تعبت

[عاشقة طيور الجنه]

بسم الله الرحمن الرحيم

السلام عليكم ورحمة الله وبركاته


كيفكم يابنات شخباركم

اليوم جايه بطرح عليكم مشكلتي وياريت تساعدوني في حلها

ولاتنسون دعواتكم لي


بنات انا مو مرتاحه وحاسه اني مخنوووقه

وكثير اتهاوش مع زوجي لدرجة انه اليوم اتهاوشت معه وزعل مني وقال انه خلاص الي بيني وبينه سلام وسطحيه بس

قلتله انت متغير علي قال لو ما ابيك قلتلك اطلعي من البيت

قلت عادي اطلع اذا ماتبيني وسكت

لبست عبايتي ولا اهتم فيني طلعت شويه وجلست مافكر فيني وبكيت من قلب


ومن ساعتها طلع من البيت ورجع بعد العصر غير ملابسه وطلع ماكلمني

كرهت نفسي وكرهت كل شي

رغم انه هو وعدني بحاجه ومانفذها فزعلت منه وانقلبت الموازين على راسي صار هو اللي زعلان

وانا مابي اعوده ازعل واراضيه هو


اسفه اني طولت بس قولو الحل ايش هو جاي امس من الرياض وراجع يوم الجمعه

[rose]

سلامتك من التعب
والله يا اختي تحملي
عاااااااااااااااادي وعدك بشي وماجابه والله كتير كدا بيوعدوا ومايجيبوا الا لما يفضوا من مشاغلهم والله يا اختي انا اقولك من تجربتي
عندي سخان خربان من تزوجت عارفة سخان الحمام وانت بكرامة تخيلي برررررررررررد الرياض
كيف والله ماصلحه
لين يومك لين كتابتي لهارسالة
ماصلحه اش اعمل اقول مشغول
مع اني بذكره دايما وهذا شي ضروري
والله يا اختي يمكن عنده مشاغل وظروف ترى الرجال لما يكون عندهم مشاكل بالعمل وضغوط والله تلقينهم كانه مو زوجك كانه واحد غريب عنك
انت يوم شفتيه كدا بدل الشيطان ماوسوسلك بالزعل وربي هذا شيطان اعووووووذ بالله حضر بينكم
كان يوم جا ضحكتي واستقبلتيه حلو ولبستي اللي ماينلبس وخليتيه يرتاح
وياكل وكلللللل شي
والله عن تجربة تلقيه هو هو بنفسه راح يتكلم ويحكيك عن ظروفه
وانت بتعرفي سبب عدم انه ماجابلك الشي اللي طلبتيه
والله يا اختي زوجي انسان صامت سايلنت داااايما مايتكلم
خلاص عرفت طبعه صرت بس اسكت واعمله كل شي ماقصر بشي بس ياكل ويشرب قهوته القاه هو والله يعتذر ويقولي انا ماسويت عشان وعشان وبيبدا يتكلم
حبيبتي لو انت كل شوي اعتذرتي اش فيها مو زوجك
خلينا نكون واقعيين
ايه الزوج والزوجة مابينهم كرامة كرامتهم وحدة
والله يا اختي اني لما اسمع او اشوف وحدة زوجها يضربها او يهينها او يرفع صوته عليها
احمد ربي واقول الف حمد وشكر
لك يارب كل انسان وله عيوب ام شي ماتعدى عليك باهانة او لفظ انا منك والله لو رجع البس واتكششششششششششششششخ وكانه ماصار شي واكل وامزح واتكلم عاااااااااااااااااادي ولا كانه شي ولو بعد فترة صدقيني هو بنفسه راح يقولك اليوم الفلاني لما ماجبتلك او صار زعل بيننا كان عندي كيت وكيت وكيت
استغفري الله وقومي صلي ركعتين وصدقيني راح تهدي
ويارب يارب لايجيب بينكم زعل ويجعل السعادة بينكم طول العمر وسامحيني لو طولت

[demoshka]

حبيبتي انا مع روز باول شطر من حديثها بس بخالفها بالشطر الثاني وهو انك تعودي تراضيه حتى اذا مذنب

عن تجربتي الخاصة

انا من لما تزوجت وانا معودة زوجي البس واهتم بشكلي واهتم فيه وادللو كتير وكل يوم حركة وقصة ومن حركات الدلع ووالولع

بس يوم كون بدي شي ومايجيبو او يزعلني

بس يلي بعملو اني بقلو بحركة دلع انا زغلانة منك وبس ومابحكي عن المشكلة طبعا بسألني شوفي بقلو انت بتعرف شوزعلتني بيصير يفكر ويعصر عقلو لحتى يتعب اذا عف كان بها بعتذرلي وبقلي ظروفه وانا اذا اقتنعت براضيه
واذا ماقتنعت بزعل ومابعود البس ومابستقبلو عالباب ولا بعملو اي شي


هيك حبيبتي بحس بالفرق واديش زعلك غالي وبشوف الفرق بين تكوني رضيانة ولا زعلانة وصدقيني عن تجربتي الشخصية الرجال مابيجو بالصراخ والزعل والمعاندة

هالمرة راضيه اكسري على خاطرك بس سوي يلي قلتلك ياه من حركات ودلع وغناج لمدة شهر تقريبا وشوفي بس تزعلي المرة التانية شو النتيجة والله انو مرات بكون انا الغلطانة وبيصير هو يلي يراضيني

وسلامة قلبك من التعب والهم وان شاء الله ايامك تكون فرح وسعادة

[شموخ الكون]

معك حق ياتوام انا نفس الشي دايم اقولها له الي تزرعه بتحصده بس اقولها وانا اضحك لاصراخ ولا مشاكل كنت اول لما اسوي مشاكل مايجيني غير ان الحق يكون على وفي الاخير اضطر انا الي اعتذر واراضي بس من يوم تعلمت اذا سوى شي او غلط على بشي ماكلمه واقوم بواجبه على اكمل وجه اكله لبسه بس نوم مااااااااافي وريق حلو ماافي خلاص صار هو الي يسئلني انتي ايشفيك اقول له انت سويت كذا وكذا يقول طيب خلاص اسف صار هو الي يعتذر لانه يحس بتانيب تصدقين حتى هو عقب مانتصالح يقول نفسي تغلطين على او تهاوشين ولا تسكتين وطنشيني صدقيني جربي هالطريقه وبتدعين لي وهالمره اعتذري لانك ركبتي نفسك الغلط يوم قعدتي ترادينه لو طنشتيه انشالله حتى اسبوع مصيره هو الي يمل ويجي ماكنتي راح تضطرين تعتذرين له لان بلحظتها بتعتذرين عن ايش عن السكوت ؟
ونصيحه اخيره لك ياقلبي لاعاد تقولين له بروح بيت اهلي حتى لو كنتي معصبه اعملي حساب واحد في المليون ان مممكن يسكت منك اوممكن يقولك سوي الي يريحك بلحظتها وش يكون شعورك يتقبلينها على نفسك وتقعدين وانتي من داخلك مكسوره رغم ان قالها لحظة غضب بس بتضلين دايم تذكرينها له
او تروحين بيت اهلك ويصير الي مايشتري يتفرج نصيحه ماينفع الوحده الازوجها لاتقولين لي اهل بينعفونك ولا شي
اسفه على الاطاله ياعمري بس انتي ذكرتيني بنفسي اول وعلشان كذا حبيت انصحك
الله يهدي النفوووس ياعمري

[دلع]

حبيبتي لييه كبرتي الموضوع..
الرجال كذا صعب عليهم يوفون بعهودهم ولو جيتيه بالسياسه كان يجي معاك...
لاتخلي الموضوع يكبر اكثر من كذا...
مافيها شي مره هو يعتذر ومره انتي تعتذرين حتى لو ماكنتي الغلطانه..
مره قريت كلام لـ احد الصحابه يسألونه كيف استمرت عشرتك مع زوجتك هذي المده كلها وقال بمعنى كلامه كان هو وزوجته متعاهدين انه مااحد ينام وهو زعلان من الثاني ومره انا اراضيها ومره هي تراضيه...
والرسول صلى الله عليه وسلم يقول(طوبى لمن رضي عنها زوجها ولو ساعة من نهار)
وصدقيني اول ماتعتذرين منه حتى هو يبدأ يعتذر لو بطريقه غير مباشره..
ولا تخلين الشيطان يدخل بينكم..اكيد انتي تعرفين حديث ابليس لما ينصب عرشه على الماء .......الخ

[سموة الشوق]

يالغالية

هدي بالك
ريحي أعصابك

الله يهدي بينكم
ويذهب مابكم من النفور ويبعد الشيطان عنكم يارب

حبيبتي لاتخلي الشيطان يلعب بعقولكم

كل شئ يهووووووووووون
مافي شئ يستاهل الزعل والكدر حبيبتي

هذهالمشاحنات هي ملح الحياة
شفتي كيف الملح بيخلي الأكل له طعم
هذي المشاحنات هي ملح الحياة
كبري راسك حبيبتي
وخليك أحسن منه
واصبري

وكظمك للغيظ له أجر كبير عند ربك

ترى مو بس انتي اللي كذا
والله انا مثلك
بس بالليل ماننام الا لازم نتراضى من بعض
ودائما انا اللي اراضيه

وبعدين يصارحني لو هو الغلطان

مثل ماقالت اختي دلع

الرجال مايجوون الا بالسياسه

وبالكلام الحلو

يرضخون لأوامرك والله

الله يهدي نفوسكم ويسخر لك زوجك يارب

[عاشقة طيور الجنه]

وربي كلامك اثلج صدري

الله لايحرمني منكم ولا من دعواتكم

الحمدلله ابشركم الامور صارت تمام ورجعنا حبايب

[demoshka]

الحمدلله انكن رجعتو سمنة على عسل

[عاشقة طيور الجنه]

وربي افتخر اني بمنتدى حوامل

كل وحده قلبها على الثانيه

يالبى قلوبكم والله

زادني شرف باخوتكم