تجمع سيدات ليبيا الغاليات..

[أم ورد]

اللهم امين يا جيجي والله نستنى امتى نجيب الشهر الأخير متعب الصراحة

[dr.loly]

اختي خوله كنك راقيلك وخياتي هنا مايقصرنش الحــق مع حد

بعد طلبتي سلطات وموالح اغلبيتناااا اعطيناك طرق وافكــار..


بس الحق هنا البناااات يمكن مبدعات اكثر ف الموالح والحار وجو الكيكات وهكي ماعندنش واجد ع طرق الحلويات


يمكن توفيرآ لجهدنا نشروا جاهز افضل .. خصيصا بعد تلقي حد مضموووون وحاجته نظيفه


وسوسو مرة دارت المقروض ف العيد وقالتلك من طريقة زينب محمد

[dr.loly]

بحثثتلك ع السله ولقيتك هالطريقه ياخوله

ساهله جدا..

بسكوت السله بالكورن فلكس
المقادير
كوب زبده
بيضه
نصف كوب سكر ناعم
ملعقه صغيرهB.P
فانيليا
دقيق حسب العجينه

طريقة العجن
تخفق الزبده مع السكر الناعم جيدا ,ويستمر الخفق مع اضافة البيضه , فانليا وبعدها يضاف الدقيق و B.P
الى ان تتمسك العجينه

تفرد العجينه في القولب بهذيه الطريقه

وهذا شكل السله بعد اخراجها من الفرن

الحشو
كورن فلكس
شكولاتة طبخ سايحه
لوز مهرمش

الطريقه الحشو
يتم خلط جميع المكونات مع بعض
ولاحظه يجب تسيح الشكولاته على حمام مائي

تحشى السله بي الحشوه السابقه تحضيرها, ثم تتدخل الثلاجه
الي ان تجمد وبعدها تشكل بخطوط بالشكولاته البيضاء

وهذا شكل الطبق النهائي

وان شاء الله الف صحه

[dr.loly]

ملحوظه...

خالتي شاطره جدآ ف الحلويات ابداع الحق

ودئما تقول ان البندق مع كورن فلكس وشوكولا نكهته الذ.. مية مره عن اللوز


لذلك لو فكرتي... في هالنوع ننصحك بالبندق اكثر


وع فكرة ف نوع ساااهل جدا


متاع تخلطي كورن فلكس وشوكولا خام بعد تسيحيها ف حماما مائي مع كمية بندق مجرووش كبيره


وتحطي طول ف ورق التزين ع حسب كبره ملعقه او 2 وفوق كل طرف تحطي بندقه

وترتبيهن في سفــره وتحطيهن ف الفريزر يجمدن


نوع ساهل وبسيط..

[ام وسونة]

ام رنودة ربي يعوضك الشهر الحاي باللي يفرح قلبك يااااااارب

ام فروسي تسلمي وبالنسبة لوسن تمشي معاي للمدرسة تمهيدي

ام ورد تسلمي ياغالية شكله البيبيات مخليتيهم مفاجأة لكن المفروض تقوليلنا

[dr.loly]

في لمة جياب الاء احدي الانواع كانت سلة مقلوبه يقولولها

محشية الواز بأنواعه مع كاجوووومعسله كلها

رغم ان يقولو طاحت موضتهااا.. بس نا مقتنعه ان الحاجه السمحه ماتطيح موضتهاا وهكي ف كل شئ


بس نال اعجاب الضيوف واجد هالنوع ..

[dr.loly]

اها ماشاء الله ربي يحفظهااا

اكيده شايفه حالها فيكـ مامتها ابله في المدرسه لي تقري فيهااا

زمان نحن وصغار نحبوه الجو هذا هههه

[dr.loly]

وهذا نوع اخر من السله

السله بالكراميل,,

المقادير

نصف كوب زبدة
نصف كوب زيت
خمس ملاعق كاستردا{ بودر}
مايعجنها دقيق
ملعقة صغيرة بيكينج بودر

الحشوة
علبة حليب نستله مركز
بندق محمس
شوكلاته

الطريقة

تخلط كل المقادير مع بعض وستلاحضون لون العجين اكتسب لون من الكستردا

تترك العجينه لترتاح حوالى نصف ساعة تم ترص في قوالب السله
وتخبز في فرن متوسط الحرارة
وهذا شكلها بعد الخبز

في هذه الاتنى نضع علبة الحليب المركز والمحلى في طنجرة بها ماء على النار لمدة ساعتين كاملتين

وبعد مرور الزمن المطلوب نفتح العلبة

فنلاحظ قوام الحليب اصبح متل الكراميل او الكريم
{انا ضفت عليه لوز مرحي {بودر} يعطيها طعم حلو}
وهذه صورته

بعدها نحشي القوالب بالكراميل ونزينها بالبندق والشوكلاته
كما في الصورة

وهذه

[هدية الخالق]

السلام عليكم ورحمة الله وبركاته
فروسه كيف الحال ولاباس علي لولي بعيد السو عليها مالقوش باش يفاولولها حتي سوما لما مرضت بالحرارة المده اللي فاتت سألت دكتورتي قالت توا جاية انفلونزا الطيور قلتلها في خاطري زي قولتك فال الله ولا فالك بعيد السو عليها هههههه
ام ورد كيف حالك ربي يسهل عليك وينوضك بالسلامة فعلا الشهر الأخير ضد شهور الحمل كلها
سوسو إن شاء الله ربي يسخرلك وتحملي قريبا والله حتي أني رغم إنه بنتي قاعدة صغيره لكن خاطري نحمل الحق وراجلي زي ماقلتلكم قاعد مشوب خايفني نمرض ونتوحم وسما تنهمل ...حتي أمس لما مصارش من الحمل قتله شن رايك نديروها الشهر الجاي قالي لا خليها بالحظ كان صار غلط وربي كتب حمل عادي كلا مقصوده لا مازال شوي وقالي والا تبي تجيبي حتي المره هادي اهني بروحك وتعطل المرواحه قتله لالالالا هههههه
خطرها فروسه سألتيني عالمرواح إن شاء الله في سبعة كحد أقصي وانتم ؟؟؟
جيجي لاباس عليك أول مره تجيك الدورة بعذ الجيااب ؟ ربي يسخرلك الحمل في الوقت المناسب لكن يفضل لبعذ الستة شهور بما إنك عملية لأنه صعب عليك وكم عمرها جمونه الحلوه توا ؟
ام وسونه ماشاء الله تدهرويره حلوه وتغيير جو سلم زوجك باهي عنده وسعه بال راجلي والله مايحب الزحمه والاجواء هادي
وصحة غدااكم سفهتيني احني كيف اذن الظهر مازال موعد الغدي أو بمعني اصح العشي والله نفكر شن مندير محتارة ...

[dr.loly]

الله لايوريك باس هدوووو

لاهم هنا شاطررين غل ف الفجااايع بس ف وجك يقولها لك ههههههه


نحن المرواحه اهم شئ قبل رمضان نكونو ف ارض ليبيا الحبيبه



بصراحه رايفنا والله شد احويل لي مطولين هنااا


بالله عليك الصيام ف بلادنا ونكهته


ساد غل صوت الاذاااان محلاه يشرح النفس..



خصيصا ع الفجر تسمعي كل المساااجد القريب والبعيد.....



نا زوجي رفض بشده ان الشركه تزيد شهرين بعد طلبت الجامعه منهم هكي

قال بنشتغل ع مشروع بدري..


ونفوتهم بجد راقيله بكل ومرايف اكثر مني ع البلاد