دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[ثلجه فوشيه]

أنا مرررا متوقعه الولاده موووت وماتتصوري قد ايش انا خايفه منها ..
يمكن لأني شايفتها صعبه راح تكون أهون مع اني اعرف نفسي
ما أتحمل الألم مرا مرا

[انشودةمطر]

فعلا انا كنت اقول ما اتخيل انهم يخيطوني وكيف اتحمل هذا كله ما حسيت فيه لانه ابره واعطوني الكمام ماحسيت الام الطلق هيه اللي متعبه
اللهم ارزقنا حسن الخلق وهون الطلق

[انشودةمطر]

سبحان الله على اسمها الساعه المنسيه ونرجع نفكر فيها ونحمل ونولد وعارفين الالم وبس تخلصي الاربعين تفكري في صبغه وقصه وملابس وحركتات ولا كان صار شي بس برضوا لما يجي الجد واوووووووووووووو

[انشودةمطر]

بنات انا كذا يومين وادخل التاسع والا الاسبوع الجاي الدكتوي يقولي 2 ميلادي

[ثلجه فوشيه]

وآآآآي ياربي نفس تفكيرري كيف اتحممل الم الخياطه وماني مصدقه ولا وحده تقولي انها ماتحس وقت مايخيطووها :(
اقول في نفسي كيف ما احس وانا صاحيه واشوفهم ايش يعملوو !

[ثلجه فوشيه]

هههههههه بجد انشوده أنا من دحين افكر بعد الأربعين اسوي قصه وصبغه تغيير ههههه

[ثلجه فوشيه]

صح باين من توقيعك يومين وتدخلي التاسع ..
الا بسألك في ولدك كم أخذتي بعد التاسع ؟؟؟

[انشودةمطر]

والله انا بس قالو الراس طلع حطو ليه الكمام وما عاد حسيت رحت بغيبوبه صحيت في الغرفه

[انشودةمطر]

ما اخذت ثلوجه اخر يوم في التاسع ولدت

[انشودةمطر]

انا بروح انام اشوفك على خير بكره الله يهون عليك ويسهل ولادتك يارب

[ثلجه فوشيه]

عليا وعليكي ياررب ..
تصبحي على خيرر

[ام رانسي]

سلام يا حلوات يا خوافات الله ييسر ولدتكم خوفتوني من دحين وانا توني الدخل الثامن هههههههههههههه لاني قعده تجيني الم الطلق لما قلت لامي تقولي راح تستمر معكي الين تولدي ياربي كيف الم الولاده بس الله يستر وييسر ولدتي والجميع على خير يارب
نلى خانم .وش الاخبار عساكي بخير الحبوب خذيه بعد ما تكلي وشربي عليه مويه كثير عشان ما تحسي دقات قلبك سريعه انا اسوي كذا والدكتور كم مره قلك تستخدمينها بس الربط صار يعورني بس ما قلة لمساعد الدكتور لاني خفة منه يديني ادويه ما تناسب بس بنتضر لين محمد خان يجي الله يعين حتى الصلاه ما اقدر اصلي الا وانا جلسه وانتي كيف المويه معاكي ان شاء الله ما عاد نزلة

[ام رانسي]

ثلجة فوشيه وانشودة مطر . وجميع البنات
شوفي طريقة الولاده يا ويلي مره تخوف
http://arabia.babycenter.com/video/pregnancy/labor-and-birth/

[أحلى موني]

صباح الخير ياكروشات اخباركم والله وحشتوني موووووووت ومموووووووووت وحشتوني كيف الحمل معاكم واللي ولدو كيف الامومه معاكم واللي معاهم اطفال كيف اطفالكم واللي مامعاه الله يرزقه يارب
يابنات ايش رايكم في الاجواء هذي الفتره ايش رايكم نتفق ونتجمع في مكان عام ونجهز القهوه والشاهي والحلى وندقها سوالف وقرقره الين نطفش بدل ما نكسر اصابيعنا في الكتااااابه ههههههه
مروقه صح ؟؟ والله طفشش والاختبارات زودتها معايا نفسي نغير من رتين حياتنا نسوي تجديد ايش رايكم فكره صح عارفه مايحتاج تقولو يالله نشوف مين عندها استعداد تقابل صحباتها اللي في التجمع؟؟؟؟؟

[ام رانسي]

هلا وغلا وانتي اكثر وين الغيبه الله يعينك على الاختبارات وش الاخبار عساكي بخير
انا بخير الهم لك الحمد
والفكره جهنميه مره روعه بس فين نتقبل يا حلوه احن وكروشاتنا هههههههههههههههههههههه انا ما عندي مانع

[اموورة وكتكوتة]

صباح الخير حبيباتي يا خوافات هههههه
ليش تفكرو في الولادة ترا كلها تساهيل من ربنا يمكن وحدة بولادتها تتعذب زي حالتي ويمكن وحدة تانية ربي يسرلها امرها وتولد بسهولة فلا تخافو اتكلو عربنا وادعوووو دايما

روحو طوفو في الحرم اذا دخلتو التاسع.. فوشية وانشودة روحو الحرم ترا راحة نفسية لكم هناك
ام رانسي نصيحة لا تتفرجي على ولادات لانو نفسيتك حتتعب والبيبي كمان ولا تفكري فيها كتييير
موني وحشتيني مرررراا وفكرتك مرررا خطيرة وحلوة زيك وانا موافقة بس فين وكيف ومتى ؟ كيف حال عبورة ووسام ربي يحفظو سلميلي عليها وبوسيلي نونتها

[نلي خانم]

ثلجه
الله يسلمك وان شاء الله تلاقي ياقمر

أم رانسي
الحبوب اكل اول بعدين أخذها بس برضو اتعب صرت لما أخذها انام وقبل أخذها أجلس أدعي أنها ماتألمني يمكن تتعبني لأن أنا أصلا عندي ضغط منخفض واحس أن قلبي يتأثر بسرعه فيها
والمويه الحمدلله ماعاد نزلت بس أفرازات ونقط خفيفه أعتقد عاديه
الحمدلله مراجعتي يوم الأحد ماباقي عليها كثير أن شاء الله الدكتور يطمني أكثر

موني
أنتي وينك ليش ماعاد تجي هون ترى مره وحشتيني والفكره اللي قلتي عليها روووووووعه واش رايك نتفق في مكان نتقابل فيه بس بعد الولاده
لو تشوفيني مره تغيرت ماابيكم تشوفوني حتى زوجي جاب لي كريم يقولي وجهك معدوم قلت هذي أثار حمل ويقولي رقبتك راحت سمرا يووووه والله مره شكلي أنعدم عشان كذا نتقابل بعد الولاده افضل بكثير<<< متفشله حدي
وأنا أول وحده أتمنى ألتقي فيكم حبايبي انتو

[ام رانسي]

صباح الخير على الكروشات
اموره وكتكوته .هلا والله وين الغيبه حمووودي شغلك عن الله يسعده كيفك يا قلبي والله فقدنكي مره والخوف لزم منوه بس عاد انتي الشجعه ههههههههههههههههه بس الله يعين ومشكوره على انصيحة الغاليه يا قلبي وبوسيلي حمودي يالله اكتبي قصة ولدتك
نلى خانم .حبيبتي يالله هانت استحملي الحبوب لين ربك يفرجه من عنده والله انتي زي شكلها من حبوب التثبيت لعبت فينا ههههههههههههههه وجهي مره انعدم و ورقبتي وجسمي وغيركذا جسمي ووجهي منتفخة كل الى شافني مو مصدق اني كذا حتى امي تقول في عمري ما شفة وحده تغيرات من الحمل زيك تصدقي زوجي مره سالته انا تغيرت وهوه ببين ليه قد ايش تغير قال لو كنتي كذا يوم النظره الشرعيه ما كان وفقة عليكي بس قالها بكية وقام يبوسني ويقول انا امزاح بس مبالغه قد ايش تغيرتي وانا مره مضايقه نفسي اولد عشان ارجع زي اول hwaml93hwaml93hwaml93hwaml93hwaml93


وش رايكم نتقبل في منتزه البدر بس شرط بعد الولادة

[سلوما]

عزيزتي نلي هانم
والدكتور محمد خان في مستشفى ومتى مواعيدة

[انشودةمطر]

هلا كروشات كيفكم
احلى موني وام رانسي لكم وحشه كيف الاخبار
اموره كيف الامومه حلوه ومتعبه سبحان الله
ام رانسي ياحياتي الفيديو مايخوف لو الولاده كذا كل سنه احمل هذي ولاده على الصامت ههههه
نيلي كيفك ان شالله اليوم احسن والله اليوم اكلم اهلي يقولون متى بتجين وانا خايفه من البرد اذا مكه كذا كيف الطايف صوت الهوى عندهم زي الافلام المرعبه

[اغلى انسانه]

هلا يااحلوووووين
مين راجعت عند الدكتور محمد خان وحملت تقول لي كم المبلغ المدفوع للعلاج
مع التحليل والكشف
معليش يااحلوين علشان انتم نصحتوووني على محمد خان
وزوجي يقول واحد قال له بخش افضل

[كوكب زحل]

دكتور محمد خان مررررررررررة ممتاز روحوا لا تفكرين
بفضل الله ثم الدكتورة مر شاطرة
الكشف 200 ريال ان شالله تلقين موعد قريب له
انا اراجعت فترة بعدين زوجي رافض رجال مررررررررررررة ممتاز
احسن واحد في مكة

[أم يزن]

السلام عليكم
اخواتي الله يسعدكم مين راحت عند الدكتوره أمل عباس؟
هي اللي عندها عيادة في عيادات الدكتور خالد بخش..مين جربتها ؟ومين تعرف اذا انها تولد في العياده حقتها ولا تطلع للمستشفيات؟
الله يخليكم اللي تعرف تجاوبني لاني ساكنة برا مكة وماراح اجي الا على الولاده وسمعت مرره كثير عن هذي الكتوره انها ممتازه..جزاكم الله كل خيير

[انشودةمطر]

ام يزن والله ماعندي فكره ان شالله البات يفيدونك وربي يسهلك ويكتب لك اللي فيه الخير

[نلي خانم]

سلوما
الدكتور محمد خان في عياده في مجمع الصفوه في عمارة الراجحي سنتر بالعزيزيه
وبالنسبه للولاده والعمليات يسويها بالرفيع...

أنشوده
ماسمعوك اهل زوجي ينبسطون بصوت الهواء وأنا أخاف منه فعلا أحسه فيلم رعب
الله يعينك والله انا كل ماغسلت يدي أصير أرجف وأسناني تطقطق وزوجي بس يضحك عليه ياربي الله يعينك ماأدري كيف راح تتحملين والله لو كنت مكانك جلست في بيتي وامي تجي

أغلى أنسانه
المبلغ المدفوع عند محمد خان حسب حالتك الكشفيه ب200 لكن التحاليل والادويه حسب حالتك
ونصيحه روحي له نصيحه لاتروحي لغيره والله تختصري المشوار عليك
والله انا كنت أقول لزوجي أبغى أروح عنده وزوجي رافض وكان يسمع كلام أصحابه طبعا ماذبحنا ألا هالأصحاب ونصايحهم الخايسه وفي الأخير فقدت ثنين وبعدين أقتنع زوجي أني أروح الحمدلله على كل حال والله حتى صلاح حامد رحت له ماعالجني والله مافادني الا محمد خان بعد الله

أم يزن
ابدا ماعندي خلفيه عنها ان شاء الله تلاقي من يفيدك

[اغلى انسانه]

دكتور محمد خان مررررررررررة ممتاز روحوا لا تفكرين
بفضل الله ثم الدكتورة مر شاطرة
الكشف 200 ريال ان شالله تلقين موعد قريب له
انا اراجعت فترة بعدين زوجي رافض رجال مررررررررررررة ممتاز
احسن واحد في مكة

الله يسعدك مو علشاااان كذا سالتكم لان زوجي يرفض اذ ا كااااااام رجااال
بس من يكشف من تحت لان انا عندي قرحه في الرحم ويبغى لها عمليه لو هو بيسوي لي hwaml17

[اغلى انسانه]

السلام عليكم
اخواتي الله يسعدكم مين راحت عند الدكتوره أمل عباس؟
هي اللي عندها عيادة في عيادات الدكتور خالد بخش..مين جربتها ؟ومين تعرف اذا انها تولد في العياده حقتها ولا تطلع للمستشفيات؟
الله يخليكم اللي تعرف تجاوبني لاني ساكنة برا مكة وماراح اجي الا على الولاده وسمعت مرره كثير عن هذي الكتوره انها ممتازه..جزاكم الله كل خيير

ام يزن نفس الدكتورة اللي اصحااااااب زوجي قال انها كووويسه وملتزم وتخاااااااااف ربي
طبعا كلام زوجي hwaml9 وهاااااااذ فيس زوجي لما مدحها لي ههههههه

[اغلى انسانه]

...[/color]
أغلى أنسانه
المبلغ المدفوع عند محمد خان حسب حالتك الكشفيه ب200 لكن التحاليل والادويه حسب حالتك
ونصيحه روحي له نصيحه لاتروحي لغيره والله تختصري المشوار عليك
والله انا كنت أقول لزوجي أبغى أروح عنده وزوجي رافض وكان يسمع كلام أصحابه طبعا ماذبحنا ألا هالأصحاب ونصايحهم الخايسه وفي الأخير فقدت ثنين وبعدين أقتنع زوجي أني أروح الحمدلله على كل حال والله حتى صلاح حامد رحت له ماعالجني والله مافادني الا محمد خان بعد الله



الله يسعدك بشوووف بحكم لا انا ولا زوجي من اهل مكه عرساان باقي لنا 7 شهور
وطبعا حياااااتي ماااشيه على الاصحاااااااب برغم اني من اهل جدة
بس مو كل مرة ابغى شي انزل جدة
والبنااااااااات برغم انهم حوامل بس الله يسعدهم يجااابون على الاسئله حقتي الله يهون عليكم

[ام رانسي]

سلام
مساء الخير
كيفكم عساكم بخير
والله وحشتوني موت وش الاخبار
اغلى انسانه .نصيحه من اخة لاختها تروحي عند محمد خان طبعن بعد الله انا سوية عنده عمليتين الاول كانت تكيس المبيض وسويته عنده وبعده تعلجة وحملة والحمد الله وكان حملي مره تعبان نزيف في الاخير سولي عملية ربط والحمد اللله بعد الله ثم هدكتور كان البيبي نزال وانا الحين في الثامن والحمد الله بس اول ما تروحي يديكي تحليل ليكي ولزوجك وبعده يبد في العلاج

[ام رانسي]

بنات ممكن تقول فين سوق مذركير في مكه صح وين مكانه لاني ما عمري شفته

[كوكب زحل]

تلقين في سوق الحجاز كمان في الضيافة
الله يتتم علىك حملك ان شالله الشهر الجاى اكون حامل ربي كريم

[أحلى موني]

ياااااااااااااي ماتوقعت تئيدوني عالفكره والله شي حلو نتقابل حماااااااس خلاص في ملاهي بدر بس بعد مايولدو ام رانسي وثلجه وانشوده لان انا ولادتي بعيده ولو نتظر كل وحده تولد عسالله ماتقابلنا هههههههه
ماشاء الله وحده تولد والثانيه تحمل وحلو المكان يا رانسي ملاهي بدر خلاص نتفق في يوم فيها
نلي ماعليك في شكلك عااااادي معذوره حامل بعدين احسن نشوفك قبل التعديل وبعده يعني ناويه اجيك ان شاء الله لمن تولدين بالسلامه وترى انا ادخل وقت ما اطفش من المذاكره اشوفكم واطمن عليكم واخرج قلبي معاكم ووياكم ووراكم ههههههههه
اموره حبيبتي اخبارك واخبار ورعك يرقص ههههه عبير بخير هيا وورعها راحت الطايف تطهره زوجها رافض يطهر الولدهنا الله

انشوده وانتي كمان لك وحشه ياقمر اخبارك واخبار ولدك ان شاء الله كويسين

والجمييييييع يارب تكونو باتم الصحه والعافيه

[اغلى انسانه]

الف شكررررررررررا بنااااااااات ماقصرتووووووا

[ثلجه فوشيه]

مسساكم خير ياحلوات ..

< دوبها جات من برا كانت تمشي
وآآآآآآي تعبت والله من المشي يااااارب أولد قبل أخلص التاسع :(
تعبت تعبت تعبت مرررا صرت مو قادره ارفع رجلي لما امشي اهئ اهئ
والنونو صاير يشد نفسه ويتشحط في بطني مررا شي يألم الحمد لله بس

أم رانسي ياقممر مذكير في الضيافه والحجاز وكمان في بالعزيزيه ..
الحجاز تلاقيه في الدور الأرضي قدام المصعد يعني لا تطلعي فوق وتحوسي ههه

انشووده ربي يعينك والله عالبرررد شي يكسر العظام ..

أموره ربي يسعدك شغلك حماده عننا ربي يخيكم لبعض قوليلي كيف شعور الأمومه ؟؟

كوكب ان شاء الله مايجي الشهر الجاي الا وانتي حامل يارررب ..

مووني هيا فكرره حلووه بس على ماتطبق يبغالها وقت هههههه
يلا شوفو لكم وقت قبل اسافر خخخ ماني مطوله بعد ولادتي ياويلي راح توحشني مكه :(

أغلى انسانه ياااارب ربي يرزقك بالذريه الصالحه بدون علاجات ولا شي ياقممر ..

[تراااتيل]

ثلجة يالله هاااااااااااااااااااانت


الله يهون عليكي وييسر ولادتك

وين ناوية تولدي؟

[ثلجه فوشيه]

باشراحيل ان شاء الله ..
تراتيل انتي فين ولدتي ؟؟

[اموورة وكتكوتة]

هلا بنات كروشات ههههه ربي يسرلكم ان شاء الله وتولدو بسرعة ويسر

ام رانسي وانتي اكتر وحشتيني يالله هانت ماشاء الله شوي وتولدي وتشوفي ولدك بعد انتظار سنين انا زيك ليا 3 سنين استنى.. ربي يسرلك ولادتك.. وحمودي الحمدلله بس مرررا تعب النفاس والناس وانا في بيتي ربي يعيني

انشودة سبحان الله تعبها حلو .. انتي مجربتها

نلي كيفك ياقلبي ؟ وايش اخر حركاتك اللي وصلتيلها ب 2011؟؟ نبغا اقكار جنونية
موني ههههه يرقص مرررا هههه .. الله يعينها على اطهور والبكا حقو والبرد بالطايف حراام كان طهروا هنا ادفا

فوشية ربي يسرلك امرك بس ارتاحي شوي من المشي لا تتعبي نفسك ترا قدامك ولادة يبغالك جهد وطاقة .. وماتنسي قبل الولادة اذا حسيتي بطلق افتحي التلاجة وكلي ( ههههه قوليلي من له نفس ياكل في هادي اللحظة)

والله حتوحشيننا مرررراا .. ماتقطعينا لما تسافري,, لازم نتطمن عنك دايما وعن كتكوتك
ايش اخبار مامتك ربي يغافيها لكم ويشفيها يارب ان شاء الله من كل مكروه

[انشودةمطر]

السلام عليكم كيفكم كروشات
والله احس اني ثقيله ومو قادره انام قلت اقوم على النت اشوي قبل الفجر الى ما ياذن واصلي وانام
بنات والله اني في همم الله يعلم فيه من جهه الولاده ومن جهه شغالتي كلمتني قالت انا باقي تعبانه يمكن ما ارجع يعني زنقتني وولدي متعود عليها من زمان عندي وهيه والله ما اظلمها تمام معاه بس شكلها خايفه من البرد وقالت بكره ارد لك ادعولي يارب ترجع لي

[انشودةمطر]

ثلجه وين ناويه تسافري
الله يقوم الوالده بالسلامه وتفرحون فيها وفي سلامتك

[Om KHaled]

صباح الخير أحلى كروشات مكة
والله وحشتوني مرة , كيفكم عساكم طيبين
الله يسهل ولادتنا اجمعين والله كلنا شايلين هم الولادة ,دالحين صرنا ثقال وما نقدر نتحرك زي الاول, ربنا يدينا القوة والصبر ...

[ثلجه فوشيه]

مسسساكم سكرر ..

أهلين أموره خلاص حسمع كلامك واريح شويا من المشي والله مابرهق نفسي بس عشان حاطه في بالي اني بولد قبل مايخلص محررم ان شاء الله ..
ربي يخلي لك حموودي ويحفظو لك من العين الحمد لله صبررتي ونولتي وان شاء الله بعد سنه ونص تجيبي لو اخت والا اخو بس خليه يكبر شويا ههههه < ياويلها
ومامتي الحمد لله في تحسن يعني تقدري تقولي احسن من اول شويا بس لساتها محتاجه راحه
الله يشفييها ياررب ..

أنشووده ربي يعينك والله الثقل هذا ذبحنااا الله يصبرنا بس وان شاء الله شغالتك توافق تروح معاكي صحيح والله صعبه دحين خلاص ماباقي وقت لك يلا ان شاء الله ربي ييسر امورك
وتمشي زي ما أنتي حاسبتها بس لو ماتبغى كان قالت لك من اول تدبري نفسك على فكره
هي جاويه والا ايش ؟؟
وعلى سيره السفر أنا اظن قلت لكم من أول اني مقدمه بعثه ابدرس راح اكمل ماجستير برا
ولما جاتني الموافقه كان وقت الدراسه مرا غلط لأني راح اكون نفاس وقتها كان سفرري
شهر 3 بس ماراح يمديني وحكون لسا تعبانه المهم أجلت شهرين كمان يعني على بدايه خمسه او نصه اكون مشيت بأذن واحد أحد ..
بروح كندا ان شاء الله هااا مين يجي معايا ؟؟؟
والله ياأنشوده لما تقولي الطايف برد اقول اجل انا ايش حسوي هناك يقولو ثلوج هههه
الله يستر بس شكلو ولدي راح يجي ويتعود على البرد ومن يوم اجي هنا يسيح من الحراره ههههههه

[& أمــــــل &]

هلا حبيباتي كيفكم
مره فكرة التجمع حلوه على قدما حبينا ونفعنا بعض بس ما نعرف اشكال بعض نشوف يوم يوافق الجميع عليه ويله نفلها
انا لسى استنا ماجات الدوره وخايفه اقول لزوجي الله يكتب خير

[ثلجه فوشيه]

امووله يااااااااارب حامل بحق لا أله الا الله وأن محمد رسوول الله
الله يفررح قلبك يااااارب أنتي وزوجك :)

[انشودةمطر]

ثلوجه الله يتم لك دراستك على خير يارب
شغالتي جاويه ان شالله ترجع لي يارب

[ثلجه فوشيه]

ان شاء الله ترجع سويلها أغرآت لو تزودي راتبها شي بسيط

[انشودةمطر]

ثلوجه كيف تحسي شكل بطنك نازل

[ثلجه فوشيه]

لا والله مو نازل بس أحس بضغط شدييييييد على المثانه والدكتوره قالت لي الراس مررا تحت
بس ماشوف انو الشكل نازل

[انشودةمطر]

يمكن باقي مدري انا احسه نازل عكس ولدي الاول

[ثلجه فوشيه]

يمكن والله مدري والا يمكن انا مفوته معرف لأنو اول حمل مقدر اقارن زيك

مبرووك أنتي دخلتي التاسع لك كم يوم ؟؟

[انشودةمطر]

اليوم اول يوم بالتاسع

[انشودةمطر]

ثلوجه جارت امي كانت تقولي حطي يدك تحت صدرك واحسبي كم اصباع بينه وبين بطنك اذا ثلاثه يعني قربتي مره والله اعلم

[ام ميسومة]

سلام بنات اخباركم
مبروك انشودة دخولك التاسع عقبال فرحتك بالولادة
ثلجة الله يسهل لك يالله شدي حيلك وواولدي اشغلتيني شايله همك
بنات انا جوالي n70كيف ادخل على النت منة

[ثلجه فوشيه]

انشوده بعض الاحيان يكون في فراغ بعض الأحيان لا يكون طالع فوق مافي مكان ههههه

ام ميسومه والله ودي اليوم قبل بكراا لا غبت عنكم فجأه تعرفو اني ولدت انا كل يوم ادخل
لو مادخلت يوم افهموها خلاص ههههه
وعن الجوال اعتقد ان سبعين مافيه واير لس

[انشودةمطر]

ام ميسومه هلا فيك كيفك
ثلوجه يلعب هذا مو ناوي ههههههههههه
ابشركم شغالتي كلمتني قالت بترجع الحمدلله ان شالله ماتغير رايها

[ثلجه فوشيه]

ههههه بجد انشوده شايفه كيف مبهدلني ربي يحفظوو ..
يلا كوويس مدام كلمتك الشغاله الحممد لله ..

على فكره كم تعطيها ؟ 1200 ؟ والا اقل

[أم يزن]

مرحبا خواتي
الله يوفقكم ويسهل ولادتكم ويرزق كل محرومه
بنات مين تعرف شغاله اندنوسية شاطره تشتغل بالشهر؟والله يابنات مرره محتاجتها لاني ماابغى اتعب امي معايا في فترة النفاس
اللي تعرف وحده كويسه تعطيني رقمها ... على فكره انا ولادتي بشهر 3

[تالا]

مرحبااااااااااااااكروشات

وش رايكم بدكتوره بسمه في الولاده والخياطه التجميليه بعدها

ركزو عليها

لان الخياطه بعد اخر ولاده انفكت مره وقلت مره وحده مع هذي الولاده

اسوي تجميل وش رايكم

[ثلجه فوشيه]

أم يزن ماعندي فكره عن الشغالات ..

تالا أنا بولد عند بسمه بأذن الله بس مدري كيف الخياطه التجميليه الله اعلم ..

[انشودةمطر]

ثلجه ايوه تاخذ 1200 وطبعا الطايف تروح معاي زياده
ام يزن ما عندي فكره بس اذا ودك ارسلك ارقام ودوري
اليوم رحت سنتر بوينت اتعب اقول زحمه والله ما قدرت اخذ شي رجعت بخفي حونين ههههههه
ولما طلعت على اذان العشا رش علينا مطر شوي

[ثلجه فوشيه]

الله يعينك انشوده قهر لا رحي تشتري شي وماتشتريه عشان الزحمه هههه
أنا خرجت بعد العشا بس ماشفت المطره شف اثارها بس في السياره خخخ

[نلي خانم]

سلام ياحلوين
كيفكم
يارب تكونوا بخير

غبت عنكم يومين مافقدتوني
صراحه جاني حال الله لايوريه مسلمه جاني فجاه مغص قوي اسفل البطن وماعاد اقدر امشي منه صرت أحبي بالبيت واحس زي الشوك أسفل وصرت بس أبكي من قوة الألم هسترت وربي منه
طلع معاي ألتهاب بالبول أكرمكم الله وان الأملاح مره زايده وصرت بس أشرب مويه والحمدلله خفيت كثير
يابنات انتبهوا لاتكثروا اكل مالح ولو اكلتوا اشربوا مويه كثير لا تنسون ماأبيكم تتعبون مثلي انا مره انفجعت من اللي صار معايه الله لايوريكم شر يارب

[صهيل انثى]

صباح الخير كروشات

كيفكم ان شاء الله بخير وبشروني من الي ولد والي ماولد

نلي خانم سلامات ماتشوفين شر انتبهي لاتتحركين كثير ريحي نفسك

[دلوعة سمسم]

السلام عليكم ..كيفكم ان شاءاللة دايم بخير يارب واللة يابنات مررة تعبانة شكلو معاية طلق بس مرررة بارد يجيني الم واقول اكيد ولادة بعدين يختفي ويطول الين مايرجع واليوم ان شاء اللة بروح المراجعة لان بنت خالتي تقول كنت زيك ولما رحت المستشفى مراجعة كان الرحم مفتوح سبعه سانتي.... اللة يسر ويسهل للجميع....انشودة مطرياقلبي اعطيني ارقام الشغالات اللة يسعدك الي الان مالقيت شغالة

[انشودةمطر]

مساء الخير كروشات كيفكم
نيلي سلامات ياقلبي ماتشوفي شر نفس الشي اللي صار لي وطلع صديد بالبول وقالت الدكتوره اشربي بيره والحمدلله ارتحت
دلوعة سمسم ابشري راح ارسلها على الخاص والله يسهل ولادتك يارب وعقبالي
صهيل اهلين فيك

[& أمــــــل &]

هلا بالغالين
كيفكم ثلجه فوشيه*
وحده من صديقاتي بالرياض قبل يوم خلصة التاسع وولدة الفجر اليوم بنوته والدكتوره اول خوفتها قالت لو ما ولدتي خلال 4ايام لابد طلق او عمليه وجاتها الولاده طبيعيه عقبالك

[كوكب زحل]

امل بشري
جاتك الدورة
نقول مبروك حامل

[أم شهلاء]

كيف حال الجميع وبالذات حوامل الشهر التاسع حبيت أسألكم عن المشي في هذه الفترة من حيث أفضل مكان و وقت ومدة للمشي ؟
وكيف تحسون بعد المشي ؟ لأن في الحمل الأول كان يختلف الوضع

[انشودةمطر]

وينكم كروشات ما فيش حد
ثلوجه ان شالله انك ولدتي
يارب تكونوا كلكم بخير وسلامه

[ام رانسي]

سلام كيفكم ياحلوات
وش الاخبار عساكم بخير
والله يا بنات شكلي بولاد قبل ما اخلص الثامن من جد الالم كل مره تزيد اليوم دقية على العياده بخذ موعد وقال محمد خان مو فيه بس بكره تجي تخذي موعد تخيلو تكون ولاده مره خايفه



نلى خانم .سلامات ما تشوفين شر ان شاء الله تكوني بخير
بنات فوشيه لا يكون جتها ولدت ان شاء الله يارب

[Om KHaled]

السلام عليكم

أحتاج دعائكم لأم زوجي بعملية ناجحة باذن الله ( ليوم غذ )

[ام ميسومة]

السلام عليكم
اخباركم بنات
باركولي والحمدلله ربي ماضيع تعبي
رحت اليوم حراء عن طريق الطواري
وكنت ناويه على الحرب معهم وماخليت خطة جهنميه مافكرت فيها
ابغاهم يريحوني عشان اقابل استشاري
فقلت يابنت مافي الا الكذب والله يسامحني كذبه بيضاء زغننة
خخخ بقولكم قصه حياتي
المهم رحت للدكتورة واول ماشفتها قلت اسمعي عندي اوجاع ببطني وظهري
وانا بالتاسع
وابغى استشاري تحوليني عليه عشان البيبي راسه فوق
قالت عادي قلت انا باقي اسبوعين واولد خخخ كذبه بيضاء
عطيتها تاريخ الدورة قبل ب15يوم وش اسوي مضطرة
قالت ابشري اعطيك كرت للعيادات ولاتشيلي هم تعالي اكشف عليك
وانا ادعي ربي انها ماتعرف عمر الجنين كلها اسبوع وشوي اللي زدتة
المهم قالت الرحم مقفل والبيبي كويس وقالت الراس تحت
يوة يابنات بغيت اتجنن ماصدقتها قلت كيف قالت تحت
وورتني راس لارين يوووووووووة بغيت ابكي
وانا بالسيارة اقول لزوجي انا ناويه عليهم مراح اخرج الا واقابل الاستشاري
وخليته يروح
مامداة حرك السيارة الا اقول يالله احنا خارجين استغرب قال هذي اسد عندي وخيخة عندهم
وعاد بشرت ان البيبي راسه تحت وفرح مرة قال الحمدلله الناموس اللي اكلني في الحجز ماراح الامها عبث خخخخخخخخخ
يارب يابنات انها تثبت تحت لما اولد والله ودي اليوم ارقص واطير كمان
ادري انكم بتقولون ماعندها سالفه بس والله انا بعذاب من الشهر السابع
كفاني عذاب

[اغلى انسانه]

السلام عليكم
اخباركم بنات
باركولي والحمدلله ربي ماضيع تعبي
رحت اليوم حراء عن طريق الطواري
وكنت ناويه على الحرب معهم وماخليت خطة جهنميه مافكرت فيها
ابغاهم يريحوني عشان اقابل استشاري
فقلت يابنت مافي الا الكذب والله يسامحني كذبه بيضاء زغننة
خخخ بقولكم قصه حياتي
المهم رحت للدكتورة واول ماشفتها قلت اسمعي عندي اوجاع ببطني وظهري
وانا بالتاسع
وابغى استشاري تحوليني عليه عشان البيبي راسه فوق
قالت عادي قلت انا باقي اسبوعين واولد خخخ كذبه بيضاء
عطيتها تاريخ الدورة قبل ب15يوم وش اسوي مضطرة
قالت ابشري اعطيك كرت للعيادات ولاتشيلي هم تعالي اكشف عليك
وانا ادعي ربي انها ماتعرف عمر الجنين كلها اسبوع وشوي اللي زدتة
المهم قالت الرحم مقفل والبيبي كويس وقالت الراس تحت
يوة يابنات بغيت اتجنن ماصدقتها قلت كيف قالت تحت
وورتني راس لارين يوووووووووة بغيت ابكي
وانا بالسيارة اقول لزوجي انا ناويه عليهم مراح اخرج الا واقابل الاستشاري
وخليته يروح
مامداة حرك السيارة الا اقول يالله احنا خارجين استغرب قال هذي اسد عندي وخيخة عندهم
وعاد بشرت ان البيبي راسه تحت وفرح مرة قال الحمدلله الناموس اللي اكلني في الحجز ماراح الامها عبث خخخخخخخخخ
يارب يابنات انها تثبت تحت لما اولد والله ودي اليوم ارقص واطير كمان
ادري انكم بتقولون ماعندها سالفه بس والله انا بعذاب من الشهر السابع
كفاني عذاب


زين تصدقين المفروض نتكلم بثقه والله تاخرت الدورة عندي وحللت اكثر من مرة في البيت وخاص ورجت مركز صحي جنب بيتي واقول لهم مااني حاامل وتقول سوي تحليل وتقول روحي وبعد اسبوع تعاالي وانا واثقه مافي حمل وبعد كذا ولا كلفت على نفسها تسوي لي كشف من تحت تشوف في شي اول
واخرررر شي رحت جدة وسويت كشف واكتشفت عندي قرحه ولازم كووووي
بس فعلا كنت ماا قول ولا كلمه بس طيب لكن لو تاخرت هااااااذ الشهر بدخل عليها hwaml17hwaml11

[اغلى انسانه]

الله يهووووووون عليكم وتشوووووف عيااااااالكم بالف صحه

[ثلجه فوشيه]

كيفكم بنآت شخباركم ؟؟؟

أنا صامده لسا ماولدت خخخ hwaml7

بس التعب زآآآآآآيد
اليوم رحت مشيت وكنت حموت من التعب ياربي سهل عليا وعليكم ..

نلي سلامات ماتشوفي شر

صهيل فينك يابطه لكي وحشه ؟؟

نور القمرر الله يسهل عليها عمليتها وتقوم لكم بالسسلامه يارب ..

أنشووده ههههه ياليت والله بس لسا شكلي مطووله مافي بوادر ولاده ابدن رغم كل المشي هذا :(

أموله ياقلبي عليكي أنا بخير ولله الحممد انتي كيفك شو اخبارك ؟؟
هااا بشرري جاتك الدوره والا نقول مبرووك ؟

كوكب كيفك شو اخبارك ؟؟ الدوام مآخذ كل وقتك الله يعينك

دلوعه سمسم لا تسبقيني خليناا على وعدنا بيوم واحد يصير بسمه تكون بيني وبينك ههههه
يلا هانت باقي لنا اسبوع و3 ايام تقريبا ..

ام شهلا خلاص المفروض كان بديتي مشي من بدايه التاسع وعادي تقدري تمشي
بأي مكان ولو في رمل تمشي عليه افضل ولا ترهقي نفسك كثير انا امشي تقريبا يوميا
من 30 دقيقه الى 40 دقيقه وفي ايام أقل المهم وقت ما أحس بتعب اوقف ..

أم رانسي يارب مايكون طلق حبيبتي انتي بس ارتاحي وربي يتمم لك على خير ان شاء الله
اهم شي دحين تعدي الثامن لأني اعرف ان الولاده فيه خطيره يارب
يارب تكملي الثامن عالاقل لو تولدي بدايه التاسع مو مشكله الله يعينك يارب وروحي اتطمني عند الدكتور وطمنينااا

اغلى انسانه الله يسمع ممنك يارب ويرزقك ربي بالحمل السليم
بس مو شرط يكون كلام الدكتوره الي رحتي لها صحيح ممكن ماعندك لا قرحه ولا شي لا تكوي الا لما تتأكدي روحي اكشفي عند دكتوره ثانيه لا تستعجلي ترى الدكتورات دايما يكبرو المواضيع انتبهي ..

[انشودةمطر]

نور الله يقومها بالسلامه ان شالله
ام رانسي ان شالله تكملي الثامن على خير يارب وتولدي بسلامه ريحي وكل يوم اقري على نفسك ترى انا جاتني الام كذا وقلت بس ولاده وبالنهايه طلع صديد بالبول وانتم بكرامه
ثلجه غالب البكريه تاخذ شهرها لاتيأسين خليك متفأله ههههههههه
ام ميسومه قدعه يابنت الله يثبت وضعه وتولدين بسلامه
اليوم رحت الحجاز قلت بتمشى شوي وادور شنطه للبيبي لان هيه اللي باقي مذر كير عليه تخفيض خمسين في الميه لايفوتكم بس ما لقيت فيه شنط يقول خلصت وبس حلقت لولدي ولعبته شوي وانا انتهيت مره صرت امشي زي البطه يمين وشمال مره تعبت الله يعين وزوجي يقول تروحين لاهلك الاربعا ْءوانا دخلت التاسع من الخوف اخذت معايه اغراضي وملابس البيبي قلت لو صار شي ودين الرفيع اولد فيه هههههه

[اغلى انسانه]

كيفكم بنآت شخباركم ؟؟؟


اغلى انسانه الله يسمع ممنك يارب ويرزقك ربي بالحمل السليم
بس مو شرط يكون كلام الدكتوره الي رحتي لها صحيح ممكن ماعندك لا قرحه ولا شي لا تكوي الا لما تتأكدي روحي اكشفي عند دكتوره ثانيه لا تستعجلي ترى الدكتورات دايما يكبرو المواضيع انتبهي ..

تصدقين والله انك صااادقه مادري حاسه كلامها غلط قلت بستنى شهر صفراذا ماجاءت الدورة رحت عند دكتورة غيرهااااااا باذن الله
مشكووووورة الله يهون عليك يااارب

[انشودةمطر]

اغلى انسانه اقري هذا الموضوع ان شالله يفيدك

[كثر الحديث عن مرض قرحة عنق الرحم لدى النساء حيث كثيراً ما تتردد كلمة: ذهبت للدكتور وتم تشخيص قرحة عنق الرحم وأجرى لي كيا أو غيره من العلاجات التي قد تكون ضرورية أحياناً ولكن في كثير من الأحيان نجد أن هذا ماهو إلا مبالغة في تشخيص وعلاج هذه الظاهرة التي غالباً ما تكون عبارة عن مجرد تبدل طبيعي وليس قرحة بالمعنى الذي نفهمه.
لمعرفة ماهي قرحة عنق الرحم، وما هي أسبابها ومتى تكون بحاجة للعلاج ، وماهي سبل الوقاية منها «الصحة أولا» هذا الحوار مع الدكتور كابي خياطة المتخصص في أمراض النساء والتوليد لدى الاطباء الاستشاريون في مدينة دبي الطبية بالتعاون مع الجامعة الامريكية في بيروت.
ما هي مسببات قرحة عنق الرحم؟
- مسببات قرحة عنق الرحم معظمها التهابي اما عن طريق, الفيروسات مثل فيروس (HPV) أو(HSV) أو بكتيري أو كيميائي بسبب استعمال دوشات مهبلية مخرشة، أو ربما يكون رضياً على عنق الرحم أثناء الولادة أو الإسقاط المتكرر ما يؤدي إلى القرحة.
.
ما هي أعراضها؟
- نزف مهبلي غير طبيعي (غير متوافق مع الدورة الشهرية)، يحدث بعد الجماع أو بين الدورات الشهرية.
- افرازات مهبلية غير طبيعية (صفراء) ذات رائحة كريهة متدافعة مع التهابات مهبلية.
كيف يتم تشخيصها؟
- بالفحص المباشر بالعين المجردة وبذلك يمكن رؤية منطقة حمراء ملتهبة غير طبيعية مغطية لجزء أو كامل عنق الرحم، أو أخذ مسحة من عنق الرحم : والكشف عنها و ملاحظة وجود خلايا غير طبيعية.
أو بزراعة مفرزات عنق الرحم : (HVS) ممكن مشاهدة بعض الكائنات المجهرية الالتهابية مثل (Ecoli) أ، عملية التنظير المبكر: حيث يشاهد من خلاله بشرة متقرحة منفصلة عما حولها (مناطق وعائية ـ منقطة ) بإضافة حمض الخل تصبح بيضاء.
إن خزعة عنق الرحم قد تكون ضرورية لتأكيد التشخيص ونفي وجود أي حالة قبل سرطانية (CIN) أو سرطانية.
ما العلاقة بين قرحة عنق الرحم والعقم؟
- هناك مبالغة في تشخيص وعلاج القرحة وللأسف. حيث أن قرحة عنق الرحم قد تكون في معظم الأوقات تبدلاً طبيعياً كما تكلمنا سابقاً وطبيعية وفي هذه الحالة لاتحتاج لعلاج ولاتؤدي إلى عقم على الإطلاق.
ما هو تأثيرها على الحمل والجنين؟
- قد تبقى القرحة خلال الحمل غير عرضية أو قد يحدث نزف خفيف وهنا يؤجل العلاج لما بعد الولادة بسبب إحتقان عنق الرحم خلال الحمل وصعوبة المعالجة وحتى التشخيص أما بالنسبة للجنين فإنه لايتأثر مطلقاً بهذه الحالة.
هل توجد علاقة بين قرحة عنق الرحم والسرطان؟
- هذا يرجع إلى الفحص الخلوي المجرى باللطاخة أو تحت المنظار المكبر مع الخزعة فلو كان هناك تبدلات خلوية من نوع ةخ أي عسرتصنع داخل البشرة .
في هذه الحالة يمكن أن تكون حالة قبل سرطانية وتتطلب المعالجة المبكرة بالكي أو غيره مثل (خزعة كون) على حسب الحالة أما إذا كانت قرحة بسيطة دون تبدلات خلوية هنا لاحظ عاى الأطلاق يمكن أن تتراجع تلقائياً أو بالعلاج ولاتعتبر حالة سرطانية أو قبل سرطانية.
هنا تبرز أهمية المسح المبكر لكل سيدة متزوجة بواسطة لطاخة عنق الرحم إذ لايكفي رؤية القرحة وتركها أو علاجها وأنما لابد من تشخيص وجود أي تبدلات خلوية وراءها سواء باللطاخة أو بواسطة منظار عنق الرحم المكبر.
ما هو علاجها؟
- غالباً ما تتراجع القرحة تلقائياً ، العلاج إذا كان ضرورياً فإنه غالباً يحمل نسبة نجاح عالية والعلاج يعتمد على التوجه إلى السبب الذي أدى إلى حدوث قرحة:
إذا كان السبب التهابي: يكون العلاج دوائي بواسطة مضادات الالتهاب (وهذا اللي صار معي والحمدالله ماطلع مني دم أبدا يعني تلاحقتها قبل ماتزيد وإنتو لاتهملوها)
القرحة المسببة بالدوشات المهبلية: علاجها بتجنب مثل هذه الدوشات المخدشة.
القرحة المسببة بالرض: تكون بتجنب الرضوض مستقبلاً مع إعطاء الوقت الكافي للبشرة كي تشفى تلقائياً.
إذن لابد من التأكيد على أن العلاج يكون فقط بحالة وجود قرحة مترافقة مع التهابات متكررة لا تستجيب للعلاج، أو نزف بعد الجماع أو بين الطمث، أو عقم بعد نفي جميع الأسباب الأخرى، أو تبدلات خلوية بواسطة منظار عنق الرحم المكبر أو اللطاخة أو الخزعة.
أما إذا كان الحالة عبارة عن (Ectropion) في هذه الحالة لاتجب المعالجة إطلاقاً وتترك لتتراجع مع المتابعة بالمسحة فقط.
كيف يمكن الوقاية منها؟
- تجنب التهابات المهبلية المتكررة بالكشف والعلاج المبكرين واتباع سبل النظافة الشخصية - عدم المبالغة والافراط في أستعمال الدوشات المهبلية الكيميائية مالم تنصح به الطبيبة لكونها مخدشة وراضة لعنق الرحم.
- الكشف الدوري لدى الطبيبة النسائية من أجل الكشف المبكر واعطاء النصائح في وقتها

[نلي خانم]

سلام
كيفكم ياقمرات
بنات والله تدروا عني تضحكوا عليه أنا كنت نايمه وصحيت أسمع المسجد يصلوا ويقرأون قران انا أنفجعت اقول وش حصل عشان المسجد يقومون يصلون وعلى طول أروح للتلفزيون أشغله أحسب صار شي ومالقيت حاجه لقيت برنامج عادي وأتصل على زوجي أقول وش صاير في الحاره وجلس يضحك يقولي الشمس كسفت وانتي نايمه قلت والله مره نسيت هالشي صاحيه من نومي ولاجاء على بالي ان بسببب الشمس ... الحمدلله والله بغيت أتصل على أبو زوجي أسأله وش فيه بالحاره الحمدلله أني ماأتصلت كان يمديه يقول حرمة ولدي هبلا أذا زوجي مات ضحك عليه كيف أبو زوجي ... حاولت ارجع أنام ماقدرت بس أضحك على نفسي ... المشكله أني عارفه أن الشمس بتكسف اليوم بس مره نسيت

بنات وين رحيمه يمدي أمها سوت العمليه يارب تدخل تطمنا عنها ويقومها بالسلامه ولايشوفو فيها شر يارب

أغلى أنسانه
يارب تكوني الشهر الجاي حامل والله افتكر أختي مره جاتها قرحه وراحت لدكتوره كوتها والشهر اللي بعدو على طول حملت بس الله يهديها مره زعلت عشان عندها عيال وكان ولدها عمره سنه بس جابت بنوته طعمه تزنن نموت عليها حتى أمي تقول هالبنت غير تحسيها مره بريئه
أمس كنت جالسه وزوجي يطالع فيه يقولي أحسك تشبهين بنت أختك بغيت أطير من الفرحه أنها تشبه لي
تفائلي ترى القرحه مره بسيطه وماتشيلي هم شغلتها بسيطه وان شاء الله تطيبي منها وتجيبي احلا بوبو تنافسينا هنا بالتجمع

صهيل \ انشوده\ أم رانسي\ثلجه
الله يسلمكم يارب من كل شر ياأحلا اخوات

[زهرتي2]

السلام عليكم ورحمة الله وبركاته
كيفكم ياحلوين ان شاء الله تكونوا بصحة وعافية ..........
على طاري قرحة الرحم قبل سنة تقريبا كانت اختي تشتكي من آلام , فراحت وكشفت عند وحدة دكتورة وخبرتها انها مصابة بقرحة في الرحم وعلاجها هو الكي , وطبعا اختي مرررررررررررة خافت من الموضوع فكلمتني وكانت جدا خايفة , وصراحة الدكتورة ما عجبني تشخيصها , فقلت لأختي روحي لدكتورتي في التونسي واسمها (دكتورة عصمت) وفعلا ذهبت الى الدكتورة وكشفت عليها والحمد لله خبرتها انه لا يوجد لا قرحة ولا شئ , فقط بعض الإلتهابات البسيطة وتروح بالعلاج والحمد لله اخذت اختي العلاج بانتظام ولله الحمد لليوم لا شافت قرحة ولاشئ من هذا القبيل.........
وزبدة الكلام : ان الوحدة لازم تتأكد وتروح لأكثر من دكتور لمصلحتها طبعا..........
وانا اليوم رحت للدكتورة عصمت وانا باراجع عندها منذ حملي الاول ولله الحمد كل شئ تمام والحمد لله ..................
وهذه اخر اخباري وان شاء الله تكونوا كلكم بخير وسلامة ...............

[انشودةمطر]

مساء الخير كروشات كيف الحال وش الاخبار
نيلي انا البارح جاتني رساله على البيبي عن الصلاه
ومع كذا لماسمعت الاذان استغربت نسيت

[ثلجه فوشيه]

عالأقل انتو سمعتو الأذان أما انا مفلته دوبي أدري منكم ان فيه كسوف هههههه
عاد التاسع ومايسووي خخخخ

[انشودةمطر]

هلا ثلجه كيفكم مافي بوادر ولاده

[اغلى انسانه]

اغلى انسانه اقري هذا الموضوع ان شالله يفيدك


[كثر الحديث عن مرض قرحة عنق الرحم لدى النساء حيث كثيراً ما تتردد كلمة: ذهبت للدكتور وتم تشخيص قرحة عنق الرحم وأجرى لي كيا أو غيره من العلاجات التي قد تكون ضرورية أحياناً ولكن في كثير من الأحيان نجد أن هذا ماهو إلا مبالغة في تشخيص وعلاج هذه الظاهرة التي غالباً ما تكون عبارة عن مجرد تبدل طبيعي وليس قرحة بالمعنى الذي نفهمه.
لمعرفة ماهي قرحة عنق الرحم، وما هي أسبابها ومتى تكون بحاجة للعلاج ، وماهي سبل الوقاية منها «الصحة أولا» هذا الحوار مع الدكتور كابي خياطة المتخصص في أمراض النساء والتوليد لدى الاطباء الاستشاريون في مدينة دبي الطبية بالتعاون مع الجامعة الامريكية في بيروت.
ما هي مسببات قرحة عنق الرحم؟
- مسببات قرحة عنق الرحم معظمها التهابي اما عن طريق, الفيروسات مثل فيروس (hpv) أو(hsv) أو بكتيري أو كيميائي بسبب استعمال دوشات مهبلية مخرشة، أو ربما يكون رضياً على عنق الرحم أثناء الولادة أو الإسقاط المتكرر ما يؤدي إلى القرحة.
.
ما هي أعراضها؟
- نزف مهبلي غير طبيعي (غير متوافق مع الدورة الشهرية)، يحدث بعد الجماع أو بين الدورات الشهرية.
- افرازات مهبلية غير طبيعية (صفراء) ذات رائحة كريهة متدافعة مع التهابات مهبلية.
كيف يتم تشخيصها؟
- بالفحص المباشر بالعين المجردة وبذلك يمكن رؤية منطقة حمراء ملتهبة غير طبيعية مغطية لجزء أو كامل عنق الرحم، أو أخذ مسحة من عنق الرحم : والكشف عنها و ملاحظة وجود خلايا غير طبيعية.
أو بزراعة مفرزات عنق الرحم : (hvs) ممكن مشاهدة بعض الكائنات المجهرية الالتهابية مثل (ecoli) أ، عملية التنظير المبكر: حيث يشاهد من خلاله بشرة متقرحة منفصلة عما حولها (مناطق وعائية ـ منقطة ) بإضافة حمض الخل تصبح بيضاء.
إن خزعة عنق الرحم قد تكون ضرورية لتأكيد التشخيص ونفي وجود أي حالة قبل سرطانية (cin) أو سرطانية.
ما العلاقة بين قرحة عنق الرحم والعقم؟
- هناك مبالغة في تشخيص وعلاج القرحة وللأسف. حيث أن قرحة عنق الرحم قد تكون في معظم الأوقات تبدلاً طبيعياً كما تكلمنا سابقاً وطبيعية وفي هذه الحالة لاتحتاج لعلاج ولاتؤدي إلى عقم على الإطلاق.
ما هو تأثيرها على الحمل والجنين؟
- قد تبقى القرحة خلال الحمل غير عرضية أو قد يحدث نزف خفيف وهنا يؤجل العلاج لما بعد الولادة بسبب إحتقان عنق الرحم خلال الحمل وصعوبة المعالجة وحتى التشخيص أما بالنسبة للجنين فإنه لايتأثر مطلقاً بهذه الحالة.
هل توجد علاقة بين قرحة عنق الرحم والسرطان؟
- هذا يرجع إلى الفحص الخلوي المجرى باللطاخة أو تحت المنظار المكبر مع الخزعة فلو كان هناك تبدلات خلوية من نوع ةخ أي عسرتصنع داخل البشرة .
في هذه الحالة يمكن أن تكون حالة قبل سرطانية وتتطلب المعالجة المبكرة بالكي أو غيره مثل (خزعة كون) على حسب الحالة أما إذا كانت قرحة بسيطة دون تبدلات خلوية هنا لاحظ عاى الأطلاق يمكن أن تتراجع تلقائياً أو بالعلاج ولاتعتبر حالة سرطانية أو قبل سرطانية.
هنا تبرز أهمية المسح المبكر لكل سيدة متزوجة بواسطة لطاخة عنق الرحم إذ لايكفي رؤية القرحة وتركها أو علاجها وأنما لابد من تشخيص وجود أي تبدلات خلوية وراءها سواء باللطاخة أو بواسطة منظار عنق الرحم المكبر.
ما هو علاجها؟
- غالباً ما تتراجع القرحة تلقائياً ، العلاج إذا كان ضرورياً فإنه غالباً يحمل نسبة نجاح عالية والعلاج يعتمد على التوجه إلى السبب الذي أدى إلى حدوث قرحة:
إذا كان السبب التهابي: يكون العلاج دوائي بواسطة مضادات الالتهاب (وهذا اللي صار معي والحمدالله ماطلع مني دم أبدا يعني تلاحقتها قبل ماتزيد وإنتو لاتهملوها)
القرحة المسببة بالدوشات المهبلية: علاجها بتجنب مثل هذه الدوشات المخدشة.
القرحة المسببة بالرض: تكون بتجنب الرضوض مستقبلاً مع إعطاء الوقت الكافي للبشرة كي تشفى تلقائياً.
إذن لابد من التأكيد على أن العلاج يكون فقط بحالة وجود قرحة مترافقة مع التهابات متكررة لا تستجيب للعلاج، أو نزف بعد الجماع أو بين الطمث، أو عقم بعد نفي جميع الأسباب الأخرى، أو تبدلات خلوية بواسطة منظار عنق الرحم المكبر أو اللطاخة أو الخزعة.
أما إذا كان الحالة عبارة عن (ectropion) في هذه الحالة لاتجب المعالجة إطلاقاً وتترك لتتراجع مع المتابعة بالمسحة فقط.
كيف يمكن الوقاية منها؟
- تجنب التهابات المهبلية المتكررة بالكشف والعلاج المبكرين واتباع سبل النظافة الشخصية - عدم المبالغة والافراط في أستعمال الدوشات المهبلية الكيميائية مالم تنصح به الطبيبة لكونها مخدشة وراضة لعنق الرحم.
- الكشف الدوري لدى الطبيبة النسائية من أجل الكشف المبكر واعطاء النصائح في وقتها





الف شكرررررررررا ماقصرتي بصراحه استفدت من المقال
الله يهووون عليك ياحي ياقيوم

[اغلى انسانه]

سلام
كيفكم ياقمرات
بنات والله تدروا عني تضحكوا عليه أنا كنت نايمه وصحيت أسمع المسجد يصلوا ويقرأون قران انا أنفجعت اقول وش حصل عشان المسجد يقومون يصلون وعلى طول أروح للتلفزيون أشغله أحسب صار شي ومالقيت حاجه لقيت برنامج عادي وأتصل على زوجي أقول وش صاير في الحاره وجلس يضحك يقولي الشمس كسفت وانتي نايمه قلت والله مره نسيت هالشي صاحيه من نومي ولاجاء على بالي ان بسببب الشمس ... الحمدلله والله بغيت أتصل على أبو زوجي أسأله وش فيه بالحاره الحمدلله أني ماأتصلت كان يمديه يقول حرمة ولدي هبلا أذا زوجي مات ضحك عليه كيف أبو زوجي ... حاولت ارجع أنام ماقدرت بس أضحك على نفسي ... المشكله أني عارفه أن الشمس بتكسف اليوم بس مره نسيت



أغلى أنسانه
يارب تكوني الشهر الجاي حامل والله افتكر أختي مره جاتها قرحه وراحت لدكتوره كوتها والشهر اللي بعدو على طول حملت بس الله يهديها مره زعلت عشان عندها عيال وكان ولدها عمره سنه بس جابت بنوته طعمه تزنن نموت عليها حتى أمي تقول هالبنت غير تحسيها مره بريئه
أمس كنت جالسه وزوجي يطالع فيه يقولي أحسك تشبهين بنت أختك بغيت أطير من الفرحه أنها تشبه لي
تفائلي ترى القرحه مره بسيطه وماتشيلي هم شغلتها بسيطه وان شاء الله تطيبي منها وتجيبي احلا بوبو تنافسينا هنا بالتجمع




هههههههههههههههههه انا عكسك مااادري ان في كسووووف لدرجه قمت من النوم وشوي الساعه 10 ونصف اسمع المسجد قل يسوووووون المااااايك أكيد
وبعدهااااا فتحت الحرم قلت يووووووووووو شكل صلاة استسقاء لدرجه مكتوب تحت صلاة الكسووووووف ماشووفتها الا زوجي جاااااااء وااها اليوم صلاة الكسوف
قلت وش عرفك قال مكتوووووووووب ههههههههههههههههههههههههه

الله يسعدك ويهووووووووون عليك حبيبتي بس اختك وين سوتها

[اغلى انسانه]

السلام عليكم ورحمة الله وبركاته
كيفكم ياحلوين ان شاء الله تكونوا بصحة وعافية ..........
على طاري قرحة الرحم قبل سنة تقريبا كانت اختي تشتكي من آلام , فراحت وكشفت عند وحدة دكتورة وخبرتها انها مصابة بقرحة في الرحم وعلاجها هو الكي , وطبعا اختي مرررررررررررة خافت من الموضوع فكلمتني وكانت جدا خايفة , وصراحة الدكتورة ما عجبني تشخيصها , فقلت لأختي روحي لدكتورتي في التونسي واسمها (دكتورة عصمت) وفعلا ذهبت الى الدكتورة وكشفت عليها والحمد لله خبرتها انه لا يوجد لا قرحة ولا شئ , فقط بعض الإلتهابات البسيطة وتروح بالعلاج والحمد لله اخذت اختي العلاج بانتظام ولله الحمد لليوم لا شافت قرحة ولاشئ من هذا القبيل.........
وزبدة الكلام : ان الوحدة لازم تتأكد وتروح لأكثر من دكتور لمصلحتها طبعا..........
وانا اليوم رحت للدكتورة عصمت وانا باراجع عندها منذ حملي الاول ولله الحمد كل شئ تمام والحمد لله ..................
وهذه اخر اخباري وان شاء الله تكونوا كلكم بخير وسلامة ...............
الله يسسسسسسعدك اختي ويهووووووون عليك بس كم الكشف عندها الدكتورة عصمت

[اغلى انسانه]

عالأقل انتو سمعتو الأذان أما انا مفلته دوبي أدري منكم ان فيه كسوف هههههه
عاد التاسع ومايسووي خخخخ
ههههههههههههههههههههههههههههههه
الله لايلوووووووووومك

[انشودةمطر]

بنات اشم ريحة مطر شكله بيمطر
عندنا في الشرايع مين مكم ساكنه في الشرايع

[نلي خانم]

اغلى أنسانه
اختي سوت الكوي عند دكتوره عاديه بمستوصف بالشرايع اسمه بلادي بس هالكلام تقريبا قبل خمس سنين ألحين يمدي الدكتوره تغيرت ماأدري لو كانت موجوده والا لا
ياقمر ترى شغلتك سهله لاتشيلي لها هم انا متأكده لو تروحي لمحمد خان تلاقين نفسك بعد شهرين حملتي شهر يعالجك وشهر يعطيك محفز وعلى طول تحملين بس أسمعي نصيحتي وروحي لمحمد خان والله مضمون
ياحبيبتي ربي يسهلك

[زهرتي2]

اغلى أنسانه
كشف الدكتورة عصمت بـ (150) ريال , لأنها استشارية , واذا بدك تروحي , روحي الأفضل في الصباح لأنه في المساء بيكون زحمة واحيانا ما تستقبل مرضى لكثرة اعداد المرضى ,,,,,,,,,الله يشفيهم جميعا........
والله يسعدك يارب وبالتوفيق .................

[قمر ليالي مكة]

كيفكم بنآت شخباركم ؟؟؟

أنا صامده لسا ماولدت خخخ hwaml7

بس التعب زآآآآآآيد
اليوم رحت مشيت وكنت حموت من التعب ياربي سهل عليا وعليكم ..

نلي سلامات ماتشوفي شر

صهيل فينك يابطه لكي وحشه ؟؟

نور القمرر الله يسهل عليها عمليتها وتقوم لكم بالسسلامه يارب ..

أنشووده ههههه ياليت والله بس لسا شكلي مطووله مافي بوادر ولاده ابدن رغم كل المشي هذا :(

أموله ياقلبي عليكي أنا بخير ولله الحممد انتي كيفك شو اخبارك ؟؟
هااا بشرري جاتك الدوره والا نقول مبرووك ؟

كوكب كيفك شو اخبارك ؟؟ الدوام مآخذ كل وقتك الله يعينك

دلوعه سمسم لا تسبقيني خليناا على وعدنا بيوم واحد يصير بسمه تكون بيني وبينك ههههه
يلا هانت باقي لنا اسبوع و3 ايام تقريبا ..

ام شهلا خلاص المفروض كان بديتي مشي من بدايه التاسع وعادي تقدري تمشي
بأي مكان ولو في رمل تمشي عليه افضل ولا ترهقي نفسك كثير انا امشي تقريبا يوميا
من 30 دقيقه الى 40 دقيقه وفي ايام أقل المهم وقت ما أحس بتعب اوقف ..

أم رانسي يارب مايكون طلق حبيبتي انتي بس ارتاحي وربي يتمم لك على خير ان شاء الله
اهم شي دحين تعدي الثامن لأني اعرف ان الولاده فيه خطيره يارب
يارب تكملي الثامن عالاقل لو تولدي بدايه التاسع مو مشكله الله يعينك يارب وروحي اتطمني عند الدكتور وطمنينااا

اغلى انسانه الله يسمع ممنك يارب ويرزقك ربي بالحمل السليم
بس مو شرط يكون كلام الدكتوره الي رحتي لها صحيح ممكن ماعندك لا قرحه ولا شي لا تكوي الا لما تتأكدي روحي اكشفي عند دكتوره ثانيه لا تستعجلي ترى الدكتورات دايما يكبرو المواضيع انتبهي ..

أفتكرت نفسي لما كنت أقولها لكي ههههههههه
ربي يقومك بالسلامة والله عم أدعيلك
كتير بحبك الله بيعلم

[ثلجه فوشيه]

أنشووده مافي لا بوادر ولا شي بس والله أحس بألم قوووي مررا لما اوقف
بنات فخووذي مررررررا تعورني مرررا مررررا من يوم دخلت التاسع
وهذيك المنطقه توووجعني مرا مع فخووذي والله ساعات ما أبغى اوقف عشان
الألم مرا ماكان يجيني كذا الم في الثامن ولا قبلو دحين مرا مجنني .. hwaml93 hwaml93
انشووده انتي تحسي الم في فخوذك وذي المنطقه ؟؟ والا بس أنا !!

قمووره ربي يسعدك شوفتي كيف هههه التاسع يسوي البهادل يختي hwaml02
والله يسلمك ياحبيبتي والله حتى انا بحبك كثيررر وتسلمي كثير خيتو
على دعواتك بجد بجد محتاجه دعواتكم الحلوه .. hwaml67

[انشودةمطر]

ثلجه لاتخافي احس بنفس الاحساس واحيان كاني محشوره سبحان الله من الظغط واذا حسيتي وانتي بكرامه كانك بتتبرزين بس ما في شي هذا يدل انه قربت الولاده لان الراس يظغط

[& أمــــــل &]

اهلين كيفكم ياحلوات وكيف كتاكيتكم
اما انا فمازااااااااااااااااااااااااااااااااااااااال الانتظلر مستمر بكره باذن الله احلل الفجر وابشركم
بس لابد اقول لزوجي الله يستر من ردة الفعل حقته لان مافيه ألا هو يوديني الصيدليه اشتري تحليل منزلي

[أحلى موني]

مساااااااااااااااء الخير جميعا اخباركم وحشتوني جميعا خلاص السب ابدأ اختباراتي بالله ماتنسوني من الدعاء لازم اجيب نسبه عاليه عشان احول منتظمه لاني انتساب وبالذات اللي على وشك ولاده ومو راضيييتن يولدون خلوني ارجع ومالقاكم ولدتم

وسامحوني عالقصور مامداني ارجع للصفحات واشوف اخباركم لكن اتمنى انكم بخير وصحه وعافيه

يابنات شكلها بتمطر اليوم الغيوم سوودا الله يجعل مطر خير وبركه على الجميع
واذا نزل المطر وافتكرتوني ادعولي باااااااااااااااااااااااااااااااااااي

[انشودةمطر]

امل ان شالله تكوني حامل وتفرحينا يارب
احلى موني معذوره ياقلبي بس طلي علينا كل بعد فتره يمكن تلاقين وحده منا ولدت يارب على خير وسلامه

[ثلجه فوشيه]

أموله يارب تجي تبشرررينا ..

انشووده كويس طمنتيني احسب بس أنا ..

موني بالتوفيق يارب ارجعي تلاقيني وآلده ان شاء الله ههههه
اليوم الجو من جد جونآآآآآآآن خرجت اتمشيت واتعشيت دوبي قبل شويا رجعت مرا
انبسطت الحمد لله

[دلوعة سمسم]

السلام عليكم...وانا كمان مااااولدت بس واللة مرررة تعبت الحمد للة على كل حال احس بثقل ونفس الالم اللي معاكم ياثلجة وانشودة معاية احس انو ذيك المنطقة وفخوذي مكسرة لدرجة احيان ماقدر اوقف وسألت الدكتورة قالت هذا من ثقل البيبي ويضغط عليكي وقالتلي ان شاء تولدي الاسبوع الجاي واذا ماولدتي تعالي سوي سونار عشان نطمئن على البيبي الله يسهل على الجميع يارب

[سلوما]

سلام حلوووووووووووووووووووووووين وحشتوني وش اخباركم
نلى خانم الف سلامت عليك ماتشوفين شر حبيبتى
انا اتصلت على د : محمد خان اعطوني اقرب موعد في نهاية شهر 3 يعني يالله عمر وعافية وانا والله ماعاد فيني صبر الدورة مانزلت للان ومتعبتني نفسيا وجسديا ورحت لدكتورة وقالت لى بقي قطع صغير جدا من الكيس الي كان موجود وصفت لي حبوب مافيبين قال اناها تفتفت الكيس والله ااعلم انا سمت انه يروح بحبوب منع الحمل وانا بحث عنها في النت وقالو انا تخفف اللام الدورة
والاسنان وغير كدا انها ضارة للمبايض وبصراحة رميتها هل الدكتور فؤاد جعفر عندة مواعيد كمان ولا لا وين مكانة

[انشودةمطر]

اهلين بنات كيفكم انا باقي في مكه مارحت لاهلي خايفه من البرد واقول لنفسي لسى باقي ما ظنيت اولد هالحين انتظر يخف بس امس حسيت الالم زاد في الليل واقول لزوجي تعرف مستشفى باشراحيل ما جاء الا هوه على بالي قلت لو صار لي ولاده اروح لبسمه او فطيمه طبعا من كلامكم انا ما عرف هنا ولا قد ولدت دايم عند اهلي
اللهم اسألك حسن الخلق وهون الطلق لي ولاخواتي

[اغلى انسانه]

الله يهوووووون عليك
بسااااااااالكم وش المطاعم اللي ترووووحون فيها انا بصراحه احترت كل مااقول ابغى اطلع يقول مااعرف مكااااااااااااااان طفشت لا تحسبوووون مايبغى يطلعني لا مسكين بس مايعرف احد هناا
اناااااااا اهلى بجدة وكل اسبوع اروح هنااااااك واعرف المطاعم بس ابغى ايام الاسبوع هنا وين اروح

[ثلجه فوشيه]

الله يهوون علينااا يارب ..
أنا أمس ماقدرت أنام والله جاتني الألأم قوويه مرررا بس تروح وتجي ما استمررت

سمسمومه
هانت يلا ماباقي الا القليل أنا وأنتي في تنافس هههه

أنشوده
الله يعينك على البرد والله ها رجعت شغالتك ؟؟

أغلى أنسانه ..
امممم في مطعم بالخالديه اسمو جراند مرحبا ( مطعم هندي ) مررا نايس يعني يعتبر حلوو بالنسبه لمطاعم مكه ... دليت وحده عليه هنا وراحت مرررا عجبها ..

كمان في طعم اسموو أماسي أو انأسي والله ملخبطه هذا جديد كاتبين عليه مطعم لكل الأذواق
وكبيرررر ويوم الخميس والربوع يعملو بوفيه مفتوح الدخوول بـ 50 ريال للنفر انا مارحتو
بس البنات يقولو مررا نايس وشكلو حلوو من برا هذا قريب من الأسكان اعتقد

[انشودةمطر]

اغلى انسانه
والله حتى انا اذا بغيت اروح مكان اروح لجده وانا برضومو من اهل مكه اذا تمشيت فيها تمشيتي ايسكريم وكم لفه في العزيزيه والا رحت الحجاز لعبت ولدي وتعشينا وطلعنا ما في في مكه اما كن

[انشودةمطر]

ايوه ثلوجه رجعت شغالتي بس كل شويه تسال مدام خف البرد في الطايف والا لا تلمح يعني ههه
والله اخاف تروح وتقول رجعيني رحت باوارث اشتريت لها قمصان صوف وبنطلونات طويله والله يهديها ليه يارب

[ثلجه فوشيه]

لا تخافي أن شاء الله ربي يسخرررها لك ولولدك وتكمل معاكم ..

يلا ياحلوووآآآآآت أبي دعواتكم أنا راح اروح بيت اهلي دحين مدري عاد متى أرجع
وهناك مافي نت يمكن أجلس ويمكن أرجع آخر الليل على حسب الموود اششوفكم
على خير واستوودعكم الرحمن اللذي لا تضيع ودائعه بليييييييز ادعوولي ما ارجع
ألا بخبر ولادتي يآرب ..

[انشودةمطر]

طمنينا عليك ثلوجه

[انشودةمطر]

هاي كروشات كالعاده تقلص في التجمع نتيجة الاجواء البارده ناهيك عن وجود امطار غزيره بالشرايع ومتفرقه خفيفه في انحاء مكه وانشغال كل منهم في تصحية زوجها المصون ونتيجة فرحة الاربعا والامطار والاجواء البارده يتعبون القلب وهم ماقاموا ورغبه من الكروشات للانتشار في مناطق متفرقه لمنازل الاهالي والمجمعات
هذا التقرير نتيجه للتعب والكرب وانتظار الولاده مع ضرب الفيوز في الراس ههههههههههههه

[بنوته توت]

هااايوووكروشات كيفك وكيف الحمل معاكم اليوم انا مرا فرحانه وحابه افرحكم معاياواقولكم انو رحت للدكتوره وكشفت علياوسوتلي سوناروفرحتني جداوقالتلي انوفي بطنك بنوته اناحسيت انو الفرحه موسايعتني وحبيت اشكر كل وحده دعتلي وحابه اقولكم الله ييسر امركم وهون حملكم ويديكم الساعه المبروكه اناوانتم اجمعين اميييييييييييييييين يارب

[صهيل انثى]

سلالالالالام كروشات كيفكم ؟
اليوم الاجواء مرره روعه رحت عند اهلي واستمتعت بالمطر كان خفيف بس حلوو
امل ان شا ء الله يارب تطلعين حامل طمنينا ياقلبوو
احلى موني بالتوفيق يارب .
ثلجه فوشيه الله يهون عليك يارب وتولدين بالسلامه طمنينا
اغلى انسنانه ماعندي خبره في مطاعم مكه اغلب شي اروح لجده ان شاء الله البنات يفيدونك
انشودة مطر هههههههههه حلوه تقريرك انشاء الله انتي وثلوجه تولودون في يوم واحد الله يسهلها عليكم
بنوته توت مبرووووووك الله يتمم فرحتك على خير .

[ام ميسومة]

السلام
اخباركم ياعسولات
بغيت ارائكم
ابغى اغنيه تصلح لزفه مواليد
وكمان افكار جديدة يالله عاد ساعدوني
ولاتبخلوا عليه
انتظر ردودكم

[نلي خانم]

صباح الورد

كيفكم يابنات

اخر أخباري

7
7
7
7
7
7
7
7
7
7
7
7
7
7
7
7
7
طفشاااااااااااااااااااااااااااااااانه
ونفسي اقرقر مع أي أحد

[زهره البيلسان]

بنات ماحد يعرف اخبار رحيمه من زمان عنها

الله يسهل علينا ونولد بسلامه


ام ميسومه
ابحثي في غوغل يمكن تلقي


اغلى انسانه (http://forum.hwaml.com/u17519.html)

روحي عند الدكتوره احلام في عيادات عباس الصيرفي قدام مستشفى النور
كثير جربوها وحملوا بعد ارادة الله

[بنوته قمر]

السلام عليكم..

شلونكم بنات

[أ ح ــتواني وأح ــتويته]

يسعد مساكم

كبف حالكم ؟؟

اهلين بنوته حياك بيننا

[قمر ليالي مكة]

ام ميسومة هلا حبيبتي انا ادورلك واجبلك انتظريني شوي

[قمر ليالي مكة]

ثلوووووجة فينك
عملي إثبات حضور وقولي انك لسا صااااااااااااااامدة

[قمر ليالي مكة]

حنان يسعد مسائكي بالخير والحب ولانوار

[ثلجه فوشيه]

مازآل الصمووود مستمرآ هههههههه hwaml7

[اغلى انسانه]

اغلى انسانه (http://forum.hwaml.com/u17519.html)

روحي عند الدكتوره احلام في عيادات عباس الصيرفي قدام مستشفى النور
كثير جربوها وحملوا بعد ارادة الله
مشكووووووورة اختي بكم عنها الكشف واذ احد سوى عندها العمليه القرحه وبكم

[انشودةمطر]

( اللهم أسئلك حسن الخلق وهون الطلق )
- يا خالق النفس من النفس يا مخلص النفس من النفس يا مخرج النفس من النفس خلصني
- ( اللهم يا مسهل الشديد ويا ملين الحديد ، ويامن هو كل يوم في أمر جديد ، أخرجني من حلق الضيق الى اوسع الطريق ، بك ادفع ما اطيق ومالا أطيق ، وصلى الله على سيدنا محمد وعلى آله وصحبة وسلم )

[زهره البيلسان]

اغلى انسانه (http://forum.hwaml.com/u17519.html)

الكشفيه عندها ب70
ومدري عن عملية القرحه انتي روحي لها وتأكدي يمكن ماعندك قرحه وهي صادقه ماراح تكذب عليك

وهذه رقم العياده لو تبي تسأليهم 025666661
التحويل رقم 500

الله يرزقك ويرزق كل محروم

[اموورة وكتكوتة]

صباخ الخير كيفكم يا حلويييين وكيف كتاكيتكم .. واللي تستنى الحمل ربي يرزقها الحمل عاجلا غير اجل يارب

واللي لسة ماولدو زي ثلجة فوشية ودلوغة سمسم بينكم المنافسة شديدة .. هيا وحدة فيكم تسبق التانية وفرحونا.. والله قلبي معاكم كلكم وحاسة فيكم ربي يسهلكم بس ماتنسو تقراو سورة مريم كل يوم والدعاء دايما

فوشية اذا جتسافري حبيبتي كندا خديني معاكي انا معي بكالوريوس ادب انجليزي يعني بالعربي خديني بفيزة مترجمة هههههه .. بنت خالتي متزوجة من ولد خالتي التانية وراحو بعثة عكندا قبل كم شهر وحملت دوبها ومرررا تعاني من البرررررررررررد والوحم تبغا ترجع مررا تعبت .. ربي يسرلك امرك ويولدك بالسلامة ويهون عليكي الطلق يارب وحتوحشيني مرررررررررراا

[آم ميـار]

آستغفر الله العظيم وآتوب آليه

آستغفر الله العظيم وآتوب آليه

آستغفر الله العظيم وآتوب آليه


اللهم صلى وسلم على نبيينا محمد


اللهم صلى وسلم على نبيينا محمد



اللهم صلى وسلم على نبيينا محمد


حبايب لاتنسون قرآت سورة الكهف

[اغلى انسانه]

اغلى انسانه (http://forum.hwaml.com/u17519.html)

الكشفيه عندها ب70
ومدري عن عملية القرحه انتي روحي لها وتأكدي يمكن ماعندك قرحه وهي صادقه ماراح تكذب عليك

وهذه رقم العياده لو تبي تسأليهم 025666661
التحويل رقم 500

الله يرزقك ويرزق كل محروم
الله يكتب اجرررررررررررك يااكريم

[ثلجه فوشيه]

مسسساء الورد ..

كتكوته الله يسمع منك ونولد على خير ونقوم بالسسلامه بس شكلها سمسومه سوتها وسبقتني ماشوفها لها كم يوم بعدين هيا مو بكريه زي حالتي يعني ممكن تسبقني < اهي اهي اهي
ابولد
بعدين على حكايه كندا يلا تعاااالي معايا أنا عارفه اني راح احوس في المطار وهناك لانو الأنقلش
عندي مش ولا بد ههههههه الله يستر راح استعمل حركات الأيادي كثير خخ
واذا على البرد ياويلي الله يعين أنا مرررره حزنانه على ولدي لانو راح يكون صغيرر حبيبي
وراح يبرد اكيد بس الله يعين بدفيه بكم حاجه والله حتى صاحباتي هناك يقولو مرررا برد
خذي احتياطك الله يستر احنا هنا يجينا شويت هوا نبرد ونتكفكف كيف هناك ههههه
أنتي كيف حالك وكيف حال حممموده بعد ماطهرتيه ؟؟
برضو يتذكر اللي صار لو ويبكي ههههه ياربي يسعدوو ويخليه لكي وتشوفيه عريس يارب

[ام رانسي]

سلام
كيفكم حبايبي عساكم بخير
hwaml7والله مره وحشتوني hwaml7
بنات ما فيه احد ولدت يالله شدو الهمه هههههههههه والله انا كل يوم تزيد الالم مره تعبت بس الله يعين شكلي بسبق البنات ههههههه
بنات اشتريت اغراض البيبي مره روعه بس لسا اشياءبسيطه وصوره ليكم وتدوني رايكم خلاص

[& أمــــــل &]

مساء الانوار كيفكم (يارشيقات)عشان نغير اللكلمه( ياكروشات)
اول شي بقولكم عن النكته الي صارت بيني وبين زوجي اول ماقلت له يمكن اكون حامل دلخ شوي وقال كيف hwaml96hwaml15هذا شكله من الصدمه فرحان وخايف ولما جاء بيطلع مشوار كنت ابغا اقوله يجيب تحليل منزلي بس كنت جالسه بين البنات اسوي معاهم ملف العلوم فقلت له بالانجليزي (جب معال تست)عشان استخدمه الصباح
ابو الشباب لسى مصدوم تتصورون ايش جااااااب (توست)لما شفته انا ماتحملت جاني ضحك قوي عرفت انه ماهو في المود
بس للاسف جبته بس طلع مافيه بس قلت استنيى كم يوم

[دلوعة سمسم]

واناااااا لسا ماولدت يا امورة وثلجة نستنا الفرج من اللة بس كل يوم يمر اقول اليوم راح اولد من الالم اللي معاية واللة مرة قوية بس نفسي اعرف يابنات مافي طريقة اعرف ان الرحم مفتوح عندي غير الكشف من تحت لاني مررة خوافة .... امل ان شاء الله ياقلبي تكوني حامل ياااارب

[ام رانسي]

اموله . والله تضحكي ياقلبي
الله يرزقك البيبي الحلو يارب

[زهرتي2]

السلام عليكم ورحمة الله وبركاته
كيفكم بنات ان شاء الله كلكم بخير واللي على وشك ولادة اقولها من كل قلبي الله معاها وتحاول انها تكون ريلاكس بقدر الامكان انا عارفة انو طلبي صعب بس صدقوني هذا الحل اتخذتوا مع الدكتورة الله يعطيها العافية وصراحة دور الدكتورة مهم جدا على نفسية المريضة والله يسهلها عليكم وعلي ان شاء الله...................

[ثلجه فوشيه]

أمووله ههههههههه والله ضحكت من قلبي مع انو نفسيت مرررا ميح خلاص مررا
تعبت من الحمل يارب تأجرني بس ..
يارب ياأمووله تكوني حامل وتفررحي وتفرحينا ومااح انسى ادعيلك وقت ولادتي بأذن الله ..

سمسومه انتي لسا زي حالتي ههههه صدقيني راح نولد سوا ولا وحده فينا حتكون عارفه الثانيه خخخ

أم رانسي سلامتك ماتشوفي شر والله التعب لابد منوو الله يعينك والله التاسع موووت مو عذاب وبس والله ولا شهر من الأشهر يعادل تعب الشهر التاسع الله يهون علينا بس ..

زهرتي 2 الله يجزاك خير على الدعوه والنصيحه الحلوه ماتقصرري عسانا بس نقدر يومها نكوون ريلاكس الله كرريم ...

[انشودةمطر]

هاااااااااااااي كروشات كيفكم وش الاخبار مافي ولا في نفر ولاده سوى سوى انا خبطت الفيوز عندي
يارب مايجي الاسبوع الجاي الا كلنا ولدنا بكره بروح عند اهلي خلا ص ان شالله بولد يارب تيسر لي وتيسر لكم

[بنوته توت]

هاي كروشات كيفكم وكيف الحمل معاكم كيفك انشوده مطرانشاءالله تولدي بالسلامه يارب ويسهل ولادتك امييييييييييين وماترجعي الا وانت واده وخبرينا لاتنسي

[أم فايز]

صباح الخير

كيفكم كروشاااات

انا في شهري الاخير وعدى منه اسبوعين ابغى اولد خلاص حاسه بثقل فضيع وبطني وش كبرها


كروشات ابغى اسالكم عن وحده تمرخ وتربط البطن تمام

[ام ميسومة]

سلام بنات
هذا يوم جديد وانا انتظر فرج ربي طلبتك يالله تسهل علي وعلى كل مسلمة
يوة يابنات انا واختي حتجينا حاله من كثر مانتظر الولادة اختي الاربعاء اخر يوم لها بالتاسع
وللحين ماولدت هذا وهي موبكرية المسكينة صارت تكرة احد يسالها ماولدتي او اي سؤال مشابه
لها يومين تشرب خروع ولافادها اليوم راح تغامر وتشرب نص قارورة ودي اكون قربها منها اضحك على شكلها وهي رايحة الحمام كل دقيقه ومنها عشاني شايله همها ودي انها تولد وترتاح ويارب يارب اني انا وهي مانعيدها الا بعد 6 او 7 س يمدينا نرتاح ونشوف حياتنا
انا دحين في بدايه الاسبوع الثاني من التاسع وكل ماجاني الم افرح واقول الحمدلله جاء الفرج
شغالتنا تقول التكارونيات عندهم لابغت الوحدة تولد تربط بطنها من تحت الضلوع مباشرة يصير النونو مضغوط على تحت وتخلي الرباط ماتفكة
يومين وتولد يالله مايخافون يلتف الحبل السري والا البيبي يختنق

[انشودةمطر]

هاي بنات
بنوته ان شالله اولد بسلامه
ام فايز والله الثل انا حاسه فيه مره والام زي الدوره
ام ميسومه الله يعين الوالده كلكم بتولدون عندها حضانه هههههههههههه

[انشودةمطر]

اما حركة التكرونيات عجيبه غريبه ياربي فيها خطر انا استغرب الوحده منهم لما تربطه ورى ظهرها وتقوم وتشتغل وهو يتخبط يمين وشمال واقول مايخافون يطيح وكمان يربطون عليه وهو في البطن ؟

[زهرتي2]

سبحان الله ,,,,,,,,,,,
والله انا اقول ربي اعطاهم قوة غريبة جد ومناعة قوية ولأطفالهم ..........
يالله كل شعب ولي عادات وتقاليد ممكن تكون غريبة على الآخر.............

[نلي خانم]

هاي صبايا

كيفكم

وأخيرا يابنات رحت لأمي لي شهر ونص مارحت لها الله يصبرني بس ويعدي أيام الحمل على خير
الحمدلله نمت عندها وانبسطت وجاء زوجي اخذني ورحت سنتر بوينت وأشتريت لبس للحمل خطير مره حلو وشفت لبس النونو خقيت يابنات عند الملابس والأسره مره تجنن والأجهزه حقتهم وااو تجنن يابنات وزوجي مارضي أشتري شي للنونو يقول بدري وخايف عليه من المشي الكثير يادوب بس أخذت لبس لي وخرجت وأبدا ما طولت بس الحمدلله غيرت جو وانبسطت ورجعت للبيت بنفس جديده

[اغلى انسانه]

الله يهوووون عليكم
مرة سالت زوجي قلت ليش يسون بعياالهم كذا قال احسن لهم شوووفي كيف العمود الفقري والاجسام عندهم موكرررررروش هههههههههههههههههه الكلام لكي يااااجارة

[اغلى انسانه]

والله يسعد اللي قاااااالت روحي مطعم اماسي مدري اناااااااااااسي مغلق امس رحت وتفشلت من زوجي ههههههههههههه اخر شي جحا

[نلي خانم]

آآآآآآآهـ ياأغلى أنسانه ذكرتيني بالأجسام
أفتكر بشهر العسل في ماليزيا جاتنا وحده بريطانيه كلمت زوجي تسأله وين البنك عاد زوجي ماشاء الله يدلها ويفهم هرجها وأنا جمبه مثل الطرشاء وأتأمل جمالها والله فيها جمال وجسم وبياض وصفاء آآخ والله ألحين أشوف نفسي وأتذكرها وأقول عسى زوجي بس مايتذكرها هههههههه
الظاهر لو ماكنت عروسه في ذاك الوقت أنقلبت الموازين

[أم فايز]

الله يفرجها علينا ويعجل بولادتنا ياااارب سرت العب مع ولدي سباق وارقص بس البنت شكل عجبها المكان ماتبغى تطلع الاخت

اما على الاجسام فالله يعوضنا رايحه فيها بس انا وزوجي مكرشين عشان كدا مايقدر يتكلم على كرشي عنده اكبر منها

[نلي خانم]

بنات وين رحيمه؟
مافي أخبار عن مامتها

أذا دخلت القروب وأحد منكم صدفها يطمنا هون عنها

الله يقوم مامتها بالسلامه يارب

[غدو دلع]

هاي
كيف البنات
انا توني اسجل بالمنتدى حوامل
ابي اسولف معاكم عن الحمل عجبني اسلوبكم الراااااقي
انا حامل بالشهر الخامس واتابع بالمستشفى التونسي
والاخبار والسوالف في الطريق ههههه

[زهرتي2]

اهلا وسهلا فيكي اختي الكريمة ونورت المنتدى ...................
وانا كمان اتابع في التونسي اذا كنتي تقصدي مستشفى التونسي بمكة وعسى الله يعطينا ساعة ولادة مباركة يارب.............

[عاشقه بوشي]

السلام عليكم

كيفكم كروشات يارب بخير
انا جديده معاكم انا ساكنه بجده بس مسنتره بمكه فديتها لانه اهلي هنا حتى لدرجه كنت فاتحه ملف بجده رجعت فتحت ملف بمكه في مستشفى بدر برصيفه الحمد الله على كل حال

[روز 3]

كيفكم ياحوامل وش اخباركم وان شاءالله الي في التاسع يولدو بالسلامه حبيت اسالكم عن الولاده في اي مستشفى خاااص افضل شي واسم الدكتورة ويعطيكم العافيه عشان اختي ولادتهاقريب بس لاتقولولي باشراحيل لان المستشفى الله يعلم فيهاوفخدماتها

[اغلى انسانه]

الله يهوووووووون عليكم ويرززززقني يارب

[أحلى موني]

صباح الخير كيفكم جميعا واخباركم فردا فردا انا الحمدلله بخير وبنتي وولدي كمان بخير وصحه وعافيه والاختبارات ماشي حالها ان شاء الله تمام

[اللهم ذرني]

اللة يساعد كل حامل ويسهل عليهم ولاداتهم اللهم امين

[نلي خانم]

سلام
اهلا بكل البنات الجدد منورين ياحلوين ويارب تنبسطوا معانا

هلا موني مرره واحشتني حبيبتي الله يحفظك يارب وأنتبهي للأختبارات كلها كم أسبوع وتخلص الله يوفقك يارب

وين باقي البنات مختفين

[دلوعة سمسم]

صباح الخير ...(مااااازااااااال الانتظار جاري للولادة) واللة طفشت ابغى اولد خلاص يارب يسر لي وللجميع يارررب بالله يابنات دعواتكم اني اولد هذا الاسبوع لان الدكتورة تقول الموية بدأت تقل على الجنين تقول الى الان تعتبر كويسة بس خايفة تقل اكثر وماااأبغى طلق صناعي

[نلي خانم]

أهلين سمسمه
يارب يسهل لك ويفرج عليك وحاولي تتابعي كل شوي عشان موية الجنين الله يقومك بالسلامه يارب انتي والبيبي


بنات وينكم أختفيتوا فجأه وش صار لكم
والله شكلكم نايمين مع البرد
أقول ترى أنا طفشانه ومشتاقه لسواليفكم ياالا تعالوا لاتطولوا الغيبه

[انشودةمطر]

سلام كروشات كيفكم وحشتوني انا عند اهلي في الطايف وانتظر الفرج يارب سهلي اخباركم وحده وحده بدون استثنا ما احد ولد

[نلي خانم]

أهلين أنشوده أخيرا احد طلع لي
الله يعينك ويفرج عليك يارب
بشري الشغاله راحت معاك للطايف

أنا اليوم مشيت شغالتي غثتني بس تنتقد في البيت شغالات أخر زمن مره تتكلم عن الأضائه ومره تتكلم عن الاجهزه ومره تتكلم عن تكرمها عليه وأنها تشتغل عندي ياسلام ومره تطلب الحساب وهي ماخلصت الشهر وكاني باكل فلوسها وبس كلام فاضي طول اليوم تعبت منها والله قلت أريح راسي وأمشيها ماأتحملتها بس تقرقر على راسي وأنا أعصابي ماتتحمل مع الحمل اللي جابها يجيب غيرها

[انشودةمطر]

لا الحمدلله راحت معاي بس كا شويه برد وتعليقات على قولك وتقولي ان شالله تولدي بسرعه ههههههههه مستعجله وحتى اهلي يدلعونها عشاني عارفه اني مجتاجتها والله الجو في الطايف برد اقول البيبي بيتجمد ما راح يطلع انتي كيفك وكيف البيبي

[انشودةمطر]

نيلي انا بطلع اصلي واروح السوق مع امي منها امشي شويه ادعيلي

[نلي خانم]

البيبي الحمدلله بخير ومادام هو بخير انا بعد بخير
ودلعي هالشغاله وش تسوين مالكم حيله غير الدلع بس بيني وبينك مايثمر فيهم الخير من أقل موقف يقلبون الله يجملها معاك ولا تروح عنك

انشوده بسألك عن البنت اللي طاحت بالبير اش أخر أخبارها ماتعرفو احد من أهلها والله بس أفكر فيها الله يرحمها يارب

[نلي خانم]

شكلي حسدت نفسي خخخخخخ
ياقمر روحي صلي وأمشي وفليها الله يسهلك يارب

[في عيون زوجي]

مراحب بنات مكه .. والا اقول حوامل مكه
ممكن انضم معاكم hwaml29 انا حامل معاكم ..
الله ييسر علينا وعليكم قولوا ..
آآآمين ..

[نلي خانم]

في عيوني زوجي
مرحب فيك منوره مبروك الحمل ياقمر ولله يتمم لك على خير يارب
فين تتابعي الحمل وفي أي شهر حامل



بنات ترى صرعتوني ليش مختفين مره وضعكم غريب وين رحتوا

[& أمــــــل &]

مرحبا
كيفكم حبيباتي
hwaml7hwaml7hwaml7hwaml7hwaml7hwaml7hwaml7hwaml7hw aml7hwaml7hwaml7hwaml7hwaml7hwaml7hwaml7hwaml7hwam l7hwaml7hwaml7hwaml7hwaml7hwaml7hwaml7hwaml7
انا حااااااااااااااااااااااااااااااااااامل الحمدلله
الله لايوريكم hwaml76نومhwaml76 نوم hwaml76نوم شي مو طبيعي استحي من زوجي يدخل الظهر وعيوني منفخه حتى مايبان فيها مكياج ولا شي وعلى كذا اقيل معاه وانام الليل بدري
صرة خربانه من اولها
[/align]

[نلي خانم]

مبررررررررررررررروووووووووووووووووووك اموله الغاليه
مليووووووووووووون مبرووووووووووووووك

ياحبيبتي الله يتمم لك على خير ياااااااااااااااارب
وتشيليه طيب وبخير ياااااااااارب أنك على كل شي قديييييير

فرحت لك من قلبي

اللهم لك الحمد كما ينبغي لجلال وجهك وعظيم سلطانك

نامي وارتاحي أهم شي أنتبهي على نفسك وماعليك نامي نامي ياقمر أهم شي راحتك
الله يتمم لك على خير

[في عيون زوجي]

يسلمو نلي خانم .. واهلين امل وباقي البنات ..
يا نلي ياحبيبتي النور نورك والله يبارك فيك ..
من التوقيع شكلنا انا وياك في سباق كلنا في الشهر السابع
وبالنسبه للمراجعه انا كنت اراجع عند فؤاد جعفر
وعشان عمل زوجي راجعت في منطقه ثانيه لفتره ..
بس الولاده قريب اهلي باذن الله ..
ادعوا الله يسهلها ويعديها على خير ..

سؤال للكل وش ابرز المشاكل اللي تعانين منها حاليا ..؟
عشان اللي مرت فيها تعلمنا ونستفيد .
hwaml63

[ثلجه فوشيه]

مسساكم خير ..

في عيون زوجي
أهلين فيكي أن شاء الله ترتاحي معنا والله يتمم لك على خير ..

أمووووله ..

((مبرؤؤؤؤؤؤؤؤؤؤؤؤؤؤؤك الف الف مبرؤؤؤؤؤؤؤؤؤؤؤؤؤؤك ))

الله يتمم لك ويعوضك فيه خيرر حبيبتي والله فررحت لك كثيرر تستاهلي كل خيرر ..

أنا لساتي انتظر الفرج من الله يارب فرج عليا وسهل ولادتي ويسرها عليا
وهون عليا ألم الطلق مرررا تعبت والله بس ربي كرريم ماينسى أحد ..

[اغلى انسانه]

اموله
الف مبرررررررررروك وعقباااااالي ياكريم

[ثلجه فوشيه]

أغلى انسانه الله يرزقك بالحمل عاجل غير آجل ياكرريم

[دلوعة سمسم]

مبروووووك أمل اللة يتمملك على خير يارب...نلي كيفك ياقمر..ثلـــوجة كيفك واللة حتى انا قاعدة استنى تعرفي بكرة عندي مراجعة شكلي اخليها تكشف علية وتسويلي تحريض عشان اولد وارتاح مرة طفشت من الثقل.ياااااارب سهلنا ويسرلنا ياااارب

[أحلى موني]

مرحبا السااااااااااااع وحشتوني يالدببه الثقيله ههههههههههههههههههه

اخباركم جميعا وامووووووووووووووووووله الف مبروك عالحمل وعقبال اغلى انسانه وكوكب يارب وكل اللي يتمنون يحملو

فوشي ايش فيك ماولدتي جينا في عناد ورعك هذا احنا ناقصين يعني كل وحده تبى تولد تطلع عيوننا حتى تولد ههههههه الله يعينك ويسهلك يارب المهم عندك مهله اسبوع اخلص الاختبارات وارجع القاكي ولدتي خلاص اتفقنا وسوي اللي قلتلك عليه نطنطي هههههههههههههه

نلي حبيبتي والله لك وحشه ياقمر اخبارك واخبار الحمل الحمل معاك ان شاء الله كويسه وكيف اهلك انتي عندهم صح ؟؟؟ طمنيني عنك يادبه

انشوده-ام رانسي- ام ميسومه-ورحووووومه-ومين كمان مدري اذا كنت نسيت احد

اخباركم وكيف البرجد معاكم والله احس هذي الفتره برد الله يعيننا عالنوم
هههههههههههههه

[انشودةمطر]

أهلين بنات كيفكم وحشتوني أوي أوي أوي ثلوجه والله زيك انتظر الفرج الله يعينا امس جاني الام قلت بولد وأهلي يضحكون يقولون خائف من البرد مابينزل امووووول الف الف مبروك الله يحفظه لك ويتمم عليك ان شالله تشوفينه سليم معافى وتفرحين فيه بس اهم الشي لاتنسي الرقيه *

[أ ح ــتواني وأح ــتويته]

سلااااااااااااااام
صباااح الورد يااحلى وردات بالدنيا

كيفكم مااااااااااره وحشتوني

امووووله الف مبروؤوؤؤووؤوؤؤوؤوؤوك ياقلبي ربي يتمم عليك ارتاحي وناااااااامي عشان البيبي اذا جا مافي نوووم ابدا

فوشيه وربي دخلت توني عشانك ابغى اتطمن عليكي يارب تولدي بالسلامه ياعمري

انشوده كيفك يالغلا ربي يتمم عليك

موني وحشتيني يالدوبيا من زماااااااان عنك يالكنقه خخخخخخ يعني ياملكه

رحيمه + ام رانسي + ام ميسومه + نانا مررررررره وحشتوني فينكم ماشوفكم

[أ ح ــتواني وأح ــتويته]

وينكم يابنات ؟؟

[أ ح ــتواني وأح ــتويته]

افااا ويييييينكم

اذا كنتم تبون تخرجون قولو تسجيل خروووووج

تهئ تهئ تهئ انا طفشااااااانه

[ام ميسومة]

اهلين حنان اخبارك
واخيرا شفناك الله يسهل لك اختباراتك ويوفقك

[ام ميسومة]

بنات باركولي امس صليت الفجر بالحرم واخذت عمرة والحمدلله ربكم يسرها
وكمان اختي بعد انتظار طويل ولدت سبحان الله التساهيل من ربنا على كثر الحاجات اللي شربتها وجربتها من بدايه التاسع مانفعت معها له ساعه وينزل فيها والودة المفروض تتركها على ربنا انا دوبي اقتنع بذا الكلام وابشركم بخليها على ربنا انا بكرة بترك الخلطة يصير لي سبوعين وانا اشربها ويارب انها لو مافادتني ماتضرني ومصيري اولد اليوم والا بكرة مايحتاج العجله مع اني مرة مشتاقه للبيبي بس الصبر زين

[في عيون زوجي]

هلا ثلجه .. الله يسهل عليك ..وتولدي بسهاله .. يااااارب ..
ومراحب في كل البنات .. :)

[كوكب زحل]

مبروك اموله عقبالي يارب
دعواتكم لي

[ثلجه فوشيه]

كيفكم وحشتوووني مرررررا ..

الله يرزقك كوكب بالحمل عاجل غير آجل ياكرريم ..


بنآت انا شكلي خلاص على وششك وقربت استووي مرا ..

يوم الربوع الصباح رحت للدكتوره وسوت لي كشف من تحت هوا يوجع بس اتحملت

صراحه حسيت عرروق رأسي بتطلع من الألم لانو ماكان كشف بس كانت توسعه

المهم وسعت لي بيدها ولما طلعت يدها اشوف الجونتي كلوو دم < اختكم بالله لها تسع

شهور ماشافت دم وأنا افرصع في الدكتوره وهيا تقولي مفتوح 1سم امشي كثيرر

قالت لي لا تخافي راح يبدأ ينزل منك دم على خفيف دحين ..

المهم قالت عندك 3 ايام اذا ماجاك طلق فيها تعالي تنويم يوم السبت :(

أنا مرآآآآ خايفه ومحتاره وماني عارفه فين أرضي شويا اقول بروح خلاص

عشان ارتاح وشويا اقول اشبي أنا بروح للوجع والأبر والطزطزه بنفسي

افكآآري جدا مشتته والله ..

اليوم الفجر دخلت الحمام الله يكرمكم ولما جيت خارجه خلاص بجفف نفسي

الا نزل مني شي لززززج اغلب اللون اللي فيه احمممر خيوط حمرا يعني وكان

حجمو ماهو صغير مرا المهم في البدايه خفت بعدين غسلت وطلعت قلت يمكن سداده الرحم

استنيت يجي ألم ماجاني ورحت نمت وصحيت مافيني شي ..

بس مازآل الدم مستمر شي بسيط يعني ..

الله يخليكم ادعووولي مررررررا محتاجه دعواتكم أحس أني قربت استوي

وما أخفيكم حسيت بخوف فضيع بعد ألم الكشف الي من تحت لأاني مرا تألمت

اللهم أني اسألك حسن الخلق وهون الطلق ..

ياخالق النفس من النفس يامخرج النفس من النفس يامخلص النفس من النفس خلصني يا الله

[انشودةمطر]

أهلين بنات كيفكم مع البرد والأمطار الطائف اليوم برد و مطر مره حنون أهلين كيف ان شالله تفرحينا بحملك قريب ام ميسومه مبروك ثلوجه شكلك قريتي الله يهون عليك يارب نيلي وينك وش الاخبار دفنها سمسم ان شالله تطمنينا بنات لدعوتي مرعووووووبه

[انشودةمطر]

دلوعة سمسم حلوه كتابتي دفنها لا تعتبوا عليه عشان قاعده اكتب من إيباد تتلخبط عندي الحروف

[ثلجه فوشيه]

انشووده قررربت مراا ..
الله يسهل بس

حتى أحنا عندنا امطآآآآرر قوويه جدا ..
الله يجعلها امطار خير وبركه والله خايفه يجيني طلق ومقدر اخرج

بس اشبك انتي مررعوبه من شو ؟؟

[بنوته توت]

هاايووكروشات كيفكم وكيف الحمل معاكم

والمطرههههههه مرااا حلوووخطيرجداالله يولدكم بالسلامه

اليوم انا اشتريت اشياء البنتوته حقتي وحابه اوريكم مني عافه ايش ناقص كمان امانه الي تعرف تقولي



http://up.hwaml.com/download.php?img=1470

[بنوته توت]

هاايووكروشات كيفكم وكيف الحمل معاكم

والمطرههههههه مرااا حلوووخطيرجداالله يولدكم بالسلامه

اليوم انا اشتريت اشياء البنتوته حقتي وحابه اوريكم مني عافه ايش ناقص كمان امانه الي تعرف تقولي



http://up.hwaml.com/download.php?img=1470 (http://up.hwaml.com/download.php?img=1470)

http://up.hwaml.com/download.php?img=1470

[رقة وأنوثة]

سلام لحريم مكة...

معكم اختكم رقة وأنوثة

حامل في الرياض

بس بإذن الله ولادتي بمكة

[اموورة وكتكوتة]

صباح الخير لاهل الخير
كيف حالكم ان شاء الله تكونو طيبين ياربي

اول حاجة الففففففففففف مبرووووووك امولة وربي يتمملك على خير ويرزقك طفل سليم معافى ويحفظلك هوه ياربي ويفرحكم فيه ..
وربي مرررررررررررره فرحتلك من قلبي حتى جسمي اتقشعر كدة مع الخبر .. ياربي يفرحك فيه وتشوفيه عريس ان شاءالله

البنات كيفكم

..نلي حياتي وحشتييييييني وشكلك مرررا طفشانة نصيحة مني نااااااااامي ناااااااامي عان قدامك سهر وشغل بكرة مع البيبي ان شاء الله .. وحشتني حركاتك الغريبة ها ايش جديدك هههههه ؟؟

انشودة كيف البرد معاكي بالطايف اذا نحن هنا ومتجمديين مع المطر والبرد

اغلى انسانة وكوكب زحل ربي يرزقكم الحمل عاجلا غير اجل يارب ماتنسو الدعاء والاستغفار وربي كريم ان شاء الله تفرحو قريبا بخبر حملكم

موني ياموني كيفك انتي وبزورتك وعبورة ووسيم الكتكوت كيفو؟ ربي يحفظهم جميعا .. شدي حيلك في الاختبارات ربي يوفقك ان شاء الله

حنان كيفك ياقمر وحشتينا .. ايش اخبارك ان شاء الله طيبة كيف بزورتك ربي يحفظهم لكم يارب ..

فوشية يا فوشية يا حبيبتي اول شي مررا اسفة هداك اليوم خرجت وما قلتلك في القروب بس حمودي سوالي فيلم هندي( استفراغ واسهال الله يكرمكم ) مررا حزني مسكين ربي يعافيه ويحميه.. وبالنسبة للدم ترا اذا ينزل كتير صراحة انا لو مكانك اروح دحين الدكتوره وامري لربي ايش تسوي لانو انا زيك نقطة دم فجعتني من بعد غياب 9 شهور كيف انتي دحين تقولي ينزل كتير صراحة خوفتيييييني ومن رايي انك تروحي تتطمني على الاقل انو كل شي اوكي وتتطمني على نبضو وحركتو وارجعي بيتك لاتنامي في المستشفى بس روحي اتطني.. ربي يطمنك ان شاء الله ويفرحك بشوفة ولدك ويسهلك ولادتك يارب طبيعية ان شاء الله ويهون الطلق عليكي

بنوتة توت هلا فيكي ياقمر نورتي بس ما طلعت الصور وما شفنا شي.. ربي يتمللك عخير

رقة وانوثة هلا فيكي كمانة معانا نورني ياقمر

بنات انا السخونة مررا مجننتني تروح وتجي مررا تعبت شربت كل الادوية بس تروح وبعدين تجي وه مررا تعبت ..

[دلوعة سمسم]

صباح الخير...واللة مرة طفشت لكن الحمد لله على كل حال قاعدة استنى الفرج من الله ..انشودة ياقلبي واللة انا مرعوبة كمان مو زي لمن كنت بكرية مانعرف حاجة ياارب انك تسهلها علينا جميعا يااارب

[Om KHaled]

السلام عليكم ورحمة الله وبركاته



* اقرأوا هذا الدعاء*
*أن شاء الله الله بيسر أموركم كلها *
*لا إله إلا الله الحليم الكريم*
*لا اله إلا الله العلى العظيم*
*لا اله إلا الله رب السماوات السبع و رب العرش العظيم*
*اللهم إنا نسألك زيادة في الدين*
*وبركة في العمر*
*وصحة في الجسد*
*وسعة في الرزق*
*وتوبة قبل الموت*
*وشهادة عند الموت*
*ومغفرة بعد الموت*
*وعفوا عند الحساب*
*وأمانا من العذاب*
*ونصيبا من الجنة*
*وارزقنا النظر إلى وجهك الكريم*
*اللهم ارحم موتانا وموتى المسلمين واشفي مرضانا ومرضى المسلمين*
*اللهم اغفر للمسلمين والمسلمات والمؤمنين والمؤمنات الأحياء منهم والأموات*
*اللهم ارزقني قبل الموت توبة وعند الموت شهادة وبعد الموت جنة*
*اللهم ارزقني حسن الخاتمة*
*اللهم ارزقني الموت وأنا ساجد لك يا ارحم الراحمين*
*اللهم ثبتني عند سؤال الملكين*
*اللهم اجعل قبري روضة من رياض الجنة ولا تجعله حفرة من حفر النار*
*اللهم إني أعوذ بك من فتن الدنيا*
*اللهم أني أعوذ بك من فتن الدنيا*
*اللهم أني أعوذ بك من فتن الدنيا*
*اللهم قوي إيماننا ووحد كلمتنا وانصرنا على أعدائك أعداء الدين*
*اللهم شتت شملهم واجعل الدائرة عليهم*
*اللهم انصر إخواننا المسلمين في كل مكان*
*اللهم ارحم إبائنا وأمهاتنا واغفر لهما وتجاوز عن سيئاتهما وأدخلهم فسيح جناتك*
سبحان الله وبحمده سبحان الله العظيم عدد خلقه ورضى نفسه وزنة عرشه ومداد كلماته
*وبارك اللهم على سيدنا محمد صلى الله عليه وسلم*

[ملكة الاحساس]

كيفكم يابنات وكيف الحمل معاكم وربي مره وحشتوني مبروك اموره وكتكوته وعبوره وكل اللي ولدو حمد الله على سلامتكم والف مبروك الحمل يااموله
ثلجه كيفك وكيف الحمل الله يسهلك يارب والله الحمل تعب الله يعينك ويتمم لك بخير

[رقة وأنوثة]

أمورة وكتكوتة

النور نوركم حبوبة تسلمين والله...


نورالقمر

جزاك الله كل خير على الادعية

[أ ح ــتواني وأح ــتويته]

مرحبا في حدا هووووون

اموره وكتكوته والله اني اشتقتلك بعد ياغلاهم وكتكيتي تيبين نحمدوو ريمي كبرت شوي وصارت تتقلب ياناسؤؤ عليها تدنن ودحومي صاير يتكلم اكثر من اول ويحب يسولف معي كثير فديتووو كبر حيل

[اموورة وكتكوتة]

انا حقول مبروووك لثلجة فوشية وان شاء الله تكوني ولدتي دحين ياقلبي
الله يسرلك يارب وييسر لدلوعة سمسم حاسة فيكم ياقلبي وعارفة كيف شعوركم

ملكة الاحساس الله يبارك فيكي كيفك وكيف ولدك يزن افتكر اسمو؟؟ ربي يحفظو

حنان هلا حياتي وانتي اكتر وحشتينا وربي يحفظلك بزورتك ياقلبي عليهم ماشاء الله كبرو .. كيف دراستك ربي يعينكم على الاختبارات .. ربي يوفقكم

[اموورة وكتكوتة]

اشياء يفعلها الطلبه ف أيام الإمتحانات:
1_النوم
2_الأكل
3_فيس بوك
4_التلفزيون
............5_المسجات
6_فقط التفكير بمسك الكتاب
7_يسألوا صحابهم انت درست شي !!

[اموورة وكتكوتة]

اوف مليت معقول كلكم نايمييين؟؟

اصحو في امطاار قوية برا كيف مو حاسيين؟

[صهيل انثى]

صباااااااااح الخير

كيفكم كروشات وحشووووووتني لي فتره مادخلت انشغلت

امووووووله مبرووووك الله يتمم حملك على خير

وابشركم يابنات ثلجه فوشيه ولدت بالسلامه دخلت القروب وبشرتنا .

[نلي خانم]

سلام
كيفكم بنات
وحشتوني جميعا

كيف المطر معاكم آهـ كل ماجاء مطر ينعدم بيتي ويصير مستنقعات وربي طفشت خلاص المويه تدخل مع الشباك ومن المكيف ماأدري أش الحل مع هالوضع نفسي أنقل من بيتي وأرتاح واللي يقهر أكثر جات حمامه في شباك بيتي وماتت وعفنت ببيتي ريحتها تصك الراس مالقيت تموت الا بشباك بيتي أووووووف
زوجي رماها بس ريحتها لصقت ومتى يطلع الصبح تجي الشغاله تصلح ماافسده المطر أخ أخ أخ

[نلي خانم]

ماشاء الله ثلجه ولدت
الحمدلله على سلامتك ياثلجه وألف مبروك حبيبتي

[اموورة وكتكوتة]

انا كنت حاسة انها ولدت .. الحمدلله عسلامتك حبيبتي
وارتاحي والف مبروووووك عموري يتربى بعزكم ان شاء الله

[اموورة وكتكوتة]

نلي هلا حياتي كيفك الله يعينك على الحوسة اللي انتي فيها

لازم تشوفو من فين التسريب حق الموية عشان لايتعدم العفش والبيت

الله يعينك عالريحة والله حالتك حالة خلاص ساعتين ويطلع الصبح ان شاء الله اتحملي شوي .. او رشي ديتول عند الشباك بلاش تدخلكم جراثيم لاسمح الله بس مو انتي اللي تسوي خلي زوجك يسوي دحين انتي حامل اخاف تتاثري لاسمح الله

[نلي خانم]

هلا أموره ياقمر كيفك وكيف النونو يارب يخليه لك أنا مره مشتاقه اولد وأشوف البوبو حقي كل يوم أحلم فيه
وترى انا ماأرفع شي زوجي هو اللي يسوي كل شي والتسريب مره غريب أمره تصدقي من تحت الشباك تصب المويه ومن تحت المكيف أنا مستغربه ليش بيتي ينعدم كل البيوت الللي جنبنا مايصير لها شي أنا قلت لزوجي لازم نشوف حل لهالوضع أخاف على الدواليب تنعدم ويبقبق الخشب الله يستر
والله كل شوي أطالع في الساعه أنتظر متى تجي الشغاله

[زهره البيلسان]

ثلجه فوشيه


الف الف مبروووووووووك ويتربى بعزكم ان شاءالله ويفرحكم فيه



http://forum.hwaml.com/imgcache2/hwaml.com_1295059068_849.gif

[دلوعة سمسم]

الف الف الف مبروك ثلجة يتربى فى عزكم ان شاء الله بس كذا سويتيها قبلي يارب اولد اليوم امس رحت للدكتورة قالت تعالي اليوم سوي سونار اذا كل شي تمام اديكي مهلة واذا موية الجنين قلت زيادة تنويم واعطيكي طلق صناعي ياااارب ماأحتاجة ..بنات من جربت الصناعي وهل فية فرق بينة وبين الطبيعي

[ملكة الاحساس]

ثلجه الف مبروك ياقلبي وحمدالله على سلامتك
نلي كيفك وكيف الحمل الله يسهلك يارب
اموره انابخير ويزن بخير يسلم على حمودي
دلوعة سمسم الله يتمم لك على خير انا جربت الصناعي وجربت الطبيعي في الاجهاض ولاده مبكره بس الصناعي مغصه قوي ان شاء الله ماتحتاجيه

[Compassionate Heart]

سلام عليكم

اخباركم يا احلى اخوات في الدنيه كلها اخبار احلى اطفال اكيد احلى اطفال لانهم اولاد اخواتي ^_^

قد ما اقول وحشتوني اتعب مرااااااااااااااااااا وحشتوني وحده وحده و نفر نفر

طبعآ ارحب بكل الحلوين الا انضمو معانه و نورونا ربي يتمملكم حملكم على الف خير

و اقول الف مليون تريليون مبروك للكروشات الا ولدو في فترت غيابي
واخص احلى ثلجه فوشيه يتربه في عزك يارب على فكره اتصلت اطمنت على صحتها من المستشفى قالو ولد و خرجة الصباح ماشاءالله تبارك الله ربي يحميها و يحفظها من كل شر يارب حمدالله على سلامتك و سلامة عموري يا قمر ربي يطمنا عنك يارب

و اقول الف مبروك للحوامل الجديدين معانه و اخص اموله مليون مبروك ربي يعوض صبرك خير يارب و يبلغك يا كوكب بحمل قريب باذن واحد احد يارب

و الحلوين القمرات الا سئلو عني اكيد ما انساكم بجد فرحت ان في احد سئل عني ربي ما يحرمني منكم يارب ولا من الا ما سئل عني كمان ربي يحفظكم من كل شر يارب ولا يحرمني من جمعتكم يارب

ابشركم امي سوت العمليه في 2-1-2011 بس مرا تعبت يا بنات و حتاجت نقل دم لانها نزفت كثير و نقلنالها 3 اكياس دم و اتعذبت حبيبتي و انا كان قلبي واجعني كل ما اشوف كيس يتعلق و الاورده عندها مسكره و جابو دكتور تخدير و حطت في الدين يد للمغزي ابرت وريد حق اطفال من كثر صغر اوردتها و اليد الثانيه عشان نقل الدم و خرمو اياديها الاثنين ربي يجعله في ميزان حسناتها و انا تعذبت على عذابها و الثقل حق الحمل تعبني والله عشان اتقلب من يمين لليسار يجيني شد عضلي في رجلي و في جنبي جهت القولون و الله لا يوريكم العذاب ربي يجعله في ميزان حسناتنا يارب و يأجرنا

و هذي اخر اخبار و انا اتواجد في جده حتى تنتهي امي من فترة العلاج الطبيعي و فترة النقها زوجي يقول شكلك من طريق جده على المستشفى عشان تولدي ^_^ الله يسهل و يستر على الجميع يارب

اخر حاجه ما اوصيكم على نفسكم اكيد انتبهو على نفسكم كثير ولا تعبو نفسكم ربي يطمني عنكم يارب و يفرج همكم و كربكم يارب و يحفظكم من كل شر

اسفه لو طولت عليكم في الكلام و اسفه لاني طولت في الغيبه بس كنت ادخل اشوف اخباركم اول باول ربي يسعدكم يارب

[أم شهلاء]

1000 مبروك لكل وحدة ولدت وعقبال البقيه يقوموا بالسلامة
مبروك ثلجه على المولود والله يعينك على تربيته
وش اخبارك يا ساهرة

[أم يزن]

السلام عليكم ورحمة الله وبركاته
مرحبا اخواتي..
الف مبروك لكل حامل والحمدلله عل سلامة كل وحدة ولدت ومبروك ماجاكم وعقبال كل حامل والله يرزق كل من تتمنى..انا والله دايما ادخل عالموقع واتطمن عليكم على السريع لاني موظفة ودايما مشغولة غير شغل البيت طبعا وتعب الحمل(انا بالشهر الثامن)وجالسة اجهز للسفر على مكة عشان اولد عند اهلي باذن الله..
بس والله حبيت اقولكم اني احبكم في الله واتمنالكم كل خير,,
تصبحو على خير جميعا..

[انشودةمطر]

أهلين بنات وحشتوني موووت ووحشتني مكه وأمطارها الطائف برررررد موووت ومع الأمطار الله يعين وطبعا باقي ما ولدت واووووو والله فرحت للثلوجه ولدت الحمدلله على سلامتها بس لازم تدخل وتحكينا عن الولادة البنات كلكم بدون استثناء الله يتمم عليكم الحمل وتولدون بالسلامة *

[زهره البيلسان]

الحمدلله ان الجميع بخير

رحيمه
الله يقوم امك بسلامه ويشفيها وان شاء الله الي شافته اجر وعافيه

[& أمــــــل &]

اول شي صباح الليل لاني كنت جالسه على الكنب واخذتني نومه
الف مبروك ماما ثلجه فوشيه بدأ الان الجد الله يعينك
رحيمه الف الحمدلله على سلامة الوالده الله لايوريها باس
بعض الناس تشد حيلها وتتشطر وتجيب النونو رتريحنا وترتاح hwaml23hwaml23hwaml23hwaml23

[كروزه]

مساء الخير

مرررررررررررره وحشتوني كلكم


كيفكم وحد وحده

مبروك للي ولدت ثلجه الف مليوووووووووون مبروك

انا الحمد الله مره كويسه وحماده كمان

ايش اخبار نانا

رحيمه الحمد الله على سلامه مامتك

امل مبروك على الحمل

[قمر ليالي مكة]

الف الف مبرووووووووووووووك ثلجة حبيبتي
الحمد لله على سلامتك
وبإنتظار مغامرتك الشيقة
ويتربى بعزكم ودلالكم
جعله الله من مواليد السعادة
http://forum.hwaml.com/imgcache2/hwaml.com_1295203934_347.gif

[نلي خانم]

سلام ياحلوين
صباح الورد
كيفكم اليوم

أمس كان النت مقطوع والحمدلله رجع وقلت أدخل أطمن عليكم وأقولها بكل صراحه لاحياه بدون نت فراغ قاتل مميت

دلوعة سمسم
الله يسهل لك بس نصيحتي انتظري يمكن تكوني غلطانه بالحساب وباقي ماخلصتي ترى الدكتورات يخربطون ماعندهم سالفه والله الطلق الصناعي مؤلم أنا جربته بأجهاضي الأول ودايم أقول لزوجي ماراح أروح المستشفى بعدين ألا أذا فيني طلق عشان ماأحتاجه الطلق الطبيعي اهون سبحان الله .... الله يقومك بالسلامه وشدي حيلك بالمشي والأستغفار والله يفرج لك

ملكة الأحساس
هلا ولله بهالطله كيفك وكيف النونو أنا طيبه وبخير والحمدلله الحمل تمام والله صرت أعد الأيام والمشكله أرجع للتقويم في اليوم كذ مره أتأكد كم باقي يوم خلاص مره ماعاد فيني صبر

رحيمه
ألف الحمدلله على سلامة مامتك والله بس كنت أفكر فيكم ومره طولتي مادخلتي النت وطمنتينا ولاتتعبي نفسك الله يكون بعونك ويكتب لك الأجر يارب وبأذن الله يوم ولادتك تلاقين أمك واقه على رجولها متعافيه جمبك يارب وماتشوفي مكروه فيها

أنشوده
كيفك وكيف البرد والله أمس زوجي راح الطايف يقولي صقيع برد موت والله تذكرتك الله يعينك أنا هنا في مكه بردانه كيف أنتي اللي بالطايف الله يسهل لك أحلا ولاده ياأنشوده ولاتنسي تدعين لي وقت ولادتك أن الله يرزقني بولاده طبيعيه سهله ميسره والله خايفه من المثبتات والأبر واليوتوبار أخاف من القيصري وأتعب بولادتي أدعيلي بالولاده الطبيعيه لاتنسين

باقي البنات أحبكم والله ربي يسعدكم يابنات التجمع وحده وحده

[انشودةمطر]

سلام كروشات معطر بالبرد والثلج رحيمه كيف الوالده الله يخليها لك ويقوموا بالسلامة يارب اجر وعافيه نيلي ان شالله تولدين بسلامه يارب وطبيعي اليوم رحت المستشفى لان نزل مويه عليه وقالت لازم اكشف من تحت والله خفت *وصرت ارجف كأني اول مره وقالت الدكتورة انتي ازاي حتولدي ولا كنتي قبل ولاده مش اول مره المهم طلع ما عندي ولاده وقالت تقلصات عادي يارب يسرلي مرعووووبه باقي الكروشات كيفكم كلكم بدون استثنا ان شالله تكونو بخير وربي يتمم حملكم على خير

[ريتاج القمر]

ثلجة فوشية مبروك الولادة انا بيني بينك كم يوم وكنتي تقولي لية اني بولد قبلك بس شفتي سبقتيني بس فين ولدتي وكيف الولادة ؟؟؟ وقدامك العافية

[نلي خانم]

الله يسهلك ياانشوده أسهل ولاده يارب

وين باقي الكروشات شكلكم نايمين مع البرد يادببه

[في عيون زوجي]

مراحب جميعا
مو نايمين الا طفشانين :(

[انشودةمطر]

هاي كروشات كيفك يوه يوه يوه بررررررررررررررررد اتعب اقولكم برد

[نلي خانم]

أووووووف أوف
شو هالغبار اللي على التجمع

وينكم يابنات هجرتوا التجمع انا كل يوم أدخل هنا بس مااحصل احد
وش فيكم فتحت القروب لقيت محادثات سابقه لكم يعني عندكم نت وتاركين التجمع وش فيكم مطنشين التجمع hwaml4

أنشوده ...
بشرينا ماولدتي الله يعينك على هالبرد انا أقول لزوجي بشتري دفايه ماعاد اقدر اتحمل
أش رايك تشترين دفايه والا اقولك بالنص بيني وبينك ويوم عندك ويوم عندي ههههه
انا جالسه أفكر بعدين حملي الثاني بخطط تكون ولادتي بالحر أحس مره صعبه الولاده بالبرد .. اللي يسمعني يقول لحمل على كيفنا

ام رانسي
وينك ياوحشه أبي أطمن عليك تراك شاغله بالي كيف الربط معاك انا حاسه بألم أسفل وضغط وأحيان ماأقدر امشي بس ماسكه كرشتي من تحت خايفه عليها والله شايله هم التاسع وهوايله ... انتي كيف مثلي تحسي بضغط والم

موني...
الله يوفقك بأختباراتك وتجيبي أعلى معدل وينور لك ياعسل وأول ماتخلصي اختباراتك ادخلي طمنينا عن النتايج ... الله يوفقك يارب ويبلغك مرادك ... وسلمي على عبوره وقولي لها تجي هون

تحياتي للجميع

[رقة وأنوثة]

ايوا والله مافي أحد

شكلهم نعسو

جايني نعاس فضييييييييييييييييييع
بس ما أنام زين مدري وش فيه

[أحلى موني]

صباح الخير ياقماري اخباركم وحشتوووووووووووني موووووووووووووت خلاص جيت اصك راسكم بالهرج الحمدلله خلصت اختباراتي والنتايج ماطلعت مدري ليش ولاماده نزلو نتيجتها قهر والله بس اهم شي انتهيت بس خايفه من ماده علوم الحديث شكلي جبت العيد فيه

[NyloFaR]

مساء الخير
بنات مكه الله يعافيكم
ابغى اسوي اشعه رباعيه بمكه من تعرف مستوصف يسوي
ومستوصف الصاعدي عنده لاني اراجع عنده

[اموورة وكتكوتة]

صباح الخيرات والليرات
كيفكم يا صبايا؟؟ وكيف كراريشكم ؟؟ ربي يسرلكم الطلق والولادة .. هانت غمضو عين فتحو عين تلاقو نوناتكم معاكم ان شاء الله بصحة وعافية

انشودة اذا نحن هنا ومتجمدين كيف انتو ؟؟ الله يعين النونو حقك على البرد

نلي والله كلامك مررا مظبوط البنات صارو يحبو القروب اكتر مدري ليه !!
والله هنا احسن على الاقل تعرفي اخبارهم كلهم وتتسلي وانتي تقراي اما هناك مررا صعب .. مشي حالك بس
انتي كيفك انتبهي عنفسك هانت ياقلبي والايام دحين حتمر بسرعة ان شاء الله ربي يسرلك

موني مبروووووووك خلصتي اختبارات وان شاء الله تكون درجاتك ممتازة عشان تنبسطي في الاجازة.. ها فين حتروحو في الاجازة؟؟ خديني معك مرررررررا طفشانة

بنات ايش اخبار رحيمة القلب ؟؟ والله مرررا وحشتني هادي البنت وانقطعت اخبارها علينا يارب تكون امورها تمام وامها تمام .. اللي تعرف شي عنها بالله يطمنا عليها.. يارب يسرلها امرها واشفي والدتها وعافيها

[اموورة وكتكوتة]

بنات ابغا استشيركم بموضوع مهم ليا

انا عندي ضرس العقل بالفك الاسفل طالع مررا مايل سويت اشعة وربي شكلو مرعب انا اول مره اشوف ضرس نايم تخيلو طالع نايم كدة مسدوح حتى جذرو مسدوح بدل ما يكون عمودي .. ما ادري كيف اوصفلكم بس ان شاء الله تكونو فهمتو كيف.. المهم هوه يبغالو عمليه عشان اشيلو ورحت اكتر من دكتور وكلهم نفس الكلام وكلهم انفجعو بشكلو ..

المشكلة انو اذا قررت اعمل العمليه واشيلو حيصير في خدران بالجزء الاسفل من الفك من6 شهور الى سنة لانو حضرتو ضاغط على العصب السفلي بالفك .. والحل التاني انو اشيل الضرس اللي قبلو عشان يصير في فراغ ويطلع عراحتو ويبعد ان شاء الله عن العصب

انا طبعا مع الحل التاني بس زوجي مرررا جنني يقولي ماتضحي بسنك ويقولي اتحمل الخدران تخيلو بكل بساطة.. انا ابغا استشيركم والله ماادري مررا حايسة ايش اسوي

[كوكب زحل]

كيفكم يابنات
ممبروك لى ثلجة
تقوم بالسلامة
عقبالي يارب اكون الشهر هذا حامل دعواتكم

[ثلجه فوشيه]

مسسسسسسسساكم خير وسرور ياحلوووووووووين
وحششششششششتووووني ماتدرو قد ايش ...
انا طعا ماقريت الصفحات الي قبل لاني دخلت مرررا مستعجله بس ابطمنكم انو انا وعمووري حبيب قلبي بخيرات من الله وبكرا ان شاء الله عندي مراجعه في المستشفى اكيد بتشوف الخياطه وبعدهاا بروح اطهرو حبيبي والله مررررررررا خايفه عليه قلبي مو معطيني اوديه ..
امممممم عقبال البنات الباقيين ياررب يقومو بالسلامه ويجو يبشررونا ...
أما عن قصه ولادتي فهيا قصه طووويله واااااااااااو أنواع الحماس يابنات صارت اشياء ماتوقعتها
واشياء توقعت تصير وماصارت بس الله المستعان ...
الحمد لله ولدت وقمت على خير والله يانات اني أحس اني في حلم ...
يلا اششششششششوفكم لما ارجع بيتي ان شاء الله بس اتحسن من الخياطه ارجع اقص لكم قصه ولادتي ههههههه ترى ماتضحك بس لما افتكر ايش سويت اقعد اضحك على نفسي خخخخ

راآآآآآآآآآآآآآح توحششششششششوني والله كثيييير هنا عند اهلي مافي نت أنا ادخل القروب بس من الجوال واغل الوقت القروب يكون فاضي ..

[رقة وأنوثة]

الحمدلله على سلامتك

ومتشوقة لقصتك

والله يقوم الجميع بالسلامة

[نلي خانم]

السلام عليكم
مساء الورد والجوري على الحلوين
أيوا كذا يابنات تعالوا هنا خلونا نعرف أخبار بعض انا أحس التجمع بيتنا ومايسير نتركه عرفنا بعض هنا وحبينا بعض حلو تروحوا القروب بس كمان التجمع له حق علينا مو صح الله يسعدكم يارب

رقه وأنوثه
يوووه على النوم مع البرد مره بزياده أنا أحب النوم واذا ولدت عارفه أني ماعاد راح أنام زي ألحين خلينا نستغل الفرصه وننام ألين نشبع كل الناس يقولوا لي نامي وانا مو مصدقه نفسي أسمع النصيحه على طول حتى أول شي أفكر أشتريه مفرش النفاس أستعدادا للنوم خخخخخخخ

أحلى موني
الحمدلله أخيرا جيتي ياقمر لاتشيلي هم النتايج بأذن الله تكوني ناجحه وبأعلى معدل أنا سمعت أن السنه الجايه بتتحول الدراسه بالتعليم عن بعد للمنازل بس تصدقي حلو لو تحولي تعليم عن بعد خاصة أذا كان عندك نونو صعب تداومي .... الله يوفقك يارب

NyloFaR
ماعندي خلفيه عن الأشعه ان شاء الله البنات يفيدوكي

أموره
سلامتك يالغاليه ماتشوفي شر والله حالتك صعبه وماأدري أش أقولك بس تسوي عمليه أفضل ... حصني نفسك يمكن تكون عين لاتستغربي ترى الناس ماتعطي خير ... أشربي زمزم بنية الشفاء وأتذكري ماء زمزم لما شرب له
الله يعافيك يارب والله مره قلقت عليك
ورحيمه أخر مره دخلت التجمع قالت أن مامتها سوت العمليه وبتجلس عند مامتها يمكن ألين تولد شكلها مشغوله بالضيوف وبخدمة مامتها الله يكتب لها الأجر ويسهل لها ولادتها أحسها مره تعبت بحملها دايم ملازمه مامتها وهي تعبانه الله يرزقها بر أولادها يارب

كوكب
يارب تكوني من حوامل هذا الشهر ونفرح لك ... أنبسطي ألحين ولاتفكري كثير بأذن الله راح تحملي وتجيبي أحلى بيبي عيشي أيامك بحلاوه ولاتفكري في الحمل خليه على الله

ثلجه
مبروك الولاده وأستخدمي مرهم ميبو مره مفيد للخياطه تلتئم بسرعه وماتترك أثر


أتوقع أنشوده ولدت الله يسهل لها يارب تدخل وتطمنا عليها

[نلي خانم]

أموره
قلت لزوجي على وضعك قلي ولد عمه سوا العمليه هذي قبل كذا ومره سهله تتنومي يوم واحد في المستشفى بس ويمكن تخرجي في نفس اليوم ومو صحيح أنك تحسي بالتخدير ستة شهور كلها كم يوم ويفك التخدير وترجعي لوضعك الطبيعي
بس قلي تروحي لمستشفى النور عند دكتور أسمه عويضه او عيضه البشري رئيس قسم الفك والأسنان ... هو اللي سوا العمليه لولد عم زوجي وصحته ممتازه
عقبال ماتطمنينا عنك يارب ماأحب أشوف وحده من بنات التجمع تعبانه مره أحبكم يابنات يارب ماأشوف فيكم شر

[دلوعة سمسم]

كيفكم ياحلوين...وحشتوووووني ابشركم الحمد لله ولدت يوم الثلاثاء وجبت بنوتة زي القمر وسميناها رفيف ان شاء ارجع احكيكم قصة ولادتي

[ام ميسومة]

السلام عليكم
اخبار الحلوات
مبروك لثلجة وعقبال الباقيات
ابشركم باقي لي اسبوع واولد
انا نفسيا دحين مومستعجله زي اول احس بخوف ومشتاقه للمغامرة وللبيبي
احس الايام تجري بسرعه بسرعه
انا هالاسبوع دوروني بغرفه النوم جاني نوم غير طبيعي ادعس بالساعات واصحى شوي وارجع انام الوقت صار يعدي علي بسرعه من غير ماحس وانا كل ماتذكر تعب الولادة والشقى اقول بنفسي انام واشبع نوم احسن لي لاحقه على الشقى والصراخ
دعواتكم ان ربي يسهل لي
لاجاء وقت الراتب وانا اختفيت اعرفوا اني ولدت
انا عيالي ماديين مايجون الا على الرواتب حاسبينها صح

[ام ميسومة]

مبروك دلوووووووعه وربي يرزقها برها وصلاحها

[أم يزن]

بنات الله يخليكم اللي جهزت منكم توزيعات البيبي تقولي من فين وكم كلفها
الله يوفقكم ترا والله دخت وانا اسأل ومالقيت الا اشياء مره عادية او غالية مرره
المشكلة اني ماراح اجي على مكة الا في الشهر التاسع يعني ماعندي وقت كفاية ادور في الاسواق.. دخيلكم يابنات ساعدوني

[Compassionate Heart]

زهره البيلسان
امين يارب ربي يسمع منك ربي يسعدك ربي ما يحرمني منك يارب

& أمــــــل &
الله يسلمك من كل مكروه ربي يسعدك

كروزه
الله يسلمك ربي يسعدك ويحفظك من كل شر

نلي خانم
الله يسلمك من كل شر حبيبتي ربي ما يحرمني منك ربي ياجرني و ياجر الجميع يارب و ان شاء الله ربي يسمع منك يا قمر

انشودةمطر
الحمدالله بخير ربي يسعدك يارب و يخليكي و يحفظلك كل غالي امين يارب مقصرتي

دلوعة سمسم
الف مبروك مبروك ما جاكم تتربه في عزك و عز ابوها يارب وحمدالله على سلامتك و سلامة رفيف

[نلي خانم]

دلوعه سمسم
الف ألف مبروك البنوته القمر الله يحفظها لك وتشوفيها أحلا عروس يارب وألف الحمدلله على سلامتكم ... بشرينا كيف كانت الولاده نبغى أخبار تهون علينا الرعب اللي جاينا

ام ميسومه
الله يقومك بالسلامه ويسهل لك الولاده حاولي ماتجهدي نفسك هالأيام عشان تكون عندك طاقه وقت الولاده وربي يسهل لك أحلا ولاده يارب .... والنونو يرسم على ثقيل مع الراتب مره وحده خخخ ياشيخه تفداهم فلوس الدنيا بس يشرفون بالسلامه

أم يزن
أنا ماأشتريت بس أم زوجي بتشتري لي من ارنوب اللي في الستين اللي جمب الهواري وكمان هنا معانا عضوه بالتجمع أسمها اغلا أنسانه تسوي تووزيعات تحفه

رحومه
وش هالطله الملكيه والله نور التجمع بوجودك مررررره وحشتيني كيف مامتك يارب تكون بخير وتقوم بالسلامه ... اليوم سمعت أغنية وحشتوني وتذكرتك لما حطيتيها لنا بالتجمع ياحلاتك ياأحلى رحومه والله أنتي اللي توحشينا ماتدرين وش كثر لكن مامتك أهم الله يكتب لك الأجر ويرزقك بر أولادك يارب

[أحلى موني]

ايه والله الحمدلله خلصت بس للان مانمت عدل طلعاااااااااااااات من فرح لبيت اهلي لسوق
حمااااااااااااااس بس لوتشوفو شكلي في السوق امشي خطوتين واجلس تعبت احس بديت اتعب واثقل الله يعين

امووره وكتكوته اخبارك ياقمر واخبار ولدك ان شاء الله كويسه وكيف الامومه معاك حلووه صح الله يعينك عالحبسه دحين ماتقدري تروحي اي مكان تحوسي فين تخلي ولدك وبالنسبه للخرجه والله مو شكله في مكه بقضيها بس انا نفسي اروح المدينه لكن زوجي مو راضيخر مره متى رحتها وا تدري انا عمري 10 سنسن زمااااااااااااااان والله واما ضرس العقل هذا والله مدري اذا عندي والا لا هههههههههههههه مهووويه صح!!

نلي هلا وغلا بالقمر وحشتيني والله اخبارك واخبار الحمل معاك بديتي تاخذي اعغراض للبيبي والله رحت سنتر بوينت واخذت شنطه النفاس بس جهزتها كامل الحمدلله وباقي الاغراض عالثامن ان شاء الله وحلوه فكره الدراسه من بعد بدرس موضوعها تصدقي اريح

رحووووووومه حبيبتي كيفك وكيف حال امك ان شاء الله كويسه الحين وكيف الحمل معاك دحين انتي في جده والا في مكه ؟؟

ثلوووووج كيفك وكيف عمووووووورمعاك طلع يشبه لمين لك والا لابوه؟؟والله يعينك عالطهاره دحين بس يبكي متعبه ويبغالها انتباه يالله شدي حيلك عالسهر والله يعينك

ام ميسومه اخبارك واخبار الحمل معاك خلاص هانت الحمدلله بس طمنينا عليك وعن ولادتك ان شاء الله والله يسهلك يارب

وباقي الكروشات الجدد اللي ماحصلي واتكلمت معاهم بسبب ضروفي الدراسيه وان شاء الله اعرفكم وحده وحده اخباركم جميعا ان شاء الله كويسين ومبسوطين

انشوده مطر وام رانسي وامل كيفكم ياحبايبي طيبين مستانسين؟؟

[وفقني يارب]

ثلووجه ودلوووعه الف الف الف الف الف الف الف الف مبروك ماجاكم يتربى بعزكم

الحمدالله على السلامه يارحومه والله يرزق بر عيالك يارب


بنات ابي اسوي اشعه ثلاثيه الابعاد راح يرضى صلاح حامد ولا اذا ماطلبت منه اسويها يطنش وكم سعرها؟؟

[NyloFaR]

احد يعرف مستشفى بمكه يسوي اشعه رباعيه وبكم؟

[صهيل انثى]

مسااء الخير ...

كروشات كيفكم وحشني التجمع واخباركم ؟

دلوعه الف الف مبروووك تتربى بعزك ان شاء الله وعقبالنا ياارب

رحيمه وحشتينا الحمد لله على سلامة امك الله يكتب لك الاجر ان شاء الله .

وفقني وnylofar ماعرف مشتفشفيات في مكه ان شاء الله البنات يفدونكم

[خلود11]

سلام بنات اخباركم

ومبروووووك للكل اللي ولدو وعقبالنا يارب

[أحلى موني]

يااااهوووووووووو فينكم التجمع مره فاضي خيرعسى ماشر

[& أمــــــل &]

مرحبا ومساء الخيرات
الف مبروك دلوعة تشوفينها عروس
معليش انقطعت بس الحمدلله سقطت وتعبت كثيرhwaml78hwaml78hwaml78hwaml78
كلكم وحشتوني احبكم

[ملكة الاحساس]

رحيمة كيفك وكيف الحمل الله يسهلك يارب وحمدالله على سلامة الوالده الله يخليها وماتشوف شر

[نلي خانم]

لا أله ألا الله
امل الله يعوظك بغيره لاحول ولاقوة ألا بالله حافظي على قرائة سورة البقره يوميا

الله يرزقك ياامل بالذريه الصالحه في أقرب وقت والله اني احبك في الله وأفرح لفرحك وأحزن لحزنك لكن مابيدي غير الدعاء لك

[كروزه]

مسااااااااااء الخيرات

كيفكم ؟؟؟؟؟؟؟؟؟؟ مرررررررره وحشتوني

اموله ياقلبي ربي يعوضك خير

دلوعه مبروووووووووووووك ياقلبي

ام يزن التوزيعات اشتريها من الخاسكيه في جده بجمله مره روعه ورخيصه

رحيمه ونلي وكوكب وثلجه وفتاه الثلج واموره ونانا احلى موني وباقي البنات يارب يكون الجميع يصحه وعافيه وسعاده دايمه

[Compassionate Heart]

نلي خانم
حياتي حبيبة قلبي انتي الملكه يا عمري ربي يسعدك ما اتحرم منك يارب و التجمع منور بأحلى مكويات و انتي و النونو مرا وحشتوني ربي يقر عنك بيه يارب و امي بالف خير تسلم عليكي يا قمر اهم شي اني على بالك يا قمر ^_^ و الله يرزقنا بر اهلنا يارب عشان يكونو عيالنا بارين فينا يارب طمنيني عنك يا قلبي ان شاء الله تكوني بالف خير يارب

أحلى موني
هلا يا قلبي بخير انا و امي و البيبي ربي يسعدك و يحفظك يارب من كل شر و انا جيت مكه الاحد و برجع جده الثلاثاء طمنيني عنك و عن صحتك و النونو و الكتكوته عساكم يالف خير

وفقني يارب
يا هلا بقمر اخبارك و اخبار النونو يارب تكونو بخير ربي يحفظك اما عن سؤالك والله ما عندي اي فكره ان شاء الله البنات يقدرو يفيدوكي

NyloFaR
هلا اختي لا ما عندي خلفيه ان شاء الله البنات يقدرو يفيدوكي

صهيل انثى
و انتي كمان وحشتيني يا قمر ما اتحرم منك يارب بشريني عنك و عن النونو عسى يارب تكونو بخير يارب و الله يسلمك الحمدالله صارت امي احسن ربي يسعدك

خلود11
هلا اختي امين يارب عقبالنا ان الله يقر عينا بشوفت اطفالنا يارب

& أمــــــل &
هلا حبيبتي اسئل الله العظيم ربي العرش العظيم ان يعوضك خير باذن الله اكثير الاستغفار وربي يرزقك في القريب العاجل يارب انتي و كوكب زحل بعزت الله و قدرته ان الله يرزقكم الذريه الصالحه يارب

ملكة الاحساس
هلا يا عسل انا بخير الحمدالله ربي يسمع منك يارب و امي الحمدالله بخير الشر ما يجيكي يارب طمنيني عنك انتي و النونو خلاص صرنا كبار اكيد ربي يحفظه من كل شر يارب ربي يسعدك حبيبتي

كروزه
هلا ياقلبي انا بخير ربي يسعدك انتي اخبارك و اخبار الكتكوت يارب تكونو بالف خير يارب ربي يسعدك

باقي الحلوين المتغيبين وينكم عسى يارب تكونو بالف خير و سعاده

[أحلى موني]

الله يعوضك خير يا امل ويكتبلك الاجر يارب

[& أمــــــل &]

مرحبا كيفكم
نور التجمع كروزه ورحيمه
شكل الكل لاهي مع الاختبارات كذا التجمع فاضي والبعض مع النونوات الحلوين
ما احد سمع شي عن اموره وكتكوته قلقانه عليها مالها حس

[doodi]

هلا كروشات انا مكه وياليت انضم لتجمعكم


عشان بستفيد من خبرتكم فالمستشفيات واللي ولدت وهيك

بسئلكم الاشياء اللي تتوزع من فين اشتريها

[في عيون زوجي]

صباح الخير يا بنات مكه ..

كيف حال الجميع .. ان شااء الله الكل طيب وبخير ..

والله الواحد يغيب كم يوم لظروف ويرجع ما يدري عن شي ..

اش اخر الاخبار ..

[أحلى موني]

الحمدلله انا والبيبي بخير والله يا امل لاتسئلي بس عن اموره الكل غايب لاحس ولاخبر الله يجعلهم بخير وصحه وسلامه

[ثلجه فوشيه]

وحشتوووني كثيررررر ..

أمل الله يعووضك خير حيبتي والله مارجعت وقريت اش كتبتي بس من ردود البنات عرفت ..

بنات وحشتووووني مررا مرررا ..

والله يابنات بعد الولاده غصب عننا ننشغل مع الألم والتعب والنفسيه كمان لكن الحمد لله

ماعاد في نووم زي أول كل شويا صاحيين انا مرا اعاني من ارهاق شديد بسبب قلت النوم

ودحين اغتنمت الفرصه قلت ادخل اشقر عليكم عمووري نايم ربي يحفظوو ..

نفسي ارجع اقرأ كل الصفحات بس مرا مافي وقت ان شاء الله لما ارجع بيتي اقرأها

كلهااا ...

بنات كثروو من الدعاااء والله سبحان الله هوا الي يسهل الولاده من بعد الله ولا اوصيكم

بسورة مريم انا كنت ابكي وقت الطلق ومشغلتهااا ..

آخر وحده كلمتها كانت رحوومه قبل ولادتي كنت اكلمها والطلق هالكني لو تفتكرري

قلت لك مرررا تعبانه يارحوومه بطلع يوم الجمعه في الظهر كنت اكلمك وابكي ..

بعدها كم ساعه ولدت سبحان الله ...

راح اكتب قصه ولادتي بس الله الله ردودكم ههههههه