بعد11سنةانتظار ربي رزقني بإبراهيم واحمد,لاتياسومن رحمة الله خواتي

[أم عائشة]

السلام عليكم ورحمة الله وبركاته
كنت مترددة واااااايد أني اكتب هالموضوع لاني احس باللي تحسونه بس الله الشاهد علي انه ماكتبت هالموضوع الا عشان أعطيكم امل واقولكم لاتياسوا من رحمة الله تعالى

حبيباتي أنا عندي ولدين ولله الحمد واصغر ولد عمره 12سنة يعني من صار عمر ابني سنتين وانا أحاول احمل وماخليت طبيبة مارحتلها هني وبالاردن وبسوريا
وكلهم اجتمعوا على راي واحد انتي صار معج عقم ثانوي وعلاجج بيطول
تعبت وانا اتعالج11 سنة وانا من طبيبة لطبيب
وكل مااسمع وحدة حملت اسألها وين اتعالجتي واروح لعند دكتورهاوابتدي العلاج من اول الطريق
زوجي تعب معاي وانا تعبت وياست وقلت خلاص ماابي احمل
الحمدلله عندي ولدين غيري ماعنده حتى واحد
لكن شعور الأمومة واشتياقي أني ارجع احضن طفل صغير ماكان يتركني واستخرت رب العالمين وقررت أني اسوي انابيب رغم أني فوق 35 وكانت نسبة نجاحها 40/:لاني فوق 35 بس قلت معليش خلني اجربها يمكن الله كاتبلي الخيرفيها وفعلا سويتها وفي اليوم 11حللت وسمعت الكلمة اللي صارلي 11سنة انتظرها
مدام أنتي حامل
ماصدقت سجدت لربي ابكي وأشكره
ومن فرحتي خبرت اهلي وأهل زوجي وصديقاتي والكل
لكن الله كان كاتبلي امتحان وبيشوفني اصبر لو لا
عقب ماعرفت أني حامل وتوام بعد توقف نبضهم ونا للحين بالشهر الثاني
انصدمت
ليششششششششش.?
ليش رب العالمين سوى فيني هاللون?,!! يعني اذوق الفرحة شهرين وعقب أموت مع موتة هالفرحةاللي كنت انتظرها سنين
مااكذب عليكم كنت مقهورة وانطويت على نفسي ونسيت انه الله سبحانه مايكتبلنا الا كل خير
نسيت انه كل أمورنا خير حتى ولو كانت بظاهرها فيها حزن واسى بس أهي خير لنا
رجعت استغفرت ربي وشكرته لانه أوكان فيهم خير لي أكيد رب العالمين ماكان بيحرمني منهم
وقررت ارتاح وتطوعت بمركز اورام الاطفال وشفت شكثر إحنا بالف خير ونعمة
شفت ليش الله وقف نبض اجنتي لانه سبحانه ماكان يبيني أبيب أطفال مشوهين او مرضى
سبحانك يارب
وظليتمع الاطفال حوالي ثمانية شهور وتعلقت فيهم وتعلقوا فيني وقررت أنا وزوجي انه نرجع نعيد العملية لآخر مرة
وعدتها برمضان وعند نفس الطبيب لاني كنت مقتنعة بانه طبيب رائع
وفي اليوم 11للترجيع سمعت الكلمة اللي كنت خائفة أني أسمعها
مبروك انتي حامل
خفت اكثر من أني افرح
خفت تنعاد تجربتي
خفت افرح وتموت فرحتي
بس شكرت ربي حتى لو كانت فرحتي مؤقتة شكرته لانه سبحانه يرزقني بالفرح حتى لو كانت فرحة مؤقتة وقررت أني مااخبر احد
مو لاني خائفة من الحسد لا
لاني ماابيهم يفرحون لي وعقب يصير معاي نفس اللي صار وينصدمون نفسي
وقعدت اعد الايام عشان اسمع نبض البيبي
ويوم الموعد كنت خائفة وكنت استغفر واقول يارب لاتحرمني من سماع نبضه يارب
ويوم سوالي الدكتور سونار ماسمعني نبضه سكت وطالعني وانا هني مت من الخوف
اقوله دكتور شنو فيه
الله يخليك لاتخش علي قولي الصراحة مافه نبض صح
طالعني وقالي صح مافيه نبض
دمعت عيوني وقلت الحمدلله وطالعت زوجي وشفت الدموع بعينه وقلتله سامحني لاني غربلتك معاي وخلاص أنا اقتنعت باللي عندي والحمدلله
وفجأة سمعت صوت غريب صارلي 12 سنة من سمعته سمعت نبض طفلي
طالعت الطبيب الا اهو يضحك ويقولي أنا قلتلك مافي نبض لانه فيه نبضين مو نبض واحد
انتي حامل بتوام
والله ماعرفت شنو ابي اسوي
سكت وطالعا زوجي
صج
أنا حامل بتوأم وسمعت نبضهم
يالله شكثرانت عظيم سبحانك اذا اعطيت أدهشت
والحمدلله مرت شهور الحمل بتعبها بس كنت مبسوطة رغم التعب والتقل كنت مبسوطة
والله رزقني بإبراهيم واحمد والحمدلله على عطاياه
ابي منكم بس دعوة انه الله يحفظلي أولادي واسأل الله العظيم رب العرش العظيم ان يرزقكم فرحة كفرحتي عاجلا وليس آجلا

[zo0on]

الله يخليهم لك ويفرحك فيهم يااارب

ربي يسعدك قسم فرحت بموضعك

ربي يرزقك سعاده الدارين

[ضوء البدر]

ليش رب العالمين سوى فيني هاللون

عذرا اختي ، الله يخليكي لا تزعلي مني ، بس هذي الجملة وزنها ثقيل فالميزان الايسر ،لان الله لا يحاسب ، و ما بينقالو ليش تعمل فيني هيك ، لانه الحكيم العليم الخبير الملك
والله يخليكي لا تزعلي من نصيحتي

والف مبروك والله يحفظلك اولادك يا رب
وعقبال بنات هالمنتدى الطيب يفرحو يا رب

[أم عائشة]

المشاركة الأصلية كتبت بواسطة zo0on

الله يخليهم لك ويفرحك فيهم يااارب

ربي يسعدك قسم فرحت بموضعك

ربي يرزقك سعاده الدارين

ربي يرزقك كمارزقني عاجلا وليس آجلا

[أم عائشة]

المشاركة الأصلية كتبت بواسطة ضوء البدر

عذرا اختي ، الله يخليكي لا تزعلي مني ، بس هذي الجملة وزنها ثقيل فالميزان الايسر ،لان الله لا يحاسب ، و ما بينقالو ليش تعمل فيني هيك ، لانه الحكيم العليم الخبير الملك
والله يخليكي لا تزعلي من نصيحتي

والف مبروك والله يحفظلك اولادك يا رب
وعقبال بنات هالمنتدى الطيب يفرحو يا رب

بالعكس حبيبة قلبي كلامك على راسي من فوق
وانا ادري انه هالجملة غلط ووزنها ثقيل في الميزان بس أنا قلتها بدون قصدوكنت بلحظة ضعف ورجعت استغفرت رب العالمين واهو سبحانه غفور رحيم بعباده
وانا مرجعت ذكرتها الا عشان اوصلكم. لأي درجة خلاني الشيطان اياس من رحمة رب العالمين
بس الحمدلله عدت اليه سبحانه واستغفرته

جزاج الف خير
استغفرالله العظيم وأتوب اليه

[زهرة سورية]

ما شاءالله لا قوة الا بالله الله يخليلك ياهم يا أم عائشة و يجعلهم من أهل القرآن ومن الصالحين و يرزقك عائشة يارب
والله قصتك أثرت فيني كتير سبحانك يا ربي ما أكرمك أنا صرلي سنتين و بحس اني يأست و تعبت و بقول يمكن ربي ما رح يرزقني بس هالرجال شو ذنبو أنتي ما شاءالله 11 سنة صبرتي الله يرزقني الصبر لأنو والله نفسيتي تعبت كتير الحمدلله
يارب تفرج همي وهم كل محرومة و ترزقنا وتفرح قلوبنا عاجل غير آجل

[عيون أمراة]

ماشاء الله هااااااااد بعد صبرك الله يخليلك اياهم

[نفسي أكون أم]

السلام عليكم و ما شاء الله تبارك الرحمان والله اختي قصتك اثرت فيني لدرجة دمعت عيناي و خصوصا لما وصلت جملة انك حملتي بتوأم و سمعتي نبضهم و الله اقشعريت يا رب اختي يبارك لك في عمرهم و يبارك لهم في عمرك و يحفضهم لك من كل شر و يجعلهم اولاد صالحين و من حفضة القرآن يا رب و الله يعينك على تربيتهم و بوسيهم لي قولي لهم هالبوسة من عند خالتكم حنان يا عيني عليهم لساتهم صغار .تقبلي مروري

[ام هند]

ربي يحفظلك ياهم ويرزق كل محرومة ياااااااااااااارب

[ام سلطان خليفة]

الله يبارك لج فيهم ويسعدج

ويحفظكم كلكم حق بعض

وعقبال يا رب ما نصير امهات
يا رب لا تحرمنا هالكلمة يا رحيم