حبيباتى سيدات ليبيا تفضلو لأعرف ما حالكم

[dr.loly]

لاباس ع حمودة سوسو وجعني بجد
بس كيف انحرق قوليلي




هو الكبار ماتحملووووووووووووووووووووووه يابال هو صغير مسكين

[أم أجنادين 80]

من شني انحرق حمود

[أم أجنادين 80]

سوسو انتم في حوشكم

شني الأجواء هادية

وكل الناس رجعوا لحياشهم

[sosolibya]

هذا حشاكم حمود فى حوش عمامه يفطرو وهو حاشاكم يعشق الشاهى وكان يبى خبزة وجبنة بالغم من إنه فاطر بس طالع لأمه فأر جبنة يعشقها زينى هه المهميتمحمس على البراد ويجى مكفى علييييييييه

ركابه الزوز منطقة حساسة جدا لأنها ثنية وكل مايتحرك يثنيهم ويوجعوه أكثر

بس الحمد لله سطحية يعنى مش مبلقشة هلبة عبارة عن تصهيد بس المنطقة واسعة طول بردوه بالمية وصبوله العسل

وانا مندرى على شىء وبعدين مشى بوه جاب من الصيدلية كريم أسد وفاشة مضاد حيوى


وبعدين طرنا به لولد عمى دكتور فى نفس الحوازة

وهذا كله حمو يصرررررررررررررررررخ

ولما روحنا شاد غير نبى السرير نبى المكيف ودهشنا وحنى نمروحوله وتوا رااااااااااقد

[أم أجنادين 80]

سوسو انا سمعت ان خاد بوزريبة اخلاقه مش كويسة
صح المعلومة هذه
وانه واخد هلبة اراضي من الدولة ومسيطر عليها
وحتي قصة المستوصف هوا غالط فيها
؟؟؟؟؟؟؟؟؟؟؟؟؟؟

[sosolibya]

جنودة والله أكثر الناس رجعو بس فيه ناس مارجعوش

والحمد لله حاليا ألأمور هانية

بس غدوة كان بتصير حاجة فهى غدوة

زى دراهات الكبد كل مرة يمددولهم المهلة لين يهربو كلهم

[dr.loly]

من اسبوع تقريبا ايامات مسابقة بحر افكاري انحــــــرقت تبشمطت بكل توا ..


والسبب كابتشينو انخسن في الكيتل(سخان المية) .. مية تغلي غــلي ..فوران صبيتها في المق
و.................... طاحت ع فخدي .......انكبت
وبديت نعيط .. وسلحت البنطلون طول

وزوجي عزق لاب توب سمعته بقوة طاح وجا يجري



واو .. كل ماتخطر عليا اول نص ساعه نكره الساخن والكابتشينو
حتي المق نفسه

عمومآ قعد حاطلي ثلج برد اشوي ع فخدي اليسار


وبعدها حطيت كريم ميبــــــو...

جايبته معايا للطوارئ ولقيته..



وماقلتهش لماما ...لا حد

وقبل بتعدوا العيادة لكن قلت فكيني منهم انطبب روحي بروحي وخلآص..


والايام هذي توا تشد فيا في شد شين زي الحكه الواعره ..


والمشكله منظرها يكل قعد لونه قهوي؟؟؟ ومنخضر معش فهمت

[sosolibya]

هناااااااا ... التصويت لمسابقة (إن مع العسر يسرا ) ... حياااكم %

مشاركتى فى مسابقة (إن مع العسر يسرا).. عشر سنوات من ألإنتظار.

[sosolibya]

ليش ماقلتيش حبيبتى فروسة إن شاء الله لابأس

[sosolibya]

والله ياجنودة توا لايجوز على الميت إلا الرحمة هو توفى الله غالب ومشينا عزينا

وبالنسبة لموضوع المناوشات كانت كلمته كلمة مسموعة بصراحة الكل يسمعه ويتبعه

وبالنسبة للمستوصف كان ماشى وهو وبعض الجماعة بيديرو صلح والله أعلم