دردشة بنات فلسطين , دردشة حوامل فلسطين , تجمع بنات فلسطين

[إيفان]

ليش ما في المنتدى دردشة سريعة والله هيك بغلب نكتب ونظل نشيك ومش كل مره نشوف الكلام او ننتبه ع الردود

[حلا الماس]

فوفو
كيفك اليوم ورزونة كيفها ؟؟
انا اليوم بدي اعمل مقلوبة أن شاء الله :) ... التخطيط الي حكيتلك عنو لولو ودودو هو نفسو الي بيحطوه يوم الولادة ما بيعطي صورة بس صوت وبيطلع منو ورقة بيكون عليها تخطيط للقلب وحركة البيبي وبيعطي كمان أزا في طلق أو لأ
يوم الولادة بيحطوه للام اول ما تدخل المستشفى وبيشيلوه بعد الولادة

[فوفو89]

وانا بحكي هيك برضو

[فوفو89]

اهلا حلا
الحمدلله رزونة منيحه هيها بترافس هههههه
صحة وهنا ع المقلوبة
وانا هيك اتوقعت التخطيط ع حسب وصف دودو
يلا ان شاء الله بنوصل هالمرحلة ع خير وبنجرب التخطيط والولادة ع خير يارب

[حلا الماس]

يعافي قلبك يا رب .. تسلمي

عقبال تشوفيها بحضنك على خير وسلامة ... خليها تخابط وترفس شو وراها هههههههه

[فوفو89]

ههههههههه
بيطلعلها والله رزونة ،، كرمالهم كل شي بيهون
مرات بألف كلام وبقعد اغنيلها ،، بعدين بصير احكي بدك تتحملي صوت امك شو بدك تعملي هههههههه


كنت بحضر فيديو اراب ايدول عن احلام وهي بتحكي بدي كنتاكي عنجد مسخرة

[احساس أنثى]

حلا
فعلا اليوم عشان في شغل الوحام تاعبني مبارح مافي شغل مافي وحام هههههه
حرام حماتي مابتحكيلي شي اصلا مابعرف انظفو الربيان
بكفي ضبيت وجليا وكنست

فوفو
مش بقلك احنا من عشاق السمك هههههههههههه

[فوفو89]

احساس
ههههههههههههههه
انتو مش عشاق سمك ... انتو عشاق البحريات
صحة وهنا يارب

احنا اتغدينا نواشف ،،ما اجا ع بالي اطبخ اشترينا معلبات من الدكانة

[دموع الليل]

يسعد صباحكم

كيفكم؟؟

مين هوووووون؟

[احساس أنثى]

هلا دموع مال صاحيه متأخر !!

هههههههههههههه معك حق فوفو
شكلكم انتو بتتغدو بدري

[دموع الليل]

كنت بحضر اراب ايدول

صدقتى يافوفو عن جد احلام مسخره

انا اليوم ما بدى اطبخ مرتاحه ههههه

جوزى بدو يجيب جاهز

[فوفو89]

احساس
لا احنا ما بنتغدى بدري بس عشان جوزي ما افطر كان طالع برا واجا قبل شوي جوعان وعملت نواشف ع السريع منو فطور ومنو غدا


هلا دموع كيفك اليوم
هههههه كيف احلام بالله هههه تحشيش من الاخر

[دموع الليل]

عن جد ماكانت طبيعيه ههههههههههههه


احساس، فوفو كيفكم

وكيف الحمل معكم؟

[إنبثاقة أمل]

ضهر الخير يا أهل الخير

شو أخباركم

لولي ودودو مبروك دخولكم التاسع

ربي يهونها عليكم وييسر لكم امور ولادكم

أكيد الشعور متضارب مابين الخوف من الولاده والاشتياق لضم احباب قلبكم

ربي يفرحنا بسلامتكم


غموض

لازم تدلعي وتدللي ههههههههه

وهو كمان مو مقصر ماشاء الله

ربي يخليلك اياه ويفرحكم بتمام حملك ياقلبي وبشوفته سليم ماعافى يااااارب


حلول ودموع وفوفو وأم عبدالله واحساس والضيفه الجديده يسعد مساكم

والي غايبين

يارب تكونو بخير وعافيه


عيون المها عن جد اشتقنالك

اكيد مبسوطه مع الاهل والاحباب

[حواء مثالية]

مساكم فل
منورات صبايااااااا

[walo0ol]

لولو و غموض و فوفو ودودو وحلا الماس يسعد مساكم
احساس اللي بيجي من الله حيا الله بس حابه بنت :)))

[walo0ol]

انبثاقة امل و حواء مساكم فل و ياسميين

[احساس أنثى]

فوفو. ع العموم صحتيييين

انبثاقه. وين بتغيبي ازيك ياقمر

[احساس أنثى]

يالله يابنااااااات
متدايقه من وحامي كتيييييييير
نوم وكسل طول اليوم

بقولو الوحام بالبطن التاني اخف
طلع الوحام بزوزو ارحم لوعة نفس الصبح وبطلعها وبرتاح

يارب متى اخلص هال4 اشهر

[حواء مثالية]

سلامتك يا احساس

شكلو فيكي بنت انا كنت مثلك في برلنت

بس هاد الحمل الحمدلله اخف كثيررررررررررررر

[حواء مثالية]

ولاء يسعد اوقاتك يا حلوه ان شاء الله بتضلي منورانا

[احساس أنثى]

حواااااااء
البنات بغلبو هيك :)
بتحمل بس تيجي بنوته ياسلام :)

[احساس أنثى]

ليش الدردشه ميييييييته !!

وين النشاط يلي كان ع ايام ام عزمي :)

[beboo]

مسا الخير ياصبايا

كيفكم وشو اخباركم

[جارة القمر]

يسعد مساااااااااكم

اليوم نضفت نص الشبابيك وشلت السجاد وشطفت البيت كلو

الاسبوع الجاي بعمل النص اللي ضايل .............

احساس:

انا عملت اليوم سمك دينيس ........جوزي بيحب الروبيان بس مستحيل دخلو البيت ازا بدو بيروح ياكلو عند امي

[فوفو89]

يسعد مساكم احساس وانبثاقة وولاء وبيبو وجارة والجميع

اليوم بحس بطني بتخربط وعندي اسهال بعيد عنكم

شو ممكن اعمل ؟

[حواء مثالية]

الله يعطيكي اللي ببالك يا احساس

[حواء مثالية]

يعطيكي العافية يا جارة

فوفو اشربي عصير جوافة كويس كثير

[حواء مثالية]

الجو مش ناقصه غير جمل يتفتل بالحاره


ههههههههههههههههه

[walo0ol]

حوا و فوفو و احساس اهلين فيكم يسعد مساكم و اوقاتكم
عنجد عصير الجوافة منييح ؟؟
و جارة يعطيكي العافية
و دودو بما انك كمان عايشة بدبي عند اي دكتورة بترجعي و بتنصحي بحدا معين ؟؟

[احساس أنثى]

حواء
شكرا ع الدعوه الحلوه حبيبتي

جاره
صحتين ع الدنيس تعرفي انا من ريحة الروبيان طول اليوم دايخه

فوفو
عشان الاسهال البطاطا المسلوقه منيحه بتمسك البطن

[احساس أنثى]

بناااااااااااات غزززززززززه وبالاخص بنااااااااا خانيوووووووووونس
اسمعتو توي قصة وفاة نوال قتل ع ايد حماتها وبنات حماتها
وهيا حامل بالسادس ياحرام وعندها طفل

[beboo]

يالطييييييييف شو هالقصة يااحساس ووين جوزها وحماها او حد من العيلة سيبينها بين ايديهم

الله يستر علينا لا والله ماسمعت القصة

[walo0ol]

يا حرااام شو هالناس هدول شو التفاصيل بتعرفو ؟؟

[beboo]

صبايا شوفوا هادا الموقع

ظˆظƒط§ظ„ط© ظپظ„ط³ط·ظٹظ† ط§ظ„ظٹظˆظ… - ط£ظ‚طµط± ط¬ظ†ط¯ظٹ "ط¥ط³ط±ط§ط¦ظٹظ„ظٹ" ظٹط«ظٹط± ط§ظ„ط¶ط*ظƒ ط¹ظ„ظ‰ "ط§ظ„ظپظٹط³ ط¨ظˆظƒ" (http://paltoday.ps/ar/post/159084/أقصر-جندي-إسرائيلي--يثير-الضحك-على-الفيس-بوك)

[احساس أنثى]

والله مابعرف يابيبو بس الكل منزلها ع الفيس
قشعرو بدني وانصدمت حزنوني

[beboo]

لا حول ولا قوة الا بالله

الله يستر علينا يارب صار القتل سهل لا وكمان حامل يالطيف الحمدلله على نعمة العقل

[احساس أنثى]

اه والله يابيبو
الله يرحمها مسكينه بقولو مشاكل مع حماتها والها 3 سنين عايشه معهم بغرفه
يلي متجوزهر من دار النجار / بقولو سلفاتها واسلافها كويسين معها بس حماتها
جابو لقاء مع اخوها بيقول ماتلها الحمايه ولد سرطان من كتر ماكانت تدعي عليه
وبقول لا مريضه نفسيا ولا شي

[لولو حمادة]

مساء الخير
جارة سلامتك
ولاء هلين فيكي مبروك الحمل بس عرفينا عن حالك اكثر عمرك ؟شو دراسة؟:انا من ابو ظبي
دودو اليوم موعدها عند الدكتور ؟ شو صار معك طمنينا
احساس وبيبو وحواء وكل الصبايا يسعد مساكم

[جارة القمر]

الله يعافيكم


بنات بجد الدنيا باخر وقت شو هاد ياللي بتحكو عنو يالطيف

ولاء:

هلا فيك بينا يا أأأأمر

[~{{ DoDo }}~]

مسا الخير صبايا

ماشاء الله ولا قوة بالله اطمنت اليوم والحمدلله
الازعر انقلب ونازل تحت وشكله مستعجل عالجية كمان
اطمنت ع كل شي وكل الامور بخير الحمدلله
عملولي تخطيط اليوم وبان انه فيه تقلصات خفت شوي
الدكتورة قالتلي يمكن اولد بكير بس يعني عادي طالما دخلت التاسع باي وقت متوقع
بس انا حابة اعدي نصه عالقليلة ، ربنا يجيب الي فيه الخير
بس الحمدلله اطمنت وطبعا تقل ووجع مش طبيعي وبطني شادد ومتيبس شكلها قربت يا بنات وانا خايفة هههههه

كل الي سالوا عني وكلكم حتى صبايا تسلمولي يخليلي اياكم

ولاء
انا دكتورتي فلسطينية في دبي
كانت تداوم بالمستشفى الدولي وهلا نقلت على مستشفى القرهود وكتير شاطرة
اي تفاصيل حابه اقلك اياها مستعدة اذا حابة تروحي عندها :)

[إنبثاقة أمل]

ماشاء الله دودو

الحمدلله الي طمن قلبك فرحت كتيييير والله

وعقبال وصول امك بالسلامه

وقومتك بالسلامه يا قلبي


يسعد مسا الجميع حبيباتي

[walo0ol]

لولو حمادة اهلين فيكي و الله يبارك فيكي حبيبتي
عمري 22 و دارسه علوم طبيه مخبرية بجامعة العلوم و التكنلوجيا بالاردن وتزوجت و ساكنة بدبي بس اصلا احنا سكان الامارات اهلي هون


و جارة اهلين فيكي قلبي :))

[walo0ol]

دودو ماشاء الله الحمدلله انك اطمنتي و الله يكملك على خير و تقوميلنا بالسلامه مع احلا بيبي انشالله

و اه ياريت بدي تفاصيل عن الدكتورة و رح تولدي بالقرهود يعني هيك احكيلي تفاصيل معلش رح اغلبك :)))

[احساس أنثى]

دوووووودو

فرحتلك من كل قلبي انو عموره نازل لتحت الحمد لله
ربي يقومك بالسلامه لاتخافي قدها وقدود شوية الم بتتحمليه وبتلاقي عموره بين ايديكي

[~{{ DoDo }}~]

انبثاقة
تسلميلي يا عمري
ربي يعطيكي ليرضيكي
مش رح انساكم انتي وحيفا وانا بولد رح ادعيلكم ؛)

ولاء
ربي يتمملك ع خير ويقومك بالسلامة
يا ستي ان الله اراد وولدت بعد 1-6 رح اولد بمستشفى القرهود الخاص
لانه الدكتورة رح تنتقل عليه اول الشهر وهي شطورة وطيوبة كتير ومشهورة وعليها زحمه
اسمها عبير الجرجاوي ولو بدك تبلشي تراجعي معها بنصحك بعد 8-6 عشان تكون فتحت ملفها هناك
بتقدري وقت ما بدك تكلمي المستشفى وتحجزي موعد معها :)

احساس
حبيبتي تسلميلي يارب
عقبال ما تقومي بالسلامة وتجيبي احلى اخت لزوزو ؛)

[لولو حمادة]

دودو الحمد الله انك اطمنتي هيو الازعر هههههه قلب

ولاء بتعرفي انا بحب اسمك كثير كثير علشان على اسمي هههههههههههههه
انا اول مرة احكي اسمي بالمنتدى

[walo0ol]

حبيبتي دودو ماقصرتي والله انشالله الله ايسرلنا كل الخير
والله يقومك بالسلامه و يهون عليكي يارب

[walo0ol]

هههههههه لولوووو و الله اسمنا حلو بجنن ليش الحكي

[غُمُوض أُنثَى]

يا الله يا بنات ،، مش قادرة استوعب قصة اليوم الي صارت بخانيونس :(((

عنجد انصدمت ومش قادرة اتخيل بس مجرد تخيل انه في ناس هيك !!!!!!!!!!

كيف الحماة وبناتها قتلوآ كنتهم وهيا حامل وفي بطنها رووووووووووووح قتلوها وقتلوآ الي في بطنها

اوووووووووووف شو هادا يا الله وحووووش هدول مش بشرررررررر

حسبي الله ونعم الوكيل فيييييييهم قديش عصبت وانقهرت وجوزي يحكيلي مش منيح العصبية عشانك حامل

طيب كيف ما انقهر ع هالقصة واللهِ اشي بطلع العقل من الرآآس مش حرتاح الا ازا بسمع انه اعدموهم

عشان يكونوآآآ عبرة ،، هيا بنت الناس جاياهم خدامة والا عبدة عندهم !!! استغفر الله العظيم يارب

[ام عبدالله لولو]

صباح الخير يا صبايا
دودو الف مبروك حبيبتي الله يقيمك بالسلامة هاد حب يشوف معزتو ويدلع عليكم الحمد لله انو نزل لتحت الله يفرحك بشوفتو يارب
حلا وينك يا ستي ما بينتي
حواء واحساس وجارة وغموض وفوفو يسعد مساكم يارب
ولاء هلا فيكي بينا ونبروك حملك الله يتمملك على خير يارب فوفو زي ما حكتلك احساس خليكي على الاشياء السلوقة لجد ما تخفي وازا استمر راجعي دكتورك بلاش يصير جفاف معك لسمح الله واشربي سوائل كثير الله يشفيكي يا حلوة
حيفا تعالي طمنينا عنك ياعسل
انبثاقة يسعد صباحك يارب
شو هالقصة يابنات والله اشي بخوف حرااام ام ومعه روح كيف بقدرو يغملو هيك شو ما كانت عاملة مابصير هاي بدها دبح هي وبناتها بالشارع العام هههههه علشان الكل ياخدها عبرة والله شي فوق الخيال شو دنبو للطفل الي عمرو ما صار سنة ونص يعيش يتيم بلا ام والله حرام حسبي الله ونعم الوكيل فيهن

[لولو الفلسطينية]

صباح الخيييييييييييييييير
دودووووووووووووووووووووووووووو
حبيبة قلبي الحمد لله انو عمورة قلب لتحت و الوضع طبيعي هههه شكلهم مستعجلين حتى انا خايفة اولد بدري .... اصلا نفسي ما اكمل التاسع كله لأني عنجد تعبت
بس اخر مرة الي هي اول امبارح الدكتور حكالي انو الراس صار تحت تحت عشان هيك ما بقدر امشي يعني انا صارلي حوالي اسبوع بمشي كل يوم بس اخر يومين تلاتة يا دوب بمشي عشر دقايق و ببنشر هههه بضل من تحت ينغزني و يوجعني و التقل مع المشي بزييييييييد
شكلهم التخطيط بالتاسع لازم يعملوه كل موعد
يعني بخصوص التقلصات طلع عندك الخط الي للتقلصات بالتخطيط بعلا كتير و برجع ينزل و الا كيف ؟؟ لأنو الدكتور حكالي اذا كان التعرجات الي في الخط الي بيين التقلصات عالي يعني في تقلصات
يا ستي ربنا يقيمك انتي و عمورة بالسلامة و بالتاسع عاادي في اي وقت ممكن تصير ولادة
يا الله يد دودو لما رحت عموعدي يوم الجمعة الدكتور دخلني على جناح الولادة و العمليات عشان يعمللي التخطيط و في نفس الغرفة كان في بنوتة لسا يا دوب مولودة بس كانت يا دوب داخلة التاسع او بدها تدخله و نشفت المية عن البيبي و ولدوها بدري بس يا الله ما احلاها هههه و وزنها 2كيلو و 400 ههههه قال الدكتور قبل ما يدخل زوجي عندي راح غطى هاي البنوتة بشرشف لانها ما كانت لابسة شي هههه
الله يهونها علينا
.................
...................
بالنسبة لقصة هاي الست عنجد صارت الدنيا بتخوف هون و كل يوم هالقصص بتزيد الله يجيرنا
بعدين امبارح قرأت عن اكتر من قصة بشبهوها كمان و صارو هاليومين هدول يعني الناس بطلت تخاف الله
عنجد شو ما كلنت الاسباب ما في شي برر القتل
..............
ولاء
الله يتمملك على خير و تشوفي البيبي بصحة و عافية ان شاء الله
جارة
شو صار معك ؟
كيف سنانك هلأ ؟؟
ان شاء الله بخير
باقي الصبايا بدون ما اذكر حدا و انسى حدا يسعد صباحكم
ام عبد الله
يا نشيطة هههه يسعد هالصباح يا رب

[فوفو89]

يسعــــــــــــد صباحكــــــــــم

كيفكـــــــــم اليوم


دودو
الحمدلله انك اتطمنتي ع البيبي ،،وانه نزل تحت
واخيرا عمورة افندي اتنازل ونزل ل تحت هههههههه
الله يقومك بالسلامة يارب


باقي الصبايا يسعد صباحكم .. كيف اصبحتوو ؟ انا صبحت اعطس اتشوووووووووووووووو

[ام عبدالله لولو]

هلا لولو يسعد صباحك يارب غقبال ما تقومي بالسلامة انتي كمان ههههه غلبتونا انتي ودودو ههههه يلا شدو حالكم وفرحونا بدنا نشوف البيبيات بخير وامهاتهم معهم بخير كمان

[لولو الفلسطينية]

فوفو
سلامتك هههه
يسعد صباحك
ام عبد الله هههه كلنا غلبة انا و دودو .... حقك علينا هههه
تسلمي ام عبد الله و انتي عقبال ما تبشرينا بقومتك انتي و عبودة بالسلامة
شو اخباركم صبايا .؟

[ام عبدالله لولو]

يسعد صباحك فوفو ان شاء الله خف الاسهال
لولو يخليك يالولو واليك كمام بس كثير بستنى فيكي انتي ودودو هههه والله زي خوات واكثر ههههه بهيك مستعجلة عليكم بما انو دخلتو التاسع خلص ما في خوف شدو حالكم واولدو بسرعة هههه ان شاء الله بتقومن بالسلامة

[~{{ DoDo }}~]

صباح الخييييييييير
ام عبد الله ولولو وفوفو منوريييين

ام عبد الله
حبيبة قلبي تسلميلي شكلنا مش مطولين ههههه
يلا هانت بنولد وبنيجي نخبرك الاكشن تبعنا ههههه

لولو
شفتي الازعر
الاكل بيقلي ابنك شكله كتير حركة ومشاكس
انا والله الدكتورة وهي بتعملي سونار بتقلي
انتي كاينة موجوعة مبارح
قلتلها اه من تحت شوي قالتلي اه مبين عندي
وبعد ما اطمنا وكل شي اخدوني عالتخطيط
وبس خلصوا بعد شي نص ساعة الدكتورة شافت الورقة
وقالتلي شو ايمتى ماما جاية قلتلها هاليومين
قالتلي طيب اصله عندك تقلصات ديري بالك اصمدي لتيجي امك
هههههه شكلها شافت الخطوط عالية بالتخطيط مش عارفة
المهم انا خفت شوي والله ، ان شاء الله بس ما يصير شي قبل اول 6
عالقليلة اكون عديت اسبوع بالتاسع واقول والله دخلت شهري يعني هههههه
وبعدي خلص بدي اخلص ، الله يسهلها علينا جمييييييعا يارب

فوفو
تسلميلي ويسعدلي اياكي
وعقبال ما تقومي بالسلامة يا قلبي

[لولو الفلسطينية]

هههه الله يسعدك ام عبد الله
يللا هانت عقبال عندك ان شاء الله
دودو
اهلا اهلا
كيقك اليوم ؟
هههه ان شاء الله بتصمدي لتوصل امك و بتقومي بالسلامة يااا رب
طيب بتتذكري كم قديش كان عنك الرقم تاع التقلصات ؟؟
هو بيطلع عالجهاز رقمين واحد نبض الجنين و بكون كبير يعني فوق ال 130 و التاني الي هو للطلق ؟؟ بتتذكري و الا ما انتبهتي
هههه تحقيق
الله يهونها علينا

[~{{ DoDo }}~]

لولو
اه بتزكر
الرقم التاني كان بيطلع وبينزل
يعني مرات من 17 ل 20 ومرات يطلع فوق ال 25 ووصل لل 30 اظن شوي ورجع نزل
بس ما بعرف ع شو بيدل

[لولو الفلسطينية]

هههه يعني تقريبا زي ما طلع عندي
هاي تقلصات بس خفييييييفة و مش منتظمة بتكون
ان شاء الله خير
هههه شكلنا رح نعملها في يوم واحد ..... تخيلي

[beboo]

صباح الفل صبايا كيفكم

دودووووووووو

مبرووووووووووك حبيبتي انا شو قلتلك انه ان شاء الله حتولدي طبيعي وبشرتك انك حتحلينا صح ولا لا

الله يتمملك على خير ويقومك بالسلامة انت وعمورة المشاكس هههههههههه وتيجي مامتك قبل موعد ولادتك

باقى الصبايا يسعد صباحكم

[~{{ DoDo }}~]

لولو
طب ليش دكتورتي خوفتني :(
هههههه تخيلي والله
انا زوجي قال متوقعلي اولد بين 15 ل 20-6
مش عارفة شو اللي مخليه يتوقع
ربك يستر المهم نقوم بالسلامة احنا وهالزعران

بيبو
يسعدلي اياكي يارب
الك احلى حلوان ولوووووو
حبيبة قلبي دعواااااتك ؛)

[حواء مثالية]

صباح الخير وصباح الخبر لسعيد يا دودو الحمدلله انه عمورة غير وضعو

بس بتعرفي اذا بتعضي راح ادبحك هيو سمع الكلام ونزل وهو بتعرفي لي كان فوق لانه المسافة اقرب لقلبك وكمان بدو يضل شايفك منيح ههههههههههه وهيو قت صار بد يشرف رجع لوضعو الطبيعي اول ما تولدي بالسلامة بتعطي بوسة كبيره مني لانه شطور وريح ماما

ببررلو انا قاعدة هههههههه حطني واسطه

انا اليوم مصحصحة وجوعانه افطرتو ولا لسه

[beboo]

دودو حبيبتي الله ينولك الى ببالك وتشوفيه عريس يارب واولاده يقولولك ياتاتاااااا بدى شيكولاتة

حواء صحة والف عافية انا سبقتك ياعسل

[حواء مثالية]

على قلبك يا بيبو

شفتو هالقصة يا بنات الله يبعد عنا شر البشر الله شي بقهر وبخوووووف

[ام عبدالله لولو]

بيبو وحواء يسعد صباحكم يارب شو اخباركم
دودو يسعد هالصباح يارب ان شاء الله بتقومي بالسلامة يارب
بحفر كوسا للمخشي وانتو شو بدكم تطبخو اليوم
حواء صحة وهنا انا اكلت فينو مع شاي ما بقدر افطر لانو راسو فوق هههه بحس حالي رح انفجر لو اكثر اكل بعين الله

[~{{ DoDo }}~]

حواء
هههههههههه عم بضحك قاعدة لهلا على ردك
هي العضة هاي هيك بس ما الها علاقة بشقاوته
الازعر ، يسعدلي اياكي يارب ويخليلك برلنت وتقومي بالسلامة انتي وعزو
يلا هانت كلنا ورا بعض ان شاء الله
انا افطرت كورن فليكس ، يلا قومي كلي عشان عزو يتغذى جوعان الزلمة حرااااام هههههه

بيبو
هههههه الله كريم انا وانتي نصير تاتا
بس اول اجرب اصير ماما ههههههه ومامتي تجرب تصير تيتا
بعدي لكل حادث حديث ههههه

[حواء مثالية]

هلا ام عبدالله صحة صحة انا مش عارفة شو راح اطبخ لانه احتمال نطلع نوكل برااااااااااا



الله يديم هالضحة يا دودو ويخليلي اياكي

الاحد الجاي بكون عرس سلفي عقبال حبايبكم

[~{{ DoDo }}~]

ام عبد الله
يعطيكي لعافية والف صحة وهنا

حواااااء
الف مبروك ان شاء الله بتفرحي باولادك يااارب

انا لسا ما قررت بالنسبة للاكل
بس شكله اشي خفيف بدجاج يعني هيك

[فوفو89]

تسلمي ام عبدالله
اه الحمدلله خف الاسهال وراح ولله الحمد

تسلمو دودو ولولو


انا قاعدة ب لف ورق عنب للغدا وانتو شو عاملين؟

[فوفو89]

حواء
الف مبرووووووووكعرس سلفك

وعقبال ما تفرحي باولادك يارب

[لولو الفلسطينية]

رحت فاصل اعلاني و رجعت هههه النت فصل و رجع لحاله و انا استغليت الفرصة و كويت الملابس يلي بدها كوي لأني غسلت امبارح و ضبضبت البيت عالسريع اصلا ما في شغل بالبيت لأني هالايام 24 ساعة مستعدة للولادة و ما في عليه اشي هههه
و بدي اعمل دجاج مع خضرة بالكيس الحراري بالفرن يعني سهلة و سريعة اصلا مع الشوب الواحد مش طايق الاكل
دودو هههه ان شاء الله خير
انا طلعت عندي نفس الارقام حتى لما حكيتيلي شو طلع معك رحت عطول جبت الورقة الي فيها نتيجة التخطيط و طلع تقريبا زيك و الدكتور اصلا حكا عادي هههه مش عارفة واحد من هالدكاترة مضيع
يا ستي في اي وقت مش مهم المهم انهم يكونو بصحة و عافية و كلشي تمام التمام
انا خايفة بأول 6 يعني 7 و فوق هههه بسترها الله
بيبو
يسعد هالصباح منورة يا حلوة
حواء
يا هلا و الله بام عزوز
كيفك ؟؟ دخلتي السابع انتي اه ؟؟
مبروك لسلفك و عقبال فرحتك بعزوز و برلنت ياااا رب
يللا هانت
على فكرة بعدنا انا و دودو تقريبا كل شهر بكون في وحدة او تنتين بدهم يولدو هههه ان شاء الله يا رب بالسلامة للجميع
ام عبد الله وينك ؟؟
حلا
ليش ما بينتي يا حلوة ؟
فوفو
صحتين على ورق العنب

[~{{ DoDo }}~]

لولو
يا ستي على خير
انا بسمع ناس بتضل التقلصات من اول الشهر لاخره
وما بيولدوا الا باخره
يعني هاي كلها تساهيل من ربنا
انا راااااضية اولد بعد 7 الشهر هههه راضية عالاخر كمان
عشان دكتورتي بيكون بلش دوامها بالمستشفى الجديد وبكون مرتاحة
يا ستي هينا بنستنى واللي مكتوب بدو يصير
الحوامل كلهم بيكروا ورانا وحدة وحدة ههههههه حلا ووحواء وام عبدالله وفوفو وام جودي وعسولة ودموع واحساس وغموض واية وولاء

اسم الله كتااااار بس ما اكون نسيت حدا

[beboo]

صبايا مساعدتكم بالله

هلا انا شريت فستان يعني قريب من هادا الفستان

http://up.alhilalclub.com/uploads/public/2011/06/222237_i45.jpg (http://forum.ajmml.com/t5043.html)


بس بدي اعمله محجب يعني مابدي قصة الجاليه لانى مابحبها صراحة لانه لو رفعت ايدي كله حيبان

فمن شان هيك بدي فكرة اني اخليه مستور بطريقة ماتبين انه مو من الفستان

وماحدا يقولى بدي لانه مافى هادا اللون هههههههه هو حيرة لونه انا لو بعرف انه لونه هيك كنت ماجبته بس هو عجبني لانه ناعم ومافى شي اه بس في خرز خفيف باللون النحاسي

[~{{ DoDo }}~]

بيبو
اللون كتير حلو والفستان ناعم احلى شي
ما الك الا خياط شاطر يركبله كمام ، ممكن تكون الكمام دانتيل من نفس اللون ومبطنة بستان
ويخيطهم لجوا بطريقة تبين انهم من الفستان مش مركبين تركيب
متهيالي الكمام لو كانوا دانتيل احلى ما يكونوا من نفس قماش الفستان

[لولو الفلسطينية]

دودو
ربنا يجيب يلي فيه الخير
هو بيني و بينك ان شاء الله ... بكون احسن و اريح من اننا نكمل التاسع للاخر هههه
بيبو
شوفي انا بالنسبة الي ما بحب الجليهات الكم القصار و لا البس بدي تحت فستان و خصوصا فستان سهرة
بس متل ما حكتلك دودو بتقدري توديه على اي خياط و يكون شاطر يركبلو كمام شيفون او دانتيل
شوفي بصير زي هيك اشي تقريبا
http://4.bp.blogspot.com/-D5fq6zqOVDw/UIg3iK5PmaI/AAAAAAABExU/OlQi4btqKeI/s1600/1.jpg
و في منهم هيك موديل لبدل الاعراس اكيد عمرك شفتيهم بتوقع بطلع كتير حلو اذا الخياط بزبطه

[لولو الفلسطينية]

لما تضغطي عالرابط اصبري شوية ما بفتح مباشرة
هههه

[فوفو89]

واخيرا خلصت لف ورق العنب
جد تعبت وزهقت وانا بلف فيهم مع انهم مش كثار بس ع قدنا انا وجوزي
بدي اطبخه ع زغاليل زي دار حماي كثير طيب
مين عمرها جربت الدوالي ع زغاليل ؟

[لولو الفلسطينية]

فوفو يعطيكي العافية
انا ما عمري سمعت عنها هههه
يللا يا بنات عن اذنكم
بدي اروح البس و اجهز حالي بدي اروح عند اهلي
يللا سي يو
بااااي

[~{{ DoDo }}~]

لولو
الله كريم ان شاء الله
والله يسهل عليكي سلمي ع اهلاتك

فوفو
يعطيكي العافية
ولا مرة عملتهم انا على لحمة او زغاليل او هيك
دايما بعملهم نباتي هههه صحتيييييين ع قلبكم :)

[سما الدنيا]

صباااااااااااااح الخييييير كيفكم صيايا مشتاقه الكم بس والله قلة الوقت يدوب الواحدد شغل البيت وعمور الي دابق فيه دبق وجوزها وطلعات ...ان شاء الله اتكنو كلكم بالف خيييييير...

[سما الدنيا]

بنات بدي احكيلكن قصة هالبنت هيه عرفتها عن طريق اخوي وهي بنت محترمه بتعاملها كان وهلاء وبعد فتره ضافتني عالفيس واخدت رقمي ومن هالحكي..بدايتها بمسجات عجوالي بشكل يعني ياليوم تبعتلي من خمس مسجات او اقل يعني يومي كنت مرات ارد واترد بدل مسج واحد مني بعشره...ومش كتير بفوت الفيس وما بحكي كتير معها هناك واكتر مسجاتها حب كانوحبيب ببعت لحبيبتو ...
والي كان يدايقني بالموضوع انها تبعت بنص الليل ع 1 او 12 او تنتين يعني جوزي مرات كان يمسك التلفون ويحكيلي مين اححكيلوصاحبتي ويقولي ليش بتبعتلك بهالوقت..جوزي ادايق منها واحد تاني غيرو قكر اشي تاني والادهى انو بس مسجات يعني اترن عليه تحكي ارن عليها مثلا انو احكي ما اترد يعني زي الي متقصده؟؟والي فتره مطنشها لقيتها بالصدفه عالفيس وحكتلها انا ما برد لانو ما بستخدمجوال بس هيك فاتحها بستخدم وطنيه وبكل.....بدها الوطنيه ما بدي تحكي معي ومش قادره احكيلها ما تبعتي يعني بشكل غير مباشر وضحتلها ما تحكي انو ما تبعت عالفاضي فوق هاد ضلت تبعت مسجات فاضيه بالصبح بالليل ...شو هبله ولا بتتهبل ولا شو فصتها....بصراحه سببتلي مشكله مع جوزي ..زبحكيلي اتصرفي معها ...مبارح بجرب بالشريحه خربانه مش عارفه ليش بطلت افهم اشي..وجوزي بحكيلي ليش متعطله الشريحه واكيد راح ارجعها بس شو الحل معها..من القهر والله بحكي

[walo0ol]

يسعد صباحكم صبايا لولو و فوفو و حوا ودودو و بيبوو و ام عبدلله انشالله مانسيت حدا
و دودو الله يقومك بالسلامه و تجيبيلنا احلا عمورة
وام عبدلله يعطيكي العافية شهيتينا
انا كمان زي دودو اشي خفيف بالجاج مع فتوش عالماشي

[walo0ol]

الفستان كتير حلو و ناعم و لونو احلا الله يهنيكي
بيبو انا راي من راي دودو خياط شاطر يركبلك كمام و يزبطلك اياه بطريقه حلوه

[فوفو89]

تسلمو دودو ولولو
صحه ع قلبكم
جربوها دوالي ع زغاليل كثير طيبة مممممم

هلا ولاء
يسعد مساكي
كيفك وشو اخبارك


يسعد مساكي سما
كيفك وشو اخبارك
مشكلة لما حد يلزق فيكي هيك وانتي اصلا ما بتعرفيه كثير ،، احسن حل انك ما تبعتيلها مسجات ولا ترني عليها ابدا اذا هي هيك بتدايقك
او بتغيري الشريحة وخلص مع انه غلبة تغيير الشريحة

[walo0ol]

هلا فوفو حبيبتي انا الحمدلله منيحه تمام طول الليل ما نمت معدتي بتقلب بس هلا اخف الحمدلله
بضلهم يحكولي لازم تشربي حليب و انا بحسو تقيل ع معدتي من بعد الحمل مع اني من قبل بشربو
و سما احسن حل اطنشيها و ازا ضلت على هاد الوضع مافي الك الا تفهميها انو مابتعتلك مسجات بنص الليل عشان جوزك بدايق و مافيها اشي هيه لو عاقله بتفهم لحالها انو مابسير هالحركات

[حواء مثالية]

هااااي من جديد كيفكم حلا غاطسة اليووووووووم

سمااا نورتي

اسمعي شكلها قاصدة تعملك مشكله بعدين هي حضرتها شو بصحيها لهيك وقت وليش بتبعتلك متاخر

انا لو كانت اختي ما ببعتلها بعد الساعة عشرة

بلا ما تعملك قصة من ولا اشي

يا بتحكي معها مباشرة انه لوسمحتي ما تبعتيلي لانه ازعاج بوقت متاخر وما بصير هيك او بتخلي اخوكي يحكي معها تمسح رقمك وخلص

بس انتبهي تحسسيها انها مسببة الك مشكلة مع زووجك بلاش تستغل الوضع

[beboo]

دودو حبيبتي انا كانت فكرتى هيك بردو دانتيل وتحته نفس قماشة الفستان بس المشكلة مش بالخياط المشكلة انه مافى دانتيل باللون هادا ولا شيفون هههههههههه ولا حتى باللون النحاسي للاسف يعني لو بدي اعمل عكس الوان الفستان

فانا خطرت ببالى فكرة بس خايفة صراحة انفذها جبانة هههه بس انه جبت نفس لون الفستان بعد ماطلعت روحى قطعة وبدى اعملها اكمام واجيب خرز نفس الى في الفستان اذا لقيت ان شاء الله واعملهم على الكم بس بطريقة ناعمة لانه مابحب العجئة


سما انا صار معى متل هيك مرة لدرجة زوجي قالى كلميها واحكيلها هلا بنص الليل انه ماتبعت مسجات وانا كانت ترن وتفصل

انا ماعملت شي بس بطلت ابعتلها وبطلت ارد على شي من يلي بتبعته ولا حتى رنة وفى مرة خليت اخويا يكلمها من جوال تانى ويقولها اختى انت بتضلك تبعتيلى مسجات على رقمي حضرتك بتعرفيني شي ومن يومها ولا شفت رقمها

جربي خلى حدا ثقة يكلمها ويفهمها هالحكي يابتحاولى اول انك ماتردي على مسجاتها متل ماعملتى وتحذفيها عن الفيس

او فيك تغيري الشريحة كلها او حظر لرقمها في كذا طريقة وطريقة


ولاء حبيبتي عيونك الحلوة
والله بس جنني من شان لونه مو لاقية لا دانتيل ولا شيفون اله

[سما الدنيا]

هلا فوغو وحواء والضيفه الجديده وwaloool
والله انا ما بقدر اسكرها للشريحه اصلا حاسستها ضربت من كتر مسجاتها الفاضيه لاني مطنشها بتبعت مسجات فاضيه ههههه...اخوي متزوج وما بظن يحكي معهالانو هو من زمان قاطع علاقتها فيها يعني ما صار نصيب ما ناسبتو البنت حاسسها كانها زي اي بتتنتقم مع انو اخوي كان مفهمها انو هيه ما بتناسبو وما وعدها كمان باشي وكان محترم بعلاقتو معها وخبرها انو خطب يعني ما ضرها لتتنتقم مثلا بتصرفاتها هاي..انا الي مدايقني اخر فتره جوزي كان يمسج جوالي ويقراءمسجاتي مع انو عمرو ما عملها من تحت راسها ......مهو جوزي بحكيلي رني عليها احكيلها ما تبعت ورنيت بالليل ورن رن ماردت جوزي ادايق..ما بترد بالمره هيه فعلا ححواء متل ما حكيتي متقصده وانا بس ترجع الشريحه راح احكيلها ما تبعت ان كنت انا ظالمها او لاء..

[إنبثاقة أمل]

مساء الخيرات

شو أخباركم


بيبو اللون بجنن بس عن جد الله يعينك ع حيرة اللون

ان شاء الله تتوفقي بختيار شي مناسب وجميييييل متلك


سما

الله يعينك واصعب شي انها توصل لتسبب مشكله بينك وبين زوجك

شوفي أخوك بلكي هوه الي يحط حد لهذا الشي

واهم شي ماتعرف انها مسببتلك ازمله حتى ماتتواقح اكتر من هيك


دودو ولولي التوأم الجميل

الله يهون عليكم ويقومكم بالسلامه


فوفو ولولو حماده وولاء وام عبدالله يسعد مساكم

وين حلول اليوم يارب المانع خير

[سما الدنيا]

هلا بيبو يسعد مساكي...الله يبعد عنا بنات الحرام..
فستانك كتير حلو وناعم البسي تحتو بلوزه امبرقه لخرج السهرات والفستان هاد احلا من الجوليه وحطيي قطعه علون الفستان والشاله اتكون افتح بيطلع كتير حلو...

[إنبثاقة أمل]

يعني الشغله انتقام او حركشه

شكلها فاضيه كتير وهلا حبلها تعمل شي هههههههههه

ع هيك ياقلبي بما انه اخوك متزوج لا تخليه يحكي معها بلا ماتسببله مشاكل

مو بكفي انت ازعجك الله يعينك

[سما الدنيا]

هلا ابنبثاقه منوره..الله بعين بس بعد شو بعد ما عملتلي مشاكل...
حواء حبيبتي ارجعت لصفحات ورا واعرفت انو بنتك كاينه مريضه الله يشفيها يا رب ان شاء الله اتكون احسن..من ناحية العين عنجد الله يجيرنا...بتعرف انودار حماي فيهم هالشغله بحس .يعني لو مش بقصد اابني كانو يحكولي هاد راح يحبي بدري وحبا متاخر راح يسنن بدري عالسنة سنن كل ما يحكو اشي بيتاخر وانا بحكيلهم ما تحكو خلص وقولو ما شاء الله وخلص وهاي شغلة راح يمشي بدري هيوسنة وشهرين ولسا ما مشا..هديك المره بتقول ابنا الحمد لله مش زي هالاولاد ما بيمرض من اسنانو ولا بسخن ولا بنسهل..تاني يوم صبح مريض واسهال واسخونه العين بتصيب لو محبه الله يجيرنا...

[سما الدنيا]

دودو هيو عمور طلع ما بغلب ماما وبرد عالكلمه الله يقومك بالسلامه ما في احسن من الولادة الطبيعية..

[monmon81]

صباااااحكم سكر يا صبايا
انا منى من غزة
حامل باخر الثامن
وحابة اكون صديقة لكم و اتعرف عليكم

[حواء مثالية]

سمااااااااااااااااا الله يخلي لكل عين رجاها والله ما بعرف شو بستفيدو من الحسد

انا برلنت مثل ابنك عطول ببان عليها الي صابتها عين ست خطيبة سلفي شافتها مرتين وبالمرتين برلنت اكلت هوى

انا هلا خايفة بالعرس الاسبوع الخجاي لانها رح تكوووون موجودة الله يستر ويحميها برلنت

فوفو انا هلا بنص السابع قربت من بدية رمضاان كلنا بنبلش نولد ورى بعض

[حواء مثالية]

منى هلالالا وغلالالالالالالالالا

[احساس أنثى]

يامساااااااا الورد والفل والياسمين
اليوم الحمد لله مروقه الوحام ارحم من مبارح

فوفو
صحتين ع ورق العنب بس اول مره اسمع انو بنعمل ع زغاليل نابيطلع دسم ؟
لانو الزغاليل دسمه بس بحبها ع رز زمان مااكلتها شهتيني :)

حواء
الف مبروك ماشالله ع طول الفرح شكلو ماعندكم فترة خطوبه !!

منى
اهلا وسهلا فيكي وربي يتمملك حملك ع خير

دودو / ام عبد الله / لولو / نهاركم قشطه :)

سما
انا مستغربه ليش تعطيها موبايلك قبل ماتع فيها كويس !!

احنا عاملين مكرووووونه تفضلو :)

[فوفو89]

حواء
منوورة
الله يتمملك ع خير يارب
انتي قبلي بشهر ونص
حامل ولد ولا بنت ؟


احساس
يسعد مساكي
اتعلمت طبخ الدوالي ع زغاليل من دار حماي
لا بالعكس مش دسم ،، انا بحس الزغاليل دسمها اقل من اللحمة والجاج
لانه في ناس بيطبخو الدوالي ع جاج او لحمة
بس اكثر شي انا بحب الزغاليل المحشية فريكة ممممممم ما اطيبها
اتفضلي كل شي ولا تتوحمي ههههه

[سما الدنيا]

حواء اقرئي عليها المعوذات قبل لتطلعي والله يحمي اصغارنا من كل شر...
احساس هلا بيكي انا عطيتها رقمي لانو من مبداء اني عرفتها عوقت اخوي وهي طلبتو...بس شكلها دبقه يا ما بتفهم بالاصول يا شغل حركشة عكلن هلاء الشريحه خربانه ورح ابعتلها مسج انو مدايقتني برسائلها....
هلا بالضيفة الجديده....

[سما الدنيا]

شو رايكم بهالبنوته ما شاء الله عنها اليوم عملتلها شعرها شغل ايدي خفلة بستان الروضة بنت صاحبيتي...شو رايكم شاطره اما لاء....

[دموع الليل]

يسعد مساكم

سما منوره احسن شى انك تغيرى الشريحه

حتى ما تسبب الك مشاكل مع زوجك

حواء مبروك لعرس سلفك

دودو مبروك ان عموره نزل لتحت عقبال قومتك بالسلامه

انتى وكل الحواااامل يارب

باقى الصبايا منوررررررررررررررين

[سما الدنيا]

هلا دمووووع...منوره لا ما بغيرها طالما ما في غلط بالموضوع مني ....
عسيرة الطلبيخ انا عاملة بيتزا...بس ييجي جوزي بكون حاطيتها بالفرن منشان نوكلها وهيسخنه ازكا..كنت بدي اعمل ملوخيه نسيت انوما عندي ليمون...

[احساس أنثى]

سما
يالله بسيطه لا تردي عليها بتفهم او فترة الليل قفلي الموبايل
ماشالله عليها عقبالك تجيبي بنوته زاكيه متلها وطلعتي كوافير شاطره :)

فوفو
صحتين وهنا لما تعملي زغاليل لحالهم اعزميني :)

انا غسلت وتحممت ويمكن العصر اروح ع امي مسكينه بتقلي يابتتنشطي وبتيجي ياباجي انا عليكي
قلب الام كيف الله يخليلنا امياتنا :)

[فوفو89]

سما
شو هالحلاوة .. ما شاء الله عنك شطوورة
خلص تساريح بنتي رزان عليكي ان شاء الله .. الله يجيبها بالسلامة

احساس
ولا يهمك ان شاء الله .. وانتي بتعزميني ع سمك سردين :)

منى
اهلا وسهلا فيكي بيننا
وا نشاء الله بتنبسطي

[دموع الليل]

سما انتى كوافيره؟؟

فوفو واحساس منورين

[احساس أنثى]

ههههههههه ولا يهمك ياقوفو

دموع يسعد نهارك اشلونك؟

[ام عبدالله لولو]

مساء الخير يا صبايا
سما وين هالغيبة الافضل انك تعطي الرقم لجوزك وهو بتصرف معه بالنهاية انتي عندك بيت وهي شكلها ناوية تفتعل مشاكل بينكم الله يهدي سركم يارب طمنيني عن الحلو شو اخبارو
احساس الله يخليلك امك يارب وما يحرمكم من بعض
دودو وحلا ولولو وفوفو وجارة ومنى وولاء وانبثاقة وغموض ودموع وحواء وكل الصبايا يسعد مساكم يارب تعالو نتسلى ههههه بس اكون بدي احكي الكل بختفي

[فوفو89]

دموع وام عبدالله يسعد مساكم يارب
كيفكم

[احساس أنثى]

انا اجيت بس خايفه تقطع ع ال10
مييييين هون

ام عبد الله
فوفو

انتم هنا !

[جارة القمر]

مساكم فل وعنبر


دودو:

من قلبي فرحتلك يا ام عمورة الحمد لله انه الاستاز كبر عقله ونزل ههههه هاد ابنك له شخصية من هو ببطنك
ربي يحميه ويفرحك بشوفته ياأأأأأمر

حوائتي:

كيفها برلنت اليوم؟؟ تعرفي بجد حطي برلنت ببيت اهلك يوم العرس
ازا بترضى !

سما:
هلا حبيبتي منورة.... الله يعينك على هيك نوع من البشر بصراحه متل هيك ناس ما لازم تخجلي منها احكيلها بصراحة واللي بدو يصير يصير اصلا بالناقص من تئالت دمها ههههههههه

وتسلم هالتسريحه ما انغشها

لولو +فوفو+ام عبدالله:
هلا لازم اضلكم بالدردشة قبل ما تلتهو عنا بالبيبيهات ...........

[احساس أنثى]

مافي حد لهالوقت
فتت اقول تصبحووون على خير

[~{{ DoDo }}~]

صباااااح الخير صبايا
شكلي لحالي هون

اين انتم يا كسولات

[حواء مثالية]

صبااااااااااااااااااااااح الفل عليكم

منورة دودو

حلا مالها صايرة تغيب

[حلا الماس]

صباااااح الخير جميعا

كيفكم اليوم بنات ؟؟ .. انا مبارح ما قدرت ادخل لأنو كنت عاملة حملة تنظيفات بالبيت عزلت غرفة بناتي من ساسها لراسها نظفت الشباك وليفت الحيطان وشطفت الأرض وعملت الممر والحمام الي جنب غرفتهم وااااااااااخ يا ايدي :( وبعدها شطفت المطبخ ورحت على أهلي

دودو
حبيبتي ألف مبروك انو عموورة غير وضعو والله كتييير فرحتلك ... ربي يتمملك على خير وتقومي بالسلامة بعد 7 /6 خخخ وتكون أمك عندك

سما
يا سمسومة كيفك يا بنت ؟؟ وين بتغييب وبتطلي بالشهر مرة منورة كتييير حبيبتي

حواء
مبروك مقدما لسلفك وعقبال تفرحي ببرلنت ... من شان ست العروس هاي الي بتصيب بالعين قد ما تقدري ما تخليها تشوف بنتك بالسهرة وطبعا قبل السهرة اقرأي عليها أية الكرسي والمعوذات واستودعيها لرب العالمين وان شاء الله عيون الناس ما بتصيبها وكل ما تحكي ست العروس شغلة عن بنتك احكيلها صلي عال نبي يا حجة ومن هالكلام

بيبو
الفستان كتير حلو ولونو أحلى ... وان شاء بتلاقيلو قماشة وبتقدري تزبيطيه :)

انبثاقة
هلا حبيبتي وميرسي كتييير لسؤالك عنك ... ربي يسعدك عجبتني حلول حلوة طالعة منك :)

حيفا وأم جودي وغموض بلا دلع اشتقنالكم يا بنات .... تعوا

لولو .. لولو حمادة .. ام عبد الله .. فوفو .. دموع .. ولاء .. جارة .. احساس .. والصبية الجديدة منى وكل الصبايا يا رب ما أكون نسيت حدا ربي يسعدكم وين ما كنتوا

[~{{ DoDo }}~]

حواء

صبااااح الورد
كيفك اليوم وكيف برلنت وابو الزوز

حلا
منووورة يسعد هالصباح
انا توقعت تكوني مشغولة بالتنضيف
لانك قلتي قبل مبارح انه حاسة حالك احسن وبدك تعملي حملة تنضيف ههههه
يعطيكي الف عافية يا قلبي
والله عمورة شكله ازعر وكتير حركة ربك يستر ما يرجع يعملها فيني ويقلب تاني
ههههههههه اما عليه حركات ، بس برضو رح اعضه بس يجي بالسلامة

[حلا الماس]

دودو وحواء
يسعد هالصباح يا رب هيني هون لما اجيت ما كان في حد وكنت بكتب برد طويييييييييل وانتوا سبقتوني ههههههههههههههههههه

[حلا الماس]

دودو
النور نورك تسلميلي ويزيدك عافية ... والله ربك سترها معي مبارح صار معي شغلتيين وأنا عم بنظف
اول شي اتكهربت وتاني شي وقعت وأنا عم بشطف بالمطبخ

حواء
يسعد هالصباح يا رب كيفك كيف برلنت اليوم ؟؟ شو شريتيلها على عرس عمها ؟؟

[حلا الماس]

دودو
بالنسبة لبيبي ما في معو مجال يقلب خلص أصلا المكان ديق هلأ .... أن شاء الله بيضل بهالوضعية للولادة وما بيغيرها
أما للعض هادا ما في مجال فيه انا ولادي كلهم آكلو عضة يوم ما ولدتهم والي جاي كمان نفس الأشي .... أصلا العضة تلقائي رح تطلع مش رح تقدري تقاومي منظرهم بيكون مغري للعض ههههههه

[~{{ DoDo }}~]

حلا
له له سلاااامتك شو صاير معك يا بنتي
بدك تديري بالك بالراحة كتير تشتغلي
الله بيسترها معنا احنا والله من الوقعات والقصص هاي
بس برضو ديري بالك اضعاااااااف يا بنتي
يلا الحمدلله اللي الله سلمك
طمنيني كيف يوسف مغلبك مش مغلبك شو عامل معك
والله انا ازعري ضاغط عالمعدة بشكل مش طبيعي
اكلي قل للنص وبالليل بصحى على حرقان كانو سائل زي النار بيطلع لحلقي وبيرجع ينزل

[حلا الماس]

دودو
الحمد لله اجت سليمة ... بس والله ما بعرف كيف اتزحلقت بالمطبخ حتى بنتي حلا خافت وصارت تقلي اناديلك بابا بس قدرت أقوم لحالي وكملت شغلي
يوسف حبيبي هالازعر صاير نشيط وعم يخبط ويرفس كتييير وبكل الجهات الحمد لله ..... والله بحس الحركة بخواصري ههههه من يومين لقيت شكل بطني اتغير حاسة انو قلب أو غير وضعيتو لأنو كان الرأس فوق وأنا حاسة انو تغير والله اعلم انا باخد دوا للحموضة ما بحس أني بدايق أو شي الحمد لله

[~{{ DoDo }}~]

يلا الحمدلله اللي اجت على قد هيك وربك سترها
هي الوقعات هاي لا بد منها الله يبعد عنا شرها
بالنسبة لحركة البيببي والوضعية انسي
انا كل ساعة بطني شكل وبحاول احزر بس ما بعرف
هههههههه يعني متمدد جوا وبيتقلب على راحته يختي
كنت اقول للدكتورة يوم السبت غريب ما حسيت انه الراس تحت
لانه في كورة بتتحرك فوق
قالتلي هاد قفاه شو عرفك انتي ، يعني بطلنا نميز بين راسه وقفاه كمان ههههههه

[حلا الماس]

هههههههههههههههههههههه ضحكتيني كتييير

على قولتك متمدد جوا وماخد راحتو ... هيو بيرفس وبيسلم عليكي

[~{{ DoDo }}~]

هههههه سلمي عليه مني ومن عمووووورة

شو طااابخة اليوم صحيح

[حلا الماس]

الله يسلمك ويسلمو عموورة حبيب خالتو ..

شكلو جوعان مسكين هيني قمت عملت ساندويشتين زعتر وزيت وحدة الي ووحدة الو هههههههه هلا بس يأكل بيستعيد نشاطو وبتبدأ تمارين الصباح عندو خخخخخ

اليوم بدي اعمل سمك أن شاء الله نفسي اعملو صينية بالفرن ... بس جوزي وولادي بدهم قلي ما بدهم بالفرن

وانتي ؟؟؟

[~{{ DoDo }}~]

ههههههه ان شاء الله بيشبع وبيجننك حركات الله يحميه
والله انا محتارة اليوم علي شغل كتير بالبيت لانه ماما بكرا بتوصل
ومش عارفة الحق اطبخ ولاا لا ، يمكن اخلي زوجي يجيب جاهز او اعمل نواشف شي خفيف

[حلا الماس]

ههههههه تسلميلي حبيبتي الله يسعدك

اشتغلي براحتك وما تتعبي حالك وبالسلامة لامك يا رب .... بس ما تحاربينا ابقي طلي علينا طمنينا عنك

وينها حواء ؟؟ طلت بسرعة وراحت !!

ولولو وأم عبد الله وفوفو ليش متأخرات يا كسولات ؟؟

[~{{ DoDo }}~]

لا ولا يهمك عالخفيف
وفي كم شغلة بدي اتركهك للمسا زوجي يساعدني فيهم
وبدي اضل اطل لا تقلقي هي بس توصل بالسلامة ان شاء الله ؛)

صحيح كسولات البنات يوم ما نيجي بكير بيختفوا

[حلا الماس]

يا رب توصل بالسلامة وتتطمني عليها ... سلمي عليها كتير

أبوة ضلي طلي أصلا بتنوري الدردشة بوجودك .. :)

[~{{ DoDo }}~]

حبيبة قلبي الله يسلمك ويخليلك احبابك ياااارب :)

[حواء مثالية]

اااااااااااخ والله رحت نفلت الصالون وقلبته من تحت لفوق بس اكيد زوجي راح يعملي حفلة بس يروح لانه حكالي ما تسوي لحالك

والله يا حلا شريت لبرلنت لبستين باخدو العقل

بصورها فيهم وبتشوفيها وبتحكيلي شو رائيك

[حلا الماس]

تسلمي كلك زوء
والله الأزعر شكلو شبع ونام ومش ناوي يعمل تمارين هههه هو نام واخوتو صحيوا

[Snowwhite-90]

صباحكم فرح وسعادة واخبار طيبة

حبيباتي دودو وحواء وحلا منورة الدردشة بطلتكم ،، ربي يسعدكم ويحفظكم

كيفكم اليوم وشو عاملين البيبهات الحلوين

دودو حبيبة قلبي بوسيلي عمورة الشطور الي بيسمع كلام الماما ،، الحمدلله حبيبتي انه غير وضعيته وان شاء الله تولدي طبيعي وتكون ولادتك سهلة كتير ،، كتييير فرحتلك والله ،، وان شاء الله بتوصل مامتك بالسلامة ،، سلميلي عليها كتييير :) ،، وما تنسي تطلي علينا

حلا يا عسل انتي ،، حمدلله على سلامتك حبيبتي انتبهي على حالك اكتر من هيك ،، وبشغل البيت خليكي خفيف خفيف ما تضغطي حالك كتير

حواء الحلوة مبروك عرس سلفك ،، ان شاء الله بتفرحي ببرلنت وعزوز :)

سمسومة نورررتي يا قمر ،، وينك بتطلي علينا يوم وبتغيبي عشرة ههههه بتمنى تكوني بخير انتي وعمورة

حيفااااا وينك :( :( :( جد اشتقت اشوفك هون

الصبايا الحلوووووين بدون ذكر اسماء بلاش انسى حدا ربي يسعد اوقاتكم ويخليلكم احبابكم

الصبايا الجدد اهلا وسهلا فيكم وان شاء الله بتنبسطوا معنا :)

[~{{ DoDo }}~]

حواء
يعطيكي العافية
هو احنا هيك ما بنسمع الكلام
انا نفس الشي زوجي ما بدو اعمل اشي لحالي بس ما بقدر لازم انجز ههههه
ومبروكين لبرلنت اللبسات تهريهم بالعافية ان شاءالله بنستنى صورها هالقمرة ماشاء الله ؛)

[حلا الماس]

حبيبتي حواء .. الله يعطيكي ألف عافية يا رب
انا ما بقدر أزيح الأشياء التقيلة وأغير مكانها ... بضل أقول لزوجي هو انا ليش متزوجتك؟؟ هههه عشان تعمل معي وتساعدني بيصير يضحك

يختي عليها برلنت أن شاء الله بتلبسهم بالعافية

[حلا الماس]

مين هون !!!
ام جودي يا مرحبا يا مرحبا نورتي يا عسل .... وين كنتي غاطسة ؟؟ شو أخبارك طمنيني عنك

الله يسلمك وما تشوفي شر ... الحمد لله انا هلأ منيحة بس ايدي بتوجعني شوي

[~{{ DoDo }}~]

ام جودي
يا هلا والله نووووورت الدردشة
اشتقتلك يا صبية وين هالغيبة
شايفة الازعر شايفة ، اخوي بيقلي مبارح ربطيه منيح وشديه ابنك ازعر وكتير حركة
ههههههه يسعدلي اياكي يارب وسلامكم كلكم رح يوصل لماما اللي رح تسرقني منكم شوي
بس رح اضل افوت واطمن واطمنكم عني ان شاء الله كل يوم اذا الله اراد
طمنيني عنك وعن دراستك وعن حمودي الازعر ويزووووون باشا ان شاء الله مش مغلبك

[فوفو89]

مرحباااا

يسعد صباحكم

كيفكم اليوم

انا اليوم متنكدة كثييييييييييييير كثييييييييييييييييييييير ومقهورة

رحت ع عيادة الوكالة عشان اسجل للحمل ،، الي بيسجل بيحكيلي بدي صورة هويتك وهوية جوزك عشان التسجيل ،، حكيتلو ما معي صورة هوية جوزي ،،حكالي ما بيزبط ضروري لازم تكون موجودة ،،,حكالي اذا ما معي الهوية بسجل الاثنين الجاي
ورجعت ع البيت بدون ما اسجل :( :( :(
انا الي قاهرني انه العيادة بعيدة كثير عنا ،،ورحت بتاكسي طلب ب 20 شيكل ع الفاضي وما استفدت اشي والدنياا شوب
وبدي ارجع كمان مرة الاثنين الجاي
عنجد انا مقهورة كثير اففففففففففففف

[حلا الماس]

حبيبتي فوفو
يسعد هالصباح يا رب ... طولي بالك وما تتنكدي معلش قولي لعلو خير

روقي حبيبتي ما بتعرفي لو سجلتي كان طلعت شغلة تانية تعطلك ... بيعينك الله وروحي عاودي الأسبوع الجاي

[~{{ DoDo }}~]

فوفو
يسعد صباحك
سلامتك من النكد
يا بنتي عادي ولا يهمك انتي ما كنتي بتعرفي
بسيطة الله بيعين ، الا ما الواحد يصير معه هيك قصص تنغص عليه
بس خديها ببساطة ولا تتنكدي مش كويس تنقهري عشان رزوووونة كله بياثر عالبيبي
وكليها لربك والله بيعينك خلص هيك ارادته ؛)

[Snowwhite-90]

حواااء ،، مبروكين لبسات برلنت الامورة ،، ان شاء الله ملبوس الهنا :)
بننتظر صورتها هالاميرة الصغيرة
مالك انتي كمان متل حلا يا بنات ارحموا حالكم شوي بالشغل ،، انا متل دودو الشغلات التقيلة والصعبة زوجي بيعملي اياهم :)
الله يخليلنا اياهم ويديم الصحة والعافية عليهم ياااااا رب

حلااااااا هلااااااا بالقمر ،، حبيبتي سلامتها ايدك ما تشوفي شر ،، يمكن من شغل امبارح بتوجعك حاولي ما تحركيها كتير
والله يا حلا غبت هالفترة لانه مشغولة بالاستعداد للامتحانات بس كنت اطل عليكم واطمن على اخباركم ولما لقيت وقت فوتت ادردش معكم شوي :)
كنت بدي افوت امبارح واحكي معكم بس بنات عمتي الي هما اخوات زوجي بردو ،، اجوا من الامارات ونازلين ببيت عمتي لانه من دوم ازواجهم واولادهم ،، نزلنا كلنا وقضينا النهار معهم تحت وانبسطنا كتييييير :)

صحيح جارة حبيبتي الف سلامة عليكي ،، يا الله شو زعلت عالي صار معك بس معلش حبيبتي ارادة الله واكيد راح يعملك اياهم الدكتور ويسيروا متل اول ،، اهم شي سلامتك انتي والاطفال الحلوين واحكي الحمدلله الي اجت على قد هيك

[احساس أنثى]

يسعد صباحكم نشيطين ماشالله عليكم

حلاااااااا
الف سلامه عليكي ياعسل ديري بالك ع حالك

دودو
ربي يقومك بالسلامه بحب الاطفال بعمر شهر لحد 4 شهور زاكين بعدين بسيرو مشاغبين :)

ام جودي
كيف معنوياتك للامتحانات والحمل كيف

حواء
مبروك ملابس برلنت نزليهم بلكي احاص وتجيني بنوته بموت ع شغلات البنات

فوفو
انتي لانو اول حمل بطلبو الهويه / انتي سكان وين كل هالقد بعيده عنك الوكاله !!
طيب مامعك ع الموبايل رقم هويتك او هوية جوزك دايما خليهم ع موبايلك
وكان حكتيلهم مشواري بعيد يمكن كان تساهلو شويه

[Snowwhite-90]

دودو يا عمري انا وانا كمان اشتقتلك كتييييييير :)
والله يا دودو امبارح كان ممتع وحلو بس بدايته بتخوف والحمدلله عدت على خير
امبارح كان جاي على بالي التمر بصورة مو طبيعية ،، اكلت تمر وشربت مي ونمت ع الساعة 10 صباحا وصحيت ع 11 بطني بيوجعني كتييير ومو هيك بس ،، بطني وضهري حسيته متل بداية الطلق :( ،، بعدين حممت حمودي وتحممت واتمددت ع السرير شي نص ساعة حسيت حالي احسن ،، بس لما نزلنا تحت طول ما انا قاعدة ضهري وبطني بيوجعوني لغاية ما نمت،،، خفت اروح للدكتور :( ،، ولما صحيت اليوم الحمدلله ما فيني شي :)

فوفو حبيبتي معلش خيرها بغيرها ما تزعلي ،، ان شاء الله المرة الجاي بتسجلي

[حلا الماس]

ام جودي
ربي يعينك ويوفقك بامتحاناتك وعقبال التخرج يا رب :)
مزبوط ايدي بتوجعني من شغل مبارح لأنو ليفت حيطان غرفة بناتي باسفنجة الجلي اتخيلي !!! ابني الله يهديه مخربش عالحيط بالألوان الشمعية وما نفع معهم إلا اسفنجة الجلي ومسحوق الغسيل

إحساس
يسعد صباحك يا قمر ... تسلمي الله يسلمك
طمنيني عنك انتي وحملك كيف ؟؟ وزوزو كيفو اليوم ؟؟ شو طابخين اليوم !! انا بدي اعمل سمك صرت من جماعتكو ههه

[~{{ DoDo }}~]

ام جودي
سلاااامة قلبك
بلاااااش تمر هلا اجليها للتامن والتاسع يا بنتي
انا كنت اخاف اكل تمر بس رجعت اكله بالتامن واخر السابع بس 3 تمرات ومو كل يوم
وهلا وقفته عشان عندي تقلصات بس تيجي ماما برجع اكل هههه
ديري بالك ع حالك والحمدلله عدت ع خير
اذا تكررت ما تسكتي روحي للدكتور وديري بالك حبيبتي الله لا يضرك ولا يضر حدا يارب ؛)

[Snowwhite-90]

دودو حمودي ببوسك وببوس عموورة ،، الحمدلله حمودي تمااام ونشيط ما شاء الله عليه بس ما بعرف ماله اليوم كسول نايم لهلأ ههههه
والبيبي ما شاء الله عنه منيح وشكله شقي متل حمودي :)

احساس هلاااا ،، كيفك وكيفو زوزو ؟؟
الحمدلله مستعدة للامتحانات ومنتظرة متى ييجوا عشان ارتاح ههههه
وحملي ما شاء الله منيح بس هالايام حاسة بضيق نفس :(
ربي يهونها

[~{{ DoDo }}~]

احساس
يسعد صباااااحك
كيفك وكيف الوحام اليوم
الاطفال كل سن واله غلبته
وانا هيني رح اخوض التجربة هههه
الله يستر ويعطيني طولة البال ياااارب ؛)

[فوفو89]

تسلمولي حلا ودودو واحساس وام جودي

والله لحد الان متنكدة ومش قادرة افطر ،، رزان مسكينة هيها بتتحرك وبترافس ،، اول مرة بترافس هيك كثير ،،شكلو لاني منكدة يا حرام ،، بس مش بإيدي شو اعمل ..

يلا شوي وبروق ان شاء الله

[احساس أنثى]

حلا / ام جودي / دودو

زوزو ع سلامتو حبيب قلبي مابغلب ولا بحس في بلعب مع اعمامو وبأكلوه وبنيموه احيانا ومابدرا عنو
بس هلا نام بحضني :)

والوحام اليوم مستقر بس حكاية الاكل مابيجي ع بالي بالمره عشان هيك بدوخ

حلا
صحتين ع السمك كانت حماتي بدها تعمل ملوخيه مابدنا قلنا شوربة فريكه جايه عبالنا

ام جودي
انا بعرف التمر في بدايتها مش صح

دودو
يالله ربي يقومك بالسلامه وتفرحي بشوفتو بأتم الصحه والعافيه يارب

فوفو
خلصلاتدايقي اعملي كاسه عصير بارده وروقي مش مستاهله

[حلا الماس]

فوفو
روقي ولا يهمك حرام من شانك من شان رزونة ... ما الك نصيب تسجلي اليوم خلص عادي
يمكن لو سجلتي كان التعطيل من اشي تاني لهيك روقي وما تتوتري كتير بلاش يرتفع ضغطك لا سمح الله وروحي فطريها لرزان حرام جوعانة البنت يعني بتهون عليكي اتضلها جوعانة

[Snowwhite-90]

حلااا حبيبتي تسلميلي يااا رب من تمك لابواب السما ان شاء الله ،، بحلم متى اتخرج هههههه
يعطيكي العافية ياااا رب ،، حاولي ما تعطي لخليل الالوان والاقلام الا لما تكوني عندوو ،، او جيبيله سبورة صغيرة يكتب عليها ويرسم هههههه

دودوووو حبيبتي والله ما بعرف ليه اجى على بالي انا دايما ما باكله الا بالشهر التاسع حتى بالثامن بخاف بس هالمرة ما قدرت ههههه كأنه وحامي متأخر ههههه
بعد الي صار معي امبارح لا يمكن اكله الا بالتاسع ان شاء الله ،، لما تيجي مامتك بتكوني بالامان كلي تمر براحتك هههههه

[فوفو89]

دودو
هي عنجد مش مستاهلة بس خلص انا صايرة اعصب من ابسط شغلة ،، مع الحمل
بتعرفي وانا بالسيارة بحكي يارب ما يكونو الاوراق ناقصين ،،وبحكي يا ريت لو اني سألت احساس شو الاوراق الي بيطلبوها
يلا خيرها بغيرها ،، ما النا نصيب


حلا
خلص يلا هيني قايمة اعمل اشي آكله عشان رزونة ،، وانام ،بلكي روقت شوي

[حلا الماس]

ام جودي
أن شاء الله بتتخرجي بأعلى العلامات يا رب
وحياتك عندو سبورة صغيرة والو شنطة حاططلو فيها دفاتر تلوين والعابو ... حتى هو عارف بيسالني وين الخرابيش وعارف انو هو الي خربش وبيدحك هالشقي علبة الوانو رفعتها وفهمت خواتو انو ممنوع يعطوه ألوان إلا أزا انا أعطيته ...

[نور العمر]

صباح الخير صبايا كيفكم ...وكيف اصبحتو ان شاء الله يكون نهار سعيد ع الكل

دودو الف مبروووك انو عموره رجع لف راسو .. والله فرحتلك كتير كنت شايله همك من العمليه لانو بعد يلي شفتو دعيت انو ماحدا يجرب العمليه والكل يولد طبيعي ودعيتلك لانو بصراحه مافي بعد الطبيعي وربنا يسهلها عليكي انتي ولولو وكل يلي بعدكم
حلا وحواء ودموع وام جودي وفوفو واحساس وكل الحوامل يارب ماكون نسيت حدا ونشوفكم حوامل السنه الجاي هههههههههه ..

حلا سلامتك بدك ديري بالك وانتي بتشتغلي ...

فوفو كل تاخيره وفيها خيره مابتعرفي وين الله كاتبلك الخير ... روحي افطري وفطري البيبي حرام

شو طابخين اليوم كتير جوعانه مابعرف من بعد ماولدت وانا بس بدي اكل خخخخخ يمكن لانو انحرمت من الاكل اول اسبوع عشان العمليه ... كل وحده طبخت تبعتلي صحن هههه ..

[Snowwhite-90]

هههههههه ما ازكاااااه هالخلوول ،، الله يحميه ويباركلك فيه ،، شقاوة الاطفال لا بد منها ،،

فوفو والله مو مستاهلة تتنكدي هيك بسيطة يا قمر ،، لعله خير :)

انا اليوم مو طابخة شي ،، معزومين عند حماتي ،، هتجيب اكل جاهز ،، والله اعلم شو هيكون الغدا

[لولو الفلسطينية]

صباحو صبايا
منورييييييين
ام جودي
يا هلا و الله
اشتقنالك يا حلوة
كيفك و كيف حمودي و البيبي ان شاء الله ما بغلبوكي ؟؟
الله يوفقك و يوفقني بالامتحانت و نرتاح منهم
بس ان شاء الله الحق اقدمهم انا
الله يستر
حلا
سلامتك ام خليل
الله سترها هالمرة بس لازم تنتبهي و تديري بالك عشانك و عشان يوسف
الله يحميكو و يقومكو بالسلامة
فوفو
يللا خيرها في غيرها ما تدايقي حالك على اشي مش مستاهل
عادي بتروحي مرة تانية و ان شاء الله خير
دودو
الله يوصل امك بالسلامة يااااا رب .... بس هااااا ما تنسينا !!!! لأنو رح نقلق عليكي و خصوصا بهاد الوقت
الله يخليلك اياها و يقومك انتي و عمورة بالسلامة
ام عبد الله
ليش متأخرة عالدوام ..... ان شاء الله خير
حواء
على ايش مستعجلة ؟ ...... جد كلشي تقيل و ما بتقدري تعمليه لحالك خليه لزوجك ..... بدون اشي الحامل ما بتتحمل
و مبروووووكين تياب برلنت الامورة .... ان شاء الله تهريهم بالعافية يااااا رب
انا اشتقت لانبثاقة و حيفا و غموض و ام عمر و في كتير بنات صارلهم زمااااان قاطعيننا زي هبوش و ميسا و غيرهم
ان شاء الله خير
باقي الصبايا كلكم كلكم يسعد اوقاتكم و ان شاء الله تكونو كلكم بخير
منوري كلكم كلكم
بنات انا من امبارح و عندي هيك شي زي النغزات بس اول مرة بحسر فيها في ضهري و بطني بس بطني اكتر و لما بدخل عالحمام و انتو بكرامة بخاف اضغط على حالي لأني بحس شي في بطني من تحت بصير يضغط و يوجعني كتيييير بعدين الكل بحكيلي انو بطني نزلت .... شو بدها تكون ؟؟ معقولة قربت ؟؟ و الا شو ؟؟ يا ذوات الخبرة

[ام عبدالله لولو]

صباح الخير يا صبايا
شو اخباركم يا حلوات حلا يا عسل يسعد صباحك وسلامتك يارب ما تعبي حالك
ام جودي صباحك عسل يا قمر شو اخبارك موفقة بلامتحانات كيف الحمل وابنك ان شاء الله خير
احساس يسعد صباحك دودو ولولو يلا شدو الحيل ههههه قربتو كثير الله يفرحنا برجعتكن بالسلامة يارب
حواء مبروكين الثياب تريهم بالعافية
فوفو مش مستاهلة يا عسل باقي الصبايا يسعد صباحكم يارب

[لولو الفلسطينية]

نور العمر
اهلين يا عسل
شو الاخبار ؟

[احساس أنثى]

ام عبد الله صباحك سكر ياحلو

لولو / ممكن تكون بدايات لانو بحكو طول التاسع بيجي طلع
يس طلق كاذب الطلق يلي عن جد بكون كل ربع ساعه بعدين بشتد كل 5 دقايق

دموع
احنا عاملين شوربة فريكه والك مني اكبر صحن عنا :)

[احساس أنثى]

نور
الك مني صحن شوربه

دائما بتخربط بينك وبين دموع

[نور العمر]

مرحبا لولو ... ربنا يقومك بالسلامه يااارب
والله اخباري تمام الحمد الله بين سيلا ويامن ربنا يقومك بالسلامه وتشوفي بنتك بحضنك ...

احساس ... يسلمووووو كتير والله بحب شوربة الفريكه كمان مفيده لوحده والده متلي هههههههه

تاع البطيخ بلف بالحاره .. يلا يا بطيخ شراب يا بطيخ وبالاخر تطلع بيضا ههههههههه

[دموع الليل]

يسعد صباحكم

كيفك نور العمر وكيف العمليه؟ان شاءالله احسن

حلا سلامتك ما تشوفى شر

احساس يعنى انا ماالى صحن

ام جودى يسعد هالطله كيفك؟ وكيف الحمل معك؟

باقى الصبايا منورين

[نور العمر]

مرحبا دموع كيفك وكيف الحمل ...

والله الحمد الله العمليه هلا احسن من اول عشر ايام كانت صعبه .. بس مابعرف كيف بدي اعرف انو الغرز الداخليه خفوا والتئمو

انتي بتلدي طبيعي او عمليه لانو حسيت من ردك اخر مره انو ولادتك بعمليه ...؟؟

[دموع الليل]

اها انا بولد بعمليه

والحمدلله هى تالت عمليه بدى اعملها

[نور العمر]

طيب كيف بتعرفي انو الغرز خفوا ؟

[دموع الليل]

تقريبا بعد 20 يوم بتتفك الغرز لحالها

اهم شى انك ما تشيلى تقيل

[نور العمر]

انا هلا صارلي 23 يوم .. طيب لو صورت سونار ببان اشي او ع الفاضي التصوير .. انا مابحمل شي تقيل ما عدا بنتي ..

ليه ولادتك بعمليه ؟؟.. اسئلتي كتيره خخخخخ ..كمان بعد ال 40 برجع كل شي طبيعي يعني متل كانو ولدت طبيعي ...

[دموع الليل]

اها بعد الاربعين بيرجع كل شى طبيعى

ليش بدك تعملى سونار؟؟

[دموع الليل]

اليوم طبخت مكرونه

اتفضلوااا

اسهل شى عندى هههههههههه

[نور العمر]

انو يعني اشوف الغرز الداخليه او ما بتبان ... كثير شاغله بالي فيهم وعندي خوف منهم انو يصير شي فيهم حتى الكحه بخاف منها خخخخخ بخاف يصير فيهم اشي لو كحيت او تحركت حركه غلط صايبني وسواس منهم ...

انتي ليه ولادتك بعمليه ؟؟

[وردة سورية]

http://www.hwaml.com/up/uploads/1368452167971.gif (http://forum.hwaml.com/t250728.html#post3139791)

[نور العمر]

وانا طابخه ملوخيه انا باخد صحن مكرونه وانتي ملوخيه بنعمل تشكيله ع الاكل هههههههه

[دموع الليل]

ههههههههههههههه ياريت

نور انتى من وين؟

[نور العمر]

انا من غزه

[نور العمر]

ارجعي للصفحه ورا شو في ردي ...

[دموع الليل]

ما انتبهت على سوالك


ولادتى بعمليه لان الجنيين ما بينزل بالحوض

وكمان بيصير نبضه ضعيف

[نور العمر]

ربنا يقومك بالسلامه ياااارب ...
انا ولدت بالشفا ... انتي ولادتك ب ايا مستشفى؟؟

هلا الواحد بضلو لفتره طويله ما بشيل تقيل خلصنا من الحمل طلعتنا العمليه .. الحمد لله على كل حال ..

[حواء مثالية]

الله يخليكم يا بناااات برلنت بتقلكم شكرا لزوئكم

بتعرفو لي بعمل كلشي لحالي بالبيت لانه وزوجي في البيت ما بحب اشتغل

صح تعبت بس الصالون طلع حلوووههههههههههههههه هيني نيمت برلنت واخذت دوش وبلكي اعرفت انام شوي اذا حماتي ما رنت علي حكتلي بدها تجي تشرب قهوه ولهلا ما اجت

[احساس أنثى]

دمووووووع
ولو الك كمان صحن كبييييير شوربه

حواء
حماتك بتعزم حالها مش الكنه يلي بتروح عندها :)
شكلها فاضيه وصاحبة مزاج بتعزم حالها ع قعوه مش ع نسكفيه ولا شي تاني :)

[حواء مثالية]

ههههههههههههههههه على التلفون كمان يا احساس عزمت حالها مع انه الباب بالباب

[فوفو89]

يسعد مساكم

حواء
ضحكتيني ع حماتك ،، يسعدلي الرايق انا ،، منيح انه حماتي ما بتشرب القهوة هههههههه

احساس
وانا وين صحن الشوربة تبعي ؟ :(
انا بموووت ع الشوربات خصوصا شوربات الجاج والفريكة ،،
وجوعانة كمان

[فوفو89]

صحيح نسيت احكيلكم

اليوم دخلت بالشهر السادس

واخيـــــــــــــــــرا

انتهى الشهر الخامس ع خير،، حسيته كثيييييييييير طويل

[حواء مثالية]

شايفه يا فوفو على كل حال اعتذرت برنامجها فل اليوم ههههههههههه ما اجت

مبروووك دخولك السادس يا قمر عقبال التاسع

[جارة القمر]

مساء الخير

حواء على سيرة القهوه خلص تعي انت وحماتك عندي اشربوها لاني ما بحب اعمل قهوة واشربها لحالي
بحب مع حد تاني والله لها نكهه تانية ......عادة بشربها انا وزوجي بس ......اليوم طلع قبل ما اعملهاااا

[beboo]

مسا الخير

كيفكم

[أسيرة زوجي]

http://forum.hwaml.com/t260328.html

[جارة القمر]

هذا اختبار على شكل لعبه

وبصراحه هاللعبه فيها صراحه وجرأة

وأهم شيء الزعل فيها ممنو و و وع لا حد يزعل

وان شاء الله تعجبكم وهي سهلة ما فيها صعوبة ..

عبارة عن امتحان ..

المهم كل عضو يحب يشارك معانا يعبي الفراغات بما يناسب ..

بدون ترك أي فراغ فاضي مفهوم اللعبه



يالله بسم الله الرحمن الرحيم

(اللهم لاسهل الا ماجعلته سهلا )

1\العضوة اللي تتمنى تشوف شكلها هي حواء +احساس +حيفا لو تجي علي كلكم

2\العضوة اللي ودك تعطيها كف مزح حيفا لانها جارتي بالمنطقة وما بتبعتلي من كيكها الزاكي

3\العضوة اللي ودك تعطيها كف (((مو))) مزح ام عبدالله لانها مديرتنا بالمدرسة

4\عضوة تلقبها بسوبر ستار بنوتاااات التجمع غموض

5\عضوة تقوليلها (ياغايب ليه ماتسأل) ام عزمي

7\عضوة تقولها (والله العظيم اشتقنالك) ام عمر -دبي

8\عضوة تقوليلها الله يجزاك خير ويعطيك العافيه بصراحة حلا بحسها باعمالها وانجازاتها اكبر من عمرها

9\عضوة تقوليلها (نستنى منك المزيد)-دودو هي وعمورة اللي مغلبنا بانتظر منه المزيد من الطاعة لدودو

10\عضوة تقوليلها (خير ان شاء لله) لولو الفلسطينيه كل يوم دخل على التجمع بحكي ابصر شو صار بلولو ولدت ولا لا

11\عضوة تقوليها ( الله يسهل لك ).عيون المها

12\عضوة ارتحت لها من اول ماشفت اسمها بالمنتدى ام جودي

13\عضوة اول ماشفتيها ماكنت تحبيها ويوم عرفتيها حيل أرتحت له ما حد بصراحة

14\عضوة تتخيلي شكلها وتقولي كيف تتخيلي احساس -قمحاوية متوسطة الطول ناعمة الملامح

15\عضوة تحسي انها بطه( سمينة ) اكتر من وحده لولو دودو حلا وكل وحده لها كرش

16\عضوة تحسيها حلووووة كلكم والله

17\عضوة طيبة على نياتها ام عبدالله - احساس -

18\عضوة شعبيتها كبيره ومحبوبة عند غالب العضوات ام عزمي

19\عضوة تحسيها بريئة براءه اطفال احساس

20\(الثقل والركاده والرزانه والهدوء والوناسه)تجتمع في العضوة لولو حمادة

21\عضوة روومنسية غموض

22\عضوة مثقفة عيون

23\عضوة مرحة حيــــــفا

24\عضوة شاعرة لسا ما اكتشفت حد

25\عضوة ذووووق كلكم والله

26/ عضوة تحبي تهديها هديه ما هي الهديه حواء يوم ولادتها باقة ورد بس احكيلي باي مستشفى

27/ عضوة تحبي تهديها بيت شعر ما هو بيت الشعر ...............مش ببالي هلا

28/ عضوة دلـــوعة غموض
29/ عضـوة جريئة ممممممم!!

[نور العمر]

مسااااا الخيررررر ... كيفكم ..

بتعشى شاورما يلي عبالو ما يحرم حالووو ...

[احساس أنثى]

يسعد مساكم

فوفو ولا يهمك اكبر والز صحن شوربه الك

جاره حلوه اللعبه ومرسي ع مدحك ليا ياعسل حشارك لو فتت من الاب

حواء ريحتك حماتك من القهوه وعمايلها

نور طعميني جعانه مش بعتلك صحن شوربه ههههههههههه بحزن صح

[احساس أنثى]

مالكم يابنات الحمل مخليكم كسلانييين ؟!
وين ايام السهر !!

[فوفو89]

له يا حواء
والله حلو حماتك عندها برنامج وبترن وبتعزم حالها
مش قليلة هههههه
الله يخليكم لبعض >> ولا ما بتحبيها؟ :)

احساس
تسلمي ما بتقصري يا عسل
المهم مش شوربة سمك ^_^


نور
صحه وهنا يارب
انا زمان مشتهي الشاورما

[حواء مثالية]

يالله بسم الله الرحمن الرحيم

(اللهم لاسهل الا ماجعلته سهلا )

1\العضوة اللي تتمنى تشوف شكلها هي جارة القمر وكل البنات الي بالضفة

2\العضوة اللي ودك تعطيها كف مزح ........ولا وحده

3\العضوة اللي ودك تعطيها كف (((مو))) مزح .......ولا وحده ما بحب الضرب

4\عضوة تلقبها بسوبر ستار بنوتاااات المنتدى.........انا

5\عضوة تقوليلها (ياغايب ليه ماتسأل).........بينك روز

7\عضوة تقولها (والله العظيم اشتقنالك).........حيفا وعيون المهااا

8\عضوة تقوليلها الله يجزاك خير ويعطيك العافيه.......كلكم يا بناات

9\عضوة تقوليلها (نستنى منك المزيد) للكل

10\عضوة تقوليلها (خير ان شاء لله)..........حيفااااااا

11\عضوة تقوليها ( الله يسهل لك ).........عيون المها

12\عضوة ارتحت لها من اول ماشفت اسمها بالمنتدى.......كلكم يا بنات

13\عضوة اول ماشفتيها ماكنت تحبيها ويوم عرفتيها حيل أرتحت له......ولا حد

14\عضوة تتخيلي شكلها وتقولي كيف تتخيلي .......دودو بيضة طويلة ونغشة

15\عضوة تحسي انها بطه( سمينة )........احساس وبينك وحلا

16\عضوة تحسيها حلووووة.... انا واياكم تزعلوووووش

17\عضوة طيبة على نياتها...... ام عبدالله
18\عضوة شعبيتها كبيره ومحبوبة عند غالب العضوات........الاغلب

19\عضوة تحسيها بريئة براءه اطفال....... جارة ودودو وحيفا

20\(الثقل والركاده والرزانه والهدوء والوناسه)تجتمع في العضوة........اغلبكم يا حلوات

21\عضوة روومنسية.....غموض

22\عضوة مثقفة.....عيون

23\عضوة مرحة ....حلا

24\عضوة شاعرة......انا والي خواطر كثير

25\عضوة ذووووق.........الكل

26/ عضوة تحبي تهديها هديه ما هي الهديه .........كلكم دعوة الله ما يحرمني منكم يارب

27/ عضوة تحبي تهديها بيت شعر ما هو بيت الشعر ...............جارة .......
للحياة رموز لابد للذاكرة من تخليدها .... وذكر جارة القمر نثر حروف يعانق نجوم السماء عبيرها

28/ عضوة دلـــوعة.......... ... غموض

29/ عضـوة جريئة ...........انا

و في الاخير تحياتي لكم

[احساس أنثى]

فوفو
تعرفي ولا مره شربت شوربة السمك مع انهم بقولو زاكيه

[لولو حمادة]

يالله بسم الله الرحمن الرحيم

(اللهم لاسهل الا ماجعلته سهلا )

1\العضوة اللي تتمنى تشوف شكلها هي كلكم وخصوصا رشا ودود صبايا الامار ات
2\العضوة اللي ودك تعطيها كف مزح رشا لانو رقمها غلط كان طمنت هلا عليها
3\العضوة اللي ودك تعطيها كف (((مو))) مزح ولا وحده

4\عضوة تلقبها بسوبر ستار بنوتاااات التجمع جارة

5\عضوة تقوليلها (ياغايب ليه ماتسأل) هبه

7\عضوة تقولها (والله العظيم اشتقنالك) ام عمر رشا

8\عضوة تقوليلها الله يجزاك خير ويعطيك العافيه فوفو بتشتغل في بيتين
9\عضوة تقوليلها (نستنى منك المزيد)-الكل

10\عضوة تقوليلها (خير ان شاء لله) انبثاقة وحيفا

11\عضوة تقوليها ( الله يسهل لك ).عيون المها

12\عضوة ارتحت لها من اول ماشفت اسمها بالمنتدى جارة وام جودي

13\عضوة اول ماشفتيها ماكنت تحبيها ويوم عرفتيها حيل أرتحت له ما حد بصراحة

14\عضوة تتخيلي شكلها وتقولي كيف تتخيلي هبه سنفورة
15\عضوة تحسي انها بطه( سمينة ) بينك والكروشات
16\عضوة تحسيها حلووووة حلا وام جودي

17\عضوة طيبة على نياتها احساس وام عزمي

18\عضوة شعبيتها كبيره ومحبوبة عند غالب العضوات ام عزمي

19\عضوة تحسيها بريئة براءه اطفال احساس

20\(الثقل والركاده والرزانه والهدوء والوناسه)تجتمع في العضوةجارة
21\عضوة روومنسية غموض واحساس

22\عضوة مثقفة عيون المها

23\عضوة مرحة حيــــــفا

24\عضوة شاعرة عيون المها
25\عضوة ذووووق كلكم والله

26/ عضوة تحبي تهديها هديه ما هي الهديه رشا الهدية شوكولاتة
27/ عضوة تحبي تهديها بيت شعر ما هو بيت الشعر ...............مليش في الاشعار
28/ عضوة دلـــوعة انا ههههه
29/ عضـوة جريئة حواء

[لولو حمادة]

تصبحون على خير واحلام سعيدة

[beboo]

صباح االخير كيفكم

شو مين هون

انا جيت امضى حضورى ^_*

[فوفو89]

يسعـــــــــــــد صباحكــــــــــــم

كيفكم اليوم

وكيف اصبحتوو

اناا صبحت نفسيتي وسط ،، يعني مش مبسوطة ومش متنكدة ^_^ بس الحمدلله منيحه


لولو حمادة
الله يعافي عمرك يارب
لاتنسي كمان بشتغل في بيتين وحامل هههههه


بيبو
يسعد صباحك يا عسل

[حواء مثالية]

صباح الخير

كيفكم

جارة خلص وقت اولد بخبرك ما تبعتي ورد بس تعالي

بنات جاوبوببب الاسئلة بتتسلو انا بحب هيك شغلالالالالالالالالات

[beboo]

فوفو وحواء يسعد صباحكم

اى اسئلة @_@

[حواء مثالية]

هلا فوفو منورة

بنت عاملة موضوع حاطة الربط هون ارجعي لمشاركات مبارح

[beboo]

يالله بسم الله الرحمن الرحيم

(اللهم لاسهل الا ماجعلته سهلا )

1\العضوة اللي تتمنى تشوف شكلها هي........ احساس لانها اول وحدة اتعرفت عليها هون بالدردشة هي ودودو وحلا

2\العضوة اللي ودك تعطيها كف مزح ........ولا حدا

3\العضوة اللي ودك تعطيها كف (((مو))) مزح .......للأستاذة bebo مابتداوم متل الخلق hwaml4

4\عضوة تلقبها بسوبر ستار بنوتاااات المنتدى......... دودو

5\عضوة تقوليلها (ياغايب ليه ماتسأل)......... حيفا ومسك

7\عضوة تقولها (والله العظيم اشتقنالك).........حيفا

8\عضوة تقوليلها الله يجزاك خير ويعطيك العافيه....... كل الصبايا

9\عضوة تقوليلها (نستنى منك المزيد).....ولاء لانها جديدة هون

10\عضوة تقوليلها (خير ان شاء لله)..........حيفا وانبثاقة

11\عضوة تقوليها ( الله يسهل لك ).........دودو ولولو واحساس وحلا وفوفو وحواء وكل الصبايا الحوامل

12\عضوة ارتحت لها من اول ماشفت اسمها بالمنتدى.......دودو واحساس

13\عضوة اول ماشفتيها ماكنت تحبيها ويوم عرفتيها حيل أرتحت له......مافى

14\عضوة تتخيلي شكلها وتقولي كيف تتخيلي .......حلا بتخيلها بيضا وعيونها ملونة

15\عضوة تحسي انها بطه( سمينة )........الكروشات

16\عضوة تحسيها حلووووة....كلهم والله بحسهم قمرات

17\عضوة طيبة على نياتها......كلهم طيبات بس مافى حد على نياته ههههههhwaml02

18\عضوة شعبيتها كبيره ومحبوبة عند غالب العضوات........كلهم hwaml7

19\عضوة تحسيها بريئة براءه اطفال........عيون المها

20\(الثقل والركاده والرزانه والهدوء والوناسه)تجتمع في العضوة........غموض

21\عضوة روومنسية.....لولو ولولو حمادة

22\عضوة مثقفة.....غموض انثي ودودو

23\عضوة مرحة ....لولو وحلا وجارة ونور العمر

24\عضوة شاعرة......حواء بس بدنا نشوفلها خواطر قريبا hwaml5

25\عضوة ذووووق.........كلهم واللهhwaml7

26/ عضوة تحبي تهديها هديه ما هي الهديه .........حيفا وانبثاقة اهديهم دعوة من القلب

27/ عضوة تحبي تهديها بيت شعر ما هو بيت الشعر ...............bebo معلش لابني هههه
لولاك بني ماعرفت للدنيا طعم .. لولاك ماشعرت بقلبي ينبض بهذا الكم

28/ عضوة دلـــوعة.......... ...حواء وحلا واحساس

29/ عضـوة جريئة ...........غموض وعيون المها


hwaml16

[ام عبدالله لولو]

صباح الخير يا صبايا
شكرا اليكم يا صبايا الي مدحتو فيتي هاد اكيد بعض ما عندكم حواء تسلميلي انتي الزوء والحلا يا عسل
جارة بتموني انتي اخت عزيزة والله الله يسعدك يارب ويخليلكي
بيبو يسعد صباحك يا حلوة
حلا ودودو ولولو وفوفو وين انتو يلا على الدوام بشوفو المسابقة بس اخلص لف هههه بلف بورق عنب
باقي الصبايا يسعد صباحكم يارب

[beboo]

صبايا شو رايكم بتوقيعي؟؟

[ام عبدالله لولو]

ما شاء الله الله يعطيني زيه ياااااارب باكلها اكل شكلك حامل بتتوجمي عليه يابيبو

[beboo]

ههههههههههه لا والله مو حامل وكمان موجودة خالتى للتاكيد

باذن الله بعد الصيف ربنا بيرزقني لانه حموت واسبح الى سنتين ماسبحت السنة الماضية كنت حامل والى قبلها فرحى

فباذن الله ربنا لما يريد

[beboo]

الله كريم يعطيك متله بس انا حطاه من شان ابني والاغنية بردو من شان ابني حطي الماوس على الصورة بتغني

سحر هههههههههههه

[ام عبدالله لولو]

التوقيع حلو والاغنية روعة زكرتيني بامي الله يرحمه كانت دائما تردلي اياه
الله يخليلك بيان يارب وتفرحي فيه وتجيبلو بنوتة حلوة زيه ازا بتجيك بنوتة هيك خلص بحجزها لابني ههههه يسعد صباحك يا حلوة

[ام عبدالله لولو]

ان شاء الله بعطيكي ما بتتمني يا بيبو بس مين خالتك ليكون انا ومش عارفة هههههه بيبو من وين انتي وكم عمرك انا من الضفة وغمري 25

[فوفو89]

يسعد صباحكم بيبو وام عبدالله


بيبو
كيفك اليوم
كتير حلو التوقيع ،، دايما بطلع ع الصورة وبحكي يارب اعطيني بنوتة حلوة زيها ،، انا حامل ببنت
الله يخليلك ابنك يارب


ام عبدالله
كيفك يا عسل
انتي من وين بالضفة ؟
انا من نابلس

[ام عبدالله لولو]

هلا فوفو يسعد صباحك يارب شو اخبارك والبيبي ان شاء الله بخير انا من طولكرم يا عسل

[beboo]

الله يسعدك ام عبدالله خالتى هي الدورة ههههههههههه

انا من غزة وعمرى 23 سنة ان شاء الله بنتشرف ياعسل بس يكون حلو متلك ابنك

الله يرحمها مامتك انا اسفة ياعسل هلا بغيره اذا مدايئك

فوفو يسعدلى هالصباح حبيبتي تسلمى الله يخليك

[ام عبدالله لولو]

الله يسعدك لا حبيبتي عادي خليه اصلا البنت بتاخد العقل شكلو ابنك ازعر وبحب البنات الله يخليلك اياه يارب

[سما الدنيا]

مساء الخييييييير..كيفكم يا احلا بنات...
حواء وجار وغموض ة ولولو حماده ولولو الفلسطينيه وام عبد الله وام جودي وحيفا وحلا وفوفو ودودو وواحساس ودموع ونور العمر وعيون المها وعسولة وانبثاقةيسعد مساكم جميعا الغايبيبن والحاضرين واعذروني ازا نسيت اسم حدا...
بتمنا اتكونو كلكم بالف خييييييير...

[ام عبدالله لولو]

الله يسعد مساكي يا سما منورة يا حلوة ماشاء الله ما ازكاه العين تحرصو ما اطيبو هههههه لو امسكو شو بصير فيه مسكين ههههه الله يحماه بجنن

[سما الدنيا]

تسلميلي ام عبد الله هاد من زوئك....وعقبال عندك يا قمر...
عحسابك عمور اصلا هو مجنن الماما ازا وحده تتبرع توخدو ساعه وحده عني بكون ممنونتلها هههههههههه....

[beboo]

يسعد مساك سما ماشاء الله عليه عمورة الله يخليلك اياه كم عمره

[سما الدنيا]

هلا بيبو تسلمي ويخليلك احبابك يا رب عمروهلاء سنه وشهرين ..
من وين انتي ما حكينا مع بعض قبل هيك

[سما الدنيا]

‫احلى ضحكة طفل‬‎ - YouTube (http://www.youtube.com/watch?v=NErhwomVbCA)
شوفو الفيدو منزلتلو اياه عمتو عاليوتيوب...

[حواء مثالية]

منورات بنات

سما منورة الله يخليلك اياه هالعسل

[ام عبدالله لولو]

ما شاء الله عنو الله يحماه ويخليلك اياه

[beboo]

حبيبتى انا من غزة وانت من وين لا والله مااتشرفت لسا واتعرفت عليك ياعسل

ماشاء الله عليه هالعسل ربي يحميه العمر كله اله يارب

[beboo]

ههههههههههه ماشاء الله يسعدلى اياها هالضحكة ربي يحميه

متل ضحكت ابني بيجننوا الاطفال ماشاء الله بهالعمر الله يبعد عنه العين بس

[سما الدنيا]

تسلمي حبيبتي الله يسعد ويحمي اولادنا جميعا انتي كام عمر ابنك..
انا من قضا القدس ومتزوجه ببير زيت العمر 27

[فوفو89]

اهلا فيكي ام عبدالله
اتشرفنا
كيف جو طلوكرم اليوم ؟
نحنا عنا شوووووووووب


سما
يسعد مساكي
ما شاء الله عنه ابنك ،،بيجننننن الله يحميه
بس شكله لسه ما بيمشي ،، ابن سلفي هيك عمره سنة و3 اشهر ولسه ما بيمشي بس بيحبي

[سما الدنيا]

هلا فوفو منوره الله يسعد يا رب واتشوفي ابنك حواليكي بيضحك ويلعب..اه شايفه بالله ما بيمشي لسا بيوقف بس انو يقدم خطوات لاء بحسو بخاف او دلع انا اكتر وقتي بكون حاملو لانو هيك بدو الاستاز عمور ..بحكيلكم مجنني ..الله يحميه وينتا اشوفو بيمشي ويخرب بالبيت اكتر ما هو مخرب هههههههههه..

[حواء مثالية]

يسعد مساكم

حلا ودودو وينكم يمكن دودو اليوم مامتها بتوصللها عشان هيك مختفية طيب حلالالالالالالالا وين متخبية

[حواء مثالية]

سمااااااااااااااااااااااا الله يخليلك اياه شو قمرررررررررر بزززننن يا ناس

[احساس أنثى]

مساكم ورد وفل وياسمين
كيفكم ياحلوين
شكرا ع الكلام الحلو يلي بالاسئله يلي بخصني كلكم زوووء

ام عبد الله
انا اسفه اذا مره حكيت شي عن الام ودايقك بجد توي انتيهت سامحيني

سما
ماشالله عليه عموره الله يخليلك اياه لسى مش مصيفالو لابس ربيعي
ولسى بيحبي شكلو زي زوزو حيتأخر بالمشي ع هوا الاسنان

يالله احكولي نعيماااااااا
عملت حلاوه :) ايديا ورجليا وتحممت وعملت استشوار وحممت زوزو
تغير الروتين حسيت براحه :) الي يومين من الوحام قرفانه حالي
اليوم تنشطت :) بكره باقي اعمل وجهي عند الكوافير اليوم تعبت :)

[حواء مثالية]

هلا احساس كيفك

نعيما انا اليوم مثلك

[~{{ DoDo }}~]

مرحبا صبايا كيفكم

اليوم من الصبح وانا بالمستشفى
الصبح نزلتلي شوية مي وكنت موجوعة من تحت كتير وكلمت الدكتورة وقالتلي تعالي
عملت تخطيط وفحص داخلي وكنا متوقعين ولادة ، بس فحصتني الدكتورة لقت عندي التهابات كتير
كل هاد وانا مش حاسة طبعا واعطتني دوا مكثف واراجعها بعد بكرا
والاحلى بالموضوع انه راسه رجع فوق تاني ، الحمدلله ع كل حال والدكتورة كانت خايفة الرحم يكون مفتوح
لو مفتوح كانت ناوية تدخلني ولادة عملية بس الحمدلله مسكر ، لسا ماما المسا بتوصل

دعواتكم صبايا لاني تعبانة

[حواء مثالية]

هلا دودو الف سلامة يا قلبي انتبهي ما تعبي حالك بالمره

وبعدين معو ابنك لي ما يكن ويقعد عاقل اسم الله عليه

ما تخافي من العملية وكلي امرك لربنا اهم شي تخلصي من الالتهابات قبل الولادة وبلا ما تاثر على ابنك اشربي سوائل كثير

[إنبثاقة أمل]

مسا الخيرات

شو أخباركم حبيباتي

ياقلبي يادودو الله يعافيك من الالتهابات ويهون عليك الولاده

ويارب يرجع يقلب ويطمن قلبك

هونيها ياقلبي

والحمدلله هي امك جايه ان شاء الله بتخفف عنك ربي يعين


نعيما احساس

عقبال عندي اروح ع الكوفيره وانضف وجهي

حواء وبيبو وسما وفوفو وام عبدالله يسعد مساكم

والغايبين حلول وحيفا وام جودي ودموع ونور العمر وعيون المها وعسوووله الدبه

وغموض النايمه هههههه

وبينك روز زمان عنها

يسعد مساكم ويارب الجميع بخير

ويارب اني مانسيت حدا

[احساس أنثى]

الله ينعم عليكم
حواء وانبثاقه :)

دودو
لا تخافي لسى عندكم الولاده احسن من عنا بكتير

[لولو حمادة]

مساء الخير

شكلو اليوم يوم التنظيف العالمي وانا عملت ايدي ورجلي وباقي وجهي
اكثر شي بكرهو بحياتي الحلاوة وبكره يوم التنظيف

دودو سلامتك ولا تخافي وتوكلي على الله
جميع الصبايا يسعد مساكم

[احساس أنثى]

ههههههههه نعيما لولو
هوا فعلا تعب وجهد بس يوم بنتحملو :)

[سما الدنيا]

هلا حواء واحساس منورات تسلمولي ويخليلكم اولادكم يا رب...
مبارح لبستوربيعي منشان بدو يطلع عدار سيدو واحنا ببر زيت بتكون من العصر وفوق برد... والحبي الله يعينا وينتا بصيرو يمشو وريحونا...
مالنا عالتنضيف كلنا شكلنا عاملين حملة تنضيفات ..
يلا نعيما للجميع
دودو الف سلامه عليكي ان شاء الله بتقومي بالسلامه وانتي وعمور

[جارة القمر]

27/ عضوة تحبي تهديها بيت شعر ما هو بيت الشعر ...............جارة .......
للحياة رموز لابد للذاكرة من تخليدها .... وذكر جارة القمر نثر حروف يعانق نجوم السماء عبيرها



كلك زوووء بجد انبسطت فيه وشكله من كتاباتك تسلميلي يا حوائتي .......بتعرفيش كم بحبك في الله ...........


لولو حمادة:

وانتي كمان ربي ما يحرمني منك



دودو:

زعلتيني عليك بس تعرفي عسى ان تكرهو شيئا وهو خير لكم .......

ربي يوصلك مامتك بالسلامة يا رب

[جارة القمر]

احساس+لولو حمادة:

نعيمااااااااااا


سما:

ربي يحميلك هالعسول ما شالله عنه .......

[احساس أنثى]

الله ينعم عليكي جاره :)

كيف انتي ؟

[نور العمر]

مساااا الخيرررر .. كيفكم جمعياااا ...

نعيمااا احساس ... لولو انا ناويه ع ال 40 اعمل حملة تغييرات شامله من شعر وكلوو بس محتاره شو بدي اعمل لون شعري احسن ما في الموضوع انو رح خلص ال 40 ع دخلة الصيف احسن من الشتا بس رح يفوت شهر رمضان خخخخ حاسه حالي اخر فترة الحمل صرت زي البلون ولبسي ما كان عاجبني بس الحمدالله بعد الولاده رجعت ضعفت وضعفت كتير يعني وزني نزل حتى عن قبل الحمل ...

دودو والله زعلت بس عرفت انو عموره رجع لف بس لسى فيه امل ممكن يلف تاني وقت الطلق وعلى كل حال بنحمد الله المهم يجي بالسلامه وانتي كمان تقومي بالسلامه ... وربنا يجيب مامتك بالسلامه ... طمنينا عنك ...

[حلا الماس]

مسا الخير صبايا

اااااه لو تعرفوا الي صايرلي ... تعبانة بشكل مش طبيعي
من مبارح وأنا مع مغص فظيع وتعبانة والله يكرمكم معي إسهال شديد ولا شي بيقعد ببطني .. حتى شربة المي بينمغض بطني منها
رحت اليوم عالمستشفى حكالي الدكتور انو البيبي منيح وراسو نازل لتحت الحمد لله ... طلب فحص براز الله يكرمكم وطلع عندي امبيا .... الله يبعد عنكم وما يفرجيكم حالتي تعبانة جداً الإسهال من مبارح لليوم هلكتني لدرجة صرت مش قادرة أوقف على رجلي وصفلي حبوب ميتروزول 500 مرتين باليوم لمدة أسبوع وان شاء الله بتحسن ... دعواتكم

لكل الي سألوا عني الله يسعدكم ويخليلي إياكم يا رب

دودو
سلامتك من الالتهابات ربي يشفيكي ويعافيكي حبيبتي ... وان شاء الله بتقومي بالسلامة انتي والسيد عموورة

[نور العمر]

الف سلامه عليكي يا حلااا ان شاء الله مع الدوا تخفي ويروح الاسهال .. والحمد الله انو البيبي منيح واهم شي راسو نازل لتحت احسن الواحد صار يعمل الف حساب لحكاية نزول الراس خخخخخخ

[احساس أنثى]

نور انتي ولا دموع
يلي قبل يومين كانت تتعشى شاورما ضلت ببالي وهيني جبت ههههعههههه
الحامل متل الطفل ولا بس انا يلي هيك

حلا
الف سلامه عليكي بتروح بس داومي ع العلاج صابت زوزو ياوردي عليا بالشهر 5 تقريبا
هلا حسيت في اذا الكبير تعبان منها

نور
حلو التغير انا اول ماخلصت الاربعين بزوزو عملت ستايل خصل بس عشان شعري اسود وحاطه عليه صبغه سوده كمان
بس طلع حلو التغير تجديد نعيما سلفا :)

[فوفو89]

يسعد مساكـــــــــم يا حلوين


احساس
نعيما يارب
وانا اليوم عملت ايدي ورجلي بس بالماكينة مش بالحلاوة ... شكلنا متفقين انا وانتي وحواء ههههههه
عنجد حلو التغيير ،،
احلى اشي لما تتحممي بعد التنظيف عنجد شعور مريح


دودو
سلامتك وما تشوفي شر ،، اشربي سوائل كتير عشان الالتهابات او اغلي بقدونس كتيييييييير منيح
والله يهونها عليكي يارب
وبالسلامة سواء طبيعي او قيصري المهم تشوفي ابنك بالسلامة
وان شاء الله بتوصل امك بالسلامة


حلا
سلامتك انتي كمان
مالكم مريضين هالفترة !!!
اكثر شي بيذايق الاسهال ،،
الله يشفيكي ،، انا لما صابني اسهال عملت بطاطا مسلوقة ،، وكنت اشرب لبن مخيض مخلوط معاه ثوم مهروسة وفادني كثير كثير ،،عشان اللبن بيمسك البطن والثوم بتعقم وبتقضي على الاشياء مثل البكتيريا او الاميبا الي بتعمل اسهال
الله يشفيكي يارب


انا ما بعاني من اشي الا من الحرقــــــــة ،،مع اني باكل لبن بارد او خيار بس بحسها بتروح 5 دقايق وبترجع ع طووول

الله يعيننا ويجعله في ميزان حسناتنا يارب

[فوفو89]

شوفوو هدول المجانين

عنجد رعب

https://www.facebook.com/photo.php?v=10152864102095434&set=vb.251180005646&type=2&theater

[احساس أنثى]

الله يعينك يافوفو ع الحزاز اشربي ميه بارده
حماتي كانت تاكل التلج :) انا مش كتير بعاني منو بحملي الحمد لله

[جارة القمر]

حلا :

الف سلامة عليك...........الله يعينك ........

[نور العمر]

احساس صحه وهنا ع الشاورما نسيت انو في حوامل بالاشهر الاولى كان ما جبت سيرة الشاروما هههههههه

انا والله حابه اغير لون شعري واعمل قصه من شهر 5 يلي فات يعني من سنه لانو عملت بشهر 5 وبعدها اجا رمضان وبعدها حملت بس محتاره باللون ...

[فوفو89]

احساس
الله يسلمك يارب
انا بنص الشهر الخامس بلش معي
بيعين الله


نور
وانا لحد الان نفسي بالشاورما والحمدلله اني بالشهر السادس وما حكيت جسمي
والا كان ذبحتك ههههههههه

[نور العمر]

ههههههههههه ربنا ستر وما حكيتي هههههههه يعني بلاش احكي شو باكل هلأ خخخخ ...

لولو الفلسطينيه ما بينت اليوم ..؟؟

وان شاء الله دودو تكون هلأ امك وصلت ع خيررر ...