طمنوني الله يرضى عليكم

[هدووش]

السلام عليكم ورحمة الله وبركاته
انا حامل بالشهر الثالث وصحيت الصباح لقيت نازل مني دم كثير ورحت المستشفى وقالت لي الجنين كويس بس المشيمه نازله ومااعطتني حبوب مثبته
المفروض تعطيني صح؟؟؟ وقف الدم الحمدلله بس انا قلقانه من ناحية المشيمه وكمان المثبت مدري ليش مااعطتني
اي وحده عنده معرفه بشي ذا تقولي وطمني والله يجزاكم كل خير

[فطوومه]

صار لي نفسج حبيبتي قمت من النوم وكنت انزف ورحت وقالت ليالمشيمه نازله واعطتني مثبت وقالت اخذي واذا وقف الدم وقفي المثبت والدم وقف علي من ثاني يوم بس طبعا المشيمه تمت نازله وماخذت وﻻحبه مثبت .. والمشيمه رجعت مكانها في شهري التاسع

[هدووش]

فطومه حياتي مشكوووره اللي فهمته من كلامك انو المثبت عشان الدم ماوقف عليك
طيب ولدتي طبيعي؟؟
لانو سمعت اللي تكون المشيمه نازله تولد قيصري؟

[فطوومه]

المشاركة الأصلية كتبت بواسطة هدووش

فطومه حياتي مشكوووره اللي فهمته من كلامك انو المثبت عشان الدم ماوقف عليك
طيب ولدتي طبيعي؟؟
لانو سمعت اللي تكون المشيمه نازله تولد قيصري؟

اي حبيبتي هي قالت لي متى ماويقف الدم اوقف المثبت والحمدلله ماحتجته ﻻن من ثاني يوم وقف الدم وبالنسبه للوﻻده انا المشيمه كانت نازله شوي وقالت لي اذا البيبي سبق المشيمه بتولدني طبيعي لكن اذا المشيمه تسبق البيبي قيصري .. والحمدلله فالثامن كان البيبي سابق المشيمه وقالت خلاص انشاءالله طبيعي .. لكن فالتاسع رجعت لوضعها الطبيعي الحمدلله يعني اكيد طبيعي .. لكن فالنهاية ولدت قيصري بسبب الضغط والطلق الصناعي ..

[bnt elnour]

ان شاء الله خير حبيبتي .. والله يتمم لج الحمل يارب اميييين

[هدووش]

ان شاءالله

[هدووش]

بنات الله يخليكم انا صحيت ولقيت نقطة دم ايش معناته هذا؟؟؟
مرررره خايفه ردو علي

[هدووش]

بناااات وربي ابكي مو عارفه ايش اسوي اخاف يصير للجنين شي

[ام وليد2005]

حبيبتي ان شاء الله ما فيك شيء بس روحي للطبيبة واطلبي مثبت وابقي طمنينا عنك ربنا يشفيك

[ام السوس001]

يا روحي يا هدوش... إن شاء الله ما في شي بخوف

خليها تعطيكي مثبت وضلي مرتاحة وما تحملي أي شي تقيل
وطمنينا عنك يا عسل.... وإن شاء الله ما عليكي إلا العافية