دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة [الأرشيف] - الصفحة 8

ثلجه فوشيه

10-11-2010, 12:02 AM

نانا امممم حتى انا بديت اقنع نفسي بانو موو لازم توزيعات بس ان شاء الله اقتنع ..
اممم فين في الستين تلاقي المجموعه الي تقولي عنها بـ150 يمكن اروح اشتريها وخلاص
مع شويت بالونات وربي يسهل .. انتي اشتريتيها يعني والا لسا ؟؟

كتكوته سسسلامتك ياقلبي بس لا تقلقي نفسك اكيد راح توجعك لانها لسا مالها يوم بس ما اعتقد
انو شي خطير لأنها زي اي ضربه فعادي ممكن تآخذ لها يومين وبعدين تبدأ تخف ان شاء الله ..
والله لما تروحي مستشفيات يطلعو فيكي البلاوي ويكبرو الموضوووع عشان يطلعو بأي طريقه فلوووس انتي بس ريحي وأنا بصراحه قد ماكنت تعبانه في حملي واحيانا احس راسي بينفجر ماأخذ بندول مررا يعني الحمد لله من بدايه حملي ما اخذت

ثلجه فوشيه

10-11-2010, 12:10 AM

نانا تصبحي على خير انتبهي على نفسك واتغطي كووويس نوم العاااااااافيه

كوكب زحل

10-11-2010, 12:13 AM

سلام كيفكم ياينات الحمدالله صرت انسي اوكل امري لله
انتو تفكرون لى سرير انونو الولادةههههههههههههههههههههههههه
اما انا افكرفي المدرسة اهم شئ بس تصدقون الى الحين ماطبعت التحاضير واهتم في امور المدرسة امس نزلت المكتبة اشتريت اوراق تحاضير كمان رحت مهجة في العزيزية اشتريت هداياي للطالبات مررة وحدة مارجعت البيت بدري

اليوم كمان نزلت السوق عند مانجو في الستين لقيت فستاني احمر ناعم لى شبكة اخت زوجي يوم الاربعاء

ثلجه فوشيه

10-11-2010, 12:20 AM

اهلييييين كوكب ماشاء الله النفسيه اتعدلت وعال العال يلا كوويس شوفتي كيف الحزن ماشاء الله بسررعه يصغر الحمد لله على كل حال الله يوفقك في مدرستك وتدريسك على فكره انتي تدرسي اي مرحله وخاص والا حكومي ؟؟

كوكب زحل

10-11-2010, 12:28 AM

انا مدرسة حكومي
معلمة تربية خاصة

أحلى موني

10-11-2010, 12:33 AM

السلام عليكم
كيفكم جميعا وكيف بيبيهاتكم ان شاء الله تكونو بخير وعافيه

وحشتوووووووني موووووووووووووت ووحشتني سواليفكم واخباركم طمنوني عنكم؟؟؟؟

ثلجه فوشيه

10-11-2010, 12:43 AM

ماشاء الله كوكب حلوو مرررررا نفسي اتخصص تربيه خاصه
انا درست بكالوريس رياض اطفال ...

اهلين موووني فينك طوولتي الغيبه انا بخير انتي كيفك وكيف بنوتتك وكيف البوبو ان شاء الله كلكم طيبين يااااااارب

أحلى موني

10-11-2010, 12:53 AM

الحمدلله انا والبيبي وب نتي بخير وبنسلم عليكم وطولت الغيبه لاني كنت تعبانه شويتين وجالسه بيت اهلي الين الحمدلله لقيت شغاله اليوم حبشيه ان شاء الله تكون طيبه وتستمر معي لان بصراحه حظي جدا سئ مع الشغالات اله يعطيني خيرها ويكفيني شرها يارب

ام القماري

10-11-2010, 12:55 AM

سلام ياحلوين موجودين
كيفكم وكيف البيابي معاكم

كوكب زحل

10-11-2010, 12:55 AM

ثلجة انتي زي رياض اطفال من وين متخرجة

ثلجه فوشيه

10-11-2010, 12:59 AM

انا من جامعه أم القرى وانتي ؟؟
انتي عندك بكالوريس والا ماجستير ؟؟

ثلجه فوشيه

10-11-2010, 01:00 AM

سلامات مووني ماتشوفي شر وان شاء الله شغالتك تطلع كويسه ..

اهلين ام القماري أحنا طيين انتي كيفك ؟

كوكب زحل

10-11-2010, 01:07 AM

انا من الكلية بكالوريس اعداد المعلمات
اخذت دبلوم في التربية العقلية في جامعة الملك عبد العزيز

ثلجه فوشيه

10-11-2010, 01:15 AM

طيب كوكب انتي في مدرسه عاديه والا كيف اكيد مكان خاص بالمعوقين صح ؟؟
والا انتي تربيه خاصه في اي اختصاص يعني نطق مثلا وسمع وبصر والا شوو ؟
وكيف هل سهل انو اي احد يشتغل في دا المكان انا مرررا ودي بس اخاف مقدر اتحمل
والا أنا ودي بالأجر

أحلى موني

10-11-2010, 01:23 AM

ان شاء الله والشر مايجيك حبيبتي

كوكب زحل

10-11-2010, 01:25 AM

في مدرسة عادية
تتعبر من المدارس الدمج في فصول خاص لى ذوى الاحتياجات الخاصةو يندمجون مع العادين في الصباح والحفلات والفسحة انا تخصصي اعاقة عقلية

ثلجه فوشيه

10-11-2010, 01:28 AM

آها ماشاء الله كوويس وكيف يفهمو عليكي ؟؟ تتعبي معاهم والا تحسي عادي

كوكب زحل

10-11-2010, 01:28 AM

قدمت في الديوان جانى التعيين
اول كان في تعاقد الحين علشان ماشالله عيينوا كثير صاورالبنات للتعاقد قليل ياقلبي استاذن بروح انام ان شالله بكرة نكمل

ثلجه فوشيه

10-11-2010, 01:33 AM

نووم العافيه كوكب احلام سعيده :)

ثلجه فوشيه

10-11-2010, 01:34 AM

راحو البنات وصرت لوحدي ماااااااافي نووم :(

نلي خانم

10-11-2010, 03:36 AM

لا ياثلجه فوشيه أنا توي جيت وبسهر معاك ولايهمك
طول اليوم كنت برى ومارجعت ألا قبل ساعه وألحين فكيت النت قلت أشوف أخباركم

نلي خانم

10-11-2010, 03:51 AM

بنات أنا حاسه أني مقصره معاكم هالأيام ومعاد أدخل أتكلم معاكم بس أقولكم أنا عندي موضوع مره مقلقني وموترني لأخر درجه من خمس أيام ولهذا الموضوع أنا جالسه انشغل عنكم

أرجو انكم تعذروني

ثلجه فوشيه

10-11-2010, 05:29 AM

نلي لو أدري انك جايه كان ماقفلت النت دحين صليت ورجعت فتحتو ..
شوفتي الين دحين مانمت :(
اممم نلي لازم ماتشغلي بالك كتير حبيبتي عشان نفسيتك وعشان البوبو كمان
رآآآح ننتظررك الين ماتنحل امورك ياقممر ولا أنتي مقصره ولا شي بالعكس كلنا نمر بظروف وننقطع ونرجع وهذا مو معناتو اننا نسينا بعض بالعكس يمكن تلاقينا متلهفين نجي ونشوف
الأخبار بالتجمع سبحان الله حبينا التجمع كأننا هنا من زمااااااان .. الله لا يحرمنا من بعض ياررب ..

نلي خانم

10-11-2010, 05:47 AM

الله يسعدك ياثلجه والله طول الليل فاتحه على التجمع وماأحد دخل قلت اكيد ناموا بس ألحين بدأت احس بالنوم لأني كنت أبكي من كثر التوتر اللي جايني ومع البكا صرت أحس بالنوم وبأذن الله كلها أسبوع والله يسهل الأمور بس أنا بشغل نفسي كمان بحاول أفتح النت واجلس لأني ماراح أخرج هالأيام فصعب أني أستسلم للتفكير في ظروفي بشغل نفسي والله يكتب لي اللي فيه الخير

كوكب زحل

10-11-2010, 05:54 AM

هلانلي خانم ياقلبي لا مقصرة الله يفرج همك ياقلبي ان شالله

كوكب زحل

10-11-2010, 05:55 AM

انا صحيت وصليت ولبست ابي اروح المدرسة احب ادخل المنتدي اشوف مين صاحي يلا نشوفك على خير

نلي خانم

10-11-2010, 05:58 AM

حبيبتي كوكب الله ييسر لك أمورك ويرزقك من أوسع أبوابه

نلي خانم

10-11-2010, 06:03 AM

بروح أنام اليوم بتجي عندي شغاله باليوميه وقالت بتجيني الصباح وبحاول أنام ساعتين قبل تجي
ماقدرت انام بالليل نومي هالأيام زفت مره

أذا صحيت بجيكم على طول

حكآية عطر

10-11-2010, 06:56 AM

http://forum.hwaml.com/t30708.html#post400060
شاركوني ..حبيباتي

كوكو الحلوه

10-11-2010, 07:01 AM

صباح الخير على جميع الكروشات كيفكم ان شاء الله بخير وعافيه

Om KHaled

10-11-2010, 10:56 AM

يسعد صباح أهل مكة

اموورة وكتكوتة

10-11-2010, 11:14 AM

صباح الخير لاهل الخيرhwaml76hwaml76hwaml76hwaml76

كيفكم اليوم وايش جديدكم؟؟

نلي خانم ماتشوفي شر .. وانتي وحشتينا بس حبيبتي مهما كانت ظروفك اللي تمري فيها والضغوطات حاولي انك تريحي حالك وما تفكري عشان النونو ياقلبي .. لانو يتاثر اكتر منك بمليون مرررره..

ربي يفرجلك همك .. ونحن معاكي دايما اخواتك واعز ان شاء الله

فوضي امرك لله وارتاحي حبيبتي

كوكو الحلوة صباح الورد نحن الحمدلله بخير وعافية انتي كيفك وايش اخبارك

نور القمر نورتينا بطلتك الحلوة كيفك وكيف نونتك؟؟ ايش اخر اخبارك؟؟

انا صحيت من ساعة بس مرررررررره نعسانة وراسي لسه يوجعني من ضربة امس hwaml49hwaml49 ههههههههه

Om KHaled

10-11-2010, 11:17 AM

النــــــو نُــورك حبيبتي أمووورة ونور الحاضرين والغايبين
انا بخير والحمد لله ,صرت احس بحركة النونو ( شيء يسعدني )

كيفك انتِ عساكِ بخير ؟؟؟

Om KHaled

10-11-2010, 11:19 AM

سلامتك الف سلامة

ضربة شووو ؟؟

اموورة وكتكوتة

10-11-2010, 11:23 AM

حبيبتي تسلمي نور القمر

ماشاء الله ربي يتمملك ويتمملنا عخير..

دحينة حركتو حتكون خفيفة وان شاء الله بالسادس والسابع وبعدين ما حتنامي مررررره ههههه ..

انا الحمدلله بخير ولله الحمد .. بعد شوي حروح اطبخ وعندي شغل البيت امس ما سويت شي في البيت ههههه

اموورة وكتكوتة

10-11-2010, 11:26 AM

الله يسلمك نور القمر

طاح على راسي اليد حقت الدوش hwaml53hwaml53 وانا بتحمم امس ههههه

كنت خايفة وطول الليل ما جاني نوم بس دحينة الحمدلله

Om KHaled

10-11-2010, 11:30 AM

نعيما يا غالية , الف سلامة عليكِ ... انتبهي على نفسك
تسلمي يا قمر , اسيبك دالحين عشان ما اشغلك ربنا يوفقك وربي معاكِ

اموورة وكتكوتة

10-11-2010, 11:32 AM

الله يسلمك ويخليكي حبيبتي

طيب انا اروح وبس اخلص الطبخ وشغل البيت ارجعلكم ان شاء الله

بااااااااااااااااااي

ملكة الاحساس

10-11-2010, 11:57 AM

نلي الله يفرج همك يارب اهم شي لاتزعلي نفسك علشان اللي في بطنك الرساله ياقلبي ماوصلت
اموره\ سلامات ياالغاليه وماتشوفي شر
كوكب زحل\ان شاءالله ربي يرزقك باالذريه
ثلجه فوشيه\انشودة مطر\نورالقمر\ام رانسي \رحيمة قلب \نانا\كروزه \احلى موني\كيفكم وكيف الحمل معاكم الله يتمم لكم على خير

Compassionate Heart

10-11-2010, 12:08 PM

صباحكم الله برضا و المسرات والسعاده يارب
اخباركم يا طعمين ايش عملين و اخبار الطعمين الصغيرين يارب كل اموركم بالف خير

اموورة وكتكوتة
سلامتك الف سلامه ما تشوفي شر يا قمر بعد كذا انتبهي على نفسك سامعه يا ويلك ما تنتبهي على حالك ربي يسعدك

Nana
ها كيف المشي معاكي امشي كثير و كلي رطب عشان النونو يشرف على الدنيه بالف سلامه و تحطيه في السرير و تفرحي فيه يارب ربي يسعدك و يطمنا عنك

كوكو الحلوه
منوره التجمع انتي ماشاءالله في اي شهر وين تتابعي اسئله كثيره معليش ربي يسعدك

نـُور القـمَر
بخير جعل ربي قلبك بالف خير ايوا احساس مرا حلو لم البوبو يتحرك ربي يتم علينا فضلو و احسانه يارب ربي يسعدك و نحنا كمان نحبك يا عسل

ثلجه فوشيه
طولت الغيبه عشان اشوف معزتي يا قمر ^_* ربي يسعدك و طمني عليكي يارب حلو لم تسوي مقلب بعد كذا حاولي تظبتيه صح ههههههههههههه عسى ربي يجعل ايامكم كلها فرح

ام رانسي
و انتو كمان وحشتوني يا قمر كيف الاستاذ ركان صح مو كذا تبغي تسمي ربي يفرحك ويسعدك ويطمن قلبك يارب

كوكب زحل
ماشاءالله تبارك الله ايوا كذا شدي حيلك نبغاكي استاذه نشيطه عسى ربي يراضيكي يارب و يسعدك

أحلى موني
يا هلا يعني مو بس انا الا غايبه وينك ما نشوفك انتي كمان وحشتينا عساكي بالف خير يارب و الكتكوته الصغيره و البوبو بالف خير ربي يسعدكم يارب وان شاء الله يكون حظك كويس و تستمر معاكي الشغاله هونيها و تهون يا قمر

ام القماري
بخير ربي يجعلك بخير انتي كيفك و كيف البوبو

نلي خانم
لا تشيلي هم شي يا قمر و ربنا باذن الله يفرج همك و كربك يارب و يهدي بالك ربي يسعدك ويطمن قلبك يارب

ملكة الاحساس
يا هلا انا بخير يا وجه الخير ربي يسعدك انتي بشريني عنك ها ما جات الحظه المنتظره ربي يعطيكي ساعة ولاده مباركه يارب

كروزه
ما اشوفها اكيد قاعده تمشي و دحين في المدرسه ربي يقويها يارب و يعطيها ساعه مباركه يارب

انشودة مطر
نايمه عسى ربي يطمني عليك يارب ربي يسعدك

ملكة الاحساس

10-11-2010, 12:11 PM

بنات انا نفسيتي تعبانه لحد الان ماولدت رحت عندمحمدخان قال الحمدالله كل شي تمام الجنين الحمدالله بخير عطاني موعد يوم 11 قال لوماولدتي لازم تجي لاني يوم 10اخلص التاسع احتمال تاخذي طلق صناعي واذ مانفع قيصريه واناخايفه على الجنين من الطلق الصناعي واحتمال كبير اولد عند محمدخان لانه متابع الحاله من بداية الحمل وانا محتاره بين باشراحيل ومحمدخان ايش رايكم وابغاكم تدعولي اولد في ذاالاسبوع قبل الموعد

ملكة الاحساس

10-11-2010, 12:13 PM

والله باقي ياقلبي ماولدت دعواتك لي ياالغاليه

Compassionate Heart

10-11-2010, 12:30 PM

ملكة الاحساس
حبيبتي الولاده القيصري لازم طلق انا اشوف لا قدر الله جا الموعد و ما ولدتي تسوي قيصري من غير طلق يختي الطلق يخوف بس انتي امشي كثير يا قلبي و كلي رطب يارب يفرجها عليكي يارب و تولدي طبيعي بقدرت لا اله الا الله يارب

كوكو الحلوه

10-11-2010, 01:26 PM

اموورة الف سلامه عليكي لزم تنتبهى على نفسك ما تشوفي شر يارب

كوكو الحلوه

10-11-2010, 01:33 PM

Compassionate Heart (http://forum.hwaml.com/u11604.html) تسلامى يالغاليه النور نوركم جميعا انا في اشهر السابع اتابع حملى في مجمع الصفوه الطبي عند دكتوره اسمها سالى والله مررره طيبه قمه في الخالق ماشاء الله عليها

Compassionate Heart

10-11-2010, 01:42 PM

كوكو الحلوه
ماشاءالله الله يتمملك على خير يارب
طيب الحمدالله انك مرتاحه معها و ين ناويه تولدي ان شاء الله
و شو جنس الجنين اسئله كثيره معليش يا قلبي

ام رانسي

10-11-2010, 02:06 PM

مساء الخير يا حلوات كفكم كيف البيبي معاكم
ملكة الاحساس.
بخير والحمدالله وانتي كيفك الله يديك الساعه المباركة يارب وتولدي من دون طلق ولاعمليه يارب بس انصحك في محمد خان لانوه يعرف حلتك وانتي استخيري وشوفي
رحيمة القلب .
كيفك حبيبتي كيف البوبو معاكي عساه بخير انا بخير والبوبو بخير يسلم على ولدك خلص انا ام راكان الله يتمم حملي علي خير وحملكم يارب
نلى خانم.
الله يفرج همك يارب اهم شي لاتزعلي نفسك علشان اللي في بطنك الله يسعدك واكثري من الاستغفار
نور القمر .
كفك حبيبتي ان شاء الله تكوني بخير مبروك على حركة البوبو وعقبال ماتشوفيه بعينك وتمسكه في يدينك انتي في اي شهر انا ماشاء الله تحرك معيه من الاسبوع الثاني من اشهر الربع
حلى موني .
وين الغيبه وحشتيني موت والله فقدنك عسى المنع خير كيفك طمنين عليك وكيف البوبو والبنوته الهلاليه اشاء الله تكون في تمام الصحة والعافيه
اموره وكتكوته .
كيفك حبيبتي كيف وجع رسك ان شاء الله خف عليكhwaml15
ثلجة فوشية .كيفك حبيبتي ان شاء الله تكوني بخير
انشوة مطر.وكروزه .كوكب زحل .كوكو الحلوة .ام القماري.نانا. كيفكم حبايبي الله يسعدك يديكم الساعه المباركة وتولدو يا نانا وكروزه ويرزق كوكب البيبيى الصالح
ويتمم حمل البنات البقين وانا معكم
واسفه كتير اذا نسية احد فيكم تسمحني

كوكو الحلوه

10-11-2010, 02:08 PM

Compassionate اااااامين يارب والجميع والد وان شاء الله يكون صح مثل ما يقولون لو طلع صح والد راح اسمي علاء ان شاء الله والله ما بعرف فين راح اولد لحد الحين محتاره انا نفسي اولد عندها بس زوجي موراضي يقول بكري افضل حكومي عشان راح تكونى عندهم يومين ونطمن بس انا بشوف اخواتى وين كل وحده ناويه تولد وحده خلاص امس ماشاء الله والده وفاضل الثانيه وحريم اخوني ماشاء الله هذي السنه العائله الكريمه كلها كروشات الله يحفظهم ويحميهم يارب

كوكو الحلوه

10-11-2010, 02:14 PM

مساء النور

ام رانسي (http://forum.hwaml.com/u11192.html) الحمدلله بخير وشوي تعب الحمل كيفك انتى والبيبي ان شاء الله بخير وصحه وعافيه

ام رانسي

10-11-2010, 02:18 PM

كوكو الحلوه .الله يسلمك ياقلبي انا بخير والبوبو يديك بوسه بس الله يعين من تعب الحمل

ام رانسي

10-11-2010, 02:23 PM

بنات راح اقول قصتي امس بعد مقفلة النت ريح انام واشغل المكيف حق غرفة النوم على بالي دباب دخل البيت هههههههههههههه ونفجعة قالي زوجي طفي المكيف وخلين نام في المجلس والله يابنات جسمي يعورني من نومت الكنب قمة من النوم وانا ابكي جسمي يعورني من جميع الجهات ههههههههههه اضحك على نفسي ولا ابكي من الالم

كوكو الحلوه

10-11-2010, 02:26 PM

ام رانسي (http://forum.hwaml.com/u11192.html) ما بعرف هو الحين حركة البيبي في شهر السابع ماهى كثره صح عشان البيبي ما يتحرك كثير يعني حركه حركتين واليوم كمان انا درجت حرارتي مرتفعه فمره ما حسيت بي بشو تنصحيني

كوكو الحلوه

10-11-2010, 02:31 PM

اهم شي الدباب في البيت ههههههههه الله يكون في عونك بس مرخي نفسك شوي وخذيلك دش دافي شوي وان شاء الله راح تحسي افضل

Compassionate Heart

10-11-2010, 02:48 PM

ام رانسي
ربي يسعدك و يسعد البوبو يارب و ولدي كمان يديكي بوسه عشان بعدين العروسه عليكي هو مو ناسي ^_* ههههههههههههه اما دباب يبغالو يمكن صيانه ربي يكون في عونك و سلامتك الف سلامه لا انتبهي على حالك الله يخليكي

كوكو الحلوه
ماشاءالله تبارك الله ربي يتمملكم على الف خير بس اذا انتي مرتاحه للدكتوره و هيا تولد في مستشفى اتفقي معها والله الحكومي مادري كيف بس بعدي عن النور و الولاده اجل مامتك الله يكون في عونها و يقويها يارب و يحفظكم من العين يارب

انا دحين الشغاله تروح و اجيكم طفشانه مرا يا بنات

ام رانسي

10-11-2010, 02:54 PM

كوكوالحلوة .مو حلو انه درجة الحراره تكون مرتفعه للحامل لان الدكتور محمد خان قالي مو حلو تكون درجة الحراره مرتفعة لبيبي تاثر عليه فهمه مو قصدي اخوفك بس انصحك تروح عند الدكتور الي ترجعي عندة ويديك العلاج المنسب
الله يسعدك يارب بروح اتمرخ جسمي كله يعورني

ام رانسي

10-11-2010, 02:59 PM

الله يسلمك يا رحيمة القلب وصلة البوسه بنكهة الفرواله ههههههههههههههه ماني ناسيه هههههههههه بس يصبر كسرة خاطره كان على بله بنت بس مسكين طلع ولد بس يالله عشان يدرسومع بعض ههههههههههه

غنووجه

10-11-2010, 03:02 PM

هاااااااااااي كروشات كيفكم وكيف بيبيهاتكم انشاء الله بخير

Compassionate Heart

10-11-2010, 03:15 PM

ام رانسي
ايوا يدرسو سوا و بعدين تجي البنت و يشوفها و يعجب فيها يالله مغامره حلوه^_^ ربي يسعده يارب و يسعدك

غنووجه
بخير الحمدالله انتي اخبارك ايش عامله

ام رانسي

10-11-2010, 03:20 PM

هلا وغلا غنوجة .انا بخير والله الحمد انتي كيفك اشاء اللهتكوني بخير
رحيمة القلب .بتصير القصة مسلسل تركي بس من النوع المحترم ههههههههههههههههههههه

غنووجه

10-11-2010, 03:31 PM

انا بخير الله يسلمكمhwaml13
يوم السبت رحت عند الدكتوره hwaml10الي اراجع عندها
والحمد طمنتني ع البيبي بس قالتلي انو عندي جفاف وهادا الشي
مضر ع الجنين بس ايش يعني جفاف ؟؟؟ مين سار لها كدا

Compassionate Heart

10-11-2010, 03:33 PM

ام رانسي
اهم شي قولتي محترم لان اعوذ بالله الله يجيرنا المسلسلات التركيه شي مو طبيعي الاطفال صارو يعرفو كل شي و ما يحبو غير التركي عشان الكلام الفاضي والله ولد اختي 3 ابتدائي يقول ل امه انا ابغى اسافر تركيه في الحج هيا اتفضلي هذا زمان كنا نقول انه بيصير مطوع يوم راح باريس و راحو الشاطئ كلهم لابسين بكيني كان يقول عيب حرام دحين يقول ليش ما تلبسي بكيني يا ماماهههههههههههههههه زمان الله يجيرنا منه بس

Compassionate Heart

10-11-2010, 03:35 PM

غنووجه
هيا ما قالت جفاف فين يعني في الرحم او في المهبل الجفاف وين مكانه هيا لازم تقولك
بس تقول جفاف و ما قالت ايش تاخذي عشان الجفاف انا ما صار معايه الحمدالله بس وين الجفاف ما تشوفي شر يا قلبي

ام رانسي

10-11-2010, 03:40 PM

غنوجة والله ماعندي اي فكره عن الجفاف بس الحمدالله انوه البيبي تمام
رحيمة القلب .ما شاء الله وهذ 3ابتدائي وسواء كذا اذا صر في المتوسطه وش راح يسوي هههههههههههههه الله يعطين خير هذا الجيل بس ولدك مسموح له يبوس بنتي في الشفه هههههههههههههه بس فهمة

ام رانسي

10-11-2010, 03:46 PM

رحيمة القلب اذا ولدك طلب من بنتي بكيني رح اضربه ويجي يبكي عندك قال بكيني ههههههه بكيني في غرفة النوم بس بعدين بكيني محترم هههههههههههههههههه الله يسعدهم قبل ما يجو قعدين نغتابهم ههههههههههههههههه

غنووجه

10-11-2010, 03:47 PM

الشر مايجيكي يالغلا
هو انا قلتلها تغيرلي الكالسيوم الي بتديني هوه لاني ما اقدر اكلو
وقالتلي كيف ما تاكلي ومن الكلام دا قلتلها ما اقدر ع طعمو ع طول استفرغ الله يكرمك بس وسالتني اشرب حليب قلتلها ايوه كاس واحد في الصبح بس لاني مااحبو وعصبت مره تانيه hwaml4وقلتلي لازم
تلات كاسات في اليوم وبس بعدين قالتلي اشوف عندك جفاف
وكشفت ع فمي وقالت انو عندي جفاف ولازم اشرب مويه كتـــيررررررررر وبس ياحبي

غنووجه

10-11-2010, 03:50 PM

هههههههههههههه الله يسعدكم وناسه انتو خلو البنت تجي ويسير خير

ام رانسي

10-11-2010, 03:55 PM

غنوجة.
طيب اشربي مويه كثير عشان ما يجيك امساك والله انا جاني امساك وقالي الدكتور موحلو للحمل الامساك وادني شراب وقالي اشربي مويه كثير ما تشوفي شر انا استخدم حبوب الكلسيوم بس مافيه طعم راح اديك اسمه عشان تسالي الدكتوره تستخدميه انا كتبلي الدكتور محمد خان مره شاطر اسمه .بيوكال_د
بس مره في اليوم لون العلبه اصفر

ام رانسي

10-11-2010, 04:00 PM

ايوه اضحكي يا غنوجة الدنيا ماتستهل الدكتوره قالتلك بنت ولا ولد في بطنك وانتي حامل في اي شهر

غنووجه

10-11-2010, 04:02 PM

الله يسعدك يا ام راكان اشوف ازا مانفع الي معايه اجرب دا لانها
كتبتلي كالسيوم فوار تقول دا طعمو حلو بس الين دحين ما جربتو ما لي نفس
الله يكون في العون حتى الحديد مااقدر اكلو دايما نضارب انا وزوجي ع دا الشي
خلاص تعبت ابغى اولد وانفك من الهم

غنووجه

10-11-2010, 04:04 PM

انا في الرابع لسى ما كشفت ادعيلي اجيب ولد
لانو عندي بنت وخلاص معد ابغى احمل

ام رانسي

10-11-2010, 04:12 PM

الله يرزق غنوجة الولد الصالحة

غنووجه

10-11-2010, 04:19 PM

الي عندها خلفيه عن الهيل مضر للحامل ولا لا
لانو مامي بتحطلي هوه في الحليب عشان يغير طعمو شويه الله يعطيها الصحه والعافيه ويخليها ليه يارب

غنووجه

10-11-2010, 04:20 PM

تسلمي ياحبي ع الدعوه الحلوه الله يقومك بالسلامه

ام رانسي

10-11-2010, 04:23 PM

غنوجة. والله انا اشرب الحليب بنكهة الهيل من قال انويضر الجنين

Compassionate Heart

10-11-2010, 04:23 PM

ام رانسي
يقولك ابشري يا عمتي بس بعد الولاد على طول بعد الاربعين جيبي البنت عشان ما استنى كثير p: تخيلي بعد الاربعين الله يتمملنا على الف خير يارب و يجو الا موجودين دحين و بعدين نشوف موضوع البنت بس ولدي ما يقولها بكيني ولدي من غير زي ابو الشباب عاد ولده ^_^

غنووجه
ربي يتمملك على خير يارب و تجيبي الولد يارب و يخليلك بنتك ماشاءالله كم عمرها شو اسمها ام الجفاف اشربي عصيرات اذا ما تبغى مويه اما الكالسيوم عاد كثري الحليب لو ما تبغي تود انا اشرب لدي ميل مرا لذيذ و في شوكلاته و فراوله و فنيليا هو حق الحمل و الحديد عليكي ب الكبده مرا ممتازه ربي ان شاء الله يكون معاكي

بنات نفسي في بنجر و نفسي في لفت ابغى الفت و البنجر عشان اسوي مخلال مرا نفسي فيه امي تقول الفت ما نزل لسه بس البنجر موجود نفسي فيه ):
تدرو قعد شويه لين المويه بردت عشان اخذ دش مرا حاره انا احب المويه الحاره مرا بس مادري ليش دحين مو قادره عليها بس مو حاره تشيل الجلد لا زي الحمام المغربي مرا احب كنت احب استحمه كذا دحين مو طايقه حتى الدافيه

غنووجه

10-11-2010, 04:32 PM

محد قلي انو مضر بس انا اسال تعرفي لازم وسوسه شغل الحريم ههههههههه

تسلمي ع الدعوه ياحلوه اسم بنتي جوان قلت قبل كدا والحليب انشاء الله اجربو والكبد ما احبها

ثلجه فوشيه

10-11-2010, 04:34 PM

مسسسائوو كروشات كيف حالكم ؟؟
ايش رايكم في اللي صاحي قبل نص ساعه بس ههههههههه hwaml02 hwaml02
الحمد لله بس زوجي اليوم ماداوم ولا انا داومت قصدي داومت في البيت لا غدا ولا شي ههههههههه وحطينا امها نووووووووووووومه بس أنا صحيت قبلو hwaml7 hwaml7

Compassionate Heart

10-11-2010, 04:44 PM

غنووجه
طيب بلاش كبده سبانخ يعني حاولي تاكلي اكل في حديد و ربي يكون معاكي يارب

ثلجه فوشيه
يا هلا يا هلا على الا توها صاحيه صح النوم نوم ملخبط الحمدالله كنت كذا بس تعدل اخبارك يا قمر و اخبار البوبو اهم شي ابو الشباب ما داوم و ان شاء الله يعزمك على الاكل برا^_^

غنووجه

10-11-2010, 04:46 PM

مساء النور تلجه صحى النوم
احلى شي انك ماداومتي هههههههههه

ثلجه فوشيه

10-11-2010, 04:57 PM

اهلين رحيمه أنا بخير ولله الحممممد والنونو طيب انتي كيفك ؟؟ ان شاء الله بخير
مافي أمل امس طلعني وعشاني برا ورحت زرت أهلي بس مايدقق عليا يمشي اي شي
الحمد لله اليوم مافي طبخ هههههه
والله نووومي مررررا ملخبط الله يعين ياااارب يتعدل امس جلست اخر وحده هنا وقفلت التجمع واخذت المفتاح معايا ههههه انتو من فين فتحتو ودخلتو لقيت صفحات اسم الله كتيييييييييير
اكيد معاكم اسبيرت ههههههه

غنووجه مساء الاتوار حبيبتي صح بدنك *_^
من جد اهم شي ماداومت هههه مافي دوام الا في بيتي هههههههه

أحلى موني

10-11-2010, 05:00 PM

انا بخير يام رانسي وانتي اخبارك وكيف البوبو بتاعك ان شاء الله كويسين وانتي اكتر ماتشوفي وحشه ياعمري

وياثلجه فوشيه انتي احسن مني زوجي صحي وراح دوامه واتصل عالبيت لقاني نايمه جاب غدا معاه وحط السفره وتونا اتغدينا ماشاء الله عليا ست بيت
ههههههههههههههههههههههههههههههههههههه

غنووجه

10-11-2010, 05:09 PM

حتى انا نومي كان ملخبط ودحين شكلو حيرجع زي اول
بنتي تحب السهر ماشاء الله

ام رانسي

10-11-2010, 05:44 PM

هلا وغلا فيكم بس بقولي نوم ههههههههههههههههه
الحمد الله انا في اجازه من شهر 6 وش ريكم في دومي تعب بس نوم
ثلجة فوشية.
وش اخبر عيونك دحين لس منتفخه هههههههههههههههههههه كيفك وكيف البوبو ان شاء الله تكوني بخير عد روحي مشطي شعرك لا يصح ابو اشباب ينفجع ههههههههههههههههههههه
احلى موني .
انا الحمد الله في تمام الصحة والعافية والبوبو يسلم عليك ويقو وش اخبرك واخبر البوبو

بنات امس كنت نايمه وانا في النوم احلم اني اسولف معكم من جد ادمان ههههههههههههههه حتى في النوم

ثلجه فوشيه

10-11-2010, 05:45 PM

ههههههههه موني من جد ست بيت زي حالتي

والله ياغنووجه أنا لوحدي ونومي ملخبط الله يعين لاجا ولي العهد شكلي ماحنام ابدن ابدن

غنووجه

10-11-2010, 05:49 PM

لا حرام عليكي كيف ماتنامي لا اطمني حتنامي بس بمزاج ولي العهد
الله يجيبو بالسلامه وتفرحي فيه ياقلبووووووو

غنووجه

10-11-2010, 05:52 PM

انا كدا لمن تنام انام ولمن تصحى اصحى
بالمختصر المفيد متحكما فيه
لا ودحين جاي البيبي التاني شايل هم واحد يصحى وواحد ينام تخيلي المنظر بس زي كدا اخواتي والدور عليه الله يكون في العون

ثلجه فوشيه

10-11-2010, 05:59 PM

ياحياتي على المتحكمه فيكي هههههههه الله يسعدها لك يااارب
ويجي اخوها والا اختها وانتي بصحه وسسلامه ياارب
كم عمر بنتك ؟

غنووجه

10-11-2010, 06:12 PM

تسلمي ياحبي عمرها سنه ونص

Compassionate Heart

10-11-2010, 06:16 PM

ثلجه فوشيه
يارب دوم تكوني بخير انا بخير يا وجه الخير ربي يسعدك
يعني خلاص مافي اكل من برا الله يكون في عونك
اما التجمع سرقنا المفتاح منك و انتي نايمه p: عشان تعرفي تصحي بدري

أحلى موني
دوم تكوني بخير الف عافيه يارب على الغذا المتاخر انا دحين اتعشى ^_^

غنووجه
ربي يخليلك هيا يارب عاد انتي ماشاءالله ام خبره انتي و احلى موني ربي يسعدكم يارب

ام رانسي
اما ادمان في الاحلام هههههههههه ياريت احلم فيكم احسن من الكوابيس الله يبعد عنك الشر

تدرو انا الغذا اكلت لوحدي زوجي يكون في الدوام حتى لم يتغذا عند اهلو لاني ما اطبخ و قبل شويه اتعشيت و انتو تتغذو

ثلجه فوشيه

10-11-2010, 06:23 PM

بالعافيه رحيمه شكلك تتعشي بدري ههههههههه
ماعليكي انا خلاص غديت زوجي واتغديت ولله الحممممد ..

غنووجه
الله يخليها لك ياااااارب وترى سؤالي عشان اشوف بعد كم حملتي لأنو زوجي رافض بعد ولادتي
آخذ حبوب منع الحمل يقول تأثر على نفسيتك يقول نخليها على الله هههههههه قلت لا ياحبيبي
مو مستعده احمل ولسا ولدي ماكمل سنه والين يومك هذا واحننا في مشاورات

أم رانسي
هههههههههه لا اتطمني شعري مو منكووش وأنا دايما مهما اتأخرنا في النووم اصحى قبلو :)

Compassionate Heart

10-11-2010, 06:28 PM

ثلجه فوشيه
الله يعافيكي يارب و بعافيه عليكي يارب ايوا افطر و بعد الفطور نقنقه و بعدين الغذاء و نقنقه و العشى بدري قبل العشاء عشان بعد العشاء ما اكل شي غير الحليب و على الساعه 10 تقريبآ انام عشان انام خفيفه يعني ليا اسبوع كذا بس اكل كثير مادري ليش

ثلجه فوشيه

10-11-2010, 06:58 PM

بالعافيه رحيمه ماشاء الله كدا مررا صحي لك ولجسمك وللنونو ياليت اقدر ارتب اموري زيك كذا
والله أنا يومي ونومي وكل شي مشقلب الله يصلح الحال بس ..

كتكوته .. كيف رأسك ان شاء الله احسن من آمس ؟؟
ملكه .. ان شاء الله تولدي قبل ماينتهي الاسبوع عشان ماتضطري تأخذي طلق صناعي ولا تسوي عمليه ان شاء الله تولدي طبيعي وتقومي بميه صحه وعافيه يااارب .. مابنساكي من دعواتي

غنووجه

10-11-2010, 07:15 PM

بالعافيه ع قلبك يارحيمه كويس انك تتغذي وتغذي البيبي

تلجه لا تحملي بسرعه بعدين تتعبي والرجال ما همهم شي انتي الي بتحملي وتولدي وتبتلشي في البيبي هههههه
تفكير زوجك زي زوجي انا كنت اخد حبوب منع الحمل قعدت عليها سنه بعدين جوزي ماقدر يستحملني لانها تخليني عصبيه ع اتفه شي اعصب واسوي من الحبه قبه وتسد الشهيه وفي ناس تفتحلهم الشهيه
وبس سار ما يجبلي هيه وانا اصلا ما كنت ابغى احمل ع الاقل بنتي تكمل السنتين وجوزي كان موافق بس حملت بلغلط يالله الحمد لله خيره

اموورة وكتكوتة

10-11-2010, 07:24 PM

مساء الخير والاحساس والطيبة

كملو انتو باقي الاغنية مالي حافظتها هههههه

كيفكم

Compassionate Heart

10-11-2010, 07:31 PM

ثلجه فوشيه\غنووجه الله يعافيكم يارب بس اخاف وزني مرا يضرب بعد الولاده بس امي تقول بعد النفاس نبداء نخف عنك الاكل قولت ربنا كريم زوجي خايف جسم ما يرجع ثاني الله يستر

اموورة وكتكوتة
مساء الورد ههههههه زيك مو حافظتها بخير ياوجه الخير انتي كيفك اليوم كيف راسك

ثلجه فوشيه

10-11-2010, 07:41 PM

مساء مايليق ألا بأحبابي مساءٍ غير غصن لطير يحكي به عن اللي مسكنه جفني وأهدابي

ههههه هذي التكمله
أنا بخير ولله الحممممد انتي كيفك وكيف راسك كتكوته ؟؟ < شايله همك من أمس ههههه

والله غنووجه ماني عارفه هوا يقولي كدا يقول تسيري عصبيه وتمتني ومدري ايش عشان كدا ما ابغاكي تآخذيها ركبي لولب واللولب من كثر ماسمعت مخاطرو خفت مو عارفه ايش اسوي بس قلت بخليها لوقتها ..

رحيمه ليش وزنك زاد مرررا ؟؟
لو زاد كثير لازم تنتبهي حبيبتي ..
أنا ولله الحمد جسمي كويس يعتبر بس كثير يقولولي ضعيفه
وعشان جسمي صغير يقولو مررا بطنك صغيره وانتي ضعيفه ومن دا الكلام وزوجي يخاصمني انتي ماتأكلي انتي بتجوعي ولدي هههههه وأنا اكل بس بأعتدال ولله الحمد ترى جاتني فتره بعد ماخلصت وحامي صرت بس ابغى اكل بعدين خفت تدريجيا ..

بنوتات والا كروشات خلينا نقول كم كانت اوزاننا قبل الحمل وكم صارت دحين وكل وحده تقول شهرها لانو يفرق مع الشهر الوزن ... ؟؟
طبعا ماتنسو الطول لانو الطول يحكم كثيررررررر
لو شفت تفاعل راح اقول ..

اموورة وكتكوتة

10-11-2010, 07:43 PM

ههههههه هلا رحيمة القلب والله الحمدلله طيبة

وراسي الحمدلله.. بس مررررررررررررررة مررررررررررررررررره مرررررررررررررررره طفشااااااااااااااااااااااااااااااااااااااااانة

ابغا اخرج بس ما ادري فين هههههههه... المهم اخرج

فين اروح فين تنصحوني؟؟ ههههههههه

اموورة وكتكوتة

10-11-2010, 07:47 PM

هلا ثلجة والله انا الحمدلله

شكرا حبيبتي.. وراسي الحمدلله لسه يوجعني بس الحمدلله..

جننت زوجي ابغا اخرج طفشانة مرررررره زمان ما خرجت .. بس مالي عارفة فين اروح وهو يسألني فين تبغي تروحي اسكت انا لانو مالي عارفة

والله من الطفش صايرة ما ادري فين اروح

غنووجه

10-11-2010, 07:48 PM

لا لاتخافي انشاء الله يرجع جسمك زي اول واحلى بس لازم تهتمي وتتغذي فترة النفاس عشان ترجع صحتك زي اول واحسن بادن لله
ع
والله يا تلجه انو اللولب يخوف بس في حريم يناسبهم جربيه او كلي حبوب
لاتقعدي كدا بعدين تندم قد شعر راسك والله يوفقك للي في الخير
وبعدين تجيبي الفكره وماتقولي كم سار وزنك ماينفع لازم تسوي تشجيع ههههه
انا زدت كيلو واحد والدكتوره تقولي ليش عامله رجيم

غنووجه

10-11-2010, 07:50 PM

مساء النور امورررره كيفك وكيف البيبي
حتى انا زيك طفشانه روحي مطعم انتي وزوجك غيري جو

Compassionate Heart

10-11-2010, 08:00 PM

ثلجه فوشيه
ايوا زايد لازم اخفف شويه ربنا كريم لان انا جسمي رويان ملفوف مو نحيفه مرا عشان كذا بس هو زوجي متعود اني ما عندي بطن عشان كذا ههههههههههههه اقوله هذا ولدك يقولي بعد مايجي ما تروح قولت ان شاء الله بس هذي الضريبه قال اذا هذي الضريبه مقدور عليها^_^

اموورة وكتكوتة
دوم يارب تكوني بخير انا لم اكون طفشانه و ابغى زوجي يخرجني نتمشا بسياره و اذا ابغى اقعد وديني الحديقه الا في العزيزيه جنبي يعني تغير بس اقعد على الحشيش شويه نغير جو و نرجع يعني

غنووجه
ان شاء الله الله يسمع منك و منكم نستفيد ايوا افيدينا كذا يعني يرجع جسم ان شاء الله ربي يطمن قلبك يارب

ثلجه فوشيه

10-11-2010, 08:06 PM

اممممممم طيب كروشات
أنا وزني قبل ما احمل كان 47 كيلوو ووفي الشهور الاولى ماكان يزيد بس ينقص حتى في مره وصلت 45 والدكتوره تخاصمني بس بعدين من بعد الخامس زدت صرت 49 ودحين آخر مره رحت قالولي 51 قالت الدكتوره وزنك مزبوط ..

كتكوته والله أنا امس زيك مافي اماكن نروحها بس رحت سوق الضيافه طلبنا عشا وطلعنا اتعشينا فووق وبعدها جبنا سينبون وكوفي وجلسنا شوويا كان السوق فاضي ماهو زحمممه بس حلو غيرت جوو شويا .. روحي والا في بالرصيفه مطعم اسمو جراند مرحبا اذا تحبي الأكل الهندي مرررررررا جلساتو نايس أنا اروحو بين فتره وفتره ..

غنووجه

10-11-2010, 08:09 PM

انا رجع جسمي زي ما كان اول بعد سته شهور من الولاده
ودحين خايفه عشاني مسمره مرررره وفي حملي الاول ماسمرت

ثلجه فوشيه

10-11-2010, 08:12 PM

يلا كروشششات قولو اوزانكم < فضيحه هههههههههه

Compassionate Heart

10-11-2010, 08:18 PM

ثلجه انتي مرا ضعيفه حبيبتي انتبهي على نفسك
انا وزني اول ما عرفت اني حامل 70 قبل الحمل 67 زايده 4 كيلو و دحين صار77 يعني مادري زوجي قاعد يقول تخنتي لان اول مرا يشوف حمل و تغير الجسم و الوزن و كمان اقول شي بس يعني انتو اخواتي مع كرشتي هو وقت الجماع يضايق و انا خايفه يضغط على البوبو عشان كذا مضايق من الكرشه و خايف كرشتي ما تروح بعد الولاده

غنووجه

10-11-2010, 08:18 PM

انا وزني كان 45 ونزلت مع الوحم ودحين زاد كيلو سار 44

Compassionate Heart

10-11-2010, 08:21 PM

غنووجه
مرا حتى انتي مرا ضعيفه كيف قومتي الولاده الاوله وانتي كذا
لا انتبهي على نفسك

غنووجه

10-11-2010, 08:25 PM

تلجه انتي ساكنه في الرصيفه؟؟ والمطعم دا الي قلتي عليه فين في الرصيفه
اول مرره اسمع بيه انا زوجي يحب الاكل الهندي

Nana.1985

10-11-2010, 08:28 PM

رحيمة ربي يسلمك ياقمررر انا بخير والنونو ان شاءالله بخير بس بروح اسوي سونار بعرف كيف وضع الجنين .. لانو ضلعي الي تحت صدري الجهه اليمين مرررا توجعني لها شهر واكتر والدكتورة تقول عادي بس بتطمن لانو موعد وللادتي 14 القعده

ملوووكة يارب انا ونتي في نفس اليوم مليييت خلاص
فين بتولدي؟؟

فوشية مابا اقول كم وزني خخخخ مرررا سرت دببببببببببيه
ونا اصلن من قبل جسمي مليان وطولي 169 وزدت لين دحين 14 كيلو تخيلو؟؟
بس بطني مرررررا تقييييلة لكن شكلها مو حقت تاسع .. الحمدلله بس

ثلجه فوشيه

10-11-2010, 08:31 PM

غنوجه أنا في الخالديه قرريب من الرصيفه بس انتي مررررررا نحيفه انحف مني يعني
اممممم طيب لو تعرفي بآسكن اللي في الرصيفه هوا واحد مافي غيرو شفتي المحلات حقت الدشوش بعدها بشويه في اماكن للأكل بيتزا دومينوز وهذا الهندي ومطعم الاموي وبعدها بآسكن وحلويات المهاوي مرررا المطعم نايس يعتبر جنب المطاعم اللي في مكه حتى جلساتو تفتح النفس والله جربوه ماراح تندموو ولما احد يجي بيروح يقولي شان اقولكم الأكلات اللي أنا جربتها ..

رحيمه حاولي تخففي شوويا في الأكل لانو سهل تزيدي بس صعب تنزلي ..
يعني يعتبر وزنك ماهو بطال بعدين زوجك لازم يفهم انو دحين يختلف الوضع في الجماع لازم
تشوفو اوضاع تانيه ماتضر البيبي يعني مثلا عالجنب من الخلف انتبهي حبيبتي ..

غنووجه

10-11-2010, 08:31 PM

هههههههه رحيمه الله يسعدك كلهم كانو خايفين عليه وقت الولاده
بس الحمدلله ربك سهلها
اناولدت في باشراحيل وكانت الدكتوره الله يسعدها هيا والممرضه حقتها مرره طيبه وكانت تقرا عليه وتخليني ادعي وما فارقوني ولا لحضه الين ماولدت
ودحين هيا سافرت معد تجي خلاص وانا خايفه مابدي اولد عند اي وحده
اصلا لمن عرفت انها خلاص سافرت قلت لزوجي خلاص ماراح احمل وسبحان الله حملت الله يسهل بس

ثلجه فوشيه

10-11-2010, 08:35 PM

ملووكه اسم الله عليكي الله يحميكي من العين يااارب عادي حبيبتي مافيها شي بس أنا قلت نغير الروتين ونلاقي هرجه نهرج فيها هههههه ان شاء الله تقومي بالسسلامه ..

غنوجه عند مين ولدتي ماتعرفي اسمها ؟؟
انا بولد في باشراحيل

غنووجه

10-11-2010, 08:36 PM

بنات بدي اشتري جوال وماني عارفه ايش اشتري ايش رايكم؟؟
انا نفسي في الايفون مين جربتووو

غنووجه

10-11-2010, 08:40 PM

اسمها ايمان هيا في الصاعدي اصلا مررره معروفه كنت اراجع عندها وولدتني في باشراحيل بس زي ما قلتلك سافرت خلاص وانا كمان بولد في باشراحيل احسن مستشفى شفتها في حياتي مررره اهتمام ونظافه ابغى فطيمه تولدني
يمدحوها كتيررررر بس انا ماعرف كيف ولادتها وسمعت انها تسوي تلحيم بعد الولاده والله اعلم

Compassionate Heart

10-11-2010, 08:40 PM

Nana
دوم يارب تكوني بخير ربي يطمن قلبك يارب ايوا روحي شوفي ضلوعك بس انا اقول شي طبيعي لان اختي كانت كذا ماشاءالله عشان خلاص البوبو يبغى يشرف على الدنيه ربي يقومك بالف سلامه

ثلجه فوشيه
انا بجرب ان شاء الله اروح المطعم و قبل ما اروح اقولك عشان تقولي الاكل^_^
اما تغير الوضعيات عادي بس انا مرا اخاف و هو مضايق من خوفي يعني تدري يقول خلاص لا تسوي قلق سيبيها على ربنا و بس صرت اسكت بس هو يحس لاني ما اكون معه مرا طيب ايش اسوي مرا خوافه انا نومي غيرتو في يومين عشان الاستاذ الا في بطني ادعيلي ربي ينزل السكينه على قلبي و قلب الجميع يارب

قاعده اشرب الحليب حق قبل النوم و اتفرج على ام بي سي اكشن^_^

Nana.1985

10-11-2010, 08:42 PM

غنوجة انا ساكنة في الرصيفة برضوو .. تلقيه جمب باسكن روبنز الي في الرصيفة

كوكو الحلوه

10-11-2010, 08:43 PM

مساء الخير كروشات كيفكم ان شاء الله بخير والبيبي ان شاء الله بصحه وعافيه

Compassionate Heart

10-11-2010, 08:46 PM

بنات مادري ليش احس انو كروزه ولدت الله اعلم ربي يكتب ولادتها قربت ساعه مباركه يارب ماشاءالله كثير الا هيولدو اللهم زيد وبارك و نحنا نقعد نشيل همهم يالله عاد اخواتنا اذا ما نشيل هم بعض نشيل هم مين يعني ربي يسعدكم يارب

غنووجه

10-11-2010, 08:47 PM

كمان انتي يا نانا تروحيلو ع كدا شكلو لزيز جوعتوني مع اني ما قيد اكلت اكل هندي انشاء الله اروحو واجرب

Compassionate Heart

10-11-2010, 08:47 PM

كوكو الحلوه
مساء النور بخير ربي يجعلك دوم بخير انتي اخبارك

Nana.1985

10-11-2010, 08:48 PM

رحيمة اصلن الوضعية الي تكونو فيها متقابلين مررا غلط لانو بيضغط ع البيبي
جربو اي طريقة تانية بس دي نوو .. حتى انا اتعب كتير اصلن احس اني انكتم لمن يضغط على بطني.. الله يسهل ياارب

غنووجه

10-11-2010, 08:48 PM

اهلين كوكو مساء النور كيفك وكيف الكروشه معاكي

Nana.1985

10-11-2010, 08:50 PM

لا ماقد جربتو بصراحة بس سمعت اكتلا من مرة انو لزيز
ونا فيا عرق هندي وباكستاني عشان كدا متحمسة برضو خخخخ

لينـــــا

10-11-2010, 08:50 PM

السلام عليكم
كيف حـــــال الكروشااات ؟؟
صحيح مااكتب كثير بس متابعه اموركم وربي يسهل عليناا وعليكم

انا يابنااات مرررررررره تعبااانه الحمدلله على كل حاااال
جاتني ولادة مبكره وانا لسه ماخلصت الثامن الاسبوع اللي فات وتنومت في حراااء اسبوع
والدكتوره تهاني المطرفي كانت مشرفه على حالتي ومع المثبتااات والعلاجات خف الوجع بس قالت لي الرحم مفتوح عندك 4 سم يعني لازم راحه تااااااااااااامه الى ماخلص الثامن وادخل كم يوم في التاسع عشاان وزن البيبيات مرره ضعيف ..
واحد كيلوا 400 والثاني كيلوا 500
وحراام يجلسوا في الحضاانه اصلا مااطيقهاااا
دعواتكم بس انه ربي يتمم لي على خيررررر
ودي اطلبكم طلب ابغى ارقاام شغالات حبشيااات ولا تكرونيات يناموون
الله يسعدهااا اللي تساعدني ويكتب لها الساعه المباركه وضروري ابغاه لانه وضعي الصحي مرره سيء

غنووجه

10-11-2010, 08:52 PM

يالله دوقي وقوليلنا كيف وكمان جمك مافي احلا من كدا

Nana.1985

10-11-2010, 08:52 PM

لاااا تخيلي تولد قبلي؟؟ خياننننة انا سابقتها باسبوعين >>> مرررا سباق هوا هههه
لا هيا لسا دوبها تاني اسبوع في التاسع وبكريه

Compassionate Heart

10-11-2010, 08:53 PM

Nana
ايوا انا اقوله كذا المشكله انا صايره خوافه تدري مريت في فترت وسوسه عشان كذا اوسواس وخاف يصير شي تدري مرا صايره خوافه من اي وضعيه يختي ربنا يفرجها و يكتب الا فيه الخير يارب

Nana.1985

10-11-2010, 08:54 PM

ياقلبي عليكي يالينا الللللله يعينك ويسهلك يااارب ويولدو وهما بكل صحة وعافية ياااارب وماتولديهم الا في وقتهم مو قبل .. الله يسهل عليكي

Compassionate Heart

10-11-2010, 08:56 PM

لينـــــا
حبيبتي ربي يفرج همك يارب ان شاء الله ربي يرزقك ساعه مباركه يارب و يسهل عليكي ولدتك يارب و يقر عينك بضناكي يارب و هما في اتم الصحه يارب

كوكو الحلوه

10-11-2010, 08:57 PM

طيبه الحمدلله بس الله يعين ثقل البطن متعبني مرره الله يكتبلنا الأجر ان شاء الله

Compassionate Heart

10-11-2010, 08:59 PM

Nana
بس هيا ماشاءالله عليها تمشي ربي يقويها و عندها دوام تدري في ناس تولد في اول يوم في التاسع ربنا كريم يارب يطمنا على الجميع يارب

كوكو الحلوه

10-11-2010, 09:04 PM

الله يسهلك يارب يا لينا ويطمنك على البيبهات ويحفظلك هما يارب

لينـــــا

10-11-2010, 09:07 PM

ربي يسعدكم ويسمع منكمـ يانانا ويارحيمة قلب

واللي مزعلني اني ماشتريت لهم شيء وكنت ناويه ع راتب زوجي الشهر الشوال انزل واشتري لي ولهم واتفنن لهم بس ربي ماراد سرت بس اوصي مع اخوتي كل من نزل اقولهم اشتروي لي معاكم :(

غنووجه

10-11-2010, 09:07 PM

ما تشوفي شر يالينا انتي والبيبيهات وتقومو بالسلامه

Nana.1985

10-11-2010, 09:08 PM

اسمعو بنات
احيان احس بنبض الجنين مررا قوي بس يعني كأنو بطيئ مدري هوا نبض ولا لا
اول كنت احسها زي الفهيقه .. يعني متباعدة النبضات ولماا افكر انو نبض اخاف انو يكون البيبي مكتوم ولافيه شئ بس ناااااادرا مايحصل كدا دوبو سارلي عشان كدا افتكرت
دي يمكن تالت مرة في خلال الشهر دا .. بس نبض مرة محسوس من دون ماحط يدي بطني ترج من جوا وبعدها عادي يتقلب البيبي اخاف يكون الحبل ملفوف عليه ولا مكتوم مدري مررا اوسوس من كدا ولا قد سالت الدكتورة لانو دي تالت مرة وانسى اقولها

غنووجه

10-11-2010, 09:08 PM

ما اعطيتوني رايكم في الجوال ايش اشتري

لينـــــا

10-11-2010, 09:10 PM

كوكو الحلوووه / وعنوجه
آآآآآآآآآآآآآآآآآآآآآآآآآآآآآآآآآآمين يارب

مدري ليه احس فيني بكاء من الصبح :(

Compassionate Heart

10-11-2010, 09:10 PM

بنات اقولكم تصبحو على الف خير اشوفكم بكره ان شاء الله على خير ربي يطمن قلوبكم يارب و يفرج همومكم و تكونو في احسن صح و عافيه حتوشحوني لين بكره ^_^ ربي يطمني عليكم يارب
مع السلامه

Nana.1985

10-11-2010, 09:11 PM

في سوني اريكسون الجديد xperia مررا شكلو حلوو
ولاتشتري يجيكي هديه لما تولدي خخخخخخ
قولي للي ح يجيبولك هدايا نفسي في دا ودا وكلوو يجيكي خخخخ >>> شريرة هههه

ثلجه فوشيه

10-11-2010, 09:13 PM

رحيمه بطلي وسوسه حبيبتي لو ربي مقدر يصير شي حيصير وانتي جالسه مكانك عشان كدا لا تفكرري كثير بعدين زوجك يتضايق ويبدأ يمل فهمتي حبيبتي ..

لينااا الله يسهل لك ياااارب وتولدي وانتي بصحه وسسسسسسلامه والله حاسه فيكي أنا اللي حامل بواحد حاسه بثقل كيف انتي الله يحميكي ...

غنووجه انتي قريبه من الرصيفه ؟؟ لو قريبه روحي جرربي ..

كوكو كيفك شو اخبارك اليوم ان شاء الله طيبه ؟؟

نانا ضحكتيني ههههههههههه من جد كأنو سباق أنا ووحده من صحباتي مررررا صحبتي الروح بالروح كلنا بكريات وكلنا آخر دوره جاتنا في يوم واحد تخيلي كل يوم اقولها يااارب انتي تولدي اول عشان تحكيني وهيا تقولي نفس الكلام اقولها ماودي اصير فأر تجارب يجربو فيا واجي احكيكي هههههه تقوم تضحك تقولي فاكره ايام الجامعه كنا اذا كان في شرح في وحده من المحاضرات برضو كل وحده مننا تقول انتي أول اشرحي اقولها شوفي خلصنا جامعه وبرضو بنتضارب مين يولد اول كأنو بكيفنا هههههههه

لينـــــا

10-11-2010, 09:15 PM

وانت بالف خيـــــــــــــر رحيمه قلب

نانا
النبض ترى عااادي جدا واحيانا مابتقدري تنامي منهاااااا

وبعدين محد ارسل لي رقم شغالات :)
ومن جد شريره هههههههههههههههههههه

كوكو الحلوه

10-11-2010, 09:16 PM

Nana (http://forum.hwaml.com/u11845.html) حتى انا بيجي فترات وتصرلى نفس الحركه كنها نبض الجنين بس انها قويه شوي انا يلي اعرفه أسمها الحازوقه حركه يعملها مثل الهفيقه

غنووجه

10-11-2010, 09:16 PM

والله انك وناسه يانانا هههههه
نوم العوافي يارحيمه
لينا لاتشيلي هم ياقلبي

Nana.1985

10-11-2010, 09:18 PM

لينا ليش البكاء لاتنكدي على نفسك واعتبري نفسك بتستجمي ودلعي نفسك وارتاااااااااااااااحي
وماعندي ارقام بصراحة ماعرف احد

رحيمة تصبحي على خيرر اتغطي كويييس

فوشية شكلك ح تسير فار تجارب خخخخ مدري ليش حاسة كدا

محد علق على هرجة البيبي حقي :(

لينـــــا

10-11-2010, 09:19 PM

ثلجه فوشيــــــــــــــة
الله يسعدك ويسمع منك من جد ثقل مو طبيعي بس ربي ياجرناااااا

Nana.1985

10-11-2010, 09:20 PM

ان شاءالله يكون شئ طبيعي
بروح الاسبوع دا اتطمن على وضع الجنين بعرف راسو تحت ولا لسا ماشقلب

الللله يطمنكم ياحلووووين

Nana.1985

10-11-2010, 09:20 PM

لينا دا اول حمل؟؟
فين ناوية تولدي ان شاءالله؟؟

غنووجه

10-11-2010, 09:20 PM

تلجه انا ساكنه في العزيزيه بس برضو حروح اجربو لانو جوزي يحب الاكل الهندي

غنووجه

10-11-2010, 09:22 PM

طيب محد جرب الايفون4

كوكو الحلوه

10-11-2010, 09:22 PM

ثلجه فوشيه (http://forum.hwaml.com/u12101.html) طيبه الحمدلله افضل بكثير وانتي كيفك ان شاء الله تمام

Nana.1985

10-11-2010, 09:25 PM

لا انا عندي بللاك بيري كيرف
والاي فون يقولو رووووعة بس ماجربتو

لينـــــا

10-11-2010, 09:25 PM

لا دا حملي الثاتي عندي قبل ولد عمره سنتين
ع ولدي ولدت في باشرحيل عند الدكتوره بسمه
بس دوول قلت اذا عمليه بولد في حراااء وشكله كمان لو طبيعي
وربي يسهل

ثلجه فوشيه

10-11-2010, 09:26 PM

امممم غنووجه لو أنا منك راح اشتري الايفوون لأنو بصراحه جوااال مايعلى عليه مرررا
ومررا نايس يعني انصحك فيه بس أنا عن نفسي ماجربتو بس شفتو عند وحده وعجبني وحتى استمعلتو استعمال حق يومو بس ومررررا دخل مزاجي

نانا لا تخافي ترى مرررا عادي وحتى أنا قريت انو هذي فهيقه ولا تقعدي توسوسي وتقولي ملفوف الحبل السري ومدري ايش تفائلي خير يااارب مافيه شي ولازم تروحي تشوفي صح الرأس نزل والا لا ..

لينا ماعليكي ياقمممر ولا تبكي ولا شي اهم حاجه تقومي بالسسسسسلامه ولاحقه ان شاء الله
تشتري لهم احسن واحلى شي اهم شي دحين تقومي حبيبتي بخير انتي وهما .

رحيمه تصحبي على خير نوم العافيه

كوكو دووم يارب أنا بخير ولله الحمد نسأل عن اخباررك ياقمممر

كوكو الحلوه

10-11-2010, 09:33 PM

تصبحو على الف خيرياحلون اشوفكم بألف خير

غنووجه

10-11-2010, 09:35 PM

كل الناس طايحه في الايفون وما يجيكي الا بطلوع الروح ازا بتاخدي من موبايلي
لازم واسطه شكلي حشتري لانو مافي احسن منو

نلي خانم

10-11-2010, 09:36 PM

سلام ياحلوين

واي يابنات أنا نمت الصباح وعلى أساس بتجي شغاله لي اليوم بالساعه تشتغل وتروح وماجات وأنا حضرتي مكمله نوم من الصباح وماصحيت ألا على صوت المؤذن يأذن لصلاة العشاء
وزوجي يقول الحبوب أخذتيها قلتله أيوه وانا أكذب نايمه طول اليوم خخخخخخخ

غنووجه

10-11-2010, 09:37 PM

يالله ياحلواااااااات اشوفكم ع خير بروح مع جوزي نشتري عشاء عشان بنتي تصحصح وماتنام دحين بااااااااااااي

ثلجه فوشيه

10-11-2010, 09:38 PM

أنا مرررررررا نفسي اشتريه بس مو دحين رآح أأجل شويا لانو لازم تسوي طلبيه اظن هنا ماهو موجود ..
أنا مقدمه بعثه وقلت راح اشتريه لما اسافر من هناك ان شاء الله

Nana.1985

10-11-2010, 09:39 PM

ياناااسو عليه تجيه فوهيقه ههههه
اللله يسهل على الجميع ان شاءالله يارررب

ثلجه فوشيه

10-11-2010, 09:39 PM

غنووجه بالعاااافيه يااااااارب الله يحفظ لك بنوتتك ..

كوكو تصبحي ع الف خيرر ..

نلي خانم

10-11-2010, 09:40 PM

أيش ايش عن أي موضوع تتكلموا
عن الجوالات أجيكم جري ماغيرت جوالي قربت ثلاث سنين وأفكر في بيبي البلاك بيري الصغير مره عاجبني بموت عليه زوجي عنده أيفون بس مو عاجبني حتى زوجي يشتكي منه شحنه يخلص بسرعه ويقول أن برامجه روعه بس برضو مو عاجبني أبي بيبي بلاك بيري

Nana.1985

10-11-2010, 09:40 PM

تدرو انا من اول ولين دحين اقول لاهلي وصاحباتي ياوييييل احد يشتري هدية للنونو
اش سوا في حياتو عشان تجيبولو هديه؟؟؟
انا الي تعبت واتقطعت انا تجيبولي هدية ههههه

ثلجه فوشيه

10-11-2010, 09:41 PM

نانا شفتي كيف حتى أنا لما قريت دي المعلومه مررا عجبتني وضحكت هههههه
بس كان مكتوب انو الأم تحس فيها بوووضوح ..

ثلجه فوشيه

10-11-2010, 09:42 PM

نانا هههههههههههههههه وربي موتيني ضحك
ماقلت لهم دا الكلام يبغالي أنا اقولهم ههههه من جد شريره ههههه بصير زيك hwaml7 hwaml7

لينـــــا

10-11-2010, 09:42 PM

انا بعد بطلع
اشوفكـــــــــــــم على خيـــــــــررررر ياحلواات
وشكرا على دعمكم المعنوي ربي يسهل لكم
ويرزقكم الجوالات اللي تتمونونهااا هههههههههه
بااي

نلي خانم

10-11-2010, 09:43 PM

ثلجه فوشيه أنتي ساكنه بالخالديه أنا كمان بالخالديه

ثلجه فوشيه

10-11-2010, 09:44 PM

اهلا اهلا نلي خاشه عررررض اسم الله عليكي ههههههه

الله معاكي لينا حلووه دعوتك هههههه

ثلجه فوشيه

10-11-2010, 09:45 PM

ياهلا ياهلا بجارتي نلي خانووم ..hwaml02 hwaml02
بنات ترى كلنا قريبين من بعض يمكن نطلع جيران ههههههه
مررا قريبين الي بالرصيفه والي بالخالديه واللي بالشوقيه وكلهم جيران
ايش رايكم بعد مانولد كلنا نسوي تجمع حقيقي بنونوهاتنا ههههههه تخيلو والله روعه خخخ hwaml7

نلي خانم

10-11-2010, 09:47 PM

ثلجه فوشيه شكلك ماشفتي الرساله أقولكم نايمه من الصباح ألى أذان العشاء
أكيد بعد هالنوم بدخل عرض جالسه لحالي وطفشانه

نلي خانم

10-11-2010, 09:49 PM

والله ياثلجه أني أتمنى نتجمع ببيوتنا على قولك كلنا جمب بعض انا ساكنه بالخالديه على الطرف جهة توب تن أروح أمشي برجولي له
وأنتي فين

ثلجه فوشيه

10-11-2010, 09:50 PM

لا ماشفتها دوبي رجعت وقريت انتي زي حالتي هذي اساله زوجي لاني لو قلت لا يقول انتي مهمله ههههههه ويسمعني كلام حلوو .. بس تصدقي انا احسن منك نمت قبلك بشويا وصحيت العصر وحسيت نفسي نمت نووووووومه طوويله بس الحمد لله في احد ينام اكثر مني

ثلجه فوشيه

10-11-2010, 09:52 PM

انا قريب من العاب سارره بس فين دا توب تن ما اعرفو ؟؟

نلي خانم

10-11-2010, 09:57 PM

معقوله ماتعرفي توب تن أحس الكل يعرفه وألعاب ساره ماأعرفها بس أسأل زوجي لما يرجع كأني مره لمحتها بس مضيعه فين والله من الحبس اللي فيه

Om KHaled

10-11-2010, 09:59 PM

نور القمر .
كيفك حبيبتي ان شاء الله تكوني بخير مبروك على حركة البوبو وعقبال ماتشوفيه بعينك وتمسكه في يدينك انتي في اي شهر انا ماشاء الله تحرك معيه من الاسبوع الثاني من اشهر الربع

انا بخيروالحمد لله يا غالية, ان شاء الله يا رب انتظر ذاك اليوم بشوق اني اشوفه بعيني واحطه في حضني , حبيبتي انا اتأخرت في شعوري به وهو يتحرك يمكن لانه انا بكريه وما عندي خبرة من قبل انا في بداية الشهر الخامس

Om KHaled

10-11-2010, 10:01 PM

العاب سارررة عند خاله جميل ؟؟؟؟؟؟؟

ثلجه فوشيه

10-11-2010, 10:03 PM

والله ماعرفو بس يمكن لو قلتيلي على مكان تاني جنبو اعرفو
هههه حتى العاب ساره مرا معرووف بالخالديه محل كبيررر
سلامتك نلي ياقمر من الحبس اذكري الله مدري ليش احسك هذي اليومين بالك مشغول
وتفكرري كثير كلنا نمر بظروف ووقتها نعصب ونكره الدنيا بس سبحان الله بعد فتره
نرجع لعقولنا ونقول ساعه شيطان انتي اتعوذي من ابليس وان شاء الله مافيك الا كل خير ياقممر

ثلجه فوشيه

10-11-2010, 10:04 PM

نور القمر مافهمت قصدك ايش تقصدي خاله جميل ؟؟

نلي خانم

10-11-2010, 10:06 PM

لا مو معصبه بس خايفه شوي الدكتور وترني وأعطاني أبر مثبته وكلمني على الربط وأنا مرعوبه والأسبوع الجاي يقرر

ثلجه فوشيه

10-11-2010, 10:09 PM

معليش حبيبتي حاولي تهدي نفسك عشان الي في بطنك بس
ان شاء الله ماتحتاجي الربط بس انتي الزمي الراحه والله لا يوريكي مكروه يااارب
انتي تتابعي عند محمد خان صح ؟؟
ايش قلك طيب ومتى رحتي ماقلتيلنا ؟؟

Om KHaled

10-11-2010, 10:14 PM

اظن انه محل العاب سارة في حي الخالذية ما هيك ؟؟؟

خاله جميل صاحب المحل

ثلجه فوشيه

10-11-2010, 10:23 PM

صح بالخالديه قمممر بس ماعرف مين صاحبه ..

نلي خانم

10-11-2010, 10:26 PM

أدري أني ماقلت لكم لأني كنت رايحه لأهلي بس عديت على الدكتور ولما قلي أحس أني متوتره وماأبي حتى أحد يكلمني بهذا الموضوع فماتكلمت عشان مره متوتره

نلي خانم

10-11-2010, 10:28 PM

نور القمر يعني خالك صاحب المحل والا كيف عشان باخذ ألعاب للبيبي ويخفض لي ههههههههه

Om KHaled

10-11-2010, 10:30 PM

ههههههههههه انا بقلو خالي لانه كبير في السن وهو من اهل زوجي

ثلجه فوشيه

10-11-2010, 10:34 PM

ماعلينا نلي ان شاء الله مافيك الا الخير يااارب ..

ههههههههههه نلي ضحكتيني ..

نلي خانم

10-11-2010, 10:37 PM

من من البنات مسوي ربط بالتجمع

ثلجه فوشيه

10-11-2010, 10:40 PM

أم رانسي مسويه ربط وفي وحده كمان اظن انشوده مطر
صحيح اش هيا عمليه الربط هذي ؟؟ اسمع فيها كثير بس ماعرفت ايش يعني ؟؟

اموورة وكتكوتة

10-11-2010, 10:41 PM

هايات عليكم يا حلويييين

ماشاء الله مجتمعيين

ايش بتتكلمو؟؟

انا رجعت من شوي تدروا فين اخدني؟؟ ههههههه ضحك عليا اشترى لي ساندوتش بيك مسحب واكلتها في السيارة ولفينا جولة بسيارة بشوارعنا الحلوة ورجعنا البيت ..

كان نفسي انزل سنتربوينت بس قللي تعبان تعبان .. قلتلو طيب مهجة مارد طنشني ههههههههه

ثلجه فوشيه

10-11-2010, 10:47 PM

هلا بك كتكوته هههههههه حلوه ساندوتش مسحب بالعافيه يااارب أنا أمس اكلتوو بس بالضيافه ..
والله زوجك هذا ياحبو للتطنيش يلا مشي حالك اهم شي أحنا نفوسنا وسيعه ونتحملهم ..

انا ونلي قاعدين نهرج عن البنات الي بالتجمع مسووين ربط انا قلت لها اعتقد أم رانسي وانشوده مطر صح والا أنا غلطانه ؟؟؟ فكرريني

نلي خانم

10-11-2010, 10:55 PM

هلا أموره ياسلام على المسحب
أنا نفسي في فشار بدقه أموت فيه بجنون

ثلجه
عملية الربط هي أن الدكتور يخيط عنق الرحم عشان يقفله ومايطيح الجنين

اموورة وكتكوتة

10-11-2010, 10:55 PM

الله يعافيكي حبيبتي ثلجة..

المهم اني خرجت هههههههه مررره كنت طفشانة بس لسة ماراح الطفش خف شوية ههههه هوه كدة زوجي بس انا اخر الاسبوع ان شاء الله ما حسكتلو

والله ما ادري مين الذاكرة عندي ضعيفة مع الحمل بس انسى

انا اعرف بنت خالي كانت تسوي ربط بس بعد الشهر الثالث عند فؤاد جعفر..
وماتفكو الافي بداية التاسع وماشاء الله عندها ولدين
عشان هي اسلبت بالخامس قبل ماتجيب الاولاد وبعدها ما شاء الله حملت وسوت ربط

اموورة وكتكوتة

10-11-2010, 10:57 PM

هلا نيلي انا احب الفشار بالكراميل

ااااه ريحتو مررررررره تدخل في الصميم ههههههه

شكلنا نتوحم دحين ههههههه

ثلجه فوشيه

10-11-2010, 11:02 PM

ياسسسسسلام عليكم ايوا ايوا اتوحمو دحين بعد ماخلصنا الشهور الأولى هههههه
بس خلاص قفلو سيره الأكل دحين زوجي ماهو بالبيت طالع وشكلو مطول أبو الشباب
كالعاده ههههههه

نلي خانم

10-11-2010, 11:04 PM

أموره انا أحب أكل التكرونيه الفشار بالدقه والمنفوش والفصفص وزوجي بس يخاصم بس مو بيدي ياناس مو قادره شهيتي غريبه
أعرف تكرونيه دايم اشتري منها مره طيبه وبس تضحك عليه أتصل عليها وأقولها جهزيلي فشار ومنفوش ب50 ريال وأرسل زوجي يروح بيتها وهو بس يخاصم يقول يكفي ب5 عشان معدتك بس ماأقدر
لما تفتحوا دولاب المواعين تلاقون اكياس الفشار والمنفوش أمممممممم

نلي خانم

10-11-2010, 11:07 PM

ثلجه أش رايك بورق العنب أممممممممم ههههههه

ثلجه فوشيه

10-11-2010, 11:17 PM

يانهار مش فايت هههههههه لا لا ورق العنب ما احبو < يعني يعني هههههه

اموورة وكتكوتة

10-11-2010, 11:26 PM

نلي الله يعين زوجك والله هههه بس حبيبتي مو كويس تاكلي دقة كتيييير في الحمل مو فيها املاح كتيرة تأثر عليكي.. بس والله ضحكتيني ب 50 ريال ولا الدولاب كلو فشار هههه بالعافية

ثلجة ههههه انتي لحالك ونحن قاعدين نشهيكي ههههه

انا مرررررررة احب الورق العنب بس عمري ماسويتو كسلانة هههه.. لما امي تسويه اروحلهم واخلصلهم هوه

Nana.1985

10-11-2010, 11:27 PM

نلي خااانوووم وحشتينا والللللله يسهلك يااارب

والعاب سارة معررررروف وقددددددديم يااالله كل عيد ماما كانت تاخدنا ونشتري العاااااب ودراجات على كيفناااا وكل شئ نتمنااه مررررررا اعشق المحل دا واعشق خالو جميل >> ماعرفو هههههه

امورة فشار بالكراميل ااااااااااااااه مررا احبو

نلي انا زيك اموووت ع التكارنه الي يبيعوو ووحامي كلووو دقة وقمر الدين الحامض والي بالدقة واي شئ حامض واي شئ مفلفل وحااار ... الله يكرمكم ماجاني الامساك من شويا خخخ الحمدلله بس

Nana.1985

10-11-2010, 11:29 PM

ورق العنب شئ تاااااااااااااااااااااااااااااااني ... جوعتووني حرام عليكم
والله انا دحين عندي اهلي وزوجي في عملو في منطقة تانية وقلبي بيتقطع عليه واااحشنننننننني لما يجي بطلب منو كللل الطلبات دي
دحين انا عند اهلي وسواقهم خرج الله يرجو واستحي اطلب من ابويا ولا اخويا الله يخليهم ليا ...

نلي خانم

10-11-2010, 11:32 PM

قال تعالى
{إذ قالت امرأة عمران ربِّ إني نذرتُ ما في بطني محرراً فتقبَّل مني إنك أنت السميع العليم * فلما وضعتْها قالت ربِّ إني وضعتُها أنثى والله أعلم بما وضعتْ وليس الذكرُ كالأنثى وإني سميتها مريم وإني أُعيذها بك وذريتها من الشيطان الرجيم * فتقبَّلها ربها بقبول حسن وأنبتها نباتاً حسناً..}

بنات أنا لفتت أنتباهي هذي الأيه وجلست أتأملها وقلت في نفسي المفروض الوحده أول ماتولد تدعي لمولودها بقوله تعالى
(وإني أُعيذها بك وذريتها من الشيطان الرجيم .)

أحس أن هالدعوه سبب في صلاح المولود بأذن الله تعالى

بنات انتم تأيدوني تفكيري؟

نلي خانم

10-11-2010, 11:36 PM

أموره وكتوته
أم زوجي تسوي ورق عنب خيالي وأذا ماسوت أشتري من النابلسي مره يجنن جربيه راح تدعيلي
نانا
يقولوا اللي تتوحم على الحوامض والشطه حامل بولد بس أم زوجي تقول في بنتها كان وحامها كذا مدري بس انا أحس أني حامل ببنت

ثلجه فوشيه

10-11-2010, 11:46 PM

نلي أنا اشوف كذا حتى أيه تانيه دايما يقولو قوليها في الصلاه دايما عشان ولدك يطلع محافظ على الصلاه اللي هيا ((رب اجعلني مقيم للصلاه ومن ذريتي ربنا وتقبل دعاء ))

نانا يارب يرجعلك زوجك بالسلامه يااارب وتقر عينك فيه وفي النونو ..

كتكوته شفتي كيف قاعدين تشهووني بس من جد حتى أنا زيك ماعمري سويتو بس أكلو ههههه

نلي شكلي بجررب حق النابلسي بس أنا ما احبو بارد احبو حااااار مع البطاطس اللي تجي بالليموون يآآآآآآآآآآهـ حرام عليكم جوعتوني من جد اهئ اهي
وكمان يانلي ترى أنا وحمي كان على حوامض وفلفل وقالولي ولد بس مدري ما اصدق دي الخرافات

نلي خانم

10-11-2010, 11:48 PM

ياحظي زوجي برى اوصيه بأي شي نفسي فيه يجيب لي مو مثلكم خخخخخخخخخ
ألحين وصيته قمر الدين بالدقه المفلفل وش رايكم فيه

Nana.1985

10-11-2010, 11:54 PM

نللللللللللللي ياشريررررة
طيب انا في الرصيفة مايسوي توصيل للمنازل؟؟؟ هههه

ونا معاكي ومع فوشيه في موضوع الاية والدعاء بعد الصلاة
الله يجعلهم من الذرية الصالحة

والي تتوحم ع الحوامض والفلافل يكون ولد كدا يقولو بس مدري مو شرط
انا حامل بولد ان شاءالله واتوحمت زي كدا

نلي خانم

10-11-2010, 11:58 PM

نانا
النابلسي يوصل للمنازل كنا أنا وصاحباتي في التربيه العملي نوصي وأحنا ندرب في المدرسه واي مزز ويجنن أمممممممممم

الله يحفظ البوبو حقك يارب
من جناني في الليمون أخلص كيس الليمون في يوم واحد أخرتها زوجي ماعاد يجيب خاف عليه ماأنعطى وجه

ثلجه فوشيه

10-11-2010, 11:59 PM

من جد شريره نلي هههههههه

Nana.1985

10-12-2010, 12:01 AM

لالالا انتي حالتك صعبة ههههه كيس ليمون ياللهوووي!!
انا بطلت من الشهور الاولى او بحاول ابطل لان الحرقان حق المعدة يقتتتتتتتلني
والحاجات دي تزيدوو وتهيجوو

أحلى موني

10-12-2010, 12:05 AM

اقول نلي خانم اعطيني رقم التكرونيه اللي تبيع المنفوش بالحمر والفشار اللي بالدقه والله صار نفسي فيه شهيتيني

ثلجه فوشيه

10-12-2010, 12:18 AM

ههههههههه موني حتى أنتي hwaml7hwaml7

أحلى موني

10-12-2010, 12:26 AM

ايه والله حتى انا وقعت ولاحدش سمى علي
ههههههههههههههههههههههههههههههههه

ثلجه فوشيه

10-12-2010, 12:32 AM

بسم الله عليكي هههههه
مووني انتي بأي شهر فكرريني وكيف تحسي وزنك زاد كثير والا مازاد ؟؟
يعني في فرق والا عادي

نلي خانم

10-12-2010, 12:37 AM

أنا قاعده في المطبخ هناك وأنتو هنا تحشوا فيه سويت لي تونه بلفلفل وسويت عصير برتقال طازج

المهم هذا رقم التكرونيه اسمها ام أبراهيم ترى أعرفها من أيام الجامعه كانت دايم تبيع في الجامعه أذا تعرفوها 0507595571وتراها مضمونه لأنها تبيع في الامعه فلو فيها شي كان طردوها الظاهر حتى العميده مدمنه فشار مثلي خخخخخخخ
تراها ساكنه بالستين وعليها فشار يجنن أنا أحب الأصفر وكمان عندها أحمر يجنن

تصدقون لما رحت لأهلي أخويه جاب علبة شطه على العشاء وأهلي تعشوا جات أختي في الليل تسألني عن الشطه قلت لها شربتها وخلصت ماصدقت وراحت تدور في الثلاجه وأحلف لها ومو مصدقه رجعوا أشتروا مره ثانيه بس في الصباح ماقدرت أنام من معدتي جلست ألين 8وكلهم ناموا ألا أنا

أحلى موني

10-12-2010, 12:43 AM

يوم 5 في الشهر ان شاء الله اكمل شهرين وادخل بالثالث ووزني والله مرررررره نازل لاني ما اكل شي احس اني بموت جوع واكل لقمتين بس واشبع

ومشكوره يانلي بس ماراح اشتريلك
هههههههههههههههههههههههههههههه
وسلامتك مانحش فيك بالعكس نبيلك الخير عشان كدا اقولك بطلي الشطه مضره عليك وعالبيبي ياعمري

ثلجه فوشيه

10-12-2010, 12:47 AM

نلي عليكي بالعافيه ياااااارب بس ترى مو طيب تكثرري شطه أنا احبها واحب الفلفل الجاو الصغير بس أخاف يجيني شي بمعدتي لما اكثر واخاف من البواسير اسمع الناس كلها تشتكي فأقلل شويا ومع هذا كلو زوجي يخاصمني يقول تكثرري حار انتي ..
اما بالنسبه لأم ابراهيم هذي خلاص سجلت رقمها هههههه بس انا كنت بالجامعه فيني عنها ماشفتها ؟؟ وبكم تبيع الفشار أنا احب الأحمممممر وحلوووه العميده مدمنه فشار تخيلي عاااد هههههههههه

ثلجه فوشيه

10-12-2010, 12:49 AM

انتي لسا يامووني بالشهور الاولى ياااااقلبي عليكي ..

نلي وانتي كيف وزنك صاير مع الحممممل ؟؟

أحلى موني

10-12-2010, 12:51 AM

والله شكلنا من النوم اللي نمناه ياثلجه بنحطم الرقم القياسي اليوم في النت من الطفش
هههههههههههههههههههههههههههههههههه
الله يعيننا

أحلى موني

10-12-2010, 12:53 AM

ايه في الشهور الاولى والله نفسي اغمض وافتح القى نفسي ولدت خلاص تعبت من الخوف والتوتر والهم والجلسه في البيت مسدحه عشان لااسقط زي المره اللي قبلها

ثلجه فوشيه

10-12-2010, 12:55 AM

ههههههههههه موني والله أنا كل يوم على هذا الحال لأن زوجي يسهر برا < مسكينه
ترى أنا اللي اقفل التجمع كل يوم وآخذ المفتاح اصحى ما الاقيه تحت المخده يآخذووه البنات ههههههههههههه واجي الأقي صفحاااااات ياكثرها طبعا هذولا المجتهدات اللي يقومو الصباح بدرري مو زينا هع

ثلجه فوشيه

10-12-2010, 12:56 AM

لا بسم الله عليكي الله يحفظك ويحفظ جنينك :)

نلي خانم

10-12-2010, 12:57 AM

أحلى موني
أنا بعد ماخلصت شهرين مره خف الأستفراغ يمكن أستمر ثلاث أسابيع وباقي المده غثيان ويروح بس الدكتور نصحني أني كل ساعتين أكل حاجه خفيفه فاكهه أو بسكوت أو كاسه حليب وقالي كثر الجوع هو اللي يسبب الغثيان والترجيع
خلاص هانت يمكن اسبوع وتبدأي تخفي

ثلجه فوشيه
أم أبراهيم كانت تجلس جنب البوابه حقت مبنى ب عند البوابه القديمه والله كانت تميزني من بين البنات وكانوا صاحباتي يسموني الحجه لما اجي خارجه تلاقين كيسين كبيره فشار ومنفوش يقولوا نعرفك في الشارع من أكياسك ههههه والله أيام حلوه حتى لما أشتري تعطيني زياده تعرفني أني أدمان فشار دقه

أحلى موني

10-12-2010, 01:09 AM

يبغالي يانلي كل ساعتين اكل شي والله المطبخ مليان بس ما اشتهي شي يالله الله يعيننا ويعدي حملنا على خير

وحتى انا ياثلجه زوجيى سهران برا هااااااااااااارب مني هوا وبنتي جنى
ههههههههههههههههههههههههههههههه
لاني على طول معصبه وبس اخاصم واصيح واضرب مساكين وبالذات بنتي اكلت مني ضرب الله يحميها والله مدري ايش فيا ما احس بنفسي بسبب وبدون سبب اصارخ واسب واعصب وبعدين ابكي ام الحاله دمي مررررررره حااااااار جالسه عالليمون على طول عشان اهدي اعصابي

ثلجه فوشيه

10-12-2010, 01:17 AM

حرام موني الا بنوتتك يااااقلبي عليها ماتستاهل صغنونه
حاولي تهدي نفسك وامسكي اعصابك شويا والله حررام انا اقول الصغار ماينضربو بس مدري لما اجيب ايش حيسير الله يستر بس ماما دايما تقولي بكرا نجلس عالحيطه ونسمع الزيطه هههههههههه hwaml02hwaml02

اموورة وكتكوتة

10-12-2010, 01:23 AM

هههههههههه ثلجة مررررة ضحكتيني بكرة نجلس عالحيطة ونسمع الزيطة

موني حبيبتي بنوتتك صغيرة حرام تضربيها .. ايش ذنبها حاولي تمسكي اعصابك انا ادري انك تتوحمي واكيد بنوتتك غلبتك بس حرام صغيرة

يعني انا رحت انام بس ما جالي نوم من الحرقة اهئ اهئ .. وجالسة اقرا ما شاء الله ما خليتو سيرة الاكل هههههههه ..

ان شاء الله بجرب ورق عنب النابلسي انا احبو حامض مررره يمي يمي والله شهيتوني حرام عليكم ههههههه