اهلا باهل الجود والكرم **اهلا بسيدات ليبيا**

[dr.loly]

ايه والله مانحكيلك عاصقع .. عموما كلنا مزكمين ومرضى

واللي يكح عصومي وروى اشوية مش واجد

وياروحي عليهم حبايب خويلتهم فروسي والولي كحة واعرة شكلها

عليك بالحليب والزنجبيل ايهبل للكحة

لاباس عليهم ياارب..طهور
وثلمك اخويلة يارب قالك فروسا ههه
نفس ما اندير لخواتي
بالنسبه للزنجبيل ديما نسوي به
وزمان نرسله شوي ع حليبه بعد يجيه البرد
ونديرله مع امية الحليب يانسون قبل مانضيف
بودرة الحليب نقصد لكن له شهر معش تقبله
فقعدنا نديروله في حليب الابقار الطازج
وهنا مانحكيلك صافي ونقي وفرش
ندفي فيه ونضيفله في نيسكويك متاع الاطفال مافوق السنه
اكيد عارفتيه الاصفر ابو ارنوووب..
قت عشان يستفيد من الفيتامينات والمعادن اللي فيه

فماقدرتش نضيفله زنجبيل خفت يغيرله الطعمة..

بس دوا الكحه يبيعوا فيه بدون وصفه جابلهم باتهم
3 انواع وانتي عارفه ان مر دوا الكحه
مش كيف الباراسيتمول(خافض الالم والحراره)
حلووو يحسابوه الا حلوي ههه

فماتقبلوش واجد دوا الكحه رغم ان واحد منهن بنكهة
توت
قت يلا احسن خخصيصا انهم كاتبين عليه حداري حداري
يجب غسل الاسنان جيدا منع لحدووث تسوس

مع ان نسبه السكر فيه مش كيف ادويتنا العربيه
بتاااااااااااااتا..ههه

[dr.loly]

اموله حتي نا درت بحث ولقيت ان كيتشين ايد يشكروا فيه اكثر من كينوود
خصيصا في منها حمره كامله ونا مطبخي اكسسوارات وبعض الالات باللون هذا
ان شاء الله بنديره..
بس بعد تشوفي الكينوود يصيرلي اغراء ههه
قالي زوجي خوديهن هنا ال 2 وريحي راسك خخخخ قتله حرام
شن بيسد المطبخ بعد يجيني صراع نفسي اما وحده نحطها ع دولاب

ومع هذا كله اختي حيرتني وقالتلي خليك نفس حوش جدي زمان وحوشنا
ع مولينكس وقالتلي ف منها ع الاحمر قمة الحيره خخخ

وشكلي بنفوتهن كلهن وناخد هذه مورفي ريتشارد
بس لو صارلها شئ ماعندي كيف نحصل طروفها لان ماعندنش هالماركة
وكيلها ف بنغازي انجليزيه



ومعاها المفرمه ..ويشكروا فيها ع امازون لقيتها

[ليبياقلبي]

تسلمي خولة اهلين بيك عرفينا عليك منين انت وشن ديري في كندا دراسة ولااشنو وكم عمواليدك انا من الخمس مواليد87 طالعة لي مصر دارسة انا ماجستير عندي بنية وليد بنوتة اسمها ناريز ولدي محمد

[ليبياقلبي]

كيفك ام فروسي وينها شن ابارها
منو العضوة لي كاتبة قبلي dr جديدة معانا

[dr.loly]

مرحبا بأم نوزه
الزهايمر مبدري نساني ردي لي كتبته لكي ههه
مادرتلش اضافه خخخخخخخ

وانا ام فروسي بس غيرت النك نيم

شخبارك وشن جو مصر في اي جامعه جيتي؟؟
وان شاء الله اموركم تمام واكيد صعب الانسجام اول ايام
حصلتي سكن قريب م جامعه او مازااال؟
وشن اخر تطوارات نوزه حمودي

[dr.loly]

جيجي وينك؟؟؟؟؟؟
ان شاء الله خير الغياب

[sosolibya]

صباااااااح الخير ,,, أو قايلة الخير ,,

كيف حالكم ,,, أنا مضاااااااااااااايقة,, ياربي أرحمني وأشفيني يارب..

[sosolibya]

قال رسول الله صلي الله عليه وسلم : أنا وكافِلُ اليتيمِ لهُ أوْ لغيرِهِ في الجنةِ ، والسّاعِي على الأرْملَةِ والمسكينِ ، كالمُجاهِدِ في سبيلِ اللهِ
الراوي: عائشة و أبو هريرة المحدث:الألباني - المصدر: صحيح الجامع - الصفحة أو الرقم: 1476 خلاصة حكم المحدث: صحيح

إشترك الان في #تطبيق_سنن الشبابي الدعوي
حتى يتم النشر على صفحتك

[اوشي]

السلام عليكم ورحمة الله وبركاته

[sosolibya]

السلام عليكم كيف حالكم

العشية طلعنا درنا دورة ندورو على ملابس قطن لي ولريم لأنا جلدنا حااااااااااااااالة..

بس نفسيتي قاعدة مضايق وربي يستر والحمد لله على كل حال,,

مشيت اليوم لجهاز الكلى على أساس المسالك وهكي ,,,

طلع عندي

































































كيس على المبيض ,,, وطول الدموع يشروووووو ولا قالو نوقفو ,, نفسيتي للحظة تحطمت,,

بجد مفاجأة وأستغربت وأضايقت وجوي تغير ,, ولازمت ألإستغفار وخلاص..