دردشة بنات ليبيا , دردشة حوامل ليبيا , تجمع بنات ليبيا

~~sosolibya~~ · 06-09-2013, 08:05 AM

صباح الخير
والنور
والورد

~~sosolibya~~ · 06-09-2013, 08:07 AM

اوشى والله من حد نكتب فيه الرد قلت هذه اكيدة بتحرج وعلى مرتين بنبطل منه بعدين قلت لالا هى قلبها طيب ومستحيل أصلا تفهمنى غلط
تاريتك طلعتى حراجة ههههه

ياحنة إن شاء الله يمشو ويجو طيبين سالمين غانمين صحيحين

وبعدين انا شن عرفنى نسحاب شيابينكم وعزايزكم زينا ......

~~sosolibya~~ · 06-09-2013, 09:56 AM

الساعة ألأن 8:48
صباحا
وعمتكم سوسو ماشاء الله عليها
فطرت هيا ورالها وسقداته للعمل
ربي يفتحها فى زجهه إن شاء الله
وحشت شوية خضرة من السور
وطقت فى عزوزتها
وسقت الوردات وغسلت فراش السيارة
وجهزت بضاعة الطاجين بتصنع طاجين خضرة إن شاء الله
فيه من يسميه طاجين جبن
ودارت دورة بسيطة عالحوش بس قاعدة ماكملتش
وغطيت عناقيد العنب
وووووووووووووووووووو شنو تانى قولو ماشاء الله عاد خير من اخدونى بالعين
ههههههههههههههههههه

~~sosolibya~~ · 06-09-2013, 10:31 AM

ألماني يشرح معنى الله أكبر مؤثرة و الله
ألماني يشرح معنى الله أكبر مؤثرة و الله

dr.loly · 06-09-2013, 11:21 AM

صبـــــــــــــــآحووو غيوووم

سوسو ماشاء الله ربي يعطيك الصحة

dr.loly · 06-09-2013, 11:29 AM

تفضلوا,,,,,,,,,,,,

dr.loly · 06-09-2013, 11:35 AM

اقتباس:

المشاركة الأصلية كتبت بواسطة أم أجنادين 80

ام فراس انا الشرقاوية ماتمشيش معاي لانها تبي وحدة مليانة
وطويلة

اها ... نقصد الطرابلسية تمشي مع الطويلة نا..
لبست عربي مرة وحدة بحياتي وتحزمت طرابلسي ومش شكيرة بجد طلعت حاجة صح م الاخير اللبسة ع الطرابلسي... لان وقتها حامل بفراس وزي ماقلت الشرقاوي يبي قنط حزام عالبطن
انحس ف الطرابلسيه اتبين جمال البدلة العربية متاعك وايضا الجسم

الشرقاوي حلووو للي تبي اتبين حنة رجليها طبعا بم ان الردء قصير عند الركبة

dr.loly · 06-09-2013, 11:43 AM

اقتباس:

اقتباس:
المشاركة الأصلية كتبت بواسطة *ام فراس*

ان شاء الله لاباس عليهم ... ويمشوا ويجوا طيبين يااارب

معناها زوجك مش قاعد اليوم حديري سندويتشات غداك خخخخخخخخخخ

الله الله ع جو الجبل ... مافيه كيفه

ع سيرة الثقافه ... بس الثقافه الرومنسية ههههههه كنت نقرا ف رويات عبير القديمة طبعا زماااان ديما يفصلوا في الطبيعه
خصيصا جو اسكتلندا والريف متاعها وهواها... وضباب لندن وجوها و ... و... الخ
فيهن جو مع البطل والبطله ... بس للاسف زوجي مش رومنسي ابدا خخخخخخخ

قالي بنمشوا نتفرجوا ع طبيعة اسكتنلندا وبالمرة نشوفوا متحفها عشان سيف ويليام متاع فيلم بريف هارت كان حاضرتيه...

ضحكتيني ذكرتيني بالذي مضى ... روايات عبير كنا محرومين من الحب ولاقيينه في الروايات اهو

خير من العلاقات ... كنا نكملو في نقص الحب

أي والله لنقانك صدقتي... سبحان الله نفس الافكار حتي نا وصاحبتي ايامتها كنا نقولوا فيها
اوشي بم انك ست بيت محترفه وخبرة ماشاء الله ..نبي منك طريقه البازين بس بسهولة وبساطه
طبعا زوجي يمووووووت فيه وجايب معانا معصدة هكي كبرها هههههههه
وشكله ح يعزوم اصحابه العزابه من الغرب ع بازين شئ مرة ف خير مانزلط وريني توا .. مع ان ماما حاولت معاي هي واختي اللي اصغر مني بس الحق ماكنش عندي نية نتعلمه ومش حاطته براسي بس توا وقت زر عاد ههههههه

dr.loly · 06-09-2013, 11:51 AM

الطريقه نعرفها متاع حطي الشعير وخليه يطبخ زين وهكي .. نا همي كله نفس جو العصيده بعد تملكيها ساخنه تشلط هنا الوعارة خخخخخخخخخخ

dr.loly · 06-09-2013, 11:54 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تجمع حوامل ليبيا	ميرنا	إستفسارات حوامل من الشهر السابع إلى الشهر التاسع	21344	01-02-2012 10:29 PM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
شجرة تجمع حوامل ليبيا	أم أجنادين 80	إستفسارات حوامل من الشهر السابع إلى الشهر التاسع	6	12-19-2011 10:44 PM