قال بيقولوا.. ظل راجل ولا ظل حيطة ، يا ختى بلا وكسة !

[درين]

السلام عليكم ورحمة الله وبركاته
دى قصه واقعيه عن اللى بيحصل فى الريف المصرى يا شباب
بس الشباب مش عاوزين زعل
والبنات مش عاوزين غرور لان ده كلام ستات يعنى ميتخدش بيه
وقفت الست بهية على كوم عالى وبدأت تخطب وسط الحريم المرصوصين على المصاطب :
قال بيقولوا ضل راجل ولا ضل حيطة ... !
بذمتك عمرك سمعتى عن حيطة تقعد تشخر طول الليل وماتخلكيش تعرفي تنامي ؟
والا حيطة تدخل من باب البيت تجعر عايزة الغدا ؟!
وبعدين تطين عيشتك علشان الملح طلع زيادة في البامية !
والا ممكن ترجعي البيت في يوم تلاقي حيطة بتبوس الخدامة ؟
طيب شفتى حيطة تملا لك سقف البيت دخان ، وأرضيته سكن !
والا حيطة تقعد تنقد عليكي وتقولك انتي رايحة فين وجاية منين !
والا حيطة تدوخك وراها علشان تشوفي هيه بتكلم مين في التليفون بعد نص الليل !

طيب دي الحيطة معروف مكانها دايماً ، إنما المحروس يدوخك وراه علشان تعرفي هو سهران في أنهى داهية ... قال إيه ، عنده شغل ! ياسلام !
بذمتك فيه حيطة تحاول تطلعك غلطانة في كل كلمة تقوليها علشان تثبت للعيال إن الحيطة بتفهم أحسن منك .
والا حيطة تلوى بوزها وتقعد بالفانلة وروب النوم لما أمك تيجي تزورك
وتحبك معاها تحكي نكت عن الحموات !
والا حيطة تقعد تقولك ما تخرجيش بالفستان ده أحسن محزق عليكي ولما تقولي لها هاتى فلوس علشان تشتري فستان غيره تعمل ودن من طين وودن من عجين ، طيب دى حتى الحيطان لها ودان .
يا شيخة بلا قرف ... بلا نيلة ... الحيطة أجدع ، على الأقل مش حتتحبسى
لو فاض بيكى ونفذتي حلم كل الستات ... ودقيتي في الحيطة مسمار !!!!!

[غرااام]

يسلم لسانك على التعليقات الحلوه
والله انها صادقه هههههههههههههههه

[أنـــ غير ـــا]

ههههههههههههه
يسلام

[درين]

ههههههههههههههههه
هذا اللي صاير مع البنات
اللي لسا ما تزوجوا الله يكون بعونهن من هالحكي
نورتوا حبيباتي

[بومبو]

هههههههههههههههههههههههههههههههههههههههههههههههههه ههههههههههههههههههههههههههههههههههه
100%
مضبووووووووووووووووووووووووط

[درين]

ههههههههههههه
نورتي بمرورك الرائع

[على ابواب الامومة]

ههههههههههههههههههه
تسلمي على الموضوع الزيز

[درين]

مرورك الالذ حبيبتي

[أم عبدالرحمن السلفية]

كلنا ح ندق مسامييييير .

[درين]

هههههههههههههههههه
نورتي يالغلا