من بعدك ياخالد ظلمت الدنيا بعيني

[اميرة الورد ~]

السلام عليكم ورحمة الله وبركاته
كيفكم يااعضاء ان شاءالله تكونون بخير
0000000
قبل 3 اسابيع فقدت ولدي اللي ماكمل 3 شهور
بسبب اهمالي :(
كان فيه حرارة وكنت تعبانة فعطيته دوا خافض للحرارة وقلت راح تخف ان شاءالله بكرة ونمت وياليتني مانمت لكن الحين مايفيد الندم اللي صار صار للاسف
بعد ماجلست شفت وجهه ابيض ومايتحرك احركه يمين يسار مافي حركة شفت نبضه مافيه نبض
صرخت بأعلى صوتي من روعتي وكان زوجي نايم جلس ع صراخي ووديناه للمستشفى عندنا امل انه مامات وفيه نبض لكن احنا مانعرف له
لكن لنصدمنا لما قالوا لنا انه مات
اسودت الدنيا بعيني وماقدرت امسك نفسي صرت ابكي وجتني حالة هستيرية الى مافقدت الوعي وطحت وزوجي موعارف يشوف ولده اللي ماتهنى فيه ولا يشوفني اللي ماقدرت اتقبل هالخبر وبعد مادفنناه رجعت لبيت هلي وماطلعت منه الا قبل 5 ايام وللحين احمل نفسي المسؤؤلية انا وابوه ودايم اقول له انا مااستاهل اكون ام وياليتني ماحملت فيه هو يصبرني ويحاول يقوي ايماني ويقول لي قضاء وقدر وغيره 10 استهدي بالله ياريم وانا مصرة انني انا السبب في وفاته وبعدها جلست افكر بيني وبين نفسي انني اربط الرحم عشان مااجيب عيال لاني مااستاهلهم وصارت شاكل بيني وبينه الى ماهدت الامور والحمدلله زوجي ماقصر ووقف معي وقفة ماانساها ابد
لولا ربي ثم هو ولا انا مت ورى ولدي
تعبت حيييييل ولازلت تعبانه لكني الحين احاول اتقبل الوضع
فقدت صياحه وازعاجه مالحقت اتهنى فيه
استغفر الله يارب
انتبهوا لعيالكم يابنات ولاتتهاونون بالحرارة
واخر شيئ ودي اقوله لكم
ادعوا لي ولكم بالمثل
000000

[فوق مستواااك]

الله يصبرر قلبك...... ويرزقك من واسع رحمته... هذا الي ربك كاتبه وهو الحين طير من طيور الجنه ........

[sweet moon]

اختي الغاليه

لاتعذبين نفسك

هاذا اجله ولو كان فيه سبب

يظل هاذا اجله وهاذا قضائه وقدره

وبإذن الله شفيع لك يوم القيامه

وانتي جديره تكونين أم وافضل أم

لاتحملين نفسك اكثر من طاقتك

وان شاءلله ربي بيعوضك

الله يربط على قلبك ويصبرك

[جالكسي و الدنيا عكسي]

عظم الله اجرك

...


الله يعوضك من واسع رزقه ان شاء الله ...

[دلع الأحساء]

ربي يعوضك بولد ثاني وتسميه خالد

[جنة ساكنها حبيبي]

عظم الله اجرك والله يعوضك بغيرة يااااارب

ان شاءالله السنة الجاية هذي الايام عند تؤام بحق محمد وآل محمد

تقبلي مروووري

جنونه

[واشوقاه لمن يراني ولااراه]

ليه تحملي نفسك المسؤليه هذآ يومه انكتب له قبل مايجي ع الدنيآ
ان شاء الله يكون شفيع لك يوم القيامه ياااااااااارب
والله يعوضك خيرآ منه
*

[فاقده الغالي]

عظم الله اجرك وربط الله على قلبك
هذ يومه المقدر له ثلاثة شهور من عمره يقضيها
قادر ربي انه ياخذ امانته في وقت ولادته
نفس الشي بتحاسبين نفسك وبتقولين انا المقصره
ماعرفت كيف اولد وياما اطفال وصلت حرارتهم 40 والحمد الله عايشين
انتي كلمي شيخ وقوليله اللي صار وبترتاحين
وبعدين ليش تربطين بالعكس جيبي طفل يسليك
ويخفف همك
حبيبتي هذي مصيبه من مصائب الدنيا
لكن تذكري اجرك
اذا صبرتي واحتسبتي
إذا مات ولد الرجل يقول الله تعالى لملائكته: أقبضتم ولد عبدي ؟ فيقولون: نعم، فيقول: أقبضتم ثمرة فؤاده ؟ فيقولون: نعم، فيقول: فماذا قال عبدي ؟ قال: حمدك و استرجع 0 فيقول: ابنوا لعبدي بيتا في الجنة، و سموه بيت الحمد)3
عن انس بن مالك قال قال الرسول صلى الله عليه وسلم اذا كان يوم القيامه نودى في اطفال المسلمين ان اخرجو من قبوركم فيخرجون من قبورهم ثم ينادى اليهم ان امضو الى الجنة زمرا فيقولون يارب ووالدينا معنا؟ فيقولون في الرابعة : ووالديكم معكم ، فيبعث كل طفل الى ابويه فيأخذون بأيديهم ، فيدخلون الجنة ، فهم اعرف بابائهم وامهاتهم يومئذ من اولادكم في بيوتكم

[سموة الشوق]

عظم الله أجرك حبيبتي

الله يعوضك خير يااارب

وماله داعي تلومين نفسك ولاشئ

كل هذا مقدر ومكتوب

وبرأيي مالك أي ذنب يالغالية

مقدر ومكتوووب

ياما أولاد متعافين ومافيهم إلا العافية وأمهم تصحى على موتته

كل شئ بأمر رب العالمين

وربي امتحنك وابتلاك لأنه يحبك

هذه دار ابتلاءات عزيزتي

مااحد بهالدنيا مرتاح ومتهني

الله يلهمك الصبر والسلوان من عنده ويعوضك بذرية طيبة من عنده بالقريب العاجل وتبشرينا بإذن الله الواحد الأحد


لك كل حبي وتقديري أختي في الله...

[يازين الصبر]

لبى قلبك
وسعي صدرك وانا اختك هذي الدنيا ومكتوووووووب ياقلبي عليك بالاستغفااااااااار واحملي وبيعوضك ان شاءالله ربي وزوجك ترى محتاجك ياروحي لاتحسسينه بهالشي انسي فديتك وعوضيه ياقلبي وبيرزقكم الله غيرك ياروحي يفقد وله سنه وسنتين وخمس قولي الحمدالله وربي يعوووضنا جميعااااا واحملي على طول وجيب احلى خالد