دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة [الأرشيف] - الصفحة 14

Nana.1985

10-22-2010, 10:23 PM

انشودة رحيمة ماتزعل .. بس هيا عشان المديرة تسوي قوية هع هع
بعدين الفكرة ياانشودة انا اقترحتها وكنت متحمستلها وكانت حلوة بس كل شويا لخبطة مو حلو كدا ..

وغير كدا لما مانكون ع المنتدى ونغيب عنو ونرجع بعدين ندخل نلقا كل الكلام والحوارات موجودة وناخد اخبار بعض .. بس لما ع الماسن ماندري عن بعض مافي شئ يتخزن من الحوارات مو حلو كدا
يعني في سلبيات وفي ايجابيات .. وكل واحد على راحتو طبعا .. بس انا بجلس هنا لانو اصلن ولادتي قربت وماافضى اجلس طول الوقت ع الماسن
يادوب اكتب هنا ونا مسدوحة ويدي تعورني ونا اكتب كل شويا .. حتى اكيد لاحظتو اني ع الماسن اتكلم واختفي وارجع واتكلم واختفي وزي كدا ..

ياستي الله يعين بس ادعووولي اولد وافككم من شري خخخخخ

ام رانسي

10-22-2010, 10:26 PM

بنات بلزعل احنا زي الاخوات واكثر معقوله راح تزعلو مااتوقع بسكم زعل فاهمين ولا والله ايجيكم في البيت وطقكم هههههههههههههههههههههههههههههههه بعصاء بس يالله تجمعو وتسمحو بلا دلع

ما عندي دلع ههههههههههههههه صح

ام رانسي

10-22-2010, 10:28 PM

نانا شوفي اذا زعلة راح الديك طلق صناعي ههههههههههههههههه وش ريك قويه

انشودةمطر

10-22-2010, 10:30 PM

ام رانسي مسويه ابو شهاب ههههههههههه
نانا ان شالله تولدي بسلامه ونفرح فيك الله يرزقك الساعه الهينه اللينه باذن الله اجل غير عاجل

Nana.1985

10-22-2010, 10:30 PM

ام رانسي ياشريرة مني زعلانة والله ههههههههههه
الله لايكتبو عليا تهئ تهئ

محد جاوب على سووعااالي حق الاجازات؟؟
افتكر زمان كانت تتكلم عنو كوكب ومدري مين ماتفتكرو اخدو الاجازة من فين؟

انشودةمطر

10-22-2010, 10:33 PM

والله ماعندي فكره عن الاجازات اوف التصال اليوم عندي مره تعبان
عن اذنكم ابو الشباب جا بطلع

Nana.1985

10-22-2010, 10:33 PM

انشوودة اااااااااااااااااااااااااامين يارب .. والله يسهلك ويسهل للجميع

بنات شايفين توقيعي؟ صفففر مدري ح يبدا يمشي بالسالب ؟؟ خخخخ
والشريط الازرق البيبي يقول انو مبسوط في بطني هههههه ابغاه يطلع تعبت منو هههه قال مبسوط قال

Nana.1985

10-22-2010, 10:34 PM

انشودة حتى انا كل شويا اكتب الرد حقي مرتين لانو يفصل الاتصال واضطر ارسل تاني .. دوبو سار زي كدا ولا من اول زي الحلااااوة

doodi

10-22-2010, 10:34 PM

نانا ربي يقومك بالسلامه ياااااارب

والله ماعندي فكرة عن الاجازات

ضوء

10-22-2010, 10:35 PM

حبيبتي ...طلع الحمد لله معاااااااااااااافي وزي القمر والله يسااامحها

Nana.1985

10-22-2010, 10:36 PM

دودي الله يسعدك ياقمر ويسمع منك ..

ضوء الحمدلله يارب وعقبالي ..

اسمعو اش رايكم في الخروع؟ عادي اشربو ونا مافيا الم؟؟

ضوء

10-22-2010, 10:38 PM

ايش الي حصل ... ياجمااعه هدووووووووووو

doodi

10-22-2010, 10:43 PM

نانا عليك وعلى التمر والمشي مرررره يسهل الولادة

طوق الياسمينا

10-22-2010, 10:44 PM

ضوء الله يسامحها دكتورتك اللي خوفتك اكرة الدكتورة اللي كذا الله لايوليني بوحدة زيها يارب
----------------------------------
رحيمة والله انتي ماقصرتي وفكرتك حلوة وبالعكس انا اشوف القروب للخصوصيات اما المنتدى للعام ...
ونانا ان ماولدتي اجي اولدك ترى ههههههههههه

طوق الياسمينا

10-22-2010, 10:45 PM

نانا انتبهي من الخروع هو بس يسبب مغص واسهال الله يكرمك مالو دخل بالولادة بس انتبهي منو
انا شربت قارورة كل ماتذكر طعمة اقرررررررررف
الحمد لله على كل حال

ضوء

10-22-2010, 10:45 PM

انشوده .. الله يسامحها انا كتبتلي اسبرين وماا اخدته لاني كان عندي اجهاض منذر وهيا تقول اسبرين يعني حيزيد النزيف وماااسمعت كلامها..ورحت للنور قالت خطاء الاسبرين في الاجهاض المنزر

ثلجه فوشيه

10-22-2010, 10:49 PM

هااااااااايو بنوتات مين في ؟؟؟
امممم اشبكم زعلتو ترى سوينا القروب عشان نتجمع مو عشان نزعل عادي واللي حاب يجي هنا عادي واللي هناك كمان عادي شفتو كلو عادي مافي ملون ههههه
رحيمه ماتزعليش ياقمممر الله يعطيكي العافيه بس هوا الشيطان دا شاطر يخش في اشياء مال امو داعي فيها < عصبت هههههه الموهيم ياحلووووين هدو هدوو

نانا دحين أنا اسمع بالخروع بس ماقد شفتو يعني تشربي زيت زيت ؟؟؟
ومرا سمعت انو في بنكهات كمان يععععععع ياربي الحمد لله بس ما اتخيل اني اشرب زيت
بس لو أنا مكانك حشربو عشان اخلص وافتك على خير ..
ضوء اسم الدكتوره فطيمه مررا طيبه وكمان بسمه كوويسه مرررا اي وحده ترتاحيلها عادي كلهم طيبين ...

ضوء

10-22-2010, 10:49 PM

نانا .. الخروع بس يسبب اسهااال الله يكرمك ويرطب قليل الرحم وسالت الدكتوره عنه قالت الي تاخده مااتحتاااج الى حقنه شرجيه للتنضيف البطن!امااا عليكي بالقرفه وحليها بالتمر والله انا مجربتهااا ممتازه للطلق.. بس حبيبتي خليها وسط لاتثقيليها عشان لاتضرك.. وبالسلامه يارب

ضوء

10-22-2010, 10:54 PM

شكرااا ثلجه حروح ان شاء الله عند فطيمه...وزيت الخروع تحطي نصف قاااروره مع عصير برتقاااال عشان تقدري تشربيه

Nana.1985

10-22-2010, 11:08 PM

يااعالم يابشر مازعلت وربي اشبكم
وعجبتني عادي مافي ملون خخخخخخخخ

فوش فوش لاتخوفيني بلله ولاتقرفيني ماعمري شفتو ولاشميت ريحتو
بس ينحط مع عصير ولاشئ زي كدا وينززززززززلط خخخخ

طوق اخاف يسوي مغص ويتعبني ع الفاضي بس ؟

ثلجه فوشيه

10-22-2010, 11:16 PM

نانا مدري والله انا زي الاطرش في الزفه زيك علمي علمك خخخخ
أنا كمان عجبتني ينزلط ههههههههه ..
طيب انتي اسألي مامتك قولي عادي اشرب والا لا ؟؟؟
وكمان الدكتوره فالت عادي والله مابغى احمسك وتنمغصي وتقولي فوش فوش السبب ههههههههههههه

Nana.1985

10-22-2010, 11:17 PM

بنات احس انو فيا سخونة شويا احس جسمي حااار .. دي علامة ولا مالها صلاح؟؟

ضوء بشرب بكرة الصباح ان شاءالله .. الله يديكي العافية معلوماتك حلوة ..

ثلجه فوشيه

10-22-2010, 11:22 PM

نانا احسك قمتي توسوسي من اي شي يمكن حرارتك عاديه بس انتي شايفتها زايده

Nana.1985

10-22-2010, 11:26 PM

فوش فوش لا جد والله احس جسمي حاار مرررا ..
فين رحيمة؟؟ اش دا ماحب احد يزعل مني .. يمكن اولد وهيا زعلانة مني مابغا كدا .. قوليلها تجي ولا بدعي عليها وقت الولادة ينط عليها صرصار من هداك الي ينقز يععععععععععععععععع خخخخ

doodi

10-22-2010, 11:27 PM

على قوله ثلجه شكلكك وسوستي

طمنينا عنك نانا بالله

انشودةمطر

10-22-2010, 11:29 PM

نانا انا بولدي الاول حسيت بحراره جسمي قالت اختي هذي علامة ولاده دقايق الا المويه نازله والطلق

Nana.1985

10-22-2010, 11:30 PM

يالا بنات اشوفكم على خير والله مدري اش فيا مراا جسمي يوجعني وعظامي تعورني مافيا اكتب .. تصبحو على خير يارب ..

انشودةمطر

10-22-2010, 11:30 PM

ضو الله يخليه لك ان شالله

Nana.1985

10-22-2010, 11:32 PM

انشودة ياويلي .. والله صحيح اني زهقت وابغا اولد ..
بس لما يجيني شوية تعب امووت من الخوف والرعب !! احس انو حاااانت ساعتي .. الله يسمع منك ويسير معايا كدا
بس معقولة تنزل موية بدون الم ؟؟

ام رانسي

10-22-2010, 11:34 PM

نانا ان شاء الله تولادي بسلامه وتشوفي البيبي قدام عيونك شكلين ما بحكي ههههههههههههههههه
شوفي القرفه ما انصاحك بيها لانه تنبه الرحم وتسويلك طلق والرحم مقفول حتى في المستشفيات الحكميه يمنعو الحريم من شرب القرفه واليأنسون فهمه بس يمكن الحراره علمه من علامات الاولدة يارب تقومي بسلامه

انشودةمطر

10-22-2010, 11:35 PM

ايوه انا نزلت المويه بعدها الم خفيف بعد ساعه الطلق

ثلجه فوشيه

10-22-2010, 11:36 PM

نانا حتولدي بكرا والا بعدو كدا حاسسسسسسسسسه

ام رانسي

10-22-2010, 11:37 PM

بنات زمان ماعد شفت اموره وكتكوته ان شاء الله تكون بخير بنات طمنوني عليه

ام رانسي

10-22-2010, 11:39 PM

نانا عندي احساس انك رح تولدي ان شاء الله بكره الظهر ما ادري ليش

ثلجه فوشيه

10-22-2010, 11:40 PM

لا هيا طيبه الحممد لله لا تخافي اليوم كنت اكلمها الصباح على القروب

Nana.1985

10-22-2010, 11:46 PM

الله يسمع منكم ... ويسهلها يارب
ايوا منجد وحشتني امورة شفتها دخلت شويا ولاعد شفتها تاني ...

دوبي رحت لاختي تقولي ايوا جسمك حاار .. حتى حطيت يدي على بطني من جوا الملابس لقيتها حارة :(

ثلجه فوشيه

10-22-2010, 11:50 PM

سسسسلامتك حبيبتي ماتشوفي شر لو سخونه ولاده حياها اما لو شي تاني الله يشفيكي ... خلاص روحي انسدحي نانا وحاولي تريحي دحين ..

انشودةمطر

10-23-2010, 12:06 AM

بالعكس يانانا اشي لاتنسدحي
ثلجه انتي زيي احس بنغزات تحت مررررره وزي الشد

Nana.1985

10-23-2010, 01:11 AM

انشودة الحمدلله خفت السخونة بس كدا احسها تروح وتجي ..
الحمدلله يارب ..

انشودةمطر

10-23-2010, 01:23 AM

نانا الله يطمنك ويطمنا عليك وان شالله تكون ولاده لاتخافي حطي يدك على بطنك واقري سورة الزلزله

نلي خانم

10-23-2010, 01:40 AM

سلاااااااااااام ياقمرات
كيفكم حبيباتي
وحشتوني كثير فوق ماتتصورون
أنا الحمدلله طيبه وبخير واموري كلها تمام
والله يابنات كنت شايله هم الدنيا كلها على راسي لكن كنت متوكله على الله والحمدلله ربي تمم لي على خير
أنا خرجت الساعه10 الصباح وجيت على ام زوجي بجلس عندها هالفتره ونمت ألى الساعه9 الليل
وقلت لزوجي يجيب اللاب توب عشان أطمنكم وأدري تأخرت عليكم بس أنشغلت مع أهل زوجي

والله يابنات تعبت في البدايه أول مافقت من العمليه كنت أحس بألم فضيع في بطني وأقول للسستر أعطيني مسكن تقولي ماينفع لأنك حامل وأعطتني منوم الساعه 11ونص والله ماقدرت أنام من الألم ألا قبل العصر بس الحمدلله بعد مانمت مره خفيت وألحين أحس بشد أسفل بطني بس الدكتور يقول عادي لأن الغرزه هي اللي شادتني

ماتصدقون أش كثر فرحت بأتصال رحيمه أتفاجأت بها وماكنت مصدقه وأقول لزوجي وهو يقول أصلهم طيب البنات يسألون ويتصلوا مره فرحت وحسيت الأتصال مره خفف عني
ماأنحرم منك يارحيمه وماانحرم منكم يابنات التجمع الحلوين

أحبكم كلكم

Nana.1985

10-23-2010, 02:09 AM

ياقلبييييييييي يانلي وحشتيني موووووووووووووووت
وحمدلله على سلامتك والله مررراا قلقنا عليكي بس رحيمة الله يديها العافية طمنتنا ..
يااالاه تهون كلها كم يوم ويروح الالم وتعيشي حياتك ولاتشيلي هم ..
ياااااارب لك الحمد .. ونا لسا ماولدت تهئ تهئ ادعيلي :(((((((

نلي خانم

10-23-2010, 02:10 AM

بنات انا مو عارفه أدخل على القروب بس بكره أقول لزوجي يضيفوا لي وأدخل معاكم أن شاء الله

Nana.1985

10-23-2010, 02:20 AM

نلي بس انسخي الرابط الي ارسلوه لكي واضيفيه ع الماسن زي اي ايميل عادي وبس ..
انا حزفت القروب زهقت بصراحة كل شويا يفصل ونا اكون بنص كلامي ولا متحمسسسة بقول هرجة .. اترفع ضغطي منو

انشودةمطر

10-23-2010, 02:23 AM

اهلينن نيلي منوره ياعسل الحمدلله على سلامتك والله قلقنا عليك ان شالله تكوني بصحه

اموورة وكتكوتة

10-23-2010, 02:38 AM

صباح الخييير
كيفكم كلكم ؟؟ نلي خانم الحمدلله اتطمنا عليكي والحمدلله امورك بخير
والله فرحت لما شفت مشاركتك وانك بخير.. ومبروك نجاح العملية والحمدلله عسلامتك.. التعب طبيعي بعد العملية والبنج الله يسهلك ياقلبي ..
دحين نبغاكي تجننينا زي اول وحطيلنا صور ورق عنب وكدة هههههه
والله وحشتني حركاتك حبيبتي

اموورة وكتكوتة

10-23-2010, 02:43 AM

نانا الله يسرلك انا عندي احساس انك حتولدي دحين والسخونة ممكن اعراض ولادة ان شاء الله .. والله انا خايفة اكتر منك .. ربي يسرلك امرك

هلا انشودة كيفك وكيف الحمل معاكي؟؟

والله النوم صار مررره ملخبط وحالتي حالة مع النوم.. لما يكون عندي مناسبة او احد يجيني او رايحة عند اهل زوجي ما انام وشكلي يصير يخوف وعيوني حمرا .. والله شي يقهر

اسماء الجابر

10-23-2010, 02:46 AM

اي مستشفى خاص او حكومي افضل بمكه انا بكريه وخايفه من الولاده
وحاليا اراجع بمستشفى الولاده عند الدكنوره كوكب اليوم موعدي عندها ومااعرف كيف تكشف لانو عندي الم فضيع شد بلرحم يتعبني وقت الوقوف او الجلوس ومااقدر ارفع رجلي من الارض
من عندها اي فكرره

Nana.1985

10-23-2010, 02:52 AM

امووووووورة وحشتيني يابنت اشبك مانتي طبيعيه حاستك فيكي شئ؟؟

اسماء والله بالنسبة للولادة انا عن نفسي ان شاءالله بخش وفي ناس يمدحو باشارحيل .. وكوكب ممتازه برضو بس يقولو شديدة شويا بس شاااطرة .. والله يعينك

اموورة وكتكوتة

10-23-2010, 02:58 AM

هلا نانا والله مافي شي .. اليوم ماكنت في البيت كنت عند اهل زوجي ورجعت النت ماكان شغال عشان نحن مشتركين مع قرايب زوجي بسلك من عندهم وشكلهم ما كانو في.. نمت وصحيت الساعة 1 خخخخخخ

متى حتولدي طفشت وانا استنا..

Nana.1985

10-23-2010, 03:16 AM

امورة والله تعبااااانة فيا نوم بس مدري ارررق بس متنحة اتصفح واقرا تجارب الي ولدو واجيب الرعب لنفسي ..

http://forum.hwaml.com/t20005.html
شوفي الموضوع دا مررررررررا قاهرني!!!

Nana.1985

10-23-2010, 03:33 AM

امورة يالا حبيبتي تصبحي على خير ..

بناااااااات لاتنسو تردو على سؤالي تبع الاجازات من فين اقدر اخد اجازة لانو ضروري السبت دا امدد اجازتي ...

اموورة وكتكوتة

10-23-2010, 03:43 AM

تلاقي الخير ياقلبي حتى انا بروح احاول انام مررة تعبت من الجلسة

اموورة وكتكوتة

10-23-2010, 05:25 AM

في احد؟؟

رحت انام واضحك عنفسي ما عرفت ودحينة ادن الفجر قلت خلاص هي خربانة خربانة ليش ما اكملها للضهر اهئ اهئ

دلوعة سمسم

10-23-2010, 08:57 AM

كروشات كيفكم وحشتووووني من زمااااان مادخلت كان عندي ظروف نلي خانم الحمد للة على سلامتك ياقمر ثلجة وكروزة واحلى موني وامورررة وانشودة ورحيمة وكوكب وغنوجة وحنان كيفكم ياحلوين وحشتوني اللة يسهل على الجميع يااااارب وهلا بالعضوات الجدد منورين ياحلوين اما نااانا انتي يبغالك كلام خاص شوفي ياقلبي لاتفكري في الولادة كثير صدقيني راح تتعبي بس عادي حبيبتي انتي بكرية مو تقولي انا خلصت التاسع ليش ماولدت وتوسوسي غالبا البكرية تطوف انا في ولدي خلصت التاسع وقعدت بعدة 12 يوم والحمد للة كانت ولادتي ميسرة بفضل اللة بس انت الحين كم وصل وزن فهودي الحلو؟ انشاءاللة مااكون نسيت احد

ثلجه فوشيه

10-23-2010, 10:31 AM

صًباح الخير كروشات
أنا دوبي راجعه من العياده والحمد لله الدكتوره قالت لي كل شي تمام وكويس
بس قالت لي اشربي سوائل كثيره وكان في تحليل صوره الدم بس الجهاز كان
عطلان وماسويتو ان شاء الله بسويه برا في مستوصف تاني ..

دلوعه سمسم ياهلا فيك أنا طيبه ولله الحممد طولتي الغيبه والله وحشتينا
انتي كيفك شو اخباررك ؟؟ ان شاء الله بخير

ياربي مافيا اطببببببببخ :(

دلوعة سمسم

10-23-2010, 11:03 AM

اهلين ثلجة انا الحمد للة بخير الحمد للة اطمنتي على نفسك وعلى البيبي اللة يسهل عليك يارب بس ثلجة انتي متى راح تروحي تراجعي في باشراحيل ؟ واذا على الطبخ كلنا مافينا حيل اللة يعننا بس اذا تعبانة خلي زوجك يجيب من برى

نلي خانم

10-23-2010, 11:31 AM

سلام
صباح الخير ياحلوين
كيفكم يارب تكونوا بخير

نانا
هلا ياسكره والله حتى انتي وحشتيني والله يسلمك ياحلوه
ياقلبي عليك مامولدتي أنا أقول يمديها ولدت هالبنت دوختينا بكرشتك مسويه زحمه بالتجمع
روحي لعند صلاح حامد بالتونسي يعطي أجازات موثقه الله يسهل لك وأتركي قصص الولاده مصيرها تعدي مهما كان المها ولاتوتري نفسك أكثر أعرف ان الولاده مخيفه بس موأنتي أول وحده تولد وكليها على ربك شوفي قمر كانت قلقانه وخايفه والحين مانشوفها كثير مشغوله بالبيبي وعقبالك ماترتاحي وتنشغلي بالقمر
والقروب زوجي بسويه لي أنا أحس بتناحه زايده مدري ليش بس مره متحمسه له

انشوده
هلا ياقمر والله يسلمك معليش أذا أقلقتكم بس كنت مره خايفه واللي كان مخوفني أنو الجنين كان نازل مره وكنت خايفه يصير بكيس الجنين شي وقت الربط بس الحمدلله عدت على خير

أموره
هلا ياقلبي مره وحشتيني والله يسلمك ويبارك فيك
والله مشتاقه للجنان حقنا وانا بالمستشفى لما كلمتني رحيمه أقولها بصور العشاء لكم وبرسل لكم الصوره خخخخ مره نذاله حتى وأنا تعبانه افكر كيف أعابطكم
خخخخخخخخ حركاتي ماأخليها اللي يسمعني يقول رايحه فندق فرحانه بالأكل كأن لي سنه ماأكلت والله ماكنت قادره اكل يمكن لأني صمت 17 ساعه مره نفسي مسدوده عن الأكل بس نفسي في الفشار بالدقه وزوجي مانعني عنه

اسماء الجابر
سلامتك والله ماعندي فكره بس الشد يمكن لأن الرحم جالس يوسع ترى الألام بالحمل عادي أنا احس بألم والدكتور يقول ثقل من الحمل يعني لاتخافي
وكوكب استشاريه معروفه ومممتازه تجي في المرتبه الثانيه بعد سلطان بغدادي وكل الثنين ممتازين وهم أحس الأطباء بالولاده

دلوعة سمسم
الله يسلمك ياقمرويطول عمرك

ثلجه
كيفك ياقمر مره وحشتيني مره خفت عليك لما قريت انك طحتي بالحمام أعوذ بالله حاولي تمشي بالراحه الله لايوريك مكروه يارب والحمدلله على سلامتك ومادام الدكتوره طمنتك لا تتهاوني برضو أنتبهي وبلاشي من الحركه الزايده ألف سلامه عليك حبيبتي وماتشوفي شر

ثلجه فوشيه

10-23-2010, 12:30 PM

هلا دلوعه سمسم أنا كنت ناويه اليوم آخذ ملفي خلاص وابدأ اراجع في باشراحيل من الشهر الجاي بس الدكتوره قالت لي خليكي على بدايه التاسع خذيه وكتبت ليا مراجعه بعد الحج ان شاء الله بس في بالي خلاص تكوون المراجعه الجايه آخر مراجعه خلاص راح آخذ الملف واروح لهم يعني هيا اعطتني موعد يوم 18 /12 أنا ممكن آخذ ملفي واروح بعد دا التاريخ حسب التساهيل..

نلي يااااااااااااااقلبي عليكي الحمممد لله على سلامتك ترى ماشفت الصفحات اللي قبل مررررررا
فرحت لك يااارب لك الحمد يلا دحين انبسطي وفلي ياشيخه مين قدك وانتي مطمنه شوفي سبحان الله بس ساعتها الخووف بس برضو دحين انتبهي على نفسك الين اتعرفي ايش يقولك الدكتور بس عالاقل تكووني عارفه انو مافي خطر ولله الحمد ..
ماعليكي دحين صوووري اكل صوررري اي شي المهم انك رجعتي لنا بالسسسسسسسسسلامه ياقمممر هههههههههههههه
أنا الحمد لله طييبه ماعليا بس كان تنزل عليا موويا وماكنت بقول في المنتدى عشان محد يخووفني
بس قلت لكم وحده بالقروب وامس طمنتني موني انو حتى هيا تنزل منها واليوم لما رحت موعدي الدكتوره قالت لي الحمد لله كل شي كويس والمويه طيبه مررا فرحت يلا عقبال الباقين يارب ربي يتمم لهم فررحتهم على خير ..

نانا ياااااارب تولدي اليوم بعدين لما تولدي وتقومي بالسسلامه ابغى قصتك بالتفصيل مابدي تقولي كلمتين وخلاص ابغى احس اني عشت جو الولاده معاكي .. بعرف ايش يستناني هههههههه
بس لسا باقي انتي وبعدين كتكوته وأنا بعدها < ياماما

غنووجه

10-23-2010, 12:58 PM

هااااااايووووووووووو
كيفكم بنات وكيف البيبيي معاكم
نلي خانم الحمدلله ع سلامتك وماتشوفي شر انشاءالله
تلجه كيفك ايش مسويه دحين انشاء الله احسن
نانا الله يكتبلك ساعة ولاده سهله وتطمنينا عليكي حاسه انك حتولدي اليوم
انشوده مطر كيفك اليوم انشاء الله احسن
والباقين انشاءالله يكونو بخير

انشودةمطر

10-23-2010, 02:37 PM

اهلين غنوجه الحمدلله انا تمام
اموره ودلوعة سمسم تسلمولي على السوال
بنا ت انا اراجع في جده وباقي على موعدي كثيرودي اروح اكشف اليوم احس عندي شد ونغزات من تحت مدري طبيعي والا وش رايك في عيادات زاهر وسعاد لانها قريبه مني

انشودةمطر

10-23-2010, 02:41 PM

نانا شفت الرابط بجد يقهر بس هيه من طيبتها عودته مسكينه

doodi

10-23-2010, 02:42 PM

بنات انتم عند مين تراجعوا وفي اي مستشفى راح تولدوا انا مررررررره شايله هم وربي

مو عارفه فين اولد انا مع زوجي في ابها بس ولادتي عند اهلي في مكه

ياليت تفيدوووني

Nana.1985

10-23-2010, 03:06 PM

دلوعة هههه والله سويت كل شئ بس طفشت ماسار شئ ..

نلي .. ادعيلي وربي خايفة ونفس الوقت تعبت من الانتظار ..
ودكتور صلاح قد ايش اكتر شئ يقدر يعطيني؟ سالت في بخش قالت يومين تلاته مو اكتر ..

فوش فوش الله يعين ان شاءالله اولد واسحب شهر من المنتدى قيدك ولدتي خخخخخخخ لالا امزح ان شاءالله ابشركم واقول تفاصيل التفاصيل

غنوجة احساسك مو في محلو شكلو .. لسا مافي شئ خخخخ

انشودة ايوا شفتي كيييييييف قهررر ..

دودي انا ان شاءالله في بخش .. بس مدري البقية فين ..
ونا نفس وضعك زوجي في ناحية ونا في ناحية وبولد في مكة هنا عند اهلي ..

أ ح ــتواني وأح ــتويته

10-23-2010, 05:12 PM

سلاااااااااااااااااااااااام

يسعد مساااااكم

نلي الف الف الف مليون حمدالله على سلااااامتك وربي بغيت اطير من الفرحه يوم شوفتك ياعسل

أهـــــــ خـــــ لنلي ـــاص ــــداء
http://forum.hwaml.com/imgcache2/hwaml.com_1287843128_787.gif

http://forum.hwaml.com/imgcache2/hwaml.com_1287843127_586.gif

http://forum.hwaml.com/imgcache2/hwaml.com_1287843126_131.jpg

http://forum.hwaml.com/imgcache2/hwaml.com_1287843126_315.gif

http://www.12allchat.com/chatters/do.php?img=33384

وحشتيني نلي

عواطف الليل

10-23-2010, 05:58 PM

بنات كيفكم وكيف الحمل معااكم

حبيت اسال في احد يعرف الدكتوره حنان محمد صلاح فيعيدات مكه الطبيه

يمدحوونها في احد قد سمع فيها بحي الزاهر

ردوا علي

كروزه

10-23-2010, 06:10 PM

مساااااااااااااااكم خير كيفكم ؟؟؟؟؟؟؟؟

مره وحشتوووووووووووووني ماقدرت اشوف الصفحات الي انكتبت بس

يارب يكون الجميع بخير

نانا يادبه اولدي ابى اطمن عليك

ام رانسي

10-23-2010, 06:52 PM

مساء الخير ياكروشات
ان شاء الله تكونو بخير والبيبي معكم مسوي ايه
نلى خانمhwaml7 .حبيبتي والله هم وانزاح الحمد الله على السلامه نلى كيف التخدير معفن صح ما حبيت اقولك عشان ما تخافي اكثر واول ما صحيتي ما ادوك مسكن انا ادوني مسكن وابرة تثبيت الله الحمد الله على السلامه ياحلوه والله فقدنك كنت مره حاسه فيك كيف كان شعورك لما دخلتي غرفة العمليات كثيره اساله صح اسفه بس والله مبسوطه انك سويتيه وخلصتي الهم لك الحمد
هلا وغلا يا كروزه وش الخبار وش سلفتك انتي ونانا خلاص ولادو وريحون يالله تقومو بسلامه
بنات وش اخباركم كلكم بدون تحديد

ثلجه فوشيه

10-23-2010, 07:01 PM

هلا غنووجه
انا بخير ولله الحمد كل شي كويس انتي كيفك شو اخباررك ؟؟

نانا هههههههه من جد ابغى تفصيل ممل أنا زيك قد ما اخاف من قصص الولاده الا اني بدي اسمعها .. عشان اشوف ايشش اكتر شي ممكن اتحملو ههههه

أ ح ــتواني وأح ــتويته

10-23-2010, 08:56 PM

مرحباااااااااااااااااااا

ام رانسي سوري الاتصال قطع ومانتبهت له

اقوول بنااات انتم خلاص قاطعتو القرووب والا شفيكم ماشوفكم

ثلجه فوشيه

10-23-2010, 09:16 PM

هلا حنووونه لا ماقطعنا ولا شي بس كلنا مشغولين الي نومها ملخبط والي عندها شي تاني والي تسهر نتجمع اخر الليل نشوف بعض شويا انا احس اني مررا ملخبطه دي اليومين ادخل شويا واطلع وزي كدا مالي وقت معين ..

ام رانسي

10-23-2010, 09:16 PM

يابنات وين رحيمه لا يكون زعلنة من جد

أ ح ــتواني وأح ــتويته

10-23-2010, 09:41 PM

الله يعينكم ويعينني

Nana.1985

10-23-2010, 10:24 PM

بناااااااااات ابغا اشوف تشجيييييييييييييييييييييييع يالا !!!
انا شربت خروع دوبي !! يلا شجعوني !!!
بس شربت 3 ملاعق :) وبطني اشتغلت ماشاءالله
يالااا ابغا حماااس
وان شاءالله اولد بكرا زي الوقت دا :)

كروزة ياشريرة وحشتيني متى تدخلي بتكلم معاكي ..

يالا حمسووني !!!

طوق الياسمينا

10-23-2010, 11:01 PM

السلام عليكم لكل الحلوات الامورات
نلي خانم الحمد لله على السلامة والله يثبتلك حملك يارب

طوق الياسمينا

10-23-2010, 11:01 PM

نانا الله يقومك بالسلامة
يلا هذي بداية خير

ثلجه فوشيه

10-23-2010, 11:03 PM

نانا hwaml7 نانا hwaml7 نانا hwaml7
هههههههههههه يارب تولدي وترتاحي ياقمممر hwaml7
بس بقولك حاجه ولا تلطشيني اليوم بهرج مع وحده من صحباتي تقول اختها اخذت بعد التاسع
12يوم زياده يعني اسبوعين بس انتي ان شاء الله ماتتأخري كثير ان شاء الله اليوم مو بكرا ههههههههههه hwaml02 hwaml02

ثلجه فوشيه

10-23-2010, 11:09 PM

بنات اللي سألو عن المستشفيات أنا اعرف باشراحيل كوويسه وبخش في مكه ..
بس بخش اغلى اسعارهم شويا من باشراحيل ..
انا عني راح اولد في باشراحيل عند بسمه او فطيمه اذا الله اراد ..

لينـــــا

10-23-2010, 11:50 PM

يسعد مســــاء امهات المستقبـــــل

الله يباركــــم فيكــــم
ويفرحكـــــــــم باطفالكــــم باذن الله

ثلـــجه فوشية

وانا ولدت بحراء قيصـــري
الصدق رحت لهم وانا مااحس الم الولادة بس جاني غشيااان واسهاااااااااااال وماني قادره امشي لما رحت لهم قالوا لي خلاص الرحم مفتوح عندك خمسة س اقلهم مااحس بالم الولادة قالوا مو لازم بس حتولدي قيصري لانه في وحدة منهم معترضه طبعا الكشك هناااك سجن لا زوجك ولا امك ولا احد انتي فكري وقرري ....

والحمدلله ولدت واول مافقت من البنج كنت رااح امووووت على طووول اعطوني ابرة مسكن
وهذاا انا استنى ىبنااتي يطلعوون لي وصدري سار يوجعني من الحليب ...

مالي الا الدعاء ولااستغفاار انه ربي يعافيهم واشفهم في حضني وتقر عيني بهم

Nana.1985

10-24-2010, 12:02 AM

فش فش احلااا حماس هههههههه
يالا بنات بحاول انام شويا يمكن اولد من الخروع الفجريه خخخخ

تصبحوو على خيررر ...

Nana.1985

10-24-2010, 12:08 AM

لينا اهم شئ سلامتك وسلامتهم الحمدلله يارب لك الحمد ...
مرحلة وعدت ومارح تفتكري فيها الا الكتاكيت الحلوووين الله يحفظهم ويطلعهم بالسلامة ... يااااااااارب

وادعيلي انا داخله في اليوم التاني من العاشر وتعبببببببببببت ومافي الم ولا اعراض ..

ثلجه فوشيه

10-24-2010, 12:18 AM

نووم العافيه نانا احسن ريحي شويا وحتى أنا بروح انام تعباااانه وكسل مو طبيعي ..

لينااا ياقلبي انتي الحمد لله على سسلامتك يلا اهم شي قومتي بالسلامه وهما طيبين ان
شاء الله يطلعو يالسلامه وتشوفيهم زي الكتاكيت جنبك ..
طيب حاولي تخرجي الحليب الي بصدرك أنا اعرف انو مو طيب لو جلس بصدرك لانو
يتحجر ويصير صدرك قاسي كدا الله يعينك والله قالولي مرررا مؤلم بس الله يصبرنا
كلو بأجروو ..

doodi

10-24-2010, 12:44 AM

لينا الحمدلله على سلامتك وان شاء الله تقر عينك بشوفت بناتك

وصح كلام ثلجه خرجي الحليب احسن عشان مو زين اذا جلس

انشودةمطر

10-24-2010, 01:05 AM

هاي صبايا الكروشات

أحلى موني

10-24-2010, 01:21 AM

الحمدلله على سلامتك يالينا

ام رانسي

10-24-2010, 02:16 AM

نانا شطوره الي شربة خروع ههههههههههههههه
لينا الحمد الله على السلامه وان شاء الله تشوفيه قدام عينك يارب
بنات رحة المراجعه والدكتور طمني على البيبي والحمد الله بس قال عندي املاح وقال اشربي مويه كتير بس الله يعين بس شوفة البيبي تسوى الدنياء ومافيه الله يحفضه يالله باي يابنات بروح انام تصبحو على خير

ملكة الاحساس

10-24-2010, 02:16 AM

كيفكم يابنات وكيف الحمل معاكم والله لكم وحشه
نلي حمدالله على سلامتك ياقلبي ترى الربط يبغى له راحه لاتطعي درج وتنزلي كثير استحملي علشان اللي في بطنك انت باي شهر وعندمين سويت الربط والله يثبت حملك ويقومك باالسلامه يارب
ثلجه فوشيه\كيفك ياقلبي وكيف الحمل معاكي ان شاءالله بخير
نانا \الله يسهل ولادتك يارب لاتفكري في الولاده فكري كيف تستقبلي ضناكي اول ماتشوفيه تنسين التعب كله والله يقومك بالسلامه

doodi

10-24-2010, 02:17 AM

هلااا انشوودة مطرررر اخبارك

ثلجه فوشيه

10-24-2010, 05:40 AM

صباح الخير ياحلووووووووووين ..

شوفو ماشاء الله زي الشطار صاحيه بدرري كانو عندي مدرسه خخخخ

ملكه وحشتيناااا كيفك ياقمممر وكيف حال يزن ؟؟ ان شاء الله طيبين
أنا ولله الحمد طيبه ماعليا والحمل متعبني شوويا بس زي ماقلتي افكر كيف
استقبل ضنايا راح انسى كل التعب ياااارب هونها عليا وعلى كل البنات ..
كيفك دحين ان شاء الله احسن وكيف النفاس ؟؟ ممل والا رجعتي لحياتك خلاص طبيعي
حكينا شويا عنك هههههههه ... < وحده فااااااايقه

ام رانسي

10-24-2010, 07:13 AM

صباح الخير ياكروشات
وش اخر الاخبار وبعده النشره الجويه ههههههههههه
فوشيه شطوره تصحي من بكير خلاص بديك واواه بس بنكهة الفرواله خلاص مامه هههههههههه
ملكة الاحساس وش اخبارك وين الغيبه احنا لس في التجمع انا بخير والحمد الله انتي وش مسويه

ثلجه فوشيه

10-24-2010, 07:32 AM

اهلين ام رانسي والله صحيت على الساعه 5 وماعندي ولا اي شي حتى زوجي دوامو الساعه 10
وجالسه شوفيني على النت طفششششت الكل نايم :(((((
شكلي برجع اررقد شويا مالها الا كدا ..

ام رانسي

10-24-2010, 07:49 AM

هلا وغلا وش الخبار
لاانا زوجي راح الدوام ونا وحدي وش رايك تجي تفطري عندي يافوش حد اساعه عشره قعدت افطركرون فلكيس حياك الله هههههه

اموورة وكتكوتة

10-24-2010, 08:47 AM

صباح الخير
كيفكم؟؟ مدري ليه عندي احساس انو نانا حتولد اليوم .. ان شاء الله بالسلامة وربي معاها
فوشية وام رانسي ما شاء الله مجتمعين عالفطور ولا ناديتونا اهئ اهئ
وباقي البنات اللي نايمين كيفكم وحشتووووني كلكم نفر نفر

ام رانسي

10-24-2010, 09:00 AM

صباح النور يا اموره
خلاص مو مشكل حياك على الفطور هههههههههههه
وش مسويه اخبارك واخبر البيبي عساكم بخير
اموره شكلك من انوع الي يصحى بكير خلاص اديك واواه زي فوشيه هههههههههههبس بنكهة ايش

ثلجه فوشيه

10-24-2010, 09:02 AM

رحت ابنام وماجاني نووم يارربي :(

اموورة وكتكوتة

10-24-2010, 09:06 AM

الله يسلمك ام رانسي بالعافية عليكم

انا والله صحيت الفجر برداااااااااانة هههههه .. انا نومي ملخبط احيانا هادا الوقت انام .. بس مو اكتر من ساعتين 3 بس اهئ اهئ

ثلجه فوشيه

10-24-2010, 09:13 AM

أموره انتي عالقروب والا لا ؟؟
بعدين لسا ماجانا البرد خخخخ يمكن مكيفكم برودته عااليه

انشودةمطر

10-24-2010, 03:26 PM

اهلين دودي والله تمام
بنات حركات اليوم نشيطين بكره شكلي بصحى بدري اكسب الفطور وحده منكم تفطرنا هههههههه
يارب نانا تولد بسلامه وسهاله

ثلجه فوشيه

10-24-2010, 04:01 PM

نانا هااا بشررري ان شاء الله التشجيع جاب نتيجه ؟؟؟

& أمــــــل &

10-24-2010, 04:02 PM

مساء الخيرآآآآآآآآآآآتhwaml13hwaml13hwaml13
وحشتوني كيفكم وكيف كروشاتكم والببو للي ولدو
هاه نانا حبيبتي شكل النونو يبغى يصوم معاك العشر
انا تما والحمد لله بس ادعو لزوجت اخوي اليوم راح يعطوها وحده طلق صناعي اذا مالقو استجابه راح يولدوها قيصري امي معاها في المستشفى تقول مره خايفه عاد هي بكريه
كان زواجنا بليله وحده

ثلجه فوشيه

10-24-2010, 04:02 PM

انشووده شفتي كيف صاحيه من بدري خخخ hwaml7
يلا قومو بدرري ومصحصحين عشان تكسبو الفطور ترى الفطور عند أم رانسي بكرا ههههههه < ورطتها .. hwaml02 hwaml02

ثلجه فوشيه

10-24-2010, 04:05 PM

أمووله أنا بخير ولله الحمد انتي كيفك ؟؟
ان شاء الله تستجيب يااارب وتقوم لكم بالسسسلامه وماتحتاج عمليه ..
وتجيب احلى بوبو وتصيري احلى عمه هههههه

لينـــــا

10-24-2010, 04:25 PM

ياقلبي عليــــــــــك يانانا ربي يسهل ولادتك ويعطيك الساعه المباركة

عاد مدري هو عريس ولا عروووسه اذا عريس ياخذ وحده من الحلوات اللي عنديبس يخرجون لي بالسلامه طبعا لسه ماسميتهم ...
وربي يسلمكم كلكم

ثلجه فوشيه

10-24-2010, 04:26 PM

عريس واسموو فهوودي ان شاء الله ..
لينا شو ناويه تسميهم مافكررتي ؟؟؟

انشودةمطر

10-24-2010, 04:47 PM

رانسي الفطور بكره عندك بس ولايهمك ثلجه نمسكها غسيل الصحون خخخخخ
امول الله يسهل ولادتها وتكون طبيعيه ويرزقك ياربي البيبي الحلو زيك

انشودةمطر

10-24-2010, 05:30 PM

بنات الله يحييكم على قهوه وسينبون يحبها قلبكم اه ياليت يابنات جد نتجمع

طوق الياسمينا

10-24-2010, 06:08 PM

اهلين بنات
كيفكم اليوم
نانا ولدت ولا لسى الله يولدها بالسلامة ان شاء الله
-------------------------------------
حياكم عندي على قهوة المغربية
http://forum.hwaml.com/imgcache2/hwaml.com_1287932904_916.gif

ام رانسي

10-24-2010, 06:35 PM

مساء الخير
وش اخباركم
بنات حياكم كلكم على الفطور بس الساعه 8 صباح الي تتاخر ماراح تلحق بس كل وحدة تكتب وش تبي فطور يالله حيكم
طوق . ماشاء الله والله نفسي في قهوه

& أمــــــل &

10-24-2010, 06:43 PM

hwaml53hwaml53هلا بنااااااااااااااااااااااااااااااااااات بنغير شوي من كلمة كروشات
ضوء *
حبيبتي ما اخوفك بس الاهلي ولدت عندهم حماتي قبل شهر وماخيطتها زين دايم تحس بألم ولما راحة عند صلاح قال لازم نعيد الخياطه بس بعد ثلاث شهور لانك كأنك والد اليوم مره خربانه
انشودة مطر *
والله نفس فكرتي نفسي نتقابل ونصير معرفه اكثر بس خليها قدام شوي
طوق اليسمين*
جبتي راسي عاد انا كل شي الا القهوه تلاقيني ادور بيتكم الحين

طوق الياسمينا

10-24-2010, 07:18 PM

ام رانسي يلا انا قهويتكم المغرب انتي عليك العشى
امل حياك تفداك قهوتي بس تعالي الله يحيك انتي وكل البنات
------------------------------------
بنات بسالكم ماتعرفون محل يبيع كبة لذيذة
زي كبة شامي بجدة
قد اكلت من الفلق بس ماعجبتني قاسية
تكفون شكلي متوووووح---م----ه عليها

ام ميسومة

10-24-2010, 08:09 PM

سلام بنات اخباركم
ماشاء الله على البنات شهوني بالقهوة وبالكبه
والله محتارة بنات كيف اعرف ان خياطة بعد الولادة انها ممتازة
مادري مستشفى حراء يسوي خياطة تجميله بعد ولادة الثاني اذا طلبت
من عندها معلومات

تالا

10-24-2010, 09:01 PM

السلام عليكم

بس حبيت اقووووووووول ان حراء قبل اربع سنوات من تجربه ج
دا رديئه كاننا بهايم مو اوادم والخياطه عدم

ضوء

10-24-2010, 09:08 PM

سلام عليكم..ام ميسومه .ز الخياطه في حراء مااايخيطو الااذا الدكتوره هيا الاشقت المنطقه امااا شق الجنين مااايخيطوه

ضوء

10-24-2010, 09:09 PM

شكرااااا حبيبتي انااا غيرت فكره الاهلي تمااامااا وان شاء الله ربي يسهل واولد في باشراحيل

ام رانسي

10-24-2010, 09:12 PM

مساء الخير
اليوم جبتلكم النظام الغذاائي لعوز الحديد اثناء الحمل
hwaml03فهمه يا ثلجة فوشيهhwaml03
اولا.الممنوعات
1.يمنع شرب الشاي والقهوه اثناء الحمل
2.يمنع منعآباتآ التدخين والشيشه
ثانيآ.العلاج
قرص واحد من الحديد صباحآ وقرص مساء يوميآ
(يجب تناول الاقراص مع عصير الليمون او البرتقال الطازجة )
ثالثآ.الا غذية الغنيه بالحديد وايضآتساعد على امتصاص الحديد والاستفادة منة
1.الخضروات الخضراء بانواعها مع اضافة عصير الليمون .
الطماطم ,الزهرة ,باذجان اسود ,جرجير ,خس,خيار (على هيئة سلطة طازجة او مسلوقه )
2.اللحوم الحمراء ,الكبدة (مسلوقه ,او حساء )
3.الفاكهة بانوعها وخصوصآ الحمضيات ,التفاح ,الكمثرة .
ملاحظة :
اهمية فحص الهيموجلوبين في الدم في اول الحمل واثناء المتابعة

اسفه على الطاله

Nana.1985

10-24-2010, 09:36 PM

ياااه وحشتوووني يااابنات حاسة كأني من زماااان مادخلت
شكرا لكل التشجيع دا هههههه

ملكة الله يسعدك ياقمر وان شاءالله تكوني انتي ونونيكي بخيررر يارب ...

امووورة لااااااااع لسا ماولدت ههههه استمرو بالدعاء المكثثثثف ههههههه

فش فش والله تصدقي كأني بديت احس بأعراض زي السخونة والبرودة وعضامي توجعني مررررا والم خفففففففيف زي الدورة يروح ويجي كل ساعة وبعدين يختفي تمام .. وطبعا الله يكرمك بطني مررا تلعب من الخروع واحس بغثا .. بس برضو لسا مافي شئ يعني عليه الكلام ! الحمدلله بس

امووولة حبيبتي والله شكلو الولد كدا يبغا يصوم معايا وشكلي بولد بيوم زواجي
انا اتزوجت 15 / 12 الحج الماضي وح اكون نفاس ونا في عيد زواجي تهئ تهئ مرررررررررا قهر !!!!!!!!!!

لينا ان شاءالله ولد .. خلاص بحجز وحده من بناتك الحلوين هههه

انشودة وحشتيني بس لسااااا ادعولييي ...
واحب السنبوون مرررررررررا ...
ونفسي في الكورن فليكس من امسسسسسسس وكل مره اخرج انسى اشتري !!

بنات في احد شاف رحيمة؟؟ لو احد شافها يجيبها من شوشتها ترا وحشتني وماحب كدا احد يزعل مني !

Nana.1985

10-24-2010, 09:40 PM

طوق ياحلوووة كيفك ؟؟
وضووء وام رانسي وكللللل بنوته حلوووة كيفكم خايفه انسى احد عيوني اتحولت ههههه .. احوووبكم كلكم وربي ...

طوق الكبة = كبيبه انا عن نفسي تعجبني وحده هنا في الرصيفة اسمها كبيبة عم ابراهيم .. الناس يتقاتلو عليها مررررا عليها طلب ولا عمري لقيتو فاضي داااااايما زحمه .. دي ورا كلية المجتمع الي في الرصيفة وقريبة من قاعة شهرزاد ..
وفي وحده تانيه مو كل الناس يحبوها بس انا اموت عليها طرييه مررا واتوحمت عليها .. جهة الكلية الي في ريع ذاخر (انا درست هناك) كبيبة اسماعيل مدري خليل خوج مررررررررررررررررررررررررررررررا احبها !!!!!!
وحقت الفلق برضو يحبوها الناس بس مو قد كدا تعجبني .. مدري

Nana.1985

10-24-2010, 09:41 PM

يالله اشتهيت الكبيبه مرااااااااااااااااااااااا :(((((((((

ام ميسومة

10-24-2010, 09:51 PM

والله محتارة يبنات انا في ولادتي الاولى شقوا لي وخيطوة
والحين اخاف على الولادة الثانيه انهم يتركوني بدون
وانا مااحب اروح اهلي لان اغلبه استغلال وغير كدا المادة ماتسمع لبعزقه الفلوس
ايش الحل شوروا علي
طيب اقدر اولد في حراء واخليهم مايخيطوني
واقعد كم يوم وانا نفاس اسويها لان سمعت لازم 6 اسابيع عشان اقدر امارس حياتي طبيعا
مع اني اخاف من الاهلي ومن مصايبهم

Nana.1985

10-24-2010, 10:13 PM

والله انا بروح بخش وعلى قولك الحالة ماتسمح .. بس اتنازلت عن حاجات كتير ومنها سفر وخرجات وطلعات وهدايا في مقابل اني اولد في خاص .. وبرضو ماعرف كيف الخياطة في بخش ومين يزبطها ومين مايزبطها .. ومافيا بصراحة اتشقشق واتخيط وبعد كم شهر اروح تاني اتخيط!! ماني لعبه اش دااااااااا !

ام رانسي

10-24-2010, 10:34 PM

نانا وش فيك علامك ماتولادي والله طفشتينا يالله اولدي ههههههههههههههههههههه يا الله تقومي بسلامه حبيبتي

ضوء

10-24-2010, 10:44 PM

اهلين نانا .. وكل الحلوين الموجودين لسه ماااولدتي .....خلاااااااص نبغااا نونو يارب تقومي بالسلامه ..انا في التااااسع من شده مااطفشت وابغا اولد طبعااا في طفلي الاول ماااخليت شيء مااااشربته خروووووع ..كف مريم ....قرفه مع تمر ..عسل ...بس ماااجات الا في وقتها

Nana.1985

10-24-2010, 10:54 PM

ام رانسي واللله منجد زهقت اختي تقول بجي انط على كرشتك عشان تولدي خخخخخ
وباباتي يقولي لا اشوووف وشك الا لما تولدي ههههه
كل الناس طفشو مني ههههه

ضوء والله شربت خروع الصباح قارورة كاااااملة بس قلبت بطني وشوووية مغص بس!

ثلجه فوشيه

10-24-2010, 11:48 PM

نانا يااااااااااقلبي عليكي معليش اتحمملي مو مشكله تتأخري كم يوم اهم شي تقومي بصحه وسلامه بليز لا تفكرري في الولاده وتحسبي وتستني خلاص اتركيها وهيا تجي اليوم سلفتي ولدت كانو محددين لها امس بس ولدت اليوم ..
بعدين واااااااااو على كبيبه عموو أبراهيم لزيييييييييزه مع الليمون والفلفل يمي يمي يمي
ويمكن الوجع البسيط هذا الي تحسي فيه هوا بدايه الطلق بس ضعيف ..

أم رانسي مشكووره ماتقصري ربي يعطيكي العافيه ..

بنات أنا اليوم رحت باشراحيل وفتحت ملف وسويت سونار وشويه تحاليل
كلو الحمد لله كان كويس ماعدا نسبه الهيموجلوبين بالدم كانت ناززله
كانت 9 والطبيعي 12 قالت الدكتوره لااااازم تآكلي كوويس وتتغذي
عشان ترتفع وقالت لي خذي حبتين حديد في اليوم أنا كنت آخذ وحده بس
ولو ما ارتفعت راح نظطر نعطيك أبر حديد :( !!
مابدي ابر مااحووبها اكررها ..
بنات ادعوولي ان شاء الله المره الجايه الاقي النسبه مرتفعه لأنوماباقي لي شي خلاص
هما يبدأو يعطو هالابر بالثامن ..

Nana.1985

10-24-2010, 11:55 PM

فوش فوش ياقلبي خدي حبتين وح يتعدل باذن الله وكلي فجل كمان مع الاكل قطعيه صغير يخلي الحديد زوووووووووووط على فوق انا كان نازل عندي وسار 11 ونص وقال كويس .. ووقفت الحبوب لانها تسويلي حرقان قااااااااااااتل ..

يابختها قريبتك عقبالي وماااقدر مااحسب خلاص بولد .. ومددت اجازة لين الاتنين الي هو بكرا لو ماولدت مدري اش ح اسسسسسسسوي

ثلجه فوشيه

10-25-2010, 12:14 AM

الله يسهل لك ياقمممر طيب انتي لو ولدتي على طول راح تداومي والا ايش ؟؟
انا اول سمعت كوكب تقول انو قدمت اجازتها من مستشفى الولاده انتي من فين مددتي ؟؟

Nana.1985

10-25-2010, 12:16 AM

انا مددت من مستشفى حكومي هناااااااك 8 ساعات جنوب الرياض
ودحين من المركز الصحي .. بس حدي الاثنين وبعدها ح يشوتوني ومافيا اروح الولادة واتلطع
ولو ولدت اقدم اجازة الوضع وماداوم ومدتها شهرررين

ثلجه فوشيه

10-25-2010, 12:23 AM

طيب نانا أنتي مارحتي راجعتي تاني عد دكتورتك ؟؟؟
هيا اكيد اعطتك أخر حد تولدي فيه متى حددت لك وقالت لو ماولدتي في دا اليوم تعاليلي ؟؟

Nana.1985

10-25-2010, 12:27 AM

بنات اش رايكم في مستشفى الرفيع؟؟

ملامح هنديه

10-25-2010, 12:27 AM

حبيت ابشركم انى ولدت وجبت بنوته زى القمرر
بس ولدت قيصري

لاخلاولاعدم

ثلجه فوشيه

10-25-2010, 12:28 AM

ان شاء الله توولدي بكرا يانانا ...
انا مرررررا نعسانه بروح انام اشوفك على خير

Nana.1985

10-25-2010, 12:31 AM

ياااااااااااااااااااااااااااه ملامح مبررررررررررررررررررروك اش جبتي وفين ولدتي حكيييييييناا
اهم شئ كيف صحتك وصحة النونو؟؟؟؟؟؟؟

فش فش قالت لما تكون الحركات حقت الجنين اقل من 10 بسسس

Nana.1985

10-25-2010, 12:33 AM

ونا كمان فش فش مااابا اسهرر يمكن اولد بكرا خخخ بريح نفسي ..

ملامح هندية حكيني فين ومتى وكيف وكللللللل شئ

انشودةمطر

10-25-2010, 12:46 AM

نانا يابطه ما ولدتي
ملامح هنديه الحمدلله على السلامه ليش ولدتي قيصري
امول طمنينا على قريبتك
ثلجه نوم العوافي
نيلي وكروزه واموره والباقين وش اخباركم

ملامح هنديه

10-25-2010, 12:50 AM

الله يبارك فيك
انا كنت اراجع فى الاهلى وعلى اساس اولد فيه بس حسبى الله على فتحيه
هى الدكتوره اللى اراجع عندها
قالتلى حتولدى 27\10 وجانى الطلق وزاد فى نفس اليوم اللى حددتوا ليا
بس يوم رحتلها قالتلى الحوض عندك ضيق لازم قيصريه وبعدين جات تقول ان دكتور البنج موموجود
ومافى بنج لازم اروح مستشفى ثانى
ورحت التونسى عند صلاح قالى كل شئ تمام انتى حتولدى 80% طبيعى
بس انتى خلصتى شهرك ودكتورتك المفروض تعطيك تحاميل تسرع الطلق عندك
وعشان كذا البيبى برز فى المويه ومايقدر يستحمل 6 ساعات عبال مالرحم يفتح كله
لان دقات قلبه راح تضعف وبس لازم قيصريه
يعنى لو رحت قبل لاخلص التاسع كان ولدت طبيعى

بس الحمدلله جبت بنوته زى القمر ماشاءالله

ام رانسي

10-25-2010, 12:54 AM

ملامح هندية. الحمد الله على السلامة ومبروك على البنوته وش مسويه مع العمليه عساك بخير يارب
عقبال نانا وكروزه يارب بس ولاده طبعيه مو عمليه مبروك مره ثانيه

ام رانسي

10-25-2010, 12:59 AM

ياقلبي جننوكي قبل ما تولدي بس يالله الحمد الله عدت على خير وان شاء الله تشوفي بنتك عروس

Nana.1985

10-25-2010, 01:05 AM

يااااااربي الله يعينك وحسبي الله عليهم .. انا خفت دحين يسيرلي كدا النونو خلص الشهر وتلات ايام

انشودة لا لساااااااااااااااااااااااااااااااااااااااااااااااا ا

ام رانسي اميييييين يارب

بس القيصري مو اهون من الم الطلق؟ظ

انشودةمطر

10-25-2010, 01:07 AM

نانا لاتفكرين ربي يهونها

ام رانسي

10-25-2010, 01:10 AM

اساسن لازم من الالم بس وش نسوي الله يعين بس الولاده الطبعي بس تولادي خلاص يروح الالم بس العمليه تقعدي تتالمي بس الله يكتبلنا الاجر

Nana.1985

10-25-2010, 01:12 AM

انشودة حاااااااسة بضغط
زوجي ليه اسبوعين ودا التالت لحالوووووو .. غير فترة النفاس!!
والمدرسة والاجازات طفشتتتتتتتتتتتتتني!!
ونا جسديا تعبت خلاص ..

ملامح هنديه

10-25-2010, 01:20 AM

ياقلبي انا كنت اتالم بالم الطلق
وغير هما حطولى طلق صناعى
يعنى تالمت وبعدها ودونى غرفه العمليه يعنى لو ودونى العمليه بسرعه كان اهون
من ان اتالم وبعدها يودونى

والقيصري تقعدى توسوسى للعمليه تنفتح هههههه

لاخلاولاعدم

Nana.1985

10-25-2010, 01:38 AM

ملامح دي اول ولادة لكي؟

تمارا

10-25-2010, 02:15 AM

بنات انا اول ولاده ليا ومحتاره وين اولد ايش رايكم بالدكتوره عصمت بالتونسي بأمااانه؟؟؟

أحلى موني

10-25-2010, 03:27 AM

هايات وحشتوني فين القروب قفل والا انمسح من عندي والاحظرتوني ايش الهرجه؟؟

اهم شي تكونو بخير

انشودةمطر

10-25-2010, 03:41 AM

نانان الله يصبرك ان شالله
احلى موني لك وحشه يادبا
تمارا ان شالله البنات يفيدونك
ملامح الله يكتب لك الاجر
بنات ما اشوف نور وينها

اموورة وكتكوتة

10-25-2010, 04:12 AM

صباح الخير كيف الحلوين

نانا انا كنت برا اليوم عند صاحباتي وجلست احكيهم عنك قلت ان شاء الله لما ادخل النت الاقيكي ولدتي بس ليييييييييييييش ؟ يا حبيبتي امشي كتيييير وكلي رطب مرررة كتيييير .. والله انا حاسة فيكي ربي يهونها عليكي ياقلبي

انشودة كيفك وايش اخبارك؟ كيفك دحينة بعد الزحلقة ربي يتمملك عخير

موني حتى انا دخلت ما لقيت رد يا السيرفيس في مشكلة او القروب قفل

رحيمة لييييييش زعلانة لين دحين؟؟ المفروض نحن اخوات وصاحبات مانزعل من بعض يعني كلام في كلام لا تاخدي الموضوع بجدية .. وانتي رحيمة القلب يعني لازم تكوني رحيمة واي وحدة حكت كلمة عالقروب اعرفي انو هادا راي خاص فيها مو يعني الكلام موجه الك.. فخلاص تعالي وحشتينا

فوشية انا حسوي تحليل كمان الهيموجلوبين يمكن بكرة ان شاء الله اذا فضي زوجي يوديني لاني بدوخ كتتتتتتتتتييير والدكتورة طلبت تحاليل زيك بس هاتي يوديني ابو الشباب.. الحمدلله عسلامتك ونوم العوافي

تمارا مرررره ما انصحك بعصمت ترا هادي جزارة بكل معنى الكلمة شوفيلك رااي وحدة غيرها في تهاني في سنجيد في صلاح كلهم طيبين بس عصمت مررره عصبية وشريرة اكرهها رحتلها قبل سنة وكانت بس تخاصمنا انا وزجي كاننا حمير استغفر الله

باقي البنات كيفكم ؟؟ نايميييييين ؟؟

ثلجه فوشيه

10-25-2010, 04:13 AM

صباح الخيـــــــر ..

انشودةمطر

10-25-2010, 04:21 AM

صباح الورد ثلجه مانمتي والله انا ودي انام بس ولدي صاحي كل ماقفلت عيني قال لاتنامي خليك معاي
اموره الحمدلله تمام ورحت للدكتوره وكشفت كله تمام

ثلجه فوشيه

10-25-2010, 04:33 AM

نمت وصحيت يختي شفتي نووم زي كدا :(
نوومي مقطع وحالتي حاله ..
امووره لازم تعملي التحليل بسررعه انا زيك كنت أحس بدوخه وكتمه في النفس وكلو بسبب نقص هذا الهيموجلوبين يااادوب تلحقي نفسك وتحسني اكلك عشان ماتضطري تآخذي ابر حديد
لأنو نقص هذا الشي يأثر في عمليه الولاده فلااااازم يكون مرتفع هوا اظنو فقر دم ويخافو وقت الولاده تنزفي فمررا خطر لازم يرتفع ..

ثلجه فوشيه

10-25-2010, 04:35 AM

انشووه ماشاء الله عليه ولدك شكلو كان ناااايم ودحين مصحصح الله يحفظوو ..
على فكره كم عمرو وشو اسموو ؟؟؟

اموورة وكتكوتة

10-25-2010, 04:45 AM

الحمدلله عسلامتك انشودة وانتبهي دايما.. ولد ما شاء الله شكلو يحب السهر.. لازم في النهار ما تخليه ينام عشان تقدري تنامي بالليل

فوشية حتى انا زيك نمت وصحيت الساعة 2 .. والله خوفتيني انا مرررة متساهلة بالموضوع الله يستر بس ان شاء الله احاول اروح بكرة واتطمن

ثلجه فوشيه

10-25-2010, 04:54 AM

حتى أنا متساهله وماكنت افكر والخبط في الأكل على كيف كيفك بس امس لما رحت باشراحيل الدكتوره قالت لي لو ما ارتفع راح نضطر نعطيك ابر عااااد أنا كلو إلا الأبر ما اطيقهااااا
زودتلي الحديد وقالت كلي كويس ونشوف الشهر الجاي والله يستر بس ..

الأمورة

10-25-2010, 04:59 AM

السلام عليكم

كيفيكم بنوتات ...؟؟
كتبت رد طويل اول بس ما طلع كله

المهم

انا بكرية وحللت قبل يومين وطلعت حامل الحمد للهhwaml53 بس مرررررررررررة خاااااااايفةhwaml93
والحديد عندي 9.3 يالههههههوووووييييي hwaml93
وكريات الدم البيضاء 5100 هل هي نسبة طبيعية ...؟ <<< خوااااااافه hwaml93
ودحين مررررة محتاااارة ما ادري عند اي دكتورة أراجع ..؟؟؟
بليييز تنصحوني بمين ...؟؟
سمعت ناس يمدحوا بخش وباشراحيل ..؟؟

بالنسبة للاعراض اللي احسها دوخه والم زي الدورة يروح ويجي بس شوي قوي
وانتو بكرامه احس لما اتبول بحرااااارة ما ادري ليه ... فيه وحده منكم مثلي ..؟؟

ياليت تردوا عليا بدري عشان اليوم براجع ان شاء الله
الله يعطيكم العافيه يامكاويات hwaml7

اموورة وكتكوتة

10-25-2010, 05:01 AM

والله انا زيك واليوم شربت 3 كاسات شاي تخيلي اول مررة اسويها .. كنت عند صاحباتي والاكل اغلبو معجنات وفطاير وبيتزا وكدة وطبعا لازم شاي من غبائي..
خلاص بكرة ان شاء الله بخليه يجبلي سبانخ كتييير وتفاح لانو كلو حديد قبل ما اروح اعمل التحليل

ثلجه فوشيه

10-25-2010, 05:17 AM

كويس ترى حتى أنا كنت طايحه في الشاي والقهوه ترى هيا السبب خخخخ

الاموره اول شي مبرووك الحممل الله يتمم لك على خير ..
تاني شي طبيعي الألم اللي تحسي فيه لأنو لسا الجنين بينغرز في الررحم بس حاولي تريحي نفسك وماتشيلي شي تقيل ولا تشتغلي كثير ..
أنا ماراجعت عند وحده من الي بقولك هما بس زي ماسمعتي فطيمه مرررا كويسه لها 25 سنه في باشراحيل روحي لها ان شاء الله ترتاحي معاها انا بولد عندها ان شاء الله ..
وفي كمان بسمه في نفس المستشفى .. ماعرف غيرهم بصراحه
اما عن الحديد حدث ولا حرج ههههههه انا بالسابع والنسبه عندي 9 تخيلي ؟؟؟
وترى الدوووخه من نقص هذا الفتمين يعني كلي كويس انتي لسا بالبدايه تلحقي بالرراحه تطلعي النسبه ..

اموورة وكتكوتة

10-25-2010, 05:19 AM

الامورة ما اعرف مين احسن باشراحيل ولا بخش .. بس اغلب البنات بيمدحوا في ياشراحيل والله اعلم ..
الف مبروك الحمل وبالنسبة لنتيجة التحليل المفروض تسالي دكتورتك هل هي طبيعية ولا لا النسبة ؟؟
وشوفي ايش تنصحك

روز 3

10-25-2010, 05:37 AM

حوامل مكه كيفكم اناموحامل ادعولي احمل بس حبيت اقولكم انوفاطيمه خلاص كبرت احسهاماعادجتقدرعلى الولاده وبسمه اعتقدانهافي فترة نفاس ومسافره بس يمدحونهله الي بخش للولاده ودكتوره روحيه الي في الرحمه وتولدو بالسلامه ان شاءالله

الأمورة

10-25-2010, 05:49 AM

ثلجه فوشيه الله يبارك فيك سمعت عن عصير الشمندر او البنجر كويس للحديد تخلطيه مع برتقال او جزر يقولوا مفيد بس هل يأثر على الحمل <<<< بدأت الهلوسه ههههههه
الله يسهلك الولادة يـــــــــارب ويسلموووو على الرد

اموورة وكتكوتة الله يعطيك العافية ويسهل لك الولادة يـــــــــارب

روز 3 الله يرزقك الحمل عاجلا غير اجل ويرزقك الطفل السليم المعافى
ونهله ايش جنسيتها وهل هيا اخصائية ولا استشارية

اموورة وكتكوتة

10-25-2010, 05:49 AM

تصبحو على خير بروح انام شوي

روز ربي يكرمك وتحملي ان شاء الله قريبا

ثلجه فوشيه

10-25-2010, 05:49 AM

روز الله يرزقك ان شاء الله ماتتمني
بس على فكره قبل اسبوعين او اسبوع ونص وحده هنا ولدت عند فطيمه اللي هيا ملكه الأحساس وكانت ولادتها مررا كويسه الحمد لله ..
لو ماتقدر على الولاده كان مابقيت في المستشفى ..
ان شاء الله لما تجيني الولاده يااااااااارب تكون في هيا وتولدني ..

ثلجه فوشيه

10-25-2010, 05:53 AM

وأنتي من اهلو كتكوته نووم العافيه يابطه ..

الأموره والله مدري يأثر والا لا هههههههه
وصحيح كمان دكتوره روحيه مررررا كويسه سمعتها واااااو بس المشكله انها تولد في مستوصف وكمان سمعت اذا حالتك تستدعي تطلع معاكي مستشفى ..

ثلجه فوشيه

10-25-2010, 05:55 AM

صحيح ملامح هنديه الف الف مبرووووووك يارب وتتربي بعززك ان شاء الله
اهم شي انك قمتي بالسسلامه انتي وبنووتتك وحسبي الله على الدكتوره الخبله هذي
اصلا عندنا دكاتره بس حقوون كلام والا في مستشفى مافيها بنج يلا ياقممر انتي اهم شي انتبهي لنفسك وارتاحي وبطليكي وسوسه ماتنفك العمليه بأذن الله هههه
اش سميتيها ؟؟؟

اموورة وكتكوتة

10-25-2010, 05:56 AM

الله يعافيكي هههههه انا بطة من جد

باي

ثلجه فوشيه

10-25-2010, 05:58 AM

ههههههه امزح كتكوته ياحبي لدي الكلمه كل الناس بطات عندي خخخخخ

الأمورة

10-25-2010, 05:59 AM

يلا بنوتات اتشرفت بمعرفتكم

تصبحوا على خير
مع السلامة

ثلجه فوشيه

10-25-2010, 06:00 AM

ياهلا فيك الأموره شرفتينا ..
زورينا تاني ههههه
يعني كل الناس بتروح تنام وأنا بجلس زي الجنيه هنا هههههه
ان شاء الله احد يجي ..

ثلجه فوشيه

10-25-2010, 06:15 AM

شكلو محد جاي يلا حتى انا بخررج
بآيات

كوكو الحلوه

10-25-2010, 06:25 AM

صباح الخير كروشات كيفكم والبيبي ان شاء الله بصحه وعافيه
طبعن لى فتره ما دخلت والله وحشوني ماقدرت اقراء الصفحات الماضيه بس ان شاء الله تكونو كلكم بخير وعافيه يارب

دلوعة سمسم

10-25-2010, 07:19 AM

صباح الخير ياحلوات نانا ان شاء اللة تولدي بالسلامة بس لاتكثري من الخروع لانو ممكن يجيبلك طلق وتنزل المويات والرحم ماينفتح ثلجة حاولي ياقمر تتغذي كويس وان شاء اللة ماتحتاجي الابر انا الشهر اللي فات كان الدم عندي 10 وقالتلي خذي حبتين حديد ان شاء اللة الحين يكون تمام

كوكو الحلوه

10-25-2010, 07:33 AM

اهلين دلوعه سمسم كيفك والبيبي ان شاء اللله بخير

دلوعة سمسم

10-25-2010, 07:40 AM

ثلجة اذا انتي نفسك تولدي عند فطيمة لاتروحي المراجعة الا لما تكون هيا اللي مداومة يصير كل مراجعاتك عندهاوقوليلها ابغى اولد عندك بعدين في وقت الولادة اطلبيها اذا ماكانت موجودة يجيبوها على طول ان في ولادتي الاولى كنت اراجع عند بسمة ولمن دخلت التاسع اعطتني رقمها ولمن جاني الطلق دقيت عليها وماكانت مداومة لكن جاتني بسرعة وكمان المستشفى دقوا عليها عشان كنت اراجع عندها ....بس انتي لمن رحتي مراجعة من اللي كانت موجودة

دلوعة سمسم

10-25-2010, 07:45 AM

هلا وغلا كوكو الحلوة انا والبيبي الحمد للة بخير انتي كيفك وكيف البيبي ماشاء اللة انا وانتي في نفس الشهر بس انتي بكرية ولالا ؟

كوكو الحلوه

10-25-2010, 07:50 AM

طيبه الحمد لله ها بن عاني شوبس عشان خاطر البيبي الوحده صابره لا انا بكريه

دلوعة سمسم

10-25-2010, 08:03 AM

على قولك لازم نستحمل عشان البيبي اللة يسهلك ياارب وانا كمان شايلة هم ولدي عمرة سنتين واربعة شهور مرررة يغار الحين يكره بنت اختي الصغيرة ويغار منها اللة يعننا ان شاء اللة كيف لمن يجي النونو

كوكو الحلوه

10-25-2010, 08:12 AM

ااااامين يارب والجميع بس انتي حاولى انك تعودي من الحين وتقوليله انك راح تجيبله نونو وبعدين ان شاء الله لو ولدي بسلامه لا تحاولى تخلى كل اهتمامك بي البيبي خلى هو دايم اول شي ومع الايام ان شاء الله راح يتعود

دلوعة سمسم

10-25-2010, 08:23 AM

كوكو هوالحين يبوس بطني ويقول ماما هنا نونوويبوس ملابس البيبي بس انا خايفة بعد الولادة لكن على قولك يبغالي اخلي اهتمامي كلة لة وماادلع البيبي قدامة اللة يعينة هذا النونوالمسكين ههههه راح يتبهذل

كوكو الحلوه

10-25-2010, 08:36 AM

لا ان شاء الله الوضع راح يكون عادي وما يغار منه هو اهم شي انتي لا تطنشينه وتخلى اهتمامك بي كثير عشان لس هو كمان صغير الله يحملك هو يارب ويقر عينك بي البيبي الجديد
عارفه انا كمان اختي كان عندها والد مرره كان رافض فكرت البيبي ويقول لو جاء اسويله وضربو انا نونو المهم كلانا خفنا من ردت فعله بس والله وما توقعنا لو جاء بعامله عكس ما يخلي احد يشيله ويبكي لو قلتى تا خذي من بيتهم والحين ماشاء الله الوضع حلو هو والبيبي صار يحبه مررره
وان شاء الله ولدك راح يتعود

دلوعة سمسم

10-25-2010, 08:48 AM

اللة يسمع منك ان شاء اللة يتعود....... بس انتي فين تراجعي وان شاء اللة فين ناوية تولدي؟

كوكو الحلوه

10-25-2010, 08:56 AM

والله ما بعرف وين راح اولد الكل يكلى اروح مستشفى الولاده وانا خايفه منها في دكتوره مرره شاطره اختي والدت عندها انا براجع في مجمع صفوه الطبي والله ادكتوره مرره ممتازه والعالم تجيها من جده ومن اماكن بعيده

دلوعة سمسم

10-25-2010, 09:03 AM

طيب لية ماتولدي عند الدكتورة اللي تراجعي عندها ؟

كوكو الحلوه

10-25-2010, 09:08 AM

عندهم انظام ما فيش تنويم بعد الولده لو اطمنو عليكي يطلعونك خلاص وانا عشان بكروكمان عندي ضعف وجسمي ضعيف عشان كده يقولو احسن مستشفى عشان نطمن عليكي ومن ذا الكلام
تعرفي في المستشفيات ما تخرجي يلا بعد يومين

دلوعة سمسم

10-25-2010, 09:17 AM

طيب الدكتورة ماتخرج معاك لاي مستشفى ثاني ؟....واذا انتي خايفة من مستشفى الولادة روحي باشراحيل مرة ممتازة عند الدكتورةبسمة او فطيمة

كوكو الحلوه

10-25-2010, 09:25 AM

والله ما بعرف بس يبغالى اسألها لو رحت مراجعه ليش هو يعني الوحده تطلب دكتوره من برا عادي تجي مستشفى حكومي
باشراحيل مرررره بعيده عني مشوار طويل قبل ما اوصل سمعت عنها كثير وكم وحده اعرفها راحت هناك

دلوعة سمسم

10-25-2010, 09:46 AM

ايوة حبيبتي في بعض الدكتورات يخروجوا مستشفيات بس تكون خاصة مو حكومية انتي اسأليها وان شاء اللة تقدر تروح معاك اذا انتي مرتاحتلها.........انا استأذن ياعسل ابغى احاول انام بااااي

كوكو الحلوه

10-25-2010, 09:50 AM

نوم العوافي حتي انا بستأذن بروح انام شوي باااااي

ام ميسومة

10-25-2010, 11:12 AM

صباح الخير
اخبار الكروشات
الف سلامة عليك ياثلجة فوشيه
قاعدة اقرا قصتك وانا ابكي تخيلت اني محلك
الله يحفظكم من كل شر

ام ميسومة

10-25-2010, 11:21 AM

ايوة بنات نسيت اسالكم
تواقيعكم اللي فيها باقي ايام الولادة
وصورة الجنين زي اللي في توقيع نانا
كيف اسوي مثله
خخ احب اقلد
وبعدين مافيني حيل اعد الايام ابيه يعد بدالي وحدة سودانيه خخخ

نــون

10-25-2010, 12:34 PM

صباحو

اناجديده وسجلت بس عشان عندي كم سؤال عن الولاده .. وخاصة نانا احسها مررررررررررره مثلي بحملها وخوفها
اولا انا حملي خلص متأخر يعني مو بحساب اخر دوره ..لأ.. حملت تقريبا على جيت الدوره الثانيه ...... اخر دوره ليا كانت 23_1
يعني كان مداني اللحين ولدت من زمان
المهم انه بحساب السونار بقيلي 10ايام اوة اقل واولد وبحساب اخر دوره طبعا مخلصه التاسع
وانا اراجع فالسلام عند الدكتوره جنه مره مرتاحه لها صح فيها برود بس طيوبه .. وكشفت عليا قبل امس من تحت قالت خلاص قربتي هالاسبوع حتولدي واذا ماولدتي تعاليني السبت اعطيك تحميله
تحميلة ايش ما ادري ؟؟
سألت عنها قالولي تحميله فالمهبل تسهل الولاده وتفتح الرحم والطلق
بس انا خايفه مايكون موعدي اصلا الاسبوع ذا امكن لسا بقيلي فتره والدكتوره بتولدني غصب
وانا احس بشوية الام خفيفه بظهري ومع القومه والجلسه يجيني الم اسفل مرررررررررره قوي لازم اقوم بشويش؟؟ (اللي تعرف عن هالاعراض تعلمني بليز)

وقولولي اذاماجاني الآم هالفتره اروحلها السبت والا ايش؟؟؟

وشاكره لكم .. الله يسهلك نانا ويسهلي

ام ميسومة

10-25-2010, 12:44 PM

انا انصحك تصبري
انا عطوني في ولادتي التحميله 3 مرات
ورجعوا عطوني طلق بالمغذيه وقت الولادة
انا انصحك تصبرين وان شاء الله يسهل عليك
الطلق مرة موزين يصير ظهرك يوجعك بعد الولادة لدرجة انك ماتقدرين تركعين او تغيري لطفلك
حتى اذا ربي قدر وحملت بالثاني يصير طول حملك وظهرك يوجعك
هذا الي انا عشته وانتي براحتك
طبعا غير الالم تصيرين تتعذبي وانتي ماولدت خخخخخ ادري اني خوفتك
بس الصبر زين

انشودةمطر

10-25-2010, 01:30 PM

نون لاتستعجلين على التحميله حاولي تمشين كثير
ام ميسومه كيفك
كوكو والله انا ولدي مو متقبل بس ان شالله يتغير الوضع

ثلجه فوشيه

10-25-2010, 01:42 PM

مساء الخير بنات كيفكم شو اخباركم ؟؟؟

ام ميووسه الله يسلمك وان شاء الله الشر مايجيك يااارب..

دلوعه سمسم هلا فيك أنا لما رحت كانت في الدكتوره هبه :(
وبصراحه ما أرتحت لها مررره مدري كيف اقدر اغيرها يعني ؟؟؟
بعد يومين عندي تحليل لازم اروح أخذو من عندهم نفسي اشوف فطيمه واتكلم معاها مين عندو رقمها ؟؟

انشودةمطر

10-25-2010, 01:46 PM

اهلين ثلوجه كيفك اليوم تمام قاعده اسوي الغداء ورايحه جايه على الجهاز شغالتي راحت وانواع الكرف هههههه على فكره الغدا برياني الله يحييكم

ام ميسومة

10-25-2010, 02:07 PM

الحمدلله انا بخير
بنات بكم الولادة الطبيعي في باشرحيل
ابغا اسال عن الخياطة التجميليه عندهم من غير الولادة بكم

ام ميسومة

10-25-2010, 02:10 PM

انشودة انتي متى ولادتك ؟؟؟؟؟
انا ولادتي على اخر صفر في 28

ثلجه فوشيه

10-25-2010, 02:31 PM

هههههههه انشووده يلا أنا جايتكي خلاص غدايا عندك < مافي طبخ اليوم خخخخ

ام ميوووسه الولاده بـ2600 واذا طلبتي خياطه تجميليه +طلق صناعي عند الحاجه 3100
كدا وحده قالت لي بس مدرري والله انا لسا ماسألت ..

ثلجه فوشيه

10-25-2010, 02:31 PM

ام ميوسه يعني انتي في نهايه السادس دحين ؟؟

انشودةمطر

10-25-2010, 02:41 PM

ام ميسومه انا ولادتي في 29 _ 2 ان شالله الله يهونها
ثلوجه يالله تعالي بس ترى الصحون عليك مافي شي بلاش خخخخخخ

نــون

10-25-2010, 02:49 PM

ام ميوسه حبيبتي انا معاكي ومابي اخذ شي واستعجل
بس بنفس الوقت خايفه يكون فعلا وقت حملي خلص .. انا بكريه وماعندي اي خلفيه عن هالحركات
وترا كمان خايفه مايكون يجيني طلق ... لان امي الله يحفظها مايجيها طلق ابد ابد يفتح الرحم بدون اي الم وكانت لازم بكل ولاده تاخذ طلق صناعي .. لانه مايكون عندها طلق

وترا اخر مره كشفت عليا من تحت ونزل دم .. ممكن اعرف اش سبب عالدم ؟؟ يعني معناه ان الرحم بدأ يفتح الا وشو؟؟؟
لانها بعد ماكشفت عليا قالت خلاص قربتي...

بليز افيدوني

ثلجه فوشيه

10-25-2010, 03:07 PM

ههههههه انشوده لا خلاص بطلت بالعااافيه عليكم خخخ
دوبي رحت المطبخ اغسل صحوووني :(
يوووه أكره النحاس وأنتي الا بتمسكيني هوا بالغصب هههههه
ماحبو ماحبو
بنات أنا ولادتي بدايه صفر قالتلي الدكتوره 8/2 يعني قبلكم بكم اسبوع الله يسهل علينا ياااااااااارب
أنا عندي شغل اخلص وبعدين اجيكم وشكلي مطووله الله يعين بس

doodi

10-25-2010, 03:13 PM

نون عليك وعلى المشي امشي كتيررر

وان شاء الله ربي يسهلك

Nana.1985

10-25-2010, 03:27 PM

مسااااؤؤؤكم فللل ...

كيفك ياحلووات بدون تحديد؟ ان شاءالله تكونو بخير وطيبين
انا الحمدلله بخير بس اليوم النونو ماتحرك الا مرة وحده بس! انا قلت يمكن لاني نايمة طول النهار؟ بس العادة ونا بتقلب ونا نايمة احس بيه يتحرك معايا او يتضايق لو انا نايمة على جمب معين .. ومررا قلقانه وابغا اروح المستشفى بس اخاف يمسكو فيا ومايطلعوني ولا يشوفو من تحت ويعوروني !!
محتاره اروح ولا لا .. واقول يمكن لاني نايمه حتى هوا نايم معايا وجالو خموول من كتر النوم ؟؟
ادعولي بنات والله مره خااايفة ..

نوون ياحلوة والله انا اخر دورة بالميلادي حاسبتها 15 / 1 يناير ..
وولادتي المفروض الجمعه الماضيه حسب الحسابات حقت الدكاتره من مكة والرياض وكل مكان وكمان زي برنامج حساب الولادة ..
انتي اعطيني تاريخك وقوليلي دا هجري ولا ميلادي وانا احسبلك .. الموقع عندو برنامج للحساب ونفس النتيجة هيا الي قال عليها الدكتور ...
المهم والله انا مرا قلقانة وبكرية برضو ومووسوسة وكل شئ الحمدلله ..
وقاللتلي بنديكي فرصة اسبوع .. لو ماولدتي ح نولدك بطلق او نشوف كيف وضعك ساعاتها .. بس اهم شئ احسبي حركات الجنين مو اقل من 10 حركات في اليوم ولو اقل جررررري تجي علينا ..
لانو يخافو المشيمة تشيخ وتعجز وماتقدر تعطي النونو اكسجين وغداء ..
ونا مابغا اروح اخاف يلعبو فيا طلق صناعي = التحاميل الي قالتلك عليها الدكتورة .. او طلق عن طريق المغذي ..
وكلهم هنا يقولو انوو مووووت والطلق الطبيعي ارحم بمليون مره .. بس لو ربنا كتبه علينا اش نسوي؟!
المشكلة انتي بتجيكي اللالام الحمدلله .. انا نهائيا مافي شئ!
تعرفي يعني ايش مافي شئ؟ كأني في السابع ولا السادس عادي عايشه حياتي .. بس احس بتقل واحيااان سخونة تروح وتجي تجلس ساعه نص ساعه وتختفي بس ! مافي لا طلق ولاشئ
ولما شربت الخروع حسيت بمغص شششششششششششششويا ضعيف مراا .. بس كنت شاكة مغص الخروع = اسهال الله يكرمك ولا مغص من الرحم .. ماني عارفه .. بس والله تعبت اخاف اتاخر يكون الجنين ساير فيه شئ واخاف اروحلهم يبهدلوني ويلعبو فيا .. !!!!

ام ميسومة

10-25-2010, 03:51 PM

الله يعينكم بنات
نونا انا مثلك يقعد النونو مايتحرك
خاصه اذا توني صاحيه من النوم
انا قبل كم يوم نهايا ماتحرك وقلقت مرة وخفت
بس الحمدلله
انتي في حالتك انصحك تروحين المستشفى والله يعينك على العذاب
اهم شي النونو يكون بخير
نون انا انصحك تروحين انا صح خوفتك عشان الطلق بس اذا مافيه الا هو خذيه
انا نزل مني افرازات مع دم ورحت للدكتورة قالت الرحم مقفل وهذي علامة ولادة ولازم لي طلق
كان ليله سبت على 3
وبعد الطلق والتنويم ولدت الاثنين بالليل على ليله الثلاثاء وكنت مطوفه 8ايام
وعشاني بكريه ساعتها وافقت اهم شي كان عندي اني اشوف النونو بخير
على الاقل افضل من القيصري
بماان عندك دم روحي كذا مرة المستشفى والله اخاف عليك تصبري وتشيخ المشيمة
توكلي على الله

نــون

10-25-2010, 03:54 PM

انا ياحلوه بالميلادي 9 يناير
يعني كان مداني ولدت من زمااااااااااااااااااااااان جدتي ..بس زي ماقل حملي خلص متلخبط يعني على جيت الدوره الثانيه
وامكن انتي مثلي .. كيف بالسونار (التصوير) متى ولادتك؟؟ماقالتلك الدكتوره كم طالع تاريخ الولاده بالتصوير؟؟؟؟

وانتي يا نانا مارحت لدكتورتك ماراجعتي ؟؟ وماقلتلك شي ؟؟ ولا كشفت عليك من تحت ولاشي

انشودةمطر

10-25-2010, 03:59 PM

نانا سوي حليب بالقرفه اشربيه وامشي وانتظر للعشاء وبعدين روحي اذا ما صار شي حطي ثلجه على بطنك وحركيها اذا تحرك الجنين ان شا لله بخير اتذكر وحده قريبتي كانت تسوي كذا

نــون

10-25-2010, 04:00 PM

ام ميسومه .. انا بروح السبت مثل ما قالت بس بروح مراجعه ((طبعا اذا ماولدت)) واكيييييييييييد بتكشف عليا من تحت اذا لقيت الرحم فاتح بدون ما احس بالآم طلق اكيد بتعطيني طلق صناعي او تحميله .. واذا مالقيت الرحم فاتح يعني لسا مافي اي علامه ولاده فماراح استعجل تفتحلي الرحم بالقوه وبرجع البيت ارقد خخخخ لين ربي يحلها

Nana.1985

10-25-2010, 04:02 PM

المفروض 16 اكتوبر !!!
دا تاريخ اول يوم في الدورة؟؟
ياويلي روحي لاتشيخ المشيمة والله تراه شئ يخوف ! انو ينقطع الهوا والغذا عن النونو!!!

دكتورتي رحتلها الخميس الماضي وقالت احسبي لو اقل من 10 حركات في اليوم تعالي وماكشفت من تحت تقول ماعندك اعراض اصلن ولا نزل عليكي شئ يعني ماهو مفتوح

Nana.1985

10-25-2010, 04:03 PM

نون كيف لما تكشف من تحت؟؟ يعور؟؟
مرررا شايله هم الكشف دا

Nana.1985

10-25-2010, 04:06 PM

انشودة حبيبتي اتحرك لين دحين 3 حركات بسسسسس ..

نون السونار طلع نفس الشئ 22 اكتوبر ولادتي ..

نــون

10-25-2010, 04:13 PM

نانا انتي اصلا وين تراجعي؟؟؟

ام ميسومة

10-25-2010, 04:13 PM

مادري نون السبت بعيد
ياطول بالك يمكن انتي ورثت من امك انك لازم طلق صناعي
والدكاترة مايعرفون الغيب
انا انصحك تروحين اليوم بكرة بالكثير
انا رحت لمستشفى خاص اول كنت بدلع نفسي
خخ وقامت طلعت فيني امراض لاتعد ولاتحصى وقلبت فرحتي
وخلتني بس ابكي
وبعدين اختي قالت لازم تروحين حراء ورحته
وعلى
وطول كشفت علي قالت 1سم
وكانت الساعه 6 الفجر
وقالت روح البيت مافي ولادة الرحم لسا مانفتح
وقلت لها انا مطوفه 8ايام
وخافت علي وقالت تنويم
حتى الاستشاريه تهاني المطرفي هي اللي اشرفت على حالتي
والحمدلله
انا انصحكم يانانا ويانون روحوا اكشفوا في اي طواري مستشفى حكومي
يمكن ربي يتمم لكم على خير

Nana.1985

10-25-2010, 04:17 PM

كنت اراجع في مستشفى حكومي في الرياض لاني ساكنة مع زوجي هناك ودحين في بخش لما جيت مكة ..
ام ميسومة اخاف من الحكومي مافيا احد يعصب عليا ولا يزعقلي

نــون

10-25-2010, 04:17 PM

هو مايعوررررررررررررررر ماره عادي الم بسيط زي الدبوس

انا كشفت عليا من تحت قبل اسبوعين ماطلع شي بس قالت امشي كثير وهالاسبوع لما كشفت نزل دم شكلو شكلو هي اللي وسعت فالرحم لاني بس خرجت من عندها ظهري يوجعني .. احس اني فرحت خخخ لو كل شويه تكشف عليا وناسه عشان اولد .. طفشت..

ام ميسومة

10-25-2010, 04:21 PM

انتم روحوا طواري وخلوهم يكشفون عليكم وهي اذا شافت الموضوع يستدعي تنويم وطلق روحوا للاهلي بالتقارير
انا سويت زي كدا اخذت التقارير ورحت حراء
انتوا سوا العكس
والله يانانا انا انصحك بحراء وصدقيني ماشفت الا كل معامله حلوة منهم
وانتي في مثل حالتك بيخلون استشاريين يتابعون حالتك لانك مطوفه
يعني بيدلعونك

Nana.1985

10-25-2010, 04:24 PM

نون منجدك وناسه هههههه ؟
والله انا ميته خوف ماتخيل يد بشرية تدخل هناك !!!
والدبوس دي سمعتها من زمااان اول ماتزوجت قبل 11 شهر وماطلعت دبووووووووووووووووووس!!!! قولي الحقيقة يابنت تعور ولا لا؟
ولا انتي يمكن ماشاءلله علكي تتحملي وقوية .. ترا انا مرررا خوافة وجبانه وبكاية مررررررررررررررررررررررا

نــون

10-25-2010, 04:25 PM

هيا عاد اش فيه حكومي زين .. الولاده والا النور الله يستر عليهم
ياشيخه اللي ربي كاتبه بيصير مابي استعجل واتوتر .. وغير كذا انا بكريه يعني اكيد بطول
بس انا مستغربه من نانا للحين ماتحس بأ ي الم ..
نانا الدكتوره ماقالتلي ان النونو نزل الحوض او اي شي ... لان لونزل الحوض اكيد بتحسي بآآآآلام بسيط تفككات يعني..؟؟؟

وليش تستعجلي بالخروع ؟!!!! اعرف وحده مثلك شربت خروع تبي تولد وانفحت عندها الرحم وتعذبت وبالاخير طلع عندها الحوض ضيق وولدت بقيصري
الخروع خليه اخر شي اذا فتح الرحم كم سنتي وطولتي ماولدتي اشربه يعجل الولاده...

Nana.1985

10-25-2010, 04:26 PM

ام ميسومة والله مدري بشوف كيف واكلم اهلي :(

نــون

10-25-2010, 04:29 PM

هههههههههههههههههههههههههه حلوه دبوس
الدوبوس حق زمان عشان اللحم كان ملتم .. بس اللحين ماظنتي .. الدنيا توسعت تحت خخخخ

Nana.1985

10-25-2010, 04:30 PM

نون لا قالت انو نازل بالحوض الحمدلله .. ومااحس بالام لكن احس بثقل ايوا عادي بس مو مغص دورة ولا ظهري يعورني ولاشئ!
بس سخونة وبرودة تروح وتجي وعضامي كلها تعورني حتى اسناني لما اكل
هيا قالتلي اشربي خروع لانو كان معايا امساك وقالت ممكن هوا سبب التاخير
وشربت وبرضو مافي شئ الم بسييييييييييييط وراح

ام ميسومة

10-25-2010, 04:31 PM

نانا لوتدرين وش بلاوي بخش كان مارحتيه
زوجي مرة حكى لي عن هنود مات خويهم وودوة لبخش
والرجال جاهم جثه
تخيلي ماخلوا شي ماسوة له عشان الفاتورة تكثر
وطلع اتوقع اكثر من 25الف
والله شي يزعل الناس ماعاد فيهم ضمير حتى الميت خذوة استثمار
خخخخخخخخ خليك على حراء احسن على الاقل الحكومي تقدرين تاخذ حقك منهم

Nana.1985

10-25-2010, 04:33 PM

استغفرالله بس مابا افتكررر ..
المهم ان شاءالله تطلعي صادقة ومايوجع .. لو اتوجعت برجع للمنتدى وباكلك ..
وحتى لو اتوسعت على قولك برضو اليد كبيرة !!! ولو جاتني دكتورة دبيه على حظي؟؟؟؟؟؟!!!!!!!!

نــون

10-25-2010, 04:35 PM

نانا حبيبتي انتي حطي ببالك انك بكريه واحتمل 70بالميه تاخذي من العاشر اسبوع عادي تحصل في كثيررررررررررررررر من الحريم البكريات ومنها اختي خلصت التاسع وجلست اسبوع وهي بدون اي الآم وبعدها بدأت الآم تخيلي جلست كمان 5ايام فتح الرحم سنتي يوم الاحد وماولدت الا الربوع بالليل

عادي لاتقلقي نفسك
وترا الوحده عشان تفتك من الحمل وتبي تولد بأي طريقه تتحمل اي شي حتى الآم
وربي انا بس احس بألم بسسسسسسسسسسسيط افرح موت واذا راح ادعي ربي متى يرجع واقوى لاني منجد طفشت ..
الله يسهل بس

ام ميسومة

10-25-2010, 04:38 PM

خخخخخخخخخخ احسن لو الدكتورة دبيه خخخ ينفك الرحم بسرعه
والله مايوجع انا كم مرة سوة لي
بس احس احراج هذا الشي اللي يضايقك فيه ولازم تفكين رجولك لهم
واتوقع عشانك بكريه بتصعبين الموضوع
خخخخخ وحدة قاطة

Nana.1985

10-25-2010, 04:38 PM

ام ميسووومه لاتخوفيني :(( اختي تولد هناك عندهم دايما ومرة طبيعي ومرة قيصري وهيا الي طلبت تعبت من الطلق الصناعي والدكاترة رايحن جيين عليها يقنعوها بلاشئ وح تولدي طبيعي بس هيا تعبت مرررا وماكان راضي يتوسع الرحم عندها غير 2 سم وبس سوولها عملية قيصرية ..
بس يبغالهم احد فايقلهم ومصحصحلهم عشان لايستهبلو عليه ... ولا كلامك صحيح اهم شئ النهب ونا الزم ماعليا نفسيتي مكان نظيف وحلو ودلع غير كدا مالي صلاح مو انا الي بدفع الفلوس خخخ

نــون

10-25-2010, 04:40 PM

وترا بخش غالي
وحراء حلو يمدحونه بس بعيد شويه
وانا السلام حلو والولاده فيه من2500 ل 3000 بالحضانه بغرفه يوم كامل انا سألت الدكتوره وانشااااااااااااااااااااااااااالله اولد فيه

نانا انتي تقول اول ان زوجك له 3 اسابيع بعيد عنك!!!!!مالت انا بعد ساكنه بضواحي الرياض بس ليا هنا من شوال عند اهلي عشان المشاوير وزوجي يجي خميس وجمعه ...الحال من بعضه..

Nana.1985

10-25-2010, 04:41 PM

لا ماهمني الاحراج مالت عليهم ههههه .. اهم شئ ماتالم خخخخ
مو حلو الوحده تعدي شهرها قلللللللللللق مرررا
تجلس في توتر وتفكير .. اختي بكرية ولدت فيي يومها والحمل التاني اتاخرت اسبوع مو شرط التاخير

ام ميسومة

10-25-2010, 04:42 PM

الله يرزقك ويسعدك
السالفه ماتوقف عن الفلوس الفلوس قلعتها تتعوض
بس الصحة هي اللي ماتتعوض
مادام اختك جربته الله يعطيك خيرهم ويكفيك شرهم
ويارب ياكريم انك ونون بكرة مالاقيكم بالمنتدى
تكونون حاضنين اطفالكم ونايمين بجنبهم
الا وش عندك نانا بنت والا ولد
وانتي كمان يانون شو عندك

Nana.1985

10-25-2010, 04:44 PM

فين في الرياض انا جنوب الرياض تبعد 3 ساعات ونص عن الرياض
ودا اسبوعي التالت عند اهلي .. والله مشوار 8 ساعات لمكة

نــون

10-25-2010, 04:46 PM

انا بنت انشالله.......
تخيلو من الرابع قالولي بنت .. القليلة الادب فاتحه رجلها قدام الناس بنات اخر زمن....

نــون

10-25-2010, 04:49 PM

لا انا تبعد عن مكه 4 ساعات ونص .. فالدوادمي اذا تعرفيها مدري وين تقع.........بس تعيده عن الرياض امكن 3ساعات

Nana.1985

10-25-2010, 04:49 PM

ههههههههههههههه نون
انا ولد ان شاء وحوووسني قافل رجولو ههههههه بالقوة عرفنا في السادس يمكن وكل شئ كان واضح خخخخخ

Nana.1985

10-25-2010, 04:51 PM

4 ونص مررررررا قريب ماشاءالله يابختتتتتتتتتتتك
انا 8 وان اتهورنا سارت 7 !!!!!!!!!
زوجي مدرس هناك .. الحياة كفاح

ام ميسومة

10-25-2010, 04:51 PM

الله يهنيك يانون البنات احلا شي يجون اول
دلع ووناسه
عكس الاولاد همج

Nana.1985

10-25-2010, 04:52 PM

بروح اسوي حليب بالعسل ... يقولو يليين فتحة الرحم ..
نون يارب اولد قبلك خخخخخخ >>> عندها عقدة ماتبا احد يولد قبلها ههههه زهقت !

نــون

10-25-2010, 04:55 PM

حلوه همج
انا الصراحه عني تمنيت ولد واتمنى خلفتي تكون كلها عيال .. والمشكله بحملي كله ماحد قال احتماااااااااااال ولد ابد حتى ولا بالاحتمال .. على طول بنت .. وغيرت الدكتور قال بنت .. ودكتوره قالت بنت .. ودكتوره غيرها قالت بنت ... ويأكدون بعد
بس يلا النصيب.. واش يدرينا امكن ربنا بقدرته يطلع ولد ... وانتي يانانا يطلع بنت..

يارب عفوك

10-25-2010, 04:56 PM

هااي

بنات التخدير الموضعي كم ساعه يضل ويفك اهئ

بنتي مسوين لها عمليه بالوتر اللي برجلها

واحسها دايخه اهئئئئئ

وخايفه اللحين اذا جلست تقوم الدنيا من البكي

Nana.1985

10-25-2010, 04:56 PM

ايوا والله الاولاد همممج ماحبهم بس الحمدلله
نفسي في بنوووووووووته بس اخاف تاكل عليا الجوو

يارب عفوك

10-25-2010, 04:56 PM

وعمرهاااااااااا شهرينhwaml10

Nana.1985

10-25-2010, 04:58 PM

يارب عفوووك
الله يقومها بالسلامة والله هوا حسب الجرعه الي اعطوها لها
ماكتبولك على مسكن؟ لو صحيت يعني؟؟
حبيبتي الله يعافيها ويشافيها يارب وماتشوف شررر ولا تتالم يارب

نــون

10-25-2010, 04:58 PM

نانا سوي قرفه ومويه اغليهم وحطيه بثلاجه واشربي كل شويه واذا جيتي تشربي حطي ملعقه عسل اولا زينه وثانيا يصير حلو مو مر
انا ليا يومين اسويها واحس بالم بظهري خفييييف

انشالله اولد قبلك >>>>وحده تقهرك

ام ميسومة

10-25-2010, 04:59 PM

شوفي والله عن تجربه
البنات اذا كانوا البكر احسن
خاصه انهم ينفعون اهلهم
وغير كدا دلع وغنج وملابسهم تجنن
اما الاولاد دفاشه وحتى الناس مايحبون يدلعونه
تشوفينهم يجروا ورا البنات يبوسوهم ويلعبونهم
اكرة ماعندي يوم اشوف ملابس الاولاد احسها مافيها ذوق زي ملابس البنت
انا تمنيت ان ربي يرزقني دحين ولد بس قالوا عندي بنت
انا فكرت اجيب ولد موحبا في الاولاد بس قلت تنويع
بنت وولد فاهمة علي
وبغيت اخذ فترة نقاهة تعرفين الرجال لازم الحرمة تسكته بولد خخ