أنا تعبت من اشك

[حبيبة فهد]

مساء الخير ....صباح الخير ....
أنتو اللي وجه الخير يا عزيزاتي ..
والله وحده منا لفكرت لمين تشكي أنتوا تجون ع البال وكل وحده منا تتعب نفسيتها بس ع قلتهم أشكوه لغير الله مذله بس الأخوات لخواته تشكي
أنا مشكلتي أني شكيت بزوجي وهذا اشك متعبني كثير بدرجه ان زوجي لحظ فيني أني شاكه فيه صار اذا سالته جاوبني بس أنا قريت رساله بجواله اسم بنت في المرسله وسألته مين هاذي قالي راح أدق وانتي احكمي دق وطلع رجال قلت له ليش اسم البنت هذي قال أنا اسم البنت هو حساب اللي ا كلمه علشان يرسل فلوس لَا خوا زوجي ..اسفه أني طولت عليكم
طيب اذا كان زوجي بريى من شكي كيف أتخلص أنا من جنون اشك*

[حبيبة فهد]

6مشاهده ولا وحده ردت حرام عليكم أنا تعبانه من كثر اشك والوسواس تعبت والله ابي أتخلص من اشك اللي براس احياننا احس أني ظلمت زوجي بشكي بس وش اسوي

[نبع الكوثر]

اختي نصيحه مني ابعدي هالشك قبل لايخرب بيتك
حطي في بالك انا ماخون زوجي هو مايخوني
او يمكن انتي حاسه انك مقصرة في حقه فبيروح يدور على غيرك

لاتخليه يحس فيك لانك كذا بتفتحي عينه على شيء يمكن هو ماكان يفكر فيه ابدا

شوفي عدلي اجواء بيتك غيري الفرش حق الفراش
غيري اظاءة الصاله

سوي جو وعيشي مع زوجك احلى ليله
واعتذري منه مافيها شيء
قولي له انا اسفه لاني شكيت فيك
بس انت الى كتبت اسم مرءة في جوالك
وجبت لي الوسواس
بس انا واثقه فيك مثل ثقتي بنفسي ومستحيل اشك فيك مرة ثانيه
صدقيني مع الايام بيروح هالشك من بالك
باين ان زوجك ماعليه شيء
فلا تضلميه
ان بعض الضن اثم

[بلقيس 99]

صباح الخير عسوله عندي لك حل وجربيه وادعي لي
كل مايجي في بالك شئ ناحيه زوجك تعوذي من ابليس واستغفري كثيييير وارفعي صوتك عشان توقفين تفكير وقولي بينك وبين نفسك انا احب زوجي واشغلي نفسك بأي شئ كرريها وشوفي وبعد لاتسألين زوجك عن اي شئ تلاحظينه عليه حاولي تفكرين في علاقتكم وانها حلوه وراح تستمر وتعيشون احلى حياه والله يسعدك ويوفقك للخير يارب

[حبيبة فهد]

مشكورين يالغلا ع النصيحة وحاولت اكثر من مره أني ما اساله ولا اشك فيه بس. انشاالله راح اسمع بنصحتكم من كل قلبي اشكركم

[حبيبة توفي]

ابعدي عن الشك لانه خرااب لبيتك
وبعدين اذا ضليتي تشكين تراك تفتحين عيون زوجك
على شي اكبر
ويجوز يسويه عناد بك بس

[mr00m]

اسمعيني زيني افضل ظريقة عشان الشك هذا يروح منك انك تناقشينه
ولازم تفهمين هو فعلن سوا شي ولالا عشان عقلك الباطن يرتاح

وتفكيرك وتحليلك للموضوع يخف ...

وبقولك شي انا وزوجي مو بس لقيت رسالة لا واتصالات وبكل وقاحة بعد ترد علي

وتعرف اني زوجته

لكـــــــــن نصيحتي لكي انك تناقشين وتفهمين بنات الحرام وابليس ما وراهم الا خراب البيوت

وانتي اذا مبسوطة مع زوجك اكيد بتغفرين له اي تصرف وبتقبلين له اي تبرير للحركات هذي

وما اقول الا تعوذي من ابليس واعوانه سواء انس ولا جن

والله يوفقك ويرزقك ويهدي بالك ....

[sweet moon]

اختي انتي ادرى بزوجك

وكيف ثقتك فيه واذا هو راعي حركات ولا لا

فإذا انتي واثقه فيه

فبيدك انتي تبعدين الشك وتقوين هالثقه

حاولي قدر الامكان تتقربي منه اكثر

تعرفي تفاصيل حياته اكثر

يحكيلك كل شي يصير معاه وتكوني بداخلك متيقنه انه يحبك ومافي مجال للشك

وصدقيني ادعي بالليل

الشك ذا وسواس ومرض

والله يبعده عنك

[حبيبة فهد]

يا خوات المشكله ان زوجي يخاف الله حتى احيان يذكرني ان الصلاه راح تفوتني حتى يفكر ان بصيفيه راح نخذا عمره بس أنا شكيت فيه لانه هو يعصب اذا اخذت جواله اوفتحت الرسايل وانا امس فتحت جواله ورقيت في المرسله اسم بنت في الرساله واجهته ودق ع الرقم وطلع رجال واحد خويه يعني واسم البنت هو اسم الحساب خويه في البنك فهمتوني ليش أنا شيكت اهو يحبني وهو يدري وش كثر أنا احبه مدر ي ليش اشك فيه احس ان ماعد فيه احد يثق في بهدنيا بحد بس اشكركم ع الردود بس الوسواس واشك مرض وانا علشان كذا ابي أتخلص من هل المرض اللي متعبني

[منتظرة الامومه]

اسمعي اختي حاولي تبعد ين عنك الشك لان الرجل اذا المراه شكيت فيه حتى لوكان ميسوي هالشي باسلوب الشك يعاند ويسوي اكثر اسالي مجربه بصراحه انا اعاني كثير في هالشي بس انا صدق شكيت في زوجي لكن شكي في مكانه شفت اشياء كثير بعيني مثل رسايل حب وغرام في جواله ويوم خت الرقم من وراه ودقيت اطلعت لي بنت واجهت بهالشي زاد اكثر عناد لي راح طلع من وراي جوال ثاني وكل الارقام اللي فيه ارقام بنات وكان مخبيه بالسياره وبالصدفه شفته وفتحته وشفت اشياء ربي يعلمها وبرضو واجهت وتعبت من كثر القلق معه وبعدين امشي وراه وتعبت اكثر واكثر صار يعاندويسوي اشياء على بياض قدامي سوا رضيت والا مرضيت والحمدالله صبرت ودعيت ربي انه يفكه من هالاشياء وسكت عنه وخليته براحته تعبت من المحاسبه خلاص انا مراح احاسبه يحاسبه ربه بس حاليا بصراحه مدري اذا باقي على هالشي والالا لاني صرت مادور وراه

واسفه اختي على الرد الطويل بس اتمنى تاخذين بنصيحت وحده مجربه والله يوفقك في حياتك يارب ويبعدعنك الوسواس والشك امين يارب العالمين