خواتي لاي خدمة بشان عملية طفل الانابيب انا حاضرة لكم

أم عائشة · 10-02-2010, 09:49 PM

بسم الله الرحمن الرحيم

السلام عليكم ورحمة الله وبركاته

خواتي الكريمات انا دخلت المنتدى ذي من يومين بس وشفت مدى طيبة اعضائه وحبهم للخير

الله لايغير عليكم

بس في جمن موضوع يتعلق باطفال الانابيب شفت انه التكلفة وايد وخصوصا بالسعودية

فانا مسوية عملية اطفال انابيب بالبحرين وبنص التكلفة اللي شفتها

فاذا حابين خواتي اعطيكم اسم المستشفى اللي انا سويت عنده انا حاضرة ويشهد ربي علي اني ماابي الا فعل الخيرودعواتكم بتثبيت حملي

وانا ولله الحمد حملت باول ولدين طبيعي

عندي العود ماشاءالله عمره 15 سنة والثاني عمره 11 وبعد كان طبيعي

ولانه ولادتي باولادي كانت قيصيرية فخفت احمل بسرعة عقب الولد الثاني فكنت اخذ حبوب منع حمل لمدة سنتين

وبعدين وقفتهم وحبيت احمل مرة ثالثة وتمر الايام والشهور وربي مايكتب لي اني احمل
والصراحة اني اهملت روحي وايد وصرت اقول لنفسي خلاص ماابي اروح عند اي طبيب اذا الله كاتب لي احمل بحمل

وسبحان الله غريزة الامومة رجعت تتحرك فيني ويوم شفت انه مر 5 سنوات بدون مااحمل قلت لزوجي لا لازم اروح اكشف وخصوصا اني انا صرت فوق الثلاثين والسنين تركض

وربي مايوريكم اللي شفته ماخليت دكتورة مارحت لها وكل وحدة تقولي سبب
اللي تقولي انتي ماتحملين بسبب وزنج
والثانية تقول عندج تكيس
والثالثة تقول لامافيج تكيس فيج شحم على الرحم
لاعاد والاخيرة اللي صدمتني مرة وحدة وقالت لي اختي انتي عندج عندج عقم وخلاص مابتحملين

قلت لها عقم وانا عندي ولدين ؟؟؟؟؟!!!!
قات ايه كل شي يصير

اخر شي سمعت انه اخت صديقتي ولدت ويابت توام بنات الله يخليهم لها يارب واهي على فكرة ماشاءالله عليها امتن مني بمرتين ويابت بنوتة ووقفت 8 سنوات

فسالت صديقتي عند منو تعالجت اختها فدلتني عل الطبيب مالها

وفعلا وربي يشهد علي من رحت له وحسيت براحة عجيبة
سوالي فحوصات وقالي اختي شوفي انا كطبيب مستفيد من زيارتك وصرفك للفلوس
بس امانتي العلمية وضميري الانساني يخليني اخبرج بكل صراحة انه اختي انه ماراح تحملين طبيعي
لانه البويضات عندي كلش صغار وانا من قبل كنت ماخذة ابر وجي للتكبيرهم ومافاد

فقالي الحل اما التلقيح الصناعي اوالانابيب
وانا انصح بالثاني
وانتي استخيري ربج وردي علي

والحمدلله سويت عنده عملية الانابيب وانا الحين ولله الحمد حامل وباقيلي اسبوع وبكمل شهر وبدخل الشهر الثاني
عقب عقم 11 سنة
سبحان الله الذي لايرد من دعاه

فاخواتي اي احد منكم حاب يستفسر عن ذي العملية او الطبيب ومكانه انا حاضرة لكم
وماابي منكم الا دعواتكم انه الله يحفظ جنيني ويرزقني فيه واو بكل صحة وعافية

على فكرة انا من البحرين

sweet moon · 10-02-2010, 10:38 PM

ماقصرتي يأختي وجزاك الله كل خير

والله يثبت حملك ويتممه على خير

أم عائشة · 10-03-2010, 12:07 AM

اقتباس:

المشاركة الأصلية كتبت بواسطة sweet moon

ماقصرتي يأختي وجزاك الله كل خير

والله يثبت حملك ويتممه على خير

فديتج غاليتي مشكورة على الدعوةالطيبة

ولكي مثلها ان شاءالله

ام حمادة المصرية · 10-03-2010, 12:16 AM

جزاكى الله خيرا غاليتى
اللهم ثبت حملك ويتملك على خير يارب
ويرزقنا جميعا ولادة ميسرة يارب

سموة الشوق · 10-03-2010, 12:30 AM

ألف ألف مبروووووووووووووك حبيبتي عالحمل

والله يتمم عليك بخير ويرزقك بتوأم يارب ياكريم

معقووولة فرق بالسعر بيننا وبينكم

كم كلفتك ؟؟

وش اسم المشفى ؟؟

وش اسم الدكتور؟؟

لو ماعليك كلافة

وجوزيتي خيرا للإفادة يالغالية.

أم عائشة · 10-03-2010, 11:18 AM

اقتباس:

المشاركة الأصلية كتبت بواسطة ام حمادة المصرية

جزاكى الله خيرا غاليتى
اللهم ثبت حملك ويتملك على خير يارب
ويرزقنا جميعا ولادة ميسرة يارب

وجزاج الله بمثله ان شاء الله
اللهم اااااااااامين وانتي بعد ماشاءالله الله يثبت حملج يارب ويرزقج اللي تتمنينه

أم عائشة · 10-03-2010, 11:25 AM

اقتباس:

المشاركة الأصلية كتبت بواسطة طيف

ألف ألف مبروووووووووووووك حبيبتي عالحمل

والله يتمم عليك بخير ويرزقك بتوأم يارب ياكريم

معقووولة فرق بالسعر بيننا وبينكم

كم كلفتك ؟؟

وش اسم المشفى ؟؟

وش اسم الدكتور؟؟

لو ماعليك كلافة

وجوزيتي خيرا للإفادة يالغالية.

الله يبارك فيج اختي والفال لج ان شاءالله

جوفي اختي انا بس عملية سحب البويضات وترجيعهم كلفتني 800 دينار يعني 8000ريال سعودي وبعد دفعتهم على مرحلتين
بس قبل العملية لازم تاخذين جمن ابرة حسب حالتج يعني
انا مثلا كانت عندي البويضات كلش صغار فاخذت ابر التبويض تقريبا 5 كانت كل وحدة ب 400ريال وقبل العملية بيوم عطاني ابرة التفجير وذي كلش رخيصة ب 50 ريال بس
يعني العملية كلها مع الابر كلفتني 1300 دينار
واسم المستشفى البركة للخصوبة
وفيه طبيبين الاول الدكتور احمد والثاني حاتم
وماشاءالله كل واحد اشطر من الثاني
انا كنت عند الدكتور حاتم وللحين عنده يتابع حملي والفحص عنده كلش رخيص بس 15 دينار يعني 150 ريال

على مااظن التكلفة ارخص من عندكم

ان شاءالله اكون افدتج غاليتي

دلوعة بالحيل · 10-03-2010, 11:25 AM

الله يثبت حملك ويتممه على خير و يرزق كل محرومه

ريتاج2009 · 10-03-2010, 02:54 PM

هلا أختي الله يثبت حملك يارب
أنا أفكر بأطفال الأنابيب حاليا أنا لي سنتين و4شهوربس خايفه تفشل والمبلغ يطير بالهواء
مع أني سليمه وزوجي بعد بس مالله كتب لي أحمل....................................

أم عائشة · 10-03-2010, 09:42 PM

دلوعة بالحيل مشكورة اختي على هالدعوة الطيبة جزاج ربي كل خير

واختي ريتاج عملية الانابيب كاي عملية اخرى يمكن تنجح ويمكن تفشل
والدكتورة اهي اللي تقولج اذا في داعي تسوين طفل انابيب او تنتظرين يمكن الله يرزقج طبيعي
يارب الله يحقق امنيتج وتحملين طبيعي اللهم ااااااااااااااامين

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نصائح قبل عملية الانابيب والحقن المجهري	عزيزة النفس	منتدى الصحة الغذائية والطب البديل	3	01-26-2016 06:35 PM
نصائح للمقبلات على عملية اطفال الانابيب	الشوق عطري	منتدى أطفال الأنابيب	26	01-04-2014 08:04 PM
نصا ئح للمقبلا ت على عملية الحقن المجهرى او اطفال الانابيب	الشوق عطري	منتدى أطفال الأنابيب	3	10-04-2011 01:37 PM
اسباب فشل عملية اطفال الانابيب	عزيزة النفس	منتدى أطفال الأنابيب	18	07-16-2011 10:34 PM
عملت عملية طفل الانابيب.. مين جربهاياليت تجاوبوني	يا قلبي عليه	منتدى أطفال الأنابيب	18	10-21-2010 01:42 AM