دردشة بنات فلسطين , دردشة حوامل فلسطين , تجمع بنات فلسطين

[حواء مثالية]

حلا كل عام وهي بالف خير


دموع كل العمر لابنك

[حواء مثالية]

وووووووووووووووووووووووووووووووووووووينكم

[كبريآء أنثى ـآ]

ممممم هيني

مساء الخير للجميع
ممم يلا بكرة أول يوم إلي بالتاسع
الله يهونها علية ويقومني بالسلامة إن شاء الله إلي ولك الحوامل ياااارب
بس بدي أسأل عن شغلة مين عمرها سمعت عن اشي بصيب الحوامل خاصة
إنه رجليها بزرروا ؟؟؟ ياااريت تفيدوني

[جارة القمر]

يسعد مساااااااااااكمـ

يا حواااااااااااااامل ويا امهااااات ويا زوجااااااااااااااااااات

[جارة القمر]

بتمنى -لام آدم- واسيل ولانااااا وادمـ سفره آمنه وموفقة وبالسلامة .........

[جارة القمر]

emdiea
ما بعرف كتبت اسمك صح ولا بس واحد من التنين يا بتكوني حاااامل بس بدك تستني وترجعي تفحصي
يا اما بتكون خربشة لانه الحاليت وحسب الجسم بصير انا من النوع الاول اللي حملت بعد ايقاف حبوب منع الحمل مباشرة

على العلم انه دورتي مو منتظمة..........

[لولو حمادة]

مساء الخير

[كبريآء أنثى ـآ]

هلا الله يسعد مساكي يااااارب
منورة ،،

[لولو حمادة]

جارة يسعد مساكي
قبل اسبوعين سجلت في الفيس بس مابعرف شي
بس سما مضيوفة عندي وهي علمتني كيف عمل


ام مروان ميروك دخولك التاسع ان شاء الله تقومي بسلامة

[كبريآء أنثى ـآ]

الله يبارك فيكي حبيبتي
عقبال عندك إن شاء الله ..
بس مين بتعرف شي عن تزرير الأرجل للحامل بجد تعبت كتييييييير

[كبريآء أنثى ـآ]

وين رحتوووو ؟؟؟

[حلا الماس]

هيني اجيت رحنا بالسيارة جبنا كم غرض للبيت ولفينا شوي بالشوارع

حواء تسلمي كلك زوووء عقبال تفرحي ببرلنت وأخوها يارب

ام مروان مبروك دخولك التاسع وعقبال تقومي بالسلامة يا رب
بالنسبة للتزرير طبيعي حبيبتي مع تقل الحمل وتمدد أربطة الرحم ... أحسن حل لما تنامي حطي مخدة بين رجليكي أو مخدتين أزا بتقدري بي خفف الضغط شوي وبيريحك كتييير انا مجربة هاي الطريقة

جارة يسعد مساكي منورة يا قمر

[حلا الماس]

لولو حمادة يسعد هالطلة حبيبتي يا رب

مبروك حساب الفيس بوك ... ما تقلقي بكرة بتصيري بلبل فيه وبتتعلمي كل شي

طمنيني كيف ولادك ؟؟؟ والرجيم كيف ؟؟

[دموع الليل]

يسعد مساكم

حواء تسلمى يارب ربنا يقومك بالسلامه

ام مروان مبروك دخولك التاسع

لولو حماده منوره كيفك؟؟

جاره القمر كيفك؟ وكيف الاولاد؟

[ام عبدالله لولو]

مساء الخير ياصبايا

طولت الغيبة عليكن

بس كنت تعبانة من الحمل ,,ورحت لدكتور غير دكتورتي ودخلت في بلبلة السونار عنده على حجم البيبي وابعاده انا بالاسبوع 30 .وع جساب دكتورتي 25,وع جساب دكتور ثالث 27 بالسونار ..hwaml12

[حلا الماس]

ام عبد الله دخلت مخصوص على شانك

يسعد هالمسا يا قلبي .... الله يكون بعونك ويتمملك على خيييير

مش معقول الكلام طب متى آخر دورة الك انتي ؟؟

[سما الدنيا]

يسعدمساكم ....زهقانه
وامي رجعت من العمره ومشتاقلها كتير لاني الي تقريبا شهرين ما رحت عاهلي
ومنشان الجو اتغير اجلت اتلطلعه لاخر الاسبوع الله يصبرني

[سما الدنيا]

وبتعرفو شغلة البيت ما زبط اشي بيقهر ما بدو ياجر بعد ما اتاملت...
المهم...
بنات ساعدوني بهدية اهديها لامي برجةعها من العمره ببالي اجيب شوكلا يكون فيه ديزاين لبيت الله الحرام بتمنا الاقي هون عنا بالبلد لانو رام الله اغلبيت المحلات بكونو اكتر الديزاينات لاعياد ميلاد تخرج بيبي...

[احساس أنثى]

يسعد صباحكم صبايا
اجيت اصبح من بدري لان الكهربا الصبح قاطعه

ام مروان انا كنت ازرر كتير بحملي بزوزو كنت احس اخر عظمه بظهري واقفه نفسي تطق عشان ارتاح ههههههه
بس عشان التقل متل ماحكتلك حلا وربي يقومك بالسلامه

ام عبد الله يمكن هالخربطه لانك بكريه !!! ولا مو بكريه !!
لان كل واحد بعد مجئ الدوره الو تقديراتو شي بشيل اسبوع شي بشيل 3 ايام
وبحسب الحمل بعدها مافرقت ياعسل ربي يقومك بالسلامه

سما الحمد لله ع سلامة الوالده حلوه فكرتك ان شالله تتوفقي تعللي احكيلنا شو جابتلك امك هديه :)

لولو حماده مبروك الفيس بوك :)

[beboo]

صباح الخير ياصبايا

كيفكم

لولو مبرووك الفيس ياعسل بكرة ببتعلمى وبتصيرى اشطر من اى وحدة بس بدها طولت بال

سما الحمدلله على سلامة مامتك والله يتقبل عمرتها ياارب او فيك تجبيلها صندوق مصحف متل هادا

http://cf1.souqcdn.com/item/2013/02/17/49/76/50/8/item_L_4976508_1624596.jpg

ام عبدالله الف سلامة عليك ياقمر بيروح الشر عنك لا ماتخافى هو بس انت اتذكرى متى اخر دورة الك واحسبي 10 ايام بعدها يعني لو مثلا ب 1/1 حطى 10 ايام بتصير 11/1 وكل 11 الشهر بتفوتي بشهرك واحسبي انت عاد كم اسبوع وان شاء الله عقبال قومتك بالسلامة

حلا حبيبتى كيفك وكيف اولادك وشو اخبارهم

احساس يسعدلى هالصباح حبيبتى كيفك وكيف زوزو شو حس بالغيرة ولا لسا

[حواء مثالية]

صباااااااااااحو لااحلى صبايا

ام عبدالله لشو هالبلبلة محنا كنا كويسين

هلا على اي اساس حسبو الدكاترة هيك على اساس دورتك ولا على حجم الجنين


انا حسابي وحساب الدكتور والسونار نفس الشي انتي احسبي على اساس دورتك هاد اصح شي

بعدين لي بتروحي عند اكثر من دكتووور هيك راح يغلبوكي انا كمان عشر ايام موعدي احكيلي شو تفاصيل السونار عندك وبسالك دكتوري يعني ادي وزن البيبي واخر دورة الك والشي الي مقلقك وان شاء الله كلشي بكون منيح

انا وانتي نفس الشي يعني انتي هلا لازم تكوني بالاسبوع 23 او 24 بالضبط

دودو شو اخبارك يا قمر لي مختفية مو مثل اول بتطلي

[حلا الماس]

جوووووود مورنينج يا عساسيل >>> فايقة ورايقة عالصبح ههه

سما يا سمسومة يسعد صباحك ومساكي وحمد لله على سلامة الوالدة وعمرة مقبولة أن شاء الله

إحساس يسعد هالصباح ويطلق هالجناح يا رب ... كيفك وكيفو زياد ؟؟؟ خف نكد الفطامة ..... والحمل كيف ؟؟

بيبو صباحك ورد شامي وياسمين شو أخبارك حبيبتي ؟؟ وبيان البطل شو اخبارو ؟؟
تسلمي انا بخير والأولاد بصحة وعافية الحمد لله


صبايا الدوام الصباحي وييييييييييييييييينكم جميعا !!!

[حواء مثالية]

اهلين حلا منورة يا قمر صباحك خير ان شاء الله

[حلا الماس]

يسعد صباحك يا حواء
كيفك اليوم حبيبتي والحمل وبرلنت كيف ؟؟

انا كتير استغربت من كلام ام عبد الله يعني مكن السونار يفرق عن بأيام أو اسبوع اكتر شي بس 5 أسابيع !!! مش معقول

[حواء مثالية]

الله يرضى عليكي نحنا بخير بدنا سلامتك

انا هاد الي بحكي في على كلام الدكاترة هي هلا بالتامن لي هسه بين معهم مش كل شهر كانت تفحص فجاة اختلف كلشي

بعدين هي المفروض ما تراجع الا عند دكتور واحد افضل

[حلا الماس]

أن شاء الله على طول بخير يا رب

الله يطمن قلبها يارب ... صحيح كلامك لازم اتابع مع دكتور واحد عشان ما تتخربط كتير بالحساب
لأنو الدكاترة بيختلف كلامهم عن بعض ... وكل دكتور الو أسلوب وطريقة بالعلاج


المهم طمنيني عنك انتي أظن انتي هلأ بآخر السادس صح ؟!

شو بدك تطبخي اليوم ؟؟

[حواء مثالية]

الله يسعدك يا قلبي اي انا باخر اسبوع بالسادس الايام بسرعة

اليوم عاملين هش ونش الجو براد حلو لهيك قصص تفضلي

[حلا الماس]

الله يتمملك على خير يا رب ولكل الحوامل

ممممم صحتيين عالهش والنش ... معك حق الجو مناسب لهيك اكلة
صحتيين يا رب على قلوبكم تتهنوا

انا بدي اعمل بامية اليوم إلها فترة جاية على بالي

[حواء مثالية]

الله يخليكي ويتمم للكل عخير يا رب

صحتين على البامية لزيزة

[حلا الماس]

أم عزو بدي أسالك شو بتأخدي مقويات للحمل ؟؟

وشو الفحوصات الي عملتيها بالحمل ؟؟

[~{{ DoDo }}~]

صباااح الخير صبايا كيفكم
وشو الاخبار

مشتقالكم والله بس تعبانة هالكم يوم
البيبي ضاغط على بطني بالعرض وحاسة بطني عيد الشر رح يتمزع
ومش مرتاااااااااحة ولا باي شي نهائيا بس كل ما ضاقت فيني بقول الحمدلله موكلة اموري لرب العالمين
وشكله عمورة هيك مرتاح ، الله يسهلها يارب
ماما قربت تيجي بدها شي اسبوعين او اقل شوي
وانا ماجلة كتير اشيا لتيجي والله يستر والحق لانه هلا مالي نفس اعمل شي

ان شاء الله كلكم بخير جميعاااااا بدون ذكر اسماء طمنوني عنكم وعن بيبياتكم والحوامل عن حملكم

[حلا الماس]

حبيبتي يا دودو يسعد صباحك يا رب

اشتقتلك كتييير ولكلامك الحلو ... سلامة قلبك من التعب أكيد بيزيد من تقل الحمل

بس يلا هانت وكرمال عموورة أكيد بتتحملي ... وكلي أمورك لله والي كاتبو ربك هو الي فيه الخير أكييييد

وتوصل بالسلامة أمك .. يعني خلص هانت وأكيد رح تتحسن النفسية مع وجود الوالدة الله يخليلك إياها

[~{{ DoDo }}~]

تسلميلي ياااارب ام خليل
هانت ان شاء الله الله كريم
كل سنة وحلا سالمة ياااارب والعمر كله الها
طمنيني عنك وعن البيبي والحمل
بلشتي تجهزي اشيا ، يمكن ما تكتري لانه اكيد عندك

[حلا الماس]

الله يسلمك ويسعد قلبك .. فرفشي يا بنت وفكي شوية

حاسة في كشرة على وجهك ... سلمي أمورك لربك واتوكلي عليه لا اله إلا هو

بالنسبة للتجهيز لا والله لسه ما بديت ومتل ما حكيتي مش رح أجيب كتير لأنو في عندي طقمين او 3 جداد بيكفي وحرام جديد وخلص
بدي اطلع الي عندي وأشوف أزا في نواقص وأجيبها وخلص .... يعني كلو بمشوار واحد للسوق بيخلص

بدي أسالك شو بتأخدي مقويات للحمل ؟؟

[فوفو89]

يسعـــــــــــد صباحكـــــــــــــم

كيفكم اليوم


امبارح رحت عالدكتور واتطمنت ع بنتي بالشهر الخامس
والحمدلله كل شي تمام


انا بدي اعمل كوسا محشي ع لبن للغدا

[~{{ DoDo }}~]

حلا
لا والله عادي بس قلق وتوتر
يعني بتعرفي لما تطلعلك قصص مش حاسبة حسابها
بس الحمدلله راضية شو بدي اعمل
يلا حلو اذا عندك جديد حرام ، وبكرا بس يكبر بتجدديلو ان شاء الله
بالنسبة للمقويات
انا عالرابع وقفت الفوليك اسيد وصرت اخد حديد وفيتامينات بنفس الحبة
وكالسيوم وفيتامين د لانه عندي ناقص
ولهلا مداومة عليهم طبعا ، بس بفكر اوقف الكالسيوم اول التاسع مع انه دكتورتي قالت لا
بس انا قرات انه لازم عالتاسع يتوقف ، والحديد بتضلي تاخديه حتى بعد الولادة ما بيضر

[~{{ DoDo }}~]

فوفو
صحتين يا قلبي عالكوسا
وربنا يتمملك على خير وسلامة يااارب
وتفرحي بشوفة رزان بصحة وعافية :)

[حلا الماس]

يسعد صباحك يا فوفو

منيح انك اتطمني على رزونة ربي يفرحك بضمتها على خير يا رب وصحتييين عال كوسا لزيز كتييير

شو يا صبايا وييييييينكم ؟؟؟

لولو .. حيفا .. ام عبد الله .. دموع .. أية .. وكلكم كلكم ويييييييينكم ؟؟؟

[حلا الماس]

الله يكتبلك الخير يا رب بس انتي ما تقلقي كتييير ولا تتعبي حالك بالتفكير ... منشان مزاجك ما ينعكس على البيبي خليكي ريلاكس

ال العبد بالتفكير والرب بالتدبير ... وكليها لله وما عليكي

انا وقفت الفوليك أسيد بعد التالت وصرت أخد حديد وكالسيوم وحبوب أسبرين وبعد السادس ضافتلي عليهم حبوب اوميغا 3

والكالسيوم يوم باخدو. و3 لا ... لأنو الله يكرمك بيعملي إمساك :( يعني لهلأ ما كملت علبة خخخ

الأسبرين بدي اوقفو بعد اول أسبوع بالتامن بس الحديد والاوميغا 3 حكتلي أضل مستمرة عليهم للولادة والكالسيوم انا ناوية أكمل الي عندي وخلص إلا أزا الدكتورة إلها رأي تاني

[ام عبدالله لولو]

صباح الخير يا صبايا
حواء واحساس وحلا الله يسعد صباحكم وشكرا لتعاونكم بس والله انا بداوم عند دكتورة وحدة بس امبارح بطني كان يوجعني ودكتورتي بتسكر بعد 3 يعمي ع 8 باليل روحت ع دكتور عام وطبعا عندو سونار الحمد لله حكى وجع البطن عادي بس الي بضحك ههههههه ال انو البيبي عمرو 30 بس اليوم ان شاء الله بدي اروح ع دكنور اخصائي عير دكتورتي واشوف القصة
دودو يسعدصباحك حبيبتي الله يقومك بالسلامة يارب

[beboo]

يسعد صباحكم ياصبايا

دودو حبيبتي وكليها لله اها كيف بده يكون غالى على الماما عمورة لازم يغلبها نونا

بس جربي نصيحتي يمكن غريبة صلى وطولى بالسجدة وادعى ربنا يقدملك اللى فيه الخير واحكى مع الاستاذ عمورة لانه هلا بسمعك وبحس فيك انا مجربة هالشي لما كان بيبو ببطنى كنت احكى معه طول الوقت لدرجة لما انولد كنت احكيله هلا بدنا ننزل عند تاتا ماتعيط وفعلا مايعيط والله مابكذب عليك والله يقدملك الى فيه الخير يارب

حلا يسعدلى هالصباح بيبو افندى تمام الحمدلله بس مطلع عيني بالزززن ماببطل نكد شكلو هالسن الذهبي مغلبو ههههه

فوفو صحتين على الكوسا
وانا عاملة اليوم كبة ولبن وشوربة فريكة

[فوفو89]

تسلموو دودو وحلا
صحة ع قلبكم يارب

حلا
انتي مثلي كنت اخذ بيبي اسبرين قبل الحمل ولما حملت كتبلي الدكتور على مميع للدم اسمه "كارتيا"

[حلا الماس]

حبيبتي يا ام عبد الله يسعد صباحك ويطمنك عن عبودي يا رب ... هاد أزا طبيب عام ما تأخذي على كلامو كتير

روحي على أخصائي وطمنينا شو بيصير معك ... بس وقليلي متى آخر دورة الك ؟؟

بيبو الله يسعد هالطلة يا رب
سلامتو بيبو الله يكون بعونو وبعونك فترة وبتعدي ... لو كان منكد كتير أعطيه أكامول أطفال مسكن بيهدا شوي

صحتيين على قلبكم الكبة انا بدي صحن ما خصني !!

[فوفو89]

تسلمي بيبو
صحة ع الكبة يا عسل

[لولو الفلسطينية]

يسعد صباح الحاضرين
منورين يا حلوات
يا الله يا بنات انا مش قادرة راسي رح بنفجر من كتر التفكبر و قلقانة و خايفة
امبارح بالليل كنت فاعدة في التحت و حاملة كتابي و بدرس و فجأة عطست و بعدها تنزل عليه ميه و لما شفت لقيت تحتي بقعة مية يعني حوالي فنجان الله يكرمكم
و بللت شرشف التخت يعني
يعني لولا اني كنت بالحمام قبلها بخمس دقايق كان حكيت اني عملتها على حالي و انتو بكرامة
بعرف انو اشي بقلب المعدة ههه بس و الله مش عارفة لمين بدي احكي و سألت امي و امي بتخاف من هالقصص عليه امتر من ما انا بخاف عشان هيك ما استفدت و بعد شوي زوجي بده يتصل عالدكتور و بنشوف
ان شاء الله خير
انتو شو اخباركو

[حلا الماس]

فوفو انا ما عمري اخدت المميع إلا بحملي هاد بس لأنو بعيد عنك صاير عندي تورم بالمنطقة من تحت ومنفوخة بشكل مش طبيعي وكلو من تقل الحمل
كان يصير هيك بحملي السابق بس ولا عمري حكيت للدكتورة وبعد الولادة كلو بيروح وبيرجع طبيعي

لولو يسعد صباحك حبيبتي
يا ريت لو بقدر أفيدك بأي اشي ... روحي عالدكتور وطمنينا شو بيصير معك

[فوفو89]

حلا

انا الدكتور كتبلي المميع بعد ما اجهضت حملي الاول ،، لانه تبيين سبب الاجهاض تخثر في الشرايين الي بتغذي الجنين
وبعد ما عرفنا السبب كتبلي المميع للدم وضليت اخذه قبل وبعد الحمل
بس ما بعرف متى رح يوقفه
امبارح الدكتور حكالي استمر بأخذ حبوب الفيتامينات اسمها "سوبرادين" وكالسيوم فوار ومميع الدم

الله يتمملنا ع خير يارب

[فوفو89]

لولو ضحكتيني شو هالوصف هاد ههههههههههههههه

الله يجعله خير يارب
بس انتي لازم تشوفي دكتور عشان المي الي بتنزل عليكي افضل

وطمنينا شو بصير معك

[حلا الماس]

الله يتمملك حملك على خير يا رب وتفرحي برزونة في حضنك سالمة معافاة

كل حبوب المميع والإبر وظيفتها نفس الأشي وهي تسهيل سيولة الدم بالجسم


انا بدي أقوم اقتحم المطبخ وأبدا كمان شوي بالطبيخ بس متابعتكم :)

[~{{ DoDo }}~]

حلا
كويس كل اللي بتاخديه متهيالي ضروري بس لقدام يمكن توقفي منه شوية اشياء

ام عبد الله
يسعد صباحك حبيبتي
مستحيل الفرق كون اكتر من خمس اسابيع صعب يعني
انا بقول روحي وتابعي عند دكتور واحد ولا تغيري عشان ما تتشتتي
وطمنينا

بيبو
صباح الورد
والله اللي قلتيه بعمله وبعمل اكتر منه
سجود بسجد بالصلاه وبطول وبدعي كتيييير
غير السجود اللي بدون صلاة وبحبي ع ايدي رجلي
وبنام ع ضهري وبرفع ضهري والمؤخرة متل ما قالت الدكتورة
بس مش حاسة باي نتيجة الحمدلله على كل حال
الله يقدم اللي فيه الخير وربك كريم :)

لولو
يسعد صباحك
حاولي اليوم تروحي للدكتور
وما تاجلي لانه لا سمح الله احتمال كبير تكون مية البيبي
حسب الوصف اللي وصفتيه ، وطمنينا عنك وما تقلقي
لو صار ما صار البيبي هلا وضعه ممتاز وما بيصير اي مضاعفات
لو لا سمح الله ربنا كتبلك تولدي قريب
بنستناكي ضروري تطمني وطمنينا

فوفو
ربنا يتمملك على خير ويعوضك عن اللي راح يارب :)

[لولو الفلسطينية]

انا رايحة عالمستشفى
دعواتكم

[ام عبدالله لولو]

الله يسر امرك يالولو ان شاء الله ربنا ما بجيبلك الا الخير يارب وتكوني بافضل حال
دودو وحلا تسلمو حبيباتي والله وانا ضايجة كثير بستنى بجوزي تايجي وارح ع دكتور تاني انا قبل اسبوع كان موعدي ودكتورتي حكتلي كل شي تمام حتى انو طلبنا نعمل 3 الابعاد حكت مالو لزوم البيبي كثير كويس بفضل الله وحمد وشكر لله مش عارفة ممكن انو حمل قبل الدورة والله مو عارفة شي

[beboo]

لولو حبيبتي الله يطمنا عليك ياعسل طمنينا اول ماتروحي ان شاء الله خير قلبي معك ياقمرة ربنا معاكي

حلا بعين الله الله يعينه على هالمرحلة ويعينا معاه، تكرم عيونك حبيبتي احلى صحن كبة لعيونك

دودو حبيبتي باذن الله ماراح يصير الا الى كاتبه ربنا وانت اكتر وحدة بتعرفي هالشي وانا قلبي حاسسني ان شاء الله انه راح تولدى طبيعي وحتكون من اسهل الولادات بس اهم شي تدعيلنا ياعسولة وحتقولى ام بيبو قالت>> حلوة ام بيبو هادي حسيت حالى نسوانة هههههههههههه حتقولى ندى قالت اه هيك الطف ههههههه

باقى الصبايا شو طبختكم لانى بدي اروح اجهز لفريكة وارجعلكم

[اية من الجمال]

صباح الخير صبايا
كيفكم حبايب قلبي

[~{{ DoDo }}~]

لولو
ان شاء الله خير الله يسهل امورك يارب
وترجعي تطمنينا انه كله تمام

بيبو
حبيبتي يارب له يسمع منك
عادي اللي كاتبه ربنا بدو يصير
واحلى دعوات الك وانا بطلق ازا ولدت طبيعي هههههههه
بوسيلي بيبو وصحة عالفريكة

ام عبد الله
ان شاء الله خير يا قلبي لا تقلقي
وطمنينا كمان

اية
يا هلا
كيفك اليوم وكيف اولادك ؟
والحمل كيف ؟ بلش وحام ؟

[beboo]

اية

هلا ياعسل كيف الحمل معك ان شاء الله مايكون الك وحام صعب

دودو

حبيبتي الله كريم هيك يكون باب السما مفتوح وربنا قبل دعوتي ودعوتك

[اية من الجمال]

انا دايما وحامي صعب
بس الحمدلله لهلاء بس قلبان معدة خفيف بعيدا عنكم مافي تقئ
ومتوحمة على شمندر بالسكر مع انو مابحبو ههههههههه
ومتوحمة عمشمش مجفف وفواكة كجففة
عصبية بشكل كبيررررررررررررر
وامبارح كنت شوية مكتئبة لانو اول 3 شهور من حملي
بتجي قرينة الحمل وبحلك كوابيس مو طبيعية
بس الحمدلله وحدة هون امبارح بالمنتدى اعطتني حل
انو افتح القراءان عصورة يس تاني صفحة واجلتن القراءان بنايلون شفاف
واحطو باعلى مكان بالغرفة حطيتو على شنتة كبيرة فوق خزانة غرفة نومي
والحمدلله ماشفت اي اشي وقايمة من النوم مبسوطة
وبدها تجي عندي مرت عمي وسلفي العزابي ويمكن اخوتي
وبدي اطبخلهم يخنية بامية مع دجاج
ولحمة مفرومة بقليها مع خضرة

[لولو الفلسطينية]

مسا الخير با بنات
تسلمو حبيباتي
الله يخليكم
انا لما حكيت عالدكتور طلب اروحلو على المستشفى و لسا هلأ روحت
المهم عمللي سونار و حكا انو المية حولين الجنين كتير كويسة بس الراس ناااااااااااازل و هو الي بحسسني بضغط زااااايد و وخز من تحت
و كمان عمللي تخطيط لقلب الجنين و الحمد لله كلش تمام
و المراجعة صارت كل اسبوع مش كل اسبوعين
يعني الحمد لله الوضع منيح بس شكلها بنتي بدها تحرقلي اعصابي قبل ما تيجي
الله يجيبها بالسلامة
يسعد مساكم جميعا

[دموع الليل]

يســـعد مســـاكم

لولو الحمدلله ان البنوته بخير الله يطمنك عليها

ام عبدالله احسبى من اول يوم لأخر دوره ورح تعرفى باى اسبوع انتى

حلا كيفك اليوم؟

بيبو ،، دودو،،احساس،، ايه،،فوفو منورين

[دموع الليل]

ام عبدالله احسبى على هذا الموقع

Due Date Calculator - Pregnancy Weeks (http://pregnancy.about.com/cs/pregnancycalendar/l/blpregcalc.htm)

[لولو الفلسطينية]

تسلمي دموع
انتي كيفك و كيف البوبو ؟؟

[دموع الليل]

الحمدلله هينى صرت بنص السادس

شو قررتى تسمى البنوته؟؟

[~{{ DoDo }}~]

لولو
الحمدلله على السلااامة
ومنيح انه تطمنتي يلا على خير يااااارب معلش الله يعينك
ان شاء الله ربنا بسهلك امورك يااارب وبيتمملك على خير

دموع
تسلمي ان شاء الله تكوني بخير :)

[دموع الليل]

دودو شو صار معك؟

[فوفو89]

لولو

يلا منيح انك اتطمنتي ع البيبي اهم شي
سلامتك يارب
انتي من وين ؟
شو قررتي تسميها ؟

[احساس أنثى]

يسعد مساااااكم بناااااات
مساء فاشل زي صحبيتو لم افلح بامتحان المزاوله وااااااع

عسوله تعي احكيلي كيف قدمتي ؟

[كبريآء أنثى ـآ]

يسعد مساكن يا حلوات
مممم إحساس في امتحان بشهر 10 برضو مزاولة قدمي وان شاء الله بتنجحي
الحمد لله أنا نجحت بامتحان المزاولة

[احساس أنثى]

ام مروان انتي من غزه
كل علمي انك من الضفه
يالله ميروك حبيبتي

مش اكيد اقدم لاني حكون متلله
ومش مهتمه للوظيفه كتير

ام مروان شو تخصصك انتي؟

[غُمُوض أُنثَى]

كيفكم بنات طبعا لسا انا لسآ عم بعمل في الاكل خخخ
عاملة محشي كوسا وبتنجان

حيفآآآآآ حبيبة البي ربي يسسسسسعدك الله يبارك فيييييييييكي والله انبسطت كتير كتير لما شفتك فايتة وكاتبة
والحمدلله انك فرفشتي وطلعتي من حالة الهبل اللي كنتي فيها هههههه ايوا هيك بدنا ياكي
ان شاء الله عن قريب يختي تلحقيني بالحمل ونصير نتشكون انا وياكي ^^

لولو حمادة ،، والله انا الدكتورة بتحكيلي ازا بدك تاخدي البيبي اسبرين مرة بالاسبوع وبنصحك ما تاخديه مش عارفة انا هيني اليوم رح احدد موعد مع دكتوري الخاص ورح أسألو كمان عن الحبوب تاعت الفوليك
هيا الحبوب النسبة الكبيرة فيها فوليك والحديد نسبة بسيطة كتير انا بعرف انهم بمنعوه اول تلات شهور لانه حبوب الحديد بتعمل غثيان واستفراغ اصلا والحامل هيك والا هيك بوحامها بتكون ماكلة هوا ف لهيك بمنعوه
بس مش كل الدكاترة تقريبا الاجانب بيعطوا الحديد من اول يوم حمل
انا بكرا بستفسر وبحكيلك
هما الدكتور والدكتورة شاطرين هيا بتعملي السونار وهوا بناقشني بالشغلات التانية لانهم شغالين مع بعض
ان شاء الله خير


بااقي الصبآيآ شو اخباركو اليوم
كتبت عالسريع عشان قاعدة بعمل بالمحشي

[احساس أنثى]

صحاين ع المحشي غمووووض

[لولو الفلسطينية]

دموع
حبيبتي اااااسفة ما رديت
ههههه غفيت و ضليييييت نايمة و هلا صحيت
على الاغلب رح نسميها كارين
فوفو
تسلمي يا عسل
انا من الخليل
دودو
حبيبتي ام عمر امين يا رب
الله يهونها علينا و عليكي و عالجميع
احساس
و لا يهمك خيرها في غيرها
المهم انتي و زوزو و البيبي تكونو بخير
و الامتحان بتقدميه بوقت تاني
ام مروان
منورة يسعد هالمسا
غموض
منورة يا حلوة
شو الاخبار ؟؟
كللل الصبايا يسعد مساكم

[حواء مثالية]

مساكم رضااااااااااا
لولو الف سلامة عليكي يا قمررررررررررررر انتبهي لحالك

حلا انا باخد الحديد والبيبيي اسبرين بس

[جارة القمر]

يسعد مساااااااكمـ

لولو:
الحمد لله انها هيك وان شالله بتدخلي بالشهر التاسع اهم شي ........


دودو:

وكلي امرك لله ,,,,,وما تزعلي بعدين بتزعلي عمورة .......

احساس:

خيرها بغيرهااااا هلا عندك زوزو وحامل فديري بالك على حالك

حوائتي:

مساااااءك فل وياسمين

لولو حمادة:
بدي اتاكد انت بعتي اضافة اللي للفيس بوك لاني ما بضيف حد ما بعرفوووو بس اتوقع انت ؟!

[دموع الليل]

لولو حلو كتير هالاسم

ان شاءالله بتيجى بالسلامه وتحمل اسمها

جاره يسعد مساكى كيفك؟

احساس ان شاءالله بتتوفقى بالوظيفه

فوفو منوره كيفك؟

حواء يسعد اوقاتك ليش ما بتاخدى فيتامين؟؟؟

لان الدكتور اعطانى حديد ،،وبيبى اسبرين،، وفيتامين

[احساس أنثى]

تسلمولي صبايا
مش زعلانه لان الحمل تاعبني ومش مخليني افكر ولا بشي

بناااااات
زوزو مابياكل بالمره طول اليوم اقل من نص رغيف بيتا
شو اعمل معاه !! مابينفع هيك

[جارة القمر]

دموع الليل :

هلا حبيبتي انا بخير الحمد لله كيفك؟

احساس:
بطل ياكل لما فطمتيه ؟! ياااا حرام بيحزن والله .........
حاول معه بالتقسيط شوي شوي والشي الزاكي متل السيريلاك او اعمليلو سحلب او بسكوت مع حليب

[دموع الليل]

احساس اهم شى ابنك يشرب حليب

اعطيه حليب نيدو كتير كويس

ابنى لحتى الان بيشرب منه

وماشاءالله عليه

[لولو الفلسطينية]

دموع تسلمي
الله يقومك بالسلامة انتي كمان
حواء
الله يسلمك
يسعد هالمسا
انا كمان كنت اخد بيبي اسبرين بس وقفته بأول التامن
جارة
ايسعد مساكي يا قمر
كيفك و كيف الأولاد ؟
احساس
و الله ما عندي خبرة بس ان شاء الله يتعود زوزو عالفطام و يرجع ياكل زي الاول
باقي الصبايا يسعد اوفاتكم

[احساس أنثى]

جاره عم حاول معاه والله مو راضي الولد يعني خبز فينو ولبن اشياء كتير بحبها مش راضي

دموع النيدو اعطيتو اياه عملو الله يكرمك اسهال وتقيل كامل الدسم بطلتو وجيتلو سيميلاك توب
ولسى ضايل الولد بسهل مابعرف لسى من الخليب ولا برد ولا شو

مرعوبه عليه حتى بيضل يعيط كتير في شي واجعو حجزت بكره عند الدكتور وان شالله خير

[فوفو89]

يسعـــــــــــــد مساكـــــــــــــــم


هلا دمووع
انا الحمدلله منيحه تسلمي
انتي كيفك وكيف الحمل معك
انتي حامل ولد ولا بنت ؟


لولو
اهلا بأهل الخليل ،،انا من نابلس
حلو كتير الاسم ،، ان شاء الله بتشوفيها ع خير وبتسميها يارب
بس شو معنى الاسم ؟ شكله غربي

[لولو حمادة]

مساء الخيرات
جارة انا يلي ضفتيتي
احساس سلامة زوزو مفروض فطمتيه بتدريج مش مرة وحدة
لولو سلامتك مليح انك طمنتي
شكرا للي يباركولي بالفيس بك خجلتوني ههههههه
دودو فرفشي اللي بربنا كاتبوا بيسير
حواء وحلا وفوفو وباقي الصبايا يسعد مساكم

[دموع الليل]

هلا فوفو

انا حامل ان شاءالله بولد

[كبريآء أنثى ـآ]

أنا من غزة وتخصصي مرحلة دنيا

[دموع الليل]

لولو حماده مبروك الفيس

عقبال عندى هههه

لانو انا ماعندى فيس بوك

[احساس أنثى]

دموع اعملي فيس طيب
لولو هوا اساسا مابيرضع بشكل كلير يعني باليون كان يرضع مرتين
افطامو مش مفاجئ يعتبر

المشكله بشرف اولاد عمو لجوزي ماشالله بياكلو جلي ع حليب ع شبسي ع كيك وعادي
انا من ولا شي معاه اسهال الله يكرمكم والله حفقع

[جارة القمر]

احساس:

النيدووو في لعمر اشهر؟؟؟

بعدين لسا كتير بدري على زوزو ياكل غير الفواكه والخضار .......متلا شبس حرام او متل هيك اشياء

[لولو الفلسطينية]

فوفو اهلين فيكي يا عسل
الو معنيين
نوع من انواع الزهور البنفسجية و المعنى التاني العزيزة الغالية
لولو حمادة
منورة يسعد هالمسا
احساس و ام مروان و كل الموجودين يسعد اوقاتكم

[حواء مثالية]

هاااااااااااااااي

احساس انتي مجرمة بحق ابنك

اول شي النيدو لبعد السنة كثير ثقيل على المعدة وقبل هالعمر ما بتحملوا الاطفال

تاني شي مثل ما حكت جارة لازم تطعمي كلشي طازة خضار فواكه واكل الاطفال بس يعني الاكل الي في مواد حافظة باثر كثير علي

بعدين الاسهال طبعي اول الفطام برلنت ضلت مسهولة اكثر من عشر ايام لانه تغير الحليب وكمان لتتقبله بعدها صارت عادي


بعدين المفروض تعطي اقل شي اربع وجبات حليب غير وجبات الاكل لانه الاكل ما بغني عن الحليب وفي تعليمات كم رضعة لعمر الطفل برلنت من 4-5 رضعات باليوم غر ثلاث وجبات اكل ويمكن اكثر حسب حاجتها

بعدين كلكم ضيفوني على الفيس بوك انا بنفس الاسم الي هوووووووون بالمنتدى يالله ناطرة اضافتكم جارة انتي اول وحدة بالطابور

دودوو حبيبت قلبي صدقي وقت تجي ساعة الولادة ما بتعرفي تفكري بشي لانه الشي بكون الك اكتشاف عشانك بكرية بعدين سبحان الله كله مكتوب كيف يكون

انا بولادتي ببرلنت كان عندي كلشي طبيعي وبنص الولادة قررولي عملية عشان برلنت تعبت فكله مكتوب ياقلبي وكله اله همه ووجعه ودائما الخيرة فيما اختاره الله


فوفو انا ما قررلي الدكتور الا الحديد والاسبرين وبحملي الاول ما احتجت غير الحديد الحمدلله كل فحوصاتي تمام انا لو بكون اكلي قليل بس بوكل كلشي مفيد وبنية جسمي مش بطالة الله يديم الصحة علينا وعلى الجميع يارب

فكل حامل شو بتحتاج بتاخد

[جارة القمر]

حوائتي :

هلا ببعتلك آآآآآآد بتموني

[جارة القمر]

حوائتي:


ما اعطاني !!! بهالاسم

[حواء مثالية]

مممممممممممممم لي ونفس الصورة كمان

[لولو حمادة]

حواء ما طلع معي على الفيس بك اسمك

جارة ما في نيدو لقبل السنة

[حواء مثالية]

وانا مفكره حالي مشهورة على الفيس بوك ههههههههههههههههههههه

ابعتولي اسمائكم

[لولو حمادة]

اسمي لولو حمادة الصورة عصفور اصفر

[احساس أنثى]

حواء استعملت النيدو حسب مابسمع علمك اول تجربه زوزو
وهوا اذا اخد الخليب مابيرضى ياكل مابعرف بشبع منو ولا بسد نفسو ولا شو
العصير الجاهز والشبس وقفتو عشان مواد حلفظه


لولو ممكن اضيفك ؟!

[احساس أنثى]

دموع والله انا جوزي عملي اياه
لاني مش شاطره كتير بالجوالات والكمبيوترات
ان شالله البنات يفيدوكي

[حواء مثالية]

هاااااااد رابط صفحتي

http://www.facebook.com/lwlw.hmadt?fref=ts

[دموع الليل]

شكررا احساس على ردك

[احساس أنثى]

وينكم نمتو
رحت عملت صحن سلطه اجا عبالي
يلي عبالو تفضلوووووو

[دموع الليل]

صحه وعافيه احساس

انا نعست وابنى مش راضى ينااااااااام

[لولو حمادة]

حواء اسمك لولو حمادة مثلي ؟

احساس ضيفيني عندك

[احساس أنثى]

دموع اصعب شي يكون الواحد نعسان وابنو لسى مش نايم
احيانا بطلع مخي ع زوزو وبحاول انيمو غصب بس مابيرضى

شكرا لولو ع الموافقه مقدما :)

[ام عبدالله لولو]

صباح الخير يا صبايا
حلا ودودو ولولو ودموع شكرا كثير لسوالكم الله يخليكم يارب
ما روحت ع الدكنور لانو مش موجود ان شاء الله اليوم بروح هههههه مع اني حاسة انو هداك الدكتور كلامو غلط بس بدي اتاكد اكثر
يسعد صباح الجميع
عموض الف مبروك يارب الله يتمملك ع خير سامحيني مباركة متاخرة بس والله مشغولة هههههه
حيفا يا هبلة ما تغيبي ولا بتدللي علينا يااااااارب يرزقك الحمل يا حيفا قريب ياالله
انبثاقة الله يسعدك يارب ويرزقكك ما تتمني يالله
جارة ما بتسال عني زعلانة منك
حواء يسعد صباحك يارب
احساس الف سلامة عليه زوزو ما ع قلبه شر
فوفو ان شاء الله ع طول بتتطمني عليه للبنوتة الحلوة
لولو سلامتك يارب يلا هانت ما ظل كثير الله يقومك بالسلامة يارب
باقي الصبايايسعد صباحكم يارب

[لولو الفلسطينية]

صباح الفل و الياسمين
حواء
هههه الاسم ما في اله اثر عالفيس بوك !!!!
و الرابط مش لأسمك
ام عبد الله
يسعد صباحك يا عسل
ربنا يطمن قلبك
ما تخافي بتكون مجرد خربطة و بس
ان شاء الله كلو تمام
دودو
الله يهونها عليكي و يسهل امورك
لولو حمادة
الرابط يلي حطته حواء هو صفحتك عالفيس بوك و الا لا ؟...
احساس
كيف وضع زوزو هلأ ؟؟ ان شاء الله اكل و تحسنت نفسيته ؟
انبثتاقة
اشتقنالها زماان عنها
الله يرحمو عمها
حيفا
اشتقنالك يا هبولة
وييييييييييييينك ؟
حلا و فوفو و بيبو و بنات الدوام الصباحي
يللا قومو يا كسولات
كلللل الصبايا الباقيات نفر نفر يا رب يسعد اوقاتكم و يحقق امانيكم
الدنيا مطررررررررررررر

[حواء مثالية]

صباحكم فل يا حلوين

الله يطمنك يا ام عبدالله

لولو حمادة كنت بدور عصفحتك وحطيت الرابط الغلط هههههههه

هاد الرابط
http://www.facebook.com/profile.php?id=100002269806147&ref=tn_tnmn

[ام عبدالله لولو]

هلا لولو يسعد صباحك يارب شو اخبارك والبنوتة العسل ان شاء الله خير
شايفة مطر ورعد وبرق اللهم صلي على النبي محمد كانو اول الشتا هههههه كنت بدي اغسل بطلت
حلا دودو يلا يا كسلانات هههههه الدوام بلش والاندارات بلشت hwaml11

[حواء مثالية]

لو الجو يكون هيك برمضااااااااان

[ام عبدالله لولو]

الله يسعد صباحك يا حواء شو اخبارك واخبار برلنت
والبيبي برافس زي ابني هههه ليل ونهار اول مرة بعرف انك ولدة بغملية ان شاء الله هالمرة بتولدي طبيعي الولدة الاولى ما بتحدد انو كل مرة عملية الله يقومك ويقومنا الجميع بالسلامة يارب

[فوفو89]

يسعـــــــــد صباحكـــــــــم يا نشيطات

كيفكم اليوم

انا من الصبح صبحت اعطس ..شكلي بدي ارشح :( ... ان شاء الله لا يارب ما ارشح لانه ما بحب الرشح بموت منه

[لولو الفلسطينية]

ام عبد الله
احنا بخير و بدنا سلامتك يا عسل
انتي شو اخبارك ؟؟ و عبد الله كيفو ؟
جد الجو كأنه شتاء بس هدا يعني انو الصيف السنه رح يكوووون ناااااار الله يعيننا
حواء
يسعد هالصباح
شو اخبارك ؟؟ شو مطولة لتدخلي السادس ؟
ان شاء الله هالمرة بتولدي ولادة طبيعية و سهلة

[لولو الفلسطينية]

فوفو يسعد صباحك
الله لا يقدر ان شاء الله ما يكون رشح
حواء
انا ضفتك و اسمي الاء
بعد اذنك طبعا

[لولو حمادة]

صباح الخير جميعا


لولو لا مش اللي الرابط
انا اسمي لولو حمادة الصورة عصفور اصفر ضيفيني
حواء انتي ضيفيني انا مث عارف اضيفك

[ام عبدالله لولو]

هلا لولو شو اخبارك واخبار الاولاد تم شاء الله بخير
شكلو الصبايا راحو ع الفيس بوك وتركونا هون ههههه

[beboo]

صباح الفل كيفكم

جيت اصبح عليكم قبل مايفصلو الماتور لانه اليوم قاطعة الصبح عنا

يسعد صباحكم

[لولو حمادة]

ام عبد الله انا واولادي بخير
لمن تروحي من عند الدكتور بطمنينا عنك
بيبو يسعد صباحك

[لولو الفلسطينية]

لولو هههه ما في ولا عصفور اخضر بهادا الاسم
ما بين عندي
بيبو يسعد صباحك
ام عبد الله
طمنينا عنك اذا رحتي

[لولو حمادة]

لولو عصفر اصفر مش اخضر
شو اسمك عل الفيس والصورة شو هيه

[احساس أنثى]

بنات تعالو اضحكً عليا
الي ساعه بكتب رد وكتبت وخلصت
رحت اجدد الصفحه لقيت حالي بدردشه العراق لا وشو مش فاهمه اللهجه كمان هههههههههههههه

[احساس أنثى]

لولو وصلتك الاضافه
انا اسمي الحقيقي

[لولو حمادة]

لا ماوصلني


بس هلا انا ضفتك

[احساس أنثى]

وصلتني الاضافه يالرلو وقبلتها

وين الصبايا راحو يطبخو ؟ احنا عاملين ملوخيه يلي ع بالو مايحرم حالو :)

بنات هبه الها اكتر من شهرين قاطعانا !!!

[~{{ DoDo }}~]

مرحباااا

كيفكم يا حلوين ان شاء الله بخير ؟

[احساس أنثى]

هلا دودو كيفك
مالك اليوم متأخره علينا :)

[حواء مثالية]

لولو حمادة ولا عمره حد راح يلاقيكي وصلتني اضافتك لولو حمادة حمادة ههههه هيك اسمك مو حمادة وحده لهيك ما لقيناكي


ام عبدالله والله اكلت هوى طلق وبعدين عمليه الله يخليها برلنت وهيو ابني بسلم عليكي ماشاء الله ما بهدى
لولوو ياقلبي انا كمان خمس ايام بفوت السابع زمان فتت السادس يعني ما ضل شي تكة وبكون ماما للمره التانية شايفين ما اشطرني ههههههههههه

[دموع الليل]

يسعد مساكم

كيفكم اليوم ؟

[جارة القمر]

مرحبا

ملتيهين قصة الفيس بوك
هههههه

حواء :

انا ضفتك
وان شالله تقومي بالسلامة

---------

بناااات اسمي انا Hadeel dwiyyat

[دموع الليل]

يا صبايا مممم

رح تتركونا وترحو الفيس بوك هههههه

[احساس أنثى]

له يادموع ماللنا غنا عن الدردشه
بس اعملي انتي كمان فيس :)

[لولو الفلسطينية]

يسعد مساكم
دودو وينك متأخرة اليوم ؟
وحلا ما بينت !!
حواء
ان شاي الله على خير
انا اصلا بعرف انك قربتي عالسابع بس الي شككني انو انتي حكيتي انك تقريبا مع ام عبد الله
الله يتمم للجميع على خير
ههههه يا شطورة انتي
دموع و احساس و جارة و كلل الموجودين يسعد هالمسا قولو امين
بنااااااات انا عندي مشكله و مش قادرة اتخلص منها
انا بحاول ما اشوف اي منظر مش طبيعي بس مرات بالغلط على التلفزيون او عالفيس بشوف اشي و لو ثواني بس ما بروح من بالي ابدا ابدا و كل ما اجا في بالي بذكر الله و بحاول انسى بس على طول هاي الافكار في بالي
انا متوكلة على الله بس بضل خاااايفة
يا رب لطفك
قولولي في حدا منكم كان زيي ؟؟ شو اعمل ؟؟

[حواء مثالية]

انا خويفه كمان يا لولو بس ما بحضر شي ممكن يذايقني

انا ووام عبدالله مع بعض بس الدكتور الي خربط معها ما بعرف هلا شو بس تروح بنشوف بيني وبينها ثلاث ايام بس


جارة نورتي ياقمر اقبلت طلبك


بنات من يوم رحت على البحر صار تشقق خفيف بقاع رجلي بعيد عنكم حطيت مرطبات وكريمات على الفاضي بالكم شو اعمل

[لولو الفلسطينية]

يعني مش لحالي ههههه
و انا ما بحضر بس احيانا هيك بالغلط بطلع اشي قدامي او بشوف حدا هون و الا هون و مخي بتركش هاي الشغلات
الله بسترها
بالنسبة لرجليكي ما بعرف بس يمكن ازا بتنقعيهم بمية سخخخخنه عشان تروح الجلدة الميته بعدين بتدهنيهم فازلين بسمع انه كويس
او في كريمات لتشققات الرجلين بتلاقبها بالصيدليات او محلات الكوزمتكس

[فوفو89]

يسعـــــــــــــد مساكــــــــــــــم

كيفكم جميعا

[حواء مثالية]

هيني عم حاول ان شاء الله تزبط كنت احط مرطب هلا راح احط فازلين


بتعرفي انا زوجي كان مدمن افلام رعب من يوم تزوجنا لليوم ما حضر منعتهم ههههههه هو متعاون معي لو يدفعولي مليون شيكل ما بحضر خمس دقائق هيك شغلات

طبعا زوجي حاول يغير نظرتي بس علذي حالي بهى الفاضي بحكيله شو جابرني ااذي حالي بهيك مناظررررررر

[beboo]

مسا الخير كيفكم

شو مين هوون؟

[لولو الفلسطينية]

ان شاء الله يزبط
و الله يا حواء مش افلام رعب ولا شي بس احيانا هيك بشوف شي عالسريع بس المنظر بروحش من بالي لهيك انا بخاف
الله يستر
بيبو
يسعد هالمسا يا حلوة

[احساس أنثى]

يسعد مساكم
هل من احد هنا ؟!

[احساس أنثى]

شكلو اهل البيت نايمين ماحد فتحلي الباب
نيجي يوم تاني هههههههههههههههه

[حيفا]

مسا الخير حبيبات قلبي

كيفكم وش اخباركم ؟؟

اليوم رحنا انا وزوجي ع مركز رزان ، اكيد صبايا الضفه بعرفوه هاد اللي عملو عنده التلقيح زوجات الاسرى ، قبل كنا نروح ع دكتور يهودي وبصراحه اطلع من عنده وانا عندي الف سؤال ، المهم اليوم رحنا ع هاد المركز ، دخلنا عند دكتور شرحناله الوضع بالتمام ، صدمني يا بنات !!
قالي الحمل اللي صار احتمال يكون مجرد هرمون ارتفع وما يكون حمل حقيقي ، طبعا انا سألته انه ممكن يرتفع الهرمون بدون حمل ، قالي اه ممكن في حالات وبسموه الحمل الكيميائي ، قال بس انا ما بقدر اجزم لانه كل شي ممكن وربنا قادر ع كل شيء
طبعا هو قالي هيك بناءا ع فحوصات زوجي

قالنا اني انا لازم انزل وزن قد ما اقدر ، لانه الوزن حتى لو صار حمل رح يتعبني كتير وبكون مهدد بالاجهاض والتسمم والسكري ، يعني سد نفسي عن الاكل ههههههه ، وحسسني اني انصح وحده بالعالم ، طبعا انا وزني زايد بفترة الاكتئاب اللي مضت ههه ويلي على حالي ،

وقال لزوجي انه لازم يعيد كل الفحوصات عندهم ، في حال كان بالفعل صفر حيوانات منوية في العينه ، وما في مشاكل بهالرمونات ما بينفع الا الزراعه !!

طبعا انا ما انصدمت لاني تقريبا عارفه كل هالكلام !! بس زوجي كأنه اول مرة بسمع هالحكي هههه ، عصب ونرفز وتقاتلنا بالطريق واحنا مروحين هههههه وقلتله اخر مرة بطلع معاك ع دكتور أو اي شي اله دخل بالحمل !!

طبعا انا هلاء ممنوع احمل وانا بهالوزن ، لهيك قررت انسى هالموضوع بتاتا ، واتبع نظام غذائي قاسي ، تجويع يعني ، لمدة 3 شهور عالاقل ، مع اشتراك رياضه ، وع قولة الدكتور ، رح تكرهي اليوم اللي حملتي فيه وانتي وزنك زايد ، كل تعب الحمل بكون مضاعف ، خوفني والله يا صبايا هههههه ، زوجي بقله يعني ما بتعملولنا زراعه هلاء ، قاله صحة زوجتك اهم وعصب عليه ههههههههههه


المهم مساكم اخبار طيبة يارب :)

[حواء مثالية]

حيفاااااا نورتي يا قلبي

احكيلك شي انتي فكري بحالك وما تعيشي وتكرسي كل حياتك لهلموضوووووع اول شي انزلي وزن عشانك انتي وعشان صحتك وبلشو بخطوات العلاج بالترتيب وما تضلي تغيري دكاترة وبالاخر كله مقدر ومكتوووب

الله يكرمك ويعطيكي

اذا في مجال وظروفكة بتسمح اطلعو عمره

قلبي معك حبيبتي انتي

[حيفا]

حبيبتي حواااء يسعد هالمسا احلى ام عزوز :)

مممم ، بالنسبة لتغيير الدكاترة هاد بسبب زوجي ، هيك مجنني ، انا قررت اترك هالموضوع حتى اني احاول ابعد عن اي شي بذكرني بالموضوع ، وفكر بصحتي الجسمية والنفسية ، لانه عم استهلك كل طاقتي عالفاضي هيك تفكير وسمة بدن

اليوم المفروض اكون متدايقه وزعلانه من هالحكي ، بس ما بعرف حاسه بارتياح داخلي ، لما شفت صورة معلقه عالحيط بالمركز "أطفال مركز رزان " ضلت عالقه ببالي ، وضليت مبسوطه هيك ومتفائلة منها ههههه طبعا الصورة اغلبها توائم ، وحتى كمان في 3 توائم ، و4 ، حسيت قديش ناس مرقت بحالتي ، ووصلت للي بدها ياه وربنا اكرمها ، وارتحت

المهم حابه ارغي كتير بس زوجي عن بينادي الى النوم هههه

تصبحي على خير حبيبتي

، ليلتكم سعيده :)

[إنبثاقة أمل]

صباح الخير

شو أخباركم حبيباتي

اشتقتلكم كتيييييير

يارب الكل يكون بخير وعافيه

الفتره الي فاتت كانت صعبه كتير علي من اول مارجعت والنفسيه في صراع معها

فترة مرض عمي وهلا وفاته الله يرحمه

وغير هيك الصدمه الأكبر كانت انه زوجي بعد ما كان سليم ومافي شي فجأه وبعد سنتين

صار عنده تشوهات بنسبه عاليه وغريبه

ع رغم العدد فوق الممتاز

مابعرف شو الي صار وشوي الي تغير

طول هالفتره وانا احس الشغله مو مستوعبتها

والدكتوره حكت لي ب أخر زياره انه راح ترجع تجرب معي مره وحده تلقيح صناعي و ازا ماصار حمل

ماراح نضيع وقت وتنتقل للحقن المجهري

الحمدلله والله راضيه بكل شي ربي كاتب لي اياه

لان كل شي لحكمه

بس مارضيت احكي لا لاهلي ولا لاهله احتراما لمشاعر زوجي

ع رغم اصرار اخته تعرف ازا عنا شي او لا



وغير هيك الناس ماخلتني بحالي

اكتر من وحده بعرفها اكتشف من سياق كلامها انها حامل والا ع وجه ولاده

وكله خايف مني

والله لو تعرف الناس اني وحده مابغار ولا بقعد اتحسر ع حالي ليه ماعندي

صح بتمنى ونفسي بس عمري ما حدثت نفسي ليش انا وهي لا

كل شي من ربي ما احلاه


يلا هي فضفضه ع السريع اكيد وغصب عنكم راح تتحملوني ههههههه


حيفا ياقلبي

ربي يكرمك ويبشرك بالي يفرح قلبك

مستشفى رزان بسمع اختي بتابع عنده

يارب يكون خير عليك ويكتب لك الحمل قريييييب ومايطولها عليك



عندي كلمة حق حابه احكيها لغموض حبيبة قلبي واخت دنيا

ربي مايحرمني منها

وقفت معي هالفتره الصعبه ربي يسعدها

يارب يا غموض يثبت حملك ويتمم لك ع خير

ويفرح قلبك بشوفته سليم معافى ويقر عينك فيه

فرحتي الك متل فرحتي لنفسي

ربي يسعدك ياقلبي

[beboo]

صباح الفل كيفكم

انبثاقة حبيبتي ربنا يهون عليك يااارب


حبيبتي مافى شي بعيد عن ارادة ربنا حقولك قصة وحدة قريبتي متل قصتك هيك

كانت متزوجة من 10 سنين تقريبا او يمكن اكتر المهم جربت كل الوسائل للحمل بالطب وبالاعشاب وبكل شي

وبعد كل هادا ماحملت بس لما اراد ربنا حملت طبيعي والله ونزلت ورجعت حملت بعده بشهر واجتها بنوته متل القمر بسم الله ماشاء الله متل عرايس الباربي

والله مابكذب عليك وبعدها بسنه تقريبا اجاها كمان ولد

وعلى قصة زوجك احيانا النفسية الها دور يعنى يمكن يكون حد بدايقه بهالحديث وهيك يعنى حاولى انت تدعميه بالحكى وبالفعل

وان شاء الله مايمضي هالشهر الا والدورة مو جياك لمدة 9 شهور وماتحتاجى لا حقن ولا شي انت وكل هالصبايا يلى عايزين

[حيفا]

صباحكم امطار وخير وبركه :)

انبثاقه يا عمري الله يرحمو ويسكنه فسيح الجنان يارب
ويرزقك ويرزقني وكل متمنيه الحمل السليم التام المعافى طبيعي هيك بدون كل هالخربطه هاي هههه ، وطبعا باقرب وقت ههههه لاني متلك تقريبا زهقت من هالشغله :)

بيبووو صباح الورد عليكي وع بيان العسول :)


كل الصبايا نحبكم بالزاف :)

[فوفو89]

يسعـــــد صباحكـــــــــــــم يا حلوين

كيفكم اليوم


حيفا وانبثاقة
وكلي امرك لله ،، وجربي العلاج بالرقية الشرعية وقراءة سورة البقرة على ماء والغسيل به ،،او على زيت زيتون واتدهني فيه ،،،كثير ناس جربو وزبط معهم اكثر من العلاج
كمان اهم اشي النية الصافية والايمان انه الله رح يرزقكم والاستغفار بنية الحمل ودائما خلي نفسيتك مرتاااااااااحه لانه النفسية اذا كان سيئة العلاج حيكون ع الفاضي


حيفا
انتي من وين ؟
انا كنت اتعالج عند دكتور في نابلس اسمه هاني النابلسي كثيييييييير شاطر وبيجو عليه من الخليل وطولكرم وجنين ومن اسرائيل
والحمدلله حملت والان بتابع الحمل عنده .. عقبالك يارب


باقي الصبايا
يسعد صباحكم
شو ناويين تعملو غدا ؟ انا حاسة حالي تعبانة ،،غسلت الغسيل اليوم ورتبت البيت وليفت الحمامات وحاسة قاع ظهري هس بوجعني :(

[لولو الفلسطينية]

صباح الورد
حيغا و انبثاقة
يا حبيباتي و الله كل تأخيرة و فيها خيرة وكلو اموركم لله و ما تخلو هالموضوع يسيطر عليكم بعرف انها مش سهلة بس انتو مش طالع في بايديكم شي عشان هيك اتركو الباقي على رب العالمين و ربنا رح يعوض صبركم عن قريب بإذن الله
ربنا يرزقكم عاجلا غير اجلا كل وحدة بتوم ولد و بنت يكونو حلوين زي امهاتهم ياااا رب يا كريم
فوفو
يعطيكي العافية و سلامه ضهرك
حتى انا غسلت و رتبت البيت عالخفييف و ضهري رااااااح و كنت امشي زي العجوزة هههه لسا بدري
باقي الصبايا وينكم يا كسولات
يسعد صباح الجميع
مع انها الدنيا مسا بس يللا هههه

[إنبثاقة أمل]

مسا الخيرات

بيبو ياقلبي انت ربي يسعدك

اكيد والله كلامك صحيح

والحمدلله راضيه تمام الرضى ويارب يكتبني صابره

وانا بحاول كتير ما ابين لزوجي اني مضايقه وزعلانه

مو حابه يشعر انه هو السبب ابدا ابدا

قبل كنت ابكي لما تيجي الدوره هلا لو شو مابخليه يشوف دمعتي

لانها والله صعبه ع الرجال



حيفا يسعد مساك

يارب الله يركمنا وتصير هي الايام مجرد ذكريات ونضحك ع حالنا بعدين هههههه


فوفو

يعطيك العافيه

اكيد والنعم بالله موكله اموري اله

وهو كريم والي عنده قريب ان شاء الله


لولو الجميله الحبيبه

يسعد هالمسا ماما الصغيره ههههه

شو أخبارك ياقلبي والنونو الصغيره

يااااااااارب يقومك بالسلامه ويفرحنا فيك وب كارين الجميله

الله يسمع منك ياقلبي

والله يالولو خلص قررت اطلع من الي انا فيه بالقوه وما اسمح لحالي بالتفكير بقدر الامكان

امبارح قدمت للوكاله الي عنا

وراح اقدم للمدارس لازم اشتغل ع شان اطلع من هالجو

ربي يكتب لي الخير وللجميع يارب


ويفرحنا بكل الحبايب بقومتكم بالسلامه يااااارب

[حواء مثالية]

يسعدلي اوقاتكم يا رب وما يحرمني طلتكم

حيفااا وانبثاقة الله يعوض صبركم خير يارب


حلا ودود وينكم اليوووووووومم وام عبدالله كمان

[حواء مثالية]

واحد سيارته انسرقت..
ثاني يوم لقاها موجودة مكانها ومغسولة...
فتحها لقى فيها ظرف،
فتح الظرف لقى فيه رسالة مكتوب فيها :.....
أنا آسف جدا !
زوجتي كانت بتولد
وما كان عندي سيارة ،
فاستعرت سيارتك
واتمنى تقبل عزيمتي أنك تشوف فيلم في السينما كاعتذار مني وتعويض
و لقى تذاكر السينما للعائله كلها

مسح الرجل دمعة الفرح اللي بعينه ،
وقال: والله فعلا الدنيا بخير

اليوم اللي بعده راح مع أسرته السينما و دخل الفيلم ،
و لما رجع البيت
لقى البيت مسروق ،
ولقى ظرف ✉ مكتوب عليه :

( إن شاء الله يكون الفيلم عجبك )

[لولو الفلسطينية]

حبيبتي انبثافة
تسلمي و عقبال ما نشوف ولادك و بناتك يا الله يا كريم
وهو الاحسن انك تحاولي تشغلي حالك باشياء تانية لانه كترة التفكير ما بتحيب غير وجع الراس
انا الحمد لله انا و البنوتة بخير و بدنا اياكي تكوني مبسوطة و مرتاحة
وكلي امورك لربنا و ان شاء الله كلشي بصير للاحسن
بتعرفي انا دايما بحسك واعية و فهمانه و طيوبة و مؤمنه و ان شاء الله رح تقدري تتغلبي على هالوضع و ربنا رح يعوض صبرك بالي تتمنيه ان شاء الله
حبيبتي انبثاقة

[لولو الفلسطينية]

حواء يسعد مساكي يا عسل
كيفك و كيف عزوز و برلنت ؟؟

[فوفو89]

لولو
الله يسلمك يا عسل تسلمي
سلامة ظهرك انتي كمان


حواء
ههههههههه ضحكتيني ع النكتة جد حلوة
يعيش وياكل غيرها هههه


شو طبختو اليوم ؟

انا طبخت فاصوليا و رز

[احساس أنثى]

يسعد مساكم صبايا
حييييييييفا
اول شي تغير الدكلتره حيتعبلك وكل واحد حيحكي شي اذا ارتحتي عند هاد خليكي معاه واعملي رجيم وانسي الخلفه منو بتتسلي ومنو ان شالله حتجيكي لحالها
سجلي بنادي بتتسلي اكتر

انبثاقه
مادام العدد عند زوجك ممتاز لاتخلفي التشرهات بتكون نفسيه عشان يمكن وفاة ابوه
اهم شي النسبه

يابنااااااااات مافي شي بعيد عن ربنا وانا اقرب مثال الكن
والله جوزي كان نسبتو صفر ويروح ع دكاتره يكتبولو مقويات وفيتامينات مايرضى ياخدهم يقلي كل دكتور بتفلسف
وكنت اسمع كلام ياانبثاقه بموت يقولولي زي ابوه عشان حمايا تأخر 8 سنين وبالاخر جوزي اعتمد ع حبة البركه والعسل واكيد بنعرف شو فايدتهم
وانا ماكان عندي شي كنت اخد معاه معلقه اشجعو لحد ماانسبه ارتفعت شوي شوي وحملت وجوزي نسبتو 40 تخيلو تعتبر قليله
وهيني حامل والله ربنا حيعطيكم احد مانزهقوهم ان شالله

[لولو الفلسطينية]

فوفو صحتين عالفاصوليا
احنا عاملين ملوخية

[احساس أنثى]

صحتين لولو مبارح اكلنا ملوخيه وشارك فيها زوزو هههههههه

[دموع الليل]

يسعد مساكم

انبثاقه وحيفا

الله يرزقكم بالذريه الصالحه عن قريب

امــــــــــــــين يارب

باقى الصبايا منورين

صحه وعافيه على الاكلات اللذيذه

[احساس أنثى]

دموع ازيك !؟

[دموع الليل]

الحمدلله

كيفك احساس ؟ وكيف الحمل؟

[حواء مثالية]

منورات يا بنات

معدتي زي النار من الحزاز اخذت كلشي على الفاضي

[احساس أنثى]

هلا دموع الحمل ايام كويس وايام بتدايق من الوحام
كيفك دموع كيف ابنك ؟

حواء الله يعينك انا بحس زوري نار مابعرف ليش مع انو بدري ع الحموضه

[لولو الفلسطينية]

احساس هههه صحتين على قلبو زوزو
يعني ان شاء الله اكلو تحسن ؟؟
حواء
سلامتها معدتك جربي خيار بارد او حليب بارد ممكن ينفع و في في الصيدليه حبوب هيك زي الحلو بتنمص مش زي الدوا و امنه عالحوامل طبعا
الله يعينك و يتمملك على خير
دموع و الوجودين يسعد مساكم يااا رب
حلا و دودو و ام عبد الله ما طلو البوم .. ان شاء الله خير

[دموع الليل]

هلا لولو ،،كيفك ام كارين؟

حواء جربى اللبن كتير كويس

احساس كيف زوزو صار يشرب حليب؟؟

[احساس أنثى]

الحمد لله يالولو مبارح واليوم تحسن اكلو خليتو يجوع سار ياكل والحليب رضعه الصبح ورضعه بالليل بكفي
لاني لما بعطيه اياه ببطل ياكل

دمرع والله بعطيه اياه وهوا تايم مابيرضى طول ماهو صاحي لما ينام بشيل اللهايه وبعطيه الرضعه

[لولو الفلسطينية]

دموع
انا الحمد لله بخير لس مغلبنب ضيق النفس و بطني طالع فوق و زي الحجر صار
الله يعيننا
انتي شو اخبارك ؟
احساس
طيب الحمد لله انو صار ياكل كويس
اه و انتي كيفك ؟؟ صارك شهرين و الا لسا ؟

[حواء مثالية]

مممممممممممم بلشت حالة الاستفنار عندنا بنت حماتي اجت راح تنام ليلتين الله يعيني

[احساس أنثى]

ههههههه الله يعينك ياحواء الها صغار ولا ليش راكنه همها

لولو انا بالشهر التاني متى بيخلص مش عارفه ههههههه ناسيه اخر دوره بتاتا تقول زهايمر عن جد
بس حسبتها بولد بشهر 12 بعز البرد

[حواء مثالية]

اي عندها صغار يا احساس والمشكله بيتها مو بعيد عن بيتنا ثلث ساعة بالسيارة ما بعرف لي بتجي وبتنام هههههههه اولادها مش طبيعيين وهي ما بتسال ما بتصدق توصل وبتترك اولادها

[احساس أنثى]

هههههههه عادي حبيبتي انا قريبه من اهلي وببات
بس انا مابحب اسلوب انها تترك اولادها هيك
يالله بدك تستحملي هاليومين وبيعدو :)
بس مايكونو بغلبو برلنت

[دموع الليل]

حواء هههههههههه

الله يكون بعونك

[لولو الفلسطينية]

حواء
هههه بعين الله
احساس
هههه يللا على خير ان شاء الله
يمكن الحمل و الولادة بالشتى اهون من الصيف
الله يتمم لك على خير

[beboo]

مسااااااااااااااء الخير

كيفكم يااحلى الحلوين

منورين

[جارة القمر]

يسعد مساااااكمـ

انبثاقتي::

منورة ياااااااااااااااا أأأأأأأأأأأمر ونحن اشتئنالك كتير ...........


حيفاااا:

يلا بدنا انشوف كل اخر شهر كم كيلو رح تنزلي ,,,,,, ونحن هووون رح انشجعك ........


ربي يفرحنااااا فيكم انتو التنتين ونسمع احلى خبر وهو حملكم .........يارب


صحيح حيفا وين هاد المركز ؟؟؟


حواء:::

ي ي ي الله يعينك انت ما عليك روحي اتسلي وروحي بيتك ..........

احساس::

الله يخليلك زوزو صورو بتجننن على الفيس ..........

لولو::

بطني كان يضل شاد ......متل الحجر انت يا بنت يدوب رح تدخلي التاسع هلا بتحكي اني بفول عليك لا والله بتمنالك تخلصي شهر
بس اناااا هيك حاسه ..........

[لولو الفلسطينية]

بيبو يسعد هالمسا
كيفك ؟
جارة
هههه و الله و انا هيك حاسة اني مارح اخد التاسع كله و خصوصا انو الراس عندي ناااازل و خطوتين على بعض ما بقدر امشيهم زي العالم و الناس هههه بكون زي العجوزة و حاطة ايديه على بطني من تحت خايفو اشي يسحل ههههه
اصلا انا حابة اولد باول التاسع و ارتاح
زي اليوم الاسبوع الجاي بكون او يوم بالتاسع ان شاء الله
يعني ئررررررربت

[فوفو89]

يسعد مساكم


لولو
صحه ع الملوخية
نفسي فيها والله
عقبالي لما اوصل التاسع زيك .. الله يقومك بالسلامة يارب

[لولو الفلسطينية]

فوفو اهلا يا عسل
منوووورة
هههه تفضلي كلي ملوخية
لو بعرف كان عزمتك
بس حوالي تلات ساعت من هون لنابلس هههه
ان شاء الله بتخلي التاسع و بتقومي بالسلامة و بتنور حياتك احلى رزونه
الايام بتجري جراي

[جارة القمر]

لولو:

الله يئومك بالسلامة بس الافضل اضلك صامده ل37 اسبوع .....

[حواء مثالية]

والله يا بنات ما بتغلب من حدا بس هاي بنت حماي غير عن الكل يعني الها اخت تانية متزوجة ما بصدق وانا اشوفها على قد ما هي خفيفة وحبابة وعندها اولاد كمان بس بتضل هي تداريهم وماخده بالها منهم يعني عارفة كيف تربيهم هديك بحسها فوضوية

[حيفا]

حبياتي الله يعطيكم ع قد نيتكم حبيباااااتي انتو ربي ينولكم اللي ببالكم

فوفو انا من القدس ونابلس بعييييده علي يعني ساعه ونص ساعتين بالطريق

جارة هاد المركز في الماصيون رام الله حد المجلس التشريعي



كل باسمه ولقبه مساكم مسك وعنبر

وع سيرة المسك ، يسعد مساها مسك وين ما كانت :)

[حلا الماس]

مسا الخير على عيونكم حبيباتي

ربي يسعدكم وين ما كنتوا :)

كل الصبايا فردا فردا اشتقتلكم انا :)

[beboo]

صباح الخير كيفكم

جمعة مباركة علينا وعليكم

حبيت اجي امضي الحضور الصباحي يلا مين هوون جاى في بالى ادردش

[حواء مثالية]

صباااااااااااااحو

جمعتكم مباركة كيفكم

[جارة القمر]

صباااااح الخير

عمركم صحيتو من النوم مزاجكم معكر من دون سبب؟؟!!! انا اليوم هيك ........

[beboo]

يسعد صباحكم

حواء كيفك وكيف بنوتك وبنت حماتك بلشتو الاستنفار

جارة حبيبتى يمكن لخبطة هرمونات استعيذي من الشيطان

[حلا الماس]

صباااااااح الخير

جمعة مباركة عليكم

بيبو يا عسل يسعد صباحك يا نشيطة انتي
كيفك اليوم ؟؟ شو مخططة لنهارك ؟؟؟

حواااااء صباح ورد شامي حبيبتي
شو أخبارك ؟؟ سمعت انك مستنفرة ... الله يكون بعونك حاسة فيكي لأنو بتصير معي حالتك هاي كتييير

جارة يسعد صباحك يا قمر
اتعوذي من الشيطان الرجيم واستغفري ربك وروقي يا بنت الحلال ... بتصير عادي أزا كنتي مش نايمة منيح ممكن تقومي متنكدة

دودو وأم عبدالله امبارح ما طلوا أبدا امبارح ...... يا رب خير

المهم شو طابخيييييين اليوم ؟؟

[لولو الفلسطينية]

يسعد صباحكم
جمعتكم مباركة
جارة هدي حالك و روقي بتصير كتير
انتي حاولي تطلعي حالك من هالجو

بيبو و حواء و حلا يسعد صباحكم يا حلوات
دودو و ام عبد الله مختفيات
ان شاء الله خير
باقي البايا بدون زكر اسماء ربنا يسعد مساكم وين مت كنتو

[فوفو89]

يسعــــــــــد صباحكــــــم

كيفكم اليوم

انا كالعادة نعساااااااااااااااااانة

بدي اعمل صينية كفتة بالبندورة للغدا وانتوو ؟ ؟

[~{{ DoDo }}~]

يسعد مساكم صبايا
كيفكم
اشتقتلكم والله ، تعبانة هالكم يوم جسديا ونفسيا الحمدلله
بلش العد التنااااازلي وبطني شادد ومتحجر والخبط شغال هههههه
ان شاء الله كلكم تكونوا بخير ما قريت صفحات
بدي اسالكم خصوصا الماميز واللي عندهم خبرة
صدري الييمين من تحت الحلمة متحجر شوي وبيوجعني بس لما اضغط عليه
شو هاي الشغلة بتكون والله قلقت ، معقول عشان بيستعد انه الحليب ينزل
او حليب متحجر او شي مين عندها فكرة عن الموضوع لاني حاولت ابحث جوجل ما استفدت

[لولو الفلسطينية]

دودو اهليييين
سلامتك ام عمر و الله الحال من بعضه الله يعيننا
انا كمان صدري الجهتين كتيييييييير بوجعوني من تحت الحلمات خصوصا
بتوقع طبيعي بيستعد لنزول الحليب فيه
الله يهونها عليكي و علينا كلنا
بفكر اليوم المغرب اطلع ااتمشى يعني من اليوم بدي ابلش بس المشكله انو النغز من تحت معذبني الله وكيلكو
يعني لما بمشي هيك خمس دقايق و بلف حولين البيت بحس بنغز قوي من تحت كأنه شي بطلع و بعاود يرجع بس كتييير بتدايق
وينكم كسلانين اليوم ؟؟

[~{{ DoDo }}~]

لولو
الله بيعين يا قلبي هانت
انا بقول حتى لو بتتعبي فرصة اضغطي ع حالك وامشي
طالما الراس تحت كتير المشي ممتاز ، انا يا ريت الراس عندي تحت
كان من نص التامن بلشت امشي متل ما كنت ناوية
وحتى لو ولدتي اول التاسع كل الامور بتكون طبيعية اصلا والبيبي مكتمل ومستعد لا تقلقي
ربنا يهونها علي وعليكي وع كل الحوامل يارب

ابني بيرفس بقوة وبسرعة ازعر بيلعب جمباز جوا وانا عم بكتبلك

[لولو الفلسطينية]

ههههه بيطلعلو يلعب و يخبط
الله يجيبهم بالسلامة
و انا اليوم بناي متنشطة هههه بتخبط خبط و من كل الجهات في نفس الوقت هههه

هو لااازم امشي و الله بعينني
شو عامله ؟

[حواء مثالية]

يسعد مساكم

جارة هوني عليكي يا قلبي


اول شي دودو كثير اشتقتلك سالت عنك مرتين هلا ما تغيبي لانه قربت معك بننشغل عليكي دايما فوتي وطمنينا

بالنسبة للتحجير الي بالصدر طبيعي وليه را يزيد ويوجع اكثر وقت الولادة ولول عشر ايام بعد ما تخلفو ليصير البيبي يرضع كويس كل ما رضعتو اكثر بترتاحو اكثر وبخف وجعهم اسرع انا موتوني وكمان صار عندي تشققات

هلا لو تجربو تضغطو على صدركم شو بطلع من الحلمة افرازات الونها شفاف وهاد بكون انه الصدر جاهز للرضاعة

[~{{ DoDo }}~]

لولو
انا الحمدلله بخير
خلص مرتاحة شوي هلا اكتر من قبل
تقبلت الفكرة سواء ولدت عادي ولا بعملية
لانه ربنا اله حكمته وانا راااضية الحمدلله الكل قللي ما في فرق كله تعب ووجع
المهم عمورة ييجي بالسلامة وافرح فيه بحضني
هيني بكرا بتجهز خزانته بس نجيبها بدي اغسل التياب وارتبهم فيها
وبدي اكمل شوية نواقص هاليومين وخلص

حواء
حبيبتي ما تفقدي غالي يااارب والله بعرف
بس مع التعب مرات مالو نفس الواحد لشي
طمنتيني بالنسبة للصدر فكرت انه تحجيره ووجعه بالوقت هاد غريب
خصوصا انه صدر واحد
هلا انا ما نزل منه شي بس بلاقي من وقت للتاني اشي ناشف على بيج عند فتحة الحلمة
شكلها هاي هي افرازات الحليب بس قليلة وبتنشف
انا والله مهتمك من الخامس وانا بدهن صدري كل يوم عشان ما اتغلب
وان شاء الله ما اتغلب كتير يارب بدي اطول بالي قد ما فيني

مممممم شو كمان زهقانة والله صرلي فترة ما بطلع من البيت موضياني الدكتورة :(

[لولو الفلسطينية]

حواء
يسعد مسامي ام عزوز
منووورة
دودو
ربنا يجيبلك يلي فيه الخير
انا كمان نفس الشي بلاقي اشي ناشف بالحلمة زي ما بتحكي بالزبط و السائل ما في حتى لما اضغط عالحلمة ما في اشي بس مرة وحدة قبل فترة غصبن عنه طلع هههه
بتوقع بس مع الرضاعة بطلع لانه بكون قليييييييل
الله بعين
هههه انا البوم امي بتتصل عبيه بتحكيلي هااا لسا ما في وجع و لا شي بحكيلها لسا صااامدة و هي بتقلي يللا الي قبلك و الي بعدك ولدو
هههه لأنه غي عنا تنتين كانو تقريبا معايه و ولدو بالتامن و وحدة كانت قبلي باسبوع و ولدت امبارح يعني الدور عليبه
عنجد ئرررررربت

[~{{ DoDo }}~]

لولو
ههههه ما احلاها امك
قوليلها مهل خليني اعدي ال 37 اسبوع عالقليلة
عشان اكون بالسليم ملحقة هههههه
على خير يارب انا بس بدي ماما توصل عشان اطمن
يعني اولد بعد 28 الشهر انا موافقة

[حواء مثالية]

الله يقيمكم بالسلامة يا رب

بكرا رايحة عند اهلي

هلا لفت البيت كنت عند حماتي خلصت جلي معهم واجيت تركتها مع بناتها ياخدو راحتهم طبعا هيك اتحججت عشان اهرب من الفوضى الي هناك

[دموع الليل]

يسعد مساكم

دودو كيفك حبيبتى ؟؟

لا تخافى كتير من الولاده سوا عمليه او طبيعى

كله بايد ربنا بس ضلك ادعى والله يفرجها عليكى

باقى الصبايا منورين

[جارة القمر]

مساء الخير

اليوم حافل
اجت سلفتي الخاطبة وعزمونا بيت حماي على قدره بالفرن

والساعة 6 كان في حفلة عند سلفتي المتزوجة لانها تخرجت ..........

[احساس أنثى]

يسعد مساكم صبايا اشتقتلكم طول اليوم مافتت الصبح هجقة العدا تبوله وكبه
وقطعت الكهربا ورحنا ع فرح وهلا روحنا واجيتكم :)

لولو الفلسطينيه ربي يقومك بالسلانه حبيبتي
جاره تسلميلي هاد من زوءك حبيبتي زوزو بقولو شبه ابوه اكيد شفتي صوره ابوه ع الفيس :)
وان شالله دايما حافله عندكم المناسبات الحلوه

حلا وبيبو شلونكم اشتقتالكم

حواء روحت بنت حماتك ! وان شالله تنبسطي عند اهلك

دودو ربي يقومك بالسلامه يارب المهم يحي عموره بالسلامه
ومادام امك حتيجي عندك حتساعدك كتير لا تشغلي بالك
لفت انتباهي انك بتغسلي الملابس لما بتشتريهم حماتي بتتعب هاد النظام
خاصه مع ملابس زوزو علمتني اغسلهم قبل مايلبسهم :)

باقي الصبايا نهاركم سعيد كل باسمه :)
في حد هون ندردش ؟!

[نور العمر]

مسا الخير صبايا ... كيفكم جميعا ..

اشتقتلكم .. هلاْ بديت ارتاح بعد الولاده ... ربنا يتمم عليكم وتولدو بالسلامه يااارب ويكون طبيعي ...

انا جبت بنت وسميتها سيلا ... بس ابني مجنني مش عارفه كيف اتصرف معو ما خليت طريقه ما استخدمتها ان شاء الله يااارب يتعود عليها لانو مجنني ع الاخر ...

طمنونني عنكم شو اخباركم ...؟؟

[فوفو89]

يسعد مساكم


لولو
الله يقومك بالسلامة يارب


دودو
بالسلامة ان شاء الله
انتي شو بتدهني صدرك من الشهر الخامس؟


نور العمر
الحمدلله ع السلامة
كتير حلو الاسم ،، الله يخليلكم اياها يارب


باقي الصبايا كيفكم

[حواء مثالية]

مممممممممم منورات يا بنات

اجت ببالي عيوووون المها الله يسعد مساها ان شاء الله تكووووووون مبسوطة

بكرا بدها تروح بنت حماي الله يسهل عليهاااا يا رب

[beboo]

صباح الفل كيفكم

احساس اشتئتلك العافية ياعسل وانا اكتر مشتئالك كيفك وكيف زوزو والنونو الجديد شو ناوية تسميه اذا ولد او بنت

باقى الصبايا كيفكم يسعد صباحكم

شو مين هوون؟

[لولو الفلسطينية]

يسعد صباحكم جميعا
دودو
هههه ام امي مستعجلة بدها تصير تيته عالسريع الله يحخليلي اياها
ان شاء الله امك بتوصل بالسلامة و ربنا بسهل امورك و بتجيبيلنا احلى عمورة
انا زمان غسلت الملابس الي شريتهم و رتبت شنتة المستشفى كمان هههه و كلشي صار جاهز و ما ضل علييع غير اولد هههه
فوفو
حبيبتي ام رزونة الله يتمملك على خير و تقومي بالسلامة ان شاء الله
احساس
تسلمي حبيبتي
الله يتمملك على خير و تجيبيلنا احلى بيبي يااا رب
دموع و جارة منورات يا حلوات
شو اخباركم ؟
حواء
ههههه الله يساهل عليها
يسعد صباحك ام عزوز
ام عبد الله مختفية و حلا بتيجي عالسريع و بتهرب هههه
بعدين في كبير صبايا مختفيات زي ام جودي و ام عمر و هبة و عسولة و ميسا و كترب بنات زمااان ما بينو ان شاء الله يكون المانع خير
عيون المها
ان شاء الله تكون رحلتك سعيدة ام ادومة
اشتقناااالك
انبثاقة و حيفا صرتو تطلو مرة بالشهر شو القصة ؟؟ اشتقنالكم يا دبات
غموض كمان اشتقتلها هالضرسانة هههه
نور العمر
تتربى بعزكم احلى سيلا و ان شاء الله ابنك يتقبل الوضع شوية شوية بس انتي حاولي تحببيه فيها و تشاريلو اشياء على اساس اناه من اختو و هيك
الله يخليلك اياهم
كللل الصبايا الباقيات بدون ذكر اسماء يسعد صباحكم و يحقق امانيكم يا رب
في حد صاحي بدري و الا بس انا ؟

[لولو الفلسطينية]

بيبو
يسعد عينو النشيط هههه
شو الاخبار؟

[~{{ DoDo }}~]

صباح الخيييير

صرلي من ال 7 صاحية
وجع وخبط الحمدلله

بيبو
يسعد صباااحك
كيفك وكيف السيد بيان
ان شاء الله بطل يغلب كتير

لولو
صباح النور
كيفك اليوم
هههه هم كل الامهات مستعجلين بدهم الحفيد
الله يخليلنا اياهم يارب بس اهم شي انا يستنى السيد عمورة لتيجي امي
ما يعمل فيا حركات ههه الله يستر
المهم بطني كتير بيحكني هالكم يووووووم شكله تمدد كتير وخصوصا انه الراس فوق
بحسه بيشد وبيرخي الف مرة وبحك ما بقدر مع انه مش منيح :(

احساس وحلا وجارة وحواء ودموع ونور العمر وفوفو وكل اللي كانوا مبارح
منورين يسعد صباحكم وحيفا وانبثاقة وغموض شو اخباركم تعوا طمنونا
وام جودي شكلها انشغلت كمان هالفترة بالاجازة

اممم بتزكر فوفو سالتيني شو بدهن صدري
هو نفسه كريم التشققات اااي كتبتلي اياه الدكتورة للبطن
نفسه للصدر وللبطن اصلا والحمدلله كويس لحد هلا

[جارة القمر]

صباح الخير

[~{{ DoDo }}~]

اهلا جارة
يسعد صباااحك

[beboo]

لولو

يسعد صباحك ياعسولة شفتى احنا قمت النشااط تصبحى على خير خخخخخ بكرة بتجربي النشاط يلي غصب عنك هههههه

دودو

يسعدلى هالصباح حبيبتى لا والل لسا الاستاذ بيبو وززززززز زززززززززن هههههههههههه الله يهديه يارب وعقبال ماتبشرينا بالولادة يارب

جارة

حبيبتي يسعد هالصباح كيفك وشو اخبارك

[Snowwhite-90]

صباح الورد على عيونكم يا حلوووين ،، اشتقتلكم كتييير كتييير
بتمنى تكونوا جميعا بخير وباتم صحة وعافية ياااا رب
حبيباتي دودو ولولو وحيفا وبيبو وجارة منوراااات يا ئمرااااات
انا كنت متابعة بصمت من الموبايل ،، بس فوتت عشان اطمنكم عني :)

عنجد يا صبايا اشتقت لعيون المها كتييييييييير مع انه اخر فترة ما كانت تصدف ونفوت بنفس الوقت ونحكي بس تركت فراغ كبير هون حتى بغيابها ،، انا كتيييير مبسوووطة الها هلأ هي بين اهلها اكييييد ،، مو متصورة كيف فرحتها :) ،، دودو وغموض ولولو حمادة ربي يجمعكم باهلكم على خير وسلامة

دودو حبيبة قلبي كتيير اشتقتلك ،، شو اخبارك وكيفو عمورة الازعر الي مغلبها للماما ،، حبيبتي ان شاء الله بتوصل مامتك بالف سلامة وبتفرح باول حفيد وبتقضوا سوا احلى ايام ،،، بيسيروا احب الناس على قلبك حواليكي يا عمري ،، ست الحبايب واحلى شي بالدنيا عمورة وزوجك ،، الله يخليلك اياهم ويضلوا دايما منورين حياتك
والله يا قمر مو اجازة هلأ ههههههه ،، بس انشغلت بالدراسة للامتحانات لانه الامتحانات صارت عالابواب او يوم عندي ب2-6 دعوااااااتك يا قلبي

لولو يا لولو ،، اخيرا لقيتي اسم لبنوتك الحلوة ،، ان شاء الله بتحمل اسمها وتنور حياتك يا قمر ،، شو استعديتي للامتحانات هههههه
متى اول يوم عندك ؟؟

بيبو حبيبتي الله يهديه لبيان ويسعدو هالامور معلش فترة ولازم تتحمليها بس اول ما يطلعوا الاسنان خلص بيسير هادي وشطور
كام صار عمروو الله يحميه ؟؟

حيفا حبيبة قلبي كيفك يا قمر ؟؟ طلعتي وزهقانة هههههه ارجعي اطلعي تاني :) ،، حبيبتي ربي يسعدك دايما

جارة يسعد صباحك يا حلوة ،، كيفك انتي واماميرك ؟؟ اليوم اجازة عندك ؟؟

باقي الصبايا يسعد صباحكم

معلش يا صبايا هغيب مرة تانية وهرجعلكم ب14-6 ان شاء الله بكون خلصت امتحانات ودعواتكم يا امامير

[فوفو89]

يسعد صباحكم يا حلوين

كيفكم اليوم


لولو
الله يسلمك يا ام كارين
بدي اسألك ليش بتغسلي الاواعي الجداد ؟


دودو
يسلموو
والله يقومك بالسلامة يارب


انا محتارة شو اعمل غدا اليوم مممممممممم

[لولو الفلسطينية]

دودو
هههه سلامتك
انا الحمد لله ماشي الحال بس رجليه مش قادرة امشيرعليهم غريبة اول مرة بحس هيك
ام جودي
يا هلا و الله
شو كيفك تنت و حمودي و البيبي ؟؟
عندي اول امتحان ب 6 -6 يعني مش كتير مستعدة و تقريبا مش دارسة شي لحد الان
بس اذا لحقتهم بدرس عصبن عني و بقدمهم و ان شاء الاه خير
فوفو
يسعد صباحك
اواعي البيبي خصوصا احسن ينغسلو قبل ما يلبسهم حراااام لأنه جسمهم بكون كتير حساس و مش ناقصنا تصير عند البيبي حساسية عشان هيك احسن ينغسلو و يتشمسو و ينكوو و بضبهم نضاااف
ههههه بعرف انها غلبة بس بعيننا الله
بيبو
هههه يسعد صباحك يا عسل
مننووورة
جارة
يسعدلي هالصباح يا حلوة
كيفك و كيغ ااولاد ؟
باقي الصبايا يللا تعو بلا كسل

[beboo]

سنووايت

حبيبتي بيبو تمام ان شاء الله ربنا يصبره على وجعهم كمان 4 ايام بصير 8 شهور الله يخليلك حبايبك

لولو

حبيبتي منورة بوجودك

فوفو

اقولك شو اكلنا امبارح لانه كنا معزومين وانت اختارى اكلنا رز قدر وجاج بالفرن وكفتة بطحينة وورق عنب وطبيخ لبن وسلطات والذي منه واليوم انا عاملة همبوجر ههههههههه

[احساس أنثى]

يسعد مساكم بنات

بيبو والله انا مع الحمل تعبانه اللله يعينها يلي بتحمل وابنها صغير بتمنى يعدو اشهر الوحام
وزياد تعبان مبارح بالليل لقيت حرارتو 39 اخدتو الصبح ع العياده طلع عندو احاقان باللوز
مطعميه عمو اسكمو / وانا الف واجري من هان لهان ودخت وتعبت بالشارع لولا حماتي معي حملت زياد عني
وهيني نايمه ومرميه بعين الله الحمد لله ع كل شي

اذا واد حنسميه سيف
واذا بنت ديانا

هادي الاسماء اختيار جوزي :) بقلي بعد هيك سمي ع كيفك
جوزي بحب الاسماء العربيه الاصيله بقلي شو فادي ورامي مش عاجبو هههههههه


باقي البنات يسعد نهاركم

[فوفو89]

بيبو
ههههههههه
صحه وهنا يارب ع الهمبورجر .. نفسي فيه والله
عملت عكوب ع لبن

[احساس أنثى]

فوفو انتي شو طابخه ؟

[احساس أنثى]

البنات كسلانييييييين !

[ام عبدالله لولو]

مساء الخير ياصبايا
شكرا لكل الي سالو يا حلوات انا الحمد لله بخير والبيبي بخير روحت ع دكتور تاني والحمد لله نفس الحساب 26 اسبوع وزنو كويس وكل شي تمام
يلا تعالو اشتقتلكم كلكم ما بدي ادكر اسامي علشان ما انسى حد

[لولو الفلسطينية]

احساس
سلامتك يا عسل و سلامته زوزو
ربنا يتمملك على خير
ام عبد الله
يا هلا والله
يسعد هالمسا

[ام عبدالله لولو]

هلا لولو ومساكي يارب شو اخبارك يلا هانت ان شاء الله بتقومي بالسلامة انتي وكارلين

[احساس أنثى]

ام عبد الله شلونك
حبيبتي لولو الله يخليكي كيفك انتي والمعنويه

[ام عبدالله لولو]

الله يسلمك احساس شو اخبارك واخبار الازعر ابنك كيف الحمل ازا على الوحام ما تسالي حبيبتي ههههه انا لليوم التعب يوم صاحية وعشلرا نايمة

[احساس أنثى]

والله ياام عبد الله ازعري تعبان
واذا الوحام ع قد النوم بسيطه
نوم وصداع ودوخه ولوعة نفس وكل من شافني يقلي دبلانه متغيره مسليه

[ام عبدالله لولو]

سلامتو ما على قلبو شر هههههه يقطع شرك يا احساس ههههه شو مسلية يعني الف سلامة عليكي والله لبداية الرابع وانا هيك لا اكلي اكل ولا شرب ولااعرف اطبخ ههههه ودبل وكسل

[احساس أنثى]

ههههههههه مسليه يعني زي ضعفانه
الله يسلمك حبيبتي والله انا بتحمل بس زوزو ياوردي عليا سخونتو كل شوي بترتفع مش تنخفض

انا بكره حروح اسجل للحمل خلص بكفي لازم اخد الفوليك اسد مابدي اهمل

[لولو الفلسطينية]

ام عبد الله
انا الحمد لله داحلة ههههه بس رجلييه مكسرين و مش قادرة امشي عليهم يمكن لأني اليوم لعبت رياضة بس عالخفيف
انتي شو اخبارك ؟
احساس
حبيبتي المعنوية صفر ههههه خاااايفة و مش متخيلة انو كل هاي الاشياء بدها تطلع من تحت هههه بس برجع بقول لا انا اول وحدة و لا اخر وحدة و ربنا بسهلها ان شاء الله
هههه حتى صارلي كم يوم بضل اتخيل حالي بولد في المستشفى و بعيش الدور عنجد ههههه
الله يسهلها علينا كلنا
الله يعينك عالوحام و يتمم لك على خير
حاسة وحامك نفس لما كنتي حامل بزوزو و الا بيختلف ؟؟
انا وحامي كان خفييييييف
في حد هون ؟؟
يسعد مساكم جميعا

[احساس أنثى]

لا تخافي لولو بس ضلي ادعي وقبل ماتطلعي وانتي بتطلقي ادعي
كنت متلك خايفه وكنت اقول لجوزي سبحان الله كيف بدو ينزل الراس
بس والله ماحسيت حتى امي بتقلي توقعتك تتغلبي عشان بكريه
التساهيل من رب العالمين احجزي بمستشفى شاطر واتوكلي ع الله

والله حاسه الوحام هاد اتعب كتير بتعب يمكن من قلة الاكل
يعني كنت بزوزو اشرب لبن حليب باول اشهر هاد الحمل مسدوده نفسي :)

[جارة القمر]

يسعد مساااااااكمـ

ام جودي::

موفئه بالامتحانات.........

باقي الصبايا انا والاولاد بخير الحمد لله كنت ببيت اهلي ........

اشتئتلكم

[لولو الفلسطينية]

احساس
بتهووون هههه
الله يعينك عالوحام و تعدي هالتلات شهور و ترتاحي منه لانه بعد الرابع بخف
الله يقومك بالسلامة
جارة
يسعد هالمسا

[حلا الماس]

صباح الخير يا حلوات

يسعد صباحكم جميعا يا رب

كل الصبايا الي كانوا امبارح منورات ...
ما قدرت ادخل مبارح كنت طالعة رحلة مع أهلي وانبسطنا كتير بس رجعت مهدود حيلي ومكسرة ورجلي بتوجعني كتييير ومتورمة على اد ما مشيت ورا ولادي

وانتوا شو أخباركم ؟؟ طمنوني عنكم ؟؟

مين النشيطة الي صاحية من بدري متلي ؟؟

[~{{ DoDo }}~]

صباح الخير ام خليل
يعطيكي العافية وصحتين عالمشوار ربي يهنيكم دايما مع الاهل

طمنيني عنك شو الاخبار

[~{{ DoDo }}~]

يا بنات انا متدااااايقة وخاااايفة

ماما المفروض تيجي الاسبوع الجاي
والمعبر مغلق صرله يومين عشان الي صار بمصر
حسبي الله ونعم الوكييييييل

ليش هيك بيصير معي كل الامور بتتخربط مرة وحدة

[ام عبدالله لولو]

صباح الخير يا صبايا
دودو انوكلي على الله ان شاء الله بتيجي بالسلامة يارب خلي املك بالله وما تخافي
خلي نفسيتك كويسة
حلا يسعد صباحك شو اخبارك
لولو وينك هههههه انتي واحساس وفوفو وبيبو وينكم ياصبايا
مالكم ياصبايا كسلانين ليه هيك صايرة الدردشة ههههه الكل زي نفسيتو نعبانة من الحمل والشوب

[حواء مثالية]

صباااااااح الخير يا حلوات كيفكم


انا بخير وبرلنت بتصبح عليكم وعزوز اله يومين هديان شكله معترض على شي هههههههه

اليوم كتب كتاب سلفي

[اية من الجمال]

صباح الخير يا صبايا
شو اخباركم حبايبي

[احساس أنثى]

نهاركم سعيد ومساكم اسعد كيفكم
انا من الصبح وانا بلفلف بالسويدي للتسجيل للحمل
شي تحليل دم وشي فحص اسنان واستنا الدور
مابحب الحمل منهم مع انو المتابعه عندهم كويسه مضطرين

دودو لاتخافي باذن الله حتكون عندك قبل ماتولدي ان شالله

حواء مبروك لسلفك عاملين حفله ولا بس هيك ع الماشي

ام عبد الله البنات شكلهم التهو بالفيس بس انا هون ع طورووووول
مابستغني عن الدردشه

بنات الضفه انتو عندكم عياده وكاله تتابعو عندها ؟؟ ولا بس دكتور خاص ؟!

[حواء مثالية]

اهلين احساس

اي عاملين حفلة ان شاء الله

بالنسبة للوكالة في عندنا بس اللاجئين الي بستفيدو منها

[دموع الليل]

يسعد مســـاكــم

كيفكم اليوم؟

مبروك حواء لــ سلفك

[احساس أنثى]

يالله تتهني حواء
كيفك دموع وكيف ابنك ؟!

[دموع الليل]

هلا احساس

انا الحمدلله بخير

كيفك انتى ؟ باى شهر صرتى؟

[جارة القمر]

مسآآآآء الخير

حواء:

مبروك لسلفك

احساس:

يعطيك العافية

دودو:

ان شالله قريبا يفتح ومامتك توصلك بالسلامة

حلا+فوفو+لولو+دموع .........كيفكم؟

[نور العمر]

مرحبا صبايا ... كيفكم شو اخباركم ...؟؟

حواء انتي ولدتي برلنت بعمليه ..؟ وكيف بعد العمليه بشهر برجع الوضع طبيعي ؟؟
...حملك التاني كان بعد العمليه بكام شهر ..؟؟ اسئلتي كتيره بس حابه اطمن بدي اغلبك معي ...

دودو ان شاء الله يااارب امك تجي ع موعدها ويفتح المعبر ... يا حوامل اشبعو نوم ها الفتره لانو بعد هيك رح تنسو النوم خخخخhwaml15

[دموع الليل]

هلا نور العمر

مبروك البنوته تتربى بعزكم

كيف العمليه؟\

الله يعينا عليها


جاره يسعد ميساكى

[احساس أنثى]

كيفكم بنات !

دموع انا حكتلي اني باول التالت

انتي ليه بتقولي الله يعينا ع العمليه حتولدي بعمليه انتي؟

[غُمُوض أُنثَى]

يسعد صبآحكم يا بناااااااااات اشتقتلكم كتير طبعااااا

دودو ،، ماتخافي ان شاء الله الوالدة بتيجي قبل ولادتك يارب ،، الله يقطعهم مهما مش عارفة ليش كل شي بصير بيحشروآ المعبر بالنص ،، ان شاء الله تجيكي بالسلامة


مممممممممم والله يا بنات عندي اكتئآب ههههههه
اليوم لأول مرة من اول الحمل ينزل عليآ نقاط دم بني " الله يستر " وانا تجربتي مع الدم البني مؤلمة جدا في حملي الاولاني يالطيف

المهم انا اليوم ارتعبت رعبة جامدة وساعتها نزلت عليا النقاط
ومن ساعتها طبعا ما قمت من السرير وزوجي هلأ غاصبي اقعد طول الاسبوع الجاي في السرير بدون حركة
هوآ حكآلي طبيعي ازا كان نقاط صغيرة وما تكرر ،، وانا اصلا باخد مثبت من اول الحمل

بس انا خاااااااااااااااااااااااااااااااااايفة يا الله اصلا قعدت اعيط لما شفت هالاشي ههههههه
والله ميتة خوف يا بنات عنجد الله يستر مش رح اتحمل انه يصير فيا زي الحمل الاول :(

ادعولي ربي يتمم لي ع خير ويوصل البيبي بالسلامة
انا هلا خلصت اول اسبوع من الشهر التاني
مين صار معها هيك في حملها :(

[ام عبدالله لولو]

صباح الخير يا صبايا
غموض ما تخافي حبيبتي هاد شي عادي ما بخوف انا اول ثلاتة شهور كان باستمرار البني ينزل وكنت اخد دفستون كل يوم حبة وباخر الثالت نزل دم بس مو كثير واخدت ابرة مصبت ما تخافي عادي اااااااهم شي الراحة الجسمية والنفسية وماتخافي وكمان الجماع مافي لانو الاحتمال الاكبر هو السبب او مرهق حالك بشغل البيت المهم ارتاحي وازا رجغ تزل راجعي الدكتورة صدقي بالله انا من كم يوم وهيتي كمان يومين بدخل السابع بفضل الله ورعايته نزل افراز بني مع شوية دم خفيفة ع طول اخدني جوزي ع الدكتور حكالي عادي ممكن التهابات وهيو مثل الازعر بينطنط هههههه هو الي بصحيني الصبح اسم الله عليه
حلا ودودو ولولو وفوفو وبيبو واحساس ودموع ونور وباقي الصبايا يسعد صباحكم يلا ارجعو زي اول ليه كسلانات

[beboo]

ايووووووووووون ايوووووووون انااا هووون صباااحووو

كيفكم

ام عبدالله شو اخبارك هيني جيت للدوام الصباحي

غموض حبيبتي باذن الله مافى ضرر على البيبي يمكن بس مع الخوف الله يحميلك اياه ويجيبه بالسلامة وتقوووووولى اااااااااااه ياااراسي مابسكت من كتر البرم ههههههههههههه

[نور العمر]

صباح الخيررر ... كيفكم ... ان شاء الله يكون نهار سعيد عليكم ...

غموض ربنا يثبتلك حملك ويتمملك على خير .. حاولي ما تعبي حالك وخصوصي راحه النفسيه وخدي مثبتات والله يتمملك على خير

ام عبد الله صباح الخير كيفك والله انا من ساعه 1 باليل لهلاْ ما نمت بنتي نامت ع 7 صبح طول الليل صاحيه وهلاْ ابني صحي بعد مانمت واحد بنام وتاني بصحى بعين الله ...

دموع الليل والله العمليه متعبه انا جربت طبيعي بحملي الاول اسهل بكتير من العمليه ... انتي بتولدي بعمليه ..؟؟

[نور العمر]

بيبو كيفك .. صباح الخير شو اخبارك ...

شو طابخين اليوم ..؟؟

[ام عبدالله لولو]

هلا بيبو يسعد صباحك ياعسل شو اخبارك والحلو شو اخبارو شاطر زي امو وبصحى بكير
نور هلا حبيبتي بعين الله المهم يجو بالسلامة التعب بروح
انا اليوم بدي اطبخ لبن

[لولو الفلسطينية]

يسعد صباحكم
يا الله لز تشوفوني هههه عشان لعبت رياضة كتير اول امبارح ههه امبارح كنت انط الدرج نط و مش قادرة اثني رجلييه كتييييييييير بوجعوني و مش متحمله حتى المسهم
دودو
ما تقلقي و تفكري كتير ان شاء الله امط بتجي لعندك بالوقت المناسب و بتنبسطو سواء و بتقومي انتي و احلى عمورة بالسلامة يااا رب
غموض
ما تخافي ان شاء الله خير يا رب
انا بحملي هاد نزل عليه نقطو صغيييييرة بنية تقريبا على بداية الشهر التاني و كتيييير خفت لأنو انا كمان عندي تجارب مع البني هاد الله يقطعو المهم كان الوضع عادي و الحمد لله و نا اصلا كنت باخد ابر تثبيت لحد الاسبوع 11 تقريبا و شوفي هيني بعد بكرة بدخل التاسع عقبال عندك ياااا رب
بس انتي خليكي مرتاحة عالااااخر و طبعا الجماع ممنوع على الاقل اول تلات شهور و ان شاء الله ربنا يتمملك على خير و تشوفي البيبي سليم معافى في حضنك يااا رب
كل الي كانو امبارح يسعد صباحكم ... بس ليش صايرة الدردشة بااااردة هيك ؟؟ يا كسولات
نور العمر و بيبو يسعد صباحكم يا حلوات
يسعد صباح الجميييييييع بدون ذكر اسماء

[حلا الماس]

صبااااح الخير على عيونكم الحلوة

يا بنات تعبانة كتييير ورجلي بيوجعوني امبارح من صلاة العشا رحت أنام على اد ما انا تعبانة والتقل كمان دابحني ومش قادرة أتحرك ... والشوب كمل الطابق :(

كل البنات بدون ذكر أسماء يسعد صباحكم يا رب