دردشة بنات فلسطين , دردشة حوامل فلسطين , تجمع بنات فلسطين

[ام عبدالله لولو]

هلا لولو الله يقيمك بالسلامة حبيبتي شو اخبارك وكيف دراستك وكيف البنوتة ان شاء الله مش معلبتك بيحكو البنات غلبتهم اقل

[حلا الماس]

لا والله يا ام عبد الله مش ناسية ..

ولحد اليوم حاولت ومش عارفة انزل صور من تلفوني الجديد على اللاب توب

بس بدي اضل اقالب فيه لحد ما يزبط ..

اسعان اليوم بقول بيني وبين حالي لهلأ ام عبد الله ما سالت عن الصور ... خخخخخخخخخخخخ

في عندي صور عالجهاز بس صارلهم زمان .. قبل اسبوع صورتهم بحديقة اهلي صور بتجنن بحاول انزلهم عن قريب

[ام عبدالله لولو]

اليوم يا حلوة طبخت مقلوبة بادنجان
حلا بدي اسالك سوال بما انك خيرة هههههه بس مش تطلبي الكشفية

[لولو الفلسطينية]

لا والله الاه يا حلا مش قصة غازات
كان زي وجع الدورة بس خفيف جدا و يا دوب احس فيه يعني عادي

[حلا الماس]

صحتيييييييييييييين عالمقلوبة كتير طيبة .. اتفضلي اسالي شو ما بدك .. هههههههه

لولو .. انا منيحة قبل شوي طلعت من دار حماي وولادي اليوم ناموا بالنهار ساعتيين وهيهم بينطوا ومو راضييين يناموا

شكلي رح انام قبلهم الليلة

[ام عبدالله لولو]

امبارح اما جيت انام حسيت بنغزة جهة الشمال تحت صدري قرأت بالمنتدى انو بيصير شو رئيك انتي

[لولو الفلسطينية]

ام عبد الله صحتين عالمقلوبة
هههه بمكن البنات اهدى من الاولاد ما بعرف بس تيجي ان شاء الله بنحكم هههه
هي صحيح بتتحرك كتير بس حركتها حلوة و بتنقزني مرات بس ما بتوجع الا ازا كانت تحت بتدايقني
ربنا يتمملنا كلنا على خير و يقر عيوننا فيهم ياااا رب
و انتي كيفو عبودة ان شاء الله طالع عاقل زي امه ههههه

[دموع الليل]

تفضلوا صبايا

عشان السهره تحلى

http://www12.0zz0.com/2013/04/09/19/433961937.jpg (http://www.0zz0.com)

[لولو الفلسطينية]

ههههه ام عبد الله هاي النغزة عاااااادي ما تخافي
ههههه انا كنت احكي لزوجي عندي نغزات عالقلب و كان يضل يضحك علييه هههته بس بعد فترة حسيت بنفس النغزات عاليمين و عرفت انها في الصدر مش في القلب ههههه
عاااادي

[لولو الفلسطينية]

دمووووع ما تغلبي حالك هههههه
منووورة يا حلوة

[حلا الماس]

ام عبد الله .. اول شي سلامتك
النغزة صارت بصدرك ولا تحت صدرك ؟؟

لولو .. انا عندي العكس بناتي حركتهم قوية واتحركوا من الشهر التالت وكنت اصحا من النوم على حركتهم ببطني
بس بخليل اتحرك بداية السادس .. ويوسف اتحرك ببداية الخامس والحركة عادية

دموع .. يسلمو حبيبتي كلك زووووووووووووووء

بس انا قلبي الصغير لا يتحمل

[ام عبدالله لولو]

تسلمي يا ام خليل كانت قوية شوية ههه حسيت نفسي انقطع
قربتي يا لولو علشان تيجي تحكي عن الاكشن الي صار معك ماقررتي شو بدك تسميه

[لولو الفلسطينية]

لا و الله يا ام عبد الله لسا ما قررنا
كل يوم في رأي هههه
جد قرررررربت هههههه

[حلا الماس]

بصراحة يا ام عبد الله مش عارفة شوهي

بس يمكن لفحة هوا او هيك شي .. المهم ديري بالك على حالك وازا حسيتي فيها تاني اسالي دكتورتك افضل

[دموع الليل]

صبايا

متى بحس بحركه الجنين؟؟؟

[حلا الماس]

ههههههههههههههههههههههههههههههههه ضحكتيني يا لولو

زكرتيني بابو محمود الي بباب الحارة كان يضل يقول أرررررررررررررررررررررررررررررربت

[حلا الماس]

دموع .. حبيبتي الحركة بتحسي فيها من 18 اسبوع وممكن انها تتاخر لل20 اسبوع

يعني من بداية الخامس بتكون واضحة كتير

[لولو الفلسطينية]

دموع الحركة في الرابع بتكون بس خفيفة و ممكن ما تحسيها
بس في الخامس بتوضح و احالك بتميزيها
يعني عالاسبوع العشرين تقريبا بتصيري تحسي فيها بوضوح
ربنا يطمن قلبك و يتمملك على خير

[لولو الفلسطينية]

حلا هههه و انا كمان اجى عبالي لهيك حكيتها هههههه
يللا هانت ههه

[حلا الماس]

هههههههه

يا الله يا لولو .. الايام بسرعة بتعدي بسرعة فظييييييييييييييعة

[لولو الفلسطينية]

اه و الله الايام بتجري
شكلهم دودو و ام عبد الله طارو ههههه صايرين ينامو بكير

[دموع الليل]

كل مره بحس بالحركه باخر الرابع

هالمره دخلت الخامس ومش حاسه بشى

خايفه

[لولو الفلسطينية]

ما تخافي دموع ان شاء الله هاليومين يتحسي فيها
بعدين كل حمل بختلف عن التاني ما تقلقي
ربنا يتمملك ع خير

[دموع الليل]

الله يسمع منك لولو

ويقومك بالسلامه

لولو هاد اول حمل الك؟؟؟

[نور العمر]

مساااا الخير ... كيفكم ..؟؟

[نور العمر]

مين هون ...؟؟

[فوفو89]

مسا الخير

كيفكم يا حلوين

[حلا الماس]

هههههههههههههه مزبوط شكلهم راحوا يناموا

دموع .. حبيبتي عادي انا حركة بناتي حسيت فيها بنص التالت

بس الولاد كانت حركتهم متأخرة .. ابني خليل هلأ عمرو 3 سنين حسيت بحركتو ببطني بعد ما دخلت السادس

والي ببطني هلأ ولد اتحرك ببداية الخامس .. اطمني حبيبتي ازا دكتورتك بطمنك وبتقلك انو بتحرك ووضعو منيح ما في داعي للقلق

ملحقة على الرفس والخبط .. هههههههههههه

[نور العمر]

مسااا الورد ... فوفو ... كيفكك ؟؟

[حلا الماس]

نور العمر .. هلا فيكي يسعد هالمسا يا رب

شو كيف وضعك هاليوميين .. كم باقيلك لتخلصي الشهر التاسع ؟؟

فوفو .. يسعد هالمسا .. كيفك شو عاملة ؟؟

[لولو الفلسطينية]

دموع تقريبا اول حمل هههه
انا حملت مرتين قبل هاد و اجهضت في اول تلات اشهر لانه طلع عندي تخثر بالدم
بس هلأ باخد ابر لهالشغله و الحمد لله الامور تماام
فوفو و نور العمر منووورين يسعد مساكم

[دموع الليل]

حلا الله يطمنك ويريح بالك

قولتك ملحقه على الترفيس هههههه

نور العمر وفوفو منورين

[دموع الليل]

الله يتمم الك على خير لولو

ويفرحك بشوفته

[فوفو89]

هلا نور وحلا

كيفكم

[لولو الفلسطينية]

تسلمي حبيبتي دموع

[فوفو89]

النور نورك دموووع تسلمي

كيف كان يومك ؟

[~{{ DoDo }}~]

انا هوووون
بس كنت عم بحكي مع ماما عالسكايب انشغلت شوي

لولو
هههههه خصرتي هي جنبي يعني
من عند الحوض عالجنب لفوق شوي
وفعا البنات بيكون اهدى قال بالبطن انا هيك سمعت

ام عبد الله
اه والله ازعر بيرفس من قلب ورب
يلا فداااااه بتهون ع قولة ماما لازم نجرب التعب عشان نحس بماماتنا

حلا
هيني مااا نمت بس على وشك هههههه
اكلت ايس كريم اليوم وتزكرتك يم يم

دموع
الحركة بالاغلب بعد الاسبوع ال 16 بتبلش ع خفيف كتير
بس بتحسي فيها واضحك متل ما قالولك الصبايا عالاسبوع ال 20
ربنا يتمملك ع خير ياارب

نور العمر وفوفو منوريييين صبايا

[لولو الفلسطينية]

منورين الصبايا
لسا الافندي ما روح ههههه قال في الطريق

[نور العمر]

مرحبا صبايا

لولو ... دموع ... حلا ... فوفو ..

والله يا حلا بكره بكون خلصت اول عشر ايام بالتاسع بس عنجد التاسع متعب كتير لانو اول مره بجربو بحملي الاول ب ابني ولدتو اخر يوم بالتامن يعني ما جربت التاسع ... اليوم طلعت تمشيت شوي ..

[حلا الماس]

لولو .. الله يعوضك خير بالحمل الي اجهضتيهم

دودو .. ههههههههه صحتين على قلبك الايس كريم
على فكرة هديك الحبة اكلتها بعد بيوميين .. ههههههههههههههه

بتعرفوا هاد وقت احساس كتير بتدخل بهاد الوقت بس اليوم مش جاية .. بجد فقدتها الها بالعادة تكون متواجدة طول النهار .. وخصوصي بالليل

وحواء اليوم ما دخلت ولا اجت طمنتنا عن برلنت

فوفو + دموع = منورات

نور وين غطستي ؟؟

[حلا الماس]

نور .. يا هانت حبيبتي الله يتمملك على خير ويقيمك بالسلامة يا رب

منيح المشي بالتاسع بيسهل الولادة

شو قررتي اتسمي بنوتك ؟؟


لولو .. هههههه عجبتني الافندي هاي

وانا كمان الافندي الي عندي لسه ما شرّف .. عم يعمل بالنت تحت بالمشغل

[~{{ DoDo }}~]

حلا
هههه اه قريت انك اكلتيها بعد يومين صححححة
احساس يمكن الكهربا عندها قاطعة
او زوزو مستهدي ونايم وهي مستغلة الفرصة ونايمة

اممممم

[نور العمر]

انا هون بس بكتب كلمه وبحكي عشر كلمات مع ابني حولني بطلت عارفه اركز

بستفسر عن كل شي ...

[حلا الماس]

هههههههههههههه على قلبك يا ربتسلميلي يا ام عمر

يا ستي الغايب عذرو معاه .. لعلو خير

[نور العمر]

تقريبا متفقين على اسم (( سيلا )) شو رأيكم فيه ؟؟..

[حلا الماس]

الله يخليلك اياه يا رب .. وتقومي بالسلامة

هم هيك الاطفال بيحبوا يعرفوا كل اشي

كم عمرو اسم الله ؟؟ ما حكيتيلي شو بدك اتسمي البنوتة ؟؟

[~{{ DoDo }}~]

حلاا ولولو
انا الافندي نعس وبدو ينام
ولازم اقوم انا كمان انام

شوبانة كتيير ع فكرة مع انه التكييف شغال
يلا تصبحوا على خير وسعادة ياااارب جميعا

[حلا الماس]

ازا عاجبك وزوجك مقتنع فيه .. اتوكلي على الله

بس شو معناه .. وشو اصل الاسم ؟؟

انا على قد ما بقدر بحب اختار اسماء يكون اصلها عربي .. وما في عليه اختلافات على اصل الاسم وهيك

[نور العمر]

وين اختفيتوا ..؟؟؟

[حلا الماس]

تلاقي الخير يا دودو ..

وانا كمان صار لازم اقوم لانو الافندي اجا ..

وولادي عم بينطوا بدي اقوم انيمهم وننام خلص

تصصبحوا على خير .. وسهرة سعيدة للجميع

[نور العمر]

ب 21 - 5 بكمل ال 3 سنين

معنى الاسم الحنين للوطن هو جوزي يلي بدو هاد الاسم

[عيـ‘ـون المهـ‘ـا]

oـساءُ ألـ خ ــير
:*:*:*:*:

- لـولـو -
ربي يسعــــدك حبيبتي و يئيمك سالمه انتي و البنوته
انتي و دودو هلآ متصدرين قائمة الحوامل اي اسبوع صرتي
ربي يتتم الك على خير و تفرحي بنجاحك و شوفة اميرتك الصغيره
- دودو -
هلآ فيكِ حبيبتي ام عمر الله يبارك فيكِ و عئبال ما تشتري اواعي العيد
لعموره و بدلة عرسه ان شاء الله ,, فعلآ الزوج المتعاون اكبر نعمه
و بدون زوجي ما بعرف اسوي شي ,,و ربي يخليلك زوجك اكيد من غير ما تطلبي
منو راح يساعدك من زوءو لمى يشوفك مشغوله بالبيبي و سهر و تعب خصوصا الاشهر
الاولى بتكون كتير متعبه شوي مع وضع جديد و بيبي جديد
ايمتا ان شاء الله الوالده جايه عندك على دبي
- حلا الماس -
حبيبتي تضلك ان شاء الله نور بعيون احبابك
كيفهم الحلوين بتعرفي اني ما كنت اعرف انو اسم ابنك خليل عرفتو من تعقيبك اليوم
و ناويه تسمي يوسف ربي يتمم الك على خير ان شاء الله
بتعرفي و انا حامل باّدم حلمت انو دكتوري اسمو يوسف و تكرر الاسم معاي
و اخر شهر بالحمل حلمت بسورة الرحمن و كنت حابه اسمي عبد الرحمن
بس سبحان الله كان الناصيب انو اسمي ادم ربي يخليه
فكل مولود لمى يجي على الدنيا متل ما بيحكو بيجو اسمو معاه [:
و ربي يخليلك خليل و يوسف و حلا و ماسه صح هيك اسماء بنوتاتك

انتي بتختاري الاسماء ؟

ههههههههههه نسيت لمين بدي اكتب كمان ما شاء الله عم بتمشي الصفحات بسرعه

صحيح صبايااا انا مخزنه التجمع القديم عندي على الايفون
لحد هلآ موجود عندي هههه زكرى حلوه

[لولو الفلسطينية]

نور العمر منورة بوجودك يا عسل
جد احساس مش عوايها ان شاء الله خير
اجا زوزي هههه
يللا صبايا تصبحو على خير

[نور العمر]

انا كمان بدي روح نام نعست وابني نام كمان ...

[لولو الفلسطينية]

تسلمي عيون المها
ربنا يسعدك

[نور العمر]

تصبحو على خيرررر ...

احلام سعيده للجميع ....

[دموع الليل]

عيون المها كيفك؟؟

كيف الاولاد؟خلصتى تحضير للسفر؟

[عيـ‘ـون المهـ‘ـا]

هلآ ~ دموع ~ تسلمي على السؤال انا بخير نشكر الله
و الاولاد ببعتولك سلام
كيفو اميرك الصغير صحيح شو اسمو ؟
-
خلصت كل الهداياااا و رتبتها
و ضايل بعض التجهيزات لآدوم و البنات و الي

[دموع الليل]

ان شاء الله تشوفى اهلك على خير وتقضى وقت حلو معهم

اسم ابنى محمد

[عيـ‘ـون المهـ‘ـا]

تسلمي حبيبتي و يخليلك اهلك
عاشت الاسامي اللهم صلَّ على سيدنا محمد
وصلي بوساتي للآمور [:

[ام عبدالله لولو]

صباح الخير ياصبايا

[نور العمر]

صباح النور ... نهار سعيد للجميع ان شاء الله ...

[فوفو89]

صباح الخير يا حلوين

يسعد صباحك ام عبدالله ونور

كيفكم اليوم

[~{{ DoDo }}~]

صباح الخير صبايا
شو اخباركم

ام عبد الله فوفو ونور العمر منوراااااات صبايا

لولو وحلا تاخروا عالتجمع الصباحي

عيون المها
حبيبتي تسلميلي يارب
والله انا متوقعة من زوجي يكون متعاون
ان شاء الله يكون توقعي صح
بكرا بس يجي عمورة بخبرك هههه
بالنسبة لماما رح تيجي اول ما افوت التاسع ان شاء الله
يعني باخر شهر 5 عشان اذا صار ما صار ع بكير تكوني معي
ورح تقعد 3 شهور

[نور العمر]

مرحبا كيفكم وكيف اصبحتوا اليوم ...

انا اليوم عندي اعمال كتيره باالبيت بدي غير ديكور البيت مع انو مش زمان غيرت ديكور بس بحب غيرو ما بحب الروتين سبحان الله تغير ديكور البيت بتغير نفسية الواحد بحس صار فرش اكتر وترجع الحيويه ههههه برجعلكم بس خلص بس كنت ماخده بريك خمس دقايق وخلصوا ... لي عوده ان شاء الله...

[جارة القمر]

صبــــاحــــكمــ،، ســـــكـــــر،،

[قطر الندى 1]

مرحبا يا بنات انا لاول مرة بشارك وانا فلسطينيه مقيمه بالسعوديه وحابه انضم الكم

[قطر الندى 1]

صباح الخير كيفكم انا اول مرة بشارك هون وحابه اتعرف ع بنات بلدي اكتر . انا فلسطينيه مقيمه بالسعودية

[جارة القمر]

قطر الندى

صبااح الانوار اهلا فيك بينا......

[فوفو89]

يسعد صباحك دودو

كيفك اليوم

اهلا اخت قطر الندى نوووووووووورتينا كيفك

[فوفو89]

صباحـــــــــــــك فل وزنبق جارة القمر

[~{{ DoDo }}~]

يا هلا جارة ان شاء الله تكوني بخير

قطر الندى اهلا وسهلا فيكي معنا ان شاء الله بتقضي وقت حلو

فوفو انا بخير الحمدلله انتي شو اخبارك

[فوفو89]

انا منيحه

بس امبارح واليوم حلقي بيوجعني .. شكلو ملتهب

خاصة لما ابلع ريقي بوجع

[~{{ DoDo }}~]

سلامتك
اشربي بابونج مع عسل
او ليمون دافي ان شاء الله بيخفف عنك

[إنبثاقة أمل]

بالله احكولي شو اعمل اضحك والا ابكي

اليوم قررت ابعت ورد لزوجي ع شغله

وفرح كتير بالهديه وقرر ياخد اجازه ومايكمل شغله اليوم

عمي الحمدلله طلع بالسلامه وهالفرحه فرحتين

بس مستحيل دار عمي يخلوني اكملها

كل شوي مودين زوجي مشوار ولهلا ماشفه وقديه كنت استنى هاللحظه

وحكالي راح يجي ع المغرب

والله حاسه حالي خلص وصلت معي

والله لو زوجي الابن الوحيد الهم او مافي سياره عندهم مابزعل

طيب وبعدين

هو انا غلطانه وحساسه والا شو قصتي

سامحوني بس والله مخنوقه كتيييييييييييييييير

[حيفا]

صباحكم خيرات للجميع :)

انبثااااقه يا عمري ما تزعلي حالك ، هو موقف بيقهر ، وانا انحطيت بمكانك كتير مرات ، بس زوجي ابنهم الوحيد ، يعني ما بطلعلي ازعل ابدا ، انتي ما تنكدي ع حالك او تعصبي حالك ، اعتبريها صدقه عنكم ، الصدقه مش بس بفلوس ، كمان بالاعمال الطيبة بتكون حسنه

احكي لزوجك عن زعلك بس بطريقه دلع وهيك مش نكد وزعل وان شاء الله بعوضك زوجك :)

[احساس أنثى]

يسعد مساكم ياحلوين يانشيطين
انبثاقه هدي الاول طيب ليش بيطلبو من زوجك بس
يعني هوا لكبير ؟

احكي لزوجك عن زعلك متل ماحكتلك حيفا فهوا بوكل مثلا اخو عزابي بدالو

انا بقلك حقو يطاوع اهلو بس صحيح مش طول الوقت لانو مرتو الها حق عليه كمان

[لولو الفلسطينية]

مسا الخييير
شو الأخبار ؟
فوفو سلامتك يا عسل ما تشوفي شر
انبثاقة حبيبتي بعرف الوقف يلي صار معك بنرفز بس شو بدك تعملي انتي بس خلى زوجك يعرف انك زعلانه و ميخدة عبالك و بس و الباقي حاولي ما تحسسيهم بشي
ربنا يهدي بالك و يجعل ايامكم كلها ورد و سرور
انا اليوم ما نممممت ابدا هههه الله وكيلكو عيوني كانو فاتحين عالاخر وحتى ما كنت حاسة بالنعس ههههه
في البداية معرفتش انام من وجع ضهري و الحوض من تحت بس بعدين طار النوم و ما عرفت انام الا حدود الساعة سته الصبح حتى زوجي الصبح ما صحاني تسوي فطور و طلع بدون ما يفطر
و دراستي على الله اليوم ما قدرت ادرس زي ما انا مخططة
انا جيت بس اسلم عليكم و اسوف اخباركم و اطلع لانو زوجي مروح في الطريق و انا بدي البس عشان ننروح اليوم عالدكتور
يسعد مساكم جميعا
و ان شاء الله تكونو كلكم بألف خيير
باااي

[احساس أنثى]

الله يعينك يالولو ويوفقك يلرب
الدراسه صعبه والوحده متجوزه

[احساس أنثى]

نايمين برضو ؟!

[ام عبدالله لولو]

مساء الخير ياصبايا
دودو ان شاء الله بتم امورك ع خير حبيبتي وبتوصل امك بالسلامة
لولو طمنينا عتك شو صار عند الدكتور
فوفو الف سلامة عليكي ما ع قلبك شر شو اخبار البيبي
حلا وينك يا عسل ان شاء الله تكوني بخير يارب
قطر الندى اهلا وسهلا فيكي عرفينا ع حالك يغني بطاقة شخصية هههه كمان مرة اهلا فيكي
جارة وحيفا واحساس ونور وانبثاقة وباقي الصبايا يسعد مساكم يارب

[احساس أنثى]

ومساكي ام عبد الله
شلونك ؟!

[ام عبدالله لولو]

الله يسعدك حبيبتي الحمد لله بخير انتي شو اخبارك وزوزو شو اخبارو بغلبك ولا هادي

[جارة القمر]

يسعد مسااااااااكمـــ،،

انبثاقة::
بالله لما تراجعي زوجك بالموقف اللي بجد بينرفز احكيلي شو ردت فعله !!وشو برر تصرفه ؟

انا بفهم انه بر الوالدين وطاعتهم من الاولوية واجب على كل بني ادم ،، بس بنفس الوقت بيقدر زوجك يقدر
ويرتب اولوياته حسب الضروروة

يعني شو الشي الطارئ اللي ما بيصبرو اهله انه يأجلو شي ساعة ساعتين ويقضي وقت معك وبعدين يتسهل

بتوقع بيرجع العتب على زوجك اولا مو على بيت حماك .......لانهم هم متعودين يعطو زوجك مهمات ....بغض النظر شو هو عليه كمان واجبات

[~{{ DoDo }}~]

يسعد مساااااكم صبايا

شو الاخبار ؟ ومين هوووون

[~{{ DoDo }}~]

شكله ما في حدا سهران الليلة
مختفيين الصبايا

[دموع الليل]

مسا الورد

كيفكم؟؟

منورين

[احساس أنثى]

صبايا انا نمت ع 8 وصحيت 11
يعني مافي نوووووووم للصبح

[لولو الفلسطينية]

صباح الخييييييييير
حلا ويييينك مش مبينه امبارح ؟؟ ان شاء الله خير
بنات انا امبارح رحت الدكتور و الحمد لله كلشي تمام حتى شفنا العيون كأنها مفتوحة و التم كان بفتح و بسكر هههه بس الدكتور ما قدر يوخد صورة لوجهها لأنها ضلت حاطة ايدها عليه و حاول الدكتور يحركها عشان تشيل ايدها و تلف وجهها بس ما زبط شكلها عنيدة ههههه
المهم وزني لسا من الشهر الخامس ما زاد ولا غرام يعني متل ما هو و الراس لسا لتحت الحمد لله
و برضو السونار اعطى زي المرة الماضية اكتر باسبوعين تقريبا عن حساب الدورة بس الدكتور حكا انو حساب الدورة ادق
و بس هههه
انتو كيفك اموركم ان شاء الله كلكم بخير ؟
الله يسعدكم يا احلى صبايا

[لولو الفلسطينية]

احساس الله يعينك
كلنا في الهوا سوا بالنسبة للنوم هههه

[احساس أنثى]

صبااااااح الخير

اول وحده تداوم بالدوامرالصباحي :)

[نور العمر]

صباح الخيررر ... كيفكم اليوم ..؟؟

كيفك احساس ... لولو ....؟؟

[احساس أنثى]

هلا نور انا بخير الحمد لله شبعانه نووووووم :)

[حلا الماس]

صباح الخير

كيفكم صبايا اليوم ؟؟

لولو العسل .. يسعد هالصباح يا نشيطة انتي
منيح انك روحتي واتطمني عن بنوتك ربي يجيبها بالسلامة .. وتفرحوا فيها ان شاء الله

احساس .. هلا فيكي صباح النور
كيفك ؟؟

نور .. يسعدك صباحك كيفك اليوم ؟؟
على فكرة ابنك اكبر من ابني بشهرين بالتمام
انا ابني ب 21 / 7 بيكمل 3 سنين

حبيباتي دودو .. ام عبد الله .. لولو الي بيسالوا عليا دخلت من شانكم ربي يخليلي اياكم


انا طالعة بدي اعمل ورق عنب اخضر مع كوسا وعازمة اختي عليه .. متابعة بصمت

[~{{ DoDo }}~]

صبااااا الخير
اخخخخخخخ انا اليوم كل ما اقومرمن التخت بالليل بحس بوجع فظيع
من تحت ، شكلهرمع التقل والضغط اول بس ما اوقف بحس شد غير شكل
الله يعيننا لسا عالتامن والتاسع ياااااااااارب ، ونوم طبعا الازعر ما بيخلي حدا ينام

احساس
يسعد صباحك وان شاء الله بتشبعي نوم دايما هههه
مع انه صعب دايما

لولو
صباح الورد
الحمدلله انه كل شي تمام
واطمنتوا عالبنوتة الله يجيبها بالسلامة يارب
انا كمان اخر مرة كان يفتح عيونه ويغمضهم
وكل ما الدكتورة بدها تاخدله صورة حلوة يحط ايديه ورجليه عند وجهه
ازعر متل بنتك ههههههه انا كمان اسبوعين موعديران شاء الله اكون كمان مش زايدة
بس البيبي زايد متل المرة الماضية ، الله يجيب الي فيه الخير يارب

حلا
يا هلا بام خليل منورة
يسعد صباحك حبيببتي والف صحة عالورق والكوسا
يعطيكي العافية يارب ؛)

نور العمر
يسعد صباحك
شو اخبارك وكيف يومك ان شاء الله بخير

[ام عبدالله لولو]

صباح الخير يا صبايا
حلا صحة وهنا ع الورق
دودو الف سلمة عليكي حبيبتي هاد اكيد من الثقل
لولو الحمد لله نو كل شي بخير الله يقيمنا بالسلامة يارب
احساس يسعد صباحك يا حلوة
باقي الصبايا الله يسعد صباحكم ومساكم

[ام عبدالله لولو]

حواء وينك اليك كم يوم ما فتتي ياربي اكوتي بخير انتي وبرلنت والبيبي
اليوم طابخة ملوخية والحمد لله صايمة عليا قضا6 ايام لاني اتزوجت بعد العيد باسبوعين ما كان في فضاوة

[~{{ DoDo }}~]

ام عبد الله
حبيبتي يسعد هالصباح
وربنا يتقبل منك
كنت اليوم ناوية اصوم بس ما تشجعت
مش عارفة ليش قلت بريح وبرجع الاتنين بصوم
ما تنسي تشربي مي منييييح بعد الفطور هاد اهم شي
ولما تاكلي كلي ع مراحل يعني اول ما يادن مية وشوربة وسوائل
وبعدين صلي المغرب وبعد نص ساعة كلي على بطيييء عشان ما تتعبي

وصحتين عالملوخية ؛)

[ام عبدالله لولو]

يسلمو يا دودو ع النصيحة الله يخليك يارب ويسعدك لا الحمد لله مو عطشانة مع اني ما صحيت اشرب مية

[~{{ DoDo }}~]

حبيبتي ولوووو
الله يقدرك وتكملي اليوم ع خير والباقي كمان
المي بعد الفطور عشان جسمك مع الحمل بيكون بدو مي اكتر من الطبيعي
:)

[ام عبدالله لولو]

تسلمي ياام عمر .. خير مالهم الصبايا اليوم ما حد مبين ههههه طلو وراحو شو اليوم بدك تطبخي ههههه حتر فوفو الي بتيجي تسال ع الطبخة ما اجت شكلها معزومة

[~{{ DoDo }}~]

ههههه شايفة
اليوم مختفيين ومبارح كمان
يا ستي شكلي رح اعمل مجدرة اليوم
جاي عبالي ، وبصراحة زهقت اللحمة والدجاج والسمك
هو هاد الحل ؛)

[beboo]

صباح الفل ياصبايا كيفكم

كنت بدى اخد رايكم بشي الجمعة الجاية خطبة سلفى عقبال اولادكم وحبايبكم

وجبت فستان موف غامق مافى اى لون تانى والشالة فيها فضى شو رايكم البس الشوز فضي ولا اسود وينفع صندل ؟؟

[~{{ DoDo }}~]

بيبو
يا هلا كييفك
الف مبروك لسلفك عقبال ما تفرحي ببيان يااارب
شوفي يا ستي
الموف والاسود لمناسبة بيصير كتير غامق او كئيب
فانا بنصحك الشوز خليه فضي او موف من لون الفستان وعليه شوية شغل فضي او العكس
بس اسود لا ما بيطلع حلو بيغمق اللبسة كتير
وبينفع صندل كعب عالي بيطلع حلو طبعا وكمان بينفع شوز مسكر
انتي شوفي شو بتلاقي وان شاء الله بتتوفقي

[beboo]

حبيبتى دودو اه وانا قلت كله غامق مو حلو بده شي يفتحه ان شاء الله خير

ان شاء الله عقبال مانفرح بقومتك بالسلامة وبالبيبي كامل ومعافى

[احساس أنثى]

ماشاء الله عليكم دائما نشيطات وبرامات ههههههههه

[~{{ DoDo }}~]

بيبو
ولووووو اهلا وسهلا انا احب ما علي حدا يسالني بامور التياب واللبس
هوااااااايتي هههههه بحب التياب واللبس والشوبنج وكل اشي بيخصه
؛)

احساس
ما بنكون من جنس حواء لو ما كنا برامات هههههههههه

[ام عبدالله لولو]

والله طيبة كثير المجدرة يا دودو يلا صحة وهنا حبيبتي خلص انا وياكي بنشجع بعض ع الصوم ههههههه مع انو زوجي حرام حكالي بصوم معك هههههه بس حكيت حرام ما بكفي شغلو والشوب خلص انا وياكي بنشجع بعض
بيبو هلا يا حلوة وين هالغيبة عقبال ما تفرحي ببيان يارب زي ما حكت دودو لازم تدخلي لون الفضي علشان يكسر الون الغامق واكيد رح تتطلغي حلوة يا بيبو

[ام عبدالله لولو]

هلا احساس منورة حبيبتي شو اخبارك

[~{{ DoDo }}~]

ام عبد الله
ان شاء الله خلص بنشجع بعض وبنصوم اتنين وخميس
وبتعدي الايام بسرعة ولا يهمك ؛)

[~{{ DoDo }}~]

صبايا بفكر اعمل مبشوووورة او مبروشة ما بعرف شو بتسموها
طلعت الاغراض وبدي ابلش كمان شوي

[نور العمر]

مرحبا صبايا كيفكم انا كنت عند اهلي وهلأ اجيت لانو اهلي ساكنين جنبي بينا كم بيت بس ..

دودو مممممممم شهتيني ع المبروشه بس ما بتزبط معي كتير .. بتكون اول ما بتطلع من الفرن زاكيه بس تبرد بتصير زي الناشفه مش طريه زي الاول ..

[فوفو89]

مرحبا صبايا

كيفكم اليوم

الحمدلله اليوم ما علي غدا

اخت نور العمر شكلك بتكثري طحين على المبروشة عشان هيك بتطلع ناشفة

[~{{ DoDo }}~]

نور يا اهلا وسهلا
يعطيكي العافية
يا ستي هيني حطيتها بالفرن تفضلي
انا بعملها رقيقة عشان بحبها هشة اقرب للبسكوت بس اطرى شوي
حصتك محفوووووظة ؛)

[~{{ DoDo }}~]

فوفو كيفك اليوم

[فوفو89]

هلا دودو

الحمدلله ماشي حالي لانو حلقي ملتهب وبوجعني كتير وصوتي اختفى اليوم

انتي كيفك ؟

صحه ع المبروشة

[~{{ DoDo }}~]

سلاااامتك ان شاء الله بتخفي وبتصيري احسن
وعلى قلبك يارب تفضلي هيها قربت تستوي بدي احمرها

[ام عبدالله لولو]

مسا الخير يا حلوات
فوفو سلامتك اشربي ازهورات كثير كويسة
دودو دليني عليها كيف بتنعمل وشو مكوناتها ههههه اجت ع بالي

[فوفو89]

الله يسلمك دودو
صحه وهنا ع المبروشة امبارح عملتها ب مربى فراولة .. كتير بحبها

هلا ام عبدالله
تسلمي يا زوء
بس بيحكو الزهورات مش منيحه للحمل
شربت يانسون وزعتر ورق
كيفك

[احساس أنثى]

ياسلام ياسلام ع ستات البيوت المعدلات

احنا عملنا مقروطه الظاهر اليوم يوم الحلو

[~{{ DoDo }}~]

ام عبد الله تكرم عيووووووونك
هاي اكتر طريقة طلعت طيبة وهشة وزبطت معي


4 كوب طحين
1 كوب سمنة، أو زيت نباتي أو زبدة
4 بيض
1 كوب سكر
2 ملعقة صغيره بايكنغ باودر
2 ملعقة صغيره فانيليا
1 كوب مربى
برش برتقال أو ليمون أختياري
طريقة التحضير

1. يخلط الطحين، الزبدة، البكنج بودر، الفانيلا، السكر، برش البرتقال والبيض جيداً مع بعض حتى تصبح عجينة متماسكة.

2. في صينية، يفرد ثلاثة ارباع العجينة وتمرغ المربى على العجين في الصينية ثم تبرش باقي العجين على المربى بواسطة المبرشة.

3. توضع الصينية في الفرن وتترك لتخبز وتتحمر قليلاً. من 30 ل 40 دقيقة حسب الفرن

[~{{ DoDo }}~]

فوفو صحتييييين
انا عملتها على مربى تين كان عندي وقلت استغله

احساس
صحتين عالمقروطة متهيالي بتشبه المبروشة الى حد ما

[فوفو89]

صحة دودو ع المبروشة ريحتها بتشهي بالتجمع ههههه

احساس شو طريقة المقروطة ؟
عندي عجوة بلكي استفدت منها

كنت بدي اعمل حلو اليوم بس حلقي ملتهب وزهقان

[احساس أنثى]

قطعت الكهربا

سلام صبايا

والمسا جايه اختي وأمي عليا

[احساس أنثى]

بالزبط نفس عجينه المبشوره
وبالنص عجوه وكمان طبقة من العجينه وع الوس سمسم أبيض مش محمر

[~{{ DoDo }}~]

فوفو
وريحة البيت بتشهي ههههههه
ع قلبك يااااارب
ابحثي عالنت على كيكة التمر او اي شي فيه تمر
انا ببحث بالنت لما يكون عندي اشيا ومش عارفة شو اعمل فيها

احساس
الله يسهل عليكي وان شاء الله بتنبسطي مع مامتك واختك
وصحححححة عليهم وعليكم المقرووووطة ؛)

[~{{ DoDo }}~]

احساس
يم يم شكلها طيبة
خلص المرة الجاي انا كمان بعملها

[ام عبدالله لولو]

تسلم يدك يادودو ان شاء الله رح جربها صحة وهنا ع قلبك يارب

[~{{ DoDo }}~]

تفضلوا يا صبايا ؛)

http://up.arab-x.com/May12/IQi81183.jpg

http://up.arab-x.com/May12/VTZ81183.jpg

[beboo]

صحة والف عافية يادودو منازل الهنا انا جوزى بحبها كتير بس انا مابحبها بس منظرها بشهى صحتين ياعسل

احساس صحة والف عافية انا عملتها المقروطة يوم ماعملت الكعك

باقى الصبايا كيفكم وشو اخباركم

[لولو حمادة]

مساء الخير كيفكم يا صبايا
اليوم يوم الحلو
انا عملت كنافة نابلسية

[~{{ DoDo }}~]

بيبو تسلمييييي
انتي وزوجك تفضلوا اهلا وسهلا ؛)

لولو
صحة عالكنافة
شو اخباااارك وكيف الاولاد ان شاء الله بخير

[لولو حمادة]

تسلمي دودو
الاولاد بخير بيسلمو عليكي
صحة على المبروشة كثير زاكية بعملها كثير

[~{{ DoDo }}~]

لولو ع قلبك تسلمي يا قمر

[جارة القمر]

يسعد مساكمــــ،،

دودو:

صحتين وهناااااااا شكلهم مرتب .......
بدي منهم ........:(

[~{{ DoDo }}~]

جارة
يسعد مساااكي
ع قلبك ياااارب
والله يا ريت اهلا وسهلا كلهم على حساااااااابك ؛)

[حواء مثالية]

سلالالالالالالالالالالالام عليكم

كبفكم جميعاااا يا رب تكونوا بافضل حااااااااااااااال

[~{{ DoDo }}~]

وعليكم السلام حوااااء
وينك اليومين اللي فاتوا اشتقنالك
طمنيني كيفها برلنت ان شاء الله صارت احسن ؟
وعزوووو كيفوووو ؟

[جارة القمر]

حواء"::
هلا ............كيفك وكيف برلنتووووو


دودو:
تسلميلي كلك زوء

[beboo]

مسا الخير صبايا كيفكم

مين هوون ؟؟

اليوم غلبتكو معى بس بدى مكياج لفستانى الموف

[دموع الليل]

مسا الخير

كيفكم ؟؟منورين

صحه وعافيه على قلوبكم

[ام عبدالله لولو]

مسا الخير يا صبايا شو اخباركم
دموع يسعد مساكي منورة حبيبتي شو اخبارك
بيبو يا حلوة حطي ه الجفن كلو لون بنفسجي وع الجوانب وتحت الجاجب فضي والروج زهري لحمي او فاتح والمناكير خليه بنفسجي ما بعرف هاد زوئي هههههه ازا في رئي تاني للصبايا

[فوفو89]

مسا الخير صبايا

[ام عبدالله لولو]

هلا فوفو يسعد مساكي شو اخبارك وكيف صرتي ان شاء الله خف وجع حلقك

[~{{ DoDo }}~]

يسعد مسااااكم يا حلوييييين كلكم كلكم

بيبوووو
بدي انزلك كم صور ميك اب ناعم بيناسب الموف
بس انتي اول شي بتحبي التقيل يعني السموكي ولا الخفيف الناعم ولا كيف ؟

[~{{ DoDo }}~]

http://www8.0zz0.com/2013/04/11/17/652851761.jpg

http://www8.0zz0.com/2013/04/11/17/357869354.jpg

http://www8.0zz0.com/2013/04/11/17/853182807.jpg

هاي كم صورة وعم بنزلك كمان كم وحدة

[دموع الليل]

هلا ام عبدلله كيفك؟

دودو _فوفو _بيبو منورين

[~{{ DoDo }}~]

http://www8.0zz0.com/2013/04/11/17/652340576.jpg

http://www8.0zz0.com/2013/04/11/17/867037852.jpg

http://www8.0zz0.com/2013/04/11/17/714076742.jpg

[~{{ DoDo }}~]

دموع
اهلا حبيبتي نوووورك ؛)

[ام عبدالله لولو]

هلا دودو منورة شو اخبارك تغرفي هاد اللون بموت فيه حاولت يوم حنتي القى بدلة من هيك لون ما زبط معي الموديل هاد الون كثير حلو وراكز

[دموع الليل]

بيبو

هاى صوره ان شاءالله يعجبك

http://www11.0zz0.com/2013/04/11/17/226813527.jpg (http://www.0zz0.com)

[لولو الفلسطينية]

مسا الورررد
في حد هون و الا اطلع عالبدري هههه
صحتين عقلوبهم المعدلات هههه
بيبو يا عسل عقبال ما تشتري لعرس بيان يااا رب

[~{{ DoDo }}~]

لولو
نحن هنااااا
كيفك

[دموع الليل]

اهلا لولو

كيف اطمنتى عالبيبى؟؟؟

[ام عبدالله لولو]

هههههه هينا موجودين يا لولو ههههههه ظايل حلا وباقي الصبايا يجو
دودو اليوم اعملت المبروشة ع طريقتك والله طلعت طيبة من شكلها لانو هلا افطرت ما حبيت اثقل بلاكل بلاش يصير ممعي شي هههههه ع الخفيف اكلت الحمد لله

[لولو الفلسطينية]

اهلا دموع و دودو يسعد مساكم
انا الحمد لله داحلة هههه و البيبي بخير و الحمد لله كلو تماام
تنتو شو اخباركم ؟

[لولو الفلسطينية]

هههه اهلا ام عبد االله
صحتين و هنا عقلبك يا حلوة

[~{{ DoDo }}~]

صحتيييين ام عبد الله شطووورة
هي الطريقة مزبطة اكتر وحدة زبطت معي
وربنا يتقبل يااااارب

لولو
منورة شو الاخبار كيف دراستك ؟

[~{{ DoDo }}~]

ام عبد الله
انا كمان بحب هاد اللون كتير
فستان خطبتي كان موف مماوج غامق مع فاتح كان بجنن

[حواء مثالية]

الله يسعدكم جارة ودودووو

الحمدلله برلنت تعافت اليوم لهيك كنت غايبة طول الوقت معها ما بحب يصير فيها شي خصوصا اني دايرة بالي عكلشي بخصها الحمدلله على كل حال السبب سنانها مسكينه شكلهم كلهم راح يطلعوا مع بعض

[دموع الليل]

دودو كيف البيبي بيرفس؟؟هههههه

[دموع الليل]

هلا حواء

الحمدلله على سلامه برلنت

يس لا تخففى الها الاواعى لسه الجو بيتقلب

[لولو الفلسطينية]

دودو دراستي ماشي حالها
انتي شو اخبارك ؟
حواء الحمد لله انها برلنت تحسنت
الله يحميها و يخليلك اياها
منورين الصبايا

[~{{ DoDo }}~]

حواء
الحمدلله ع سلامتها حبيبتي
والحمدلله راح الشر
الله يعينها مسكينة ويعين الاطفال اللي بسننوا شو بمرضوا
يخليلك اياها وييجي اخوها سالم ياااارب

دموع
البيبي بيرفس وبس ؟
ههههههه ازعر الا تقولي بيخبط تخبيط
هون وهون وهون بيلعب جمباز جوا ماشاء الله

لولو
انا بخير الحمدلله واموري بخير
تقل تقل تقل هاي اخر اخباري ههههههههه

[ام عبدالله لولو]

انتي الحلوة يا دودو لهيك طلع حلو هههه هو الون كثير مميز وحلو هههههه يوم الحنة ما كلت طلبي موجود بس بجد لون بجنن والميك اب بتاعو بيطلع يسطل ويسلمو ع الطريقة الحلوة يا دودو بالمبروشة
حواء سلامتها ما قلبه شر
منورات دموع ولولو وين راحت فوفو

[~{{ DoDo }}~]

تسلملي المزووووووءة يا ام عبد الله ؛)

[لولو الفلسطينية]

هههه بعين الله يا دودو
لسا الله يعيننا عالشهرين الجايات هههه
دموع و ام عبد الله شو اخباركم و كيف بيبياتكم ؟

[ام عبدالله لولو]

الحمد لله بخير تسلمي حبيبتي كيف دراستك كم امتحان باقي عليكي

[دموع الليل]

الحمدلله لسه مراجعتى كمان اسبوعين

متشوقه اعرف جنس البيبي

[حلا الماس]

مررررررررررررررررررررررحبا

هيني جيتكم .. اوعوا تختفوا هلأ

اتفضلوا عم بشرب لبن مخيض بلدي كتير لزيز

ام عبد الله .. واخيرا قدرت انزل الصور من الموبايل وهيني رح انزلك صور ولادي هلأ اوعى تروحي

[حلا الماس]

دموع .. لولو .. دودو .. حواء .. ام عبد الله منورات

[دموع الليل]

اهلا حلا كيفك؟ كيف الاولاد؟

[ام عبدالله لولو]

هلا ام خليل شو اخبارك ههههه تسلمي يارب الله يخليك اياهم وتقوميلهم بالسلامة يارب

[لولو الفلسطينية]

ام عبد الله يوووووه لسا ضايل تلات امتحانات
دموع ان شاء الله الزيارة الجاية بتأكيدي من جنس البيبي و ربنا يعطيكي زي ما بتتمني
حلا منوووورة ياحلوة
اكيد بنوتاتك حلوين زي امهم بدون ما نشوفهم الله يخليلك اياهم و قومك بالسلامة
الله يتمملنا كلنا على خير
دودو وين رحتي ؟

[حلا الماس]

حبيبتي دموع

هلا فيكي ..

انا والولاد بخير الحمد لله .. انتي كيف صحتك اليوم ؟؟ والبيبي كيفو اتحرك ولا لسه ؟؟

[~{{ DoDo }}~]

لولو
انا هيك بقول
الله يستر من التامن والتاسع ربك كريم

دموع
ان شاء الله يجي موعدك ع خير وتتطمني
انا كمان اسبوعين كمان موعدي

حلا
اهلا وسهلا بام خليلد
صحتين عاللبن ونورتي
يلا عم نستنى الصور

[~{{ DoDo }}~]

انا هون لولو
مش ملاحقة عليكم اسم الله هههههه

[حلا الماس]

تسلمو يا رب كلو من زوئكم

عقبال تنزلوا صورك ولادكم

http://im37.gulfup.com/P9UGA.jpg

هادا حبيبي خليل (ابو رامي)

[ام عبدالله لولو]

دموع الله ينولك الي ببالك يارب المهم تمام الخلقة حبيبتي الله يتملك ع خير
لسا بدي احكي وين اختفت دودو
هههههه حلا يلا بنستنى

[حلا الماس]

وهاي حلا الامورة الشقية الي مطلعة عيوني التنتين

http://im37.gulfup.com/pFHQS.jpg

[لولو الفلسطينية]

هههه ولا يهمك دودو
حلا الصورة مش طالعة عندي
ما بعرف عند الكل و الا لاني داخلة من الموبايل

[حلا الماس]

وهاي ماسة عسولتي المرضية المطيعة

http://im37.gulfup.com/hJYOu.jpg

[~{{ DoDo }}~]

ماشاااااااء الله لا قوة الا بالله
شو هالخليل العسل هاد
اللهم صلي على سيدنا محمد يا ام خليل
الله يحميه عريييييييس حبيب قلبي كووومة بوسات بوسيلي اياه

[ام عبدالله لولو]

ماشاء الله بياخد العقل الله يحماه ويخليلك اياه يارب

[~{{ DoDo }}~]

وماسة كمان اسم الله الله يحميها
قمر ماشاء الله فيها شبه من خليل صح ؟نفس الانف والتقاطيع

[حلا الماس]

دودو .. ام عبد الله : تسلمولي يا رب عيونكم الحلوات وانتوا الي زي العسل

عقبال نشوف صور ولادكم يا رب وهم بخير وسلامة

[ام عبدالله لولو]

اللهم صلي ع سيدنا محمد هههههه اسم ع مسمى يا ام خليل ماشاء الله حلوة الله يحفظه من كل شر

[حلا الماس]

صح يا دودو .. معاكي حق خليل كتير بيشبه ماسة

بس لون عيونهم مختلف .. ماسة زرق وخليل بني

[حلا الماس]

وفي كمان صورة حلا بالصفحة السابقة .. روحوا شوفوها

على فكرة هي كتيييييييير بتشبهني .. لهيك مطلعة عيوني

[~{{ DoDo }}~]

ما كنت شايفة صووورة حلا
اسم الله امووورة

ماسة وخليل بيشبهوا بعض وحلا مختلفة شوي صح ام خليل ؟

[لولو الفلسطينية]

لااا هي طلعو هههه
يييي ما ازكاهم الحلوين بجننو
الله يخليلك اياهم و يحميهم و تفرحي فيهم ان شاء ألله
عقبال قومتك بالسلامة و تيجي تحطيلنا صورة يوسف

[~{{ DoDo }}~]

اه هيني هلا شفتها
الله يخليلك اياهم يارب قمرات ماشاء الله
الله يحميهم ويحفظهم وتشوفيهم صبايا وشباب
وعقبال ما تفرحي بشوفة يوسف بخير وسلامة يااااارب

[ام عبدالله لولو]

ههههه اسم الله عليهم بياخدو العقل كثير حلوين الهل يخليلك اياهم وتفرحي فيهم يا ام خليل

[~{{ DoDo }}~]

زوجي نزل فيلم ثري دي وبدنا نحضره
عن ازنكم صبايا بلشت السهرة ههههههههههه

[حلا الماس]

حبيبات قلبي .. كلكم زوء

لولو ..عقبال تقومي بالسلامة وتفرحي بشوفة اميرتك الصغيرة وتنزليلنا صورها

دودو .. صح .. اسم الله واضح انك شديدة الملاحظة

معاكي حق ماسة وخليل نفس النسخة .. وحلا موديل تاني هي بتشبهني كتييير
عقبال تقومي بالسلامة وتفرحي بشوفة عمر بين احضانك يا رب

[لولو الفلسطينية]

دودو ههه الله معك و ان شاء الله تكون سهرة حلوة
صبايا و انا كمان طالعة
اهلي جايين علينا
يللا باي
عن ازنكو

[لولو الفلسطينية]

حبيبتي حلا تسلمي

[حلا الماس]

حبيبتي ام عبد الله .. ويخليلك حبايبك ونفرح بقومتك بالسلامة يا رب

دودو .. الله يسهل عليكي .. وسهرة سعيدة مع ابو عمر ♥

[جارة القمر]

حلاااا:

اسم الله على ولادك ربي يحميلك ياهم وتفرحي فيهم .........

باين على خليل هادي صح؟؟!!

[دموع الليل]

ما شاء الله

الله يحميهم

[حلا الماس]

حبيبتي يا جارة ..

ويخليلك ولادك يا رب ..

مزبوط معاكي حق هو هادي اسم الله عليه .. بس ماشاء الله عنو ذكي جدا


دموع .. تسلمي كلك زوء ويخليلك حبايبك يا رب

[حلا الماس]

ويييييييييييين اختفيتوا ؟؟؟؟ !!

[حواء مثالية]

مساكم فل

تسلمو الله يخليكم ويسلم اولادكم

حلالالالالالالالالالالا

الله يحميهم اولادك بجننننننننننننننننو

[احساس أنثى]

صباح الخيييييييير
دائما نشيطه يختي عليا هههههههههه

ودائما بصبح وماببين بعدين :)
مبارح انشغلت وقطعت وهلا دخلت اصبح عليكم واقلكم جمعه مباركه
واعزمكم معنا رايحين ع خانيونس ع مدينة النور حنشوي ونسرح ونمرح
ع ال10 الانطلاق يلي حابب يصحى بدري يجهز حالو هههههههههه

منو بتتعرفو ع اهلي :)
بحكي كأنو عن جد الاشي ههههههههههه

[جارة القمر]

صـــــــبـــآآآآح الآنـــــــــوار


احــــــــســـــاس:

شو هالنشاط هااااااااد ......يسعد صباااااااحك........

طبعااااا انا بحب رافئكم كتييييييييييييييييييييييير ......ولاني ما بئدر كون معكم ئلبي معكم ....

Enjoy ياااااااا أأأأأأأأامـــــــر مـــــــع العيلة بجد احلى اوقات هادي..........

وانا كمان اليوم رايحه لبيت اهلي ..........

[~{{ DoDo }}~]

صبااااح الورد

شو هالنشاط احساس
موفقين بمشواااركم وان شاء الله بتنبسطو وبتقضوا احلى الاوقات
واعتبرينا كلنا معكم ، سلميلنا ع اهلااااتك ؛)

جاارة
يسعد صباحك ؛)

جمعة مباركة عليكم جميعا صبايا

[حيفا]

صباااااااحكم فل وياسمين
وجمعتكم مباركة باذن الله :)

كيفكم شو اخباركم ؟؟

مبارح رحت عالبحر الميت ، شط كتيييير حلو وهادي والجو كان كتيييير حلو انبسطنا والله :)

شو طابخين اليوم ؟؟

انا بدي اعمل صينية سمك مع بقدونسية ، وبطاطا ، وسلطه جرجير :)

[حيفا]

ماشاااااااء الله حلووووووووووش شو حلوين بناتك وخليل ، هلا لشفتهم حبايبي مزكاااااهم الله يحفظهم ويارب تشوفيهم عروسات وعرسان :)

[~{{ DoDo }}~]

مسك

صباااح الفل كيفك وكيف ديدو
مالك بطلتي تبيني كتير متل اول

حيفا

يا صبااااح الورد
يا الله حلو كتير نفسي اروح البحر الميت
ان شاءالله شي يوم اشوفه :)
وصحتيييييين عالسمكات

[حيفا]

صباااااااحك سكر يا دودو السكر

والله حلووووو كتيييير الوانه غير عن البحار التانيه ، وكمان صاااافي متل المراي ، وصخور من الملح ع الشط كتيير كتيير حلو بس يعني هلاء وقتو ، كمان اقل من شهر بصير صعب الجو هناك بصير ناار بتوصل درجه الحرارة 60 ههههههه

كيفو عمورة البطل :)

[~{{ DoDo }}~]

حلو كتييييير حمستيني
الله يوعدنا شي يوم ونروحه
عموورة بسلم عليكي الحمدلله بخير والله
هينا تقلنا انا وياه الله يكملها ع خير يااااااارب
عقبااااااالك ياااارب يا قمر ؛)

[حيفا]

حبيبتي دودو بتقدري تزوريه من جهة الاردن ، بس ان شاء الله ربنا برزقك تزوريه من جهتنا يارب
وحبيبي عمورة الغلباوي انا متحمسه اشووفووو هههههههههه
الله يارب يوصلو بالسلامة و انتي يقومك بالسلامة يااااااااارب

الله يسعدك ويسمع منك ان شاء الله
شو طابخه ؟

[~{{ DoDo }}~]

ان شاءالله يارب يا ستي الله يسمع منك
وان شاء الله بيجي عمورة بالسلامة وبتشوفيه ؛)

انا اليوم فاضية مش عاملة شي يمكن نتغدى برا انا وزوجي ما قررنا
مرتااااحة هههههه

[beboo]

صباح الفل ياصبايا كيفكم

جمعة مباركة علينا وعليكم

دودو حبيبتي تسلميلى ياعسل بيجننوا الصور ان شاء الله راح اعمل وحدة منهم خاصة انهم بيلبقو للفستان كتييير غلبتك معى ياعيني

باقى الصبايا الله يخليلي اياكم تسلموو كتير حلوة نصايحكم

[احساس أنثى]

مرحبا صبايا توي روحت جد كانت رحله ممتعه والمدينه حلوه كتييييييير

مسك انا اول مره اروح عليها وبسمع انها عند اصداء لهيك حكيت خانيونس مش اني بكذب
اصلا مابعرف اي شي غير غزه

حلاااااا انا ماشفت الا ماسه ربي يخليلك ياها الاموره اسم ع موسمى :) بس ردود البنات حيصوني اشوف خليل :)
يمكن لانو من موبايل مابينت عندي

[احساس أنثى]

شو نمتو من هلقيت ؟!

[جارة القمر]

مسآآآآآآآآآآآآء الخــــــــيــــــرات والـلــــيــــــرات

[~{{ DoDo }}~]

صباح الورد والفل والياسمين صبايا

شو مالنا كلنا كسلانين هاليومين
هيني جيت اول وحدة بالدوام الصباحي
وينكم حلا وام عبدالله ولولو وفوفو ودموع هههههههه رفيقاترالصباح
وباقي الصبايا فوتوا اشتقتلللللللكم

ما بدي احسد حالي بس الليلة نمت منيح
يمكن من التعب بس عمورة كان مؤدب وما غلب الماما بالليل

اممم عم بشرب حليب وباكل مبروشة ههههههه

[حيفا]

صباح الخيرات جميعاااا

اوووف مالكم صبايا نعسانين وكسلانين ؟؟؟ من مبارح الصبح ع نفس الصفحه :p

يلا قومو صحصحو

[حيفا]

بناااات شوفو هالموضووووووع عجبني كتيييييييييييييييييير ذوووووقها


http://forum.hwaml.com/t233998.html

[~{{ DoDo }}~]

حيفا
هههههههههه الله يسامحك كنت رح اشك فيكي
شو هالزوق الدمار الشامل هاد بجد فظيع
يسعد صباحك شايفة البنات في اختفااااء تام كسلانين

[حيفا]

ما انا عشان انصدددددمت منووووووو وصدقت انه في ناس هيك ذوقها وصرت ابرر انه لولا اختلاف الاذواق لبارت السلع بس مش لدرجه شورت سمير غاااانم ههههههههههههههههههه


صباحك فل وياسمين
الصبايا تركونا وراحو ما ضل غير انا وانت هههههههههه

[دموع الليل]

مرحبا

كيفكم ؟؟

[احساس أنثى]

مسا الخير ياحلوين اليوم الجو حلوووو هوا باااارد :)

[مسك السنين]

بنات بتسلم عليكم عسولة هيا تمام وسئلت عنكم
يوم اﻻربعا عندها ربط لعنق الرحم
دعواتكم الها الله يتمم لها ع خير

تحياتي الكم

[~{{ DoDo }}~]

حيفا
ههههههه انا نفس الشي
بجد نهفة
اجو البنات عالسيرة

دموع واحساس ومسك نهاركم سعيد شو اخباركم صبايا

وعسوووولة الله يتمملها ع خير ووتعمل عمليتها ع خير ياااااارب وتقوم بالسلامة :)

[ام عبدالله لولو]

مساء الخير ياصبايا
يسعد مساكي يا حيفا ع هالموضوع ههههه والله شكيت بحالي بحكي شو هاد الزوء هههه فضيع المهم شو اخبارك
دودو يسعد اوقاتك حبيبتي شو اخبارك انا مش كسلانة ههههه بس يوم السبت لانو زوجي بكون معطل ما في جامعة لهيك ما بفوت غير وقت العصر بتغرفي ما الي غنى عنكم يا حلوات
حلا وينك يارب تكون امورك تمام يا رب
لولو تعي طمنينا عنك يا حلوة
احساس وفوفو ودموع وجارة وكل الصبايا يسعد مساكم

[احساس أنثى]

ومساكم ياحلوين ربي يسعدكم

الله يسلمك ويسلمها يارب يامسك
وان شالله ربي يتمملها امورها ع خييييير

[~{{ DoDo }}~]

هلا ام عبد الله
شو اخبارك ان شاء الله تمام
انا كمان السبت زوجي بيعطل بس عشان نمت منيح
صحيت نشيطة هههه
شو اخبارك وكيف البيبي ان شاء الله كلو تام ؛)

[فوفو89]

يسعد مساكم صبايا

كيفكم اليوم

قبل شوي جيت من عند سلفتي .. يا حرام بالشهر التاسع ومعها وجع ولادة ،، اشي بيخوف وبيقشعر البدن ،، عملتلها كمون وميرامية وهربت هههههههههه

[حواء مثالية]

سلام عليكم كيفكم يا رب تكونو بخير

[ام عبدالله لولو]

تسلمي يا ام عمر الله يخليكي الحمد لله بخير والبيبي بيسلم عليكي كيف انتي والسابع الله يتمملك ع خير وتقومي بالسلامة يارب
فوفو هلا يا حلوة الدور جاية ههههه لاتهربي ولا عبالك
حواء منورة يا عسل شو اخبارك وكيف برلنت الحلوة اسم الله عليه حلوة كثير الله يخليك اياه كيف عزو مغلبك ولا هادي

[حواء مثالية]

الحمدلله نحنا بخير الله يسعدك يا رب عيونك الحلوين

عزوز يعني يوم هيك ويوم هيك

الاثنين مراجعتي بتطمن علي وبطمنكم ان شاء الله

عيون المها كنتي سالتي مين اختار اسم عزوز انا وزوجي مقررين من اول ما عرفته نسمي هاد الاسم

وبالنسبة لوجبة لفطور لادم عرفت لي ما بتقبل شي سالت دكتور برلنت بحكيلي ما تعطي البيبي حليب اول ما يصحى الصبح بوكل اي شي بتعملي جربي واحكيلي اذا مشي الحال معو بحكيلي الدكتور الحليب بسد نفسهم الصبح


خدووووووو هالنكته


محشش طفران وكحيان ........
دعسته سياره صغيره ..... حصل على تعويض 50 الف
راح وقف قدام القطار .... وهو بيضحك وقال :
ادعس ياأبو الملايين .... ادعس
ههههه

[ام عبدالله لولو]

ههههههه الله يسعدك يارب هههههه ان شاء الله بتطمني عليه يارب كيف بان بطنك

[احساس أنثى]

هههههههههههه عجبتني النكته ياحواء ربي يسعد ايامك

[نور العمر]

مساااا الخير ....

كيفكم اليوم ..؟

احساس كيفك وشو اخبارك... بدي أسالك بس ولدتي ب ايا مستشفى ولدتي ...؟؟

[نور العمر]

انا هلأ رايحه عندي موعد عند الدكتوره ادعولي تكون اموري تمام لانو اخر زياره ما كانت راس البيبي نازله بالحوض ...

بشوفكم بس ارجع ان شاء الله ...

[جارة القمر]

هــــــــــــــــــــــايـــــــــــــــــــز

[جارة القمر]

مـــــســـــــاء الــــــخـــــــيــــــر

اشتئتلكم

فوفو::
والله ضحكتيني من ئلبي ..........غليتي لسلفتك الاعشاب وهربتي ...........ليه هيك .!!؟؟ ههههههههههه الله يسعدوووو الخويف


حواااااااااء::


على طوووووووووووول الرواااااء ياااااااا ام عزوز

[جارة القمر]

بنااااااااااااات بدي اشكيلكم عن زوجي .........
لاول مره من 6 سنوات الا 4 شهور زواااااااااااااج ...........بحكيلو بدي اطلع على السوء بيحكيلي لا مش ضروري تروحي

مصدومة بجد ومش بنطئ ولا عارفه ارد .............بس احكيلكم بصراحه بيطلعلو لاني الصبح تركت زوزو عندوووو ورحت شريت

خضار وادوات منزلية للبيت ..............

مممممممممممممـ
مع اني متأكده لو ارجع تاني احكيله مع شوية اطرائات بكرمه رح يوصلني بحالووووو يئبرني حنووووووووون

بس والله اشتغلت بالبيت كتييييييييييير بس حابه اطلع اشوف شو منزلين ............

حابه اروح على سوء بيت لحم .....:(

خلص فشيت خلقي ..........هوووون

[جارة القمر]

طيب بحكي مع حاااالي وين رحتوووو ولا قيلوله .......!!؟

نور العمر ::
ان شالله كل امورك بتكون تمام تعي خبرينا شو بصير معك.


حيفاااا:

والله العظيم انه اول صوره شفتها حكيت ممكن نوعا مااااا الفستان ينهضم امااااا ليه لقشاط الزهري مستحيل

ولما انزلت للصورة التانيه ..........شكيييييييت بالموضوع وعرفت انه مزحه لانه مكتوب عليها اسم مشتركة غير اللي منزله
الموضوع ...........اما صبابا ..........

[ام عبدالله لولو]

الله يسعد مساكي يا جارة شو اخبارك واخبار العرسان الي عندك يلا حصري حالك رح تجيبي كنتين ههههه الله يفرحك فيهم يارب
نور الله معك حبيبتي ان شاء الله كل امورك تمام يارب

[جارة القمر]

ام عبدالله::

هلا وغلااااا ............على فكره في عندي كنتين هون من المنتدى .....بس انسيت مين هم :(

[احساس أنثى]

جاره

بكون جوزك مضغوط مش أكتر او حد حاطط براسو
مادام مش عوايدو يقلك لأ

بسيطه بكره حتلاقي مزاجي زي الفل وبتروحي السوق ^_^

[احساس أنثى]

مساااا الخير ....

كيفكم اليوم ..؟

احساس كيفك وشو اخبارك... بدي أسالك بس ولدتي ب ايا مستشفى ولدتي ...؟؟

نور العمر ان شاالله اليوم كون امورك تمام وتروحي مبسوطه من عند الدكتورة

وأنا ولدت بالأهلي يلي بالساحه بتعرفيه ^_^ ولدت اول يوم بعيد الفطر ^_^

رحت ع الخدمه العامه مع انو نزل عليا دم وانتي بكرامه بس حكتلي لسى مهل ع الولاده

فرحت ع الاهل كنت اتابع عندو عند دكتور اسمو سعيد الحديدي وهوا يلي ولدني والممرضه لما كشفت عليا حكتلي حعطيكي شوية ابر وتساعدك وفعلا رحت ع ال9 الصبح ع ال2 كنت والده كنت لوحدي علمك عيد فأخدت اهتمام بالغ ^_^ واتجول بشعري هههههه لانو في غرفة الولاده وفي غرفه بعد ماتولدي لانو الدكتور مابيجي الا باخر لحظات الممرضه كانت مهتمه فيني لحد مابين الراس طلع الدكتور لعندي

والحمد لله يعني لو ضليت بالخدمه كان لسى بدي يومين او اكتر اطلق

[جارة القمر]

احساس::

لا ابدا زوجي مش من النوع يلي حد بيعابي راسووووو

بس مو حابب اني اطلع مرتين باليوم عشان زوزو...

احكيلي كيف زوزو تبعك لك زماااان ما حكتيلنا اخباروووو

[حواء مثالية]

تسلمووووووووووووووووووووولي

جارة بتعرفي ما بحب اطلع على السوق الا للضرورة القصوى بنخنق ما بحب العجقة خصوصا بالاعياد

لما بدي اروح بكون عارفه شو بدي ومن وين نادرا لالف

[جارة القمر]

تعرفي حوااااء مو شغلت لف بالسوء بس انااا روح ئلبي اتسوق.........

[umm 3amr]

مساء الخير

[umm 3amr]

يسلمو جارة على سؤالك والله كنت كتير مشغوله
واشتئتلكم وللصبايا كلهم ليلنا وانهارنا صار واحد