سيدات ليبيا الحبيبات ..تفضلووو

[sosolibya]

أثورة تعاااااااااااالي راهو خلاص عطيت موعدللمراة للميش

هيا تعالي بسرعة

[sosolibya]

أثوووووووووووووووووووووووووووووورة أين أنت تعالي إلى هنا..


استاحشناااااااااااااك..

[أم أجنادين 80]

السلام عليكم

اوشي ان شاء الله بالنجاح لابنائك قرة عينك

فعلا لما يكونوا الصغار يمتحنوا الأم تحس نفسها هيا اللي بتتمتحن .

بس شن نظامك مع صغارك اوشي معودتهم انك لازم اتقريهم او يقروا وانتي تراجعيلهم .

جارت حوش عمي بنتها معقدتها رغم انها مش صغيرة تنحرم الأم من الطلوع في فترة الامتحانات ولازم تقري معاها

صفحة بصفحة لدرجة انها تحفظه ونقولها لو تمشي للامتحان تجاوبي افضل من بنتك

ربي يكون في عون الامهات ,,,

ام فروسي



عجبني الفستان بس زي ماقلتي عيبه الفترة بس ليها حل وهوا طرف شيفون او دانتيل واو حتي نفس القماس

بس نشوف المشكلة من فوق انا الفساتين هذه موديلها الفوق يعقد فيا معادش نعرف كيف ندير من حل جاكيت

انحس فيها اتفسد منظر التفصيلة لذلك ديمة نتجنب فيهم

بس في حل وهوا الشعر يكون نازل يغطي الطرف العاري



الموديل هدا من قبل عاجبني ونزلتكم صور شبيهة منه عندنا محل جنب حوشي اسمه pettie page

بس كلهم فوق 100 دولار والقماشة روعة وكل فترة ينزل موديل جديد بعد فكرت نشري الغيت الفكرة قلت ناخده لما بنروحوا ان شاء الله

بس دورت عليهم الفساتين الاثنين في امازون امريكا مش موجودات

هدية شن اخبارك واخبار سوما ومقالبها

مش مفكرين في زيارة الي ليبيا ؟؟؟؟؟

سوسو الحمد لله علي كل حال حتي نتشحور مش مهم

ياريت كنت في بلادي حتي لو كنت نقرا اونخدم لكنت خديت راحة بس هدا نصيبنا وحكمة ربي والحمد لله

[أم أجنادين 80]

سوسو ليش مااديري خصلات بالصبغة بدل الميش

[sosolibya]

صباااااااااااح الخير

[sosolibya]

كيف حالكم .. هلا جنودة

بصراحة جنودة أنا حاسة أن الميش صح وعادي لأني حاشسة انه يسحب في اللون لما تشوفيهم يقعد لون الشعريتغيرة لين تبدأ صفرة

ولو بنشوفو معناه يسحب في اللون والصبغة هيللي تحط في اللون.

حرت والله حرت

فيه من يقول
اترك مايريبك لما لايريبك

وفيه من يقول عادي لأنه يسحب اللون ومافيه باس..

[sosolibya]

بنات وينكم ..

جنودة مع من بتوصي نقصد في حد بيزورك ولا شنو ,,

ولو تبي أي حاجة بالله عليك وصي بس توا نبعثوهالك ,, عادي ماتتحشميش ,,

بالك خاطرك في حاجة..

[sosolibya]

هدهد
جيجي
اوشي
فروسة
خولة
فيفي

أثورة وأم معاد وييييييييييييييييييينكم

[dr.loly]

المشاركة الأصلية كتبت بواسطة sosolibya

السلام عليكم..

مساااااء الخير ,,

يهبببببببببل القفطان ألأخير يللي قلتي خديتيه فروسة .. الطويل حلووووووووووو

بس حتى القصير دتيه أبيض..

مفروض نوعتي ألألوان صح ,,

وشكله القفاطين غادي رخاص .. سهفتوني هههههههههه

كويس راجل مايقولش ياسرك..


حتى أنا الحمد لله راجلي باهي

بس نتوقع لو فتت رقم معين حيفتح عيونه أكيد

نقصد الكمية (مقدار )مش السعر فهمتيني..


بس صحتين عزيزتي فرصة لاتعوض

وتلبسيهم بالهناء يااااااااااارب

هههههه ضحكتيني ياسوسو
ممكن قريب يقولوها من كثر مايدق الباب بوجوده ههههههه

بس نا خاماتهم هنا روعه ماتحملتهش رغم ان التفصيلات بسيطة

وهما القفطانين هذوما لي بالابيض والاسود خديتهم
الباقي نوعت ازرق ملكي ودانتيل وابيض ساده
ووردي هادي وفوشي

عارفه خاطري ف اخضر لكن الحق مانبيش يقولو عليا طحلوبه هههه


اللون الاخضر هذا انحرمت منه ايام معمر يقولو لجان ثوريه
وبعده طحالب هههههه زعمه نفسي حتي انتم؟؟؟


وقفطان الخمسينات احترت بلونه واجد في منه ع الاحمر والاسود
الاحمر ف بدله هنديه خديتها ب احمر وفضي وف فستان احمر مخطط ب اسود
من ديبنهامز وخديت بلوزه شيفون احمر وتوب احمر ب دانتيل اسود


اسود مليت كثرت الوان لان مافش الا هو خيار ف موديلات عجبتني خصيصا
الدانتيل مش عادي هناااااا


بس نا بنديرله لوك تخيلته ب ابض احلي خديتله حتي قلفز شيفون
او قفازات وفيونكه للشعر


بالنسبه للاسعـــــــــــــــــار لا والله ماتعتبرش رخيصه
شفتي جنوده قالت بس فساتين خمسينات لي جنبها
ولي يعتبرن بسيطات مش لفرح مثلا 100 دولار وفوق

لان اغلبهم طبعا ماركااات عالميه
خصيصا اللي من لندن ( عاصمة الاناقه هالعااااام)

وشريت اخر واحد من ديبنهامز مالقيتش رقمي ف محل طلبته من موقعهم تقريب ب 300 ليبي دانتيل اصلي اخضر مزرق او تيل بلو زي مايقولوله

قلت نلبسه ف الحنه الصغيره متاع خواتي ان شاء الله



عاد ماصارش من رحله فرنسا لثاني مره لان مرضت ودخلت مستشفي ف يوم رحله عطاني ابوفروووسي التصريح بزياده اني ناخد مانبي دام التغت هههه

[dr.loly]

الموديل هدا من قبل عاجبني ونزلتكم صور شبيهة منه عندنا محل جنب حوشي اسمه pettie page

بس كلهم فوق 100 دولار والقماشة روعة وكل فترة ينزل موديل جديد بعد فكرت نشري الغيت الفكرة قلت ناخده لما بنروحوا ان شاء الله

بس دورت عليهم الفساتين الاثنين في امازون امريكا مش موجودات

مرحبا جنوده شخبارك اليوووم
واخبار البيبي ان شاء الله امور الوحم تمام معاك توا

غريبه مالقيتهم توقعت نفس البضاعه لي تنعرض عندنا..؟

به شفتي الاي بي؟؟ اكيد تحصلي فيه


فيه ماركه حلوة انجليزيه واسعارها معقوله

ف بلوزات وتوبات حاجه م الاخير خديت منهم حتي جاكه ووقونه جلد
وفساتين بسيطه

اسمهاroman originals
بس معتمده ف الاماززززون بس شوفي او ابحثي عنها
كان حصليتها ننصحك تاخدي منهم لان اقمشتهم وخامتهم خيااااال

وفرصه هالايام مدايرين ديسكوانت حلووو
قررت معش نشري لقيت روحي واخده منهم بلوزات وقفطانين اخري
الاسعار اغرتني الحق