دردشة بنات فلسطين , دردشة حوامل فلسطين , تجمع بنات فلسطين

[~{{ DoDo }}~]

عيون المها
بكرا ان شاء الله بس تنزلي القدس
بتاكلي شاورما وكنافة وكل القصص الطيبة تعت البلاد
على قلبك يااارب تسلميلي :)

حواء
تسلميلي ياااارب

احساس
منا ومنك حبيبتي
بس رمضان الجاي رح افطره
بكون والدة جديد :( للاسف

[احساس أنثى]

ياالله بسيطه ياعسل المهم تقومي بالسلامه

[دموع الليل]

يسعد مساكم

منورين

[دموع الليل]

دودو الله يتقبل منك

[احساس أنثى]

نورك يادموع

اخبارك ؟؟

[عيـ‘ـون المهـ‘ـا]

عيون المها ان شاء الله بتنبسطي مع الاهل
صحيح ابتقعدي عند اهلك ولا بيت اهل زوجك ؟
لولو حماده
الله يسعدك لولو زمان ما شفناكي
كيفهم احمد و محمد ان شاء الله مو مغلبينك
لآ اكيد بقضي الاجازه عند اهلي
هيك عودت الكل و بيت اهل زوجي عادي ما بيحكو شي
بس اكيد بقضي معهم كتير وئت و طلعات ومشاوير
حواء مثاليه
هلا حبيبتي كيفك و كيف الحمل معك بديتي تجهزي لعز الدين
بدي اسألك
شو يتعطي برلنت وجبة فطور الصبح و بتنوعي و إلا نفس الشي
ادم بطل يعجيو شي مفكره الغي وجبة الفطور ههههه

[دموع الليل]

انا الحمدلله انتى كيفك ؟وكيف ابنك ؟؟

شو اسمه ؟

[دموع الليل]

عيون المها كيفك؟

ان شاءالله تتمتعى بالاجازه مع الاهل

الك زمان ما شفتيهم؟؟؟؟

[احساس أنثى]

دموع انا بخير بس حالة ملل كالعاده هههههههههه

ابني اسمو زياااااااااااااد

[حواء مثالية]

الحمدلله كلشي تمام ومن الاسبوع الجاي راح ابلش اجهز لعزوز ان شاء الله

بالنسبة لفطور برلنت بنوعلها مرات بعمللها كعك وحليب ومرات بيض مسلوق او مقلي مرات جبنه وزيت وزعتر او بسكوت ومرات ما بخصصلها شي شو بعمل افطور الي بفطرهاااا

حلالالالالالالالالالالالا وينك اليوم ان شاء الله يكون خف الصداع عندك

لولو وام عبدالله كمان

[لولو حمادة]

عيون المها
احمد ومحمد بخير
يعني مثلي ببقعد عند اهلي لمن اكون لوحدي نازلة

[عيـ‘ـون المهـ‘ـا]

عيون المها كيفك؟

ان شاءالله تتمتعى بالاجازه مع الاهل

الك زمان ما شفتيهم؟؟؟؟
يا هلآ دموع نورتـــي
انا بخير نشكر الله كيفـــك و كيف الامور الصغير اعتقد حكيتي
عندك ولد عمرو 3 سنين اذا مو غلطانه
حبيبتي الله يسعدك ان شاء الله تكون اجازه حلوه و ربي يديم اهلك و يخليلك اياهم
انا عاده كل 3 سنين بنزل بس الي هلآ تئريب ال2 سنتين ما شفتهم

[عيـ‘ـون المهـ‘ـا]

صحه و هنا على قلبها برلنـــت
ادم ما شاء الله كان اكلو ممتاز بس مع الاسنان مزاجو للآكل مو كتير
كتير اصناف بطل يحبها ]:

[جارة القمر]

يسعد مسااااااااااكـمـ،

دودو:

شكرااااااااا حبيبتي على الطريقة .......انا كماااان بنئعها بالتلاجة من الليل وبضبف الهاااا دبس الرمان
وبهار الشاورما وفلفل ابيض وكاري وملح ......كتير طيبه .........
بس قليل بعملهاااا ......

[فوفو89]

يسعـــــــــــد صباحكــــــــــــــم

شو بعدكم نايمين ؟؟

[مسك السنين]

مافي حد بالدوام الصباحي

[~{{ DoDo }}~]

صباح الخيييييييييير
شو هالكسل اليوم وينكم يا حلوين

مسك وفوفو يسعد صباحكم

حلا وام عبد الله ولولو ويييييينكم قلقتوني عليكم
مش متعودة افوت وما الاقي حدا ان شاء الله تكونوا بخير

[لولو حمادة]

صباح الخير

[فوفو89]

هلا دودو ومسك يسعد صباحكم

كيفكم اليوم

[فوفو89]

شو هالخمول اليوم ؟

جد مو طبيعي

[نور العمر]

مرحبا صبايا .... كيفكم

انا جديده هون بتابعكم من فتره ...

........

[لولو حمادة]

نور العمر هلا بيكي
فوفو كيفك اليوم انتي حكيتي انو اهلك بالامارات يعني بتيجي زيارات

[فوفو89]

اهلاى وسهلا فيك ياخت نور العمر

اختي لولو حمادة انا عشت كل حياتي بالامارات من الطفولة حتى التوجيهي بعدين كملت جامعة في فلسطين واتخرجت واتجوزت في فلسطين واهلي ظلو بالامارات لانه شغل ابوي هناك .. وبيجو هم زيارات على الضفة .. عندي هون خواتي مثلي اتخرجو واتجوزو هون

[beboo]

صباح الخير صبايا كيفكم

هلا بيك نور العمر نورتينا ياعسل

باقي الصبايا كيفكم وشو اخباركم

[مسك السنين]

بيبوو وين هالغيبةاشتقنالك كيف بيان طلع السنون وﻻ لسة


شووووطابخين سؤاال كل يوم

[مسك السنين]

نوور العمر منوووووورة

[دموع الليل]

مرحبا صبايا

منورين كيفكم؟

[مسك السنين]

تمام دموع اخبارك
من وين من غزة

[دموع الليل]

انا تل الهوى

وانتى؟

[حواء مثالية]

سلام عليكم جميعااااااااااااااااااااااااا

والله انا اليوم ما الي نفس بشي الوضع كثير سيء بالضفة

الله يغير هالحال باحسن حااال

[نور العمر]

ان شاء الله يارب يتغير الحال للافضل ويهدا الوضع ....

[جارة القمر]

مرحـــــــــبا.........

[لولو الفلسطينية]

مسا الخيييييييير
كيفكم و شو الاخبار ؟
ربنا يغير الحال للاحسن ان شاء الله
يسعد مساكم جميعا

[حواء مثالية]

هلالا صبايا الله يسمع منا يا رب

[جارة القمر]

نور العمر

هلااااااااا فيك بيناااا

[جارة القمر]

مالكم مكتئبين .........؟
========

جاي ببالي حلوووووووووووو

[دموع الليل]

خير صبايا مالكم؟؟

نور العمر اهلا فيكى

[حيفا]

مسا الخيرات صبايا


مااالكم يا حلوين نايمين اليوم

واخيرا نزلت الدورة وبألم مش طبيعي :) الحمد لله



شو اخباركم جميعا ؟

[جارة القمر]

شو طبختووووو اليوم؟؟

[جارة القمر]

حيفا::

منورة يااااااااا أأمر ...........

ما بعرف بسمع انه شرب القرفة،المرمية،اليانسون بينضفو الرحم وبيساعدوا تكون الاباضة اقوى

والله لما حملت بزيد استمريت بشرب القرفة+اليانسون+المرمية+البردقوش+وكنت حط فلفل اسود لمدة 2 شهور عشان
تنتظم الدورة و انضف الرحم منيح
ههههههه طلعت بشرب فيهم وانا حااااااااااامل ومش عارفة وكنت كتير ادائ منهم ......بس الاعشاب بتنفع وما بضر

يلا الحمد لله على كل حال يااا حيفا وربي يكتبلك الحمل عاجلا غير اجل

[Snowwhite-90]

يسعد مساكم صبايا ،، كيفكم يا حلوووين يا رب تكونوا كلكم بخير

حيفا حبيبة قلبي الف سلامة عليكي معلش يومين وبيخف الالم ان شاء الله ويا رب هالشهر تكون اخر دورة وما تشوفيها الا بعد 9 اشهر قادر يا كريم ياااا رب

باقي الصبايا منوووورين ،، امممم مين هووون :)

[Snowwhite-90]

الله يهونها على اهلنا بالضفة وينصرهم اميييييييين ياااااا رب

[حواء مثالية]

يسعد مساكم

بنات مين راحت على دكتور الاسنان وهي حااااااااامل اسناني رجعو يوجعوني وخايفه يزيد الوجع

[حواء مثالية]

ام جودي يسعد مساكي

[دموع الليل]

يسعد مساكم

[دموع الليل]

حواء

دكتور الاسنان ما بيقدر يعملك شى لانك حامل

هاتى من الصيدليه بنج مخدر موضعى بتحطيه على السن نفسه

بيخف الوجع شوى

[Snowwhite-90]

هلااا حواء كيفك يا قلبي ؟؟ وحشتيني ،، يسعدلي مساكي يا رب
حبيبتي انا بكل حمل بالشهر السادس بيسير عندي الم باسناني كلها وبروح للدكتور وما بيكون في شي بيحكيلي من الحمل كتيير في حوامل بيسير معهم الم بالاسنان ،، بس عالعموم اذا اسنانك فيهم شي طالما عديتي الشهر الرابع بيعملك اسنانك وما بيكون في خطر ان شاء الله والدكتور راح يحكيلك هيك ،، الف سلااامة عليكي يا عمري

دموع الليل يسعد مساكي ،، انتي جديدة هون ،، الف اهلا وسهلا فيكي يا قمر بيننا ان شاء بتنبسطي معنا

[حواء مثالية]

هلا دموع

حماتي بتقلي عادي لو رحتي عدكتور الاسنان بس انا خايفه

يارب يروح الوجع وما احتاج للمسكنات

[حواء مثالية]

تسلمي يا ام جودي

بكرا برن على دكتوري بشوف شو بحكيلي وبناء على كلامه بتصرف

[Snowwhite-90]

لا حواء ما تخافي انا مرة كنت مع بنت عمي عند دكتور الاسنان وكانت حامل بالخامس وكان لازم تعملهم وهي كانت خايفة يسير بالبيبي شي حكالها ما تخافي اول شي في بنج مخصوص للحوامل وتاني شي حكالها انه ما بنفع نترك الحامل تتوجع لغاية ما تولد عشان تعمل اسنانها
انتي روحي للدكتور واتوكلي على الله

[Snowwhite-90]

الله يسلمك حبيبتي كيفها برلنت ؟؟ع سيرة الاسنان هههههه كم سن صار عندها ؟؟ وكيف الوضع عندكم بالضفة ؟؟

[دموع الليل]

هلا ام جودى

انا جديده هون

كيفك؟؟

[حواء مثالية]

هيها بتسلم عليكي برلنت طلعت ثلث سنان والرابع على الطريق

[Snowwhite-90]

اهلااا اهلااا دموع ،، انا الحمدلله تمام حبيبتي كيفك انتي ؟؟ انتي من غزة ولا من الضفة ؟؟ وكام عمرك ؟؟ معلش كل فترة لما بفوت لهيك ما بعرف االصبايا الجداد هون ؟؟

[حواء مثالية]

الوضع كثير صعب هوووووووووووووووون الله يهونها

[دموع الليل]

انا من غزه وانتى؟؟

الله يهونها على اهلنا بالضفه

[Snowwhite-90]

حبيبتي برلنت الله يسلمها يااا روحي ،،، ما شاء الله الله يحماها يااا رب ويقومك بالسلامة يا حواء ،، احكيلي صيفتي ولا بعدك ؟؟ انا نزلت الصيفي ورفعت الشتوي بس خليت كام قطعة لانه الجو بين فترة وفترة بيبرد ،، حتى اليوم الجو بارد وفي هوا جامد والله

[Snowwhite-90]

الله يعينكم يا حواء ويوقف معكم وينصركم اميييين يااارب ،، هما اليهود كل سنة الهم قصة مرة بغزة ومرة بالضفة ،، الله ياخدهم ويريحنا منهم

دمووع انا من غزة يا عسل

[حواء مثالية]

انا عملت مثلك بس لسه مش كل البيت صيفت بس فرزت الاواعي وغيرت غرفة النوووم راح استنى لبداية الشهر الجاي مع انه كثير شوووب عندنا في بيت ساحووور

[Snowwhite-90]

دموع عرفيني عليكي اذا ممكن ،، عمرك وكام سنة الك متزوجة ؟ عندك اطفال ؟ دراستك ؟؟ هيك يعني ،، ع راي الصبايا بطاقتك الشخصية :)

[Snowwhite-90]

ههههههههه حواء سبحان الله انا كمان غيرت غرفة النوم قبل يومين وامبارح غسلت الستاير وعلقتهم تاني والسجاد لسا عالارض ان شاء الله لما ابدا البس الصيفي هرفعه ،، الي 4 ايام كل يوم غرفة ،، حاسة بنشاط مو طبيعي هههههههه ،، الجو عنا يوم هيك ويوم هيك بس هو لطيف نوعا ما

[Snowwhite-90]

اليوم الصبايا ابصر وين غاطسين

[حواء مثالية]

هههههههههههههه انا من يومين عملت هيك كنا كاينين متفقين انا كمان جاييني نشاط مو طبيعي الله يدمه علينا هههههههههههه

[حواء مثالية]

اي اختفاااااء غريب ليكونو مجتمعين بدونا وكلهم قاعدين مع بعض هلا هههههههههههههه خيالي واسع

[Snowwhite-90]

ههههههههههه والله دعوة حلوة يا حواء يااا رب يديميه علينا هالنشاط ،،

لا لا ما بيعملوها خيالك شطح كتييير يا حواء هههههههههه
اليوم الخميس وبكرة عطلة يمكن مقضيينها طشات وهيك

[حواء مثالية]

ان شاء الله يكونوا مبسوطين هاد اهم شي

بس والله الدردشة مو حلوه بلاهم

[فوفو89]

يسعــــــــــــــــد مساكــــــــم

كيفكم

شو بتعملو ؟

حواء اسم بنتك برلنت .. كيف بنطقوها الكلمة "برلنت " يعني كيف بتحكوها ..؟؟ اسم غريب

[حلا الماس]

مسا الخير ..

البنات الموجودات منورات كتير كتير

ام جودي .. حواء .. دموع .. يسعد مساكم

والمختفيين .. تعالوا طمنونا عنكم

[Snowwhite-90]

اي والله اهم شي يكونوا مبسوطين وفعلا صدقتي الدردشة مو حلوة بلاهم يلا بكرة ان شاء الله بفوتوا اكيييد الجمعة بيكونوا موجودين

اهلاااا فوفو كيفك يا حلوة ؟؟ منورة

[Snowwhite-90]

هلاااا هلاااا حلا كيفك ام خليل اخيييرا مسكتك ههههههه ،، كتيير بشوفك بتدردشي مع الصبايا ولما بفوت ما بلاقيكي ؟؟ كيفك يا قمر ؟؟ اول مرة نحكي :)

فوفو اسم برلنت غريب بس حلووو كتيير انا عجبني والله بحب الاسماء الغريبة ههههههه

[حواء مثالية]

هلا بلشو يلتموووووووووووو يا ام جودي منورة فوفو منورة حلا

فوفو اسم برلنت معناه اغلى انواع الماس قوة ولمعان

اللفظ بكسر الباء وفتح اللام وتسكين باقي الاحرف هههههههههههه اسمها رايق

[ام عبدالله لولو]

مساء الخير يا صبايا
يسعد مساكم الجميع منورات ياصبايا الله يديم اللمة الحلوة

[حلا الماس]

هلا فيكي يا ام جودي ... ههههههههههه والله انك عسل ضحكتيني

انا بتشرف بمعرفتك ....

دموع .. كيفك ؟؟ وكيف الحمل معك هالايام ؟؟

حواء .. ربي يخليلك اياه برلنت .. طمنيني عنك ؟؟ وعزوز كيفو ؟؟ شقي وبيرافس ولا كيف ؟؟

[حواء مثالية]

هلالالالالالا ام عبدالله

كيفو النونو اليوم انا عزوز رايق اليوم شكلو نايم وبالليل ناوي يصحى ههههههه

[فوفو89]

اها
تسلمي حواء النور نورك


وين يا ام عبدالله متأخرة اليوم
كيفك

[حلا الماس]

هلا فيكي يا ام عبد الله .. يسعد مساكي يا قمر

وين الك يوميين غاطسة وما بتطلي ؟؟

[ام عبدالله لولو]

هلا ام جودي شو اخبارك يا حلوة
حلا يا عسل ههههه جينا مع بعض كيف اولادة الشاطرين ناموووو ولا بعدهم
فوفو شو طبختي اليوم ههههه ما جيت اسئلك الله يسعد مساكي
دموع متورة حبيبتي الله يسعد اوقاتك

[حلا الماس]

فوفو هنا ... يا مرحبا يا مرحبا

منورة .. كيفك وكيف حملك ؟؟ بان معك جنس البيبي ولا لسه؟؟

[حواء مثالية]

يحلي ايامك يا ام جودي اناكمان بحب الاسماء الغريبة بس يكون معناها حلو او الها معنى هاد التعبير الاصح

حلا لسه بحكي لاام عبدلله عزوز راايق اليوم

برلنت الها ثلاث ساعات نايمه اذا صحت هلا راح تسهر صباحي

[فوفو89]

هههههههه
اليوم دوالي وانتي ؟

[im mohmmed]

مرحبا

كيفكم بنات شو اخباركم ؟؟

انا اليوم رحت ع الهلال الاحمر واطمنت ع البيبي وع حالي
بس طلع ضغطي جدا واطي 100/60

كتبتلي الدكتورة كمان فوار كلس وفيتامينات وفوليك اسد

بس بعرفش اذا بنفع اخد الفيتامينات عادي وانا باول التالت مين كانت تاخد فيتامينات او بتاخد

[حلا الماس]

ههههههههههه .. سبحان الله القلوب عند بعضها

لا ولادي الهم اكتر من ساعة نايميييين .. كنت عند اهلي اليوم وتعبوا غلى اد ما لعبوا مع اخوتي

يا دوب اخدت معهم الشغلة 5 دقايق الا هم بسابع نومة هههههههههههههه

[ام عبدالله لولو]

ههههههه تسلمي يا حواء الله يفرحك فيه ان شاء الله
هيني جيت يا فوفو الي بس بتسلي عن الطبخات يا معدلة ههههه
حلاا اليوم رحت ع الدكنورة والحمد لله كل شي تمام وكثير حركة الله يحماه
حواء والله الحال من بعضو ما بعرف انام ازا ع اليمين بحس حالي نايمه عليه وتزت ع الشمال نفس الشي بعين الله
دودو وينك حبيبتي يارب تكوني بخير انتي ولولو

[حلا الماس]

حواء .. ربي يتمللك حملك على خير .. وتفرحي بشوفتو بين احضانك يا رب

او عبد الله .. الله يطمنك عنو ويقيمك بالسلامة يا رب

[حلا الماس]

اتفضلوا عم باكل مخلوووووووطة .. يم يم يم من زمان وانا بتوحم عليها :)

[ام عبدالله لولو]

صحة وهنا فوفو انا طبخت ملوخية ههههه بتوحم عليه
حلا نوم الهنا الهم ان شاء الله انبسطي عند اهلك واكيد عيرتي جو بس اليوم بالخليل كثير في كان مظاهرات الله يعين
ام محمد يسعد مساكي الله يتمملك ع خير كيف وامك ان شاء الله احسن هي شو عنده الله يشفيه ويرد الاهله سالمة ومعافية يارب

[Snowwhite-90]

معلش غطست شوي ماما حكت معي
هههههههه حبيبتي يا حلا يسعدلي اياكي ويديم الضحكة عليكي يا رب
كيفك الكتاكيت الحلوين ؟؟ وكيف صحتك ؟؟ ويوسف الامور ان شاء الله مو معزبك ؟؟

هلااا ام عبد الله منووورة يا روحي شو اخبارك ؟؟

عنجد الصبايا بلشووو يلتمو يا حواء بنات حلال هههههههه
وانا كمان بحبهم الاسماء الغريبة الي بتدل على معاني حلوة واسم برلنت حلوة ومعناه راااائع

[حلا الماس]

تصبحوا على خير صبايا ..

عن ازنكم اجا ابو الشباب .. :)

[حواء مثالية]

تسلمولي يارب

ويفرحكم بحبايبكم

[ام عبدالله لولو]

صحة وهنا حلا شكلو الصبايا اطمنو انو في عيرهم وراحو

[Snowwhite-90]

صحتين وعافية يا حلا على قلبك ؟؟ بس معلش شو هي المخلوطة ؟؟ اول مرة اسمع فيها :)

[ام عبدالله لولو]

تسلمي يا ام جودي الحمد لله بخير انتي شو اخبارك الله يخليك امك يارب
حواء فعلا هي حلوة واسمه حلو هههههه زابطة معه بالتنين الله يحماه يارب ويخليلك اياه
حلا الله معك

[Snowwhite-90]

امممم معلش يا حلا بكرة ان شاء الله بنكمل حديثنا واكيييد انا تشرفت بمعرفتك حبيبتي

لا يا ام عبدالله نحنا هنا ههههههه طمنيني عنه عبودي ،، ان شاء الله مو معزبك

سلامتك ام محمد انتبهي من ضغطك وضلي اشربي عصاير ومي ،، انا متلك بحملي بعاني من الضغط المنخفض

[Snowwhite-90]

تسلميلي يا رب يا ام عبد الله ويخليلك احبابك يااا رب ،، انا جوعانة بس مو جاي ع بالي اكل شي :(( ،، بتعرفي شو هي المخلوطة :)

وينك حوائتي :( ؟؟؟؟

[Snowwhite-90]

انا بخيير طول ما انتي بخير يا عسل ،، البنات طلوا وراحوا :(

[ام عبدالله لولو]

الحمد لله بخير بس قصتي مع التهاب االبول ..الله يعزكم قصة بروح وبرجع هاي المرة الدكمورة حكتلي اشرب عصير بقدونس مغلي

[احساس أنثى]

مسا الخير صبايا كيفكم

انا كنت طول اليوم عند اهلي لهيك مابينت

[ام عبدالله لولو]

هههه الله يسعدك يا ام جودي هههه شكلك مش رح تنامي تا تاكليه هههه انا بعرف انها مكسرات ما بعرف ازا شي تاني وبتسمى مخلوطة

[ام عبدالله لولو]

هلا احساس منورة ان شاء الله انك انبسطي كيفو زوزو ان شاء الله بخير

[حواء مثالية]

ام جودي المخلوطة هي مكسرات لوز وكاشو وفستق وبزر وبندق وهكذاااااااااااا

[Snowwhite-90]

الف سلامة عليكي ام عبدالله ما تشوفي شر حبيبتي فعلا انا بسمع انه مغلي البقدونس منيح كتيير لالتهاب البول او عصير القصب ممتاز
اذا بتاكلي شغلات مالحة وهيك خففي منها واشربي مي كتييييير عنجد المي احسن علاج للالتهابات

اهلا اهلا ام الزوز منوووورة يا روحي كيفك ؟؟ ان شاء الله انبسطتي عند اهلك ،، انا توقعت انك طالعة لانك ما طليتي طول النهار ،،

[حلا الماس]

ام جودي ... صحيح كلام ام عبد الله مجموعة مكسرات محمصة لوز وفستق حلبي وكاشو وبندق وهيك قصص

احساس .... يسعد مساكي منورة وانا كمان متلك كنت عند اهلي

[حواء مثالية]

احساس نورتي يا عسل

[Snowwhite-90]

هههههههههه ام عبد الله عجبني اسمها والله،،، مخلوووطة :))

[Snowwhite-90]

يؤ يؤ يؤ طلعتوا كلكوا عارفينها الا انا :(
حواء وام عبد الله وحلا انا الي يومين مقضياها مكسرات لما زهقت منها ،، كنت بفكر انها شي اكلة عشا خفيفة هههههههههه يسعدلي المثقف انا :)

[Snowwhite-90]

ههههههه لا ما بدي يا ام عبد الله بطلت :( اصلا انا خايفة من اليومين الجايين وجهي هيسير تحفة من الحبوب الي هتنتشر فيه من المكسرات :(

صبايا مخططبن شو تعملوا بكرة غدا :(
عنجد الغدا شي بحير وخصوصا الجمعة بتحتاري شو تعملي بالدجاجة :)

[ام عبدالله لولو]

ههههه طلعتي بدوري ع عشا هههههه انا ما تعشيت مع اني جعت ههههههه دكتورتي حكتلي زايدة 3ونص كيلو بالشهر هاد ههههههههه

[Snowwhite-90]

حسوسة وين رحتي طليتي وطلعتي

[ام عبدالله لولو]

الله يسعد مساكي يا ام جودي والله انك عسل ههههههه ضحكنيني يالدجاجة ههههههههه
مش عارفة والله بس لبكرا بحكيلك

[Snowwhite-90]

هههههههه اه والله بدور على عشا يا ام عبد الله زهقت من الاكل الي بالبيت

[ام عبدالله لولو]

انتي باي شهر ام جودي

[حيفا]

سلام من صبي بردي ارق :)
کيف الصبايا الحلوين? ? کلکم کاينين عند اهاليکم هههههه انا بکرا رايحه واحتمال انام کمان
خفت عليکم اليوم ولا حدا طل ولا حدا خبر هههههههه

[Snowwhite-90]

ههههههههه الله يجعل الضحكة ما تفارقك يا رب ،، حبيبتي يا ام عبدالله كلك زوق انتي العسل والله

ما شاء الله 3كيلو ونص كتير على شهر واحد ،،انتي باي شهر هلأ حبيبتي

[حلا الماس]

ههههههه والله انك عسل يا ام جودي

بكرة ما بدي اعمل جاج .... جوزذ معزوم علا الغدا بعرسيين وانا بدي اعمل صينية سمك بليمون وطحينة

[Snowwhite-90]

انا هلأ بالشهر الرابع يا ام عبد الله ،،
هلااااا حيفا حبيبتي اخيرا طليتي كيفك يا قمر ،، وحشتيني والله ،، بتمنالك يوم حلو ان شاء الله تقضيه مع اهلك :)

[ام عبدالله لولو]

الي داخلة بالخامس اسبوعين ههههههه الله يسعدك يارب
حيفا منورة ياعسل شو اخبارك ما ينشغل بالك ع غالي يارب شو اخبارك طمنيني عنك ان شاء الله هالشهر بضلي حامل يارب

[Snowwhite-90]

ههههههههههه حبيبتي يا حلا والله انك انتي العسل ،، كلك زوووق يا احلى ام خليل ،، اممم بحب السمك كتيييير ،، الف صحة وهنا يا قلبي

[حلا الماس]

لا انا طالعة تصبحوا علا خير وليلة سعيدة بتمناها الكم


ماتحكوا كتير ... وادخلوا بكرة كلكم عشان مشتاقتلكم

حيفا .. تتهني عند اهلك يا روحي

[حيفا]

هلا حبيباتي ام حموووده وام خليل وام عبد الله وکمان ام عزوز هههه
انا بخير الحمد لله مشتاقتلکم کومايات
بي يسعدکم ويخليلي ياکم يارب
کنت بدي اروح عند وحده تعمللي قفل ضهر ومساج بس قال ما بنفع لانه صار حمل لو ماصار بالمره بعملولي, يعني هالحمل اللي صار باکد اني سليمه وحتي المره اللي کنت بدي اروح عندها قالت لامي بعد اربعين يوم من الاجهاض رح تحمل کيف وليش هيک حکت اللله اعلم انا تفائلت لانها بتخاف الله وبتقرأ قرآن خلال علاجها ومابتاخد فلوس

ربي يکتب اللي فيه الخير يارب ويکتبلي ربي اصير ام محمود ههههه مع اني بحب البناااااات اکتر ههههه

[Snowwhite-90]

ما شاء الله الله يتمملك بخير يا ام عبد الله ويقومك بالسلامة انتي وعبودي ،، يلا هانت حبيبتي سبحان الله الايام بتجري ،، قبل فترة كانت دودو ولولو بالشهر الثالث وهلا ما شاء لا قوة الا بالله صاروا بالسابع وكلها شهرين ويشرفوا عمورة و ........
هههههههه مش عارفة لولو شو هتسمي بنتها

[Snowwhite-90]

حبيبتي يا حيفااا ويخليلنا اياكي ياااا رب ويسعدك دايما
معلش حبيبتي اصبري هالفترة وربي ما هيضيعلك تعب واتفائلي خير

[Snowwhite-90]

صبايا انا هستاذن منكم لانه حمودي نعس كتييير هعشيه وانيمه واتعشى انا كمان وانام ،، تصبحوا على خير واشوفكم بكرة ان شاء الله
احلام سعيدة حبيباتي ،، انبسطت كتير معكم سلاااام

[جارة القمر]

صباااااااااااااح الخير ..........

مشتهيه انااااااااااام في يوم العطلة بس زيد نشيط مع اني امبارح سهرتوووو .........

حواء:

امبارح سهرنا انا والاولاد وزوجي ببيت لحم وتعشينا بkfc كنتاكي هاد تاني مره بنجيه اول مره ما حبيتووو من كتر العجئه
بس امباااارح انبسطناااا لانه ما في كتير ناس..........والاكل كتير طيب ..........جربيته .؟؟؟!!

----------------------
-------------------
----------------
شجعتوني افك البرادي واغسلهم بدهم والله ..........
بس بفكر ابعتهم على الدراي كلين هم والسجاد لانه الجو مش مشجع لاغسلهم انا ...........
بستغل فرصة المطر لحتى نضف الشبابيك لاني ساكن بعمارة وصعب كب مي هلا بالشتااااا بفركهم وبكب مي براحتي
وبس يوئف الشتا بضل علي لمعهم بالاجكس ........

والكم بجد شجعتوني .........خليني روح ابدا هههههههههه تعو ساعدوني

[احساس أنثى]

صباح الخير مين قام ع الدوام الصباحي متلي :)
ماشالله كاينين سهرانين وبتحكوا راحت عليا السهره ماتوقعتكم سهرانين

تعالو تغدو معنا يلي مش عامله غدا عاملين بيتتتتتزا

[نور العمر]

صباح الخيرررر ... كيفكم اليوم

ربنا يقويكي يا جارة وتخلصي شغلك بسرعه بدك مساعده نحنا حاضرين لانو اليوم مش مفكره بشغل شي صارلي اسبوع عامله

حمله تنظيفات جووزي بحكيلي اليوم اجازه من التنظيفات لانو بكون بالبيت ومابحب دوشة شغل خخخخخ

بدي روح اعمل فطور وبعدين بشوفكم ... اتفضلو افطرو معي ... مشان اتغدا معكم خخخخخ ....

[لولو الفلسطينية]

صباح الفلللل
الله يسعدهم السهرانين ههههه
ام عبد الله سلامتك من الالتهاب بس حاولي تشربي مية كتييييير على قد ما بتقدري
و ربنا يتمملك على خير
كل الصبايا يسعد اوقاتكم يا حلوين
نور العمر صحتين عالفطور ههههه انا افطرت قبلك
احساس صحتين عالبيتزا
انا كمان ما بدي اطبخ لانا اليوم معزومين كلنا عند اهلي
في حد صاحي و الا لسا ؟

[لولو الفلسطينية]

جارة يللا شدي حيلك و تشتغلي هههه بلا كسل
انا رتبت خزاين غوفة النوم كلها و خزاين المطبخ نضفتهم و رتبتهم و البرادي غسلتهم و غسلت الشبابيك يعني تقريبا ما ضل شي
و زوجي الله يخليه ساعدني في كلشي بس طبعا ما عملنا كل هاد بيوم واحد
بس ارتحنا من الشغل الي ما بيخلص

[احساس أنثى]

نور العنر انتي جديده بينا ؟؟
يعطيكي العافيه يالولو

[لولو الفلسطينية]

الله يعافيكي احساس
كيفك و كيفو زوزو ؟؟

[حلا الماس]

صباح الخير ... جمعتكم مبارمة يا رب

هلا جارة يسعد صباحك ويعطيكي العافية سلف

نور .. صحتين حبيبتي .. منورة

احساس .. كيفك وكيف وزو ...صحتين عالبييييييتزا

لولو ... واخيرا طليتي ... وين كنتي غاطسة ؟؟؟
كيفك وكيف الحمل ؟؟ طمنيني عنك


دودو .... ام عبد الله... ياكسلانات تعالو بلش الدوام


باقي البنات بدون ذكر اسماء بلاش انسا حدا .... يسعد كل اوقاتكم

[Snowwhite-90]

صباحكم فل وجوري ،، جمعة مبااااركة على الجميع

كيف اصبحتم ؟؟ منورييين صبايا ،،

جارة يسلملي النشيط انا ،، يعطيكي العافية يا عسل ويقويكي ،، احلى شي هون انه بنشجع بعض على كل شي حلو ما تتاخري علينا

نور العمر مية اهلا وسهلا فيكي يا قمر بينا ،، ان شاء الله بتنبسطي هون

حسوسة الحق عليكي انتي امبارح طليتي وطلعتي ع طول ،، يسعدلي هالصباح الحلو يا ام الزوز ،، بوسيلي زوزو حبيبي والف صحة وهنا عالبيتزا بحبها كتيييير :))

لولو يا لولو ،، يسعد هالصباح ،،حبيبتي شو اخبارك ؟؟ وشو عاملة بالحمل ؟ صحيح ما قررتوا لهلا شو هتسمي بنوتك ؟؟

باقي الصبايا وينكم ؟؟؟

[Snowwhite-90]

ييييييي حلااااا انتي هون ،، يسعد صباحك ،، مية اهلا وسهلا حبيبتي كيفك ؟؟ وكيفهم الكتاكيت اليوم

[حلا الماس]

يا هلا يا هلا .. ام جودي نشيطة اليوم

يسعد هالصباح يا رب منورة ..

[احساس أنثى]

تسلمولي ياحلوات :) زوزو بخير الحمد لله لسى نايم

ام جودي ماتوقعتكم سهرانين :) كيفك انتي وكيف النونو باي شهر سرتي ؟

[حلا الماس]

هلا فيكي .. تسلميلي يا رب

انا منيحة الحمد لله .. وولادي بخير

انتي شو اخبارك ؟؟ شو في معك ولاد ؟؟ وكم حامل هلأ؟؟

سوري لانو انا ما بعرف عنك كتير ... عرفيني عليكي .. هاتي الهوية

[Snowwhite-90]

حبيبي زوزو الله يسعدو هالملاك الامور ،، ونوم العوافي يااا رب ،، مو مشكلة اليوم بتسهري معنا ههههههه ،، هلا انا بالرابع

حلا يا عمري تسلميلي ياااا رب اكيييد النور نورك ونور حسوسة والصبايا الحلوين

انا يا ستي من غزة وعمري 22 وبدرس لغة عربية وعندي ولد اسمه محمد عمرو سنة واربع شهور وهلا حامل بالرابع ،، والبكر عندي كانت بنوتة بس توفت وهي عمرها 7 شهور اسمها جودي لهيك اسمي ام جودي لانه بعرف هتستغربي انه عندي محمد واسمي ام جودي :)
وبث :)

[Snowwhite-90]

حسوستي انا تمااام الحمدلله يا قلبي والنونو كمان ممتاز الحمدلله ،، كيف استعدادك للامتحانات تبع التوظيف ؟؟

حلاااا بوسيلي اياهم حبيباتي ،، انا قرات قبل هيك انه عندكم ارض قريبة من البيت ،، بتروحوها كل يوم ولا يوم الجمعة بس متل اهلي ،،

[حلا الماس]

اها .. حبيبتي ام جودي

الله يرحم بنتك ويجعلها شفيعة الك يا رب .. ويخليلك محمد وتفرحيب فيه ويتمملك حملك على خير يا رب

ربي يوفقك بدراستك وتتخرجي على خير ..والعمر كلو يا رب

[حلا الماس]

اها صح في النا ارض جنب البيت

هي مزروعة وفيها شجر .. يعني ما بنطلع كل يوم

بس لو نزلنا نقعد بالساحة باب البيت بتكون مطلة على الارض ... حماي ما بحب يطلعوا الولاد عليها لانو فيها شجر صغير بلا ما يخربوه او يكسروه

من يوميين طلعنا لقطنا اللوز .. ولسه باقي على الشجرة كتييييييييييييييير

[Snowwhite-90]

يا حبيبتي يا حلا تسلميلي يااا رب ،، كلك زوووق والله،، ما بعرف غير انك من الخليل وعندك خليل وحلا وماسة ،، ويوسف عالطريق الله يجيبه بالسلامة ويفرحك باحبابك يااا رب ويسعدك ،، بس ما بعرف عمرك واعمار الكتاكيت الحلوين

[Snowwhite-90]

احلى شي الارض لما تكون مزروعة ،الله يديمها هالنعمة ،، اممم اللوز الاخضر ؟؟ كتيييييير لزيز ،، بتزكر قبل ما اتزوج كنا نروح كل جمعة على الارض ويعلموا مشاوي هناك ونضل من الصبح للمغرب او العشا ونروح احلى يوم بالاسبوع والله هههههه حتى بعد ما تزوجت بروح معهم بس بطلوا العادة هاي صاروا كل فترة يروحوا مو كل جمعة ،،

[حلا الماس]

الله يسلمك ويخليلك حبايبك .. ♥

يعني بدك الهوية ...

يا ستي انا لسه ما كملت 24 سنة .. بكملهم بشهر 8

انا متزوجة وعمري 16 .. وبشهر 9 بكمل 8سنين زواج ... حملت بعد سنة من زواجي

عندي ماسة البكر كمان شهر بتكمل 6 سنين .. وحلا عمرها 4 سنين ونص .. وخليل سنتين ونص

مش مكملة دارستي وس هادا هو .. :)

تعي قوليلي ما قررتي شو بدك تعملي بالجاجة اليوم ؟؟؟

[Snowwhite-90]

الله يطول بعمركم يا رب انتي واولادك ،، ويخليلك اياهم ويفرحك فيهم ما شاء الله بيكونوا شباب وانتي لسة صغيرة ،،
ههههههههه اااااخ منها الدجاجة هادي ،،، اممم بفكر احشيها خضار واحطها بكيس حراري وبالفرن اريح شي ههههههه ،، زوجي بحب اكتر شي المقلوبة بس بنص الاسبوع عملتها

[Snowwhite-90]

حلا حبيبتي بدي اسألك انتي اولادك وهما صغار كانوا ما يناموا الا لما تهزيهم ولا بتحطيهم بسريرهم وبيناموا لحالهم من دون هز ؟؟

[حلا الماس]

تسلمي .. والله انك حبابة ودمك شربات :)

صحتين وعافية سلف عالاكلة .. انا اليوم بدي اعمل اكلة زوجي ما بيحبها

مستغلة الفرصة لانو معزوم بعرس ومش رح يتغدا بالبيت ...

عن ازنك انا طالعة ...برجع بالدوام المسائي

سلالالالالالالالالالالالالالالام

[Snowwhite-90]

البنات ابصر وين راحوا اجوا صبحوا وطلعوا ،، ودودو كمان اليوم مو موجودة :(

[Snowwhite-90]

هههههههه حبيبة قلبي يا حلا يخليلي اياكي ياااا رب ،، خلص اوووك حبيبتي بشوفك المسا ان شاء الله ،، وصحة وهنا على قلبك

[حلا الماس]

لا .. كنت ما اهزهم كتير

لما كانوا يرضعيوا كانوا يناموا وهم يرضعوا وانيمهم بالسرير بدون هز ...

بس بعد الفطام كنت انام جنبهم لحد ما بناموا .. ومرات هز .. عندي حلا كانت نكدية بشكل فظييييييييع عملتلها مرجوحة وهي عمرها 3 اشهر

[Snowwhite-90]

ههههههههه حلا متل محمد كان نكدي وهو صغير كتير بس هلا بحسه اعقل من اول ،،، ما بدي ااخرك حبيبتي اذا وراكي شي :)

لا تتاخري المسا :)

[نبض قلب]

كيفكم

تعالو اشطفو الدار معي هع هع هع

[فوفو89]

يسعد صبااحكم صبايا

كيفكم اليوم

جمعة مباركة ان شاء الله

انا بدي اعمل لحمة مع خضار شوي بالفرن للغدا اتفضلوو

[احساس أنثى]

انا جيت ساعدت حماتي وغيرت لزوزو ونيمتو وارجعتلكم
ام جوووووووديً
اه منو امتحان التوظيف والله دراستي مش نافعه يوم بدرس و10 لا والعم الاكبر هلا في امتحان لمزاولة المهنه

[احساس أنثى]

صحتين يافوفو

[لولو الفلسطينية]

بخخخخخ
انا ر جعت تسلمو حلا و ام جودي انا بخير و مشتااااااقتلكم يا حلوات و البنوتة بخير هههه شكلها رح تطلع بتحب السهر
و بالنسبة للاسم ههههه لسا محتارين
فوفو صحتين عالغدا يا حلوة
احساس ان شاء الله تكوني دايما بخير
جوزي طلع مع ابوه عالصلاة و بعد ما يبجو بنروح عند اهلي

[نور العمر]

مرحبا ...

اه يا احساس انا جديده هون ...

شو عاملين غدا اليوم ... الواحد يوم الجمعه ما بفضى ههههه على اساس ما عندي شغل بالبيت رحت طلعت مليون شغله ما بعرف

اقعد الا اشتغل خخخخخ ....

[لولو الفلسطينية]

اهلين فيكي نور العمر منووووورة
يعطيكي العافية

[احساس أنثى]

هلا بيكي نور العمر بينا

[احساس أنثى]

لولو امك ع شو عزماكي فضوليه اه هههههههه

[لولو الفلسطينية]

ههههه امي اليوم عاملة عزومة لعمامي و عماتي كمان يعني عزومة كبيرة وبدهم يعملو قدرة خليلية و امي بالبيت بتعمل ورق عنب
هههه اتفضلي ♥

[حواء مثالية]

سلام عليكم

جمعتكم مباركة

لهلا ما عملت شي غير افطررررررررررررت

نحنا غدانا قدرة اليوم

[جارة القمر]

ارجعت............

والله يااااااااا بنات ما بعرف شو مالي مش قادره احمل بايدي اي شي .........وضهري دبحني

والله لو اني مو حاطه مانع كان فكرت حالي حامل دايخه معدتي بتوجعني هزلانه .........

ختيرت اناااااااااااا.............:(

بدي روح ناملي شوي بلكي رجعت لطبيعتي .............بس زيود ما بدو ينام

عملت اليوم قدرة .............

[احساس أنثى]

ياسلاااااام مافي بعد قيلولة يوم الجمعه الها طعم تاني :)

ماشالله الكل عامل قدره
بس شو هيا متل الرز المقدر وبتسموها قدره ؟؟؟

سلامتك جااااره يمكن لفحة هوا

[لولو الفلسطينية]

احساس ههه القدرة هاي رز مع سمنة بلدية و اللحمة بتكون مشوية و محمرة بطريقة زاااكية بس احنا ما بنعملها بالبيت في افران بتكون خصوصي للقدرة

[احساس أنثى]

اهااااااااا

صحتيييين ع قلوب الصبايا

[احساس أنثى]

لولو شو جابك سايبه اللمه
انا بحب متل هاللمات :)

[beboo]

مسا الخير ياصبايا كيفكم

شو قصة القدر اهلى كمان عاملين قدر بس احنا عاملين سمك

[جارة القمر]

القدرة:


نحن عنا بنعملهااااا والشي الاساسي فيهاااا الثوم ......بتنعمل بجاج او لحمه انا عملتها اليوم جاج مشوي
وبتقلي تومه وحطيت شوية بصل مع حمص وبينحط فيها جزر بس ما حطيت وبعدين بضيفي الرز واهم شي لبهارات
وهاد هي ...........

[دموع الليل]

يسعد مساكم

صحه وعافيه لكل الصبايا

[حواء مثالية]

وووووووووووووووووووووووووووووويننكم

[فوفو89]

يسعد مساكم


كيفكم

[جارة القمر]

بتحضروووووو عرب ايدل

[احساس أنثى]

مسا الخير

عم بحضر ارب ايدل

[نور العمر]

مسااااا الخير ...

كيفكم ...

[احساس أنثى]

هلا جاره البنات مش سهرانين عشاني موجوده !!!

[نور العمر]

صباح الخيرررر ... كيفكم ... وين غاطسين من امبارح

تسجيل اول حضور صباحي ...

[beboo]

صباح الفل هلا نور العمر كيفك وكيف صبحتي

اليوم الجو كتيير حلوو ربيبعي

[نبض قلب]

تالت ححضور كيفكم

يا رب بصحة و عافية

[احساس أنثى]

صباح الفلاناالمفروض اليوم عندي دوره بس مارحت مش عارفه اقعد
زياد نيمني ع 3 وماقدرت اصحى ع 7 ولحتى الان راسي مصدع

[agan]

صباح العسل لأحلى صبايا

[فوفو89]

صباحووووووووووو صبايا

كيفكم اليوم

[agan]

الحمد لله فوفو

[فوفو89]

agan دوووووووووم يارب

[احساس أنثى]

مال الصبايا في اختفاء الهم يومين ؟

[لولو حمادة]

صباح الخير

[فوفو89]

احلى شي انو ما بدي اعمل غدا

لانه دار حماي عاملين عشا مفتول وعازميننا

[فوفو89]

احلى شي انو ما علي غدا اليوم

لانو دار حماي عاملين مفتول ع العشا وعازميننا

[جارة القمر]

مرحـــــــــبــــــــــاا

احساس::

شعور صعب الواحد ما يكون شبعاااان نوووووم دمار حاسيتو انا هالشعور


اليوم بدي روح على بيت اهلي............

[احساس أنثى]

اه والله ياجاره ماقدرت اقوم من نعسي
تتهني عند دار اهلك

فوفو المفتول عشااااا الله يعينكم تقيل بس برضو زاكي ابعتيلي :)

[مسك السنين]

بببببببببخخخخ

هبوش عسولة غموض بينك
افتقدكم


متابعة بصمت

[نور العمر]

باااااااك

سجلت الحضور صباحي وقطعت الكهربا بعدها ...

كيفكم ...؟

[نبض قلب]

نور العمر اهلا بيكي

ممكن بطاقتك الشخصية ههههههههههه

[نبض قلب]

بننات

بعد يكرة ذكرى زواجي مممممممم

ممكن تمدوني بافكار من ابداعاتكم

[نور العمر]

هههههههههههههه ممكن ما تغلا عليكي ...

انا نور العمر من فلسطين _ غزه

العمر 25 وعندي ولد عمره 3 سنين يعني بعد شهر ونص بكمل ال 3 سنين ان شاء الله

وحاليا حامل بالشهر التاسع ...

[احساس أنثى]

ماشالله نور يعني ع وشك ولاده انتي. ؟

نبض عايزه تعملي احتفال بالبيت واطفالك ؟ ولا حلبه تسهري بره !
اذا سهرتي بره خدي هديتك واعطيلو اياها وانتو بالمطعم
واذا بالبيت شموع وقالب كيك ولبس وانتكه وبتقضو احلى ليله

[نور العمر]

اه يعني صارلي 5 ايام بالتاسع .... أن شاء الله ربي يسهلها على خير

هالمره عديت 5 ايام لما كنت حامل ب ابني جبتو ب اخر يوم بالتامن جاي مستعجل ..

[نبض قلب]

نور عفكرة انا بحب اسم نور بالسلامة با رب بالولادة
مه
احساس عالاغلب بالبيت ممممم اولادي بنيمهم بدري يومها

[نور العمر]

يحلي ايامك يارررب


شو مال الصبايا اليوم نايمين ..؟

[وردة سورية]

السلام عليكم ورحمه الله وبركاته
http://forum.hwaml.com/t248383.html (http://forum.hwaml.com/t248383.html)

[احساس أنثى]

الصبايا من يوم الخميس مش مبينين

نور ربي يقومك بالسلامه يارب

نبض جيبي بوكيه ورد حطيه ع السرير وحطي جواه بطاقه واكتبي يلي بدك ياه
او انثري ورد ع السرير وحطي الهديه في وسط السرير
اعملي قالب كيك او اشتريه واكتبي عليه زواج سعيد حبيبي وببسي وزيني كاسات العصير
او اعملي عشا خفيف جيبي كباب او سنتشل وسلطات وحمص وتبوله ومقبلات وحطي بينهم شموع
ممكن تنثري بلالين ع ارض الغرفه او ع ارض غرفة السفره
كمان ممكن الصابونه يلي برشوها ع العريس بالسهرات بتلاقيها عند 2 ونص ممكن تشتريها وتكتبي ع اي حيطه عندك مثلا اول مايفوت البيت يلاقيها قدامو كلمة بحبك او لشتقتلك :)
ممكن تعملي اجواء بالحمام عبي البانيو ميه وانثري ع وش الميه ورد ملون وشمعتين يلي بنحطو بالشنعدان ع حفةالبانيو وعمراية الحمام بقلم الروج انت عمري او اي شي بخطر ببالك ممكن ترسمي بوسه

هيني عصرتلك مخي هههههههههه شوفي يلي بناسبك وزواج سعيد :)

[نبض قلب]

شكرا احساس افكار روعة
ان شاء الله اطبق بعضها


احلى عصير لمخك ههههههههععععععععع

[نور العمر]

نبض واحساس انتو من وين..؟؟

يعني من الاخر بطاقه شخصيه لو سمحتو ..

[نور العمر]

احساس لو سمحتي بدي تعصريلي مخك شو ي هههههه لانو محتاره شو بدي سمي البيبي

هو بنوته ...

[نبض قلب]

انا من غزة عندي بنت ((ليان) عامين) و ولد ((رفيق 11 شهر)) عمري 22

[دموع الليل]

يسعد مساكم

منورين

[نبض قلب]

و مساك دموع الليل

مممم بطاقتك الشخصية هههههههههههههه

[دموع الليل]

ههههه

انا من غزه عندى ولد عمره 3 سنين

وحامل فى الشهر الخامس

[احساس أنثى]

نور العمر انا من غزه عمري 24 بس بسى ماطبقتهم :) بصفر بحالي
عندي ولد عمرو 8 شهور متجوزه الي سنتين دارسه اجتماعيات من الجامعه الاسلاميه :)
اي شي تاني احنا جاهزين :)

اسماء بنوتات ( ميار / نغم / ريتاج / جنان / انا حاطه ببالي اسم غرررررااااام بس احمل ان شالله )

[حواء مثالية]

هايااااااااااااااااااااااااااااااات

[احساس أنثى]

هلا حواء
حاسه حالي مرابطه هون

[حواء مثالية]

مش عوايدكم يا بنااااااااااااااات طولتووووووو الغيبة

[حواء مثالية]

مممم انا كل النهار بالسووووق الساعة 5 روحت هلكت

[نور العمر]

نور العمر انا من غزه عمري 24 بس بسى ماطبقتهم :) بصفر بحالي
عندي ولد عمرو 8 شهور متجوزه الي سنتين دارسه اجتماعيات من الجامعه الاسلاميه :)
اي شي تاني احنا جاهزين :)

اسماء بنوتات ( ميار / نغم / ريتاج / جنان / انا حاطه ببالي اسم غرررررااااام بس احمل ان شالله )

عجبني اسم غرام انا جاي ع بالي اسم (( سيلا )) بس اهلي مش عاجبهم الاسم hwaml15

[نور العمر]

مين بعرف اسماء دكاترة نساء وتوليد..؟؟ بس بشرط بكونو بشتغلو بقسم الولاده بالشفاء ...

[حلا الماس]

مرحبا ... مسا الخير صبايا

كيفكم طمنوني عنكم .. ؟؟؟

انا تعبانة وحلقي بيوجعني وعندي صداع وزكام بشكل رهيب

مين الي هون ؟؟

نور العمر هلا فيكي .. منورة حبيبتي .. الله يخليلك ابنك ويقيمك بالسلامة

احساس .. مممممم ما كنت بعرف انك قدي .. وانا كمان لسه ما كملت 24 .. انتي باي شهر تاريخ ميلادك ؟؟

حواء .. كيفك ؟؟ شز كنتي تعملي بالسوق .. ولا من شان عرس سلفك ؟؟ قوليلي لقيتي متل ما بدك ؟؟

[حواء مثالية]

سلامتك حلالالالالالالالا

اي والله جهزت للسهرة اليوم باقي يوم العرس بدي اشوف فستان هلا

[حلا الماس]

الله يسلمك يا حواء .. ما تشوفي شر يا رب

مبروك الي جهزتيه .. الله يكون بعونك اللف بالسوق متعب يعني مع اللبسة بدك شوز واكسسوار وكلو بدو لف

[حلا الماس]

شو وين راحوا الصبايا ؟؟

الارب ايدول لسه ما بدا ...

[حواء مثالية]

اه والله يا حلا كمان شريت لبرلنت للسهرة ولزوجي

مختفيين البناااااااات

[حلا الماس]

حواء ..

مبروك المشتريات ويا رب تلبسوهم بالعافية . عقبال فرح برلنت

وئتيش عرس سلفك ؟؟

يا رب يكونوا الصبايا بخير ويجوا يطمنونا عن حالهم

فوفو .. لولو .. دودو .. او عبد الله .. جارة .. بيبو .. حيفا .. غموض .. انبثاقة .. عسولة .. ام جودي .. بينك .. لولو حمادة .. ام محمد ..

وكلكم كلكم ,, يا رب ما اكون نست وحدة فيكم .. والدردشة مش حلوة بدونكم

[احساس أنثى]

التهيت بارب ايدل

نور العمر كتير حلو اسم سيلا بس شو معناه ؟؟

حلا انا بشهر 11 بكمل ال24

[نور العمر]

معناه الحنين للوطن ...

[حواء مثالية]

حلالالالالا العرس الشهر الجاااااااي


الله يهنيكي يا رب وعقبال اولادك

[احساس أنثى]

حلو الاسم كتير انور ليش اهلك معارضين

[نور العمر]

اخواتي بكرهو الاسم من مسلسل سيلا التركي ...

شككوني بحالي شوي وكرهت الاسم خخخخ ...

[نور العمر]

تصبحو على خير ... مش قادره افتح عيوني .. اشوفكم بكره ان شاء الله على خير

احلام سعيده ...

[احساس أنثى]

هههههههههه ع فكره يانور العمر الكل سار ياخد الاسماء من المسلسلات التركيه

تلاقي من الله خير وانا كمان حقول تصبحون على خير

[حواء مثالية]

الساعة هلا 4 الصبح برلنت سخنة زي النااااااااااااااااار حطيتلها تحميلة وناطرة تنااااااااام لهلا مو نايمه انا هئ هئ هئ

فداها عمري بس تطيب

[Snowwhite-90]

صباح الخير
حبيبتي حواء الف سلامة عليها برلنت الحلوة ضلي اعمليلها كمادات وخديها عالمغسلة وبردي رجليها وايديها ،، كله من التسنين اكيييد محمد هيك كان ولحد هلا كل ما يطبع طاحونة بيسخن زي النار بسير ،، الله يعينا ويعينهم الصغار ما تقلقي هلا التحميلة بتروقها
ع فكرة انا متلك مو نايمة متباعة الحرب الالكترونية ع اسرائيل ههههههههه الهكر العربي عامل هجمات على مواقع اسرائيلية مهمة وخطيرة

[لولو الفلسطينية]

صباح الخير
نبض
كل عام و انتو بخير و العمر كله مع بعض بسعادة ان شاء الله
حلا
الف سلامة عليكي ما تشوفي شر
نور العمر
يللا هانت ما بقى الا القليل الله يقومك انتي و البنوتة بالسلامة ان شاء الله
حواء
الف سلامة عليها برلنت الامورة الله يحميها و يخليلك اياها
ام جودي
منووورة يا حلوة .... الله يقومك بالسلامة
دودو و عسولة و ام عمر التنتين و بينك و ام عبد الله و ام عزمي و هبوش و عيون المها و انبثااااقة و كللل المختفيات ويييينكم يللا تعو طمنونا عنكم
وو الباقيين كلهم ربنا يسعد ايامكم و يحقق امانيكم
انا امبارح رحنا انا و زوجي على السوق و شرينا كم شغلة بس لهأ راسي بدو يتفجر و حاسة عيوني رح يطلعو و المشكلة مش لااااازم انام لأنه عندي درااااااسة
اصلا الصداع صارلو كم يوم بيلعب فيني بس ان شاء الله خير
يللا صبايا انا بس اجيت اشوف اخباركم و اسلم عليكم و اروح لانو عندي دراسة
موفقين

[احساس أنثى]

صباح الخير
سلامتها ياحواء الف سلامه عليها ليش ؟؟ هيا سننت صح !!

ام جودي انا توي لما صحيت شفت الاخبار

[نور العمر]

صباح الخيررر للجميع ... كيفكم اليوم ..؟؟ صاحيه من النوم ونعسانه اليوم عندي كسل وخمول عكس كل يوم ههههههه

الف سلامه على برلنت ان شاء الله تكون احسن بعد التحميله ...

لولو الفلسطينيه ... ربنا يوفقك بالدراسه وتنجحي ...

[احساس أنثى]

اولها يانور للعمر شويه بتصحصحي

[حلا الماس]

صبااااااااااااااح الخير ...

كيفكم اليوم يا حلوات

الله يسمعنا الاخبار الطيبة .... قولوا امييين شفتوا عمايل الهكرز ما احلاها ....

حواء .. سلامتها برلنت طمنيني عنها كيف صارت هلأ ؟؟

لولو .. الله يوفقك بدارستك ويفتحها عليكي يا رب .. وسلامة راسك من الصداع

احساس .. منورة .. يسعد صباحك

نور .. صباح الخير .. الجو بيلعب دور بالموضوع وبيخلي الواحد يكون مكسل مرات .. بيعين الله حبيبتي

وين الباقي ؟؟؟

[حيفا]

صبااااحو صبايا ، كيييفكووووم ، شو اخباركم

اشتقتلكم ، كنت عند اهلي يومين لهيك ما طليت :)

عندي مشوار بدي اطلع كمان شوي تعو ندردش شوي قبل اروح هههه

[حلا الماس]

دودو .. يا ام عمر وينك الك كم يوم غايبة ؟؟

ام عبد الله .. وينك يا مس .. الدردشة مو حلوة من دونك :( تعالي طمنينا عنك

حيفا .. غموض .. انبثاقة .. فوفو .. ام محمد .. رفيقاتي الدوام الصباحي ........... وينكم ؟؟!!!

تعالوا نرجع الدردشة زي ما كانت ... يا رب يكون المانع خير يا رب

[ام عبدالله لولو]

صباح الخير للجميع
شو تحباركم ياصبايا نور وحلا واحساس وحيفا منورات ويسعد صباحكم يارب
دودو ويتك ليه مش فايتة يارب تكوني بخير
الي يومين ماففتت رجلي من فوق بتوجغني ههههه مش عارفة امشي عليه

[حلا الماس]

هلا حيفا .. واخيرا وحدة طلت

حاسة حالي شوي ورح ابكي زهئت وانا بستنى فيكم

كيفك يا حلوة ؟؟ طمنيني عنك

[حلا الماس]

واخييييييييييييييييييييييييييييييييييييييييييييييي را .. ام عبد الله هون

يسعد هالصباح ولك والله اشتقتلك .. سلامتها رجلك .. لتكوني مزررة

[ام عبدالله لولو]

الله يسعد يا ام خليل ان شاء الله الرشح خف الف سلامة عليكي حبيبتي
حواء الف سلامة عليه للحلوة هاد اكيد من سنانه
باقي الصبايا يسعد اوقاتكم اينما كنتم

[نور العمر]

باااااااااااااك

شو طابخين اليوم ... ؟

[ام عبدالله لولو]

والله حماني وخواتي بيحكو هيك بس برجعو يحكو بكير ع هيك

[حلا الماس]

الحمد لله .. بيروح وبييجي لانو عندي حساسية بالجيوب الانفية مع الطقس

وبيحكوا انو اليوم بكرة رح يكون الجو غبرة .. الله يستر

[حلا الماس]

لا لا.. لا بكير ولا اشي

انا من التالت زررت .. ولولا حبوب الكالسيوم عليي بتخفف شوي

ربي يعينك .. انا هاليوميين لاقية بطني كبرت والتقل زايد والوجع بيشد مرات

[ام عبدالله لولو]

الله يسعد يارب انتي النور كلو يا حلا
اهلا نور الله يسعد صباحك يارب شو اخبارك اليوم بدي اطبخ يورق عنب من امبارح لفيتو

[نور العمر]

انا بطلت اعرف النوم ... ان شاء الله يعدي باقي هالشهر على خير ... اليوم بدي ابتدي مشي ..

[ام عبدالله لولو]

صدقتي هلا افطرت واشربتها الي عندي فوار خليت الدكتورة تغيرو لاني ما بحبو بدي حبوب افضل

[نور العمر]

انا بدي اعمل بازيلا و رز ...

يوم الخميس عملت ورق عنب ... بس هو زاكي ب هدا الجو ... صحه وهنا

[حلا الماس]

صحيتن يا ام عبد الله .. لزيزة طبختك اليوم مع محشي ولا بدون

انا اليوم ما بدي اطبخ .. بدي اعمل فتة لبن ازا بتعرفوها

[ام عبدالله لولو]

الله يقيمك بالسلامة يا نور كلي تمر صبح ومسا كثير مفيد بهاد الشهر

[حلا الماس]

الله يكون بعونك يا نور على التعب .. بس يلا هانت من هون لاخر الشهر بتكوني والدة ان شاء الله

وصحتين عالاكلة ...