حبيباتى سيدات ليبيا تفضلو لأعرف ما حالكم

[أمل ليبيا]

السلام عليكم
شموسه ام فروسي سوسو اوشي اثري اجنادين جي جي هدوشه ام نوزة
كيف حالكم حبايبي ان شاء الله تكونو بالف خير


اه فروسي وهدية وشموسه ان شاء الله لاباس عليكم ياغاليات ربي يحفظكم


شموسه ان شاء الله ربي يتمملك ع خير وان شاء الله احساسك يصدق ونجيب مستعععععععجله ههه



اني الحمد لله بس نحس الطاقه متع جسمي بدت تنفذ!
جسمي من تحت مكسر ماعرفتش السبب قصدي الحوض ورجليا وطبعا بنا اني ماخديتش حبوب حديد وفوليك من بداية الحمل وسيبت الحليب والزبادي ف نحس جسمي الي مخزنه قبل كله خداته بنوتي ان شاء الله بالصحه عليها لكن ماما خلاص بدت عزوزة ههههخخ

الحمدلله الحمدلله الحمدلله المهم تجيني بالسلامه وفرحانه دكتورتي روحت من الحج ولبست الحجاب ماشاء الله بدت تهبل وخديت معاها اقرب موعد وهو هذا نستنا وخلاص

[أم أجنادين 80]

صباح الخير
ماشاء الله اسلمت دكتورتك او هيا مسلمه من قبل
ان شاء الله ربي يسهل ولادتك انتي ًجيجي
ويفرحكم ببنياتكم يارب
والله الينيع زي ألرحمه للام وراح تكون البنت والأخت والصديقة
شموسه ردي بالك علي نفسك لو في مكانك انجيب شاغله
اقل شي كل يومين للتنظيف بس
سوسو بالنسبه للسفر احنا مسافرين اكثر من مره لتونس
بعد الزواج
مره للعلاج وأكثر من مره تغيير جو وشغل
ومره مع عمي وعمتي وحماتي وكلن جو اكثر من رائع والله
تذكرته نزولو دموعي خصوصا عمي ابو زوجي
صغير في السن ومتفهم ومثقف والله يدلع فينا دلع مش عادي
زي الأطفال ومره معلمني القياده انا وحماتي الصغير هجو مش عادي

وبالنسبه للسفر للعلاج للخارج مثلا الاردن أكيد يبي ميزانيه
والمواطن العادي اللي ربكم وزينا يبي ميزانيه للشي زي هدا
10 الآلاف او اكثر يعني ممكن يكونوا متوفرات بس راح ياثروا علي أشياء
ثانيه وفعلا لو مش من السفره هذه لكنا اقدمنا علي خطوه كبيره
زي هذه زرع او سفر للأردن
والحمد لله حالتنا متوسطه زي الناس
وعادي احبيبه انا حبيت نوضح لك ممكن كونتي فكره غلط علينا
ومازعلتش منك
ومستحييل راح تكوني فكره كويسه وصحيحه من مجرد هدرزتي في التجمع

[dr.loly]

المشاركة الأصلية كتبت بواسطة شموسه 88

ام فروسه او هديه بعيييييد السو عل احلى مشرفات "ان شالله لاباس عليكم طمنينا عليك هديه
فرسه حلوه فكره العزومه بدات لما تقعدي عازومه بدات لما اتكون خفيفه اوفي فرسه لطبخ وتحضير بس انفضل مكرونه الشعريه بلخلطه احلى

اوشي والله حبيبتي ماعندي فكره عل أي لانبر الاصق بس ابصرحه مافيش احللى من الطبيعي
جيجي استمتعي توه اوطلعي للمات قبل ايجيكي اميرتك او تنحبسي انتي وايها

اموله ماتشغليناش عليك وينك يا حلوه

سوسو كيف حالك يا ثموحه بس المرمره لي هيا الرخامه في الوسط بس في حاجه انا ديرتها في مطبخي فكره جهنميه هههههه انا في مطبخي دايره كيف القوس ترقيله ابدرجتين فيه مرمره وارخامه بعدين انحط فيه الغاز القديم امتاعي وشفاط وحوض اويفتح فيه الروشن يقعد لاستعمال العادي حتى لو جاني ضيف فجاه بقعد المطبخ باين منظم نحنا كنا نبو اندروها غرفه غسيل بس غيرنا راينا في اخر لحضات
ام نوزه كيف حال يا احبيبيه والله مازلت ينزل مني بس نقاطي دم
جنوده ربي ايوفقك يا غاليه
اثري كيف حال عللوله اودودي ربي يحفظهم لكي

7



ماشاء الله ع الفكرة الجهنميــة عجبتني جدآ .. وهذي لي خلتني انتندم حتي نا في مطبخي في كيف .. زي الاستراحه المغلقه جانبيه حطينا فيها غازي القديم وهذي لي بعدين خلتني انتندم اني مفروض خليتها مفتوووح خصيصا ع قولة جنودة ان بعيد ع المناطق الحيويه


بس مكان الجدار لي بنفتح درناااه حائط سيراميك حجري وفوق ديكور بصراحه مايهونش انهده مازال ههههههه ..


والعزومه تطورت مع العرسانا شابين من الحجاج العزابه وشابين من قروب لي كانو ف فرنسا


كبرت .. وحتي نا مايله للشعيريه .. زوجي قالي ديري تقليه اسهلك .. قتله عااادي


وان شاء الله حالك افضل .. توا


وماشاء الله ربي يخليلك هلك .. وسهفتيني ع الحسا دزيلي طنجره خخخخخ ( عليك ام طنجرة هههه)

[dr.loly]

سوسو انا اول فرحه لهــلي .. ونحن بطبعنا نحبوا العزومه تكون سمحة وع فكرة درنا زي مايديروا الناس بوسط ..
في عزايم اكبر من هكي تكلف و اكيد شموووسه عارفه وحاضره افراح هكي واكثر .. بم انها من بنغازي


بالنسبه ل حنتي الصغيره يمكن الشئ المكلف فيها هدايا الشموووع ( التحف) وكانت فكرة ماما ..
والاضافات الباقيه ,, عادي فتلكة بسيطه تعتبر ...


بالنسبه لهلي يعتبروها قدر وكرم للضيــف اذا كانت الظروف تسمح مش تبذيــــر



نا شايفه افراح التبذير كيف تووون ..





وبالنسبه للبصله مانقدرش ندير وجبه بروحها ف عزومه .. لازم موالح وعصبان .. وكان مش عصبان محشي بداله

[dr.loly]

كنا في ديبنهاااام .. وقعدت نذكر في اثري فيه.. الله يعطيها الخير

خصيصا ان مدير تخفيضات حلوهـ.. وجبنا حاجات منوعه من ضمينهن الة الكابتشينو من ديلونقي الماركة

طبعا هذينا ل ليبيا مش هنا

[dr.loly]

المشاركة الأصلية كتبت بواسطة sosolibya

صباح الخيرات والليرات على أحلى عضوات ومشرفات..





ياعطيكم ياكبدي الهناء والعافية والصحة

بالعكس ياهدية ماحرجتش تسحابيني زيك حراجة ههههه
وههذه فرصة باش نوضح وجهة نظري

شوفي أنا زيك تماما معجبة بشخصية جنودة ونشوفها قوية جدا وتخالط وتمشي وتتطلع

بس أنا جاني الشعور مش منها من راجلها
لأنها ماتحك عليه بكل وحسيته مش اجتماعي هلبة

وأكيد يللي مايسافرش مش انطوائي ومكن أنا أخترت المصطلح الغلط بس نقصد

اني ديما في خاطري نقول خيرهم مايطلعوش يدهورو ويعاينو

شكلهم مايقدروش ماليا أو مايحبوش وفجأة نسمع بيهم في أمريكا كانت ليا مفااااااااااااجأة

فهمتي لقطة الصدمة يللي نحطيت فيها

وبالنسبة ليك انت ياحلوة

انا بالعكس الحمد لله عندي إحساس عميق نقدر نفهم الناس حتى من خلف الكمبيوتر

وألإنطباع يللي خذيته عنك انت مسؤولة عليه

إنت مرة قلتي (تعودت على القعاد بروحي كيف بندير بعدين مع العيلة )

ردي ليك أنا ااااااه معقولة أنا نعشق جو العيلة كيف انت ماتبيش تنسجمي مع إمتعاعينك

وقلتلك أكيد بس لأنك تعودتي على الوحدة توا لما ترجعي تتعودي..



خلاص خالصين هههههههههههههههههههههههههههه



وحفظ الله لنا أمورتنا سوسوههههههههههههه

سوسو بس مرات تحكمي علينا غلط هههههه


او تحكمي ع الامور من نظرتك او قناعتك انتي وهي العكس تكووون


او مش هكي بكل

[dr.loly]

المشاركة الأصلية كتبت بواسطة sosolibya

شوفوا شن واحد كاتب

عد ثورة 17 فبراير ،،قد انتهى عصر الخوف والرهبة من الإسلاميين والمتشددين

لما نخفى تطلعاتنا و أمالنا

لما نستكين تحت وطأة الإرهاب الفكري للإسلاميين

لقد صرت معجبا بمحمود جبريل بعد هذا اللقاء ، لقد استطاع ان يقول ما يخشى الكثيرون قوله

البعض ينشر هذا الفيديو وكأنه جريمة ،، لا،،، ليس المطالبة بالحرية جريمة

دولة علمانية تحكم و شعب مسلم ،، فالوطن للجميع

دولة تنتشر فيها الحرية ولك الحرية في نشر الاسلام والدعوة كما شئت

شوفو شن رديت.........


بس كيف سنبني جيل مسلم يخاف الله وله غيره على دنه ونبيه ونحن نضع أمامه مجالا للإختيار بين ألإسلام و(تفضل) هناك ديانات أخرى يستطيع أن يختار ممنها مايشاء ويفعل ما يحلو له وبالتالي يتزوج من مسيحية ويأتي أطفال مسيحيون وتدخل المسيحية وغيرها وبذلك ينتج ليبيون مسيحيون (وهكذا ستتكون المسحية وغيرها من الديانات) لاش بينا هذا كله نحن بدون علمانية ما سلكناش ومن ثم هناك نقطة مهمة جدا وفيغاية ألأهمية ألإسلام لم يحارب الديانات ألأخرى والمسلمون متسامحون جدا مع باقي الديانات إذا ذلك يكفي لأأن يكون دين الدولة القائم هو ألإسلام بدون أن نكون علمانيين .... ليس تعصب أو تشدد ولكن حب الله ونصره دينه يجب أن تكون في قلب كل مسلم....

رد جمــيل .. بس سوسو عادي زوجكـ .. مثلا يخليك تردي ع شاااب


عندي زوجي هذا ليش كان مايفضلش المخالطه بالفيس

يعني قالي رد بالك ديما اول مازوجنا ... قتله نا مانحبش بكل وماخشليش راس الفيس بوك

رغم ان صديقاتي من عشاقه ,, ويبني اندير حساب فيه بس هك ماحبيتش

نحس فيه موقع قصقصه ع قول دكتورة صديقه وحاليا ع قول زوجي قعد يحرض ع فتنة بين بعض المناطق ف ليبيا وجو هذا..

[dr.loly]

المشاركة الأصلية كتبت بواسطة أمل ليبيا

السلام عليكم
شموسه ام فروسي سوسو اوشي اثري اجنادين جي جي هدوشه ام نوزة
كيف حالكم حبايبي ان شاء الله تكونو بالف خير


اه فروسي وهدية وشموسه ان شاء الله لاباس عليكم ياغاليات ربي يحفظكم


شموسه ان شاء الله ربي يتمملك ع خير وان شاء الله احساسك يصدق ونجيب مستعععععععجله ههه



اني الحمد لله بس نحس الطاقه متع جسمي بدت تنفذ!
جسمي من تحت مكسر ماعرفتش السبب قصدي الحوض ورجليا وطبعا بنا اني ماخديتش حبوب حديد وفوليك من بداية الحمل وسيبت الحليب والزبادي ف نحس جسمي الي مخزنه قبل كله خداته بنوتي ان شاء الله بالصحه عليها لكن ماما خلاص بدت عزوزة ههههخخ

الحمدلله الحمدلله الحمدلله المهم تجيني بالسلامه وفرحانه دكتورتي روحت من الحج ولبست الحجاب ماشاء الله بدت تهبل وخديت معاها اقرب موعد وهو هذا نستنا وخلاص

ماشاء الله ع دكتورتك ... انتي حاكية من قبل انها مسلمه نذكر .. وجدا عجبتني وقتها لانها ف رمضان وحست بيك ..

مش نفس دكتورة انجليزيه متاع جارتي تبعت كلامها وفطرت رمضان كله رغم ان صحتها كانت تسمح .. بس دكتورتها قالت كيف ماتشربيش مية .. واقتنعت هي قتلها نا ماعندكش مسالك وتنوضي ساعه 3 كويس للصيام لك عادي بس هي بكريه وكانت خايفه ..




ونصيحتي ياعزيزتي انك هالايام تريحي وماتعبيش روحك عشان تلقي جهد للولاده


وننصحك بالتمـــر ثم التمــر ثم التمـــر فهو اكبر مغدي لعضلة الرحم ومانبيش نزيد نشرح

انتي قارية طب وعاااارفه حبيبتي



وان شاء الله ربي يسهل عليك ..

واللله ياريتك قريبه منا كان هذا جيتك لكن للاسف امريكا تبي فيزا وجووووو


وصدقيني بم انك مغتربه ربي ح يسهلها عليك ان شاء الله



ننصحك بقراءة سورة الزلزله و دعاء سيدنا يونس في لحظات الولادة الاخيره

[dr.loly]

المشاركة الأصلية كتبت بواسطة sosolibya

لماذا أنتم متبخروووووووووون


البارح مشيت لصاحبتي أنا وماما

صاحبتي كانات مع أهلها في الحجاج يعني هي قاعدة صبية (عارفة انكم عكسنا فروسة )

و هي من عمري ومشت للحج ماشاء الله..

عكسكم في شنو ؟ ههههههه

الحجاج اربع عائلات من المتزوجين

واتوا زوجي عدا لاول شاااب عازب حاج ... وحتي بالمره بيعزمه

ع غدا الجمعه



طبعا قبل اليوم بندير البطاطا بس روحت تعبانة من السنتر فجأه دخت دوخه قوية


تغدينا وروحنا.. وماكملناش يومنااا



وكرعيا بكل شكلها الدورة بدت من جديد




بكرة بنديرها ه ونوع اخر وف الليلي بنقرض خضرة العصبان




لان الوقت ف نهار للظهر مش ح يسدني الا للوجبه والسلطات


وخصيصا ان مش عزومه رجاله بس يعني العروس ح تقعد معايا ف صاله جوا


ولازم نوتي حاجتي بسرعه للضيافه

[dr.loly]

رغووووودة ياريت تطمنيني شن صار ف موضوعك بالضبط والله شايلة حيرتك وحتي زوجي من يوم ماسألته يسأل عليكم شن صار في فيزا العيال ؟....؟؟؟؟


تعرفي توقعتك سافرتي




لان نحن بعد الفيزا باسبوع حجزولنا الشركه....


جت ورا بعضها طووول