ضربني باللي في رجله
 

السلام عليكم

اخواتي ابغى ارائكم لو مكاني ايش ممكن تسوون والله احترت ماعندي اخوات اكبر مني

انا تزوجت وانا بعمر صغير بعد الثانوي بقريب لي يكبرني ب9 سنوات

اخذني بقناعة تامه كان صبور علي وعلى دراستي الى انا جبت اول طفل لي

هو مدخن واعصابه تفور ع اتفه شي

ابوي ماشا ء الله له وزنه ومره دخلته بسالفه صارت بينا اول ما مد يده ضربني ضرب عشوائي

بقعت يدي وشوي من وجهي

ابوي تدخل ووعد ابوي انه مايكررها

قعد فنره مايمد يده

بعدين صار يمدها والاسباب والله نافهه اطلبه سوق بس بتكرار ينزعج ويضرب يشد شعري يعطيني كف

لدرجه من كثرت ماقد ضربني نسيت ع ايش لان اسبابه جداً سطحيه

انا بنت مؤدبه من يومي محترمه وخلوقه وعلى دين ابوي رباني على الدين

هو انسان يفرق عني بكل شي شكاك عاش عمره ع التلفزيون

انا جبت الطفل وجلست اكافح وادرس واشيل بطفلي وكان اوقات مايخليني اذاكر يسبني ويعكر مزاجي وقت الاختبارت

قبل كم اسبوع صارت سالفه بيني وبين سلفتي انا زعلانه المفروض يراضيني راح سبني وضربني ع يدي بيده و

كب ع وجهي موية كان يشربها بارده فجعني وخفت وسكتت ورحت ابكي لحالي

ما اعتذر هو بعد كل مشكله يعتذر ويجيب لي شي والله والله اني ما افرح باللي يجيبه وواقول في نفسي يارب تأخذه

قبل مايذبحني

بتقولون ليش مارحتي من اول عند اهلك

بقولكم انا ما اقول لاهلي عن حياتي والكل يحسب اني عايشه بنعيم وطفلي متعلق بأبوه مره اذا رحت زياره لاهلي

يدق يدق ع ابوه

انا اكره زوجي اكرهه مايرحم ضعفي متسلط

غيري تشوف انه مدلعني هو مايقصر بالمصروف واللي ابغاه يجيبه بسسسس

لاكن خلاص عفته

انا حامل بالسادس امس رحت اتمشى مع اهلي مع سواقهم وانا صايره البس البناطيل السترتش حقت

الحوامل لان بطني كبرت والبس فوقها بلوزه طويله تغطي جسمي

ورحت معاهم ولمن رجعت بيتي قلب شيطان ويدفني بقوه واخذ شبشبه وضربه بوجهي وجهي صار احمر

ويدف ويقول امشي لاهلك يا 0000000

تدرون هذي ثاني مره يرفع شبشبه والله ما وجعني الضرب لاني انصدمت قاعده معاك عمر

وعشان بنطلون تضربني ليش وين الموده وين الرحمه معقول ماتعرف زوجتك المصليه اللي تخاف الله

كم مره الاقيه مسوي عاده سريه واسكت

وهو يقول بخلي ابوك المطوع يشوف لبسك الوسخ يالحيوانه انتي عاااار تمشين قدام الرجال كذا

حسيت اني مو لابسه عبايه

المشكله اني بعمري ماتكحلت وطلعت وفكيت نقابي مثل البنات عبايتي جلباب مصري كأن عمري 40 انا مبسوطه

بحجابي بس والله كسر كل شي جميل فيني

كنت امسجه وادلكه حتى وانا حامل ابسط مشكله يكسر اليدين اللي تريحه

لمن اقوله دورك تدلك جسمي يدلك بدون نفس وانا اكون مكسره من شغل البيت ودي بمساج يريح ظهري

واشوفه في الضرب يتفنن

قبل هالحمل ضربني كنت حامل ورحت اجري اجري من النفسيه اللي جاتني وسقطت

والحين ماادري ايش مصيري

وجهي محمر مابغى اروح لاهلي الحين نفسي الم ااغراضي واروح بعد كم يوم بس ماعندي مكان ببيت اهلي

هم بينقلون وبيصير لي جناح عندهم افكر اسكت واذا نقلوا اطلب الطلاق ولايشوف اللي ببطني

يارب عوضني خيراً

رايكم ياجماعه

رد: ضربني باللي في رجله
 

لا يا حبيبتي روحي لاهلك من الحين
هو ما تمادى معاكي الا لان تسكتيله
يا يتداب والا اطلقي منه ما في احسن من انك تعيشي براحة بال
واذا عالعيال بكره يكبروا ويعرفوا عمايله

رد: ضربني باللي في رجله
 

حبيبتي حد ابوكي عايش الله يطولك بعمره شدي ظهركي فيه روحي الحين عند اهلكي وخلي ابوكي يشوف الكدمات الي فيكي علشان يعرف بتادب ويعاملكي باحترام واذا خايفه على اولادك الوضع هذا يضرهم ماينفعهم لما يشفون امهم تنضرب وتنهان على اتفه الاسباب وصلت انه يضرب بالشبشب يامن الكسر ان شاء الله وطمنينى عليكي عسى ربي يحل كربك ويفرج همك ان شاء الله

رد: ضربني باللي في رجله
 

حبيبتي كل شي اسكت عليه الا الضرب

انا لو مكانك وضربني والله لا اقووم واضربه عشان

يشووف الاهانه..

طبعا ذي الحركه ما تسويها الا وانتي بايعه..

روحي لاهلك يا ينعدل ويسير بني ادم..

يا تادبيه انتي واهلك..

الله يسهل امورك

رد: ضربني باللي في رجله
 

انا بصراحهؤما اعرف ايش انصحك فيه اخاف اقول اصبري
ويتمادى اكثر
واخاف اقول روحي لاهلك وتطلقين وينشب لك في العيال وياخذهم متك

لكن اللي اقدر اقوله لك

أسأل الله العلي العظيم انه يفرج عليك ويريح بالك ويزيل همك
ويصير لك اللي تتمنينه انه على كل شيء قدير

رد: ضربني باللي في رجله
 

اسمحيلي ياعزيزتي اقلك تستاهلين الي يجيك واكثر ليش تسكتين على الاهانه ليش مومن اول مره مديده عليك وقفتيه عندحده انتي الي سمحتيله يهينك ويضربك كلشي ممكن الواحد يصبر عليه الاالضر والاهانه لا وتقولي ماتبغين احد ايشوف الكدمات الي بوجهك لا ياعزيزتي هذا ضرب اعتداء لوانا مكانك اروح المستشفى واسوي محضر وخليه ينسجن وحد زي هذا حرام احد يداري عليه ايش تستني لمن يذبحك والبزوره ماعليك منهم اصلن لوتحملتي وصبرتي عليه بيشوفونه كل يوم وهو يضربك وراح يفقدون احترامهم لك ويصيرون ضدك مع ابوهم بس انتي خلاص المفروض على طول على بيت اهلك خليهم يشوفون اثار الضرب وعلميهم بكل شي سواه فيك لا تخبي شي وفراقه عييييييييييييييييييييييييد
اسفه جدا على حدتي في الكلام بس والله والله مقهوره عليك

رد: ضربني باللي في رجله
 

انا معا كلام البنات مدامك سكتتي يعني راضيه واللي راضيه على نفسها الضرب والاهانه تستاهل اللي يجيها واكثر
مو قصدي اكون قاسيه سامحيني بس والله ازعل لمن اشوف واحده تمر بوضعك وتسكت وتنسى ومدام لكي ظهر اللي هوا ابوكي الله لايحرمك منه روحيلو وهوا يعرف يتصرف
الله يصلحلك الحال

رد: ضربني باللي في رجله
 

شكراً لكم انا كنت اسكت قبل لاني اكمل دراستي وخفت اني ما اكملها

وصبرت

الحين خلاص اتوقع طلاق بلا رجعه

الله المستعان اناتزوجت صغيره وصرت ام صغيره والحين مطلقه صغيره

اللهم اجرني في مصيبتي واخلف لي خيراً منها

رد: ضربني باللي في رجله
 

ادعولي يكون اللي ببطني ذكر صالح بار فيني

الاولاد كم يقعدون عند امهم

رد: ضربني باللي في رجله
 

شوفي حبيتي الظاهر ماعاد فيه رجال
أنا تقريبا نفس وضعك انا حامل في السابع
وضربني ضرب خلاني انزف من فمي وفتحات خشمي
على بالك اتأثر
راح اشتكاني عند أمه وجات هددتني بالطلاق
ومايصرف ويبيني أترك وظيفتي
ويقولون عيشي على عيش وملح
ونفس الشئ كيف أروح لأهلي بثلاث أطفال
مالي مكان عندهم ........
لكن بدأت أفكر أستأجر شقة والله يعيني ويعينك
الله يفرج همك حبيبتي تصبري الين تولدين
والله يجعل الفرج مع جية هالمواليد عليه وعليك
قادر ياكريم