دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[Om KHaled]

انا بالشهر الخامس وهدا اول حمل لي , مدة الرحلة 5 أو 6 ساعات بالطيارة

[Nana.1985]

ان شاءالله ماعليكي خوف .. يعني الخامس اتجاوزتي الخطر ان شاءالله
وفي الطيارة كل نص ساعة امشي حركي رجولك 5 دقايق واجلسي
واهم شئ استخيري ربنا ان كان لكي خير في الروحه ولا لا ..
ولو رايحة خديني معاكم انا مررررا نفسي اروح ايطاليا واسبانياا .. الللله يسعدك ويوفقك يارب

[Compassionate Heart]

نور القمر
حبيبتي ربي يحفظك يا قمر انا اشوف ان السفر يجي في اي وقت حتى لو بعد كم سنه يعني بس البوبو ما يجي في اي وقت و يبغى يكون مرتاح في بطنك ما تعبي نفسك و تعبي يعني تقدري تسافري بعدين انا كذا افكر يعني

نانا
ابشري هقولكم


شوفي يا حبيبات قلبي دايمن لم نروح عزومه عند وحده ست بيت تروحي عندها تكون مجهزه كل شي اما صحبتنا امس ماشاءالله عليها بيتها و كل شي رائع و هيا عازمه 7 بنات و هيا الثامنه كلنا صحبات دراسه و مرا قريبيآ من بعض اربعا تزوجو و اربع لسه بنات المهم مالكم في الطويل جينا سوت عصير جزر مع البنجر و التفاح و الفراوله و قبلها القهوه العربي طبعآ المهم شربنا القهوه و اكلنا شوكلاته و تمر و بتفور و جابت العصير و شربنا العصير و قدمت مع العصير توست بتونه مسويتو على اشكال قلب و ورده و نجوم بقالب التقطيع كذا و حاطه عود الاسنان يعني حلو ولذيذ المهم و هيا بخاريه جايبه مكسرات و حاطتها و جايبه بسكوت زي الاصابع اسمو ظانظا بموت البصل مسوه مرا لذيذ المهم شغلت المسجل و رقص و ضحك و استهبال و انواع الفله حقت الدراسه و فرحوني قالولي بطنك بكرت ماشاءالله و سارت واضحه ^_^ المهم جا وقت العشى طبعآ المفروض ان بعد هذا كله ينقال انها مسويه عشى من الف ليله و ليله هههههههههههههه الله على الف ليله و ليله الا سوتها فينا
قالت بنات يالله تعالو معايه قومنا ماشاءالله مطبخها مرا كبير هيا فاتحه شقتين على بعض المهم دخلنا و قفلت الباب قالت يالله شمرو قولنا ايـــــــــــــــــــش قالت الو فصخو كعوبكم و الا كمها طويل ترفعه قعدنا نطالع في بعض @_@ مفجوعين اشبها هذي قالت دحين نحنا 4 متزوجات يعني ستات بيوت و 4 لسه يعني برضو هيصير ستات بيوت ان شاء الله قولنا ايوا انتي ايش تبغى توصلي قالت العشى اليوم نحنا الا هنسويه #_# قولنا ايــــــــــــــــــــــش قالت ايوا نطبخ الا تقولها لا انا ريحتي و الا تقول انا لسه عروسه و الاتقول انا حامل ^_^ هههههههههههه باقي الا لسه ما تزوجو الا تقول انا ما اعرف و الا ..... المهم مالكم في الطويل طلعت 5 حزم ملوخيه لان انا احبها المجرمه و طلعت رز و طلعت دجاج و طلعت بطاطس و طلعت الخضار قالت يالله قطفو الملوخيه يا بنات قولت قالت بنات يالله بنات طقفو ههههههههههههههه المهم قعدو على الطاوله و نضحك و نسولف يطقفو قالت فلانه تعالي عشان ريحتك نظفي الدجاج عشان تنتهي مهمتك ههههههههه عشان قبل التكشين المهم و قالت انا عروسه قالتلها بتقعدي معايه لين الاخير هههههههههه عشان تتعلم و جات على المسكين قالت و انتي قاعده انتي تقطعي و الا يبغالو خلاط الخلاط جنبك حطي و شغالي ههههههههههههههههههههه مالكم في الطويله قبلها جبات بخور و بخرتنا بخور فاخر يعني بعدها مطبخ ااااااااااااااااه ههههههههههههههههه المهم معانه شغلتها الحمدالله ولدها نايم في الغرفه و نحنا مقفول علينا في المطبخ حزنا قولنا افتحي عشان ولدك قالت بس مافي هروب الا هتهرب يا ويلها يا سواد ليلها طبعآ هيا الزعيمه كلنا خفنا بعدين فتحت الباب و شغلت المزيكه عندها المسجل موزع على البيت حتى في الحمام الله يكرمكم و سار حماس و المكيف شغال حق المطبخ المهم طلعت الدقيق قالت تعرفو انا ايش هطبخ قلنا باين اصلن قالت لا مو باين هسوي ملخيه و بيتزه و كبه مقليه قولنا كيف هتسويها ديه يبغلها شغل قالت سويتها من اول و حطيتها في الفريزر المهم منتو كمان مجهزتو و فرموزه كمان مجهزتو لغمان جاهز باقي الصوص حقو و تبوله مجهزتها المهم ايش باقي قالت شربت البطاطس و رز زربيان و الملخيه البنات قالو يعني قالت نخلص و نحط و ناكل ^_^

اول مرا يصير معانه الموقف و نحنا كلنا نمون على بعض مرا بصراحه مرا انبسطنا و كان يوم مرا حلو و شي مو متوقع و تغير من الروتين بصراحه موقف حلووووووووووووووو و زوجها راح الباحه عشان كذا يعني البيت على حسابنا قولنا بعد هذا لازم نساعدك في التنظيف قالت ليش الشغاله ايش تسوي و الا يسمعكم مرا الدنيه اتوصخت ماشاءالله رغم كل ده بس كل الا تشتغل تنظف وراها على طول
بس خساره بعد ما خرجت قولت ياريتني صورت السفره ماشاءالله طلعت ولا اروع و اكلنا و شبعنا و جا و قت الحله قولنا لا تقولي نسوي حلا قالت لا الحلا جاهز انا سويت كذا عشان نغير ولا انا كانت اقدر اجهز كل شي بس هيا من يومها تعودنا على شي جديد ربي يحفظها

يؤؤؤؤؤؤؤؤؤؤؤؤؤؤؤؤؤ طولت عليكم اسفه بس قولت احكيكم ايش صار معايه بس لا تسوها في اي احد ديه الحركه انتبهو^_^ يمكن يقوم بوكص و ضرب

احبكم يا قمرات

[Nana.1985]

ههههههههههه والله موتيني ضحككككك
انا اتاحمست مع المقبلات قلت العشا اكييييييد دعسسس هههه
بس يالاه انبسطتوووو وطبختو انا لو هناك يوووه اكره المطبخ هههه عروسة وحامل وماعرف يعني كل شئ غلط فيا ههههه
الحمدلله بس خساااااااااارة ماصورتي والله حمستييييييني ع المنتو والفرموزا زمان عنهااااا ...
فين احسن محل يبيع منتو وفرموزا ؟؟ انا يعجبني اخون الي في الشوقيه اظن .. وفي واحد تاني قديم ناسيه اسموو

الله يهديكي جوعتيييييييييني ههههه
وكمان بصراحة شكل البيت حلوو مررا كان صورتي كمان هههه >>> ملقوووفة

[Compassionate Heart]

نانا
دوم الضحك يا قلبي ^_^
اما دعس ههههههههههه نحنا اتوقعنا كمان ندعس
يارت كونتي معانه كنتي جلستي جنبي ههههههههه حلنا من حال بعض بس انا ليا سنه و شهر متزوجه يعني لسه ما كملت الشهر يعني راحت عليا
اما المنتو في الستين محل بيت المنتو جنب اهلي انا اهلي في الستين بس انا في العزيزيه معروف المحل بس حصبتي ماشاءالله امس كل الاكل بيتي ولا شي من برا
ياريت صورت بس مرا راح عن بالي ما اتذكرت خيرها في غيرها بعدين مرا ثانيه ابشري اصورلك البيت من عيوني ^_^

[ثلجه فوشيه]

مسسسسساء الخير كروشات ..

نانا أنا اشتريت للبيبي اشياء بسيطه يعني كل شهر انزل آخذ شي تعرفي عشان الميزانيه
ولسا باقي قدامي تقريبا 3 شهور اخلص يها براحتي ان شاء الله ..

رحيمه بصراحه حركه حلوووه بس لو صارت فيا يووه هههههههه ماحب المطبخ الا في بيتي ماحب اطبخ وانا لابسه ومتكشخه بصراحه بس يلا اهم شي انبسطتوو وبالعافيه عليكم .

نانا احسن مكان يبيع المنتو في الستين اسمو بيت المنتو واااااااااو لزيز مررا معروووف
ويااارب يوصل زوجك بالسسسسلامه بأذن واحد احد وبالنسبه لتوقيعك ودي اوصل دا اليوم بسررررعه ..

كروزه حبيبتي روحي خذي الابره زي ماقلت لك منتي خسرانه شي .. وبرضو لو حابه اسالي دكتورتك ..

اموره وكتكوته فينك مختفيه يابنت ؟؟

نور القمر الله يسعدك انتي وزوجك ياااارب والله بصراحه أنا لو اموري مستقره في الحمل ومافي خطر عليا راح اروح مابفوت السفريه ههههههههه بس برضو اسألي دكتورتك قولي في خطر عليا ؟؟ وان شاء الله يكون مافي خطر وتروحي وتنبسطي مدري بعض الاحيان الانسان يحتاج يغير جوو ..

غنووجه كيفك شو اخبارك يابطه ؟؟؟

بنات أنا امس رجعت مبسووطه بس اعوذ بالله مررا ماقدرت انام مدري ايش صابني مرررا حسيت بضيقه فضيعه الله لا يوريها احد لحد اني والله ماقدرت انام في غرفتي خرجت اخذت مخدتي ولحافي ونمت عالكنبه في غرفه الجلوس نمت تقريبا ساعه ورجعت صحيت بعدها دخلت غرفتي نفس الحال ماقدرت انام وحاسه بضيقه ونمت الين الساعه 4 ونص تخيلووو
ودحين قمت برضو حاسه بضيقه ..

[Compassionate Heart]

ثلجه
اسم الله عليكي قومي خذي دش و اتوضي و صلي و شغلي قران و قرائي المعوذات اسمعي كلامي لا تكسلي يالله خذي دش و صلي و انتي تاخذي الدش خلي قناة القران في التلفزيون شغال اتعوذي من الشيطان

[انشودةمطر]

سلام كيفكم بنات وش الاخبار
نور ياقلبي ما انصحك تسافرين السفر متعب الطياره حكايه ومطباة جويه والرحله طويله لاسبانيا
غير كذا اكيد راح تتحركين وروحه وجيه وتمشيه تحملي وعوضيها بعدين
ثلجه فوشيه اذا على سحبت الفراش والنوم على الكني يووووه دايم تصير واحط على قناة بدايه واقرى سوالف الحريم واضحك الى ما عيوني تنحول وانام
نيلي اتركي اللقافه لاتقولين لزوجك وصاحبه عندنا وحده مغربيه لايطلع زوجك العريس ههههه الله يخليه لك ويسخره
غنوجه وكروزه وتالا ورحيمه وش الخبار وكيفكم

[انشودةمطر]

نانا انا برضو يعجبني فرموزة اخوان مره لذيذ ه شوقتيني عليها بروح اشتري وارسلك

[أحلى موني]

السلام عليكم اخباركم ياكروشات امس ماجيتكم عالموعد عشان كنت في شبكه وحده تقرب لزوجي

والله الطقاقه كانت رهيييييييييييييييييييييييبه ترقص اللي مايرقص انقهرت كان ودي ارقص لو رقصه خفيفه بس ظروفي الصحيه ماتسمح

معوضه خير هههههههههههههههههه

[أحلى موني]

وين النااااااااااااااااس شكله مافي احد غيري

[Nana.1985]

ايووووووا هوا بيت المنتو ... دوبي سالت بابا الا انتو كتتبووه هههه
دا اقدم شئ واكتر شئ اهلي يحبوه
بس مدري اخون احبووو كمان ..

[انشودةمطر]

اهلين احلى موني ان شالله انبسطتي اما الرقص امسكي نفسك بترقصين وقت الولاده رقص ال9 شهور ههههههههههههههه

[Compassionate Heart]

انشوده
هلا حبيبتي بخير ربي يسعدك انتي اخبارك و اخبار البوبو عساكي بالف خير

احلى موني
انا موجوده انفع ^_^ شاطره لا تعبي نفسك بكره لم يجي النونو بالف سلامه ارقصي رقص ل ابو الشباب ^_* اهم شي صحتك دحين كيف حال الكتكوته ربي يسعدها

نانا
ايوا بيت المنتو مرا رهيب بس صحبتي بخاريه تسوي الاكل البخاري اطعم من اي مطعم ماشاءالله عليه متعلما من امها تحب تدخل المطبخ من ايام الدراسه ربي يحفظها
ربي يطمن قلبك على زوجك يارب

[انشودةمطر]

نات احس الم عند جهت السره زي المغص يروح ويجي وانا بالاسبوع الثالث يالسادس مدري عادي

[Compassionate Heart]

انشوده
سلامتك ما تشوفي شر انا امس جاني مغص زي الدوره يجيني من فتره لفتره بس تقولي الدكتوره عادي و اخذ بسكوبان و الحمدالله يعني ان شاء الله خير

[انشودةمطر]

تسلمي رحيمه ان شالله مافي شي اختي تقول عادي لان الرحم يرتفع على فوق ويكبر البطن

[Nana.1985]

انشودة والله مدري بس انا كنت احس زي الطزة كدا تحت السرة بالزبط وبرضو في السادس او السابع بس مو مغص ..
ان شاءالله مافيكي شئ بس لو شئ مؤلم راجعي الدكتورة ..

رحيمة اكلت دوبي من بيت المنتوووووووو يميييي يميييييييي d:

[Compassionate Heart]

انشودة
طيب الحمدالله ربي يطمن قلبك يارب

نانا
الف عافيه يارب كنتي مريتي على ماما لا بس امي كانت عندي وحده هبله^_^

[أحلى موني]

ااااااااه يانشوده مطر الا برقص واغطرف واصيح في التاسع الين اشبع ههههههههههههههههههههههههههههههه

ويارحيمه القلب حتى زوجي يقولي نفس كلامك ارقصيلي بعد الاربعين وباجيبلك نفس الفرقه اللي بالشبكه وطلعي كل اللي براسك قدامي ههههههههههههههههه
وكتوكتتي تبوس اياديك بخير والحمدلله

[Compassionate Heart]

أحلى موني
تبوسها العافيه يارب ربي يسعدك و يحفظكم

[Nana.1985]

احلى موني فااايقة تفكري في الرقص هههه ...

بنات من اول مررا متحمسة لموضوع الولادة والبيبي .. بس دحين احس اني ابغا ابكي ومرررا خايفة .. احس انو الولادة مو سهلة .. ومو شئ هيين ..
يعني في امهات ماتو وهما بيولدو ولا جاهم نزيف ... يمكن انا كمان اموت ونا بولد؟! واخر مرة اشوف فيها زوجي كانت امس؟! لانو مارح يجي الا الاسبوع الجي .. ويمكن لاسمح الله يموت الجنين وانا بولدو؟ ولاينخنق ولايسيرلو تشوهه ولاتخلف... والله يمكن اموت من اللالم لو سار فيه شئ!
مررا خايفة يابنات والله .. خاصة انو اليوم بديت احس انو عضام الحوض تعورني شويا يعني البيبي كل مالو بينزل على تحت ... والله مرة خايفة يابنات وقلقانة مرا

[انشودةمطر]

نانا ياقلبي امر طبيعي اللي تفكري فيه ولو ربي كاتب شي حيصير انتي توكلي على الله وربي ما يخيبك ان شالله وادعي واقري على نفسك وعلى الجنين والله يسهل ولادتك يارب ويتممها على خير

[أحلى موني]

نانا حبيبتي لاتفكري كتير كدا تتعبي نفسك اكتر من التعب اللي فيك خليها على ربك كلنا شايلين هم زيك ونفكر في اللي تفكري بيه بس نحاول انه مايشغل تفكيرنا مررررره لدر جه الخوف بس ادعي كل ما اتجيني وساويس زي كدا

ولاتنسي تقراي سوره مريم تسهل الولاده باذن الله وادعي واستغفري كتير خلاص هانت الله يقومك بالسلامه

[Nana.1985]

انشودة وموني الله يسعدكم يارب ويسهلكم كل خير
بس اعوذبالله مدري اش سار فيا فرحي وحماسي قلب خوف يمكن لاني فعلن بديت احس انو بدا الجد وحانت ساعتي ... الله يسهلها يارب ادعولي يابنات كلللكم دعاء المسلم لاخيه في ظهر الغيب مستجاب ان شاءالله ...

[أحلى موني]

بالعكس هذي فرصتك تفرحي وتنبسطي لان خلاص مابقي غير القليل ويكون طفلك باذن الله في حظنك بعد9شهور صبر الله يكملك فرحتك ويولدك بالسلامه ويرزقك بالذريه الصالحه

الا قوليلي ايش عندك بنت والا ولد؟؟؟؟

[اموورة وكتكوتة]

صباح الخير حبيباتي

كيفكم وحشتوووووووووني مررررة مرررررة

سهرانين ولا نايمين؟؟

انا غبت يومين بس وما شاء الله صفحات كتيييرة زادت وقصص مالي ملحقة بالقراءة وعيوني زغللت

انا الخميس قلتلكم زوجي حيسهر مع اصحابو وانا رايحة عند اهلي بس النت عندهم خرب من العواصف اللي صارت والمطر يوم الخميس عشان اهلي بالعزيزية .. الجو كان مرررة حلو وخطييير ياريت كل يوم كدة

واليوم مرررة طفشت بقوة عشان مافي نت لانو نحن مشتركين نت مع قرايب زوجي معانا بنفس العمارة والجهاز حق النت عندهم ونحن شابكين سلك من عندهم وشكلهم ماهم في اليوم وه الطفش ..
دحين قلت خلنيي اجرب و اخيررراااا* جاه

الحياة من غير نت ما ادري كيف ؟؟ وخصوصا انتو مررررة وحشتوني مرررة كلكم احبكم ومتلهفة عليكم كلكم

[انشودةمطر]

كيفك اموره وكتكوته ان شالله انبسطتي عند اهلك فعلا المطر كان روعه اللهم اجعلها امطار خير وبركه والنت فعلا ما احد يستغني عنه صار ادمان

[Nana.1985]

موني ان شاءالله ولد .. على كلام الدكتورر

اموورة وحشتيني كتييييييير ان شاء بس انك انبسطتي وغيرتي جووو ..
الخميس كنت مع زوجي في العزيزة عند جدتو وشفت المطر والبرد كنت في السيارة مرررا انبسطت بس لما جيت الرصيفة عند اهلي مافي ولا نقطه ههه
وفعلن الهوا كان شديد وطاحت الاشجار من قوتها

[اموورة وكتكوتة]

هلا انشودة كيفك انتي يا سكرة ؟؟ وكيف البيبي؟؟
والله الحمدلله انبسطت صار لي فترة مارحتلهم

من جد النت ادمان على قولك

[Nana.1985]

انا حاقدة على كروزة لاتروح تولد قبلي .. بس تختفي البنت دي!!
بنات بقوم انام تعبانة ومصدعة ادعوووولي ..

[اموورة وكتكوتة]

والله وانتي اكتر يانانا وحشتيني ووحشوني كل البنات وجالسة اقرا الصفحات اللي فاتتني مرررة قصص كتييرة صارت ما شاء الله

مرررة ابسطتلك عشان جيت زوجك عمكة وجالسة اضحك حلو كدة خرجتكم بالصباح وكدة .. بس خفت عليكي من الدكتورة هادي الغبية انا لو مكانك اخلي زوجي يلطشها يعني الحامل مررررة حساسة وهيه المفروض ما تتفلسف وتتكلم من راسها من دون ما تتاكد..

بعدين حبيبتي الافكار السودا اللي تجيكي عن الولادة انا كمان تجيني وانا يصراحة مرعوبة اكتر منك بس احاول اهدي نفسي واقول انا ايماني قوي ومتوكله عالله بس الخوف ماينيمني احيانا من هادي الافكار السودة

الله يتمملك حبيبتي وتولدي بسلامة وتقومي انتي ونونتك بالسلامة

[نلي خانم]

هاي ياحلوين

بنات أنا مرفوع ضغطي من زوجي شوفو لي حل
قلي أمانه ماأكل غير كيسين فشار في اليوم وأنا مو قادره أقاوم الدولاب فيه 30 كيس نفسي أكلها كلها ياربي أش أسوي فيه

نور القمر
خليك عاقله ولاتسافري أنتي ماتخافي من المطبات الهوائيه صراحه تحسين الطياره تتحرك بقوه وخوف عليك أنا بغيت أسافر أندونيسيا بس لما حملت أجلنا أنا وزجي ألى مابعد الولاده ياويلي مره كنا مسافرين وجاتنا مطبات هوائيه ماأنساها فوق الهند عشان كذا أنا أجلت السفر خايفه على البوبو

أموره وكتوته
فعلا لاحياه بدون نت قبل فتره طفت الكهربا صارت عندنا هسترنا أنا وحماتي وأخوها كان فيه فيش واحد شغال ماأدري كيف نسيوه شغال ونجمع كل التوصيلات في البيت ونشبك النت بس حالنا كان مره مضحك
بس والله مره وحشتينا يازيتونه

أنشوده
الله يستر من الرجال انا خايفه لايجيب هديه لزوجي من نوع ثاني بس ماعليك مسيطره على الوضع

رحيمه
ياسلام على جمعات البنات وحشتني مراااا قهروني صاحباتي مره ماعاد يجوني من يوم ماحملت يقولون مايبغون يتعبوني بس أنا أقولهم تعالوا كل شي من برى بس يقولوا أحنا نعرفك ماتجلسين بس تشتغلين وأذا ولدت يبغوا يجوني

أحلى موني
كيفك ياقمر والله لك غيبه وين أختفيتي اليوم كنت بسوي لك نداء أنتي وأموره بس راحت عليه نومه وصحيت الساعه 1


يالا بنات أنا بروح أنام أدعوا لي الشغاله تجيني بكره والله ذبحتني كل يوم تقول بكره والغسيل مره تراكم أخر كلام تقول بتجيني الصباح وألحين بحاول أنام عشان أقوم معاها لاتخبص في بيتي

أحلام سعيده أنتو والبوبو هات

[أحلى موني]

نلي خانم اخبارك عساك بخير وانت كمان لك وحشه والحمدلله جيت قبل النداء والا كان اخذت كرت اصفر منك
ههههههههههههههههههههههههههههههههه

ياموره وكتكوته ازيك ياحبيتشي>>>تحاول تهرج مصري خخخ<<<<
عامله ايه كويسه وازاي البيبي بتاعك بيرقص شرقي؟؟
عقلي ورى الرقص
هههههههههههههههههههههههه

[Om KHaled]

صباح الخير

كيف حالكم ان شاء الله بخير , انا باتشكركم كثير على اسنادكم لي ونصائحكم يا احلى صديقات بالكون , والله انكم ريحتوني من التعب اللي انا فيه وح اسمع كلامكم لاني ح اجل السفر بعد الولادة ان شاء الله ...

[ام شوجي]

صباح الخير صبايا

[نلي خانم]

اهلين ام شوجي
صباح النور كيفك ياقمر وألا ياشمس نسيت انو خلاص جاء الصباح

[خطوة بريئه]

مرحبا ياكروشات حلو التجمع يعطيك العافيه يا لمسة امل بصراحه انا ولدت في حراء مرررررررره ممتازه ورحت الرفيع عند الدكتوره ميمونه ابدا ماارتحتلها وقالتلي عمليه بس رفضت حراء يصبرو ويساعدو والحمدلله ولدت طبيعي ودحين ولادتي الثانيه افكر اولد بحراء بس بنات حابه مساعدتكم ابا بسوي حفله لولدي وابغى وحده ترسم ع الوجه اذا تعرفو وابغى اعرف اللبس اللي ع شكل ميكي وبطه اللي دايم نشوفه في الحفلات الكبار يلبسوه فين الاقيه ويعطيكم العافيه جميعا

[نلي خانم]

ياربي وش هالخربطه اللي عايشه فيها
نمت المغرب صحيت الساعه1 شكلي ماراح أتعدل الين يشرف البوبو

[غايرة]

السلام عليكم
بنات
انا من مكة
كيفكم
انا حامل عالشهر الثالث..
انشالله كل حامل تولد بالسلامة
وتحياتي لكم

[خطوة بريئه]

ليش مااحد رحب والا رد شكله مو مرغوب فيا صح

[Om KHaled]

هلا وغلا بالكروشات الجدد حياكم الله بيننا ان شاء الله تستفيدو وتفيدو

تحياتي للجميع

[خطوة بريئه]

..........

[غايرة]

هلا بالخطوة بريئة
مرحبة ..
نورتي..

[ام شوجي]

هلا بالجدد هلاببنات مكه فديتهم ياحوبي لهم
هلا نلي خانم ياليتني جارتك كان كل صباح رجيتك بعد مايخرج زوجك هع
انا اول سنه اقعد بالبيت وحاسه اني اتجنن
والسبب الزواج

[ام شوجي]

جالسه اسوي الغذاء اريح دماغي من بدري

[نلي خانم]

هلا غايره وخطوه بريئه مرحبا فيكم بيننا كيفكم وكيف الحمل معاكم بأذن الله راح تنبسطوا في التجمع لكن واضبوا على الحظور الدائم وراح تلاقون الكل يسأل عنكم ياحلوين

أم شوجي
أي والله ليتني جارتك ابي من الغداء شويه سهرانه وماأكلت شي
زوجي دوامه مو دايم الصباح هيك وهيك على حسب
اما الطفش كثري منه ترى أنا مثلك اول سنه في زواجي بغيت انهبل لكن شوي تعودت على الوضع خاصة اني تزوجت بعد التخرج بشهرين وهذي السنه الثالثه لي بالبيت ربك يعين بأذن الله أنك تحملين قريب وراح تنشغلين بالحمل بأذن الله



شغالتي جات بالساعه أقصد ساعتين باليوم ياعيني بدأت تتشرط عليه من اول مادخلت آآآآآآخ عليهم ياكرهي للشغالات والله ماجيبهم ألا مضطره تقول بتروح الساعه 10 والله نفسي أناااااااام متى تخرج بس

[ام شوجي]

وش جنسيتها شغالتك انا مقهورة من وحده من الرمضان وللحين حاقده عليها وودي اشووفها بس

عشان اقولها ماخذه فلوس حرام حق ثلاث ايام

مسويه فيها طيبة عليها وربي الانسان تعطينه وجه يتمادى عليكي مايقول هالانسانه طيبة معي خليني اكافئها بنفس طيبيتها
قدمت لها راتبها قبل نهاية رمضان قلت حرام عيد واكيد تبي تقضي لبزورتها اتكلم عن شغالة اهلي وجات يوم الختمة قالت لي بتسوي عمرة قلت لها رووحي وانا اسوي نص الشغل وبكرة تعالي تكملين جاء بكرة اتصل عليها وينك الحين اجي الين ماقالت بجيكم الظهر ونستنى ونستنى جاء الظهر ماجات نمنا صحينا ليلة العيد طبعا والمطبخ مومخلصين بسببها هي نتصل الحين اجي الين اخر شي سحبت علينا ياني مقهورة منها الله يعينا بس بس ابي اقابلها واقول لها اخذت فلووس حرام والله ومن يومها قلت توبه ماعاد اسوي معاهم جميل

[نلي خانم]

أم شوجي
شغالتي جنسيتها ماأدري بس شكلها شنقيطيه ياكثر الشناقطه بالحاره يرفسون من كثرهم

أنا مره جاتني شغاله ألى يومك هذا أدعي عليها أول شي كانت عند أم زوجي وأول يوم في زواجي قالي زوجي ماأبيك تسوين شي وناداها غسلت مواعين بسيطه حقت الشاهي ونزلت أثاريها راحت تفتري عليه عندهم تقولهم كل غرفة النوم ثياب مرميه على الأرض والمواعين جبل
الله أكبر عليها الكذابه أصلا كل الي سويته شاهي من فين جات المواعين وألا غرفة النوم أصلا مادخلتها بس اللحسه اللي فيها خلتها تتكلم
قدر الله وحملت بعدها ثالث شهر ويجيبها زوجي وتروح تفتري عليه عندهم تقول لأهل زوجي كلام كبير تقولهم كل الغسيل أقمصة نوم وكلوتات بريش حسبي الله فيها أصلا كنت حامل وقرفانه ومو طايقه اللبس وهذي تقول أقمصة نوم وقلة أدب وغير الكلام الثاني أنو دواليبي مصديه من الوصخ ياناس كيف صدت الدواليب وهي مالها ألا ثلاثه شهور
بس والله أني أدعي عليها كل ماأتذكرتها الله يجعل الناس يشيلوا وصخها من تحتها مثل ماأفترت فيني ويجعلها تعجز عن تنظيف نفسها يارب أنك على كل شي قدير

والله أخت زوجي ماكانت تتكلم عشاني حامل ماتبغاني أزعل ولما أجهضت قالت لزوجي عن كلامها بغيت أموت كنت مره طيبه معاها بس الشغالات مالهم أمان وماينعطون وجه

[اموورة وكتكوتة]

صباح الخير

كيفكم يا بنات؟؟ وهلا باللي انضمو جدد لتجمعنا نورتو

[كوكو الحلوه]

صباح الخير كروشات كيفكم والبيبي ان شاء الله بصحه وعافيه والله فقدكم وحشتوني حاسه لى سنه ما دخلت ما شاء الله ما لحقت على الصفحات كل هذا بغيابي ان شاء الله معد اغيب اكون دايم تسجيل حضور
حياءالله جميع الكروشات الجدد وان شاء الله تنبسطو معنا الله يحمي الجميع يارب
الف الف مبروك على الولده ملووكه والله يجعله قرت عين ليكم يارب
Nana.1985
الله يسهلك والدتك يارب وتقومي بسلامه وجميع يارب

[نلي خانم]

أموره وكتوته \ كوكو الحلوه

صباح الورد ياحلوين
يارب تكونوا بخير
أنا مازلت سهرانه مع الشغاله أنتظرها تخرج وبناااااااااااااااااااام آآآآآآآآآهـ على النوم شكلكم مصحصحين

[اموورة وكتكوتة]

هلا كوكو كيفك وكيف امورك؟؟

فين هالغيبة؟؟

نلي انا مالي مصحصحة نمت الفجر وصحيت 9 والدنيا تلف فيا دحين..

كويس جات شغالتك واخيررااا

[كوكو الحلوه]

نلي خانم طيبه الحمدلله وشويتين تعب هذي الفتره عشان كده ما دخلت كم يوم بس الحمد لله اليوم افضل وانتي كيفك ان شاء الله بخير عاد الله يعنك انتظرها لحد ما تخلاص افضل انك ما دخلها لوحدها الوحده ما تظمن اشغلات والله

[كوكو الحلوه]

اموورة وكتكوتة طيبه الحمد لله ويبوسك البيبي عاد على الغيبه ككانت مرضيه بس الله يكتبلنا الأجر ان شاء الله عشان داخله الثامن اتعب شوي راح يزيد
وانتي كيفك والبيبي ان شاء الله مناح

[اموورة وكتكوتة]

والله الحمدلله طيبين ولله الحمد

الف سلامة عليكي وريحي نفسك وارتاحي وبالنسبة للتعب الله يكون معانا ويعطينا قوة التحمل والصبر .. الشهور الاخيرة مررة صعبة ومتعبة ..
الله يتمملك ويتمملي ويتمم لجميع الحوامل على خير

[كوكو الحلوه]

تسلمين يالغاليه وباذن الله راح احوال اريح بس عاد انا ما بسمع كمان يبغالى سحبت اذن هههه تماشي وخرجات وجيات بس الله يعين يارب
امين يارب الله يرزق الجميع اذريه اصالحه والجميع يكون سالم غانم يارب

[اموورة وكتكوتة]

هههه والله كلنا يبغالنا كدة ما نسمع الكلام..
اتمشي واخرجي بس انتبهي عنفسك من التعب

عندك بزورة ولا هادا اول بيبي

[كوكو الحلوه]

ايه والله ما نسمع والمشكله انو زوجي معا ماشي ما يبغا يزعلني عشان كده اول ما يشوفنا اكشر خلاص يغير رايو ويسوي يلى ابغا الله يحمي يارب ما قصر متعبته حيل معي كل هذا عشان لا يزعلني عشان ادكتوره تقول ازعل مو طيب على وانا اخذتها حلا خلاص ههه
لا هذا اول حمل لي انا بكريه

[Om KHaled]

الحمد لله عالسلامة اخت كوكوالحلوة ان شاء الله دووم معاناا

[كوكو الحلوه]

نور الله يسلمك يارب تسلمي يا غاليه

[اموورة وكتكوتة]

اللع يتمملك عخير كوكو.. حتى انا زيك هادا اول حمل ليا والحمدلله بس مررة تعبانة بس كلو يهون على شان خاطر احلى عيون ههههه

[كوكو الحلوه]

كلو والله يهون يلى تبغا تشوف ظنها لزم تتحمل عشانه اول ما تشوفه راح تنسى كل اتعب
الله يسهل لى الجميع يارب

[اموورة وكتكوتة]

امين الله يسهلنا ان شاء الله

فين البنات شكلهم نا يميييين يا حبهم للنوم والسهر بالليل ههههههه

[كوكو الحلوه]

اظاهر كلهم نايمن بس انا وانتي ويجي الليل نكون حنا فيه خلاص نبغا نينام وهماسهرانين
ما بعرف متي الوحده تبدا تشتري تجهزات البيبي انا باقي ما شتريت ما بعرف شنو اشتريله انتي انتهيتي ولا باقي زي ما بداتي

[Om KHaled]

http://forum.hwaml.com/imgcache2/hwaml.com_1287220280_627.gif

[اموورة وكتكوتة]

ايوة والله معاكي حق كوكو.. بس انا كمان ما انام الليل كويس يعني مواصلة مع الكل..
بالنسبة للتجهيزات اشتريت شوية من سنتربوينت واشياء بسيطة من مذر كير وسوق العايلة عندو اشياء حقت بيبي حلوة ورخيصة مرره بس لسة في اشياء مرررة كتيير ناقصتني واستنى ابو الشباب يوديني السوق مرة تانية

انا اسمع في ناس يجهزو من الشهور الاولى وفي ناس زينا هههه على اخر شهر ..

[Nana.1985]

كتكووتة ماتحرمش يختي p:
الحمدلله هديت نفسيتي شويا وراح الوسوااس
والله امس فكرت اني معد ادخل المنتدى تاااااني الا لما اولد كرهتو مرررا
لاني بصراحة قريت مواضيع تخوف امس .. وكمان افتكرت حاجات سمعتها من زمان وكدا فجاني الوسواس ..

نوور الله يعينك عاد كلام نلي يخوف بصراحة ماجا على بالي المطبات الجوية .. ياستي اجلسي في بيتكم وتتعوض السفره ان شاءالله بس قولي لزوجك بجلس عشانك وماقدر اتركك لحالك هههه يعني استفيدي من الهرجة >> شريرة هههه

نلي انا زيك والله شكلو البيبي الي ح يربيني ويخليني انام مزبوط هههه
احلى موني
ام شوجي
خطوة بريئة
غايرة
منووووووورين التجمع ... كيفكوووم كووولكم؟ وكيف الكتاكيت؟

خطوة لمسة امل صاحبتي كنا نشتغل سوا .. الله يسعدها بس على كلامها انها تعبت شويا لانها بين طبيعي وقيصري وفي الاخر قيصري لانو وزن البيبي مااشاءالله 4 .. كتوووووووت ماشاءلله عليه يجننننننن هههه

كوكو الحلوووة وحشتينا لاتطولي الغيبة! ونتي في اي شهر حامل
انا برضو بكريه بس شوفي قد ايش بقي على ولادتي!! الللللللللله يسهلها يارب

[كوكو الحلوه]

نقول يعني مشتريه كم الغرض مو مثلى ولا حاجه الحيره ذابحتي وانا اشوف بدري بس الوحده افضل شي تجهز اغراضها ما بتعرف متي الحاله الطاريه راح تجيها سوق العايله هاذ وين في العزيزيه والله ما بعرف السواق كثير ويعني راح احصل عنده كل شي ما لى حيل ادور في السواق

[Nana.1985]

كتكوتة كل مرا انسى انتي في اي شهر؟! ليش ماتحطي توقيع وتريحيني ؟!
اجلس احفظ كل وحده في اي شهر؟ اش الكلام دا ! >> احلا ياقوووي هههه

والله شوفي تقضية الملابس دي خدي حاجات بسيطة لانو النونو يكبر بسرررعه
غير كدا ح تلقي حاجات كتير تتكرر عندك لانو ح تجييكي هدايا كتير من اهلك وكل الي يزوروكي ومارح تلحقي تلبسيها للبيبي كلها ! لانو يكبر بسرعه ماشاءالله ...
والله انا اقتنعت بفكرة حلوة انا اشتري الي نفسي فيه بدون تهطيش
وتجيني هدايا ولما اشوف الهدايا اشوف اش ناقصني واكمل لو نافصني شئ
يعني انا اشتريت كلللللل حاجة من فلاين داخليه (أعششششششقها) لين بربتوزات وشراريب وطاقيات وشوزات جزم الله يكرمكم وكوافل والله كلللل الي نفسي فيه اشتريتو بس بدل ماشتري مسلا 10 ولا 15 قطعة اشتريت 5 او 6 زي كدا .. اكتر شئ عندي الفلاين هههههههه اعشقها مدري ليش وكل شوياا طلعها واتفرج فيها هههههه وكل الي انا اخترتو من مذر كير يعني طلعت الي في راسي ع الاخررر بس مو بتهطيش .. دي نصيحة ماما وعجبتني ..
غير كدا اختي ولدت قبلها وولدها عمرو سنة وشويا ماشاءالله جابتلي حاجات مرررا كتير وهيا ماتشتري الا من الغالي مراا وكل الملابس نضيفة وكويسه فخليتها على جنب .. بعدين في نقطة تانية
لاتقولي لزوجك زي كدا اختي جابتلي ولا استنى الهدايا لا سوي انك لسا ماتعرفي مقاس البيبي عشان كدا ماتبي تهطشي ..
قولي لما اولد واشوف البيبي اختار وهوا قدامي عشان تجي على مقاسو
بعدين يروح يتعود كل مره يقولك خدي من اهلك ولا استني الهدايا ومدري ايش
لا خليكي مرا عادي انو انتي زكيه وماتبي تشتري شئ ماتحتاجيه او يكون كبير ع البيبي ... وبسسس اش ررايكم؟

[Nana.1985]

كوكو الكلام موجهه لكي هههه
انا اشتريت السرير كمان بس عربيات ومشايات ومدري ايش ماشتريت لانو دايما الناس يهدوو الحاجات دي .. وافتكر اخواتي والله تجيها 4 مشايات ومدري كم طقم لحاف غير اللي هما اشتروه .. انا قلت لماما طيب يمكن زوق الناس ماعجبني؟! قالت عادي ديكا الساعة اشتري الي تبيه براحتك
والله كل المغزى من المووضوع انو البيبي يكبر بسرعه الويييحش ومانلحق نلبسوو شئ وهـ عليه بس متى اشوووفووووووو الكلبوون

[Om KHaled]

ههههههههههههههه تسلمي يا احلى نانا ما انا قلت له بالاول انه ما تحلالي السفرية من دونك , والله انه احبة كثير وسبحان الله ما انسبط في غيابه ربنا يخليه لي يا رب وما يحرمني منه

[Nana.1985]

اميييين يارب والله يسعدكم ويهنيكم ببعض ..

اااه اتعزب لما اسمع كدا زوجي راح تاني الرياض والله كتييييير اشتاقلو ويوحشني كلامو وضحكتو واستعباطو وحنانووو وكلللل شئ فيه .. لما يكون معايا احس اني ملكة :((((
مع اني عند اهلي مررااا مرتاحة ومدلعيني كتييير بس مارتاح الا معاه :(
يالبى قلبه وياافديته هههه

[كوكو الحلوه]

Nana
تسلمى يالغاليه لا ان شاء الله ما راح اطوال الغيبه المره الثانيه بس لو طوالتها مره اكيد راح اجي بخبر ان شاء الله يكون حلو
هونيها وتهون ان شاء الله الله يسهل عليكي يارب وتقومين سلامه انتى والبيبي يارب وتفرحنا بجيته يارب
انا في نهايت اشهر السابع يعني كم اليوم وادخل الثامن ان شاء الله
ايه فكره يبغالى اخذ على المشوره وكمان فكره حلوه الوحده تشتري كل شي بس مو كثير صدق النونو يكبر بسرعه بذات في شهور الاول له يعني الوحده تخلى بعدين تخذله بحوال اقضي الحين ان شاء الله قبل ما اصير مرره ثقيله في تاسع

[اموورة وكتكوتة]

هلا نانا ليه كدة يانانا ما تبغي تدخلي اذا على الاشياء اللي تخوف نحن ايش نقول انتي ولادتك خلاص ان شاء الله اخر الاسبوع

انا في الشهر الثامن والحمدلله وبالنسبة للتوقيع ما اعرف اسوي ان شاء الله اسوي اليوم خوفتيني هههههههه.. وانا ما اشتريت حاجات كتييير بس جالسة ادور على سرير وملابس ليا للنفاس وكم بربتوز للبيبي على اشياء بسيطة ولسة في ادوات الاستحمام والنظافة وملابس داخلية ليا للنفاس وبيجامات يووووه لسه قدامي كتييير اشياء اشتريها

وياسلام عالذكي بس انا زوجي هوه اللي جالس دايما يقولي حتجينا هدايا كتييير ما يحتاج نشتري حتى السرير والعربية يقولي حيجينا هدية تخيلي مررره احسو مو مهتم او يمكن عشان اهلو كدة يقولو لا تشتري بكرة تجيك هدايا بس انا اعرف الهداية يا فلوس او ملابس بسيطة مو سرير وعربية هههههههه

[كوكو الحلوه]

حتي انا ودي اسوى توقيع بس ما بعرف وشلون يسونه
والهدايه ما اظن الناس راح يجبو اسيره واشياء كبيره يحليله زوجيك مريح مررررره

[Nana.1985]

غريبة انتو االاتنين .. لا جد والله هنا عندنا تجي الهدايا الثقيلة عربيات وهزازات واسرة وزي كدا .. بس شوفي امورة اكيد اهل زوجك ينبهوه عادي ترا
لانو دا الواقع خاصة لو اول بيبي ح تشوفي قد ايش ح تجيه هدايا
امك يمكن شايفتك حايسه في السرير وتشتريلك هوا هديه من وراكي
ولا ام زوجك عارفة اش ناقصك وتجبلك هوا هديه هههه

اناا بقوم اتغدا مع اهلي ..
وارجعو للصفحة الرئيسة حقت التجمع دا في مووضوع مثبت عن طريقة عمل التوقيع بالصووور مرا واضح وحلو وسهل انا امس حطيت الشريط الازرق حق النونو .. اتغدا واجي القاكم حاطين !! خخخ

[كوكو الحلوه]

بالعافيه عليك قلبي ليش غريبين الوحده ما تعرف مثل كيف راح تجيها هديها وبعدين لو جاتها ما فيها شي بس لا تحط يقي انه راح تجيها يعني تشتري حطياط ولو جاء كمان زيادة الخير خيرين ما في شي

[انشودةمطر]

كوكو الحمدلله على السلامه ماتشوفي شر ان شالله
انا من رايي في اغراض البيبي وعن تجربه لاتشتري الا الاساسييات ومنها تشوفي ما شالله حجم البيبي ممكن صغير اوكبير على الملابس وعن تجربه وممكن تجي هدايا حلوه تناسبه وبعد النفاس يكون واضح جسمه وتشتري اللي تبغيه وتكونين متحمسه اكثر لانك شفتيه وفي البدايه اصلا يكون بالكوفله هيه اهم شي نوعي فيها وخذي الوان حلوه واحسن شي سنتر بوينت قطنه بارد على البيب وحلو واسعاره مناسبه
اما الجلاسات والعربيات بدري عليها بس السرير الصغير تحتاجينه العربيع بس في الخرجه

[كوكو الحلوه]

انشوده مطر تسلمي اشر ما يجيك يارب
ان شاء الله يعني ما راح اخذ كل شي بس الاساسيات وسرير وشي من دول مشكلتي ما بعرف السواق زين هنا في مكه وين هذا سنتر بوينت وين موقعه يعني ولو فيله كل شي خلاص بريح نفسي وخذ من هناك كل شي

[Nana.1985]

كوكو حبيبتي انتي ح تشتري ح تشتري .. بس لما تشتري ونتي على بينه وعارفة اش ناقصك احسن من انك تشتري ونتي لسا ماتعرفي حجم النونو ولا اش زايد وناقص
وزيادة الخير خيريين بس اش الفايدة مايلبسها البيبي وتصغر عليه؟؟

واقصد بغريبين من ناحية الهدايا عندنا الهدايا تكون ثقيلة عربيات وكدا .. وطقومه للبيبي P:
أنا عندي اخوات اكبر مني عشان كدا شايفة الوضع كيف
وولدي اول حفيد عند اهل ابوه ومرراا فرحانين بيه P: عشان كدا بتفلسف
المهم تعبت من الموضوع دا كم مره اعيد الكلام :s خخخخ

انشودة نفس كلامي ودا الي اقصدو بالمختصر المفيد

[Nana.1985]

كوكووووووو شطوووووورة حطيتي التوقيع لولولولولللللللللللللي ..
ليش ماتعرفي الاسواق؟ انتي من فين؟ ولازوجك مايعرف؟
انا في الوصف مييييييييح !!

[كوكو الحلوه]

Nana
تسلمين يا حلوه وفهمت عليك انا وعارفه انا هذا ما راح يكون اول حفيد ما شاء الله في عيلتي ولا عيلته بس حتي انا اتوقع راح تجي هدايا مثل كدا عشان شفت هدايا اخواتى وحريم اخواني يعني اشاء ما يحتاج وعارفه انا من الحين كل واحده قايلتي ويش راح تشتري له هديه يعني عندي فكره عن بعض الهدايا الجايه عاد الله يجيبه سالم اهم شي هذا
ويش رايك سويت توقيع واخيرا

[Nana.1985]

كوكو بطنك كيف تحسيها كبيرة ولاعادي؟؟ انا بطني زي الصورة الرمزية حقي بالززززبط ونا في التاسع اخاف البيبي مفعوص جوا هههه

[كوكو الحلوه]

انا من مكه بس كل نزول اسواقى اكثر شي في جده عشان كده يعني بعرف الحجاز واضيافه واسواق العزيزيه وستين وباقي السواق بسمع عنها بس ما رحتها

[كوكو الحلوه]

لا ما راح يكون مفعوص انا والله لو تشوفيني ما راح تقولى هذي ماشاء الله حامل في ثامن مرره كوره صغيره حتي اهلى يقولون اظاهر انونو حقك راح يكون ممره صغير عشان حجم بطني بس والله مو بى حجم البطن يكون حجم النونو انا من يوم ما شفت والد اختي كيف صغير ماشاء الله عليها كانت بطنها بارزه واجر شي طلع عصفوره انونو كيلو ونصف كلنا استغربنا منه من بعد كذا قلت انونو مو بحجم بطن الام

[انشودةمطر]

كوكو نانا لاتقلقون انتم بكريه وطبيعي البطن كذا تخيلو انا بالسادس والبس الان ملابس ولدي وانا حامل بالثامن مع ان وزني ماتغير نفسه في حملي اللي قبل
بنات احاول اسوي التوقيع لحملي مايجي الشريط عندي بس مو راضي يطلع

[Nana.1985]

في موضوع مثبت عن التوقيع شوفيه في الصفحة الرئيسية للتجمع دا ..

[كوكو الحلوه]

ايه انا بكريه ونانا كمان بكريه ماشاء الله يعني انتي بطنك صغيره وكيف تلبسي ملابس ولدك هو صغير والدك
ليش مو راضي يصير معك سويله سويله نسج ولصق وخلاص

[Nana.1985]

http://forum.hwaml.com/t14737.html
دا الرابط .. هيا سووي بسرعه حمااس D:

[لمسة أمل]

سلاااااااااااااااااام يا أحلى حوامل مكة

كيفكم.. والله وحشتوووووني كثير ووحشني هالتجمع ...

اعذروني زماااان مادخلت المنتدى.. مرررة مافضيت للنت ..أنا وصلت الرياض صار لي اسبوع وشوي .. ولسة ماخلصت ترتيب وتنظيف .. وزيادة على كده حموودي ماخذ كل وقتي
الحمدلله صار عمره شهرين دحين.. واخذناله التطعيمات قبل أمس .. وكل شئ عدا على خير


الله على أيام الحمل >> جاية تتشمتي هاه
بصراحة والله مافي احلى من أيام الحمل .. زوجي يدلعني آخر دلع.. بس دحين خلاص .. فيه واحد جديد زوجي يدلعه >> تغار من ولدها

الف مبرووووك لكل الأخوات اللي ولدوا... وللأخوات الحوامل ربي يتمم لكم على خير ويقومكم بالسلامة ياااااارب

[كوكو الحلوه]

طيب حبايبي انا استاذن باااااااااااااااااااااي

[Nana.1985]

لمووووسة منووووووووورة تجمعك p:
شايفين يابنات دي صاحبتي هههه
لموووسة مافي احد دحين البنات شكلهم نايمين استني العصر ولا المغرب وتشوفي الرجه الي تسير هنا هههه
ماسار تجمع حوامل سار تجمع مهسترين هههه
كلووو جنان ورجة وفله ووونااااسة هههه

بوسيلي حمودي التعمووون .. والله يعينك ع الغيره حتى انا افكر كدا انو البيبي ح ياكل عليا الجووو .. بس على قلبي زي العسل خليه يجي بس بالسلامة وانا اوريييييه شغلوو

[انشودةمطر]

نانا يسلمو ابشرك سويته انا كنت اسوي رفع من الجهاز ما يطلع معاي لما سويت نسخ زبطت الشغله مشكوره ياقمر

[أحلى موني]

مساااااااااااااااااااااااااء الخيرات

ايش رايكم في وحده نامت الظهر وصحيت توها مالها ربع ساعه<<<هذي ==انا الله يحفظني>>>

والله لا فطور ولاغدا كان عندي مو عد في الصباح الساعه8في المستشفى ومارجعت غير 12ونص بس الحمدلله اطمت عالبيبي ووقفت المثبات الوضع عندي تمام والحمدلله بس رجعت مرررر تعباااااااانه حطيت راسي ورقدت وتوي صاحيه مصدعه جدا جدا
ايش اسوي بالله

[فتاه الثلج]

حبايبي كرووووووووووشات
ايش رايكم في المشد تبع البطن الي عند محل الفضل في الستين
هل يضر ولا ا
الي جربته او اشترته تساااااعدني اشتريه ولا لاا

[أ ح ــتواني وأح ــتويته]

سلاااااااااااااااااااااااااام

وحشتووووووني وحششتووووونني وحشششتتووووووووووووووووووووووووووووووووننني

نلي : طمنيني وش صار معك اليوم مع الدكتور وكيف البوبو انشاء الله تمام ياعسل؟؟؟؟؟

نانا : الله يقومك بالسلامه ياقلبي انتي والبوبو صدقوني صح ياخذ كل الدلع يعني تيرين صفر ع الشمال <<<< هههههههاي مو لهالدرجه ... بس والله جد على قلبك زي العسل اصلا اذا يوم كان مشغول وما لعه تنقهرين على طفلك وتودينه له يلا دلعه <<< غصبن عليه خخخخخخ

فوشيه : وينك فيه ماشوفك بدينا بالخيانه طلعات ووناسه وماتخذينا معك <<< ههههههههاي حشريه

الكروشات اللي ماعرفهم لسع يسعد مسااااااكم كلكم شخباركم؟؟؟

[قمر ليالي مكة]

مرحبا صبااااايا كيفكم ؟؟
انا كل يوم بفتح وبشوف اخباركم وبطمن عليكم انكم بخير الحمد لله
لمسة امل
انا ولدت صارلي 15 يوم تقريبا
شو رأيك نفتح تجمع امهات مكة المكرمة (( مابعد الولادة ))
نستفيد من بعض ونعطي خبراتنا لبعض

[أ ح ــتواني وأح ــتويته]

اهلين قمر الف حمدالله على سلامتك حبيبتي

[ام رانسي]

hwaml7مساء الخير يا احلى حومل hwaml7
والله وحشتوني مووووووووووووووووووووووووت
كيفكم وكيف البيبي معاكم
اسفه زمان ماعد دخالة بس والله اخت زوجي عندي ما شاء الله تموت من الضحك بس ادعوله انو ربي يرزقه الذريه الصالحة ليه 7 سنوات من دون اطفالhwaml12

[لمسة أمل]

لمووووسة منووووووووورة تجمعك p:
شايفين يابنات دي صاحبتي هههه
لموووسة مافي احد دحين البنات شكلهم نايمين استني العصر ولا المغرب وتشوفي الرجه الي تسير هنا هههه
ماسار تجمع حوامل سار تجمع مهسترين هههه
كلووو جنان ورجة وفله ووونااااسة هههه
بوسيلي حمودي التعمووون .. والله يعينك ع الغيره حتى انا افكر كدا انو البيبي ح ياكل عليا الجووو .. بس على قلبي زي العسل خليه يجي بس بالسلامة وانا اوريييييه شغلوو


ههههه هلا بالغالية نانا ... والله إنك لزيزة .. أكييييد ولدك بيطلع لزيز كده زي أمه..وبعدين التجمع مو تجمعي .. هذا تجمع بنات مكة كولهم .. ربي يخليهم ويسعدهم يااارب



مساااااااااااااااااااااااااء الخيرات

ايش رايكم في وحده نامت الظهر وصحيت توها مالها ربع ساعه<<<هذي ==انا الله يحفظني>>>

والله لا فطور ولاغدا كان عندي مو عد في الصباح الساعه8في المستشفى ومارجعت غير 12ونص بس الحمدلله اطمت عالبيبي ووقفت المثبات الوضع عندي تمام والحمدلله بس رجعت مرررر تعباااااااانه حطيت راسي ورقدت وتوي صاحيه مصدعه جدا جدا
ايش اسوي بالله

يسعد مساكي يالغلا .. والحمدلله علىلا سلامة البيبي .. ربي يقومك بالسلامة ياااارب


حبايبي كرووووووووووشات
ايش رايكم في المشد تبع البطن الي عند محل الفضل في الستين
هل يضر ولا ا
الي جربته او اشترته تساااااعدني اشتريه ولا لاا

أي مشد قصدك يا فتاة الثلج؟ فيه منه أنواع


مرحبا صبااااايا كيفكم ؟؟
انا كل يوم بفتح وبشوف ا
خباركم وبطمن عليكم انكم بخير الحمد لله
لمسة امل
انا ولدت صارلي 15 يوم تقريبا
شو رأيك نفتح تجمع امهات مكة المكرمة (( مابعد الولادة ))
نستفيد من بعض ونعطي خبراتنا لبعض

هلا يا قمووورة والحمدلله على سلامتك وسلامة البيبي ... وألف مليووووون مبروك..
فكرة حلوة تجمع أمهات مكة المكرمة .. ونحط لينك هنا يصير أي واحدة تولد تروح هناك
ياللا ابدأي افتحي الموضوع.. دام الفكرة فكرتك .. وبوسيلي النونو

[ام رانسي]

بنات لا يكون نايمين وازعجتكم هههههههههههههههههههههههههههه
يالله شدو الهمه وقومومن النوم خخخخخخخخخخخخخخخخخخخخخ
شوف غيرة الضحكة من ههههههههههههههه الى خخخخخخخخخخخخخخ عشان ماتطفشوهع هع هع هع هع هع وش ريكم

[أ ح ــتواني وأح ــتويته]

اهلين ام رانسي منوووووووره

والله يرزق اخت زوجك بالذريه الصالحه ياااااااااارب ويرزق كل محرومه


ههههههاي حلوه هع هع هع تحسين انك تضحكين من قلبك خخخخخ

[أ ح ــتواني وأح ــتويته]

وينكم بناااااااات http://forum.hwaml.com/imgcache2/hwaml.com_1287248439_869.gif



ترى مليت وانا انظركم للحين نايمين ترى بصيح الحينhttp://forum.hwaml.com/imgcache2/hwaml.com_1287248440_561.gif

[ام رانسي]

هلا وغلا حنونه والله منوره كيفك وكيف البيبي اديه بوسه
بس ليش ما ضحكتي من قلبي هع هع هع

[أحلى موني]

لمووووووووسه ويسعدلي مساك وامين يارب ويقوم الكل بالسلامه يارب يسعدك ربي ان شاء الله

هلا وغلا ام رانسي منوره وين الغيبه لك وحشه ياقمر وحلووه الضحكه الجديده
هعهعهعهعهعهعهعهعهعهعهعهعهعهعهعه

ايش رايك بضحكتي؟؟؟

[كوكب زحل]

كيفكم يابنات
انا تفكرون في الحمل والولادة انا افكر في تحضير
يابنات ادعوا انو الموجهه ماتجي بكرة والله مافي لها
ان شالله الاسبوع الجاى ممكن
عندي اشياء ناقصة ماسويتها بي اسويها هاذا الاسبوع

[كوكب زحل]

اليوم نلىى مو جودة خارجة الى الدكتورعندها مشاوير مرة وحدة من متي تتنظر يوم السبت ان شالله تجي تتطمن على النونو

[اموورة وكتكوتة]

السلام عليكم كيفكم

لمسة امل وحشتينا والله والحمدلله عسلامتكم انتي وابنك ربي يحفظلكم هو ويجعلو من عبادو الصالحين .. ومرره انبسطت لما شفتك رجعتي التجمع ..
بس اكيد النونو ماخد الوقت كلو وربي يعينك على السهر بالليل معو..

طمنينا دايما عنك

موني الحمدلله اتطمنتي عنونتك وبالنسبة للنوم شي طبيعي بعد روحة المستشفى كدة يصير من التعب والانتظار

حنان نحن هنا مو نايمين انا صاحية من زمان بس مشغولة بشغل البيت والكوي

ام راكان كيفك وايش الضحكة الحلوة طب شوفي دي الضحكة هوء هوء هوء هههههههههه .. ربي يرزقها اخت زوجك عاجلا غير اجل الذرية الطيبة ويفرح قلبها وقلب كل وحدة تبغا .. عليها بالاستغفار بنية انها تحمل خليها تستغفر باليوم فوق 100 مرة واكتر وربي حيفرجها عليها ان شاء الله

فوشية مختفية ما ندري فين؟؟ بس ان شاء الله تكون مبسوطة فين ما كانت

[انشودةمطر]

اهلين ام رانسي وش الاخبار واحلى موني الحمدلله اطمنتي على البيبي وبرضو انتبهي لنفسك بالذات انك وقفتي المثبتات
كوكب ان شالله تتاجل جيت الموجهه واذا جات قولي (وجعلنا من بين ايديهم سدا ومن خلفهم سد فاغشيناهم فهم لايبصرون)

[اموورة وكتكوتة]

هلا كوكب .. كيفك زمان ما شفناكي ؟ ان شاء الله ما تجيكي الموجهة

انشودة مساالخير كيفك وكيف التعب معاكي ربي يتمملك عخير ان شاء الله

[أحلى موني]

يابنات الدكتوره تقولي لك 10 اسابيع في حملك وانا حسب حسابي لي اقل يعني 6 او 7 اسابيع والله مدري غيرت حساباتي كلها ممكن تحسبولي كم لي

اخر دوره جاتني يوم 20\8

[كوكب زحل]

وين البنات مافي احد اية صح المجانين يجون اخر الليل

[كوكب زحل]

احلى مونى انتي وين تراجعين

[اموورة وكتكوتة]

موني كلام الدكتورة هوه اللي صح لانو حساباتها وبالسونار يبين هم يغرفو هادا شغلهم..

كوكب شكلهم كلهم خارجين اليوم

[أحلى موني]

اتابع في الزفت مستشفى النور والله مدري عنها حيرتني الدكتوره

[ام شوجي]

نلي كلنا مشتاقين لك ومتحمسين تحكينا وش صار معاكي اليوم وين رحتي وش قالت لك الدكتورة وكل شي بانتظارك

[Om KHaled]

بنات انا حطيت بعض من اسمائكم في لعبة بقسم الفرفشة ليش ماشاركتونا

[كوكب زحل]

وين البنات انا علشان مشتاقة لكم مافي احد

[انشودةمطر]

الحمدلله اموره انا كويسه
ام شوجي كيفك ان شالله بخير
بنات حسيت انو طفشانه ورحت مهجه اللي في الشرايع ومريت سيتي ماكس وتو راجعه الجو ممل

[& أمــــــل &]

مساء الخير كروشاااااااااااااااااااات hwaml7
كيفكم اتمنى تكونون بالف خير
صح نسيتوني بس كنت تعبانه من الدوره والفجعه الي جاتني قبلها بس بكره احكييكم
وبعدين قفلو الموقع عني hwaml4اتابع اخباركم بس مااقدر اشاركم
وحشتوني كثير حتى امي تسال عن اخباركم صرتو زي جاراتي الله يخليكمhwaml13
ماشاء الله *كوكب زحل *عساها دوم هذي النفسيه وترى قد مانصبر الله يعوضنا

[كروزه]

السلام عليكم

كيفكم مره وحشتوني مشغووووووووووله مررررره

البنات الجدد نور التجمع

قمر ليالي مكه كيفك وكيف النونو ياريت فكرتك مره حلوه تجمع امهات مكه

انشوده ونور وام شوجي ورحيمه واموره وام رانسي وامل يارب تكونوا بخير


نانا ماولدت واحس بطني مره ماشاء الله كبيره ونازله

بنات رحت المحل الي جنب البيك تحت الكوبري الطالبي شفت سرير مره حلو

بس كبير وغرفه نومي صغيره مره ماينفع ابى سرير حلو وصغير

وجنبه قصر الطفل فيه سرسر غريبه

نانا من فين اشتريتي السرير ؟؟؟؟؟؟؟؟

[قمر ليالي مكة]

مرحبا يابنات
وأخص بالذكر الامهات اللي ولدو وللباقي اللي عقبال مايقومو بالسلامة
هاد التجمع فتحتو علشان مانفترق بعد الولادة بتمنى تشاركوني
http://forum.hwaml.com/t31344.html

[انشودةمطر]

اهلين قموره فكره حلوه الله يجمعنا في جناته ان شالله

[Nana.1985]

يااااااااالله وحشتوني >>> يعني يعني كاني طولت الغيبة خخخ
شكرا لكل الي سالو عني انا بخير ومبسووطة
ان شاءالله انتو طيبيييين

كروووزة اشووا ماولدتي خخخخ انا قبلك يعني قبلك ياويلك تولدي قبلي تهئ تهئ!!

بنات بوريكم شئ سويتو للبيبي .. انا عملتو بنفسي بحاول اشغل نفسي

كروزة صح نسيت السرير من الستين الفضل اسمو سعرو 300 350 شئ زي كدا والله مو فاكرة لانو نففففس السرير يختلف سعرو في المحلات الي جمب الفضل (نصاابين) وفي زيو في سنتربوينت ب500 وشئ

امورة صرعتينا كل يوم صورة؟ خخخخ

هاااا بناااات؟ اوريكم اش سويت؟؟

[كروزه]

نانا بسرعه صوري السرير زوجي قال خلصي المقاضي في هذا الاسبوع

وحطي الصوره هنا hwaml14

ايش سويتي نانا ؟؟؟؟؟؟؟؟؟؟؟؟؟hwaml94

[Nana.1985]

لالا مو حلو كدا ماني شايفة حماس .. خلاص بطلت مارح اوريكم :(

[كروزه]

نانا بروح انام

لاتتاخري على الصوره وعلى الشي الي سوتيه فيني لقافه ابى اعرف

تصبحووووووووووو على الف خير

[Nana.1985]

عشان خشمك ياكروزة بس شرط ماتولدي قبلي خخخخخخخ
ياللا قولووو بسم الله احم احم

http://www.herosh.com/download/6325440/IMG00720-20101016-2159.jpg.html

[Nana.1985]

طلعت الصورة؟؟

[كروزه]

نانا hwaml4

[Nana.1985]

كروزة استني ياويلك تطلعي
عندك رابط تحميل صور غريبة مازبط اصبري

[كروزه]

تسلمي نانا عشان خاطرك مااولد

بس مافي صوره

[كروزه]

ماعندي رابط تصدقي نسيت كيف التحميل

[كروزه]

نانا فين الصوره فيني نوم

[Nana.1985]

http://forum.hwaml.com/imgcache2/hwaml.com_1287262802_452.jpg (http://www.up-00.com/)

[Nana.1985]

الللللللله يقطع شيطانك ياكروزة من رجتك وصرفدتك نزلت الصورة في تجمع الامهاااات ههههههههههه وربي صرعتيني!!
خلاص اتفرجتي؟ دا انا سويتو اش راييييييييك؟

[كروزه]

شطوررررررررررررره ماشاء الله

غرت عناد بولد قبلك ليش تسوي شي حلو وانا لا

[Nana.1985]

ياشريرة ياخاينه ههههههه
لسا دا موكامل بقي احط دبدوب سعنطوط فوق الوردة

[Nana.1985]

خلاص روحي نامي وربي حسيت نفسي باجررررري عشان تلحقي تشوفي الصورة .. لقيتي صورة السرير ولا انزلها تاني؟؟

[كروزه]

خخخخخخخخخخخخخخخخخخخخ


اسامحك شرط تحطي صوره السرير

عشان لو عجبني اشتري زيه ومااولد قبلك

[كروزه]

لا مافي نانا بكره ان شاء الله

اول ااقوم من النوم وقبل مااخرج الدوام اشوف الصوره


دحين اقوم انام تصبحي على الف خير ياقلبي

[Nana.1985]

http://forum.hwaml.com/imgcache2/hwaml.com_1287263990_197.jpg (http://www.up-00.com/)

[ام شوجي]

الله ياانانا مين فهد ولد ولازوجك>>>فيني لقافة يمكن حامل ههههههههههههههههههههه

[Nana.1985]

ونتي من اهلووو كروزة .. حتى انا بنام وماضمن اصحى الصباح عشان كدا حطيتلك هيا من دحين ...

[ام شوجي]

ماشااء الله تبارك الرحمان خطيرة السرير ان شاء الله يوصل ولدك بسلامه ويرتاح فيها

[Nana.1985]

اهللللللللين ام شوووجي

فهد ان شااااااااءالله ان ربنا اراد وتمملي على خير اسم حبيب قلبي ولدي ...

والسرير حلو؟ احس في اشكال احلا بكتييييييييييييييير بس غرفة نومي صغيرة وغير كدا ح انقل السرير من مكة لبيتي في الرياض :( مضطرة يعني
وان شاءالله لما يكبر شويا البيبي بجيبلو سرير كبيرر واحلاا ..

[اموورة وكتكوتة]

هاي

نانا الفكرة اللي سويتيها لفهد ما شاء الله مرررة حلوة وعجبتني مررة

ان شاء الله يجي فهد وتفرحي فيه ويشوفها

بس قوليلنا انك رايحة تولدي عشان ندعيلك ونجي نزورك كمان

[Nana.1985]

هههه كتكوونة ان شاءالله اكيد ح اقولكم
وتعالو زوروني ولو رحتو بخش دورو ع القلب الي الصورة دي بتلقوها ع الباب حق غرفتي خخخخ
والله يااكتكووتة من الطفش سويتها ولسا باقي دبدوب صغير اجلسو جوا القلب وح يطلع جونان .. ان شاءالله

في شغلات تانية بس لسا ماكملتها ح تتجننو عليها
انا على فكرة احب الاشغال اليدوية وعندي حس فني >> مادح نفسو .......؟ hwaml02 خخخ
بعدين اوريكم اخاف كروزة تولد قبلي hwaml15 وتسرق افكاري قيدها من دحين بتسرق سريري وبتشتري زيوووو خخخخ

نلي وفوشية وحشوني ونفسي اتطمن عليهم .. ان شاءالله يكونو بخيرhwaml7

[خطوة بريئه]

الله يسلمكم يارب والله خايفه مره من الولاده رغم اني مخلفه وولدي عمره 10 شهور بس يقولي الخلفه الثانيه اصعب الله يعيني ويعنكم يارب ويقومنا بالسلامه

[اموورة وكتكوتة]

هههههه ان شاء الله تلاقينا كلنا عندك نزورك بالمستشفى

بس ما تنسي الشوكولاتة وياريت لو كانت باتشي يا قلبي عليها مررررة خطيررة

ضحكتيني والله من خوفك من كروزة الله يسهلها ..

[خطوة بريئه]

بنات ساعدوني حاغير الموضوع انا بسوي حفله لولدي وابغى مساعدتكم ممكن

[دلوعة سمسم]

صباح الخير كروشات اخباركم واخبار الكتاكيت بنات بكرة عندي مراجعة ادعولي ان كل شئ يكون تمام ماأدري لية خايفة

[خطوة بريئه]

الله يسهلها عليك بالعكس المفروض تفرحي عشان حتطمني ع البيبي انتي باي شهر دلوعه

[دلوعة سمسم]

حبيبتي نانا ان شاء اللة تولدي بالسلامة وتجيبي احلى نونو بس لاتفكري ولاتوسوسي ومشكورة على الرابط سويت التوقيع منة هلا اختي خطوة بريئة منورة كيف اقدر اساعدك حبيبتي

[دلوعة سمسم]

انا في الشهر السابع وانتي في اي شهر ؟

[خطوة بريئه]

انا بالشهر الثالث ..ابغى اسوي حفله لولدي وابغى وحده ترسم ع الوجه اذا تعرفي والملابس اللي على شكل ميكي وبطه اللي يلبسوها كبار في حفلات والملاهي فين الاقيها الله يسعد اللي تساعدني

[دلوعة سمسم]

واللة ياقلبي ماأدري بس ان شاء اللة اسأل واردلك خبر

[Om KHaled]

http://forum.hwaml.com/imgcache2/hwaml.com_1287287987_923.gif


يسعدلي صباح الجميع

[كوكو الحلوه]

صباح الخير لجميع الكروشات كيفكم والبيبي ان شاء الله بصحه وعافيه
ويسعدلى صباحك بعد نور القمر
نانا مشاء الله اسرير مره حلو الله يجب فهودي بخير يارب ويتهنا بيه الله يسهلك يارب وتقومي سالمه ان شاء الله
كروزه وانتي كمان عقبال ما تشتري سرير البيبي وان شاء الله يفرح بي البيبي وربي يسهلك يارب وتقومين سالمه ان شاء الله
والجميع الكروشات وعقبالكم ان شاء الله وكل وحده تفرح بي البيبي حقها يارب والله يسهلنا يارب ويطمنا على النونو

[اسماء الجابر]

صباح الخير
ايش احسن مستشفى للولاده بس مايكون دكتور خاص او حكومي

[كوكو الحلوه]

اسماء الجابر صباح النور والله عندك كذا مستشفى حراء طيبه وكمان با شراحيل بخش في كذا مستشفي بس انتي وين مرتاحه وبتراجعي عندها

[دلوعة سمسم]

كروشااات فية احد موجود

[دلوعة سمسم]

منورة اختي اسماء الجابر انا واللة ارتاح لمستشفى باشراحيل عند الدكتورة بسمة مرة طيبة واسعارهم حلوة

[غنووجه]

صباح الخير كروشاااااااات
كيفكم ايش اخاركم

[غنووجه]

اكيد الكل نايم كالعاده سهر في الليل ونوم في النهار

[اموورة وكتكوتة]

صباح الخير عليكم

كيفكم انتو؟ ايش مسويين

[غنووجه]

اهلين اموووره انا طيبه انتي كيفك غريبه صاحيه اليوم

[اموورة وكتكوتة]

هههه والله انا اصحى بدري افطر وكدة وارجع انام واحيانا ما انام ابدا عمليات التنظيف وشغل البيت اللي ما يخلص والطبخ

بس اليوم ما حطبخ حسوي نفسي تعبانة خخخخخخخخخ

[غنووجه]

ماشاء الله عيليكي يااموره احسك ماتنامي كتير ليش؟؟
على قولك سوي نفسك تعبانه وادلعي لاحقى ع الكرف والطبخ ياقلبو

[اموورة وكتكوتة]

بكرة ان شاء الله لما تصيري بالشهور الاخيرة ما حتنامي مرررررررررره

يا من التفكير والخوف من الولادة او شد عضلي بالرجول مرررة يقهرني او حرقة او جوع وحالة كل يوم كدة نوم متقطع..

استمتعي دحين بالنوم غنوجة على راحتك وعلى قولك لازم اتدلع دحين قبل ما يروح عليا هههه

[غنووجه]

ماتشوفي شر ياحبي والي يبى الدحى لايقول ..........
هههههه اتستمتع مين وانا معايا وحده ماتنام بسم الله عليها والله عزاب خصوصآ في الشهور الاولى مااقدر افتح عيوني وبنتي فايقه تحشر نفسها عندي ويجيها لعب الدنيا كلو في داك الوقت الله يسعدها
بس بنتي تنفعلك نومها قليل زيك يبالي اجيبها عندك وقت ماانام ايش رايك

[دلوعة سمسم]

صباح النورياحلوين واللة صادقة ياامورة النوم الحمد للة زي الزفت من امس العصر وانا صاحية الى الان مانمت بس ابسألك من متى تبدأ الدكتورة تهتم لوزن البيبي لان الشهور اللي فاتت كنت اسالها تقول مايهمنا واليوم عندي مراجعة وانا في السابع اسألها ولا لسى؟

[اموورة وكتكوتة]

مرحبابك حبيبتي انتي وبنوتتك ربي يحفظلكم هيه.. انا فكرتك بكرية زي حالتي ههه.. الله يكون معاكي

دلوعة سمسم حرام عليكي النونو لازمو راحة لازم تنامي شوي على الاقل وبالنسبة لسؤال الوزن جيتي عند اللي ما تعرف شي انا بكرية ياقلبي وعمرو ماخطر في بالي السؤال ده ..يبغالي والله اسال*

[دلوعة سمسم]

معاك حق امورة اذا انا اللي ولدت قبل ناسية متى بدأت الدكتورة تهتم للوزن مو انتي البكرية وبالنسبة للنوم خليها على اللة ولدي زي حالة بنتك ياغنوجة اجل نبغي نخليهم يسهروا سواء واحنا نناااااااااام

[غنووجه]

اموووره ماكشفتي بنت ولا ولد؟؟

[غنووجه]

ههههههههه احلى شي يادلوعه يسهرو واحنا ننام كم عمر ولدك ماشاء الله

[غنووجه]

شكلوووووو مافي احد غيري طفشت

[دلوعة سمسم]

ولدي عمر سنتين وثلاثة شهور وشايلة همة اذا ولدت من الغيرة اللي فية انتي كم عمر بنتك اللة يحفضها

[لمسة أمل]

سلاااااااااااااام يا أحلى كروشات

كيفكم

ماشاالله على هالتجمع.. معروف عن بنات مكة نشيطات ربي يحفظهم


نانا .. الله عليكي يا حلوة .. اش الحركات الصعبة ديه اللي سويتيها لفهودي.. طب كان قلتيلنا من أول عشان نعمل حسابنا ونجهز لحمودي كمان

قمر ليالي مكة.. يعطيكي العافية على التجمع.. ربي يجعله في موازين حسناتك.. وإن شاالله ماراح ننقطع ونستمر هناك... وبوسيلي النونو

دلوعة سمسم.. لسة بدري عليكي تسألي عن وزن البيبي.. لما تكوني في نص الثامن الدكتورة بنفسها راح تقول لك وزن البيبي عند كل زيارة.. وفي الشهر التاسع راح يكون موضوع وزن البيبي مهم جدا لأنه راح يحدد الولادة.. وربي يقومك بالسلامة

[ام رانسي]

مساء الخير ياكروشات
كيفكم كيف البيبي ان شاء الله تكون في تمام الصحة والعافيه
احلى موني.
ماشاء الله على الضحكة الحلوه من فمك هعهعهعه كيفيك مع البيبي ان شاء الله تكوني بخير
انشودة مطر .
انا بخير والحمد الله وانتي كيفك وكيف الحمل معاكي
اموره وكتكوتة.
كيفك ياحلوه والله ضحكة من قلبي على الضحكة الحلوه كانك تستفرغي ههههههههههههههههه كيفك مع الحمل
نانا .وش فيك ما ولادتي يا حلوه حتى صار يخرج منك موهب الله ييسر ولدتك يا حلوه ههههههههههههه
اسفه كتيراذا نسية واحد ه فيكم والله وحشتوني كتير

[Nana.1985]

سلاااااااام لكل الحلوووووووووين
ان شاءالله تكونو طيبين ومبسوووطين ياااارب ...

امورة وبعدين معاكي متى تحطي التوقيع حقك؟؟
وشايفه الفضاوة اش تسوي خخخ
بعدين اهم شئ عندي انو كروزة ماتولد قبلي هههه ... مدري ليش حاستو سباق خخخ عليه جائزة مالية وقدرها ...... هههه

لمسة أمل ياختي عليكي شايفة الابداعات احم احم ...
والله دي امس سويتها .. رحت مع اختي امس تبا حاجات للكلية من المكتبة وجلست احوس واشتري .. رحت مكتبة الفكر ..
اشتريت الفلين القلب واشتريت اللون البني حق الفلين ووالفرشه حقتو وضربتو لون بني .. بعدين اخدت الورقة الخلفيه حقت الفلين ولصقتها في الفلين .. ورصيت القلوب الصغيييره وكتبت اسم حبيبي فوفو .. والوردة كانت جاهزه زي ماهيا كدا ولصقتها وخلاص ... بس بقي اشتري دبدوب صغييير واحطو وسط القلب .. بعدين انا احم من يومي فنانة .. >> ياوااد ياواااد هههه

ام رانسي والله بستناااا زهقت خلاااااص ..

والله من اول كتبت رد بس مدري الاتصال مزفت ومانزل الرد ماني فاكرة اش كتبت كمان
المهم مرررا احبكم كلللللكم ..

[Nana.1985]

ههههههه ام رانسي ... اشبو ولدك كدا معصعص الي في التوقيع تبعك
شوفي حقي كيف ماشاءالله
ههههههههههه حقك وربي كأنو في مجاعة حرام عليكي كووولي كتير ...

[انشودةمطر]

اهلين بنات كيفكم
ام رانسي انا الحمدلله تمام بس احس بثقل وعلى قولة اموره شد عضلي بالرجل مره
دلوعة سمسم حتى انا عندي ولد ما شالله عمره 3 سنوات مو راضي يتقبل فكره بيبي لمااقوله يقول رجعيه بيته انا بيبي ههههههه
لموسه منوره معانا

[ام رانسي]

حرم يانانا حزنتيني على البيبي حقي مره نحيف ومعصعص وش اسوي عشان يسير مليان قعدة ابكي اديني الطريقة الي ما شاء الله خلة ولدك مليان ههههههههههههههههههه والا اضحك الضحكة الجديدة هعهعهعهعهع يارب تولدي بسلامة يا نانا
انشودة مطر.كيفك ياحلوه والله زي رجلي مره تعورني بس الله يعين بس يمكن هي السبب الي خلى البيبي معصعص هعهعهعهعهعه

[ام رانسي]

وين الحلوين فيه احد

[انشودةمطر]

ام رانسي بروح اجهز الغدا ابو الشباب قرب يوصل

[اموورة وكتكوتة]

هايات..
هلا ام رانسي كيفك انتي .. لاتجيبي سيرة الاستفراغ الله يخليكي لانو مدري ايش يصيرلي واتعب.. نونتك نحيف على قول نانا..

نانا شكلي انا حسوي زيك هههههه امزح.. والله بس ما شاء الله كانها جاهزة من محل الزين وشكلي حولد ولسة ما سويت توقيع خخخخخخخخخ
انشودة سلامتك من الشد العضلي ارتاحي لسة بدري عليكي من الشد والتعب الله يعينا ويتمملنا عخير

[اموورة وكتكوتة]

بنات ابغا احشر نفسي واعرف كل وحدة فيكم على ايش اتوحمت؟؟

هيا طلعو المستخبي وقولو

[أ ح ــتواني وأح ــتويته]

مرحباااااااااااااااااااااااا
يسعد مسااااااكم ياكروشاااااااات

اهلين كتكوته منوره

[اموورة وكتكوتة]

هلا حنان النور نورك كيفك اليوم

[أ ح ــتواني وأح ــتويته]

تمام نحمد الله .......... اقول كتكوته كم عندك كتاكيت؟؟ وش اسمائهم وكم اعمارهم عسى ربي يحفظهم لك

[ثلجه فوشيه]

مسساء الخير كروشات كيفكم ايش اخباركم ان شاء الله طيبين ..
ماتدرو قد ايش وحشتوووني يعلم الله كثيررر ومريت على كل الصفحات وشفت اخباركم
وشفت اللي سألو عني ياحبايبي مررا فرحت لما شفت انكم فقدتووني
بنات مريت بحاله مرررررا صعبه دي اليومين عشان كدا ماكنت قادره ادخل لكن الله ستر
وعدت على خير بس لسا الألم النفسي أحس فيه لليوم واحس اني صرت خايفه من كل شي
عمومممما بقولك اللي صار بس ما ابغاكم تخافوو أنا الحمد لله طيبه بس انتبهو على نفسكم يابنات كثيررررر ..
فاكرين لما قلت لكم الخميس بطلع اتمشى المهم خرجت وبعدها رحت على اهلي رجعت الصباح بيتي وكنت مرا متضايقه ماقدرت انام المهم نمت وصحيت دا الكلام يوم الجمعه اتغدينا وخرج زوجي ودخلت انا هنا قلت لكم اني متضايقه المهم قمت قلت خليني استحمى واغير شويا في جو البيت دخلت يابنات الله يكرمكم الحمام اتروش وكانت المويه دافيه في عندي في الحمام شفاط مرا قريب من البانيو فوقي يعني لما استحمى اسحب السلك عشان الهوا وبعض الاحيان افتحو اذااستحميت في الظهر لانو المويه حاره وتدووخني المهم خلصت وجيت بخرج حسيت بكتمه مررررا فضيعه بعد شويا صرت بس ابغى هواا ورجعت فتحت الشفاط عشان يدخل هوا وجيت ابخذ منشفتي الا طحت يابنات :( طحت طيحه شويا قوويه مدررري كيف اتزحلقت وكنت ابصرخ بس في نفسي أنا عارفه انو زوجي ماهو في بس سميت على نفسي في سرري لأن طيحه الحمام خطيررره وحاولت اسند نفسي شويا شويا واقووم وكنت ابكي ابكي اببببببببببكي والله مو من الألم كنت مررا خايفه على اللي في بطني لأني وصلت مرحله لو صار للجنين شي ممكن اتجنن وكنت بس افكر في ولدي وخرجت اخيرا من الحمام وصرت ابكي بصووتي مررا كنت خايفه وارتجف وكنت بس احط يدي اشوف في دم والا شي بس ماشفت حاجه ودا كان مطمني شوويا بس بعدين قعدت ادور للجوال ابتل على زوجي وفي بالي ماابغى افجعو وادور ادور ادور ماني لا قيتو تعرفو الشي لما تجي تدوريه ماتلاقيه المهم لقيتو وقلتلو فينك ؟؟ قلي قريب اشبك قلتلو تعال ابغاك اشببببببك ؟؟ انفجع قلتلو بس تعال بسررعه بعدين اقولك وعلى ماجا يابنات وقفت الا شفت دم ينزل مني هنا أنا خلاص فين تشوفوني يااااااااا الله لحظه مابدي اتذكرهاا صرت زي المجنونه بس انسدحت على ظهرري عشان ما انزف اكثر جا وقلتلو على اللي صار وصار زي المجنون هوا معايا يقولي اهم شي انتي طيبه وأنا اقلو ماني طيبه لو ولدي صار فيه شي حمووت
وهوا يصبرني ويقرا عليا ولبست وداني المستشفى طبعا كان يوم جمعه رحت اقرب مستوصف لبيتي كان الخالديه دخلت وكان عند الدكتوره في قبلي كم وحده قلتلهم معليش أنا طحت وكدا وكدا ودخلت قبلهم ةابكي والدكتوره ماهي فاهمه مني شي قالت لي اهدي سوت سونار قالت الجنين كويس مافي شي الحمد لله بس دا الدم عشان الطيحه كانت قويه شويا انتي ارتاحي بس وراح يخف لا تتحركي كثير رجعت البيت يابنات جاني مغص مرا قووي والدم برضو مستمر وأنا الله يخلف على حالتي النفسيه خلاص كانت زفت رحت باشراحيل امس السبت قالت لي الدكتوره هذا بدايه طلق وممكن ولاده مبكره هنا انا انتهيت بنات أنا دوبي دخلت السابع يعني البيبي مررررا صغير
المهم جلست تحت الملاحظه عندهم والحمد لله وقف النزيف وخف الالم بس قالت لي الدكتوره لو استمر النزيف وكان في خطر عالجنين حنظطر نولدك قيصري ولو وقف النزيف خلاص كوويس لانو المغص راح بس جلست عندهم واستقرت حالتي وقالولي اليوم كل شي كويس ولله الحممد وان شاء الله اكمل التاسع وخرجت امس بالليل والحمد لله بدأت استعيد صحتي ونشاطي وانا اليوم ولله الحمد طيبه بس مو قادره انسى اللي صار ادعووولي يابنات الي شفتو ماهو قليل ..

[ام رانسي]

امووره وكتكوته .انابخير والحمد الله انتي كييفك وكيف البيبي بسك عد البيبي حق قمر منور التجمع بس عيبه صغير ههههههههههههههههههههههههههههههههههههه
انشودة مطر .بالعافيه لكي ولا ابو اشباب بس خسارة ما عزمتيني ليش مانك شايفه انوه البيبي حقي مره معصعص المفروض تعزميني ههههههههههههههههههههههههه بالعافيه مره ثانيه

[اموورة وكتكوتة]

ماعندي غير الكتكوت اللي ان شاء الله جاي عالطريق ربي يحفظو

وانتي كم كتكوت عندك ماشاء الله

[أ ح ــتواني وأح ــتويته]

بنات بصلي وارجع لا تروحون مشتاقه لسواليفكم

[ام رانسي]

ثلجة فوشيه. ماتشوفي شر يارب تكملي حملك على خير بس قللي الحركه لان الحركه هيه الي تزود النزيف والله خفة لان بدية حملي كان ينزل من دم ونزيف فيه قطع كبيره كنت اتوقع البيبي بين هذي القطع بس اصيح وابكي عشان كذاخفة عليك كتير لاني حسه فيك بس استودعه الله فيه وان شاءالله تكملي لين توصلي التاسع اهم شي كيس المويه حق الجنين ما اتثر

[ام رانسي]

بنات وينكم

[كوكو الحلوه]

مساء الخير كروشات كيفكم والبيبي ان شاء الله بصحه وعافيه
ثلجه فوشيه ماتشوفي شر ان شاء الله وباذن الله راح تقومي بسلامه وتخلاصي التاسع وتشوفي البيبي حقك سالم يارب انتى بس لتتحركي كثير ريحي حالك كت ما تقدرري

[Nana.1985]

فوشيه ياالله والله شويا ابكي مرره فجعتيني جسمي قشعر اعوذ بالله !!
باللهي انتبهي على نفسك لاتجلسي حتى ولا توقفي بس انسدحي لاتتحركي الله يخليكي وريحي بدنك ... مرررا والله فجعتيني .. ان شاءالله مايسير شئ في البيبي .. الله يثبتو لين ماتولدي في التاسع بالسلامة ..

تخيلي كمان تولدي قبلي؟!! ياوييييييلك !! هههه
الله يثبتو يارب ولاتخافي ولا تقلقي ارتااااااااااااااااااااااااحي
انتي دحين كيف جالسه تكتبي لنا؟ عندك لابتوب ومسدوحة ولا كمبيوتر مكتبي؟!! لو مكتبي لعد اشوفك تدخلي!
لو لابتوب لاتحطيه على بطنك نهاااااااااااائيا لانو يسبب تشوهات الله يلطف بنا
حطي يمينك ولايسارك واقري مو لازم تكتبي!! انا طول الوقت زي كدا

[ام رانسي]

كوكو .كيفك والبيبي ان شاء الله تكونو بخير
حنونه .يالله صلي ورجعي لان مره مشتاقه لسواليفكم
ثلجة فوشيه .حبيبتي لس المغص عندك ولا خف

[أ ح ــتواني وأح ــتويته]

انا جييييييييييييييييييييت



سلااااااااااامتك ثلوجتي ماتوفين شر ياقلبي خليكي مرتاااااااااااااااااااااااااااحه عشان خاطر اللي ببطنك ترى والله حتى انا يوم كنت حامل طحت على ظهري طيحه شينه وربي بغيت اموووووت من الالم وكنت ببدايةالشهر التاسع انا توقعت ظهري اتكسرمن قوة الالم بس رحت على المستشفى ولقيوو عندي طلق بس بسيط وتطمنت على الجنين وطلعت والحمدالله لاتخوفين نفسك انتي بس ترى حتى هو يخاف يحس باللي تحسين فيه ولاتتوهمين كثير

[كوكو الحلوه]

الحمدلله طيبه والبيبى بخير يبوسك
انتي كيفك ان شاء بصحه وعافيه
هلا حنان تقبل الله منا ومنكي يارب اخبارك عساك بخير ان شاء الله

[ام رانسي]

نانا .وش سلفتك لس ما مالدتي ههههههههههههههه

[أ ح ــتواني وأح ــتويته]

اهلين كوكو انا تمام الحمدالله انتي كيفك وشو عامله...؟

نانا الله يقومك بالسلامه يارب

والله يبنات ودي اتشمت فيكم ياحراااااااااام ماتقدرون تلبسون جنز وتيشيرت ضيق ولا حتى كعب صدق صدق تحزنون هههههههههاي اصعب شي يوم ودك تلبسين وتكشخين بجسمك وتتفاجأيين بكروشه تمنعك خخخخخخخ

ياحلاتكم انتم وكروشاتكم ماتقدرون تلعبون بالملاهي ولا حتى تجرون ياحراااااااااااااااااام

[أ ح ــتواني وأح ــتويته]

وينكم؟؟؟؟؟

[أ ح ــتواني وأح ــتويته]

ترى بعدلين عشره لو ماجيتو بزعل منكم كولكم































وااااااااااااااااحد

[أ ح ــتواني وأح ــتويته]

اثنييييييييييييييييييييييييييييييييييييييييييييييي يين

[أ ح ــتواني وأح ــتويته]

ثلااااااااااااااااااااااااااااثه

[أ ح ــتواني وأح ــتويته]

اررررررررررررررررربعه

[أ ح ــتواني وأح ــتويته]

خمممممممممممممسه

[أ ح ــتواني وأح ــتويته]

ستتتتتتته

























سببببببببببببببعه




















ثمااااااااااااااااااااااااااااااانيه

[ام رانسي]

تسعه هههههههههههههههههههههههههههههههههههههههه

[أ ح ــتواني وأح ــتويته]

http://forum.hwaml.com/imgcache2/hwaml.com_1287332301_202.gifويييييينكم؟؟؟







تسسسسسسسسسسعه


































عشررررررررررررررررررررررررررره



خلالالالالاص زعلت زعلت لاحديراضينيhttp://forum.hwaml.com/imgcache2/hwaml.com_1287332301_375.gifhttp://forum.hwaml.com/imgcache2/hwaml.com_1287332301_375.gifhttp://forum.hwaml.com/imgcache2/hwaml.com_1287332301_375.gif

[غنووجه]

مساء الخير ع الحلوين
كيفكم كلكم ايش اخباركم وايش مسوين مع كروشاتكم
تلجه فوشيه سلامات ياقلبو وماتشوفي شر الله يتمملك ع خير
فجعتيني عليكي كيفك دحين انشاء الله احسن تقومي بالسلامه لاتعبي نفسك مررررره

[غنووجه]

وووووووووووواااااااااااووووووو حنان كلو ولا زعلك ياقلبي انا جيت

[ام رانسي]

خلاص حنونه ليش زعلنه اسمك حنان امفروض تكوني حنونه على البنات بسك زعل هههههههههه اتحدك تضحكي هيك هعهعهعهع
غنوجة. وين الغيبه ليك وحشه اخبرك والبيبي معكي كيفه وش مسوي في بطنك هههههههههههههههه

[Nana.1985]

حنوو الله يقطع شيطانك .. انا الي زعلانة!
محرومة من الجينزات .. مع اني البس عادي جنزات حمل بس برضو مو زي لما يكون جسمك سمباتييييييييك تهئ تهئ اكرهك حنووو ... كلها شهر وارجع البس الي ابغاه .. ان شاءالله ينزل وزني بسرعة بس ..

[ام رانسي]

وش فيكم يابنات منكم زي اول مافي احد لايكونو زعلنين

[أ ح ــتواني وأح ــتويته]

اهلين اهلين غنوجه دامك توك جيتي بسولف معك انتي وبس وبس وبس


ام رانسي انتي بحط عليك حكم مستانف يمكن اعفوعنك....ههههههه

[غنووجه]

ام رانسي ماتشوفي وحش ياقلبو وانا طيبه والبيبي يسلم عليكي
بس ليش ما احس بحركتو مع اني دحين انا في الرابع انتي متى حسيتي بحركات راكان ولا غيرتو اسموووووو

[أ ح ــتواني وأح ــتويته]

احسن نانا حتى ماتقدرين تمشين مثل عااااارضاااااات الازياء بالكعب في ممرات بيتك هع هع هع

[غنووجه]

ههههههههههه حنونه والله انك وناسه كيف حال بنوتتك شكلها نايمه وانتي فالتها

[أ ح ــتواني وأح ــتويته]

هههههههاي لا مو نايمه صاحيه هي واخوها مجنينيني شويه بقم احممها يارب بس دحومي مايتعبني زي كل مره ويبطل يسوي خدمات اضافيه معايه ويحممها بدالي هههههههه

[ام شوجي]

يؤيؤيؤ طيحتي قلبي ثلوجه يارب يقومك بسلامه وتكملين التاسع يارب انتي ارتاحي وربي يسهلها عليكي
والله يطمنا على نلي

[ام رانسي]

غنوجه . الله يسلمك حبيبيتي بس انا البيبي راكان تحرك في السبوع الثاني من الشهر الربع بس كانت حرارتي مرتفعه وزوجي حط الكمدات على بطني تحرك ركوني اول حركة

شطره يا حنونه تعرفي تضحكي هعهعهعهعهع والله انك وناسه تحبي ترفعي الضغط ملابس الحومل في مكه زفة

[غنووجه]

ماشاء الله وعندك ولد كمان الله يخليهم ليكي يارب
وازا ع الخدمااات لازم منها يفزع معاكي يعني اني خخخخخخخخخخخ كم عمرو الله يحفضو هو واختو

[أ ح ــتواني وأح ــتويته]

دحومي عمره 3سنين وريموي 3 شهور وانا 22 سنه <<< محد سالك عن عمرك هعهعهعهع على ضحكت ام رانسي

[غنووجه]

اتلقفي حنونه عاتي من ابسط حقوقك
يعني انتي اصغر مني بسنه بس شكلك متزوجه بدري

[ام رانسي]

وش فيه ضحكتي حتى طلبينه في موضة 2011يقول هيه افضل ضحكة في الكون بس البيبي طلبني يقول مامه اذا جية امانه ما تضحكي هدحكه والله ارجع بطنك ولا عد اخرج هعهعهعه

[غنووجه]

ولدك مايغار من بنوتتك وما يتعبوكي في النوم يعني ينامو مع بعض ويصحو مع بعض لاني انا خايفه من دا الشي مررررررررررررره

[ام رانسي]

بروح اصلي وارجع يويلكم اذا مالقيتكم فهمين

[أ ح ــتواني وأح ــتويته]

ايه متصربعه على الزواج على قولت اختي الصغيره

[ام رانسي]

ما شاء الله عليه تزوجة وانا عمري 15 سنه ودحينه عمري 20 توني دخله قول ما شاء الله

[أ ح ــتواني وأح ــتويته]

والله ياغنووجه الغيره عذاااااااب مجنني ياكثر ما يعورها والله

[أ ح ــتواني وأح ــتويته]

مشااااااااااااااااااءالله ام رانسي والحين كم عندك بيبيهااات

[ام رانسي]

اول بيبي الله يحفظه من اربع سنين بعد معناهhwaml03

[غنووجه]

الله يكون في عونك ياحنان انا خايفه من بنتي لمن اولد مع انها مررره هاديه وماتازي بس لمن تشوف بيبي تقعد تاكلو شبس وحلاوه وايش شي يكون معاها
وكمان خايفه من النوم يكون واحد يصحى واحد ينام وانا اقعد بيها قلت لجوزي والله اهج من البيت وروح عند مامي واسيبهم عندك مو انت تبى بزوره هيا استلم قعد يضحك عليه يقول ادا ظهر سمينا

ماشاء الله عليكي يام راكان مررره كنتي صغيره ليش كدا

[غنووجه]

الحمد لله الله يتمملك ع خير وتشوفي راكان ويمليلكم البيت

[ام رانسي]

امين يا رب الله يسمع منك يمكن عشانه ولد خلتي واكون قريبه من اهلي

[غنووجه]

بنات في موضوع لنور القمر حق مفارش السريرللاطفال مدري شفتو ولا لاالمهم من فين الاقي زيها مرررره جوووناااااااااااااااااان بنات الي قيد شافت زيها تقولي بسرررررررررررررعه بمووووت واعرف من فين اشتريهاhwaml4hwaml4

[أ ح ــتواني وأح ــتويته]

مشاءالله الله يتمم عليكم وتولدو بالسلامه يارب

اما انا ولدي من النوع الحركي شوي يعني يحب يلعب كثير ويتدلع كثير ذكي مررره الله يحفضه بسمتعبنيمن ناحية اخته وغيرته منها رغم انه مرره حبوب بس يسوي حركات فيها تعصبني منو وياحرام هي عكسو تماما مره هااااااديه ونعومه اذا اذاها بس تبكي بصوت واطي كمان ياناااسؤؤ عليها

بروح احممها وارجع لكم

سي يؤؤ

[أحلى موني]

السلام عليكن حبيباتي اخباركن عساكن بخير انني احب اللغه العربيه ولاكنها لاتحبني ماذا افعل في رايكن؟؟؟

هههههههههههههههههههههههههه

[غنووجه]

هههههههه
اهلين احلى منوني شكلك مرروقه كيفك وكيف البيبي

[أحلى موني]

لاتقولي اهلين بل قولي حللتي اهلا ونزلتي سهلا اخيتي

انني بخير وبكامل قوايا العقليه والجسديه والفكريه والعلمانيه وطفلي ايضا بخير

انتي عزيزيتي كيف حالك هل انتي بخير؟؟

[غنووجه]

نعم انني بخير ولكن لمادا لاتردي ع سؤالي الدي بالاعلى يااحلى موني خخخخخ

[أحلى موني]

اي سؤال تقصدي مروقه

اكيد مروقه لاني طفشانه كهكهكهكهكااااااااي

[غنووجه]

احلى شي الضحكه ومعاها بكيه خخخخخخخخ
لامو مروقه اقري فوق اول الصفحه ياعسل عن مفارش الاطفال يقلبوووو

[ام رانسي]

ما شاء الله عليك يا احلى مواني والله اقراء ردك وانا ميته من الضحك هههههههههههههههههههههههه عساك دوم

[أحلى موني]

والله في سرر مره عجبتني عند قصر الاطفال اللي بالعتيبيه عالشارع العام جنب مركز الطالبي وانتي رايحه للبيك خطيييييييييييييره بصراحه ويمديك تغيري لونها لو تحبي