حاليا في عملية طفل انابيب طلو على موضوعي انا محتاجه دعمكم ودعائكم

[-جوري-]

السلام عليكم ورحمه الله وبركاته
شخباركم بنات
الحمد لله على سلامتك يالغلا
كلام البنات صحيح ميه بالميه لازم ترتاحين بعد الترجيع ان شاء الله
راحه تامه اول 3 ايام لانه كما قرات يتم فيها تعشيش الاجنه بجدار الرحم وبعدها سوي اللي تبين بس من دون اجهاد
والالم بعد عمليه السحب طبيعي واحيانا ينزل عليك دم بعد العمليه مش احمر لكن على بني وتحسي بثقل مو طبيعي عاااادي لا تخافي
ياللا نحتسب الاجر لله تعالى

[يارحيم]

كيفكم يا بنات ان شاء الله بخير؟؟ انا الحمدلله على كل حال الالم مستمر واخذ مسكن كل اربع ساعات.. بس سؤالي هل الالم يكون اول يوم بس ولا يستمر ؟؟ واذا استمر كم يوم يقعد؟؟

بكرا بيكلموني يعلموني اخبار البويضات والتلقيح مب جايني نوم الليله!! وبحددون لي عملية الترجيع ان شاء الله.. الحين عملية الترجيع فيها الم زي السحب؟؟

[-جوري-]

المشاركة الأصلية كتبت بواسطة يارحيم

كيفكم يا بنات ان شاء الله بخير؟؟ انا الحمدلله على كل حال الالم مستمر واخذ مسكن كل اربع ساعات.. بس سؤالي هل الالم يكون اول يوم بس ولا يستمر ؟؟ واذا استمر كم يوم يقعد؟؟
الالم بيخف ان شاء الله خلال يومين
ليش الدكتور مااعطاك تحاميل شرجيه لهذي الالام ولا تحاميل بروجستون اتوقع اسمها لتهيئه الرحم لاستقبال الاجنه

بكرا بيكلموني يعلموني اخبار البويضات والتلقيح مب جايني نوم الليله!! وبحددون لي عملية الترجيع ان شاء الله.. الحين عملية الترجيع فيها الم زي السحب؟؟

ان شاء الله تتلقح اكبرعدد ممكن من البويضات لانه كلما زادت عدد الاجنه زادت نسبه النجاح
بالتوفيق اختي

[أم عائشة]

الله يتمللج على خير حبيبتي
وذي الالم عادي بعد السحب
وبالنسبة للترجيع مافيه الم نفس الفحص النسائي اهم شي خلج ريلاكس وماتشدين ودايما قولي هالدعاء
اللهم اني استودعتك بويضاتي يامن لاتضيع لديه الودائع

[يارحيم]

المشاركة الأصلية كتبت بواسطة -جوري-

ان شاء الله تتلقح اكبرعدد ممكن من البويضات لانه كلما زادت عدد الاجنه زادت نسبه النجاح
بالتوفيق اختي

يوه يومين يعني لسا بكرا بتعب بعد :(

عندي تحاميل البروجسترون.. حسب تعاليم الطبيب بكرا ببدا فيها ثلاث مرات باليوم ان شاء الله ومعها مضاد حيوي وحبوب ثانيه ماعرف ايش هذا غير فيتامينات الحمل..مالنا شغله الا نبلع بهالحبوب الله يكتب فيها النفع..

[يارحيم]

المشاركة الأصلية كتبت بواسطة أم عائشة

الله يتمللج على خير حبيبتي
وذي الالم عادي بعد السحب
وبالنسبة للترجيع مافيه الم نفس الفحص النسائي اهم شي خلج ريلاكس وماتشدين ودايما قولي هالدعاء
اللهم اني استودعتك بويضاتي يامن لاتضيع لديه الودائع

مشكورة على الدعوة.. الحمدلله بديت بهالدعاء وبعد الترجيع بصير استودع الاجنه ربي كل يوم باذن الله..

زين طمنتيني ان الترجيع ما يعور لان السحب تعبني والله مرة..

[سموة الشوق]

الله يتمم لك ياااارب

أبدا الترجيع مافيه ألم ياالغالية

بس خليك مرتاحة

وبصراحه

خليك مرتاحه بالبيت بعد الترجيع ولاتعملين أي مجهود

وانتبهي طلوع الدرج ونزولها وكمان حمل الأشياء الثقيلة

انتبهي يالغلا

الله يتمم لك الحمل ياااارب وتبشرينا ياقلبي

[Amooo]

مرحبا خواااتي ,,
واخص بالترحيب اختي (يارحيم) الحمدلله على سلامتك يالغاليه
والله ييسر امووورك وان شاءالله يبلغونك بالاخبااار السعيده ولا تنسين تفرحيننا معك
والالم بسيط ان شاءالله وكم يووم ويعدي بس الراااحه مطلوووبة مطلووووبة اختي
اقل شيء الاسبوع الاول خليك منسدحة على طووول ,,,بتقولين ملل وضيقه وتعب
معليش تحملي واصبري والله يرزقك ان شاءالله

[يارحيم]

سموة الشوق واموو.. شكرا لردودكم.. انا اليوم الحمدلله احسن شوي وما صرت اخذ مسكنات وصرت اصلي عادي مو وانا جالسه..
بدديت اليوم التحاميل المهبليه الحمدلله سهله مرة كنت شايله همها.. ثلاث مرات باليوم مع حبوب ثانيه ومضاد حيوي.. الله يكتب النفع والاستجابه..

الترجيع بيكون الاربعا الجاي ان شاء الله.. بيرجعون لي اثنين.. الله يثبت لي حملي ويفرح قلبي وقلب كل محرومه.. كان نفسي مرة نجمد الباقي عشان لو قدر الله لو ما صار حمل ارجع احط بدل ما اعيد كل هالمشوار لكن تكلفه التجميد طلعت عاليه وزوجي قال ما يحتاج :( خايفه ما يصير حمل ويروح كل تعبي خساره.. امنيتي اجمد الباقي عشان ارتاح نفسيا انه لو ما صار حمل فيه فرصه ثانيه .. بس ان شاء الله خير ما باليد حيله..

مشكورين على المتابعه وان شاء الله برتاح بعد الترجيع.. مع انه امس كنت طول الوقت بالسرير بعد العمليه واليوم قلت برتاح بعد وحسيت اني طفشااااانه.. زوجي طول الوقت يدرس وانا مو متعوده على الفراغ.. بس كله في سبيل الاطفال يهون..

[يارحيم]

ياجماعة الخير انا سويت السحب امس وكنت اوكي.. اليوم صحيح ان الالم خف بس فجأة افرازات بنيه كثيرة.. هل هو بسبب العمليه ولا يمكن بسبب التحاميل؟؟ اللي عندها فكره تخبرني..