بعد ما بدا ولدي ياكل رجع رفض الاكل!! محتاااارة ساعدوني :(

[يارحيم]

بعد ما كمل ولدي ست شهور بديت احاول اوكله وبعد معاناة ومحاولات قدرت اخليه ياكل.. بالبداية رفض الخضار وحاولت لين يأست بعدين جبتله سريلاك الرز والحمدلله تقبله غلي طول و صرت اخلط الخضار والفواكه مع السريلاك وصار ياكلها وبالتدريج خففت السريلاك لين صار ياكلها لحالها.. صرت احط له اشكال واغلبها تقبلها.. صحيح مرات يكون مزاجي وما يرضى ياكل بس عادي ما اضغط عليه واخليه براحته يعني ايام ياكل وايام لا..

عمره حاليا سبع شهور وعشر ايام تقريبا..كنت الصباح اعطيه موز مهروس او تفاح وبرتقال وبالعصر خضار مهروسة مع شوي ملح وبالليل سريلاك مع زبادي.. استمر على هالنظام اسبوع يمكن وبعدين فجأة صار يرفض كل الاكل!! ما يرضى ياكل يجنني يسكر فمه تماما ويبكي!! قلت يمكن مل وصرت انوع وبديت ادخل الخبز والجبن والرز كتغيير ومافيه فايده ياكل ملعقه وحده بالغصب وبعدها يسكر فمه تماما!! حتى السريلاك بالزبادي ماعاد بغاه صار يرضى ياكل سريلاك لحاله بسسس..

قلت يمكن يوم او يومين ويرجع ياكل ولا فيه امل.. سويت له دجاج بالثوم والملح والبهارات وطحنته مع رز قلت يمكن يحب طعمه ولا يرضى يدخلها بفمه!! مر يومين وثلاث واسبوع وهو على الحليب والسريلاك فقط!! جنني ورحت للدكتور ولا همه الموضوع يقول عادي حاولي لين يتقبل ووزن ولدك زين!! وزنه زين لان توه رافض الاكل اكيد بعد شهر لا شهرين بتتدهور صحته!!

رحت الصيدليه وجبت له بسكوت فارليز بالتمر وجبت سريلاك قمح بالفواكه قلت اذا ما يبي اكل البيت على الاقل ياكل هالاشياء ولا يعيش على حليب.. السريلاك ما رضى ياكله والبسكوت اكل منه شوي الحمدلله.. بس مو معقول طفل عمره سبع شهور ونص يعيش على حليب وشوي بسكوت طول اليوم ضيق حيلتي وضيق صدري ومادري وش اسوي فيه.. احد مر باللي مريت فيه؟ هل هو عادي انه يتقبل الاكل بعدين يرفضه فجأة؟ انتظر واخليه براحته ولا اضغط عليه؟؟

سويت كل اللي اقدر عليه اشتريت صحون ملونه وملاعق واشتريت له كرسي حلو واحطه عند التلفزيون واغني له وكل شي ومافيييه فاااايده يسكر فمه بقوووة ومايرضى يفتحه ساعدوني وطمنوني تكفون :(

[dr.loly]

اختي انصحك بعدم الضغط عليه ...
بل خليك معه اشوي اشوي حتي يتعود حطي ببالك كل ماتضغطين ايزيد عناد
وماعليه الفوائد اللازمه ياخدها من الحليب الان لا تخافي عليه...
بس طبعا لازم يتعود ع الاكل ومعدته تتعود علي هضم شئ غير الحليب..
وخليك بشوي مره فواكه مره خضروات مهروسه بنوع وبشوي كالقرع مثلا والجزر
ووسوي له رز مهروس مثلآ واخلطيه مع حليبه لو مارضي ياكله بالملعقة عادي حطيه له بالرضاعه تبع السيريلاك اللي فتحتها اكبر او انتي قصيها بالمقص ... وهذي من احدي الحيل لجعل الطفل يتعود ع طعام

ودي لكي

[اميرة الحنان]

حبيبتي و الله ماعندي خبرة بس حبيت أقلك حاولي تنوعي بالأكل و باشويش حتى يتعود

[دافئة المشاعر]

مع الايام يتعود لاتخافين مع كلام ام فراس

[دلـــوعــه عـــــبوديـ]

يمكن يسنن ياختي ومو مشتهي الاكل اصبري عليه وحاولي تنوعين له رز مع خضار شوربات مثل شوربه كوكير مرا مفيده عصير موز مع حليب

[يارحيم]

ما يسنن شكل ولدي بيتأخر بالتسنين زي ابوه ما سنن الا على عمر سنة..

عموما الحين هو ياكل بسكوت الفارليز واحيانا يتقبل مهروس الفواكه يعني الاشياء الحالية لكن اي شي عير كذا رافض وسريلاك الفواكه رافصه بجيب له شي ثاني واشوف.. خايفه احاول مرة ثانية بالخضار والرز ويرجع يرفض الاكل كله مرة ثانيه.. مدري استنا قد ايش قبل لا ارجع احاول؟

[دلـــوعــه عـــــبوديـ]

لاتقطعين الاكل عليه كل يوم اعطيه لو بكميه قليله اذا سويتي له خضار لاتحطين كل انواع الخضار ماينفع مرا حطي رز مع بطاطس مرا رز وكوسه وفيه رضعات خاصه للاكل تصير من فوق فيها ملعقه
السريلاك هو الي فاد مع توامي كنت اعطيهم وجبه مرا القمح ومرا قمح والعسل
صدقيني ترا كل الاطفال كذا انا تعبت معاهم الين مابدو يتقبلون

[مررووشش]

السلام علييككمم و الله يعينكككك اختيي انا واجهت نفس المشكلة مع ابني لكن مع شوية مساعدة تمشي الامور بعدين بيتحسن اكله لكن ممكن تعالجين مشكلة الانتقائية و العناد في الاكل عند االاطفال انشالله بالمعلومات اللي مكتوبة هني حل مشكلة الإنتقائية في الطعام | Picky Eaters Arabia