** ليبيا زين علي زين ليبيا ورد وياسمين ** تجمع الليبيات

[dr.loly]

المشاركة الأصلية كتبت بواسطة sosolibya

فرووووووووووووسة أخذت صور التمر 2 منهم ونزلتهم في صفحة الطبخ تبعي عجبووووووووني

خودي راحتكـ عادي..

اليوم من صور التمر انا سهفت بروحي ههههه

بس ع تمر مزرعة عمي الحق ..

مع ان عندي تمر اماراتي وجزائري ويمني

ابوفراااس مدايرهن كوكتيل هههه طبعا قبل النوووم لازم حليب بلوز وتمرررر


ومايحبش الحوش يفضى من التمر اصلآ..

[sosolibya]

لما أثور دارت همسة عتاب لبنات الفيس

هذه ردودهم


شموووووووووووووووووسة

سوسو والله بكيتيني اوحشني اخياتي اوهدريزهن اوكل يوم انحول انخش بس بدون فايده سلاااااامي لي خياتي وحده وحده وااعتذريلي منهن اوقوليهن اني احبكن في لله


سورينام


سامحونا عالتقصير ... الله غالب اني وحدة من الناس لابتوبي فسد وانخش من التليفون ومع قلة الفضوة يادوووب اندير تشك عالفيس ونطلع. ... بس والله لايمكن ننسى التجمع واياماته الحللللوة واكيييد لنا عوده مع تصليح اللاب. ..

عيون

هوهوووه عالتجمع كانت ايامات حلوة....توا مانعرفش حتى الرابط او اسمع التجمع شنو اخر مرة خشيت من تمانيه شهور...لقيته مكسد..كتبت فيه على حملي وطلعت...ولقيت اسماء مانعرفهاش...الله غالب اني من الزمن الاول ....

[أمل ليبيا]

السلام عليكم

كيف حالكم حبايبي

ام فروسه واوشي واثري وسوسو وهديه وجنوده

ان شاء الله تكونو بخير انتم وكل احبابك


طبعا اني مانحكيلكم سنه اولى امووووومه شن دايره فيا

لكن الحمد لله نعطي لنفسي 70% كويسه ننفع نكون ام


وفطومه ماشاء الله عليها ربي يحفظها نحسها بدت تكبر وحتي النوم في الليل بدت اطول مع ال8 او 9 نرضعها ونغيرلها وتقعد في حضن بابا لانه يسهر واني نمشي نرقد وحتي هيا غالبا ترقد جنبه ومع الواحد او 2 ينوض هو يرقد ويعطيهالي نرضعها تاني وترجع ترقد لكن بطنها بس لما تشد عليهامن الامساك حتي 4 او 5 ايام ياناري تبدا تعيط لين نبدا نبكي معاها لانه نعرفها ماتبكيش لما تبدا مايوجع فيها شئ
الحمد لله تعتبر هويديا ربي يحفظها ككن تشرق مني اكثر من مره وفي مره لين نحسبتها لاسامح الله بتصيرلها حاجه طول مشينا بيها للطوارئ وستر ربي والمشكله من غير صوت اكثر من مره نلهى في حاجه نجي نشوفها نلقاها تربش بايديها والاكسجين هارب عليها مش قادرة حتي تعيط لين نجري نقيمها ونحركها باش تعيط وتوا خااااايفه عليها لدرجه حتي تبدا راقده نجي نحطها في حضني ونشوفلها

وماشاء الله بدت تضحك وتنغي واتبع فينا لكن للاس حسيت روحي من لما جت بديت ضعيييييفه وانفكر فيها لدرجه بنتعب نفسيا ان شاء الله ربي يقويني ويقدرني ع تربيتها مانحسبتش حب الام هكي وخوفها ع صغارها للدرجه هذه!


وعندي مشكله معاها تاني ماتبيش تقبل الحليب الصناعي بكل جربتلها اكثر من نوعيه بلا فايده طول تبدا ادف في الشيشه ولو غصبتها لااراديا ترجعه واني نبي نعاون بيه لانه حليب صدري تجيني اوقات ينشف بكل تبدا جعانه ومانلقاش مانرضعها نقعد يأنب فيا ضميري ونظايق وخلاص لاني مش قادره نديرلها حل والمشكله نفسي مسدوده ع الاكل ناكل في الشاميه ع خاطرها بالسيف ويستر الله خايفه نسمن منها وكل مانحطها ع صدري ترضع شويا وترقد ماعرفتش كل مره هكي نقعد انوض واوقات نرقدها وخلاص والحمد لله نتعلم فيها ههههه باش نبدا خبره مره اخرى

[هدية الخالق]

المشاركة الأصلية كتبت بواسطة أمل ليبيا

السلام عليكم

كيف حالكم حبايبي

ام فروسه واوشي واثري وسوسو وهديه وجنوده

ان شاء الله تكونو بخير انتم وكل احبابك


طبعا اني مانحكيلكم سنه اولى امووووومه شن دايره فيا

لكن الحمد لله نعطي لنفسي 70% كويسه ننفع نكون ام


وفطومه ماشاء الله عليها ربي يحفظها نحسها بدت تكبر وحتي النوم في الليل بدت اطول مع ال8 او 9 نرضعها ونغيرلها وتقعد في حضن بابا لانه يسهر واني نمشي نرقد وحتي هيا غالبا ترقد جنبه ومع الواحد او 2 ينوض هو يرقد ويعطيهالي نرضعها تاني وترجع ترقد لكن بطنها بس لما تشد عليهامن الامساك حتي 4 او 5 ايام ياناري تبدا تعيط لين نبدا نبكي معاها لانه نعرفها ماتبكيش لما تبدا مايوجع فيها شئ
الحمد لله تعتبر هويديا ربي يحفظها ككن تشرق مني اكثر من مره وفي مره لين نحسبتها لاسامح الله بتصيرلها حاجه طول مشينا بيها للطوارئ وستر ربي والمشكله من غير صوت اكثر من مره نلهى في حاجه نجي نشوفها نلقاها تربش بايديها والاكسجين هارب عليها مش قادرة حتي تعيط لين نجري نقيمها ونحركها باش تعيط وتوا خااااايفه عليها لدرجه حتي تبدا راقده نجي نحطها في حضني ونشوفلها

وماشاء الله بدت تضحك وتنغي واتبع فينا لكن للاس حسيت روحي من لما جت بديت ضعيييييفه وانفكر فيها لدرجه بنتعب نفسيا ان شاء الله ربي يقويني ويقدرني ع تربيتها مانحسبتش حب الام هكي وخوفها ع صغارها للدرجه هذه!


وعندي مشكله معاها تاني ماتبيش تقبل الحليب الصناعي بكل جربتلها اكثر من نوعيه بلا فايده طول تبدا ادف في الشيشه ولو غصبتها لااراديا ترجعه واني نبي نعاون بيه لانه حليب صدري تجيني اوقات ينشف بكل تبدا جعانه ومانلقاش مانرضعها نقعد يأنب فيا ضميري ونظايق وخلاص لاني مش قادره نديرلها حل والمشكله نفسي مسدوده ع الاكل ناكل في الشاميه ع خاطرها بالسيف ويستر الله خايفه نسمن منها وكل مانحطها ع صدري ترضع شويا وترقد ماعرفتش كل مره هكي نقعد انوض واوقات نرقدها وخلاص والحمد لله نتعلم فيها ههههه باش نبدا خبره مره اخرى

اهلين أموله شن اخبارك إنتي وفطووم ليك وحشه
الله يعينك والله إنتي نفس حالتي حتي أني عاندت بنتي بروحي في الغربه رغم إنه حماتي كانت معاي في نفس المدينة قعدت معاي الثلاثه أيام الاولي فقط وبعدها معاد شفت وجهها ليوم العقيقة والله بنتي عمرها عشرة أيام شادتها بيد ونغسل في الماعين باليد التانيه كنت نقعمز ونبكي بروحي نقول كان معاي اميمتي راهو مش هذا حالي لكن اهو الحمد لله شن صارلي أني وبنتي ربك في الوجود وما ينسي حد والفضل بعذ الله سبحانه وتعالي لزوجي الغالي ربي يحفظه كان معاي خطوة بخطوة وحتي بعذ الاسبوع لما بدي يمشي للجامعه كل شويه يتصل ويسال علي حالنا وكان نبوأ حاجة ويقولي شني نجيك والا تقدري بروحك
المهم بالنسبه للرضاعة نقولك حل أني زمان كنت نخلط في حليبي مع الصناعي هههههه ونعطيلها فيه والله ترضع لأنه كان زيك حليبي شويه ساعة نشفط وفي الأخير يطلعولي رقمين بالكثير والمشكله الحليب الصناعي يديروا فيه صامت باش العيل مايتعودش علي بنته الحلوه ويسيب الطبيعي لهذا أني كنت نخلطلها فيه مره مع حليبي ومره مع رقم أو رقمين أعشاب كمون ولا فليه عالأقل يحلو الحليب شويه
وان شاء الله لا باس عالاموره من الشرقة ممكن ما تجشئيش فيها ترضع وترقد طول حاولي تجشئيها قبل لا ترقد وخليها علي جنبها وشوفيها كل شويه
أسفه عالتقرير الطويل اللي كتبته هههههه

[dr.loly]

يامرحبا بأمووووله واخيرا نورتينا

وربي يحفظها الك الاموره

فعلا البكر ديما هكي كان تلقي حتي بعد ترقد تقعدي تبحثي فيها وخلاص توا يجي الثاني وتشوفي انك قعدتي خبره شوي
ومع ذلك هم ال2 تجارب مختلفه فعلا ..



بالنسبه للحليب لو تقبله خير اقل شئ تعود عليه ودام رفضاته مش معناته ان من نوع الحليب هي رفضت حلمة الشيشه ممكن
لان تعودت ع صدرك


وننصحك تبتعدي ع الحلوي الشاميه او الطحينيه لانها تسمـــــــــــــــــن

وعمرك ماتقولي عندش حليب بصدري

فيه هو لكن ماتحسيش به حتي لو حسيتي ان فاضي لكن هي تشبع


ننصحك تاكلي اي شئ فيه شعــير (توست.. خبزة)
كثري من الفواكه .. وديري كوكتيل فواكه عصير ولا حليب بالموز والتفاح.. قبل ماترقدي توا تشوفي حليب بعدها

وعندك الحصص الغدائيه الاخري نوعي في البروتيناات والنشويات ..

خلي فطورك اهم شئ دام حليبك ينقص .. وخودي جبن ودحي مسلوق واهم شئ الحليب..

واشربي مية عشان تعوضي المفقوود

..

وفي شاي اعشاب مدر للحليــب جربته ف فراس كويس

يومتها لقيته في الامازون انواااااااااع واشكال

بعد كنت ندور في فيتامينات مكملة للرضاعه الطبيعيه لان انحس ف لولي بسلامتها ترضع وااجد خصيصا ف ليلي

هالايام 6 مرات تنوض ..

فقلت لازم ندعم نفسي بفيتاميناااات حتى لو غدائي متوازن ..

[sosolibya]

هلا بأمولة الغالية ..

رعشتيني على البنت ردي بالك عليها .. والله الشرقة تخوف ردي بالك وخلي عينك ليها وحاولي ترقديها على جنبها مش على ظهرها

وماعجبتنيش منك خايقة تسمني معقولة امووووولة ياحلوة ههههههه انت 6 شهور مفروض تركزي على بنتك والرضاع والماكلة الكويسة لأنك حتى جسمك يعتبر قاعد طالع من حمل وولادة يبيله راااااحة..

وربي يحفظها الحلوة

وعزيزيتي بما أن مبدئيا ماعندك شىء مش ضروري أصلا الصناعي ولو كان انت راغبة فهي مرفضتاش بسبب النوعية هي مش متقبلاته أصلا لأنها مرضعة وممكن لأنك تأخرتي شوي وهي تعودت على صدرك خلاص..

على العموم أي أم تحس أن الحيب مايكفيش بس هو في الحقيقة يكفي وكل مايرضع البيبي أحسن يزيد الحليب يدر لأن كل مايرضع البيبي أكثر يفضى الصدر ويزيد ينتج حليب..

فكرتيني في حمود والله حالة مسكين نرضع ويرجع وقعد ضعييييييييييييف نفس وزن الولادة لمدة شهرين لحد ما خلاص بديت نعطي فيه في الشيشة لأني في ألأول مش مقتنعة كنت باصناعي بما أني كنت صيف وفاضية..

[أمل ليبيا]

المشاركة الأصلية كتبت بواسطة dr.loly

يامرحبا بأمووووله واخيرا نورتينا

وربي يحفظها الك الاموره

فعلا البكر ديما هكي كان تلقي حتي بعد ترقد تقعدي تبحثي فيها وخلاص توا يجي الثاني وتشوفي انك قعدتي خبره شوي
ومع ذلك هم ال2 تجارب مختلفه فعلا ..



بالنسبه للحليب لو تقبله خير اقل شئ تعود عليه ودام رفضاته مش معناته ان من نوع الحليب هي رفضت حلمة الشيشه ممكن
لان تعودت ع صدرك


وننصحك تبتعدي ع الحلوي الشاميه او الطحينيه لانها تسمـــــــــــــــــن

وعمرك ماتقولي عندش حليب بصدري

فيه هو لكن ماتحسيش به حتي لو حسيتي ان فاضي لكن هي تشبع


ننصحك تاكلي اي شئ فيه شعــير (توست.. خبزة)
كثري من الفواكه .. وديري كوكتيل فواكه عصير ولا حليب بالموز والتفاح.. قبل ماترقدي توا تشوفي حليب بعدها

وعندك الحصص الغدائيه الاخري نوعي في البروتيناات والنشويات ..

خلي فطورك اهم شئ دام حليبك ينقص .. وخودي جبن ودحي مسلوق واهم شئ الحليب..

واشربي مية عشان تعوضي المفقوود

..

وفي شاي اعشاب مدر للحليــب جربته ف فراس كويس

يومتها لقيته في الامازون انواااااااااع واشكال

بعد كنت ندور في فيتامينات مكملة للرضاعه الطبيعيه لان انحس ف لولي بسلامتها ترضع وااجد خصيصا ف ليلي

هالايام 6 مرات تنوض ..

فقلت لازم ندعم نفسي بفيتاميناااات حتى لو غدائي متوازن ..
مرحبتين بيك حبيبتي الغاليه ام فروسه وباااارك الله فيك ع نصايحك كالعاده ماتقصريش ربي يحفظك ويسعدك بس مشكلة فطومه مش الشيسشه لانه لما نشفطلها حليب طبيعي ونحطه في الشيشه ترضعه طول ومعندهاش معاها مشكله بكل وخاصه اني نستعمل في ماركة افنت بجد ممتازه وهي في تصميمها تشبه الحلمه لكن القصه كلها في طعم الحليب الصناعي وخاصه نحسه حليبهم هنا يكثروله في فيتامينات يعطي في طعمه مش حلوه ويكون ثقيل وبالنسبه لاكلي اني الحق نفسيتي تعبانه شويا الايام هذه عندي شوية مشاكل ف مأثره ع شهيتي للاكل بشكل مش عادي نغصب ع روحي ع خاطرها ومافيش فايده وغدوا ان شاء الله عنديس موعد مع دكتورتها بنحكيلها كل شئ وان شاء الله تقدر تساعدني بحاجه

المشاركة الأصلية كتبت بواسطة sosolibya

هلا بأمولة الغالية ..

رعشتيني على البنت ردي بالك عليها .. والله الشرقة تخوف ردي بالك وخلي عينك ليها وحاولي ترقديها على جنبها مش على ظهرها

وماعجبتنيش منك خايقة تسمني معقولة امووووولة ياحلوة ههههههه انت 6 شهور مفروض تركزي على بنتك والرضاع والماكلة الكويسة لأنك حتى جسمك يعتبر قاعد طالع من حمل وولادة يبيله راااااحة..

وربي يحفظها الحلوة

وعزيزيتي بما أن مبدئيا ماعندك شىء مش ضروري أصلا الصناعي ولو كان انت راغبة فهي مرفضتاش بسبب النوعية هي مش متقبلاته أصلا لأنها مرضعة وممكن لأنك تأخرتي شوي وهي تعودت على صدرك خلاص..

على العموم أي أم تحس أن الحيب مايكفيش بس هو في الحقيقة يكفي وكل مايرضع البيبي أحسن يزيد الحليب يدر لأن كل مايرضع البيبي أكثر يفضى الصدر ويزيد ينتج حليب..

فكرتيني في حمود والله حالة مسكين نرضع ويرجع وقعد ضعييييييييييييف نفس وزن الولادة لمدة شهرين لحد ما خلاص بديت نعطي فيه في الشيشة لأني في ألأول مش مقتنعة كنت باصناعي بما أني كنت صيف وفاضية..

اهلين بسوسو الحلوووة تسلمي حبيبتي كلك ذوق وباااارك الله فيك ع نصائحك بالنسبه للشرقه يستر الله نحاول نرقدها ع جنبها ونحط تحتها وساده خفيفه ووين نحسها مسكته نجي نجري نقول بلكي شرقت يستر الله وخلاص وبالنسبه للحليب متأكده انه تجيه اوقات يجف بدليل نحاول نشفط بالشفاطه مايطلع شئ واني حاسه بتأنيب الضمير لانها معتمدا عليا في غدائها لذلك نبي نعاون روحي بالصناعي ونرتاح نفسيا والله المستعان وخلاص

[dr.loly]

درت غدانا رز امبوخ وسلاطة ووتيت الشاي الاخضر

غديت فروسي.. وكليت طرف جالاكسي خخخخ ف مرضه الشهريه يجيني شعور غريب ديما انطيح ع حلوووو مع اني مانحبش
جو وحأأم...



والصبح جا خاطري في فطور ايامات الفندق درت هاش براون ع سريع وحمصت توست وعندي فاصوليا معلبه ع طريقتهم جاهزه تهبل هذه من شركه الهاينز... عيونهم الانجليز ع فطور وقليت دحيتين وحطيت شرائح جبن
وفطرت نا وفروسا


أمــــــــــــوله وجبة افطار غنية بالفيتامينات والبروتينات للام المرضع جربيها


هذه الافطار الانجليزي المتكامل طبعا ايامات الفندق تعرفت عليه لاول مره

[dr.loly]

وهذا بالتوضيح بجد مغدي طبعا انحولوا منه الباكون او الخنزير المقدد اعوذ بالله

[جوهرة ليبيا]

السلام عليكم ورحمه الله وبركاته