دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[امولة الامورة]

الله يبارك لكم بها التجمع الحلو
وانا بانظم معاكم انا حامل ببداية الخامس او نص الرابع طبعا مو عارفه انا كم بالتحديد دكتوري ينقص اسبوعين ويزود اسبوعين بكل زيارة عامل لي ضربات ترجيحيه الله المستعان
طالبتكم ابغ احسن دكتور او دكتوره واحسن مستشفى للولادات القيصريه

الله يسهل لنا ولكل حامل بحملنا وييسر ولاداتنا يارب

[& أمــــــل &]

صباح الخير للجميع
هلا نللي وحشتينا يا القمر وين الغيبه عاد زوجي رافض الحمل يقول خلينا نسافر شهر عسل جديد ونعيد الوناسه وهديتي لك رمضان الحمل يقول حراااام يروح تعبك والنحف بسرعه

[أم يزن]

مرحبا بنات كيفكم؟واخبار اللي والدات مع نوناتهم والحوامل مع كروشاتهم الله يسهل عالكل..
بنات مين تعرف شغاله بالشهر وربي تعبت وانا ادور ومالقيت ابغى وحدة شاطرة تريحني انا وامي فترة النفاس لان اخواتي الله يهديهم مااقدر اعتمد عليهم ابدا ماعندهم مسؤلية كل وحدة همها نفسها وبس مايساعدو ابدا مع انو والله محد ساعدهم غيري فترة نفاسهم لكن مااقول الا الله المستعان..بالله يابنات الله يخليكم اللي تعرفلي وحدة اندنوسية تكون شاطرة ترسلي رقمها عالخاص والله العظيم ادعيلها من كل قلبي لانها بتكون فرجت عني هم كبير مايعلمه الا الله وانا خلاص في اخر التاسع وتعبانة.

[توت برى]

عزيزتى نلى الله يعطيك العافية انا استخدم ابر اسبوعيه +يوتوبار من الرابع الى نهاية الثامن بس الاسبوع الماضى الدكتور مدرى اش فية وقف عنى الابر يقول الجسم ماعاد يستجيب وخلانى استمر على اليوتوبار والباسكوبان وملازمت السريرمع انى لسا بالسابع
دعوااااااااااااااااااااااااااتكم والله انا قرفت بنتى كل شوى تجى تقولى ماما موعد الدوى من كثر ماتشوفنى اشرب في العلاجات

[أم عبووودي]

ياهلا باحلى كروشات الله يهون على الجميع


معنى الغرام
ربي يسلمك حبيبتي الله يطمنك ويريح قلبك
وبالنسبة للأغرض تبع البيبي سنتر بوينت رووووعة تحتاري ايش تاخذي
وعندك الستين في كم محل عالشارع صراحة مادخلتها بس عديت من جنبها باينه حلوة
وروب النفاس اخذته من فلور بـ 144 والطرحة نفس دنتيل الروب بـ89 ..
واختي جابتلي الثاني من الامارات حلووو بس حق فلور احلى واشيك ..



ثلووووجة
ربي يريح قلبك ياشيخة والله كلامك كثير ريح قلبي وربي يكتبلي والجميع الخير يارب


روح انثى
ياهلا وغلا فيك اختي
توكلي على الله وخذي المضاد افضل من انك تتركيه ويكثر عليك التعب
انا بحملي الاول كان عندي صديد شديد واهملته وتعبني وقت الولادة


نلي خانم
هلابك حبيبتي والله انشغلت بفرح اختي ونسيت النت
آآآآآآآآآآآآآآآآىمين يااارب وياااك وربي يسلمك وينولك اللي تتمنيه ويرزق الجميع تمام الخلق ياارب


روز3
انا بصراحة اراجع عند دعاء في الصاعدي والله مرة ارتحتلها
حسيتها شاطرة وتطمنك على كل شي بس ماراح اولد عندها بروح مستشفى


امولة الامورة
ياهلا وغلا فيك اختي نورتي التجمع
حبيبتي انا عملت العمليه في مستشفى الولادة والله جدا ارتحت وماحسيت بتعب وعمليتي نظيفة ومرتبه ..اعتقد اسم الدكتورة (( بروين مليباري)) صحيح المستشفى خايس ومافيه اهتمام بس اهم شي العمليه كويسه ..وان شاء الله راح اولد عندهم هالمرة لانه احتمال عمليه الله يكتبلنا الخير.
وبنت عمي عملتها في مستشفى خاص في جده تبهذت وصحيت في العمليه وبطنها لسى مفتوحة والله لعبوا فيها لعب وجلست فترة تحس بألم ونغز مكان العمليه ..


امل
حبيبتي ريحي قلبك وزوجك وانبسطي وربي ان شاء الله يكتبلك الخير ويرزقك باللي يسعدك


أم يزن
الله يعينك تعب لحد ما تلاقي شغالة شاطرة ونظيفة مسكينه مامتي لها شهور تدور

[نلي خانم]

السلام عليكم ورحمة الله وبركاته
كيفكم يابنات << أقصد ياحريم

روح أنثى
لاتخافي من الصديد أنا معايه من الشهر الثاني وأفطرت نص رمضان عشان شرب المويه لأني مع الوحم كرهت المويه فأجبرني الدكتور أفطر ومع كذا ماراح أخر تحليل سويته قبل شهر ومازال موجود والدكتور قالي عادي الحوامل يجيهم ألتهاب وأنا أخذت مضاد وأشرب مويه بس مافي فايده حتى أمي تقولي أنها كانت تعاني من الألتهاب في حملها مثلي .. والله طلعت نسخة أمي في الحمل في كل شي مثلها سبحان الله

أموله الأموره
ياهلافيك ويارب تولدي طبيعي تفائلي أن شاء الله تولدي طبيعي والله ينجيك من القيصري
أنا أتمنى أولد طبيعي وكل يوم أدعي الله أني أولد طبيعي لأن زوجة أخوي ولدت قيصري وكنت معاها بالمستشفى ويارب رحمتك شوفتها كيف تصرخ من الألم وكل ماأتذكرها أنفجع وأطلب الله الولاده الطبيعيه ... بس هي ماولدت في مكه وأنا كنت معاها

أمــــل
أنا مأقطعكم أن شاء الله بس زوجي أغلب وقته جالس على النت عنده بحوث
وأنا أقول لو نزلت رواتب للعاطلات اللي مثلي أول شي بشتري لاب توب لي وأخلي هالاب لزوجي ياخذ راحته عليه

وروحي شهر عسل وش وراك أنبسطي روحي أندونيسيا أنا كنت بسافر بس سبحان الله حملت وبطلنا والله ألحين نفسي أسافر بعد الولاده بس حسب الظروف لأن زوجي مره مره مشغول الله يوفقه
حاولي تروحي أندونيسيا لأن صاحبتي سافرت لها السنه الماضيه مررررره جنان
الله يسعدك يارب ياأموله ويرزقك من أوسع أبوابه

توت بري
الله يعيننا وياك يارب وأنتبهي والله أنا مره كنت خايفه من الولاده المبكره وماعاد أخرج والله ضاقت نفسي بالبيت بس أتحمل والله يفرحنا بأولادنا يارب
كل شهر ونص أطلع مره وأخليها على أمي بس أخويه الله يسعده كل مايجي مكه يزورني وأفرح لما أشوفه يجيني... الله يعدي هالفتره على خير يارب ولايضيع صبرنا ياااااااااارب

[احب اولادي]

السلام عليكم ورحمة الله وبركاته
ياليت تردون على موضوعي

حركة الجنين تحت مررره ومؤلمه (http://forum.hwaml.com/t47283.html)

[أحلى موني]

كيفكم ياحوامل وحشتوني اشوف في جدد كثير مرحبابكم والله انا صرت ماعاد اقدر ادخل من التعب مره بديت اثقل الله يعينني ويعينكم

[نلي خانم]

بنات زوجي يقولي يبغى يسوي تجمع للرجال اللي زوجاتهم بالأربعين هههههههه شفتوا كيف
يقولي ليش أنتو عندكم تجمع وأحنا لا ...وأقترح تجمع للرجال اللي حريمهم بالأربعين عشان يواسوون بعض هههههههه وش رايكم يحزنون مو صح

موني
يعني ألحين دوبك صرتي ثقيله...
أصلا من يومك وأنتي دوبا هههههههه

[جامعية]

السلام عليكم ورحمة الله وبركااته


باركوولي طلعت حاامل ولي إسبوع من بدا الشك وانا اقرا في ملفكم

رحت لدكتورة ميرفت في الرفيييع مررة طيوبة وحبووبة وشكلي بكمل معها مين يعرفها؟؟؟؟؟

اختي أمل اسمحيلي عن اللقافة
ولكني قرأت قصتك وأثرت فيني
انصحك تروحي اندونيسيا توي راجعه منها قبل شهر روووووووووووعة
خيااااال تنسيك الدنيا ومافيها وتحسي انك فحياة ثانية
والله يكتب لنا ولك اللي فيه الخير

[جامعية]

نسيت بناات انا اذا ولدت هنا فمكة ان شالله افكر اولد فبخش ايش رايكم؟؟؟؟

[Om KHaled]

السلام عليكم
أبشركم حبيباتي بولادتي التي تمت على خيريوم السبت والحمدلله جبت احلى احلى بنوتة الله يحميها ويحفظها ويجعلها من مواليد السعادة

[ثلجه فوشيه]

مبرووووك نور القمر والحمد لله على سسلامتك وسلامه بنوتتك ..
تتربي بعززكم يارب ..

[ثلجه فوشيه]

بنات ابطلبكم طلب انكم تدعو لرحيمه ربي يقومها بالسلامه وتولد ولاده طبيعيه بأذن واحد أحد
أنا بصراحه قلقانه عليها دخلت اخر مره وقالت انو المشيمه بدأت تصير عليها طبقه كلسيه
ولازم تولد وقالو لها ممكن قيصري المهم ..
هيا قالت لي ممكن تروح باشراحيل عند دكتورتي بسمه وأنا نصحتها فيها وقالت خلاص على اساس بكرا بتروح دا الكلام قبل يومين واكيد راحت انا امس اتصلت على المستشفى وسألت عنها بأسمها لقيت وحده كانت راح تدخل تتنوم في نفس الوقت الي انا دقيت فيه بس قالو لسا شويا تدخل ولاده واليوم حاولت ادق بس محد يرد على رقم الغرفه دقيت اكثر من 10 مرات كنت بتطمن عليها المهم ياحلوات دي البنت حبوبه وماتقصر مع أحد ولسانها زي العسل ربي يقومها
بالسلامه اكيد تستاهل منكم عالاقل دعوه في ظهر الغيب ...

[توت برى]

السلام عليكم ورحمة الله وبركاته
الف الف الف مبروك جامعيه الله يتملك على خير ويعطيك الين مايرضيك

[معنى الغرام]

جامعيه..
الف الف مبروك الله يتمملك على خير.
نور القمر..
الحمدلله على سلامتك الله يخليها لك وتتربى بعزكم وعقبالي يارب وكل الكروشات.
رحيمه..
اسأل الله انه يقومها بالسلامه ويفرحها بمولودها يارب ويسهل لها ولادتها وتكون طبيعي.

[أم ضيو وفروس]

السلام عليكم ورحمه الله ...كيفكم ..ثلجه فوشيه ..وكيف البيبي تبعك ..
وتوت بري كيفك الان ..مع الحمل ..

ومعنى الغرام ...اخبارك ..
ونلي خانم ..اخبارك ..

وسوري اذا نسيت احد لاني توي اتعرف عليكم ...

اختي جامعيه ..الله يتمم لك على خير ان شاء الله...انتبهي لنفسك..ماعندي خلفيه عن بخش ..ان شاء الله يجي احد يفيدك..

نور القمر....مبروووووووك النونو والحمد لله على السلامه ....تتربى بعزكم يارب...

ثلجه فوشيه....الله يطمنا على الاخت رحيمه وتتيسر لها ولادتها ....وربي يقومها بالسلامه ...ماقصرتي ..


بنات بسالكم احد ولد في حراء قريب ؟؟
لاني انا ناويه احول لها لدخلت التاسع بس المشكله المستوصف تبعنا رافض انو يعطيني تحويل يقول خلاص معاد نحول لحراء اي قسم ...
انا بصراحه ولادتي باولادي كانت فيه ومرتاحه له ...بس مدري وش النظام اللي طلع لهم فجاه ..
احد عنده خلفيه ؟؟

[نلي خانم]

سلااااااام
دخووول سريع لأني حيل مشغوله طووووووووووط
نور القمر
ألف مبروك البنوته ويارب تشوفيها عروس والحمدلله على سلامتك

جامعيه
ألف مبروك الحمل وربنا يتمم لك على خير

ثلوجه
كلنا قلوبنا على رحيمه وربنا يقومها بالسلامه ويتمم لها فرحتها ويقومها بالسلامه يارب

أم ضيو
أنا بأذن الله بولد بحراء وأن شاء الله أذا ولدت راح أعطيكم أخبار المستشفى .. والله يسهل لنا جميعا

[كروزه]

مساء الخيرات

اخباركم حبايب قلبي

نور القمر

الف مليون مبروك والحمد الله على السلامة

ثلجة فوشية

ياررررررب تقوم رحومه بسلامه وتسهل ولادتها

جامعيه

مبروك الله يتمم حملك على خير

نلي

انا ولدت في حراء والله مره طيبين ويصبروا عليك ومايسون عمليه الى لضروره واهتمام مره
بس في عيب واحد اني قعدت لوحدي 13 ساعه مت تعب اتمنى تدخل امي اوزوجي عشان يهون عليه الوجع ممنوع

والباقين وحده وحده ايش اخر اخباركم

[& أمــــــل &]

هلا حبيبتي
الف مبروك نور القمر تتربى في عزك وتشوفيها عروس
حبيبتي جامعيه*
مو لقافه احنا اخوااااات والمواضيع الي نكتبها ما نقصد احد معين كل كلامنا مشاركه الي عندها رد نافع وحلو تشارك عادي
تدرون مين واحشني* نانا *ما ادري كيف نوصلها

[ثلجه فوشيه]

تسسسلموو بنات على دعوآتكم لرحومه ربي يقومها بالسسسلامه

ام ضيو وفروس

انا بخير ولله الحمد وعموري مجنني وقت نومي يقوم واذا انا مت ينام وزي كذا
ومسكين حبيبي المغص متعبو والغازات بس لازم من التعب دا سبحان الله ماينومني وبرضو أحبو زوجي يقولي لا تبوسيه مدام مانومك ههههه اقولو مقدر احس انو ضعيف مايقدر يسوي شي
كل شي لازم انا اسويلو خخخ < أم مبتدأهـ ولأول مره حالات ياشيخه ههه

نلي ربي يقومك بالسسلامه

معني الغرام الله يتمم لك على خير ..

كروزه انا بخير اخبارك وأخبار حماده ..

أموله أخبارك دحين بعد التعب ؟؟
تدري انو نانا كل يوم معايا على البي بي ههههه وعلى المسن الدبه
مبسسوطه ولا عليها خلاف يارب لك الحمد ..

جامعيه الف الف مبروك ربي يتمم لك على خير

[جامعية]

نور القمر

ألــــــــف مبــــروك تتربى في عزك
الله يحفظهــا ياارب

توت بري
آمين الله يبارك فيك حياتي
ويعطينا جميع مانتمنى

معنى الغرام
الله يبااارك بعمرك
تسلمي حبيبتي


أم ضيو وفروس
مشكوووووووووووورة ع النصيحة
الله يعطيك العافية


نلي خاتم
الله يباارك فيك ويسلمك اختي


كروزة
تسلمي قلبو الله يسعدك ويبارك فحيتك


أمل
أكييييييييييد احنا اخوات
والله انا مررة تفاجأت ماشالله من ترحيبكم فرحتوني الله يفرح قلوبكم
مع اني جديدة فرشhwaml7

ثلجة فوشية
الله يبارك فيك ياااارب
مشكووووووووورة

[كوكب زحل]

كيفكم بس حبيت ادخل اقولكم الدورة جاتني ربي ماكتب حمل الحمدالله على كل حال مع االدورة اتاخرت 10 ايام ربك كريم دعواتكم لي

[توت برى]

كوكب حبيبتى والله لمن يكون الوقت مناسب الله بيعطيك بس لاتستعجلى

[ام رانسي]

مساء الخير
وحشتوني موت وش الاخبار ومبروك على الي ولدو وعقبال البقي
اسفه ما عاد دخالة لاني انشغلة مع ولدي hwaml10 جاه فتق وسويتله عمليه والحمد الله
صار بخير وبعده سويه عقيقة ولدي في استراحة وتجهيزات الحفلة اخذت كل وقتي بس حقكم علي اسفه
وهذي بوسه من ركوني

[معنى الغرام]

كوكب..
حبيبتي والله كل تاخيره فيها خيره لاتستعجلي ياقلبي بتحملي في الوقت اللي ربنا كاتبه لك..

[معنى الغرام]

ام رانسي..
سلامات ولدك مايشوف شر.. الحمدلله على سلامته.

[توت برى]

ام رانسى
سلامة ولدك ياعمرى
ذكرتينى ببنتى سويت لها عمليت فتق وعمرها 7 شهور وتعبت معاها عشان صابتها كحه
بالله انتبهى عليه بالذات بهذا الجو كله فايروسات زكام الله يحميه ياااااااااااااااااااااارب ويخليه لك

[ام ميسومة]

السلام عليكم
اخباركم بنات وحشتني اوي اوي
مبروك للي ولدوا وعقبال الي ينتظروا
انا صار لي قرب الشهر مادخلت النت
وابشركم ولدت وجبت احلى بنوتة بالعالم
وسميتها لارين وكانت ولادتي قيصريه
وعندي سوالف كثيرة احكيها بس مشغوله دحين واخاف النت يفصل

[جامعية]

كوكب زحل

الله يكتب لك اللي فيه الخير
وان شالله تنضمي لنا الشهر الجاي

أم ميسومة
ألف مبرووووووووك
تتربى فعزك يارب
وان شالله تقومي وترجعلك صحتك وعافيتك بسرعة
يا حياتي كيف الولادة هنا فمكة؟؟
والحمدلله ع السلامة

[وفقني يارب]

صياح الخير بنات اخباركم؟؟؟ظ

[أم يزن]

السلام عليكم
كيفكم بنات؟
ادعولي بكرة بروح المستشفى عشان اسوي طلق صناعي واولد باذن الله لاني خلصت التاسع. .والله شايلة هم وماني قادرة انام
هم الولادة والطلق الصناعي من ناحية وهم اني مالقيت شغالة لفترة النفاس من ناحية تانية..الله المستعان يعينني أخدم نفسي وضيوفي وانا نفاس,الحمدلله على كل حال.
بالله ادعولي ترا مرة متضايقة وخايفة.

[أحلى موني]

الله يسهلك ولادتك ويفرح قلبك بطفلك لاتخافي حبيبيتي ان شاء الله ربي ييسرها لك ولايعسرها

[جامعية]

الله يسهل عليك يا ام يزن ويفرج عنك

لا تخافي ربك حيعديها على خير هذي الفترة

وكلله بأجره ان شالله

[نلي خانم]

سلااااااام
صباح الورد ياحلوات
أنا مرررره طفشانه معدتي صحتني اليوم من النوم زي الجمره مره تألمني وأكلت ايس كريم وحاولت انام وطار النوم مررررره مصدعه كل اللي نمتها أربع ساعات

تصدقون يابنات البارح جاني الم أسفل البطن عورني وخفت منه بس بعدين هدي انا شكيت لأني أكلت أناناس والناس يقولوا مو طيب للحامل يجيب طلق بس مررره كنت مشتهيه الأناناس ويمكن الألم منه


كوكب
ياقلبي الله يعطيك الخلفه الصالحه اللي ترضيك راجعي مادام لدوره تتأخر أكيد الهرمون ضارب عندك

أم ميسومه
ألف مبروك ولحمدلله على سلامتك ياقمروالف مبروك البنوته
مررررره طولتي ماعاد دخلتي وكنت أسأل عنك في التجمع بس الحمدلله أهم شي سلامتك

أم رانسي
سلامة ولدك مايشوف شر والله يحفظه من كل مكروه
والله يجعل كل ايامك أفراح يارب

أم يزن
الله يسهل لك الولاده لطبيعيه الميسره يارب..
وأنا مثلك مو محصله شغاله بس أقول كل شي تساهيل من الله انا خايفه من الخياطه بس أتمنى ألاقي شغاله ألين بس تلتئم الخياطه بعدين أخدم نفسي
الله يسهلنا الشغالات يارب

[أم ضيو وفروس]

السلام عليكم ورحمه الله وبركاته

صباح الخير ياحلوات ..كيفكم..


ثلجه فوشيه

الله يعينك ان شاء الله ..النونو في اول شهرين يتعب من الغازات ...سوي له يانسون وحليه بسكر نبات وان شاء الله تهديه ..ربي يحفظو لكي ان شاء الله ..الثلاث الشهور الاولى للطفل تتعب ..وبعدها ان شاء الله يتغير الوضع..

كوكب زحل ...ربي يرزقك الحمل ان شاء الله..

ام رانسي ..سلامت على ولدك...مايشوف شر..

ام مبسومه ...الحمد لله على السلامه ...وتتربى في عزك ان شاء الله..
نلي خانم ...
صباح الخير...
الله يعينك من جد النوم في الشهور الاخير بيقل ...انا مانمت الا ساعتين ..الله يهديهم جيرانا شغلالين تكسير في الجبل عااد شوفي الازعااااج ههههههه ربي يعيننا..
بالنسبه للاناناس حتى انا قريت مرره هالمعلومه ..بس ماعمرتي جربت ...
للمعدتك خذي حليب سعوديه ..وبعدي هافتره من القهوه ..

الله يسهل عليك ان شاء الله ..وربي يرزقك ولاده ميسره باذن الله..


ام يزن ..الله يهون عليك ان شاء الله ...وتولدي ولاده سهله ان شاء الله ...انتي زيي بولدي الثاني احتجت لطلق صناعي ...بس الحمد لله ..لاتنسين الدعاء والاذكار ...لاتشيلي هم ولا تتوتري ..وحاولي تمشي كثيير اليوم ..الله يفرجها عليك ..

اللي تحتاج شغاله انا اتصلت قبل كم شهر على وحده ابغاها بس المشكله مارضيت تجيني عشان بيتي بعيد عنها...هيا تكرونيه ...هذا رقمها 0552685410 اسمها زليخه ..

[نلي خانم]

هلا ام ضيو
تعالي نامي عندي والله الحاره هدوء مافي صوت حتى أهل زوجي ماصحيو العماره مره هدوء <<وحده قاعده تقهرك

وياقلبي والله اني أكتب وأشرب حليب يوووووووه أكره الحليب ماأحبه بس أتغصب عليه والله احيان احس مايفيد ولاشي الحرقان مستمر والله احس المرئ تجرح من الحموضه الله يعيننا يارب
والقهوه اصلا ماعاد اشربها لي فتره نفسي مسدوده عنها رغم أني كنت اموت فيها بس ماادري ليش مو طايقتها هالفتره

[ام رانسي]

مساءالخير
وش الاخبار عساكم بخير
مشكورين على سوالكم عني
والله يسلامكم من كل شر يا رب
hwaml7hwaml03زمان ماعاد دخلة وكتابت ولدي ما خذ كل وقتي الله يهديه
ومبروك يا ام ميسومة
وعقبال نلى خانم وام يزن
بنات رحيمه ولدت صح

[معنى الغرام]

السلام عليكم كيفكم يابنات ؟؟
انا امس الليل جاني الم اسفل بطني وظهري واحس الجنين حركته مره اسفل
وكان الالم يجي كل خمس دقايق ويرح ومره يجي قوي ومره خفيف
بس مره تعبت وماقدرت انام واللحين الحمدلله راح بس انا خايفه
ودي اعرف هذا طبيعي ولا لا انا بكريه وفي بداية الشهر الثامن..

[انشودةمطر]

كيفكم بنات اش اخباركم وحشتوني كثير اللي ما ولدت الله يسهلها ان شالله واللي ما حملت الله يكتبلها حمل معافى سليم يارب
ثلجه اليانسون وحاجه اسمها كراويه حطيها مع بعض نقعي ملعقه زي حقت الحلا صغيره في فنجال مويه وقطعة سكر نبات صغيره مره ويشربه مره في اليوم تريحه وكمان انا ولدي اعطاه الدكتور نقط مره ريحته في الفم اسمها ديفلات ب 6 ريال سريعه مكتوب عليها للانتفاخ والغازات

[جامعية]

صباح الخيرات كروشاااات

مشكووووووورة انشودة مطر

كيفكـــــم؟

ليش نايمين؟؟؟

[معنى الغرام]

هلا جامعيه..
كيفك يالغلا ؟؟
وين الكروشات شكلهم نايمين.

[أحلى موني]

مو ناييميين الا تعبانين

[روح أنثـى]

بنـــات بليــــز ســاعـدونـــي معــاد اقـدر انـام

ابغـى احـدد لي مستشفـى اولـد فيـــه

من الافضـل مستشفـى التونســي او بخـش

واي دكتور او دكتوره

انـا خـوافــه مـرهـ وماابغــى احس بالم قـوي

ابغــى كمام او مخـدر

الله يخليكم الى تقدر تفيدني لاتقصر معي

اي وحدهـ من المستشفيات التونسـي او بخـش

[أم يزن]

روح انثى انا صديقتي دايما تولد في التونسي وتقول مرة كويسين وبخش والله مدري عنهم ان شاءالله البنات يفيدونك وتقومي بالسلامة يارب
وانا يابنات دخيلكم لاتنسوني اللي تعرف شغاله شاطرة تعطيني رقمها والله ادعيلها من كل قلبي لانها بتكون فرجت عني هم مايعلم بيه الا الله.

[ثلجه فوشيه]

بنات كيفكم ان شاء الله بخير ؟؟

وحشتووني

المهم أنا بس دخلت اسلم سريع سريع
أم يزن ..
ولله كان بودي أخدمك ولا ابغى منك غير دعوه في ظهر الغيب
اممم شوفي كانت تجيني تكرونيه شاطره والله بس ماتنام عندي
وكانت نظيفه بصراحه عمرها ماجاتني وحده بنظافتها كانت تطلع
من عندي بيتي يلق من النظافه جاتني شهر رمضان بس المهم
دا رقمها لو تبيها اتفقي معاها اذا حابه تجيبي اي وحده تخدمك يعني مو لازم جاويه
0557626851 اسمها سلمى

[أم يزن]

ثلجة فوشية الله يسعدك ويوفقك ويخليلك كل غالي ان شاءالله..
انا بشوف اكلمها العصر واتفق معاها بس تعرفي انا كنت ابغى جاوية لاني اذا ولدت ماراح الاقي اللي يسويلي فنجال قهوةوانتي عارفة الضيوف وخدمتهم وللاسف عندي اخوات لكن ماكانهم موجودات مايقدمو حتى كاسة الموية لاحد.عشان كدة ابغى جاوية تكون شاطرة وتطبخ عشان الضيوف والله صار مو مهم حتى انها تسويلي انا المهم الضيوف واهل زوجي مااتفشل معاهم وهم ناس دايما ضيافتهم مرتبة وراقيه..اااخ بس الشكوى لله

[جامعية]

معنى الغرام:
هلا فيك يا قلبي
انا تمام الحمدلله
بس مستغربة اشبهم البنات مختفيين؟؟؟؟؟



أحلى موني:

ههههههههههه
الله يبعد عنا وعنكم التعب
والله الحال من بعضه بس احنا لازم ننسى التعب شوي
وندلع حالنا

روح أنثى

والله يا عمري نفسي افيدك لكن ماعمري جربت
اكثر شي سمعت عنه من ناحية الاتقان هو بخش لكن ماجربته شخصياً
جربت التونسي لما بنوتتي تنومت فيه صراحة نظافة وتعاملهم حلو بس فولادة ماادري
ونصيييحة لاتروحي إلا للي مجربينه لاني ولدت فالألماني عشانه جديد وسمعة وفالأخير رحت فيها لادكاترة عدل ولاخياطة ولابنج ولااي شي الله المستعان



أم يزن
الله يسهل عليك وييسرلك شغالة أمينة



ثلجة فوشية
الله يسلمك يارب
فديتك تسألين عنا

[أم فايز]

صباح الخير

كيفكم كروشات وكيف لحمل معاكم وكيف اطفالكم والله ييسر لكل حامل

أم يزن
هذا رقم وحده حبشيه تجيب شغالات اسمها زهره في شغالت تنظيف بس 1300 ومع الطبخ 1400
0556473192

وهذا رقم وحده تجيب اندنوسيات وطبعا هي ممرخه اسمها حليمه
0506004428

والله ييسرلك ولكل حامل ويهون عليكم الطلق ويقومكم بالسلامه

[توت برى]

السلام عليكم ورحمة الله وبركاته
كيفكم كروشات رشييييييييييييييييييييييييييييقات
والله وحشتونى
النت كان مقطوع عندى والله احس انى انقطعت عن العالم

[أم عبووودي]

مساء الورد لآحلى كروشات في مكة
اخباركم حبايبي .. بشروني مافي وحدة عملتها وارتاحت :)
خلاص لمى حسيت الوقت قرب مافيني صبر نفسي اولد بسرعة وخاااااااااااايفة :(
يارب يسرلي والجمييييييييييييع يارب ..

[معنى الغرام]

الله ييسرلي ولكل حامل يارب
والله انا نفس الشيء لمن قرب الوقت
ماني قادره اصبر ودي اولد وارتاح
واشوف ولدي في يدي واصير ام ..

[أحلى موني]

روح انثى والله جارتي ولدت بالتونسي وتمدحها وفي وحده كانت هنا الله يسعدها ويوفقها اسمها نانا ولدت في بخش وبرضو تمدحها يعني اتوكلي على الله واستخيري وشوفي لمين ترتاحي


جامعيه والله معد فيا ادلع حالي ابغى اولد والسلام وبعدين ادلع حالي وحال عيالي هههههههههههه
الله يسعدك ويسهلك ويسهلي يارب


ام يزن انا زيك جالسه بدور شغاله وتعبت مره مو لاقيه والتكارين يجيبو البلا ويرفعو ضغطك ويزودو تعبك ينفعو بس باليوميه يعني تجي تنظف وتقلب وجهها اما تبات مره ماتصلح
لقيت وحده جاويه بس ماتبغى بزوره وبرضو لقيت حبشيه وكمان ماتبغى بزوره عشان عندي بنت مايبغو يشتغلو عندي اذا ماعندك اطفال ارسلك ارقامهم

[ثلجه فوشيه]

كيفكم كروشات < ههههههههه أنا دحين رشيقه وهـ ياحلوو الرشاقه والخفه hwaml7
والله بنات بس تولدو تحسو بخفه غريبه عجيبه ياسسسلام تقدري تنوطي
وتجري وتلعبي خخخخخ < أهم شي عندها ههههه hwaml02 hwaml02
المهم والله وحششتوني بس مع ولدي حايسه وكمان بديت ارتب لسسفري
والله مرررا متخوفه لكن الله ييسر جميع أموري ويحفظ لي ولدي وزوجي دعواتكم ياحلوات

روح أنثى والله انصحك بمستشفى باشراحيل عن تجررررربه
الدكتوره بسمه مافي مافي مافي زيهااااا ابدان ربي يخليها صبرت عليا كثيرررر hwaml72hwaml72

جامعه وتوت بر وموني ومعنى الغرام ام عبودي
كيفكم حبيباتي ان شاء الله كلكم بخير يارب ماكون نسيت أحد
يلا شدو حيلكم خلونا نششوف مين تفقس اول وربي يعطيكم الساعه الميسره السهله
انا كنت زيكم اخر ايامي خلااااااااااص مرا مافي صبرر استغفر الله hwaml15
ويوم جا الجد صرت اقول مابولد مابولد خخخخخ hwaml4
بس خلاص
دقت ساعه الصفر دقت ساعه الولاده ددقت ساعه الجد على قول القذافي ههههههههههههههههه hwaml60hwaml60

[توت برى]

ثلجه بالله انا بسألك عن باشراحيل عشان ابغا اولد فيها بس يعطوا مسكنات او كمام وكيف الخياطه خيوط ولا ليزر وبكم التكلفه لاتتاخرى على بالرد والله مانى لاقيه احد اسأله بس يمدحونها

[ثلجه فوشيه]

هلا توت برري ..

شوفي باشراحيل زي ماقلت لك أنا ولدت فيها ..

أعطوني الكمام بس طبعا مو على طول من يوم مايبدا الطلق لازم تتحملي في البدايه الطلق
لأنو ماينفع يعطوكي هوا على طول عشان لا تدوخي
امممم خياطتهم والله تمام انا عن نفسي مرررا مبسوطه منها والخياطه خيوط مو ليزر
تكلفه الولاده 2400 طبيعي ..
والقيصري اول مره بـ8000
وثاني مرا بـ9500

أنا الحمد لله ولدت طبيعي ..
وكلامي هذا عن الدكتوره بسمه طبعا ماجربت غيرها

[نلي خانم]

السلام عليكم

بنات أبشركم أن أختنا رحيمه ولدت بالسلامه في مستشفى باشراحيل

ألف الحمدلله على سلامتها وسلامة ولدها
والف مبرووووووووك لأختنا رحيمة القلب

[ثلجه فوشيه]

مبروووك لرحومه والحمد لله على سلامتها
نلي كيف تواصلتي معاها طمنينااا عنها ؟؟
متى ولدت ؟
وكيف ان شاء الله ولدت طبيعي ؟؟

[أم عبووودي]

الف الف مبروووووووووك والحمد لله على سلامتها وسلامة البيبي
وعقبالنا ياااااااااااااااااااااارب

[ام ميسومة]

مبروك لرحيمة والحمدلله على سلامتها وعقبال الحوامل ولاعاد تعيدوها

[معنى الغرام]

الف مبرووووووووووووك لاختنا رحيمه
وعقبال كل الكروشات يارب..

[جارة الحرم المكي]

الف مبروووووووووووووك لرحيمة
ياكروشات من فيكم غلطت الدكتورة في جنس الجنين قالتلها ولد وطلع بنت والعكس لاني ماني متاكدة من كلامها مع انها قالتلي في اول اسبوع من الخامس بنت وابي اتاكد بس مو الحينhwaml10

[روز 3]

هلا جارة الحرم المكي حبيت اسألك انتي شفتي في السونار مبين ان البيبي بنت وعندمين تراجعي يالغلا انااراجع عند دعاء في الصاعدي بس ماني حاستهامتمكنه مرررة يمدحو دكتور السونارالي فباشراحيل ممتاز في معرفة نوع الجنين

[فتاه الثلج]

الف مليون ترليون مبررررروك وحمدالله على سلامتك وسلامه النونو ويتربى بعزك يا احلى رحووووومه

[نلي خانم]

هلا ثلجه
أنا عندي تلفون أهل رحيمه وكنت أتصل من الاسبوع الماضي ومافي أحد يرد ومررررره قلقت عليها واليوم الظهر الحمدلله هي كلمتني وقالت لي أنها ولدت أمس قيصري وكانت تعبانه وماقدرت تقولي أمس واليوم أول ماأتصلت فيه خبرتكم عشان تتطمنوا عليها

[ثلجه فوشيه]

ياقلبي عليهااااا ولدت قيصرري :(
يلا الحمممد لله على كل حال مسكينه كانت تتنمنى تولد طبيعي بس أهم شي سلامتها
يعني هيا لسا بالمستشفى صح نلي ؟؟

[توت برى]

السلام عليكم ورحمة الله وبركاته
كيف الكروشات
الف الف الف مبروك للأخت رحومه والله يعطيها الصحه والعافيه ويحفظ لها النونو
ثلجه الله يطمنك انا بأتوكل على الله ثم على كلامك وبروح لهم

[في عيون زوجي]

مراحب للجميع ..
والف مبروك للي ولدو .. وحمد لله على سلامتهم..
وعقبالنا وعقبال الباقين ..
وهلا اختي نلي .. كيف حالك ؟ ان شاء الله بخير ..

[ثلجه فوشيه]

توت برري اتوكلي على الله وروحي عشان تطمني كمان روحي سوي كشف عندها قبل ماتجيك ولاده وشوفي بنفسك والله راح ترتاحي لكلامها وطريقه كشفها وراح تشوفي بنفسك كيف تطمنك وتعطيكي من الكلام الحلو يلا حبيبتي ولا تخافي مرررا لسانها عسسسل
والله في كشك الولاده أنا اصرخ واسبها وهيا تقرأ عليا قرأن وتحط يدها عليا وانا اشيل يدها وأدفها وأصررخ ههههه والله ذكريات رغم انها مؤلمه بس تضحك

[في عيون زوجي]

بنات سؤال ..
الان متى يبدأون الفحص من اسفل لقياس عنق الرحم وتوسعه ..
من التاسع يعني .. والا عند الشعور بالالم .. والا متى يقررون الفحص السفلي هذا ..

السؤال الثاني .. لذوات الخبره ..
هل يعتبر هذا الفحص تحريض على الولاده ..؟؟
وهل هو مؤلم ؟ او ما بعده مؤلم ..؟؟ :(

[نلي خانم]

ثلوج
اكيد أن رحومه بالمستشفى ماسالتها متى بتخرج بس أكيد راح تجلس كمان يوم لأن القيصري عادة ثلاث أو اربعه أيام وتخرج فأكيد انها مازالت منومه بالمستشفى ..

عيون زوجك
هلا والله كيفك وحشتيني فين الغيبه أنا الحمدلله طيبه وبخير
والفحص والله شوي مؤلم لأني جربته قبل لكن نصيحتي تمالكي نفسك ولاتصرخي ترى هو محتمل أنا أفتكر أول مره جربته كان دكتور في مستشفى الولاده وكان بشويش وماعورني وكنت ساكته لكن بعدين كشفت دكتوره بقووووه وصرخت بأقوى شي لأنها كانت مره عفشه
هو حسب الدكتوره اللي تمسكك وأن شاء الله تكون الدكتوره طيبه وماتعورك
وهو يعتبر تحريض لأنهم يوسعون عنق الرحم

[ثلجه فوشيه]

في عيون زوجك ..

عاده يسوو لك التحريض اذا قربتي تخلصي التاسع ولسا رحمك مافتح ولا 1سم
عشان تمشي شويا بعد التحررريض ويبدا الرحم يفتح اكثر وتجيك الآلآم الولاده
أنا سوت لي الدكتوره التوسعه آخر يوم بالتاسع صحيح كأنت مؤلمه لأنها توسعه مو بس كشف
الكشف لوحده مايألم لكن لو تحريض لازم يالمك عشان هيا تدخل يدها وتوسع بس الم يعتبر محتمل انا بالبدايه ماصرخت بس بعدين صرخت والله شويا ..
لما طلعت يدها كان الجونتي مليان دم وأنا اتفجعت بس قالت لي عادي راح يفضل ينزل منك
وبالفعل جلست يومين تنزل مني افرازات قطع مصحوبه بدم ونزلت السداده كانت كذا شي لززج
فيه خيوووظ كلهااا دم خلال اليومين دي جاني الم الطلق وولدت بفضل الله ومن ثم التوسعه كان لها دور كبير الدكتوره ماتجبرك عليها بس ترى افصل من انك تأخذي من العاشر والا قيصري لا سمح الله اتحملي هوا الم حق دقيقه بس من يوم تطلع يدها يروح الألم

[جامعية]

صباح الورد يا احلى امهات

ثلجة فوشية
جسمي اتقشعر
التوسعة والتحرييض الله المستعـــــــان

[وفقني يارب]

كيفكم بنات شخباركم

الف الف الف الف الف الف الف الف الف الف الف الف مبروك رحيمه قلبي

اخيرا ولدت
يله نلي عقبالك استعدي خلو الدور يمشي ههههههههههههههههههههههههه
متى يجي دوري آآآه بس

[في عيون زوجي]

هلا نلي .. عسى دوم بخير..
انا غيبت فتره عشان رجعت للدوام وانشغلت ..
بس الفتره الجايه بحاول اخذ اجازه لانه خلاص :( . .
ويسلمو على المعلومات يا قمر .. كيف تعتبر تحريض وانتي سويتيها وما ولدتي ..؟!؟

ثلجه فوشيه .. مشكوره ما تقصرين .. الله يسعدك ..

انا عشان بكره عندي موعد ... وتجيني مغصات غريبه ..
قوية وغير محتمله يعني لو اكون واقفه لازم انثني من قوتها بس ثواني وتروح ..
كانها عرق يضرب اسفل البطن ..مدري هو ذا الطلق والا لا ؟؟
قلت يمكن بكره تقولي بسوي لك فحص مهبلي .. اش اقولها ..
اخليها .. والا امتنع .. وانا باقي لي اصلا .. يعني مالي في التاسع الا اسبوع ..
تتوقعون ولاده والا ايش ؟؟ ..

[نلي خانم]

وفقني
هلا والله فيك . انا مستعده بس عيون زوجها قبلي لأنها متقدمتني .. وأنا ان شاء الله بعدها وربي يسهلها علينا جميعا
ولاتعدي الأيام تمضي بس أنتي أنسي وكبري المخده ترى في الشهور الأخيره حتى لنوم مو زي الناس تحسي كل عظامك تعورك أنبسطي ألحين ..

عيون زوجك
انا قبل سويت تحريض لأني أجهضت مرتين بعيد الشر عنكم الله لايجعلكم تجربوا الأجهاض ومعاناته .. عشان كذا انا أعرف التحريض وجربت كمان الطلق الصناعي في أجهاضي الأول .. وجربت الطلق الطبيعي في اجهاضي الثاني.. وجربت عمليات التنظيف ..وجربت الربط <<خلاصة تجاربي في الحياه

الحمدلله كل شي جربته
والله بس أدعي أني ماأجرب القيصري بعد هالمعاناه اللي شفتها الله يستر

[في عيون زوجي]

لا الله يتمم لك على خير ..
ويكمل حملك على خير وسلامه يارب .. وطبيعي وسهوله ..
وتفرحي بشوفته وانتي طيبه .. اللهم امين ..

[روح حموده]

السلام عليييكم

كييف الحال؟

شفت ردك وانا اتصفح فى عيون زوجى

حتى انا والله مثلك فينى عرق يشدنى فى اسفل بطنى ماادرى ليه وش يعنى هالعرق
وانا طلبت الدكتوره تكشف بس رفضت لانى خائفه
قلت لا جاء الم الطلق تكشف ام الحين لا
وانا فى نهايه التاسع باقى لى اسبوع واخلصه والله خائفه من الولاده
والله يسهلها لنا ان شاء الله

[توت برى]

السلام عليكم ورحمة الله وبركاته
مشكووووووووووووووووووووووره ثلجه ان شاء الله لم ادخل التاسع اروح وابدأ متابعه عندها عشان تعرف حالتى واتعود عليها انا صح جبانه بس لو تشوفينى كيف من الخوف أخاف اصرخ بس والله حراء طلعوا صوتى على قول امى تقول خلو الى ماتصرخ تصرخ ههههههههههههه تقصدنى
نلى
الله يسهل عليك ياااااااااااااااااااااااااااااااااارب ونفرح فيك وبكل الى دخلو التاسع يارب ومايحوجكم للعاشر

[في عيون زوجي]

السلام عليييكم

كييف الحال؟

شفت ردك وانا اتصفح فى عيون زوجى

حتى انا والله مثلك فينى عرق يشدنى فى اسفل بطنى ماادرى ليه وش يعنى هالعرق
وانا طلبت الدكتوره تكشف بس رفضت لانى خائفه
قلت لا جاء الم الطلق تكشف ام الحين لا
وانا فى نهايه التاسع باقى لى اسبوع واخلصه والله خائفه من الولاده
والله يسهلها لنا ان شاء الله

هلا روح حموده .. وعليكم السلام ..
نفس الحاله الله يستر ..:( .. اش نسوي ؟؟
اهون شي انه يضرب العرق فجاه وبسرعه ويختفي ..
بس خوفي ان هذا هو الطلق ..
سالت قالوا انه تعديلات رحميه .. ياليت والله .. عشان لو طلق صعب والله ..
والكشف هذا مو مشكله مؤلم بس اخاف يحرضني على الولاده .. مابي اولد اللحين ..
لو جت علي .. شكلي بخلله .. من رعبي من الولاده ..:(
الله يهونها .. انا طفشت وتعبت ..جسديا ونفسيا ..hwaml78

[معنى الغرام]

هلا بنات والله انا تعبت من الحمل
بس مره خايفه من الولاده احس اني قربت
الله يسهلها ليه ولكم ياااااااااااااااااااااااااااااااارب

[أحلى موني]

الف مبررررررررررروووووووووووووووووووووووووووووووووووك رحومه وحمدلله على سلامتك ياعمري

ويتربى في عزك يارب

نلي__كيفك ياقمر وحشاني موت وكيف الحمل معاك الحمدلله هانت بس حبيت اسئلك فتحتي الربط والا لسى؟؟؟ والله يعينك ويسهلك

ثلوووووج كيفك وكيف عموووووووري والامومه معاك فتره بس ومعد بنشوفك بتنشغلي اكتر معاه هههههههههههههه زي نانا وكتوته وعبوره وغيرهم بس ولدو وجلسوا فتره وقطعو الله يطمنا عنهم... الله يجعله الولد الصالح المطيع لوالديه يارب

باقي الكروشات اخباركم واخبار الحمل معاكم؟؟ عساكم بخير وعافيه

[توت برى]

هلا احلى مونى
انا عن نفسى البطاريه بتخلص ومانى لاقيتلها شاحن مع انى لسا اول يوم بالثامن
ااااااااااااااااااااااااااااااااااااااااه والله تعبت

[معنى الغرام]

توت بري حبيبتي الله يسهل لك يارب وتمر الايام بسرعه
والله انا في نص الثامن حاسه نفسي بموت من التعب
ونفسيتي مره تعبانه ومره كرهانه بيتي
الحمدلله على كل حال الله ييسرلنا يارب ..

[أم ضيو وفروس]

السلام عليكم ورحمه الله

كيفكم جميعا

اول شي الف مبرووووووووووك للاخت رحيمه الولاده والحمد لله على سلامتها ...سبحان الله انا كنت اراجع عند دكتورتي في الصاعدي وقالت لي عندها عمليه في باشراحيل نفس اليوم ..ماتشوفي شر اختي ...

ياحلوات احد يعرف الاشعه الملونه حقت ايش الدكتوره قالت لي المراجعه الجايه بتسويها لي واكون دخلت في الثامن ان شاء الله ...يعني زي السونار ولا كيف ؟؟

الله يعين اختي معنى الغرام وتوت بري ......انا التعب من الان برضو ..والنفسيه متقلبه من غير العصبيه استغفر الله..


الله يتمم للجمييييع على خير

[ثلجه فوشيه]

كيفكم بنات ان شاء الله بخير ..

انا ولله الحمد وعموري بخير ونسسسلم عليكم :)

في عيون زوجك ..
كنت بقولك الي تحسي فيه دا ابدا ماهو طلق اللي هوا الم العرق أنا كان يجيني ويروح دا لانو البيبي ضاغط على تحت بقووه ,,
المهم الطلق من يوم يجيك راح تعرفيه أنا نت زيك اسأل عنوو كثير هههه
بس يوم جاني على طول عرفت ان هذا الم موعادي لأنو الم يختلف عن الآلآم اللي نحس فيها دايما من ثقل الحمل يعني هوا الم يجي زي الخبط كذا في ظهرك أو بطنك ويستمر دقيقه مثلا يروح ويرجع ثاني بعد فتره وشويا شويا يشششتد عليكي ادعي دايما ان الله يخفف عليكي الم الطلق لأن والله الولاده كلها هيا الطلق لاكان هين خلاص ولادتك سهله بأذن واحد أحد الباقي كلو ماتحسي فيه هوا أهم شي اطلق الله يخفف على كل حامل الموو


مووني ..
وحشتيني يابطه كيفك وشو اخبارك اش مسويه مع الحمل وكيف بنوتتك
انا ولله الحمد بخير بس شوفيني ماقطعت زي البنات الباقيين ماعاد نشوفهم بالمره
مع انو عمر ربي يحفظو متعبني شويا بس الله يهديه

توت بري ,, ومعنى الغرام ,,
لا تقعدو تحسبو أذا انتو من الثامن كذا سيتو اجل اش راح تعملو في التاسع ؟؟
ترى الثامن مرا هين جنب التاسع مابخوفكم بس عشان تعرفو ان وراكم اكثر من كذا ولا تقعدو تفكرو التفكير مايجيب غير الهم والنكد استغفر الله ..
خلوها على الله وتمشي استحملتو 7 شهور كامله راح الكثير ومابقي غير القليل
بعدين بنات نصيحه لوجه الله اذا دخلتو التاسع لا تتكاسلو وتقولو ثقلتو وماتشتغلو وبس
نايمين والله ماساعدني في ولادتي بعد الله تعالى غير المشي والشغل في البيت كنت ارفع بيتي
الين حيلي ينهد وظهرري كنت احسو بيطق خلاص من التعب بس اجلس عالسرير كانت عيوني تدمع من التعب بس اتحمل ولله الحمد تعبي ماراح بلاش ..
والله الدكتوره كانت تقولي كنسي الأرض بالمكنسه الصغيره تخيلي كيف كان شكلي ؟؟
بس ربك هونها والحمد لله عدت على خير ..

بنات دااااااايما قولو ( اللهم أني اسألك هون الطلق وحسن الخلق )
أنا محد قلي ان كذا الطلق وتفاجأت تمنيت اعرف ايش هوا عشان ما انفجع الفجعه الي اتفجعتها
عشان كذا اقولكم الولاده كلهافي الم الطلق ...

[توت برى]

ياحياتى ياثلجه
كلامك زي البلسم
دعواتك لنا حبيبتى والله انا عن نفسى اهلك عمرى الين اخر لحظه ودايم حظى عكس مايكون عندى شغاله وابو الشباب مايحب تمشية الحال يحب كل شى زى ماعودته على اصوله في المطبخ اطبخ في التاسع وانا على الكرسى ابو الكفرات عشان كان رمضان والسفره لازم تكون مليانه ويالله ربك سهل وهذا الحمل برضوا اشتغل مع البنوتات وحده في المدرسه والتانيه في البيت عندى والله امشى واحس ظهرى بطق مع كل مشيه
الله المسسسسسسسسسسسسسسسسسسسسسسسسسسسسسسسسسسسستعان

[توت برى]

ياجماعه اش اخبار انشودة المطر عساها بخير من زمان مااشوفها بالتجمع

[كارولين]

صباح الخير

[ايمان العليمي]

السلام عليكم


في حدي هني ؟؟؟؟

[في عيون زوجي]

صباح الخير لعيون الكل بدون استثناء ..

ياسلام عليك يا ثلجه .. اسم على مسمى ..
بردتي قلبي .. الله يسهل كل الم على كل حامل ..
وكمان الله يوفقك .. يعني ولدتي وتفيدينا بخبرتك .. كل مره ولكل البنات ..
روحي يا قمر ..الله يجزاك خير ويكتب لك الطيب في كل مكان ..
:)
ولباقي البنات .. كيف الاحوال ..؟؟ للحاضرين ..
احلى موني - توت بري - ام ضيو فروس - معنى الغرام - كارولين - ايمان ..
صباحكم هناء .. ويوم خميس حافل بالسعاده والرضا ..
صبحكم الله بالخير ..:)

وسلام لنلي خانم خاص :)

[أم عبووودي]

مراااااااااحب بالكروشات
صباحك سكر في عيون زوجي
اخباركم يا حلوين بشرواا نبغى وحدة تولد يمكن الطريق يمشي مليييييييييييت :(

امس رحت العزيزية حديقة مفتوحة اول مرة اروحها قدام مكتبة المكتبة مشيت فيها لحد ما طلعت عيوني ههههههههه ورحت على مهجة مشي لفيت شوي ورجعت على الحديقة جلست شوي ورجعت امشي خلاص نويت اطلعة بالقوة ههههههههه رجعت البيت بموت من التعب اخذت دوش دافي وتعشيت ونمت صحيت اليوم تعباااانه وجسمي منفخ خفت طلعت لأمي اقلها تعبانه يمكن ضغطي مرتفع :( حسست جسمي قالت مافيك شي ان شاء الله يمكن عشان دوبك صحيتي وفعلا شوي واحس النفخة خفت بس ان شاء الله الساعة 10 بروح للدكتورة دعاء في الصاعدي اشيك على كل شي دعواااااااااااااااتكم ..
يارب يسرلنا جميع وارزقنا تمام الخلق .. اللهم اني اسالك هون الطلق وحسن الخلق ..

[توت برى]

السلام عليكم ورحمة الله وبركاته
ياااااااااااااااااااااااااااااااااااااااارب سهل على الجميع

[معنى الغرام]

سلام بنات انا تمام انتو كيفكم يالغالين ؟؟
ثلجه
الله يسعد قلبك والله كلامك زي العسل
والله انا اكثر شيء متعبني ياقلبي الوحده انا وحيده
هنا اهلي كلهم في الطائف واخوات زوجي متزوجين
في جده وفي الطائف مافي الا وحده هنا ومشغوله في عيالها
ومافي الا انا وعمتي وعمتي كبيره ودي وحده في عمري
افضفض لها واسولف معاها نفسيتي تعبت من الوحده
بس ان شاء الله من اول يوم في التاسع بروح عند امي
وبولد عندها ان شاء الله يارب ومن ناحيت الشغل
ياقلبي انا مافي عندي بزوره وبيتي ماينعدم مافي الا
انا وزوجي يعني حتى ماالقى شغل يسليني ..

[نلي خانم]

سلاااام ياحلوين
مساء الخير
كيف حالكم أن شاء الله تكونو بخير يارب

بنات أنا أمس رحت شارع الستين ورحت لمحل الشميري جنب الغامدي ترى المحل صغير هو حق اللانجري بس أنا لما دخلته لقيت عنده أرواب أستقبال للنفاس مررره حلوه ب150 وثلاثه قطع القميص الداخلي والروب والطرحه ومطرزه يابنات مره حلوه فيه عنده دانتيلات وفيه عنده التل وفيه كمان العادي وعنده كمان بقطعتين وألوانها حلوه الأبيض والسكري والوردي والأزرق الفاتح
لايفوتكم المحل يابنات اللي تبغى تشتري أرواب تاخذ منه ومثل ماقلت لكم ترى الأرواب مطرزه وفخمه ومره حلوه روحوا والله ماتندمو والله أنا أخذت من أول ثنين وألحين أخذت من عندهم واحد ولو شفت لمحل من قبل كان أخذت كل الأرواب من عنده لأنه بجد يستاهل
أنا قلت لازم أقول لكم عشان أنتم حبايبي وأبغاكم مبسوطين مثلي

موني
هلا ياقمر حتى أنتي وحشتيني ماأنحرم منك
أنا الحمدلله فكيت الربط هذا الأسبوع والله لايوريكم اللي شفته والله مره تعورت وتألمت بقوه بس الحمدلله لحظه وعدت أستغفر الله كأنه قطعني بسكين مره عورني لما جاء يفكه الدكتور
قالي الدكتور أنه عورني لأن عندي ألتهاب والحريم قبل أسألهم يقولون مايعور فك الربط بس والله كذب والله مره عورني
الله لايجعلكم تجربوه وربي عذاااب

عيون زوجك
ترى أنتفخت من السلام الخاص هههههه ربي يسعد قلبك ماأنحرم منك ياعسل

[ثلجه فوشيه]

مسسساكم سكر ياحلووين ..
امممم أنا مصدددددعه مرررررآ :(
خرجت اليوم شويتين اقضي عشان سفرررتي قربت خلاص بنات دعوآتكم مررررا متخوفه
والله لا يوريكم عموري فضحني في السوق هههههه بس يبكي كان جيعان حبيبي
وكنت مسويتلو رضعه وحاطتها في الشنطه عارفه انو راح يقوم ويبكي المهم أن ولدي
تخيلو تخيلو تخليو مايبغى يرضع صناعي ههههه ويبغاني كل شويا مطلعه صدري وارضعو :(
مررا صرت اكره الخروج عشان دي الحركه اش اسوي طيب ؟
كيف بالسوق وارضع مو راضي تعبني ربي يهديه ليا يااااارب ..
وخرجت من السوق زي مارحت خخخخ
وبس رجعت البيت قعد يضحك ويلعب ههههه كأنو يقهرني :)

توت بري .. معنى الغرام .. في عيون زوجك
الله يسهل عليكم يااارب والله دا اقل شي اسويه اني انصحكم اعرف الشي الي تمرو فيه
كنت محتاجه اقل معلمه بس عشان قلبي يتطمن لكن سهاله بأذن واحد أحد
كلها ايام وتجو تحكونا وتنصحو البنات الثانين ههههه

المهم ماقلتلو لي دحين انتو في الشهور ماهو باين مو مسوين شريط حمل ؟؟
اعتقد في عيون زوجك انتي في التاسع على ما أظن
ومعنى الغرام وتوت بري ؟؟
مين أول يلا قولولي وفين ناويين تولدو ؟
واش عندكم بنات والا اولاد قولولنا خلونا نتعرف اكثر على بعض :)

أم عبودي الله يسهلك حبيبتي
وتعالي طمنيا قوليلنا اش قالت لك الدكتوره ..

نلي الله يعينك
اتعودي على الألم شويا شويا تعرفي أنا لما سوت لي الدكتوره التحريض
كنت افتكر البنات الي يقولو مايعور واللي يقولو يعور بس كنت أحط في بالي اني راح أواجه الم اقوى من كذا في الولاده وهذا اللي خلاني اصبر ..
بعد ماخرجت من الولاده اقول خيهم يسوولي ميه مره تحريض بس مابولد ثاني هههههه
ربي يسهل لكم جميعا

[توت برى]

مساكم خير وبركات
ثلجه
انا عندى بنتين وحده سنه اولى ابتدائي والثانيه بالبيت وهذاثانى يوم ليه في الثامن

[أم عبووودي]

السلام عليكم كيفكم حبايبي
دوبي جاية من المستوصف والحمد لله الحمد لله الدكتورة طمنتني الدم تمام
ومافي زلال والضغط طبيعي.
والبوبو زاد وزنه فديت قلبه ماشاء الله صار 2 كيلوا 800 قرام ربي يزيد ويبارك يااااااااااااااارب..اليوم رجعت مبسووووطه الحمد لله.
صحيح قالت كمان لازم اروح المستشفى اللي راح اولد فيها عشان اعمل تخطيط والاشياء اللازمه مو عارفة ايش المهم عشان يطمنوا على وضع البيبي ويشوفوا اذا راح يسوا العملية دحين او نستنى لحد مايجيني الطلق .يارب يسرلي والجمييييييييييييع ..دعوااتكم .. كتبت قصة حياتي ههههههههههههههه

اللهم لك الحمد حتى ترضى ولك الحمد اذا رضيت ولك الحمد بعد الرضى لك الحمد كللذي نقول وخير مما نقول

[توت برى]

الله يعطيك العافيه ام عبوووودي
الله يكتبلك الخير ثم يرضيك فيه ويسهل علينا وعليك يااااااااااااااااااااارب

[توت برى]

ام عبودددددددى فين ناوية تولدى ان شاء الله

[أم ضيو وفروس]

صباح الخير على الناس السهرانه ..

كيفكم اخباركم..ان شاء الله تمام ..

الله يسهل لكم يلي دخلتم التاسع ...


ثلجه فوشيه...ربي يحفظ لك عمور ان شاء الله...افضل شي لماتروحي السوق لو تحطي عند احد من اهلك ...مره صعبه تتقضي مع البيبي ..

نلي خانم ...مشكوره حبيبيتي على المعلومات ...دايم امر من جنبه بس على بالي بس يبيع لانجري ...ان شاء الله اروحله لما اجهز ..

وربي يسهل ولادتك ..

في عيون زوجها ....الله يسهل عليك يارب ,,,وتقومي بالسلامه..

ام عبووودي ..ربي يهون عليك ان شاء الله ..وتولدي بالسلامه ...بس ليه انتي مقررين عليك عمليه ؟؟.....ربي يهونها عليك ..

وتوت بري ...كيفك اخبارك مع الحمل ...


انا عندي ولدين ...واحد ثاني ابتدائي ...والثاني عمره سنتين ..
وتقريبا باقي لي اسبوع واخلص السابع ان شاء الله..

بالنسبه للولاده ناويه على حراء بس الى الان اراجع في الصاعدي ..


بسالكم في احد سوا اشعه ملونه ؟؟؟لان الدكتوره بتسويها ليا المرجعه الجايه ...هيا زي السونار ولا تختلف ؟؟؟

[معنى الغرام]

هلا بنات كيفكم ؟؟
انا تمام الحمدلله .
ثلجه ياقلبي انا حامل بكريه عندي ولد وفي نص الثامن
بولد في الطائف ان شاء الله في مستشفى الامين ..

[نلي خانم]

بنات انا خايفه من المظاهرات
أخو زوجي خلاص مرابطين ومستعدين
وأنا مفجوعه
أعوذ بالله من هالشيعه الله يمحيهم من الأرض بس فالحين في المشاكل

الله يديم علينا نعمة الأمن والأمان ويبعد كل خاين عن وطنا يارب

يابنات شوفو قناة العالم تنقل الأحداث
يحزنوا العسكر يابنات الله يقويهم ويحميهم ياااااااااارب ولايحرق قلوب أهاليهم فيهم

والله أني أحمد الله لأن أخوي كان بالشرقيه وقبل كم شهر جابوهم هنا وبيرجعوا بعد رمضان للشرقيه قلت الحمدلله أنه مو بالشرقيه بهالوقت بجد خفت عليه

الله يحمي بلدنا ياااااااااااارب

[أم ضيو وفروس]

لاحول ولاقوه الابالله

حسبي الله عليهم هالرفضه

توي قريت في منتدى ثاني وحده تقول اخوها توه راح طلبوه العمل في مظاهره ب صفوه مدري باي منطقه بس اظن الشرقيه ..

انا امس زوجي كان مرابط واليوم وصل ..وقال احتمال العمل يطلبوه باي لحظه ...حسبي الله عليهم ..الله يجعل كيدهم في نحورهم ..


الله يحمي وطنا ..

الاحداث مباشره الان و كيف ؟؟

[أم عبووودي]

توت بري
الله يسلمك ويهون علينا جميع .. احتمال كبير اولد في الولادة صحيح خايسة بس عمليتي الاولى ماعليها كلام وما تعبت فيها الحمد لله.. وفكرت اشوف حراء ان شاء الله السبت بشوف ربي يقدم اللي فيه الخير..


أم ضيوا وفروس
ربي يسلمك يالغالية ويسهل علينا ..انا عملية لاني حملت قبل السنتين بعمليتي الاولى عشان كذا قالت روحي شوفي الوضع .. ربك كريم ان شاء الله تتيسر واولد طبيعي


نلي خانم
الله يحمي شبابنا ويحمي بلادنا يااارب يهلك الشيعة يدورون على الفساد
ربي يرد كيدهم في نحرهم ياااارب .. اللهم اجعل هذا البلد امنا مطمئنا وسائر بلاد المسلمين

[أم عبووودي]

تصبحواااا على خير حبايبي
احلام سعييييييييييييييييييييييييييييدة

[نلي خانم]

يابنات قناة العالم في برنامج تحت الضوء جايبين واحد جالس يدعي ويحرض الناس شكله شيعي

حسبنا الله ونعم الوكيل
الله يرد كيدهم في نحورهم ويحمي البلد

أم ضيو
صفوى بالشرقيه وكلها شيعه وكمان سيهات والقطيف كلهم شيعه أخوي لما كان بالشرقيه يقولي هالمناطق كلهم شيعه ومايقربو منهم الله يحرقهم هالشيعه

[ام جياد]

بنات الله يخليكم ادعوا لاختي لورررررررا يجيها طلق من ربنا وتخرج الي بطنها ويعوضها عن الي فقدتو خير ياااااااااااارب
عارفه داخله عندكم وانتو ماتعرفوني ولاعمري دخلت بس والله من حبي ليها ابغى الكل يدعي لها

[أحلى موني]

كيفكم ياحلوين والله يحمي وطننا من هذولي الشيعه مدري من وين طالعين بس ابغى اسئلكم رااح ينقلوه والا لا ووين؟؟

توت بري ومعنى الغرام شكلنا بنتنافس كلنا عالولاده لاننا زي بعض دخلنا الثامن مع بعض

الله يهون علينا جميعا

[أحلى موني]

الله يسهل للورا الولاده ويعوضها خير يارب

[معنى الغرام]

أحلى موني..
ياقلبي انتي كم لك يوم في الثامن؟؟
انا اليوم ليه 16يوم يعني نص الثامن

[ام غيداء ..]

سلام عليكم يا بنات hwaml72 اوو قصدي يا حريم كيفكم
انا عضوه جديده في المنتدى hwaml7 وانا برضو كروشه زيكم
وانا الان في الشهر السابع الله يهون علينا ودي اسلكم عن الدكتوره عبير في بخش في احد يرجع عندها عني انا شفتها زي العسل في احد يرجع عندهاhwaml10

[أحلى موني]

اهلين معنى الغرام لسى توي في الثامن يمكن يومين او 3 ايام بس مافي فرق كبير

الله يسهلنا يارب

[توت برى]

سلام على كل الحلوات الرشيقات الخفيفات الى كل يوم ينطنطوا
هههههههههههههههههههههههههههههههههههههههههههههههههه ههههههه

[توت برى]

ام عبوووودى
سلفتى قبل ثلاث شهور ولدة في حراء بعمليه ماشاء الله تبارك الله مرتاحه عندهم الله يوفقها وانا اقولك استخيرى الله كل ما سمحت لك الفرصه ماخاب من استخار الله

[أحلى موني]

هههههههههههههههههههههههههههههههههههه

بالقوه ماخذين راحتنا في كل شي قولي ماشاء الله بس

اااااااااااه بس متى الفرج؟؟؟

[توت برى]

أحلى موني والله انى ادعى قايمه قاعده ان الله يسهلى ولادتى ويفرج لكل كربانه ويجعلنى اولد اول ماأدخل التاسع جسمى يقشعر لمن اقرا البنات وحده تقول عد عليها 10 بعد التاسع والثانيه مدرى كم احس انى بموت لو يحصلى كذا
الله المسسسسسسسسسسسسسسسسسسسسسسسسسسستعان

[ثلجه فوشيه]

لا اللي حامل مرتاحه ولا الي ولدت مرتاحه الله المستعان بس :(

[توت برى]

هلا ثلجه كيفك وكيف عمورى شكله حاب يسهر شويه

[ثلجه فوشيه]

هلا توت معليش امس طلعت من التعب مو عارفه اش أسوي
ودي أنام بس مو قادره وكل يوم على دا الحال ..
الله يرحم ايام الحمل على التعب اللي فيها بس خلصنا النوم ههه
عموري يسلم عليكي تجي تسهري الليله معاه ؟ هههه

[أحلى موني]

ايه والله مالنا غير الدعاء في وضعنا هذا خلاص انا بديت اشيل هم واخاااااااف الله يسهلنا جميعا

اليوم رحت راجعت وشفت ولدي والحمدلله اطمنت عليه بس اكلت تهزئ من الدكتور محترم على كيف كيفكم ههههههههههههههههه

عشاني اشرب بيبيسي وماني منتظمه عالدواء وما اشرب حليب ولا اكل فواكه وخضروات باستمرار واجلس في غرفه مع مدخنين ومعسلات وشيش وحاله

لاني قلتله تجيني كتمه مو طبيعيه مره مقدر اتنفس فجئه كدا وبس ادوخ احس اني بطيح والام اسفل بطني زي نغزات تجيني دايما وغير الحرقان اللي ذابحني

يعني ماسبت شي هههههههههههههههههههههههههه

[معنى الغرام]

هلا بنات مكه كيفكم ؟؟
او كروشات مكه كيفكم؟؟hwaml02

[أم عبووودي]

سلام ياحلوين اخباركم ؟؟
اليوم الصبح رحت مستشفى الولادة وياليتني ما رحت والله نفسيتي تعبت اللي مطلعينها وهي تون
واللي تدور وتتألم ووحدة شكلها تعبانه ما ادري ايش فيها مطلعينها بالسرير وامها تصيح
جابولي الرعب قلبي تعب وحسيت بخووووووووووف وياليتني استفدت من روحتي وشكلي راح ابطل اولد عندهم :( لحد يخاف ويدعي علي ههههههههههههههههه
الله يهون علينا ياااااااااااااااااااااااااااااارب

توت بري

والله مدري كم وحدة خوفتني من حراء بصراحة من كثر ما ثلجة تمدح في باشراحيل حطيتها في بالي والله يسهل ويكتبلي اللي فيه الخير والجميع يارب ..

ثلووجة

ربي يخليلك عموري وتشوفيه عريس.


احلى موني

كمان رايحة تقوليلها اكيد راح تخاصمك ههههههههه
انتبهي ياقلبي ترى اللي تجلس عند المدخن تضرر اكثر منه
والبيبسي اكيد عارفة يجيب للكبار هشاشة عضام فما بالك طفل يتكون حاولي تقطعيه فترة عشان اللي في بطنك ياعسل وربي يحفظلك جنينك ويفرحك بشوفته

معنى الغرام

ياهلا حبيبتي اخبارك ياعسل ؟

[عاشقه بوشي]

سلام كروشات
يابنات منزله موضوع ابغى افادتكم ابغى دكتوره اكمل عندها متابعه واولد عندها

كنت اراجع عند دكتوره وسافرت ورحت عند امل بالعيساوي مره زحمه
انصحوني الرفيع عند ايمان او عند بسمه بشرحيل

[معنى الغرام]

أم عبووودي..
هلا ياقلبي انا تمام الحمدلله انتي كيفك وكيف البيبي ؟؟
ياقلبي كثير يقولوا انه الولاده مو تمام و انتي استخيري
الله يفرحك بشوفت جنينك وتقومي بالسلامه.

[معنى الغرام]

عاشقه بوشي..
ياقلبي كثير يمدحون بسمه باشراحيل
انا ماجربتها بس كثير يمدحونها
الله يسهل لك وتفرحي بجنينك يارب.

[اجمل ما خلق ربي]

دعواتكم لي


نفسي اولد قبل ما يكمل شهري التاسع

[ام الاحلام]

مرحبا يا امهات ممكن تدلوني على احسن دكتورة لمتابعة الحمل ومين جربت دكتورة جنة في مستشفى السلام افكر اتابع عندها اللي مجربتها منكم اش رايكم فيها
ودمتم سااااااالمين

[أم عبووودي]

معنى الغرام
اللهم آآآآآآآآآآآآآمين
الحمد لله حبيبتي انا بخير والبيبي ان شاء الله تمام التمام
انا صراحة كنت ما احب الولادة وفي ولادتي الاولى زوجي وداني غصب وانا اصيح من الالم ومن روحة الولادة بس بصراحة من بعد ما شفت عمليتي كيف كانت ميسرة وما تعبت فيها ومرتبة مافيها تشويه ارتحت لهم مع انه مافي اهتمام ولا نظافة في المستشفى وتقرفي من كل شي بس اعتقد بما انها خاصة بالولادة عندهم دكاترة كويسين .. المهم ادعولي استقر على مستشفى تمام وما اولد عملية :(


بالنسبة لدكتورة انا اراجع عند دعاء في الصاعدي اخلاق وحبوبه وحسيتها فاهمه ..

[معنى الغرام]

أم عبووودي..
حبيبتي الله يسهل لك وتولدي طبيعي ياااااااارب
وتقومي بالسلامه وتفرحي بطفلك يارب..

[معنى الغرام]

اجمل ما خلق ربي..
حبيبتي ان شاء الله تولدي قبل ماتكملي التاسع
بس ياقلبي اذا اتاخرتي وولدتي في نهاية التاسع
ممكن يكون خيره لك فلا تتضايقي اهم شيء
تقومي بالسلامه وتفرحي بطفلك.

[توت برى]

السلام عليكم ورحمة الله وبركاته
كيفكم عسولاااااااااااااااااااااااات
كيفك ام عبودي
كيفك معنى الغرام
اجمل ماخلق ربى
الله يكتبلك كل خير ويرضيك فيه
امشى حبيبتى واشربى كأس حليب بالقرفه وادعى الله التسهيل

[نلي خانم]

سلام ياحلوين

كيف حالكم

أنا بخير ولله الحمد

بنات أنا أحس بألم برجولي في نفس القدم ماأقدر أمشي كعب رجلي مره يألمني وأصابيع رجولي كمان تألمني حطيت فازلين ولبست شراريب بس أحس بألم ... هذا شي طبيعي في التاسع؟
مامداني أفرح بالمشي ألا ألم القدم بدأ معايه والله كنت فرحانه بالتاسع بس عشان أمشي

موني
سيم سيم أنا وأنتي بيبسي وقلة أهتمام
بس أنا ماعندي أحد يدخن لكني دايم أبخر بيتي أنا أحب البخور بجنون وزوجي بس يخاصم يقول البيت كله دخان كأني مشعوذه خخخخ
خليني أشبع من البخور قبل ولادتي عارفه بعد الولاه غصب عني ماراح أبخر عشان النونو الله يجيبه يارب بالسلامه
ومثلك أحس بكتمه أحيان أختنق ... والحرقان الله يكون بعوننا أنا ألحين أستخدم حبوب وشراب عشان يهدئ بس خلاص تعودت عليه

أم عبودي
الله ييسر لك ياقلبي الولاده الطبيعيه .. وأنتي أطلبي الله يسخر لك الدكتوره الطيبه ..ترى الولاده تيسير من الله
أنا عندي وحده من صاحباتي ولدت ولادتها الأولى في الأهلي في العزيزيه ومره أهملوها وأعوذ بالله نقص الأكسجين عن البيبي وصار عنده ضمور في المخ
أما ولادتها الثانيه راحت عند الولاده وولدها الثاني طيب وبخير .. وألحين تقولي ماعاد راح تولد ألا في الولاده
أما وحده ثانيه سوت عند الولاده قيصري والله لايوريك عمليتها فاشله خيطوا طبقات البطن في بعض مع الرحم العمليه مره عفنه وألحين عادتها تعدل فيها

فالمسأله كلها تعتمد على الدكتوره نفسها اللي تمسكك أنتي أطلبي الله ويارب يسخر لك أحسن دكتوره ياااااااااارب وتولدي طبيعي بأذن الله

[انشودةمطر]

هاااااااي كروشات وحشتوني نفر نفر والله حايسه مع البيبي واخوه ورحت لاهلي كم يوم وانشغلت
كيفكم بنات ان شالله تمام
نيلي صح اذا جاء البيبي لاتكثري حتى العطر عليه انا بالاول اهتميت واشتريت عطور على انها خيفه بس والله تعبته وسببتله كتمه وكان ياخذ اكسجين
تخيلي لما اروح لاحد طبعا من المقربين اول شي اقو لاتبخرون ههههههههههههه

[نلي خانم]

أهلين أنشوده
حتى أنتي وحشتينا بعدين وش شايفتنا هنود عشان تقولي نفر نفر ترانا بنات قبايل <<ترى عصبت

أنا مافكرت أشتري عطور ألحين عارفه ماراح أستمتع فيها ومأجلتها لبعدين كفايه اللي عندي رغم أني أمووووت بالعطور وأهل زوجي دايم يقولوا لما يجوني ريحة العطور والبخور من الدرج تبان
أخرتها ألحين جاتني شغالة أم زوجي تقولي ريحة بيتك من أسفل وجالسه تشمشم خخخخخخخخ
ياربي والله مدري كيف بصبر عنها بس كل شي عشان النونو الحلو يهون

[& أمــــــل &]

اهلين حبيباتي
وحشتوني نفر نفر* الصراحه عجبتني الكلمه* hwaml82hwaml82hwaml82
انتبهو حبايبي من العطور على صدور عيالكم توهم صغارhwaml42hwaml42hwaml42 وريحتهم احسن شي من دون العطر خلقت ربي واذا لابد من العطر عطري اللبس وخليه في الدولاب واذا جيتي تلبسيه اللبسه يكون فيها عطر ومو قوي انا في ملابس عبودي غسلتها اول ماشريتها وبعدين كويتها وبخرتها وعطرتها وطبقتها لما جيت اخذ للمستشفى ملابس مره ريحتها حلوه وخفيفه ولما خبيت اللحين ملابسه بعد اللي صار والله انها لسى بالريحه حطيتها في شنطه كل شي للنونو الثاني
ما ولدت رحيمه او ماسمعتو عنها شي

[أحلى موني]

كيفكم يابنات عقبالي يانلي حتى انا انتظر التاسع علشان امشي وامشي بنتي عاااااد بتتسلى كل يوم خروج من قدها الله يسهلنا جميعا

[روح حموده]

السلام عليكم

كيييفكم

دعواتكم لى بتسهيل ولادتى وانى اولد طبيعى
والله انى خايفه من الولادهـ لانها قربت باقى لى يوم بالتاسع واخلصه وخايفه اخذ من العاشر
احس بألم بس مادرى شنو هو احس الم بظهرى كأنه يتموج الالم خفيف وشوى يشد ويروح اشوى لبطنى اليوم طول معى بس خفيف يعنى مادرى يعنى هذا بدايه الطلق ولالا ولا قلت يعورنى امى خافت تقول الله يستر عاد امى خوافه يعنى الله يستر منها يوم ولادتى لا يصير فيها شئ
وبكره عندى مراجعه لدكتور بس خائفه اقوله يكشف على
دعواااتكم لى الله يخليكم
والله يسهل عليكم الولادهـ ان شاء الله

[انشودةمطر]

ههههههههههههه نيلي بهزر معاكم
امول وحشتينا
بنات ودي ادخل نادي سالت عن بعلوي تونسي قالو قفل الحمدلله امتنت كثير بس ودي شد للجسم وتغيير شوي مليت من الرتين والقعده

[انشودةمطر]

اقصد مامتت الحمدلله احس مع شرب القشر جسمي وبطني تمام وانصحكم بعد الولاده شربه ممتاز والله يا بنات حتى للرحم تنظيفه وتضييقه

[توت برى]

هلا والله انشوده
وينك والله وحشتينى والحمد لله ان طيبه
وكيفك امل عساك بخير
نلى ياعسل والله وحشتينى
الله يسهل امرك
انشوده الله يسعدك اكتبيلى طريقة عمل القشر ماعمرى سويتها ولا أعرفها بس عزمت على انى استخدمها ان شاء الله هذى المره بس موعارفه الطريقه
احلى موني ان شاء الله ربى يبلغنا ويسهل علينا

[توت برى]

ام ضيو

وينك ياقمر وحشتينا ترى القمر كل يوم يطلع

[& أمــــــل &]

هلا وغلا للكل
حبيبتي انشودة تقصدين ميديكال التابع للمستشفى علوي تونسي انا كنت مشتركه قبل شهرين يمكن ليش ايش صار بس انا عندي رقمهم بسال واعطيك خبر لاني ابغى اشترك مر ثانيه مشكله لوتقفل

[توت برى]

سلام عليكم
امل وانشوده
جمعية ام القرى فيها نادى صاحبتى مسجله فيه وتمدحوا ماشاء الله عليها شافتها امى بعد شهرين من تسجيلها والله تقول باقي نصها الله يعطيها العافيه

[انشودةمطر]

امول يالله خلينا نسجل بمكان ونتقابل ودي والله اغير من الروتين
توت ابشري ياقلبي
الطريقه خذي فنجال شاهي قشر حاولي تدوري الخولاني اسمه كذا قشر خولاني اذا نوع ثاني عادي مع ثلاث كاسات مويه وعليها ملعقه صغيره شمر ونص ملعقه كمون وقطعي زنجبيل اخضر قد ماتبغين انا احط قطعه قد الثلج اذا عندك قشر رمان روعه مطحو حطي ملعقه وقرفه مطحونه ملعقه وخليها تغلي ربع ساعه اذا تبغي حليه انا ما احليه عشان استفيد منه والله روعه ومفيد مره

توت فين جعية ام القرى وكم الرسوم ورقمه كم لان ما اعرف في مكه كثير

[نلي خانم]

أمل وأنشوده سوي أتفاق سوا سوا خخخخخخخخخخ

ياناس وين أموره وكتكوته ماعاد دخلت هالبنت لايكون ناويه تقطعنا

[معنى الغرام]

هلا ياحلوين كيفكم؟؟

[توت برى]

السلام عليكم ورحمة الله وبركاته
انشوده تسلمى ياعسل أقتراح ليه بدل ماتغلى احطها على مويه مغليه بس عشان الاعشاب إذاغلت تفقد فوائدها مدرى (مسويه فاهمه) ههههههههههه
جمعية ام القرى
بالنزهه
بعد وزارة الإعلام بشويه في الخط المقابل
وقريبه من ابراج فوزيه
وبنك سامبا تخلى الابراج والبنك على يسارك وتطولى بنفس الصف
الرسوم مانى عارفه بس اسعار الجمعيه رمزيه دائما ارخص حتى في الدورات الى تعملها والرقم جبته من النت شوفي اش لقيت وانا اتصفح في موقعهم
يعلن قسم التدريب و التأهيل عن إقامته لمجموعة من الدورات
1- دورة التشكيل على المانيكان تقدمها د/ نجلاء الثبيتي لمدة 6 أسابيع من شهر 4 لعام 1432هـ برسوم قدرها 1200ريال .
2- ورشة عمل مهارات اكتساب اللغة وتطويرها لدى الأطفال ذوي الاحتياجات الخاصة تقدمها أ/ عفراء هوساوي لمدة 4 أسابيع من شهر 4 لعام 1432هـ مجانا و الشهادة سوف تكون برسوم مقدرها 150 ريال .
3- دورة الكايزون تقدمها د/ جميلة سقا لمدة 4 أسابيع من شهر 4 لعام 1432هـ برسوم قدرها 200 ريال .
4- دورة لغة الإشارة تقدمها أ / بشرى عارف لمدة 4 أسابيع من شهر 5 لعام 1432هـ برسوم قدرها 1000ريال .
5- دورة مهارات التخاطب مع الآخرين تقدمها د/ جميلة سقا لمدة 4 أسابيع من شهر 5 لعام 1432هـ برسوم قدرها 200 ريال .


العنوان :
مكة المكرمة / جمعية أم القرى الخيرية النسائية / أم الجود.
هاتف:
5600727 - 5600723
تحويلة:
229-228
ارجوا ان تستفيدى

[توت برى]

هلا نلى ومعنى الغرام دخلت متحمسه
كيفكم عساكم بخير

[معنى الغرام]

تمام الحمدلله
انتي كيفك ياعسل؟؟
وكيف الحمل معاكي؟؟..

[توت برى]

الحمد لله
امس الضغط انخفظ عندى وانا مانى عارفه بس معايه صداع شديد وغثيان طلع عندى 88على 46 الدكتورhwaml10 يسأل زوجى مين زعلها انت قال زوجى ايوه وهو مسكين اصلاً ماكان في البيت من الصباح طالع الين العشاء الحمد لله بس

[نلي خانم]

هلا توت

أنا معاك في مسألة غلي الأعشاب أنا عن نفسي طحنت كل الأعشاب وأشتريت ترمس مخصصه بس بحط مويه مغليه وملعقتين أعشاب وعسل وأقفل الترمس وبعد نص ساعه أشرب أنا كذا بسوي
بالنسبه للأعشاب اللي جهزتها (شمر \ يانسون\ قرفه\ كمون) وببشر معاهم زنجبيل طازج

والحلبه باخذها مع العسل على الريق في الصباح والله يعين على ريحتها أووووف

أما قشر القهوه بطبخه لوحده وبعدين بحطه بترمس وأبشر معاه زنجبيل طازج وجهزت (قرنفل ونانخه)طحنتهم وبحط منهم ملعقه على القشر في الترمس

أنا قرأت أن جابر القحطاني يقول الأعشاب أذا كانت مخلوطه غلط تنغلي لازم تتنقع عشان ماتفسد مفعول بعض

وش رايكم في برنامجي أحسه مره سهل ترمس الأعشاب بالنهار وترمس القشر في الليل

ياالا أعطوني رايكم فيني تراني حرمه سنعه

[معنى الغرام]

سلامتك ياقلبي ماتشوفي شر
هههههههه مسكين زوجك شكله من الفجعه..

[انشودةمطر]

يسلمو توت ما قصرتي المشكله انا في الشرايع والله بعيد عليه يمكن العزيزيه اقرب من الانفاق

[توت برى]

نلى
والله انى ماعندى ماعند جدتى
انا ولدة قبل كذا مرتين بس انى (قم بس قم )
اشرب قرفه مع الحليب الاسبوع الاول فقط وامى ماهى من الحريم الى يعرفوا بهذى الاشياء عشان كذا ابى استفيد منكم قريت موضوع للأخت عاشقة الجنه وقالت عن حاجه تصيب النفاس الى ماتعتنى بنفسها اسمها الشمم والله جاتنى فى الولادتين واحسبها طبيعى انا دخلت الثامن تعتقدي اشترى الاغراض واسويها من دحين احسن ولاكيف

معنى الغرام
الله يسلمك

انشوده
استخيرى الله قبل كل شىء وفي كل شىء الصحابه رضوان الله عليهم كانوا يدعون الله ان يعينهم حتى في لبس الحذاء اكرمكم الله

[توت برى]

حبيباتى القشر هذا
يبغاله حمس اوشى ولا زى ماأخذه اسويه ومين تعرف مكان يبيعه

[نلي خانم]

توت
القشر تشتريه من العطار وتنقيه وتحمسيه ... وأنا بالنسبه لي جهزت أغراضي من نصف الثامن لأني حسيت بالضغط مره قوي وخفت أولد وترى الأشياء اللي سويتها مضمونه بس القرنفل لايكثر أنتبهي أنا عن نفسي مقاساتي كاس من كل شي قبل الطحن وبعدين أطحنهم لكن القرنفل قليل لاتكثرين مو طيب أذا كثر
سوي برنامجي سهل مايدوخ والحلبه بس أسبوعين وبعدين بطليها
وألف سلامه عليك آسفه مانتبهت لردك قبل أنك تعبانه

[نلي خانم]

نسيت أقولك أطحني فلفل وكل ماشربتي حليب حطي فلفل وأشربي مره كويس للرحم ينظفه ويدفيه ومامنه ظرر أستمري عليه طول الأربعين ممتاز خاصة الأيام الأولى وحاولي تحطي من الفلفل المطحون على أكلك كمان خلي العلبه دايم جنبك وحطي من الفلفل على أكلك

[توت برى]

الله يسعد قلبك وينور دربك
وانا كمان مهدده بالولاده المبكره من السابع تجينى تقلصات وطلق مع انى منتضمه على الابر والحبوب المثبته الله المستعااااااااااااااااااااااااااااااااااااااااااان

[نلي خانم]

خجلتيني ياتوت عادي حنا خوات
أنا أعرف بهالأشياء لأني أصغر خواتي وكنت دايم أقوم فيهم بنفاسهم كنت أطفش بس ألحين عرفت فايدة اللي كنت أسويه لهم

أن شاء الله ربي يتمم لك وتولدي بوقتك يارب

[توت برى]

آآآمين ويكتب اجرك

[أم عبووودي]

صباح الخير
كيفكم كروشات ان شاء الله تماما
انا تعبت خلاااااااااص نفسي اولد وارتاح ..ونفسيتي زفت بس تفكير وقلق
يارب ريح قلبي وارزقني ساعة يسر والرزقني طفل سليم معافا وعوضني خير مما فقدت يااارب..
((اللهم اني اسألك هون الطلق وحسن الخلق ))

[انشودةمطر]

ام عبودي الله يهون عليك ويهون على الكروشات الباقين يارب كثري قراءة سورة مريم
وسورة الشرح

[نلي خانم]

كلنا في الأنتظار ياأم عبودي بس مالنا ألا الصبر
الله يقومنا بالسلامه جميعا ونفرح بأطفالنا ياااااااااااارب

[انشودةمطر]

نيلي ياقلبي الله يتمم لك قربت ساعة الصفر اشوف توقيعك واقول الحمدلله كيف كنتي تعبانه وبتسوين ربط وقلقانه وها الحين وصلتي التاسع الله لايضيع لك تعب ويتمم حملك وولادتك على خير ويهون على الباقين

[توت برى]

السلام عليكم
كيفكم
ام عبودى الله ييسر امرك امشى واشربى قرفه مع الحليب
الله ييسر للجميع ياااااااااااااااااااااااااااااااارب

[أم ضيو وفروس]

السلام عليكم ورحمه الله

كيفكم ياحلوااااااااااااااااااات

والله جلست اقراء في الردود اللي فاتتني هههههههه ربي يسعدكم ..

ام عبودي ...الله يسهل لك ولادتك وان شاء الله تكون طبيعيه ميسره باذن الله...

روح حموده ...ربي يسهل لك ان شاء الله ..وتولدي وتقومي بالسلامه..

توت بري ..ربي يسعدك ..تسلمي على سؤالك...وكيفك الان مع الحمل.دخلتي التاسع و لالسى؟
وسلامتك ..الضغط اذا انخفض ممكن يكون من الارهاق او مو اكله كويس ...


انشود مطر ... كيفك ...عندك نادي الشفاء في شارع المنصور ..ان شاء الله يعجبك..وتسلمي على وصفه القشر ...انا كنت اسويه واحط معه زنجبيل ..يبغالي اسوي هذه الاضافات ان شاء الله..

معنى الغرام ..اخبارك مع الحمل..


نلي خانم ...والله حلو برنامجك ...تقريبا زي اللي اسوي ..واحيانا القرفه مع شويه تمر تغلي على النار كمان كويسه ...

والاعتماد في الاكل يكون على المرق والشوربات ونكثر فلفل زي ماقلتي وشمر وينسون فيها كمان ...و نبعد عن الكبسات والمقليات ..
الله يسعد الوالده طول نفاسي تحذيرات ههههه

بسالكم انتم اذا فيه اكله او فاكهه مااكلتوها في اول اسبوع زي الحبحب - السمك -..خلاص الى نهايه الاربعين ماتاكالي منو مدام ماذقتيها في اسبوعك الاول؟؟
لانو امي تقول يسبب نكسه مدري عندكم كذا ولا لاهههههه

ياكثر قرقرتي ههههههههه سهرانه لحالي خخخخخ
بستنى لين الناس تروح دواماتهم وانام ...

[توت برى]

هلا ام ضيو
والله نورتى
احنى عندنا هذا الشي بس نسميه تنقض عليها اذا ماأكلت النفاس تمنع من اللحم المفروم الجملى
وجارتى تقولى ماتاكل الخيار والملوخيه والباميه والحبحب والاناناس اممممممممممممم
والله هذا الى يحضرنى
عشان يسبب افرازات تنزل من الرحم مدرى والله انا ما اعرف

[توت برى]

والله يا ام ضيو اختك في الله ماتعرف حاجه اكتشفت اشياء واشياء بهذا المنتدى كنت اسويها واحسبها عادى طلعت خطا انتى عافه النزيف في الولادتين يجلس معى الين الاربعين وانا مانضفت وعادى ما ادرى وين الله حاطنى وامى تقول من ضعفك واصدق الحمد لله

[أم ضيو وفروس]

هلا فيك توت ..سهرانه زيي هههههه

صح يسمى نقض او نكسه ...

شوفي الاسبوع الاول كل شي اذوووق منه حتى الملوخيه اوالباميه بس مو لوحدها امتي تحط كم ورقه مع الايدام المشكل ..يعني اهم شي اذوقها ..
والحبحب ..بس قطعه منو ..والخيار والله عادي اكل منه اغلب الاربعين مع السلطه ..

كل شي هذا في الاسبوع الاول ...بعد كذا لو مااكلت شي فيه مااكله طول الاربعين



يؤؤ على هذه المره انتبهي في نفاسك ...اهم شي فتره النفاس وكلها 40 يوم وتعدي

وصادقه في اشياء والله نتعلمها في النت كنا جاهلين عنها ..


صايره عندي حاله مااشبع من الاكل هههههههههه والله ياشكل وزني زايد زياده قووووووويه

مدري احد مثل حالتي خخخخخخخخ

[توت برى]

الله يسهل على الجميع
ان شاء الله بنتبه على نفسى وبحاول اصير حرمه
انا مره متضايقه عشان زدت في هذا الحمل الين دحين 10 كيلوا ماشاء الله وامى تقولى بكيفه اقول لها والله راح يخرب جسمى كذا

[توت برى]

ام ضيو
على فكره صح اللحم المفروم الجملى يأخر الولاده وحده تقولى اصحى تاكلى لحم جمل بالذات المفروم (مدرى وش الفرق بينه وبين العادى )يأخر الولاده

[توت برى]

استأذن
اشوفكم على خير

[أم ضيو وفروس]

الله يعين ..تعب وحمل وزياده وزن ...لنا الاجر ان شاء الله

يلالالا فتره ونرجع رشيقات ههههههه..

ربي يسهلها ان شاء الله..

بالنسبه للحم الجملي بصراحه اول مره اسمع عن هالمعلومه ...و انا مااحب اكله ..مره بس ذقته ...ماتقبلته وكمان يسبب حساسيه عندي ..

ممكن احد عنده معلومه يفيدك..

وانا كمان طالعه ...اجهز الفطور واصحي اللي عندي للدوام ..


استودعكم الله الذي لاتضيع ودائعه ..

[رعشة برد]

عن تجربه الدكتور احسان معاجيني وطاق الولاده في مستشفى النور والله عن تجربه في العقم و اولحمل والولاده والاجهاض كله مجلابته معاهم وكمان الدكتور احسان له عياده في مستشفى طه بخش اسالي عنه والله يخاف الله hwaml78hwaml5وشغله كله تمام

[معنى الغرام]

معنى الغرام ..اخبارك مع الحمل..
تمام الحمدلله انتي
اخبارك ياعسل؟؟

[نلي خانم]

صباح الورد

صحتني الحموضه جننتني والله حتى بنومي ماتهنيت
أستخدمت حبوب وشراب بس خلاص مافي أمل تخف عني
متى أولد وماعاد أحس فيها مره تعبت منها ياربي الأجر

أنشوده
شوفتي كيف توقيعي أنا كمان مو مصدقه ألحين بدأت الأسبوع الثاني من التاسع وأحس أني بحلم
صح اني خايفه من الولاده بس والله فرحانه أن الله تمم لي هالحمل اللهم لك الحمد

توت
القرفه مو طيبه ترى كل الأطباء يحذروا منها لأنها تجيب الطلق والرحم مقفل وهالشي خطير
مالنا ألا المشي والرطب هي أسهل الطرق وأنا على نهاية التاسع لو ماولدت بسوي تمارين تساعد على الولاده

أم ضيو
الله يسلمك وجدولي مافيه حوسه كثير وأنا كمان أخذت من الأعشاب شوي في كيس وحطيتها بشنطة المستشفى وكوب اللي يتقفل عشان أذا تنومت أشرب
وبالنسبه لسؤالك عن الأكل هو المهم أنك ماتاخذي شي بارد أو لزج
ماتشوفي أخواتي مثلك في حرب مع أمي والله مايسمعوا كلامها وتلاقيهم من ثالث أسبوع تركوا كل شي .. أمهاتنا لهم نظرتهم وأنا بين مؤيده ومعارضه مو كل شي أقتنع فيه
فيه بعض الأشياء لها أسباب طبيه مثل الليمون الوحده لازم تبتعد عنه ولو سألتي الحريم يقولو يخرب وهو لا يخرب ولا شي بس السبب أنه مايخلي الخياطه تلتئم بسرعه حتى زوجي سوا عمليه ومنعوه الأطباء عن الليمون عشان العمليه تلتئم
وهذولا هم لحريم يمنعون بدون لا تعرفي السبب .. وأنا أحب أعرف السبب بس عشان أقتنع لما أمتنع عن حاجه ..الظاهر العناد ماسكنا كلنا

[جامعية]

كيفكم بنات مكة
مررة محتارة فين أراجع عند اي طبيبة
مرة رحت الرفاعي ودحين مترددة اروح الصاعدي او بخش

[نلي خانم]

جامعيه

أنا عن نفسي أراجع عند محمد خان والله مره مرتاحه عنده الله يطول عمره لأني عانيت من الدكتورات قبل كذا ماعندهم سالفه ولاهم فاهمين شي
ومحمد خان والله مررررره فاهم
حتى زوجي كان مو مقتنع بس أقنعته لأنه رافض الرجال

[جامعية]

هلا قلبي
زوجي مستحيييل يرضى
مع اني بالنسبة لي المهم احد فاهم
مررة اتمنى اروح له
طيب ماتعرفوا احسن دكتورة ويكون تصويرها واضح وماعندها زحمة؟

[المتألقه]

السلام عليكم
يا بنات مكه ابغ خدمه ابغ ارقاام شغلااات ضرورى اليوم الى تعرف ترسلى على الخاص
ولها جزيل الشكر

[& أمــــــل &]

اهلين بالحلوين
وعلى فكره وين اموره وكتكوتة مالها اي حس عسا الغبيه في خير
انشوده انا ناويه ادخل النادي بعد ما ارجع من اهلي تخيلي من رمضان ماشفتهم شكلهم نسو شكلي

[انشودةمطر]

امول ما شالله عليك صامده كل ها المده ما شفتيهم

[ثلجه فوشيه]

كيفكم ان شاء الله بخير ؟؟
الله يتمم على اللي ولادتها قريب ويسهل على الحامل فيكم ويهون عليها التعب الجاي
يبارك للي ولدت ويرزق اللي تتمنى يارب ...
وحشتووني كثيرر ايش اخباركم ؟؟

[معنى الغرام]

ثلجه فوشيه..
كيفك ياعسل لك وحشه

[توت برى]

السلام عليكم ورحمة الله وبركاته
كيف الحلوين
هلا ثلجه كيفك وكيف صديقى عمورى
نلى خانم
انا اتكلم عن القرفه مو من باب فهم بس عشان الدكتوره رحت لها والرحم كان عندى 3 سم وقالت اشربى كوب حليب بالقرفه
وكلامك عن الدكتور محمد % انا كنت اراجع عنده وزوجى موراضى بس لما شافه قمه في الادب والاحترام والشطاره الله يعطيه الصحه والعافيه والله كانت الدكتوره بتنزل بنتى في السابع اول اسبوع وربى سخر لى روحه عنده وقالى كل شىء طبيعى بس استمرى على المثبت وارتاحى بس
واختى مسكينه ماتو لها اثنين واحد بالثالث والثانى بالثامن ولاهى عارفه السبب ولما راحت له قالها تخثر فى الحبل السرى وكان علاجها اسبرين تخيلى والحمد لله ربى عوضها دحين بإثنين الله يخليهم لها

[أم عبووودي]

السلام عليكم
بناااااااااات معايا طلق من الساعة 3 الفجر يجي ويروح والحين خرجت علي افرازات بنية
الله يسعدكم ادعولي ربي يهون علي ويرزقني طفل متعافي ويعوضني خير عن اللي فقدته
دعواااااااااااااااااااااااااتكم :(

[معنى الغرام]

أم عبووودي..
حبيبتي الله يهون عليكي يارب
وتولدي طبيعي وتقومي بالسلامه
وتفرحي بطفلك يااااااااااااااااااااااااااااارب..

[نلي خانم]

أحم أحم يابنات اليوم ذكرى عقد القران الثالث وترى راحمتكم لما جيت أرد عليكم هههه والله مو فاضيه بس جالسه أشرب حليب قلت أدخل أشوف هرجكم أذا تحشون فيه وألا لا

جامعيه
أنا ماأعرف أحد بالدكتورات لأني كنت أراجع في الصاعدي وبعدين أجهضت وأنسدت نفسي عنهم وعن غيرهم وماأثق ألا في محمد خان عشان كذا نصحتك فيه وماأنصح بغيره أبدا

ثلوجه وأموله وأنشوده ومعنى الغرام
هلا فيكم ياقمرات نورتو

توت
أنا كمان عندي تخثر بالدم وماتوا لي ثنين قبل كذا وفعلا العلاج الأسبرين والله كنت أراجع بالصاعدي وماكتبوه لي وهما عارفين أني مجهضه وأعوذ بالله لما فقدت الثاني بغيت أتجنن جاتني هستريا بس كنت أبكي ولما رحت لمحمد خان طلع السبب التخثر سبحان الله يتخثر الدم بالحبل السري وينقطع الدم عن البيبي ويموت ولما حملت بالثالث أخذت الأسبرين وكرتزون عشان يصير ضخ الدم قوي أستخدمت الكرتزون أول ثلاث شهور بعدين وقفته والحمدلله ربي يتمم هالمره وأفرح فيه
العلاج بسيط بس الدكاتره نصهم مايفهمون المشكله أن في الصاعدي كانو عارفين ومو بس الصاعدي حتى صلاح حامد في التونسي رحت له بس أهملني وقالي عادي مافيكي شي أحملي ولا قال لي خذي أسبرين ياربي والله جلست أدعي عليه وعلى الصاعدي لما فقدت الثاني
وزوجي الحمدلله ألحين مرررره مقتنع بمحمد خان لما شاف أسلوبه والله الدكتور محمد قمه في الأحترام الله يعطيه طول العمر يارب وأن شاء الله دايم أروح له في كل حمل ربي يكتبه لي

أم عبودي
الله يسهل لك أحلا ولاده يارب ويعوضك عن مافقدتي ياقلبي ويارب تكون ولادتك طبيعيه وتشوفي ضناك بخير ياااارب ونفرح فيك

[معنى الغرام]

اهلين فيكي نلي خانم
كيفك ياعسل؟

[انشودةمطر]

ام عبودي الله يسهل عليك يارب هذي علامات ولاده
الله يرزقكم جميعا هون الطلق وحسن الخلق

[أم عبووودي]

اللهم آآآآآآآآآآآآآمين ربي يسلمكم ..
بنات والله الم ذبحني بقوووووووة بس على فترات متباعدة
رحت للدكتورة تقول راح تولدي بعد خمس ايام والله كأنها عطتني كف هذا كله وخمس ايام ايش راح يصير بعدين ..واجلس خمس ايام وانا أتألم والله روحي بتطلع ..
دعوااااااااااااااااااتكم طلبتكم كل ماذكرتوني ادعولي .. واعطتني امل كبير اولد طبيعي يااااااااااارب

[shat7awi]

مرحباااا يا عسولات

ام عبوودددي الله يسهلك يارب وتقومي بسلامه والبيبي في حضنك

ومبروووك لك الي ولدوو وحمد الله على السلامه

وعقبال ما تقولولنااا يارب والله يسهل علينااا

مممممم الي تسأل على بخش بصراحه انا اتنومت فيهااا اخلاقهم عسل هذا الي ريحني
وخلاني افكر اولاد فيهااا

بنوتااات ودي وحده تسويلي حقت البيبي في اي شهر بليززز

[توت برى]

ام عبووووووووودي
جانى مغص لمن شفت كلامك وادمعة عينى الله يسعدك حبيتكم في الله شفت فيكم الاخوه في الله بعدين لاتسمعى للدكتوره هذى توقعات لكن العلم عند الله ادعى وامشى والله ماراح انساك من الدعاء

[معنى الغرام]

أم عبووودي..
حبيبتي اسأل الله العلي العظيم انه يهون عليكي ياااااااااااارب
وتولدي طبيعي وتقومي بالسلامه وان شاء الله تولدي بكره او بعده ..

[توت برى]

ام عبودي
فين كشفتى إذاتقدرين روحى لغيرها
والله بحملى الاول كنت ادفع والدكتوره تقولى (انتى بتعملى كدا ليه انت لس 4 سانتى) وانا اصيح الدفع غصب عنى ولما جات الدكتوره الى انا طالبتها قولهم قوقو ايت يعنى ثمانيه

[ثلجه فوشيه]

أنا بخير ولله الحمد كروشات وعموري حبيب قلبي بخيررر

أم عبوودي يعني دي الدكتوره تعلم الغيب حتى حدد بعد 5 ايام لا ماشاء الله شاطرره ..
ماعليكي فيها مدام هذا ان شاء الله يكون طلق لا تخافي ادعي الله يهون عليكي
وكمان اشرربي سوائل حاره كويسه دحين وحاولي تمششششي أنا عارفه انو صعب عليكي
المشي دحين لانو راح تحسي بشد قووي برجلك لحد ماتقدري تمشي كل ماجاك الالم
بس نصيحه امشي امشي حتى لو في البيت انا كنت اصيح وامشي في المستشفى الكل سمع صوتي والله ربع ساعه ودخلوني الكشك من بعد ماكان الرحم فاتح 3 بس ..
الله يهون عليكي الم الطلق والله شي اعجزاوصفه من قوت المه بس صدقيني راح تولدي بأذت الله قرريب .. طمنينا عليكي ياقمممممر

[أحلى موني]

ام عبودي الله يهون عليكي الطلق ويقومك بالسلامه يارب ويرزقك بالذريه الصالحه يارب ولاتنسينا من دعائك والله يفرج همك

[نلي خانم]

ياالله ياأم عبودي أنتي لسا ماولدتي والله قبل شويه رجعت البيت كنت أمشي برى وبس كنت أفكر فيك وأدعي لك وقلت أكيد أنها ولدت والله أن قلبي معاك الله يسهل لك يارب الولاده الطبيعيه وتقومي بالسلامه أنتي وولدك يارب

[معنى الغرام]

السلام عليكم كيفكم يابنات؟؟
ام عبودي طمنينا عنك اليوم كيفك؟؟
الله يسهلها عليكي ياااااااااااارب..

[جامعية]

الله يقومك بالسلامة يا أم عبودي
ويسهل على كل وحدة يارب


مبـــــــــــــــروكـ المطر بنااات
الجو خيال بس في شوية برد
الله يستر على اهل جدة

[معنى الغرام]

هلا جامعيه كيفك ياعسل؟؟
الجو جنااااااااااااان
من جد الله يستر على اهل جده.

[انشودةمطر]

هااااااااااااااااااااااااااي بنات مطر مطر مطر وناسه الجو بس على قولتكم برد والله كلمت اهلي في الطايف مساكين بيتجمدون اليوم اربعا وجو حلو الطلعات وناسه بس بدون اطفال واللي عندها اطفال تقعد احسن لها هههههههههههههه

[كوكب زحل]

سلام كيفكم ياحوامل
الله يسهلك ياام عبودي
يسهل كل يانلى
بس حبيت اسالك فكة الربط كيف لمن فتحتي وش حسيتي لاتنسوني من دعائكم لى يالذرية انا ودي احمل في تؤام يارب يحقق لى امنيتي ادعولى

ربي كريم

[المتألقه]

السلام عليكم
يا بناتت ابغ ارقام شغلااات سااعدونى الله يريح باالكم ويسهل عليكم ولادتكم

[نلي خانم]

سلام حبوبات
يارب تكونوا جميعا بخير
ويارب يسهل لأم عبودي ونفرح فيها

مره الجو رهيب اليوم كنا خارجين أحنا وأهل زوجي لكن زاد المطر بعد صلاة العصر وخفنا وجلسنا وأختكم في الله ماصدقت مع البرد قربت البطانيه ونوووووووووومه ألى ألحين
كل شي حلو مع المطر وأحسن شي لما تنامون هههه

كوكب
الله يرزقك ياقلبي بالتوائم الصالحين ويارب تحملي بهالشهر ونفرح فيك يارب
وبالنسبه لسؤالك عن فك الربط والله هو مؤلم جاب الدكتور حديده توسع المكان بعدين قص الخيط وسحبه وجلس ينزل دم مني ثلاثه أيام شكلو أنجرحت وصرت أحس بألام ثلاثه أيام والدكتور يقول بسبب الألتهاب بس بعدين وقف الدم

[في عيون زوجي]

وعليكم السلام نلي ..
كيف حالك ؟؟ طمنيني عنك ...وعن النونو ..

[نلي خانم]

هلا عيون زوجك
أنا بخير اللهم لك الحمد
كنت بحط لك نداء لك كم يوم مادخلتي قلت شكل البنت فكت الكرشه وولدت
ياقلبي الله يسهلك ويسهلنا جميعا الولاده الطبيعيه يارب

[في عيون زوجي]

دوم يارب ..
لا ما فكيت الكرشه ..ولا البقشه .. وشكلي مطوله ..
لانه نفسيا خايفه .. بس فعلا بدات اتعب بشكل مو طبيعي ..
انا فعلا ما دخلت .. انا اداوم في منطقه بعيده عن مكه .
.واجي كل اسبوع واحيان كل اسبوعين ..
بس هالمره خلاص لانه قربت ..فاسلم لي ابقى هنا ..
بغيت اسألك يا نلي .. سمعت يقولون حركة الجنين تقل في الشهر التاسع ..
انا ما اقدر احكم بقلتها .. او كثرتها ..
بس اللي يتعبني .. قوتها ودفعها وصعوبتها .. وازعاج ما بعده ازعاج ..
وفوق كذا ألم .. يقولون المكان صار ضيق ..
انا اللي خلقي صار اضيق لها الحركات .. بعد ما كانت تبسطني ..
هذا غير التحجير والتجمع في مكان .. والتصلب .. مدري يلعب مدري يتشبط ..
ماني عارفه وش السر ؟؟ انتي مثلي ..

[نلي خانم]

أنا مثلك أحس بتحجر أحيان والحركه قليله مره عكس بقية الشهور الماضيه الثامن والتاسع مره الحركه تكون قليله وهذا اللي لاحظته على نفسي
وأحس كمان بألام وأخرتها اليوم الظهر حسبت أني بولد من قوة الألم بعدين راح والبارح كمان وكمان لما أمشي لما تمر 10 دقايق أبدأ أحس بضغط أسفل قوي بس أتحمل وأكمل مشي

[أحلى موني]

كيفكم يابنات والله والجو جنااااااان نفسي اخرج بس زوجي مو راضي خايف عليا وعلى بنته والنونو بس ان شاء الله بكره ما اتغدى الا براااا بيتي

والله اني مقهوره من شغالتي قالتلي بروح عند اختي مره تعبانه والين وديتها اتصلت عليا تقولي معد ابغى شغل اعطيني حسابي مادرري ايش الحل مع هذولي الشغالات رغم اني متفقه معاها ب1300 يعني كم تبغى بنت اللذين الله يرزقني ويرزق كل وحده بشغاله محتاجتها تكون بنت ناس لاني تعبت كل شهر شغاله الله يعين بس..

[توت برى]

مساء الخير
على اهل الخير
بهذا الجو الى كله خير
كيفكم ياحلوين
وكيف الجو معاكم
اكثروا من الدعاء ابواب السماء مفتوحه
اللهم ياكريم ياعظيم سهل على وعلى جميع اخواتى جميع امورنا ماعلمنا منها وما لم نعلم
اللهم اكتب لنا ساعه سهله ميسره ياااااااااااااااااااااااااااااااااااااااااااااااار ب

[كوكب زحل]

يارب ياكريم مع المطر يستجيب ربي دعائي احمل في تؤام صالحين

[توت برى]

حبايبى

الله يرزقك يااحلى مونى بشغاله ويرزق الصحه والعافيه ولايحوجك لهم
انا عندى وحده تجى وتروح الحمد لله اليوم ماجات عشان المطر وإذاطلبت منها شىء لبسة عباتها وراحت ولاتكوى ولاتغسل ملابس بس المضطر يركب الصعاب
كوكب زحل أسأل الله العظيم رب العرش الكريم ان يرزقك التوم المستوين في الخلقه الصالحين في الخلق آآآآآآآآآآآآآآآآآآآآآآمين

نلى الله يعطيك ساعه ميسره وطفل معافه يااااااااااااااااارب

[معنى الغرام]

سلام يابنات كيفكم ..
والله جوجناااااااااااان حماس

[انشودةمطر]

هاي بنات الجة صراحه كلك حركات ماشالله جنان
نيلي وعيون زوجي الم الولاده غير تحسي بمغص يروح ويجي اما الثقل تحت والضغط هذا طبيعي لان الراس يبدا ياخذ وضعه في الحوض ويضفط بالذات اذا مشيتي او ينزل مويه اودم الله يكتب لنا الاجر وكل ولاده تختلف انا الاولى تختلف عن الثانيه فرق كبير لدرجة الثاني كاني بكريه كل شي جديد
كوكب كيفك يادبا لك وحشه الله يكتبلك ياعسل الحمل السليم المعافى ويفرحك فيه يارب

[توت برى]

مرااااااااااااااااااااااااااحب

[أحلى موني]

توت بري اللهم امين ومشكوره يالغلا ومن جد الله لايحوجني لهم بس بعد الولاده دحين مره محتاجتهم مقدر اشتغل والله الله يسهلنا ويعطينا الصحه والعافيه يارب جميعا

كوكب الله يرزقك بتوام يارب ويفرح قلبك بيهم ويجعلهم قره عينك اميييييين

[ثلجه فوشيه]

كيفكم بنااااااات وحشتووني ,,

يااااااااااااا الله على الجو جونآآآآآآآآآآآآن جونآآآآآآآآآآآآآن .. hwaml7

والله اليوم كان تطعيم عموري بس سبحان الله ربي ماكتب نروح نطعموو

الولد دا وجهو بركه عليا ههههه يوم ولادتي كانت أمطار ودحين يوم

تطعيموو كمان امطار حماس ههههه hwaml75hwaml75

بس والله خرجت على الساعه عشره


كذا كانت المطره خفت وبس مشينا شويا الا زآآآآآدت يا الله مرررره

صارت كثيررره ورحنا اتعشينا سمك في سمكمك والمطر علينا وعموري

مبسووووط وخشمو صار متلج hwaml60hwaml60 الله يهديه مايبغى كوفله ولا يبغى يتغطى بس

غطيتو بالقوه خخخخخ hwaml02hwaml02

بس ماشاء الله عليه كان مبسسسوط ويضحك ويناغي ههههه وانا والله

انبسسطت جوو أوروبي hwaml40

[نلي خانم]

ياناسو على عمورك ياثلجه أحسه يجنن
زوجي كان جمبكم في الدره بس مع صاحبه راحو يتعشوا وأنا تعشيت بف وعصير تفاح ماعاد أبغى الأكل معدتي مره مضغوطه أمس رحنا مطعم أرياف تعشينا فيه وماقدرت أكل شي كلها لقمتين وأخر شي جلست بس أشرب عصيرمو قادره أكل من معدتي الحمدلله يارب

أنشوده
مأبغى أفكر بألم الولاده والله مره خايفه أحس كل يوم خوفي يزيد أكثر يارب يكون بعون كل حامل

موني
الله يرزقك الشغاله الطيبه يارب .. شكل شغالتك راحت عشان شافتك قربتي قالت خليني أهرب وأنا لو مكانك ماأعطيها حسابها قولي لها أذا كملتي الشهر أعطيك الحساب وريها العين الحمرا تجيك ياعساهم البلا أكرهم قولي لها أنا متفقه معاك بالشهر مو باليوم نصيحه لك عشان تهجد الله لايحدنا عليهم
أنا حصلت شغاله الحمدلله ب900 بس تكرونيه ماحصلت غيرها وشوي كبيره بالسن يعني عاقله وأم زوجي تعرفها من قبل عشان كذا ضامنتها وهي فتره وتعدي لازم نتحمل

[أحلى موني]

نلي الله يثبت شغالتك عندك يارب والله اني مستغربه لها مره شغالتي كانت مبسوطه عندي بس مدري ايش فيها هيا اشتغلت قبل عندي شهر وراحت قالت امي تعبانه ودحين بمزاجها جاتني الين حدي كمان بتاكسي اتصلت قالت تبيني والله فرحت لان بنتي اتعودت عليها وتحبها وشغلها نظيف فجأه مدري ايش فيها الله المستعان بس

والله بعد ماجتني اتصلت عليا شغاله اندونسيه تبى شغل عندي وصرفتها وبعدها بيوم دقت شغاله تكرونيه برضو تبغى شغل وطيرتهم بسببها

[نلي خانم]

بنات ماتعرفوا وحده تسوي مفارش للمطبخ حابه أسوي مفارش لمطبخي للبرتجاز والثلاجه وللميكرويف ووقايات ومفارش للتحف ولبس للغلايه
ماتعرفوا حرمه تسوي لي حتى لو بالصوف وأنا أزينها بعدين أبيها لوقت الضيوف
بليز بنات أسألوا لي مررررررره نفسي أسوي أكشن للمطبخ
والله لو زوجي سمعني يعصب عليه لأني رحت قبل كم يوم وأشتريت مواعين يقولي أنتي ماتشبعي قرمبع ومواعين وبعدين هو راح جده ويقولي أنه بالسوق قلت له لو شفت صحون وسكاكين كمان أشتري لنا قعد يضحك عليه وكنت صادقه والله ماأشبع مواعين حب غير طبيعي

[أحلى موني]

شكلك تحبي الطبخ يانلي هههههههههههههه والله سمعت مره سلفتي تتكلم عن وحده تفصل هذي الاشياء بس ماودي اسئلها لاني عارفتها وسخه ماراح تقولي وبتصدق عمرها لكن ابشري بحاول بطرق اخرى اجيبلك الرقم لجل عيون تكرم مدينه كم نلي عندنا
ههههههههههههههه

[نلي خانم]

ياقلبي ياموني ماأنحرم منك
تعرفين حنا الحريم نحب المطبخ وأنا بس ودي أزينه وأكشخه يفتح نفسي

لو تشوفيني بس وأنا أطبخ كل شوي واقفه عند القدر وأحرك ومبسوطه وكل المسأله رز ودجاج اللي يشوفني يقول مسويه أختراع ههههه بس من الفرحه طول الحمل أكل من المطعم وألحين أنفكيت وودي بس أدلع مطبخي

[أحلى موني]

اما مطبخي لو شفتيه تنسد نفسك بعد ماحرقته الشغاله الله يصيبها ولعت على عين وفتحت عالفرن بدون توليع وبس تفتح الفرن اختي تبغى تحمي عيش والا يبق ناااااااااااااااارالمطبخ كله وكل يوم بقول زوجي غير البويا يقولي ريحتها تظركم بس الحمدلله ربي ستر ومارحنا فيها

[في عيون زوجي]

صباح الخير..
السلام عليكم جميعا ..
انشوده مطر الضغط السفلي كل ماله يزيد ..
سبحان الله قبل اسبوع كل من شافني قال بطنك فوق .. اتنفس الصعداء ..
وبعد اسبوع بس نفس اللي شافوني قالوا نزلت ..:(
انا ملاحظه انها نزلت بس شوي ..

مراحب نلي .. كيف النفسيه ..؟؟ الحركه مدري احسها عادي ماقلت..
بس مؤلمه ..ومشي اكتفي بالمشي في الدوام ووقفة الفصل .. ولو اني اجلس احيان ..
ومشيت مرتين على البحر بس ما اكمل 10 د..اتعب ..لان النفس عندي ينكتم ..

الدكتوره تقول زايد وزني :( متأزمه مره .. وتنفيخ يدين ورجول ..
عندنا اليوم مناسبه قريبه ماني رايحه ..ماني طايقه نفسي ..
نقدوني وقالوا .. مافيها شي تحضري بالتاسع .. بس انا مو مرتاحه ..
لا جلسه عدله .. ولا وقفه عدله .. ولا شكل عدل ههههه..
الله يعيني .. مدري اش اسوي ..:"(

[في عيون زوجي]

اما مطبخي لو شفتيه تنسد نفسك بعد ماحرقته الشغاله الله يصيبها ولعت على عين وفتحت عالفرن بدون توليع وبس تفتح الفرن اختي تبغى تحمي عيش والا يبق ناااااااااااااااارالمطبخ كله وكل يوم بقول زوجي غير البويا يقولي ريحتها تظركم بس الحمدلله ربي ستر ومارحنا فيها

حمد لله على سلامتكم يا احلى موني ..
قدر ولطف ..زميلتي شغالتها بيوم جمعه تبخر البيت .. شبت فيه ..
فيهم احيان هبل على سخاطه ..
والا لو تشوفي كيف تصحيها عشان تقولها نار ..
برقه ونعومه والبيت والع ..
الله يستر منهم بس

[في عيون زوجي]

بنات ودي برابطه تجمع ودردشه لما بعد الحمل ..
لتغير هذه الكروش ..
ونشيل من قدامنا العفوووووووش ..ههههه
والله نفسي بتغير شامل ..لوك جديد .. ونفسيه جديده ..
لان 9 شهور مضنيه من القرف والثقل .. بزياده ..
:(

[توت برى]

سلام على الكل أحلى من ها الجو
في عيون زوجها
أهم شىء نفسك نصيحه من أختك والله محد دارى عن الالم الى نحس فيه رحت قبل شهر كنت في السابع مناسبه عند اهل زوجى عمتى قالت لازم تجين واتصلت عليه واستحيت منها ورحت قسماً بالله اول ما ركبت السياره ماقدرت استحمل اوصل البيت خليت زوجى يشترى المثبت وشربت منه ثلاث ايام والطلق مايفك منى وبعدها ملكت اخته وقال منتى رايحه قلت لو يوزنونى ذهب ما أروح وفوق هذا كله ماأحد حتى اتصل وقال كيفك ولم عرفت انى تعبانه قالت مدرى اش فيهم بنات دحين

[2010منال]

مرحب بنات اخباركم انا جديده بالمنتدى

[أميرة الوجود]

بنات كيفكم انا توني حامل بالشهر الثاني

بس مو بكرية عندي ولد وبنت الله يحفظهم لي يارب


المهم شخباركم .... الله يهون عليكم ولاداتكم ... اشوف تواقيعكم خلاص ما بقي الا القليل وتولدوا ان شاء الله وترتاحوا وربي يقر عيونكم بشوفة مواليدكم

الله يسهل على الكل

بس مين زي حامل توها ........ علشان نفضفض اهئ اهئ

[أميرة الوجود]

وعلشان كمان مو عارفة فين اسوي متابعة حمل؟

[معنى الغرام]

2010منال..
اهلين فيكي ياعسل منوره المنتدى.

أميرة الوجود..
اهلين فيكي ياعسل الله يتمملك حملك بالسلامه.

[في عيون زوجي]

سلام على الكل أحلى من ها الجو
في عيون زوجها
أهم شىء نفسك نصيحه من أختك والله محد دارى عن الالم الى نحس فيه رحت قبل شهر كنت في السابع مناسبه عند اهل زوجى عمتى قالت لازم تجين واتصلت عليه واستحيت منها ورحت قسماً بالله اول ما ركبت السياره ماقدرت استحمل اوصل البيت خليت زوجى يشترى المثبت وشربت منه ثلاث ايام والطلق مايفك منى وبعدها ملكت اخته وقال منتى رايحه قلت لو يوزنونى ذهب ما أروح وفوق هذا كله ماأحد حتى اتصل وقال كيفك ولم عرفت انى تعبانه قالت مدرى اش فيهم بنات دحين

هلا توت بري ..معاك حق .. والله ما احد يحس فيك . .hwaml4
بس يقولون : بنات اليوم مو قد كذا .. وزمان شلنا وخلفنا وعادي..
انا كرهانه كل شي .. اقولك لا جلسه ولا سالفه ولا ضحكه .. كلو صعب ..
الله يهونها علينا ، ويعديها على خير حاسه اني مو قد كذا ..متضايقه مره ..:(

[في عيون زوجي]

بنات كيفكم انا توني حامل بالشهر الثاني

بس مو بكرية عندي ولد وبنت الله يحفظهم لي يارب


المهم شخباركم .... الله يهون عليكم ولاداتكم ... اشوف تواقيعكم خلاص ما بقي الا القليل وتولدوا ان شاء الله وترتاحوا وربي يقر عيونكم بشوفة مواليدكم

الله يسهل على الكل

بس مين زي حامل توها ........ علشان نفضفض اهئ اهئ

هلا أميرة .. بخير الله يسلمك .. هذا احنا يوم كذا ويوم كذا ..
انتي كيفك .. الف مبروك الحمل ياحبيبتي .. الله يتمم لك على خير..
يوم قلتي شهرين احس اني بغيت ابكي ..
ويوم اشوف زوجي يقول اخوان اللي في بطنك احس باكتئاب ..ههههه
مدري ليه ..؟؟ لاني واصله حدي ..طفشتكم اليوم وجبت لكم القلق انا عارفه ..
بس والله مو بيدي ..:(:(:(

[بنت القرآن]

السلام عليكم
كيفكم يابنات
انا حامل في الشهر الثامن
ومحتارة وين اولد انا قررت في باشراحيل احد سمع عنهوعن دكتوراته
كيف شاطرات والا لا وفي احد يعرف دكتورات مستشفى الصاعدي
مثل الدكتورة ايمان اي تفاصيل عندكم قولولي تكفووون
تراي بكريه وماني داريه عن الدنيا وين رايحه

[Om KHaled]

" سبحان الذي يُسبح الرعد بحمده والملائكة من خيفته

[أميرة الوجود]

في عيون زوجي :

الله يسهل عليك ويخفف عنك ... الشدة ما تدوم ... ووكلها كم يوم وربي يفرحك بالنونو

انتي بكرية ياقمر ؟؟؟؟

[أميرة الوجود]

سبحان الذي يسبح الرعد بحمده والملائكة من خيفته

[في عيون زوجي]

في عيون زوجي :

الله يسهل عليك ويخفف عنك ... الشدة ما تدوم ... ووكلها كم يوم وربي يفرحك بالنونو

انتي بكرية ياقمر ؟؟؟؟

آمين ياعيوني .. ومن يقول يارب ..
ايوه انا بكريه .. عشان كذا احس قلق.. واي مغصه اقول هاه طلق ذا والا ايش..
احس اني تايهه ..:(

[جامعية]

أهلين أميرة الوجود

اخيرا لقيت وحدة مثلي هنا فمكة وفبداية المشوار مثلي

انا اتابع فالرفيع مبدئياً عشانه قريب من بيتي


"اللهم اجعلها سقيا رحمة لا سقيا عذاب"

[أميرة الوجود]

لا ياقلبي ما عليكي صدقيني ان الولادة الأولى مرة أسهل من أي ولادة والله زي الموية ا

اقولك ايش التعب والألم : الطلق الله يخففه عنك

[أميرة الوجود]

هلا جامعية

الحمد لله لقيتك كمان في نفس شهري الله يعطيك ويعطيني ساعة السلامة

الله يعيننا قدامنا مشوووووووووااااااااااااااااااااااااااااااااااررررر رررررررررررررررررر



بنات انا لسه ماقلت لأحد من اهلي على حملي ... خايفة اقولهم يلوموني لأني بيني وبين زوجي مشاكل وغير كذا بنتي صغيرة عمرها سنة و5شهور
والله مو عارفة ايش اسوي

جاني هذا الحمل على غفلة سبحان الله الله يكتب فيه الخير

[أميرة الوجود]

جامعية انا لسه ما رحت اي مستوصف علشان اتابع.. طبعا الأخ اللي عندي مو فاضيلي

افكر اني اروح اتابع في مستوصف سهيل في الشرايع لأنه جنبي

ايش رأيك في مستوصف الرفيع وبكم

[جامعية]

انتي مثلي ماقلت لاحد ولاني ناوية اقول إلا بعد ان شالله خمسة شهور

لان خايفة يظنوا ان حملي حيأثر على دراستي وزيك بنتي لسه صغيرة سنة وأربع شهور

ما تدري يمكن حملك فاتحة خير لك ولزوجك وتنحل مشاكلكم

ونصيحة لاتقولي لاحد

الرفيع مررة يسبوه البنات فالولادة لكن فالمراجعة حلو وبسيط ودكتوراتو مرررة عسولات
لكن الصاعدي تصويره احلى واوضح وعندهم استشاريات لكن زحمة مرررة

[نلي خانم]

سلاااااااام
كيفكم ياقمرات مكه
وش هالجو يابنات شي روعه أحس أني في أوربا خخخخ اليوم خرجت العصر أمشي مره أنبسطت من الجو ياليت دايم مكه كذا كان أعصابنا دايم رايقه

موني
ألف سلامه عليكم بس مادام أنك بتولدي ببيتك لازم تسوي مطبخك صعبه ممكن الحريم يشوفوه وقتها مايصدقوا يلاقوا حاجه يتكلموا فيها .. روحي لأهلك يومين وقت البويه بعدين أرجعي
الله يسهلك يارب

عيون زوجك
حتى أنا مثلك أحس بطني بدأ ينزل تحت وأحس بضغطه تحت
بس المشكله لما أركب السياره على طول الجنين يطلع فوق يضغطني أحس ماأقدر أتنفس كل ماركبت السياره أتعب الله المستعان
وأنا اليوم خرجت ولبست جزمه _أكرمك الله _ حسيتها ضيقه أنا من زمان مالبستها بس اليوم لما لبستها حسيت بالفرق شكل رجولي بدأت تتنفخ وأنا مو حاسه الله يستر لا أنتفخ أكثر عاد بعدين صعب ينزل الوزن
وبالنسبه لتغيير اللوك أنا عندي وحده تنظف الجسم مررررررره رهيبه نظفت لي بزواجي وألحين ناويه عليها أذا تبغين رقمها أرسله لك لأن الأرقام على العام تنحذف

أميرة الوجود
ياهلا فيك ومنوره .. لا لا توقيعك جابلي أكتئاب ذكرني بالوحم وبرمضان كنت تعبانه مره ذيك الأيام الله يعينكم على الحمل يارب ويسهله عليكم أنتي وجامعيه وتقوموا بالسلامه يارب

اليوم يقولي زوجي مايبغاني أخذ موانع شرايكم بس خلاص أحس نفسي تعبانه وهو مايبغاني أخذ موانع

منال 2010
ياهلا ومراحب فيك منوره

نور القمر
هلا كيفك وكيف أيثار ربي يحفظها لك ألف سلامه عليها ماتشوفي شر فيها الله يشفيها يارب

[نلي خانم]

أميرة الوجود
قولي لزوجك مايجوز أنك تخبي عنه مو مشكله الأهل بس زوجك لازم وأن شاء الله يارب يكون هالحمل خير عليك ويحنن قلب زوجك عليك
وأنا تنومت قبل بالرفيع بس كنت تحت أشراف محمد خان وماجربت دكتوراته بس جوني هناك في غياب الدكتور وماأعرف خيرهم من شرهم أنا أتابع مع محمد خان في عيادته في الصفوه بس تنومت في الرفيع لأنه يسوي عملياته هناك

[أميرة الوجود]

هلا نلي خانم

انا قلت لزوجي بس الأهل لسه ما قلت لهم

ما فهمت عليكي ايش يعني يقولك زوجك لا تاخذي موانع

[أميرة الوجود]

بنات مين فيكم زاد وزنها من بداية الحمل

انا تخيلوا كان وزني 56 قبل الحمل وبس حملت زاد اثنين كيلو بدون اكل ولا شي مو عارفة خايفة انه يزيد مرة

[أميرة الوجود]

بنات فينكم والله طفشااااااااااااانة اهئ اهئ