السلام عليكم والرحمه
كيف حالكم ي حوامل عساكم بخيييير
بدايةً مرت علي شهور الحمل الحمد لله ماحسيت بتعب كثير بسس الثلاث الاشهر الاولى غثيان
وبعدها سهالات ماحسيت بالثقل الا بالشهر التاسع
وكان الرحم مفتوح معاي من نهاية الثامن 1 سم
وكنت دايم اقول بنفسي راح اولد بداية التاسع لان اغلب الاوقات يكون معاي طلق قوي شويه
لكن ماعرفت ان طلق البنت يلعب ع كيفه
دخلت الشهر التاسع ويوم عن يوم اقول بولد لكن مايصير شىء بآخر الايام قرأت بالنت ان
المعاشره تفيد كثير بفتح الرحم
قلت يالله خل اجرب اهم شىء اولد واشيل هم الولاده لاني ميته خوف
وصار الل صار بيني وبين زوجي جاتني الام طلق كم مره بس ماينتظم واثناء مراجعاتي بالمستشفى حددوا لي طلق صناعي بيوم 15 رمضان قلت بروح خلاص
اهم شىء ارتاح لكن الحمد لله ليلة 13 صار الل بينا
واجا الطلق معاي شوي شوي قلت نفس كل مره طلق اخرطي
بدا معاي الساعه 2 نصف الليل
استمر الى سبع الصبح كل شوي يزيد قلت لزوجي خل نروح ورحت مستعجله
حطوا علي التخطيط وقالوا الطلق منتظم وقوي شويه فيه ولاده
عملوا لي الكشف الل كنت اموت منه قالوا لساته 1 بسس انا انجنيت
قلت مستحيل اضل خفت من الطلق الصناعي هيء
طلعت ماجات 12 الظهر الا ورجع حيل وصرت انزف
وزوجي قال يالله مستشفى قلت لا مابي من الخوف بس ماخلاني عملت لي ام زوجي
عود وشوي شوي وقوى الالم
الساعه اربع كذا العصر رحت قالوا 2 هيء وخلاص ضليت بالمستشفى انتظر اولد وارتاح
وكل شويه يزيد وانا مو متحمله وكل شويه كشف
صرت اصرخ مو متحمله يعني صوتي صار اقوى من الموجودين شلت الدنيا من الصياح زوجي
مسكين يروح ويجي علي وقلبه حيل يكلمني بس مارد عليه ماتحمل
لا اتكلم ولا اجلسس بالموت انقلب ع جنب
مع ان طلق البنت ارحم من الولد لان يجي حار لمدة ثلاث دقايق كذا ودقيقتين راحه
غير الولد ع طول حار
بس قلت لزوجي خلاص تطلعني مستحيل اضل هنا خلاص بموت
ومشكلتي مابي حتى البيت اروح ابي انتحر اي شيء بس اهم شيء الل فيني الالم يخف
جات الممرضه قالت له يوقع مشان طلق صناعي ع بكره واذا ماولت عمليه جنيت قلت طلق صناعي مستحيل انا طبيعي ومت
خللها عمليه واهو يقولها انتبهي لا تسوون لها عمليه جن جنوني
الكشف الل اموت منه قلت له تروح الان وتخليها تكشف اذا بعده خلاص بطلع كشفت علي قالت ثلاثه ونص نصف ساعه ويكون اربعه ونزلها ولاده
تحملت والدقيقه غصب تمر علي المهم نصف ساعه وصار اربعه ونزلاني والل يمي يقولون ادعي لنا
نزلت واه بسس فتحوا الماي وصل سبعه وبعدها عشره تعبت معاي تقولي ادغعي تعبت وانا ادفع
يعني بدون جراحه ولا شيء تبيني اولد جنيت كل شويه تعصب علي وتقوم وترجع
قالت انتي كذابه مفيه ولاده جنيت صياح قلت لها بموت خلاص بس رحمتني دكتوره جات قلت لها
شيلوه بشفط اهم شيء اولد المهم بصمت ونقلاني لغرفه الولاده قالن ان شاء الله ماتحتاجين شفط
عملوا لي جراحه وضغطت حيل ع ضلوعي مشان تنزل البنوته لان كل شويه يبرد الطلق تطلع وتدخل هيء ![hwaml15](images/smilies/TR (8).gif)
بس تألمت حيل واهي تضغط شكيت ان ضلوعي انكسرت
خيطاني ثنتين بس قلوبهم حيل طيبه كثروا لي بنج وبحمد الله ماحسيت لا بالجراحه ولا الخياطه
مجرد ماولدت الالم بححح كأني بحلم شفت نونتي مو مصدقه علماني اياها ووداها العنايه
لان التنفس قل معها اثناء الدفع لان تعبت حيل الحمد لله ولا بالطلق قلت مستحيل احمل مجرد ماولدت
قلت لل الدكتورة اعطوني ابرة الفصيله هع لان فصيلتي سالبه مشان الحمل الجاي <<صج الحريم عيارين
المهم بعد مارتحت صعداني كل ماذكرت الطلق والكشف والولاده احس اني بصير مجنونه
لكن الحمد لله ست ايام وطلعوا نونتي وبشوفتها ماتصدقون لا قلت اني نسيت الحمل ومعاه الولاده
حتى خياتي مو مصدقين ولا اقولهم سنه وبحمل هع
نصيحه لكل حامل تاكل تمر زين كنت دايم اكل مشان الحديد وتكثروا ايات نسيتها
كل شيء نسيته الرضاعه لها دور هع
وعقبال كل حامل تولد بسهاله يارب