السلام عليكم
اخواتي ابغى ارائكم لو مكاني ايش ممكن تسوون والله احترت ماعندي اخوات اكبر مني
انا تزوجت وانا بعمر صغير بعد الثانوي بقريب لي يكبرني ب9 سنوات
اخذني بقناعة تامه كان صبور علي وعلى دراستي الى انا جبت اول طفل لي
هو مدخن واعصابه تفور ع اتفه شي
ابوي ماشا ء الله له وزنه ومره دخلته بسالفه صارت بينا اول ما مد يده ضربني ضرب عشوائي
بقعت يدي وشوي من وجهي
ابوي تدخل ووعد ابوي انه مايكررها
قعد فنره مايمد يده
بعدين صار يمدها والاسباب والله نافهه اطلبه سوق بس بتكرار ينزعج ويضرب يشد شعري يعطيني كف
لدرجه من كثرت ماقد ضربني نسيت ع ايش لان اسبابه جداً سطحيه
انا بنت مؤدبه من يومي محترمه وخلوقه وعلى دين ابوي رباني على الدين
هو انسان يفرق عني بكل شي شكاك عاش عمره ع التلفزيون
انا جبت الطفل وجلست اكافح وادرس واشيل بطفلي وكان اوقات مايخليني اذاكر يسبني ويعكر مزاجي وقت الاختبارت
قبل كم اسبوع صارت سالفه بيني وبين سلفتي انا زعلانه المفروض يراضيني راح سبني وضربني ع يدي بيده و
كب ع وجهي موية كان يشربها بارده فجعني وخفت وسكتت ورحت ابكي لحالي
ما اعتذر هو بعد كل مشكله يعتذر ويجيب لي شي والله والله اني ما افرح باللي يجيبه وواقول في نفسي يارب تأخذه
قبل مايذبحني
بتقولون ليش مارحتي من اول عند اهلك
بقولكم انا ما اقول لاهلي عن حياتي والكل يحسب اني عايشه بنعيم وطفلي متعلق بأبوه مره اذا رحت زياره لاهلي
يدق يدق ع ابوه
انا اكره زوجي اكرهه مايرحم ضعفي متسلط
غيري تشوف انه مدلعني هو مايقصر بالمصروف واللي ابغاه يجيبه بسسسس
لاكن خلاص عفته
انا حامل بالسادس امس رحت اتمشى مع اهلي مع سواقهم وانا صايره البس البناطيل السترتش حقت
الحوامل لان بطني كبرت والبس فوقها بلوزه طويله تغطي جسمي
ورحت معاهم ولمن رجعت بيتي قلب شيطان ويدفني بقوه واخذ شبشبه وضربه بوجهي وجهي صار احمر
ويدف ويقول امشي لاهلك يا 0000000
تدرون هذي ثاني مره يرفع شبشبه والله ما وجعني الضرب لاني انصدمت قاعده معاك عمر
وعشان بنطلون تضربني ليش وين الموده وين الرحمه معقول ماتعرف زوجتك المصليه اللي تخاف الله
كم مره الاقيه مسوي عاده سريه واسكت
وهو يقول بخلي ابوك المطوع يشوف لبسك الوسخ يالحيوانه انتي عاااار تمشين قدام الرجال كذا
حسيت اني مو لابسه عبايه
المشكله اني بعمري ماتكحلت وطلعت وفكيت نقابي مثل البنات عبايتي جلباب مصري كأن عمري 40 انا مبسوطه
بحجابي بس والله كسر كل شي جميل فيني
كنت امسجه وادلكه حتى وانا حامل ابسط مشكله يكسر اليدين اللي تريحه
لمن اقوله دورك تدلك جسمي يدلك بدون نفس وانا اكون مكسره من شغل البيت ودي بمساج يريح ظهري
واشوفه في الضرب يتفنن
قبل هالحمل ضربني كنت حامل ورحت اجري اجري من النفسيه اللي جاتني وسقطت
والحين ماادري ايش مصيري
وجهي محمر مابغى اروح لاهلي الحين نفسي الم ااغراضي واروح بعد كم يوم بس ماعندي مكان ببيت اهلي
هم بينقلون وبيصير لي جناح عندهم افكر اسكت واذا نقلوا اطلب الطلاق ولايشوف اللي ببطني
يارب عوضني خيراً
رايكم ياجماعه