حبيباتى سيدات ليبيا تفضلو لأعرف ما حالكم

[اوشي]

كيف حال الجميع وبدون استثناء

امس طلعت من غير لا سلام لا كلام اعذروني

دارها فيا النت والله كان سمح لين خشي مسابقة اختبر معلوماتك الطبية

السؤال الاول جاوبته بسرعة وحصلت عليه الترتيب الاول و 20 نقطة

والسؤال الثاني حتى هو عارفته والله لـــــــــــــــــــــــــــــــــــكن النت دارها فيا

كان هذا راهو حتى هو حصلت فيه درجات خخخخخخخخخ طماعة

خطرت علي ايام لقرايا ضروري ما انطبق وفي بداية المدرسة ضروري اول

درج ههههههههههههه

لعند سنة رابعة علوم اساسية وانا في الدرج الاول لكن مرة صار معاي موقف

لما نجحت لثانية علوم اساسية ووزعونا علي الفصول مالقيت ولا وحدة من صحباتي معاي في الفصل

فعديت نجري (وزقبت ) في الدرج الاول في النص وقعدت فيه بروحي واشوي ونسمع شنطة اندلفت

عالدرج وقعمزت احذاي بنية معروفة ومشهورة بفاطمة الذكر لانها شريرة وادير في عرايك حتى مع الشباب

اشوي انا ... تخيلو منظري انتو بس خوف ورعب .. تهزبك عندها كيف السلام عليكم عندها مابال تناقشيها

المهم قلتن الها معليش يافاطمة انا ماسكة مكان لصاحبتي طبعا انا نكذب لاني مانبيهاش تقعد امعاي

فقعمزت الهانم وقالت لي اللي يجي لول هو اللي ياخذ المكان وانا جيت قبلها

فقعد قلبي الصغير يضرب لين قريب يطلع من صدري( تخيلو امتاعت الكتكوت الصغير اللي في البس والفار )

المهم خذيت شنطتي ومشيت للدرج الاول اللي من عند الرواشن

شن رايكن فيا ههههههههههههه

[اوشي]

المشاركة الأصلية كتبت بواسطة هدية الخالق

اوشي بصراحة خجلت لأني زي أختك في البداية أول ماجبت كل ماتعيط نحطها ونمشي نقعد نعيط ويجي راجلي مسكين يشد فيها ويهدي فيها نين ترقد يحطها ويجي يقعد مصبي ويشبحلي بنضرة تأنيب عرفتيها ؟ههههههههه لكن توا الحمد لله تعودت عليها ديما هكي في البداية بس لأن الواحد يكون مش متعود عالوضع اول شهر وشهرين بعدبن عادي والحمد لله راجلي باله وااااااااسع ويحب الصغار يساعد فيها هلبة الحق

ههههههههه صار الكلام جا عالجرح حتى انت كيفها ... لا ما اعتقدش لاني اختي هذي هي اصغر

وحدة فينا ومدلعة دلع مانحكيلك عليه لما نجيهم غادي نقعد انهزب ونعارك لان كل شي

تطلبه مجاب تخيلي لما نزلو اللاب توب في الاسواق قعدت اتزن علي باتي لين شراه الها

وباتي لما جابه خش بيه يجري وطمره في دولابها وقال الها راهو ايحقوه خوتك ياخذه منك

حيه انا زمان لما نبي نطلب حاجة نقعد نتلون مرة حمر ومرة خضر ومرة ازرق ومرات في الاخير

نمشي من غير ما نطلب ههههههههههه

المهم تعرفي باتي يمسك في بنتها ويقعد يلعب فيها ويقوللها اسم عليك اللي امك روبي خخخخ

المشاركة الأصلية كتبت بواسطة أمل ليبيا

اوشي ياغاليه ان شاء الله ربي يعاونك في شغل البيت وحوسة الزواق وان شاء الله يارب يطلع زي ماتبي واحسن
وبالنسبه لاخيتك ربي يحفظها اكيد صعب تتحمل المسؤليه ع طول بس مع الوقت تتعود ان شاء الله ربي يهنيها

الله يسلمك ياحبيبة وينجيك ... ان شاء الله ربي يعاون الجميع

حتى انت ربي يعاونك وتجيبي علي خير وتلقي كل شي تبيه للمتك الحلوة

بس تهايلي انك قلتي انه يوم الثلاثاء بتمشي اديري سونار مشيتي وال لا

المشاركة الأصلية كتبت بواسطة ام معاد

توا نستادن اندير دورة علي الحوش وندوش لابوني ونمشي نتريض وتو شوي شوي اندير عليكم دورة

صباح الورد وانشاط والحيوية ماشاء الله عليك بتريضي ربي يعطيك الصحة ان شاء الله

[اوشي]

توة بنمشي نفكر اندير رز امبوخ ونكثر عشان العمال معانا 4 ونحنا بسلامتنا من غير روى ربي يحفظها 6


سلااااااااااام توة

في حفظ الرحمن ياحبيبات

[اوشي]

آه قبل مانطلع ...

فروسة امس وينك في المسابقة كلهم يسألو عليك ياحلوة


وتوة سلام

[dr.loly]

ااااااااااااااااه ياراااااااااااااااااسـي صداع رهـــــــــــــــــــــيب
مش قادره حتي نركز ونعلق ع كلامكن بجد

ازعمة من حبوب منع الحمــل لاني بديت فيهن من يومين ..

اسمتهن سيرازيت متع الرضاعه .........


من عدها تجربه معاهن او قريبتها مثلآ واخده حبووووب

[dr.loly]

[dr.loly]

واااو مافيش وحده خشت لتواااااااااااااا

[dr.loly]

http://forum.hwaml.com/t269084-4.html


عجبني تعليق واحده كاتبيته ع مشاركتي......



انا بصوت لرقم 8 الصور رااائعه والكلام اروووع دمعت عيني وحسيت بشعور راائع لما قرأت الكلام... .

[dr.loly]

المشاركة الأصلية كتبت بواسطة اوشي

آه قبل مانطلع ...

فروسة امس وينك في المسابقة كلهم يسألو عليك ياحلوة


وتوة سلام

اه شفتهن حبيبتي ودزلي رسايل يسألن ..

هي المسابقه هذي عاجبتني حلوة بدون غش من عمو قوقل هههه\

وخصيصا عاد معلومااات طبيه تخصصي




امس كنت عند جارتي ... وجنها اثنين جارات يسكنو بعيد شوي علينا مسافة ربع سااعه بس\\

وحدة زليتينة وحدة م الزاويه اللي بيحجن ...

هدرزنا وغيرنا وجو وفرحت واجد بالهديه الحق و قعدت اتقولي مش ضرزري اتعبي روحك بالسفره اليوميه .. قتلها مافيش تعب هو غداانا عادي وزيادة البرودي وتمر وحلبه ماتعبش



وأكثر شئ حكينا عاد ع مغامرات الجيااب مغامراتي ههههه

بم انهن مازلن هنااا

وجارتنا اول مرة طبعا مافتحوهش لذلك صارلها تمزق داخلي بالمهبل
صارلها نزيــف بعد الولاده طووول وخيطوهاااا داخلي


قتلها هذي ميزة شق العجان للحمايه والوقايه من بعض هالاشياااء

[dr.loly]

المشاركة الأصلية كتبت بواسطة ام معاد

السلالالالالام عليكم وصباح الفل عليكم

وعليكم السلام نورتي ام معاااد

وماشاء الله ع السنافر قعدوا يمشوا الروضــه

ربي حفظهم