دردشة بنات فلسطين , دردشة حوامل فلسطين , تجمع بنات فلسطين

[فوفو89]

صبااااح الخير صبايا

كيف اصبحتووو ؟؟


احساس
يسعد صباحك
وموفقة بمشوارك يارب

[نور العمر]

صباح الخيررر صبايا ... كيفكم وشو اخباركم ..؟؟

صباح الخير فوفو كيفك و كيف الحمل مع الشووب ...

موفقه احساس بمشوارك ان شاء الله ترجعي مبسوطه من مشوارك ...

دودو ولولو ان شاء الله ياااارب تولدو وتقومو بخير وسلامه ... وتشوفو بيبهاتكم ب احضانكم بصحه وعافيه ياااارب ... ربنا يسهلها عليكم يااارب وعلى كل الحوامل ...

مش عارفه ليش اليوم حاسه حالي مخنوقه مع انو ما في شي مدايقني ... يمكن من الملل ....

[احساس أنثى]

يسعد اوقاتكم فوفو ودموع
الحمد لله كان عندي مقابله بمدرسه خاصه وان شالله نتوفق فيها

دموع
مالك ملااااااانه !!

والله انا تعبانه من الوحام

[غُمُوض أُنثَى]

يسعد صَبآحكُم ومسآكُم صبآيآ شو الاخبآر ..!

لولو ودودو فكرت رح افوت الآقيكو والدين يوووو مأ اكسلكو يلآ شدوآ حيلكو بدنآ بيبهات جديدة :)

ربي يقومكم بالسلآمة يـــــــآرب


هبوش ولك والله الك وحششششة يآ بنت شو آخبآرك ووين هالغيبة !! طمنينا عنك وكيف ميلو
وأي شهر وصلتي هلأ ، ربي يتمم بخير يآرب وتخلصي امتحانات ع خير :)


حوآء مبآرك لسلفك يآرب ، وسلامتك من التعب والله يعينك ع تسنين برلنت كيف عروستكم شو رأيك فيها

انا سلفي تزوج قبل شهر بالزبط وسلفتي مجننة حماتي عالاخر ياحرام زعلانة على عمتي والله
قال ما بتشتغل اشي بالبيت كله على عمتي لانها سآكنة مع عمتي وعمي يعني مافي غيرهم بالبيت
ودايما مخزونة بالغرفة ع تلفزيونها وما بترضى تطلع زيارات مع عمتي ، عاد انا لسآ ما بعرفها منيح مرتين كلمتها وبحكي الله يستر ما بدي احتك فيها كتير خليني بعيدة

بآقي الصبآيآ الحلوآت نهاركم زين يآرب

[غُمُوض أُنثَى]

احساس شو اخبآرك الله يعينك ع الوحام

انا بعاني من مرارة في تمي دايما دايما صرت 24 ساعة آكل اي شي بس لحتى ما احس فيها والله

ودايما في تمي علكة او نوع حلو يا لطيف قرفت حالي والله حتى الميا ما بحس الها طعم

ناوية تشتغلي بمدرسة خاصة طيب مش تعب عليكي هالفترة ؟

[احساس أنثى]

هلا غمووووووض

فتره وبتعدي ان شالله والله انا بحس طول النهار معدتي مش مرتاحه والصداع دمرني
مش مشكله التعب ياغموض بس هادي فرضه لانو المدرسه كتييييير كويسه مش متل المدارس التانيه
انا بس يعدي فترة الوحام بسترد نشاطي واكيد حاليا مافي مدارس يعني ان شالله لو كلموني بكون عديت نرخله كويسه بالحمل

[غُمُوض أُنثَى]

يلآ ان شاء الله يارب يكون الشغل فيها منيح وتنبسطي واكيد فرصة كويسة كتير
انا ناسية انه حاليآ عطلة هههههه لا من هون لغآية ما تبلش المدارس اكيد بيكون وحامك راح
وكمان بتتنشطي وبتنسي التعب مع الشغل ، واكيد حماتك رح تشيل عند ابو الزوز

موفقة حبيبتي ان شاء الله

[احساس أنثى]

اه والله لولا اني مع دار عمي كان ماتشجعت
بس كمان اهلي بيني وبينهن شارع وامي بعد ماتقاعدت فاضيه يعني ممكن اودي زوزو عندها

ربنا يكتبلنا يلي في الخييييير

[جارة القمر]

يسعد مسااااكمـــ

[احساس أنثى]

مساكي عنننننبر
جاره

كيفك وكيف الاولاد ؟

[فوفو89]

يسعد مساكم صبايا

نور العمر
هلا بيكي
انا الحمدلله تمام ،، والحمل لا تسألي ،،جد كثييييييير متعب في الشووووب ،،الله يعيننا في رمضان
انتي كيفك وكيف بنوتك ؟


احساس
موفقة بالمقابلة وان شاء الله تنقبلي يارب


جارة ،،غموض
يسعد مساكم

[جارة القمر]

احساس:

هلا حبيبتي ربي يوفئك بالمقابلة ......

ولادي منااااااااااح وبخير اليوم يزن راح على اول يوم مخيم صيفي ............وهو قريب من شغلي
انبسطت فيه لانه رافقني كل الطريق لانها بدها ساعة من بيت بسبب الازمة ............

وزيد طلع 4 اسنان وقف ههههههههههه بطل يطلع سنونات ما اعجبته شغلت التسنين هي غلببه ووجع


اما انااااااااااااا لوزي ملتهبين ومرضانه اول مره بحس فيهم هالئد........

~~~~~~~
يلا ياااا حوامل زهئنا الانتظار لخبر ولادتكم ........~

[احساس أنثى]

حبيبتي فوفو ربي يسمع متك

جاره الف سلامه عليكي تعرفي حماتي بتعمللنا للوز لبن وبتدق درسين تومه وبتحطهم في
والله بتطهرهم من الالتهابات ع مرتين وان شالله حتلاقي حالك احسن

زوزو كمان طلع 4 اسنان ووقف وشغال فينا عض :)

[جارة القمر]

الله يسلمك يا احساس
والله حماتي وسلفتي ما قصروا اجو علي او عامليني شاي برمية وبابونج .........

وزوجي اخدني على الدكتور لاني بطلت متحمله وجع لوزي ورقبتي ........

لما شافهم الدكتور نادا زوجي ليخلي يشوف .......انجن علي وكتبلي ادوية وبكرارايحه على دكتور العظم لاني كتير بتألم
من رقبتي وكتافي يعني كله مع بعضه شي سنان شي عضم الحمد لله...........بس انا خايفه اعدي ولادي حراااااااااااام

[فوفو89]

يسعــــــــــــد مساكــــــــــــــــم


جارة
الف سلامة عليكي وما تشوفي شر
الله يكون بعونك يارب

[كبريآء أنثى ـآ]

يسعد مساكي فوفوو

شو مالها الدردشة صايرة نايمة كتييييييييييييييييير

[حواء مثالية]

مساكم فل

والله يا هبة الي صار صتر بالعرس سلفتي كثير منيحىة وحبابة

جاااااااااااارة سلامة قلبك حبيبتي

غموض نورتييييييييييي

حلالا وينها مو طالة

[فوفو89]

هلا ام مروان
يسعد مساكي
كيفك وكيف بطنك والحمل هس؟
عنجد الدردشة كتيييييييييييير نليمة والصبايا شبه منقرضين

[فوفو89]

هلا ام مروان
يسعد مساكي
كيفك وكيف بطنك والحمل هس؟
عنجد الدردشة كتيييييييييييير نايمة والصبايا شبه منقرضين

[beboo]

صبااااح الخير يا كروشات كيفكم

شو مين هون ؟

[ام عبدالله لولو]

مساء الخير صبايا

[احساس أنثى]

مسا الخير بنات
انا كتيييييييير تعبانه شكلها جاره عدتني ههههههههه بمزح
بسبجد لوزي بوجعوني والناس ميته من الحر وانا ميته من البرد متلجه

[حلا الماس]

مسا الخير يا بنات

كيفكم ؟؟ اشتقتلكم انا :)

حبيباتي لولو ودودو يا رب تقوموا بالسلامة يلا هانت مش باقي كتير .... ما تنسوا طمنونا عنكم

جارة
ألف سلامة عليكي حبيبتي ... طمنينا عنك

حواء
شو أخبارك يا عسل ؟؟ وبرلنت والحمل كيف ؟؟ دخلتي التامن ولا لسه

ام عبد الله
مسا الورد والعنبر ... شو أخبارك يا حلوة ؟؟ من زمان ما طليتي !!
طمنيني عنك وعن عبودي

إحساس
سلامتك حبيبتي ألف سلامة عليكي ... ديري بالك على حالك وخففي بوظة هاليوميين ...

بافي البنات الغائبات والحاضرات والي من زمان ما طلوا يا رب تكونوا بألف خير

راسي بيوجعني من مبارح صايبني نعس شديد zzzzzzz

مين هون ؟؟

[احساس أنثى]

حلااااا
سلامتك من الطداع نامي يمكن يخف الوجع

انا والله من الميه البارده مع هالحر
وزياد متعلق فيا وبشد فيا وخايفه احط نفسي بوجهو واعديه
هيو فتح الدراج وقلبلي الغرفه فوقاني تحتاني

[حلا الماس]

إحساس
يسعدك ربي .. المية خلي نصها بارد ونصها من الحنفية يعني مش متلجة انا هيك بعمل لأنو سناني ما بتتحمل البارد كتير ... يختي زياد بيطلعلو يخرب الله يحميه هو انتي شو وراكي غيرو خليه براحتو هههههههه الله يحميه

[كبريآء أنثى ـآ]

مين موجودة ؟؟؟

[كبريآء أنثى ـآ]

انا طبعا بكرة آخر معاد إلي ولساتني صامدة
بس اليوم صار جماع الظهر ومن بعدها وأنا معي مغص بس لحتى الآن متحملة المغص
يعني مغص خفيف مش قوي بس بشكل متواصل المغص
ومابنزل علية إشي بس بحس كل فترة وفترة بطني بقسى كتييير من أسفل البطن وبجعني على هوا مابقسى
ولحتى الآن في معي مغص ومتحملاه ... ؟؟
شووو يعني هاااد ؟؟ قربت أولد ولا كيف ؟؟؟

[حلا الماس]

هلا ام مروان
ربي يسعد مساكي ويهونها عليكي يا رب ... أن شاء الله خير وبتكون بوادر ولادة هلا أزا ضل المغص وزاد احسبي كم الوقت بين المغصة التانية وراقبي حالك لو نزل عليكي مية أو دم حتى لو ما في وجع روحي للمستشفى ويا رب تقومي بالسلامة وتجي تبشرينا

[احساس أنثى]

حلا
ربي يخليكي والله بسيبو يلعب ع راحتو بس لاني مكسره مش قادره اضل اجزي وراه

فوفو
ياقلبي عليكي ان شالله بكره تفرج وتقومي بالسلامه وتيجي تحكيلنا انك قمتي بالسلامه

[احساس أنثى]

قصدي ام مروان
بفاول ع فوفو ههههههههه ان شالله تولد ع معادها كمان

[كبريآء أنثى ـآ]

تسلمو حبيباتي بس لسا المغص لهلأ بس خفيف
والله صرت خايفة كتييير ههههه

[احساس أنثى]

الولاده مابتخوف ياام مروان
خليكي قويه وكل ماتجيكي الطلقه ادعي
قولي يارب هونها عليا وان شالله بتتسهل معك

[كبريآء أنثى ـآ]

إن شاء الله ربنا بصبرني وبهونها علية
لحتى الآن ما نزل علية أي شي لهيك مطمنة هههه
بس لساتو المغص شغال ع خفيف يعني بتحمله

[احساس أنثى]

مش شرط ينزل عليكي شي ياام مروان
انا متلك بدا الوجع معي ع خفيف
رحت ع المستشفى وحكتلي لسى مش موسعه

رحت ع مشفى تاني لاني ماتحملت الوجع اولها دلوعه ههههههه
حطت ايدها ساعتها نزل دم وحكتلي حخليكي واعطيكي اشياء تساعدك
وفعلا والله ساعدتني لحد ماولدت

يومها ماما انبسطت كانت خايفه عليا عشان بكريه
وكانت خليفه الطلق يستمر معي اكتر من يوم لانو في بطولو وهما بيطلقو
بتقلي يومها الحمد لله ولادتك سهله بالنسبه لغيرك :) الحمد لله

كنت دايما ادعي ربي يسهلها عليا وتكون ولاده طبيعيه ويبعدني عن مستشفى الشفا :)

[جارة القمر]

مسااااااااااااء الخير


ام مروان :

ربي يقومك بالسلامة الولادة تجربة حلوه ..............


بس بالنسبة اللي ما حب سيرتها للولاده ...............


احساس - حواء- حلا:

الله يسلمكم يا بنات .............

شو اخباركم ................؟

[إنبثاقة أمل]

صباح الليل


شو أخباركم

ربي يهون عليكم لولو وام مروان ودودو

يارب تقومو بالسلامه وتشوفو البيبات بخير وعافيه

[حواء مثالية]

صباحكم فل

جمعتكم خير وبركة كيفكم

ام مروان ان شاء الله تكوني اولدتي وارتحتي

لولو دودو خلص بدنا نسمع الخبر الحلوووو بقومتكم بالسلامة

حلالالا تسلمي يا روحي نحنا بخير انا كمان خمس ايام بفوت الثامن

[حلا الماس]

صباح الخير

جمعة مباركة عليكم يا رب

ام مروان
يا رب تكوني ولدتي بالسلامة ويا ريت لو اتطمنينا عنك بأقرب وقت :)

جارة
الله يسعدك طمنيني كيف صرتي هلأ ... ان شاء الله أحسن
اخباري انا منيحة بس إلا ما تجي حالة النكد الفجائية هيك بدون سبب بحس حالي مخنوقة ومتنكدة وبس بدي اعيط ... هيك بالزبط كانت حالتي مبارح بالليل :(

انبثاقة الحلوة
الله يسعد هالطلة الحلوة يا رب ... شو أخبارك ؟؟؟ لسه عم تعملي رياضة التغيير الروتين

حواء
الله يسعد صباحك يا قمر .. منيح انك بخير وربي يتمملنا على خير ونولد بالسلامة كلنا ...
بس في فرق بيني وبينك حوالي 20 يوم انا سابقتك

[احساس أنثى]

صباااااااح الخيييييييير
جمعه مباااااااركه للجمييييع

[حلا الماس]

هلا يا إحساس يسعد هالصباح يا رب

كيفك اليوم ؟؟ شو في عندك مشاريع بدك تعمليها ؟؟

[حواء مثالية]

الله يسعد صباحكم يا رب

اه حلا انا وام عبدالله بعدك عطول الله يتمملنا على خير

احساس منورة

[احساس أنثى]

هلا حلااااا

والله من مبلرح بالليل سبت الحِمل كلو ع حماتي
الله يعطيها الصحه اخدت زوزو ونيمتو وكل شوي كانت تطل عليا عشان السخونه
واليوم هيني متل ماانا مرميه دوووخه وجسمي مكسر حاسه حالي مش قادره اقف ع رجليا

يعني ماعندي مشاريع تعبااانه ومخنوقه زي حلاتك :)

[احساس أنثى]

نورك حواء
كيفك انتي خفيتي !! ان شالله

[حواء مثالية]

اهون شوي مو كثير بس بعدني بعاني

الله يخفف عنك يا احساس روحي على الدكتور مو كويس عشان حملك

[حلا الماس]

إحساس
حبيبتي سلامتك يا رب ... السخونة مش منيحة عشانك وعشان البيبي كمان
أزا فيكي تروحي عالطوارئ تأكدي إبرة أو دوا بلكي بتخفي وبتتحسني ... سلامتك

ااااااااااااه انا من مبارح مش عارفة مالي بس بدي أضل اعيط مع انو مش زعلانة من اشي ولا في شي مدايقني :( ... حاسة ضلاعي بتوجعني وصدري كمان وفي شي كاتم على نفسي أخ يا بنات حاسة بحالة اكتئاب صايبتني من الملل شكلو بس بدي أضل لحالي وأعيط يترك ولادي لحالهم وبروح على غرفتي وصايرة مش متحملة حالي ... :(

[احساس أنثى]

الله يسلمكم صباياً
اخدت حبة اكامول تحسنت عليها شوي باقي وجع اللوز

حلااااا
يمكن مع الحمل احيانا بتجيه الواحد هيك نوبات :)

حواء
الحمد لله انك احسن وبرلنت كيفها طلعت سنوناتها ؟

[احساس أنثى]

تحممت وانا قاعده ع البانييييو خايفه اقع من طولي :)

خلص سيبوكو من سيرة التعب
شو طاااااابخين !

احنا عاملين صينية دجاج بالخضار
تفضلو

[حواء مثالية]

نحنا عاملين مفتووووووول

اي احساس برلنت طلعت السن الخامس والسادس على الطريق ما شاءالله الله يعينها على هالفترة

[احساس أنثى]

صحتييييين حواااااء
زاكي المفتول ابعتيلي صحن :) بس يكون عليه قرع وبندوره هههههههه
شحاد وبتشرط / احنا بنفضلو بايام الشتا اكتر لانو بيشرب الواحد بعدو ميه ليوم الميه

ماشالله عليها برلنت اكيد هادول النياب بقولو بتعبو زوزو لسى 4 اسنان


جااااااااره
تعي طمنينا عنك شو قلك الدكتور يمكن من اللوز لانو انا كمان جسمس مكسر

عيون المها
اكيد نسيتنا مع قري الاهل الله يبسطك

ام جودي
شكلها بتقدم امتحانات موققه ياري

حيفاااااا
وينك غايبه عنا عسى المانع خير

بيبو
اين انتي كل هاد ابنك ملهيكي ربي يخليلك اياه طلع سنوناتو !

عسوله
تعي طمنينا عن حملك كم سارلك ياحلوه

ام عبد الله
مست علينا ميارح ومارجعت !!

هبوووش
كمان عندك امتحانات وبعدها بحث تخرج ربي يوفقك

ام عزمي
نسيتنا خالص يلي وعدتنا تضلها تطل علينا

بينك روز
شو اخبارك سكنتي بيتك الجديد !! ان شالله تشوفي ع وشو الخير يارب

لولو الفلسطينيه/ وام مروان / دودو
شكلكم ولدتو بالسلامه تعو طمنونا

لولو حماده
عملتو فيس ومابتطلي علينا هون !!

دموع الليل
يسعد مساكي وين ماكنتي

ونبض قلب
اعتقد زمان خلصو الاسلاميه امتحانات !! لانو نظامهم زي المدارس

فوفوووو
مابينتي اليوم مش عوايدك!

حلا
تطمنا عليكي بس بدي اسالك خلصت دهان ! يمكن محنوقه من الريحه

غموووووووض
كيفك ان شالله الوحام خف !

انبثاااااقه
شو اخبارك ياغايب عنا ماتسأل ......... تعالي كمليها :)


ان شالله مااكون نسيت حد
بحببببببكم في الله من كل قلبي يااحلى خوات :)

[حواء مثالية]

حبيبتي اساس برلنت هدول اول سنين من فوق لانه الاربعة طلعتهم من تحت

بدي اخد دش وارجعلكم

[احساس أنثى]

اهاااااا
يالله نعيما مقدما :)

[حواء مثالية]

ممممممممممممممممممممممممم انا ما قلتلكم اني جبت اعلى علامة بامتحان التوظيف


بالكم ياخدوني السنة

[احساس أنثى]

ماشالله حووووااااااء

جدددددعه

الف مبروووووووك

ان شالله يارب تتوظفي

[ام عبدالله لولو]

مساء الخير يا صبايا
شو اخباركم كلكم كلكم اشتقتلكم كثير ايام بفوت بطل عليكم اشوف مين ولدت بالسلامة واخباركم الحلوة يا حلوات اعدروني هالفترة الكل بعرف صيف والمغتربين بيجو وزيارات والشوب والحمل والثقل بعين الله فيهم المهم انكم كلكم بخير وصحة تسلمولي يا حلوات احسلس وحلا وحواء الي بيسالو عني الله يسعدكم يارب دودو ولولو وام مروان ان شاء الله بتقومو بالسلامة احساس قوي بان لولو ولدت الله يجبر بخاطر الجميغ ويجبر بخاطر حيفا وانبثاقة ويحملو يارب يلا تعالو ههههههه هيني هون حلا اشتقتلك يا ضرسانة هههههه شو اخبار حماتك حواء نعيما جارة واحساس سلامتكم ما على قلبكم شر فوفو وينك يا عسل مين كمان الكل يسعد مساكم يارب

[حواء مثالية]

هلا بالغالية رفيقتي بالحمل والله الك وحشة يا ام عبدالله رحتي على الدكتور

حماتي منيحة بدها تطلع عمره يوم الاربعاء مشغولة بسلفتي هالفترة ما بلتقي فيها كثير

[ام عبدالله لولو]

تسلمي يا ام عزو الله يسعدك يارب والله وانا كمان اشتقتلكم شو اخبار واخبار برلنت وابنك الازعر كيف وضعو فوق ولا تحت انا والله صارت مراجعتي كل 3 اسابيع ولساتو قاعد فوق هههه امبارح دخلت الاسبوع 30 الله يتمملنا على خير يارب بدي اسالك كم وزت البيبي اخر مرة وباي اسبوع كنتي

[إنبثاقة أمل]

مسا الخيرات

شو الأخبار حبيباتي


حلولي الله يسعد قلبك

الحمدلله انا بخير ومشتاااااقه جدا الك .. لا والله هالكم يوم وقفت الرياضه لان الدوره قربت

مابعرف شو ربي بكتب لنا هالشهر يارب خير


احساس

سلامة قلبك الله عينك ويعافيك ما اصعبها بالصيف الفلوزه

بحسها متعبه اكتر من الشتا :(

ان شاء الله بتتعافي


حواء

شو أخبارك والاميره الصغيره

ماشاء الله عنك يارب يكتب لك الخير بالوظيفه


ام عبدالله

شو أخبارك ياقمر طمنيني عنك

وعبدالله الصغنون شو أخباره ..


فوفو غايبه اليوم ان شاء الله تكون بخير

وجارة سلامة قلبك

ربي يعافيك ويخفف عنك


ام مروان ودودو ولولي يااااااارب يهون عليكم ويقومكم بالسلامه

كل يوم بدخل ع شان اطمن اسمع خبر حلو منكم :)


والغايبييييين والله اشتقنالكم

ام جودي وسما وحيفااااا الدبه وعيون وبينك وميسا

وعسوله ولولو حماده ودموع ونور ... وفقدت الذاكره هههههههه

والي نسيتها تسامحني :)

[احساس أنثى]

يسعد مساهم الحلوين الموجودين :)
الله يسلم قلبكم من كل شر

[حواء مثالية]

مساكم خير

ام عبدالله يوم الاحد او الاثنين مراجعتي بجاوبك على اسئلتك

انا حاسة راسو تحت ان شاء الله يضل هيك ربي يحن عليا واولد طبيعي

انبثاقة يارب ما تشوفي الدورة وتكوني حامل

[كارمة]

مرحبا صبايا في حد هون حد نحكي معو

[Heba T]

هلا كارمة .. جديدة هنا؟

[Heba T]

حواء .. يارب تتوظفي

احساس .. أي شهر سرتي يا ولية ، حاساكي ماشية بالبطيء < ع اساس انو انا اللي ديليفري هههههه

[Heba T]

يظهر مافي حدا هنا؟!

[فوفو89]

مسا الخير صبايا

كيفكم

ام عبدالله ،،احساس ،، انبثاقة ،،
تسلمو لسؤالكم عني ،، الله يسعدكم يارب

هالايام عنجد كثيير عجقة وفيها مناسبات كثير ،، عنا عرس في الحارة ل واحد من العيلة ولازم الوحدة تحضر طبعا ،،بكرا الحنة وبعده الصمده
وكمان هالفترة كثير في ضيوف من الاردن ،،كل يوم بنروح نسلم ع وحدة


بيعين الله ،، الله يهونها يارب

انتو كيفكم جميعا وشو عاملين ؟

[beboo]

صباح الخير كيفكم

اشتئتلكم كتيييييير

[حواء مثالية]

صبااااااااااااااااااااااحو

منورة بيبو شخبارك

[Snowwhite-90]

صباحكم سعادة ورضا من الرحمن

كيفكم يا غاليات ،، شو اخباركم ،، اشتقتلكم جدا جدا جدا جدا ،، كل الي سألوا عني تسلمولي والي ما سألوا بردو تسلمولي ههههه

بعتذر عن غيابي هالفترة الطويلة ،، كنت بقدم امتحانات :) ويوم الخميس كان اخر امتحان ،،،

الحمدلله طلعوا كل الدرجات ما عدا مادتين ،، وكتييير مبسوطة انه ربي عوض تعبي خير ،، ان شاء الله اخر مادتين كمان يكونوا حلوين :)

صبايا في شغلة هحكيلكم اياها وهاي فرحت فيها اكتر من فرحي بالدرجات الحلوة

الحمدلله الحمدلله الحمدلله على نعمه ،،، يا صبايااااا البيبي الحمدلله بخير وكل شي تمام بفضل الله

الدكتور حكالي انه هتجيني بنوووووتة هههههههه ،، يا الله يا الله لو شوفتوني انا وزوجي لما حكالنا هيك كنا طايرين من الفرح واهلي

واهل زوجي كمان كتيييير انبسطوا ،،، هلأ حمودي بسير عندو اخت ان شاء الله اذا ربنا تمم على خير :)

وهاي كل اخباري :)

يلا لشوف احكولي اخباركم وحدة وحدة ،، ودودو ولولو ولدوا ولا بعدهم ؟؟؟

شو طابخين اليوم ،، انا زوجي راح يجيب جاهز ان شاء الله يمكن كباب ،،لانه حاسة حالي تعبانة ونفسي اضل نايمة ،،

[فوفو89]

صبااااااااااااااااح الخييييييير يا حلوين

كيفكم اليوم

بيبو ،، حواء
يسعد صباحكم


سنووايت ام جودي
يسعد صباحك ويعطيكي العافية
الله ينجحك يارب ومبروووك البنوتة ان شاء الله بتشوفيها بخير وسلامة يارب
انتي بأي شهر ؟


حلا ،،ام عبدالله ،، احساس
وين غايبين لحد الان ؟ يلا قومو


انا بدي اعمل للغدا اما ملوخية او أوزي
محتارة لسه بين الطبختين .. بشوف جوزي شو بدو وبخليه هو يختار اريحلي :)

[كارمة]

مرحبا ويعطيكم العافية انا حامل ببداية الشهر التاني وبدي اسال عن الصيام برمضان وهل يؤثر ع صحة البيبي