة مباركة

كيفكم اليوم

انا اتغديت مقلوبة والحمدلله اشبعت انا وبنتي :)

[~{{ DoDo }}~]

يسعد مساكم صبايا

وجمعتكم مباركة يارب ، ان شاء الله يكون اسبوع خير عليكم جميعا
هلأ تغدينا اليوم عملت ملوخية ودجاجة حشيتها فريكة ورز مبهر

صحتين على قلوبكم جميعا وان شاء الله بتقضوا ويك اند ممتع وحلو

مسووووكة
اذا رجعت الصبية عملتلك اي ازعاج
بلغي الادارة وهي بتتصرف وبتحجب الاي بي تبع جهازها
بتبطل تقدر تفوت او تعمل عضويات وتفوت منها
بس ما بعتقد ترجع تعمل حركات لانه اكيد بتكون قرأت وعرفت القصة والي انحكى هون

عندي ايسكريم ومتشوقة اكلها ههههههه بس مستنية اهضم الغدا ههههه

[ام عبدالله لولو]

مساء الخير يا صبايا
اووووووولا مسك يسسسسعد مساكي يارب وازا ازعلتك حقك عليا بس طريقتك بالحكي كثير مستفزة وانا بالنسبة الي صار عندي فضول ع مين بتحكي لهيك سالتك وكنت حابة تردي عليا المهم شو ما كانت البنت الي حكيت عنها المفروض الي بستر ربنا بيستر عليه وزي ما حكت حيفا كل وحدة فينا ورا جهاز يعني ما تصدقي كل الي بنحكي وغير هيك الله واعلم بظروفها الي خلتها تحكي هيك انا بالنسبة الي ما عاد بدي اعرف مين البنت وشو قصتها لانو لحد هون بصير استغابة وانا بالغنى عنه وانتي اخت عزيزة علينا وزي ما حكت دودو وحلا كلنا خوات وما شفنا منك غير الكلام الطيب وما حد جرحك باي كلمة الي صار انو حبينا نعرف شو فيه وانسي الموضوع من اصلو وكمان مرة بحكيلك يسعد مساكي ومسا وليد وارجعي احكي وفرفشي معنا هون بنلقي النقص انا بالنسبة الي بحب اجي هون بحس حد بيسمعني وبيفهمني بالشغلات الي ما بعرفها بخصوص الحمل يعني بلقى الجواب ولريح حالي من الوسواس ههه وبجد بحس اني مع خواتي
كل الصبايا يسعد مساكم يارب والصبية الجديدة نسيت اسمها هههه لانو ما دققت منيح بالاسم المهم اهلا وسهلا فيكي
حلا لولو دودو دموع وجارة واحساس وفوفو يلا بدا الدوام المسائي يا كسلاااانات

[نور العمر]

مساااااااااا الخيرررر صبايا ...

كيفكم وشو اخباركم ... انا بتابعكم ع طول ... بس مع التقل بطلت لا عارفه اقعد او انام او حتى اوقف كل ما عمل حركة بتشد علي

رجلي من عند الحوض ما بعرف ليه يمكن من التقل ضايلي عشر ايام وخلص التاسع ولسى ما في بوادر خخخخخ

انا اول مره جرب التاسع لانو ب ابني ولدت ب اخر التامن طلع الشهر التاسع اصعب بطلت عارفه اتحرك زي العجايز هههههه

ان شاء الله يارب يهونها علينا با اليوم المبارك .. وتسهل ولدتنا وتمملنا على خير ياااارب

صحه وهنا للجميع ع الغدا ... انا اليوم اتغديت منسف مع لحمه ...

بدي روح جرب اتمشى شوي صارلي يومين ما مشيت ولا عارفه اتحرك ..

[ام عبدالله لولو]

نسيت حواء يسعد مساكي يا ام عزو
نور منورة حبيبتي الله يهونها عليكي يارب وتقومي بالسلامة ان شاء الله

[حواء مثالية]

مساء الخير جميعااااااااااااا

[حواء مثالية]

ام عبدالله مساكي اسعد يا قمررررررررررررررر

[جارة القمر]

يسعد مسااااااااكم

والله اليوم زوزو عجب علي بكاااااا متواصل ئلبي تئطع عليه اخدنو على الدكتور ما اعطاه دوا

بس بدو تبخيره ........هالولد مسكين اول ما يمرض بزكم صدره على طوووووووول ........حملت حالي وروحت على البيت
ما عرفت اتغدا مع اهلي ولا شفتهم ...........وطلعت بدي روح سيارتي ما اشتغلت هههههههه كلووو مع بعضو ...
ابوي شغلي ياها مع انها موديل جديد .........بس خلص من الصبح الوضع متأزم والله مرتين ارجع عن درج بيتي اغير راي ما بدي روح على اهلي بس يزون بحب يروح فما حبيت زعلوووو،،

[احساس أنثى]

مسا الخير صبايا توي روحت من الحنه يالعي صداااااااع

صبايا انا بالعاده بسجل متى بتجيني الدوره ونشيت الشهر الفات كم اجتني
عان اعرف الشهر هاد متى حتيجي حتى بعكشت كل مذكراتي اتذكر وين سجلت ع الفاضي
حساها طولت الشهر هاد !!!!

[جارة القمر]

~~~~بناااااااااااات بلدي بجد اسلوبكمـ، راقي وعئلكم كبيييير ~~~

بالنسبة لموضوع مسك:

انا مقدره انه الواحد بيعتبر حالوووو ببيته هون ولما ينعرف انه في حد بيتلاعب في جوووو كل محبه وصدق
بيكون الوضع مش مريح ....وبيكون الواحد بدو يحط حدلهلشي ،،وهادي ردة فعل مسك ...بما انها بتعرفها

بالنسبة اللي بصراحه 100 سؤال خطر ببالي .....عن هالشي ....ولكن هون راي الاغلبية انه الموضوع يتسكر
وانها هي بتعرف حالها .......وصار لازم توقف لعبهاااا علينااا احتراما للبنات اللي هوووون .......
-----------------------------

~~~ما علينااااا كل واحد حر بحالوووو المهم نحن هوووون ~~مبسوطين مع بعضناااا ~~~

[حواء مثالية]

هلالالالالالالالالا جارة سلامته الامر ما يشوف شر

احساس نورتي وسلامتك من الصداع
لتكوووني حامل

[احساس أنثى]

والله ياحواء شاكه

[احساس أنثى]

لا وكنبت معي روحت ع غرفتي ورانا سهره شباب حيطلعو عيوني

[حواء مثالية]

والله يا جارة الواحد مش عارف شو يحكي بهالموضوع س بحياتي ما توقعت تكون بينا وحده تعمل هيك

مسك حكت لنها من بنات غزة بس كل الي هون نزلو صور اولادهم قد ما فكرت بهالموضوع ما طلع معي شي

[حواء مثالية]

ان شاء الله يا احساس الله يطعمك

[جارة القمر]

حواااء:
الله يسلمك يااااااااااارب

ههههههههههههه لازم حد يشتغل المحقق كونان

[حواء مثالية]

ممممممممممممم عندك خيط يوصلنا للحل كلنا بنشتغل محققين هههههههههههههه

[جارة القمر]

حواء:

هههههههه اعجيتك الفكره ........


حيفااااااا:

اللي مرتين ما بحضر عرب ايدول .......اليوم حضرتهااااا هيو عساف نجح مبروك .......

[حواء مثالية]

اخ يا جارة الي فاضي بعمل قاضي ونحنا هيك هههههههههههههه

[لولو حمادة]

مساء الخير صبايا

[حواء مثالية]

هلا لولو يسعد هالمسا يارب

[لولو حمادة]

الله يسعد مساكي حواء

[حواء مثالية]

البنات مأجزات اليوم ما حد طال

[لولو حمادة]

اليوم الجمعة مش كثير بيفوتو الصبايا

[حواء مثالية]

تصبحووووووووووووو على خير


احلالالالالالالالالالام وردية

[غُمُوض أُنثَى]

صبآآآآآآآآح الورد والفل ع الحلوآآآآت ♥

والله نفسي اصحى بكييييير وادردش معكو دلوني عالطريقة

الي سآعة برجع بالصفحات برجع برررررررجع عشآن الآقي اليوزر نيم تاعي اصله فرمتت لاب توبي وراح الاسم كنت عاملالو دخول تلقائي ،، تعبت لحتى وصلت والله ههههه يئطع شركو قد ما بتحكوآآآ

بس لفت نظري بالصفحات قصة مسك ،، ههههه ما احلآكي يا مسووووكة وانتي معصبة
ولك طنشي ،، في عقليآت ونفسيآت مريضة بس برضه ما بتعرفي ظروفها للبنت
المهم مآ علينآآآ ،، انتي ما تتركي هون لانه ما بنستغنى عنك والك من زمان معناااااا يا فتاة

وما تزعلي من كلام حد لانه اكيد الكل حكا لمصلحة الدردشة ،،♥

هديـــــــــــل ،، صحة صحة عالكيك بتعرفي دايما بعملها بس شكل كيكتك ازكى هههههههههه امانة بدي طريئتها
يا بتكتبيها هون يا ابعتيلي ياها عالوآآآتس اوكي معدلة يختي معدلة

حيـــــــــــفا شو اخباآرك يختي يا طناش انتي بدك دبح

انبثآقة حبيبتي ،، نفسي احكي معك بس مبارح فرمتت الجهاز ولسا اعدادات الوايرلس فيها مشكلة لهيك مش عارفة اشبك نت علجوال طول اليوم ومش عارفة اقعد من غير الواتس هههههه ما انتي عارفة

حلا ،، مشتقآلك ياحلوة ،، بتعرفي انا بحب اسم حلا برشا برشا لاني كنت حابة اسميه ♥
وما زلت طبعا وان شاء الله بتجيني بنووووووتة متل بنوووتك

ام عبدالله ،، هههههههه مش عارفة ليش في قصة مسك وانا بقرا تعليقاتك قعدت اضحك عنجد انك عسولة وخفيفة دم

حوآآآء ،، كيف الحمل وشو اخبار ابو العزززززز ووين وصلتي هلأ ؟؟

لولو الفلسطينية ولولو حمادة شو اخبااااااااااااركم

دودو لوين وصلتي في حملك طمنيني عنك وعن البيبي

هبوش ع فكرة كأنها الها فترة مش مبينة ؟؟؟ الها وحشة والله مين بعرف اخبارهاااااااا

احساااااااااااااااااس كيفك يادبة والله مشتقاااااااالك كتير كتير شو اخبارك وكيف ابو الزوووووووووووز

عيون المها ،، حبيبتي ان شاء الله تكون زيارتك وسفرتك موفقة وتنبسطي فيها يارب
عقبالي انا بعد رمضان في نص 8 نازلة ع غزة ان شاء الله طبعا بستنى يوم يوم

بينك روز وسهى وميسا ،، زماااااااااااااااان عنكووووووو ♥

ام عمر ،، الله يحميكو من العين ديروا بالكو وان شاء الله ما تشوفي الا كل خيييييييير يارب



ممممممممممممممم خايفة اكون نسيت حداااااااااا بجد بجد ازا نسيت حد امانة ما تزعلوووو والله حاولت اعصرررررر مخي عصر

وطبعا البنات الجداد اللي انا لسا ما اتعرفت عليهم فوفو ودموع الليل ،، منورات اكيد


يا بنات انا المفروض الشهر هادا عندي تالت يوم الدورة فحص هرمونات لانه الدورة الها اكم شهر متخربطة ابصر مالها انهبلت


المهم ،،،، انا بتابع عرب ايدول بس كرمال محمد عساف عنجد رائع وصوته بجنن ♥

برمت كتير بس جد مشتقالكم

نهآركم سعيييييييييييييد

[غُمُوض أُنثَى]

اه ونسيت في بنتين جداد معنا كمان اكيد الهم تحية ،،

سنووووووو وآآيت ، نور العمر

منورآت اكيد
♥
بنات شوفو هالقصة امانة ،، قشعر بدني ونزلت دموعي يا الله لما الولد قعد يبكي

تبادل الطفلين السعودي والتركي مؤثر جدا (http://www.youtube.com/watch?v=h480fWRkfcU)

[احساس أنثى]

صباح الخييييير شايفين النشاط لازم يامديرتنا ياحلا تعطيني شهاده تقدير هههههههههه

غمووووووووض وينك ياعسل بالشهر مره لما تطلي / بعدين سنو وايت مش جديده ياحلوه هادي ام جودي بس غيرت اسمها :)

[beboo]

صباح الفل صبايا

كيفكم وشو اخباركم

شو مين صاحى بكير اليوم ؟؟

[احساس أنثى]

بيبو يسعد صباحك زمااااااان ماطل القمر

[ام عبدالله لولو]

صباح الخير يا صبايا
غموض اهلا حبيبتي هههههه انتي العسل والله تسلميلي يارب الله يرزقك ويفرح قلبك يا الله
حلا دودو لوبو حيفا فوفو يا كسلانات كلكم اندارات ناخير كل وحدة لجيب ولي امرها معها ههههه يسعد صباح الجميع دموع وجارة وحواء يا سهيرات يلا تعو ههه

[نور العمر]

صباح الخير ... كيفكم ..

كيفك احساس ... غموض ... ام عبد الله ... بيبو ... يسعد صباكم جميعا ...

حبيت اصبح عليكم وطالعه عندي موعد مع الدكتوره ان شاء الله تكون الامور تمام وربنا يسهلها وينزل راس الجنين لتحت .. ادعولي ...

بشوفكم المسا ان شاء الله ....

[ام عبدالله لولو]

الله معك نور ويسهل عليكي يارب وتكون امورك تمام

[جارة القمر]

يسعد صباااااااااااجكمـ يا نشيطين .........
بس ما بتوقع حد انشط من زيد ابني .........حبيبي مريض وبدلع علي ...........نفسي اتهنا بالنومة يوم عطلتي

غموض:

1000هلااااااااااااا منورة يااااااااااااااا أأأأأأأأأأأأأأمر تكرم عينك الطريقة رح اكتبها هون عشان البنات ازا هم كمان بدهم يعرفوها ...........بس مو هلا زوزو مش رح يخليني اكتب

[جارة القمر]

ام عبدالله:

ليه صاحيه بكير؟؟

[ام عبدالله لولو]

يسعد صباحك يت جارة وصباح مخصوص لزيود والف سلامة عليه للحلو الله يحماه
حاسة الدميا رجعت شتوية هههه ما شاء الله مطر ورعد عنا

[ام عبدالله لولو]

ههههه بدك الصراحة ههههه بغسل وكمان اليوم زوجي معطل بس في اجتماع بالجامعة لهيك صحيت معو

[لولو حمادة]

صباح الخير صبابا

[ام عبدالله لولو]

هلا صباح الخير لولو شو احبارك انتي والاولاد
صبايا ما شاء الله اللهم صلي ع النبي الدنيا عنا عز الشتا

[حيفا]

صبااااح الخيرااتت والامطار والجو اللي مخربط ومخربطنا معاه هههههههه


غموووووض يا عمري ما عاش اللي يطنشك ، بس بدك الصراحه بخاف ازعجك مرات بكون اخر ظهور الك متأخر بالليل بقول يمكن لسا نايمة هههههههههه يا ستي بس يزبط الوايرلس انكزيني وحجننك بقا ن اشتقتلك كتييير يا حلوة ، وان شاء الله ما تيجي المحروسة وتضلي حامل وما تضطري لا لفحوصات ولا لغيره :)


ام عبد الله امي بتسلم عليكي وبتقلك اني اليوم انا بدي اغيب عندي فحص للدكتور ههههههههههههههه يسعد صبااااح النشيطين والله :)

جارة وبيبووو ولولو حمادة صباحكم سكر :)

[لولو حمادة]

ام عبدالله انا بخير واولادي الحمد الله بخير

حيفا يسعد صباحك

[ام عبدالله لولو]

الله يسعدك يا حيفا وصباح كلو تفائل ان شاء الله عليكي بترجعي طمتيتا بسرعة عنك
وبالنسبة لامك مقبول اليوم بس هههههه وسلميلي عليه والله يخليلك اياه

[حلا الماس]

صباخ الخير

يسعدهم النشيطات .. كيفكم اليوم ؟؟

[لولو حمادة]

حيفا طمنينا لمن ترجعي ان شاء الله تكون امورك تمام

[حيفا]

ياطير ياطاير يارايح على الديرة
بتشوفك عيني وتصونك عين الله
بالله يامسافر شعلانه هالغيرة
فلسطين بلادي حلوة ياماشاء الله
ميل ع صفد سلم ع طابريا
لعكا وحيفا سلم عبحرها
ماتنسى الناصرة هالقلعة العربية
بشر بيسان برجعة اهلها


انا يا قدس والدماعت هامو
اهلي في فيافي الارض هامو
افتخر فينا التاريخ وحمامه
كتر ما صبر شعبي عالعذاااب


وامرق على غزة وبوسلي رملها
اهلا ناشاما ورجالا جبارة
والقدس الحرة والاقصى علمها
انشاء الله تجمعنا يارب بديارا

ياطير ياطاير يارايح على الديرة
بتشوفك عيني وتصونك عين الله
بالله يامسافر شعلانه هالغيرة
فلسطين بلادي حلوة ياماشاء الله

طبعا هاي الاغنيه اللي غناها عساف مبارح يا ويلي شو صوته حلو فيها :)


لولو كيف الاولاد يا حلوة وشو ناوية تطبخي اليوم ؟

ام عبد الله حبيبتي الله يسعدك ان شاء الله بطمنكم اكيد ، كيفو عبوووود ، وشو ناوية تطبخي انتي كمان :)

[لولو حمادة]

حلا يسعد صباحك

[حيفا]

حلوووشة يسعد هالصباح :) كيفك وكيف الاولاد وشو ناوية تطبخي ههههه

[لولو حمادة]

حيفا اولادي بخير
مابدي اطبخ بعمل رجيم انا وزوجي

صوت محمد روعة كان يغني في حفلات الجامعة

[ام عبدالله لولو]

الله يسعد صباحك يا حلا شو شايفك جاية بدون ولي امرك ليكون مفكرة وكالة بدون بواب ههههه
حيفا موفقة بمشوارك

[حلا الماس]

غموض .. وينك يا قمر .. من زمان ما طليتي اوعك تعاودي تغيبي
ربي يطعمك بنوتة حلوة واتسميها حلا ان شاء الله

جارة .. سلامتو زياد حبيبي الله يشفيه ويرفع عنو .. انا كمان مجربة هيك مع بنتي حلا لما ترشح على طول بينزل بصدرها وبيلزمها تبخيرة

احساس .. يسعدو النشيط يا رب .. خلص رح اعطيكي جائزة الطالب النشيط :)

بيبو .. هلا يا بنت كيفك ؟؟ وين من زمان ما دخلتي ؟؟

لولو .. كيفك ؟؟ وكيف ابنك ان شاء الله خفت السخونة !! طمنيني شو صار معك عند الدكتور

ام عبد الله .. يسعد هالصباح يا عسل .. وينو الشتا ما في عنا منو !! في عنا بس سئعة والشمس طالعة

حيفا .. يسعد صباحك يا رب .. طمنينا لما ترجعي من عند الدكتور

[احساس أنثى]

ماشالله عليكم ع طول حكيتو صفحتين :)

[حلا الماس]

حيفا .. ابجد كتير حبيت الاغنية من صوتو .. ما شاء الله عنو
بس كنت كمان حابة فارس المدني يتأهل .. بس ما اتأهل ..
وفرح السورية ما حبيتها من مرة لبسها كان كنير مقرف .. الله يخزيها

يا ستي انا اليوم بدي اعمل لبنية برغل حلا بتتوحم عليها من فترة وان شاء الله اليوم رح اعملها .. اتفضلي
وانتي شو بدك تطبخي ؟؟

ام عبد الله .. شو ولي امر انتي التانية !!!! مهو انا المديرة وكنت باجتماع بالتربية لهيك اتأخرت

شو بدك تطبخي اليوم ؟؟

[لولو حمادة]

حلا الحمد الله راحت السخونة بس اللثة منفوخه لسى ما شق السن
نزل وزني تقريبا كيلو

[حيفا]

انا ما بتابع البرنامج الا عشان محمد عساااف هههههه

صحه وهناااا عاللبنيه بس شو يعني مع برغل هههههههه انا بفكر حالي بعرف اطبخ طلعت جاهله ههههههههه


احساس صباحك ورد وفل وياسمين انتي وزوزو باشا :)

[ام عبدالله لولو]

والله غنا بطولكرم رعد وبرق ومطر حاسة دنيا ليل ماشاء الله
اجتماع شو يا ستي هههههههه ومديرة ع مين يا حبيبتي هههههه الله يسعدك حبيبتي
اليوم ما لي طابخة جوزي معزوم ع غدا ههههههه وانا مريحة حالي
احساس منورة يا عسل

[حلا الماس]

هههههههه الله يسعدك يا حيفا ..شو جاهلة ومش جاهلة .. اسم الله عليكي يا بنت

اول اشي يعافي قلبك .. البرغل هو نفس الي بنعمل منو التبولة بس بيكون خشن مش ناعم ..

وطريقتها سهلة كلها 20 دقيقة بتكون جاهزة اول شي بنسلق البرغل بشوية مي 5 -7 دقايق وبعدها بضيف اللبن وشوية صلصة بندورة وبخليها تغلي لحد ما تجمد شوي وبعدين بقدحلها بتوم وزيت زيتون وشوية كزبرة ناشفة وخلص هادا هو .. :)

احساس .. مش بقلك احنا برامااااااااات

لولو .. منيح كتير انك نازلة .. بس استمري وسلامتو ابنك ويكون بعونو يا رب

ام عبد الله .. انا احساس مش شوي حكتلي انو انا المديرة

بعدييين اليوم السبت يعني عطلة .. ليش بتقاتليني !!!!! هههههههههههه

هيني هلأ قرأت حالة الطقس بيحكوا انو المنخفض رح يمتد كمان ساعات للجنوب .. الله يجيب الخير يا رب

[~{{ DoDo }}~]

صبااااااح الخير
انا تاخرت اليوم بسرما جبت ولي امري معي هههههههه

كيفكم صبايا وشو اخباركم

غموض
اشتقنالك شو هالغيبة
انا يا ستي تمام الحمدلله
وحملي بخير كمان 4 ايام بفوت التامن
والحمدلله تقل وتعب وقصة هههههه الله يهونها يارب وعقبالك انتي والصبايا

احساس
كيفك وكيف ابو الزوز زمان عنه وعن دواوينه الازعر
هههههه شو اخبارك وكيف الحنة كانت شو لبستي

بيبو
طليتي واختفيتي وينك يا بنتي
شو اخبارك وكبفو بيان طمنيني عنكم

ام عبد الله
يسعدلي صباحها اللي عملالي مديرة
كيييييفك اليوم وشو عاملة وكيف البيبي
بجد بجد انتي عسل ودماتك ولا اخف منهم

جااااارة
سلامته زوزو ان شاء الله بيروح عنه الشر
والله يعينك ويعطيكي العافية بسيطة
المهم زوزو باشا يقوم بالسلامة ويصير متل الحصان يارب

حيفاااا
صباح الورد يا حلو
انا كمان متحمسة لمحمد عساف كتير
وحابة يربح حاسه انه بيعطي صورة حلوة عن بلده الله يحميه
موفقة بمشوارك ولا تنسي تطمنينا يا قمر بس ترجعي

لولو
شطووووورة خاسة كيلو برافو
انا متابعة معك ع فكرة دايما ضلك خبرينا
عن اخبار ريجيمك بنشجعك وسلامته الامور

حلا
يسعد صباحها ام خليل كيفك اليوم
هاي جديدة اللبنية ببرغل وكمان غريبة
لانه فيها لبن وفيها صلصة مع بعض
بدي اجربها لاني بحب البرغل كتييييييييير
كيفك وكيفو البيبي

امممممم ضل حدا ولا رديت عالكل ؟
صحيح لولو الفلسطينية مختفية شكلها مشغولة بالدراسة
اليوم متهيالي عندها امتحان ان شاء الله تفوت وتطمنا عنها

[~{{ DoDo }}~]

الجو عنا حررررررررر ورطوووووووووووبة يابنات
وانتوا بتقولوا برد ومنخفض يا لهوي

لا والمضحك بالموضوع انه مبارح شتيت بالليل
وسخت الدنيا بس لكن حر موت

[حيفا]

والله يا حلا اول مرة بسمع فيها صححه وهنا حبيبتي

دودو يا صباح الورد الشامي :)

[~{{ DoDo }}~]

حيفا
يسعدك يارب ويريح بااااااااالك يا صبية ؛)

[حيفا]

دودو والله هالايام ابررررررد من شهر 2 ومطر وجو شتوي بحت هههههههههه

[حلا الماس]

يسعد صباحك يا دودو .. كيفك يا عسل اليوم ؟؟ وكيفو عمور ؟؟
انا بخير وبدي سلامتك والبيبي طول الليل ومن الصبح وهو بيرفس

جربيها كتير زاكية وازا حبيتي اتضيفي مكعب ماجي معها بتعطي نكهة زاكية .. بس انا اليوم مش رح اضيف لانو اللبن الي عندي مطبوخ بمرقة لحمة يعني دسم وزاكي بدون اشي

حيفا .. الله يعافيكي يا رب خلص رح انزل صورتها بعد ما اعملها كرمال عيونك ..

دودو معك حق اليوم لولو عندها اخر امتحان الله يوفقها وينحجها يا رب ... بجد وحشتني هالبنت خلص اكيد رح تدخل اتطمنها عن حالها اليوم ..

انا مبارح ضيبت الشتوي ونزلت الصيفي الي بس ولادي لسه بكير عليهم ..