دردشة بنات ليبيا , دردشة حوامل ليبيا , تجمع بنات ليبيا

[dr.loly]

المشاركة الأصلية كتبت بواسطة تــومــا

اهلين ام فراس كيف حالك وشن امورك ان شاء الله تمام

اهلين توما...شخبارك واخبار بنغازي... وشن مخططاتك لنهاية الاسبوع... ماشيه امشرق اكيد
وعجبتني شربة القهوة بالمرج حتي نا وزوجي ايام العسل الاولي خخخخخ نديروا فيه الجو هضا نشربوا كابتشينو ف استراحة الحيطه متاع العشيه ومرات نتعشوا ومرات نروحوا.... اخر مرة عديتلها عشان انتمشي اكثر شئ قبل مانجيب بنتي بيومين تغدينا بومردم لحم ورز بلخلطه ومشينا مشي عمري ماننساه ...

[تــومــا]

المشاركة الأصلية كتبت بواسطة *ام فراس*

اهلين توما...شخبارك واخبار بنغازي... وشن مخططاتك لنهاية الاسبوع... ماشيه امشرق اكيد
وعجبتني شربة القهوة بالمرج حتي نا وزوجي ايام العسل الاولي خخخخخ نديروا فيه الجو هضا نشربوا كابتشينو ف استراحة الحيطه متاع العشيه ومرات نتعشوا ومرات نروحوا.... اخر مرة عديتلها عشان انتمشي اكثر شئ قبل مانجيب بنتي بيومين تغدينا بومردم لحم ورز بلخلطه ومشينا مشي عمري ماننساه ...

والله الاخبار كويسه يعني ماشي حالها ربي يستر ع البلاد وخلاص
لالا مش ماشيه عشان عندنا عمال للديكور قبل نبو نمشو بس خويا عندنا جامعه مقدرش ايجي يقعد مع العمال بس خيرها بغيرة ممكن بكرة نمشو للاستراحه
ههههههههههههه مش غير حلوة بكل شربه القهوة واستراحه الحيطه رايحه زاحمه بشكل مش عادي اول امس خذينا منها غداء بس برا رزهم حلو الصراحه تغدينا رز بالخلطه وكبدة مشويه ولحم بومردم مرة ذقته عندهم مش حلو صح الحطاب ايدير فيه احلى
ربي يجعل ايامك كلهن عسل ياااارب كيف حال الاولاد ؟ ربي يحفظهم لكي يارب

[dr.loly]

تسلمي عزيزتي....الاولاد حال العياط بلبيل ماهنونا ف نومه خصيصا فرووووووسي بالنسبه لاستراحه الحيط نذكر ماعجبنيش الرز عجبني البومردم ح عكسك ههههههه

[أم أجنادين 80]

السلام عليكم ورحمة الله وبركاته
امس كان عندي ضيوف ولد عم زوجي وصاحبه اتعشوا عندنا
وكان العشاء كسكسي بالبصلة وامبطن واسياخ دجاج وبيتزا الابواق وسلاطة ومشروب وفاكهة ومكسرات
ودرت كيكة قدمتها مع الشاهي

[أم أجنادين 80]

بنات نبي نستشيركم
من فترة قلت لكم ان حوش بوي يبوا يزوقوا الدور الفوقي ويلي هوا كله 5 نوم مع صالة في الوسط
يلي تعتبر زي المعيشة الغلطة الوحيدة فيها المطبخ مش مفتوحة عليه
مع غرفتين استقبال للرجال والنساء
انا حطيت في مخيلتي الوان معينة وياريت اتقولي شن رايكم لان غرف النوم بتكون حسب بنت او شاب
كل وحده لون خايفة يكون فيه زحمة في الالوان في الغرف كل وحده بلون عادي او هلبة

مثلا الصالة الوسطية يلي يفتحوا فيها كل الديار ماعدا غرفة نوم ماما وبابا وغرفة ثانية في ممر خاص بيهم مع حمام " اكرمكم الله "
والحمام علي الوردي
انفكر يكون دار نوم ماما وبابا علي الموف ودرجاته ويدخل فيها البيج او الكابيتشينوا وحايا ماحصلتش صورة توضح يلي نفكر فيه للغرفة هذه
اما غرفة البنات بماانها جنبهم في نفس الممر
راح تكون علي الوردي او الفوشي كل الجوانب ماعدا الحائط يلي بينحط فيه السرير نبوه رصاصي او مائل للفضي وطبعا زواق عادي الوان سادة
بس نبو اندخلوا زي الفكرة هذه

شن رايكم يكون الحائط يلي بالرصاصي ابيض
او عجبتني الفكرة هذه

وغرف الشباب وحده يلي قريبة من الحمام وهوا علي الفستقي تكون زي الصورة هذه

بس علي الأصفر والفستقي او موزي هادي مع الفستقي او اصفر ليموني مع الاخضر العشبي وهذه كانت اقتراحات اثري الله يبارك فيها






والثانية بناء علي طلب خوي يبي الاحمر والاسود


وغرفة الشاب الأخر سماوي ورصاصي



الفكرة الاساسية في الغرف زواق عادي ملون مع بعض اللمسات بالملصقات والديكور كله بسيط

والصالة يلي في الوسط تكون كلها بيج او كابيتشينوا الجهة يلي راح يكون فيها الصالون زي هدا

والجهة المقابلة للصالون فكرت في الكابيتشينوا ننزوج مع البيج للاسف شايفة هدا الزواق عند خالتي بس مش عارفة اسمه
كانه خربشات او تكون بالطريقة هذه

ومزالت الجهة يلي بينحط فيها TV
بس في راي حتي تكون زحمة في الالوان انا اميل لفكرة الكابيتشينوا في الجهة المقابلة للصالون واريد اقتراحكم بخصوص جهة التلفيزيون
واما مدخل البيت والدرج والردهات تكون بيج او مايسمي زواق رخامي رغم انه اعتقد غالي شوي


ومازال غرف الاستقبال نساء ورجال محتارة نبي منكم اراء واقتراحات
فكرت في الأبيض او بيج مع مرق حائط في جانب واحد ازرق حتي بعدين تنخدملها جلسة ازرق وبيج هذه الرجال والنساء ؟؟؟؟؟؟؟ احترت ؟؟؟؟؟

افكار اضافية اخري في حال سمحت الميزانية

فكرة للصالة وراء TV

واخري للمدخل المنزل

واخري للجانب يلي راح يقابل الصالون

[أم أجنادين 80]

تعرفوا وين يبيعوا فيهم الملصقات هذه

وشن اسم الزواق هدا

[sosolibya]

السلام عليكم

العشية مشينا لأقربائنا يللى ولدهم مضروب بسلاح وتوا فى تونس وغعينه الحمد لل فيها أمل
بس قاعد مايقدرش يتحرك عنده مشكله فى ألأأعصاب

وبعدين مشيت لأمى وتوا بس روحت

ومن كثر كساد وخاطرنا فى الهدرزة اتصلنا بأهل خالى جتنا

وتوا هما روحو بيا

[أم أجنادين 80]

معقولة ولا وحده دخلت
حتي فراشات الليل

[أم أجنادين 80]

الف لاباس علي ولد جيرانكم
بس شن قصة عينه

[sosolibya]

جنودة اعتقد اسمه زواق البصمة

مع العلم ان حوشى زاوقه بسيط بس نوعية كويسة متع للى مضاد حتى للنار الله ما أحفظنا وقابل للغسيل بالماء

ودار النوم على المشماشى الهاااااااااااااااااااااااااااااااادى

ودار على السماوى والموف الهااااااااااااااااااااااااادى

ودار على الاخضر الهاااااااااااااادى

والممرات والصالة بيض باش مانتقيدش بلون البساطات والجلسات

وتوا لما درت الدار الخضرة فرشتها وردى

فكرنا نديرو زواق بصمة وردى بس ماصارش