دردشة بنات فلسطين , دردشة حوامل فلسطين , تجمع بنات فلسطين

[جارة القمر]

ام عمر
طمنينا عن مولدك

[umm 3amr]

لساته بالحضانه اعصابي تلفت كل يوم بطلعوا شي

[umm 3amr]

فترة عصيبه مرت علينا مش عارفه شو صار غير الصغير وضعه الحرج وكل يوم عمليه
عمورة وقع من الشباك واتخيطت لحيته 8 قطب
وزوجي ترك الوظيفه والسياره فجاة خربت مع انها من الوكاله
طلع الشيب براسي واتاكدت مليون بالميه سحر
شو رايكم كيف اتصرف انصحوني

[umm 3amr]

بد افضفض سامحوني اذا ازعجتكم

[جارة القمر]

بسم الله حولكم ,,,,,,,
الف سلامة لعمورة

روحو لشيخ يرقيكم .......او جيبو شيخ يرقيكم والبيت رقية شريعه
حسبي الله ونعم الوكيل

[umm 3amr]

هيك ناويه وزوجي دور ع سكن جديد وبعد ما نرحل بده يسال عن شيخ
كنت اكلم اهلي اخوي مسجون شهرين وماخذين 1000 شيقل مقابل شهر والماما تعبانه راسها وعيونها معطيها الدكتور منوم ومشد لرقبتها وحاكيلهم اذا ما اتحسنت بدنا نعملها اشعه يا رب

[umm 3amr]

ابتعرفي حبيبتي جارة من 3 سنين رحت لشيخ وحكالي السحر الي عندك صعب عند السمرا واكتر من واحد من النوع الي بجدد حاله وبعدها احملت بعمور والحمد لله ئبله راحوا 3 وبعده واحد وهاي ابني محمود ماكان عندي شي فجاه كنت شايفه حد بضرب بطني وحسيت بشي غريب بالمشفى استغربوا ما في شي وفتح الرحم بس الجنين كان مش مستدير حولوني عمليات بنج نصفي طلعت المشيمه مفصوله

[umm 3amr]

يلا سلام حبيبتي عمورة صحي موجوع من الجدري
بشوفك سلام

[جارة القمر]

طيب ام عمر

بتشكي ليه معمولك .....؟ ومن ين بتشكي قرايب زوجك ولا قرايبك ؟

ياااا عمري عليك وجعتيلي قلبي والله

حسبي ربي ونعم الوكيل لاحول ولاقوة الا بالله العلي العظيم

والف سلامة للوالده

[احساس أنثى]

سلااااامتك ام عمر ياقلبي هيا هيك الدنيا فتره وحتعدي ان شالله
روحي ع اكتر من شيخ وعليكي بالرقيه هيا بتحمي والصلاه
بعرف كتير ناس متلك بس الصلاه والقرءان بحموهم

[فوفو89]

مسا الخير

وبعدين مع الانفلونزا !!!؟؟؟؟؟؟؟؟!!!!!!

مش قادرة اتنفس .. زكام وكحة والتهاب حلق ووجع راس

جد اشي بيتعب

شو اعمل ؟

[حواء مثالية]

يسعد مساكم يا حلوووووووووووووووووووووووووووووين

ام عمر الله يهونها عليكي يا رب احكي حسبي الله ونعم الوكيل

والله الدنيا بتخوف يا بنات لازم الواحد ياخد باله


بتعرفو في ابن خال امي متزوج بنت كانت تدرس معي بالمدرسة بتجنن هالبنت ست بيت ومعدلة واولادها وبيتها ما شاء الله عليهم وكلشي اله حاضر يا سيدي هلا هي طلعت من صف عاشر وتزوجت يعني ما كملت تعليمها هلا اولادها لما صاروا بالمدارس صارت بدها حد يدرسهم لانها ما بتعرف ......

هلا في بينت تانية كانت بنفس صفنا كمان هاي تزوجت وجوزها انسجن من تاني شهر وانحكم 16 سنة وهو قرر يخليها تشوف حياتها وتركوا بعض بعد ثلاث اسنين من سجنوووووو كملت تعليمها هي


هلا القصة من هون بتبلش

البنت الاولى بعتت اولادها للتانية عشان تدرسهم صارت تاخدهم عندها ومرات هي تجي تدرسهم بالبيت بعد فترة حطت عينها على جوزها وضلت وراه لتجاوب معهها وبعد فترة صار يحكي انه بده يتجوزهاااااا

طبعا الكل عارض لانه مرته مافي منها بس الله اعلم شو صار وينهم وين وصلت

هلا يوم الاربعاء الماضي بدون ما حدا يعرف وبدون مهر او كسوة طالعة هي واياه مصافحين بالمحكمة بعلم اهلها طبعا وطالعين على رام الله واليوم مروحها ضرة على مرته الاولى


هلا مش عارفه شو احكي مسكينه مرته الاولى ما الها اسبوع مخلفة شوفوا شو عمل

[احساس أنثى]

المشكله يا حواء ببنات الحرام بعيد عنك
ومابعجبهم الا المتجوز ويلي عندو عيال

الله يصبرها مرتو مسكينه مصيرو يرجعلها

[احساس أنثى]

فوفو سلامتك عليكي بالليمون خدي فلووو
او فوار كالسيوم اي شي يخفف عنك الفلونزه انا بكرهها عدوتي :)

[غُمُوض أُنثَى]

يسعِد صبـــــــــــآحكُم بنآتــــــــــــــــــــــــ،، ♥

والله توحشتكم برشـــــــآ برشــــــــــآ ^^ الكُم وحشََــــــــة ،،

كيفكم وحدة وحدة ،، طمنوني عنكُم ،، :)

حبيت أصبحّ عليكُم لأني بجد اشتئتلكُم ♥

نهـــآركُم زيـــــــــــــــــ♥ـن

[حلا الماس]

صباااااااااااح الخير صبايا

كيفكم .. شو اخباركم ؟؟

كنت مشغولة من يوميين وما قدرت ادخل اشوف اخباركم .. تعالوا طمنوني عنكم كلكم ..وشو اخباركم ؟؟

بنات الدوام الصباحي اين انتم ؟؟ تعو بسرعة يلا

حواء ؟؟؟ يا لطيف شو هالقصة ؟؟ الله يجيرنا دنيا اخر زمن .. الله يصبر قلب الزوجة ويكون بعونها
وما يحطنا ولا حبايبنا بهيك مواقف .. ويبعد عنا وعنكم بنات وولاد الحرام ..

فوفو .. سلالالالالالالالامتك .. الله يرفع عنك يا رب

احساس .. كيفك يا قمرة منورة .. ♥

غموض .. طلتك ولا نور القمر .. كيفك يا حلوة ؟؟ واحنا كمان اتوحشناكي برشا برشا

[~{{ DoDo }}~]

صباح الخير صبايا

شو اخباركم

حلا
يسعد صباحك حبيبتي
طمنيني عنك كيفك وكيف البيبي وولادك ان شاء الله بخير

ام عمر
يا قلبي الله يعينك على اللي انتي فيه
حسبي الله ونعم الوكيل
بس نصيحة عليكي بالقرآن والتحصينات والرقية الشرعية
وشغلي سورة البقرة 24 ساعة حتى لو قدرتوا انتي وزوجك تقروها
الحل لكل اللي انتي فيه هو القرآن ، ما فيه شي بيعجز القرآن عنه
سلامتكم جميعا والله يخفف عنكم ويبعد عنكم كل شر يارب

جارة واحساس
يسعد صباحكم

حواء
كيفك وكيف برلنت وعزو انشالله تمام وحملك تمام
شو هالقصة يا لطيف
فعلا حسبي الله على بنات الحرام
اديش الدنيا صارت بتخوف وما حدا اله امان والله
وما في حدا مسكين بجد

فوفو
سلامتك ضلك كل برتقال واشربي ليمون
وخدي فوار فيتامين سي والبابونج كتير منيح
انا باول حملي لما مرضت كنت اشرب بابونج كل يوم ومفعوله سحري

غموض
نهارك سعيد الك وحشة :)
يسعد صباح الجميع بدؤن استثناااااء :)

[حلا الماس]

دودو .. حبيبتي يسعد هالصباح يا رب

انا والاولاد والبيبي بالف خير الحمد لله ..

انتي كيفك شو اخبارك ؟؟ شو عم تعملي ؟؟ وشو بدك تطبخي اليوم ؟؟

[~{{ DoDo }}~]

مشتقالك والله ام خليل
واموري بخير الحمدلله

اليوم بدي اعمل مقلوووووووووبه ؛) تفضلي

[حلا الماس]

ان شا الله دايما بتكوني تمام

وصحتين عالمقلوبة .. انا اليوم بدي اعمل سمك فيليه بالطريقة الي قلتلك عنها سابقا

وعم بغسل الجو اليوم كتير حلو للغسيل هي اول وجبة خلصت بدي اطلعها من الغسالة واشغل الوجبة التانية

وعملت فول اخضر للتفريز .. شايفة انا اليوم من الصبح نشيطة

[~{{ DoDo }}~]

ماشاء الله يعطيكي الف عافية
نشيطة اسم الله ام خليل
صحتين عالسمكااااات وعالفولات كمان ؛)

[حلا الماس]

ويعافيكي حبيبتي ..

كيف عمورة البطل اليوم ؟؟ كملتي تجهيز لإلو ولا اسعان ؟

[حيفا]

صباح الليلك والكادي :)

كيفكم حبيباتي وكيف نهاركم ؟؟؟

شو طابخين اليوم ؟؟

انا بدي اعمل فتوشه وحواضر :)

[~{{ DoDo }}~]

حلا
الحمدلله عمورة بخير
وبالنسبة للتجهيز تقريبا خلصت
باقي كم شغلة بس اجلتهم لتيجي ماما ان شاء الله
بس عالاغلب مخلصة يعني ؛)

حيفا
يا صباح الفل
كيفك اليوم
انا عاملة مقلووووبة تفضلي ؛)

[حلا الماس]

اهلا اهلا .. يسعد صباحك يا حيفا

كيفك حبيبتي شو اخبارك ؟؟

صحتيييييييييييييييييييييييين عالفتوش زاكية

انا اليوم بدي اعمل سمك اليوم

[حلا الماس]

حيفا .. كيف وجع ضهرك خف ولا كيف ؟؟

عن اذنكم بنات انا بدي اطلع

خليل صحى وبدو يفطر وانا بدي انشر الغسيل وابدا بالتحضير للغدا

[~{{ DoDo }}~]

الله يسهل عليكي حلا ؛)

[حيفا]

صحتيييين دودو يا حلوتي عالمقلوبة

وصحتين حلووووشة عالسمك

الحمد لله انا بخير ، ووجع الظهر مستمر الحمد لله :)

[فوفو89]

صباحوووو وووووووووو

كيفكم صبايا

انا تعبانة من الزكام وحلقي بوجعني

بالنسبة للغدا بدي اعمل بيتزا

[امجااد]

http://forum.hwaml.com/t249684.html#post3126693

[لولو الفلسطينية]

مسا الخييير
شو عاملين الصبايا ؟
ام عمر
اسم الله عليكم حبيبتي و الف سلامة على عمورة
و ان شاء الله البيبي بيطلع من الحضانة و بتتحسن اموره و بنور حياتكم هو و عمورة ياااا رب
يا رب يهدي بالكم
نور العمر
ان شاء الله يكون الراس نازل و كلشي تمام و تولدي بالسلامة يااا رب
ما تنسي تطمنينا عنك يا عسل
جارة
هههه ولا يهمك ممكن ما يكون قاصدها
خيرها في غيرها
هههه انا زوجي بحكيلي انتو يا النسوان عمركو ما بتشبعو سوق و ملابس هههه
فوفو
يا جبانة هههههه ضحكتيني يقطع شرك
سلامتك من الانفلزنزا ما تشوفي شر
ام عبد الله
يسعد عينو الي بيتفقد الكل ههههه
ان شاء الله بتقومي بالسلامة و بتجيبيلنا احلى عبودة
حيفا
سلامة ضهرك يا حلوة الف سلامة عليكي
دودو و حلا
منوريييييييييين الحلوات
صحتين الكم صبايا عالاكلات هاي
احساس و غموض
كمان منورات .... يسعد مساكم
عسولة
ربنا يتمملك على خير و يسهل امورك و تجيبي احلى بيبي يااااا رب
انا اليوم قدمت امتحان لسا ما صارلي ساعة مروحة من الجامعة و الحمد لله منيح بس مش اوي اوي ههههه
المشكلة ماسكني وجع راس مطلع عيوني و بدرس غصب الله وكيلكو و الدكتور حكا اذا الضغط و الدم طبيعي يعني الصداع طبيعي و من الحمل و هيني بتحمل
و بعد بكرة عندي امتحان تاني لهيك اجيت بس اتطمن عليكم و اشوف اخباركم و اروح ادرس
قرررررررفت حالي من هالامتحانات
المهم ان شاء الله تكونو كلكم بخير
يسعد اوقاتكم يا احلى صبايا

[فوفو89]

هلا لولو

الله يسلمك يا زوء

الله يوفقك بامتحاناتك والله يكون بعونك زوج وبيت وحمل ودراسة ومسؤوليات

[حواء مثالية]

هاااااااااااااااااااااااااايات

منورات

[جارة القمر]

مرحبااااااااااا

راسي بوجعني.........

[دموع الليل]

يسعد مساكم

منورين الصبايا

سلامتك جاره

[احساس أنثى]

مسا الخير كيفكم صبايا انا ظهري نصين غسلت وتحممت ونظفت الحمام الاه يعزكم وعملت غدا لجوزي كلو ع نفس واحد استويت ههههههه

لولو ربي يوفقك / جاره سلامتك شو مش نايمه ولا من شو ؟ / حوء وفوفو ودمرع نهاركم سعيد

[جارة القمر]

دموع :

الله يسلمك

احساس:
الله يسلمك .....اليوم كان الجو حر ومعضم شغلي برا المكتب اليوم وبعدها رحت على السوء فيمكن من هالشي

بدي اسألك شو اخبار زيااااااااد .؟!!راحت الاميبيا منوووو ..؟؟!!! وكم وزنو هلا

[احساس أنثى]

اها الجو الحر فعلا متعب

زوزو زمااااان راحت منو الاميبا الحمد لله وزنو مابتابعو بس تقريبا من شهرين كان 8 ونص انا هلا حساه خس من اسنانو

[جارة القمر]

احساس:
الله يخليلك يااااااا هو زوزو طلع سنان .....؟كم سنون ؟؟؟

[احساس أنثى]

الله يخليكي طلع سنين تخت

وشكلهم يلي فوق قربو

[حواء مثالية]

سلالالامتك جارة

طول النهار بتثاوب بس مش نعسانة مممممممممممم الجو شوووب اليوووم

[جارة القمر]

حواء:
الله يسلمك يااااااارب .........
فعلا الجو نااار وكنت لابسه ومدفيه حالي لانها الصبح لطلعت من البيت كانت برد بس حمي الجوووو.....

وهيك لاخر الاسبوع رح يكون ........


على فكره انا وبرلنت مولودين بنفس الشهر بس اناااا 23/7

احساس:

يلا عئبال باقي السنونات ........احساس انتي مواليد كم ...؟

[حواء مثالية]

طريقة تنويم الطفل الياباني






هاد للاطفال اللي بغلبووووووووووووووووووو


http://www.ii1i.com/uploads5/5b0cf470a8.jpg

[حواء مثالية]

العمر كله الك ولبرلنت يا جاارة

[جارة القمر]

ههههههههههههه ياااااااااااا حرام ياااااااااااعمري والله ما بسخا اعمل بزوزو هالحركات لو مزح

تسلميلي يااااااااارب حواء

[حواء مثالية]

انا ما بعصب على برلنت لاعمل فيها هيك

[جارة القمر]

ههههههههههههه لااااااا حراااااااااام .........برلنت مؤدبه ما بتعزب ماماها

[جارة القمر]

فـــــــــــكرة

https://fbcdn-sphotos-e-a.akamaihd.net/hphotos-ak-prn1/551271_523793454333756_1199446231_n.jpg

[احساس أنثى]

جاره انا مواليد 88

[حواء مثالية]

الله يرضى عليها برلنت روووووووووووح ماما

[جارة القمر]

احساس :
انا اكبر منك بسنتين اناااا مواليد86


حواء:
انت مواليد كم ......؟

[حواء مثالية]

انا مواليد 84

عمرنا قدامنا يا جارة لسه شباب ههههههههههههههه

[جارة القمر]

العمر كلووووووووووووووو ياااااااااااااااااارب

[احساس أنثى]

العمر كلو ياصبايا ياحلوي_^

انا مابامن بالعمر يعني الوخده طول ماهيا مهتمه بحالها وبصحتها اكيد حتفضل شابه ^_^ وماحيبين عليها العمر

[جارة القمر]

احساس:

صحيح كلامك والدليل على ذلك هلا حاطه مااااااسك الفراوله ههههههههههههه

[احساس أنثى]

ههههههههه جاره انتي بتتعاملي مع حد خبير ولا من النتزي حلاتي بتحيبي الطرق ؟!

[احساس أنثى]

شو قصة الصبايا اليوم اختفالااااااااااء

[حواء مثالية]

مساء الخيرررررررررررررررررررررررررررررررررررررررررررررر ررر

وينكم

[ام عبدالله لولو]

صباح الخير يا صبايا
الله يسعد اوقاتكم يارب حلا ودودو ولولو وجارة واحساس ودموع ونور وحواء وكل الصبايا يسعد صباحكم

[~{{ DoDo }}~]

صباح الخير جميعا

ام عبد الله يسعد صباحك حبيبتي
كيفك وكيف البيبي
شو صايمة اليوم ؟
انا نويت وهيني صااااايمة الله يقدرني

[ام عبدالله لولو]

هلا دود الحمد لله بخير والبيبي بخير اليوم ما صمت امبارح كنت تعبانة واخدني زوجي ع الدكتور طلع ظغطي مرتفع شوية 130 لهيك ما صمت حكيت خليني ارتاح ..بدي اسالك صار وارتفع معك الضغط مع انو دائما بتقيسو الدكتورة عادي وبالمركز الصحي كمان عادي ما بعرف شو الي صار

[~{{ DoDo }}~]

الف سلامة عليكي
لا والله ما ارتفع معي ولا مرة
بدك تديري بالك من الموالح وتشربي مي كتير
المي والسوائل ممتازة للضغط وارتاحي اهم شي
بيروح الشر عنك ياااارب ومعلش بتصومي شي يوم تاني بسيطة

[فوفو89]

صباحوووووووووو صبايا

كيفكم اليوم

كيفك دودو

ام عبدالله سلامتك يا عسل ما تشوفي شر يارب .. ديري بالك ع حالك

[ام عبدالله لولو]

تسلمي يا دودو الله يخليك الحمد لله كانو ما في شي
الله يسعد صباحك يافوفو تسلمي حبيبتي هو اول امبارح كنت اكل مكسرات وبزروات ونسيت حالي وانا اكل هههههه وامبارح الصبح طلعت ع السوقاشتريت لبس الي لانو ههههه سمنيت كثير روووحت ع التخت مباشرة شكلو من هيك اليوم بدي ارجع اقيسو وان شاء الله خير بس الحمد لله اليوم نشيطة ع غير العادة

[حيفا]

صباح الخيرات عالجميع

كيفكم شو اخباركم شوو طابخين ؟؟

ام عبد الله الف سلامة عليكي حبيبتي ، هو الضغط ممكن يرتفع عادي يعني بتكون قله سوائل بالجسم ، بس الحامل لازم تدير بالها كتييييييير منيح على هالناحيه ، دايما لازم تقيسي ضغطك ودايما اشربي مية وسواااااائل وابعدي عن الملح قد ما تقدري ، طبعا بتقوليلي انتي شو عرفك ، بقلك مرت اخوي كان عندها ضغط في الحمل وكانت تصير بدها تختنق ، لما يرتفع معاها ، لهيك كانت الدكتورة تضل تركز عالسوائل والمي كتيييير
ما عليكي شر حبيبتي وخدي بالك من حالك


دودو صوما مقبولا وافطارا شهيا ان شاء الله ، اكيد اجرك مضاعف حمل وصيام وشوب دبي كمان :)

فوفو صباح الورد :)

[~{{ DoDo }}~]

اهلا فوفو
صباح الورد
انا بخير الحمدلله
انتي كيفك وكيف البيبي
وكيف صرتي ان شاء الله احسن ؟

[~{{ DoDo }}~]

اام عبدالله
الحمدلله ان شاء الله ما بيرتفع تاني بس انتي ديري بالك
وكتري سوائل قد ما تقدري معلش

حيفا
تسلميلي يارب
ربنا يقدرني ان شاء الله
ومزبوط اللي قلتيه عن الضغط مية بالمية ما قصرتي يا قمر
طمنيني عنك شو الاخبار وضهرك كيف ؟

[ام عبدالله لولو]

تسلمي يا حيفا والله ما قصرتي حببتي الله يعطيك يارب ويطعمك الدرية الصالحة عن قريب
الله يسعدك يا دودو ان شاء الله رح اعمل بالي حكتو عنو

[فوفو89]

ام عبدالله سلامتك كمان مرة .. انا لما اكل اشي مالح ع طول بكثر شرب مي احسن

هلا حيفا
صباحك ورد
كيفك


دودو
الحمدلله صرت احسن بس الرشح والتهاب الحلق لسه موجود بس اخف
والبيبي ان شاء الله منيح تسلمي
بكرا عندي مراجعه عند الدكتور ورح يحكيلي شو جنس الجنين
كثيييييييييييييير متشوقة اشوفه واعرف شو جنسه

[~{{ DoDo }}~]

فوفو
يلا حلو بكرا ان شاء الله بتتطمني وبتيجي تقوليلنا شو صار معك
الله يكمللك على خير يارب انتي وانا والجميع :)

[حيفا]

حبيباتتتي الله يسعدكم انا بخير بشوووفتكم حبيباااااتي بكرا عنا خطبة ومالي نفس اروح بس لازم اروح شو اعمل ههههههه

فوفو سلامتك يا عسل طمنينا بكرا وخبرينا شو جنسو ، انتي شو حابه ، وشو محضرة اسماء ؟؟

ما قلتولي شو طابخين

[ام عبدالله لولو]

الله يعطيكي الي ببالك يا فوفو وان شاء الله انك بتطمني عليه يارب

[فوفو89]

تسلمي يا عسل
اه اكيد رح احكيلكم شو بيصير معي
مش مهم عنا ولد او بنت المهم الخلقة التامة لانو هذا اول بيبي النا
ان شاء الله اذا ولد بدنا نسميه مجد واذا بنت ما حددنا انا بدي اسم روعة وجوزي بدو اسم دلال ع اسم امو

[حيفا]

شوفو عالميك اب !!!!!!!!

ماكياج العين الثالثة ...غريب !!- السويدية ساندرا هولمبوم | ثقافة وعلوم (http://www.thqafawe3lom.com/2013/04/blog-post_9663.html)

[فوفو89]

شو رايكو مين احلى اسم دلال ولا روعة ؟

[حيفا]

يا عينييي مجد حلوووو كتييير

وانتي مو عاجبك دلال ؟؟ هو اسم قديم شوي بس حلو وروعة كمان حلو

يلا التمام ع خير وان شاء الله تقومي وانتي البيبي بالسلامة يا ام المجد :)

[فوفو89]

الله يقرفها شو هالمكياج هاد الي بيقرف

لو تشوفني حماتي ل تبهدلني .. ما بتحب اتفرج ع صور مش منيحه عشان حامل ههههههههههه

[فوفو89]

تسلمي حيفا كلك زوووء

هو حلو اسم دلال بس اسم روعة احلى


وبيكفي امو دلال كمان بدنا نجيب دلال ثانية ههههههههههههه

[~{{ DoDo }}~]

حيفا
انا مرتاحة اليوم
باقي نص طنجرة المقلوبة و اكتر يمكن
مبارح ما اكلنا منيح لا انا ولا زوجي
بدي اعمل سلطة وشوربة بس ، انتي شو ناوية تطبخي

فوفو
حلو اسم مجد كتير وروعة حلو كتير
دلال حلو بس قديم ، ان شاء الله بييجي البيبي على خير وبيجي اسمه معه

ام عبد الله
شو طاااابخة

[حيفا]

هههههههههههههه حبيبتي متأسفه والله عالصورة
وبالنسبة لدلال سميها دلال بتصير تعشقها عشق حماتك هههههههههه
وبعدين هي اللي بتحلي الاسم ، احمدي ربك انه مش اسم قديم كتير يعني زي صبحه وحمده هههههههه

[حيفا]

صحه وهنا يا دودو اانا كمان بدي اعمل مقلوبة والمفروض اني بديت اعمل بس متكاسلة ههههههه
بالليل نضفت كل البيت وغسلت ورتبت ع اساس اليوم اضل بلا شغله ولا عمله ، بس الا ما يطلعلي شي متل الطبيخ ، زوجي جاي عباله مقلوبة ههههههههههه

[~{{ DoDo }}~]

هههه قد ما وفرتي شغل بالبيت الا يطلعلك شي
ما في مفر يا ستي هههه
صحتين عالمقلوبة انا بعزها كتير صراحة واكتر شي البتنجان والبندورة
بنقيهم تنقاية وانا باكل

[فوفو89]

تسلمي يا دودو
ان شاء الله يارب
وانتي ان شاء الله بتشوفي ابنك ع خير


ولا يهمك يا حيفا
اه انا بحكي منيح انه اسمها مش قديم كثير زي امنة او صبحة او خديجة .. بس اذا طلعت بنت بدي اقنعه نسمي روعه احلى
تخيلي يحكولي ام دلال يييييييي
ههههههه

[ام عبدالله لولو]

ههههههه يقطع شرك يا فوفو هههه ما بدك دلال تانية هههه اما يجي المولود بيجي اسمو معو المهم الخلقة تالتامة والله يقيمك بالسلامة
دودو الله يسعد حبيبتي اليوم بدي اعمل منزلة بطاطا صحة وهنا ع المقلوبة
حيفا صحة وهنا حبيبتي عقبال ما تخطبي لولادك يارب

[حيفا]

دودو هيني تشجعت وعلقت الجاجات وعم بقطع بالخضرا ههههههه بس بدي اسألك انتي بتحطي بندورة مع المقلوبة ؟؟؟


فوفو متل ما حكيتي المهم الخلقه التامه ويجي بالسلامة يارب :) يا ام المجد مش ام دلال ههههههههه

لولو الله يسعدك يارب وتشوفي عبد الله واخوانه وخواته كمان عرسان حبيبتي :)

[ام عبدالله لولو]

تسلمي يا حيفا اه زاكية مقلوبة البادنجان ومعها شرحات بندورة مقلية كمان زي البادنجان

[فوفو89]

تسلموو يا دودو و ام عبدالله
عقبالك يا حيفا ان شاء الله

ام عبدالله انتي شو فيكي ؟ ولد ولا بنت ؟ ومن وين ؟

[فوفو89]

بدي اروح انزل عند اهلي اشوف شو طابخين بلكي اتغديت عندهم

يارب يكون دوالي جاي ع بالي

جوزي استاذ واليوم عندهم رحلة .. ما بدي اعمل غدا لحالي

يلا هن ازنكم

[~{{ DoDo }}~]

حيفا
شطووورة يعطيكي العافية
اه طبعا بحط بندووورة
لما ارتب الخضار بالطنجرة مع الدجاج
اول شي بحط بندورة شرحات طازة ما بقليها ولا شي
وبعدين الدجاج والبطاطا والبتنجان والبصل والخ الخ
البندورة بتهلي المقلوبة طرية وفيها مزازة بتزكيها كتيييييير

[~{{ DoDo }}~]

ام عبد الله صحتين على منزلة البطاطا

فوفو الله يسهل عليكي وان شاء اهلك يكونوا عاملين ورق عنب ههههههه

[حيفا]

الله معك فوفو وان شاء الله يكون ورق عنب هالفترة كل الناس بتطبخ ورق اخضر لزيز هههههههه

ام عبد الله اول مرة بعرف انه المقلوبة بنحط معاها بندورة احنا بنحط بطاطا وجزر وزهرة وباتنجان ممكن واحد منهم ممكن كلهم
بس شكلي رح اجرب البندورة معها شي يوم هههههههه

[جارة القمر]

,,يــــســــــعــــد مــــــســــــاكـــــــــمـ،،

[حواء مثالية]

يسعد مساكم

كيفكم

[جارة القمر]

هلاااا حواااااااء مساء الانوار.........

[لولو الفلسطينية]

مسا الخيييير
خلصت دراسة لامتحان بكرة و جيتكم طيران ههههه
ام عبد الله سلامة ضغطه الحلو ههههه
ما تشوفي شر ام عبد الله
فوفو ان شاء الله تعرفي جنس البيبي
بنت و الا صبي كلو نعمة من الله
ما تنسي تحكيلنا سو بصير معك
دودو و حيفا صحتين عالمقلوبة
دودو كمان مرة هههه الله يتقبل منك ام عمورة
جارة و حواء يسعد مساكم
حلا وييينك اليوم مش طاله ؟
كللل الحلوين الحاضرين و الكسلانين يسعد مساكم
في حد هون و الا هئة ؟؟؟

[جارة القمر]

لولو :

يعطيك العافية بس انت شو بتدرسي؟

[لولو الفلسطينية]

يسعد مساكي جارة
كيفك و شو اخبارك ؟
انا بدرس انظمة معلومات حاسوبية

[دموع الليل]

يســـعد مســــاكــــم

منورين

[لولو الفلسطينية]

اهلا دموع
شو عاملة ؟

[دموع الليل]

هلا لولو

الحمدلله

كيفك انتى ؟ وكيف البيبي؟

[لولو الفلسطينية]

انا بخير و الحمد لله
و البنوتة منيحة و بتسلم عليكي هههه
شو امتى بتدخلي السادس ؟
بلشتي تحسي بالحركة و الا لسا ؟

[دموع الليل]

الله يفرحك بشوفتها....

اه الحمدلله بحس بحركه خفيفه

كمان اسبوعين بدخل السادس

[دموع الليل]

شو بدك تسميها؟؟؟

[لولو الفلسطينية]

على خير ان شاء الله
انتي عرفتي فيكي بنوتة و الا ولد ؟؟ و الا لسا ما بين ؟؟
هههه سامحيني ذاكرتي صايرة صفففر عالبدري هههه

[لولو الفلسطينية]

و الله لسا محتارين بالاسم و ما رسينا على بر هههه
اي و الله الاسماء بتحير

[دموع الليل]

ان لسه ما عرفت جنسه

بس اذا بنوته حضرت اسمها

حابه اسم غزل او نغم شو رايك؟؟

[دموع الليل]

معك حق الاسماء بتحير

خاصه البنات ههههه

[لولو الفلسطينية]

يا ستي بنت او ولد كلو نعمة من رب العالمين
حلويييين الاسمين
بس جد اسامي البنات بتحير هههه
الله يجيبهم بالسلامة

[دموع الليل]

امين يارب

اهم شى الخلقه التامه

[لولو الفلسطينية]

امين
دموع حبيبتي و الله لا يمل بس بدي اروح البس
بدنا نطلع بس ما بعرف وين ههههه

[دموع الليل]

الله يسهل عليكى حبيبتى

موفقه

[umm 3amr]

مساء الخير
الله يسلمكم صبايا

[umm 3amr]

بالنسبه للقران الحمد لله بقراه كتير والرقيه يوميا
الشيخ الي حكالي سفرته الدوله وحكالي في منه شاربتيه انا شاكه وحدة بالجامعه كانت بدها اتزوج اخوها بس الشيخ ما رضي يحكي اسماء الاولاد اذا فلوزو بنبكي عليهم كيف لمن اتشوفيهم بموتوا او عليهم اكسجين بدهم دم وبغرف العمليات لو انا بتحمل

[ام عبدالله لولو]

مساء الخير ياصبايا

[~{{ DoDo }}~]

مسا الخير يا حلوين

حواء وجارة
يسعد مساكم كيفكم وكيف اولادكم ان شاء الله تمام

دموع
شو اخبارك وكيف البيبي
المفروض هلا يكون جنس البيبي واااضح

لولو
موفقة بامتحان بكرا
يلا هاااااانت وموفقة بمشوااارك انبسطي يا قمر

ام عمر
بغض النظر مين اللي عامل سحر
انتي اعملياللي عليكي وخليكي قريبة من ربنا
والله رح ييسرها وما يضرك ان شاء الله الله يكون الك معين

ام عبد الله
يسعد هالمسا يااا قمر ؛)

[جارة القمر]

ام عمر::

وجعتيلي قلبي والله ..........يعلم الله اني في حراره هلا اجي وقف معك ...........لانك اخت عزيزة على قلبي....بس المسافات حرمتني هالشي .......
بتتذكري انا وياكي اول بنتين دخولو وافتتحو دردشة بناااااات فلسطين ومن بعدهااااا هلو الصبايا .........
فانتي معزتك عندي من زماااان

[دموع الليل]

جاره يسعد مساكى كيفك؟

ام عمر الله يفرجها عليكى يارب ... انا جربت هالشعور قبل بنتى ما تتوفى

الله يكون بعونك وتفرحى باولادك

حسبي الله ونعم الوكيل

دودو كيفك؟

ان لما رحت المراجعه اللى فاتت كنت باول الرابع
والجنين مسكر رجليه

ام عبدالله منوره كيفك؟

[حلا الماس]

مسا الخير للجميع ..

كيفكم صبايا .. شو اخباركم .. اشتئتلكم كتير

[حلا الماس]

ام عبد الله .. سلامة ضغطك يا رب .. بيروح الشر عنك يا عمري ديري بالك وتابعي عند الدكتور
كيفك وكيفو عبود ؟؟

دودو .. كيفك يا ام عمر ؟؟ وكيف عمورة ؟؟

ربي يتمملك بخير يا رب ...

لولو .. كيف يا بطة .. وكيفها الاميرة الزغيرة ؟؟
الله يوفقك بدراستك .. ووينجحك يا رب .. شدي همتك خليكي تكوني متوفقة :)

دموع .. شو اخبارك ؟؟ وكيف الحمل معاكي .. متى اخر موعد لولادتك

نور العمر .. وينك من يوميين ما طليتي ؟؟ لتكوني ولدتي ؟؟!!! طمنينا عنك

احساس .. حواء .. جارة .. حيفا .. يسعد كل اوقاتكم يا رب منورات بقوة :) ♥ :)

الغايبات : بيبو .. غموض .. انبثاقة .. هبة .. عسولة .. لولو حمادة .. عيون المها .. وباقي الحلوات طمنونا عنكم ..

[~{{ DoDo }}~]

دموع
ان شاء الله الموعد الجاي بتعرفي
وبتيجي تخبرينا وبنساعدك بالاسامي ؛)
موفقة حبيبتي

حلا
اشتقنااالك ام خليل
كيفك وشو اخبارك وكيف الحلوين ماسة وحلا وخليل والبيي يوسف
ان شاء الله حملك تمام ؟
انا بخير وعمورة بسلم عليكي بخير الحمدلله ؛)

[حلا الماس]

يلا دوري احكيلكم عي حالي ..

اليوم رحت مراجعة عند الدكتورة والحمد لله حكتلي كل شي تمام والبيبي وضعو كتير منيح وصحتو وحجمو مناح .. واهم اشي انو المشيمة ارتفعت ورجعت لوضعها الطبيعي الحمد لله رب العالمين ..
بس كانت نسبة دمي نازلة معي اني باخد حديد .. بالفحص كانت نتيجتي 10.4 الدكتورة ما عجبها لوضع وغيرتلي حبوب الحديد .. ووصفتلي نوع تاني وكمان كتبتلي حبوب اوميغا 3 وحكتلي اضل مستمرة عليها لحد الولادة

بدي اسال البنات الي بياخدو حبوب الحديد .. انتوا بتاخدوها مباشرة بعد الاكل ولا لازم بعد الاكل بساعة ؟؟؟

وبعد الدكتورة لفيت بالسوق شريت كتير اشياء واهم اشي انو شريت بجامة للحمل .. بصراحة كل بجاماتي صاروا يضغطوا على بطني

ورجعت من السوق تعبانة ومهدود حيلي .. والعصر اجت امي على حماتي وما قدرت ادخل اليوم الا هلأ ..

[حلا الماس]

حبيبتي دودو .. تشتاقلك الجنة يا رب

انا بخير وولادي مناح .. نشكر الله

نيمتهم من شوي .. وجيت على طول على هون

[دموع الليل]

حلا كيفك؟؟ وكيف الحلوين ؟؟ بوساتى الهم

اخر موعد فى اخر 8

يعنى بعد العيد ...

دودو منوره حبيبتى

[حلا الماس]

هلا دموع حبيبتي ..

ربي يتمملك بخير يعني بالزبط بيني وبينك شهر كامل .. انا اخر موعد الي 1 / 8 قبل العيد ب اسبوع

خلص انتي اولدي ب 30 / 8 وعشان عيد ميلاد بنتي حلا بهاد التاريخ بتكمل 5 سنين ؛)

[~{{ DoDo }}~]

حلا
الحمدلله اللي اطمنتي وكل الامور بخير
واهم شي المشيمة ارتفعت الحمدلله
بالنسبة لحبوب الحديد انا باخدها بعد الاكل على طول لو ما كان فيه باكلي اي مصدر كالسيوم
اما لو ماكلة مع الاكل لبن او شي باخرها شوي
هو بشكل عام حبوب الحديد لازم يكون بينها وبين اي غذاء فيو كالسيوم شي 4 ساعات
لانهالكالسيوم بيمنع امتصاص الحديد والاستفادة منه
يعني بدك تديري بالك قبل وبعد حبوب الجديد ب 4 ساعات ما تكوني لا ماكلة جبنة ولا شاربة حليب او لبن
لانه الكالسيوم بيمنع جسمك انه يمتص الحديد
خدي مصادر كالسيوم بالليل او الصبح بكير وخلي الحديد بعد الغدا ، هيك دكتورتي نصحتني

[~{{ DoDo }}~]

ربنا يتمملكم على خير حلا ودموع
انا حاسة حالي بلش عندي العد التنازلي
اليوم زوجي خوفني بيقللي بلشنا بالجد
وانا قلبي صار يدق وانمغصت الله يستررررررررررر

[دموع الليل]

عقبال 120 سنه لــ حلا

كويس انتى ما بتفطرى رمضان كله ..

الله يقدرنا على صيامه..

انا بدخل التاسع 5- 8

[دموع الليل]

دودو حبيبتى لاتخافى

ان شاءالله ربنا ييسر الك ولادتك

وتفرحى بشوفته يارب

حلا الحمد لله انك اطمنتى على وضع البيبي

الله يتمم النا على خير

[حلا الماس]

حبيبتي يا دودو ..

والله انا هيك بعمل باخد حبوب الحديد بعد الغدا و الكلس بعد العشا .. بس لو كان الغدا فيه مصادر كلس باخد الكلس بعد الغدا والحديد بعد العشا .. بس انا باخد الحديد بالعادة بعد الاكل مباشرة ووبدي اشوف ازا عادي او لازم بعد الاكل بساعة !!

الله يتمملك على خير .. الايام بتعدي بسرعة بكرة بتصيري تتزكريها

دموع .. الله يسلمك يا رب .. اها ما بفطر رمضان كلو .. يعني متل بفطر متل دورة عادية

ربي يتمللك على خير يا رب .. لما تروحي على الدكتورة طمنينا عنك وعن البيبي

صحيح نسيت افرحكم معي اليوم سجلنا ماسة بالمدرسة .. كبرت حبيبتي ورح تدخل صف اول

[~{{ DoDo }}~]

دموع
الله يسمع منك يااارب ويسهل علي وعلينا جميعا

حلا
هو اقضل بعد الاكل مباشرة
لانه الحديد حامي عالمعدة بيعمل وجع وحرقة
لو ما كانت المعدة مليانة
ان شاء الله النوع الجديد بيفرق معك وبيعلى دمك عليه
ومبروووك لماسة ماشاء الله الله يحميها ويوفقها وعقبال ما تسجل جامعة يارب ؛)

[نور العمر]

مساااا الخير

كيفكم صبايا ... كيف الكل مشان ما انسى حدا ...

[حلا الماس]

دودو يا عسل .. الله يسعدك يا رب .. الله كريم

عقبال تفرحي بعمر .. والله شعور كتير حلو كبرتني هالبنت وانا لسه صغيرة هههههههه

نور العمر ... يسعد هالمسا كيفك حبيبتي ؟؟

شو اخبارك وكيف الحمل معك ؟؟ ربي يهونها عليكي يا رب كم باقي على موعد ولادتك ؟؟

[~{{ DoDo }}~]

حلا
اسم الله لساتك صبية
اصغر منا كلنا وان شاء الله كل ما يكبروا
تضلك تحسي حالك لسا صغيرة وصبية ههههه احنا لازم هيك كلنا نحس ونفكر

نور العمر
يسعد مسااااكي
كيييفك وكيف الحمل
ماشاء الله قربتي صح ؟

[احساس أنثى]

مسا الخير صبايا كيفكم ؟!

[نور العمر]

مسا الخير .. حلا .. كيفك وشو اخبارك .. مبروك لماسه ربنا يوفقها يارب هي واخواتها مشاء الله عنهم حلوين ربنا يحميهم يااارب

والله اعتبارا من اليوم خلصت نص التاسع ... بس لسى لهلأ البيبي راسو لفوق ورجليه لتحت ومش عارفه شو اعمل

بحملي الاول ولدت ب اخر التامن وهدا الحمل الراس لفوق ... بعين الله ..

[نور العمر]

مسااا الخير دودو كيفك . وكيف الحمل معك .. يعني قربت زي ما بحكي باب الحاره ههههه بس ان شاء الله على خير يارب

ويسهلها علينا جمعيا

كيفك احساس شو اخبارك ..؟

[حواء مثالية]

مساكم عسل مثلكم

[حلا الماس]

الله يسعدك يا دودو .. والله معاكي حق المهم النفسية تكون شباب

وبس انا بحكي هيك من كتر ما انا فرحانة .. لسه في الي صحبات وبنات صفي مش متزوجات لهلأ

احساس .. يسعد مساكي يا قمر .. كيفك ؟؟

نور .. الله يتمملك على خير يا رب وتقومي بالسلامة

عشان الراس ضلي ازحفي متل الولد الصغير وطولي بسجودك لما تصلي وان شاء الله بيعادو يلف وينزل الراس لتحت ..

[حواء مثالية]

نور العمر طولي وانتي ساجدة بالصلاة هاد بساعد كثير على تغيير وضع البيبي

هلالالالالا احساس

[حلا الماس]

نور ..يبارك فيكي حبيبتي عقبال تفرحي بابنك .. وتحسي احساسي .. بصراحة كتير مبسوطة
لسه عم بتزكر حالي لما كنت انا بدي ادخل صف اول .. وهلأ بنتي يااااااااااااه شعور بيجنن

حواء .. يسعد مساكي حبيبتي .. كيفك ؟؟

[~{{ DoDo }}~]

نور العمر
متل ما قالولك الصبايا
اسجدي وطولي السجود انا هيك سمعتر
وكمانرفيكي تنضفي او تمسحي وانتي بوضع السجود مقرفصة
كمان بيساعد ، وانتي نصيبك طبعا كله بارادة ربنا ان شاء الله بتتسهل

حلا
ايوة متل ما قلتي المهم القلب شباب
والله فرحة حلوة تحسي اولاك كبروا وتعبك عليهم بلش يبين
الله يفرحك فيهم كلهم يارب ويتمملك ع خير

احساس وحواء
يسعد مسااااااكم كيفكم يا حلوين
وبرلنت وزوزو كيفهم

[حلا الماس]

صبايا .. بجد لايمل

بس اجا جوزي من شوي عم يطالب باللاب توب بشدّة

نلتقي بكرة ان شاء الله بالدوام الصباحي .. بس ما تتاخروا ..

سهرة سعيدة للجميع و تصبحوا على الف خير ♥ ♥

[دموع الليل]

نور العمر الحركه كويسه كتير الك

لازم تتحركى وتتمشى

الله يفرجها عليكى يارب

هلا احساس وحواء منورين كيفكم؟؟؟؟

[احساس أنثى]

تسلمو ياصبايا

انا حاسه حالي حمرض متلجه :) بردانه كتييييير عم برتك مابعرف اذا فهمتوها ولا لا :) الكلمه هههههه
اجيت امسي ومضطره اطلع

[~{{ DoDo }}~]

حلا
الله يسهل عليكي حبيبتي
تلاقي كل الخير وبنجتمع بكرا ان الله اراد ؛)

[نور العمر]

ان شاء الله خير ماعم خلي تمرين ما بعملو خصوصي السجود والمسح.. وربنا يسهل على خير

حلا .. تصبحي على خير .. والله بتمنى يوم ما اشوفو بالروضه والمدرسه وبنفس الوقت مش عارفه كيف بدي اتركو لحالو خخخخ

كيفك حواء وكيف الحمل معك .. ربنا يكون بعونك حمل وكمان بنتك لسى صغيره بدها عناية واهتمام ..

[فوفو89]

مسا الخير صبايا

كيفكم

سلامتك احساس .. دفي حالك واشربي اشي سخن

نور العمر الله يسهل عليكي .. ويقومك بالسلامة .. اتحركي وامشي كثير عشان يتغير وضع البيبي
الله يكون بعونك

باقي الصبايا يسعد مساكم

[حواء مثالية]

برلنت من شوي نامت الله يرضى عليهااااااااا ادعولها باحلالالام سعيدة

[نور العمر]

سلامتك احساس ليكون معك حراره ازا بتحسي برد كتير يمكن حراره ... الف سلامه ..

مرحبا دموع قبل التاسع ماكنت بتحرك كتير مشان كنت اخاف تصير معي ولادة مبكره متل ما ولدت ابني بس هلأ بتحرك وان شاء الله خير ...

[حواء مثالية]

الحمدلله حملي تمااااااااااام

نور العمر بالعكس الحمدلله انا طويلة بال بتعرفي لهلا ما عصبت من برلنت ولا مره بعدين بمووووووت بالاطفال

[~{{ DoDo }}~]

سلامتك احساس
ديري بالك على حالك واتدفي
وحاولي تشربي اشياء سخنة
ان شاء الله بكرا بتصحي ما فيكي شي

حواء
نوم الهنا لبرلنت
واحلام سعييييدة

فوفو
يسعد مساكي

انا كمان مضطرة اروح
تصبحوا على خير يا حلوين جميييييييعا :)

[فوفو89]

ومساكي دودو


انا كمان رايحة انام لانه عندي موعد بكرا عند الدكتور وبدي اطلع بكير كتير ع 6 ونص الصبح .. عشان المسافة بعيدة .. وعشان احجز دور بدري لانه هذا الدكتور عنده كتير ازمة وطويل بال

تصبحو ع خير

[حلا الماس]

صباح الخير للجميع ..

كيفكم اليوم .. كيف صبحتوا ؟؟

دودو ولولو وام عبد الله ودموع وحيفا واحساس وبنات الدوام الصباحي كلكم يلا التموا عشان ندردش شوي

فوفو .. الله يوفقك بمشوارك اليوم .. ولما ترجعي تعي طمنينا شو حكالك الدكتور .. وشو جنس البيبي ..

الله وكيلكم صحيت تعبانة وضهري ورجليي بيوجعوني كلو من مشوار السوق مبارح :(

[~{{ DoDo }}~]

صباااح الورد حلا
انا جيييييت
سلامتك حبيبتي نفس الشي بصير معي لما اتعب وامشي كتير
بصحى تاني يوم مكسرة بجد ، الله يعينك حاولي ما تتعبي حالك كتير اليوم

لسا باقي الصبايا كسلانين ونايمين ؛)

[حلا الماس]

يسعد هالصباح يا ام عمر

نورتي حبيبتي ... كيف صبحتي اليوم ؟؟

بيعين الله .. وجوزي بيقلي كمان نفس الحكي كلو من السوق ههههه صار يضحك ويحكيلي ممنوعة من السوق بلاش تتعبي ههههههه

والله بدي كتيييير اغراض من السوق تجهيز الي وللبيبي .. بيعين الله

شو عم تعملي انتي ؟؟

[~{{ DoDo }}~]

الحمدلله والله انا بخير
بس كل ما اقوم من التخت بحس عمورة ماخد جهة كاملة من بطني والباقي فاضي
ههههه شعور ابصر كيف
هو كان راسه اخر مرة تحت بس خايفة من كتر هالحركة يقلب تاني متوسوسة صرت ههههه
بالنسبة لزووووجك ههههه زي جوزي بطل يخليني اروح لحالي هالايام عالسوق عشان يعرف اديه بتعب وبمشي
وكل شوي اقعدي لازم يشرف علي ، باقيلي والله كزا شغلة كمان وهيني مش مخليني انزل الا معه خايف

عم بشرب حليب ؛)

[حلا الماس]

الله يكون بعونك .. التقل هلأ بيغلب

حتى انا صايرة احس بتقل وما بقدر اتحرك متل اول

صحتييييييين عالحليب .. انا ما بحو ابدا ابدا ولما اسمع اسمو بتقلب معدتي .. سوري يعني

باخد شمينت او لبن رايب بدالو والله لما اشررب حليب بكون بغصب حالي عليه وبيصير بطني يوجعني منو :(

[~{{ DoDo }}~]

الله يعيننا حلا خلص بلش الجد ع قولة زوجي
بالنسبة للحليب انا كمان هيك متلك ما بقبله ابدا
كنت اول الحمل اغصب حالي اشربه بارد لما تيجيني حرقة بالمعدة
هلا بحط معه نسكافيه او نسكويك عشان اقبله او مع كورن فليكس يعني بنوع
بس لحاله لاااااا ، وبجيبه خااالي الدسم عشان ما يكون طعمه زنخ او تقيل

[حلا الماس]

فكرة ما كانت خاطرتلي .. رح اجرب اخدو مع كورن فليكس او شوكو بوبس

شو بدك تطبخي ؟؟

ام عبد الله مش عوايدها لهلأ ما اجت !! يا رب تكون بخير

بجد اني اشتقتلها ♥ ♥

[~{{ DoDo }}~]

امم اه جربي طعمه بيتصلح شوي هههه
اليوم مش صايمة لا مريحة
ومش عارفة شو بدي اطبخ صراحة محتارة
بلكي اخدت جولة عالتلاجة عشان اقرر

ام عبد الله يمكن بتكون سهرانة ولسا ما صحصحت
ان شاء الله بتقوت تطمنا عنها كمان شوي
ولولو هلا بتكون بالامتحان الله يوفقها

[حلا الماس]

ههههههههههههههههههههههه ضحكت على حالي كتير بسالك عن الصيام وانتي قلتي انك عم تشربي حليب هههههههههههههههههههههههههههههههههههههههههههههههههه ههههههههههههههههه مخي شكلو ضرب

ممم عجبني انك بدك تاخدي لفة بالتلاجة حسستيني انها مول ههههههههيا ستي صحتين سلف

انا اليوم بدي اعمل ملوخية ورز وجاج ان شاء الله ..

الغايب عذرو معو .... ويا رب تاخيرهم لخير

[~{{ DoDo }}~]

ههههههه عسل ام خليل
صحتين عالملوخية

[حلا الماس]

عن ازنك ام عمر انا بدي اطلع

برجع المسا ان شاء الله .. سلالالالالالام

[~{{ DoDo }}~]

الله يسهل عليكي ياااااارب :)

[لولو حمادة]

مساء الخيرات

قبل شوي لتمست صار زلزال عنا اخدت اولادي ونزلت بسرعة حتى ازن البناية حمل معي احمد وشردنا وكل البناية نزلوا وقعدو بالسيارات
هي تاني زلزال في اقل من اسبوعين يارب استر

[بينك روز]

مسا الخير حبيباتي كيفكم شو اخباركم
والله مشتقالكم كتير
بس شو اعمل مشاغل الدنيا ورهف ماشاء الله عليها كل يوم بتزيد غلبتها عن التاني
بس الحمد لله هيه بخير وبتسلم عليكم
سامحوني مابتشوفوني كتير بس والله كمان النت مهيس عندي
ان شاء الله بنلتقي متل زمان

[احساس أنثى]

مسا الخير صبايا شايفين هالحظ اجيت امسي قطعو الكهربا مع انو معادها

والعصر بدي اروح لعند اهلي بشوفكم المسا

[~{{ DoDo }}~]

لولو
شفتي كان ما اقواه الزلزال
حمدلله على سلامتكم والله انا لحالي بالبيت وارتعبت
الكنباي كانت بتطلع وبتنزل فيا وقلبي لهلا بيدق بسرعة
الله يستر ، لبست وبدي انزل تحت بس بالاخر بطلت

بينك روز
كيفك والله الك وحشة وكيف رهف ان شاء الله بخير
اكيد كبرت ماشاء الله ؛)

[~{{ DoDo }}~]

احساس
يسعد مساكي والله يسهل عليكي

[~{{ DoDo }}~]

انا لهلأ مرعووووبة من الزلزال :(

[لولو حمادة]

دودو حمدلله على سلامتكم
فعلا قوي كثير جسمي كلو بوجعني من الخوف والرعب

[لولو حمادة]

قبل اسبوع صار زلزال بنفس الوقت بس كان خفيف

[~{{ DoDo }}~]

مزبوط تبع الاسبوع الي فات ما حسيت فيه
بس سمعت عنه ، اما هاد يا لطيييييف الله يجيرنا

[حواء مثالية]

سلام عليكم جميعااااااااااااااااااااااااااااااااا

كيفكم

منورات بنات

الحمدلله على السلامة دودو ولولو

[~{{ DoDo }}~]

الله يسلمك حواء تسلمي

[فوفو89]

مرحبا صبايا كيفكم

قبل شوي روحت من نابلس

رحت ع الدكتور واتطمنت ع البيبي . .. وعرفت جنس الجنين

يا حزركم شو طلع ؟ ؟ ؟

طلعت بنوتة ولله الحمد

وان شاء الله رح نسميها اما رزان او روعة

مين احلى ؟ رزان او روعة ؟

[حواء مثالية]

الف مبروك يا فوفووووووو ان شاء الله بتفرحي بضمتها وانتي قايمة بالسلامة

[دموع الليل]

مرحبا صبايا

لولو _دودو الحمدلله على سلامتكم

فوفو مبروك البنوته عقبال قومتك بالسلامه

حواء منوره كيفك؟ بوساتى لــ برلنت

باقى الصبايا وينكم

[حواء مثالية]

هلالالا دموع بدي سلامتك الله يسعدك يارب

انتي كيف ان شاء الله امورك تمام

[فوفو89]

تسلمولي حواء و دمووع كلكم زووووء

وانتو كمان الله يقومكم بالسلامة

ما حكيتولي شو رايكم بالاسماء ؟

[نور العمر]

مسااا الخيررر ... كيفكم صبايا شو اخباركم ..؟؟

حمد الله على السلامه دودو ... لولو ..

فوفو مبروك البنوته عقبال ما تشوفيها بين ايديكي وتقومي بالسلامه .. انا كمان حامل ببنوته ومحتاره بالاسماء ...

الاسمين حلوين بس حبيت اسم روعه ...

[جارة القمر]

أســـــعـــــد الله اوقــــاتكـــم،

دودو+لولو حمادة:

ربي يحميكم الف الحمد لله على السلامة رجعتوني لما صار الزلزال القوي عناااا بفلسطين كان بسنة 2004 الساعة 10:00
وكنت بحصة الجغرافياااا بالصف التوجيهي عمري ما بنساها ........وانا اول ما حسيت بالزلزال حكيت للاستاز والله زلزال استازنا كان كبير بالعمر .........
مسكين لليوم بتذكره كيف ارتعب واخلونااااا من لصفوف وصاحبتي ضلت ما سكة بايدي و لفظنااا انا وياها الشهاده ........

ايااااااااااام وبتعدي ..........

-------------------------
اليوم عتصماؤت עצמאות يعني يوم الاستقلال لليهود حسبي الله عليهم بس كسبت يووووم عطله ............
----------------------------

[لولو حمادة]

مساء الخير
الله يسلمكم صبايا جميعا الحمد لله عدت على خير

[لولو حمادة]

جارة س لا تضحكي على مابعرف شي عن القدس
انتي من القدس يعني بتتبعو لليهود ولا الفلسطينين ؟
من ناحية الاجازات والوظيفة وكل النواحي
وبعدين القدس هي مقسومه ولا مع بعض اليهود والعرب والطرق مشتركه

[جارة القمر]

لولو :

انا معي هوية مقدسية لونها ازرق وهاد المنطقة هي القدس والمحيط فيها واللي داخل الجدار الفاصل اما
اللي خلف الجدار الفاصل هي الضفه اللي بيحملو هوية سلطه وطنية واللي ما بئدرو يدخلو على داخل الجدار لانه في حواجز عسكرية ومتل لحدود على العلم انه بس الدار اللي مكون من اسمنت هو اللي بيفصلنااا
هلا انا ساكنة بحي كله عرب ولكن بيبعد عن بيتناا امتاااار عن المستعمرات اليهوديه بس طبعااااا ما بنختلط وما بنتعامل معهم ولكن الاسواق والشوارع بتكون مخطلته مثلا انا شغلي المكتب كله عرب ومنهم حملة الجنسية الاسرائيليه وهم اهل 48 وهم عرب مسلمين بس بحكم انهم من اراضي 48 وهم اهل الشمال حيفا يافا الناصره ..........الخ

اما الادارة العليا تبعت شغلنا هي البلدية الاسرائيليه فمعظم الاجتماعات والدورات بيكون فيهاااا يهود ........

[إنبثاقة أمل]

مسا الخيرات

شو أخباركم جميعا .. يارب تكونو بأحسن حال

دخلت اطمن ع دودو ولولو والحمدلله انكم بخير

فز قلبي لما حكت لي صاحبتي عن الخبر

بس مابعرف في حدا هون معنا اهلها بالامارات مابعرف نسيت مين

ان شاء الله يكونو بخير

فوفو ربي يفرحك بشوفتها بين ايديك ويتمم لك ع خير

كل الصبايا اشتقتلكم كتير كتير

[لولو حمادة]

جارة الهوية المقدسية الزرقاء هي نفس هويه عرب يافا والناصرة
يعني بتقدري تفوتي مناطق اليهودية و48 ومناطق الضفة كمان

[جارة القمر]

لولو:

اها الهوية الزرقاء نفسها اللي حامليتها اليهود بس انا ما اخدت الجنسية الاسرائيلة
يعني مو مكتوب عليها ،،القومية الاسرائيليه شوفي درجة العنصرية ما بيكتبو بالمقابل القومية فلسطينيه
بيحطوها هيك
(القومية:********) 8 نجمات اللي هي نفس عدد كلمة فلسطينية
هلا انا بامكاني اخود الجنسية الاسرائيلية بس قبل ما خودها بخلوني اعمل قسم امام العلم الليهودي باني لن اعادي اسرائيل وعلي ان اكون ذات ولاء لها ......هههههههههههه تخيلي في ناااس باعو حالهم من اجل اخد الجنسية ,,,,



اما اهل 48 بيتسجل لهم الجنسية من الولادة ...........

هلا هويتي بدخلني على اي مدينة بفلسطين ما عداااا غزة .......


سؤال :
اهل غزة شو لون الهوية تبعتكم ......خضراء؟!

[جارة القمر]

انبثاقة :

نورتي ياااااااااا أأأأأأأأأأمر كيفك .........؟

[لولو حمادة]

هوينا تاعت السلطة غلافها اخضر
طيب ليش ممنوع عليكم غزة مش هي مثل الضفه
يعني انتم معلقين لا قومية فلسطينية ولايهودية

بس بتقدري تتوضفي بالحكومة اوالوكالة مش محرومين وكمان عند اليهودتقدري تشتغلى بس راتبهم افضل
اليهود حياتهم غاليه على هيك حياه القدس غالية بكل شي

[جارة القمر]

لولو:

ممنوع غزة لانه الاوضاع سيئة من ناحية سياسية وخاصة انها اللي بتحكمها حماس ......
مثلا كانت فترة ممنوع ندخل سورياااا لبنان ....بس بعد هاد الفترة صار ممكن تروحيها مع شركية سياحيه يعني

سياحة وهاد الامور كمان عشان الوضع السياسي

الحياة هوون غالية عليناااا نحن العرب لانه اليهود بدفعناااا ضرائب العيشه هوووون
تخيلي اهلي عندهم ارض بدهم يبنو عليها ممنوع يبنو الا بشي اسمه ترخيض بناااء من السلطه الاسرائيليه
ولا بهدمو البيت ..........تعرفي كم هاد الرخصة بتكلف ...........؟ اهلي حطووو 100.000 الف شيكل
بس للرخصة من غير بناااااااااااااااااااااء ..........يعني كانك بتشتري الارض مرتين مره بتدفعي لاصحاب الارض والمره التانية للترخيض .........غير في شي عنااا اسمه ارنونا يعني بدك تدفعي عن مساحة البيت اللي انتي عايشة فية كل شهر
عناااا شي اسمه تحسن المنظر هاد ميلغ وقدرة لما بدك تبني ......عناااا ضريبة تلفزيون تخيلي ......شو بدي احكيلك


اما اليهود فما عندهم هيك لانهم بدهم يرغبوهم بالثبات هووووون مو يطفشوهم اما نحن هدفهم يطفشونااااا


عناااا نسبة فقر عاليه ........وسياسة تجهيل بالمدارس يعني هم بيشتغلو على جميع النواحي.....

تعرفي انا قبل ما اشتغل فحصو ملفي 4 شهور........اتوقع وصلو للجد 5 وهم يفحصو من ناحية امنيه يعني عندهم التوظيف صعب

[لولو حمادة]

الله يعينكم على الحياة مع اليهود رواتبكم بتروح على اشي فاضي
تعرفي كثير من التراخيص والضرائب بتسير بغزة هلا مثل ضريبة الميزان وترخيص البناء و النظافة
بتقدرو تحولو على هويه فلسطينية ؟
شكرا غلبتك جارة كثير بس اول مرة اعرف شي عن القدس

[بينك روز]

مساء الخير صبايا
بتعرفوا عن جد انبسطت اني تعرفت على القدس منكم
شكرا الك جارة وعيون
والله وحشيني كتير
شو اخبارك عيون وكيف ادووووم
وجارة كيف ولادك ان شاء الله تمام مابدك تحملي وتجيبي بنوته الهم ان شاء الله

[إنبثاقة أمل]

الله يسعدك جاره

الحمدلله انا بخير ياقلبي

عن جد عرب 48 بعانو كتير مو شوي

كل شي ضرائب

متلنا هون عم بنقلدكم ههههههههه

هلا جدي الله يرحمه اصله من ال 48 باقه الغربيه

بس طلع منها وراح ع طولكرم مع الثوار وضل فيها

اما الباقي من عيلته ضلو هناك واولادهم اخدو الهويه

عمتي تزوجت هناك وبطلوع الروح بتجي زياره ع قريتنا

بتلف الضفه ع شان توصل ع رغم بين باقه الغربيه وقريتنا 5 دقائق بس للاسف من يوم الجدار العازل صارت تلف الضفه ع شان توصل هناك

الله يعين

[لولو الفلسطينية]

صباح الخيييير
دودو و لولو الحمد لله عسلامتكم
الحمد لله انكم بخير
على فكرة بتصدقو انا سمعت و شفت بالاخبار انو هاد الزلزال اصله صار في ايران بس من كتر ما هو قوي حسو فيه في الامارات و الهند و كمان دولة نسيت شو هي
الله يستر و يجيرنا من هالشغلات
بث المهم انكم بخير
فوفو الف مبرووك البنوتة و ربنا يجيبها بالسلامة ات شاء الله
بينك اهلا يا حلوة زماااان عنك و انبثاقة كمان اشتقنالك زمااان ما بينتي
كل الصبايا بدون زكر اسماء يسعد صباحكم
يللا سي يو
بدي اروح ادرس لانه عندي السبت امتحان و بكون اخر واااحد

[احساس أنثى]

يسعدلي صباحكم صبايا شايفين الجو اليوم كأنا بفصل الشتا سبحانك يارب

كالعاده دائما نشيطه وبعدين بختفي معلش هالايام مشغولين فرح بنت عمي اللزم
:) وطبعا تعليق جهاز اليوم ويوم انتو للحلاوه ويوم حنه ويوم راحه ويوم فرح
يعني للاحد مش حفوت كتيييييير

عقبال عند اولادكم يااحلى صبايا / يالله سي يو انا طالعه ع الدوره يلي مش كاينه تخلص هههههههههه

[ام عبدالله لولو]

صباح الخير يا صبايا
دودو ولولو الحمد لله ع سلامتكم
دودو ديري بالك ع حالك مو كويس الخوف اللحامل الحمد لله الي اجت ع خير حبيبتي
حلا ودودو ولولو شكرا كثير لسولكم عني الله يخليلي اياكم يارب نسلمو حبيباتي ما تشوفو شر انا الحمد لله بخير روحت قيست ضغطي مرة تانية والحمد لله طلع طبيعي بس شكلو مكثري موالح والبيبي الحمد لله بخير وبسلم ع خالتو دودو وحلا ولولو وفوفوهههههه
لولو موفقة حبيبتي بلامتحان
حلا تشتقلك السعادة يارب الله يسعدك يارب
فوفو مبروك العروسة الحلوة ان شاء الله بتفرحي بضمته يارب
احساس ونور وجارة وانبثاقة ودموع وباقي الصبايا يسعد صباحكم

[حلا الماس]

صباح الخير يا حلوات

ام عبد الله .. هلا فيكي حبيبتي نورتي يا قمر .. شو اخبارك ؟؟
وين كنتي غاطسة مبارح وما طليتي ؟؟

دودو + لولو حمادة .. الحمد لله على سلامتكم .. منيح انها عدت على خير

لولو .. صباحك سكر .. كيفك وكيف دراستك ؟؟ يلا هانت بس انتي شدي حالك وادرسي منيح .. وموفقة حبيبتي

فوفو .. مبروك البنوتة يا رب تقومي بالسلامة وتفرحي فيها بين احضانك ♥ حلو البكر تكون بنت لما تكبر بتصير صاحبتك وبتعينك كتيييير
بالنسبة للاسم التنين حلوين ..

احساس .. موفقة بدورتك ويا رب تخلص على خير .. مبروك لبنت عمك وعقبال تفرح بزوزو يا رب

نور .. كيفك ؟؟ طمنينا عنك ؟؟

الصبايا الي كانوا سهرانيين مبارح يسعد كل اوقاتكم يا رب

بنات الدوام الصباحي : دموع ودودو وفوفو ... وينكم ؟؟

[ام عبدالله لولو]

هلا حلا يسعد صباحك انا الحمد لله بخير انتي شو اخبارك والاولاد ان شاء الله بخير

[حلا الماس]

يا رب دايما تكوني بخير .. ♥

الحمد لله انا والاولاد بالف خير

مبارح كنت تعبانة شوي وكانت رجلي بتوجعني وشادة عليي .. بس الحمد لله اليوم كتير اهون واخف الوجع .. ويوسف مغلبني صاير يرفس كتير اسم الله عليه ليلاً نهاراً الرفس شغال .. والحمد لله

اتفضلي عم بفطر جبنة بيضة بلدية مممم

[ام عبدالله لولو]

الف سلامة عليكي يا ام خليل هههه ازا ع الرفس ما تسئلي هههه الله يحماهم يارب
وانا عم بفطر جبنة وحمص هههه صحة وهنا يا ام خليل

[حلا الماس]

الله يسلمك يا رب

صحتين حبيبتي ..

شو بدك طبخي اليوم ؟؟

[ام عبدالله لولو]

خلصت لف ورق العنب ههههه وشغالة بالكوسا اتفضلي

[حلا الماس]

ممممممممممممممم صحتييييييييييين ويعطيكي الف عافية

اتفضل اشتغل ولا آكل ؟؟

[ام عبدالله لولو]

اتفضلي كلي هههههه يا ام خليل يا اهلا وسهلا فيكي ع حسابك الطبخة كلها ههههه انتي شو طابخة
دودو وينك يا حلوة لهلا نايمة يلا صحصحي

[حواء مثالية]

صباحكم عسل ونهاركم قشطة

[جارة القمر]

لولو
+
انبثاقة
+
بينك::

حبيباتي اللي الشرف اني عرفكم على شو بيصير بالقدس وانا قدرت اهتمامكم بالموضوع كلكم زووووووووء

ويااااريت انتو كمان تخبروناااا عن اللي بيصير عندكم .........

بينك روووز:

يااا ريت ترجعي تتواصلي معنا متل الاول ...اشتئتلك كتير وشتئت اسمع اخباااار حبيبتي رهوفه
اولادي بفضل الله تمام وبجننوووو ....اما بالنسبة لاحمل واجيب بنوته لسا بدري كتير حاطه هلا مانع لولب
وحابه بعد ما يكبر زيدوووووو 4-5 سنوات .......
متل اخوه يزن ..........
انت شو صار معك في شي عالطريق...؟!

حلاااااا:

تعي هووووووووووون انزلتي على السوق .....؟؟!!! خدني معك ههههههههههههه

لساتني ماشي على كلامك مش حاجي على الخليل الا بعد 20/4 انا مطيعة بس عمالي بستنا استني

وافيني باخبار السوق اول باول اوك هههههههههه حبيبتي مبروك اللي شرتيهم وتهريهم بالهنا


-------

[احساس أنثى]

تسلمو صبايا

حلا الف سلامه عليكي حبيبتي

وام عبد الله صحتين ع الورق العنب اعزميني ياابعتيلي بدل الفاصوليا البيضا ههههههههههه

[ام عبدالله لولو]

يسعد مساكم يا صبايا
حواء وحارة واحساس منورات هههههه احساس اتفضلي ع حسابك

[فوفو89]

يسعد صباحكم صبايا

كيفكم

انا ما بدي اعمل غدا اليوم مرتاحة ..

امبارح سلفتي ولدت وجابت ولد عقبال عند العايزين يارب وعند الحوامل

[umm 3amr]

السلام عليكم

الله بيعلم معزتك حبيبتي جارة دعواتك بتسد ان شاءالله بجمعنا القدر

دودو يسلمو الحمد لله ع كل شي بس الانسان قدرت تحمله الها حدود الي بعيشه ببكي الحجر الحمد لله حسبي الله

الاخت دموع الله يسمع منك ويعوضك خير جربت اربع مرات حسبي الله اللهم صبرنا وعوضنا خيرا

[حواء مثالية]

ممممممممممم شو عم تعملووووووووو

[حواء مثالية]

فوفو الحمدلله على سلالالالالالالالامتها سلفتك

عقبال ما نهنيكي بسلامتك

[umm 3amr]

اليوم كانت عملية ابني شنط داخلي ادعوله صبايا
للحظ ما حضرتها ع نار غيرنا السكن بعدنا كتير عن االمشفى الله يعين

[فوفو89]

الله يسلمك حواء عقبالك يارب

ام عمر سلامته ابنك والله يقومه بالسلامة

[فوفو89]

عملت هريسة "نمورة "

وهس بالفرن

الله يستر ^_^

[لولو حمادة]

ام عمر سلامة ابنك
دائما في بالي كان نفسي يكون رقمك معي وطمن عليكي
بعدك بابو ظبي ولا ضفة

[حلا الماس]

بااااااااااااااك هيني رجعت

بنعن عينو النت فصل وانا بكلمك يا ام عبد الله .. سوري كتير حبيبتي هلأ لرجع
وها كان ردي الك : هههههههههههههههههههههه ..

كلك زوء ما بتقصري حبيبتي .. يا ريتني جارتك كان ساعدتك والله واتسلينا

انا اليوم طابخة اصعب طبخة بعالم الطبخ كلو

انها طبخة الحواضر ههههههههههههه ..

بدي اعمل قلاية بندورة واقلي بطاطا واعمل صحن فول وشوية مقبلات .. شايفة شو بتغلب طببختي !!!
من مبارح وانا بتوحم عالفول ..

دودو شكلها مش مصحصحة لسه .. وينك يا ام عمر ؟؟!!

جارة .. سوري حبيبتي ما اخدتك معي بس انا نزلت مراجعة عالدكتورة ولفيت شوية بالسوق .. رح وافيكي بكل التفاصيل اول بأول

حواء .. يسعد هالمسا يا رب
كيفك وكيفها برلنت ؟؟ وعزوز كيفو بيرفس كتير ولا هادي ؟؟؟

فوفو .. حمد لله على سلامتها سلفتك ومبروك ما جابت عقبال عندك تقومي بالسلامة :)
وصحتين عالهريسة .. ممممم

ام عمر .. حمد لله على سلامتو ابنك .. بس شوهي عمليتو ؟؟

[حواء مثالية]

منورين صبايا


حلالالالالالا تسلمي برلنت بخير وبتسلم عليكي

وبالنسبة لعزوز ما شاء الله مشتغل فيا وبلش التقل هلا صرت اتعب اكثير وشكلي بلشت ازرر اجري اليمين بتعلق خصوصا الصبح


فوفو حبيبتي الله يسعدك

حلا انا مثلك عامله حواضر كمان


يمكن اليوم المسا اروح على الدكتور

[حواء مثالية]

ام عمر بالسلامة لابنك بس هو شو مشكلته يعني شو طلع معو

والله قلبي معككك

[حلا الماس]

الله يسلمها الامورة .. ويخليلك اياها

اااااه ما تشكيلي ببكيلك والله وانا كمان باكل رفس ليلاً نهاراً وحتى هالازعر رفساتو صارت قوية وبتوجع .. والتقل كمان نفس الحالة

انا الله وكيلك زررت من الشهر التالت ... بس الحمد لله مع حبوب الكلس خفت كتير بس لما اتعب بتشد عليي

صحتين عالحواضر .. ولما ترجعي من عند الدكتور طمنينا عنك وعن وضع البيبي

[إنبثاقة أمل]

مسا الخير

شو أخباركم

كان في رد ل عيون المها مابعرف وين طار والا انا لما شفته كنت بحلم هههههه

المهم بتزكر منه اني من وين

كأصل أجدادي من باقه الغربيه 48

بس متل ماحكيت لكم جدي كان مع الثوار وطلع وبعدها استقر بطولكرم

وكنت قبل ما اتزوج انزل مع اهلي واهلي كانو ينزلو كل سنه او سنتين

:)


ام عمر ياقلبي ربي يفرج همك ويرفع عنك ويرد كيد من عملك بنحره

اسأل الله العظيم ربي العرش الكريم ان يشفي ابنك من اي مرض ويفرحك فيه بالسلامه

ويشفيكم جميعا من اي ابتلاء او سحر

حلا وحواء ودودو وفوفو وام عبدالله واحساس والولولات كلهن :) وكل الصبايا والله اشتقت لكم

ويارب تكونو بخير

[حلا الماس]

هلا انبثاقة .. يسعد هالمسا حبيبتي واحنا كمان اشتقنالك ♥

كيفك وشو اخبارك ؟؟ وينك بطلتي اتطلي متل زمان

طمنيني عنك يا عسل

مزبوط كلامك .. كان في رد لعيون المها انا شفتو مبارح .. واليوم الصبح طار .. انتي ما بتحلمي

[حواء مثالية]

الله يكوووووووووون بعونا يا حلا ويكمللنا على خيررررررررررررررر

[عيـ‘ـون المهـ‘ـا]

<>~ مَسَـ‘ـاءْ إإأألخَيْـ‘ـرْ ~<>
<>.<>.<>.<>

.< إإنبثاقه >.
اهااا كان إلي تعقيبين بس أنـــــا حذفتهـــم!!!
و شكراااا للرد ان شاء الله دائما تزوري فلسطين و تنوريها

.< أأم عمـر >.
الله يسلملك صغيرك و يلبسه توب الصحــه و العافيـــه.. ربي يشفيه شفاءَ لا يغادر سقماَ و تفرحي فيهم التنين و يحفظهم من كل سوء و مكروه
ضلك طمنينااا عنو .. دعواتي الك

[دموع الليل]

مرحبا

كيفكم؟؟

ام عمر الله يهونها عليكى ويفرجها ويشفى ابنك

يارب وتفرحى فيه ...

باقى الصبايا وينكم

[حلا الماس]

مسا الخير

مييييين هوووووون ؟؟

[دموع الليل]

اهلا حلا كيفك؟ وكيف الحمل معك؟

عيون المها كيفك ؟وكيف اولادك؟ وين هالغيبه؟

[حلا الماس]

اهلا فيكي حبيبتي دموع ..

تسلمي انا بخير والحمل ماشي منيح الحمد لله


انتي شو اخبارك ؟؟ شو بتعملي ؟؟

[دموع الليل]

انا الحمدلله

حاسه بملل

كيف اولادك ؟؟

[دموع الليل]

شو مقرره تسمى البيبى؟؟؟

[احساس أنثى]

مين ملان سلامتك من الملل دموع
اقعدي ع بلكونتك وتقرجي ع قطرات المطر ع موج البحر ياسلاااااااام
تبدليني بالمكان انا عند بدكة الشيخ رضوان بعيد عنك هههههههههههه

[حلا الماس]

سلامتك من الملل يا عسل ..

ولادي بخير الحمد لله .. ان شاء الله رح اسميه يوسف

[حلا الماس]

تعالي كلي مع مشمش اخضر بتتسلي

قبل شوي قطفتو من الارض .. يم يم يم

[دموع الليل]

احساس كيفك منوره؟؟ شفتى نتيجه المسابقه؟؟

زهقت من البحر

حلا ان شاءالله تقومى بالسلامه وبحضنك يوسف

صحتين عالمشمش اتوحمت عليه بس ما اكلته

[حلا الماس]

الله يسلمك حبيبتي .. وانتي ما عرفتي شو جنس البيبي ؟؟

وشو مفكرة باسماء ؟؟

[دموع الليل]

لسه مراجعتى الاسبوع الجاى

ان شاء الله اعرف جنسه واطمن عليه

[ام عبدالله لولو]

مساء الخير يا صبايا منورات شو اخباركم

[حلا الماس]

الله يطمنك عليه يا رب .. صح انتي هلأ بنص الخامس ؟؟

هلا ام عبد الله يسعد مساكي .. النور نورك يا عسل

[دموع الليل]

منوره ام عبدالله

كيفك؟شو اخبارك؟

صحيح حلا انا بنص الخامس

[ام عبدالله لولو]

تسلمي يا ام خليل بتاكلي مشمش لحالك هههه صحة وهنا حبيبتي
دموع الحمد لله بخير كيقك انتي ان شاء الله بتقومي بالسلامة يارب هاد اول بيبي ولا عندك كمان هههه معلش مش متزكرة

[حلا الماس]

هههههههههههههههه اه يا ام عبد الله هاي خيانة عظمى

لا ومشمش اخضر كمان .. وعم بستنى بالكرز قلت لجوزي يجيبلي معاه من السوق بس يا رب ما ينسى

طمنيني كيف ورقاتك طلعوا اليوم ؟؟

اظن انو دموع عندها ولد !! صح يا دموع ؟؟

[دموع الليل]

اها عندى ولد

والله اعطانى بنت بس اتوفت

هاد 3 حمل

[حلا الماس]

الله يعوضك خير ع الي راحت ويخليلك الولد

ويتمملك حملك هادا على خير حبيبتي .. وتقومي بالسلامة وتفرحي بضمة البيبي يا رب

[ام عبدالله لولو]

صحة وهنا حبيبتي الكرز زاكي بس كثير حامض هههههه ما توحمينى عليه هلا ما في سوق هههههه
دموع الله يخليلك الي عندك يارب ويرزقك بالي تتمنيه ويجعله شفيعة اليك والابوها بالاخرة

[دموع الليل]

امين يارب

انا وانتى وكل الحوامل

[حلا الماس]

:( :( اجا جوزي وما في كرز اهئ اهئ

ام عبد الله الكرز الاخضر نزل بالسوق

[دموع الليل]

ام عبدالله باى شهر انتى؟؟

[حلا الماس]

سلام بنات .. انا طالعة اجا جوزي

[جارة القمر]

يسعد مسااااااااكم

يااااااااااااااا حوامل انتو بتتوحموووو و بتشهونااااا على الاشياء اللي بتتوحمو عليهااااااااااااا



ام عمر:

ربي يشافي ويعافي ابنك يااااااااااارب ..........
ويجعل البيت لجديد خير عليكم


حلاااا:

ههههههههه انا كنت وانا حامل اتوحم على الحوامض ........

ام عبدالله :

كيفك ..........؟

دموع الليل:

انتي باي شهر .......؟؟
ومن اي منطقة