دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[أحلى موني]

حبيبتي ريوف النور والله اعرف وحده مررررره شاطره بالصبغات والقص خطيييييره انا دايم عندها اصبغ واقص وفتله وشمع وساونا وتشقير وكله وتجيك الين البيت لو تبي بس تعطينها حق المشوار والله ماتندمي جربيها انا دايم اكلمها تجيني بيت اهلي من يوم تزوجت في المناسابات وكله تغيير كامل حتى اهل زوجي دايم يمدحوا صبغاتي وقصاتي وتساريحي الحمدلله اذا تبي رقمها ارسله لك وبالنسبه لحبوب منع الحمل افضل تروحي للدكتوره توصفلك انا عن نفسي اركب لولب عمري ماستخدمت حبوب

نلي هانم ولو ماسويت شي مشكوره انتي على تغيير الجو وفكرتك مره عجبتني الله يسعدك ويوفقك

ملكه الاحساس خلاص هانت باذن الله بتولدين اليوم والله يسهلك ويقومك بالسلامه بس طمنينا عليك

[ام رانسي]

hwaml7هلا وغلا فيك يا ريوف النور hwaml7
بنسب مشغل مكه كلها زفة
وبنسبة لتكيس المبيض انا كان عندي وقعد الربع سنوات من دون اطفال بس كنت الرجع عند الصاعدي ومشفة نتيجة ورحت لدكتور محمد خان بعد الله ثم هدكتور حملة بس اذا ماتبين عيال روحي لدكتور وهو راح يديك الي ينسب حلتك وذا تبي عيال الله يرزقك بذريه الصالحة يارب امين

[ام رانسي]

أحلى موني حبيبتي ريوف النور والله اعرف وحده مررررره شاطره بالصبغات والقص خطيييييره انا دايم عندها اصبغ واقص وفتله وشمع وساونا وتشقير وكله وتجيك الين البيت لو تبي بس تعطينها حق المشوار والله ماتندمي جربيها انا دايم اكلمها تجيني بيت اهلي من يوم تزوجت في المناسابات وكله تغيير كامل حتى اهل زوجي دايم يمدحوا صبغاتي وقصاتي وتساريحي الحمدلله اذا تبي رقمها ارسله






hwaml7 كيفك ان اشاء الله تكوني بخير ممكن ترسللي رقمها على الخاص hwaml7

[انشودةمطر]

ثلجه فوشيه ونيلي وكل اللي سالو عني الحمدلله اني تمام انا عندي ولد عمره اربعه سنوات الله يخليه ليه وسقطت مرتين و مفرشي الاول سويته في المفتي وهذا بسويه عند وحده تفصل فعلا زي ماقلتي نيلي ما في افكار جديده والاريكه مره مش مريحه ولون المفرش راح اسويه سكري يناسب كل شي لان الاول سويته ذهبي
ام رانسي الحمدلله والله يثبت حملك على خير
نور كيفك وش اخبار الحمل واذا على الكسل واو امس رحت جده ورجعت والله لو مو مستحيه من زوجي نمت بملابسي ما غيرت تعب تقول مسافره يومين
اذا قلت للوالده قالت الله يعين زمان جبت اخوانك مابينهم فرق وكنت اشتغل واهتم بالبيت تواسيني قال خخخخخخخ

[Compassionate Heart]

سلام عليكم
كيفكم يا احلى عسلات و كيف نوناتكم
مررررررررررررررا وحشتوني يا احلى ورود حامله احلى بذور بدنيه

طمنوني عنكم والله مرا اشتقت للكلام معاكم احلى موني ربي يسعدك حبيبي احرجتيني بذوقك والله ربي يسعد ايامك يارب

نلي خانم لعبه حلوه يا حلو^_^

انا مالي غير شهر يمكن معاكم بس الله وحده يعلم اني احبكم كلكم واخاف عليكم زي ما اخاف على نفسي و ازعل على زعلكم و افرح لفرحتكم بجد اكثر من اخوات ليا لاني ما عندي غير اخت وحده كبيره اختي من امي ما اشوفها كثير عشان كذا انتو اخواتي اتكلم معاكم اكثر منها هيا كل فين و فين اشوفها ماشاءالله هيا جدا وموظفه يعني مو فاضيه مرا ربي يكون في عونها من زمان هذا الشي يعني ^_^ تعودت على كذا

المهم الا ولدت حمدالله على سلامتها و الف مبروك بقدوم النونو قرت عينك

يالله كل وحده تشوف كلامي تطمني عنها امانه ربي يطمن قلوبكم يارب و يسعد ايامك يارب و يجعل الفرح على ابوابكم ولا يجعل الحزن يطيح في بابكم يارب

اموااااااااااااااااااااااااااااااااااااااااااااااا ااااح هذي ليكم كلكم p:

[ثلجه فوشيه]

هلااااا بك رحيمه والله حتى أنتي وحشتيناااا ياقمممر انتي كيف حالك ايش اخبارك ؟
الحمد لله انا طيبه والنونو كويس ولله الحممممد والله انتي زي اختنا اكيد ونحب نهررج معاكي
والله كلنا حالنا زي بعض نحب نتكلم ونفضفض هناا
اممممم ملكه لو رحتي مرا تانيه حبيبتي باشراحيل وكنتي كوسه ان شاء الله بدي بس تسألي
عن الدكتوره فطيمه هيا موجوده لبعد الحج ؟؟ ماعليكي امر ياقلبي .. والله يسهل عليكي ..

[& أمــــــل &]

مساااااااااااااااااااااااااء الخيرات
mooon
الحمل يحتاج له راحه تامه حتى ماتخسرين الببو احسن من الحبوب والتثبيت
انشودة مطر
وحشتينا ومن طول الغيبات جاب الغنايم كيفك ياحلوه
نلي خانم
سبحان الله كل ديره لها عادات غير انا اول مره اشوف استعداد النفس والمفارش والحركات انا رحت مع عمتي نبارك لوحه صديقتها جبت ولد بعد اربع بنات كانت مزينه كل شي ازرق بحركات مره عجيبه وحلوه فكرة واخذت كم فكره عشان اسويها لعبودي بس الحمد لله غلفت كل شي وخبيته للببو الثاني بس مفرشي من باوارث مره فخم وجميل
ريوف النور
احلا محل للصبغه راجين اوانتصار في الستين

بالنسيه للعبه والله كلكم حبيتكم واشتاق اسمع اصواتكم واشوفكم hwaml13

[انشودةمطر]

Compassionate Heart (http://forum.hwaml.com/u11604.html)
اهلين ياقلبي وش اخبارك ان شالله انك تمام
امل الله يهنيك بالاغراض وتشوفينها على اخوان عبودي ويكتب لك الاجر ياقلبي

[نلي خانم]

سلاااااااااااااااااااااام ياسكاكر

نور القمر
تمام أذا كان غيابك نوم
أنا أحسبك رحتي البحر تسبحي خخخخخخ

ريوف النور
أنا احس أحسن صبغات في مكه حسب التجربه ملاك رقم1 صبغتها مميزه والكل يسأل عنها وأنا ناويه بعد الولاده أروح لهم بس لاتنسي رقم 1 لأنهم ثلاثه فروع
أما رشيده الكل يمدحها بس ماعمري شفت شغلها ولاجربتها
اما بالنسبه لللبشره أنا سمعت لو تدهني نفسك يوميا بعد الولاده بزيت اللوز المر يقولوا يصفي وكثير يمدحوه وأنا بستخدمه بعد الولاده
وبستخدم فيد أوت وكمان دريموفيد أدري خطير الثاني بس أنا أبغى نتيجه سريعه وجربته قبل
قرأت في منتدى الدكتور جابر القحطاني خلطة فازلين مع الكركم تحطيها على البطن بعد الولاده مرتين باليوم وتشد البطن

أنشودة المطر
فين ساكنه الحرمه اللي بتسوين مفرشك عندها وممكن تفصل لي مفرش للسرير اللي بغاه زوجي
وكيف شغلها وأسعارها

رحيمة القلب
كويس أنبسطي باللعبه بس البنات مو مره تفاعلوا معاها مو مشكله على راحتهم أنا بس بغيرالجو
وفعلا أحنا مثل الأخوات هون الله يديم المحبه

امل
انا مره نفسي للمفرش عشاني بكريه وكمان أهل زوجي مره يدققون يحبون الشي المرتب والفخم وأنا محتاره بين زوجي وبين تفكير الناس الللي حولي لأن زوجي يقول مافي داعي
وحتى أحنا حبيناك ياقمروبأذن الله نبقى أخوات على طول

[أحلى موني]

ام رانسي انا والبيبي بخير والحمدلله دامك بخير وابشري ولك رساله عالخاص

رحيمه القلب هلا وغلا وينك معد نشوفك وحشتينا احنا بخير دامك بخير وصحه وعافيه والبيبي كمان ان شاء الله بخير وانتي اخبارك ياعسل؟؟؟واحنا كمان نحبك كتيييير

[بشبش]

انا جديده هنا في المنتدى واسمي بشاير ومن اهل مكه وبصراحه المنتدى مره عاجبني

[بشبش]

انا عمري 20 وتوي في اول حمل لي وانا بالشهر الثالث واحس نفسي عايشه في رعب دايم وشايله هم الولاده

[mo0on]

مساء الخيرات كيفكم يابنات قصدي ياحريم خخخ
امل حبيبتي انا صرت طول اليوم ع السرير و انتظر موعدي الجاي عند الدكتورة بفارغ الصبر
ثلجة قلبو انا وجهة نظري في المفرش زي زوجك احس مالها داعي اهم شئ تكون فرشه نظيفه و محترمه و مريحه بكيف الناس اللي بيتكلم براحته اهم شئ سلامتنا و سلامة النونو

[mo0on]

ثلجه شفت لك رد انك مقدمه ع البعثه و انا كمان مقدمه ماستر تسويق في امريكا بس ماتحسينهم طولوا في اعلان النتائج الله يكتب اللي فيه الخير طيب قلبو لو انقبلنا بتحضري الدورة الالزاميه اللي مدتها شهرين احسها متعبه لنا كل يوم مشوار لجدة تتوقعي لو نجيب لهم تقرير طبي يعفونا

[mo0on]

بشبش هلا فيك حبيبتي الله يتمم حملك ع خير ياااارب و لاتشيلي هم الولادة بدري ياقلبو فكري في صحتك و صحة النونو وخلي الولادة لوقتها وربك بيسرها

[ثلجه فوشيه]

مسساكم سكاكر كروشات ..
امممم اهلين بشاير وياهلا بك بيننا ان شاء الله تستفيدي مننا وصدقيني راح يعجبك الجوو هنا

موون ..
ايوا صحيح أنا مقدمه بالبعثه واخيرا لقيت احد مقدم معايا هههههه
والله ياقلبي هما عن طولو فهما طوولو بس السنه الي فاتت زي كدا ردو اظن في نص شهر القعده
والدوره الألزاميه كانت نهايه القعده اخذو اسبوع بس بعدين تعرفي اجازاه الحج ورجعو كملو بعدها
بس أنا راح اكون اصلا على ولاده هذا الوقت يعني انا شهرري محرم فمدري ايش راح اسوي والله هوا مرا تعب تخيلي كل يوم جده وحكون بنهايه الشهر الثامن وكذا مدرري أنا ان شاء الله
اذا بدات الدوره بروح اول يوم اشوف الاوضاع كيف ولو اقدر راح اشرح لهم وضعي اني على ولاده ومن مكه وان شاء الله يقدرو حالتي انا سمعت اذا عندك عذر يسوولك استثناء وبعدها يعملو لك اختبار يحددو فيه مستواكي بس على الله خليهم يردو وبعدين يحلها الف حلال ..
كمان سمعت انو هذي السنه ممكن يلغو الدوره ان شاااااااء الله يكون كلامهم صحيح مو اشاعه

[mo0on]

هلا و غلا ثلجه صاحبتي من المرحله الخامسه تقول ردوا عليهم في أول أسبوع من القعده
بس بإذن الله مقبولين والدورة مستحيل يلغوها اكيد اشاعه عاد الاشاعات كثرت هاليومين وعشان يبغونك تصدقينهم يكتبون من مصدر خاص ههههه

[انشودةمطر]

اهلين بشبش منوره المنتدى الله يتمم عليك على خير
نيلي المفرش سويته في الطايف عند اهلي

[ريوف النور]

السلام عليكم
شكرا حبايبي على ردودكم وتجاوبكم معايا
ياريت يااحلى موني ترسليلي رقم الكوفيرة على الخاص ورقم الممرخة الي قبل كدا رسلتيه وماسجلته
بلنسبة للولب ابسالك ماشاء الله تبارك الله كم لكي مركبته وعند مين وهل لاسمح الله حصلت مضاعفات الله لايقدر معليش اسالتي كتييييييييييييييييييرhwaml4hwaml4 اتحمليني
.......................
نلي خانم شكرا حبيبتي على ردك..حابة اسالك كيف كنتي تستخدمي الكريمات الي زكرتيها وكيف نتيجتها معاكي وفين استخدمتيها وكم المدة ..معليش ياعيوني طولت عليكي


ام رانسي شكرا حياتي الله يديكي العافية انا كان معايا التكيس من قبل مااتزوج وبسببه الدورة الله يكرمك ماكانت تجيني بلشهور وبعد مااتزوجت قعدت سنة وشهرين والحمد لله حملت بعد فضل الله وكرمه ثم محمد خان ممتاااااااااااااااااااز

الله يديكي العافية
احبكم يااحلى تجمع

[نلي خانم]

بشبش
هلابك في التجمع وترى أسمك حلو أحسه مصري بشبش
الله يتمم حملك ياقموره

ريوف النور
أنا كنت أستخدمت الكريمات قبل زواجي بثلاثه شهور متواصله وأحاول أني أذا حطيتها ماأغسل بمويه والله بشرتي صارت صافيه ومتوحده وخياليه
وأهم شي ماتتعرضين للشمس وأنتي حاطتها
بس الكل يحذر من الدريموفيد يقولوا فيه كرتزون كثير عشان كذا ماينفع مع الحمل ومايناسب أي أحد وأنا تركت الكريم بالتدريج عشان ماتتأثر البشره والحمدلله ماصار لي شي
بس أنا أستخدمه في الطواري قبل المناسبات المهمه وبأذن الله ببدأ من بعد الولاده يعني في شهر جماد الأخر ألى بعد العيد السنه اللب تجي بأذن الله وبعد كذابتركه بالتدريج

أنشودة المطر
أرسليلي رقم الحرمه بكلمها اذا قربت ولادتي ويارب تقدر تسويلي طلبي ومشكوره

[غنووجه]

hwaml78hwaml78hwaml78
ليش محد رد عليه بخصوص الدكتوره فطيمه

[غنووجه]

ريوف النور في مشغل في الخالديه اسمو رنيم ازا تعرفيه
شغلهم حلو واسعارهم كمان حلوه

[نلي خانم]

غنوجه
والله أنا عن نفسي مابعرف هالدكتوره ولا أراجع عندها لكن كثير بالتجمع يروحوا لها يمكن ماأحد أنتبه لرسالتك وأن شاء الله البنات يفيدونك

[قمر ليالي مكة]

مرحبا صبايا جيت ومعي مغامرة ولادتي ادخلو وباركولي


http://forum.hwaml.com/t30136.html

[نلي خانم]

ياهلا ياقمر
وينك نور التجمع والله
رايحه ادخل على المغامره

[كوكب زحل]

سلام الف مبروك ياقمر
عقبال الجميع ان شالله
يابنات انتو زي اخواتي ابي اتكلم انا احس بضيق في صدري مادري لية
والله مانى ناسبة
اني اجهضت اخاف ربي يعاقبني
والله محتاجة طفل

[& أمــــــل &]

مساء الخيرااااااااات
نلي خانم *
مايغلى عليك المفرش حبيبتي هو بيج واطرافه مطرزه بعودي غامق وفاتح سته قطع
قمر ليالي مكه *
الف مبروووووووووووووووووووك تتربى في عزك وتشوفيها عروس الصراحه كل وحده اسمها لمى تكون رقيقه وجميله

[كوكب زحل]

يابنات مين تعرف احد شيخ او حرمة للرقية الشرعية

[كوكب زحل]

سمعت خالتي تقول فطيمة ماتت الله يرحمها في رمضان

[Om KHaled]

مبرووووووووووووووووووووك الف مبروووووووووك البنوتة

http://forum.hwaml.com/imgcache2/hwaml.com_1286305018_958.gif

[ثلجه فوشيه]

مبروووك قمووووره الله يجعلها من مواليد السعااااده يارب..
اممممم
غنووجه شوفي بصراحه أنا بكررريه بس ان شاء الله لو ربي اراد راح اولد عند فطيمه اذا
ماهي في عند بسمه او باسمه مدري ايش اسمها بصراحه المهم أنا سمعت كثيررر يمدحو
في فطيمه ويقولو مررا كويسه وسبحان الله تحسي بأمان معاها من بعد الله وكمان ماشاء الله
تبارك الله ذكر الله على لسانها يعني تقرا عليكي وقت الولاده وماتخليكي لوحدك انا ماابرأها
ولا احط في ذمتي لاني زي ماقلت لك أنا بكريه بس هنا بنات كثيررر يمدحو فيها فلو عازمه
اتوكلي على الله ولا تخافي حبيبتي
انتي بكرريه ؟؟ ..
وحامل في اي شهر ؟؟

[انشودةمطر]

ابشري نيلي راح ارسلك رقم الحرمه اللي تسوي المفرش على الخاص

[ثلجه فوشيه]

فينكم نايمين بنوتات ؟؟
بنات ليا كم يوم ما اشوف اموره وكتكوته !!
ان شاء الله تكون بخير بصراحه مو عادتها تغيب كم يوم ياااارب تطمنا عليها

[علولة عمر]

بنات مكه من فيكم ولدت بمستشفى النور في العزيزيه قيصري وهل عندهم بنج موضعي افيدوني..

[Compassionate Heart]

صباح الخير على وجوه الخير احلى ورود ياسمين مكرشين
ابشركم انا نومي انتظم بس انتظم انتظام مو طبيعي نايمه من 6 المغرب الى 6 الصباح و احس نفسي كمان نعسانه بنات تدرو انا كنت مخربطه في شهوري بس انا في اخر الرابع او اول الخامس الدكتوره تقولي ما تفرق من اسبوع او اسبوعين عرفت من حركت الجنين و بروزه ماشاءالله و يوم الاثنين رحت كشفت و قولت للدكتوره و قالت ما تفرق هو لي ساعه و دقيقه و ثانيه ينزل فيها حتى زوجي قال ما تفرق اهم شي يكون بصحه و انتي تكوني بخير و سلامتكم

ثلجه فوشيه
يارب دوم تكوني بالف خير انا بخير يا وجه الخير ربي يسعدك و النونو يبوسك انتي و النونو ^+^ ربي يوفيقك في دراستك يارب

& أمــــــل &
اخبارك يا قمر كيف الرياضه و الرجيم يارب تكوني بالف خير ربي يسعدك يارب

انشودةمطر
انا تمام بشوفتكم بخير يا وجوه الخير ربي يطمني عليكي و يسعدك يارب

نلي خانم
امين يارب يديم المحبه كيفك يا قمر و كيف النونو عاد الحمدالله راح الوحم يالله تغذي كويس عشان صحتك و صحت النونو ربي يسعدك

أحلى موني
هلا فيكي يا عسل دوم تكوني بخير يا وجه الخير ربي يسعدك انا بخير و النونو كمان الحمدالله و هذي احلى بوسه للبنوته الحلوه و مامتها ^+^

بشبش
نورتي التجمع يا عسل ان شاء الله تستفيدي و تنبسطي يارب ولا تشيلي هم الولاده لسه بدري ربي يسعدك

mo0on
كيفك و كيف النونو يارب تكوني بخير هو صح اهم شي صحتك و صحت النونو بس سبحان الله الفرحه الاوله ما تتعوض ربنا كريم ربي يسعدك ربي يوفيقك في دراستك يارب

ريوف النور
هلا فيكي يا عسل اول مرا اشوفك تشرفت فيكي اما بخصوص الاسئله ان شاءلله البنات يفيدوكي يارب ربي يسعدك

غنووجه
حبيبتي يمكن البنات ما انتبهو بس كلهم ماشاءالله يمدحونها انا ما عرفها بس الكروشات يمدحونها واستخيري الله قبل كل شي ربي يكتبلك الخير

قمر ليالي مكه
ماشاءالله تبارك الله كانت ولاده حلوه الحمدالله ربنا وقف جنبك و عيون بنتك ان شاء الله تصير في احسن حال يارب الله يطمن قلبك

كوكب زحل
حبيبتي محتجه الطفل اطلبي من خالق الكون و ما تقنتي من رحمة الله بس اهم شي صحتك عشان النونو يجي بصحه كويسه انتبهي على نفسك ولا تفكري غير في نفسك و زوجك دحين ربي يفرج همك يارب

•_• نـُور القـمَر •_•
كيفك يا قمر و كيف النونو يارب تكوني بالف خير ربي يسعدك يارب

علولة عمر
حبيبتي هلا فيكي بس انا اسمع عن المستشفى انها مو كويسه و ان شاء الله البنات يفيدوكي

[غنووجه]

نلي..تسلمي ياقلبي ع ردك الله يسعدك
قمر ليالي مكه..الحمدلله ع سلامتك وسلامت البيبي
كوكب زحل..الله يعوضك الي احسن,,بس كيف ماتت وانا رحت لها قريب
ثلجه فوشيه..يعطيكي العافيه ماتقصري ياقلبووو انا حامل في الشهر الرابع
وعندي بنت عمرها سنتين الله يحفضها
علولة عمر..انا ماقد سمعت احد يمدح هدي المستشفى اصلا.. الله يقومك بالسلامه

[كوكب زحل]

كيفكم والله مادري خالتى تقول في رمضان انتي متي رحتي لها اخرة رة
اليوم اخر يوم لى في اجازة يوم السبت راح الدوام
بس قال لى ابوي اذا كنتي تعبانه تبين اجازة راح اخذك من الولادة
قلت اية لانى ظهري تعبان اصلا غير نفسيتي الحمدالله على كل شئ
جالس يتكلم معاى ابوي يقول فاكرة لمعلمة الفلانه زوجها صاحب ابوي عشرة سنين ماحملت لمن حملت تعب مرة يموت الشهر السادس ماشالله الحين عندها اربعة اطفال
انا احس من غيري الاقل احمل
قال لى ابوي هي سوت ربط قولت خلاص ان شالله المرة الرابعة راح اسوي ربط باذن الله ربك كريم ان شالله

[غنووجه]

بنات ردو الله يسعدكم الدكتور فطيمه تسوي غرز بعد الولاده ولا تلحيم
وفي شي تاني قالقني انا دوبي في شهري الرابع بس جسمي مسمر مررره من الشهر التاني وزوجي دايمـــآ يقولي جسمك اشبو كدا مسمر
ماني عارفه ايس اسوي بـــمــــــــــــــــوووووت كرهت نفسي هادا وانا لسى
دوبي في شهوري الاولى كيف لو سرت في التامن شكلي حغمق مـــــــررررررررره ياربي ســــــــــــاعدوني قووولووولي ايش اسوي وحيرجع لوني زي ما كان وكيف
لاني انا لمن حملت ببنتي ماسرلي كدا ليش
جيبولي حل؟؟؟؟؟؟؟؟؟؟

[ملكة الاحساس]

كوكب زحل انتبهي على صحتك وان شاء الله ربي يعوضك اول ماتحملي خذي اجازه اهم حاجه الراحه زي ماقلنا لك سوي ربط والله يرزقك باالذر يه وانا انشاءالله وقت الولاده راح ادعيلك
ثلجه فوشيه \ترى الدكتوره بسمه زي فاطيمه صاحبتي تمدحها ولدت ولادتين عندها واذا تبغيني اسال عنها ابشري
غنوجه \في باشراحيل دكتورتين مره يمدحونهم بسمه وفطيمه اذا عن فاطيمه شاطره
علولة عمر \ماانصحك في النور مااحد يمدحها

[ام رانسي]

مساء الخير ياحلوات يا كروشات احلى اجسم في التجمع ههههههههههههههههههههه
كيفكم كليتكم والله وحشتوني موت ان شاء الله تكون في تمام الصحة والعافيه تصدقو ان بنوتي الي في بطني تقول مامه تعرفي على وحدة حمل في ولد عشان المستقبل ههههههههههههههههههههههههههههه يالله مين حمل في ولد لان بنتي حلوه ماشاء الله زي امه ههههههههههههههههههه
احلى موني .يعطيك العافيه على الرقم تسلمي حبيبتي
بشبش.نورتي التجمع مبروك على الحملوالله يتمم لكي على خير وبسك خوف
hwaml03hwaml13اموت فيكم وفي التجمع hwaml13hwaml03

[غنووجه]

الله يعطيكم العافيه يااحلى تجمع فينكم ليكون نايمين

[ثلجه فوشيه]

مسساء الخير عالناس الحلوووين *_^

ام رانسي
وصلتي أنا حامل بولد هههههه يلا من دحين جاينكم خطابه ههههه
الله يحفظهم يااارب ونشوفهم على خير ..

علوله
مرررررا ما انصحك في النور انا اسميها الظلام من كثرالبلاوي الي فيها
وما احكي من فراغ صدقيني بعيد الشر عنك بابا صار مقعد نتيجه غلطه طبيه في
هذي المستشفى الله يشفيه وينتقم من اي واحد كان السبب في هذا الغلط ..

رحيمه
تسلمي ياقلبي وصلت البوسه الله لا يحرمني اخوتك ...

غنووجه
والله ماعندي فكرره عن خياطه فطيمه طيب انتي قولتي رحتي لها قرريب
ايش قالت لك وكيف ارتحتي لها انتي ؟؟
انا بنهايه الشهر السادس وبكرريه ولسا ترى أنا اراجع في عياده ثانيه وعالولاده ناويه
أنا اولد في باشراحيل بأذن الله والشهر الجاي ان شاء الله خر شهر اراجع في عيادتي
وخلاص بروح اتابع في باشراحيل اذا عرفت شي راح اقولك بأذن الله بس انتي رحتي لها
تكشفي يعني ؟؟

ملكه الاحساس
الله يعطيكي العافيه والله ياقلبي ماعليكي كلافه بس ودي تسالي هيا راح تكون موجوده بعد الحج والا مسافره لاني سمعت وحده هنا تقول بتسافر ولو مافي خلاص نتوكل
على الله ونولد عن باسمه *_^
يعططيكي العافيه ياقممممر

[غنووجه]

انا اراجع عندها مررا ت اخاف منها ومررات ارتحلها
والله اعلم انا عشان كدا اسئل
يعني هيا ازا سافرت معد حترجع ولا كيف يعني

[ام رانسي]

مساء النور والسرور يا ثلجة فوشيه
hwaml02حيك الله في بتي ماشاء الله على بنتي بس عرفة انك بتجي اليوم بتخطبيه لولدك رحة تنظف البيت ههههههههههههههههههhwaml02
hwaml02بس شرط البنت انوه الولد يلبس رسمي فهمه شماغ وثوب هههههههههههههههههه حياتي على الصغار الله يحفظهمhwaml02
غنوجه.
hwaml7 نحنو هنا كيفك ياقلبي ان شاءلله تكوني بخير انتي والبيبيhwaml7

[غنووجه]

ام رانسي
الله يسلمك ياقلبي انا بخير والبيبي يسلم عليكي
ايش حتسمي بنوتتك انشاء الله

[المحبه]

السلام عليكم ورحمة الله وبركاته اخواتي الحوامل اليوم جبت لكم دعاء جميل اتمنى تستفيدو منو

هذا الدعاء مفيد جدا .. كل يوم الصبح حطي ايدك على بطنك وإقرإيه ....
وربي يحفظ الحوامل يا رب.. لا تنسوني في الدعاء جزاكم الله الف خير

الدعاء


اللهم اجعله مسلما صالحا عابدا ذاكرا..
حافظا للقران الكريم وممن يعملون به..
اللهم اجعله بارا بوالديه وأهله..
اللهم حسن خلقه وخلقه ..
اللهم أعذه من شياطين الأنس والجن..
اللهم سهل ويسر حمله وولادته..
اللهم أقر عيني به..
اللهم ارزقني ولدا واجعله تقيا ذكيا
واجعله سليما معافى ولا تجعل في خلقه زيادة ولا نقصان ..
واجعل عاقبته إلى الخير...
اللهم إني نذرت لك ما في بطني محررا...
فتقبل مني إنك أنت السميع العليم...
اللهم اصلح لي ذاتي وذريتي...
اللهم استودعتك هذا الجنين فحسن في خلقه وأخلاقه يا رب العالمين..
اللهم اني اسألك هون الطلق وحسن الخلق ..
اللهم آمين.
"اللهم إني أستودعك جنيني الذي في رحمي، أنت الذي لا تضيع ودائعك يا الله"
"اللهم ارزقه جمال الخَلق والخُلق، وقوة الدين والبدن، وسعادة الدنيا والآخرة"

اللهم يا أرحم الراحمين , اللهم أكتب طفلي الذي في بطني من السعداء ..
اللهم اكتب له العمر الطويل بالعمل الصالح ...
اللهم اكتب له الرزق الواسع , اللهم واكتبه من الصالحين ...
اللهم اجعله من حفظة كتابك والعاملين به ...
اللهم اكتب له المعافاة في الدين والدنيا ...
اللهم اجعله بارا بوالديه , اللهم اجعله قرة عين لوالديه ...
اللهم اهديني واهدي أبيه بتربيته التربية الصالحة التي ترضى عنا بها ..
اللهم اكتب له الجهاد في سبيلك وفي سبيل نصر اسلامك ...
اللهم اكتب له الشهادة في سبيلك وفي سبيل نصرة اسلامك ...

اللهم ان كنت كتبته من الطالحين , فاكتبه من الصالحين ,,,
اللهم ان كنت كتبته من الأشقياء , فاكتبه من السعداء ,,,
اللهم ان كنت كتبت له الرزق القصير , فاكتب له الرزق الطويل ,,,
اللهم ان كنت كتبت له العمر القصير في العمل الصالح , فاكتب له العمر الطويل في العمل الصالح ,,,


دعاء يفضل قوله بعد كل صلاه :-

اللهم ان كنت قدرت جنينا في بطني , أسألك أن تجعله سليما معافى من كل عاهه وبلاء , وأن تجعله في أحسن صورة, اللهم واجعله من عبادك الصالحين , اللهم وأنبته نباتا حسنا , واجعله من حفظة كتابك بمنك ورحمتك وعفوك يا الله

[Compassionate Heart]

مساء الورد على احلى ورود بدنيه

غنووجه
هلا فيكي يا الغاليه منوره ماشاءالله يعني انتي ماما اجل نحنا الا ناخذ منك الخبره بحكم اني بكريه ^_^ و بنتك شو اسمها ماشاءالله؟
و لا تخافي من الكلف حق الحمل و ان شاء الله بعد الولاده يرجع طبيعي بس في كريمات تلاقيها هنا و خلاطات في قسم العنايه بالبشره

كوكب زحل
خلاص هدي بالك و انتبهي لصحتك و خذي اجازه من المدرسه تدري حتى زوجك خليه ياخذ اجازه و اطلعو غيرو جو في الهدا او جده على البحر و تابعي مع دكتورتك في التونسي و ربنا يفرج همك يارب

ملكة الاحساس
كيفك و كيف النونو ها لسه باقي كثير حتى يشرف او هانت ربي يهونها عليكي و يعطيكي ساعة ولاده مباركه يارب

ام رانسي
انا بخير و ولدي بخير ^_* يسلم عليكي و على بنتك و يقول انتي كيفك و كيف بنوتك ماشاءالله عليها تبغى تأمن مستقبلها و هو يقول جاهر بس اهم شي ما تجي قبله بشهر ^_^

ثلجه فوشيه
امين يارب ولا منك يا سكر ربي يسعدك

المحبه
جزاكي الله كل خير و الله يعطكي الف عافيه و يرزقك الفردوس يارب

[ام رانسي]

هلا وغلا مره ثانيه على الحلوين والكروشات
حبيبتي غنوجه.
ان شاء الله بكون اسمه رانسي وش ريك ياحلوه
المحبة .
الله يكتبه في موزين حسنتك يارب ومشكوره مره ثانيه
Compassionate Heart.
هلا والله يسلمك انا بخير والبيبي بخير والحمدالله بس والله مشكله اذا البنت جات قبل الولد هههههههههههههه بس ان شاء الله يكون في ولد ثاني شوفي بنتي مره تحبك ديم في سيرتك عشان المستقبل hwaml02هههههههههههههههههههههه

[انشودةمطر]

محبه شكرا على الدعاء الله يعطيك العافيه ويحفظ كروشتنا ويتممها بالسلامه
غنوجه التغيرات هذي طبيعيه في الحمل اهم شي الترطيب وحطي اقنعه طبيعيه زي الزبادي يعني تنور شوي لاتقلقين وبعد الولاده ارجعي عروس ان شالله

[ام رانسي]

كيفك انشودة مطر.
ان شاء الله تكوني بخير انتي والبيبي عد اسمعي البيبي الي في بطنك ولد ولا بنت المستقبل هههههههههههههههههههههههههههههه hwaml15الله يعين على المستقبلhwaml15

[أم عبووودي]

سلام على الحلوين اخبار الكروشات الحلوات ان شاء الله تمام
بعد غيبة رجعت بس بخبر دمرني ولكن الحمد لله على كل حال
توفى ولدي عبد الله يوم6/10 وانطفى نور بيتي
بعد ما عانا مع المرض سنة واربعة اشهر
اتمنى تدعولي بالصبر والثبات وربي يعوضني خير ..

[ثلجه فوشيه]

هلا أم عبوودي الله يحييك بيننا مره ثانيه
عظم لله أجرك والله يجعله لك شفيع في الجنه والله يجبر كسرك يااارب
ربي يعوضك خير وتجيبي عبودي ثاني يملا عليك بيتك
الله يرحمه ويجعله طير من طيور الجنه ياارب ..
بس هوا كان تعبان من ايش ؟؟ كان مريض يعني ..؟؟

[ثلجه فوشيه]

لا مو كذا غنووجه بس أناا سمعت انها بتسافر بعد الحج وأنا ولادتي في محررم بأذن الله
وكان ودي أولد عندها .. لو مالقيتها راح اولد عند باسمه ,,

[نلي خانم]

أم عبودي
عظم الله أجرك وعوضك الله بخير منه أنه على كل شي قدير
الله يصبرك ياأختي

[نلي خانم]

كيفكم حبيباتي
بنات أنا بخرج بروح لأمي وأرجع الجمعه بأذن الله
راح أشتاقلكم ياحلوين

أستودعكم الله الذي لا تضيع ودائعه
فمان الله

[كوكب زحل]

ان شالله اذا ربي كتب على طول راح اسوي ربط باذن الله اجلس على ظهرى مانى متحركة ربك كريم

[كوكب زحل]

انا عارفة كل شئ مكتوب
بس والله يابنات مو بيدي كل ماافتكر اجلس ابكى بين بين نفسي بحاول اهدى نفسي
اليوم الى رجعت بيتي
امس كنت عند اهلى دخلت غرفتي جلست ابكي اتصلت على زوجي ااقول له متضايق
ماشالله جانى خرجني مارجعت بيت اهلى الى انا دايخة نمت على طول

[كوكب زحل]

يابنات اناا مسجلة في منتدي ثاني نسيت امسح توقيع الحمل لمن رحت شاركة لقيت التوقيع انتقل في الشهر الرابع انا اصلا يبقي لى اسبوع ادخل الرابع بس ربكم ماكتب دعواتكم

[تالا]

سلاااااااااام وحشتوني تكونو بخير

[Compassionate Heart]

ام رانسي
يارب دوم تكونو بخير يارب ولد ثاني لا ولدي يعني ولدي التار ولا العار ^_^ ربي يسعدك و يحفظها يارب و تجي بالف سلامه يارب


انشودةمطر
اخبارك و اخبار البوبو يارب تكوني بالف خير


أم عبووودي
هلا يا غاليه عظم الله اجرك ربي يعوضك خير يارب اللهم يجعله شفيع مشفع يارب الله يصبر قلبك و يعوضك يارب


ثلجه فوشيه
ها اليوم البوبو ايش مسوي معاكي يارب تكوني بالف خير


نلي خانم
تروحي باسلامه و ترجعي بالف سلامه يارب بس انتبهي على حالك يا قمر


كوكب زحل
الله يرزقك يارب و يعطيكي من واسع فضلو يارب

اموووره كتكوته
فينها يارب يكون المانع خير يارب يطمنا عليكي

تالا
هلا مشرفه و منوره

[ام رانسي]

ام عبودددددددددددي
عظم الله اجرك وصبر قلبك وعوضك بعبودي ثاني يصبر قلبك انهو على كل شي قدير بس حبيبتي اكثري من قول لا حول ولا قوت الا بلله
بس وش سبب الوفاه

[ام رانسي]

كوكب زحل وصلة الرساله

[كروزه]

مساء الخير

كيفكم كروشااااااااااااااات ؟؟؟؟

بديت احس بالثقل يؤؤؤؤؤؤؤؤؤؤؤؤ احس بطني نازله مرررره

حتى القعده مااقدر اقعد على الارض ومرات احس نفسي مكتومه والصلاه اصلي

ومااقدر اركع ولما اسجد اتعب مررره

كوكب وام حمودي يارب تعوضكم خير وتصبركم

[كوكب زحل]

الله يوفقك يام رانسي
وصلت الرسالة

[ام رانسي]

حبيبتي كروزه يقول علمات الولدة انوه بطن الحمل ينزل الله ييسر ولدتك يارب وان شاء الله قربة بس لا تنسي تدعلنا

[ام رانسي]

كوكب فهمتي الرساله

[كوكب زحل]

اية فمهت ان بداية الحمل كنت كذا بس بعدين مو راضي

[انشودةمطر]

ام عبود الله يجبر خاطرك ويعوضك بخير

[أم عبووودي]

جزاكم الله خير الجزاء
والله يحفظ غواليكم

بالنسبة لمرضة ولد ومعاه تصلب في العظام ويحتاج زرع نخاع
وعنده ضمور بالمخ متوسط
الحمد لله على كل حال

[كوكب زحل]

الله يرحمة يارب
يام عبودي

[Om KHaled]

سلام على الحلوين اخبار الكروشات الحلوات ان شاء الله تمام
بعد غيبة رجعت بس بخبر دمرني ولكن الحمد لله على كل حال
توفى ولدي عبد الله يوم6/10 وانطفى نور بيتي
بعد ما عانا مع المرض سنة واربعة اشهر
اتمنى تدعولي بالصبر والثبات وربي يعوضني خير ..



لاحول ولاقوة إلا بالله العلي العظيم
إنا لله وإنا إليه راجعون
لله ماأعطى ولله ماأخذ وكل شيء عنده بمقدار
عظم الله أجركم وأحسن الله عزائكم وغفر الله لميتكم
الله يأجرك في مصيبتك ويخلف لك خير منها
اللهم أجعل قبره روضة من رياض الجنة اللهم ثبته عند السؤال

[روح الانوثه]

السلام عليكم ورحمة الله وبركاته كيفكم اخواتي انا عضوه جديده عندكم بالمنتدى
واتمنى تساعدوني وتحسبون لي موعد الولاده أخر دوره كانت 19/4/هـ
وممكن تسوون لي شريط الحمل اذا ماكلفت عليكم ولكم مني خالص الاحترام
عضوتكم الجديده روح الانوثه

[Om KHaled]

حياكِ الله بيننا , ان شاء الله تستفيدي وتفيدي

وباذن الله الاخوات ح يساعدونك
تقبلي ودي

[ثلجه فوشيه]

هلا فيك روح الأنووثه الله يحييكي بيننا ..
حبيبتي انتي دحين في الشهر السادس وكل 3 بالشهر تدخلي شهر جديد يعني 3 القعده تدخلي السابع بأذن واحد أحد .. الفرق بيني وبينك بس 5 ايام *_^
بأذن الله يوم الولاده المتوقع 3 /2 /1423 لأنو بدخول هذا اليوم تكوني خلصتي التاسع ..
اتمنى اكون افدتك بقولك كيف حسبت لك من بعد موعد دورتك بـ14 يوم هذا اول يوم ممكن تحملي فيه ..لانها فتره التبويض
التوقيع راح يكون بحساب الدوره فممكن تلاقيه متقدم كم يوم وراح تدخلي بالتوقيع شهر جديد قبل ماتخلصي بالطريقه الي حسبت لك هيا على فكره نفس طريقه حسابي والدكتوره علمتني عليها ..
دعواتك أختي مابي منك غير الدعاء وهذا شريط الحمل تبعك انسخيه والصقيه في توقيعك .. تحياتي
http://forum.hwaml.com/imgcache2/hwaml.com_1286409483_136.png (http://forum.hwaml.com/redirector.php?url=%68%74%74%70%3a%2f%2f%70%72%65% 67%6e%61%6e%63%79%2e%62%61%62%79%2d%67%61%67%61%2e %63%6f%6d%2f)

[أحلى موني]

عظم الله اجرك يام عبودي معوضه خير ان شاء الله والله يجعله لك طير من طيور الجنه وشافع لكم

[كوكب زحل]

دعواتكم ربي يرزقني الذرية

[كوكب زحل]

احلام سعيدة ياحوامل

[كروزه]

صباح الخير والورد للورد المنتدى


كيفكم ؟؟؟؟؟؟؟؟؟؟؟؟؟؟؟؟؟؟؟؟ وكيف ننوتكم


هلا مليون غلا بروح الانوثه

[غنووجه]

صبـــــــــــــــــاح الــخــــــــــــيـر

امـ عبودي.. لله ما أعطى ولله ما أخذ، وكل شيء عنده بمقدار، فلْتصبر ولْتحتسب).

المحبه.. مشكوره ع الدعاء الله يعطيكي العافيه

Compassionate Heart.. الله يطمنك يعني في امل اني ارجع في اربعين يوم بس ,, بنتي اسمها جوان

امـ رانسي.. انا لمن قريت اسمك عجبني اسم رانسي بس حسبت انو عندك بنت ,, ايش معنى الاسم؟؟

انشودة مطر.. مو انا خايفه من بعد الولاده اني ما ارجع بسرعه

تلجه فوشيه.. ان شاء الله تكون موجوده انتي مابتروحيلها قبل الولاده؟؟

نلي.. تروح وترجعي بالسلامه ياقمر

كروزه.. الله يسر ولادتك وتقومي باسلامه

[ملكة الاحساس]

ام عبودي عظم الله اجرك ان شاءالله ربي يعوضك خير
رحيمة قلب \انابخير ياقلبي وانت اش اخبار الحمل معاكي انافي الاسبوع الثالث في التاسع والرحم مفتوح 1سم ولحد الان ماولدت ادعي لي ياقلبي
اموره وكتكوته\عسى ماشر وينك لاحس ولاخبر
ثلجه \ان شاءالله اسال عنها
كوكب زحل\ الله يرزقك باالذريه يارب وتبشرينا عن حملك

[كروزه]

ملكه ادعيلي لانك بتولدي قبلي

انا في الاسبوع الاول من الشهر التاسع

[كروزه]

غنوجه الله يسعدك على الدعاء ويسهل حملك وولادتك يارب


وكل الحوامل

[ام رانسي]

مساء الخير يا بنات كفكم وكيف النونو معاكم ان شاء الله تكون بخير
كروزة وملكة الاحساس الله ييسر ولدتكم في يوم واحد وتكون ميسره من دون تعب وتقول قصة ولدتكم ونسمعه وحقق امنيكم بشوفة اطفالكم
غنوجه . تسلمي حبيبتي كلك ذوق معنى الاسم .نوع من انوع الغزال ويقال نهر ايضا

[Nana.1985]

سلاااااااااام انا جيييييييت اخيرا من يوم التلوت الحمدلله وصلت لمكة وجالسة عند اهلي ... وحشتوني كتير ان شاءالله تكونو كلكم بخير ونوانيكم كمان يارب يوصلو بالسلامة ...
مبروك لكل الحلوات الي ولدو بالسلااامة ... الله يجعلهم من الذرية الصالحة ..

حبيبتي كوكب الله يعينك ويصبرك ويجبرك يارب ... مرة زعلت لما عرفت ... مني عارفة اش اقول اكيد مافي كلام يهون عليكي الا الصبر واحتساب الاجر من ربنا ... وان شاءالله تحملي على طووووول يارب
والمره دي اختاري دكتورة وحددددده ولاتهجولي نفسك .. ومو شرط رجال
في دكتورة مرة رحتلها في مستشفى ام القرى في الرصيفة كبيرة في السن وباكستانية ومررة طيبة وحنونه مررررة ورقيقة حتى لما تجي تكشف كدا ماتحب تألمك .. اسمها ناهيد ... انا مرررة نفسي اولد عندها بصراحة بس المستشفى احسها ماهي على مستوى جيد من النظافة يعني عاادية جداا ماقولك وسخة لكن عادية وماعرف بصراحة امكانياتهم الطبية كيف .. وانا من النوع الي اقرف واهم شئ عندي كل شئ نظيف .. لكنها دكتورة جدا شاطرة .. حتى ممكن تروحيلها دحين ازا بتسوي تنظيف والله صدقيني مره ح ترتاحي لها مرررررررة وخدي الكلام من وحده مرره مدلعه ومايعجبها العجب ... واسأليها سبب الاجهاض وكلللللل شئ في بالك ..
بس عيب المستشفى انو زحمه مره عليها طلب ماشاءالله وغير كدا انو اغلب الي يجي لللمستشفى حقون تأمينات وشركات وحتى اجانب باكستانيات ولاهنود بس والله مره ح ترتاحي عندها اشتكيلها كللل شئ حتى لو تبي تبكي عندها ابكي والله مره حنونه ..
الله يعينك ويصبرك وماتعرفي يمكن دي خيره لكي؟ سبحان الله الواحد مايعرف
ياما ناس حملو وتعبو وجاهم ولد مشوهه او معوق او عاااق ! ماتعرفي اكيد لله حكمة في ان الجنين دا نزل ... الله يهون عليكي .. ادري طولت بس والله مره قلبي معاكي ..

[Nana.1985]

ينات باقيلي اسبوعين بالزبط واولد ادعووووولي ... مرررة طفشت والله نفسي اولد وارتاح احس اني سايرة قد البرميل زي الطلي :(
قرفت من نفسي والله خلاااااص مررررا !!
نفسي اولد اليوم قبل بكرة :(
وتصدقو مدري ليش ماني جالسة افكر بالولادة ولا المها لاني تعبت كل مافكر مااوصل لشئ! لاني بكرية وماني عارفة اش ح احس واش ح يسير
اهم شئ ابا اولد وابغا البيبي سليم ومعافى واقوم بالسلامة بس ..
الدكتورة قالتلي 5 القعدة والدكتور قالي 14 القعدة مدري مين اصدق هههه
بس ابغا الشهر دا ناقص عشان يجي القعدة بسرررعة
واختي الكبيرة تضحك وتقولي ح تندمي ع الكلام دا لما يجد الجد ح تقولي مابغاا اولد خخخخ الله يستر

بعدين لما كشفت قبل اسبوع قالتلي الدكتورة موية الجنين زايدة اول مرة اسمع بكدا؟ في احد يقدر يفيدني؟؟
بس تقول مافي ضرر بس الضرر الوحيد انها تعجل الولادة بس مو اكثر ..
وقالو يمكن سكر حمل وقالو يمكن زايده عشان تحت صدري الجهه اليمين مررره تجيني طزاات ووخز مررره قوي مرره ماقدر اجلس ولا اميل نفسي وماانام الا على جمبي اليمين عشان يستكن الالم ... بس الحمدلله لما حللت مافي سكر ولا خرابيط يارب لك الحمد ..
ادعووولي ...

كرووزة انا ح اسبقك ان شاءالله واولد قبلك ... اتحداكي خخخخ
انا احتمال اولد الخميس الجي يعني بعد اسبوع d:

[انشودةمطر]

Nana.1985 حمدلله على السلامه ياقمر نورت مكه
روح الانوثه اهلين فيك بينا

[روح الانوثه]

أختي ثلجه فوشيه مشكوره أختي تعبتك معاي لكي مني كل الشكر
الله يسهلك ولادتك ويفرحك بشوفة النونو سليما معافا
أشكر كل من رحب فيني من الاخوات ولاتنسوني من دعائكم واتمنى اني اكون
خفيفة الظل عليكم رغم أن زوجي امتحني يالدبه خخخخخخخخخخ

[كوكب زحل]

مشكورات ياقلبي ادعولى في الولادة
ان شالله احمل عن قريب يارب وقتها ان شالله اغلبكم صاروا امهات
اتعلم منكم

[كروزه]

هلا ومليون غلا نانا

كيفك يادبه ؟؟؟؟؟؟

يله اولدي قبلي بس شرط ادعيلي

انا موعد ولدتي 26 ذو القعده بس احس اني مرررررررررره ثقيله

كوكب يارررررررررب قريب تحملي ويسهل حملك ويثبثه

ام رانسي مشكوره ياقلبي على الدعاء

[كوكب زحل]

الله يصبرني بس احس في شئ ناقص فيه ان الله قريب اكمله هو الحمل باذن الله

[ثلجه فوشيه]

مسساء الخير كروشات كيفكم وحشتوني ؟؟
هلا بك نانا الله يسهل عليكي ياررب وتولدي وتقومي بصحه وعاافيه بس فين راح تولدي ؟؟
روح الأنوثه مافي تعب ولا شي ياقممر ومشكووره ياقلبي على دعواتك ..
ملكه الأحساس ماتقصرري ربي يسلممك وقدامك العافيه ..
كروزه الله يعطيكي ساعه السلامه يلا ابدأي امشي المشي كوويس

[كروزه]

بنات تخيلو من الشهر 5 وانا اشرب حليب ليدي ميل

تقول الدكتوره عندك نقص كالسيوم

ويوم الثلاثاء سويت تحليل دم كمان عندي نقص كالسيوم قالت استمري على حليب ليدي ميل

هذا وانا كل يوم اشرب ثلاث كاسات لبن

اخاف الحليب هذا ينفخ الجنين واتعب في الولادهhwaml10

ايش رايكم؟؟؟؟؟؟؟؟؟؟؟؟؟؟؟؟؟؟؟؟؟؟

[أحلى موني]

الله يعينك ياكروزه وشفيك يارب

[& أمــــــل &]

هلا حبيباتي مسائكم ورد ورياحين
ام عبودي *
عظم الله اجرك والله اني اكتب لك وانا ابكي لاني مريت بنفس الموقف اصبري والله يعوضنا خير هذا الي اقدر اقولك

قبل يومين قالي زوجي بنروح لامه وفي الطريق بنجيب عشاء وفجاءه قالي ترى السور هذا هو سور المقبره حقت عبودي وانا الله لايوريكم انفجعت وبكيت بحرقة قلب ماادري وش صار فيني حتى لاحضو اني ساكته وسرحانه وبسرعه قلت له نمشي الله يصبر كل ام تفقد ابنها

اما بالنسبه لرجيم والرياضه تمام نقصت في الاسبوع الاول اربعه كيلو ولما وزنت تشجعت اكثر وراح اكمل

[Nana.1985]

اهلين بيكم ياحلوات وحشتووني كتيررر
انا اقصى موعد 14 القعدة بس بطني صغيرة الي يشوفها يقول السابع محد مصدقني اني في اخر التاسع
ولسا مابديت امشي
امشي فيييييييين؟؟ في الحر دا؟ الحمدلله بس
فين اروح امشي؟؟
فكرت اروح سوق الحجاز وامشي
ولسا ماكلت تمر برضو مدري ماحب التمر

وان شاءالله بولد في بخش
قولووو ليش؟؟
عشان بخش يسمحو احد يدخل معاكي كشك الولادة
ونا ابغى امي وزوجي ازا كان موجود يارب يكون موجود
يعني في احد ينتبهلي ازا الممرضات ولا الدكتورة سوو شئ غلط ولا زعقو فيا
اكيد وقتها بكون ضعيفة ومافيا اتناحل
ونا مررا خوافة بصراحة :(
لاني اسمع بعض البنات يحكو عن بلاوي الممرضات وانهم يزعقو عليهم وحاجات تفجع زي كدا
الللللللللللله يسهل علينا اجمعين
يمكن الاربعاء الجي وللادتي او بعدها بكم يوم ادعولللللللي
لاني نهائيا مااحس اني ح اولد قريب
ولا قد سالت عن وضع الجنين من ناحية الولادة
كنت احسب انو بس وقت الولادة يتجه راسو لتحت :( بلها

[روح الانوثه]

عظم الله اجرك اختي امل وعوضك الله خيرا وجعله شفيعا لك في الاخرة
الله يسهلك ولادتك nana.1985 ويفرحك بالنونو

[روح الانوثه]

كروزه بالعكس الحليب مفيد جدا للجنين ولك الله يرزقك طفل سليم معافا يارب وتقومي بالسلامه لا تنسيني من دعواتك

[ثلجه فوشيه]

نانا
الله يسهلك يااارب ولا تشيلي هم < شوف مين يوصي وانا اكبر خوافه :(
من دحين بس افكر بس والله من كثر مافكرت وتعبت صرت اقول على الله لاني
مرررا تعبت نفسيا خلاص لأني بكريه وما ادري عن الهرجه كيف ..
حاولي تمشي يانانا والله اخت زوجي قالت لي انتي زي بنتي بس لا تغلطي نفس غلطها
لانها مامشيت مراا وكان الرحم كل بعد كم ساعه يفتح واحد سانتي والا نص بس عشان كدا
مرا تعبت قالت امشي طلقك يكون حار وبسرعه يفتح الرحم مرررا مفيد المشي انا كنت زيك
اقول بلا مشي بلا هم بس من بعد كلامها قلت ان شاء الله را احاول امشي كل يوم عادي حبيبتي
تحملي الحر عشان ماتتعبي وتطول ولادتك ..
الله يسهل لك والله أني ادعي لكل وحده قربت ولادتها لاني انا لساتي ومررررا خايفه كيف انتو

أم عبوودي ..
ما الومك والله الضنا غالي الله يرحممو يارب بس كل ماتفتكري والا تضايقي ادعيلو وكمان
افتكري انو راح يكون طير في الجنه دا الشي لوحدو يفررح وان شاء الله يصبرك وكمان راح
يكون لك شفيع انتي وبابتوو ربي بيعوضك خير بأذن الله ..
وتابعي ماشاء الله حلو اربعه كيلو نزلتي في اسبوع معناتو ارادتك قويه لاحول ولاقوه الا بالله
ربي يوفقك ان شاء الله ..

كروزه
الحليب طيب اكيد للحامل ما اعتقد ينفخ الجنين والله يعطيكي ان شاء الله ساعه سهله
بس انتي ماتاخذي اقرص كالسيوم ؟؟

[كوكب زحل]

كيفكم ياحوامل عندي موقف صار معاى ابي اقولها لكم ان شالله تصدقوني
اول حمل لى صار بعد زواجي بشهرين كنت مرررررررة فرحانه
انا رحت بيت اهلى نهاية الاسبوع جنبهم عيادة رحت حللت طلعت حامل قولت بس لامي لسة زوجي مايعرف
رجعت بيتي لوحدى اخر الليل علشان زوجي مع اصحابة يتمشي مايرجع غير الفجر
صليت افجر قريت الاذكار نمت بس ربع ساعة صاحية من النوم مفجوعة
ابحث عن ولدي اقول وين راح ادور والله في الغرفة اقلب اللحاف اقول يكن غطيتة او نسيتة في بيتي اهلى كله صار في دقيقة يابنات الى الحين الله مانسي الموقف صرت ارتجف لمن وعية اني لوحدى في البيت النونو في بطني
حصل لى موقف قريب زي كذا
انا اقول علشان افكر كثير بالحمل انه ابي طفل
ربك سميع الدعاء

[كروزه]

صباح الخير جمعه مباركه

ثلجه وقفت حبوب الكالسيوم من شهرين وقالت بس خليكي على الحليب وبنسبه للمشي زوجي كل يوم يخرجني امشي وربي تعبته وطفشته خخخخخخخخخ

كوكب حبيتي اشغلي نفسك بشي ادرسي او سجلي نادي عشان تنسي

روح الانوثه كيفك ؟؟؟؟ بس هذا الحليب شكولاته والله مااعرف ليش الكالسيوم ناقص وانا طول الحمل وانا اشرب لبن وحليب




امل ربك كريم ويعوضك شطوره سجلتي في النادي عشان كمان تنسي شويه شجعي كوكب وخذيها معاكي

احلى موني الله يسعدك على الدعاء

[Nana.1985]

صباح الخيرررات
فوشيه خوفتيني والله .. شكلي بمشي في الخوش لان زوحي مو عندي في دوامو في الرياض

كررزة انتي مشيتي ونا لسااا :((((((((((((

اللللله يسهل يارب ويهون غ الجميع

[Om KHaled]

اللهم اجعل لنا في هذه الجمعة دعوة لا ترد
ومغفرة تملا الارض
ورزقا واسعا وعملا صالحا
وان تغفر لي و لجميع موتى المسلمين
اللهم افتح لأحبابي ابواب الجنة
اللهم امسح خطاياهم
اللهم ارزقهم رزقا من عندك
اللهم اشفي مرضى المسلمين
وارحم اموات المسلمين
جمعة مباركة عليكم جميعا

http://forum.hwaml.com/imgcache2/hwaml.com_1286523471_541.png

[& أمــــــل &]

صباح الخيرات كروشاااااااااااااااااااااات

طبعا يوم الجمعه عندي دائم مميز احب اصحى بدري واجهز الفطور واجهز اغراض زؤجي اصحيه واخليه ياخذ ش ويتقهوى ويفطر ويطلع للجمعه بدري انا اخلص شغلي واجهز العصير لين يرجع طبعا انا عند اجازه اليوم مافيه رجيم فراح اتغدى برا تغيير من روتين الاسبوع

حبيباتي الي على وشك ولاده وكل شي طبيعي امشو كثير صح حر بس استغلي هذا الحر وزيتي جسمك وامشي ساعه حاولي تكون مشي مع خطوات واسعه بعدين ارجعي للبيت وخذي دش مرتب تتنشطين وتساعدين نفسك على الولاده بيسر والزيت يساعدك يشيل اثر الحمل

الله يسهل عليكم ويفرحكم بالببو قريب

[Nana.1985]

الله يسعدك ياقموره نصيحة حلوة مررا .. انا ببدا امشي من بكرة ان شاء الله باقيلي اسبوعين حسب الشريط بس لانو الموية زايدة شوياااا يمكن تتبكر الولادة
الللله المستعااان

[ام رانسي]

مساء الخير وجمعه مباركة على الحلوين
نانا وانا اقول وش في الصفحة منوره اثريك هنا كيفك اشاء الله تكون في تمام الصحه انتي والبيبي وحشتنى موت الله يسهر ولدتك انتي وملكة الاحساس وثلجة فوشيه وكروزه
كيفكم بنات والله امس كن عندي ضيوف بس الحمد الله ماقصرو سعدوني ما خلون اتحرك الله يسعدهم ويرزق اخت زوجي الذريه الصالحه وكل محروم يارب
روح الانوثه . هلا وغلا منوره التجمع كيفك وكيف البيبي ان شاء الله تكون بخير

[كوكب زحل]

كيفكم يابنات والله وشتوني ادعولى ربي يرزقني عاجلا غير اجل يارب في الساعة المباركة

[ثلجه فوشيه]

مسسسسساء الخير على الكروشات الحلوين .. جمعه مبااااركه عالكل ..
كيفكم والله وحشتووني بنآت امس كنت في شبكه ورجعت مهلووووكه تعب بس الحمد لله مرررررررررا انبسطت وغيرت شويا جوو ..

نانا ياقلبي والله ماقصدي اخووفك بس حبيت اعطيك نصيحه او شي يفيدك عشان وقت ولادتك
ماتتعبي وبرضو لا تنسينا من دعواتك :)

امووله ماشاء الله كويس حلوو تغيير الروتين .. الله يهنيكم
بس حكينا لما ترجعي فين رحتي اي مطعم في مكه ؟؟ طبعا تعرفي مطاعم مكه ككثير ههههه
لا امزح بس عشان لو شي جديد نروح نجرب :)

[ام رانسي]

الله يرزقك البيبي الي يمل حياتك سعدة ياكوكب زحل وكل محرومه يارب
كوكب الرساله الي ارسلة لكي بس حد ما تسوي الربط لان الربط ما يسوه الا بنهاية الثالث فهمه وان شاءالله بعد مايسوه بكون اشاء الله يكون الوضع طبيعي

[كوكب زحل]

نهاية الثالث توى اعرف
الله يكتب لى الخير
اني انتظر بفارغ الصبر الله يسهل اموري كلها

[ثلجه فوشيه]

بنااااااات أنا مررررررا طفشانه :(

[كوكب زحل]

انا كمان طفشانه ودي اخرج اتمشي من امس اقول لى زوجي خرجني يقول تعبان
الحين خرج يلعب كورة شوي يجي يقولى تعبان مررررررررررررة الحمدالله هلى كل حال

[كروزه]

مساء الخير للجميع

نانا بديت امشي من يومين كل يوم نخرج انا وزوجي وامشي بس الدكتوره قالت لو تعبتي وقفي عشان لاتصير فيكي تنفخات

ولاتاخذي عسل عشان التقلصات لا تصير من بدري بدايه التاسع خليها بعد اسبوعين
من التاسع

[كوكب زحل]

سلام
انا خلصت اجازة اسبوعين
ابوى قالى امددها لى اسبوع قلت اية
على اساس بكرة اروح امدد الاجازة بس من اول جالسة لوحدى طفشت قولت
خلني اروح الدوام علشان انسي شوى

بكرة انشالله راح اروح المدرسة ان شالله الاربعاء بغيب علشان شبكة اخت زوجي
جهزت ملابسي مع انى مااشتريت شئ جديد علشان كنت حامل ان شالله بكرة احاول انزل السوق اشتري بلايز الله كريم

[ثلجه فوشيه]

ايواا احسن كوكب داومي علشان تنسي شوويا انتي من كثر الجلوس لوحدك والفضاوه
تفكرري كثير يمكن مع المدرسات والدوام تنسي شوويا ..

[ثلجه فوشيه]

كروزه فين تروحي تمشي ؟؟

[كوكب زحل]

الله يعيني اخذت جزء من الوسائل علشان اعلقها في الفصل الباقي اليوم الثاني ان شالله كون عندي شغلة تحاضير توزيع المنهج لاني ماسويت ولا شئ ان شالله لمن اكون فاضية ادخل اطمن عليكم

[Nana.1985]

الله يسعدك يا ام رانسي :)
بنات انا مشيت كدا نص ساعه في الحوش مع اخويا الدبدوب خخخخ
وماقدر امشيي برا لانو زوجي حبيبي مو هنا دوامو في الرياض جابني مكة وراح :( اخاف اولد وهوا مو هنا ..
وافق على بخش بسسس عشان يخلوه يدخل معايا الكشك خخخ

الله يسهل بس .. والله مشيت نص ساعه واحس اني تعبت مرررا
وباقيلي اسبوعين ولسا مانزلت بطني ولا اتغير فيها شئ بس بكرة يمكن اراجع في الرحمة بشوف وضع الجنين كيف لانو ضلوعي اليمين تحت صدري مررا تألمني كانو في سكينه مغروزه مررا تألم .. بس ابا اعرف لو الجنين الي ضاغط عليها حلووو على قلبي .. بس اخاف يكون شئ مو كويس :s الله يستر

[كروزه]

ثلجه امشي في العمره او البحيرات بنات افتكرت فيه سوق في العمره اظن اسمه سوق الشوام فيه محل على الشارع العام يبع مفارش نفاس كامله مع اشياء النونو 1500 واذا تبغي تصممي جبيله بس الموديل ويسوي زيه انا ماجربت بس عجبتني الفكره والسعر ايش رايكم
تسيت اسم المحل بس هوه على الشارع العام وكله اشياء اطفال

نانا زيك ضلوعي مره توجعني

كروشات بسالكم سؤال محرج ؟؟؟؟؟؟؟؟؟لازم ينزل ماده من الصدر في الشهور الاخيره انا مانزل مني شي

[Nana.1985]

ينات بالنسبة للتمر اي نوع تمر ناكل؟
انا احب البلح الاحمر ينفع ولا مو هوا الرطب؟
صاحبتي ولدت الربوع الي راح وتقول المشي الكتير يخلي الطلق يحمى بسرعة ويتوسع الرحم بسرعه مايطول .. تقول في ناس يتوسع كل ساعه ونص واحد سم ولا نص سم ! لكن المشي الكتير والتمر والعسل يسهلو التوسع دا باذن الله
وتقول وهيا رايحه المستشفى خلاص بعد ماجات علامات الولادة المويه وكدا اخدت معاها تلاجة فيها موية حارة وقرفة وجلست تشرب فيها .. وهيا بكريه ماشاءالله .. وولدت طبيعي الحمدلله

[Nana.1985]

كروزة انا طقمت بنفسي مدري ماعجبتني فكرة كللل شئ نفس الشكل حتى الزالة الله يكرمك وبعدين لما انتي تختاري كل شئ لحال احسن من انو يكون مسلا شكل اللحاف مجبره تاخديه ولو ماناسبك بس لفكرة انو طقم
انا اخدت سرير للبيبي من كل شئ للاطفال في الستين خشبي وصغير ي350 او 390 مني فاكر بس لزوز مرة بحكم اني ح انقلو للرياض معايا وامس ركبتو مع زوجي >> حماااس كنت مصممه محد يركبو غيرو عشان يحس بالابوة والمسؤليه خخخخ
واللحاف من اللانديجاني في الرصيفة ب450 فخم مرة بني وسكري قريب من سرير البيبي ونعوم مرة ينفع افرشو لما اروح بيتي اخدتو حق نفرين
والباقي زي كدا انا اطقم عشان لا انجبر على شئ معين
حتى لبسي حق النفاس من الستين اظن نفس محل السرير ي90 او 80 اخدت سكري وكم واحد اخواتي جابوه مممم بس زي كدا كلو على مزاجي هههه

والشئ الي ينزل من الصدر مدري عنو بس في ناس ماينزل عليهم الحليب الا بعد اسبوع او 10 ايام من الولادة وحدة صاحبتي بكريه عانت نفس الشئ مع بنتها لانها اتعودت ع الرضاعة وماتبغا صدر امها بس بالمنااحلة قدرت ترضعها ماشاءالله

[Nana.1985]

بنات مرررررا احبكم
الله يسهل علينا اجمعين
ويرزق كلللللللللللل وحدة تتمنى الذرية الصالحة يارب
ويخلينا كلنا امهات امينات وطيبات لبزورتنا ونكون قد المسؤلية والامانة الي ربنا حطها عندنا ... اااااااااامين

[Nana.1985]

http://forum.hwaml.com/imgcache2/hwaml.com_1286569532_486.jpg

http://forum.hwaml.com/imgcache2/hwaml.com_1286569532_486.jpg (http://www.herosh.com)

مدري كيف ح تطلع الصورة ولالا .. قولولي رايكم ؟ hwaml02

[ثلجه فوشيه]

امممم كروزه غريبه أنا من الشهر الرابع بدأت تنزل معايا دي الاشياء من صدرري
بس مو كذا تنزل لما اضغط على صدرري وكانت ماده شفافه ودحين كل مالها تزيد بياض
شوويا ...

نانا
واحنا نحبك حبيبتي الله يسهل لك يااارب وصح هوا هذا التمر الي المفروض تآكليه الي هوا الررطب الأحمر ممرا كويس كلي كل يوم عالاقل 7 حبات
مرررا حلوو من فين اخذتي ارواب النفاس تراني دايخه ادور ؟؟
ومعقوله اسعارها 90 و80 ؟؟ انا لقيت في الضباء اعتقد في الستين والله شكلي مضيعه اسمو بس محل قرريب من اسامه ونورا حق الاطفال لقيت الروب الواحد بـ250 بس ما اخذتوو ..

[Nana.1985]

الحمدلله طلعت ... المهم شفت زيو في سنتربوينت في لون ازرق فاتح ولون بمبي وردي انا اخترت سكري وبني لانو لون محايد وكمان يجي حلو ع المجلس الي في الصورة هوا الي ح اجلس فيه لما يجوني الناس يزورني d:
بالسلاامة يارب للجميع

[ثلجه فوشيه]

نانا واضحه الصوره حبيبتي وحلو السرير بس انا ماودي آخذ زي كذا حجمو صغير بدي اخذ
الخشب الي يجي مقفل من الجهتين عشان يبقى معاه الين يصير عمرو 3 سنين تعرفي هما يكبرو بسرعه وبعد كم شهر ماراح يستفيد منو لو كان صغير راح اضطر بعدين آخذ سرير تاني عشان كدا قلت احسب حسابي من البدايه فهتي عليا ..

[Nana.1985]

هوا يا كل شئ للاطفال او الي حواليه .. بعدين انا اخدت اتنين بس للضيوف ولا انا ماحب البس الحاجات دي :S احسها مو مريحه مدري
والباقي اخواتي جابولي شئ جديد وشئ من حقهم ايام النفاس يعني بمشي حالي بالموجود
بعدين شككتيني في نفسي؟ يمكن ب180؟ مو 80؟ والله مدري بس فاكره 90 او 80 وشكلو يعني نعوم وفخم جيد يعني مو بطال بس لما لبستو حسيت اني حرمة خخخخخخ ومفتح الكم من الجمب وشفاف وحركات حتى الروب كدا حلو يعني ... بس الي لقيتها كلها تلات اشكال او 4 مو كتير ونتي اسأليه قوليلو ابغا ملابس نفاس هوا يطلعلك ...

فووووشية! صح انا لما اتحمم وانظف الحلمة نفسها على قولك اعصرها اتاكد في جروح او شئ زي كدا يطلع شئ شفاف بس كنت اشك انو موية جسمي رطب او شئ زي كدا مادري انو افراز :s
بس اانا من الشهر الاول كانت تطلعلي زي القشور وامي قالتلي حطي زيت او فازلين وسرت على طوووووول احط عشان لاتتقرح .. لانو اختي لما ولدت اتقرحت الحلمات عندها وماقدرت ترضع لانو ينزل دم وقيح مع الحليب وتعبت من الحليب الي في صدرها حتى الله يلطف بنا جاها خراج في صدرها مررا تعبت لانو في حليب وماهي قادرة ترضع ولدها وكأنو اتعفن الحليب شئ زي كدا الله يعين

[ام القماري]

سلاااااام عليكم
في احد موجود ياحلوين؟

[Nana.1985]

صادقة ونا مرررا كان عاجبني الكبير الخشبي بس صعب لما انقلو في السيارة من مكة للرياض عشان كدا قلت امشي حالي بدا وبعدين من هناك لما يكبر شويا اشتري كبييييير براحتي ساعتها بس دحين مضطرة ...
يابختكم جالسين في مكة :'((((

انا زوجي موظف مو في الرياض حتى .. حوالين الرياض مررا ملل وطفش بس دحين جيت عند اهلي خفت اولد لحالي هناك خخخ
وابغا ولدي مكااااوي من مواليد مكة ان شاااء الله

بس الله يكتب الي فيه الخير

[Nana.1985]

ام القمااري اهلين ياقمررر موجووودين d:

[ام القماري]

عن ايش تتكلمو ياحلوين

[Nana.1985]

عن تجهيزات البيبي انا باقيلي اسبوعين واولد ومتحمسة مرااا مع اني بكريه وماني عارفة اش الي ح يسير فيها خخخ الله يستر بس

[ام القماري]

يارب يسهلك حبيبتي ويطمنا عليكي يارب

انا ثالث حمل ليا ولسه بالخامس

[Nana.1985]

حتى انتي تعاني من الحرقان؟؟
انا يقتللللللللللني بس سبحان الله جا بحكمة .. انا الكالسيوم عندي 7 يعني نازل بس بسبب الحرقان ارتفعععععع ... ليش؟؟ عشان كل مرة يجي حرقان اشرب حليب باااارد وعلى دا الحال .. مع اني اككككككككككككككككككككره الحليب وطول حياتي ولاعمرو احد من اهلي يتخيلني اشرب حليب
بس سبحان الله هههه

[Nana.1985]

قمورة فيين ناويه تولدي؟؟
وقد سار معاكي الم في ضلوعك الاماميه؟ انا الجهه اليمين بس!!
اخاف البيبي وضعه مقلوب وراسو محشور فوق
ومتى البطن تنزل؟ في يوم وليله ولا تاخد وقت؟؟
ازعجتك بس بحكم انو تالت حمل لكي هههه الله يتمملك على خير

[ثلجه فوشيه]

صحيح نانا مشكله السرير الكبير كيف تنقليه .. الله يعينك بس ياقلبي اتاأكديلي من اسم المحل
اذا ماعليكي كلافه :)

[ثلجه فوشيه]

اهلين ام القماااري ماشاء الله انتي خبررره اجل الله يتمم لك حملك يااارب ويرزقنا ساعه سهله

[ثلجه فوشيه]

نانا كم الكالسيوم الطبيعي يعني مايكون ناقص ؟؟
انا الشهر الجاي تحليلي يطلع ومو عارفه كم الطبيعي ؟؟
بعدين كمان كنت بسألك طلعت لك تشققات في بطنك بما انك ماشاء الله خلاص وصلتي التاسع ؟؟ وكنتي تستخدمي كرريم والا شي والا لا ؟؟ معليش كثرت اساله عليكي

[ملكة الاحساس]

مساء الخير على الجميع كيفكم معى الحمل
ام رانسي كيفك معى الربط وكيف البيبي معاكي الله يثبت حملك تولدي باالسلامه
كروزه ياقلبي ان شاء الله راح ادعيلك انت واللي في المنتدى والله يسهل ولادتك كثري رطب وخذي عسل معى حليب دافيء انا نصحني الدكتور باالعسل اول يوم دخلت التاسع باالعكس يساعد على الولاده حتى لوولدت اول اسبوع في التاسع اماالماده من الصدر يمكن طبيعي كلي طحينه جربي والله يسهلك\
\nana1985الله يسهلك كثري رطب وعسل البلح ماينفع والمشي الدكتورمحمد خان خوفني قال لومامشيتي الطفل يطلع راسه فوق اناباقي لي 9ايام واخلص التاسع والرحم من اسبوع مفتوح 1سم والطفل في الحوض وضلوعي مره تعورني مااقدراجلس من غير الام في الظهر وشد في الرجول الله يعينا ونولد انا وانت وكروزه في نفس اليوم ويتمم على جميع الحوامل

[ثلجه فوشيه]

سسسسلامتك ملووكه ايام وترتاحي بأذن الله

[ملكة الاحساس]

ثلجه فوشيه \الله يسمع منك يارب ويتمم لك على خير

[ثلجه فوشيه]

اميييييين ياررب ..
ملكه انتي بكريه صح ؟؟ كيف تشققات البطن معاكي ؟؟

[ام القماري]

قمورة فيين ناويه تولدي؟؟
ان شاء الله في مستشفى النور مضطره
وقد سار معاكي الم في ضلوعك الاماميه؟ انا الجهه اليمين بس!! اكيد لان الجنين في جهه اليمين فتحسي بثقل
اخاف البيبي وضعه مقلوب وراسو محشور فوق لا ياقلبي لا تخافي مو محشور عادي يكون الراس تحت
ومتى البطن تنزل؟ في يوم وليله ولا تاخد وقت؟؟ تاخد وقت ايام مثلا

الله يسهلكم يارب

[Nana.1985]

فوشية والله مافتكر لاني اشتريت الاغراض من السابع قبل رمضان
بس كلها المحلات جمب بعض في الستين ان شاءالل مارح تتعبي

الكالسيوم الطبيعي من 8 الى 14 او 12

والتشققات والله طول الحمل مافي شئ بس انا ادهن بطني بفازلين التقيل او زيت حنسون ودحين الاسبوع دا طلعتلي تشققات حمراااا تحت سرتي واتفجعت حسبت جرح بس كل ماتروش احط فازلين عليها او زيت عشان لاتكون المنطقة ناشفة وتتشقق بزيادة

ملكة خوفتيني انا والله لسا مااحس بشئ اليوم الي بديت امشي ونص ساعه بس وطفشت وتعبت وبطني لسا مانزلت لساتها فوق

[Nana.1985]

الللللله يسعدك قمورة طمنتيني الله يريح بالك
بروح ان شاءالله الصباح لمستوصف الرحمه لانو قريب من بيت اهلي
واكشف اشوف كيف وضع الجنين الله يستر
بعدين باللهي كيف امشي وامشي ونا احسن اني تقيلللله مررا وبطة مافيا مررا

[ثلجه فوشيه]

أم القمارري انتي مسجله في منتدى عالم الحياه الزوجيه ؟؟

[Nana.1985]

فوشية سايره محققه ههههه

[ثلجه فوشيه]

نانا هههههههههه اني شايفه كيف اسئلتي كثررت ..
والله من الطفش ودي اهرج مع اي احد < جالسه لوحدي كثر من خمسه ساعات بتجنن :(

[Nana.1985]

والله زيك بس مدري بسمالله بطني قلبت عليا اسهال الله يكرمك مدري اشبها
خايفة اولد خخخ ولا يمكن من القصص الي بقراها عن الولادة جاني مغص

[Om KHaled]

السلام عليكم كروشات
ايش اخباركم ؟

[ثلجه فوشيه]

سلامات والله ماتشوفي شر يمكن اكلتي حاجه ماهي كويسه ؟

هلا نورالقمر أنا بخير ولله الحمد انتي كيفك ايش اخباررك وايش اخبار النونو ؟؟
ان شاء الله طيبه وبخير يااارب

[ملكة الاحساس]

نانا انا مااخوفك بس ياقلبي هذا كلام الدكتور ولازم تمشي بطلي كسل انا زيك ثقلانه وطفشانه بس لما اتذكر كلام الدكتور اخاف احاول امشي في البيت ساعه اماالاسهال طبيعي في التاسع

[ملكة الاحساس]

ثلجه فوشيه اول حمل كان اجهاض في الخامس وهذاالثاني ادعيلي ربي يرزقني ويسهل ولادتي التشققات لازم في الحمل انا في بطني تشققات بس موكثير

[انشودةمطر]

اهلين صبايا كيفكم وش الاخبار والله جايني ارق يمكن من امس اربع ساعات ولبساعه 3 نعست بس جيت على فراشي فرحانه بالنوم قام ولدي قال ماما ابي هم لانو نام من غير عشى قلت بكره والله ملزم حزنت عليه وقمت سخنت الاكل والان الساعه الرابعه تهي تهي والنوم طار اذا لقيتوه رجعوه هههههههههه
ملكة الاحساس الله يعوضك بجين معافا ويتمم حملك على خير انا بعد صار عندي مو اجهاض توفي في الشهر الخامس الله يتمم علينا بخير
فوشيه ونور ونانا ونيلي ولايهونون الباقين وش اخباركم وشلون الكرشه

[Om KHaled]

انا بخير والحمد لله تسأل عنكم العافية , النونو ما شاء الله صار يزعجني بضرباته وصرت احس فيها ولازمني اتسطع على طول ...
الحمد لله
الله يثبت حملنا ويتتم لنا على خير
تحياتي للجميع

[نلي خانم]

ســــــــــــــــــــــــــــــــلاااااااااااااااا ام ياحلوين
كيفكم
وحشتوني مررررررره

أنا جيت من عند مامي ولو اطاوع نفسي طولت كمان لكن هكذا حال المحبين

ماشاء الله عليكم كم مريتوا صفحه الله يعين برجع لها وأقراها

تحياتـــــــــــ للجميع ــــــــــــــي

[كوكب زحل]

صباح الخير
صحيت من بدري جهزت نفسي صليت ابي استعد اروح الدوام ابي ارجع للوضع الطبيعي علشان انسي و مرت اسبوعين كانها كابوس ايام بس الحمدالله ان شالله ماترجع ربي راح يعوضني
اشوفكم على خير ان شالله

[ثلجه فوشيه]

ملووكه
ربي يعوضك خير ان شاء الله ياااااارب وتجيبي احلى نونو وتقر عينك فيه يااارب

انشووده
تسلمي ياقممممر والله يخلي لك ولدك ويحميه من كل شر حبيبتي لو مر عليكي النوم قبلي ارسلي عليا ههههه ..

نور القمر
دووم يااارب وعاد لازم من الحررركه بالعكس أنا مررا احب حركت النونو
بس دحي ماشاء الله بما اني راح ادخل السابع بعد اسبوع صايره ضرباتو قوويه ماشاء الله ..

نلي
ياهلاااا فيك ان شاء الله تكوني انبسطتي عند مامتك ياااارب

كوكب
كويس ماشاء الله تقدم ملحووظ استمرري والله راح يعوضك بأذن واحد أحد ..

[أم يزن]

مرحبا بنات كيفكم؟
حبيباتي يااااااااااااااليت اللي تعرف ارقام ممرخات تعطينا هيه
وارقام شغالات لان اهلي ماعندهم شغاله وماابغى اتعب مامتي فترة النفاس..اللي تعرف الله يوفقها تساعدني

[اموورة وكتكوتة]

صباح الخييير على كل الحلووييين hwaml60hwaml60

كيفكم كلكم

وحشتووووووووووني مرررررره hwaml84hwaml84hwaml84

النت كان مفصول عندي واليوم الصبح جاه
hwaml4hwaml4


مررره طفشت من دون النت .. وحشتوووووني كلكم

هاه مين ولدت وايش صار بغيابي ؟؟

ايش الاخبار؟؟

فاتني كتيييييررhwaml79

كيف نوناتكم ان شاء الله ربي يسهلكم ويسهلي امورنا

[اموورة وكتكوتة]

في احد ولا نايمين؟؟

[ثلجه فوشيه]

اهليييييييين كتكوته نوور التجمع بوجودك ..
والله غبتي فتررررره وبصراحه افتقدتك وسألت عنك يلا اهم شي انك بخير
انا ولله الحمممد طيبه ماشي حالي
والله يابنات امس جاتني تقلصات مرررا قوويه تعبتني وقعدت افكر اذا تقلصات تعبت منها كذا اجل كيف الطلق hwaml78
ماقدرت أنام وقتها ومن التعب غفيت شوويا الا يطلع لي ذاك الحلم الي يصحيني
اعوذ بالله ما ارتحت في نومي مررا مع اني مانمت الا الساعه سبعه الصباح وكل نومي مقطع
يلا كلو ان شاء الله بأجرو بس بعدها قمت طبخت وشغلت قرآن في بيتي شويا الحمد لله هديت وهذا انا قبل شويا صليت الظهر وقلت خليني اشقر عليكم .. شكلكم لسسسا مشغولين الي نايم واللي بالدوام والي يطبخ .. الله يسهل علينا يااارب ويأجرنا بكل الم نتألمو ..

[اموورة وكتكوتة]

هلا ثلجة فوشية كيفك حبيبتي

ربي يعطيكي العافية ويقويكي

شكرا يا قلبي ربي يخليكي

التقلصات هادي حبيبتي شي طبيعي انا كمان امس ما نمت جاني ما ادري هوه مغص ولا تقلصات ما ادري كيف اوصفو من شدة الالم بس حسيت كانو النونو طلع يدو ودخلها ههههه

ريحي حالك وارتاحي وكلو باجرو .. الجنة تحت اقدام الامهات..

انا جالسة اقرا اخباركم اللي فاتتني وقصصكم

ايش طبختي اليوم ههههه

انا جوعانة ومالي نفس للاكل

[ثلجه فوشيه]

حلووه دخل طلع يدو ودخلها هههههه
والله طبخت مكرونه بالباشميل يلا تعالي اليوم غداكي عندي ههههههه

[اموورة وكتكوتة]

hwaml71hwaml71 يمي يمي hwaml71hwaml71


خمس دقايق وتلاقيني عندك hwaml16

هههه بالعافية حبيبتي

[انشودةمطر]

ثلجه فوشيه شكلك بطنك بيوجعك كلنا عيونا في المكرونه الله يعطيط العافيه والصحه
اموره وكتكوته اهلين وحشتينا
نيلي انشالله انبسطتي والله كلنا اذا رحنا لاهلنا لقينا الراحه ما ودنا نجي
كروزه افضل شي رحتي للدوام تشغلي نفسك التفكير ترى مو كويس بقولك سالفة اختي عندها ولد ماشالله عمره 5 سنوات وسنتين ماتاخذ مانع ولا حملت لان زوجها مو دايم متواجد بحكم عمله ومشيه حالها بنظام العد وفي السنه الرابعه فكرت في الحمل سبحان اللله ما كتب ربي وانشغلت وقالت بروح اسوي تحاليل واكشف وسافرت برى مع زوجها واجلت الفكره بعد ماترجع والسنه هذي عندها مناسبه لاهل زوجها على الصيف وشاغله نفسها بالفستان وش راح تسوي والميك اب وتبيي تصير مميزه ههههه والمناسبه بالصيف امس كلمتني تقول الدوره تاخرت طلعت حامل يعني تكون بالمناسبه ولاده خخخخ لانها صرفت الموضوع وفكرت بشي ثاني سبحان الله نفسيا الموضوع طولت عليك بس قلتها للفايده

[ثلجه فوشيه]

كتكوته ربي يعافيكي حبيبي .. استناكي ههههه
انشوده ههههه مايحتاج اصلا بطني من امس وجع مو طبيعي بس نتحمل ايش نسوي ..
يلا أنا راح اروح احطها بالفرن وشويا يجي زوجي اغديه واجيكم بعد الغدا

[اموورة وكتكوتة]

هلا فيكي انشودة المطر وانتي وحشتينا اكتر كيفك وايش جديدك؟؟

بالعافية ثلجة فوشية ونشوفك بالمسا ان شاء الله

انا رايحة احاول اخد قيلولة وارجع ان شاء الله بعدين

اوروافوار بالفرنسي ههههههههه

[انشودةمطر]

كتكوته جديدي ثقل ارق رجلي الم مو طبيعي وقت النوم ههههههههههههههههه يعني النشره الجويه للحوامل الله يكتب لنا الاجر ويهون علينا ويرزق اختنا كروزه بحمل سليم معافى

[اموورة وكتكوتة]

ايوة والله حنى انا من يومين كنت نايمة وياسلاااام


وفجأة صحيت اصرخ من الالم رجولي شددد قوي لايحتمل
والى الان يجي ويروح .. الله يحفظ امهاتنا كيف تعبو واتحملو هادا الالم كلو

[ام رانسي]

مساء الخير على الحلوين
كفكم كليتكم والله وحشتوني
اموره وكتكووت وينك طولتي الغيبه ان شاءالله تكوني بخير بس الم الرجلين الله يعين عليه
نلى خانم كيفك حبيبتي ان شاء الله استنستي عند المامه وكيف البيبي
بنات كان اليوم موعدي عند الدكتور محمد خان وشفة الجنين يسلم عليكم ههههههههههه والدكتور طمني على البيبي وقلي البيبي ولد مو بنت وراني العضو الذكري ههههههههههه والبيبي قعد يتحرك ما شاء الله بنت الدعولي ربي يتمم على فرحتي بشوفة ضني
وبعد طلب مني الدكتور تحليل دم وبول في احد صر معه كذا بعده رحة السوق احذ ملابس حامل وع قرف مو حلوه بس وش اسوي اخذة لاني ما اقدر اتحرك كثير اسفه طولة عليكمhwaml7

[كروزه]

مساء الخيرات

اموره كيفك ؟؟؟؟؟؟؟ لكي وحشه

نلي خان الله يسعدك على الدعاء وربي يتمم حملك انا اخرج الدوام ابى انسى لاني مره افكر وزوجي بس مشغول وماعندي احد اتسلى .. لما اخرج للدوام ارجع تعبانه اسوي شغل بيتي وكل وقتي مشغوله يمر اليوم الحمد الله بدون تفكير hwaml13

ثلجه يله الخميس كل التجمع معزوم عندك على المعكرونه

بنات ذوبي رجعت من دكتور الاسنان يؤؤؤؤؤؤؤ الم في الضرس مااقدر اتحمله

قال مااقدر اسويلك شي hwaml4

[سنيورة مكة]

مسآء الخيــــر أخوآتي ..

لو سمحتو أفيدوني فـ موضوعي جزآكم الله خيـــــر ..

[كوكب زحل]

سلام
ممكن يام رانسي ممبروك على الولد عقبال ماتشيلنه بين احضانك
انا اليوم بديت الدوام الحمدالله مرررررررة مشغولة بديت احضر المنهج بس ابي انزل المكتبة زوجي مانزلني ابي اروراق للتحضير

[ام رانسي]

الله يعينك ياقلبي على الضرس والم بس يالله هنات ان شاء الله تولدي وتعدلي في ضروسك شكله الكالسيوم نقص عندك صح
سنيورة مكة. حبيبتي وش موضوعك عشان نفيدك

[ام رانسي]

كوكب زحل .
الله يبارك فيك ياقلبي وعقبلك بتوم ان شاء الله والفصل الاول في المدرسه ما انتهاء وتبشرين بخبر حملك يارب والله ادعلك وان توني مخلصه صلاة العشاء

[كوكب زحل]

شوى احضر وشوى ارجع للمنتدي ههههههههههههههه والله مرة احبكم احب اعرف اخباركم

[Nana.1985]

أم رانسي الحمدلله انك اتطمنتي .. نفسي اروح لمحمد خان دا ... فين بالزبط؟ وكم ياخد ع الكشفيه؟؟

كروزة فين تشتغلي؟

كوكب الحمدلله اهم شئ تشغلي نفسك وزوجك دا لازم يركز معاكي شويا مو وقتو يلعب كورة ومدري ايش (معليش بس من اول حاقدة عليه) ...

سنيورة رديت ع الموضوع تبعك بس ماعندي فكرة ..

[ام رانسي]

حبيبتي الله يطمنك على البيبي مثل مان تطمنت ماشاء الله بخصوص محمد خان في مبنى الرجحي سنترالي في العزيزيه الدور الربع بس يبغلك تخذي موعد من قبل فهمه وكشف بي 200 ريال بس

[Nana.1985]

طيب حلوووو .. بس تعرفي بكم الولادة عندو؟ طبيعي وقيصري (لاسمح الله)

[Nana.1985]

ام رانسي ادري ازعجتك هههه بس ممكن تعطيني الرقم عشان اتصل واخد موعد
وهل تعرفي احد قد ولد عندهم؟؟ وكيف الولادة عندهم؟؟

[ام رانسي]

نانا ما ازعجتيني بس راح اديك رقمهم بس مايردو الا بعد طلعة الروح وبخصوص الولدة والله ماعندي فكره وهذ رقمهم هاتف.5614447 جوال .0540603202 انا سوايت عمليتين تكيس المبيض 7000 وعملية ربط 3500 والولدة تقريبن 8000 الاف ريال بس مومتكده بس اسالي وقوليلي

[Nana.1985]

الللللله يديكي العافية ياقمر ويسهل ولادتك
شكلهم مو شغالين دحين لانو محد يرد
بس بسال كم الطبيعي والقيصري وسمعت انو الطبيعي مو هوا الي يولدك بس القيصري والعمليات هوا الي يسويها

انتي فين ناوية تولدي ان شاءالله؟
انا ان شاااءالله بخش

[كروزه]

ام رانسي عندي نفص كالسيوم مررررررررره ومن الشهر الرابع تقريبا وانا اشرب حليب ليدي ميل

نانا ادرس في مدرسه اهليه والراتب مره قليل بس اتسلى اهم شي

[اموورة وكتكوتة]

مساء الخير حبيباتي

مبرووووووووووك الف الف مبروك يا ام رانسي ان شاء الله ربي يتمملك ويتمملي وكل الحوامل على خير يارب

خلاص دحينة ما لازم ناديكي ام رانسي ايش حتسميه ان شاء الله؟؟

كروزة الف سلامة عليكي خلاص حبيبتي اتحملي شوي وبعد الولادة سوي باسنانك اللي تبغيه هههه حولي تتمضمضي بموية وملح وخففي من اكل الحلويات ههههههه انا كمان ضرس العقل مجنني بس ايش اسوي هئ هئ

كوكب زحل كويس رجعت دوام تتسلي.. ان شاء الله نسمع اخبار طيبة عنك

نانا فين حتولدي حبيبتي؟؟ وعند ميين تتابعي؟؟
الله يتمملك عخير

[اموورة وكتكوتة]

انا من شوي رجعت البيت كنت في متاجر السعودية

مررررررررره زحمة بس تصدقو شفت في حمامة جالسة تتمشى بين الناس وتطير مررره ضحكتني هههههه

بس ابغا اعرف ايش جاية تشتري الحمامة خخخخخ

[نلي خانم]

سلام بنات كيفكم

ملكة الأحساس
وينك أرسلت لك رساله على الخاص وصلتك أنا أنتظرك على جمر
ردي لي على الخاص تعبت من التفكير والقلق بلييييييز

[ثلجه فوشيه]

مسسسسساء الليل كروشات كيفكم اخباركم ..؟؟
كروزه
الله يحييكم والله انتو تعالو بس ..

كتكوته
يمكن جايه تتمشى بس ههههههههههههه مابدها تشتري شي

أم رانسي
يعني طلع ولد وأنا اللي كنت خاطبه بنتك لولدي ههههههه يعني دحين كلهم اولاد يلا مبروك ياقلبي
ان شاء الله تشوفيه وهوا بصحه وسسلامه وتحضنيه بأذن الله ..
والتحاليل عادي ياقممر اي وحده لازم يسوولها تحاليل عشان يشوفو كل شي تمام عندك ..

[ملكة الاحساس]

هلا يانلي والله الرساله مايفتح حاولت اكثر من مره الرساله عن ايش

[اموورة وكتكوتة]

هههههههههههه على قولك

[ملكة الاحساس]

بنات بعد شويه رايحه لموعدي عند محمد خان ان شاء الله يطمني على الطفل لانه ماعادباقي شي واخلص التاسع
دعواتكم لي اول ماارجع اطمنكم

[اموورة وكتكوتة]

ان شاء الله تولدي بسلامة حبيبتي ملكة الاحساس

[اموورة وكتكوتة]

شكلكم كلكم نمتو وانا جالسة اتكلم مع حالي هههههههه

طفشااااااااااااااااااااانة مررررررررررررة

[قمر ليالي مكة]

مرحبا صبايا كيفكم ؟؟
اشتقتلكم كتير
حابة اطمن عليكم بعرف انو مابقي إلي مكان معكم بس بحبكم وماني قادرة على فراقكم

[ثلجه فوشيه]

هلاااااااا قموره مين قال مالك مكان بيننا لا بالعكس والله تعودنا على بعض لا تتركينا
بالعكس نستفيد من خبراتك انا الحمد لله بخير ولله الحمد انتي كيفك وكيف حال ورداتك
الثلاثه ؟؟؟ ان شاء الله بخير ..

كتكوته أنا طفشانه اكتر منك والله :(

[نلي خانم]

ملكة الأحساس
أنا أشوف أنو افضل الرساله تكون على الخاص
برجع ارسل لك الرساله ثاني وبأذن الله تفتح

[ام القماري]

اهلين في احد موجود

[ثلجه فوشيه]

أنا مووجوده ..

[ثلجه فوشيه]

صباح الخير كروشات عندي والله كم حاجه بدي اسأل عنها
اللي بكرريه اكيد راح تروح فترة النفاس عند اهلها صح
طيب يابنات الغرفه الي راح تجلسي فيها عند اهلك ايش راح يكون موجود فيها اكيد سريرك وسرير البيبي ..
طيب في ناس يزينو الغرفه بأشياء بسيطه كدا امممممم
الأشياء الي تتتعلق في السقف يابنات من فين تشتروها ؟؟
ابغى محلات في مكه لأني ما اقدر انزل جده .. واسعارها ماتكون مرتفعه مررا
وبالنسبه للي عندها ولد يابنات ايش اشترت وايش جهززت من زينه بييييييييليز بنات ساعدوني ودي من دحين اخلص لانو زوجي راح يكون مشغول في الحج وانا راح ادخل شهري بدايه محرم ..
اعطوونا افكاركم ..

[Om KHaled]

حيا الله أهل مكــــــــــــــة المكرمة

[نلي خانم]

ثلجه فوشيه
مو شرط البكريه تروح لأهلها انا بجلس ببيتي والله يعيني شايله الهم
بس الزينه سوتها حماتي مع طقم المفرش وأخذتو من المفتي ومره كانت الزينه حلوه بس أنتي أذا ماأخذتي مع الطقم روحي لمحلات التغليف أو محلات الورد اللي يخليهم يزينون كوش وسيارات أكيد يزينوا الغرفه
وكمان أعرف وحده سوت شبكتها في البيت وجابتهم يزينوا الغرفه خلوها أبداع حتى السطح تزين
وأنا عن نفسي ألى ألحين زوجي رافض المفرش وأنا أحاول فيه وبأذن الله يوافق يقول ماله داعي بس لو سويت راح أروح لمحلات التغليف او الورد يزينو غرفتي

[ثلجه فوشيه]

نلي طيب يعني كم يطلع طقم المفرش مع التزيين ؟؟
حتى أنا زوجي ماهو مقتنع في هذا كلو يقول مالو داعي وانا محتاااره !!
طيب وايش المحلات الي ممكن تروحيها هنا في مكه ؟
المفتي هذا سمعت عنو يقولو في الحجاز بس ماعمري شفتو تصدقي مدري جنب ايش ..
يعني حماتك سوت لك المفرش من هناك انتي والا لها مافهمت ههههه

[انشودةمطر]

اهلين بنات كيفكم وش اللاخبار بنات بالنسبه للمفارش والله المفارش اللي في المفتي وقلتي عنها نيلي مره غاليه وانا تكلفت في ولدي الاول منها والثاني ما ابي اتكلف بس فيه وحده اعرفها تسوي المفرش ارسلت لك رقمها نيلي على الخاص تسوي المفرش بحدود 900
اللون اللي تبغيه
مكون من
شرشف سرير - لحاف - تكاية - كيس مخدة - قميص الأم قطعتين - سرير - حامل سرير - مفرش تقديم الطفل - مريلة - تلبيسة رضعه- لفة بيبي- شنطة - بدلة بيبي- تلبيسة مناديل

[MALAK2010]

http://forum.hwaml.com/imgcache2/hwaml.com_1286693860_811.gif

[اموورة وكتكوتة]

صباح الخيير كيفكم يابنات اليوم

انا رجعت قبل ساعة البيت كنت عند الدكتورة .. امس ما نمت طول الليل وانا استفرغ الله يكرمكم .. مرررره تعبت افتكرت ايام الوحم المؤلمة..

الدكتورة قالتلي هادا يمكن برد.. واعطتني حبوب مغص وحبوب مدري ايش..

مرررره قرفانة حالي

[ثلجه فوشيه]

سسسلامات كتكوته ماتشوفي شر ان شاء الله ريحي نفسك بس
والله حتى انا مو داريه المغص دا مررا ماسكني دحين لو يومين
بس بقوم على نفسي واتحمل الله يستر ايش ورا الاحتمال دا ..
حاولي ترتاحي وماتمشي في بيتك بدون شبشب الله يكرمك ويكرم الباقين اذا كان سيراميك
لانو المغص يجي من السيراميك يدخلك برد منو ..

[قمر ليالي مكة]

ثلجة فوشيه كيفك حبيبتي
انا بخير والحمد لله احسن و الخياطة متعبتني شوي بس هي ضريبة الامومة ههههههه
بدي قلك انا شو عملت بنفاسي كل بنت عملتلها شي مختلف
اول مرة رحت على عاصم وعندك ياه بالضيافة قبل محلات الاكل عندو زينة بتجنن ولادي - بناتي راح تلاقي كل شي يعجبك انا عن نفسي اشتريت بلونات وفراشات ابيض و وردي وتروحي على محلات الورد وتعملي باقة حلوة من الورد
وببنتي الثانية رحت على الزمزمي اللي بالرصيفة عندو زينة بتجنن هو بيجي على البيت وبيعملك شي حلو وبأسعار كمان حلوووة

[Nana.1985]

الله يشفيكي امورررة واسمعي كلام فوشيه انا مامشي الي بالشبشب ولو تركتو بطني تقلب ...
والي سالتني فين ح اولد ( فقدت الزاكرة نسيت مين خخخ)
المه ان شاءالله باذن الله ان ربنا اراد في بخش
وكل مرة اراجع عندهم تكون دكتورة غير لانو حسب المناوبه وكل وحدة الطف من التانية >>> اهم شئ عندي اللطافة والرقة هههه

[قمر ليالي مكة]

سلامتك امورة وكتكوتة
ليكون اكلة شي من برا ماهو نضيف
ديري بالك على نفسك

[قمر ليالي مكة]

يلا هانت نانا ربي يقومك بالسلامة يارب

[Nana.1985]

قموورة حمدلله على سلامتك ياارب وعقبالناااا
بس الزمزمي بكم يسوي ؟؟
ايام شبكتي كنت ادور ع المحلات ومن بينها الزمزمي حسيت في حاجات مو مرة مرة حلوة وغالية مررا مدري بس عن حاجات السابع ماكنت اطالع فيها وقتها خخخ

[اموورة وكتكوتة]

الله يسلمكم حبيباتي ثلجة فوشية وقمر مكة ونانا والكل..

والف سلامة عليكي ثلجة فوشية هوه كدة الحمل يعني تحملي كل التعب والالم ريحي حالك واشربي حليب ساخن
انا بيتي هادا مافيه سيراميك غير المطبخ كلو موكيت .. البرد جاه من المكيف في غيرو الجو حار والمكيف طول الوقت عليا ههههههههه مالنا غنى عن المكيف هههههه

قمر ليالي مكة الحمدلله عسلامتك حبيبتي ودوبو نور التجمع بطل القمر.. كيف لمى بوسيلي هيه الله يحفظها..

ابغا اسالك فين الزمزمي هادا سمعت عنو بس ما ادري فين؟؟ ممكن تقوليلي عنوانو؟؟

نانا انا اللي سالتك فين حتولدي.. ان شاء الله بسلامة ياقلبي

[انشودةمطر]

اموره وكتكوته ماتشوفي شر سلامات هذا اكيد برد الله يعين انتبهي على نفسك

[اموورة وكتكوتة]

الله يسلمك انشودة المطر..

كيفك وايش اخر اخبارك ؟؟

[Nana.1985]

معليش فقدان زاكرة مؤقت خخخخ
امورره انتي في اي شهر وفين ح تولدي بالسلامة؟

[اموورة وكتكوتة]

هههههههه معليش نانا هدا من علامات الحمل
انا بالتامن والحمدلله ان شاء الله اولد بمستشفى خاص التونسي .. الاهلي .. باشراحيل المهم مستشفى خاص .. زوجي مرررة مو موافق بس احاول اقنعو
انا اتابع في عيادة المجد بالشوقية ويبغاني اولد هناك

[Nana.1985]

اهاا الله يعينك
بس بدري دوبك بتقنعيه؟ هههه
شوفي هما الرجال يخافو ينزنقو ماديا عشان كدا مايبغو خاص ونا زوجي نفس الشئ بس من اول شهر قلتلو ابغا بخش ونا بكرية واول مرة واخاف ومن الكلاام دا فرتب امورو دخل في جمعية الحمدلله واتسهلت حتى عامل حسابو على طبيعي 4400 لو قيصري 9000 بدون التحاليل يقولي ح اجلس اشحت هههه حرام .. ولييييين دحين يززن اولدي في حراء اعرف دكتور اولدي هنا اعرف دكتورة بس انا اقولو لا اخاف مافيا اتعزب ونا لسا مني فاهمه الولادة ووضعها كيف وكمان بخش يدخلو معاكي احد وقت الولادة زوجك وامك وابوكي واي احد هههه عشان كدا وافق لانو نفسو يحضر الولادة

بس لازم الترتيب من بدري كنا ناويين نسافر شهر عسل في الاجازة بس كنسلنا عشان الولادة والخاص

[ثلجه فوشيه]

تسلمي قمووره الله يجزاكي خير وسلامتك ياقلبي معليش على
قولك دي ضريبه الأمومه كلها ايام ويروح الوجع بس انتبهي على حالك وبوسيلي لمى واخواتها كتيييييير ..
بس صحيح ماتفتكري كم اسعار الزمزمي يعني بكم يجي يزين لك الغرفه ؟؟ قولي سعر عشان اعرف ارتب اموري هههههه

[ثلجه فوشيه]

نانا والله انتي نفس حكايه زوجي اولدي في حراء اولدي في حراء وانا أصريت عليه اني بكريه وخايفه ولا اعرف شي وابغى اولد في خاص المهم اقنعتو اخيرا على باشراحيل ..
الطبيعي عندهم على ماسمعت من البنات 2600 يعني احسن من بخش لانو بخش اغلى شويا
وتقريبا على ماسمعت باشراحيل افضل وفيها دكاتره كويسين اللي هما فطيمه وباسمه ..
ويقولو اكلهم كويس ونظيف وحتى اهتمامهم مرا كويس أنا ماجربت بس وحده ولدت هنا عنهدم قالت لي
فخلاص ان شاء الله حولد هناك .. ونفس الدكتوره فطيمه دي بنت اخت زوجي تراجع عندها تقووول مرا حنونه وطيبه وتقرا عليكي وتهديكي يعني مررا تمام .. قلت اتوكل على الله وخلاص

[قمر ليالي مكة]

تسلمي امورة وكتكوتة هاد نورك والله
الزمزمي بالرصيفة شفتي مسجد الامير احمد الشارع اللي قبالو
وانا وقتها اخد مني 200 ريال وعمل شي مميز كل اللي دخل عندي ابدى اعجابو

[قمر ليالي مكة]

تبوسك العافية ثلجة فوشية
عقبال قومتك بالسلامة

[قمر ليالي مكة]

الله يسلمك نانا وعقبال ما اهنيكي بقيامك بالسلامة

[ثلجه فوشيه]

قمووره شيكي عالخاص ورديلي حبيبتي

[قمر ليالي مكة]

اوكي رديت عليكي ياحلوووووو

[Nana.1985]

ليش الحوارات السرية دي ؟ خخخخ
الله يسعدك ياقمورة
وفوشية بخش حبيتها لان اختي ولدت فيها مرتين يعني اعرفها مزبووط ومتطمنه الحمدلله .. الله يكتبلنا الخير في اي مكان ..
انا مدري من الرصيفة لبخش مشواار وزحمة يمكن اولد في السيارة خخخخ

[ثلجه فوشيه]

هههههههه نانا أنتي في الرصيفه اجل كمان انا وانتي طلعنا جيران هههههه
والله حتى انا من بيتي لـ باشراحيل مشوار بس ترى الولاده تأخذ وقت اول قلت لماما
خايفه اولد بالسياره قالت وانتي تحسبي على طول حتولدي خخخخ هنا أنا خفت
قالت لو بتروي جده مداكي hwaml03
الله يستر بس hwaml02hwaml02

[ام رانسي]

مساء الخير على الحلوين كيفكم ان شاء الله تكون بخير انتو والبيبي
اموره وكتكوته. ماتشوفي شر الحمدالله على السلامه وبخصوص البيبي الله يبارك فيك ياقلبي بكون اسمه الولد ان شاء الله راكان وش ريك في الاسم
ثلجة فوشيه. مشكوره على الدعاء حبيبتي الله يسمع منك خلاص ولدك ينتضر لين اولاد وبعده احمل واجيب بنت هههههههههههههههههههه
نانا. لسى ما فكرة اولاد فين يمكن في باشرحيل او في حراء

[Compassionate Heart]

سلام عليكم
مساء الخير يا احلى كروشات و احلى امهات في الدنيه
اخباركم وحشتوني مرا كثير اعذروني على الغيبه
ربي يعلم اني ادخل اطمن عليكم و اقراء واشوف اخباركم الحمدالله ربي يطمني عليكم يارب بس ما الحق اكتبلكم و ادردش معاكم لاني انا الحين ابداء الم عفش بيتي عشان الحجاج
و مرا نفسيتي تعبانه يا بنات عندي صحبتي زي اختي جابت ولد من خمس شهور و كان تعبان و توفه اليوم تعبت نفسيتي كثير صاير معايه خوف والله اكتبلكم و انا ابكي لان مخنوقه قولت لزوجي خلاص الشركه تلم انا تعبانه بروح عند امي مو قادره و انا خير شر افكر كثير مادري ايش اسوي قولت اكتبلكم لاني معاكم احس براحه والله ربي يعلم
الله يصبر قلب امه يارب و يجعله شفيع مشفع يارب

كتكوته الف سلامه عليكي يارب انتبهي على حالك يا قلبي وريحي نفسك ربي يسعدك

ثلجه فوشيه لا انتبهي على نفسك ربي يسعدك و المغص خذي بسكوبان و ريحي نفسك

انشودةمطر عساكي بخير يارب ربي يطمن قلبك يارب

قمر ليالي مكة ربي يسعدك و يحفظلك و يخليلك الكتاكيت يارب انتبهي على نفسك والحمدالله انك ارتحتي يعني ربي يهون عليكي يارب

Nana.1985 ربي يهون عليكي يارب و على ملكة الاحساس وعلى كروزه يارب تقومه بالف سلامه يارب

ام رانسي مبروك البوبو طلع ولد اهم شي يجي بالف سلامه و بصحه يارب انتبهي على نفسك ربي يسعدك

نلي عساكي بخير يارب ربي يطمن قلبك يارب

كوكب حلو انك ترمي كل شي و تبداء حياه جديده و ربي يكتبلك الخير شوفي الا ضناهم يروح بعد ما يجي على الدنيه يعني قولي الحمدالله الله يهون مصيبتك و مصيبت الجميع يارب و ياجر الجميع يارب

امل عساكي بخير يارب ربي يطمن قلبك يارب

•_• نـُور القـمَر •_• عساكي بخير يارب ربي يطمن قلبك يارب

احلى موني عساكي بخير يارب ربي يطمن قلبك يارب

يارب ما اكون نسيت احد والله اكتب و انا ما اشوف بس وحشتوني ربي يطمني عليكم و يهون على الجميع يارب لو نسيت احد سموحوني كثير الله يخليكم نسياني مو تقصير مني يا احلى امهات
انتبهو على حالكم ربي يحفظكم يارب

اسفه اني طولت في كلامي

[Nana.1985]

بنات عبيت شنطة المستشفى من شهر بس دحين كل شويا اضيف حاجة
ادري انو الولادة مو شئ سهل على كلام الحريم الي ولدوو
بس احس اني مو مهتمه مدري خايفة 20% بس الباقي حمااااس
نفسي اشوف النونو ووالعب بيه والعبو وااكلووو وابووسووو والبسوو
ياااه مررررا نفسي اشوفو خلاص
بس افكر انو يمكن اتعب ولا اطفش منو اش اسوي ساعتها؟ هههه
ح يكون لاصق في وجهي 24 ساعه
لمن يتعبني فين اوديه يوووه احيان افكر اني مارح اكون ام مثاليه
يمكن اتركو يبكي واطنشو في الليل لو فيا نوم ولا انسى ارضعو ولا ماغيرلو حفاضتو .. يمكن اكون من الامهات الي مو مهتمات المهملات؟ مدري اخاف اكون زي كدا ..
انا اول لما العب بزورة اخواتي امسكهم شويا بعدين اطفش اودي كل واحد لأمو .. دحين لو طفشت فين اوديه؟؟
ابغا اعرف هل انا الوحيده الي عقلي مشقلب وافكر كدا و اوسوس ولا حتى انتو تجيكم افكار زي كدا؟
اخاف يعني ماكون قد الامانة الي اعطاني هياا ربنا ؟ :( والله مره الموضوع دا يقلقني كتيرررر

[Nana.1985]

رحيمة ربي يسعدك ياقمر ويسهلك امرك .. اللهم امين
ونتي ماتقدر تسوي شئ لصاحبتك هديك الا انك تدعيلها في ظهر الغيب ان ربي يخفف عنها ويبرد قلبها ويعوضها بالي احسن منه ... الله يرزق الجميع كل خير يارب ... قل لن يصيبنا الا ماكتب الله لنا ... سبحان الله ربنا كاتب كدا ومقدر كدا ويمكن دا خيره لها ماتدري .. الله يصبررها ويجبرها يارب
والله عورتيلي قلبي مو شئ هين لكن الله كريم وينزل عليها السكينة والصبر

[Compassionate Heart]

Nana.1985
ربي يفرح قلبك يارب بس شيلي الوسوسه انا اوسوس بس مو زي وسوستك برضو وسوسه حلوه احسن مني لاني بس اسمع اخبار مو كويسه تعبت الله لا يكتبها على احد يارب ربي يفرح قلبك و يهون عليكي يارب و يعطيكي ساعه ولاده مباركه يارب

صح اهم شي الدعاء في ظهر الغيب و وقوع المصائب بس انا افكر كيف لو انا مكانه عارفه و انا ولد اخويه عمره 10 سنين توفه هذا فجعه كبيره ل امه اشبك بعد ما كبر يروح منها يعني اقول الا يكون صغير لسه ما تعرف ايش يحب و ايش يكره يعني ربي يهونها و يصبرها ويصبر قلوب الجميع يارب ولا يوريها لا احد ولا يفجع احد على ضناه يارب

[اموورة وكتكوتة]

مساء الخييرر كيفكم يا حلوين

نانا انا كمان افكر زيك كدة بس يمكن نتغير بعدين .. خصوصا نحن متلهفيين عليه مو معقولة حنتركو يبكي اصلا حنحزن عليه اذا بكي ونصير نبغا نرضيه باي شكل .. ما ادري والله يمكن ولا ايش رايك؟؟

وبالنسبة لشهر العسل ان شاء الله بكرة مع نونتك تروحو ..

رحيمة القلب لكي وحشة يا قلبي لا تقطعي ادخلي دايما

ثلجة فوشية الله يسلمك حبيبتي.. هاه اشتريتي سرير البيبي..
انا رحت سوق الدواس بس زوجي قللي مو وقتو دحين السرير .. بس ما عندهم اشياء كتييير .. افكر اروح الستيين اتفرج.. انتي روحتي؟

[كوكو الحلوه]

اسلام عليكم ورحمه الله وبركاته رحبو فيني انا جديده حبيت اكون معاكم تقبلونى ضيفه عندكم ودوم ان شاء الله اكون وياكم والله حبيتكم من قبل ما اتعرف عليكم كل يوم اقرا عنكم واشوف اخباركم بس قرارت اكون معاكم ومثل اختكم بعد الله يتمم علينا حملنا بخير يارب جميعا

[اموورة وكتكوتة]

رحيمة القلب والله حزنتيني ربي يعوضها ان شاء الله ويصبرها
ادري كل الكلام ما ينفع بس ربي يصبرها وييعوضها ان شاء الله لها الجنة على صبرها بس انتي لاتفكري كتييير وتوكلي عربنا

هلا كوكو الحلوة..كيفك انتي حامل وباي شهر؟؟
ان شاء الله نكون زي اخوات واكتر.. ونورتي التجمع

[Compassionate Heart]

اموورة وكتكوتة
ربي يسعدك ما تشوفي وحش يا قلبي عساكي بخير دحين يا قمر احسن من اول و ان شاء الله ما اقطع يا قمر
امين يارب ربي يصبر قلبها
ان شاء الله ربي يطمني عليكي يارب


كوكو الحلوه
هلا فيكي تحبك العافيه يارب منوره ان شاء الله تنبسطي معانه يارب

[اموورة وكتكوتة]

ام رانسي

كيفك حلو مرررره اسم راكان ربي يتمملك عخير خلاص دحينة لازم نناديكي ام راكان مو كدة.. هاه ايش لخبارك اشتريتي شي ولا لسة زينا هههههههه


رحيمة ان شاء الله وانتي كمان حبيبتي.. ربي يتمملك عخير يا قلبي

[Nana.1985]

منووورة ياكوكو الحلوووة

امورة لا ان شاءالله مانتركو يبكي ..
ونا رحت الستين قضيت من هناك ومن سنتربوينت في سرر حلووة كبيرة وصغيرة واسعارها معقولة من 350 لين 800 وفي اغلا يمكن
بس لاتشتري الا لما تدوري الصف كلووو
لانو مع انهم محلات جمب بعضضض بس تلقي نصب وفرق في السعر يمكن 100 او 50 على نفففففففس البضاعة
ومارح تتعبي ان شاءالله لانها كلها لاصقة في بعضها المحلات
ونا بحكم اني ح انقل السرير من مكة للرياض اخدت واحد سعنتوت
ونزلت صورتو هنا

[كوكو الحلوه]

مشكووووووووره على ترحيب اموورة وكتكوتة انا حامل في اشهر السابع وهذا اول حمل ليا وربي يسهل يارب والله اني مره خايفه بس الله يكون في عوننا يارب

[كوكو الحلوه]

يسلموووووووووووووووووووووووووو على ترحيب جميعنا وان شاءالله تنبسطو من وجودي معاكم تفيدوني وافيدكم بلى اعرفو

[اموورة وكتكوتة]

ايوة ما شاء الله شفتو مررره عجبني وحلو مررره.. الله يهنيكم فيه وان شاء الله تفرحي فيه لما تحطي النونو فيه وتلعبيه فيه وتنيميه فيه..

بس هادا بعد كم شهر حتغيريه عشان ما شاء الله النونو حيكبر .. اكيد حتشتري من الرياض واحد اكبر ان شاء الله

لا انا ابغاه كبير شوي ويتحمل كم سنة
ان شاء الله اروح باخر الاسبوع اذا زوجي كان فاضي وراضي هههه

انا شفت في سنتر بوينت بس مررره غاليين وانا ابغا شي رخيص وحلو..

[Om KHaled]

بنــــــــــــــــات شخباركم اليوم ؟؟؟

عساكم بخير


احبكم جميعا

[Nana.1985]

ماشاءالله في السابع .. الله يتمملك على خير انا باقيلي 12 يوم واولد وبرضو بكرية .. الله يسهلها يارب ع الجميييع
ولسا بدري ع القلق >>> يعني اني خبرة خخخخ
لا بس يعني الشهور كلها تعدي بسرعة الا التاسع بطططططططططططططططططططططئ جدا وممل

[كوكو الحلوه]

الله يسهل عليكي يارب وتبشرينا بولدتك عاد من الشهور تمشي بسرعه ما اظن احس اشهر بسنه والله عندك خبره خلاص مو انتهيتي بس باقي البيبي عاد انا اختي امس كانت والده وتعالى شوفي ذابحه فيها كل شوي اسأل كيف وكيف وربيك يعين يارب

[ثلجه فوشيه]

مسسائوو كروشات ..
كيفك حالكم ..؟؟
بقولكم اليوم ايش صار فيا من مقلب ههههه
شفت نفسي طفشانه بعد المغرب قلت خليني اروح عند ماما اجلس عندها شويا نتقهوى واشرب الشاهي ومنها نقعد نهررج واختكم في الله عندها مفتاح اسبيرت مفتاحي ايام ماكنت في بيت اهلي اخذتو معايا المهم مالكم في الطوويله قلت بسويها مفجأه وبروح بدون ما اقولهم ههههه
ورحت صليت المغرب ولبست قولت لزوجي يلا أنا جاهززه المهم وصلنا البيت وأنا اتسحب زي الحراميه ههههههه دخلت مع باب الحوش وقفلتو بشويش عشان مايسمعو بعدين فتحت باب الفله ودخلت امشي شويا شويا وطلعت فوق مافي احد :(
ههههههههههههه وربي ياجلست اضحك على نفسي ضحك قال بسوي لهم مفاجأه طلع مافي احد في البيت اتصلت على ماما فيييييييييييييينك ؟؟ قالت وانتي اشلك خخخ قلت أنا في بيتكم هههه
قعدت تضحك تقول احسن محد يجي عند الناس بدون ميعاد قلت بسوي مفجأه ههههه بس قالت أحنا خرجنا رحنا الشرايع عند اختك اختي التانيه متزوجه بس بعدين شويا لقيت بابا في بالبيت بس جلست معاه أنا وزوجي وقمت سويت لهم الشاي وانبسطنا بس برضو ماراح اتعلم بسويها تاني دايما اروح لهم فجاه هههههه ..

كتكوته ياقلبي والله رحت الستين بس ماكان في بالي اشتري سرير رحت اخذت كم قطعه ملابس للنونو بس ماشفت شي عجبني من السرر حقتهم والدواس لا والله مارحت ..
كتكوته
انتي راح تنفسي عند مامتك والا في بيتك ؟؟
وجهزتي شي لغرفه النفاس من زينه ؟؟ وتوزيعات ولا ماراح تجهززي ؟؟


رحيمه
هلا فيك ياقلبي طولتي الغيبه علينا الله يرحم ولد صاحبتك ويهون على قلبها ويصبرها
وانتي لا تسمعي الأخبار اللي ماهي حلووه مو كويس لك ولا تقعدي تفكرري بسلبيه حبيبتي ..


كوكو
هلابك ياقلبي بيننا الله يسهل عليكي وان شاء الله تنبسطي معانا أنا كمان باقي لي 5 ايام وأدخل السابع زيك ..
الحمد لله على سلامت اختك ايش جابت وفين ولدت وان شاء الله تكون ولدت طبيعي يااارب ...

[اموورة وكتكوتة]

ههههههههه حلو والله تستاهلي احد يروح عند احد من دون مايقولو ههههههه
بس يالله اتسليتي .. شكلك تحبي تسوي مقالب ههههههه

انا حروح عند ماما بس ما ادري كم حجاس عندها وما ابغا اجلس كل الاربعين عندها .. اخاف ازعجهم بصوت النونو لانو اختي من فترة ولدت وجلست 10 ايام عندهم ما كانو ينامو اخواني من صوت بنوتتها ههههههه بعدين راحت بيتها جلست اسبوع في بيتها وما قدرت تتعامل مع النونو فرجعت مكة وجلست كمانة اسبوع.. هيه ساكنة بجدة

والله لسة ما جهزت شي لا لغرفة النفاس ولا حتى التوزيعات .. ما شاء الله ابو الشباب كل ما اقولو يرد عليا مو لازم مو لازم .. وليش تبغي الكلام الفاضي هادا.. مشكلتي انو مررررررررررررره مرررررررررررررررره عنيييييييييييييييد فوق الخيال هههههههههه الله يعين

ان شاء الله بس اذا قدرت بروح مهجة احاول اشتري اقل شي توزيعات وشوية بالونات على زينة وحركات زي كدة بس متى حروح الله اعلم ههههههه

[ام رانسي]

مساء الخير على الحلوين
كيفكم انتو والبيبيhwaml7
نانا.
كيفك مع الحامل الله ييسر ولدتك يارب بس القلق لزم منوه انا توني بالخامس وخيفه موت بس الله يعين
رحيمة القلب .
وين الغيبه والله وحشتيني كتير الله يصبر قلب امه والحياه كذا يوم فرح ويوم حزن بس الله يخلي ايامن كله فرح في فرح
نور القمر .
هلا وغلا كيفك وكيف البيبي
اموره وكتكوته.
مشكوره حبيبتي كلك ذوق تسلمي بس انا اخذاة ملابس حمل بس مو حلوة كتير لاني ما اقدر اروح السوق لان الدكتور مانعني
كوكو الحلوه .
منوره التجمع وان اشاء الله تنبسطي معني لان زي الخوات واكثر بس اصبري لس قدمك شهرين الله يعين
ثلجة فوشيه . ملقوفه تروحي عند المامه من دون موعد هههههههههههههههههههههههه ملقوفه صح هههههههه بس انتي زي بتمام هههههههههه انا كذااروح ودخل البيت وبعدين ينتبهو ههههههههههههه بس حلوه تعيشي وتاكلي غيره هههههههههههههههههههخخخخخخخخخخخخخخخخخخخخخ

[ثلجه فوشيه]

كتكوته
عندنا وعندك خير هههههه حتى زوجي مو مهم وليش هذا كلو كلام فاضي ههههه
الله يصبرنا بس ويعيننا ..
وحتى أنا زيك ماراح اقعد الأربعين كامله بس ماشاء الله بالك طوويل أنا من دحين شايله هم
والله بيني وبينك احب المقالب بس دي المره أنا اللي صار فيا المقلب ههههه

ام رانسي
اضحكي اضحكي ههههههههه عسى دووم الضحكه ..

[كوكو الحلوه]

شـكــ وبارك الله فيك ـــرا لك ... لك مني أجمل تحية يا ثلجه فوشيه لا الحمدلله والدة طبيعى في مستشفى الولاده واليوم طلعت من المستشفى جابت والد ياعيني عليه يجنن ما شاء الله الله يحفظه لها والجميع يارب

[Nana.1985]

فوشيه انتي الي اكلتي الموفااجاءة هههههههههه

امورة اسمعي التوزيعات انا من اول حملي بس انزل صور من النت وادور واعمل واسوي بس بعدين حسيت مالو داعي
يعني هوا حسب كل عايلة .. احنا عندنا اهلنا ماهم كتيرين وعادي احس شكولاتة فخمة وقهوة وعصير كفاية ..
ااما التوزيعات دي بسويها ان شاءالله لما بسوي سابع .. اما للي يزوروني مالها داعي احس .. صحيح بزيين الغرفة بالولنات وحركات حتى من الستين في كيس تنباع فيه مجموعة من الفلين مرشوش بوية حسب اللون الي تبغيه بمبي ودهبي وازرق على شكل رضاعه مصاصه ومدري ايش ب150 اشتريه وعلقي وخلاص يكفي ..
حتى لو تبغي توزيعات ومصممه مررا اشتريها شئ مفيد
مو تحف مجسمات بس ياخدوها وتنرمي
يعني انا افضل اشتري شكولاتة فخمة وملصق عليها دعوة للمولود على اني اشتري مجسم واخرتو يترمي! بس في مجسمات شموع ممكن حلوة الواحد يستفيد من الشموع لو طفت الكهربا خخخخ
مدري سبحان الله من نفسي اقتنعت بس ماني مبينه لزوجي اني مابغا
طفشتو ابغا وابغا وابغا كلللللللل شئ حتى لو قالي لأ .,. ح يقول لأ مو على كل شئ يعني يكون على 50% من كلامي ..
واسوي الي في راسي خخخخ والله مسكين تعبتو .. الله يعينوو عليا خخخ
المهم الزبدة اشتري شئ حلو ويستفيدو منو الناس لوحبيتي انك تشتري ..

[Nana.1985]

فوشبة انا اغيب عنهم اسبوعين تلاته ولما اجي عندي المفتاح
ادخل وانسدح على سرير بابا ولما يجي الغرفة ينفجع ميين دا هههه
لازم من الحركات دي خخخخ بس ماقد اكلت المقلب انا لاني ادق اول واسوي يعني يعني اسال عنهم خخخ

وبالنسبة للاربعين حسب الحالة مدري كيف بيكون وضعي طيبة ولا تعبانة
بس نفسي اغمض عيني وافتحها القا نفسي في بيتي مع زوجي والكتكوت

[اموورة وكتكوتة]

ام رانسي ان شاء الله لما تصيري بالشهور الاخيرة تروحي وتشتري عاى كيفك

ثلجة فوشية والله انا بالي مو طويل انا مرررره انفعل بسرعة وازعل بسرعة بس ايش اسوي.. وكمان لما اروح السوق مررة اتعب رجولي وضهري عشان كدة مالي متحمسة



بنات ابغا اقولكم اليوم ايش صار معي
دخلت اخد دوش اليوم العصر وطاحت على راسي اليد حقت الدوش جيت اركبها بس طاحت عراسي والى الان راسي حينفجر مع اني نمت بعدها وانا خايفة مرررة والى الان خايفة وابغا اروح دكتور بس ما ادري ايش حيسويلي ممكن اشعة وكلام من ده انا في غنى عنو وزوجي يقولي اشربي بنادول ونامي.. ما ادري ايش اسوي؟؟