جننتني الدورة

[ام نانا و لولو]

انا المفروض تنزل دورتي 3 مارس ولهلا مانزلت جبت تحليل لما اتأخرت طلع خط خفيف جداجدا حكيت راح استنى مبارح جبت تحليل وانصدمت خط واحد بس وعندي حرارة من يوم التبويض لهلا والم بالصدر ومغص ووجع ضهر والنفسية زفت طول الوقت ببكي ومش طايقة بناتي وخصوصا انه زوجي مسافر مدينة تانية سنة بيعمل تخصص هو دكتور وبيجي كل شهر مرتين واهلي مسافرين وماعندي حدا غير الله وانتو
هدا مش اول حمل الي وقاعدة بستناه الحمدلله عندي تلات اميرات الله يحفظهم الي
اول مرة يصير معي هيك وتتأخر الدورة حدا صار معها هيك

[غلا ابراهيم]

ياعمري استني كمان وحللي ويارب تكوني حامل

حبيت ادعيلك

بلتوفيق

[ام نانا و لولو]

يسلمو حبيبتي غلا انا جد محتاجة للدعاء الله يرزقك الي بتتمني

[نبض الاردن]

انا كمان لازم تيجيني الدورة يوم 3 مارس يعني صارلها متأخره 12 يوم .. جبت تحليل قبل خمس ايام وطلعلي خطين واحد واضح والتاني خفيف كتير .. اليوم عدت التحليل وطلعلي خطييين واضحييين الحمدلله .. بدي اصبر يومين وروح للدكتووورة .. وان شاء الله خير

[غصون الأمل]

هلا حبيبتي الله يخلي اليكي اميراتك ويسهل عليكي وان شاء الله حامل ووتطمنينا والله يعطيكي امير يارب

[ام بنتها]

انا مفروض الدوره كانت تيجى امس وما جت جيبت تحليل بيى تشيك طلع سالب ونفسيتى سيئه جدا الحمد لله بس مو عارفه ليه الدوره اتاخرت
يارب يرزقنى ويرزقك الحمل القريب يارب العالميييين

[مهرة]

ان شاء الله حامل انتي والكل

[هناء22]

انشاء الله حامل وكل منتظرة الحمل روحي حللي دم اظمن وبشرين

[روزالي]

انشاللة حاااااااااااااااااااامل حبيبتي .... واللة يحفظلك بناتك ....

[ام نانا و لولو]

يسلمو لكل الي ردو والله يعطي كل وحدة الي بتتمناه
انا عايشة بأوروبا وهون مابيرضو يحللو دم غير بعد شهر اخدت موعد مع دكتور 27 الله يصبرني المشكلة نفسيتي التعبانة وياحرام بناتي كل تعبي بيطلع عليهم هلا بنتي الصغيرة جننتها واخر شي قعدت ابكي وكمان لاني لحالي ماعندي حدا وانا اصلا وحيدة ماعندي خوات امانة انكو تتدعولي الله يهدي نفسيتي وارتاح