محتاره بمفرش البيبي

[υм вtℓαα]

ام حمودي روحي لمولودي الصغير بحي العنود مره حاجته عجيبه اخذت منه كل اغراض اللي ابيها
وعندك بارقة الشرقيه بنفس الشارع عنده مستلزمات للبيبي

وفي كمان بالقطيف ع الشارع محلات للبيبي سراير ومفارش عجيبه انا ماخذه منها واشكالها روعه ولاتخرب مع الغسيل

[أم حمودي وعبودي]

إن شاء الله أمر عليهم هذا الإسبوع
ناوية أخلص أغراض البيبي كلها قبل الشهر السابع

[أم حمودي وعبودي]

شوفوا هذا هو السرير الي أخذته
حجمه مررره كبير يكفي الطفل من الولادة إلى 4
من بيبي شوب وسعره 1045

[υм вtℓαα]

حلوو زي سرير بنتي وهي صغيره ولحد الحين عندي وغير كذا خشبه ممتاز

[أم حمودي وعبودي]

أيوه أم بتلاء حسيته أقوى سرير بالمحل
هزيته هز وكان متماسك على عكس باقي الأسرة
في منه أبيض و ممكن يجي مع أدراج ومن فوق لتغيير الحفاظات

[Faith]

ماشاءالله جميل السرير
انا صراحه فصلت طقم كامل مفرش ولحاف وسرير البيبي عند المفتي في جده
وخليت لونه سكري ودخلت عليه اللون اللي ابغاه يعني اقدر استفيد منه بعدين
ماخليت القماش ملون
ان شاءالله تلاقي في الدمام للاسف ماعندي خلفيه لاني من مكه
وموفقه عزيزتي

[ربي رحيم]

هاي بعض الصور من غرف اطفال ربما تساعدك في التنسيق او فيهم غرفة بنتي . انشالله يعجبوكي او على الاقل يفيدوك في شي.

[ربي رحيم]

المشاركة الأصلية كتبت بواسطة انت عيوني

كثيير حلوات
تسلم الايادي ام فردوس

الله يسلمك عقبال عندك يارب او اختار معاكي طقم البيبي انشالله يارب راح يكون يوم فرحتي والله

[Um sara1]

حبيبتي الحين محلات المفارش والخداديات متوفره فيها ااطقم النفاس والبيبي اشكال وانواع مايحتاج لا انستقرام ولا غيره

[أم بذرة]

شوفي يا ام حمودي هذي يبغا لها حسن تدبير وتحسيب ،،
حاولي انتي تطلبين من المواقع وانا لي تجربة مع الكثير ،، او اطلبي من امازون ارخص لك والجودة كويسة وتكونين مميزة
والطلب اللحين مايبغا شي ،،
او روحي بنفسك واشتري اقمشة وفصلي ارخص واسرع احس هالاشياء ماعادت صعبة زي اول،،
عني انا احاول اضرب حسابي بقوة ومن شهور ومقنعة زوجي اشتري الغالي واجمعلة وماغير طول عمر الطفل ،،
مثلا شنطة البيبي اخذ وحدة صح وادرسها صح لون وخدمة وتكون شكلها يواجة وجد اجلس وماغيرها لحد ابني يوصل عمر الي استغني عن
نقل الشنطة اربع سنوات ومثلها عربية الطفل والاجهزة من جهاز اعداد الحليب وطاولة التغير وحدة اشتريت وبستخدمها لكل اولادي إن شاء الله
والهزازة وسرير الاشهر نفسها لماخلصت ببني الاول مسحتها وغلفتها ورفعتها وعسي ربي يتمم لي حملي هذا برجع افكها واستخدمها لان اللون محايد ،،
الملابس ياكثر المواقع الي تبيع شي يجنن ورخيص باربع دولار بدلة تججن كانها من زارا وهي مايعادل 14 ريال
اذا حابه تطلبين راسليني و ارسلك المواقع لان يمكن الادارة ماتسمح هنا ،،
والله يسهلنا ويسهلك ياكريم .