تجمع حوامل سوريا-دردشة ورود سوريا-دردشة الغاليات

رنووومة · 11-19-2011, 02:15 PM

أم عائشة حبيبتي انا جاني السكر لما حملت بنسرين بنتي الثانية ووصفلي انسولين وحمية مشيت عليها ولما صرت بالتاسع راح لحاله وهلأ على الحمل بلش يرتفع منهيك الدكتور عطاني الانسولين العادي يلي ما له مختلط كوقاية مشكلتي اني ما بحرق بسرعة وانتي حبيبتي شو بتاخذي

سرووءة · 11-19-2011, 02:35 PM

اهلا رنومة
انت كيفك
شلون صرتي هلا
ايمت رايحة الدكتورة تعرفي جنس البيبي
الله يتمملنا عخير
انا منيحة الحمدلله

رنووومة · 11-19-2011, 02:40 PM

هلا بك حبيبتي سروءة انا حروح اول الشهر الجاي انشاء الله شي 5 الشهر مشان كون خلصت الخامس وما شي الحال مبارح جبت فيديو لاعرف كيف الحقن مزبوط اصلي نسيانة واليوم حقنت نفسي وما كثير اضايقت بس البنات مجننيني بضيق خلقهم وسوسو جنبي تبكي

سرووءة · 11-19-2011, 03:41 PM

رنومة اي احسن شي خليكي لاول الخامس
تعرفي مابعرف ليش حاسسني قلبي
ان الدكتورة مخربطة
عندي احساس ان المرة الجاية حتقلي غير بنت
بتعرفي يوم كشفت بالسونار
طولت لحتا قالت
سالتها فاتح رجليه قال اي
وصارت تاكد بالشاشة وتقرب
بعدين قالت بنت
قلتلها اكيد قال انشالله
مابعرف حتا كل يلي حولي قالو غريب موصبي
لان كل شي فيكي بدل صبي
خصوصي بطني مبوز وصغير
مابعرف خايفة تقلي المرة الجاية غير بنت والله بجن
هههههههه
بئا قلت بروح اخر الخامس ببين اكيد
انشالله

أم عائشة · 11-19-2011, 06:21 PM

مرحبا كروشات

الياسمين سلامتك ياقلبي
ديري بالك على حالك قلبؤ وعليكي بالصدقة حبيبتي وماتشوفين شر

سرؤة كيفك حبيبتي ومااظن الدكتورة مخربطة كان بتقلك مومبين
الله يرزقك اللي تتمنينه يارب

رنووووومة والكهربة لهلا بتنطفي؟؟؟؟؟؟؟؟؟؟
حبيبتي انا باخد الانسولين الماي مع الحليب
3 جرعات باليوم
بدي اسالك يوم جبتي سوسو جبيتيها زايدة بالوزن؟؟لانوا عم يقولوا انه السكر بيسمن الولد؟؟

زهرة الحب · 11-19-2011, 10:54 PM

مسا الخير بنوتات كيفكن وشو اخباركن وكيف الحمل معكن
الياسمين الله يهون عليكي وتولدي وأنتي باحسن حال وتقومي بسلامة
سرووءة الله يرزقك الخلقة التامة ويطعمك اللي ببالك
أم عائشة كيفك ورنوومة الله يقومك بسلامة يارب
بنات بدي اسالكم البردقوش كيف بدي اعمله ؟
أنا عندي ياه ناعم كتير لأنو الله لايرويكن مرتفع معي هرمون الحليب وصدري كتير عم يوجعني وسمعت عنه كتير كويس بس كمان سمعت انو بقلل نسب الحمل إذا بتعرفوا ياريت تقولولي طولت عليكن

رنووومة · 11-19-2011, 11:18 PM

شكرا لك حبيبتي سرووءة وانتظري لنهاية الخامس اكيد حيبين اكيد دكتورتي حاطة شاشة كبيرة مقابل سرير الفحص وانا بشوف كلشي شايفته على الايكو وفعلا المرة الماضية ما بين وانشاء الله يرزقك الله بيلي تتمنيه انا بتمنى صبي لأني بطمن وما عد فكر بالحمل كثير لأني بتعب كثير بالحمل والله يقوينا يا رب

رنووومة · 11-19-2011, 11:19 PM

ام عائشة حبيبتي اذا التزمتي بالحمية انشاء الله ما يأثر على الجنين سوسو اجت 3 كيلو و 100 عادي كثير بس اجاها صفراء قوية راحت بعد اسبوع

سرووءة · 11-20-2011, 12:28 AM

اهلا زهرة كيفك
بالنسبة للبردقوش
اغلي مي وبس تغلي حطي البردقوش حسب كمية المي
وخليهم يغلو شوي
واطفي تحتهم وصفيهم على كاسة واشربيهم
وهو كتير منيح لهرمون الحليب
اشربي الصبح كاسة والمسا كاسة
ولا مابقلل فرص الحمل ولاشي
كتير مفيد لجسمك

رنومة
انشالله بروح اخر الخامس واكيد بيتاكد تمام
الله يرزقك صبي يارب
متل ماقلتي ااحمل صعب
يعني هيك بتوقفي فترث منيحة حمل
الله يرزق الجميع يلي بيتمنوه يارب

زهرة الحب · 11-20-2011, 02:33 AM

هلا سرووءة يسلموا ياعسل كيفك والله اشتقتلك شو اخبارك ليش ماعم تفتحي الماسنجر؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
تجمع حوامل سوريا الحبيبة	soomaa83	إستفسارات حوامل من الشهر السابع إلى الشهر التاسع	4	08-18-2011 10:03 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM