دردشة بنات ليبيا , دردشة حوامل ليبيا , تجمع بنات ليبيا

[dr.loly]

المشاركة الأصلية كتبت بواسطة ام معاد

الم فراس هدي ألولا في الصورة بسم اﻷه ما شاء اﻷه عليها

اهلا ام معاد شخبارك واخبار اصغارك... وامتي بيرجع ابو معاد
يس هذه الولي صورتها الصبح بعد ناضت عشان خواتي يبن صورهم ف كل الاوقات....
وتسلمي حبيبتي عالاطراء الحلو.... وع فكرة هي نسخه طبق الاصل ع باتها هي وفراس خخخخخخخ نا مانشبهلهمش من كثر مانبحث ف زوجي بالحمل....

[dr.loly]

اوشي نجك ليا ....
توا نتاكد ونسال....

[أمل ليبيا]

ام فراس ماشاء الله بنوتك تهبل ربي يحفظها الله قداش نعشق البنات الصغار لاني بنت وحده و6 شباب الي اكبر مني بسنه استشهد الله يرحمه والباقي صغار جيل الأفين ربي يحفظهم




المهم بالنسبه لتوقيتنا ليبيا فايتتنا ب8 ساعات لكن طول النهار نعتقد زي ليبيا الفجر يأذن 4 و13 والمغرب 8 ونص

[dr.loly]

اوشي حتي نا نبي دلآع...

ونبي اوكااااااااال ليبي اهئ اهئ رايفت بجد حطيلي شي سفرة من وكالك السمح حتي العين تاكل هههههههههههههه

مع ان ابوفراس مش مقصر الحق اليوم جابلي كبه ومشكل كبدة ولحم,,, وسلاطات من مطعم حلال اسمه الباشا فيه 2 طرابلسيه يخدموا واحد منهم خدا الماستر ومراته تحضر ف الدكتوراه,,, اظن من الخمس هضا قالي ... بالك تعرفهم ام نوزهـ

[dr.loly]

المشاركة الأصلية كتبت بواسطة أمل ليبيا

ام فراس ماشاء الله بنوتك تهبل ربي يحفظها الله قداش نعشق البنات الصغار لاني بنت وحده و6 شباب الي اكبر مني بسنه استشهد الله يرحمه والباقي صغار جيل الأفين ربي يحفظهم




المهم بالنسبه لتوقيتنا ليبيا فايتتنا ب8 ساعات لكن طول النهار نعتقد زي ليبيا الفجر يأذن 4 و13 والمغرب 8 ونص

تسلمي عزيزتي امولة ,,, وربي يرزقك كيف ماتمني واكثر ,,,
وربي يرحمه ويصبركم ع فراقه ويخليلك باقي خوتك واهلك ويخفظهم...
صار انتي البنوته الوحيده عند اهلك ... اكيد واخده الدلع كله...


به تمام توقيتكم كويس...
نحن اربع ساعات افطار بس... ماعندش مشكله لولا ان الولي ترضع طبيعي بسسس
وبجد الرضاعه الطبيعيه تعطش وتجوع ومش هاينه عليا نعطيها صناعي,,,
ف معش عرفت بجد... الظاهر اني بنبدا نعودها عليه وخلاص

[dr.loly]

هذي صورتها الصبح...

[sosolibya]

السلام عليكم


بكرى بنهدرز وقفت النت

وبدين طلعنا
عشان عائلة مامشيناش لعرس بنتهم انا وماما

ولما مالقيناهمش
مشينا للبحر على خاطر رجل حمود

[dr.loly]

في بعض جهات الدول الاسكندنافية يكون النهار أطول من الليل بكثير على مدار السنة ، حيث يكون الليل ثلاث ساعات فقط ، في حين يكون النهار إحدى وعشرين ساعة ، فإذا صادف أن قدم شهر رمضان في الشتاء فإن المسلمين فيها يصومون مدة ثلاث ساعات فقط ، وأما إذا كان شهر رمضان في فصل الصيف فإنهم يتركون الصوم لعدم قدرتهم عليه نظراً لطول النهار ، فنرجوا منكم فتوى تحدد مواعيد الإفطار والسحور ، والمدة التي يصام فيها شهر رمضان لإعلانها للمسلمين في هذه البلاد ؟
شريعة الإسلام كاملة وشاملة ، قال تعالى : } اليوم أكملت لكم دينكم وأتممتُ عليكم نعمتي ورضيت لكم الإسلام ديناً {[7] وقال تعالى : } قل أي شيء أكبر شهادة قل الله شهيد بيني وبينكم وأوحي إلي هذا القرآن لأنذركم به ومن بلغ{[8] , وقال تعالى : } وما أرسلناك إلا كافة للناس بشيراً ونذيراً {[9] ، وقد خاطب الله المؤمنين بفرض الصيام فقال تعالى : } يا أيها الذين آمنوا كتب عليكم الصيام كما كتب على الذين من قبلكم لعلكم تتقون {[10] , وبيّن ابتداء الصيام وانتهاءه فقال تعالى : } وكلوا واشربوا حتى يتبين لكم الخيط الأبيض من الخيط الأسود من الفجر ثم أتموا الصيام إلى الليل {[11] ولم يخصص هذا الحكم ببلد ولا بنوع من الناس ، بل شرعه شرعاً عاماً ، وهؤلاء المسؤول عنهم داخلون في هذا العموم ، والله جل وعلا لطيف بعباده شرع لهم من طرق اليسر والسهولة ما يساعدهم على فعل ما وجب عليهم ، فشرع للمسافر والمريض - مثلاً - الفطر في رمضان لدفع المشقة عنهما ، قال تعالى : }شهر رمضان الذي أنزل فيه القرآن هدى للناس وبينات من الهدى والفرقان فمن شهد منكم الشهر فليصمه ومن كان مريضاً أو على سفر فعدة من أيام أخر يريد الله بكم اليُسر ولا يريد بكم العسر {[12] , فمن شهد رمضان من المكلّفين وجب عليه أن يصوم ، سواء طال النهار أو قصر ، فإن عجز عن إتمام صيام يوم وخاف على نفسه الموت أو المرض جاز له أن يفطر بما يسدّ رمقه ويدفع عنه الضرر ، ثم يمسك بقية يومه وعليه قضاء ما أفطره في أيام أخر يتمكن فيها من الصيام .
اللجنة الدائمة للبحوث العلمية والإفتاء[13].







يعني صيام الي المغرب ...بحثت واجد يا اوشـــي عند ماتلخبطت.. المهم ربي يعينا عالصيام ان شاء الله
وكل شئ بأجره

[sosolibya]

المشاركة الأصلية كتبت بواسطة اوشي

شموووووووووووووسة

الحلم كان .......

كاني شفت زوجك وبنتك وولدك وانت سمعت صوتك بس

المهم زوجك وبنتك عيونهم زرق وبنتك اتهبل شفتهم في غرفة نوم فيها سريرين فرديات

واحد راقدة علية شموسة وشعرها ناااااعم ولونه بني عسلي وعيونها زرق والسرير الثاني

قاعد عليه زوجك ويرقد في عبسي وانت قاعدة اتصوري فيهم

ايش رايك في الحلم هذا .....

مانيش عارفة عليش ايدل

حبيبتى المفروض قبل ماتقولى الحلم وبعده
تقولى إن شاء الله خير والصلاة على النبى

[dr.loly]

المشاركة الأصلية كتبت بواسطة sosolibya

السلام عليكم


بكرى بنهدرز وقفت النت

وبدين طلعنا
عشان عائلة مامشيناش لعرس بنتهم انا وماما

ولما مالقيناهمش
مشينا للبحر على خاطر رجل حمود

وعليكم السلام... انستي سوسو
كيف حاله حمودي توا ان شاء الله احسن ؟

حتي هلي عدوا البحر بعد الغدا قالتلي اختي... اتصلت قالتلي روحنا توا قتلها بدري قالت ظلمت هههههههههههه نسيت التوقيت بكل عشان مازال النهار عندنا