دردشة بنات ليبيا , دردشة حوامل ليبيا , تجمع بنات ليبيا

[dr.loly]

اقتباس:
المشاركة الأصلية كتبت بواسطة جوهرة ليبيا
طبعا ام معاد اني ديما عريسة حتي انا مواليد90
ليك هلبة متزوجة والا درتيهم علي روس بعض ههههههههه ربي يحفظهم
انا انفضل كل سنتين ونص كويسين صحة للمراة والبيبي ياخد حقة كامل والله اعلم

ومن هي يلي تبي الصغار علي روس بعض واني معاك في يلي قلتيه بس انسيتي حاجة قدر الله وقدره .ربي امقدر اني انجيبهم علي بعض والحمد لله وعﻻش الهههههههههه .المهم اني شعهر سبعة انسكر خمسة سنين متزوجة والحمدلله

هههههههه عجبتني منك ام معاد... فعلآ قدرة الله فوق كل شئ حتي نا جبت الولي رغم مانع الحمل...واقتنعت ان مافش شئ يمنع الشئ اذا الله اراد خلاص مهما نديروا قدرته فوق كل شئ

[dr.loly]

يابنات امس زرت صديقتي المقربة جايبة بنت بالعملية... ومعايا اختي وهي اختها كانت قاعده اتزوجت بعدي بشهر\المهم ماهدرزتش معايا بكل الا بجملة وحدة حسيتها استهزاء بجد لكن طبعي انتحشم مانبش نرد رد جارح ولانعرف اصلا
فجأة البنت قالت هي وتضحك يافلانه مافش حاجه هكي والا هكي؟؟ انصدمت بجد قلتها نا كيف جايبة ليا شهرين تخيلن كررت السؤال بكل برود فش حاجه هك ولا هكي اختها قالتها كنك انتي جابت بنت وسمتها الاء واهي صورتها بنقالي قالت اها عارفه وشفتها ومازلت تضحك وتبحت فيا
هي جاببت اوليد بعد جيبتي لفراس بشهرين هك ومازلت طبعآ...ماحملتش نبي نعرف ليش الناس تحب اتهزا واتفلسف عالناس اللي جابت ورا بعض ف ناس حسستني اني نجيب ورا بعض وخلاص 6 او 7 مش 2 بس بأول زواجي
يعني معش فهمتهم...

[ام معاد]

المشاركة الأصلية كتبت بواسطة *ام فراس*

هههههههه عجبتني منك ام معاد... فعلآ قدرة الله فوق كل شئ حتي نا جبت الولي رغم مانع الحمل...واقتنعت ان مافش شئ يمنع الشئ اذا الله اراد خلاص مهما نديروا قدرته فوق كل شئ

ايه ييام فروس شفتي عقول الناس سبحان الله كان الوحدة امشي معاها مانع تقول من المانع قولي قدرة الله والعجب العجاب يضحكوا علي خاطر الصعار سبحان الله من عقول الناس

[dr.loly]

بحملي بفراس كنت ديما نقول بنوقف سنتين وحتي ابو فراس كان مقتنع نفسي وماما كانت تقول مش كويس تقول هكي كلها بأمر الله..لان سلفتي تقول هك جابت ولدين وانحرمت لللابد بعدها طبعا اللي هي مرت عمي...
وتوا اقتنعت بكلام ماما معش حاطه مدة معينة بس نحاول قصاري جهدي ان مانحملش هالسنوات عشان اولادي اولا والاهتمام بهم وعشان لولي ترضع وتاخد حقها وعشان زوجي ساده مسكين من معانتي بالحمل وجسمي المتقلب وعشان نفسي وصحتي واخيرا
وربي يعطينا كيف مانتمنوا ياااااااااااارب

[شموسه 88]

السلام عليكم ورحمة الله وبركاته

[dr.loly]

وعليكم السلام ورحمة الله وبركاته


اهلين شموووسة كيف حالك وحال العيال واخر تجهيزاتك لفرح صبيتك

[شموسه 88]

ام فروسي
ان شالله فيها خير السفره امتا ماشيه عل اين خطوط امسافره فيهن ابصرحه انا نعشق السفر او نعشق الخطوط القطريه تو نعطيك نصائح عل السفر مع الصغار انتظريني
جيجي
مبرووك البدلات اتبيديهن بلهنا
سوسو
شكلك ترجي فيا لين ماانجيك انساعدك في العزومه السورين غير متحشمه مني هههههههههههههه
ام ابوني او ام نوزه اوجنووده او اوشي اواثري اواموله ان شالله اخبارك اموركم ابخير

[ام معاد]

هدي واضحة هزوة وضحكة عليك زي مادارت جيجي والله ماتوقعتها منها المفروض الوحدة تتحلي باخلاق القران سامحيني جيجي بجد طيرتيهالي وماتندريش تو اتجيبي وتحملي علي طول وتلقي مني ايقولك ههههههههههههههههه

[dr.loly]

ام فروسي
ان شالله فيها خير السفره امتا ماشيه عل اين خطوط امسافره فيهن ابصرحه انا نعشق السفر او نعشق الخطوط القطريه تو نعطيك نصائح عل السفر مع الصغار انتظريني

ان شاء الله حبيبتي..تسلمي
الخطوط احتمال كبيرالخطوط التركية.. وطبعآ من بنغازي لطرابلس طيران البراق حجز زوجي
كيف المرة اللي فاتت

ونراجي في نصائحك علي احر من الجمر را ننحرق بس ههههه

[ام معاد]

اهلا اهلا شموسة اليوم واخدة جوي من جهاز زوجي طلع واني وراه خخخخخخخخخ ماعندي ماندير شوية وبنوض اندير الغدي اقترحوا عليا شن انديره