دردشة بنات فلسطين , دردشة حوامل فلسطين , تجمع بنات فلسطين [الأرشيف] - الصفحة 5

حيفا

04-07-2013, 10:08 AM

ههههههه مش ملحقه عليكم يا صبايا

المهم ام عبد الله صباحك فل وياسمين وسلاااامتك من الوجع يا حلوة :)

حلووووشتي انا بخير نحمد الله ، وحاسه بنشاط لدرجه اني خلصت كل شغلي عال 9 صباحا ههههههههه

اهلا بالصبية الجديدة نور العمر منورة يا حلوة
صحه وهنا ع كل طبخاتكم :)

انا عالاغلب ما رح اطبخ مشواري طويل يعني بروح عالبيت المغرب ، يمكن نتطفل ع بيت حماي نتعشى عندهم ههههههه

حلا الماس

04-07-2013, 10:09 AM

اها مزبوط يا نور .. فتة اللبن كتير زاكية بالشوب بتعطي برودة للجسم

الله يعطيكي العافية يا ام عبد الله .. زاكي الورق لحالو عادي انا مرات بعمل مع كوسا ولا مرات بدون

بصراحة الي مع كوسا بيحسو بياخد وقت اكتر ..

طمنيني كيف عبودي ؟؟

ام عبدالله لولو

04-07-2013, 10:11 AM

الله يسعدك الحلوات الي زيك يا حيفا هيك بدي اياكي ضلي مفرفشي ههههههه بكرا بس تحملي لا بضل طلعات ولا نزلات الله يطغمك هالشهر يا قادر يا كريم قولووووووو اااااااااااااامين

حيفا

04-07-2013, 10:11 AM

شو هي فتة اللبن يا ام خليل

لحظات سعاده

04-07-2013, 10:12 AM

حبيبي اهل فلسطين اشهد الله انى احبكم فى الله
ربنا يحفظ فلسطين ويحررها من يد الكافره الظالمين تحياتى بيكم مصريه

حيفا

04-07-2013, 10:12 AM

حبيبتي ام عبودي الله يسعدك ويعطيكي كل اللي بتتمنيه ايوة كثفولي دعواتكم لاني زهقت وبديت انطفي وبصراحه ما عملت شي هالشهر ولا ناوية اعمل الا االاتكال على ربنا :)

حيفا

04-07-2013, 10:13 AM

اهلا وسهلا بالشربات المصرية ، شكرا عزيزتي :)

ام عبدالله لولو

04-07-2013, 10:15 AM

الله يعافي قلبك يا ام خليل وتشوفي يوسف عريس يارب الحمد لله بخير بالنهار نايم وباليل صاحي هههههه يوم روحت ع الدكمور صارت نضحك وهي مش عارفة تفحصو وهو يتحرك يومه موتت من الضحك انا وزوجي والدكتورة اسم الله عليه حرك

لحظات سعاده

04-07-2013, 10:18 AM

ربنا يخليكى يا حيفا رزقنى الله واياكى الحمل السليم المعافاه يارب العالمين

~{{ DoDo }}~

04-07-2013, 10:18 AM

صبااااح الخير

حلا الماس

04-07-2013, 10:18 AM

اكلة قديمة بيعملوها دار حماي ..

هههههههههههههههههههههههههههههههه

لا لا بمزح بتعرفي اللبن الجميد الي بنعمل منو لبن المنسف ..

اول اشي بفت الخبز ولازم يكون بايت عشان يشرب اللبن .. بتضيفي عليه اللبن الجميد وهو مطحون عالخلاط .. بتتركيه شوي عشان الخبز يشرب اللبن .. افرمي خيار وليمون واهرسي سن تومة صغير معاها .. ضيفيهم عالخبز وشوية زيت زيتون .. بلا مش لازم تكون الفتة جامدة ولا طرية .. يعني لو الخبز شرب اللبن كلو ضيفي كمان شوية لبن.. وصحتييين

كلي معها زيتون .. ومكابيس .. بندورة .. وفليفلة .. بصل اهم اشي .. وفلفل

اه نسيت اقلك انا بعملها المعجنة الفخار وبناكل من المعجنة .. انسي الطعم بيكون رهيب

حلا الماس

04-07-2013, 10:22 AM

هههههههههههههههههههههههه .. صحكتيني يا ام عبد الله

الله يقر عينك بشوفتك بين احضانك يا رب

حبيبتي حيفا الله يرزقك الحمل السليم المعافى باقرب فرصة يا رب

لحظات سعادة ... الله يسعدك ويرزقك الحمل عن قريب حبيبتي ..

دودو ... واخيرا نورتي يا بنت .. كيفك ؟؟ وين هالغيبة كلها ؟؟ طمنيني عنك

حيفا

04-07-2013, 10:22 AM

تسلمي لحظات سعاده شكرا حبيبتي :)

يا صباح الكنافه يا دودو منورة ام عموورة :)

حلا اول مرة بسمع فيها والله صحه وهنااااا عقلبك وقلب كتاكيتك :)

سمعتو اغنيه هكِّر هكِّر تل أبيب هههههههههه

ام عبدالله لولو

04-07-2013, 10:23 AM

اهلا بلاخت المصرية الله يسعدك يارب ويروقك بالي تتمنيه
يا صباح الخير يا دودو حاسك من صباحك تغبانة بس يارب يكون تحساسي غلط المهم طمنينا عنك
شكلها زاكيه بس شو جميد يا حلا

~{{ DoDo }}~

04-07-2013, 10:23 AM

كيفكم صبايا اشتقتلكم والله جميعا

يسعد صباحكم حلا وام عبد الله وحيفا ولولو ونور العمر والصبية المصرية العسل ؛)

اليوم عنا الجو مطر وبرق ورعد والدنيا مقلوبة
عكس مبارح كان غبرة وحر وقصة
حتى الشمس مش طالعة

انا الحمدلله بخير
تعب وتقل وقلة نوم وبطني تقلت وكبرت
يعني حاسة حالي بديقرخلقي بثواني وبفكر انهرمش باقي اشي وحياتي كلها تتغير
ان شاء الله للاحسن يارب
وهيني يوم هيك ويوم هيك وانشغلت مع زوجي شوي بالويك اند زبطنا شوية شغلات بالبيت
وجبنا شوية نواقص الي ولعمورة ولسا حاسة حالي باقيلي كتير
بنفكر انه نخلص اغراضنا من هلا عشان التامن والتاسع خايفة اكون اتقل من هيك واتعب بسرعة
وما اقدر اعمل اي شي ، الله يجيب اللي فيه الخير وهاي اخباري ومشتقالكم كوميات كوميات
واطمنت علي الجميع وقرات اخباركم حبيباتي

حلا الماس

04-07-2013, 10:27 AM

ام عبد الله .. اللبن الجميد هو لبن الطبيخ الي بنمعل منو المنسف .. ولو

حيفا .. تسلمي وعلى قلبك يا رب اتفضوا عندي عالغدا يا بنات ؟؟

دودو .. حبيبتي الله يكون بعونك .. ويتمملك على خير

يلا هانت حبيبتي .. ان شاء الله بتقومي بالسلامة وبتفرحي بضمة عمر بحضنك يا رب

ام عبدالله لولو

04-07-2013, 10:28 AM

الله يعطيكي الغافية الافضل خلصيهم من هلا الله يقومك بالسلامة يا ام عمر

~{{ DoDo }}~

04-07-2013, 10:32 AM

تسلمولي حلا وام عبد الله

حلا صحتييييين عالاكلة الطيبة وام عبد الله كمان صحتين

عم بفطر جبنه وخيار تفضلوا

حلا الماس

04-07-2013, 10:34 AM

بنات .. انا بدي اطلع

خليل صحي بدي اقوم افطرو .. وانزل على حماتي شوية

وبرجعلك ان شاء الله .. بس ما تعاودوا تختفوا .. بستناكم بالدوام المسائي

~{{ DoDo }}~

04-07-2013, 10:35 AM

الله يسهل عليكي حلا والف صحة لخلول

ام عبدالله لولو

04-07-2013, 10:37 AM

صحة وهنا يادودو شو اخبارك شو ناويبة تطبخي اليوم
حلا الله معك حبيبتي

لحظات سعاده

04-07-2013, 10:40 AM

ربنا يخليكم يارب وتحياتى ليكم جميها ام عبد الله ودودو وحيفا وحلا
انتوا عايشين بفلسطين

حيفا

04-07-2013, 10:44 AM

دودو سلامة قلبك حبيبتي وان شاء الله انها هانت يلا شهرين زمن وبنور احلى عمورة

حلوووشة الله معك يا حلوة

لحظات في عايشين بفلسطين من غزة والقدس والخليل ونابلس وفي اللي المتغربين بالامارات والاردن وامريكا

يلاااا صبايا استودعكم الله الذي لا تضيع ودائعه

~{{ DoDo }}~

04-07-2013, 10:44 AM

ام عبد الله
على قلبك يااارب حبيبتي
والله بفكر اعمل طبخة بازيلا وجزر كتير جاي عبالي

لحظات سعادة
اغلب الصبايا هون عايشين بفلسطين بغزة او الضفة
وفي متلي مغتربين انا عايشة في دبي :)

~{{ DoDo }}~

04-07-2013, 10:45 AM

حيفا تسلميلي يا قلبي
ربنا يكرمك هالشهر يااااااارب
والله يسمع منك ومنا كلنا

الله يسهل عليكي :)

احساس أنثى

04-07-2013, 11:01 AM

مسا الخييييييييييييير

هلا بالصبايا الحلوين اليوم طالين كلهم

لحظات سعاده هلا بيكي بينا

~{{ DoDo }}~

04-07-2013, 11:03 AM

احساس
يسعد صبااااااحك
كيفك وكيف ابو الزوز طمنيني
ان شاء الله كل اموركم بخير

احساس أنثى

04-07-2013, 11:11 AM

نشكر الله يادودو انتي كيفك الك يومين مابينتي؟

فوفو89

04-07-2013, 11:36 AM

صباحو صبايا

كيفكم اليوم

~{{ DoDo }}~

04-07-2013, 11:43 AM

الحمدلله احساس انا بخير
تعب وتقل والله وشوي هيكمش مرتاحة
بس الحمدلله انا بخير واشتقتلكم

فوفو
يسعد صباحك يا هلا
كيفك

نور العمر

04-07-2013, 12:34 PM

بااااااااك

خلصت طبخ وطفيت عنو وهي رجعتلكم ...

الجو كان حر الصبح حاستو رجع تاني تلج فيه هوا بارد يمكن لانو ع البحر ساكنين ...

ام عبدالله لولو

04-07-2013, 12:40 PM

مسا الخير ياصبايا
دودو وفوفو ونور واحساس منورات شو اخباركم
لولو وينك مش مبينة بالداوم الصباحي

احساس أنثى

04-07-2013, 12:42 PM

دودو سلامتك ياحلوه

نور العمر شو بدك احلى من هيك جوزي بتمنى يشتري شقه ع البحر
شكلك عند السودانيه ساكنه ؟

احساس أنثى

04-07-2013, 12:59 PM

اختفيتو ؟ خلص

نور العمر

04-07-2013, 01:01 PM

هو البحر حلووو بس بالصيف اما بالشتا وشهر 4 و3 مش كتير حلووو بكون كتير هوا بشهر 3و4 مع العصر للمغرب

بس بالصيف حلو لا انا من سكان النصيرات تقريبا قريب من الزهراء بس ع البحر يعني من الشباك بتشوفي موج البحر

خصوصي انو ساكنه بالطابق التالت ...

نور العمر

04-07-2013, 01:03 PM

هههههههههههههههه انا ما اختفيت بس راح اختفي بعد ساعه لانو تقطع الكهربا

صار روتين قطع الكهربا شي من الحياه اليوميه اخخخخخخخ ...

احساس أنثى

04-07-2013, 01:10 PM

نظامكم متلنا يانور بالكهربا وانا بعد ساعه حختفي الله يعينا على قطع الكهربا بالصيف

حيصتيني على البحر تخيلت اني ببيتك وعم طل على البحر هههههههههههههههههه

نور العمر

04-07-2013, 01:16 PM

ههههههههههههه اهلا وسهلا ع حسابك البيت وصحابو ...

اه الكهربا بدا العد التنازلي كل شوي بطلع ع ساعة اللاب توب يا حرام جوزي بيجي من هان تقطع من هان ما بلحق يتهنى فيها

امبارح فات البيت اجت الكهربا اليوم بفوت تقطع خخخخخ

احساس أنثى

04-07-2013, 01:21 PM

ههههههههههههه تسلميلي حبيبتي

ماعندكم ماتور؟

نور العمر

04-07-2013, 01:25 PM

عندنا بس بنشغلو مع المغرب ... انتو عندكم ؟

احساس أنثى

04-07-2013, 01:27 PM

اه وبنشفلو زيكم ع المغرب

أنا هلأ بدي اقف قبل ماتقطع ع الجهاااااااز

سي يوووووووووووو

نور العمر

04-07-2013, 01:32 PM

الله معك ... وانا كمان بدي روح بشوفكم باليل ان شاء الله

سلااااااام ...

~{{ DoDo }}~

04-07-2013, 01:37 PM

هههههه انا خلصت الطبخة وجيت من هون وانتوا رحتوا من هون

منورات صبايا ؛)

حلا الماس

04-07-2013, 01:40 PM

هلا دودو .. يعطيكي العافية

هيني انا جيت بسليكي .. احنا تغدينا وعم بستنا بناتي يجوا من الروضة

نور .. احساس .. الله يسهل عليكم وعقبال سلامتها الكهربا ... ربي يفرجها علينا وعليكم يا رب

حلا الماس

04-07-2013, 01:41 PM

شو طبختي اليوم يا دودو ؟؟

حلا الماس

04-07-2013, 02:05 PM

شكلو ما في حدا ...

سلالالالالالالالالالالالالالالالالالالالام

~{{ DoDo }}~

04-07-2013, 02:30 PM

اهلا حلا
سوري يا قلبي بس انشغلت شوي
اليوم يا ستي طبخت بازيلا مع جزر ، وعملت حدها رز وهكزا بحبها

وردة سورية

04-07-2013, 03:29 PM

السلام عليكم ورحمه الله وبركاته
لنشارك معن بحمله ختمه سورة البقرة
على نيه الفرج لسوريا

ما هتاخد من وقتك أكتر من دقيقتين

http://forum.hwaml.com/t248383-4.html (http://forum.hwaml.com/t248383-4.html)

بانتضار مشاركتك لقراءة الصفحه الثانيه من سورة البقرة

فوفو89

04-07-2013, 04:01 PM

مرحبااااااااااااا

انا عملت كوسا ع لبن للغدا

مممممممم بموت ع ه الاكلة
اتفضلوووووووو

حلا الماس

04-07-2013, 04:33 PM

معلش يا دودو .. براحتك . صحتين عالاكلة كتير لزيزة

فوفو .. يسعد هالمسا كيفك ؟؟ وكيفو البيبي

صحتين الكوسا على لبن كتييييييييييير زاكي ... وانا بعمل لب الكوسا كمان انتي بتعمليه ؟؟

مين هون .. يلا صبايا التموا

لولو الفلسطينية

04-07-2013, 04:38 PM

بخخخخخخ
مسا الخير
حلا انا هون
شو الاخبار

لولو الفلسطينية

04-07-2013, 04:40 PM

فوفو صحتين عالكوسا
دود و حلا صحتين الكم كمان
انا عملت اليوم مقلوبة باتنجان
زمااااان ما عملتها

حلا الماس

04-07-2013, 04:40 PM

هلا فيكي يا لولو .. نورتي

يا رب تكوني درستي منيح .. اخباري انا تمام

انتي كيفك ؟؟

حلا الماس

04-07-2013, 04:43 PM

صحتين يا لولو .. اكلة كتيييير زاكية

وخصوصي لانو انا بحبها .. بتحطي فيها شرحات بندورة ولا لأ ؟؟

لولو الفلسطينية

04-07-2013, 04:45 PM

هههه مش كتير منيح
بس و الله بالنهار كتييير بكون نعسانة و مصدعة عشان هيك ما الي مزاج
انا بخير و الحمد لله مشتااالقتلك يا عسل
صحيح حلا مبرووووك السادس و عقبال التاسع و قومتك بالسلامة ان شاء الله

لولو الفلسطينية

04-07-2013, 04:46 PM

عقلبك حلا
نادرا ما احط بندورة و هالمرة ما حطيت

حلا الماس

04-07-2013, 04:48 PM

الله يكون بعونك حبيبتي والصداع مشكلة كبيرة

من يوميين صحيت بالليل راسي بيوجعني .. وضليت حوالي 3 ساعات مش عارفة انام من وجع راسي الله يكون بالعون بس

الله يبارك فيكي وعقبال التاسع الي والك .. ونقوم بالسلامة

لولو الفلسطينية

04-07-2013, 04:50 PM

امين يا رب
الله يعيننا و يتمملنا على خير

حلا الماس

04-07-2013, 04:56 PM

انا بحط بندورة اكتر من البيتنجان بتخليها طرية

اتفضلي عم باكل بوظة

لولو الفلسطينية

04-07-2013, 04:59 PM

شكرا شكرا هههه
صحتين الك و ليوسف

لولو الفلسطينية

04-07-2013, 05:00 PM

هههه لتكون نفس الحبة يلي كانت بالتلاجة قبل كم يوم و ما عرفتي تاكليها ههههه

حلا الماس

04-07-2013, 05:08 PM

ههههههههههههههههههههههههههههه لهلأ متزكرتيها .. !!!

لا يا ستي مش هي اكلتها هديك بعدها بيوميين خخخخخ

هاي هلأ جابها جوزي الي والو وللولاد كمان .. وجايب بزيادة كمان

Snowwhite-90

04-07-2013, 08:02 PM

مرحبااا
يسعد مساكم جميعا ،، طول النهار وانا متابعة اخبار الحرب الالكترونية على اسرائيل بجد شي بيرفع الراس ،، ما احلاها الدول العربية والاسلامية وهي ايد وحدة ،،، ياااا رب يقويهم وينصرهم

احساس انا امبارح بالليل كنت بدي انام فتحت الفيس اشوف الاخبار لقيت هالاخبار الحلوة وضليت عليها لغاية صلاة الفجر هههههههه

الصبايا الحلوين منوررررين

مين هووون مممممم ؟؟

جارة القمر

04-07-2013, 08:09 PM

يسعد مساااااااكمـــــ،

~~~~~~~~~~~

Snowwhite-90

04-07-2013, 08:17 PM

هلا جارة
يسعد مساكي ،، كيفك وكيفهم يزن وزيد،،
كيف كان يومك بهالجو الفززززيع ؟؟

احساس أنثى

04-07-2013, 08:55 PM

يسعد مساكم انا عند ست جوزي
يادوب النت جاي عشان تحت غرفتي :)

حلا الماس

04-07-2013, 09:03 PM

مسا الخير ..

منورات يا صبايا

ام جودي .. بجد اشي بيفرح القلب .. انا كتير انبسطتت ولسه الهجمة ما خلصت الهكر التونسي عم يتوعد بمفاجئات الليلة هاي

جارة .. مسا الورد يا عمري

احساس .. مسا الورد ويخليلكم اللمة الحلوة

~{{ DoDo }}~

04-07-2013, 09:05 PM

مسا الخير يا حلوين

حلا ولولو وجارة وام جودي واحساس منورييييييييييين

حلا الماس

04-07-2013, 09:08 PM

هلا دودو ... يسعد هالمسا حبيبتي

النور نورك يا ام عمر

~{{ DoDo }}~

04-07-2013, 09:12 PM

تسلميلي يارب حلا

شو اخبارك كيف صداعك ان شاء الله احسن ؟

دموع الليل

04-07-2013, 09:41 PM

يسعد مساكم

احساس أنثى

04-07-2013, 09:43 PM

ومساكي دموع

جارة القمر

04-07-2013, 09:44 PM

ام الجوج:
100 مرحبا الاولاد تمام بفضل لله

كيف حمودة والبيبي عرفتي بنوته ولا ولد..؟

والله راسي بيوجعني من الجوووو

حلا:

كيف صرتي؟؟

احساس:

سلميلنااا على التيتاااااا

دودو:؛
كيفك...وكيف الجو عندكم؟

~{{ DoDo }}~

04-07-2013, 09:53 PM

دموع واحساس مساكم خير

جارة
يا هلا والله يسعد مساكي
انا الحمدلله بخير والجو عنا ماشي حاله
كان مطر وبراد الصبح بس هلا قلب رجع صيف ههههه

جارة القمر

04-07-2013, 09:58 PM

دودو:
تقلب الجو متعب وبنتشر في الامراض

حواء::

سلامتها برلنت ......كيف صارت ؟؟

حلا الماس

04-07-2013, 09:58 PM

جارة ودودو .. تسلموا .. الحمد لله صرت احسن كتييير

دموع .. يسعد هالمسا منورة

النت صاير بطئ عندي وبيعلق .. وخايفة على حسابي الفيس ينهكر ... فكركم معقول ؟؟؟؟

~{{ DoDo }}~

04-07-2013, 10:02 PM

حلا الحمدلله انك احسن
وديري بالك اهم شي ما تقبلي اي رسالة او اي اضافة بتيجيكي
وحاولي ما تعملي نشاط كتير عالفيس يعني والله بيستر ؛)

جارة
معك حق والله الجو المتقلب هااااد بيمرض
الله يستر

حلا الماس

04-07-2013, 10:17 PM

انا بس متابعة يا دودو .. وبصمت الله وكيلك

بس الاخبار الطيبة كتيرة والحمد لله ...

بنات .. ما صدقت اني خفيت .. بيقولوا بكرة في عاصفة رملية وغبرة بالجو .. اهئ اهئ :(

~{{ DoDo }}~

04-07-2013, 10:36 PM

حلا
ديري بالك وحاولي ما تطلعي بكرا برا البيت ازا انقلب الجو
الله يعيننا على هالشهر والجو تبعه

حلا الماس

04-07-2013, 10:42 PM

اها .. اكيد يا دودو رح اعمل هيك

حبيبتي انا صار لازم اطلع

تصبحي على خير

~{{ DoDo }}~

04-07-2013, 10:49 PM

تلاقي الخير يارب
الله يسهل عليكي :)

~{{ DoDo }}~

04-07-2013, 11:11 PM

ما في حدا

تصبحوا على خييييييير :)

حواء مثالية

04-07-2013, 11:33 PM

مساء الخيرررررررر

اخ يا بنااااااات والله برلنت طول النهار على ايدي وكلشي بتوكله بتستفرغه غير الحليب بثبت بمعدتهااااا

من مبارح مش نايمه ساعتين عبعض اناااا

جارة كيف امورك الك كم يووم ما بينتي شو كان شاغلك عنااا

~{{ DoDo }}~

04-08-2013, 03:22 AM

صباح الخير صبايا
اكيد ما في حدا هون

انا صحيت اشرب مي
ونويت الصيام ان شاء الله

حواء
الف سلامة عليها برلنت الله يعافيها يارب
ويعينك ، ان شاء الله بتفيق بكرا ما عليها شي يارب

حلا الماس

04-08-2013, 08:34 AM

صباح الخير ..كيفكم اليوم ؟؟

حواء سلامتها برلنت الله يرفع عنها ويشفيها يا رب.. بيعينك الله هاليوميين

بس ازا ضلت تراجع لا تسكتي وخديها عالدكتور .. بلاش لاسمح الله يكون في عندها فيروس وطمنينا عنها ..

دودو .. يسعد صباحك يا عسل .. ربي يتقبل منك ويكون بعونك على الصيام ..
كم يوم صيام قضا باقيلك ؟؟

بنات الدوام الصباحي ... وينكم ؟؟؟؟

الغايبات : غموض .. انبثاقة .. هبة .. بيبو .. مسك .. نبض .. عسولة .. لولو حمادة .. عيون المها .. ويييييييييييييييننننكم ؟؟؟؟؟

البنات الجداد .. الي بتدخلو وما بنعاود نشوفكم تعالو عرفونا عليكم : فراولة ملكية وريش نعام وكمان وحدة ناسية اسمها

ام عبدالله لولو

04-08-2013, 08:59 AM

صباح الخير يا حلوات شو اخباركم
حلا ودودو يسعد صباحكم

حلا الماس

04-08-2013, 09:13 AM

هلا يا ام عبد الله

يسعد صباحك يا رب .. كيفك اليوم ؟؟ وكيف الوجع الي برجليكي .. ان شاء الله خف

ام عبدالله لولو

04-08-2013, 09:31 AM

وصباحك يارب الحمد لله هو بوجع بس شو بدنا نعمل بنتحمل ههههه بعين الله شو اليوم بدك ننبطخي وكمان بدي اسالك عن الصورة ثلاثية الابعاد الدكتورة بتحكي بعد الاسبوع الغشرين اخنيارية

لولو حمادة

04-08-2013, 09:34 AM

صباح الانوار

اليوم ابني بطبق السنة وكمان عندو تطعيم السنة اليوم يارب ما يسخن
دودو ربنا يتقبل منك
حلا وام عبدالله يسعد صباحكم

ام عبدالله لولو

04-08-2013, 09:38 AM

يسعد صباحك يا لولو ان شاء الله العمر كلو يارب وتفرحي فيه وبشهادة ان شاء الله

لولو حمادة

04-08-2013, 09:42 AM

ربنا يسمع منك يام عبد الله

فوفو89

04-08-2013, 11:13 AM

صباحوووووو صبايا

كيفكم اليوم

~{{ DoDo }}~

04-08-2013, 11:56 AM

صباح الخير صبايا
كيفكم

حلا
يسعد صباحك ام خليل انا الحمدلله بخير
باقيلي تقريبا 4 ايام ان شاء الله بيعدوا على خير يارب

ام عبد الله
كيفك يا قمر شو اللااخبار
سلامة رجليكي
بالنسبة للصورة الثلاثية من بعد اذن ام خليل
الكل بينصح تعمليها بعد ما تخلصي السادس
يعني تقريبا بالاسبوع ال 28 انسب شي لانه بتكون الملامح اوضح شي واقرب شي لوقت الولادة
وبتقدري تتطمني على راحتك ، انا عملتها مرتين يمكن لانه نفس الدكتورة بتعملي اياها عندها جهاز متطور
الله يتمملك على خير حبيبتي

لولو
ان شاء الله بيكون التطعيم خفيف على ابنك يارب
ربنا يسهل حبيبتي ويسعد صباحك

فوفو
صباح الورد

اليوم مرتاحة عندي اكل من مبارح بس ان شاء الله الوقت يعدي خفيف وبسرعة
لانه كتيييييييير بعطش

حيفا

04-08-2013, 12:20 PM

صباح الورد جميعا

كيفكم وكيف هالجو المغبر معاكم ههههه
اشي بخنق هالجو والله

صوما مقبولا باذن الله يا دودو :)

انا بدي اعمل ستيكات وتبولة وبطاطا مقلية :)

~{{ DoDo }}~

04-08-2013, 12:27 PM

يسعد صباحك حيفا
وصحتيييييييين عالاكلات الطيبة

شو اخبارك ان شاء الله تمام ؟

دموع الليل

04-08-2013, 01:09 PM

مرحبا

كيفكم اليوم؟؟

منورين

حلا الماس

04-08-2013, 01:15 PM

مسا الخير صبايا ..

لولو حمادة .. العمر كلو لابنك يا رب .. ويارب ما يمرض مع التطعيمة
منورة حبيبتي

دودو .. 4 ايام مش كتار .. بيعينك الله عليهم بما انو صرتي هامة وبديتي صيام رح تكملي

ام عبد الله .. الحمد لله ان الوجع اخف .. شو بدنا نعمل بيعين الله
بالنسبة للصورة رباعية الابعاد .. ولا عمري عملتها وما بعرف متى بتنعمل بصراحة

في ولادي ال 3 وحملي هاد بس بضل متابعة عالسونار .. والحمد لله كلهم مناح وبيجننوا

حيفا .. هلا فيكي يا قمر .. والله معك حق الجو كتير مقرف انا بمرض من هاد الجو لانو عندي حساسية
وصحتين عالاكلات الزاكية

فوفو .. صباح النور
انتي كل يوم بتصبحي علينا وبتختفي هههه .. وين بتروحي ؟؟

دموع يسعد هالمسا حبيبتي .. النور نورك

السؤال اليومي .. شو طابخيييين ؟؟ باستثناء حيفا لانها حكت

انا بدي اعمل مجدرة

جارة القمر

04-08-2013, 01:23 PM

السلامـ، عليـــكمــ،

حواء:
الف سلامة على برلنت ديري بالك من الجفاف ومتل هالحالة بينصحو الدكاتره بانك ما تعطيها وجبات تئيله لمدة معينه بالنهار
خليكي على السؤال ...بابونج-يانسون نعنع ..طمنينا عنها على طول

حلا الماس:

مرسي كتير على ردك

دودو:
صيام مقبول

حيفاا:
شهيتيني .....بدي تبولة بحبهااااااااااا

مش عارفة شو بدي اطيخ ماله كل الاكلات جاي عبالي شي سريع

حلا الماس

04-08-2013, 01:25 PM

هلا جارة .. يسعد هالمسا

ولو ما عملت اشي ..

رديت عليكي تاني .. وصلك ؟؟

حلا الماس

04-08-2013, 01:26 PM

انا طالعة اجهز الغدا .. وبرجع بالليل

جايين بنات حماي عند امهم .. بدي انزل اشوفهم باقي النهار

برجعلكم بالليل .. سلالالالالالالالالالام

جارة القمر

04-08-2013, 01:29 PM

حلا:

ما قصرتي والله مواااااااااه

دموع الليل

04-08-2013, 01:49 PM

كيفك جاره؟ منوره

جارة القمر

04-08-2013, 02:01 PM

دموع الليل:

نورك حبيبتي انا بخير الحمد لله كيفك انت وكيف ابنك؟؟

دموع الليل

04-08-2013, 02:09 PM

الحمدلله بخير

كيف اولادك؟

احساس أنثى

04-08-2013, 03:49 PM

يسعد مساكم :)

احساس أنثى

04-08-2013, 04:34 PM

لا مجييييب

جارة القمر

04-08-2013, 06:06 PM

احساس:

مساء الورد ...والفل..والياسمين

كيفك يااااأأأأمر

إنبثاقة أمل

04-08-2013, 06:12 PM

مسا الورد

كيفكم حبيباتي شو أخباركم

اشتقتلكم والله

يارب يكون الكل بخير وعافيه

جارة القمر

04-08-2013, 06:21 PM

انبثاقة:

يسعد هالمساااا ......خبرينا عنك؟

beboo

04-08-2013, 06:22 PM

مسا الفل ياصبايا كيفكم وشو اخباركم

اليوم عملت معمول بس شو طلع بيجنن اشتهيتكو معى

إنبثاقة أمل

04-08-2013, 06:29 PM

اهلين جاره

الحمدلله بخير ياقلبي

بس بمر حالة طفش ونفسيه مش كتير هالقد

الله يعين ويسهل الامور

شو أخبارك طمنيني عنك

اهلين بيبو

صحتين وعافيه ع المعمول

الله يعطيك العافيه

انا وظيفتي اكله مابفكر اعمل بالمره هههههه

beboo

04-08-2013, 06:37 PM

هلا انبثاقة مالك ياعسل سلامتك شو فيه

هههههه تكرم عيونك تعي كلى لا انا بحب اعمل الشغلات هادي

نبض قلب

04-08-2013, 06:38 PM

مساكم سكر يا سكرات

نبض قلب

04-08-2013, 06:39 PM

وانا كمان هاتيلي صينبه يا بيبو

ام عبدالله لولو

04-08-2013, 06:42 PM

مسا الخير ياصبايا
منورات صبايا دودو شكرا حبيبتي ع الرد وصياما مقبولا
حلا تسلمي يا حلوة وسهرة حلوة عند حمانك اكيد اولادك حلوين زي اممهم
جارة يسعد مساكي يارب
انبثاقة نورتي يا حلوة
لولو موفقة حبيبتي بلامتحانات ديري بالك ع الدراسة
فوفو ودموع وباقي الصبايا يسعد مساكم

ام عبدالله لولو

04-08-2013, 06:47 PM

هلا نبض شو اخبارك واولادك ان شاء الله بخير

إنبثاقة أمل

04-08-2013, 06:51 PM

والله مو عارفه يابيبو

هالفتره كلها كركبه والوقت تاعبني

زوجي طول الوقت مشغول ومابشوفه

وانا قاعده في هالبيت لا شغله ولا عمله

طقت روحي والله

والله بعرف زوجي انشغاله مع اهله غصب عنه ويمكن عيب اني احكي

بس خلص كتير نفسيتي تعبت

يلا الاهم عمي تحسن وان شاء الله الامور بتهون

ربي يكرمك بيبو ويسعد قلبك

اهلين نبض يسعد مساك

ام عبدالله هدا نورك والحاضرين ياقلبي

جارة القمر

04-08-2013, 06:53 PM

بيبو::

شو هالشطاره هاي ما شالله عنك ......انا مره وحده عملتو وحرمت ........

طيب الصبايا معزومين عندي اناااا علي الشاي وعليك المعمول اتفئنا

http://sfiles.d1g.com/photos/85/08/3500885_max.jpg

انبثاقة::
انا بخير .....بس انتي ليه نفسيتك هيك...؟!

ام عبدالله::

اهلا وسهلا

ام عبدالله لولو

04-08-2013, 07:04 PM

تسلمي يا انبثاقة الله يهونها عليكي يارب ويفرح قلبك بالي تتمنيه ضلك مفرفشة ومغيرة جوا ما تهمي نفسك الي عند الله قريب
جارة يسعد مساكي والله شهنيني ع كاسة شاي

beboo

04-08-2013, 07:09 PM

تكرم عيونكو ياصبايا

اهلا وسهلا بتشرفوتى والله

لا والله انا هادى المرة التالتة اعملها بس كتيييير طلع طيب

جارة القمر

04-08-2013, 07:12 PM

بيبو:

ما شالله عنك .......بس بيان تركك تعملي براحتك؟

ام عبدالله
احلى كاسة شاي لعيونك وعيون عبود

ام عبدالله لولو

04-08-2013, 07:15 PM

تسلم عيونك يا جارة الله يسعدك يارب ههههههه سوال شو بدكم تتغشو يا صبايا

احساس أنثى

04-08-2013, 07:51 PM

اها هي البنات طلو

ومساكي ياجاره انا بخير عم بدرس غصبن عني اااوووف من الوزاره وقراراتها
وبالاخر ياريتنا مشتغلين

بيبو صحتين ع المعمول انا بحب الكعك اكتر بس تعملي اعملي حسابي معك :)

انبثاقه هونها بتهون ياعسل استغلي وقتك طيب نابتعرفي تطرزي او تشتغلي شفل سناره
او ترسمي او تاخدي دورات مكياج اي شي يسليكي

دموع الليل

04-08-2013, 07:53 PM

منوورين الصبايا

دموع الليل

04-08-2013, 07:54 PM

صيايا بشكى من صداع فظيع

الاكمول بيأثر عالحمل؟؟؟

جارة القمر

04-08-2013, 07:58 PM

احساس:

ربي يوفئك بالامتحان هو متى موعدو
؟؟؟

دموع الليل:

اتوقع بعد الشهر الرابع ما في ضرر باذن الله

دموع الليل

04-08-2013, 08:07 PM

شكرا جاره على الرد

موفقه حبيبتى

Snowwhite-90

04-08-2013, 08:40 PM

مساء الخير يا حلوين ،، كيفكم ؟؟
اشتقتلكم كتيييير
ميييين هووون ؟؟ ممممم

احساس أنثى

04-08-2013, 08:42 PM

في امتحان وكاله لسى مش معروف متى التوقعات يابنص 4 او اول 5
وامتحان الحكومه باول 5

بس لسى يادوب اشياء بسيطه يلي درستها
مش كان دخلت شي عملي ارحملي
ماصدقت اخلص الجامعه انا اووووف شو هالهم

Snowwhite-90

04-08-2013, 08:53 PM

صباااايااا وينكم ؟؟؟

حلا الماس

04-08-2013, 09:26 PM

مسا الخير صبايا ..

انبثاقة .. منورة حبيبتي الله يكون بعونك يا رب ويهونها عليكي

بيبو .. يعطيكي الف عافية يا رب .. والله معدلة
طب سؤال بيان ساعدك بالمعمول ولا لأ ؟؟

جارة .. منظر كاسة الشاي بيشهي .. مع اني ما برغبلو كتيييير

ام عبد الله .. يسعد هالمسا يا رب
انا اتعشيت فواكهة

احساس .. الله يكون بعونك ويوفقك يا رب .. وعقبال تتوظفي وترتاحي من هالهم

ام جودي .. مسا العسل على عيونك الحلوة

انا هنا .. بينفع ؟؟

beboo

04-08-2013, 09:32 PM

هلا حلا حبيبتي لا والله الاستاذ بيان صار يصرخ عليا بدو العجينة يلعب فيها هههههههه

عئبال ماتشوفى متله يارب ياعسل انت وكل هالصبايا

حلا الماس

04-08-2013, 09:39 PM

هههههههههههه يا دلي عليه حبيبي متل العسل

الله يخليلك اياه يا رب ... مهو من شان هيك طلع المعمول زاكي

انا كل ما اعمل معجنات بعمل حساب ولادي بالعجينة . لانو بدهم يلعبوا فيها

احساس أنثى

04-08-2013, 10:01 PM

وبي يسكع منك ياحلا وافتك

حواء مثالية

04-08-2013, 10:16 PM

مساء الخير

كيقكم

الحمدلله برلنت تحسنت الحرارة راحت

تسلمووووووووووووو

بتقلكم شكرا لانكم سالتو عنها

احساس انا راح اقدم الامتحااااان بس ما راح ادرسله لانه على الفاضي الي بدهم ياه باخدووووه

عفكره كل سنة بنجح وعلى الفاضي

احساس أنثى

04-08-2013, 10:36 PM

فعلا ياحواء الكل بيقول هيك حياخدو يلي بدهم اياه بس الواحد عشان مايجي يوم ويتندم انو مادرس
انتي حاقدمي للحكومه اه ؟!

حواء مثالية

04-08-2013, 10:45 PM

اه للحكومة

احساس انا بنجح مره وحدة بعتولي للمقابلة وبعدها كل سنة نفس الشي

حلا الماس

04-08-2013, 10:47 PM

هلا يا حواء .. يسعد مساكي

الحمد لله انو برلنت اتحسنت .. ربي يطمنك عليها يا رب وما تشوف شر

الله يوفقكم بامتحانات التوظيف .. شغلة صعبة .. الله يكون بالعون

اختي السنة الماضية قدمت .. وجابت الرابعة على تخصصها وكانت على امل تتوظف على طول وما صحلها وهيها السنة هاي كمان رح اتقدم كمان مرة .. ربي يوفق الجميع

حواء مثالية

04-08-2013, 10:53 PM

التوظيف كثيرررررررررر صعب والامل ضعيف بس نحنا بنعمل اللي علينا والباقي على الله

احساس أنثى

04-08-2013, 10:55 PM

بعين الله ياصبايا
هي حال الدنيا ربي رحمتك

راسي صداع الظاهر الجو هاد حيجيب اجلي

حلا الماس

04-08-2013, 10:58 PM

الله يوفقكم ويبعتلكم بالوظيفة عن قريب يا رب

تصبحوا على خير حبيباتي

سهرة سعيدة اتمناها لكم ..

احساس أنثى

04-08-2013, 11:08 PM

الله معك حلا تلاقي من الله خير

نور العمر

04-08-2013, 11:12 PM

مسااااا الخيرررر

كيفكم جميعا ...؟؟

احساس أنثى

04-08-2013, 11:30 PM

هلا نور

شو مسهرك ؟!

Snowwhite-90

04-08-2013, 11:31 PM

مساء الانوار ،، معلش طليت وطلعت تاني شيكت على بيتي ورتبت الي مو مرتب لانه بكرة ان شاء الله هكون عبد اهلي ويمكن ابات وتحممت وعشيت حمودي ورجعت :)

حبيبتي حلا كيفك يا قلبي وحشتيني والله ،، اكييييد بينفع ونص انتي البركة كلها ولو

جارة اعتقد كنتي سألتيني اذا عرفت جنس البيبي ولا لا ،، انا اليوم كنت عند الدكتور واطمنت على البيبي الحمدلله كل اموره تمام وعرفت جنسه ،، حكالي ولد ان شاء الله :)

حواء الف الحمدلله على سلامتها برلنت الحلوة بوسيلي اياها ،، ان شاء الله ما تشوف شر حبيبة قلبي

مممم للمرة التانية مين هوون ؟؟ هههههه

حواء مثالية

04-08-2013, 11:48 PM

هلا يا بعدي منوررررة شلونك

عيـ‘ـون المهـ‘ـا

04-08-2013, 11:51 PM

~*!||!*~ - مسـاكم سعيـ‘ـد صبايااا - ~*!||!*~
ان شاء الله اخباركم تمام
-
امبارح جبت لادم طقمين للعيــــد [: بجننو عليه ههههههه راح تستغربو نحنا وين و العيد وين بس من هلآ جهزت كل شي و للآنا و لآسيل لاني راح اقضي العيد
بالقدس ان شاء الله --

صبايااا اشتقت لآم عزمي اليوم كنت بدي اتصل فيها و انشغلت
و
كل ما بدخل بكون حابه أقرأ اخباركم و دردشتكم بس ما شاء الله بتكونو حاكين كتير
و ما معاي وئت

بتمنى لكل الموجودين سهريه حلوه و ممتعه
[:

Snowwhite-90

04-08-2013, 11:52 PM

ههههههه الحمدلله حبيبتي انا تمااام ،، كيفك انتي وشو عاملة برلنت هلأ فايقة وبتلعب ؟؟ مسكينة هاليوم الي شافته صعب كتيير ،، اكتر شي بيتعب الاطفال الاستفراغ والحرارة

Snowwhite-90

04-08-2013, 11:57 PM

هلاااااا باحلى ام ادم وينك اشتقنااااالك كتييييير والله ،، لك دخيلو الي مجهز ملابس العيد من هلا ههههههه يهريهم بالعافية ان شاء الله ومبرووووكين ملابس الكتاكيت الحلوين ،، كيفك حبيبتي شو عاملة هالايام قربت سفرتك ،،ان شاء الله بتقضي احلى ايام بالقدس مع الاهل والاحباب
والله ام عزمي دايما ببالي ما بتفوت خالص هي وغموض وعسولة وبينك عنجد هالصبايا بيقلقونا عليهم ،، بتمنى يكونوا بخييير ويطمنونا عليهم

عيـ‘ـون المهـ‘ـا

04-09-2013, 12:22 AM

حبيبتي ((أإأإأم جودي))
أإأول ما قرأت تعقيبك صفنت شوي ههههههه بس عرفتك من أسلوبك و حكيك اللي متل العسل بسرعه بدخل قلبي و هل يخفى القمـــر [:
ليــــه مغيــــــــره اللقـــــــب ممم?؟

تشتائلك العافيه و السعاده و الله و انا مشتائلك اكتـــــر .. الله يبارك في عمرك حبيبتي و يخليلك حمودي و عئبال ما تشتريلو أواعي العيد متل ادم ان شاء الله بحب كل شي يكون جاهز
و بصراحه بحب موديلات هون اكتر و النوعيه احسن للآطفال لهيك
شريت من بدري و هيني عم حاول اخلص كل شي قبل الوئت
انتي شو اخبـــــــارك كيف الحمل معاكِ ان شاء الله كل شي تمام
كيفو حمودي ان شاء الله مو مغلبك وينك تعي هون لحد هلآ ما عرفتيني عليه
خلص ما بدنا الصوره على الاقل اوصفي لي اياه ههههههههههه على الاوصاف
راح اعرفو اكيد قمر و اكيد بمــــزح ربي يحفظه الله يخليلك اياه و تشوفي البيبي كمان معاه و هو بأتم العافيه و تفرحي فيهم التنين

و بخصوص الصبايااا ان شاء الله جميعهم يكونو بخير و يطمنونا عنهم
و سهــــــــــى و ام عمـــــر و ام عمـــــــر (القدس)

كبريآء أنثى ـآ

04-09-2013, 12:38 AM

مسسآآآء الخخير

عيـ‘ـون المهـ‘ـا

04-09-2013, 12:43 AM

(* أ‘أم مروان *)
هلا , يسعد مساكِ ,

Snowwhite-90

04-09-2013, 12:49 AM

ههههههه حبيبة قلبي والله يا احلى ام ادم اسفة حبيبتي نسيت احكيلك انه انا ام جودي بس من فرحتي لما شفتك فوتي كتبت وارسلت ع طول ههههه ،، والله كأنك بتحكي عني يا عيون انا كمان كتييير بحب اسلوبك وحكياتك الي بيجننوا ،، ربي ما يحرمني منك ويخليلنا اياكي وتضلي منورانا
حبيبة قلبي ربي يفرحك بادم وتشوفيه احلى عريس ان شاء الله ،، و معك حق احلى شي انه تكوني مجهزة كل شي لحتى لما تكوني بالقدس ما تنشغلي كتيير بالتسوق وبعدين الموديلات ونوع القماش غير عنا في فرق اكيييد ،، وبالنسبة للشنط كوني مجهزة قبل باسبوع او اسبوعين كل شي وقفليهم ،، لحتى ما تنسي شي ،، بتمنالك اجازة ممتعة حبيبتي

انا تمااام الحمدلله وحمودي بخير بفضل الله ،، باعتلك بوسة :) ،، بالنسبة للغلبة يعني هيك وهيك هههههه يلا كل ما يكبر بيهدى
حبيبتي يا عيون والله العظيم كل ما بدي ابعتها بكون النت بطئ او بيفصل او ما بتتحمل الصورة ،،
هلا هلا هبعتها هههههه
بس بالنسبة للمواصفات هو شعره بين الاشقر والبني وعيونه خضرا وبشرته بيضاء
تسلميلي حبيبتي على سؤالك حملي تمام والحمدلله يا رب يتمم بالخير الي وللصبايا ويرزق الجميع ياااا رب

كبريآء أنثى ـآ

04-09-2013, 12:50 AM

هلآ بيكي
كيفك عيون المها إن شاء الله تممام
ويسعد مسسآآكي حبيبتي

حواء مثالية

04-09-2013, 12:54 AM

هلالالالالالالالالالالالا عيون منورة

ام جودي برلنت نايمه من 11 الله يرضى عليهاااااااا

كبريآء أنثى ـآ

04-09-2013, 12:58 AM

منوووووورة حواااااء
يسسعد مسساكي

كبريآء أنثى ـآ

04-09-2013, 01:18 AM

شووووووووو نمتوا

احساس أنثى

04-09-2013, 01:24 AM

انا صاااااااحيه :)

كبريآء أنثى ـآ

04-09-2013, 01:28 AM

هلا
نورتي يا عسسل

Snowwhite-90

04-09-2013, 01:42 AM

حواء الله يهديها ويخليلك اياها هالامورة

ام مروان منورة يا قمر

حسوسة نورتي حبيبتي كيفك ؟؟ حبيبتي شو افضل مركز رفع الصور بتحملي منه وسريع لانه الي ساعة بحاول مش زابط وبطئ خالص

Snowwhite-90

04-09-2013, 01:43 AM

عيييون حبيبتي وين رحتي ،، ما صدقنا تفوتي :(

احساس أنثى

04-09-2013, 01:48 AM

هلا بنقول يسعد صباحكم صبايا

برنامج تحميل الصور يلي عندي ياعسل idm

Snowwhite-90

04-09-2013, 01:51 AM

يسعد صباحك يا عسل ،، زوزو صاحي ولا نايم ؟؟ هجربه هلأ يا رب يزبط :)

Snowwhite-90

04-09-2013, 02:10 AM

ياااا الله حاولت كتييير مش زابط بكرة ان شاء الله هحاول تاني

عيـ‘ـون المهـ‘ـا

04-09-2013, 02:28 AM

I'm still there
GOod MoOrning
To

( ام مـ‘ـــروان )
حبيبتي انا بألف خير , كيــــفك انتـــي ؟
منوره الصفحه و ان شاء الله نشوفك دائما [:
(حــ‘ـــواء )
ان شاء الله تضلك بخير
نوم العوافي لبرلنت الله يخليلك اياها
ما ازكاهم البنات ههههه انا متحيزه للبنات بس هلآ ادوم ماكل الجو من لانا و اسيل
ههههههه ,, الله يخليلك ما عندك و تشوفي عز الدين و هو بأتم الصحه و العافيه
مره سألتك مين اختار الاسم انتي و إلا زوجك ؟؟

(ام جــsnow white-90 ــودي)
رجعت عمري بس انشغلت بادم و هلآ نام احلى شي لمى ينامو صح ههههههه
و لمى يطولو بالنومه منشتائلهم
بسيطه يا قمر الله يخليكي و انا فرحانه انو التئيت فيكي الليله و حكينا

تسلمي حبيبتي و تشوفي حمودي كمان احلى عريس ان شاء الله و يئيمك سالمه انتي و البيبي
و الله ام جودي بحب كل شي يكون معاي بالسفر و ما بنسى شي
حتى ادومه راح ان شاء الله انزلو مرجوحه و كرسي الاكل و عرباي للطلعات كل مستلزماتو حتى ال wipes ,و البامبرز باخد الو كميه من هون
و الشنط انا لحد هلآ جهزت 3 شنط و سكرتهم
انا مجربه السفر و كل ما كان الواحد مجهز امورو بدري بكون احسن
و ربي يخليلي زوجي و الله يا ام جودي لوما زوجي طويل بال و بترك ادم عندو بالساعات كان ما خلصت شوبنج و مشتريات لهلآ
حبيبتي الله يخليكي ان شاء الله تكون اجازه ممتعه و بتمنى الك و للكل اجازه صيف
حلوه
يييييييي يا ام جودي هاي احلى بوسه وصلتني من حمودي الله يخليه يارب
هالامور و تفرحي فيه ما شاء الله لاقوة الا بالله هاد بشبه ادم بس ادم عيونو زرق
الله يحفظهم النا و نشوفهم دائما يكبرو قدام عيونا و هم بخير و صحه و عافيه
و انا كمان وصلي بوساتي الو و ادم كمان ببعتلو بوسه hwaml7hwaml63
كيف الجامعه معك و الدراسه مع هالحمل
و ايمتا ان شاء الله اخر موعد للولاده؟

لولو الفلسطينية

04-09-2013, 08:03 AM

صباح الخيييييييييير
كيفكم اليوم ؟؟
ام مروان
منووووورة يا عسل و الله زماااان عنك
عيون المها و حلا و ام جودي و حواء و احساس و كل يلي كتنو سهرانين ربنا يسعد ايامكم يا حلوات
بينك و ام عزمي و عسوووولة و غموض و ام عمر و ام عمر التانية و هبوش و ميسا و كللل المختفيين يللا تعو طمنونا عنكم
كل الصبايا الباقيات بدون زكر اسماء يسعد اوقاتكم وين ما كنتو

حلا الماس

04-09-2013, 08:48 AM

صباح الخير ...

كيفكم اليوم يا بنات ..

الي كانوا سهرانيين مبارح يسعدكم منورات ..

ام جودي .. مبروك الصبي وعقيال تقومي بالسلامة وتشوفيه بين احضانك يا رب .. شو بدك اتسميه ؟؟

ام مروان .. منورة كيفك ؟؟ زمان ما دلتي وطمنتينا عنك .. كيف الحمل معك ؟؟ وامورك كلها تمام

عيون المها .. منورة الدنيا كلها ...... كيفك ؟؟ شو اخبارك من زمان القمر ما بان

احساس وحواء .. نشيطات ما شاء الله .. ملاحقين عالدردشة بالليل والنهار

لولو .. يسعد صباحك وكل ايامك يا رب .. كيفك وكيف دراستك ؟؟ والحمل كيف ماشي معك ؟؟
ليش صرتي تغطسي ؟؟ كل هاد الدراسة ماخدتك منا

مييييييييييييييييين هون من الصبايا .. ؟؟؟

احساس أنثى

04-09-2013, 09:13 AM

يسعد صباحك حلا
كيف اصبحتي ؟

حلا الماس

04-09-2013, 09:17 AM

هلا فيكي با احساس

يسعد هالصباح يا رب

انا الحمد لله كتير منيحة .. انتي كيفك ؟؟ وزوزو كيفو ؟؟ صحي ولا لسه

~{{ DoDo }}~

04-09-2013, 10:20 AM

صباح الخير صبايا
ماشاء الله حاكيين كتير بالسهرة والله اشتقتلكم واشتقت ادردش

ام جودي
مشتقاااااالك كوميات يسعدلي هالطلة
مبروووك الصبي بكرا حمودي بيلاقي رفيق يلعب معه
وعقبال ما تجيبيلهم اخت زيالقمر يارب
شو حاطة ببالك اسامي ؟
انا كمان عم بستنى صورة حمووودي بدنا نتعرف عليه الازعر

عيون المها
يا اهلا بام ادوووم
مبروووك تياب العيد ربي يهنيكي ويهينهم فيهم ياارب
ويلبسوهم بالصحة والهنا والعافية يااارب
فعلا زوجك يخليلك اياه بحب يكون الزوج متعاون بالاولاد
لانه كتير بيخفف نفسيا عالام وبنفس الوقت بتحس حالها مرات قادرة تعمل شي برواق
ياااااارب لما ييجي عمورة الاقي زوجي نفس الشي ههههه ع سلامته حرام من هلا بيوعدني يساعدني فيه
بوساتي للحلوين وموفقة حبيبة قلبي بباقي مشترياتك واغراضك

دموع ونور العمر وام مروان منورين الصبايا الحلوين كيفكم

احساس وحواء موفقين بامتحان التوظيف وكل شي نصيب ربي يكتبلكم بالوظيفة نصيب ياااااارب هالمرة

جارة وبيبو وانبثاقة يسعد اوقاتكم ياااارب

حلا
صباح الفل ام خليل كيفك اليوم
وكيف الحلوين ان شاء الله تمام ويوسف اللازعر ما بنيمكرمتل عمورة شقي ؟

لولو
صبااااحو كيفك وكيف الدراسة
وكييييف التقل معك

ام عبد الله يلا بلش الدوام وينك

والصبايا الغايبين يلا اشتقنالكم تعوا بدون ذكر اسماء كتاااار اسم الله
يا بنااااات انا روحي صايرة تصغر وما بتحمل اشي بجد خلقي ديقان وكل شوي بدمع وزوجي بيضحك عليا
والله الحمل هبلني ولعب بنفسيتي غير شكلللللللللل

فوفو89

04-09-2013, 10:21 AM

صباحووووووو صبايا كيفكم

محتاااارة شو اعمل غدا ...

انتو شو ناويين تعملو ؟

~{{ DoDo }}~

04-09-2013, 10:42 AM

اهلا فوفو
صباح الورد

لسا ما قررت

فوفو89

04-09-2013, 10:47 AM

اهلا دودو

بعدك ما قررتي .. مشكلة والله الغدا لما يحير

شو وين ام عبدالله تقترح علينا هي وحلا

~{{ DoDo }}~

04-09-2013, 10:54 AM

ام عبد الله متاخرة اليوم

وحلا طلت وراحت يلا عم نستنى

حيفا

04-09-2013, 11:05 AM

صباحكم فستق حلبي يا احلا صبايا

كيفكم اخباركم احوالكم ؟؟

انا اليوم عاملة ورق عنب مع كوسا ، يم يم يم طبعا لسا بدي الف يعني جهزت كل شي للف بس قلت اشرب كاسة نيس كافيه واشوفكم وبعدين برجع لشغلي مع اني بطيئة باللف يعني للعصر ما رح اخلص ههههههههه

~{{ DoDo }}~

04-09-2013, 11:06 AM

حيفا
يا هلا يا هلا
اول شي صحتين عالنسكافيه
وتاني شي صحتيييييين على ورق العنب والكوسا
والله يعينك عاللف والحشي هههههه مع اني سريعة فيهم بس بحمل هم
يلا بيستاهلورالتعب طيبين هههه
شو اخبارك ؟ :)

فوفو89

04-09-2013, 11:12 AM

يعطيكي العافية حيفا

احسبي حسابي معك لاني مش عارفة شو اعمل غدا

إنبثاقة أمل

04-09-2013, 11:16 AM

صباح الخير

شو أخباركم

كيف اصبحتو .. اكيد الكل بفكر شي يطبخ

حيفا

04-09-2013, 11:18 AM

هههههههه ايه والله طيبين يا دودو تفضلي اتغدي معي
انا الحمد لله بخير ، بس شكلة عندي مشكلة بضهري ووجعه مش بسبب الدورة ولا الحمل لاني خلصت دورة مبارح ورجع وجع ضهري اليوم يعني مش عارفه شو القصه :(

فوفو يا هلا والله تفضلي تغدي معانا اهلا وسهلا

~{{ DoDo }}~

04-09-2013, 11:23 AM

انبثاقة
يسعد صباحك
كيفك اليوم يا قمر
ان شاء الله احسن وكل الامور بخير ؟
والله انا محتارة بالاكل ومش جاي ببالي شي

حيفا
تسلميلي ياااارب صحتين ع قلبكم
سلامة ضهرك يا بنتي يمكن ضهرك مفتوح وبدو طبق
مو ضروري عشان الحمل بس عشان الوجع
اخت زوجي قبل فترة حملت ونزل الحمل وضل ضهرها يوجعها بدورة وبلا دورة
عملت طبق ضهر وبعدها راح كل الوجع وحملت اسم الله هيها بالرابع
حاولي تعمليه رح ترتاحي ان الله اراد عشان الوجع يعني كمان

إنبثاقة أمل

04-09-2013, 11:27 AM

والله يادودو بحاول اكون احسن

ان شاء الله الامور بتتحسن

اليوم ماراح اطبخ خليتها استراحه من راسي هههههه

~{{ DoDo }}~

04-09-2013, 11:27 AM

انبثاقة
الحمدلله ان شاء الله بتهون على الجميع يااااارب تفاءلي :)

إنبثاقة أمل

04-09-2013, 11:29 AM

بكرا ذكرى زواجي

وهيك بيصير النا سنتين متزوجين

:)

~{{ DoDo }}~

04-09-2013, 11:32 AM

انبثاقة
ان شاء الله العمر كله سوا ومع بعض يا قلبي
كل سنة وانتو سالمين ومبسوطين وان شاء الله السنةرالجاي مرتاحين البال ومع بيبي قمر كمان
انا اول شهر 5 بيصرلي سنتين متزوجة يعني تقريبا انا وانتي نفس الفترة

فوفو89

04-09-2013, 11:36 AM

حيفا صحة وهنا يارب

احتمال اعمل ربيعية فول "مقلوبة فول "

انبثاقة .. العمر كلو يارب .. الله يهنيكم ويخليكم لبعض

إنبثاقة أمل

04-09-2013, 11:36 AM

تسلمي دودو

ربي يسعدك ويفرح قلبك

وفرحتنا فيك ياقلبي بقومتك بالسلامه انت وعموره

شايفه طلعنا بنفس الفتره :)

حتى غموض بس بشهر 7

حيفا

04-09-2013, 11:36 AM

هلا يا انبثاقه صباح الورد يا حلوة

دودو رحت اعمل طبق ظهر قالتلي مازال صار حمل ما في داعي لطبق الظهر بلكي اشوفلي وحده تانيه
بتعرفي هالشهر كل شي حاولت اعمله ما زبط ، مثلا اشعه الصبغه قالولي للشهر الجاي لانه هاد الشهر اعياد عند اليهود ، طبق الظهر مارضت تعملي ياه ، والدكتورة يوم موعدي معاه مشان تكتبلي ابر وتنشيط كان في مشاكل بالطرق وهيك وما رحت !!!

حاسه انه ربنا ببعتلي رسائل انه ما بده ياني اعمل هالاشياء هههههههه الله يبعت اللي فيه الخير يارب

إنبثاقة أمل

04-09-2013, 11:38 AM

تسلمي لي فوفو ربي يسعدك ياقلبي

ربي يفرح لبك بشوفة البيبي بخير وعافيه

ام عبدالله لولو

04-09-2013, 11:38 AM

صباح الخير ياصبايا
لولو يسعد صباحك يارب وموفقة حبيبتي
حلا الله يخليلي اياكي ياقمر
والله يادودو انا زيك الجو الي عنا مع الحمل متعبني كثير صداع ع نوم ع كسل ههههههه كلو مع بعض بعين الله
انبثاقة يسعد صباحك وكل سنة وانتو سالمين والسنة الثالثة بتحتفلو والبيبي معكم ان شاء الله
فوفو منورة ياعسل انا بدي اعمل مقلوبة بادنجان

~{{ DoDo }}~

04-09-2013, 11:39 AM

انبثاقة
الله يسعدكم يارب
ويريح بالنا وبالكم وبال الجميع :)

حيفا
خلص مهل بيجوز متل ما قلتي
يمكن هالشهر ربنا مخبيلك شي يااااارب
انا بس عشان بعرف انه طبق الضهر بيعملوه للوجع بالاول مش مخصوص للحمل
مشان هيك نصحتك فيه ، وحتى لو صار حمل ما بيضر بس بريحك من الالم بيكون مع التعب مفتوح
ان شاء الله خير ربي يكتبلكم الخير كله هالشهر وكل شهر ياااااارب :)

حيفا

04-09-2013, 11:41 AM

انبثاقه ذكرى زواج سعيييده ياااااارب انتو متزوجين قبلي باشهر يعني انا تزوجت بشهر 1 بعززززز البرد كانت عواصف ومطر هههههههههههه

~{{ DoDo }}~

04-09-2013, 11:41 AM

ام عبد الله
يا هلا والله كيفك اليوم
يلا يا ستي النا الاجر ان شاء الله
ربنا يكملها ع خير الي والك وللجميع ويهدي بال الجميع
؛)

إنبثاقة أمل

04-09-2013, 11:41 AM

اهلين حيفا

ربي يكرمك ويجعل تأخير هالأمور كله خير يااااارب

ام عبدالله يا اهلا يسعد صباحك

ربي يسعدك ياقلبي ويسمع منك

إنبثاقة أمل

04-09-2013, 11:44 AM

ربي يسعدك حيفا ويسعد ايامك

ويجعلها كلها خير ومحبه وسعاده

عاد انا لما تزوجت بشهر 4 متت برد كيف انت هههههههه

ما كنت مجربه البرد عنا بالسعوديه 4 حرررر كتير

بس لما جربت البرد عرفت انه 4 ربيع مو برد بس الي مو متعود بقول شتا ههههههههه

حيفا

04-09-2013, 11:50 AM

دودو حبيبتي ربي يسمع منك انا كتير حابه اعمل طبق الضهر بس بدي الاقي وحده تعملي ياه بدل هديك

انبثاقه ههههههه والله متت بررررررد بس نزلنا ع اريحا بنفس الليلة عالقرية السياحيه وكان الجو اهون من القدس وبعدين رحنا ع ايلات وهناك كان شووووووب كتيير
بس يوم العرس اهلي صارو يتمسخرو يقولليلي بدل ما توزعو كيك وزعو عالناس حرامات ههههههه كانت عواصف وبرد ومطر بس بجوا القاعه دافي هههههههه

فوفو89

04-09-2013, 11:54 AM

هلا ام عبدالله

صحه وهنا

جاي ع بالي اغير مقلوبة الفول واعمل مقلوبة بتنجان

مممممممم

رجعت احترت هههههههههه

حلا الماس

04-09-2013, 12:24 PM

بـــــــــــــــــــــــــــــــــــــــــــــــخ

يعني انا طلعت وانتوا جيتوا ...

دودو .. فوفو .. حيــــــــــفا .. انبثاقة .. ام عبد الله

الله يسعد صباحكم يا عسولات .. كيفكم ؟؟

فوفو .. هلا حبيبتي .. يسعد صباحك
اعملي مقلوبة باتنجان ازكا ..

دودو .. الله يسعدك ويخليكي حبيبتي .. لا يوسف الو يوميين عاقل .. راحم امو عارف اني مزكمة ومصدعة ما بيتحرك كتير وبيخليني اعرف انام
بالنسبة للنفسية وديقة الخلق الي عندك عادي الكل مع الحمل ولخبطتة الهرمونات بتصير معاهم هيك .. يا رب تولدي بالسلامة وبعدها عمر رح ينسيكي الدنيا

انبثاقة .. الله يخليكم لبعض طول العمر .. وعقبال السنة الجاية يكون معك بيبي يا رب

حيفا .. تعالي انا بعملك طبق ضهر .. بعرف
وصحتيييييييييييييين عالاكلة الزاكية

ام عبد الله .. يسعد هالصباح يا رب .. كيفك اليوم ؟؟ وكيفو عبودي ؟؟

كنت زيكم مختارة شو اطبخ وكنت مقررة اعمل اوزي .. بس بطلت وهيني عم بطبخ جاج وفاصوليا خضرة مع رز

~{{ DoDo }}~

04-09-2013, 12:37 PM

اهلا حلا نورتي
وصحتييييين عالجاج والفاصوليا
انا لسا محتارة بس شكلي رح اعمل سمك فيليه مشوي بالفرن
وبشوف شو اعمل جنبه :)

حلا الماس

04-09-2013, 12:41 PM

اهلين فيكي حبيبتي دودو

يم يم .. السمك الفيليه كتيييير زاكي وما بيغلب سريع بالطبيخ

صحتين سلف .. انا بدي اطلع اكمل الطبيخ

وبس ارجع بعطيكي طريقتي لعمل سمك الفيليه مع خضار بالفرن .. سلام

~{{ DoDo }}~

04-09-2013, 12:46 PM

الله يسهل عليكي حبيبتي
وبس تيجي بستنى الطريقة لو ما لحقتها اليوم بخليها لمرة تانية ؛)

دموع الليل

04-09-2013, 01:06 PM

مرحبا

كيف الصبايا؟؟

دودو منوره؟؟ كيفك؟؟

فوفو89

04-09-2013, 01:11 PM

اهلا حلا

كيفك

يعطيكي العافية

خلص عملت مقلوبة فول ومشي الحال هههه المرة الجاي بنعمل مقلوبة بيتنجان

صحه وهنا حلا ودودو

انا بموووووووت بالسمك .. هون السمك مش كتير زاكي .. بالامارات ازكى بكتير لانه منوع اكثر وطازة

فوفو89

04-09-2013, 01:12 PM

اهلا دموع الليل

يسعد مساكي

كيفك

دموع الليل

04-09-2013, 01:32 PM

هلا فوفو

كيفك ؟كيف الحمل؟؟

فوفو89

04-09-2013, 01:38 PM

الله يسعدك دموع

الحمدلله الحمل منيح .. طول اليوم بظل منيحة.. بس المشاكل بتبلش بالليل

وجع ظهر ورجلين و روحة ورجعة ع الحمام ستين مرة

بيعين ربك

انتي متجوزة ؟

حيفا

04-09-2013, 01:41 PM

حبيبتي حلووووووووووش والله ياريت قريبة علي الا اجي تعمليلي ومعي صحن ورق عنب كمان ههههههههه

طب هي عادي باي يوم ولا لازم بوقت محدد وبنفع اعملها لحالي ؟

دموع الليل

04-09-2013, 01:42 PM

اها متزوجه الى 4 سنين

عندى ولد عمره 3 سنين

وحامل فى الشهر الخامس

دموع الليل

04-09-2013, 01:43 PM

حيفا منوره

فوفو89

04-09-2013, 01:50 PM

اها الله يخليلك جوزك وابنك ويتمم حملك ع خير

يعني انتي قبلي بشهر

انا اتجوزت في شهر 7 الماضي والان حامل في نص الرابع

حيفا

04-09-2013, 01:52 PM

نووورك دمووع تسلمي
بديت اخلص لف هههه

~{{ DoDo }}~

04-09-2013, 01:57 PM

دموع
يا هلا نورك حبيبتي
كيفك وكيف ابنك والبيبي ان شاء الله مش متغلبة

فوفو
صحتيين ع مقلوبة الفول ولا مرة عملتها
وبالنسبة للسمك مزبوط سمك الامارات اطيب
لانه طازة وفي انواع ما في منها بالبلاد تفضلي اهلا وسهلا ؛)

حيفا
يعطيكي العافية هيك شطورة قربتي تخلصي ههههه
يلا هاااانت ؛)

دموع الليل

04-09-2013, 01:58 PM

حيفا صحتين

دموع الليل

04-09-2013, 02:00 PM

دودو الحمدلله بخير

بس بديت احس بتقل

فوفو الله يتمم الك على خير

عرفتى جنس البيبى؟؟؟

فوفو89

04-09-2013, 02:07 PM

دودو صحة وهنا يارب
اتصلت ع جوزي عشان يشتري سمك اعمله ل بكرا
شهيتيني ههههههه

دموع تسلمي يا زوووء
رحت في اخر شهر 3 وكنت في اخر الشهر الثالث وحكالي الدكتور احتمال ولد بس مش اكيد وحكالي المرة الجاي بيأكدلي
يعني اخر شهر 4

~{{ DoDo }}~

04-09-2013, 02:17 PM

دموع
الله يعينك
انتي باي شهر هلا ؟

فوفو
هههههه صحتين حبيبتي
وان شاء الله موعدك الجاي بتيجي بتقوليلنا تاكدتي من جنس البيبي؛)
ربي يتمملك ع خير

حيفا

04-09-2013, 02:27 PM

تسلمولي صبايا

ااااه اخيرا علقت الطبخه الحمد لله هههههههههه

فوفو89

04-09-2013, 02:31 PM

ع قلبك يا رب تسلمي
ان شاء الله يارب
سقالله وهو جاي الموعد .. اشتقت اشوف البيبي

وانتي الله يقومك بالسلامة يارب
انتي حامل ولد ولا بنت ؟

~{{ DoDo }}~

04-09-2013, 02:51 PM

حيفا
يعطيكي العافية يااااااارب

فوفو
انا حامل بولد
ان شاء الله بيجي موعدك بسرعة وبتطمني ؛)

حلا الماس

04-09-2013, 04:38 PM

مرحبا .. مساكم سعيد

دموع .. منورة كيفك حبيبتي ؟؟ وكيف الحمل ماشي معاكي ؟؟ بان معك جنس البيبي ولا لسه ؟؟

فوفو .. صحتيييين على المقلوبة .. انا ما عمري جربتها بس بشكل عام بحب الفول ..

حيفا .. يعطيكي العافية وبالهنا والشفا عالورق
انا بستنى الورق بارضنا يكبر شوية عشان اطبخ منو ..

بالنسبة لطبق الضهر انا بعرف انو بعد خامس يوم من الدورة .. انا مرة عملتو عند وحدة قبل ما احمل بالبكر وحملت بعدها ب 3 اشهر

بس من حوالي سنة كان ضهري يوجعني كتير وعملت طبق لحالي وبعدها اختفى وجع ضهري بدك الطريقة بحكيلك اياها

دودو .. طبختي ولا لسه ؟؟
سوري اتاخرت عليكي بالطريقة .. بس كنت مشغولة مع بناتي وترتيب المطبخ بعد الغدا

المهم هاي الطريقة : اول شي ببهر السمك بحط عليه ملح وفلفل اسمر وكمون ورشة زنجبيل مطحون وبخليه يتشرب

وبفرم حبة بندورة وفلفل حلو وكمية كبيرة بقدونس وبهرس 7- 8 سنان توم وعصير حبتين ليمون وفنجان زيت زيتون .. بخلط التتبيلة كلها مع بعض وبرش عليها شوية فلفل اسمر وكمون وزنجبيل وملح .. بعدها بجيب السمك وبحطو مع التتبيلة هاي بالصينية مع كاسة مية ونص مية .. بغطي الصينية بالسلفر وبدخلها الفرن على نار متوسطة مدة 45 دقيقة وبعدها بحمر الوجه .. وهيك بيصير عندي ازكى طبق سمك انا ما بعمل السمك بالفرن الا بهاي الطريقة .... كتير لزيزة

جربيها وقوليلي ازا عجبتك ... فوفو جربي طريقتي بكرة واعطيني رأيك ؟

مين هون من الصبايا ؟؟

حيفا

04-09-2013, 05:21 PM

حبيبتي حلا الله يسعدك احكيلي الطريقة وبشوف اذا بخلي حد من اللي حولي يعملي ياه لانه وجع ضهري لااااا يطاق ، ومش عارفه انا اليوم 8 من الدورة بنفع اعملها اليوم او لاء ؟

لولو الفلسطينية

04-09-2013, 05:27 PM

انا جيييييت
مسا الخير
سو الاخبار ؟
في حد هون و الا هئة ؟؟ hwaml02

حيفا

04-09-2013, 05:31 PM

ههههههههههههه مسا الورد لولو

شكلو هئه ما في حدا :p

لولو الفلسطينية

04-09-2013, 05:35 PM

ههههه
يسعد هالمسا حيفا
كيفك و كيف امورك ؟

حلا الماس

04-09-2013, 05:37 PM

هلا هلا هلا هلا هلا
لولو ... نورتي يا عسل .. كيفك ؟؟ شو اخبارك ؟؟

حبيبتي حيفا .. بعتلك عالخاص وصلك ؟؟

لولو الفلسطينية

04-09-2013, 05:55 PM

حلا النور نورك يا عسل
انا الحمد لله بخير
اليوم درست شوية بس مش كتييير و عملت للغدا قلاية بندورة و سلطة و هيك شغلات عالخفيف ما اجى عبالي اطبخ و قرفت الجاج و اللحمة اصلا

لولو الفلسطينية

04-09-2013, 05:57 PM

انتي كيفك و كيف الأولاد

حلا الماس

04-09-2013, 06:28 PM

تسلمي لولو .. وصحتيين

الاكل ملل .. وحلو انو يوم ما تطبخي وتعملي حواضر من البيت

انا منيحة وبدي سلامتك .. ولادي مناح كانوا نايمييين ومن شوي صحيوا لهيك اتأخرت بالرد

~{{ DoDo }}~

04-09-2013, 07:36 PM

يسعد مساكم صبايا

حلا
يسلموووو ايديكي عالطريقةوما لحقتها اليوم
المرة الجاي رح اجربها اكيييد شكلها طيبة بتطلع :)

حيفا
يسعد هالمسا ياااارب

لولو
يا هلا نورتي
والله انا كمان حاسة حالي قرفانة الاكل والطبخ وكله
ان شاء الله دراستك تمام والبيبي تمام

صبايا انا الي يومين تعبانة من حركة البيبي :(
بيخبط بخصرتي اليسار كانه الخبطة بالعضمة
بتوجع كتير بجد مش مرتاحة ادعولي ربنا يهونها

دموع الليل

04-09-2013, 08:00 PM

يسعد مساكم جميعا

حلا كيفك؟؟ انا لسه ما عرفت جنس البيبي مع انى لما رحت كنت باخر الرابع

بس ماكان واضح ان شاءالله المره الجايه اعرف... متشوقه كتير

حيفا سلامتك حبيبتى

دودو مبروك الصبى ان شاءالله تشوفيه بحضنك وتفرحى فيه

فوفو ان شاءالله الموعد الجاى تتاكدى

لولو منوره كيفك؟؟؟

باقى الصبايا وينكم؟؟

جارة القمر

04-09-2013, 08:06 PM

يسعد مســــــــــآكمــ،

ام جودي:

حلو كمان ولد بيصرو متل يزن وزيد ......الله يتمملك على خير

حواء:

الحمد لله انه برلنت صارت افضل ......

احساس:

الله يعينك على لدراسة بدهااااحد فاضيلها وما عليه مسؤوليات

حيفااا:
من اشهى الاطباق اللي بحبها ورء العنب يلا صحتين على ألب للي اكلهاااا

حلا+دودو+لولو+فوفو == منورين يا حوامل

يااااااا بناااااااات شكل غـــــــمـــــــــــوض هجرتنا .........