الحقوني حماتي حارمتني من بنتي..

[جنوني فنوني]

كيفكم يا حلوووووين..

راجعه ومعاي مشكله جديده وطبعا كالعاده حماتي هي سبب المشكله؟؟

والله يابنات تعبت مووو عارفه كيف اتصرف واتعامل مع حماتي وولدها احسهم متفقين علي؟؟

خرجت من البيت مرتيين اول مره جلست يومين عند اهلي وصار مجلس رجال ورجعت عشان

بنتي وثاني مره خرجت وجلست عند اهلي شهر بس المره الثانيه ما رضيت ارجع الا بوجوود

محامي لان المره الاولى اهل زوجي ما التزمو بالشرووط وعاملوني اخص من اول..

طبعا مشكلتي الحين بنتي حماتي لا تخليني اروشها تبغى هي تهتم فيها والله يابنات اذا لبستها

وثاني يووم طلعتها بلبس ثاني تقووول ليه غيرتيلها اكيد روشتيها .. تسويلي فلم هي وزوجي

يعني تبغاني اخليها بلبسها يوووم كامل لين ما اطلعها عندها وهي تغيرلها..

شايله بنتي مني حتى اذا صار بيني وبين زوجي خلاف على طووول يشيل البنت يطلعها لامه

تقهرني ما تحاول تصلح والله البنت تجلس عندها باليومين والثلاثه ماتقووول لودها حرام عليك البنت ترضع من امها وديها..

والله صدري يتملا حليب وهي مو فارقه معاها تقووول لودها خليها تفطمها؟؟

تعبت والله تعبت حتى عند اهلي ما يوديني واذا وداني ما يخليني اشيل بنتي...

امس صار تتش بيني وبينه بسبب البنت راح شالها وطلعها لامه وقالي امي حتربيها انتي بس تروحي تشوفيها وترجعي واذا ناقشتيني والله لاحرمك من شوفتها..

وطبعا حماتي واقفه مع ولدها.. والله لو نفذ اللي فراسه واخذ بنتي مني حنادي المحامي يجيبلي بنتي منهم ويطلقني...

لان خلااااااص طفح الكيل عندي واللله انفصل عنه وارجع اعيش حياتي وانا مروووقه راسي

ولا اعيشها معاه وهو كل يوم حارق قلبي على بنتي ..والي زاد الطين بله الحين طلعت حامل..

اسفه طولت عليكم بس حابه تفيدوني كيف اتعامل مع حماتي وافهمها انو هذه بنتي وانا المفروض اهتم فيها واكيد ما راح احرمهم منها..

وكيف افهم زوجي ذا الشي كمان..اهلي يقوولو اطلبي الطلاق ونرجعلو كل شي ..

اش رايكم ..ابغى مساعتكم ونصايحكم..