يجيب خويته عندك في البيت ولاتمسكه الهيئه؟؟

sweet moon · 05-09-2011, 01:45 AM

السلام عليكم ورحمة الله وبركاته

بدايه الموضوع

ابغى كل عضوه تتخيل اللي في هالموقف زوجها وتقول اش تختار

المهم ,,,,

نفرض زوجك طلع وحده معاه ولمن طلعاها كفشته الهيئه وقامت اطارده

هل تتقبلين انه يجيب خويته عندك في البيت

وتسترين عليه وعلى سمعته وبعدين تتفاهمين معاها ؟؟؟

او

تقولين جزاه خل الهيئه تمسكه ؟؟؟

_______________________________
_____________________________________

شوفوا معاي قصه هالزوج ^^

اش صاااار

الرجال الطيب طلع خويته معه في السياره

وسبحان الله يوم طلعها وتنتبهله الهيئه ورااه

هنا حس انه مافي مفر ماسكينه مااااسكينه

وخلااص حس ان مخه مقفل وش يسوي عشان يطلع نفسه من هالورطه والبنت بعد ارتبشت وقعدت تصيح

قال ابد مافي حل غير اني اوديها بيتي عشان الهيئه ماااااتشك

والحرمه بعدين يتفاهم معاها المهم الحين افك نفسي و افك البنت اللي بتنقلب حياتها فوق تحت

وفعلا قال علي وعلى اعدائي

ويحول طريقه لجهة بيته والهيئه وراه

المهم يوم وصل عند بيته ويوقف سيارته ويقول لخويته يالله بسرعه انزلي

ويوم وصل لحوش بيته الا الهيئه وصلت وسفطت سيارتها وراى سيارته

ويرفع راسه الااحد طالع من باب بيته تخيلو مين

(( ابووووه ))

قال ابوه اش فيه

قال الولد وهوينتفض الهيئه وراي وخويتي معي

ويوم دخل رجال الهيئه البيت قال ابوه اش فيه ؟؟؟

بنتي طالعه مع اخوها

ولاانتم اعراض الناس عندكم لعبه

والشايب ماشالله ذكي اكلهم بقشورهم قبل ماياكلونه

والله ورجال الهيئه يو شاف الوضع كذا اعتذر وقال سامحونا والله اشتبهنا فيهم

والله ويطلع رجال الهيئه من الحوش ويركب سيارته ويمشي......

والبنت والولد يدربون راسهم في الحوش

المهم ويحيه ابوه قال يالله وصلها والحقني البيت بسرعهّ

وفعلا يوصلها ويروح لابوه

ومالكم بالطويله ابوه غسل شرااعه الين قال آامين

بس ماتحسون انه حظه يكسر الصخر

لا الهيئه مسكته ولا وداها عند حرمته

يعني سبحان الله طلعله ابوه بوقت غريب

__________________________

_________________________

هاه اش انطباعاتكم عن النهايه اتوقعتوها ولا لا ؟؟

وايش رده فعلك لما قريتي القصه ؟؟؟

هل تتقبلين انه يجيب خويته عندك في البيت

وتسترين عليه وعلى سمعته وبعدين تتفاهمين معاها ؟؟؟

او

تقولين جزاه خل الهيئه تمسكه ؟؟؟

ام اسراء · 05-09-2011, 02:06 AM

الله لايقولها
واذا سواها طبعا اخلي الهيئه تمسكهم وابلغ عنهم واعملهم فضيحه لاصار ولااستوى
وحده زي هادي اذابدها ستر ماخرجت معا

rose · 05-09-2011, 02:10 AM

والله موضوع ملفت ياسويت طبعا ماعرف موقفي ساعتها بس اللي خطر ببالي الان من ستر الله على مسلم ستر الله عليه استرها عشان ربي يستر علي بالاخرة
وابو الشباب حسابه بعد ماتروح الهيئة يلم معاي اغراضي وع اهلي

روح الورد · 05-09-2011, 02:30 AM

والله لوهويبي السترماااااسوى هااالفعااايل
يستاااهل اللي يصيرله,,

ميلاد حلم · 05-09-2011, 02:37 AM

والله لو سواهاااا والهيئه مادرت عنه انا بأبلغ عنه وعنها يستاهل هو وياها خلهم يتمرمطون وينفضحون بعد وياخذون جزاهم
هههههههههههه الله يكفينا بس

om roro · 05-09-2011, 02:49 AM

اولا اخت سويت اشكرك ع الموضوع وثانياً بما انه اشتغل عندي مسرحي المنزلي( مخيلتي)
وانه لاسمح الله صارلي هالموقف اول شي بقوله ارحب واضيفها بعد << لاتستغربون كرمي مايسمحلي تطلع من غير ضيافه
لاولو حبت تستخدم غرفة نومي حلالها وانا بستأذنهم واطلع يعني جاني ظرف طارىء وادق على اهلي واهله والهيئه اجيبهم واقولهم اطردوني من بيتي عشان ياخذون راحتهم وساعتها ابي اشوف ابو كيف بيرقعها <<< يالبييييييييييييه على قلبي االكبير بس هع هع سويتلكم قصه هههههه

حبيبة فهد · 05-09-2011, 02:58 AM

ياااهو اول مايجيبها ويقولي هل كلام( الله لايقوله )بس راح يوقف قلبي قبل ما يكمل كلامه ويصيبني جنون اتوقع كذا راح يصير لي

Almasah · 05-09-2011, 03:05 AM

بسم الله على زوجي
لا هذا ولا ذاك
ربي لايحطنا بموقف زي كذا
ومااااااااااااااااااااااااأقدر أتخيل زوجي بموقف كذا

Dado · 05-09-2011, 03:20 AM

يعني البنت حضرة جنابها حتكون اهم مني
عادي عشان ياحرام لا تتبهدل اقوم انا اتبهدل وتنزل قيمتي ويجيبها بيتي
يااااااااااااااااااااااااااااااااااااااااااااااااا اااااااااااااااااااسلاااااااام
طبعا هو وياها ينقلعو بستين داهيه مافكرو بالستر قبل فعايلهم اقوم انا افكر كيف استرهم لا ولله اول من يبلغ عنهم انا

حياتي انا · 05-09-2011, 05:03 AM

صراحه ماادري ايش موقفي الله لايحطنا في مواقف زي دي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ارسلي هالرساله وهو برى وشوفي وش راح يجيب لك وهو جاي ((فكره تجيب هديه لحد عندك))	حلمي يايمه الأمومه	منتدى الحياة الأسرية والزوجية	113	01-20-2012 03:36 PM
بنات تنصحوني ابلغ الهيئه	تفاحه	منتدى الحياة الأسرية والزوجية	31	12-13-2010 02:45 AM
عندك بنات وتبين ولد ؟؟ او عندك اولاد وتبين بنت ؟؟ طريقة باذن الله فعالة لا تطووووفكم	رمش القمر	منتدى أنواع الحمل	23	12-13-2010 12:35 AM
يارجال الهيئه.............مالذي تفعلون؟؟؟	عزيزة النفس	المـنـتـدى الـعـام	3	03-19-2010 06:52 PM
قصة الهيئه مع الشاب	ديار	المـنـتـدى الـعـام	6	12-23-2009 11:34 AM