【ツ】أحلى تجمع لأحلى حوامل التوائم 【ツ】 ‏الجزء الثالث

[محبة رسول الله]

السلام عليكم بنات اخباركم مع التعب ان شاءالله فتره وتعدي
ام منصور الف الف مبروك من زمان مادخلت الملتقى. يتربى بعزكم ان شاءالله
رضاك ربي شو هالعرايس الامامير ماشاءالله تبارك الرحمن لا اله الا الله. الله يحفظهم يارب يهبلون يتشابهون انتي كنتي مشيمه وحده ولا لا

[محبة رسول الله]

اميره الورد
بالنسبه لسؤالك عن التحجر عادي يحصل معاي دايما في حملي ببنوتاتي يجي ويروح لاتخافي بس لاترهقي نفسك وقللي حركتك وبلاش مشي وتشيلي وتحطي يعني الزمي الراحه

[محبة رسول الله]

والله يسهل عليكم حملكم وولادتكم وماراح انساكم من الدعاء

[أم عائشة]

السلام عليكم
وحشتوووووووووووووووووووني
الف مبرؤؤؤؤؤؤؤؤؤؤؤك لكل اللي ولدوا ان شاءالله وربي يتمم للباقي على خير


كروشات انا جدا تعبانة


































طلعت حامل لي تقريبا شهرين وشوي
الف الحمدلله على عطاياه بس تونزي للحين صغار وانا قيصري
شتشوورون علي شسوي؟؟؟؟؟؟؟؟؟؟؟

[أم عائشة]

رضاك ربي
شلونج حبيبتي
ماشاء الله لاقوة الا بالله
ماشاء الله تبارك الله
الله يقر عينك بصلاحهم ويرزقك برهم.وتشوفينهم عرايس
الا ابي اسالج متى يطلع اول سن للبيبي
لانه ماشاءالله احمد اجوفه نبزله سنين تحت كلش صغار بس يبينون
موكانه للحين صغير وبعدين احمد كلش مايرفع راسه عدل نفس اخوه عادي هاللون؟؟؟

[رضاك ربي]

صباااااااااااااااااااااااااحكم شهد وورد


ام عائشة هلا وغلا حبيبتي حمدلله على عطاياه وربي يكتب لك الخير والسلامة واهتمي بتغذيتك حبيبتي لان جسمك ما استعاد كل شي فقده بولادة التوأم وتبارك الله على ابو الشباب احمد ربي يسلمه ممكن حبيبتي يكون ظهور الاسنان مبكر وبالنسبة لرفعة الراس تجي بوقتها انتي لاتنسي ترقيهم وترقي نفسك وعقبال ياااارب بالحمل صحيح اموري مو مستقرة بدون شغالة بس الله يجيب اللي فيه الخير


محبة رسول الله حبيبتي عيونك الحلوين لا بناتي مو نفس المشيمة ومايتشابهوا اظن الملابس غشتك هههههههههه

[رضاك ربي]

ام منصور هلا حبيبتي منورة ربي يبارك لك بذريتك ويحفظهم من كل شر

رسم مشكورة حبيبتي

الخمائل هلا حبيبتي مشكورة ماقصرتي

اميرة الور يسلمو وربي يكتب لك الخير ويتمم لك بالسلامة

[نقاء روح]

أم عائشة ربي يكتبلج اللي فيه الخير يارب
كم عمر توينزج ..
كنت تستخدمي موانع ؟، والدورة جات بعد ما خلصتي نفسة والا ؟

اهتمي بالتغذية وانتبهي لنفسج زين .. ربي يكون معاج إن شاء الله

[اميرة الورد ~]

المشاركة الأصلية كتبت بواسطة الخمائل

الله يتمم لك حملك ع خير
الشهر السادس يبدا الثقل والتحجر
لاتمشين ولا توقفين كثير ولا تطولين بالجلوس
خليك منسدحه ع جنوبك
اهم شي الراحه
حتى وقت الاستحمام لاتطولين وحاولي تجلسين مو تتحممي وانتي واقفه
والتحجر لو استمر او زاد مدته او تكرر باليوم لازم تروحي للدكتوره تصرف لك حبوب ترخي الرحم من التقلصات لانها طلق صامت ..

امييين يارب وياك حبيبتي
اي حيييل والله
هذا انا احاول قد مااقدر انني اخفف شغل لكن الجو استغفر الله مايساعد
كل يومين جاي غباااار وانا صدري مايتحمل فلازم انظف
ربي يعييين
مشكوورة حبيبتي وربي يسهل عليييك يالغالية

[اميرة الورد ~]

المشاركة الأصلية كتبت بواسطة محبة رسول الله

اميره الورد
بالنسبه لسؤالك عن التحجر عادي يحصل معاي دايما في حملي ببنوتاتي يجي ويروح لاتخافي بس لاترهقي نفسك وقللي حركتك وبلاش مشي وتشيلي وتحطي يعني الزمي الراحه

الحمدلله ريحتينني
يؤؤؤ عاد تو الحين بتمشى مع زوجي مشتهي يطلع وانا طفشانة بس شكلي بخليه يمشينني بالسيارة
والشغل بخفف مع ان اعرف نفسي ماقدر اجلس ع قولة زوجي
الا تجيبين التعب لنفسك لووول
يعطيك العافية حبيبتي
ومشكووورة ياقلبي ربي يهوون عليييك