دردشة بنات فلسطين , دردشة حوامل فلسطين , تجمع بنات فلسطين

[حلا الماس]

وين رحتوا يا صبايا ؟؟

[beboo]

يسعدلى صباحهم النشيطات

نور العمر يسعد صباحك هلا حبيبتي كيفك انت انا اليوم عاملة سمك اتفضلى

ام عبدالله حبيبتي هو الى مصحي الماما بكير مو انا يلي مصحياه هههههههه يسعدلى هالصباح

لولو حبيبتي كيفك وكيف حملك شو لسا في مي بتنزل طمنينا عنك

حلا حلحولة شو مالك سلامتك اوعى تكوني مزررة اصلى انا ببيبو زررت وماكنت قادرة امشي من الوجع الله يقومك بالسلامة ياعسل

[حلا الماس]

يسعد صباحك يا بيبو

الله يسلمك ويبعد عنك ... بس لا مش تزرير انا مجربة التزرير وعارفة شو هو

الوجع برجلي من تحت من عند الكعب اكتر أشي ... شكلو من التقل وكرت الحركة
بيعيييين الله :(

طمنيني عنك أنتي كيفك وبيبو كيفو ؟؟

صحتيين عالسمك وأنا كمان اليوم بدي اعمل سمك :)

ام عبدالله وين غطستي يا عسل ؟؟

نور العمر يسعد صباحك يا عسل ويخليلك صغارك يا رب

غموض الله يثبتلك حملك وتفرحي فيه باحضانك يا رب ... بس ديري بالك على حالك اهم شي وربي يجيب الخير


وين الباقي ؟؟ دودو لولو حيفا فوفو أية إحساس وحواء

انبثاقة من زمان ما طلت

[ام عبدالله لولو]

هيني يا نحلة هههههه بدوري على العسل صبحتي الله يسعد صباحك يا حلوة شو اخبارك واخبار الاولاد وزمان ما حكينا هههههه بنيجي شوية وبنروح

[حلا الماس]

الله يسعد صباحك يا حبيبتي

والله مشتاقتلك كتييير ولحكياتك الحلوة ... بنعنش لما احكي معك

بس عن جد حاسة كل جسمي مكسر وتعباااااااااااااانة كتير كل مكان بجسمي بيوجعني :(

طمنيني شو أخبارك انتي ؟؟

[ام عبدالله لولو]

الحمد لله بخير هههههه هيني يوم مصحصحة ويوم نايمة الصيف مع الحمل بخلي النفسية اشي مش طبيعي هههههه بس الحمد لله على كل حال كلها شهرين وبعدو البيبي ازعر وبسلم عليكي الحمد لله كويس زي ما حكتيلي وانا اتوقعت عمرو صح 26 اسبوع وزنو كويس وكل شي فيه حلو اعطاني صورة لوجهو هههه
سلامته رجلك حاولي ما تمشي كثير ولاتتعبي دكتورتي هيك حكتلي لانهم بتنفخو من الوقفة بسبب الثقل

[حلا الماس]

الله يطمنك عنو الأزعر وربي يجيبو بالسلامة أن شاء الله

معك حق الشوب مزعج بالحمل ... ولسة الصيف باولو يعني والله لنولع هههههههههه

الله يسلمك معك حق رجلي متورمين واديي كمان حتى المنطقة من تحت منتفخة من التقل وحاسة حالي بمشي متل الرجل الآلي ههههه وصرت كتير اتعب لما اطلع درج بيتي وينقطع نفسي

[فوفو89]

يسعد صباحكم يا حلوين

كيفكم وشووو اخباركم

انا شوووووووووووووووووووووووووبااااااااااااااااانه كتيييييييييييييير

[ام عبدالله لولو]

الله يعينك والله اشي مزعج الوجع وخاصة التنفيخ هههههههه الواحد بحس حالو روحو صغرانة كثير انا مريت فيه هاد الشهر كثير كنت مدايقة من حالي

[ام عبدالله لولو]

يسعد صباحك فوفو شو اخبارك وكيف الببي ان شاء الله بخير
دودو وينك لهلا متاخرة
لولو ويتك طليت ما رجعتي

[حلا الماس]

يسعد صباحك يا ام زران

آه آه آه .... ال ما تشكيلي ببكيلك والله الحال من بعضو يختي
طمنيني عنك شو أخبارك ؟؟ شو طابخة اليوم

ام عبد الله بيعين الله بدنا نتحمل والحمد لله

قوليلي كمتلي تجهيز لعبود ولا لأ ؟؟

[ام عبدالله لولو]

الملابس كل شي جاهز ظايل اغراض الصيدلية والسرير والعرباي هههههه اما جيت بدي اروح امرضت حاسة حالي كثير كسلانة اطلع السوق مملل خاصة موسم اعراس ومناسبات وكل فايع هههههه

[حلا الماس]

أن شاء الله بيجي بالسلامة وبيهريهم بالعافية يا رب

عادي معاكي وقت اتكملي التجهيز براحتك ... اهم شي ما تتعبي حالك

[فوفو89]

هلا حلا

انا منيحه الحمدلله بس شوبانه كتير

والله لحد الان ما بعرف شو اطبخ

نفسي اطبخ معكرونة بس جوزي ما بيوكلها

غششوني شو اطبخ ؟

[حلا الماس]

هلا فيكي فوفو

بيعين الله لسة الشوب باولو قولي الله يكون بعونا على رمضان يعني صيام وشوب وحمل

خدي شاور بارد واعمليلك صحن سلطة بيرد عليكي أو خدي عصير بارد

بالنسبة للطبيخ انا بدي اعمل سمك اليوم أن شاء الله وهيني رايحة عالمطبخ أبدا فيه ... اتفضلو

[فوفو89]

زماان عملت حمام بارد بس برضو شوبانة
مش جاي ع بالي لا اشرب عصير بارد ولا مي باردة لانه معدتي بتقلب وزايفة
شربت سفن اب بارد ،، اتوقعت انه احسن

ما بعرف ليش معدتي صارت تزوف بآخر الشهر الخامس مع انه من اول الرابع لحد نص الخامس راح زوفان المعدة

[حيفا]

صباح الخير حبيباتي كيفكم ؟

شو اخر اخباركم
معلش ما بدخل كتير زوجي تعبان وما بفضى افوت ولا احكي او بالاحرى مالي نفس احكي ولا غيره

نهاركم سعيد جميعا

[احساس أنثى]

يسعد مساكم ونهاركم واوقاتكم ولحظاتكم وكل شي بحياتكم :)

حلا الف سلامه عليكي ياعسل يمكن كاينه مشتغله كتير بالدار لهيد كعاب رجليكي بيجعوكي انا بعرف الوقفه باخر اشهر مش كويسه ممكن تسبب دوالي لاسمح الله
حاول اعملي شغلك ع طاوله

غموض ربي يتمملك ع خير ياسكره كتير ستات بيضل ينزل عليهم دم والحمل بيثبت بس لاتفكري كتير وريحي حالك وان شالله تشوفي النونو بين ايديكي ع خير يارب

حيفا ياقلبي هونيها بتهون اهم شي النفسيه لاتتعبي حالك والله باذن الله ربنا حيكرمك بالدور شايفه عسوله وغموض وان شالله انتي عن قريب يارب يارب / احكيلي سجلتي بالنادي !

دودو كيف سرتي اليوم وكيف النفسيه احسن !!

لولو الفلسطينيه شو اخبارك ؟! شو جديدك !

فوفو شو عملتي بهالحر طلعتي ع البحر ولا اخدتي شور اقلك اشتري ايس كريم بتبرد ع القلب :)

يارب مااكون نسيت حد
لولو حماده وبيبو وام جودي وام عزمي وايه وبينك ودموع اليل وحواء وجاره وعيون المها وهبه وكل الصبايا
وعسوله شلونكم !!

حواء تعي احكيلنا كيف حفلة خطوبة سلفك ؟


تفضلو تغدو سندوتشات سنتشيل وبدي اغسل ويمكن اروح ع اهلي متردده عشان زوزو تعبان

[فوفو89]

احساس
تسلميلي
ما عملت اشي هيني قاعدة ع المروحه .. وبشرب مي مثلجة
ويون احنا ووين البحر ... البحر بعيييييد عنا .. قصدي البحر الميت .. لانه انا من نابلس

[احساس أنثى]

يالله الله يعينك الحامل بتفرفط روحها
شو حنعمل برمضان !! ان شالله يكون بارد علينا

[فوفو89]

يييييي انا كل يوم بحكي ظايل ل رمضان كذا والله يعيننا ع صيامه مع الشوووووب ههههههه
جوزي بيحكيلي انتي حامل كيف بتصومي
بحكيله عادي الحامل تصوم
انا خلال الحمل باخذ مميع للدم بعد الفطور ..بسأل الدكتور اذا الصيام عادي او لا
بس ما اتوقع يضر صح ؟

[احساس أنثى]

والله يافوفو ماعندي خبره ياعسل
اسألي الدكتور وان شالله خير
حتى لو افطرتي كل شي خير

[حواء مثالية]

يسعد مساااااااكم اشتقتلكم

نور العمر انا تعبت من العملية اسبوعين وانا ميكلة هوى وبعد الاسبوعين بلش يخف شوي شوي

انا خلفت برلنت ب 10\7 وصار الحمل بشهر 11 كانت اخر دورة الي

حفلة سلفي كانت كثير حلوه بس روحت برلنت مرضت ما عرفت شو جرالها استفراغ انقهرت لهلا تعبانة مسكينة


انااااا اليوم اول يوم بالسابع الله يتمملي عخير يا رب

[جارة القمر]

مسآء الخيرات والليرات

حواملنا :

ربي يكون بعونكم خلص مضى لكتير وما ضل الا القليل ........

غموض:

ربي يتمملك على خير يااااااااااااارب ويثبتلك حملك...والله انا ما بعرف عن الدم شي بس هي الاخوات هون
بيحكو انه ما بيخوف ان شالله .........طمنينا عليك اول باول


حواء:

مبروك ما عملتو
وسلامتها برلنت كيفها اليوم؟

احساس:

سلامته زوزو ...........يمكن من البطيخ ههههههههه

[حواء مثالية]

هلا يا جارة نورت

والله بعدها تعبانة برلنت

وانا الثقل ذابحني

[احساس أنثى]

حواء
سلامتها برلنت يمكن برد لانو هالجو مره حر ومره بارد

جاره
هههههعهه ضحكتيني ع البطيخ والله انا بقول يمكن لانو كان بارد وبعدها تعب

[جارة القمر]

حوائتي:

الله يعينك ولسا انتي التقل الجد بعز الصيف بس كل شي باحره ان شالله - والف سلامة لبرلنتو حبيبتي


احساس:

سلامتو حبيبي ابو الزوز وصحتين على البطيخ

[دافئة المشاعر]

http://www.hwaml.com/up/uploads/1369044399861.gif

http://forum.hwaml.com/images/icons/e12.gifhttp://forum.hwaml.com/t258765.html#post3206238


جارة القمر
لك وحشه
.

[حلا الماس]

مسا الخير يا صبايا

إحساس حواء جارة منورات

حواء مبروك ما عملتو لسلفك التمام على خير أن شاء الله
مبروك دخولك السابع عقبال قيامنا بالسلامة يا رب ... بالنسبة للتقل لا تشكيلي ببكيلك التقل دابحني وبتحرك متل الرجل الآلي خخخخ
سلامتها برلنت اقرئيلها قرآن يمكن الناس صابوها بالعين

إحساس يسعد هالمسا يا روحي كيفك كيف الحمل ماشي معك ؟؟
سلامتو زياد ما على قلبو شر

جارة منورة كتيييير حبيبتي يسعد مساكي يا رب


بنات حاسة حالي متنكدة وروحي بمناخيري كتير متنرفزة ولادي ونكدهم وتقل الحمل وصداع وأبي تعبان شوي وبكرة عندو عملية

بفكر انزل عالدكتورة كمان بكرة بش ماليش خلق مع انو الي زمان ما رحت مراجعة .... أتذكروني بدعوة من قلبكم ربي يشرح صدري بجد كتييييييير متنكدة وضايق خلقي والعبرة خانقتني :( :( :(

[غُمُوض أُنثَى]

يسعد مساكم بنات تسلمولي يارب كلكم ع اهتمامكم وردودكم عليا طمنتوني والله :)


صباح الخير يا صبايا
غموض ما تخافي حبيبتي هاد شي عادي ما بخوف انا اول ثلاتة شهور كان باستمرار البني ينزل وكنت اخد دفستون كل يوم حبة وباخر الثالت نزل دم بس مو كثير واخدت ابرة مصبت ما تخافي عادي اااااااهم شي الراحة الجسمية والنفسية وماتخافي وكمان الجماع مافي لانو الاحتمال الاكبر هو السبب او مرهق حالك بشغل البيت المهم ارتاحي وازا رجغ تزل راجعي الدكتورة صدقي بالله انا من كم يوم وهيتي كمان يومين بدخل السابع بفضل الله ورعايته نزل افراز بني مع شوية دم خفيفة ع طول اخدني جوزي ع الدكتور حكالي عادي ممكن التهابات وهيو مثل الازعر بينطنط هههههه هو الي بصحيني الصبح اسم الله عليه
حلا ودودو ولولو وفوفو وبيبو واحساس ودموع ونور وباقي الصبايا يسعد صباحكم يلا ارجعو زي اول ليه كسلانات

والله يا ام عبدالله انا حتى باخد مثبت من اول الحمل بس مش دوفاستون باخد تحاميل مهبلية اسمها cyclogest
وحتى الجماع مانعينو من اول الحمل ،، هوا لانه مبارح انخرعت خرعة حسيت بطني نزل في رجليا منها والله :(
وهيني هلا ما بقوم من السرير حتى زوجي بيطبخ وبيجلي الله يرضى عليه
يارب يتمم ع خير الله يسمع منك وانتي ربي يتمم لك ع خير حبيبتي وتشوفيه بين ايديكي ياااااااارب



غموض حبيبتي باذن الله مافى ضرر على البيبي يمكن بس مع الخوف الله يحميلك اياه ويجيبه بالسلامة وتقوووووولى اااااااااااه ياااراسي مابسكت من كتر البرم ههههههههههههه

بيبووو تسلمي يا البي ع ردك
الله يسمع منك ياااااااااااارب



غموض ربنا يثبتلك حملك ويتمملك على خير .. حاولي ما تعبي حالك وخصوصي راحه النفسيه وخدي مثبتات والله يتمملك على خير



نور العمر اول شي الحمدلله ع سلامتك ومبروك البنوتة تتربى في عزك يارب
انا باخد مثبت والله ،، ان شاء الله ما يرجع ينزل عليا اشي والله يتمم ع خير


ما تخافي ان شاء الله خير يا رب
انا بحملي هاد نزل عليه نقطو صغيييييرة بنية تقريبا على بداية الشهر التاني و كتيييير خفت لأنو انا كمان عندي تجارب مع البني هاد الله يقطعو المهم كان الوضع عادي و الحمد لله و نا اصلا كنت باخد ابر تثبيت لحد الاسبوع 11 تقريبا و شوفي هيني بعد بكرة بدخل التاسع عقبال عندك ياااا رب
بس انتي خليكي مرتاحة عالااااخر و طبعا الجماع ممنوع على الاقل اول تلات شهور و ان شاء الله ربنا يتمملك على خير و تشوفي البيبي سليم معافى في حضنك يااا رب


لولو الله يطمنك متل ما طمنتيني يارب
وربي يتمم لك ع خير ان شاء الله يلا هانت عدها اجتك البنوتة
الله يسمع منك حبيبتي



باقي الصبآيآ مشكورين ع اهتمامكم يا احلا خوات
مها وهدولة تسلمولي يارب


حيفآآآ ،، كيفك يا قمر والله الك وحشة شو مالك حساكي مش مبسوطة يا لطيف !!
شو مالك طمنيني عنك

ابثآقة كمان شكلها من زمان ما فاتت بكلمها دايما عالواتس حبيبة البي الله يسعد البها وعمرها يارب



حلا الماس شو مالك انتي كمان متدايقة
الله يرفع عنك يارب ويشرح صدرك حبيبتي

[فوفو89]

يسعد صباحكم يا حلوين

كيفكم اليوم

انا من الصبح صبحت اعطس ورا بعضو شكلي بدي ارشح هئ اهئ اهئ

اكره ما عندي ارشح بكره حالي وقتها :(

[لولو الفلسطينية]

يسعد صباحكم
احساس
سلامته زوزو ما على قلبو شر
ان شاء الله تحسن ؟
حواء
سلامة قلبها برلنت
و مبرووووك دخولك السابع و عقبال التاسع و قومتك انتي و عزوز بالسلامة ان شاء الله
حلا
حبيبتي ربنا يشرح صدرك و يفرج همك
سلامته ابوكي .... ان شاء الله تكون عمليته سهلة و تتحسن صحته يااااا رب
غموض
اهلا فيكي
توكلي على الله و ان شاء الله ربنا بتمملك على خير
دودو
ليش ما بينتي ؟؟ ان شاء الله خير
بيبو
حبيبتي يسعد صباحك
لا ما في مية الحمد لله ما رجعت شفتها
انتي كيفط و بينان شو عامل ؟
انبثاقة
اشتقتلك و لحكيك الحلو
الله يعينك و يهدي بالك يااا رب
ام عمر رشا
يا ترى شو اخبارها .... ان شاء الله تكون اوضاعهم تحسنت يااا رب
ام جودي و عيون المها
شو الاخبار ؟؟ اشتقنااااانلكم
حيفا
ليش صرتي هيك يوم اه و عشرة لا ؟؟ اشتقنالك يا بطة
باقي الصبايا بدون ذكر اسماء يسعدلي صباحكم وين ما كنتو
في حد صاحي و الا لسا ؟

[لولو الفلسطينية]

يييييي انا كل يوم بحكي ظايل ل رمضان كذا والله يعيننا ع صيامه مع الشوووووب ههههههه
جوزي بيحكيلي انتي حامل كيف بتصومي
بحكيله عادي الحامل تصوم
انا خلال الحمل باخذ مميع للدم بعد الفطور ..بسأل الدكتور اذا الصيام عادي او لا
بس ما اتوقع يضر صح ؟

فوفو انتي ليش بتوخدي المميع ؟
انا باخد مميع الي هو بيبي اسبرين و كمان ابر برضو مميعة للدم لأنو عندي تخثر و مش لاااااازم اتركهم ولا يوم .... الاسربين الدكتور وقفلي اياه بأول التامن و على حسب علمي انو ضروري تاخديه بوقتو .... انتي اسألي الدكتور احسن و اضمن و ان شاء الله خير

[احساس أنثى]

يسعد صباحكم جميعا اول مره اصحى من بدري قبل 11

حلا
الف سلامه ع الوالد وربي يشرح صدرك فتره وبتعدي ان شالله

فوفو
سلامتك اعتقد قبل هيك حكيتي انك فلورتي مالك يابنت مناعتك ضعيفه !

لولو
يسعد هالصباح كيف اصبحتي ! لازوزو الحمد لله سار عال العال بفضل الله

[فوفو89]

يسعد صباحك لولو انتي وكارين

كيفك اليوم

انا حملت في شهر 9 وبعدها اجهضت في شهر 11 الماضي
وبعد عملية التنظيفات حكالي الدكتور لازم اعمل فحوصات عشان نعرف السبب
وعملت فحوصات وتبين السبب انه تخثر الدم في الشرايين الي بتغذي الشرايين
وكتبلي وقتها بيبي اسبرين وفوليك اسيد و ضليت آخذهم ل حتى حملت في شهر 1
ولما حملت كتبلي مميع ثاني اسمه cartia حكالي ما اوقفه ابدا الا لما هو يحكيلي وباخذ حبة بعد الفطور الصبح
ولما صرت بالشهر الرابع كتبلي مع المميع كالسيوم فوار و حبوب فيتامينات اسمه سوبرادين

والحمدلله ع كل حال

لما اروح المرة الجاية ب شهر 6 بسأله عن الصيام ان شاء الله ..

بدي اسألك انتي لاجئة ؟ يعني سجلتي في عيادة تابعة للوكالة ؟

[ام عبدالله لولو]

صباح الخير يا صبايا
شو اخباركم حلا الله يفرج همك ويشرح صدرك يارب حبيبتي ما تزعلي حالك الكل بمر بفترة ضيق ماعليك غير اتوكل على الله وخلي صورة البقرا بالبيبت ع طول وبصوت مسموع الله يهونها عليكي هي النفسية بتكون بالشوب ومع الحمل مرهقة شوية اتحملي وحاولي اما تحسي بضيق تصلي واقرئي قران خدي اولادك واطلعي هههههه انا جوزي كان يطلعتي والله وكان يصبر عليا هههه مريت باسبوعين كثير قرفت حالي بس الحمد لله الله لايغيدها اشي بقرف انو الواحد يحس بضيق بصدور وما يكون عارف شو يغمل
لولو وفوفو يسعد صباحكم دودو وينك يا بنت تعالي طمنينا عنك انتي كمان نفسيتك تعبانة بعين الله
بنات شكلو المنتدلى صار بدو اخصائية هههه انا اول وحدة يسعد صباح الجميع hwaml02

[ام عبدالله لولو]

يسعد صباحك احساس شو اخبارك سلامتو ابو الزوز كيف الحمل والبيبي والواحام ههههه يقطع شرو بس ازكرو بتقلب معدتي

[لولو الفلسطينية]

يسعد صباحكم
احساس
انا الحمد لله ماشي حالي هههه
الحمد لله انو زوزو تحسن
ام عبد الله
يسعد صباحك يا عسل
فوفو
انا كمان اجهضت مرتين خلال اربع شهور و برضو طلع عندي تخثر بالدم
بس انا كنت اخد اسبرين و وقفته زي ما حكيتلك و هلأ مستمرة على ابر اسمها كلكسان كل يوم ابرة و رح اضل اخدها لبعد الولادة بأسبوعين تلاتة
و هيني بكرة بدخل التاسع يعني هااانت
الله يتمم لك على خير

[لولو الفلسطينية]

فوفو
نسيت
لا انا مش لاجئة و لا في اشي اسمو وكالة النا

[فوفو89]

هلا ام عبدالله
يسعد صباحك
سلامتك يا عسل
كيفك نفسيتك اليوم ؟
عنجد اكثر اشي بيدايق لما الواحد تكون نفسيته سيئة والمشكلة بدون سبب

[ام عبدالله لولو]

الحمد لله بخير ونفسيتي ههههههه الف ما بدي احسد حالي الحمد لله اه والله يافوفو مع هالحمل صرت كوابيس ودائما مالة وزهقانة بس الحمد لله كان زوجي يهونها عليه وطووووووووووويل بال علية الله لا يعيدها
لولو نيالك حبيبتي الله يقيمك بالسلامة انتي وانا وكل الحوامل يارب

[فوفو89]

لولو
وانتي كمان الله يتمملك ع خير يارب وبقومك بالسلامة . .
كنت بدي اسألك عن الوكالة لانه سمعت انهم بيعطو للحامل البكرية ابرة تطعيم يمكن اسمها كزاز
انا بكرا بدي اسجل بالوكالة وبسألهم وبشوف عن الابرة


احساس
هههههههه
اه والله شكلها مناعتي ضعيفة
يختي الجو عنا بيقرف مرة شوووب مرة بررد وانتي بتعرفي الحامل بتظل حساسة
على راي ستي الحامل بتاخذ البرد حتى من اصبع رجلها
الله يكون بعوننا يارب
شو اخبارك انتي ؟

[ام عبدالله لولو]

فوفو اه بتاخديه باول السادس كثير مهمة لازم تسجلي وناخدية وازا مش لاجئين بالصحة بتاخدية انا اخدنه اول السادس وبالنسبة للرعاية بالوكالة هي وقلته وحدة ما بروح روحت بس للتطعيم

[احساس أنثى]

ام عبد الله
والله الوحام عندي مزجات ايام بيعدي وايام طول النهار بتقلب معدتي بس ان شالله بيعدي قبل رمضان لانو حكتلي اني باول 3

لولو
الحمد لله انك تمام ياعسل وماشالله الايام بتجري سرتي بالتاسع ربي يقومك بالسلامه

فوفو
اشربي لمون والله فعلا انا بحس حالي ببرد من اقل شي مع اني بتغطى بحرام لسى :) بس خفيف

[احساس أنثى]

ليش ياام عبد الله مابتابعي عند الوكاله والله كويسين
بحللو الدم والسكر وبتابعو الزلال والضغط وفي ابره للكتف

انا ع قد مابكرههم :) بس بضطر اتابع عندهم

[جارة القمر]

صباح الخير

حلا:
ربي يشرح صدرك ويخفف عنك .........خلص فترة وبتعدي صدقيني

[ام عبدالله لولو]

يسعد صباحك يا جارة شو اخبارك والاولاد ان شاء الله تمام شو بطلتي تعملي كيك ههههه

[فوفو89]

انا ما بتابع عند الوكالة
بس بدي اسجل مثلك عشان التطعيك بيحكو انه ضروري للبكرية
انا هس في آخر الشهر الخامس وفي 28 الشهر بدخل السادس ان شاء الله
بكرا بدي اسجل عندهم واشوف شو يحكو

[Snowwhite-90]

صباحكم سعادة وراحة بال :)

كيفكم يا حلوووين ؟؟ شو الاخبار ؟؟

حلا الله يشفيه باباكي ويخفف عنه ،، معلش حبيبتي فترة وبتعدي ان شاء الله ،، ربي يشرح صدرك ويسعدك

فوفو سلامتك يا حلوة انتبهي على حالك ،، احكيلك شغلة مفيدة كتير للرشح انا يوم واحد وع طول شفيت الحمدلله اعملي شاي واعصري عليه ليمون واشربيه كتييير مفيييد للرشح ،، يمكن طعمته ما تحبيها بس ان شاء الله ما بتطول معك ،، واذا ما قدرتي اشربي ليمون لوحده :)

احساس سلامتووو زوزو ما على قلبو شر ان شاء الله ،، انتبهي عليه وما تخلي حدا يأكله شي بارد حرااام بعدو زغير ومن اي شي بيمرض ،، تسلميلي على سؤالك يا قمر ،، كيف الحمل معك ؟؟ ولك يا كسووولة بتضلي ل11 نايمة هههههه ،، انا الي شهر تقريبا صايبني ارق مو طبيعي

جارة حبيبتي يسعد هالصباح ،، كيفك ؟ وكيفهم الحلوين يزن وزيد ؟

لولو الحلوة ،، تسلميلي على سؤالك حبيبتي ،، مبارك مقدما دخولك التاسع ،، ما شاء الله الايام بتعدي بسرعة هانت عليكي انتي ودودو كلها شهر ويشرفوا عمورة وكارين الله يحميهم

دودو حبيبة قلبي وينك ؟؟ ما بتفوتي كتير يا قمر ،، ما تخلي نفسيتك تاثر عليكي وفكري بالاشياء الحلوة ،، وان شاء الله قريبا يفتح المعبر ومامتك تنور الامارات وتكون جنبك بالولادة ما تقلقي ،، لسا في معك وقت للولادة ،، وبيوم وليلة ممكن تتغير الامور بس ضلي ادعي وما تخافي من شي ،، بس فكري بعمورة الي هينور بيتك :)

لولو حمادة كيفك حبيبتي ؟ وكيفهم احمد ومحمد ؟؟ ان شاء الله تكونوا بخير ،، بعدك مستمرة على الريجيم ولا وقفتي ؟؟

حيفا حبيبتي سلامتو زوجك ما يشوف شر ،، ربي يسعدك ويعوضك خير على صبرك ،، ما تضلي وحيدة يا قمر فوتي ودردشي واضحكي وانبسطي مع الصبايا ،، ربي يرزقك من وسعه

ام عبدالله ،، كيفك يا قمر وحشتيني والله ،، كيفوو عبودي الامور ؟
انبثاقة زمان ما فوتي يا حلوة طمنينا عنك ،، شو الاخبار

غموض حبيبتي ربي يتمملك على خير ،، ما تخافي وخلي نفسيتك حلوة ،، وارتاحي على قد ما تقدري

حواء سلامتها برلنت الحلوة ما تشوف شر ،، ومبروك لسلفك ربي يتمم على خير وتفرحوا فيهم ،، كيفو عزوز ؟؟

عسووولة اتزكرينا وفوتي سلمي هههههه ،، اشتقنالك حبيبتي

نور العمر ،، الله يعينك على الاتنين هههههه ،، فترة وبتعدي يا عسووولة استحملي شوي

دموع الليل ،، كيفك يا قمر ؟؟ وكيفو ابنك ؟ زمان ما بينتي

ايوووش ،، كيفك يا عسووولة وكيف الحمل معك والوحام ؟؟

الرشروشتين ههههههه ان شاء الله يكونوا بخير

ام عزمي والله قطعتي فينا يا ام العزم ،، بتمنى تكوني بخير انتي وهدهدة

سما حبيبتي ان شاء الله تكوني بخير وتطمنينا عنك ليه بطلتي تفوتي متل اول ؟؟ كيفو عمورة ؟؟

مسك بتمنى تكوني بخير انتي ووليد

وطبعا ختامها مسك (عيووووون المها) يا رب تكوني بخير حبيبتي انتي وادووم ولانا واسيل واهلك ،، ويا رب يكون ادووم بخير وما صار عليه تغير من الجو ،، عنجد اشتقتلك كتييييييييييير كتيييييير :( :( :(

وبعتذر اذا نسيت حدا ،، زكروني اذا نسيت ههههه ،، نهاركم سعيد جميعا

[ام عبدالله لولو]

هلا ام جودي الله يسعدك انتي القمر واحنا من بعدك طمنيني عنك كيف ابنك واستقبالك للامتحانات موفقة يارب ان شاء الله بتفوق يارب

[احساس أنثى]

يسعدها ام جودي فايته وفاقده الكل
لا حرصت عليهم الاسكنو والشبس ممنوووووووع
والحمد لله سار احسن

والله بنام لل11 من الوحام ياام جودي خمول وكسل بس اليوم زياد حكم عليا وقومني
وهوا رجع نام وانا ضليت اشتغل مع حماتي لقيتها بتغسل وجايبن سمك

[Snowwhite-90]

ام عبووودي هلااا حبيبتي ،، ربي يسعدك ويخليلي اياكي ،، انا الحمدلله تمام وحمودي بخير الحمدلله ،، بس بنتظر بالامتحانات بفارغ الصبر ،، نفسيتي بتتعب وانا بنتظر فيها نفسي ييجي موعدها بسرعة واخلص منها بسرعة :(
دعواااااتك حبيبة قلبي :)

[احساس أنثى]

اخر فصل الك. ياام جودي هاد ؟؟؟

شو طابخين بنات ؟؟

[Snowwhite-90]

هههههه هلا ام الزوز والله ما بحب اذكر اسماء لانه بخاف انسى حدا ،، بس حاولت على قد ما اتزكر الكل وان شاء الله ما اكون نسيت اي صبية

اي يا مها ما تخلي حدا يأكله هاي الشغلات لانه بتمرضهم وما بتفيد الاطفال بشي ،، هما عشان بكونوا مبسوطين على زوزو بحبوا يأكلوه من كل شي ههههه ربي يخليلكم اياه وتفرحوا فيه ،، معلش انا متلك باول حملي وحامي كان نووووووم هههههه بس الله وكيلك الي شهر ما بعرف انام خاااالص ،، واذا نمت ما بنام ساعة على بعضها حاسة حالي راح اهلك من قلة النوم ،، ربي يهونها علينا وتمر الايام بسرررررعة

[Snowwhite-90]

لا وين يا احساس اخر فصل لسا طريقي طويل هههههه ،، انا سنة تانية هلأ ،، الفصل الجاي بكون سنة تالتة :)

[Snowwhite-90]

على سيرة الطبخ انتوا بتاكلوا السمك كتييييير ههههههه

انا راح اعمل دجاج بالخضار اسهل شي :)

[احساس أنثى]

الله يعينك لسى مشوار
وعندك اطفال / ًالحمل من بطن لبطن بختلف

الاه يهونها عليكي كيف حمود

[لولو الفلسطينية]

ام عبد الله و احساسو و فوفو و ام جودي عقبال عندكم تدخلو التاسع و تقومو انتو و بيبياتكم بالسلامة يااا رب
ام جودي على فكرة و انا كمان لسا سنه تانية هههه جد مشوارنا طويل
موفقة يا عسل
كيفك و كيف حمودي و الحمل ؟؟

[Snowwhite-90]

اه والله لسا مشوار طويل بس الحمدلله هالفصل ما بعرف كيف خلص الايام بتعدي بسرعة ،،

الحمدلله حمودي بخير بفضل الله ،، بس بحسه بغار من البيبي من هلأ ،، بتعرفي بيترك العابه وكل شي حواليه وبيجي عندي بيضرب بطني هههههه ،، كانه حاسس ،، حبيبي ربي يحميه ما الز حركاته

[Snowwhite-90]

هلاااا لولو ،، حبيبتي يا ام كارين من تمك لابواب السما متى نفوت التاسع :)

انتي كمان بسنة تانية ههههه ربي يعدي هالسنتين على خير ،، انا والله يا لولو المفروض اكون متخرجة من سنة بس الله ما اراد اكمل بجامعتي الاولى ،، يلا الحمدلله على كل حال
انا وحمودي بخير الحمدلله ،، والحمل بخير الحمدلله كمان 4 ايام بفوت السادس ان شاء الله :)

[فوفو89]

ام جودي
اهلا بيكي
الله يسلمك يا رب
خلصص ان شاء الله بجيب ليمون وبعمله مع شاي
بالعكس مرات بجيب من الشجرة ورق ليمون وبحطه ب كاسة الشاي بيصير طعمه طيب
انتي شو اخبارك


انا عاملة ورق عنب اليوم

وانتوووو؟

[احساس أنثى]

ياسلام يافوفو صحتيييييين
وانا بدي صحنييييين :)

احنا عاملين سمك

[Snowwhite-90]

هلاااا فوفو ،، الله يشفيكي حبيبتي ويخفف عنك ،، الف صحة وهنا على ورق العنب :)

[Snowwhite-90]

ههههههه صحنين يا احساس ،، يا طماااااعة هههههه ،، شكلك بتحبي ورق العنب كتيير

وينك ام عبدالله فوتي شوي وطلعتي انتي ولولو
دودو وحلا وحيفا وحواء وينهم اليوم ؟؟

[Snowwhite-90]

فوفو خبرتي سلفاتك انك حامل ؟؟ لانه هلأ بكون بلش يبان عليكي الحمل ،،

[فوفو89]

احساس
ع قلبك يارب
ولوو من عيوني
صحه وهنا ع السمك
بس كنو كثير بتعملو سمك انتو اهل غزة صح ؟
انا بموووووت عليه السمك
ونفسي مرة اجرب اشتري سمك السردين بس ما بعرف كيف تنظيفه



ام جودي
تسلمي يا زوووووووء وصحه ع قلبك يارب
شو طابخة انتي؟

[Snowwhite-90]

الله يسلمك فوفو ،، حبيبتي انا عاملة دجاج بالخضار وحطيتهم بكيس حراري بالفرن اسهل طريقة :) ،، مع تعب الحمل والحر بدور على اسهل طبخات هههههه وبنفس الوقت انا وزوجي بنحبهم
انا ملاحظة انه بيت حماها لاحساس اكتر ناس بغزة بياكلوا السمك ،، اعتقد مرة حكت حماها بحب السمك كتيير وبعزووو ههههه لهيك دايما بياكلوه ،، انا صراحة بحب السمك كتييير بردو :)

[دموع الليل]

يسعد مساكم

ام جودى هلا فيكى منوره

كيفك؟ وكيف الحمل معك؟

حلا الماس الله يشفى الوالد ،،مايشوف شر

باقى الصبايا

جاره ،احساس ،حواء،فوفو،لولو،دودو،ام عبدالله،

يسعد اوقاتكم

وانا كمان
ياصبايا ادعو للوالد لانه تعبان

الله يشفيه يارب

[احساس أنثى]

ههههههههههه فعلا يابنات حمايا بحبو كتير
انا بحبو بس مش لدرجه مره بكل اسبوع لازم وجبة سمك
بحب الشغله يلي بحبها اشتاقلها عشان اكلها هههههه

فوفو السردينه اكتر نوع سمك بحبو وتنظيفو سهل حالولي ابحثي ع اليوتيوب
بتلاقي الطريقه

دموع كيفك ؟!

[Snowwhite-90]

هلااااا دمووع ،، النور نورك يا قمر ،، حبيبتي انا الحمدلله تمام والحمل بفضل الله تمام ،، اظن انا وانتي بنفس الشهر صح ؟؟ انا كمان 4 ايام بفوت السادس ،، وانتي ؟؟ كيفك انتي وكيف الحمل ؟؟ وابنك شو اخباروو ؟؟ بعدو بغار ؟؟

[فوفو89]

ام جودي
حكيت ل وحدة منهن لانها صاحبتي
والثانية ما حكيتلها لانها حية ههههه بس بتوقع انها حاسة لانها قوية
والثالثة ما صحلي اشوفها واحكيلها
اه بلش يبين الحمل
انا بلبس اواعي واسعة عشان هيك مش مبين كثير بس اذا لبست لبسة ضيقة بيبين كثييييييير


احساس
ان شاء الله بحكي ل جوزي بيوم من الايام يشتريلنا اياه نفسي فيه والله


دموع
هلا بيكي
كيفك
الله يشفيه ياااااارب ويبعد عنه كل شر
شو ماله؟

[Snowwhite-90]

الله يشفيه باباكي يا دموع ،، ربي يخفف عنه ،، شو ماله من غير شر ؟؟

[Snowwhite-90]

الله يتمملك على خير يا فوفو وتفرحي بضمته سليم معافى ،، الك 3 سلفات ما شاء الله ،،

[دموع الليل]

ام جودى انا كمان 10 ايام بدخل السابع ان شاءالله

الله يتمم لكل الحوامل على خير

والله الوالد بيعانى من التهابات فى الدم

الله يشفيه ويقومه بالسلامه

[Snowwhite-90]

حاولي يا فوفو ما تلبسي ضيق لانه الضيق بيأذي البيبي وخصوصا انه بلش يكبر هالفترة ما شاء الله

[دموع الليل]

فوفو كيف صبرتى انك ماتحكى لحدا

انا لو مكانك لسانى بيفلت عطول هههههه

[Snowwhite-90]

حبيبتي الله يشفيلكم اياه ويخفف عنه ،، ما شاء الله عندك فوتي السابع يلا هانت يا قمر ،،

[دموع الليل]

الايام بتعدى عطول

بس الله يعينا على رمضان لانو شووووووب

[فوفو89]

ام جودي انتي شكلك معي
لانه انا في 28 الشهر بفوت بالسادس ان شاء الله
انتي حامل ولد ولا بنت؟
اه عندي 3 هون و2 في اميركا
يعني كلنا ع بعض 6 ما شاء الله
صحة ع صينية الجاج انا كثير بحبها هالاكلة لانها سهلة وحتى الجلي ما بيكون كثير هههههه

[Snowwhite-90]

اه والله رمضان هيكون غير شكل السنة هههههه ،، بس الله عالم بالحال ان شاء الله يكون شهر خفيف علينا :)

[فوفو89]

دموع
بتعرفي اولها بتضلي بدك تحكي لهاد ولهاد
بس لما يعدي شهر بتتعودي ع الوضع وبتبطلي تسألي سواء حكيتي او ما حكيتي عادي
من اول الحمل بس حكيت ل حماتي ول امي
وبالخامس بلشت احكي للناس المقربين الي زي خواتي وصحباتي والي بحس انهم ما بيحسدو
بس حتى لما حكيت اني حامل ما حكيت بأي شهر .. لاني خفت يصيرو يحكو صرتي بالخامس ومن ايمتى وابصر شو
الوسوسة مشكلة شو اعمل
بس لانو اتعرضت لاجهاض سابق عملي عقدة

[Snowwhite-90]

فوفو فعلا شكلك انتي معي ،، انا بردو ب25 الشهر بفوت السادس ،، انا حامل بولد وان شاء الله هنسميه يزن ،، انا عندي 4 سلفات :) ،، وانا زوجة اصغر واحد فيهم ،، اخر عنقود العيلة :)

[دموع الليل]

فوفو الله يتمم الك على خير

ودائما اقرأى المعوذات

[فوفو89]

ام جودي
اه خلص انتي معي
يلا بنشوف مين رح تولد اول ههههه
وانا كمان زوجة اخر العنقود
وحامل ببنت وبدنا نسميها رزان ان شاء الله


دموع
ان شاء الله
احنا دايما متوكلين ع الله هذا اهم شي

[Snowwhite-90]

ههههههه كمان اخر العنقود سبحان الله شو هالتوافق ،، الله يتمم على خير يا رب ويقومنا بالسلامة جميعا ،،

[Snowwhite-90]

بحب اسم رزان كتييير ،، بنت سلفي اسمها رزان ما شاء الله عليها متل القمر وشطورة ،، ربي يتمملك على خير يا عسل وتحمل اسمها هالامورة

[احساس أنثى]

لسى الصبايا هون

ام جودي ماعليكي طبخ ؟؟؟

[ماشتي]

يا هلااا ببنات فلسطين
ادعولي يا بناااااات انا اليوم عاشر يوم بعد ترجيع الاجنة
تعبانة كتير
حاسة كانها خلص رح تجيني الدورة الشهرية

[Snowwhite-90]

احساس تغديتي ؟؟ انا قبل ما افوت اصبح عليكم كنت متبلة الدجاجة ومجهزة كل شي وحطيتها بالفرن خلال ما كنا ندردش وطلعتها زماااان ،، بس بستنى زوجي يرجع من مشواره :)

[Snowwhite-90]

هلا ماشتي ،، حبيبتي ربي يتمملك على خير ويرزقك بالذرية الصالحة ،، انتي عاملة زراعة يعني ؟؟ من اي بلد انتي ؟؟ فلسطينية ولا شو ؟؟

[احساس أنثى]

صحتيييييين ياام جودي

لسى احنا غدانا 3 او 3 ونص
مابنتغدا قبل

[Snowwhite-90]

على قلبك احساس ،، اكيييد بتفطروا متأخر لهيك غداكوا متأخر

[Snowwhite-90]

اشتقت اشوف دودو هون ،، ما بتبين متل اول :( ،، ربي يسهل امور هالمعبر وتوصل مامتها لعندها بالسلامة ،،

[ماشتي]

اها انا من فلسطين
و اليوم انتبهت انه في منتدى للدردشة بحوامل فلسطين

[beboo]

مسا الخير ..

[حواء مثالية]

مساء الخير كيفكم

ماشتي نورتي الله يعطيك اللي ببالك ويعطي كل مشتهي

ام جودي الله يسعد هالطلة يا رب

حلا سلامته ابوكي بالسلامة يا رب

دودو ما بتسمع الكلام قلتلها ما تغيبي وكلي امرك لله يا بنتي والله يسر كل امورك

الله يسعدك يا جارة شكلها برلنت بدها تطلع سن لهيك صار معها هيك لانه اضافة للاستفراغ صار معها اسهاال الله يون عليها وتخف بسرعة مقهورة عليها

وحملي الحمدلله تمام الاسبوع الجاي موعدي

[جارة القمر]

مسااااااااء الخير

بناااااااااااااااات

اليوم انهرت وانصدمت ......بس الحمد لله على كل حال يمكن ما عمري بكيت هالئد

بعد ما روحت على البيت خبط تمي وانكسرو سناني ........ تنين راحو وتنين بتخلخلووو

طبعا انا لحد هلا مصدومة رحت على الدكتور بحاله طارئة حكاليي رح يثبتو السنين لحالهم وعملي عملية والله ساعتين بالسنين وحطلي
مؤقتين لحتى يجهزوا التلبس ..........

يا الله مو هاين علي سناني ..........مصدومة

[دموع الليل]

الف سلامه عليكى جاره

عادى حبيبتى لا تزعلى حالك

ممكن تركبى غيرهم

[إنبثاقة أمل]

صباح الخير

شو أخباركم حبيباتي

حقكم علي والله بشتاق لكم وخلص خلص راح ضل جنبكم


جاره ياقلبي انت الف سلامه عليك

الله يعينك ياقلبي ويعافيك

[احساس أنثى]

الف سلامه عليكي هديل والله زعلتيني شو متزحلقه ولا واقعه !

[beboo]

صباح الفل كيفكم

جارة حبيبتى الف سلامة عليك والله اتدايقت من شانك بس ماتخافى ان شاء الله بتركب غيرهم واحلى منهم

[حلا الماس]

صباح الخير جميعا

تسلمولي يا أحلى خوات بالدنيا ... بطمنكم انو الحمد لله أبي هلأ بخير وسلامة واليوم رح ينزل من المستشفى أن شاء الله
وأنا كمان رحت عالدكتورة وطمنيني عن البيبي كلو منيح بس الأزعر راسو فوق وهاد الي عاملي ديقة نفس ومخليني اتدايق من أي جهد بسيط بعملو ... والاهم انو وزني مش زايد ولا كيلو ولا غرام عن الشهر الماضي

ماشتي أهلا وسهلا فيكي أخت جديدة بينا ويا رب تكوني حامل لتفرحي واتفرحينا

جارة ألف سلامة عليكي حبيبتي ... الحمد لله أنها اجت هيك وما صار فيكي اكتر من هيك
أكيد رح تعمليهم ورح يرجعوا أحلى من الأول أن شاء الله ... بس كيف صار هيك ؟؟؟

بيبو يسعد صباحك يا سكرة يا نشيطة انتي :)

دودو وينك يا بنت !!! الدردشة مش حلوة بدونك ... ما تخلي النفسية تلعب فيكي تعالي احكيلنا مش حنا خوات

حيفا سلامتو زوجك يا رب ... ديري بالك عليه بس بدون ما تقطعينا

كل البنات بدون ذكر الأسماء تعالوا إلى هنا نتحدس :) ويسعد صباح الجمييييييع

[حواء مثالية]

صباااااااااااااااااااح الفل الكم كلكم

جارة يا عمري اسم الله عليكي شو صايرلك وكيف صار معك هيك سلامة قلبك والله انقهرت عليكي

حلا وبيبو الله يسعد هالصبااااح كيفكم

حلا الحمدلله على سلامة ابوكي والحمدلله انك تطمنتي على البيبي الله يجيبة بالسلامة يارب

[حلا الماس]

حواء حبيبتي يسعد صباحك يا رب

الله يسلمك وماتشوفي شر بحبايبك يا رب ...

طمنيني عنك وعن حملك ؟؟ وبرلنت كيفها هلأ ؟ أن شاء الله اتحسنت عن اول

[فوفو89]

يسعــــــــــد صباحكـــــم

كيفكم اليوم


جارة
سلامتك وما تشوفي شر .. الله يكون بعونك
بس كيف خبط تمك ؟


حلا
الحمدلله ع سلامته ابوكي وان شاء الله بيطلع بالسلامة ياررب


حواء
يسعد صباحك
كيفك وكيف برلنت والبيبي ؟

[إنبثاقة أمل]

صباح الورد لأحلى ورد

حلا الحمدلله الي طمن قلبك ع الوالد

ربي يخليه ويعطيه الصحه والعافيه


حواء يسعد صباحك

شو أخبارك والاميره الصغيره


بيبو وفوفو يسعد صباحكم

ويومكم سعيد وجميل متلكم


انا صبحت ضهري مو الي

[~{{ DoDo }}~]

صباح الخير يا صبايا

تسلمولي والله انكم اعز خوات
ولو انه ربنا ما اعطاني خوات بسراعطاني اياكم وخلاني اتعرف عليكم

ام جودي وحواء وحلا ولولو وام عبد الله وكل الصبايا اللي سالوا عني الله لا يحرمني منكم
الحمدلله ياربي صحيت على خبر بيفرح وبيطمن ، المعبر فتح وماما متل اليوم الاسبوع الجاي بتكون عندي
والله حاسة حالي غير الحمدلله وبطلت فارقة كيف اولد المهم نقوم بالسلامة انا وعمورة وتكون ماما جنبي
الحم والشكر الك ياربي ربنا يكملها على خير ويخفف عني وعنكم اوجاعنا وتقلنا وتعبنا لانه خلص انا ما عم بنام من الاوجاع الحمدلله

ام جودي
حبيبة قلبي نوارتي انتي
يسعدلي قلبك الطيب الي ما بينسى حدا
ان شاء الله بدي احاول اضل موجودة لحد ما اولد
الله يقدرني واضل معكم ، بوسيلي حمود والبيبي وموفقة شدي حيلك يا قلبي

حواء
حبيبتي ام عزو يسعدلي قلبك
انا بخير طول ما انتوا بخير
سلامة قلبها لبرلنت وربنا يطمنك عليها وعلى عزوو يارب ومبروك لسلفك :)

حلا
يسعد هالصباح احلى ام خليل
خلص هيني جيت ، الحمدلله على سلامة البابا وربي يخليلكم اياه
ويقومه بالسلامة ويبعد عنه كل مرض ياااارب
الحمدلله انك اطمنتي على البيبي ومااااا اقللك ادييييييه متعب انه الراس يكون فوق :(
الله يعيننا بجد

جارة
سلامتك يا قلبي
قولي الحمدلله الي اجت على قد هيك
وهلا ولا اسهل منها انه يتركب محلهم ويرجعوا احلى من اول ودائمين كمان
الحمدلله اللي انفدت بالاسنان وما صابك انتي ولا الاولاد اي مكروه الله يخفف عنك يارب

ام عبد الله ولولو وفوفو واحساس ودموع وبيبو وانبثاااقة وغموض وحيفا وباقي الصبايا يسعد اوقاتكم
اشتقتلكم كلكم وبحبكم كلكم :)

[فوفو89]

انبثاقة
يسعد صباحك
سلامتك يا رب
وانا والله رجلي بتوجعني بمنطقة الفخد .. وجع مش طبيعي من 3 ايام
الله يكون بعوننا يارب


دودو
هلا يا عسل
الله يبسطك يارب وان شاء الله امك بتوصل بالسلامة يارب .. عنجد احلى اشي انه الوحدة تولد وامها عندها
انا لما اولد امي بتكون بالامارات يا خسارة .. ما بتكون فاضيالي :(
الله يقومك بالسلامة يارب

[إنبثاقة أمل]

يسعد صباحك يادودو

الحمدلله الي فرح قلبك وطمنه ع جية امك

والله فرحانه الك كتييير يارب توصلك بالسلامه

وعقبال فرحتنا فيك ياقلبي وانت قايمه بالسلامه وعموره البطل

وتعبكم كله بأجره وربي يكلل هالتعب بشوفتهم بين ايديكم وهمه بخير وعافيه

[إنبثاقة أمل]

سلامتك فوفو

الله يعينك ياقلبي ويهون باقي الشهور عليك

[ام عبدالله لولو]

صباح الخير يا صباي
شو اخباركم يا حلوات حلا الف سلامة على باباكي يا عسل ما ع قلبو شر يارب
دودو ان شاء الله بالسلامة بتيجي الولدة وتقومي بالسلامة يارب
فوفو وبيبو وانبثاقة يسعد صباحكم يا حلوات
جارة سلامتهم سنانتك يا عسل
كل الصبايا يسعد صباحكم والله مو حاضر بدهني الاسماء سامحوني

[~{{ DoDo }}~]

فوفو
تسلميلي يارب حبيبتي
ربي يقومك بالسلامة ويفرحك برزان ويخفف عنك يارب
معلش ان شاء الله الصبايا وحماتك ما بيقصروا وبيسدوا
انا كنت حاملة هم لاني لحالي وبغربة ومافي الا زوجي مسكين
بس ربك كريم بيفرجها الحمدلله

انبثاقة
الله يسعد قلبك ويفرحك ياااارب حبيبتي
وتيجي تبشرينا بحملك ونفرحلك عاجلا غير اجل ياااااارب

[~{{ DoDo }}~]

ام عبد الله
يسعد صباااااحك يا قلبي
طمنيني عنك :)

[فوفو89]

تسلمي يا انبثاقة
الله يسعدك يارب وبنولك الي ببالك


هلا ام عبدالله
يسعد صباحك
كيفك وكيف البيبي ؟

[إنبثاقة أمل]

اهلين ام عبدالله نورتي ياقلبي

صباحك الورد


الله يسمع منكم دودو وفوفو

الي عنده قريب ان شاء الله

[فوفو89]

دودو
تسلمي يا دودو والله يفرحك بشوفة عموره يارب
لما اختي الكبيرة ولدت كانت امي هون وشفت كيف اهتمام الام ببنتها عنجد غير
وحماتي ييييي عليها .. بدها مين يقوم فيها يا حرام
عندي سلفاتي ثنتين بس ع الفاضي
وخواتي ثنتين بيدرسو جامعه وثنتن متجوزات ،،املي فيهم ان شاء الله ما بيقصرو معي

[ام عبدالله لولو]

الحمد لله بخير والبيبي بيسلم عليكم وحدة وحدة وعلى الحلوات بسلم سلامين هههههه اكيد كلكم حلوات زيو
الله يسعدكم يارب خليكم هيك دائما ما تغيبو انا اتعودت عليكم حلا وين غطستي هههههه ولا بالمطبخ

[ام عبدالله لولو]

اتوكلي على الله يافوفو ان شاء الله الكل بكون معك يعني انا زيكم الله يخليكم مامانكم انا امي متوفية بس الحمد لله خواتي بنفس المدينة متزوجات هههه بعدين جوزي شاطر ههههه

[حلا الماس]

تسلملي هالملة الحلوة وربي وما يحرمنا من بعض

يا الله لو تعرفوا شو برتاح لما احكي معكم وافضفضلكم .... قبلكم أشياء ما بحكيها لخواتي بحكم انو انا أكبر وحدة هم بيحكولي مش انا

دودو ربي يسعد هالطلة وما يحرمنا منها الهي وعقبال توصل أمك عندك بالسلامة

انبثاقة سلامة ضهرك حبيبتي اعملي شوية تمارين بيفك وبترتاحي

فوفو وأم عبد الله يسعدلي هالصباح وما يحرمني منكم

تسلمولي كلكم ربي ما يورجيكم شر بحبايبكو ابدا

لولو وينها ما طلت اليوم ؟؟؟ كسلانة هههه

انا طالعة بدي أروح على بيت أهلي لأنو أبي أخد خروج من المستشفى وشوي رح يكون بالبيت ... بدي أروح اطمن عليه برجع لكم بالليل أزا قدرت

يلا سلام ..... سي يو

[فوفو89]

ان شاء الله يا ام عبدالله
دائما وابدا متوكلين ع الله والحمدلله
والله يهونها علينا يارب


حلا
الله يسعدك
والحمدلله ع سلامته ابوكي
روحي اتطمني عليه هذا اهم شي لانه اهم مننا طبعا

[~{{ DoDo }}~]

فوفو
ان شاءالله ما بيقصروا معك حبيبتي
وكليها لربنا وان شاءالله بتشوفي ولادة ولا اسهل من هيك وما بتحتاجي كمان
الله يخليلك خواتك وامك ويجمعكم على خير يارب

ام عبد الله
يسعدلي اياه الازعر الصغير
انا متحلفة لابني اعضه بس ييجي بالسلامة
هههههههه بس انتي بوسيلي عبود وبدك تعضيه عضيه براحتك بس مش مني

حلا
والله انك من اغلى الاخوات هون
الله يديم هالمحبة بوجودنا هون جميعا
سلميلنا عالوالد وربنا يطمنكم عليه
وتعي طمنينا بالليل


لولو ويييييينك يعني عشان جيت انتي اليوم اختفيتي
مبرووووك التاسع اليوم بلشتي فيه ، يلا هاااانت وقربت توصل كارين الامورة ؛)

[فوفو89]

تسلمي يا دودو
وانتي كمان ان شاء الله بتقومي بالسلامة يارب
ضحكتيني يا دودو انتي مثلي متحلفة لابنك تعضيه ههههه
انا لما يوجعني اشي بصير اعض ع اصبعي وبحكي طيب يا رزان بس تيجي بفرجيكي هههههههه

[فوفو89]

شو وين غطستو ؟

رحتو ع المطبخ ؟ بدري ع الغدا

انا بدي اعمل ملوخية ع لحمة للغدا وانتو ؟

[~{{ DoDo }}~]

هههههه بدي اعضه ومن قفاه كمان هههههههه
بس قولتك بيهون علينا

[ام عبدالله لولو]

ويسعدك يادودو ان شاء الله بتفرحي بشوفتو بين يدك يارب
حلا الله معك ان شاء الله يوم سعيد بتقضيه عند اهلك
فوفو عضيه وما تقصري ههههههه اليوم انا دخلت السابع الله يتمم للجميع على خير
حواء قبلي بيومين وينك فوتي واختفيتي

[~{{ DoDo }}~]

بفكر اعمل دجاج مع خضار بالكيس الحراري

[~{{ DoDo }}~]

ام عبد الله مبروووك دخولك السابع حبيبتي
يلا هلا السابع بيعدي بسرعة
بس هم التامن والتاسع اللي بطيئييييييين كتير كتير

[فوفو89]

ههههههههه
بدي اعضعضها اتعضعض

تعبت وانا بفرم ملوخية انكسر ظهري
مين تكمل فرم عني ؟

[~{{ DoDo }}~]

الله يعينك فوفو على فرمها
والله صعب على ايدك
انا الملوخية الطازة بفرمها بالمولينيكس وبريح حالي
وعالاغلب هون بنجيبها فروزن جاهزة للطبخ

[ماشتي]

جاااااااااارة القمر سلامتك يا رب ديري بالك يصير عندك التهابات التزمي بالمضادات الحيوية
حلا الماس يا مرحبا فيكي :)

[ماشتي]

انا اليووووووووم ال11 بعد ارجاع الأجنة
ادعووووووووولي يا بنات فلسطين اكون حامل

[~{{ DoDo }}~]

ماشتي
ربنا يكرمك وتكوني حامل يارب
وكلي امورك لله وادعي واستغفري وان شاء الله ربنا بيعوضك خير :)
طمنينا

[احساس أنثى]

يسعد هالمسا ياحلوات

حلا /// الحمد لله ع سلامة الوالد

دودو /// ان شالله توصل الوالده بالسلامه

باقي الصبايا يسعد نهاركم مافيا حيا رتبت كل البيت تكنيس وضب وتمسيح وشطف وتغير في الديكورات
قلبت الدنيا :)

[حواء مثالية]

مرحباااااااا من جديد يا حلوووووووووات

الله يخليكم يا رب برلنت اهون ان شاء الله اليوم اكلت وما استفرغت بس الاسهال بعدو والحرارة الحمدلله ما في

وحملي تمام ان شاء الله يوم الاحد او الاثنين موعدي بتطمن وبطمنكم

كنت الف بورق عنب حماتي من يوم ما تزوجت وهي ما لفت ولا ورقة عزمتنا عندها وغسلت فرش الرض الي عندي اليوم وشراشف التخت وهيني اجيت

اليوم حاسة لثقل خف شكله قلب حاله بالعكس عزوزو

بس بتعرفو الي يومين من يوم صفاح سلفي منكدة وحاسة حالي مكسرة مبارح كنت ابكي بالليل جوزي بفكر عشان برلنت مريضة حكيتله عشان كلشي

اليوم افهمت شو صار الي ولبرلنت بتتذكروا قبل شهر ونص لما مرضت برلنت نفس هاي المرضة كنا عازمين خطيبة سلفي واهلها هلا من بين المعازيم ستها للعروس يومها وين ما اروح عينها عليوكل شوي تعلق على برلنت انا يومها تزحلقت الله ستر لو اوصلت الارض يمكن اخسرت حملي وبرلنت يومها صا فيها هيك

هي هلا كانت بكتب لكتاب ونفس الشي صار كل شوي تحكي عن برلنت قوية وعشن بتوقف لحالها بتقلي قديش عمرها يعني انا وبرلنت كنا شغلها الشاغل ويوم روحنا من كتب لكتاب عملت رضعت حليب لبرلنت وستفرغتها وصبحت تاني يوم حرارة وسهال

اليوم الغروس اتصلت فيا بقلها والله برلنت من يوم صفاحكم هيك هيك صارلها بتقلي انسيت اقلك تقراي علها قران ستها ومرت عم الها بصيبو بالعين

والله انقهرت يا بنات طول النهار قران وحطيت الرقية وصورة البقرة ان شاء الله اليوم تخف وتطيب لانها فوق ما هي ضعيفة ضعفت بزيادة

[احساس أنثى]

حواء
ليش مابتعملي زيي انا كل طلعه بخلي حمايا يرقي زوزو
وانتي لحالك ارقيها اول ماتصحى من النوم وان شالله مابمسها شي

[إنبثاقة أمل]

ياقلبي يا حواء بسم الله عليك وع الاميره الصغيره

الحمدلله الي عداها ع خير

وضلك ارقيها مين ما كان ومين ما اجا

عادي ازا شفتي حدا بيطلع او بيحكي عن بنتك قولي له قول ماشاء الله

هالايام العين قويه والكل بينصاب فيها

ربي يحميكم ياقلبي

ويعافيها الاموره الصغيره


احساس يعطيك العافيه

ويسعد مساك

[احساس أنثى]

ومساكي انبثاقه
كيف انتي ؟؟

[إنبثاقة أمل]

الحمدلله بخير

عم بشرب قهوه بغير جو لحالي هههههه

وكنت برتب أغراض شريتهم لأهلي بدي أبعتهم ع السعوديه

يارب ينسبطو فيهم

[حواء مثالية]

الله يهونها يا بناااااات


تسلمولي انبثاقة واحساس

[احساس أنثى]

يوصلو الاغراض بالسلامه انبثاقه ومادام من بنبسطو فيهم


بنات انا حيوقف قلبي زياااااااد وقع من سريري ع الارض ع راسو
حموت عليه جوزي بقلي مابينفع ينعملو صوره بهالوقت

وانا ظهري متل وجع الدوره من شغل اليوم / يااااااارب لطفك فينا

[دموع الليل]

السلام عليكم

دودو ان شاءالله الوالده توصل بالسلامه وتحضر الولاده معك

حواء الف سلامه على برلنت ماتشوف شر

حلا الحمدلله على سلامه الوالد

انبثاقه كيفك؟شو اخبارك

احساس سلامته زوزو من الوقعه ان شاء الله مايكون صارله شى

باقى الصبايا يسعد مساكم جميعا

[عبير الحرية]

http://forum.hwaml.com/t259391.html

[ام عبدالله لولو]

صباح الخير ياصبايا
احساس سلامتو زوزو مسكين شو بيمرض ها الولد ديري بالك عليك كويس
حلا ودودو ولولو وفوفو وجارة وانبثاقة وام جودي وغموض يسغد صباحكم يا حلوات

[حلا الماس]

صباح الخير

كيفكم اليوم يا حلوات جميعا بدون ذكر أسماء

ام عبد الله الله يسعد صباحك يا نشيطة انتي ... كيفك اليوم وعبودي كيفو ؟؟

انا تعبانة كتييير التقل دابحني وما عرفت أنام منيح من وجع رجليي الليلة يا رب متى يجي الشهر التاسع واولد

[~{{ DoDo }}~]

صباح الخير صبايا كيفكم

حلا وام عبد الله يسعدلي هالصباح كيفكم طمنوني عنكم
انا وجع وجع وجع كانو حدا ضاربني على كل جسمي :(
بكرا بندخل التاسع بعون الله وبلش العد التنازلي ، مبارح زوجي خوفني
بيقلي ليش لهلا مش مجهزة شنطة المستشفى
بقلله خلص قبل ما نطلع من الويك اند بدها تكون حاهزة رعبتني
وقعد يورجيني صور بيبيات انولودوا بالاسبوع 37 وقللي هيهم كبار وحلوين اوعك تخافي
هههههههههه مستعجل شكلو اكتر مني
بدي ابلش اقرا ادعية تسهيل الولادة هاليومين وربنا يسهل

[حلا الماس]

حبيبتي يا ام عمر الله يسعد صباحك

سلامتك من الوجع ... والله حالي من حالك كل جسمي بيوجعني وخصوصي آخر ضهري ورجلي لدرجة ما قدرت أنام الليلة من الوجع

الله يهونها ويتمملنا على خير يا رب يلا هانت

انتي خلص ابدي جهزي شنطة المستشفى قربتي بجد يا بنت :)

[ام عبدالله لولو]

هلا حلا حبيبتي الله يسعدك والف سلامة عليكي يختي لا تشكيلي ببكيلك ههههه الحال من بعضو
دودو ان شاء الله تقومي بالسلامة يارب
حلا بدي اسالك بما انك خبرة من امتا ابلش امشي لانو الراس فوق شي بيحكيلي امشي وشي بحكيلي بكير

[~{{ DoDo }}~]

حلا
سلامتك يا قلبي ربنا يخفف عنا جمييييعا
والله الامومة مش بسيطة وهاد انا ما شفت شي
شكلي مكسلة احضر الشنطة من الخوف ههههههه
ان شاء الله قبل السبت بكون مجهزاها ومسكراها اكيد

ام عبد الله
مهل عالمشي السابع انا بعرف حساس شوي
بس تفوتي التامن او بنصه شدي حيلك لو كان الراس تحت
بس اذا ضل فوق بالتامن ما تمشي كتير هاد حكي دكتورتي ، وام خليل اكيد خبرة اكتر مني

[حلا الماس]

سلامتك من الوجع يا ام عبد الله ... يا رب كلو بأجرو وثوابو

لسة بكبير عالمشي انتي لسة بالسابع ... يا دوب المشي من بداية التاسع

مع أني ما حسيت انو ما الو فائدة غير وجع رجليكي الي بيجيكي بعد المشي وشد العضلات
لأنو جربت ومشيت وأنا حامل بالبكر من اول شهري لآخره وولدت بالعاشر هههه ووقت الحمل التاني والتالت ما مشيت وولادتي كانت سهلة الحمد لله والمرة هاي مش مفكرة امشي .... عفكرة انا كمان الرأس عندي فوق مع انو كمان 10 أيام ببدا بالتامن

[ام عبدالله لولو]

تسلمي ياعسل الله يهونها عليكي يارب وتيجي تحكيلي الاكشت وانتي تولدي وان شاء الله بتكوى ولدة طبيبعية اليك والنا انا نفسي اولد طبيبعي حتى احس هلاحساس صيح بحكو بيخوف ومولم لكن حلو تغيش شعوور الامومة

[ام عبدالله لولو]

حلا مالهم اولادنا قاعدين فوق مش عاجبتهم القعدة تحت ههههه الله يهونها على الكل يارب

[حلا الماس]

دودو معك حق الأمومة مش سهلة بس للطفل الأول لأنو بيكون تجربة بس هي شغلة كتييير حلوة ... أحلى شغلة بالعالم :)

ما تخافي من الولادة عادي حلوة بس انتي وكليها لربك وضلي فكري انو بعد كل تعبك رح تلاقي نتيجة حلوة رح تحمسي وانتي تولدي بدل ما تتوجعي صدقيني

[~{{ DoDo }}~]

ههههه شو يا بنات
شو قصتهم ولادنا وولاد اليومين هدول
كلهم متبعين الموضة وروسهم فوق
عنجد ع قولة امي صايرة مووووضة ههههههه
ان شاء الله يقلبوا عندكم انتوا لسا بكير معكم مجال
انا اللي وضعي عالمحك ههههه معي اسبوع بالكتير لو ما قلب رح افقد الامل لو دخلت الاسبوع ال 37 وهو فوق
ههههههه بس انا سلمت اموري لله حتى لو عملية بدي اخد بنج نصفي عشان اكون صاحية واشوف عمورة وهو بيطلع

[~{{ DoDo }}~]

حلا
الحمدلله متحمسة ومبسوطة
بس شعور الخوف من اللي جاي لا بد منه
بس بضل بقول بنفسي انا قدها ان شاء الله
وباي طريقة رح اولد فيها بدي استمتع وما بدي اشي يضيع فرحتي
ياااااارب خير يا صبايا النا جميعا

[ام عبدالله لولو]

بتتحملي نص بنج خلص انوكلي على الله وخدي بنج كامل اريح اليك بس ان شاء الله وبقدرة الله انو هالاوعر بيقلب حالو وبنولد طبيبعي

[حلا الماس]

هههههههههههه ضحكتيني يا ام عبد الله

يختي باينها موضة ... آخر مرة حكتلي الدكتورة انو قاعد قعود وراسو فوق حتى بحس بحركة رجليه تحت متل الدغدغة ههههه

دودو وكليها لربك وان شاء الله بيقلب في ناس ساعة الولادة بيقلب الرأس لتحت وبيولدوا طبيعي وفي ناس العكس

سلفتي بالبكر طلعت تولد ومعها طلق والرأس تحت واتوسعت وصلت 6 سم وبعدها قلب البيبي وصار بالعرض وولدت بعملية ... يعني هاد تساهيل من ربك

[~{{ DoDo }}~]

ام عبد الله
ما حدا بينصح بالبنج الكلي خلص
بطل امن بعدين بياثر عالبيبي لقدام هاد الحكي انا قراته
وصراحة اخف بكتير بيكون البنج النصفي واحسن ، الي صحبات هون جربوه
انا بخاف من البنج الكلي لا سمح الله اله مضاعفات ، بدي اكون مصحصة ههههه

حلا
عارفة والله الحكي سابق لاوانه
الي ربنا رايده بصير بس انا عم بأقلم حالي مع الفكرة
عشان بكل الحالات اكون راضية ومبسوطة سواء طبيعي او عملية

[حلا الماس]

دودو
يسعدلي الراضي انا ... اهم أشي تقومي بالسلامة انتي وابنك اهم أشي وحتى لو بعملية وجعها بعد بأسبوعين بيكون خافف أن شاء الله

شو بدكم تعملوا غدا اليوم

[ام عبدالله لولو]

ان شاء الله خير يا دودو الله يقومك بالسلامة وزي ماحكيتي طبيبعي او قيصري المهم الصحة اليك واللبيبي انا اليوم يا حلا بدي اطبخ ملوووووووووووخية الاكلة المفضلة عندي هههههه مش شايفة مصحصة وما رجعت انام هههههههه

[~{{ DoDo }}~]

تسلموووولي يارب

اليوم بدي اعمل سمك بالفرن تفضلوا

[حلا الماس]

ام عبد الله
صحة صحة يا روحي ... تاكليها بالعافية يا رب

انا اليوم مرتاحة الحمد لله لأنو معزوميين ببيت حماي ورح يعملولنا قدرة وبنات حماي كمان معزوميين يعني في لمة حلوة اليوم بدي أروح انزل على حماتي كمان شوي :)

[حلا الماس]

دودو
صحتيييين عالسمك زاكي كتييير

الأسبوع الماضي عملت سمك ومن يومين عملت ملوخية لسة باقي منها صحن بالتلاجة ...


لولو غاااااااااااااااطسة شكلها دخلت التاسع واعتزلت هههههه

ولا فوفو اليوم ما اجت لهلأ

[~{{ DoDo }}~]

صحتين يا صبايا

فعلا لولو غااااطسة ما بينت من مبارح
ان شاءالله يكون خير :)

[حلا الماس]

شووووووووووووووووووووووووووووووووب

حاسة حالي رح انفجر من كتر الشوب يا الهي

[~{{ DoDo }}~]

سلاااااامتك من الشوب ام خليل
قومي خديلك شور سريع بردي ع حالك

[احساس أنثى]

يسعد هالصباح واللمه الحلوه

دموع الله يسلمك حبيبتي تسلمي

ام عبد الاه والله فعلا هالولد بيضل يمرض ويتخبط بدي احاول اعملو عقيقه
ربي يقدرني كل ماانوي بتطلعلنا مصاريف ومناسبات

حلا الله يعينك لسى بدري ع التعب انتي وزنك تقيل ؟ يعني كتير زايده!!

دودو ياااااااااااارب تروحي تولدي ويحكولك الراس تحت يومها مهما بيعملو تخطيط للبيبي قبل الولاده
وتتسهل معك ياعسل


احنا عاملين صفيحه ياصبايا بتعرفوها تفضلو :)

[~{{ DoDo }}~]

احساس
صباااح الورد حبيبتي
يسعدلي اياكي يااارب اللي كاتبه ربنا الحمدلله راضية فيه
تسلميلي عالدعوة الحلوة يخليلك زوزو يارب وتقومي بالسلامة
سلامة قلبه وان شاءالله ما بيشوف شر
وصحتين عالسفيحة كليرعنا وعنك اكيد ما في حدا ما بيحبها ههههه

[فوفو89]

يسعد صباحكم يا حلوين

كيفكم اليوم

صباحوو ام عبدالله وحلا واحساس ودودو يا نشيطات

حلا
ما تفقدي غالي يارب
هس خلصت شغل وقعدت ،، بعد ما رجعت من عند دار حماي غسلت الغسيل ورتبت البيت ونظفت الحمامات
وهس افطرت وقعدت
كيفك انتي شو اخبارك ؟

[~{{ DoDo }}~]

فوفو
يعطيكي العافية يااااارب
خلص بكفيكي شغل اليوم ارتاحي ههههه
الله يعينك شغل جوا البيت وبرا البيت
كيفك وكيف رزونة ؟

[فوفو89]

تسلميلي يا دودو الله يعافيكي يارب
اه والله تعبت
شغل دار حماي هالايام مش كثير متعب
بس تعبت لانه غسلت اليوم

انا منيحه ورزونه كمان منيحه بتسلم ع خالتها دودو و صديقها عموره

بدي اعمل صينية خضار مع لحمة بالفرن .. وانتي شو غداكي ؟

[احساس أنثى]

دودو
حاكل عنك وعن عموره وعني وعن البيبي تبعي :)

[~{{ DoDo }}~]

يلا معلش الحركة حلوة كمان رزونة بتتشط هههههه
صحتيييين انا اليوم عاملة سمك بالفرن بس لسا ما بلشت صراحة

[~{{ DoDo }}~]

احساس
صحتييييييييين ما بتقصري ههههه ؛)

[احساس أنثى]

دودو
امك وصلت ؟؟ المعير فتح

[نور العمر]

مسا الخيررر ... كيفكم .. كيف نهاركم اليوم

انا من الصبح وانا بشتغل هلأ خلصت .. حاسه عيوني بسلمو ع بعض من النعس خخخخ وكتير جوعانه اليوم اكل جاهز من بره

.... شو اخباركم واخبار الحمل معكم .. ربنا يسهلها عليكم وترتاحو من تعب الحمل ...

[احساس أنثى]

هلا نووووور
كيفك انتي !!

انا لسى ورايا فت عدس لاخلص هههههههه

كيف البوبو !! كيف اناي وصحتك ؟

[~{{ DoDo }}~]

احساس
ماما جاية كمان 3 ايام ان شاء الله :)

نور العمر
سلامتك ، ويعطيكي العافية
كيف ابنك والبيبي ان شاء الله مش مغلبينك
وكيف حاسة بعد الولادة

[احساس أنثى]

بالسلامه يادودو يارب

ليش البنات في اختفاااااااء!!

جاره طمنينا عنك كيف انتي ؟؟

غموض كيف الحمل ان شالله بطل ينزل عليكي دم !!

حواء لسى عند اهلك !!

عسوله وام عدمي وحيفا وبينك وبيبو شكلهم محاربينا :)

[احساس أنثى]

ونبض قلب !

شكلك بتقدمي امتحانات اعتقد الاسلاميه بلشت نظامها متل المدارس

[beboo]

مسا الخير

احساس معقوول نحاربكم لالالا اعوذوا بالله بس هى الكهربا اللى محربانا ههههه كيفك وكيف زوزو والنونو الصغير ان شاء الله مش مغلبينك

دودو حبيبتى تيجى بالسلامة مامتك ان شاء الله

نور سلامتك الف سلامة عليك بس مابنفع تفوعى لانك والدة جديدة كيفك وكيف كتاكيتك

[~{{ DoDo }}~]

احساس
الله يسلمك يا قلبي تسلمي
عقبال ما تقومي بالسلامة يارب ؛)

بيبو
الله يسلمك يا قمرة
نورتي
كيفك وكيف بيبو ان شاء الله تمام وبخير

[حواء مثالية]

مساااااااااااااء الخير

[beboo]

دودو الحمدلله احنا بخير وبيبو صيف ورجع لبس كم لانه رشح فافى هههههههههه ابني فافي كيفك انت وكيف عمورتك

حواء مسا الفل ياعسل كيفك وكيف برلنت والبيبي باى شهر صرتى

[حواء مثالية]

هلالالالالا بيبو سلامته القمر

برلنت بعدها تعبانة

انا هلا ببدية السااابع

[ام عبدالله لولو]

مساء الخير يا صبايا
حواء مبروك السابع حبيبتي وسلامته برلنت العسل
بيبو سلامتو للحلو شو اخبارك حلا ولولو ودودو تعو نتسلى

[غُمُوض أُنثَى]

يسعد مسااااكم صبآآآيآ شو اخباركم

احساس اه الحمدلله ما نزل اشي بعد المرة الاولى ،، ان شاء الله يضل الوضع مستقر هيك يارب

دودو والله اول ما فتح المعبر اجيتي ببالي عطول عشان امك جاية ،، يلا ان شاء الله توصل بالسلآمة


بتعرفوآ يا صبآيآ من مميزات انه الحامل بتكون بين امها وحماتها انه اي اكلة بتشتهيها عطول بيعملولها ياها ههههههههههههه

اااخ بس اليوم قعدت اتحسر بحكي لو انا عند ماما كان طلبت واتمنيت خصوصا اني كتير مشتهية اكلات بس من تحت ايدين ماما

انا هون بحاول اعمل كل يلي نفسي فيه بس اكل ماما بيضل غير ^^ دايما بشتاق لاكلاتها ومع الحمل كتير نفسي اكل من تحت ايديها

يلا بعين الله هاي ضريبة الغربة :(((((

[جارة القمر]

يسعد مساااااكمــ

الله يسلمكم بنات من كل شر
الحمد لله اليوم انا نوعا ما احسن ,,,

بس نفسيا بجد تعبانه ،، والله ما انا عارفة شو عم بيصير ،

[دموع الليل]

يسعد مسااكم

[احساس أنثى]

مسا الخير :)
بيبو : والله البيبي مغلبني بوحامو اكتر من زوزو

حوااء ماعلى قلبها شر بيرلنت فتره وبتعدي ياما مرينا فيها

دموع يسعد مساكي ياحلوه

غموض ربي يتمملك ع خير يارب صح كلامك والله انا حماتي بس اقول جاي ع بالي شي بتجبلي وبتعملي
الله يخليلي اياها

جاره ديري بالك ع حالك وع اولادك وحصني حالك واولادك تعرفي رغم زوزو انو اسمر وبشع هههههههههههه
ببهدلوني ليش بنزل صورو كتير ع الفيس

يارب مااكون نسيت حد

[جارة القمر]

احساس:

اسم الله حوله وحوليه لزوزو بجنن اللهم صلي على النبي ... بيني وبينك لازم دير بالي

--------------------

[احساس أنثى]

الحرص كويس ياجاره هالايام مابتلافي حد راضي بنصيبو ملو بتطلع لكلو
النفوس تغيرت

[نور العمر]

صباح الخير صبايا ... جمعه مباركه عليكم

انا لهلا مش نايمه سيلا ما نيمتني طول الليل ... امبارح بعد ما حكيت معكم انشغلت فيها ما بعرف شو مالها كانو معها مغص

احساس كيفك وسلامة زوزو ... والله يا احساس ابني وبتني رح يجننوني .. بكره بجربي بس جيبي البيبي التاني ..

دودو كيفك وربنا يجيب امك بالسلامه ... سالتيني كيف بعد الولاده والله اول اسبوعين كان تعب لانو عمليه بس هللأ الحمد لله احسن بدت اثار العمليه تخف لانو كنت امشي كتير بعد العمليه

بيبو ... الله يسلمك ياااارب ... والله معك حق المفروض ما اشتغل كتير بس ما بعرف اشوف شي بدو شغل وبدو ترتيب وما اعملو

هلأ نامت سيلا بدي روح نام ... بشوفكم ان شاء الله ...

[حواء مثالية]

يسعد صبااااااحكم يا بنات جمعة مباركة علينا وعليكم

[حواء مثالية]

جارة الف سلامة عليكي يا عمري ما تشوفي شر

[~{{ DoDo }}~]

صباح الخير بنات
جمعتكم مباركة

دخلت التاااااسع :|

[حلا الماس]

صباح الخيييييير والنشاط

جمعة مباركة عليكم صبايا .... لا تنسوا سورة الكهف :)

حواء
يسعد صباحك يا أمر كيفك وكيف برلنت اليوم أن شاء الله اتحسنت ؟؟ والحمل مع هالشوب كيف ؟؟؟

نور
يسعد صباحك يا رب ويخليلك صغارك .. معلش بدك تتحمليها لسيلا شوي البيبيهات بيحيبهم فترات بيناموا بالنهار وبيصحوا بالليل وبعد كم يوم بيصير العكس

دودو
حبيبتي يسعد صباحك يا عسل مبرووووووك التاسع وعقبال قومتك بالسلامة يا رب

باقي الصبايا ويييينكم لهلأ ولا سايحيين مع الشوب !!

[~{{ DoDo }}~]

حلا يسعد صباحك حبيبتي
الله يسمع منك ويسهلها علينا
بلش الجد وبلش الخوف هههه ربنا يستر

شو عاملة انتي مع التقل والوجع

[حلا الماس]

دودو
هلا فيكي .. ربي يسعدك ويهونها عليكي
صدقيني لا خوف ولا أشي أكشن حلو رح يكون وان شاء الله بالسلامة الك ولعمورة
انا لما كنت أروح أولد ما كنت أحس شعوري يكون ملخبط مجموعة مشاعر مع بعض ههههه مخلوطة ببعضها ما بقدر اوصفها بكل الكلمات

أن شاء الله بتكون ولادتك سهلة وبتجربي هالمشاعر

لا الوجع خف الحمد لله واليوم حاسة حالي نشيطة وقررت أخلي جوزي يشيل فراش الأرض والسجاد اليوم بعد الضهر ...

[فوفو89]

يسعد صباحكم يا حلوين

جمعة مباركة

اللهم صل على سيدنا محمد

صباحوو حواء وحلا ودودو

دودو
الله يقومك بالسلامة يارب انتي والبيبي


حلا
تسأليش عن الشوب اشي مش طبيعي اليووم
اليوم احمى من امبارح
كيفك انتي وكيف الشوووب معك ؟


حواء
يسعد صباحك انتي وبرلنت
شو اخببار الشوب والحمل معك

[جارة القمر]

صباح الخير

حواء:
الله يسلمك يارب .........والف سلامة لبرلنت كيف هي هلا؟


حلا :

ربي يئومك بالسلامة ..............

دودو:

ما تخافي يا أأأمر لو الولادة مرعبه كان ما حد فكر يرجع يخلف .... وجعها منسي .........
ربي يسهل عليك ولادك ........

اي يوم جايه والدتك عندك؟؟؟ شوفي مسموحلك تنبسطي فيها بس مو مسموح تغيبي عنا هااااا

فوفو: لولو: ام عبدالله :

كيف هالشوب معكم يا حوامل الله يكون بعومكم

انبثاقة:

يسعد اوقاتك يارب

غموض:

والله انبسطلك الحمد لله انه وقف الدم ربي يثبتلك حملك


نور العمر:

اول 3 شهور للبيبي صعبه عشان المغص بعدها بيهدو .......

كم العمر بين ولادك؟

[فوفو89]

هلا جارة
كيفك وشو اخبارك
بييييييييييي لا تسألي عن الشوب اشي مش طبيعي اليوم
مش طايق حالي
الله يكون بعوننا بعدنا ب أول الصيف

[حلا الماس]

فوفو
يا دلي يا دلي انا ما تسألي الشوب فظييييييييع من الصبح شربت انينة مي بارة ... حاسة حالي خزان متنقل هههه

انا منيحة والحمد لله حاسة أني نشيطة اليوم مع أنها شوب

جارة
يسعد صباحك حبيبتي ... الله يسعدك ويسلمك من كل شر
طمنيني عنك انتي كيف صرتي بعد الوئعة ؟؟ أن شاء الله اتحسنتي ؟ شو حكالك الدكتور

قلبي حاسس انو لولو الفلسطينية ولدت !!! والله العظيم مش عارفة ليش هيك حاسة
إلها يومين ما دخلت هون ... ولا شفتها عالفيس كمان !!! يا رب تكون بخير وتجي اتطمنا عن حالها

[~{{ DoDo }}~]

حلا
والله متحمسة الحمدلله بس مشاعري متضاربة ههههه
حاسة انه كل حياتي حتتغير وان شاء الله للاحسن الله يكرمنا جميعا ياقلبي
والحمرلله انك نشيطة اليوم ومنيحة ان شاء الله على طول يارب

فوفو
يسعدلي اياكي ويقومك بالسلامة انتي كمان حبيبتي
ربنا يسهلها علينا كلنا ياااارب

حواء
يسعد صباااحك

جارة
كلامك مطمئن الحمدلله
انا موكلاها لربنا والتعب ماجور ان شالله النا كلنا
وماما جاي كمان يومين وانا كتير مبسوطة الحمدلله وعم بستناها على نار
ان شاء الله بضل اقدر افوت واتواصل كل يوم ونطمن على بعض


انا كمان حاسة انه لولو ولدت مش عارفة ليش
يا ريت معنا رقمها نتصل ونسال ان شاء الله تكون بخير وغيبتها لخير

[حلا الماس]

دودو
بإذن الله رح تتغير حياتك للأفضل ورح تنبسطي كتييير بعد الولادة يعني اولها بدك شوي وقت للتاقلمي مع الوضع الجديد وكلو يعتمد عليكي وعلى تقبلك للوضع الجديد ... بس أكيد انتي قدها

يعني البيبي رح يعبي وقت فراغك كلو ومش هتحسي بالملل ... ما بدي احكيلك شو التغيرات الي حتصير عيشها واحكيلنا إحساسك وقتها

[~{{ DoDo }}~]

حلا
الله يسمع منك يارب
وان شاء الله بكون قدها وربنا بيعطيني طولة البال
وباجي وبقلكم عالحلوة والمرة ههههه

[حلا الماس]

أن شاء الله يختي

قوليلي جهزتي شنطة المستشفى وحزمتي الأمتعة ولا لسه

انتي قلتي انو قبل السبت حتكون جاهزة .. ولا بتستني أمك تساعدك فيها ؟؟

نزلتي خزانة عموورة ولا لسه ؟؟

[فوفو89]

بسم الله بلشنا فرم الملوخية

مين تساعدني ؟ :(

[beboo]

صباح الفل كيفكم

نفر نفر شو اخباركم طمنوني عليكو

[~{{ DoDo }}~]

حلا
ههههه اليوم بدي اجهز الشنطة انشالله واخلص
وبكرا بدي اشتري اغراض الصيدلية بعد موعد الدكتورة
وهزانة عمورة جاهزة واواعيه مرتبة فيها
انجااااز يعني ههههه

فوفو
الله يعيييييينك ويحمل معك

بيبو
يسعد مسااااااكي

[فوفو89]

دودو
هههههههههه بدال ما تشفقي علي تعالي ساعديني
بلكي عمورة اتغير وضعو مع الفرم هههه

[لولو الفلسطينية]

يسعد مساكم
جمعتكم مباركة
جارة
سلامتك يا عسل الف سلامة عليكي
بيبو
سلامته الحلو ما على قلبو شر
دودو
ربنا يوصلك امك بالسلامة و تنبسطو سوا و تشوفي عمورة بصحة و عافية ان شاء الله
نور العمر
سلامتها سيلا
ممكن مغص و في صغار كمان هيك بس بضلو يبكو
الله يخليلك اياها هي و اخوها
حلا و دودو
ههههههههههه لا لسا صامدة و ما ولدت بس امبارح كان ضهري كتيييييييييييير بوجعني و كنت مش قادرة امشي و لو مشيت بمشي شوية شوية زي العجوز هههه بس وجع مش طبيعي اول مرة هيك بصير معايه و ضليت طول اليوم مادة جسمي بلكس برتاح شوية و هلأ احسن و الحمد لله
و اليوم رحت عالدكتور لأنه موعدنا اليوم .... و الحمد لله كلو تمام بس عمللي تخطيط عشان يشوف وضع البيبي لأني باخد الابر و حكالي كل اسبوع بتيجي بتعملي تخطيط و الباقي كلو تمامممم
غموض
ان شاء الله ربنا عن قريب بيجمعك بأمك و حماتك كمان
ربنا يتمملك على خير و تشوفي البيبي بصحة و عافية
...............
ام شاء الله ما اكون نسيت اشي هههه
باقي الصبايا كلكم بدون ذطر اسماء يسعد مساكم يا حلوات
في حد هون و الا هئة ؟.
الدنيا ناااااااااااااااااااااااااااااااااار

[لولو الفلسطينية]

انا شتطة المستشفى جاهزة من زمااااان هههه كلشي جاهز بس ضل عليه اولد

[beboo]

لولو

حبيبتى ان شاء الله بالسلامة وجع الظهر هادا عادى من شان التقل وكمان من شان الرحم

عقبال ماتيجى تبشرينا بالولادة

[احساس أنثى]

مساءكم مبارك بهذه الجمعه
كيفكم

نور العممر
انا راكنه الهم عشان ورا بعض بس بحمد الله اني عايشه مع حماتي بتحب الاطفال وبتشيل عني كتير
كانت مريحاني بزوزو كتييييييير

دودو
مبارك دخولك التاسع هلا توقعي الولاده باي وقت ربي يقومك بالسلامه

[نور العمر]

[/color]




نور العمر:

اول 3 شهور للبيبي صعبه عشان المغص بعدها بيهدو .......

كم العمر بين ولادك؟



مرحبا جارة كيفك .. ان شاء الله من هون لرمضان تكون صارت احسن وتتغير وقت نومها

العمر بين ولادي 3 سنين ابني عمرو 3 سنين بس كتير دلوع لانو اول حفيد الكل كان يدلعو لهيك مغلبني شوي .. بس صار احسن هللأ

[walo0ol]

مرحبا صبايا فلسطين يسعد مساكم وين ما كنتو وجمعه مباركه عالجميع
انا اسمي ولاء فلسطينيه و عايشة بدبي متزوجه جديد و حملي جديد الحمدلله
اليوم فتت بالشهر التاني و حاسي و حامي صعب من زمان نفسي لايعه وتعبانه الله يعين على هالكم شهر بس فدى عيون البيبي
انشالله تتقبلوني اخت بينكم واستفيد من تجاربكم :)))

[احساس أنثى]

هلاااااااااا ولااااااااااء
منورانا وربي يتمملك حملك ع خير
لوعة النفس عند الكل دمها تقيل فعلا

[beboo]

اهلا ولاء نورتينا ياعسل بسيطة هي الا يكون لوحام اوله صعب بتهوون ان شاء الله هي اول 3 شهور بس وبعدها بيخف بالرابع وبيروح ان شاء الله من شان البيبي كل شي بهون الله يتمملك حملك على خير

احساس كيفك ياعسل وكيف زوزو والنونو شو بدي اقول متى اول سن طلع لزوزو لانه ابني لليوم السن الذهب تاعه ماطلع تعبني كتير حتي نكده زايد

[walo0ol]

حبيبتي احساس تسلمي يارب
اميين الله يسمع منك

[walo0ol]

بيبو منور فيكم حبيبتي الله يسعدك و الله يخليلكم اولادكم انتي و احساس و يعينك عالتسنين لانه جد بغلب و بدو طولة بال

[ام عبدالله لولو]

مرحبا كيفكن صبايا

[فوفو89]

مرحبااا صبايا


هلا لولو
كيفك
الله يكون بعونك ع وجع الظهر والثقل
بدي اسألك شو هو التخطيط الي بيعمله الدكتور ؟
قصدك فحص سونار ولا اشي تاني؟


اخت ولاء
اهلا وسهلا فيكي بيننا
مبروووك حملك والله يتمملك ع خير يارب
الوحام فترة وبتعدي بس 3 اشهر ،، اذا وحامك صعب كثير و استفراغ بتقدري تشتري دواء ل زوفان المعدة كثيير بيريحك انا كنت استخدمه


هلا ام عبدالله
كيفك وكيف الشووووب معك

[احساس أنثى]

يسعد مساكم صبايا الحلوين

بيبو الحمد لله البوبو اليوم عاقل وماغلبني :)
زوزو طلع اول سن بالشهر الخامس طلع التنين ووقف والشهر هاد طلع التنين يلي فوق
شوفي انا بسمع انو يلي بيمشي الاول احسن بريح الام لانو تعب الاسنان تعب
بس اذا انتي حاسه نكدو من الاسنان غزيه بيطلعو بسرعه طعميه بيض حليب مهلبيه
الشغلات هادي منيحه واشتريلو عضاضه والجل تبع الاسنان والله زوزو كان يتريح عليه كتير الجل

ام عبد الله يسعد اوقاتك شلونك ؟

ولاء كيف وحامك ؟

[غُمُوض أُنثَى]

مرحبا صبآيآ


جارة ،، ما كنت منتبهة للي صايرلك ، يا لطيف كيف صاير معك هيك والله ما قدرت اتخيل الاشي :|
الف سلامة عليكي ان شاء الله بس كيف انخبطتي ؟؟؟ يا الله شو صعببببببببببببة

ولآء اهلا وسهلآ فيكي في كتير بنات مغتربات هون وانا وحدة منهم
انتي بالاسبوع الخامس ؟! بيني وبينك ايام بس لانه انا الي كم يوم داخلة الاسبوع السادس
بس الوحام بعدو ما بلش بالمرة عندي وهادا الشي مريحني
الا بعض الاوجاع في ظهري وبطني احيانا
الله يتمم لك ع خير يارب

الله يسمع منكو يا بنات واكيد يا احساس نيالك ههههههه كل اشي بدك ياه عطول حماتك بتعملك ياه
والله انا دايما كل ما اجيب سيرة ماما جوزي بزعل بصير يحكيلي يعني انا مقصر معك ؟! يعني انا ما بعملك كل شي ؟!
مسكين اصلو كل ما بيجي عبالي شغلة هوا يلي بيعملها ههههه بحكيلو لأ مش هيك بس وجود الام غير سبحان الله

الله يجمعنا بأهلنا قريبا

[حلا الماس]

مسا الخير يا صبايا

لولو
يا قلبي الله يكون بعونك .. هادا هو التاسع طول الشهر بتكوني تعبانة ويوم الولادة بتكوني بكل قواكي وما بتكوني متوقعة تولدي يومها ههههه

ولاء
أهلا وسهلا فيكي أخت جديدة بينا ... يا رب تنبسطي معنا
مبروك حملك وربي يتمملك على خير يا رب

غموض .. إحساس .. فوفو .. ام عبد الله .. بيبو
يسعد هالمسا منورات يا حلوات

البنات الغاطسات كلكم تعوا يعني
حيفا .. انبثاقة .. لولو حمادة .. نبض .. دموع .. هبة .. أية .. والباقي وآسفة لو نسيت حدا فيكم :)

وأخيرا الجو صار شوية برااااااااد أهون من النهار

[دموع الليل]

مسا الخير

كيفكم؟؟

غموض الله يجمعك باهلك عن قريب يارب ،، كيف الحمل معك؟

لولو سلامتك حبيبتى؟الله يهونها عليكى

دودو ان شاءالله امك تيجى بالسلامه

حلا كيفك؟ وكيف الاولاد؟بوساتى الهم

ولاء اهلا وسهلا فيكى بينا

احساس ،جاره،فوفو،ام عبدالله،بيبو،حيفا

منورين

[جارة القمر]

لولو:

صامده ........ يلا ما بقي شي ..........


غموض:


الله يسلمك يا أأأأمر والله متل الحلم اللي صار معي لكن الحمد لله ........
كنت بضبضب بالبيت بعد الدوام
ما انتبهت انه الطاوله وراي على طول لنزلت اطول اللعاب زيد دفعتني الطاوله اللي وراي على
الكنبه عندي وهي خشب ..........فكانت الضربة كلهاعلى تمي ........

الدكتور وهو خالي رح حط بدل سنين ورح يحاول ليكونو كتير قريب من الطبيعي طبعا ما في بعد الطبيعي .....



حوامل ربي يكون بعونكم ويئومكم بالسلامة

[احساس أنثى]

غموض
ربي يخليلك ياه جوزك حلو كتير انو بيعرف يطبخ ويعمل والله في رجال مابيرضو
يعني انا جوزي لو اطلب ع الجاهز ع طول ههههه

حلا
الحر يلي عن جد مابلش الله يعينا

جاره
لعلو خير حبيبتي بسيطه ان شالله

دموع
كيف ابنك ؟!

[دموع الليل]

هلا احساس

ابنى الحمدلله بخير

بدأ الثقل معى الله يتمم لنا على خير

كيف الحمل معك؟؟؟

جاره سلامتك حبيبتى بس ديرى بالك على حالك

[احساس أنثى]

يعني هالوحام نهفات
يعني اليوم مافي شي
ايام بتضلها معي اللوعه طول النهار ً

حتى مش عارفه احدد ولد ولا بنت خاد الوحام غيييييير خالص

[احساس أنثى]

وينكم بنات بتحضرو ارب ايدول !!

انا قطعت عندي الكهربا وشغلنا الماتور لكن مابشغل تلفزيوني ع المانور
متلو متل قلتو ):

[walo0ol]

فوفو حبيبتي تسلمي الله يبارك فيكي انشالله بدي اشوف اديش بقدر اتحمل وبعديها بشتري الدوا

[walo0ol]

احساس وحامي حسيت انو بلش بكير انا دورتي ما تاخرت الا يوم واحد بس على طول رحت حللت لانو كان الي اكتر من خمس ايام نفسي لايعه و مراجعه
هلا خفت المراجعه بس لعيان نفسي ما بفارقني وبطني بحسو بتمزع بالاكل بميل للموالح والحوامض و الغريب بضل اشرب عصير مانجا حلو ههههههه
عنجد الله يعين

[walo0ol]

اهلين فيكي غموض انتي كمان مغتربه وين عايشه ؟ احمدي ربك وانشالله حملك يضل دمو خفيف وما يكون وحامك صعب
والله يتمملك على خير ياقلبي
و ماشالله عجوزك حرام حسسي انك مبسوطه مش كل الرجال هيك و اكيد وجود الام غير الله يجمعك فيها قريب

[walo0ol]

حلا الماس و دموع االليل تسلمو حبيباتي و الله يتمملنا كلنا عخير

[غُمُوض أُنثَى]

جآرة ،، الف سلآمة عليكي ان شاء الله
الحمدلله ربك ستر ومنيح اللي اجت ع قد هيك والاسنان بينحط بدالهم وما ببين انهم مش طبيعي
ديري بالك منيح عاد ، يا لطيف ما اصعبها خبطتك بجد مش قادرة بس مجرد اتخيل
سلامتك ياحلوة


دموع وحلآآآ هلا فيكم يا حلوآآت
دموع الحمدلله حملي تمام لحتى الان لسآ حاسة حالي ما دخلت الجد !

احسآآآس ،، لا والله جوزي ما شاء الله عليه 11 سنة عايش بغربة يعني غصبن عنو بدو يكون بيعرف يطبخ ههههه
بيعمل كل شي الا الحلويات ما بيعرف ،، لا وكمان اللي بيعجبك طريقة التقديم مش اي كلام لازم يكون بديكور معين
الله يخليلي ياه ياااااااااااااارب ولا مش محسسني اني بعيدة عن اهلي دايما بيحاول يحتويني
ااااخ بس الغربة متعبة


ولآء ،، الله يخفف عنك وحامك يارب
انا مغتربة عايشة في تونس من سنتين
في ناس وحامهم صعب شكلك منهم يامسكينة
انا والله بلش عندي احيانا معدتي بتقلب وبحس بدوخة فجأة
بس اكتر من هيك لسا ما اجى شي
بس اوجاع البطن من تحت احيانا بتتعبني

الله يهون علينا يارب

ويسعد صبآآآآآآآآآآآآحكُم يارب احلآآآآ صبآآآآآآآآآآيآ

اجت في بالي " عيون المهآ " ،، ان شاء الله تكوني هلأ مبسوطة بين اهلك واحبابك ياااااارب وترجعي بالسلآمة :)
مافي بعد تراب الوطن

[لولو الفلسطينية]

صباحو يا حلوين
تسلمولي كلكم
فوفو
هادا التخطيط غير السونار و بيعملوه ليتطمنو على نبض البيبي و يشوفو اذا في طلق و الا لا بس ما بينعمل الا بالتاسع
ولاء
اهلا و سهلا فيكي و ربنا يتمملك حملك على خير ان شاء الله
الله يعينك عالوحام فترة و بتعدي ان شاء الله
يسعد صباحكم جميعا بدون ما انسى حدا

[~{{ DoDo }}~]

صباح الخير
كيفكم صبايا
منورين جميعا اللي كانوا سهرانين والموجودين
يسعد اوقاتكم

والصبية الجديدة ولاء اهلا وسهلا فيكي
مبروك الحمل ونورتينا ربي يتمملك على خير
انا كمان مغتربة في دبي ؛)

صحيح صبايا عندي موعد اليوم مع الدكتورةركمان شي ساعتين
ادعولي يكون كل شي تمام واطمن ومن هون وطالع كل اسبوع موعد

لولو الفلسطينية
يسعد صبااااااحك
طمنيني عنك كيفك وكيف التقل
انا رجليا وركبي ياااااااااه عالم التاني
زي الحجات والله كتير موجوعة وبطني حاساه زي المطاط صار هههههه
قولتك بيعملولي اليوم تخطيط انا كمان ؟
وكيف لو بدي اعرف في توسعات او لا لاني كتير موجوعة من تحت
ههههه عارفة اني انا وانتي بالهوا سوا وما عندك خبرة متلي

[حلا الماس]

صباح الخير يا صبايا

كيفكم اليوم ؟؟

مين هون

[فوفو89]

يسعد صباحكم يا حلوين

كيفكم اليوم


ولاء
انا مثلك هيك حكيت بدي اشوف قديش بدي اصبر ع لعيان المعدة والمراجعه بس بعدين ما قدرت وحكيت حرام عشان البيبي يتغذى وآكل اكل منيح ..لاني كنت ما اوكل اشي من لعيان المعدة
الله يصبرك ويخفف عنك يارب


لولو
الله يهونها عليكي ويقومك بالسلامة يارب
انا لما اروح ع الدكتور مراجعه كل شهر بيعملي فحص للنبض .. بيكون صوت النبض مسموع النا وع الشاشة بيكون تخطيط بيتحرك زي تخطيط القلب
ما بعرف اذا قصدك عنه او لا
كمان يومين بدخل بالسادس .. حسيت الشهر الخامس اطول شهر كثييييييييير طول


دودو وحلا
يسعد صباحكم يا عسل

[حلا الماس]

لولو .. دودو .. فوفو

يسعد صباحكم يا رب

[~{{ DoDo }}~]

حلا وفوفو صباح الفل كيفكم

فوفو
لا التخطيط الي بتحكي عنه لولو اله جهاز تاني
بيطمنوا فيه على نبض وحركة البيبي غير السونار
وبالاغلب بينعمل للي قربت ولادتهم لانه البيبي مرات لا سمح الله
اخر شهر بتخف حركته ونبضه وما ببين هالشي منيح بالسونار
فبيعملوا التخطيط ، متهيالي هيك صحباتي قالولي
وعقبال دخولك التاسع يا قمر

[حلا الماس]

هلا دودو

كيفك اليوم ؟؟ شو إحساسك وانتي بالتاسع ؟؟
يلا هانت صارت الأيام بتنعد وحتدخلي عالم الأمومة بعدها

حاسة حالي كسلانة اليوم :(

[~{{ DoDo }}~]

حلا
متل ما قلتلك مبارح احساس متضااارب
فرح وقلق وتوتر وخوف وتعب
ربنا يسهلها ياااارب
سلاااامتك من الكسل بعين الله ام خليل

[حلا الماس]

دودو
بيعين الله يا قلبي ... ربي يسهلك ويقيمك بالسلامة يا رب

لولو
وينك طليتي وهربتي عالسريع !!

ام عبد الله
وينك اليوم ؟؟

إحساس .. حواء .. وينكم لهلأ

حيفا
اشتقنالك يا بنت والله

شو بدكم تطبخوا اليوم

[ام عبدالله لولو]

صباح الخير ياصبايا
دودو ولولو مبروك دخولكم التاسع عقبال ما تقومي بالسلامة يارب
حلا يسعد صباحك حبيبتي بس والله صداع من كم يوم كل يوم الصبح بصير معي وبروح هههههه بقرف حالي منو بعين الله شو اخبارك انتي يلا الدور عليكي يا حلوة
فوفو وعموض يسعد صباحكم وجارة الف سلامة عليكي
حواء وحيفا اين انتم
احساس الله يسعدك يارب ويخليلك زوزو وتجيبلو اخت للازعر
باقي الصبايا يسعد صباحكم يارب

[احساس أنثى]

يسعد صباحكم صبايا
حلا ودودو وفوفو ولولو ولاء وغموض وام عبد الاه وكل النشيطات

ولاء
شكلك فيكي ولد :)

غموض
ربي يخليلك جوزك يارب

ام عبد الله
احلا دعوه منك اجيب بنوته للازعر :)

حلا
نحن هنااااا
بس لسى كسلانه وراسي بلف وحماتي بتنظف رُبيان قلبت معدتي

[حلا الماس]

ام عبد الله
يسعد هالصباح حبيبتي .. سلامة رأسك من الصداع بيعين الله
تسلميلي انا منيحة الحمد لله بس اليوم حاسة حالي مخربطة .. وكسلانة ههههه صح معك حق الدور عليي بس لسه مطول شوي

إحساس
يسعد صباحك حبيبتي يا رب
كيفو زياد اليوم ؟؟ وحملك كيف ؟؟ شكلو شادد عليكي الوحام اليوم ... الله يعينك
اعتذري من حماتك وما تعملي معها .. وأكيد هي رح تتفهم

حتى انا حاسة معدتي قالبة ... بعيد عنكم خليل بردان وعم يستفرغ وأنا قلبت معدتي منو :(

[فوفو89]

اهلا حلا
كيفك اليوم
انا ما بدي اطبخ على الاغلب ،، وانتي؟


دودو
اها هس فهمت عليكي
يمكن بيشبه التخطيط الي بيعملوه للحوامل يوم الولادة بالمستشفى تقريبا
الله يتمملنا ع خير يارب


ام عبدالله
يسعد صباحك يا قمر
كيفك وكيف البيبي

[فوفو89]

احساس
يسعد صباحك
الله يعينك ع الوحام ,, الحمدلله ارتحت من هالفترة .. عقبالك يار ب
الله يعينك اما سمك او روبيان
صحه ع الروبيان سلفا .. نحنا ما بنوكله