البلغمـ مصاحبـ بالدمـ

rose soul · 07-26-2010, 08:12 AM

السلام عليكم
شخباركم حوامل؟؟
عندي استفسار..انا حاليا حامل في بداية الشهر الثالث..واعاني في الصباح من استفراغ وبلغم ومصاحب بالدم..
سؤالي:
هل هذا امر طبيعي للحامل؟؟
وهل يوجد علاج لهذا الشي :(
لأني تعبانه منه..

الله يجازيكم خير

أم حماني · 07-26-2010, 09:22 AM

وعليكم السلاام أختي الغالية ... أنا في نساتي صادني جذي وكان يطلع من خشمي بعد ... بس ماله حل حتى عطوني دوا للبلغم بس ماخذته لاني في حملي ماخذيت اي ادوية غير الفيتامينات والكالسيوم والحديد ,,,, استمر معاي لنهايه الرابع وبداية الخامس وبعدين خفت علي النساة
نصيحتي لج تحملي وصبري وكلها فتره وتختفي معظم هالاعرااااض ... وربي حاسة فيج لانه نساتي كان كريهه من قلب ,,,, تخيلي اني ماكنت بالدنيا احس روحي ميته بس كله قاطه روحي ومابي اكلم اي احد

وممكن لاقدر الله بالشهور الاخيره ترجع لج هالاعراض ... اقصد البلغم مع الدم مثل ماصار لي ... بس عادي انا متجاهله الموضوع ولاتخافين لاني سألت دكاتره وايد قالوا لي عادي ... لاتنسين مع الترجيع وجذي يمكن يتجرح المريء شوي وتصير مشاكل بالمعده وهذا غير ثورة الهرمونات الي بجسمج وحتى دورتج الدموية تكون اعلى من الانسان العادي .... تصبري وتذكري دايمن انه بعد هالتعب بتحصلين شي وايد حلو ماينشرى بكنوز الدنيا كلها

طولت عليج بس آخر شي بقولج لاتترددين انج تسألين دكتورتج عن اي شي يصير معاج من باب الاطمئنان و شي حلو انه نستفيد من تجارب الآخرين بس لابد تكونين حذرة عشان ماتضرين نفسج وتضرين البيبي الله يحفظه ويخليه لج .... والله يتمم لج ولنا على خير يارررررررررررررب

rose soul · 07-26-2010, 12:47 PM

طمنتيني ام حماني
راح اصبر عليه..وخصوصا انا الادوية ماشربتها الا لما حملت
انا كلش مو متعودة على الحبوب وهالخرابيط
واغصب نفسي على حبوب اللوعة والفيتامينات

ويارب تعدي هالفترة على خير
ومشكورة مرة ثانية ريحتيني بردج

ام هناء · 07-26-2010, 03:51 PM

حبيبتي لاتخافين انا كان معاي كذا ببداية حملي وقلت للدكتورة واعطتني ادويه والحمدلله راح

اهم شي عليكي بالدوافي ولاتشربين بارد والله يعينك على الوحام ان شاء الله فتره وتعدي ياقلبي

واي شي يصير معاكي لازم الدكتورة تكون على علم فيه

وماتشوفين شر يارب

rose soul · 07-26-2010, 05:32 PM

تسلمين ام هناء حبيبتي بردج

قلائد العز · 07-26-2010, 06:10 PM

الله يخفف عنك حبيبتي
تعرفين البسر ( التمر قبل ينضج ) يعني قبل يصير تمر مو أخضر لا المرحله الثانيه يصير
لونه أصفر قبل التتمير مذاقه فيه حلى قليل مع مراره إذا أكلتيه سوى لفمك وحلقك إنكماش
أنا أتسلى فيه طول يومي وأستعمله مثل قصب السكر يعني أقرضه وأسحب كل عصيره وألفظ
الألياف عشان ماتثقل معدتي وأحيانا آكل منه زين بعد الأكل وحده أو ثنتين .
جربي خاصة إن هذا موسمه .

rose soul · 07-26-2010, 09:27 PM

قلائد العز
مشكورة عمري ع المعلومة
وان شاء الله راح اجربها..وان شاء الله تنفع معاي

روح البنفسج · 07-27-2010, 08:48 PM

انا كمان يصير معاي زيك بس باختلاف اني ما ارجع يعني طول فترة حملي
يمكن رجعت 3 او 4 مرات وكلها في الشهر التاني و بالليل مو الصبح
بس مررررره كرهت نفسي من البلغم والدم مره يخوفني وكمان يطلع معاي
لون اسود على رمادي كانه حبر سوري على الوصف بس والله هادا اللي بيصير
معاي وربي يسهل لنا ونعدي شهور الحمل بخير وكله يهون فدا نور العيون

rose soul · 07-28-2010, 12:28 AM

صدقتي يا روح البنفسج
كله يهون فدا نور العيون
يارب يصبرنا ويسهل على كل ام حامل