دردشة بنات ليبيا , دردشة حوامل ليبيا , تجمع بنات ليبيا

[dr.loly]

زعمه يا ام معاد والله لشكلها هكي صح بجد واللي قهرتني انها ضحكت وسكتت مش عارفه ليش ف ناس تفكيرها هك مع اني والله من انا وبنت قبل مانزوج ماعمري تهزيت ع وحده جايبة ورا بعض بالعكس هذه نعمة وهذوما احباب الله حتي رسولنا عليه الصلاة والسلام قال تزوجوا الولود الودود...
بالنسبة لجيجي انحس فيها طيوبة وماتقصدش مش نفس البنت اللي استهزأت عليا يعني لو كانت جوهرة مثلآ بدالها مانتوقعش انها تحكي معايا هكي فيس تو فيس اي وجهآ لوجه بهالطريقه


اه صح بنسألك زوجك دكتور اطفال قلتي يقرأ توا؟؟ ماجستير صح؟

في بداية ردي هذا ياجوهرة ليبيا ماكنتش نقصدك نقصد مراة شفتها امس بالمستشفي مش شورك الموضوع لا الدوة للتوضيح

[dr.loly]

يعني نقول عليها طيوبة وماتقصدش... نلقاها كاتبة نضحك عليها وانا اصلا لا ضحكت عليها ولا شورها اصلا لا ونشجع في ام معاد عليهاوربي عالم ونقول عطيها ع راسها؟؟؟؟؟؟؟؟ اسلوب عمري ما اتبعته بحياتي بجد عيب راعي الاخرين يااختي في كلامك

[dr.loly]

شكله زوجي حشم فيا هههههههه قالي ف الصبح فكك من النت يسرق وقتك ونحن مزرورين ونظمي الدبش متاعك واللي بتاخديه واللي لا ورتبي دبش العيال ونواقصهم وجهزي نواقصك ف ورقه عشان نطلعو السوق العشية بعد نجي من بنغازي ..جيت فتحت النت نهدرز عالبنات اشويه سكرت فذرت العيال وغيرتلهم ودرت غدانا جيت لقيت الاخت جوهرة ليبيا تحكي عليا بطريقه غريبة مش مراعية فيها مشاعر حد والله الا حشمتك يا ابو فروووسي اللي ماسمعتش كلامك

[dr.loly]

المشاركة الأصلية كتبت بواسطة *ام فراس*

يابنات امس زرت صديقتي المقربة جايبة بنت بالعملية... ومعايا اختي وهي اختها كانت قاعده اتزوجت بعدي بشهر\المهم ماهدرزتش معايا بكل الا بجملة وحدة حسيتها استهزاء بجد لكن طبعي انتحشم مانبش نرد رد جارح ولانعرف اصلا
فجأة البنت قالت هي وتضحك يافلانه مافش حاجه هكي والا هكي؟؟ انصدمت بجد قلتها نا كيف جايبة ليا شهرين تخيلن كررت السؤال بكل برود فش حاجه هك ولا هكي اختها قالتها كنك انتي جابت بنت وسمتها الاء واهي صورتها بنقالي قالت اها عارفه وشفتها ومازلت تضحك وتبحت فيا
هي جاببت اوليد بعد جيبتي لفراس بشهرين هك ومازلت طبعآ...ماحملتش نبي نعرف ليش الناس تحب اتهزا واتفلسف عالناس اللي جابت ورا بعض ف ناس حسستني اني نجيب ورا بعض وخلاص 6 او 7 مش 2 بس بأول زواجي
يعني معش فهمتهم...

واهو الموقف للتوضيح

[جوهرة ليبيا]

اقسم بالله العظيم انا حاليا من ساعة ونص نبكي ومغص في بطني ولاقدرت نتفس كويس
انكون مظلومة ولا انكون ظالمة
ام فراس انا فعلا لما كتبت ردي قبل منشوف ردك التاني باهي انا توة تفهمت انك ماتقصديش وانك والله الا بنت ناس وسامحيني واسفة واعذريني وعمرة الاعتذار ماينقص من شخصية الانسان نعتذرلك وانا فعلا حاسة باني ظلمتك ولا حنافق علي نفسي وانقول خلي اتقول اللي تقولة ويااااااااااارب يوفقك لما يحبة ويرضاة ويسعدك انتي وزوجك وصغارك دوم يااااااارب وكل كلمة من وسط قلبي

باهي بالله عليك انا توة تفهمت غلطتي فيك فهل تحسي اني يوم كتبت ههههه هل كنت نقصد نستهزا بل كانت من باب ان ماقدرك ماديري شي
انا حساسة انحس بسرعة بشعور غيري لكن مايعنيش اني مش حقانية
انا رجعت نكتب لاني بجد مش قادرة حتي نتنفس قلت ممكن نقدر نرتاح شوي وننسي او نلقي كلمة تهديني شوي

[dr.loly]

المشاركة الأصلية كتبت بواسطة *ام فراس*

هههههه عجبتني منك ام معاد... فعلآ قدرة الله فوق كل شئ حتي نا جبت الولي رغم مانع الحمل...واقتنعت ان مافش شئ يمنع الشئ اذا الله اراد خلاص مهما نديروا قدرته فوق كل شئ

والضحكة مش عليك يا جوهرة ليبيا الضحكه ع كلمة ام امعاد ومن تبي تجيب الصغار فوق روس بعض عجبتني كلمتها وضحكتني ضحكت هك دلاله بيناتنا مش شـــــــــــورك انتمني تكوني فهمتي
انا ديما الرد اللي يعجبني نقتبسه او نديرله iike واقتبست رد ام معاد طلع كلامك انتي لها مع ردها
وضحت الصورة اظن

[جوهرة ليبيا]

وحتي ام معاد لو فعلا حاسة اني انا غلطانة فيك ونقصد الكلام اللي قلتة فانا آسفة لان الاعتراف بالذنب فضيلة

[dr.loly]

المشاركة الأصلية كتبت بواسطة جوهرة ليبيا

اقسم بالله العظيم انا حاليا من ساعة ونص نبكي ومغص في بطني ولاقدرت نتفس كويس
انكون مظلومة ولا انكون ظالمة
ام فراس انا فعلا لما كتبت ردي قبل منشوف ردك التاني باهي انا توة تفهمت انك ماتقصديش وانك والله الا بنت ناس وسامحيني واسفة واعذريني وعمرة الاعتذار ماينقص من شخصية الانسان نعتذرلك وانا فعلا حاسة باني ظلمتك ولا حنافق علي نفسي وانقول خلي اتقول اللي تقولة ويااااااااااارب يوفقك لما يحبة ويرضاة ويسعدك انتي وزوجك وصغارك دوم يااااااارب وكل كلمة من وسط قلبي

باهي بالله عليك انا توة تفهمت غلطتي فيك فهل تحسي اني يوم كتبت ههههه هل كنت نقصد نستهزا بل كانت من باب ان ماقدرك ماديري شي
انا حساسة انحس بسرعة بشعور غيري لكن مايعنيش اني مش حقانية
انا رجعت نكتب لاني بجد مش قادرة حتي نتنفس قلت ممكن نقدر نرتاح شوي وننسي او نلقي كلمة تهديني شوي

اولا انتمني اتهدي من نفسك شوي ولو مش عشانك عشان الجنين ...وانا عادي طبعي متسامحة عالاخر حتي انتي سامحي اني جبدت هالموضوع بس نا جبدته ع حاجة خاصة وموقف صارلي لااكثر ولااقل
ثانيآ موضوع الناس لي تعلق عالناس اللي تحمل ورا بعض هو لي خلي ام معاد ترد هكي بس ونا حاسه بها لان مجربة كلام الناس هي برضه حكتلك من باب الدعابة حتي قالت ياجيجي طيرتهالي بكلامك يعني تمازح فيك
هو الموضوع هدا انا اللي حكيت عنه وبجد لو نحسابه بيصير هكي ماحكيتش
بس ماما وخواتي معش نقدر نحكيلهم وحتي صاحباتي لانهم قالولي طنشي ومعش اتعدلي وهكي واللي يقولك حكي هكي معش تخليه ف بالك وتحكيه لحد ونا بجد كلام البنت امس ماحولش من بالي ربي يسامحها
وبجد مالقيتش الا بنات المنتدي نشكيلهم حتي من قبل حاكية فيه واجد
وان شاء الله ربي يهدي النفوس ياجوهرة وراهي ام معاد حتي هي انسانة طيبة بس ساعة الغضب الواحد مايعرفش شن يقول وانتمني ان سوء تفاهم ويزول يـــارب
ونحن ممكن

[dr.loly]

حي عالغدا انحرق ههههههههههههههههه لحقت عليه ف الاخر ...نشفت الطبيخه متاع المكرونه قاعد لحم بسسسسس
في سفرة شفتها لاوشي ربي يعطيها الخير شكلي بنطلعها ونحطها لابوفراس هههههه ويا حي عليا حي منه لاوتيت دبش وغدا محروووق وفوق هدا كله وقتي عالنت عدااا بعد يجي يسأل فيش كنتي اتديري ح نجاوبه هك مانحبش نكدب عليه خودي مايجيك يا ام فراس من تفنيص منه بعدها

[ام معاد]

السﻻم عليكم.اسفك مقبول ياحلوة ويا
ريت انك تكوني واضحة وصريحة انت قلتي لو انتي متعقدة وهلبة ناس يعلقوا عليك وضحيلي مني الناس يلي علقوا عليا باش يلي قلتيه انك انت جدية قولي مني.والله ﻻني متاع مشاكل ﻻشي لكن يلي يغلط فيا معليش