ديوانية البحرين - دردشة حوامل البحرين - البحرينيات

[أم عائشة]

روز صباحج رحمة من الرحمن
عليج بالعافية زين سويتي ارتحتي شوي
انا بعد من راحوا عيالي المدرسة وسيدة وينك يالسرير هههههههههههه

عاد انا من قبل احب النوم والحين بعد حامل احط الحمال عذري عشان ارقد وريلي وعليه عليه مايقولي شي الا بالعكس من اقوم اقوله تبي شي اسويلك شي
يقولي لا رقدي ارتاحي
فديته هالريل مافي منه الله يخليه لي ويخليلكم ازواجكم واولادكم يارب

[أم عائشة]

المشاركة الأصلية كتبت بواسطة أحلام أم

أم عائشة هلا مرة ثانية

وأني أكتب الرد تفاجأت بزيارة زوجة حميي وكتبت الرد ناقص وألحين راحت وبكملة
بقولش قصتي في حملي بعد الإجهاضين الأوليين أول ماتزوجت ،كنت خايفة في حملي الثالث بعد لاسمح الله أجهضة ،نومتني دكتورتي الخاصة في السلمانية على شان أرتاح وإتابعني وقررت تسوي لي ربط لعنق الرحم مع إني ماأحتاجه لاكن كإجراء إحترازي سوت لي الربط ولاكن تحت شرط زوجي إن مايسوي لي الربط رجال لأنه تخابر إن الرجال إللي في العمليات هم يسوون الربط والدكتورة مجرد إشراف المهم من خوفي وهواشي ويا الدكتورات في العملية بسبب خوفي وكلام زوجي عن الرجال إللي في العمليات عصبوا عليي وقالوا خلاص راح نسووي لش بنج نصفي وبجدية بتمين صاحية طول العملية وبتشوفين إنه إحنه إللي نسوي لش الربط ،تعبت قصتي طويلة ...سويت الربط وعانيت من تبعات البنج النصفي إنه لازمني عوار الراس الحاااد لين ولدت بأحلى بنوته وهي بنتي الوحيدة بس بعد ولدتها في نص الشهر الثامن وضلت في الحاضنه إسبوع ،هي وردة البيت ولو إنها واايد تعاند وأنانيه على أخوتها وتضربهم يمكن لأنها تحس روحها وحيدة بين أولاد ،يعانون منها على عمري وووايد دليعة ومصوعه و
ومعذبتني بدلاعتها ربي يحفظها ويهديها ...
لمن كنت مرقده بحملي بها كانت تحتي وحده عجميه مرقدة في نفس الغرفة وصديقتي في المستشفى وكنه نصبر بعض ونسلي روحنا ونقرأ القرأن ونوزع الحلاوة كل ليلة جمعه بنية قضاء الحوائج ،المهم هذه الصديقة المستجدة وإللي كانت رحمه لي من رب العالمين في غربتي في المستشفى وبعادي عن زوجي وأهلي فعلا ماأقدر أنساها كانت من عشر سنين ماحملت وعندها بنت وحده عمرها عشر سنوات ،وبالعلاج ومن بعد إجهاضات قديمه وبعيدة وعقم مؤقت حملت ومن خبر حملها للين ولدت في الشهر بداية التاسع على ماأظن أوأواخر الثامن هي مرقده ونزيله دائمة في المستشفى يرخصوني ويرقدوني وهي مازالت على سريرها ،...الخلاصة
الله عوضها بأربعة أبناء توائم ولدتهم بعملية قيصرية ...ولدين وبنتين سمتهم حسن وحسين وزينب وليلى في عمر بنتي في الصف الخامس ألحين بالإضافة لبنتها السابقة اللتي كانت وحيدة ،صاروا الحمدلله خمسة
شفتين يالغالية الله كريم ويجازي الصابرين خير ،أهم شي تمسكي بحبل الله وداومي على قراءة القرءان في حملك وطلعي صدقات شبه يومية حتى لو القليل وإرتاحي والله يفرح قلبك وقلب أهلش وناسش

خلاص تعبت باقوووم

هلا فيج حبيبتي
واي عليج والله حسيت بالمج وباللي عانيته بس الحمدلله اجر وعافية ان شاءالله
ويلا معليج لها حق تتدلع
عقب اللي شفتيه بحمالها خلها تتدلع وبعدين لاتنسين البنوتة حلاتها بدلعها واكيد تحس انه اهي شمعة البيت وحبيبة البابا عشان جي تتدلع عليكم فديتها والله
اموت بالبنات والله ولله الحمد عطاني صبيين واتمنى من كل قلبي هالمرة تكون بنوتة يارب
والله يخليلج اولادج كلهم يارب وتجوفينهم معاريس وتعزمينا بعد

وسبحان ربي على كرمه اذا اعطى ادهش سبحانك ربي
انتي تدرين انا امس اقول لزوجي انا احس انهم 2 ماادري احسهم جي لانه بحمالي من قبل ماكنت حاسة باللي احسه الحين
وحتى يوم قلت للطبيب انه بطني احسه عود ضحك وقالي تفائلي ولاتنسين انه احنا رجعنالج 3 اجنة وان شاءالله على 25\10 موعدي عنده يسمعني النبض ويمكن يبين عنده اذا توام او واحد
الله يتمم حمالنا على خير ويرزقنا جميعا بالذرية الصالحة
والله يخلي عيال صديقتج ماشاءالله تبارك الرحمن الله عوض صبرها خير

[rose soul]

المشاركة الأصلية كتبت بواسطة أم عائشة

روز صباحج رحمة من الرحمن
عليج بالعافية زين سويتي ارتحتي شوي
انا بعد من راحوا عيالي المدرسة وسيدة وينك يالسرير هههههههههههه

عاد انا من قبل احب النوم والحين بعد حامل احط الحمال عذري عشان ارقد وريلي وعليه عليه مايقولي شي الا بالعكس من اقوم اقوله تبي شي اسويلك شي
يقولي لا رقدي ارتاحي
فديته هالريل مافي منه الله يخليه لي ويخليلكم ازواجكم واولادكم يارب

اما راااااحة صج .. راحة عدلة هههههه
انا بعد احب النوم..والحين بعد بزوود
واعليه الازواج دايما يبون راحتنا
يقولون كفاية الحمال اللي عليهم بعد
ولازم يتحملونا .. احنا نتعب اكثر منهم

[أحلام أم]

المشاركة الأصلية كتبت بواسطة أم عائشة

هلا فيج حبيبتي
واي عليج والله حسيت بالمج وباللي عانيته بس الحمدلله اجر وعافية ان شاءالله
ويلا معليج لها حق تتدلع
عقب اللي شفتيه بحمالها خلها تتدلع وبعدين لاتنسين البنوتة حلاتها بدلعها واكيد تحس انه اهي شمعة البيت وحبيبة البابا عشان جي تتدلع عليكم فديتها والله
اموت بالبنات والله ولله الحمد عطاني صبيين واتمنى من كل قلبي هالمرة تكون بنوتة يارب
والله يخليلج اولادج كلهم يارب وتجوفينهم معاريس وتعزمينا بعد

وسبحان ربي على كرمه اذا اعطى ادهش سبحانك ربي
انتي تدرين انا امس اقول لزوجي انا احس انهم 2 ماادري احسهم جي لانه بحمالي من قبل ماكنت حاسة باللي احسه الحين
وحتى يوم قلت للطبيب انه بطني احسه عود ضحك وقالي تفائلي ولاتنسين انه احنا رجعنالج 3 اجنة وان شاءالله على 25\10 موعدي عنده يسمعني النبض ويمكن يبين عنده اذا توام او واحد
الله يتمم حمالنا على خير ويرزقنا جميعا بالذرية الصالحة
والله يخلي عيال صديقتج ماشاءالله تبارك الرحمن الله عوض صبرها خير

الحمدلك يارب على نعمك وعظم هداياك الغالية حمدا دائم لاينقطع أبدا
سبحانك يارب لاتطرد محتاجا وقف على بابك ياكريم

هلا بيش أم عائشة
الله يفرح عيونش بشوفة عائشة وشوفة إخوانها سالمين غانمين وربي يدوم عليك الصحة والعافية ويحفظ لش كل أحبابش وأهلا ومرحبا بيش عزيزتي بين أهلش وناسش
على فكرة يبين عليش إماراتية مادري بس من طريقة كتابتش
بنوتتي حقا وردة البيت رغم كل حركاتها البنت حبيبة أمها وصديقتها ،الله يرزقش بالبنية ويرزق كل محرومه
لاتحاتين بعزمش على عرسهم والله يرزق الجميع طولة العمر أهم شي أتمنى ليهم الهداية والنجاح هم وجميع أولاد المؤمنين والمؤمنات
إن شاء الله توائم مادام قالش الدكتور توقعي هالإحتمال
ويارب الموعد الياي تسمعين النبض وكل شيء تمام وأني وياش بعد موعدي 24\10
الله كريم ويثبت حملنا
الله يسمع منش عااد صديقتي من زمان ماأدري عنها شي حتى رقمها ضايع لاكن مصير الحي يتلاقى وسلامتش يالغالية
يارب يخف عليي وجع الظهر اليوم أكتب وأني منسدحه ههههة

[om khalil]

بسم الله ماشاءالله دخلت الرابع ^_^
بستانس بالتيكر تالي نسولف وياكم

[om khalil]

مذركير تخفيضات عجيييب حولت على ثياب اليهال الصغار ^_^
بنات بخصوص ملابس الاطفال يقولون لش اخذي من هالماركات لانهم يكونون معقمين عكس اللي في المحلات العاديه والله أعلم، عموما غسلوهم قبل احسن.

طفلي حياتي
وويش سويتين ويا الفحص اليوم؟
باجر موعدش السكر الله يساعدش بس ترى حلو السانكست يعني مو كريه مره بس لا تتحركين وايد عقب ماتاخذينه علشان مايدور راسش او يتقلب بطنش. اتذكر كنت اصوم من 9 تقريبا واروح الصبح 8


فجوووره
عادي الالام في هالفترة تحسب الوحده كانها طلق، الله يهونها عليش
والله ذكرتيني اني قعدت ببيت ابويي بحملي ببتي لاني كنت اسقط قبلها وشقتي طابق ثاني والدرج رفيع، ظليت هناك للشهر السادس وتالي رجعت شقتي، صدق كانت فترة كريهه رغم اني شقتي صوب بيت ابويي بالضبط.

أم حماني
جان زين الحمل سهل لا تعب ولا ثقل ولا غثيان ولا جان شحنا البيت يهال كل سنه هههههههههه

أم عايشه
مادري يمكن لانش تاكلين وايد على قولتش ولا يمكن انتفاخ بالبطن من الغازات وش دراش تزيد تراها بهالفترة، والا ان شاءالله يكونون توأم والله يعوضش خير.

شمس الصباح
الحمدلله أخف بوايد الله يخفف على كل الحوامل ان شاءالله

روز سول
الحمدلله على السلامه ^_^

[حروف عاشقة]

سلااااااااااام كروشااات

رحت الفاتح اليوووم وحدد لي الدكتور موعد للعملية لانه يقول انا وايد تعبانة وما اقدر اتسحمل الثقل ازيد دمي ناقص وضعطي نازل تاريخ 24 \ 10\ 2010م موعد العملية وهم بعد للحين الاجنة وضعهم مقعدي ما تعدل فالفضل عملية والله يسهل إن شاء الله ..

دعوااااتكم

[أحلام أم]

المشاركة الأصلية كتبت بواسطة حروف عاشقة

سلااااااااااام كروشااات

رحت الفاتح اليوووم وحدد لي الدكتور موعد للعملية لانه يقول انا وايد تعبانة وما اقدر اتسحمل الثقل ازيد دمي ناقص وضعطي نازل تاريخ 24 \ 10\ 2010م موعد العملية وهم بعد للحين الاجنة وضعهم مقعدي ما تعدل فالفضل عملية والله يسهل إن شاء الله ..

دعوااااتكم

الله بسهل عليش خيوو وبقومش بالسلامة لاتحاتين وبتفرحين بشوفة التوأم بألف خير وصحة وما بننساش من الدعوات بالسلامة لش وللتوأم السعيد يارب العالمين

[rose soul]

المشاركة الأصلية كتبت بواسطة om khalil

بسم الله ماشاءالله دخلت الرابع ^_^
بستانس بالتيكر تالي نسولف وياكم

مبروك دخولج الرابع..ويارب عقبالـ التاسع
...


حروف .. بعد عمري انتي .. اكيد ما بننساج من الدعاء .. الله يسهل عليج ياربـ
وتبشرينا ان شاء الله..
وتفرحين بالتوائم..

[شمس الصباح]

المشاركة الأصلية كتبت بواسطة حروف عاشقة

سلااااااااااام كروشااات

رحت الفاتح اليوووم وحدد لي الدكتور موعد للعملية لانه يقول انا وايد تعبانة وما اقدر اتسحمل الثقل ازيد دمي ناقص وضعطي نازل تاريخ 24 \ 10\ 2010م موعد العملية وهم بعد للحين الاجنة وضعهم مقعدي ما تعدل فالفضل عملية والله يسهل إن شاء الله ..

دعوااااتكم

ما تشوفين شر حروف وان شاء الله يسهل عليج واهم شي سلامتج وسلامة البيبيات وبعدين لما تولدين على خيررر يا رب تعالي ودخلي الديوانية وحرينا لانج بتصيرين رشيقه