دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[أميرة الوجود]

.... جامعية .. صادقة وربي ... شكل النفسيات الخربانة حكر على دول الخليجhwaml4 خخخخخخخ ... مو بس المصريات حتى الغربيات تلقي الوحدة تتشقق من الوناسة ما تدري كيف خخخخخخ تسعة شهور وهي متونسhwaml7ة....ويجي الطفل وتزداد وناستن ......... يااخي حتى الوناسة تتعب عندنا ههههههههههاي ولازم لها مزااج ... يعني اذا توفر لك تروحي عزومة حلوة تروحي وتتونسي وتنبسطي بس لما ترجعي على البيت لااااااازم تردي الصاع صاعين انواع التعب والطفش والأف والآهhwaml9 وتقعد شهر ترتاح ما تخرج من البيت .. يعني لازم نعمل توازن في الحياةخخخخخخخخخخ

من جد يبغالنا سمكرة لأفكارنا من اول وجديدhwaml8

[أميرة الوجود]

ام ضيو فروس

سالت عنك العافية يا عمري ... اكيد التاسع كذا واخس خخخخخخخخ الله يهون عليك وييسرلك ولادتك

اهم شي حطي في جالون موية زمزم وحطي عليها ملعقة زعفران واقري على الموية آيات الرقية أيات تيسير الولادة ... وبإذن الله ربي يسهلك ولادتك


معلومة (الزعفران يخفف آلالام الطلق بشكل كبير )

[أميرة الوجود]

يا كثر كلامك يا أميرة <<<< من جد الله يعين البنات على كثر الفلسفة خخخخخخخ

[سكره ذايبه]

حبيباااااااااااااااتي كروووشات مكة
يعني تمدحون بااااشراحيل وربي راااسي داااج من كثر مااسال واتطقس
مااخليت احد مااسالت وللان مافي جواب شافي
انا عارفة الولادة تساهيل من رب العالمين بس ابغى دكتورة تريحني نفسيا ومكان نظيف
اولد فيه احترت بين بااشراحيل وبخش بصراحة اما الرفيع كنسلته بقوة
الله يهوونها علينا يااااارب

[توته البنوته]

كيفكم بنات كيف الحمل معاكم يابنات والله جاني طلق من الصبح الين العصرونزلي دم مع الافرازات ورحت للدكتوره وقالت بس واحدسانتي والاان وقف الطلق مني عارفه ايش اسوي اروح مستشفى تانيه ولا ايش ارجوالرد

[أحلى موني]

يووووه ياتوته بتسبقيني وتولدي ههههههههههههههه الله يقومك بالسلامه يارب ويسهلك
اشربي قرفه وزنجبيل وخروع هذي الاشياء اللي تحمي الطلق وتساعد على فتح الرحم وامشي كثير بعدين روحي اكشفي اذا رجع الالم والدم

[xRano0x]

مرحبـــا حوااامل حبيباااتي ..

رأيــــكم يهمني وطلبااتكم اوااامـــر واسئلتكم لها جوااب بأذن الله ونقاشااتـــكم راح تصبح في محلها ..
وكل ماعليـــكم هوا زيااارة هالموضوووع ..
وكل مايرضيكم سيحصل بحول الله وقوته يالغاليــــــات ..

http://forum.hwaml.com/t54391.html#post992784 (http://forum.hwaml.com/t54391.html#post992784)

اختتكم المشرفه : رنــــا ..

[روز 3]

توته اذا كنتي بداية التاسع فلاتحطي فبالك لانوعلى قولهم تقليبات للبيبي
لكن لولك فتره في التاسع اشربي قرفه وامشي وربنايسهل ولادتك

[ثلجه فوشيه]

صبآحكم سكرر

امم ايوا انا مسافره خارج المملكه رايحه بعثه دراسيه ان شاء الله على كندا

جامعيه يعني راح تسمي نفس اسم ولدي عمر هههه
الله يتمم لك بخير يارب ويلا من بدري حق السمايه

والله يابنات ماتدرو قد ايش وحشتووووني بس مشغووله بشكل ماتتصوره
يوووه ياربي الله يعينني ..

توته البنوته ..
حبيبتي خلاص جهززي نفسك دي علامه ولاده
امشي امشي كثير واشربي حليب بالزنجيبل او حليب بالقرفه
انا زي كدا يومين نزل دم وبعدها جاني الطلق وولدت كلو جا فجاه
الله يسهل عليكي ..

بنات مدري ليش حاسه انو أم عدي ولدت
ياااارب سهل لها واكتب لها اللي فيه الخير

توت بري حبيبتي هونيها وتهون الله يسهل لك

أم ضيو وفروس لاززم من دا التعب التاسع شهر يااااا الله
والله جدا جدا مؤلم نفسيا وجسديها تحسي نفسك ثقيله بشكل ماتتصوريه
بس ولا يهمك كلها أيام بأذن الواحد الأحد وتنطنطي بعد ماتولدي من الخفه ههههه
شوفي الوصف بس

وفقني يارب
افررحي يتختي ههههههه الين دحين مانسيت الفجعه الي فجعتيني هيا بسبب دا الدكتور
استاهل انا مو أنا الي دليتك عليه خخخخ
الله يسهل لك ياقلبي ..

معلييييييييش لو نسيت احد بس دخلت بسررعه أشقر عليكم ..

[نلي خانم]

حبايبي صباح الخير *** صباحكم ورد وفل ولوز
ياعمري صباح النور *** ياالا أصحى غنت فيروز


كيفكم ياحلوين إن شاء الله تكونو كلكم بخير ويجعل أيامكم كلها سعاده يارب
مره توحشوني يابنات لكن أنا حاليا مره مشغوله لأني خلاص بطلع الأربعين هذا الأسبوع وتقريبا كل يوم أروح السوق مسويه أكشن جديد في نفسي ملابس وحركات جديده وجالسه أجهز للعقيقه باقي ماسويناها بعد أسبوعين إن شاء الله ومرررررره مشغوله فوق ماتتصورون نفسي أشوف كل الصفحات بس ماعندي وقت أقرأ كل ردودكم

ثلجه ...
ياقلبي حسبتك سافرتي حاسه أني حزينه عشانك بتسافري ...مكه راح تظلم أذا سافرتي بس إن شاء الله ربي يردك لأهلك بالسلامه وإنتي جايبه أعلى الشهادات وأهم شي ماتقطعي التجمع .. صح بتكوني مشغوله بس لازم تطلين بين فترة والثانيه إن شاء الله تقدرين تحضرين عقيقة ولدي أنا بعزمكم كلكم وأتمنى تكون سفريتك بعد العقيقه

**********

أحبكم ياأحلا أخوات ماأدري أش سر المحبه اللي في قلبي لكم بس والله أغليكم من قلبي

[توت برى]

السلام عليكم ورحمة الله وبركاته
كيفكم بنوتات عساكم بصحه وعافيه
شكرا
لكل وحده اتعاطفت مع كلامى والله انى حاسه كلامكم شحن طاقتى فل
الله يكرمكم امس طول الليل وانا اطلع من القولون احس انى مكتومه وقلبى زى الجمر الحمد لله اليوم احسن فرغت الشحنات والله يهديها اموا تقول تعال مشينى وهى عارفه انى تعبانه وكمان بعد ما اتنومت تقول يالطيف مارفعت على السماعه بالله مين المفروض يكلم الثانى وهو زعلان يقول امى على حق قلت حكلمها بس عشانك وعشان سنها اما غيركذا لا فالحق معايه بالله انتوا اش رايكم ؟
والله تعبي ادارى نفسى ولا غيرى
الله يسعد قلبها امى والله مافي زى الام والله يابنات انا ما أحب المظاهر اشتريت شرشف حلو ونعومى سكرى ووردات موف معاه علبة المناديل بس
امس تقولى اختى امى سوتلك مفاجأه مين قدك ولما كلمتها قالت ماكنت ابغى اعلمك بس بفرحك
شرعت الغرفه كامله بكل مستلزماتها حتى برواز لصورة النونو سوت والله بكيت قلت في عقلى الفرق بس كيف وامى حتروح عنى مدينه ثانيه ااااه بس وقال ايه كل شويه والله انك زي بناتى فين ماشفت حتى السؤال
اه اه اه خلاص خلصت حش

[توت برى]

اميره الله يسعد قلبك
امس سويت الزمزم والزعفران وصرت اشرب منه وبدأت امشى بس في بيتى بس احس ربع ساعه وادوخ موزى لما يكون مكان واسع وشرح واليوم بإذن الله حأبدء الرقيه
بنات الله يكرمكم ابسأل بس والله مستحيه
اممم فتحت الشرج الله يكرمكم احسها متشنجه مانى عارفه ليه يكون من الثقل ومن قدام احس الفتحه كمان مشدوده
اختى قابله بس مانى راضيه اخليها تكشف عليه صعبه
بالله الى عندها معلومه ترد عليه

[توت برى]

اميره
المستشفى ماهى بطاله رحت فى الثامن جانى طلق وفتح عندى الرحم الى 2 سانتى وقابلت الدكتوره فطيمه الله يكتبها لى ولك والله فضيعه قالت بكشف عليك من تحت قلت لها لا الله يخليك كنت خايفه والله ياأمير طلعت وجلست على السرير وجلست تكلمنى بكل هدوء والزحم موت برى وهذا تتكلم بكل سعت صدر الين اقنعتنى والله اصلا على طول وافقت حسيت انها من قلبها تبغى تعالجنى استخيرى وروحى

[Queen DadoOo]

صباح الخير كيفكم
الله يسهل عليكم وييسرلكم الولاااااادة واللي في الشهر التاسع نصيحة امشو كثييير والله معاكم ان شاء الله وعقبالنا يارب

[انشودةمطر]

هاي بنوتات كيفكم اللي ماولدت الله يسهل ولادتها والحامل الله يثبت حملها ثلوجه ونيلي وحشتوني برشا برشا ولايهونون الباقين بس همه عشرة حمل خخخخخخخخخخخ وانتم بنوتات جدد الله يسعدكم يارب

[توت برى]

كيفك انشوده
والله وحشتينى
عساكى بخير

[انتظار الفرج]

يااخوات اليوم قابلت وحدة عند دكتورتي ، ومدحت في مستشفى الملك عبد الله للولادة بالعزيزية تقول جديد وخالتها البارح ولدت فيه ومررررة ممتاز، أنا من جدة وجديد ساكنها بمكة ولا أعرف شي لا عن مستشفياتها ولا احيائها، فماأدري رائكم أروح افتح ملف عندهم وأولد هناك ولا وش تنصحوني الله يعطيكم العافية؟

[أم عبووودي]

السلام عليكم ورحمة الله وبركاته
كيفكم حباااايبي ان شاء الله بخير

توت بري
ماتشوفي شر وربي يهون عليك ياقلبي والله دايم في بالي وادعيلك
ربي ييسرلك ويرزقك ساعة طيبه وميسرة يااارب..
واكيييييييييييييد ياقلبي الأم مافي احسن منها ومستحيل احد يحس فيك ويريحك زيها
ر بي يعطي امهاتنا الصحة والعافية ويطول اعمارهم في طاعته يااارب..

انتظار الفرج
ياهلا وغلا اختي ربي ييسرلك ..وبالنسبة للمستشفى والله ما جربتها بس ان شاء الله تلاقي احد يعرفها :)


بناااااااااات متى الطفل ينتبه لأمه ويضحك ؟؟مشتااااااااااقة لضحكته والله ^_^

[توت برى]

الله يسلمك ام عبوووود ي
والله انى محتاجه الدعوات الحلوه في ظهر الغيب وترى الطفل يعرف امه من يوم سبحان الله ريحتها يميزها وبالذات دقات قلبها لمن تحطوا على صدرها اتعود عليها بس النظر لسا عليه بعد عمرى زعنون لساعه مايركز الله يخليه لك ويفرح قلبك به

[احب اولادي]

الله يسهل علينا ويتمم لنا على خير يارب
دعواتكم ربييتمم حملي ويييسر لي الولاده يارب

[اجمل ما خلق ربي]

اللهم لك الحمد كما يليق بجلال وجهك وعظيم سلطانك


يا كروووشاااااااااااااات مكه ابشرك جبت احلى بنوته

ولدت بطلق صناعي بعد معاناه وطول انتظار خلصت التاسع واخذت اسبوعين ولا فيه بوادر ولاده

توكلت على الله ورحت يوم السبت تنويم واعطوني طلق صناعي صباح امس الساعه 6 وولدت الساعه 3ونص عصرآ

وعقبال كل اخواتي والله يهون على الجميع

[أحلى موني]

الف الف الف مبررررروووووووووووووووووووووووووك يا اجمل وتتربى في عزكم يارب

وحمدلله على سلامتكم وعقبالي يارب وعقبال كل الحوامل

[عسله]

الف الف الحمدلله ع سلامتك

[Queen DadoOo]

اللهم لك الحمد كما يليق بجلال وجهك وعظيم سلطانك


يا كروووشاااااااااااااات مكه ابشرك جبت احلى بنوته

ولدت بطلق صناعي بعد معاناه وطول انتظار خلصت التاسع واخذت اسبوعين ولا فيه بوادر ولاده

توكلت على الله ورحت يوم السبت تنويم واعطوني طلق صناعي صباح امس الساعه 6 وولدت الساعه 3ونص عصرآ

وعقبال كل اخواتي والله يهون على الجميع

الحمدلله على سلااامتك
والف الف مبروووووووووك البنوتة جعلها الله قرة عين لك ولوالدهااااا

[ثلجه فوشيه]

الف الف مبروووووك أجمل ماخلق ربي الحمد لله على سلامتك وسلامه البنوته

ها اش سميتي العرووسه ؟؟

نلي لا لسا خلاص على وشك مررررا
باقي اسبوع واحد ..
والله حتى احنا نحبك ونمووت فيكي سبحان الله في ناس نحبهم ونتعلق فيهم
واحنا ولا شفناهم :)
الله يجمعنا على خير في جناته يارب ..

انشوده عجبتني دي عشره حمل هههههههههه
وانتي وحشتيني اكثر اخبارك اش مسويه ؟؟
وكيف الكناري الأثنين ايش مسوين لك ؟

أم عبودي ..
ياهلا فيك وحشتينا امممممم حبيبتي بس تطلعي من الأربعين يعني شهر و10 ايام يبدأ ولدك يشوفك ويبدا شويا تحسيه يتفاعل معاكي وينتبه للصوت بس برضو حيكون شي بسيط
بس يكمل شهرين راح يبدأ يضحك ويحرك رأسه مع ال
صوت وصرريخ ههههههه والله راح تنبسطي ماراح تملي منو ربي يخليه لك البراء ويحفظو

بقيه البنات كيفكم اش مسووين شو أخبارركم ؟
بنات انتو مثلي لي يومين أحاول افتح المنتدى يقولي حدث حطأ والسيرفس عظلان اظن كان ؟

[جامعية]

ألف ألف مبرووووووووووووووووكـ أجمل

الله يحفظلك العرووسة وتتربى فعزك يااااااااااااااارب

والحمدلله على سلامتكــــــــــــــــــم

[توت برى]

السلام عليكمورحمة الله وبركاته
كيفكم بنات
الحمد لله على سلامتك اجمل تتربى بعزكم
ثلجه
كان الموقع فيه صيانه
بس 24 ساعه

[فتاه الثلج]

الف الف الف الف مبرررررروك اجمل ماخلق ربي
تتربى بعزكم ياااارب
اخباااركم بناااات وحشتوووني مرا مرا
ومعليش اذا اقطع عليكم فتره ماادخل انا مااحوب ادخل المنتدى كثير مرا


بنات ودي اسألكم انا على الصيف رايحة جزيره سيشل فاعطوووني رايكم اخد بنوتتي جوانا معااااايا ولا اخليها عند ماما

مرااااا محتاره رغم مااقدر ابعد عنها وزوجي يقول ابدا الجزيره مايبغالها اطفال

[caramela]

السلام عليكم ..
أخباركم احلا حوامل ..
بجد حبيتكم وترا تعبت لحد ماسجلت ههههههه جالسه اقرأ كل الصفحات وسرت اعرفكم وحبيتكم قبل ماتعرفوني .. واحلا انكم ماشفتو بعض بس دخلتو حياة بعض
ربنا مايحرمكم من بعض ويجمعنا في جنات النعيم
وألف مبروك لكل إلي ولدو من اول صفحه لحد آآآآخر صفحه ..
وانا بكريه وحامل في اربع شهور والاربعاء بإذن الله داخله في الخامس =")
حبيتكم وحابه انضم لكم

[caramela]

فتاة الثلج ياقلبو .. شوفي هيا صعبه انك تسافري وتخلي جوانا .. بس بالنسبه ليا افضل لها ولك
اولا الاطفال يتعبو بسرعه من تغيرات الجو ..تاني شيء ماراح تنبسطي كل مكان راح تاخديها وراح تبكي وإزا لا قدر الله مرضت راح تجلسي تعالجي ..وانتي رايحه تجددي شهر عسلك خليها عند مامتك ربنا يحفظها لك .. بس لا تطولي عليها ههههه

[caramela]

كروشات ممكن الرابط تبع شريط الحمل =")

[جامعية]

كيفكــــــم كروشات وامهات مكة الحلواات؟؟؟؟؟؟؟؟؟

بنات ماسمعتوا شي عن العضوة معنى الغرام؟؟؟

آخر شي انها راحت لامها في الطايف عشان تولد

[جامعية]

اهلاً بك كراميلا وان شالله تنبسطي معانا وتكوني كرووشة نشيطة

بالنسبة لشريط الحمل متى كان تاريخ آخر دورة لك؟؟؟؟

[caramela]

اهلين جامعية
وإن شاء الله حكون نشيطه للشهر التاسع << خايفه من دا الشهر ههههه
آخر دوره كانت في 9/1 هـ

[توت برى]

اهلا وسهلا كراميلا
حياك الله بيننا

[caramela]

تسلميلي توت .. ربنا يسعدك

[أم ضيو وفروس]

اسلام عليكم ياحلوات

كيفكم جميعا ..

ثلجه فوشيه ..تروحي وترجعي بالسلامه..وربي يوفقك ان شاء الله ..

اجمل ماخلق ربي ...الف الف مبرووووووك ..والحمد لله على سلامتك وتتربى في عزكم..

كراميلا..حياك الله بيننا ...وربي يسهل عليك ان شاء الله..

وباقي الكروشات يارب تكونوا باحسن احوالكم ..والله يرزقنا ولاده سهله ميسره ان شاء الله..

[caramela]

أهلين ام ضيو وفروس ..

آآآآآآآآمين يارب ومايحرمنا من دعواتك الحلوه

[Queen DadoOo]

مسااء الخير كيفكم ان شاء الله تكونو بخير
كرميلا اهليين فيكي انا كمان كانت اخر دورة 9-1
الله يسهل عليناا يارب نشوف مين تولد قبل

[يكفيني وجودك]

سلام ياصبايا كيفكم ؟

كراميلا وقوين انتم دورتكم بنفس اليوم وتواقيعكم مختلفه
المفروض تكون نفس الشئ
كرميلا توقيعها صحيح
قوين انتي بالاسبوع 18 و6 ايام
عدلي توقيعك..

[Queen DadoOo]

يكفيني وجودك شكراا على الملاحظة ان شاء الله بعدل

[Queen DadoOo]

بنات لو سمحتوو كيف احذف توقيعي واحط الجديد

[انتظار الفرج]

حنا بنات مكة بنات مهبط الوحي ودار التوحيد وقدوة لغيرنا من المسلمات ، المفروض صورنا الرمزية تكون صور تدل على اسلامنا والتزامنا مو نحط صور ساقطات ونساء عاريات هذا مايجوز وكلنا نعرف هالشي ، فأتمنى من الاخوات اللي حاطين صور رمزية غير لائقة يغيرونها ابتغاء الاجر من الله وربنا سبحانه وتعالى يجازيهم بتيسير ولادتهم وصلاح ذريتهم
اتمنى تتقبلون كلامي بصدر رحب فأنا اختكم في الدين وجاره لكم بمكة وواجب علي وتبريئة لذمتي انصحكم

وجزاكم الله خيرِ

[روز 3]

جزاااك الله خيريالغلا

[يكفيني وجودك]

جزاك الله خير ياختي

قوين ادخلي على هذا الرابط
http://tickers.baby-gaga.com/pregnancy.php

واستني الين تفتح معاك الصفحهـ

فيه يمين الصوره حقت التوقيع مربع مكتوب عليهget my
اضغطي عليه وتنفتح معك صفحه ثانيه
يجيك تحت مكتوب
YES, I KNOW ABOUT CORD BLOOD BANKING

اضغطي عليه وتنفتح معك صفحه مكتوب فيها ثلاث روابط

انسخي الي بانص وحطيه بتوقيعك
ان شاء الله انك فهمتي علي

[Queen DadoOo]

يكفيني وجودك تسلمي سويتها الله يعطيك العافية ويتمم حملك وييسر لك على خير
ماقصرتييييييش

[Queen DadoOo]

حنا بنات مكة بنات مهبط الوحي ودار التوحيد وقدوة لغيرنا من المسلمات ، المفروض صورنا الرمزية تكون صور تدل على اسلامنا والتزامنا مو نحط صور ساقطات ونساء عاريات هذا مايجوز وكلنا نعرف هالشي ، فأتمنى من الاخوات اللي حاطين صور رمزية غير لائقة يغيرونها ابتغاء الاجر من الله وربنا سبحانه وتعالى يجازيهم بتيسير ولادتهم وصلاح ذريتهم
اتمنى تتقبلون كلامي بصدر رحب فأنا اختكم في الدين وجاره لكم بمكة وواجب علي وتبريئة لذمتي انصحكم

وجزاكم الله خيرِ

شكراا يا اختي جزاكي الله خير

[Queen DadoOo]

يعني انا دخلت الشهر الخامس

[انتظار الفرج]

روز

يكفيني وجودك

كوين

الله يجزاكم خير حبيباتي والله ييسر ولادتنا اجمعين ويقر عيوننا بصلاح ذريتنا

[caramela]

كيفكم ياكروشات ..
كوين ههههه ماشاء الله انا وانتي تحديات .. الله يتمم حملنا ويسرلنا الولاده يارب وجميع الحوامل
انتظار جزاك الله خير

[Queen DadoOo]

روز

يكفيني وجودك

كوين

الله يجزاكم خير حبيباتي والله ييسر ولادتنا اجمعين ويقر عيوننا بصلاح ذريتنا

آآآآآآآآآآآمين يارب

[Queen DadoOo]

كيفكم ياكروشات ..
كوين ههههه ماشاء الله انا وانتي تحديات .. الله يتمم حملنا ويسرلنا الولاده يارب وجميع الحوامل
انتظار جزاك الله خير

ههههههههه تحديات .. آآآآآآمين يارب الله يسمع منك
احنا يعني دخلنا الشهر الخامس
لانو الدكتورة قالتلي كل 23 بالشهر تدخلي شهر جديد يعني بكرة
وشريط الحمل داخل في الخامس من زمااااااااااان

[caramela]

ايوا حتى انا قالتلي كل 23 من كل شهر تدخلي شهر جديد .. بس الشريط التاريخ بالميلادي
بس غريبه ماشي اسبوع كامل << فرحني هههههه

[caramela]

صبآآآح الخير كروشاتنا
ياعيني ع النوم << صاحية بدري

[جامعية]

صباح الخيرااات

كيفكــــــــــــــــم دبدوبـــــات مكــ’ــة الحلواات؟؟؟؟؟


كوين ويكفيني وكراميلا كيفكم؟؟؟؟؟

وتوت واميرة وأم عدي وأم علاوي وثلجة وباقي البنات فينــــــــــــكم طمنونــا عليكــم؟؟؟؟؟

اختي انتظار الفرج جزاك الله خيــــــــــــــــر وحياك معانا

بنات انا اطل عليكم كل شوي واحيانا ما ارد لكن احاول ما اقطعكـــم لان الوحام رجعلي ومتعبني

كوين وكراميلا كيف البيبيات حسيتوا بالحركـــة وعرفتوا نوع الجنيــــن؟؟؟؟؟؟؟؟

[caramela]

صبآح الانوار جامعية ..
انا تمام الحمدلله طمنيني عنك ياسوكرهـ ؟؟
من اول اروح وارجع ادخل بشوف مين صحى يسليني خخخ
ياقلبو انا ماعملت سونار لسا بس عملتو وانا في الرابع والدكتورة قالت بنوته بس احس انو غلط لانو في الرابع تكون الاعضاء التناسلية تبع البيبي ماكتملت << والله اعلم
وإن شاء الله بعد اسبوع حروح للدكتوره واطمن =) متحمسه اتاكد
وانا حسيت بالحركه الحمدلله احساس فضيع وربي كل ماحس اجلس اضحك لوحدي ههههههههه

[caramela]

سلامتك ياقلبو ماتشوفي شرماصدقت اخلص الوحام =(
ابعدي عن الاشياء إلي تخليك تدوخي ياجامعية

[وفقني يارب]

صباح الخير ياحلووات اخباركم وش مسووين
يابنات تكفون ادعو لي ان الله يفرجها علي والله نفسيتي حييل تعبانه

[caramela]

اهليييييييين وفقني ..
كيفك وكيف البوبو معاكي ؟؟
الله يفرجها ويهونها عليك ياررررب
بس لا تعبي نفسك هونيها تهون .. الله يسعدك

[وفقني يارب]

هلا كرميلا ياقلبو
انتي كيفك وش مسويه ياقلبي
والله اخاف النفسيه تاثر على البيبي الله يعين بس

[caramela]

انا تمام الحمدلله .. ماشيه بالدنيا =)
وبجد ترا النفسية تاثر بذات في الشهور الأخيره يحس ويتأثر ويسمع سبحان الله
علشان كدا لازم تنتبهي على نفسك وطنشي كل حاجه تضايقك ولا تقولي مضايقه من تعب الحمل هيا كلها 3 شهور وتعدي إن شاء الله << اجلسي حكي البوبو حتوته ههه

[وفقني يارب]

آآآآهـ ياكرميلا الله يعين
الله يفرجها يارب قلبو

[نلي خانم]

سلام
كيفكم ياحلوين
أهلين فيكم بالقديمات والجديدات
مشتاقه لكم يابنات

أنشوده
والله وحشتيني

أجمل ماخلق ربي
ألف ألف مبرووووووك وأخيرا ولدتي الحمدلله على السلامه

وفقني
لا تضايقي نفسك ياقمر أنتي ... وش تقولي بعد الولاده والضغط والمسؤليات صرت أشد شعري وأصيح مو ملحقه شي ... أنبسطي ألحين بكرشتك ههههه


موني
حبيبتي كيفك بشري ماولدتي ربنا يسهلك ياقمر التجمع

[Queen DadoOo]

مررحباا مساء الخير
كيفكم ياعجايز هههههه ---->ياويلي hwaml17
امزح امزح ياحلوات ياقمرات
جامعية انا الحمدلله بخير كيفك انتي سألت عنك العافية يارب
انا اخر مرة رحت للدكتورة بنص الشهر الثالث لانو زوجي بعدها سافرورحت لاهلي ولسا مارحت بكرة ان شاء الله بروح واشوف والله مشتااااقة اعرف ايش نوع البيبي الله يحققلي اللي اتمناه ياااارب
وحركة البيبي حسيتها من نهاية الثالث الحمدلله لما احسها اجلس بس افكر ايش بنت ولد وسوسوت من كثرة مااقرا عن حركة البيبي ونوعة يمين يسار هههه

كرميلا كيفك اليوم ان شاء الله تكوني بخيرر وكيف البيبي

وفقني سلامتك من الضيقة ماتشوفي شر شغلي سورة البقرة واسمعيها واسترخي في الظلااام او اخرجي تمشي ادا قدرتي

الله يسهلنا ويرزقنا الذرية الصالحة ويقومنا بالسلامة وجميع الحوامل يااارب

[يكفيني وجودك]

مرحبــــا بنات
وقوين ياعجوزهhwaml02 >>>انقهرت ههههههههه
كيفك قوين . تصدقين حتى انا مشتاقه اعرف نوع البوبو
ومن اسبوع احس بحركتهـ ان شاء الله ان يكون اخو لبناتي يــــــارب يكون سليم معافا
اناشاكه انه ولد لان عندي بنتين ماتحركو الابالخامس
الله يكتب لنا الي فيه الخير ونولد بسلامه ويكونو بخير يارب..

[Queen DadoOo]

مرحبا ياحبايب
يكفيني وجودك انا الحمدلله بخير تسأل عنك العافية
هههههههههه حلوة منك عجوزة ونص مع الحمل يادوب نقوم ونمشي بشويش وشغالين نصايح على الحوامل زي العجاايز
الله يحفظلك بناتك ويرزقك الولد الصالح السليم المعافى ويكون اخو لبناتك يااارب

[وفقني يارب]

صباح الخير يابنات شخباركم وش مسوين
يابعد عمري يانلي ويكغيني وكوين وكل الي دعو لي الله يسعد قلوبكم يارب ماقصرتو والله
انتم شخباركم
بقولك شي يابنات << مسويه يعني اني خبره وتتفلسف
مافي شي ماسويناه بتجمع رمضان من تجارب ومن مواضيع وتخمينات وكله بالاخير طلع فشوش نصب بنصب حتى العم السونار بالاول اخطا وتراجع في رايه بعدين قرر وهو متاكد كل وحده وش الي ببطنها
لاتعبون انفسكم مايكون واضح نوعه صدق الا بالاسبوع ال 18
<<<< نذله حطمتكم صح هههههههههههههههههه

[وفقني يارب]

اصيبت بخيبه امل كنت افكر ان كلكم بالثالث اثره بس يكفيني وجودك هههههههههههههههههههههههههههههههههههههههه
بس من جد والله معلومتي للاسف انها صحيحه

[Queen DadoOo]

وفقني يارب صباح الخير كيف النفسية اليوم ان شاء الله بخير
انا بالاسبوع 19hwaml32
ان شاء الله اليوم اروح واعرف ايش حتى نوم مافيني من التفكيرر

[caramela]

صبآح السكر ياسكاكر ..
كيفكم يارشيقات << شماته هههههههه
اخبارك كوين واخبار البوبو يالله لو عرفتي طمنيني حتى انا إن شاء الله بروح بعد اسبوع نفسي اطمن ع البوبو
أخبارك وفقني وكيف البوبو .. ماعرفت ايش نوع الجنين ؟؟
يكفيني كيفك ياعسل وايش مسويه مع البوبو ؟؟ يارب يكون اخو لبناتك يااااارب وتفرحي بيه
عاد لما قلتي كل بناتك اتحركو بالخامس قلت شكلي زيك ههههه انا ماحسيت بالحركه سبحان الله إلا بالخامس =) ربنا يحفظلك بناتك
ويحفظلنا كل البوبات يارب

[Queen DadoOo]

صباااح النور كرميلاااا
اما رشيقات كثري منهاااا هههههههههههههههه لسا بعد الشهر السابع بنصير عارضات
انا والبيبي الحمدلله لله بخير وانتي كيفك ان شاء الله تكوني بخير
انتي حسيتي حركة البيبي دا الشهر

[وفقني يارب]

قلبو كوين ايه بالاسبوع ال 19 باين بس فيه بعضهم ثقيلات دم يقولون مو باين
انا عرفت بالاسبوع ال 19 عند الدكتور صلاح
والحمدالله ياعمري النفسيه صارت تمام والحمدالله على كل حال
وبحاول الحين اروح اشوفالدكتور خايفه على بنتي مووت ادعو لي يارشيقيات مايكون الزعل اثر عليها
قلبو كرميلا الا عرفت ياقلبي معي بنوته انتي كيفيك

[Queen DadoOo]

يابنات مكة ياحلوااات
اليوم مافي عجايز بنات مرة وحدة
في وحدة كاتبة طريقة اختبار لمعرفة نوع الجنين للي عرفو نوع البيبي احد فيكم جربها وطلع صح
اللي هو اختبار الملح والبول اكرمكم الله

[caramela]

هههههههههههههه قوين حمستيني للشهر السابع << مصدقه عارضات خخخ
ايوا حسيت حركة البيبي في الخامس والدكتورة لما شافتني بالرابع قالت بنوته بس زي ماقلتلك مااتاكدت لانو الرابع الاعضاء التناسلية تكون غير مكتمله والله اعلم بروح اتاكد إن شاء الله وابشركم ..
وفقني ياقلبو لا تحطي ببالك شيء إن شاء الله بنوتتك مافيها إلا العافيه وكلها شهور وتشوفيها بين يدك عاد ماوصيك في اكسورايز شفت فوستان يدنن هههههههههههههه حق مواليد والله انهبلت حلفت اشتريه وماما تقولي انتي لسا ماعرفتي ايش ببطنك قلتلها حتى لو ولد بالبسو دا الفوستان خخخخ

[caramela]

قوين والله انا اول مره اسمع بدا الاختبار

[Queen DadoOo]

hwaml76 يلا حبيباتي
زوجي صحي شافني ع النت hwaml4
طردني يلا يلا نامي عندك موعد
اشوفكم على خييييير دعواتكم

[Queen DadoOo]

لكل الشغوفات مثلي بمعرفة نوع البيبي hwaml7
منقووووووووووووول

عندي طريقه مضمونه ميه بالميه لمعرفة نوع الجنين وانا جربتها واختي وكم وحده من قرايبي وطلعة النتيجه مثل الي توقعنا http://forum.hwaml.com/imgcache2/hwaml.com_1297424214_155.gif








الطريقه اذا قمتي من النوم جيبي كاس زجاج نظيف وحطي فيه ملح غطي الارضيه ثم ضعي عليها بولك اعزكم الله وانتظري شوي اذا تعكر لون البول وصار فوقه زي الرغوه يكون الجنين ولد http://forum.hwaml.com/imgcache2/hwaml.com_1297424215_911.gif



واذا لم يتعكر لونه ولا صارة رغوه وتشوفين فيه مثل الخيوط البيضاء تطلع من تحت لفوق يكون الجنين بنت http://forum.hwaml.com/imgcache2/hwaml.com_1297424214_641.gif


والله يابنات جربتها في البنت والولد وطلع نفس الي طلع لي من النتيجه

كرميلا هذا هو الاختبار وحدة كاتبتو في تجمع حوامل الشهر الاول الثاني الثالث
انا جربتة طلع اللي يتعكر ويصير رغوة --- على التجربة ولد ياااارب يطلع صح

[caramela]

قوين إن شاء الله بجرب التجربه وراح اقولك ايش يطلع معايا
وبعدين انتي روحي للدكتوره وسوي سونار واتاكدي اليوم لو صح طلع ولد إن شاء الله دا الاختبار يفيدنا خخخ
بجد نامي شويات وارتاحي حتا انا بروح ارتاح افوشكم ع خير يااحلا حوامل

[توته البنوته]

السلام عليكم ورحمه الله وبركاته كيفكم بنات وايش اخباركم وحشتوني كلكم حابه اقولكم اني ولدت الحمدالله يوم الاحد ولله الحمدجبت بنوتتي وهيا بخير وحبيت اخبركم وعقبال الجميع

[caramela]

ألف ألف مبرووووووووووووك توته ،, ربنا يجعلها من مواليد السعادة يارب
والحمدلله ع سلامتك .. وكيف العروسه وشو سميتيها =)

[توته البنوته]

ثانكس كراميل وعقبالك يارب تفرحي وبنوتتي سميتها<حلا>ابوهاسماهاوانشاءالله تحلي ايامناعلى طول يارب ويحفظها ليا

[يكفيني وجودك]

مســـــــــاء الخير صبــــايا

آميـــن يارب ..
ويرزق كل وحده بالي تتمناهـ

الحمدلله انـابخير والبوبو بخير

تصدقون الدكتوريقولي انتي دخلتي الرابع من اسبوع
والله جنني ..
بس انا الحين مو بمكه مسافره مع زوجي ان شاء الله لما ارجع
اروح لدكتورتي وارجع عندها واتطمن

بنـــــــــــات متى بدا معاكم الوحام ؟

[أحلى موني]

الف الف مبروك ياتوته تتربى في عزكم ان شاء الله وحمدلله على سلامتكم

وعقبالي يارب انتي خلصتي التاسع؟؟؟؟

[سبحانك اللهم وبحمدك]

مبروك لكل الحوامل والاخوات اللي الحمد لله ولدو على خير ويعوض كل من فقدت ويرزق كل محرومه ومنهم انا يارب تقبل منا واسعدنا بخبر الحمل السليم يارب

[Queen DadoOo]

صباح الخير
كيفكم ياحوامل
كيفك ياكرميلا وجامعية ويكفيني وجودك وامييييرة الوجود كيفك ان شاء الله تكوني بخييير
توتة البنوتة الف مبرووووووووك تتربى بعزك جعلها الله قرة عين لك ولوالدهااا
وعقبال احلى مووني ان شاء الله تقومي بالسلامة

ابشركم الحمدلله اليوم رحت سويت السونار البيبي بخير الحمد لله
وقالتلي الدكتورة ان شاء الله صبي يارب يحفظة لي ويفرحني بشوفتة بصحة وعافية ويجعلة سليم معافى تاام الخلقة
اللهم لك الحمد والشكر كما ينبغي لجلال وجهه وعظيم سلطانة
وعقبالكم ياحلوات تطمنونا عليكم وتبشرونا
الله يحقق لكم اللي تتمنوة يااااااااااااارب
ويرزق كل من يتمنى الحمل بالحمل يااارب عاجل غير آآآجل

[يكفيني وجودك]

صبــــاح النوروالسرور

هلا قوين
بخير والحمد لله
الله يتمم عليك يارب ويفرحك بشوفته يارب اهم شي تطمنتي على صحتهـ
الله يسهل علينا ويحفظ مافي ارحامنا يــــارب

[رماد الصمت]

من تعرف الدكتوره الاستشاريه الجديده في مستوصف الصاعدي ناويه اروح لها ان شاءلله لاانهم يسبون في الدكتوره منال من جربهم وكيف

[Queen DadoOo]

اهلين رماد الصمت
انا قبل سنتين كنت عند ايمان الشاذلي في الصاعدي ولما سافرت تركتهم اما منال صح حتى انا سمعت كثيييير ما يمدحوها اما الجديدة ماعندي فكرة عنها

بسألكم يابنات فين يسوو الاشعة الثلاثية والرباعية وكم سعرهاا
جزاكم الله خيرآآ

[أحلى موني]

صباح الخير
كيفكم ياحوامل
كيفك ياكرميلا وجامعية ويكفيني وجودك وامييييرة الوجود كيفك ان شاء الله تكوني بخييير
توتة البنوتة الف مبرووووووووك تتربى بعزك جعلها الله قرة عين لك ولوالدهااا
وعقبال احلى مووني ان شاء الله تقومي بالسلامة

ابشركم الحمدلله اليوم رحت سويت السونار البيبي بخير الحمد لله
وقالتلي الدكتورة ان شاء الله صبي يارب يحفظة لي ويفرحني بشوفتة بصحة وعافية ويجعلة سليم معافى تاام الخلقة
اللهم لك الحمد والشكر كما ينبغي لجلال وجهه وعظيم سلطانة
وعقبالكم ياحلوات تطمنونا عليكم وتبشرونا
الله يحقق لكم اللي تتمنوة يااااااااااااارب
ان شاء الله يارب الله يسمع منك مشكوره يالغلاhwaml13

وعقبال كل الحوامل

[وفقني يارب]

قلبو تجربه الملح والبول والله ان كلها خرطي هي والملوف والبينكج بودر مافي شي ماسويناه وبالاخير كله طلع خراااااااااااااط
توته الف الف الف الف الف الف الف الف الف الف مليون مبروك حبيبتي تتربى بعزك يارب
ربي يرزقك الحمل العاجل السليم لكل محرومه يارب الله يكتب لك اجر الصبر ويرزقك عاجلا غير

[ثلجه فوشيه]

تووته البنوته الف الف الف مبرووووووووك تتربي بعزك حلا

الله يحلي ايامك وايامها يارب والحمد لله على سلامتكم :)

[caramela]

صبآآح الخيررررر ،،
أخباركم كروشات ؟؟ وكيف البوبو معاكم
ماشاء الله توته انا احب اسم حلا ربنا يسعدكم ويحلي ايامك يارب
قوين ياقلبو الحمدلله اطمنتي ع البوبو وربنا يحميه يارب
احلى موني الله يسهلك الولادة يارب هانت بس ادعي انتي
يكفيني على اي اساس هوا قال انك دخلتي الرابع اصلا الدكاتره نفسهم يحسبو عن طريق موعد اول دوره فتلاقيهم كلهم نفس الكلام على موعد ولادتك ولو عن طريق السونار دكتورتي قالتلي انو الاشهر الاولى البوبو يكبر بسرعه وكل يوم يطول عظمه << يناااثو .. بس لما يكون بالشهور الاخيره خلاص يبدأ كل بعد يومين او 3 يطول بشكل بطيء << كلام الدكتوره الله اعلم \وبدا معايا الوحام انا من بداية الثاني بس الحمدلله ماكان مره قوي زي ماكنت اسمع كان متعب وادوخ وماحب اشم ريحة الاكل واستفرغ بس مو كتير
اتمنى ربنا يرزقك الذرية الصالحة يارب ويحفظلك هو ويجعله باراً بوالديه
رماد الصمت انا كنت اراجع بالصاعدي ومالقيت غير منال وإستشارية وحده اسمها د.إيمان الوزير بس ماارتحت ولا كملت ..

[caramela]

كروشات انا لما عملت السونار وانا بدايه الرابع كان البوبو جواتي مايتحرك .. والحين جالسه افكر وخايفه بس ماما تقولي إمكن كان البوبو نايم
نفسي اطمن واروح اسوي سونار دحين بس علشان مشغولين قلت بعد اسبوع .. وحاسه بقلق
يارب خير

[caramela]

فوش فوش كيفك وكيف عموري ؟؟..
وكيف نانا واخبار فهودي ؟؟

[وفقني يارب]

قلبو انا مابديت احس بالحركه الا بالاسبوع ال 20او اخر ال 19
الدكتور سالني تحسين بها ولالا قلت له مدري ماعرف
لاني تفشلت لما سالته قلت له البنات يقولون يتحرك بالثالث قال والله لو انه لاعب كوره يتحرك بالثالث
لاتقلقين قلبو اذا فيه نبض< مسويه خبيره وتنصح وهي ماعندها ماعند جدتي
المهم صدقي كلامي ولاتحطميني زي ماحطك نفسي

[caramela]

الله يسعدك وفقني ريحتيني والله
بس انا لما سويت سونار حتى ع الشاشه مايتحرك البوبو ، ولما اتكلم مع اي احد حملت قبلي وولدت تقولي حتى لو ماتحسي بالحركه في السونار قدامك تشوفيه يتحرك ويدور << جالسة افكر ودخلني الخوف
بتوكل على الله وإن شاء الله نفرح بنوناتنا في احضاننا يارب

[وفقني يارب]

الله يسمع منك يارب قلبي في هالجمعه المباركه ياارب
ويسعدك ويسعد كل مسلمه يارب قلبو لو ماتحرك عادي لاطمنك الدكتور اهم شي يكون فيه نبض
النفسيه تاثر على حركه البيبي كثيييييييييييييييييييييير
انا رحت امس وانا ماحس بنبض ولابحركه وحتى بالسونار ماعرفت اركز
قلبو كلي شي حالي انا عاد اكل تمر ولبن < بدويه هههههههههههههههههههههههههه
المهم ونامي على جنبك اليسار وان شاء الله بتحسين بالحركه
طمنينا عليك قلبو

[وفقني يارب]

يابنات ابي اسالكم عن وحده صبغتها حلووه وين الاقيها وكم سعرها
ووحده تسوي دلكه وتشيل شعر الجسم مرره

[caramela]

بنات لا تنسوى الدعاء في يوم الجمعة ..
الله يسعدكم دنيا وآخرى ويتمم حملكم على خير ويجعل ذريتكم ذرية صالحة باره لوالديها ومن اهل جنات النعيم ..
وفقني ياقلبو انتي حسوي زيك وانا احبو التمر مع الحليب
وكمان انا اعرف وحده جاوية عندها صالون بس بدون لوحه وكدا بس معروفه دايما اصبغ عندها والله صبغتي مره حلوه اسمها نوره وهيا دحين مسافره بس لا تخلي احد يصبغلك غيرها
وبالنسبه للحلاوة ودي الحاجات لسا ماعرف احد بس انصحك لو بدك حمام مغربي روحي نوارة في جده او حواء لانو إلي تسويه بالبيت احسها كانو انا اسوي لنفسي بس وحده تفرك ضهري ياعني مااحس فيه فرق
ونا حسأل وإزا لقيت حرسلك رقمهم ع الخاص =)

[وفقني يارب]

يابعد عمري ياكرميلا طيب ابي رقم نوره لاجت بعد
الحمام المغربي مقدر اسويه لاني بولد بعمليه يقولون الحمام الممغربي بعد الولاده ب 3 شهور

[رونق الروح]

مرحبااااااااا كروشاااااااااات كيفكم
وفقني انتي هنا وانا بستنى ردك بالتجمع ههههههههه
بنات مكه الله يسعدكم ويرزقكم الذريه الصالحه يااااارب بدي منكم طلب مادام انكم بمكه الي تروح للحرم تدعيلي بالشفاء وربنا يجا زيكم الفردوس الاعلى ياااااااااااارب

[caramela]

أهليين رونق الروح نورتي تجمعنا ياعسل ..
وابشري من عيوننا وراح ادعيلك بوقت استجابة الدعاء اليوم إن شاء الله الله يشفيك يارب ويفرحك بحضن طفلك ..
وفقني ياقلبو انا ارسلت لك الرقم ع الخاص ولما اعرف انها رجعت من سفرها راح اعطيك خبر إن شاء الله

[رونق الروح]

كراميلا ربنا يجعله في ميزان حسناتك يااااااااااااااااارب انا قلتلكم ادعولي لان عندي عمليه بالمخ بعد الولاده

[أم يزن]

السلام عليكم
كيفكم بنات.. رجعت بيتي يوم الاربعاء اخيرا والحمد لله
مين ولدت ومين حملت بشروني
رونق الف سلامة عليكي ماتشوفي شر والله العظيم ضاق صدري عليكي الله يشفيكي ويعافيكي ويقومك بالسلامة..

[Queen DadoOo]

مرحباا حبوبات
كيفكم اليوم
رونق الروح الله يشفيكي ويشفي مرضانا ومرضى المسلمين
آآآآآآآآآآآآآآآآآآآآآآآآمين يااارب

[أم عبووودي]

مرحباااا ياحلوين اخباركم ؟؟ ربي يفرحكم جميع
توته البنوته الف الف مبروووووووك الله يخليلك حلا وتشوفيها عروسة
رونق الله يتمملك على خير قلبي ويشفيك وتقومي بالسلامه
وين توت بري ؟؟

[يكفيني وجودك]

صبـــــاح الخير بنات
كيفكم ياكروشـــــــات؟

رونق الروح الله يشفيك يــــــــــــــارب
ويقومك بالسلامهـ ..
كل ماتذكرتك راح ادعيلك ..
كرميلا كيفك ياقلبي ..وكيف حركات البوبو
يامااحلاه هالشعور يجنن وهو يتحركـ ببطني
ترى عادي ماتحسين بالحركه بنتي الاولى باخر الخامس تحركت
والثانيه بالسادس..
اما الحين ماشاء الله يرفس من نص الثالث
بس الي مخوفني اني ماتوحمت زي بناتي شفت الموووووت

قووين ..كيفك ياعسل
وكيف البوبو ؟
كانك عارف اني قاعده ادور على الاشاعهـ ارباعيه
وبعد بحث وجهد جهيد >>>متعوب عليها ترى هههههه

قالولي على دكتور اسمه محمد خـــــــــان بمجمع الصفوه بالراجحي
من كثر مامدحوفيه وفي اشاعته
اتحرى نزلتي على مكه بشوق على شان اروح لهـ ان شاء الله
وترى افضل شئ بالاسبوع العشيرين ..

[Queen DadoOo]

يكفيني وجودك انا والبيبي الحمدلله كتر خير الله
وانتي كيفك شكرآآ وماقصرتي ايوا محمد خان اعرفه بس مستحيل زوجي يوديني له
ماتعرفي دكتورة تسويها

[يكفيني وجودك]

انا تمــــــــام والحمدللهـ
سمعت عن وحدهـ في التونسي
بس اتاكد اردلك ان شاء اللهـ

والله يهديه زوجك قولي له هو بس سونــــار
وحاولي فيه لانه مره شاطر

[وفقني يارب]

صباح الخير يابنات
بس يابنات الدكتور محمد خان يقولون ان مواعيده بالشهور مرره طويله وبعيده

[Queen DadoOo]

صبااح النور
ايوا محمد خان اعرف وحدة عنده تراجع مواعيدة مرة صعبة
انا نفسي اتأكد انو صح ولد لانو زوجي حطمني يقول لا تقولي لأحد يمكن مايطلع صح
يمكن تروحي المراجعه الجاية تقولك الدكتورة انها بنت
انا ملقوفة مااصبر اول ماطلعت من عندها اتصلت عليه
ابغاه يكون معايا يدخل يشوف ويسمع
كسرلي فرحتي انا كنت اتمنى ولد يشيلني وانا لوحدي حتى اهلي مو عندي hwaml78

[caramela]

صبآآآح الرضا يااحلا كروشات ..
كيفكم وكيف البوبو معاكم ؟؟؟
رونق الروح الله يخفف عليكي آلامها يارب وتخرجي منها بخير وصحه وعافيه يارب ياكريم
أم عبودي اخبارك وكيف البراء ينااثو عليه اكيد كبران ؟
يكفيني كيفك ياقلبو وكيف البوبو ؟؟ اصلا من يوم قلتلي انو حملتك في بناتك اتحرك بالخامس قلت اجل انا بنوته ههههه لانها اتحركة بداية الخامس والحمدلله احس بالحركه واكلت تمره ونمت ع جنبي اليسار وحسيت بيها ينااثو والله شعور يدنن نفسي طول الوقت تتحرك ..
قوين كيفك وكيف البوبو؟؟ حتى انا نفسي اسوي اشاعه رباعية الابعاد وافكر اسويها بجده =) وبجد المره التانيه غلي تعملي فيها سونار دخليه ترا احساس حلو لما يشوفوه
وفقني ياقلبو كيفك وكيف البوبو معاكي ؟؟
وبعدين صح سمعت انو د. محمد خان مره مواعدو صعبه وغير كدا مره غالي يعنى اتوقع الاشاعه الرباعيه عندو بحدود 500 واكتر << توقع بس
بس في مستشفيات تانيه في جده تكون في حدود 300 او 400 قريت عنها بالنت

[وفقني يارب]

الله يعين ياقوين ياقلبي الولد والبنت كله رزق من الله
كرميلا انا بعد حاسه ان فيك بنت سولفي معها ترى تتحرك هههههههههههههههه
الحمدالله بنتي تمام وتسلم عليكم تقول ادعو الله يسخر ابوها لي هع هع

[وفقني يارب]

يابنات شوفو هالرابط وعطوني رايكم

[وفقني يارب]

http://forum.hawaaworld.com/showthread.php?t=3047047

[جامعية]

هلا بناات كيفكم

وحشتوني ترى انا موجودة كل شوي اطل عليكم

مبروووك كويــن الولــد يارب عقبال تشيلينه بحضنك

وكراميلا ووفقني فديتهم بنوتاتكــم الله يحفظهم ويتمم عليكم بخيــر

فين باقي البنــات؟؟؟؟؟؟؟؟

بنــات حاليا تنزل مني افرازات خضرا وصفرا غامق وكأنهاا سايلة مرة زي الموية ايش معناته وهل هو خطيير؟؟؟؟؟

والبيبي احياناُ احس بالحركة ويوم ما احس بشي عــادي؟؟؟؟؟؟؟؟؟؟؟

[أميرة الوجود]

بنااااااااااااااات كيفكم

وحشتوني وحشتوووووووووووووووووووووووني مررررررررررررررة


من زماااااااااان عنكم ... ايش اسوي .. اللاب توب حقي طاح وانكسر .... وقلبي انكسر معاه

والله لو تشوفوا حالتي يومها ... والله بغيت ابكي ومو قادرة من القهر بس يالله مو مشكلة ... ادعولي زوجي يشتري لي لاب توب جديد اهئ اهئ اهئ

المهم فينكم وشو اخباركم ...؟؟ ووووو انا عندي حركة بسيييييييييطة احس فيها تعتقدوا انها هي حركة النونو والا حركة امعاء عادية ...انا نسيت متى الام تحس بحركة الطفل؟

[أميرة الوجود]

جامعية وحشتيييييييييييييييييييني كيفك ... ؟؟ اشوف كمان وجوه جديدة ما شاء الله تبارك الرحمن

[وفقني يارب]

اميره حبيبتي الحمدالله على كل حال انكسر الشر قلبي
والله يعطيك خير الجديد ويكفيك شره

بنات ليه ماشفتو الرابط والله مافيه فايروس ولاشي ابي رايكم بالجهاز الي تقول عنه الحرمه

قلبو انا ماخوفك بس الافرازات الخضرا خطيره تاكل جدار الرحم
صديقتي حامل بالتاسع وتعاني من الافرزات ماعالجتها والحين يحللون وش نوع هالجرثومه الي سببت لها هالافرزات الخضرا ومنومه بالمستشفى من اسبوع
انا ماخوفك بس والله هذا الي صار مع صديقتي بسبب هالافرزات بالذات ان الدكتوره اله يصلحها اهملت الموضوع واعطتها بس مرهم والمرهم ماجاب معها نتيجه
اما الحركه حقت البيبي مايبدا يصير نشيط البيبي الا بالسادس ياقلبي لاتقلقين

[caramela]

اهليين ياامورمات << بنضرب ههههه
وفقني هههههه ياكثر سواليفي احب اسولف معاها ههه يارب بنت وكلو من ربنا خير ورزق
وترا فتح الرابط مارضي والله يقولي رساله ادارية انو انا مو مسجله بالمنتدى .. ويارب يسخر لك زوجك ومايشوف من بنات حواء وادم غيرك يارب وربي يجعلك قرة عينه ..
جامعية زمان عنك والله وحشتينيا .. وتفداك الدنيا والله
وبعدين انتبهي على نفسك ترا إزا تحسي بحرقان او آلام بالبطن ممكن تكون التهابات وحتى لو ماتحسي احسن روحي للدكتوره اطمني .. لا تقلقي
أهلين اميرة وانتي وحشتينا .. إلا الاب ترا صعبه نعيش بدون دي اللتكنولوجيا الله يخلي ابو النونو إن شاء الله يجبلك واحد احسن من إلي انكسر << فكرتيني بلابي :"(

[جامعية]

هلا والله اميييرة وانا اقوول فينك مختفية يالله انكسر الشر المهم موفيك ولا فعيالك والله يعوضك احسن منه
الحمدلله انا بخير دامك بخير يالغالية انتي كيفك وكيف النونو واخوانه الكناري يحفظهم ربي؟؟

وفقني
تسلمي عالرد ودحين اشوف الرابط تبعك وصراحة اللي قولتيه يخوف
بس انا اكثر شي خايفة منه ان لاقدر الله الافرازات تدل على فتح الرحم او اجهاض الله لايقول ومدري احس ذحين اني من الخوف صرت حاسة بألم ببطني وضغط على مثانتي الله يستر يااارب علي مررة خايفة
كراميلا
اهلين حبوبة
وليييش تنضربي هههه بلعكس ماشالله انتي اللي احييتي التجمع لان بنات مكة اغلبهم ولدوا وانشغلوا بنونواتهم
انا اليوم ان شالله بروح التونسي تنصحوني فيه وماادري يمكن ماالحق على العيادات بروح الطواريء وإلا أروح بخش ايت احسن؟ايـــــــــش رايــــــــــــكم؟؟؟؟؟

[جامعية]

وفقني حبيبتي الرابط مايشتغل معي

[أميرة الوجود]

وفقني الله يسعدك يا عمري كيفك .... انا كمان لما دخلت على الرابط قاللي انت غير مسجل ... ايش هو الجهاز؟

كراميلا.. كيفك يا حياتي والله انك صادقة الحياة بدون لاب توب صعععععععععبة
ان شاء الله زوجي يشتريلي قريييييب يارب

[caramela]

الله يسعدك جامعية ..
وبالنسة للتونسي وبخش ماعمري رحت ولا وحده فيهم بس بنات التجمع دايما يمدوحو واحد بالتونسي إلي هو د. صلاح .. انا بخش افكر اولد فيها إن شاء الله ويمدحو في د. حنان غنيم
والله يطمنك يارب لا تقلقي ترا التفكير نص المرض انتي روحي ويارب يكون شيء بسيط وتاخدي علاج وتروح لا تجلسي تفكري

[يكفيني وجودك]

مرحبـــــــا بنات كيفكم اليوم

انا من البارح تعبانه مره جاني الم بظهري
بس اليوم احس والحمد لله

قوين ان شاء الله يطلع ولد يارب وتفرحين فيه ويسندك بهالدنيـــــا يــــــــــــارب
طيب انتي وين تراجعين .. روحي عند دكتوره شاطره علشان تقولك ولد 100% يارب

جامعيه ..حتى انا تزل مني افرازات صفراء الله يستر علينا وعلى الي ببطونا يارب

اميرة الوجود..هلا والله تو ماتور الموضوع تصدقين فقدتك
كيفك ياعسل وان شاء الله يشتري لك زوجك لاب توب
يمكن يبيك الين تولدين ويجيبه لك هديهـ..

[جامعية]

اهلين يكفيني الحمدلله ع السلامة ماتشوفي شر روحي احسن للمستشفى وتطمني لان الافرازات الصفرا مو كويسة

ويسلموووو كراميلا يا عسل

بس انا خايفة اروح للتونسي ويقولوا مافي غير دكتور وزوجي يرفض اكشف عنده لانه جدا غيووور ابغى اعرف وين القى دكورة شااطرة بطواري النسا فمستشفى خبرة ومحتارة بين التونسي وبخش وباشراحيل لاني ماراح يمديني اروح الا آخر الليل لما يرجع زوجي ان شالله من عمله؟؟؟؟؟؟؟؟؟؟؟؟

سوري بنات غثيتكــــــــــــــــم

[أميرة الوجود]

بنات ليش توقيع الحمل يسبق دائما ... انا لسه مادخلت الرابع باقيلي خمسة ايام وادخل ان شاء الله ....وهنا مبين اني دخلت الرابع من ثلاث ايام ......

طبعا اللي قلت عليه هذا حساب السونار والدكتورة ... موعارفة اي واحد فيهم هو الأصح ؟

[أميرة الوجود]

يكفيني ... هلا يا عمري ... الموضوع منور بيك ....ويارب ما تفقدي غالي ان شاء الله

تخيلي لو كان كلامك وينتظر زوجي الين اولد ويجيبه هدية .... ؟؟؟ آآآآآه ما اقدر اتخيل حتى اهئ اهئ اهئ .. من مجرد التخيل احس رجع لي الوحام ههههههه

[وفقني يارب]

يابعد عمري ياكرميلا على هالدعاء الحلو الله يسمع منك يارب
انا اسفه يابنات مادريت ان الرابط مايفتح لانكم مو مسجلات
هذي وحده تقول دقيقه انسخ لكم كلامها
بس خلوني ارد على البنات
قلبو صديقتي اعطتها الدكتوره بس مرهم اهملتها وهي اهملت نفسها انتي توك بالاول
ان شاء الله الموضوع سهل شوفيها الحين اسم الله عليها بالتاسع الله يتمم حملها لاتخافين ولاشي بس مابغيت اقولك عادي كل قصدي احرصك على نفسك واكيد الافرزات تختلف مارقع لنفسي بس بجد والله يمكن انتي تختلفين عنها في كل الحالات انتي اسالي الدكتوره وشوفي
وبالتونسي فيه اكروكي وعصمت وتهاني عمري ماكشفت عندهم ولاحتى شفتهم الله يخلي صلاح ولا يخلينا منه

اما في بارشرحشيل فيه بسمه كل البنات هنا يمدخونها بس اتصلي شوفي متى موعد دةامها ومن فيه بالليل

[caramela]

جامعية ياقلبو ترا كل إلي قلتيها كويسه لاني انا ماعرف مستشفى كويسه بمكه بس سمعت وبما انو التونسي احس واحد فيها دكتور احسن روحي يابشراحيل يابخش وإن شاء الله تلاقي دكتوره شاطره وكويسه وتطمنك ..
أميره هههههه كويس انتي بس متقدم ايام انا متقدم اسبوع بس فرحانه انا لما اجي اتكلم مع الدكتوره تقولي ترا ماتفرق زياده اسبوع اواسبوعين

[وفقني يارب]

غريبه انا بعد يابنات والله مو راضي يفتح معي الرابط يقول رساله اداريه
المهم السالفه ومافيها وحده تقول ان فيه جهاز ينباع ب الف وخمس يشيل الشعر مرره بواسطه الحراره كنه ليزر وهو مو ليزر وفيه شاشه ومدري وشو والمنتج اميركي
وتقول انه يجي بالدعايات في الفاصل الي يجي في العشق الممنوع وش رايكم؟؟؟

[يكفيني وجودك]

تسلمين يااميرة الوجود

ان شاء الله يجيبه لك هديهـ ويفرحك لاتستغربين شئ ماعلى الله صعب ياقلبي

يمكن انتي حاطه تاريخ قلط في التوقيع
متى كانت اخردوره لك
ترى انا وانتي مابينا الااسبوع يمكن نولد في نفس الاسبوع

[أميرة الوجود]

يكفيني

آخر دورة كانت لي يوم 17 _2 هجري

وفقني

ماادري والله ما اعرف احد قد استخدمه بس سوي بحث عنه بالقوقل وشوفي

[أميرة الوجود]

جامعية يا قلبي الف سلامة عليك ... ربي يبعد عنك وعن طفلك كل شر


والله على قولك في اي شئ ولا في انا ولا في عيالي .... وعيالي الحمد لله بخييييييير ربي يحفظهم ويحفظ عيال المسلمين


ياللا طمنينا علي بعد ما تيجي من المستشفى .... ننتظرك يا قمر

[يكفيني وجودك]

اميره ..انتي بالاسبوع 14 ويوم بعد
يعني دخلتي الرابع
ولادة راح تكون1/12/1432ه بأذن الله
الي حسب لك حسب خطا انا حسبت لك بموقع ممتازه واكيد
اعطاني نفس الموعد الي اعطتنيهـ الدكتوره..

[الجونة]

يسعدني يابنات انضم ليكم انا اول مره راح اولد في مكه ومحتاره فين اولد ياريت تفيدوني لاني انا حاليا باراجع عند عصمت بالتونسي بس مهي عاجبتني وانا لسه دوبي في الشهر التاني بس سمعت عن فطيمه في باشرحيل ودقيت عليهم قالولي في اجازه مرضيه ان شاء الله اروحلها....وياريت استفيد منكم.....

الجونة....

[رونق الروح]

مرحبااااااااااا كروشاات كيفكم حبيت اشكركم لانكم دعيتو لي احلى دعاااااااء ربنا يجعله في ميزان حسناتكم ياارب

[أم عدي#]

السلاااااام عليكم ......كيفكم يابنات مكه

وحشتوووووني غبيت عنكم اكثر من اسبوع

نفسيتي كانت تحت الصفر ورحت غيرت جو عند ماما وماعندها نت

ولدي طاح وجاله شُعر في رجله وحطله الدكتور جبيرهـ

ماتحملت شكله قدامي وهو مايمشي غصب نفسيتي تحطمت hwaml93

يااارب يشفيه ان شاء الله قبل ماأولد

دعواااتكم ,,

[Queen DadoOo]

صبااح الخير كيفكم وكيف البيبيات ان شاء الله تكونوا بخير
وفقني الحمدلله كلهم نعمه من ربنا انا عندي بنوتة الله يحفظها لي
جامعية ويكفيني وجودك سلامات ياقلبوو ماتشوفو شر ان شاء الله انا في الشهور الاولى كانت عندي افرازات خضرا وصفرا والم شديد في ظهري واسفل بطني وسوت لي الدكتورة تحليل بول اكرمكم الله طلع عندي التهاااب شديد بنسبة مية بالمية وقالتلي الافرازات والالم من الالتهاب وعالجتة والحمدلله شوفو ممكن من البول لانو الحامل تزيد عندها نسبة التهاب البول اكرمكم الله

اميرة يااميرة وانتي وحشتيناااااااااا مرررة فقدناك ياقلبي انكسر الشر الله يعوضك ان شاء الله زوجك مايقصر معاكي

الجونة اهلا وسهلا فيكي بيننا تنورينا بالنسبة لدكتورات ماعندي فكرة عنهم

ام عدي سلامات على ولدك ان شاء الله مايشوف شر .. الله يسهلك وتقومي بالسلامة ياااارب

[وفقني يارب]

يابعد رونق انتي من يشوفك ومايحبك
صباح الخير يابنات كيفكم

[Queen DadoOo]

بنات تعرفو الدكتورة روحية الشافعي اللي في الرحمة سمعت كثييير يمدحوها

[وفقني يارب]

جونه تراجعين بالتونسي ومارحتي لصلاح وش جاب عصمت عند صلاح فرق شاااااااااااااااااااااااااااااااااااسع
الله يطول بعمره ويحفظه ويخليه يارب

[وفقني يارب]

والله ياقلبي ماعرفها بس انا بعد سمعت انهم يمدحونها

[وفقني يارب]

يابنات متى تبدا تخفيضات بدي شوب ومكياجي؟؟

[Queen DadoOo]

اتوقع في رمضان لانو التخفيضات في شهر اغسطس
بودي شوب اللسنة اللي فاتت سوي عروض في رمضان
ومكياجي اسعارة حلوة

[وفقني يارب]

والله انا توهقت كثير لعبت بالفلوس الي معي وماشريت ولا سويت شي
ولازم على موعد الولاده يكون كل شي عندي لاني بولد بعمليه ومو بسهوله اتسوق واروح واجي والاغراض الي ناقصتني كثيره
محتاجه لعروض التخفيضات موووت للاسف حتى لو ريال
على فكره يابنات انتم قدانكم وقت ابدو جهزو من الحين او على الاقل لاتلعبون بالمزانيه مثلي

[caramela]

صبآآح الخير كروشات ..
كيفك حبوبات وكيف البوبو معاكم ..
رونق الروح ياقلبي كلنا اخوات ونحتاج الدعاء ربنا يقومك لنا بالسلامه يارب
أم عدي سلامة ولدك ألف سلامه يارب يشفيه بس لاتتعبي نفسك ..

[caramela]

وفقني ياقلبي والله كلامك صح بزات اغراض البيبي واغراض لنا والعملية والتزينات بجد احس عندنا عادات مالها داعي .. يعنى انا دحين بولد واخرج تعبانه ونفسي ارتاح وابغا اشوف احد ليه الناس لازم تجي ليه مايخلوها مره وحده بعد الاربعين تكون الوحده فيها حيل تشيل وتحط وتلبس
الله يعين يارب .. محد تعبنا غير العادات والتقاليد

[caramela]

عارفين يابنات افكر اسوين يومين عشاء وانا والادة يوم اجمع اهل زوجي كلهم ويوم اجمع اهلي كلهم وعلى كدا ارتاح ..
غير انو انا اول بيبي لازم اسوي سابع وبعدين السابع احلا شيء بالاستراحه وانا صراحه مابدي دي التكاليف كلها لاني ناويه اسافر انا وزوجي مادري ايش اسوي
افكاري السلبية وانا حامل كثرت الله يعين

[caramela]

جونه منوره التجمع ياعسل

[Queen DadoOo]

صباح النور كرميلا
وفقني صح كلامك انا بتأكد من البيبي وابدأ شوي شوي اجهز عشان ما اضغط نفسي اجهز لي ولبنتي وللحمل وبعد الولادة وللبيبي خليني انبسط ابو الشباب سافر وانبسط وضيع فلوس دحين انا بنبسط واضيع فلوس هههههههه حقي من السفرة

بسألكم فين بتولدو عن اهلكم والا كل وحدة فبيتها انا عن نفسي عند اهلي

[Queen DadoOo]

كرميلا ليش تسوي عشاء لهلك وعشاء لاهل زوجك اذا بتسوي سابع خلية مرة وحدة بإستراحة واعزميهم كلهم مرة وحدة احسن لك عشان التعب وخصوصا انك اول مولود ماجربتي الحوسة خلي التعب واحد

[caramela]

انا حولد عند مامتي ..
صح كلامك قوين بس الاستراحه حوستها حوسه بجد يعنى حفلات السابع تقريباً زي الافراح عندنا في العيله مطربه وللاطفال وحده تلعبهم وحده ترسم ع وجهم وحده تعملهم مسابقه وهدايا وصراحه مابدي اضغط ع زوجي وماما

[Queen DadoOo]

كرميلا الله يعينكم احنا ماعندنا كذا لاتظغطي على زوجك سافري معاة وانبسطي ياقلبي احسن لك
الناس تنسى السابع اما السفرة ماراح تنسيها طول حياتك

[جامعية]

مساء الخير كيفكم بنات؟؟؟

ام عدي سلامة ولدك مايشوف شر

وفقني الله ييسر لك وتجهزي اللي نفسك فيه بالميزانية اللي عندك


كراميلا الله يعينك واله بجد عادات صعبة احنا عندنا سابع بس مايكون كذا يكون ابسط وحفلة عائلية بسيطة وتوزيعات للأطفال وتورتات وزفة للبيبي وبعدين عشا للكبار وبس وهو يوم واحد تحوسي فيه بس باقي ايام النفاس زيارات خفيفة

كوين تسلمي يالغلا فعلا مثل ماقلتي انا امس رحت للتونسي ولقيت تهاني وطمنتني ع البيبي وقالت لي يمكن عندك التهاب وطلبت مني اعمل تحليل بس كنت مستعجلة وحارجع لها ان شالله

اهلين بالبنات الجدد رونق والجونة شرفتونـــــــــــا

[وفقني يارب]

عارفين يابنات افكر اسوين يومين عشاء وانا والادة يوم اجمع اهل زوجي كلهم ويوم اجمع اهلي كلهم وعلى كدا ارتاح ..
غير انو انا اول بيبي لازم اسوي سابع وبعدين السابع احلا شيء بالاستراحه وانا صراحه مابدي دي التكاليف كلها لاني ناويه اسافر انا وزوجي مادري ايش اسوي
افكاري السلبية وانا حامل كثرت الله يعين
والله ياقلبي الي مايجي ماتقدرين تمنعينه حتى لو سويتي عشا
وماتخافين بكره يقولون لعبت بقلوس الرجال وطفرته عشا لا اهلها واهله وسابع الله يكفيك شر العين انتي وزوجك ويقولون فيها حيل تعزم وتسوي واهل زوجك لو عزمتي اهلك اول زعلو واهلك لو عزمتي اهل زوجك اول زعلو وحووووووووووووووووووووسه لها اول مالها اخرhwaml7

[وفقني يارب]

الحمدالله جامعيه طمنتينا قلبي الله يبعد عنك المرض والتعب يارب اسفه لاني اقلقتك بس والله هذا الي صار مع صديقتي ولو نخبي ونجامل بعض مانستحق نكون خوات ولا حتى نخاف على بعض
بجد انا اسفه

[جامعية]

لا عااادي يا قلبي ليش الأسف

بلعكس لما خوفتيني حرصت اني اروح وإللا انا كنت هاملة الموضوع شوي

كيفك اليوم وكيف البنوتة الحلوة ؟؟؟؟؟؟؟

انتي عندك اطفال قبل؟؟؟؟؟؟؟؟

[caramela]

ههههههههه والله صادقين ياكروشات ,,
يامحلا البساطه ..
دحين ماابغا افكر في شيء غير في الولادة واغراض البن بينو =")
يارب يجعلها لنا ولادة سهله وميسره يارب ياكريم

[caramela]

الحمدلله ياجامعية طمنتيني والله
وترا الحوامل معرضين لاي شيء ربنا يحمينا ويحمينا نوناتنا يارب ياكريم

[وفقني يارب]

الحمدالله تمام التمام والبنوته تسلم عليكم وتبوسكم
الحمدالله قلبي جامعيه الله يثبت حملك ويقومك بالسلامه انتي والبيبي
ايه قلبو اول طفل

[وفقني يارب]

كرميلا بسالك نوره تسوي الصبغه والخصل ب 400 ولا بس الصبغه ولا بس الخصل؟؟

[caramela]

سوتلي الخصل والارضيه إلي هيا الصبغه بس انا شعري ماكان طويل مره اطول من كتفي بشويات وصراحه مره حلوه ..
حتى زوجي جلس فتره يناديني ياللبنانيه يااامريكيا هههههههه

[جامعية]

هلا كراميلا

الله يسلمك يارب وامين يارب يسمع منك

وفقني

الله يخليها لك ياناسو عليها
والله يرزقك شوفتها يااارب


حركاات بنات جبتوا طاري حاجات تفتح النفس ان شالله ناوية اصبغ بعد النفاس واحش شعري حش لانه دايما طويييل ابغى اغير شوي بس ماتعرفوا ايش هي الموضة في الصبغات هذي السنة؟؟؟؟؟؟؟؟؟؟

غير الاشقر والبلياج لاني كنت صابغته ايام فرحي وبعد بنتي اسود وذحين ناوية على شي يكون تغييير؟؟؟؟؟؟

[caramela]

جامعية والله انا زيك شعري دايما طبيعي وعملتو بعدين أشقر
ودحين بعد النفاس افكر في لون جديد بس ماادري ايش اصبغ والدارج لحد دحين الالوان البنيه بدرجاتها

[أم ضيو وفروس]

السلام عليكم ورحمه الله وبركاته

كيفكم ياحلوات واخباركم مع الحمل كلكم ..كراميلا ..قوين ..وفقني يارب..جامعيه ..واميره ..وسوري اذا نسيت احد ..

ونلي وثلجه اخباركم مع النونات الجدد..

ألف مبرووووووووووووك توته ،, ربنا يجعلها من مواليد السعادة يارب

والحمدلله ع سلامتك


جامعيه الف سلامه عليك ...ماتشوفي شر..

توت بري ...مالها حس ..ان شاء الله تكون ولدت بالسلامه مااشوف لها مشاركات من فتره ..


ياسلااام كاني قريت كلامكم عن الصبغات وقص الشعر هههههه عاد هذي اهم شي بعد الاربعين بسويها ان شاء الله ..حتى انا ابغى اعرف الجديد في القصات والصبغات ههههههههه
مع اني اشوف الاغلبيه لون واحد شكلوالدارج درجات البني ..



بنات بسالكم كيف محل باوارث باقي لي اشياء بسيطه وقلت باروح له هاليومين..

ومحل مهجه كيف بضاعتهم لاني ناويه اخذ منو للتوزيعات واغراض للبيت احد زاره قبل كذا ؟؟

[وفقني يارب]

حلو قلبو كرميلا طول شعرك نفس طول شعري
الله يسمع منك يارب والله ياني مشتاقه اشوف بنتي
الله لايحرمني ولا يحرمكم هاللحظه ولا يحرمها اي مسلمه يارب
والله يرزق عاجلا غير اجل الي محرومين يااارب
والله يابنات انا سالت عطري ام جوانا وقالت ان اختها صابغه بني غزالي والخصل ثلجيه< افكر اسوي مثلها
هلا فلبو ام ضيو فديت قلبك الطيب سالت عنك العافيه

[رونق الروح]

مساء الخير كروشاااااات اخباركم اليوم
حبيبتي وفقني والله من لما عرفتك حبيت كل اهل مكه وكل السعوديات ونعم الاخلاق

[وفقني يارب]

يابعد رونق فديت قلبك والله مافيه مثله الله يسعدك وينولك كل الي ببالك يااارب
الله يحقق مرادك ويقومك بالسلامه انتي وولدك
والله ياقلبي الطيبه ماتعرف شعب ولا وطن
الله يسعدك الله يسعدك الله يسعدك ياااااااااااااااااارب
فديت قلبك الطيب

[رونق الروح]

الله يسلمك خيتوووووو وربنا يفرحك ويسهل ولادتك وتشوفي بنتك بحضك وتفرحي بيها ياااارب وكل بنات التجمع اللهم امين

[وفقني يارب]

يالله يارونق متى بس والله ياني مشتاقه موووووووووووووت لها
الله يصلحه الدكتور راكب راسه بيولدني اخر التاسع

[نلي خانم]

السلام عليكم ورحمة الله

كيفكم يالحلوات
أنا ماصرت أدخل مره ماعندي وقت حتى النوم ماعاد صرت أنام تهئ تهئ ناويه أكتب قصيده بالنوم ... مطلعها (يانومي وحشتني موت) هههههه وش رايكم شاعره فتاكه

أمس ختنا يودي وماكنت أتوقع الختان صعب لهدرجه أحس أني أنا جالسه أتألم مو ولدي واللي زادني مارحت عند أهلي وندمت نصيحه أي وحده بختن ولدها تروح لأمها تساعدها أنا ماكنت فاهمه صعوبة الوضع بس الحمدلله يوم وعدى على خير

أم عدي
ألف سلامه على ولدك ماتشوفي شر في غالي يارب الله يكون بعونك مره صعبه ولدك تعبان ووراك ولاده الله يشفيه قبل تولدين
توته
ألف مبروك والحمدلله على السلامه

أم ضيو
حبيبتي أنا بخير ومشتاقه لكم لكن ظروفي ماعاد تسمح لي أدخل التجمع دايم الله يكون بالعون يارب

موني
وينك مالك مشاركات يارب تكوني ولدتي بالسلامه ياقمر

باقي البنات أتمنى تكونو جيعا بخير ولو ماذكرت أسمائكم تأكدوا أنكم بالقلب ربي يحفظكم جميعا

[أم عدي#]

الله يسلم كل وحدهـ فيكم دعت لولدي الشر مايجيكم ان شاء الله

نلي خانم اشتقنا لكـ الله يسامح اياد اشغلكي عننا

ننتظر قصيدتك عشان نلحنها ونغنيها اا ولدنا ان شاء الله ياشاعرة الحوامل

فين ختنتي يودي ؟؟ عند دكتور ولاواحد شعبي ؟؟

عقبال ماتشوفيه فحل ان شاء الله hwaml02

توت بري وتوته البنوته ماعاد لهم شوفه hwaml5

جامعيه سويتي الجهاز الثلاثي ؟؟

[أم عدي#]

على فكرهـ بمناسبة سالفة القصات والصبغات <<<ياحبني لهاالسوالف هههههه

ان شاء الله ناويه اقص الفكتوريا مدحولي كوفيره اسمها سعيده يقولون تضبطها

اما عن الصبغه يمكن اخليها في العيد ان شاء الله وبعد الولاده اقص بس يعني تغيير بالتدريج

ماابغى اغير دفعه وحدهـ اخاف اسبب جلطات للعالم هههههههههههه

[أحلى موني]

كيفكم يابنات وحشتوووووووني مووووووت اخباركم فردا فردا

انا بخير ولله الحمد ولسى ماولدت طولت والله احس اني مو طايقه نفسي مدري متى اولد؟؟!!

دعواتكم

[أم عدي#]

أهليين احلى موني تقوعت انك ولدتي :(

متى اعطوكي اخر موعد؟؟ تولدين بالسلامه ان شاء الله حنا وياك يارب ...

[أحلى موني]

اهلين ام عدي اخبارك ياعسل؟؟

الولاده المتوقعه 4/6 بس انا ودي اليوم قبل بكره ومشكوره يالغلا عالدعاء

[Queen DadoOo]

مررحبا صبايا صباح الخيراات
كيفكم وكيف البيبيات ؟؟
حلوو كثيير موضوع الصبغات انا ان شاء الله بطول شعراتي لانو دايما قصير وبصبغ اسود لانو من يوم تزوجت يا اشقر يابني
بس ان شاء الله تطول شعراتي لاني قصيت قبل شهر رحت ابغاها تقص الاطراف قصرتو مرة الله يسامحها

[Queen DadoOo]

احلى موني الله يقومك بالسلامة
لاتستعجلي عالولادة ربك يسهلها وممكن تزودي اسبوع خاصة اذا كنتي بكرية hwaml7

[وفقني يارب]

قلبو الحقي عمرك بالخروع وزيت الزيتون والفاشكول وخرابيط الشعر انتي بالخامس
علشان يطول على الولاده

[أميرة الوجود]

يا أحلى حوامل كيفكم

احلى موني ... يا قلبي عليك لا تستعجلي على الولادة استمتعي هاذي الأيام بالأكل هههههه لأنك بمجرد ما تولدي راح تمتنعي عن أكلات كثييييييييييييييرة ...اكيد خلااااااااص طفشتي بس اذا كنت بكرية اتوقع ممكن تزودي كم يوم ... بس ان شاء الله تولدي بسهولة ويسر هذا أهم شي

وفقني
غريبة دكتورك ما يبغى يولدك الا في نهاية التاسع ... انتي مو قيصرية ؟؟؟... اللي اعرفه انه ممكن تولدي في اول اسبوع في التاسع ... انتي ارجعي اسأليه

نلي
فينك من زمان عنك ياقلبي .. كيفك وكيف ظهرك الحين انشاء الله احسن

ام عدي سلامة ولدك ما يشوف شر ان شاء الله وربي يطمنك عليه قبل ما تولدي ... توني الصراحة اشوف الصفحات القديمة وعرفت موضع الجبيرة .. الف لا باس عليه

كوين
كيفك ياعسل ... استغلي فترة الحمل يقولوا ان الحامل شعرها يطول بزيادة وعلى قول وفقني الحقي نفسك بالزيوت والخلطات واللازم منه

الصراحة موضوعكم راااائع (الشعر والصبغات ) انا حاليا شعري بني شوكولاتة كله لون واحد وشعري الى نص ظهري ...وقبل الحمل كان بني فاااااااااااااااتح مرة يعني لما شافوني الاهل والاقارب والعقارب كان شعري بني فاااااااااااااتح ,, ما احد شافني بالبني الغامق ... والبني الغامق احلى بكثييييييير من الفاتح بالنسبة لي انا

نفسي يعني اتمنى اني اطول شعري واقصه مدرجات واصبغه اسوووووود ... نفسي احط زيوت وخرابيط بس علىطول احس بصداع ما ادري ليش

بنات انا قلقانة من شئ ... وزني ... من بداية الحمل زايد وزني 5 كيلو ... احسه مررررررة كثيييييييييير لان الوحدة المفروض في بداية الحمل ما يزيد وزنها كثير .. من الشهر الخامس يبدأ الوزن يزيد كيلوين كل شهر .. اما من البداية 5كيلو ما تحسوا انها كثيره

كان وزني 56 قبل الحمل وذالحين 61 وشوية .... اليوم وزنت وتفاجأت مررررررة

بنات كل وحدة تيجي تعترف لنا كم وزنها .. اقصد كم زاد ....

[وفقني يارب]

هلا قلبي اميره مارضى الدكتور لانه يقول يوم البيبي ببطني افضل من اسبوع برى
يبي يتاكد ان البيبي اكتمل نموه ووزنه ومايحتاج حضانه
يبي يتاكد ان الرئه اكتملت اهم شي عنده الرئه < مو اقولكم دكتور مافيه منه بس وربي فاقع مرارتي كل ماقوله شي يقوول لاhwaml4
تخيلو طلبت يعطيني ابره لكزاز رفضhwaml4hwaml15

قلبو انا دبه سمينه بس الحمدالله مازاد وزني الا 3 كيلو

[Queen DadoOo]

هلا اميرة اذا كنتي طويلة الوزن الزايد مايأثر عليك المشكلة اذا قصيرة يبان انك تخنتي بعد الحمل
انا كمان من النوع اللي يزيد وزني في الحمل ببنتي زاد ممكن اكثر من 20 كيلو وسبحان الله نهاية التاسع نزلت 8كيلو وبعد الولادة نحفت مرررررة الله يبارك في الرياضة والسونا والقشر ودحين زاد تقريبا 4او 5 كيلو والله يعين معاناه جديدة

وفقني صح كلام دكتورك الطفل يكمل نموة في الشهر التاسع

[أميرة الوجود]

وفقني ...
والله فعلا يمكن كلام دكتورك هو الصح ... عندي وحدة من قرايبنا ولدت قيصري ثلاث مرات وفي الثلاث مرات تطلبهم يولدوها في بداية التاسع اول اسبوع .... بس شكلها تروح لدكتور مو فاهم

الله يخليلك هذا الدكتور يارب ... هههههههه

والحمد لله الزيادة في وزنك مرة قليلة ماشاء الله تبارك الرحمن

كوين
انا اعتبر طويلة .. طولي 162 ... بس المشكلة ان زيادة الحمل ما تيجي عندي الا في البطن والصدر عرفتي كيف فمرة صعب .. لو الزيادة متوزعة على باقي الجسم صدقيني مرة حيكون عادي ... ومو باين كثير ...

انتي زي ذالحين زايد وزنك من 4 الى 5 كيلو ... يعني اعتبر زيادتي عادية ؟؟

انا في حملي في ولدي اول شهر كان 60 و زدت زيك 20 كيلو كاملة .. ووصل وزني 80

وبعدين نحفت نفسي الين 59 وحملت ببنتي وزاد وزني 14 كيلو ووصل 73 .. وكانوا كل اهلي يقولولي مرة نحيفة مرة ما تاكلي وتعرفي الكلام الفاضي اللي يودي في داهية ....ما تاكلي ما تاكلي ويخلوكي تاكلي الاخضر واليابس .. وبعد الاربعين وصل 68 ووقف على كذا فترة الين سويت اللي ما يتسوى عشان وصلته 56 والحمد لله .... حملت .... تدروا امس قلت لزوجي بس اولد راح اركب لولب وما راح اشيله الا بعد خمس سنين اقل شي ان شاء الله لاني ابغى ارتااااااااااااح من حمل وولادة

بنات الله يسعدكم ادعولي اكون حامل في ولد ... والله لو تشوفوا ولدي الله يصلحه ويحميه مرة يقلد اخته في كل شئ مع انها اصغر منه .. لما تتدلع على ابوها يتدلع زيها ولما احط لها ربطات وبكل لاااااازم احط له والا يبكي ويرمي الاشياء ... مرة صاير ناعم وبنوتي بسببها ... تخيلوا تارك الالعاب حقته السيارات والدراجة وياخذ عرايس اخته والدباديب حقتها يحضنها ويمشي .. انا احيان اجلس اضحك عليه ... بس لما يشوفوه احد من اهلي او اهل ابوه ما تتخيلوا ايش يعلقوا والله مرة يقولوا كلام جارح ويخوف ....... مررررررررة اتمنى من كل قلبي والله ان النونو اللي في بطني ولد ... يارب اجعله ولد سليم معافى جميل الخلقة والخلق و يكون سند لاخوه واخته وعزوة لهم وربي يطرح فيه البركة

بنات الله يخليكم ادعولي ... وربي يرزق كل وحدة فيكم بالبيبي اللي تتمناه .. اللي تبغى ولد واللي تبغى بنت والله يجعلهم سليمين معافين جميلي الخلقة والخلق اللهم آمين

[Queen DadoOo]

اميرة كأنك تتكلمي عني طولي 162وفي حملي ببنتي وصلت 80 طبعا اول بيبي مانفهم نبلع وبس انا ابغى على الاقل تكون الزيادة 10 كيلو
بس انا الحمدلله الزيادة تتوزع على جسمي وبطني وصدري مايزيدو كثير حتى الحمل مايبان الا بعد الشهر السابع
اما زيادتك في بنتك 14 كيلو تعتبر طبيعية بالنسبة للحامل تنزل بعد الولادة
الله يرزقك الولد الصالح السليم المعافى تام الخلقة ويكون سند لاخوة واختة ياااارب
ويرزقني الولد الصالح اللي اتمناة ويكون سند لي ولبنتي ياارب

[أميرة الوجود]

كوين ... ربي يسعدك ويرزقك الولد السليم المتعافي الجميل الخلقة والخلق انتي وانا وكل وحدة تتمنى يااااااارب

[أميرة الوجود]

بنات تبغوا خلطة تطول الشعر وتنعمه تخلي الشعر اسووووووود لااااااامع ناااااااااعم زي شعر الفلبينيات ويوقف التساقط للأبد ؟؟؟؟؟

خلاص خذوا رقمي واشتروا الخلطة علبة كبيرة ب900 ريال







خخخخخخخخخخخخ امزح والله .... بصراحة انجلط لما اشوف زي كذا اعلان احس نفسي اطلع لصاحبة الاعلان من الشاشة واجر لها الشوشة اللي على راسها (متأكدة انها شوشة ) واقولها بلاش نصب ...اايش تحسبينا مغفلات ؟؟؟ خخخخخخخخخخ

لا والله من جد تبغوا خلطة رهيبة فتاكة شئ مو طبيعي ؟؟؟؟

أكيد


هاذي الخلطة شفتها في منتدى واستغربت منها شوية بس قلت خليني اجرب ووالله العظيم تخفف التساقط مررررررة وتطووووووول مررررررررة وتلمع الشعر وتنعمه يعني انا جربتها بنفسي

المكونات :
1-سمنة (شوكة وملعقة) تلقيها في السوبر ماركات لون علبتها بيج (مقدار كوب)
2-زيت عافية بالذرة (مقدار كوب )
3-فنجان نوى التمر (نوى التمر يكون محروق ومطحون طبعا ما تقدري تطحنيه يكسر المطحنة ولا راح تلقيه في اي مكان ) سوي زي روحي لمحل البن وشغلاته واطلبي قهوة نواة التمر ماركة الفنجان بس ... هي نواة تمر محمص ومطحون ومضمون مية فيالمية
4-فنجان محلب مطحون (انا استغنيت عنه لاني سمعت ان للي صابغة وشعرها ضعيف يزيد لها التساقط لانه حار ... ما ينفع الا صاحبات الشعر الغليظ والمتين عرفتوا )

انا حطيت المكونات الثلاث الاولى مع بعض على النار الين طلعت فقاعات صغيرة انها تفور خلاص شلتها من النار وخليتها تبرد ...
تستخدميها من مرة لمرتين كل اسبوع بس خليها تتطول على شعرك يعني مو اقل من 5 او 6 ساعات اين 12 ساعة تقدري تحطيها وقت ماتنامي الين الصباح وقومي تحممي وتعالى قوليلنا كيف شعرك ..كيف اللمعة والنعومة لانها من اول مرة تبين معاك ومع الاستمرار يطول الشعر ان شاء الله

اما باقي الخلطات كلها كلام فاضي لا تخسري فلوسك ولا تتعبي نفسك والله ما في زي ذي الخلطة

[Queen DadoOo]

تسلمي اميرة جاري التطبيق

[جامعية]

السلام عليكم


كيفكــم مكاويات؟؟؟؟؟؟؟؟؟

ماشالله فاتني كثيير

نلي

هلا فيك ونورتي وترى التجمع من دونك ماله وزن

وسلامة إياد ما يشوف شر وكويس انك ختنتيه ذحين مع انك تأخرتي شوي

أم عدي

كيفك يالغلا ؟؟ وشو عمل ولدك ذحين عسى صار أحسن؟؟؟
وبالنسبة للثلاثية لا والله لسه ماعملتها ان شالله فموعدي الجاي بعملها في التونسي بإذن الله وانا حاليا بدأت أراجع عند دكتورة تهاني والله انها ترييح ماشالله وخبرة

موني

يوووه انتي لسه ماولدتي هههههه أمزح ياقلبي لاتزعلي

بس والله اتوقعتك ولدتي من زمان خصوصا انو ماصرنا نشوفك

ونصيحة مثل ماقالوا البنات لا تستعجلي على نفسك انا اتذكر لما ولدت تندمت اني استعجلت واتوحشت كرشتي واهتمام زوجي وخوفه علي لاني ولدت فبداية التاسع

وفقني
خليك ع كلام الدكتور احسن ولا تستعجلي والله يقومك بالسلامة

أميرة

الحمدلله ع السلامة انتي كمان تغيبي شوية وترجعي
والله ياارب يرزقك انتي وكوين الولد الصالح السليم المعافى
وبالنسبة للوزن انا امنية حياتي اني اسمــــــن واصير دوووبة
لان وزني 45 وطولي 160 وفحملي ببنتي زدت بس 7 كيلو وزن الرحم والبيبي
وصرت عامود إنارة فحـــم ههههه من النحافة والسمار بسبب الجامعة والحمل
بس حااسة انو فحملي هذا غيير لاني دحين زدت حاليا 4 كيلو ويااارب زيادة

[أميرة الوجود]

جامعية
ياربي ي ي ي ي ي ايش ذا النحف .. ليش يا قلبي ما تاكلي...سبحان الله يمكن انتي عيلتك كلها عودكم نحيييييف ما شاء الله ...بس احس 45 واو مرة قليل ... ... ايش رأيك ارسلك الجماعة اللي عندي تراهم كفيلين بالوحدة يخلوها فيل بدون زلومة (عندنا كم وحدة من الاقارب من يوم يشوفوا بنت حملت في العيلة اشتغلوها ما تاكلي ما تاكلي نحفانة زوجك ما يدلعك زوجك مجوعك ومن هالكلام اللي يفتح النفس ولا اجدع فاتح شهية في الحياة )ومن دون ما الوحدة تحس وإذ بها تزداد في الوزن وتكبر في الشكل وتثقل في الحجم وتصير تضايق الناس في القعدة هههههه وبعدين لا خلاص ولدت وتأكدوا من وزنها الكبير انه ثابت انقلبوا على الجهة الثانية (يالطيف شفتي كيف متنت شفتي كيف كرشتها يوووووه مرة مو حلو عليها التخن يوووووووه الله يهديها شكلها كانت مرة تكثر اكل في الحمل وهي اصلا كسولة مسكينة خسارة جسمها اللي راح )

فأحسن لك يا قمر تبقي كذا غصن البان رشيقة ولا أحد قدك خخخخخخخخخ




وانتي صادقة اغيب اغيب واجيكم ما اخلي على قلبي حسافة كل شئ اعترف بيه واروح انام قريرة العين ههههههههههههاي
انا كل ما فضيت ادخل اكلمكم من لاب توب زوجي الين ينكسر خخخخ امزح الين يشتري لي الجديد ...


جاري الانتظار .......


شكلي انا كمان بروح التونسي ... وراح اسوي الاشعة الثلاثية بس راح اسويها ان شاء الله بعد اسبوعين او ثلاث علشان يكون واضح نوع الجنين



فين باقي الكروشات الجميلات ؟؟؟؟؟؟


وككمان توت بري من زمااااان عنها ... ان شاء الله تكون ولدت بخير هي وطفلها

[معنى الغرام]

السلام عليكم ورحمة الله ..
كيفكم يا احلى بنات والله اشتقتلكم حيييييييل..
انا ولدت الحمدلله يوم6/5/1432
وجبت ولد سميته وليد..

[أميرة الوجود]

معنى الغرام :ماشاء الله تبارك الرحمن الف ألف ألف مبروووووووووووووووووك على سلامتك انتي ووليد ... الله يطرح فيه البركة ويتربى في عزكم انتي وابوه

عقبال الكروشات اللي هنا كلهم وانا معاهم

[أميرة الوجود]

هاذي صورته اسم الله عليه ربي يحفظه ويخليه لك .. ماشاء الله تبارك الرحمن ,,,

اذا فضيتي يا قلبي ما عليك امر بس قوليينا فين ولدتي وكيف كانت الولادة ؟؟ عشان نستفيد

[أم عدي#]

جامعيه
أميرة الوجود

الله يسلمكم من كل شر ان شاء الله

معنى الغرام
ألف الحمدلله على السلامه يااارب يتربى بعزكم ان شاء الله ويجعله من الخلف الصالح يااارب
الفال لنا ان شاء الله .....

بنات الحين مالقيتوا غير سالفة الوزن والزيادهـ <<<متعقدهـ hwaml4

امس كنا حلوين بسوالف القصات والصبغات

[رماد الصمت]

بنات مااحد يعرف الدكتوره الاستشاريه الجديده بمستوصف الصاعدي افكر وحده ردت تقول ماارتحت لها ليش ؟ والدكتوره منال كيف

[أم عدي#]

ماعندي خلفيه اخت رماد لاكن اذكر في دكتورهـ ممتازهـ يمدحونها في الصادعدي اعتقد اسمها حنان...

[Queen DadoOo]

مرحبا صباح الخير
كيفكم اليوم ان شاء الله تكونو بخير
جامعية
تسلمي على الدعوة آآمين الله يسمع منك ويرزقك الذرية الصالحة
معنى الغرام
الف مبروك البيبي يتربى فعزك جعلة الله قرة عين لك ولوالدة
رماد الصمت
الاستشارية الجديدة مااعرفها اما منال مايمدحوها وحدة من جماعتنا كانت عند محمد خان بعدين راحت عن منال وتعبت تقولها وضعك طبيعي كل شيء سليم ولما زاد عليها التعب رجعت لمحمد خان وقلها ايش هذا انتي لازم مثبتات مهددة بالإجهاض الآدمية وهذي ولا تدري عنها
في الصاعدي كانت ايمان الشاذلي مرررة شاطرة بس سافرت بلا عودة

[Queen DadoOo]

جامعية
انا سمعت عن الدكتورة تهاني اللي في التونسي انو الولادة عندها كويسة الله يسعدك إسأليها تحط بنج ومهدئات والا بدون وقت الولادة
وكيف خياطتها ؟؟

[أميرة الوجود]

بنات كيفكم اليوم ...

[أميرة الوجود]

مين فيكم مفكرة تسوي توزيعات للمولود ؟؟؟ كنت قاعدة اتصفح في قسم هدايا المواليد ومررررررة عجبتني بعض التوزيعات ... انا ما قد سويتها من قبل ....

شكلي راح اشوف ايش نوع البيبي اذا ولد بآخذ لون ازرق وكحلي واذا بنت بآخذ لون موف فاتح ووردي

طبعا قد شفت كذا مرة توزيعات يبعوها بالدرزن اشكالها تجنن مرة فخمة وحلوة .. ان شاء الله راح اشتريها واشتري يمكن شوكولاتة من شوكولاين واحط في كل وحدة ...يعني هاذي فكرة مبدئية

ايش رأيكم

[caramela]

وحشتوني ياكروشات ..
أخباركم كيفكم .. وكيف البنبويات معاكم ؟؟
ام ضيو وفروس .. اخبارك واخبار ضيو وفروس ؟؟
وفقني كيفك وشو عامله مع البنوته التعمونه ؟؟
وحشتنا نلي خانم ومبروك ع التتطهير .. ربنا يحميه ويساعدك وبعدين خلاص ايش الدلع خلي النوم لنا اكيد راح نشعر فيه بعد مانولد خخخ
أم عدي .. اخبارك وكيف عدي والبوبو ؟؟
احلى موني ههههههه لا تستعجلي ياقلبي خدي موعدك بالكامل =")
قوين كيفك وكيف البوبو ؟؟
أميرة ..ربنا يرزقك الولد الصالح البار فيكي يارب ويسعدكم دنيا وآخرى ..وبعدين لا تشيلي هم الزياده إن شاء الله بد الولاده تنزل كلها انا تقريباً زدت لحد دحين 3 او 4 لاني اول ماتزوجت زدت هههه كل في مطعم ..بس إن شاء الله ناويه بعد الولاده رياضه
وشكرا ع الخلطه المشكله كسوله مااحب احط شيء في شعري
جامعية .. اخبارك ياقلبو وكيف البوبو معاكي .. وتعالي انا بأكلك ههههههههه والحمدلله انا حملت اخر ايام الاختبارات ههههههه وخلصت بعدها الجامعه
معنى الغرام .. آلف آلف آلف مبروك ياقلبي يتربى في عزكم ويخليلكم هو يارب يناثو أحب اسم وليد

وسامحوني يابنات مادخلت من يومين جاني آلم في بطني فضيع بس الحمدلله روحت للدكتوره انا ومامتي واطمنت وطلع من الاكل الحار << كنت اكره الحار ومااطيقو ومع الحمل تحلى الحوامض والحارات هههه ربنا يعيننا

[يكفيني وجودك]

مرحبــــا بنات ..
كيفكم ياكروشـــــات؟

معنى الغرام الف الف الف الف مبروكـ
والحمد لله على سلامتك وسلامة وليــد

ام عدي باين عليك متضايقه من زيادة الوزن
خلي البوبو يجي وبعدين كله يهون ..

قوين .. كيفك ياعسل وكيف البوبو؟
سمعت عن الدكتوره تهاني بالتونسي وافكر اولد بالتونسي يمدحونهـ

أميــــــرهـ .. كيفك ياقمر
تصدقين قاعده افكر اسوي توزيعات
من دخلت بقسم هدايا المواليد اغرتني التوزيعات الي فيها
وفكرتك مره حلوه >>ناويه تسرقها هههههههههه

رمــــاد الصمت ..والله مااعرف احد

كرميلآ.. الحمد لله على سلامتك ياقلبي
انا نفس الشئ امس حرقان المعده عذبني
اللله يعينا ويسهل علينا..

[جامعية]

سلاام يا حلواات

معنى الغرااام

ألف ألف مبروووووووكـ

سبحان الله كنت أسأل البنات عنك؟؟؟

يتربى بعزك يااارب

وكيف الولادة في الطايف عساها مريحة؟؟

كوين
ان شالله بسألك الدكتورة عن المهدئات واظن التونسي عندهم ابرة الظهر
بس خياطتها والله ما ادري عنها لازم احد يكون مجربها واذكر قريت فمنتدى ثاني وحدة تمدح تهاني وانها صبرت عليها وماقصرت معاها

كراميلا
سلامات ما تشوفي شر ان شالله

[جامعية]

رماد الصمت اهلا بيكي معانا وصراحة ماعندي فكرة عن الصاعدي ماعمري رحت له

[Queen DadoOo]

مساء الخير
كرميلا
سلامات ياقلبي ماتشوفي شر الله يعين بعدي عن الاكل الحار <<<انا رحت ضحية للاكل الحار بعد بنتي جاني قولون
اميرة
انا ان شاء الله التوزيعات بشتريها من شكولاين شفت اشياء حلوة وناعمة وابغى لون بيج او ذهبي
يكفيني
انا اي دكتورة ماتفرق بس اهم شيء المهدئات وقت الطلق والولادة
جامعية
تسلمي ماتقصري الله يعطيك العافية وابرة الظهر احس لاا اخاف منها
يابنات لو بأولد فجدة تتوقعو عادي اقدر اوصل المستشفى قبل الولادة

[يكفيني وجودك]

صباح الخيرياصبايا

وينكم خلونا نجتمع وندردش ..

نفسي كلنا نجتمع بوقت واحد ونسولف وننسى التعب

[أم عدي#]

السلام عليكم صباح الخير كيفكم يامكاويات :)

جامعيه اذا بتولدي في التونسي استخيري اول وانتبهي من الدكتورهـ عصمت وربي فاااشله بكل المقايس
في ولادتي الاولى كان يولدني الدكتور صلاح وكانت في وحده ثانيه تعباانه بتولد وكانت متابعه مع الدكتوره عصمت الحرمه تصيح بتولد وهذي تقول دخلوها غرفة العمليات لازم عمليه
وربي ولدت الحرمه قدامي في الصاله اللي عند كشك الولادهـ قبل ماتدخل غرفة العمليات
والدكتور صلاح جالس يهاوشها وويقولها تذكري الامانه الطبيه

كراميلا انا بخير الحمدلله بس طفشت وتعبت خلاص ابي اولد :(

يكفيني وجودكـ هلاياقلبي والله من ناحية متضايقه من الوزن بجد متضااايقه
زاد وزني 14كيلو من بداية حملي
مقهورهـ كان يضرب بي المثل بالرشاقه كنت عضوهـ في نادي وجسمي متناسق لاكن من حملت
اندمررر رغم اني حريصه اني مااخبص في الأكل وجاني فقر دم وصل 6ونص ونقص في نسبة السكر ومع كثر الفتيمات اللي استخدمها خرب جسمي :(

[أم عدي#]

كوين ليش خايفه من ابرة الضهر انا جربتها والله قمة الراحه

كأنكـ تتفرجي فلم hwaml03

انا استخدمتها بولدي قبل 5سنوات والحين مادري استخدمها ولالا لانه كثيرمانصحوني بتكرارها الدكتورهـ قالت لي عادي ومدري بشوف لوقت الولادهـ لواتوجعت كثير بستخدمها
وان شاء الله يارب مااحتاجها...

[جامعية]

هلا ام عدي

شكرا حبيبتي ع النصيحة وفعلا عصمت سمعتها سيئة جداً
انا ناوية ان شالله اولد في المدينة عند اهلي ويمكن بسبب الدراسة اولد هنا فمكة والله يكتب اللي فيه الخيــر وصراحة فرحت لما قريت انك استخدمتي إبرة الظهر لاني ناوية عليها بإذن الله وسبحان الله هي رحمة من رب العالمين وفي مقطع في اليوتيوب لدكتور فجدة يشرحلك هي ويقطع الشك باليقين

انا فولادتي ببنتي طلبتها بس ما كان في وقت وصلت متأخر والرحم مفتوح 8سم وزعلت
وان شالله ربي ييسرلي هي فولادتي هذي المشكلة مو فالولادة نفسها انا صراحة الألم الأصعب بالنسبة لي الخيـــاطة ألمها فظييع

[جامعية]

أم عدي نسيت أسألك فين اخذتيها أول في التونسي وعند اي دكتور؟؟

[أم عدي#]

استدخميها والله راحه بس اهم شي يكون دكتور شاطر

انا استخدمتها في التونسي ولدني الدكتور صلاح واللي ركبها لي طبيب التخدير

انتي استخيري قبل أي شي وربي يسهل ان شاء الله...

[نلي خانم]

السلام عليكم
كيفكم يارب تكونوا جميعا بخير والله مره مشغوله بس دخلت أشوف أخباركم الله يسل لكل الحوامل يارب ويعين اللي ولدوا على التربيه

أم عدي
ختنت يودي عند دكتور بالصيرفي بس ماأعرف أسمه أصلا مارحت مع زوجي يوم الختان مره خفت بس الدكتور شاطر وركب جلده قال تطيح بعد خمس أيام من الختان وكتب لنا على مطهر بخاخ ومرهم ميبو أحط منها كل ماأغير الحفاظه والحمدلله الوضع تمام ... وماأنصحكم تروحو للمسعوي ترى ختن واحد عندنا وصار عنده نزيف وتنوم ثلاث أيام بالعنايه المركزه كان بيموت الولد .. خلاص المسعودي صار كبير وماعاد يشوف ماأنصحكم فيه

أميره
كيفك وكيف البيبي ... ظهري مازال يألمني الله يكون بالعون وكل ماأشتغلت بالبيت نزل مني دم أحمر فاتح الله يكرمكم وقالوا لي نزول الدم بسبب الفتحه اللي بالظهر ... ناويه أخذ حلبه وماش بس مو ألحين قدام شوي عشان شبكة أخوي قريبه وماأبغى ريحة الحلبه تبان وبستخدم الرشاد والتمر وبأخذ بيض بلدي والله يعين والله مر تعبني ظهري

جامعيه
أنا تأخرت بالختان لأن أيودي جسمه ضعيف والدكتور نصحنا مانختنه ألا بعد الأربعين والحمدلله سمح لنا الدكتور ألحين وختناه

معنى الغرام
مبروك والله يحفظ لك وليد والحمدلله على سلامتكم

كراميلا
الله يبارك فيك ويسلمك وتهني بالنوم ألحين والله لتبكين على نومك أذا ولدتي أنا أتذكر نومي قبل ماأولد كنت أنام 12 ساعه باليوم وألحين ثلاث ساعات مقطعه والله لما أتذكر نومي أجلس أبكي... يقولو بعد سته شهور يتعدل نومه يعني يادوب بعد العيد الله يكون بالعون

أنشوده وموني وثلجه وكوكب مره وحشتوني حبايبي

[وفقني يارب]

صباح الخير يابنات انا ضرسي طاج منه اشوي بالشهور الاولى والحين بيطيح النص الثاني
تخيلو انا حريصه على الكالسيوم وامس كل ماكلت شي رجعته وانا نايمه ميته جووووع وربي قلت بسلامتها تاخذ من جسمي مقدر اقوم مرره تعبانه واحس بها تضرب بالمثانه احس اني خلاص بسويها على نفسي
ورحت الحمام وبعدين الت لوزين تصبيره بالجبن وكوب حليب من قبل ماخلص التصبيره رجعت كل الي اكلته وحسيت بشد عضلي مدري بمعدتي ولا بكيس الرحم الي فيه الجنين حسيت بالم ولا فدرت اكمل ترجيع ولا حتى اوقف عن الترجيع احساس فظيع وربي
لما طلعت من الحمام راسي مرررررررررره يوجعني ونمت وانا نايمه احس بالم خفيف في ضرسي صحيت وتمضمت بمويه وملح ولقيت الضرس خلااص بيطيح
افكر اروح بعد اشوي عيادات البدر للاسنان
الله يعين بس


الف الف الف الف الف مبروك اميره الغرام يتربى بعزكم يارب
ام عدي والله اني احب الدكتور صلاح واحترمه ومدري ليش اوسوس ان بالولاده بيسوي حركه نذاله معي كلامك عنه لما هاوش الدكتوره عصمت احسه طمني الحمدالله
وانا افكر اسوي مثلك واخذ ابره ظهر
بس متى اولد آآآهـ

[أحلى موني]

صباح الخير اخباركم عساكم بخير وعافيه انا بخير ولله الحمد

وابشركم











ماولدت لسى؟!!

الله يكون في العون يارب

وبالنسبه لابره الظهر والله تخوف سمعت باضرارها اكثر من منافعها انتبهو وفكرو كويس قبل لاتاخذوها

[Queen DadoOo]

صباح الخير كيفكم ياكروشات ؟؟
وفقني سلامتك ماتشوفي شر
احلى موني ههههههه تفائلتي يلا ان شاء الله اليوم تولدي
الله يقومك بالسلامة

[caramela]

أخباركم كروشات ؟؟؟
يكفيني ،، جامعية ،، قوين ،، أم عدي ،، نلي ،، وفقني ،، أحلى موني ،، وكل الكروشات الجدد والمغبرين ههههه
والله يسعدكم يارب والله يسلمكم من كل شر
وفعلا ياقوين القولون وآلمو يخوفو علشان كدا حبعدا عن الحوامض والحار .. وعلى الولادة بجده انا كنت زيك افكر فيها بس ماما قالتلي انتي بكريه خليكي عندي وبلاش تعب تنزلي وتطلعي علشان حستخير ربنا وإن شاء الله افكر في بخش ..
أم عدي .. يارب تولدي هههههه ونشوف اخو عدي قريب يارب ولا تقولي ع الوزن والله خفت بزات انو الدكتوره اعتني غداء ملكة النحل وانا قريت عنو انو يفتح الشهية مره ونفسي مااخدو بس مره مفيد للبوبو << حجلس افكر
نلي ياقلبو الله يسعدلك ايودي واتشوفيه عريس راح تنسي النوم وقتها مو بس تنامي 3 ساعات
وفقني ياقلبو سلامتك ماتشوفي شر وروحي احسن لدكتور الاسنان إلا اآم الاسنان ماترحم مره توجع ..
أحلى موني ماشاء الله صامده هههههه الله يسهلك الولادة يارب وتكون قريب يارب ..
رماد الصمت .. ايوا انا إلي رحت عند الاستشارية الجديده إلي في الصاعدي اسمها د.إيمان الوزير والكشف عندها 100 وكنت في 3 الشهور الأولى وصراحه هيا اخلاق بس ماكنت احس انها تكشف عليا يعنى ادخل واطلع زي ماانا .. وافتكر قلتلها بسافر وانا بالتالت قالتلي تحسي آلم بالظهر قلت لا قالت سافري << زعلت ابها تكشف تتطمن ههههههه بس وبعدها مارحت لعندها

[أم عبووودي]

السلام عليكم ورحمه الله وبركااااته

اخباركم حبايبي ربي ييسرلكم ويتمملكم على خير
معنى الغرام .. الف الف مليون مبروووووووووك الله يخليلك وليد وتفرحي فيه يارب .....



دعواتكم بنات لزوج اختي ربي يرحمه ويوسع قبره ويغفرله ويدخله فسيح جناته
توفي يوم الاثنين 28-5 .. وعنده 5 اطفال اكبر واحد 6 ابتدائي
واختي الله يصبرها ويعينها صارت ارملة وعمرها 31 سنه.. يارب رحمتك ومغفرتك ..

[زهــــور]

http://forum.hwaml.com/t56093.html#post1026621

[كوكب زحل]

كيفكم يابنات مرررررة وحشوتني انا جانى نوم مرررررة فضيع بس ابي انام
الى الحين ماحللت ولاجاتني الدورة ماحسي ولا بي شئ

مادري انا حامل ولا امي تقولي لا تحليل انا ودي احلل اخاف احلل ربي مايكتب لى الحمل اتعب نفسيتي او اطلع حامل كمان نفسيتي راح تتعب بس دواعتكم ربكم كريم

مشكورة على سؤاك يانلي يابنات سافرت ثلجة ولا لسة

[Queen DadoOo]

صبااح الخير يابنات
كيفكم جميعآآ ان شاء الله تكونو بخير وكيف البيبيات ياحوامل ؟؟
ام عبووودي عظم الله اجركم في زوج اختك والهمكم الصبر الله يرحمه ويغفرله ويجعل قبرة روضة من رياض الجنة ويجعل ذريته ذرية صالحة يدعون له بالخير الي يوم القيامة واختك الله يصبرها وينزل السكينة على قلبها
كوكب
الله يرزقك الحمل الثابت التام ويرزقك الذرية الصالحة عاجلا غير آجل
إذا ماحتسوي تحليل ارتاحي لاتتعبي نفسك واذا الدورة متأخرة عنك كثير افضل تتوكلي على الله وتسوي تحليل عشان لو ربنا كتب وطلعتي حامل تبدأي تاخذي ادوية
الله يكتب لك اللي فيه الخير آآآآآآآمين

[أميرة الوجود]

السلام عليكم يا كروشات كيفكم ان شاء الله الكل بخير

ام عبودي

عظم الله اجركم واجر اختك في وفاة زوجها والله ينزل عليها سكينته ورحمته ......
أسأل الله له الرحمة والمغفرة وأن ينزله فسيح جناته .. وأن يلهم أهله الصبر والسلوان ....

لا حول ولا قوة الا بالله العلي العظيم

[caramela]

كيفكم كروشات ؟؟
أم عبودي .. عظم الله اجركم والله يرحم زوج اختك ويرزقها رب الصبر والسلوان ويجعل ذريته ذريه صالحة يارب ويكبرو ويشيلو امهم يارب ياكريم .. الحمدلله على كل حال
كوكب زحل .. ياقلبي شيلي هم النفسيه من راسك لاتفكري انك راح تتعبي نفسياً لانك قويه وادعي ربنا يصبرك في جميع الاحوال وبعدين بجد افضل لو تاخرت الدوره كثير تحللي علشان تهتمي بنفسك وبالبوبو وكمان زيماقلو البنات هنا ونلي انو عملية الربط مهمه إزا كان الرحم ضعيف وتوكلي على الله خيتو .. ربنا يرزقك الذرية الصالحه وتفرحي بشوفتهم يارب ياكريم

[جامعية]

السلام عليكم

كيفكم يالغاليات؟؟؟؟؟؟؟

كوين ام عدي اميرة ونلي واحلى موني وكراميلا وباقي البناات كل وحدة باسمها؟؟؟


ام عبوودي

الله يرحم زوج اختك ويغفر له ويسكنه فسيح جناته ويصبر اختك ويربط على قلبها ويصلحلها عيالها اللهم آميـــــــــــــــــــن

كوكب

حبيبتي لازم تحللي لان اعراض تأخر الدورة مثل اعراض الحمل وغير كذا لو كنتي حامل بإذن الله تعالى لازم تعملي تحاليل ثانية واذا تحتاجي مثبتات تاخذي
الله يفرح قلبك ويجبر خااطرك ويكتبلك الحمل عاجلا ياارب

[كوكب زحل]

ان شالله بروح احلل يوم السبت او الاحد ربك كريم

[أحلى موني]

الله يسلمكم انا بخير وانتو اخباركم ؟؟؟

ام عدي عظم الله اجركم والله يصبر اختك ويجعلها اخر الاحزان يعوظها خير يارب

يابنات بطني احسها مرررره مورمه وفيها زي النقط دم مخثر مخوفتني بصراحه وقاااااسيه كمان كل يوم بدهنها بزيت سمسم بس مافي فايده وبس تحكني مسكين ولدي بهدلته من الحكه ايش اسوي في احد عنده خلفيه؟؟؟؟؟

[Queen DadoOo]

السلام عليكم
مساء الخير كيفكم يابنات وكيف البيبيات ان شاء الله تكونو بخير ؟؟
احلى موني
سلامات ماتشوفي شر ماعندي خلفية الافضل تروحي المستشفى تتطمني

[جامعية]

موني

الحكة اللي معاكي بسبب زيادة انزيمات الكبد وهذا طبيعي فبداية ونهاية الحمل

بس المشكلة ان الأماكن اللي تحكيها تتشوه وصعب يروح الأثر بعد الولادة مثل ماصار مع اختي

إسألي الصيدلي عن كريم يخفف الحكة للحامــل والله يشفيك ياارب

[بعثرة مشاعر]

سلام بنوتات مكه

ياليت كل وحده تقوول وين تراجع ومين دكتورتهااا

انا اراجع في باشراحيل عند دكتوره هبه احد يعرفهاا ؟؟

انا كنت ابغى فطيمه بس قالولي راحت من شهر مرا انقهرت

تكفوون اذا موكويسه بدور لي على وحده تانيه ؟؟

ردوو انتظر ؟..

[أم عدي#]

السلام عليكم جميعاً كيفكم وحشتووني

انشغلت هاليومين مادخلت نت الخميس والجمعه اخواتي يتجمعون عند امي

وسهر وجنان مارجع البيت الا وقت النوم ^_^

أم عبووودي

الله يرحم ميتكم ويعوض اختك ويصبرها ويعينها على تربية اولادها يااارب

ان شاء الله آخر الأحزان يااارب..........

كوكب ان شاء الله يااارب تكوني حامل ويفرح قلبك ياااااارب

كوين.. جامعيه.. اميرة..وفقني يارب.. ونلي.. واحلى موني.. وكراميلا

أخباركم واخبار الببيهات

انا عن نفسي قاعده اخربط في هالخلطات واشرب لعل وعسى تجي ساعه الفرج واولد *_*

بعثرة مشاعر
ياهلا فيك انا من ناحيتي اتابع في مستشفى بخش مع الدكتورهـ حنان غنيم
اذا على الدكتورهـ فطيمه تراها انكسرت رجلها والحين في اجازهـ
والدكتورهـ هبه ماعرفها ولاسمعت عنها اللي اعرفهم ويمدحونهم فطيمه وبسمه ...

[معنى الغرام]

الله يبارك فيكم يارب وعقبال كل الحوامل..

[معنى الغرام]

[quote=جامعية;1022385]سلاام يا حلواات

معنى الغرااام

ألف ألف مبروووووووكـ

سبحان الله كنت أسأل البنات عنك؟؟؟

يتربى بعزك يااارب

وكيف الولادة في الطايف عساها مريحة؟؟

الله يبارك فيكي ياعسل وعقبالك يارب ..والله لك وحشه وشكرا لسؤالك ياعسل..
الحمدلله الولاده كانت تمام وربنا سهلها..

[معنى الغرام]

هاذي صورته اسم الله عليه ربي يحفظه ويخليه لك .. ماشاء الله تبارك الرحمن ,,,

اذا فضيتي يا قلبي ما عليك امر بس قوليينا فين ولدتي وكيف كانت الولادة ؟؟ عشان نستفيد
الله يبارك فيكي ياعسل وعقبالك يارب..
انا ولدت في الطائف عند امي في مستشفى الامين والحمدلله الولاده كانت تمام وربنا سهلها..

[جامعية]

أم عدي

هلا بك ويلكوم باك وسألت عنك العااافية ياقلبي

والبيبي الحمدلله بخيـــــــــر

بعثرة المشاعر

انصحك في بخش لانه افضل شي في مكة
والدكتورة حنان كويسة

معنى الغرام

هلا فيك نوور التجمع
لاتنسي تطمنينا يوميا عليك وع الغالي الله يحفظه


بنات وينكــــــــــم؟؟؟؟؟

مرررررة طفشاانة

[أم عدي#]

أهلين جامعيه

زين في أحد سهران يسولف معي :)

[سراب الحب]

سلاااااااام كروشات
اخباركم ان شاء الله بخيير والف مبروك للي ولدو بالسلااامه وعقبالنا يارب
من زمان مادخلت كان عندي اشغال ببيتي وماقدرت ادخل بس كنت اتابع اخباركم من فتره لفتره

اللي عندها معلومه تفيدني بحالتي انا بنهاية الثامن جاني طلق والدكتوره وقفت الطلق قالت عشان الجنين الافضل انه ياخذ اسبوع من التاسع وانا الحين بثاني اسبوع من التاسع وقبل يومين جاني الم الطلق واستمر لمدة 4 ساعات وكان منتظم وكان بعد الجماع وكنت اتوقع ولاده بس بعدين وقف الالم كان ببطني وظهري ورجلي وكان مره منتظم ,,, تتوقعون ان الرحم انفتح شوي انا شاكه واخاف اروح للدكتوره وتسوي كشف من تحت اش رايكم بلييييييييز اللي تعرف ترد..

[Queen DadoOo]

مررحبا صباح الخير ياصبايا
كيفكم جميعآآ وكيف البيبيات ان شاء الله تكونو بخير ؟
بعثرة مشاعر
الدكتورة هبة مااعرفها انا كنت عند فطيمة بس سمعت انها باجازة مرضية
ام عدي
ليش تشربي الخرابيط لسا ربنا ماكتب انو يجي انا ولادتي الاولى لماخلصت التاسع قالتلي فطيمة اشربي خروع بس
وكلي تمر وعسل مرررررة كويسة والله يفرجها عليك ويسهلك ياارب
سراب الحب الله يسهلك الولادة ياارب وتقومي بالسلامة بس اذا الام وقف مااعتقد انها ولادة لانو بعد الجماع لازم يجيكي الم انا في الخامس احس بالم كم ساعة ويروح
يابنات انا رحت للدكتورة سوتلي تحاليل وقالتلي ما تغير شيء في نسبة التحاليل الدم نازل انيميا عندي والبول اكرمكم الله مرة فيه التهاب مية بالمية وقالتلي ممكن يسسبب لك ولادة مبكرة خوفتني كل ماحسيت الم فبطني وظهري اقول طلق ايش اسوي اغيرها

[أميرة الوجود]

بنات كيفكم .... أنا ميتة طفشششششششششششش

وحشتوني من زمان عنكم

سراب الحب اذا رجع لك الألم روحي للدكتورة .. وأمشي كثييييير وربي يسهل عليك ولادتك


كوين سلامتك ... بغيت اسألك انتي بعد ما سويتي التحاليل ما كنتي تاخذي حبوب الحديد؟ وما كنتي تشربي موية كثير وتاذي علاجات عشان الالتهاب ؟؟ غريبة ما تحسنتي ليش ؟؟

عموما انا كمان قالت لي عندك انيميا وقالولي ناس مرة حلو الزبيب الأسود يرفع الدم وكمان البنجر والطماطم

قدامك العافية حبيبتي

[Queen DadoOo]

مررحباا اميرة
انا سويت التحاليل نص الشهر الثالث واخذت حديد فيروز بس ماكنت اداوم عليه احسه تعبني جابلي الله يكرمك امساك وللالتهاب اخذت مضاد وفوار
ولما رجعت لها بداية الشهر الخامس سوتلي تحاليل ماتغير شيء نفس النسبة في الدم والبول
طلبت منها تغيرلي الحديد وغيرته وزودتلي الجرعه مرتين في اليوم ونشوف الله كريم
انا بحملي الاول كان الدم 5 واخذت الابر وشرب الزبيب الاسود كانت ماما تسويلي عصير زبيب مع توت مرررة ممتاز والبنجر كويس بس ماتقبلتة والحمد لله تعدل من الابر والعصير
ودحين بشوف اذا ماتغير بطلب منها توصفلي الابر

[Queen DadoOo]

بنات قريت انو فيه تخفيضات في سنتربوينت صح الكلام

[أميرة الوجود]

كوين يا قلبي عليك كان دمك 5 ؟؟؟؟ مرة قليل

الله يحفظك ويحفظ النونو اللي في بطنك ...

انا ما ادري عن الاسواق من زمان ما خرجت .... اذا فيه تخفيضات تفكري تروحي تتقضي للنونو والا تحسي بدري .؟؟؟


انا احس من الشهر السابع الى الثامن حلو الوحدة تتقضى علشان تكون عارفة ايش نوع البيبي

[يكفيني وجودك]

سلام يابنات .
كيفكم وكيف البوبو ..
قوين سلامتك ياقلبي ماتشوفين شر
طيب ياقلبي ليه ماتأخذي الابر والزبيب نفس حملك الاول ترى الزبيب مره ممتاز

بنات بسالكم واتمنى تجاوبوني
احس بآلم بظهري واسفل بطني وتنزل من افرازات خضراء
وانا مره خايفه على البيبي مــــــــره
بنات فيه احد زيي والي مخوفني اكثر اني ماتوحمت
بس صداع والم بالمعده وبحملي قبل اشوف الموت بالوحام
تكفون طمنوني..

[Queen DadoOo]

اميرة ويكفيني الله يسلمكم من كل شر تسلموو
اميرة
انا ان شاء الله بتأكد من نوع البيبي وأبدأ كذا من نص الشهر السادس اجهز شوي شوي الين اخلص عشان انا زوجي الله يهدية يومة بسنة وانا صايرة اتعب اذا وقفت او مشيت كثير يجيني الم فظهري وبطني
يكفيني
سلامتك ماتشوفي شر انا زيك ماتوحمت بس كان يجيني صداع والم بظهري وبطني وصدااع
انتي عرفتي نوع البيبي انا قريت ان اللي ماتتوحم يكون البيبي ولد ان شاء الله والله يرزقك الذرية الصالحة
اما الافرازات لاتهمليها روحي للدكتورة تسويلك تحاليل ممكن التهابات
والله انا مرة خوفتني الدكتورة لما قالتلي الالتهابات تسبب ولادة مبكرة صرت بس افكر حتى النوم ماني قادرة انام افكر اقول تخيلي لو ولدتي ولادة مبكرة البيبي ممكن يموت مايعيش افكاااار كلها سيئة الله يبعدها عني ياارب

[يكفيني وجودك]

الله يسلمك ياقلبي
ايوه نفسي صداع وبطني وظهري
لا والله ماشفت نوع البيبي
آمين ويرزقني ويرزقك الي تتمنيه يارب
ايه انا قريت انها تسبب ولاده مبكره بس ان شاء الله يتمم لك على خير وتجيبيه بسلامه يارب
انا مااقدر اروح لدكتوره لاني موبمكه
مسافره مع زوجي بمكان يجيب الهم مافيه دكتوره صاحيه
اول حملي رحت لهم و حطو فيني مليون عله وقالولي عندك جرثومة حمل
ولما رحت مكه حللت قالو ماعندك ولا جرثومه ...ادعولي بنات الله يجيبه بسلامه
ويصبرني الين اروح مكه بعد اسبوعين

[أحلى موني]

السلام عليكم كيفكم ياحوامل وبناااات مكه وحشتوني
المهم رحت كشفت اليوم وقالووليي ان حجم الطفل كبير ماشاء الله عليه وانه ولادتي قيصريه والله خوفوني مرره المههم
ايش افضل مستشفى في القيصري النور والا حراء من عندها خلفيه؟؟ ومجربه وحده فيهم؟؟
واللي ولدت قيصري ايش الاكل والششرب يعني لاتبخل عليا بخبرتها لان الاول مره وحده في عائلتنا تولد قيصري وهيا انا؟!! وماعندنا اي خبره

وشكرا يا اخواتي

[أم عدي#]

السلام عليكم كيفكم كروشات؟؟

كوين
سلامتك ماتشوفين شر بالنسبه للدم انا كنت 6 واستخدمت الابر شهر كامل وصار 7

لكن من صرت اكل اشرب البنجر مع التوت والحليب مع التمر الحمدلله ارتفع ماشاء الله في اقل من شهر لـ 11
واذا على تخفيضات سنتر بوينت قديمه انا رحت قبل 3اسابيع او اكثر وعندهـ تخفيضات يعني احتمال تكون خلصت

يكفيني وجودكـ
لازم تشوفين دكتورهـ وتمشين على علاج وماتشوفين شر ان شاء الله موشرط تتوحمين ولاكل حمل مثل اللي قبله
اذا رجعتي مكه بالسلامه ان شاء الله روحي للدكتورهـ سعاد بمستوصف ريم شاااااطرهـ في علاجات الالتهابات وذي الاشياء انا والله مجربتها

أحلى موني

ان شاء الله تولدي بالسلامه يارب وتفرحي بطفلكـ
اللي اعرفه ان العمليات احسن شي اللي يسويها دكتور مودكتورهـ
توكلي على الله واستخيري وربي يسهلكـ ان شاء الله
واذا على الأكل اختي يوم ولدت قيصري عن الدكتور صلاح في التونسي قالها اي شي فيه لبن او ثوم او زنجبيل او اي شي حاذق وحار لاتاكليه وخليكـ على العصائر الطازجه والسلطات
ان شاء الله اكون افدتك .....

[توت برى]

السلام عليكم ورحمة الله وبركاته
كيف الحال ياحلوين
شكراً لكل الى سال عنى الى ماسأل عنى
ابششششششششششششششششششششششششششششركم
انا ولدت ولله الحمد والمنه بس ما أعطيتكم خبر عشان كنت تعبانه الحمد لله الى خلالى بنتى وما ضيع على تعبها تعبت في الولاده وتعبت بالزكام والحمد لله دحين صحتى احسن

[توت برى]

نسيت اقلكم انا ولدة يوم الاربعاء 23-5 الساعه 7 صباحاً

[أحلى موني]

ام عدي

جزاك الله خير ومشكوره يالغلا عالمعلومات ماقصرتي بس انا دحين ابغى اعرف من احسن وافضل في القيصري النور والا حراءhwaml5

توت بري الف الف مبروك وحمدلله عل سلامتكم بس ماقلتيلنا ايش جبتي ماشاء الله؟؟؟

[noha yousry]

ياريت اللى ولدت قيصرى عند د/صلاح فى التونسى تقولى خبرتها
واية اخبار الجرح والخياطة والبنج كان كلى ولا نصفى واى واحد احسن؟
ياريت اللى تعرف ترد غليا ضرووووووووووووووورى جدااااااااااااااااااااا
ويارب اللى ترد الله يعطيها كل ما تريد
hwaml5

[جامعية]

سلااام


بنات اشبو المنتدى يعلق كثييير مايفتح معي

توت بري

ألف ألف مبروووووووووك
أخيرااا سمعنا عنك خبــــــــــر
الحمدلله ع السلامة وتتربى بعزك البنوووتة

يكفيني

حبيبتي هذي معلومة اكيدة قالتها لي دكتورتي انو الافرازات الخضر للحامل التهاب
والافرازات الوردي والبني دم
وانا معاية التهاب وبعالجوا ذحين ان شالله بتحميلة اعطتني هي وغسول مهبلي وكتبتلي على مثبت لان الالتهاب يسبب ولادة مبكرة وألم بالظهر والبطن

الله يستــــــــــــــــر علينا يااارب

أحلى موني

سلامات ماتشوفي شر
واحسن ماتستعجلي وتتأكدي من دكتور ثاني يقولك رأيه عن وضعك
وانصحك بالدكتور محمد خان الكل يمدح فيـــــــه بالتشخيص
واذا تأكدتي من حجم البيبي توكلي على الله واعملي قيصري ولا تتأخري

الله يسهل عليك يااارب

اختي نهى يسري

ان شالله البنات يفيدونك والله ماعندي تجربة او علم بالقيصري فالتونسي